أنقذني من الجنون الجزء الثاني

من تأليف Sanae el idrissi
2018

محتوى القصة

رواية أنقذني من الجنون

دور راسو لقا فاطمة كتشوف فيه وضحك. ....وهو مستغرب ضحكتها ولات تجيه من عجائب الدنيا السبع....حتى بانت ليه من وراها....بصدمة وعينيه فعينيها نطق...بنتي...جيتي...شافت فيه ببرود ومشات جلسات.....فاطمة ضحكات باش تلطف الجو وقالت...هاهي بنتك جات ا محمد اوا فرح...حدر راسو مردش عليها.. هي عارفا لكاين تنهدات دخلات لكوزينة توجد لبنتها شي حاجة.....طلعات فدروج حيث لكوزينة كانت فالطابق للفوق....الطابق لتحتاني كان فيه غير الصالات.....زوج صالات مسدودين.....ووحدة جات على المراح......هي فين جالسين...كاين مزال حمام وبيت مريم وخوها صافي.......مشات لثلاجة كتهز لخضرة واللحم تبدا تطيب كانت لكوزينة كبيرة شوي.....مأثثة ومتولة......لبلاكارات دلبوطاجي ولمسطرا فنفس اللون والديكور....الدار مفرشة بفراش بلدي مغربي ......سمعات صونيت وطلات من السرجم دلكوزينة.....كان اسر....نزلات كتجري تحل عليه بابتسامة هو براسو سنين مشافهاش هكا ناشطة......بادلها هو الثاني الابتسامة وباس على راسها......اشار ليها بعينو فين هي نعتات ليه لصالة وطلعات تكمل شغلهااا......مشا فاتجاه الصااالة......كيرااااقبها وداير بالو معها هدشي بلما تشوفو..... اصلا عقلها مكانش تماك باش تسمع صونيت دلباب ولا تطل شكون......باها كيشوف فيها بحسرة وندم.....سنين وهو مشتاق يشوف هد الوجه ...هاهي قدامو كيسقي عينيه بشوفتها وليني مكلفاتش راسها تهز عينيها فيه....مهزاتهم الا على صوتو كيبكي.....دمعاتو يمكن اثرو فيها كثر من دمعات مها امكن حيث طريح لفراش مريض ومهلوك.......تنهدات مطولة وقالت:علاش كتبكي؟؟...محمد:هئ هئ توحشتك توحشتك ابنتي كثر من روحي....سنين وانا نتعدب على فراقك نتي وخوك سنين مشفت راحة ولا نعست فحال الناس....مريم: حتى لدبا...امم؟؟ فاش كنت حداكم علاش متحنوش فيا علاش ملقيتش هد الاب لقيت هير الزيار الضرب والحكام....كان عزيز عليك ولدك كنتي كدير التمييز. ..من ديما عندك الولد أهم من البنت.....ربيتي ولدك على هد الاساس....كبرتيه كيحتاقر البنات هو ديما حسن منهم....بلاصتي فالكوزينة....كنت صغيرة وحرمتوني من كلشي حتى من اللعب حرمتوني منو فسن صغير...عمري حسيت بالفرحة الا مع ماما....وفالاخير حتى هي تخلات عليا كلكم كلكم كيهمكم راسكم....كون قلبتو عليا كيف كتقولو كنتو تلقاوني

كون قلبتو عليا كيف كتقولو كنتو تلقاوني...ولكن لا نتوما براكة عليكم ولدكم....اجي فينهو هد صعصع عيط ليه قوليه هاني جيت جفاف فاش يمسح رجليه رجع فينو....محمد:هئ هئ بنتي خوك فلحبس....بضحكة مستفزة مخبية وراها صدمة....اش دار يكما تعدا على شي بنت عوايدو....محمد:ضرب كمال ضرب شمكار لخرج عليك وخرج علينا...اختفات ابتسامتها وتلاشات كتفرك يديها بتوتر وشافت فيه... يكما قتلو....محمد:خاايفة عليه؟؟....مريم:خايفة على ولدك.....اما هداك شمكار حيدتو من بالي زماااان.....محمد:مريامتي مازيديش على مابيا...انا راه كنبقا بااك نضربك منخلي ليضربك...تيقيني لوكان بيدي نرجع زمان لور عمري نفكر نقيسك...كنت نحميك. ...ندافع عليك بسناني وحتى ولد لمرا ميقيصك...وليني معنديش كندير حني فيا ابنتي وسامحيني... (فتح ليها يديه) بابتسامة باهتة كلها ترجي.....عفاك متحرمينيش من حضنك عفا ابنتي.... شكون عرف واش مزال غنقدر نعنقك...مبقا قد ما فات وانا كبرت ومرضت ومضامنش حياتي واش نصبح ولا منصبح...بغيت نموت مرتاح....على الكلمة لخرا تلاحت فحضنو مكمشة وكتبكي....يوقع لبيوقع...حنا انسان... كنحسو...كنعطفو....كنبيغيو....كنتيقو....وكنسامحو....خصوصا الى الامر كيتعلق بعائلتنا كنزمطو على قلبنا كرامتنا....وحتى كبريائنا....العائلة نعمة. .وحنان الاب نعمة كبيرة مغايحس بيها غير لمفتقد هد الحضن...غير لكان عندو هاد الحضن وتخطف من بين يديه...الاب هو السند فالحياة هو نعمة كبيرة بلا بيه حنا والو..هو الصديق هو الرفيق فحافظو عليه...وكونو دائما طالبين راغبين لرضاتو وحنانو... هدي نصيحة من وحدة لكان حتى هي عندها داك الخضن الدافئ والسند ومبقاش..فاستغلو فرصتكم قبل الندم....بالرحمة لامواتنا المسلمين. ...هدشي كلو داز على مسامع اسر....لمن هول الصدمة دخل عليهم...هو كان عارف بلي كتلعب شي لعبة وليني ماشي لهد الدرجة...فبالو غتكون حالتها مأزمة فقط...وليني لشافو ولسمعو كيبين ليه بلي هدي. ..ماشي غير بعقلها. ...هدي راه بعقول هماا...بقات فحضن باها محاساش بيه واش كاين ولا لا. ...بل متسوقاتش ليه...خاشية راسها فعنقو. وكتشم ريحتو لمشتاقاها من سنين كتسمع سميتها كيف خارجة من فمو....كتستمتع بقبلاتو الحارة على خدودها هدي نعمة كبيرة. ...ومستعداش تبعد عليها مهما كان السبب. ...مشا عندها معصب

