حبيبي الأصم الجزء 163

اريج : !!!!! واش تسطيتي ولا بعقلك !! صافابا 

لامار : والله تتااااكنهضر بصح ا اريج ومنيتي ...

اريج : وااش نسيتي اش دارت فيك 

لامار : مانسيييييت والو ... ولاكن لاكان ربي بعزو وجلالو كيغفر شكون انا لي نحقد ؟

اريج : ماااقتليكش حقدي .. ولاكت نساااايها هي دارت علاش وراها كتعاقب .. مادخليهاش لحياتك من جديد الامار 

لامار : مغاندخلهاش لحياتي ... ولاكن باغا نرجعها هي للحياة ... باغا نتهنا وماتبقا عندي تاحاجا لي نفيق غلبعا بليل ونفكر فيها.. وليت نحس بدنبها اريج ... وليت كنحس انها فعلا كتيتاهل فرصة اخرى تعيش ....

اريج : ( تنهدات ) اش غانقوليك ... نتي غاتعرفي حسن مني ... انا مابغيتكش ترجعي لنفس المشاكيل ... هاديك مريضة .. ماتعرفيها اش غاظير تاني ...يلاه ازين ( ناضت ) غااانخليك عندي بزاف مانقضي ( بابتسامة ) وعاد غانوجد راسي ....

لامار : ههههه خليو ليوم يشهد عليكم ...وتصالحو خلاص 

اريج ابسمات ليها ومشات ولامار تكاااات على لفوطوي مبتسمة وتتفسااااااات تابانليها سفيااان داخل هااز قسم ...

سفيان : البنت عند طلقات علينا الفوسفاط 

لامار : ههههههه عطيها ليا ..

سفيان : ( عطاها ليها ) بسلاااااامة عموووو الخااااانزة ... غااانمشي تشوف شي دراري صحاااابي 

لاماار : اوكي قووووولي بايباي لعمووو .... 

طلعات هي وبنتها لفووق لقات ايييس مكككسل غي شافهم تلاح عليييهمم كيلعب براسو مع قسم ... وهي غي حالة فمها وتضحك بداك العوينات ولامار كتبدل ليها لبساااتها خلاتها معاااه ملاهيها .. كتقمش فيه ... وناضت لبالكون عيطات لاسد

لامار : حبيبي ... غانخرج شوية انا وقسم ... لا غ غيير لهنا... لشي موول .