مشا عندها وهو معصب....نوضها وشادها من يديها....مجات فين تحاول تنطر منو....سكتها بعينيه...فحال كيقول ليها سكتي ولا نفركع هد الرمانة ونتهنى....شاف فيه محمد مطول حيث شاد لبها يديها....اسر فهم راسو وطلقها... ضحك ليه وباس على راسو....لانو كيعرفو...هو لمكلف بيهم هو وباه وشحال من مرة جا زارو....اسر:سمح لي اعمي....غير بغيت مريم ضروري....محمد:(بتعجب) علاه نتا كتعرف بنتي....كفاش مفهمتش....مريم فاش كانت مكنتيش نتا فالمغرب. ...او لا؟....اسر:اه وليني كنعرفها...مهم اعمي انا ومريم غنخرجو شوي....مريم:لا عيانة وما فيا ليخرج.....اسر:زيدي خرجي وعترتاااحي نيت...دفعها قدامو وهو ميتسم لمحمد لخلا وراه غير معجب ما بيديه حيلة فالنالي ابتسم....وأخيرا غيحط راسو على لخدية وهو مرتاح لبال....خرجو من صالة وهو جارها...توصلو لعتبة دلباب..نطرات يديها منو.. ...كتشوف فيه بغضب وتحدي....وهزات راسها عينيها فعينيه.. ..مريم؛ حدي يحساب ليك داك زابور لقريتي عليهن طبقو عليا انا ولا .....عنداك يحساب ليك انا باقا تحت الامرة ديالك.... جمع راسك ولباب...اسر:بضحكة استهزاء.... .قويسحة مع راساتك ها.....لا كوليني نتي حسن. ..مريم:دبا غتخرج من دارنا......ولا غندير صبعي فودني ونجمع عليك امة لأ اله الا الله وفكها يامن وحلتيهااا.......اسر:غوتي يله غوتي....باش نفضحك ونقول لهم ست سنين ونتي تبوهلي على عباد الله. .....غوتي نشوف......مريم:دبا واش غتخرج اه لا......اسر:توتوو.. عيب فحقك......هدا هو الاستقبال لتستقبلي فيه خطيبك.....الهبيلة (وورك عليها) زعما بغيت نحن فيك ونعطيك لمصاصة لمصدعا دنيا بيها هذا هو خيري......مريم كتشوف فيه بلا مدير شي ردة فعل......مخايفاش اصلا منو....مدام خرجها من المصحة... ..وتعامل معها مزيان ولاصق هد اللصقة الا وشي حاجة كضور فبالو عيات وملات من اللعب اللهم تحط النقط على الحروف ومن لخر تعرف اش باغي منها.....مريم؛ دبا جيني نيشان وبلا هد المسرحية دزواج كاااملها صارحني وقول شنو هدفك من هدشي. .....وعنداك تقولي هدشي على قبل ماما..... مغنايقكش...عائلة الادريسي عمرهم مدارو شي حاجة لله في سبيل الله. ...اسر:بغيت غير نعرف هد الطبيب لسنا على وراقك بلي نتي هبيلة نشدو نغززو بسناني... ..مريم:ساليتي؟؟ وبدا فالمعقول... شنو باغي مني؟؟؟

شنو مرادك من هدشي...اش غاستافد....اسر:لهضرة ماشي هنا يله نخرجو ونهضرو....مريم:(شافت فحالتها) متوقع نخرج بكسوا هكا دايرا ومن لفوق ببانطوفا لا وبلبيض....اسر:(بقلة حيلة) سيري بدلي...مريم:امكن والى عاقل...ست سنين مدخلت لهد دار ادن الا لقيت حوايجي فعنلقاهم صغار عليا.....اسر:وانا مااالي...ياك بحرا كنتي لابساهم....معندك مشكل.....دبا عاد بانو ليك....مريم:دك ساعة هبيلة فنظرك....ميمكنش نقولك محملتهمش....اسر:على اساس انا محافظش تنوعيرك....زيدي نكملو هضرتنا وندوزو نشري ليك حوايج..... (بامر) نسبقو موضوعنا هو لول قبل منو ما على بالي بحتى حاجة ديريها فبالك.....مريم:وخا....اسر:اك...اللوطو برا....سبقيني....خرجات مريم معاجبها حال...ركبات وردخات لباب ديال اللوطو حتى خرج راسو من باب دار .....اسر:طيريه نتي حسن....رمقاتو بنظرة قبيحة كون كانت قرطاس تقتلو...وقلبات وجهها....هو طلع كيجري فدروج يفوت درجة ويزيد الثانية....توصل للكوزينة....بابتسامة....خالتي فاطمة....انا هنخرج مع مريم واحد الشوي الى معندك مشكل....فاطمة:اه وليني اولدي باقي ما شبعت منها....خليها شوي.....اسر:اخالتي راه غنرجعها....غير نهضرو شوي ونشريو شي حوايج صافي....فاطمة:وخا اولدي اش عند الميت ميقول قدام الغسالة....باس ليها اسر راسها...ونزل كيجري حتى وصل لباب عاد رجع للصالة فين كاين محمد.....طل عليه بابتسامة. ...بشفة اعمي...بادلو محمد الابتسامة...وزاد فحالاتو سد لباب وراه. ..وطلع للوطو. ..شاف فيها شوفة دلقتيلة من فعاايلها....وزاد بلوطو....اسر:اوا ادبا الالهم مريم. ..عاودي اشنو كاين....شنو لخلاك ديري راسك هبيلة كنسمعك....

مريم:القصة طويلة....اسر:عندي لوقت لكافي لنسمعك...مريم:ممكن تيقني وممكن نو مي مكيهمنيش. ..نتا حر لي عليا غنديرو وكل واحد فينا عارف اللي ليه واللي عليه....اسر:طلقينا مالكي كتهضري بالالغاز....مريم:ونهضرو فلوطو؟؟ عادي!!....اسر:بلاصا لوطو جنب لبحر ديجا كانو وصلو...نزل قبلها وعطاها بظهرو...خاشي يديه وسط جيابو وواقف بكامل وسامتو....كان كيبان انيق وحتى من اللور بنبتو كتلفت الانتباه....بقات شحال عاد نزلات تبعاتو....ووقفات وراه....ابتسمت ابتسامة باهتة كتشوف فلبحر وعنقات يديها وشعرها كيديه الريح ويجيبو....وشافت فيه. ..مريم:توحشت هد الجو. ...اسر:مغاديش تعاودي لي امريم؟؟....مريم:شافت فيه وتنهدات مطول وجات قدامو عينيها على البحر....قبل ست سنين....كنت وحدة طايشة بزااف لا واكثر من لقياس....تصاحبت مع ختك ياسمين. ...عرفاتني على الكليكة ديالها كانو تقريبا قدي وكان لكبر مني....بكثرة الاحتكاك معهم....وليت كنعشق نمط حياتهم وعيشتهم....(شافت فيه بنظرة حزينة)....لدرجة مبقيتش كنرضى ببابا وماما....كنقول علاش ياسمين عايشا بخير علاش بابا أنا سيكريتي وعلاش ماما خدامة....(بضحكة باهتة) كنت كنطمح لحوايح صعاب احلام مستحيلة. ...بالنسبة لي كان شرف هو داك الحاجز بيني وبين طموحاتي....لدرجة هملت قرايتي وليت نغيب مبقيت نحتارم حد....ومبقيت عزيزة على حد.....خويا كان صعيب معيا بزاف....كان عندي صديق وااحد خويا ديما كيفهم علاقتنا غلط....وديما ضاربني ومانعني نخرج....اسر:هدشي شنو علاقتو بلعبتك لبايخة....مريم:(بغضب) عمري لعبت على شيحد كتفهم انااا هي لمعوب بيها انااااا....انا هي الضحية ف هدشي كااااااامل....وكلللشي بسبب عاااائلتك المحترمة.....اسر:شنو علاقت عائلتي....مريم:فديك الليلة المشؤومة....ختك عرضاتني لحفلة عيد ميلادها.......كنت فرحانة بزاااف.....واخيرا غنخرج من قفص الحومة وسجن خوياااا فرحت حيث ماما مغتكونش فلفيلا دك الليلة وودك ساعة يمكن لي ندير لبغيت.....وحتى من خويا مكانش فدار (سكتات مدة وتنهدات)......اسر:ش شنو وقع كملي......مريم:جيت للحفلة.....بقيت معهم فالجردة......بقينا مدة وحنا كنضحكو واحتافلنا.....وياسمين قطعات لكاطو....وعطاوها الهدايا. ...ولكن الكادو ديالي خليتو فساااكي فبيت ياسمين..... (نزلات دمعة من عينيها ومسحاتها)...

بالفعل. ....مشيت نجيبها... كانت الفيلا خااااوبااا....كلشي فااجردة...كنت طالعة مع الدروج....محسيتش بشنو وقع ولا حتى كفاااش....لقيت يد محطوطة على فمي....ومزيراني من كرشي....بقيت نفركل نحاول نهرب بلا نتيجة......من يدو وقبضتو عرفتو راجل وصحيح صحتو اضعاااف اضعااف صحتي مقديتش نتفك منو بالمرة....بقا جارني حتى دخلني للبيت هئ هئ......يله دخلني وقبل منضور ضرب لي راسي مع الحيط.....مرة وزوج وثلاثة حتى غيبت....فقت ولبني كنت شبه مغيبة كنحس بلي واااقع ومعنديس لقدرة نهز يدي ولا حتى نقااوم....راسي كيضرني....ووحش كيغتصبني بلا شفقة.....مراعاش لسني الصغير ولا حتى لدموعي....مبقيتش عقلت على راسي....وحتى وجهو مشفتوش....حدي شفت ظهرو ...فاش كان خارج....دكشي عمرو يتنسا لي.... فقت لقيت راسي فالحومة ديالنا.....ومعقمة لي الجرحة......تخلعت تدمرت من الالم النفسي الجسدي. وعااد رجعت اهضرة خويا وتمنيت لو كان سمعت لبه من قبل.....فليلة وحدة..شفت الاغتصاب....شفت الحرمان....شفت الاستغلال. ...وتلقيت اكبر خيانة..... (بضحكة حزينة) توقعت نجي لدار نلقا عائلتي تساندني وتجيب لي حقي. ....لكن لااا.....تلقيت اكبر صدمة....ماما جرات عليا وبلما تسمعني وتعطيني فرصة نشرح ليها....تبرات مني....سدات لباب فوجهي ومشااات مفكراتش فيا وفحااالتي وفين نمشي....اسر:(بحزن) وشنو وقع من بعد؟؟.....مريم:بقيت فالشارع.....حسيت براسي هبيلة فدك لوقيتا كنضحك ونبكي راسي هه....ملقيت فين نمشي مبان لي غير جامع دلحوما.....مشيت ووقع اخر حاجة ممكن تصورها.....اسر:شنو وققققع.....مريم:صاحبك الدكتور المحترم فهد.....جا عندي.....وداني معاااه فلوطو....كنت شبه ميتة ديك الساعة مشيت معاااه بلا هوااايا...بعد مدة وقفنا فالمصحة..... (شافت فيه بحقد) وديك الساعة بدات معااانااتتي....صاحبك حطني فاالجحيم.....هدفهم نولي هبيييلة.....بغااو يردو مني روبو كتصرف على هوااااهم.....بباك هو لكلف جيداء بيا.....وفهد كااان هدفو يدمرني.... وجيداء كااانت كتحقق ليه أهدافو....استغل حبها لييه.....وكيحرضها... كانت كتعطيني مهدئات بضوبل بطريقة غير منتظمة هدشي زيادة على اني مهبيلاش.....وعاد الصعقات الكهربائية......لمدة ست سنين.....ست سنين وانا كنعاني (ورات ليه بديها) شفتي هدشي. ....هدو اثار البرااواات....

انا عمري تفليت ولا دعيت الجنون....انا راه بكثرة الدوااايااات وتعديبهم وليت مريضة.....ممكن متيقنيش....حيث معنديش اثبات ...ولكن صدقني مكدبت فحتى حاجة......كلشي منو.....وحتى باك كيعاونو ...وجيدااء وختك.....كلهم عارررفييين.....عارفين شكون لتعدا عليا....وكيحميوه.....ضحاو ببنت 16لعام على قبل وحش مفقلبوش الرحمة....اسر:الى هدشي بصح....علاش ليوم كنتي طبيعة مفروض .....مفروض دوااياات يعطيو نتيجة.....مريم:حيث ليوم جيداء مكنتش مساليا لي.....وامكن حتى نتا عارف شكانت كدير. ....اسر:(بصدمة) فهههمت دبا نتي....قاصدة نمشي انا للمكتب ونشوفها هي وفهد؟ ؟.... مريم:باش تعرف وتشهد على حقارة صاااحبك....انا كنت متأكدة بلي كشفتيني واكيد غتبحث دكشي باش كان ضروري.....تشوفهم....باش تعرف حقيقتهم....اسر:نتي باش عرفتي بلي انا غنشرف على علاجك.... مريم:مكنتش عارفا حتى جابوني لمكتبو.....اسر:(بقلة حيلة) حتى بابا هدفو تبقاي بلا عقل؟؟....مريم: مكنضنش....كون هكك مكانش يعطيك ملفي باش تعالجني... كنظن فهد كيعلب عليه. ....اسر: وشنو هدفو من هدشي. ..شنو درتي ليه.... (شافت فيه مطولة) نظراتها كبختارقوه فنهار واحد ولا كيفهمها اش كتقول وشنو بغات توصل.....اسر:لا ميمكنش مستحيل يكون فهد مولاها.....مريم:مكين حتى تفسير............فبلاصة بعيدة على هد الاجواء وبالضبط تكساس.....فحانة كبيرة.....شبه شعبية....جات فحي شعبي بزااف لكن حي خطير... القوي فيه كياكل الضعيف. ....حي عامر بتجار المخدرات....وبالقتلة المأجورين....كان جالس فالطبلة...وهاز كاس دلفوطكا....وكييشرب بلمهل....عينيه على الراقصة لفوق الخشبة. .. كتستعرض بحركااتها الاغرائية....وبنظراااتها الشهوااانية....كيشرب ويضحك فوجهها.....شخص تقاسيم وجهو غامضة بل ممحية....شعرو كحل سوادو اسود من سواد الليل.....عينيه حرشاااااات وكحلاااات.....شفارو قلال ومشتتين....وفمو صغير وحمر لكثرة معاض على شفايفو وكيشوف فالرقاصة.. ..ناض بكامل رجولتو.....ريحة السيكار الغالي فايحة منو وشراب غالي هدشي غير لبسو....ماشي لبعض.....كلشي مستغرب اش كيدير هد الكائن الغريب وسط حانة مسخة....دلقتالة.......من لباسو باين من طبقة بورجوازية......داز من حداها واشار لها بيدو بمعنى باقي لقاء مع غمزة.....ركب فسيارتو من نوع هامر.....وكسيرا

بلاصا اللوطو.....قدام بناية كببرة فحي راااقي بعيد كل البعد على الحي لكاااان فيه....دخل بتتاقل وهو سكرااان للبناية ركب فسانسور ونزل فطبقة الرابعة.....فاتجاه شقتو....حلها كانت بنت ضغيرة....فالصالون كتفرج....الصالون عبارة على فوطويات بالجلد من جنابهم دهب وطبلة نفس الشيء...بلازما كبيرة ولبنت قدامها.....دخل عندها....غير شافتو جرات عندو تعلقااات فيه بابتسااامة.....خااااالو ارمان جيتي.....ارمان:(معنقها) امممم على ريحة حبببة خالو... .. شحال توحشتها..اثار الكبيدة ديال خالو تعشات؟؟؟،.....اثار:تو تو كنت نتسناااك.....ارمان:اوك بب انا نطيب لسنفورتي.....مشاو فاتجاه الكوزينة وهو معنقها وكيضحكو....ارمان المالكي فعمرو 29 سنة.....رجل اعمال كبير وعضو فمافيا المخدرات وتجارة الاعضاء....شخص متكبر غامض ومغرور....زير نساء كبير.... هو حلم اي فتاة وتحدي رجال الاعمال.....مشوارو فادارة الأعمال لا يتعدى 4سنين...... مع دلك دار مكانتو فهد العالم وبرز سميتو.....وخلا اسمو محفور سواء فحرب رجال الأعمال ولا حتى حرب العصابات........ علاقتو بالجنس الاخر كتقتصر فليلة وحدة.....الحب كلمة بايخة لا اساس لها من صحة.... بالنسبة ليه الحب.... .شعور فقط للجبناء.....الحب كبخليك تبكي....تتنازل .....تضحي.....تكدب......تتخلى.....تعطي.....هو من نوع لياخد واكيد ميعطيش..... كيبكي رجالا وناس مهمين مستحيل ولو بالتفكير يخلي بنت تبكيه ولا تخليه يتنازل او يكدب.... ملقاش الحب فالمقابل مكيعطيهش لاي كااان....اثار بنت ختو الوحيدة....فعمرها ست سنين ....ولداتها مها.... وماتت بسنة فظروف غاااامضة.....اثار عائلتو الوحيدة هي نقطة ضعفو وقوتو......خرجو من لكوزينة. ...هاز بلاطو وهي وراااه .....حطهم فوق طبلة وحطها فوق حجرو كيوكلها....كان مطيب لها سباكيتي بالكفتة...وحاط لها عصير دليمون....قااطعو تيلفون وجاوب بضحكة مستفزة....ارمان:ياك قلت لك متعيطش الى ملقيتيهش.....الشخص:اه اسيدي عرفت ....لقينااه....راه فالمغرب. ....فالرباط....وعنوانو صيفطتو لك فليميل ديالك. ....ارمان:اوك فلوسك غدا تلاقهم فحسابك.... منين نحتاجك غنعيط لك......قطع تيلفون ورجع كيوكل اثار والابتسامة على وجهو ممفارقاهش....ارمان:وفين حدك تهرب اسي اسر....نبقاو نلعبو من كاليفورنيا لتكساس لرباط. ...

نبقاو نلعبو من كاليفورنيا لتكساس لرباط....امم عجباتني لعبة لفار ولقط....يا بيا يا بيك اسي اسر....بضحكة انتصار.....قرييب نتلقاااو....عند اسر... بقااو مدة فجو مكهرب كل وتفكيرو كل وفاش كيخمم....اسر قرا الصدق فكلامها.....وليني فكرة انو فهد يكون بهد الحقارة متقبلهاش ومبغاش يتيقها.....ومريم اللي كتفكر فحيااتها وفطرقانها المسدودة....خوها فلحبس....باها مرييض....مها خدااما فديور....هي لضاعت سنين من عمرها هكك ضاع مستقبلها وقرااايتها.....معندها باش تفيدهم.....معندها باش تعاونهم. ....تنهدات مطولة. ...حط اسر يدو فوق كتفها ودورها عندو....استغربت من هد الحركة وهزات عينيها فعينو....كانت اول مرة. ...تتلاقا الاعين ف خطرة....أول مرة تلاحظ لون عينبه الاخااد....قربو لها ولد احاسيس متناقضة.....ريحتو الرجولية.... وجهو المنور.....وحتى شهامتو....ووقفتو معها فظروف خايبة..... خلاوها تنجاذب ليه بلما تحس.....كان كيهضر وهي ولا على بالها.....عينيها غير على منظر شفايفو وهما كيتحركو....كتشوف ليه فشفارو كفاش قويين وكثااف...كانت حاضرة غايبة......عقلها ممعاهاش..... وقلبها طاير مرفرف فسما كتبتسم......فطن بيها اسر بدا يحركها عاد فاقت من سهوتها....اسر:مريم نتي بخير.....مريم:وي بخير....اسر:مريم خاصنا نعرفو شكون مول لفعلة.....مريم:فاش غينفع....هدشي مغيرجعش لي طفولتي وحياتي لتسرقات نسااا كيف نسيت.....اسر:نتي عمرك نسيتي وعينك فاضحينك نتي تناسيتي. ....مريم:انا منأكدة بلي فهد. ....اسر:خاصك اثبات على هدشي. ....الى تعاونا غنعرفو الحقيقة....وياك قلتي ياسمين عااارفااااا.....مريم:اه سمعت بباك كيقولها لفهد....هدشي منينتا.... اسر:ادن القضية ساااهلة....ختي غتعااونااااا......احم بغيت نقول لك واحد الحاجة. ....موضوع الزواج مغيتغير فيه واالو... .انا باقي على قراري.....مريم:دبا مكينش شي حد تكدب عليه.... نهي دك المسرحية اصلا لا انا لا نتا لا عائلتك موافقين ادن لاش هد المهزلة.....اسر:لعندي قلتو.....غنتكملو فهدشي تالخر....هدشي باش نعاونك....والى موافقتيش فانا مضطر نردك للمصحة حيث مستجبتيش للعلاج.....مريم:اشنو دبا نفهم بلي كتهددني....اسر:صفقة هدي صففففقة..........كانت جالسا فالصالون حدا محمد.....حاطا صينية داتاي وحلويات وكتفرج...

الابتسامة ممفارقاش وجهها ....محيدش عينيه علييها.....كان كيشوف فابتسامة مفقودة اول مرة طل على دارو من سنين.....سمعات صونيت دلباب.....فاطمة:غتكون غير مريم هدي.......ابتسم لها محمد......وناضت تحل لباب... ..حلاتو وبقات مصدومة وجامدة بلا حركة.....حتى عنقها بجهد ودخلها فضلوعو......وهي بقا مبلوكيا وعينيها مكيرمشوش....باس راسها وقال:توحشتك امي توحشتك. ....وعاود خشا راسو فعنقها......عقلها فحال يله استجب للصدمة.....عاد عنقااتو وكتبكي وهو كييبوس يديها ورااسها.......دخلاتو فحضنها وجراتو سدات لباب غاديين معااانقين....حتى وصل لعند بااه....تحنا لبديه باسها ورااسو وكتفو عااد عنقو وكيبكي... محمد:الله على ريحة وشحال توحشتها.... فاطمة:هئ هئ انا ليوم فرحااانة وليداتي وعااائلتي واخيرا تجمعات رجعاات عنقاتو وكتبكي. ....شدات وجهو بين يديها. ...فاطمة:ياك مزال باقي لك شهرين.....شرف:معرفتش حتى انا معرفتش. ....جابو ليا وراق لخروج سنيتهم وخروجوني على مافهمت العفو الملكي. ....فاطمة:حمد لله الحمد لله ورجعات عنقاتو وجلسو... شرف مبينو وبين مريم حتى علاقة بالنسبة لشبه.....هو مكيشبه حد فالعائلة....ملامحو غربية بعض الشيئ....عينيه كبار زورق لونهم لون سما مفتوح....بشرتو بيضا وجدابة .. .شفارو خفاف هما حجبانو....لحيتو كبيرة شوي......اما فورمتو فراه ثور محطوط فالحبس.....مكين غبر كول ونعس وتريض.....فعمرو 29سنة.....هو قاصح شوي مع ناس حنين مع والديه....انطوائي بزااف لا مع رجال لا مع نسا.....قنوع معندوش مخصوش.....فنفس الوقت مغرور بعض الشيئ.....هو ومريم كيف المش مع الفار....بالنسبة ليه هي ديك البنت الطايشة الانانية واللي غيكسرها هي وتصرفاتها.....وهو بالنسبة لها داك العائق قدام حريتها وأهدافها.....

#في_القصر....احمد كان جالس فلبيرو ديالو كيخمم....حاط راسو بين يديه....وبالو ممعاهش...للحظة ندم هو كاع لاش كلفو بحالتها.....دبا فتح على راسو بزاااف دالبيبان وفجميع الحالات هو لخااااسر.....تحل لباب بجهد وبلما يتخاد الاذن. ...هز راسو يشوف شكون هذا لتجرأ يديرها....فااالعائلة عندهم قوانين كلشي ملزوم بتطبيقها صغير كان ولا كبير....بعني ممنوع يكون فحال هد التصرف عندهم.....كان فهد دخل وجلس بنطرة وعاقد حواجبو وكينهج....غمزو احمد وحرك راسو مستني يعرف سبب هد الدخلة .....وسبب مجيتو عندهم....حط فهد راسو بين يديه....مدة عاد علا راسو وشاف فييه....فهد:اتريك فرحان بهدشي لوقع......احمد:متكملش عليا افهد.....اللي فيا كافي وموفي.....فهد:ياك نبهتك قلت لك الا اسر اسر ذكي ودغيا يلعبها علينا هانتا شوف فنهار خرجها من المصحة.... تكمل يومين شكون عرف يكشف كلشي ودك ساعة كلشي هيتفضح.....احمد:سكت خليني نفكر فشي حل.....فهد:حل واحد لكاين هو ضروري ترجع للمصحة بلخاطر ولا بزز....احمد:ميمكنش دبا منقدرش....فهد:كفاش متقدرش.....وخا سنيتي على وراق خروجها بامكانك ترجعها هي متشافاتش.....احمد:(هز راسو كيشوف فيه باسى اسر قرر يتزوجها).....فهد:امسوري مسمعتش مزيان.... .ونتا ناوي توافق؟؟ من نيتك ترضى لولدك وحدة حمقة؟؟.....احمد:دبا مكاين علاش تلعب ورايا فراسي كلشي فراسي بلي مريم مهبيلاش وفراسي شكون سبب فحالتها..... فهد:و ول ك ن....انا مقصدتش غير بغيت نعاون......احمد:هدشي باقي عقابو...... تصرفك طايش مناسيهش ديرها فبالك.....فهد:ودبا شنو؟؟؟ نبقاو مربعين يدينا هكا حتى تعاود ليه كلشي......احمد:متخافش من هدشي هي براسها معارفاش بزاااف..... معندها باش ضرنا.....لمخوفني اسر.....اسر مناويش على لخير. ...قرار زواجو بيها انا متاكد وراه شي حاجة. ..وكنتمنى ميكونش دكشي لفبالي.....فهد:المعنى؟؟....احمد:سمعني......فبلاصة خرا.......كانو جالسين فالجردة مجموعين.....حسناء كعادتها كتقرا اخر اخبار الموضة وكتفرج فليمارك الجداد......ومسرحا فوق الفوطوي......قدامها عصير دلخوخ كتشربو ... حداها كانت ياسمين. .....هازا كتاب ديال نيكولاي مكيافيلي.....كنقرا على كيفية اكتساب الثقة في النفس (بشاخ هد لعائلة شحال مملة)......مركزة معااااه و عينيها على ياسر كتشوف فيه

مركزة معااااه وعينيها على ياسر كتشوف فيه.....وتحرك راسها بلا حول....كان مسيكين فلبيسين حاط يديه على لحديدات....ومجمع مع واحد لخدامة... لابسا شويز كحلة حد لفخاد وعاصرة سدرها واقف قدامها وتزيد تخرجو...هي محلولة وهو كثر منها...قاليها مكتعرفي والو....هدي راه تقلب على كوية سانك سانك.....شاف احمد جاي جيهتهم مع فهد...وهو يتسيف عليها وهضر بجهد كيحاول يسمع باه وعينيه عليه.....شوفي نتي ها...سيري لخدمتك وبراكا من هد لفعايل مغتصوري مني واالو....بقات غير كتشوف مفاهماش مال هد بنادم فدقيقة تبدل مشات راجعة .....عاد شاااافت احمد ماجي وفهمات لبلان....دارت عندو صيفطات ليه غمرة وكملات طريقها.....دازت من حدا فهد.....هو ثاني بقا حاااال فمو فخير ربي......مشات وهو باقي تابعها بعينيه ياسر بعظمتو وحدر عينيه وهذا مطرطقهم فيها....احمد جلس حدا حسناء وكيتسنى سيد يفهم راسو ويجلس وهو ولا على بالو....حتى جرو من يديه.....جلسو....هدشي تحت انظارها....كتشوف فيه والغضب مااااالي عينيها....كفااااااش.....هي بهد الجمال وميعبرهاش.. علاش هدك وهي لا......هي حسن منها باشواط متعددة.....فوقها هي بنت الدار الكبيرة وهدك هير بابعة راسها برخيص والدليل تصرفاااتها.... شافت فيه شوفة نااااقصة.... شوفة كلها عتااااب....كتعاتبو بنظراتها.....علاش عمرو حس بيها وبحبها....علاش هو كيقول لها ختي وهي ابدا ممعتبراهش خوها.....حطات لكتاب فوق طتبلة وتنهدات....شافت حتى عيات وحدرات راسها واستأدنات منهم....وقفها فهد بصوتو الرجولي لكيدخل موسيقى لودانها متسلل انغام لقلبها... (بضحكة).... فين غادية البريهيشة......رجعااات شافت فيه......نظرة قاااسحة كلها غضب....ومشات بلا متجاوبو.....هو هكا موالف يضحك معها.....وليني كلماتو سم بالنسبة لها......كيشوفها برهوشة خت صاحبو ماشي فحال لبنات لموالف.... ويمكن كيعتبرها ختو....هي لا عمرها اعتبرتو خاها ولا فكرات فيه بدك طريقة.......... #فبلاصة خرا.......من بعد ما جلس مع عائلتو دوش وستراح.... تجمعو فصالون على الكوتي كيدردشو......ضحكاتهم مسموعة لفين وفين.......شاف فمو مطول اكيد حتى هو لاحظ هد التغيير المفاجئ....كانت تجي عندو لزيارة مهمومة ....شاردة وعيااانة..... دبا كيشوفها مبتسمة.....عجبو لحال وحمد الله فخاااطرو على هدشي.

فاطمة:ولدي ختك رجعات......كان هاز حلوى فيديه حطها....ووقف بلما يزيد كلمة معاها.....خرج من الصالون فاتجاه لباب حلو ويله هيخرج وقفاتو فاطمة بيديها......جلساتو فالدروج وحطات يديها على يديه.....كتلعب فيها شحال....عاد هضرات......فهد لوقت ختك محتاجة لينا اولدي. ...شاف فيها عاقد حجبانو مستني تفهمو. ....حكات ليه كلشي طبعا دكشي لكتعرف بلاما تزيد بلما تنقص......سكتات وكتشوف فيه على امل تلقا جواب منو يريحها وبهني بالها.....منطقش....ومقال والو بالو سارح بعيد.....ست سنين من عمرو ضاعت بالتسبة لبه شخص واحد سببو فهدشي .....مريم بنفسها.....مرمدات كرامتو.... ضيعااات حياتو..... مشا مستقبلو.....كيفكر وحاير كان بين نارين عقلو كيقولو تستاهل لوقع لها كل وفينا كيحصد لزرع.....وقلبو لكيقول هدك ختك من دمك ولحمك.....مهما يوقعو لمشاكل والخلافات كتبقا من دمك.....يكفي لعاشتو نسا وخليها تنسا وعوضو سنين لفراق......فاطمة ادرى بهد لوضع لهو فيه......حتى هي كانت هكا حااايرة.....عنقاتو وجابت راسو عندها....كطبطب عليه.....ابتاسمات وقالت.......وخا تقسح قلبك حتى تعيا عمر دم يولي ما.....هدك ختك ونتا من واجبك تسامحها..... وتهلى فيها اولدي......راه معندها حد من غيرنا انا حمدت الله. ... بعدا هير مين رجعااات لي.... لوقت كيداوي كلشي احبيبي......كلشي كيفوت. .... شرف:الى هكا علاش منسيتش وخا دازت سنين.......فاطمة:حيث نتا مباغيش تنسا وممستاعدش تسامح......شرف:(وقف) الواليدة.....انا نخرج شوي نشم لهوا ونرجع.... تخنقت وتوحشت نخرج. .. فاطمة:(بابتسامة) ومتعطلش ختك شوي وتجي.....ابتاسم لها وخرج سد وراه لباب. ......هي دخلات عند محمد وجلسات حداه.....حاطا يديها فوق يديه ......وكضحك ........شاف فيها وضحك فوجهها.....محمد:مرتاحة دباااااا......فاطمة:وبزاااف.....اش بغيت كثر وليداتي رجعو لي فنفس النهار حمد لله.......#في_نكساس......صبح الصباح عندهم......كان ناعس فبيتو.....كان بيت رجولي بامتياز كيغلب عليه العصري....اللون دلبيت كلو مغلوق.....مخلط بين لكحل ولبيض......كان ناعس على كرشو وملابس وااو من لفوق فوق كوفرلي كحل هاد لون مكيفارقوش فلباسو فراشو حياتو تفكيرو وحتى قلبو ......دخلات عندو اثار....جلسات فوق ظهرو كتلعب......وتهرو بشعرها فودنو حتى فاق.

فاق كالعادة.....مخسر سيفتو ومراشقالوش...لعب فشعرها وابتسم لها....ومشا لحمام.....بقا حك سنانو..... وغسل وجهو وهز فوطة كيمسح وجهو......وعينيه على المراياااا......عينيه كانو كيفسرو نواااياااه واش كيجول فتفكيرو......نظراتو كانت حاااقدة.....عينيه وراااهم الم كبير.....جرح عميق مستحيل يبرا. .....اللي مخداش ثأرو.....ميرتاحش وميهنا ليه باااال.....خرج من الحمام.... للدرسينيغ.....كان كبير بزااف قد لغرفة ملها.....كلو عامر بحوايج من ليمارك لغاالية والمشهورة.... كل بلاصة واش فيها.......لبس تيشورت فلكحل وسروال كحل مقطع من فوق الركبة......مع نايك طالعة بالبيض.....دار ساعتو ورش بارفانو......وخرج كيصفر.....عاد انتابه لها......كانت جامعا شفايفها وكتغبن......جات فيقاتو ومداهاش فيها.....ومسولش كيف موااالف.....عاد مشا عندها هزها كتفركل باش يحطها.....جلس فوق الفوطوي وجلسها فوق حجرو.. كيحيد لها شعرها للي لصف على وجهها بتجباد......ارمان:مالكي احبيبا.. ...مال حبيبت خالو......اثار:نتا خايب يله......ارمان:وعلاااش.......اثار:جيت فيقتك ومعطيتنيش بوستي......ارمان:ااااااه و انا نفهم اتريك كتقلبي عبى لبوسة.....هاكي.... (جمع شفايفو).....حدرات راسها وباستو وعنقاتو......ضمها ليه بقوة......هي عندو كنز وثمين بزاااف.....هي عائلتو لوحيدة....نقطة ضعفو وقوتو.....من غيرها عمر شي حد شاف ضحكتو ......ولا حتى عرف الجانب الحنين فيه......ارمان:عندي ليك مفاجئة......اثار:شناهييااااا.....ارمان:ليوم غاااديين للمغرب.....اثار:ياااي خالو ياااك تخلبني نزورو قبر ماما. ......شاف فيها بحرقة.....وحرك راسو ب اه.....وعنقها..

#عند_اسر_____بقا الصمت بيناتهم مدة.....حتى حد فيهم منطق.....هو رجع للوطو تكا عليها....وخلاها كتشم لهوا وكتشوف فلبحر.....فكرة تديه وفكرة تجيبو.....شاف فيها مطول....عاد مشا عندها....وقف قدامها متردد عاد هضر.... اسر:شنو جوااابك دبا كنتسنى؟؟....مريم:شوف كنتي زوين معيا خليك هكا....اسر:علاش مبغيتيش....عطيني سبب....مريم:هما راهم أسباب اولهم الزواج رابط مقدس....يستحيل انا ندير خطوة ممقتانعاش بيها اونبليس كتقولي صفقة....واش انا سلعة!!....اسر:هذا ماشي سبب منطقي.....مريم:الى شي نهار بغيت نتزوج....مغاديش نتزوج بهد طريقة....ماشي هكا بغيت زواجي....ومن لخر جيني نيشان....وقولي هدفك....فنهار واحد خرجتيني من سبيطار لحماق....بغيتي تزوجني....شنو مصلاحتك.....اسر:منكرش هدشي. ..اه بصح....فلول كان هدفي نتزوجك....باش تبقاي قريبة ليا.....ومنها نكشف لعبتك.... وطلبت يديك من عند مماك منين طلعنا لبيتي . وليني تيقيني....دبا مكنخطط لوالو...لبغيت نعرفو عرفتو....وليني هد الزواج بغيتو يكون. ...وافقي عفاك....وعمركي تندمي... مريم:هد المشاعر الجياشة جمعتيها فنهار واحد......اسر:مكنتفلاش امريم انا جدي فهدشي.....اش قلتي؟؟ .مريم:(تنهدات) معرفتش معرفتش. ...واش نتيق فيك ولا لا....كفاش فنهار بغبتي تزوجني.... تالفة......اسر:(بالحاح) واافقي وعمركي تندمي...غنعيشك فسعادة وعمري نتفرق عليك.....ومحدي معك عمري نخلي ليأديك....وحقك كنواعدك عنجيبو لك....ولي دمر حياتك غنجيبو راكع تحت رجليك.....مريم:ولكن انا راه.....قاطعها.....اسر:متخافيش....غنطولو فترة العرس....باش نتعارفو ويصفاو الخواطر متكوني غير على خاطرك..... (شد فيديها)..اش قلتي.....مريم:يكون خير.....اسر:(بابتسامة) شكرا معمرك تندمي.....قرب لها وعنقها.....تبلوكات.....وهو كثر.....معارفش راسو فين ولا شنو كيدير ببساطة متبع دكشي لكيملي عليه قلبو.....منها تأكد بلي هي ماشي اي وحدة. .. وباللي زواجو منها ماشي شفقة ولا استغلال.....انما حب من اول نظرة ......وحب متميز... فنهار واحد تسلل لقلبو...... وتحكم فيه وبقوانينو تقيد.......هي مكنتش حالتها حسن منو....تفكيرها مشا بعيد....لولهة عجبها كلامو......وتشجعات دير هد لخطوة وتنسى......بعناقو ودقات قلبها المتسارعة اكد لها... بلي هو ماشي اي واحد

بعناقو ودقات قلبها المتسارعة اكد لها بلي هو ماشي اي واحد........ابتسمات وغمضات عينيها حتى نطق......اسر:تيقيني عمرك تندمي.... غنعيشك اميرة فمملكتي....وعمري نسمح لشي مخلوق يقيسك.....واللي قاسوك انا غنجيبهم لبين يديك..... حلات عينيها وجمعات ضحكة....كلامو رجعها......من لمفروض يفرحها هي لعكس.... كلامو عصبها......هد الموضوع شاغل تفكيرو......باينة مناسيهش....كفاش يتقبل مرتو. .. قايسها شي حد قبلو.....وهي كفاش تتقبل هدشي. ... عارفا ومتأكدة بلي عائلتو سبب عذابها..... كفاش تستحمل تكون وحدة منهم.....كلشي هدشي كيضور فراسها... ببساطة كلامو رجعها لارض لواقع. .. .خلاها تفيق من احلام اليقضة......ودارت فبالها حاااجة وحدة......طول ما هي قريبة لهم.....غتوصل لصاحب دعوتها.....فاقرب وقت.....بعدات منو... وحدرات راسها... بقا كيشوف فيها مبتسم.....قبط يديها.....وقال.... باقي تابعنا بزاااف.... يله.....مشاو فاتجاه اللوطو.....حل لها لباب بابتسامة. ....وطلعات طلع وراها وكسيرا........بعد مدة وصلو.....بلاصة لوطو شدها من يدها فصمت..... وبداو فجولتهم دغية طلقت غوباشتها..... وابتسمات توجهوا لمحلات الملابس ......خدا ليها الغرق د الفساتين لي كانوا طوال وصيفين .....واغلبهم عندهم ليمونش "لكمام ".....تعمد ياخد ليها هاد شكل......عطاها كسوة طويلة بلكحل وبكم طويل مشبكا من لور وطالعة شوي مغطية السدر وصباط طالون بلكحل..اسر:هاكي لبسيها وحيدي عليك هدشي للابسا...مريم:وخا.....مشات لبلاصة تبدال لبسات .... من بعد ما خدا ليها على ذوقو خلا ليها.....الاختيار فصنادل وسبابط وليبارفا..... بقاو مدة وهما كيضورو......كانت كتختار لاكسسوارات هو كيشوف فيها.....ابتسم.....فاش شاف ابتسااامتها......كيتسائل كفاش حكمات قلبو فنهار واحد وخلاتو تابعها ومسااايرها......كملو التسوق مشا اسر خلص.....ورجع عندها شد يديها بابتساامة وخرجو........هز ساشيات حطهم فلكوفر......وحل لها لباب.....اسر:نمشيو نتعشاو؟ .......مريم:لا لا تعطلت.....ماما غتكون مشوشة......اسر:على ذكر مماك....شوفي انا معنديش الحق ندخل وي.....مي ميمكنش نبقا ساكت....خالتي فاطمة تعدبات بزااف يكفي اللي عاشتو.....هي مك لولداتك سامحيها.....وخلي قلبك حنين....انا عارف قلبك بيض 

انا عارف قلبك بيض. ...كتحاولي تقسحيه.....نتي محاقداش عليها. ....غير واخدة موقف منها سيتو....مريم:ممكن تبدل لموضوع.....اسر:وي......عندي ليك مفاجئة.....مريم:شناهيا.....اسر:تمشي لداركم وتشوفيها.....هز يديها باسها بحب وعينيه هايمين فعينيها...تحرجات من نظراتو وحدرات راسها....ساق وهو شاد يديها والابتسامة على وجهو...........كان جالس حدا قبرها بلباس رسمي كحل.....حادر راسو ودموعو على طرف عينو.......حابسهم حفاظا على رجولتو.....أول ما وصلو للمغرب.....جا زارها.....كانت اثار حدا قبرها .....كتمسح فيه وضحك.....فحال كتعنقها.......بهدشي غير مكتزيد.....تشعل نار فقلبو.....بقات اثار كتشتت لورد فقبرها وتستف بوحدة بوحدة وكضحك بحنية فحال كتقول لها......انا جيت عندك.....مقدرش يتمالك راسو....وقف وهز اثار معنقها.......خشاها فحضنو وزير على راسو....وليني دموعو خااانوه....فكل مرة كيزور قبرها قلبو كيتقطع..... جرحو كيرجع يحيا من بدا وجديد......وقلبو كيكحال كثر ما هو كحل.....دا اثار للوطو باس راسها وخرج........رجع لقبرها.....كان قريب من لبوابة لكبيرة دالمقبرة....بقا كيمرر يديه بحنااان على قبرها.....وعينيه مركزة على شاهد كان مكتوب فيها "يا ايتها النفس المطمئنة ارجعي الى ربك راضية مرضية وادخلي فسيح جناته".....غمض عينو بحرقة كيحاول ما امكن ميبكيش... ..بالنسبة ليه لبكا ضعف.....هو محتاج يكون قوي. ...والراجل بالنسبة ليه مخاصوش يبكي..... قال:انا عااارف بلي روحك ممطمأناش.....تيقي فيا اختي......مستحيل نخلي دمك يمشي باااطل.....كنواااعدك.....كنواااعدك وهدا دين عليا وهيبقا فعنقي حتى نوفيه......وعد شرف.....غنحرق قلبو......كيف حرق قلبي علييك...غنرزيه فختو......كيف رزاااني فختي......غنبكيه دم......غنحول حياتو لجحيم.....عمرو مغيلقا الراحة.....غنكون عزرائيل بالنسبة ليه وعائلتو.....غنحرقكهم كلهم..... وحقك وحق بنتك عمرو يمشي... اثار بنتي.... وعمري نخليها.....وابدا عمرها تغفل على عييني... مغنعاااودش نفس الشي..... (كيمرر يديها على تراب قبرها) عطييتك حريتك كثر من لقياس.....تشغلت بلخدمة.. وهملتك......وهاهو كلشي رجع عليا بالنداااامة......وعمري نكرر الغلطة.... اثار فالحفظ والصون.......متخااافيش.... (ناض ووقف)......غنعاااود نرجع.....

( ناض ووقف) ......غنعاود نرجع. ......وليني ماااشي دباااا....غنزورك نهااار اللي نااخد فيه حقك.....نهار لنشفي قلبي.....ونرتااح ونريحك معااايااااا.....مشا مسافة ورجع تلفت لقبرها.....كأنو مساخيش يفااارقها.....رجع شاااف ف اثار لمقابلة معاااه ومن اللوطو عينيها علييه.....تفكر ختو وداااتو عينو لسنوااات قبل.....#قبل_____ثماني____سنوات..........وصلو للحي.....نزلات بعدما نبهااتو ميدخلش معها.....وافق بشرط تاخد تلفونو وهو من بعد غيشري واااحد......دقااات لباب. ......حلات عليها فاطمة.....ودخلات بلا سلام بلا والو.....حطات ساشيات ودخلات للصالون......لقات باها جالس كيف عاادتو....باست راسو.....وجلسااات.....عينيها على فاااطمة.....وكتفكر فهضرة اسر..... فاطمة:بنتي لاش تعطلتي... .راك مريضة متنسايش......قتطعاتها مريم:مبنتش ليك كنضرب بلحجر.....انا ماشي هبيلة...هداك ماااضي نسااايه.....فاطمة:الى نساااا حتى نتي نسااااي.....مكتراتش معها لهضرة. .....ناضت هزات ساشيات.....طالعة لببتها.....حتى كتسمع دقااان....مشات حلات....توسعو عينيها بالصدمة....كان شرف.....خاشي راسو فقب ديال تجاكيتو....وكيشوف فيها ببرود.....خبط فيها وداز......هي عاد فاااقت ورجعات سينتا للور......تفكرات اسر كيقول لها عندي لك مفاجئة. ... فهمات قصدو.....وضحكات.....حطات ساشيات تمك.....ودخلات لعندهم....متوترة.... يوقع ليوقع كيبقا خوها.....ومين عرفات بلي هد ست سنين كاان فلحبس بقا فيها وبلخصوص فاش عارفات سبب... .مشات حدااه...ووقفات وهو مغوبش.....وعينيه فتيفي....مريم:خويا على سلامتك.....خنزر فيها....وناض فحالاتو.....فاطمة كانت تااابعااه وقفاااتها مريم وتبعاتو.....حتى حل لباب.....خرج وقبل ميسدو.... خرجات وراه. .....شرف:لاش تااابعااني.....مريم:بغيت نهضر معك اخويا.....شرف:(بعصبية)انا ما خو حد.....مريم:عارفا عارفا بلي غلطت وخرجت ليك على حيااااتك.....وليني راني كنت صغيرة اخويا.....الى نتا عانيني انا عااانيت كثر منك هئ هئ ......بقات كتنخصص وتبكي.... وهد لمرة كانت صريحة معااه . .عاودات ليه كلشي .....كفاش تعداو عليها.. ..وجرات عليها مها...وكفاش لاحوها فسبيطار لحماااق...وسنين لعداب حتى جا اسر.....وهو كيصنت ليها. ..وعينيه حمرين وجامع يديه على شكل قبضة......شرف:غنقتلهم كاااملييين....

باقيين احداث صاادمة ومفاجئات مغتخطرش على باالكم...
يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.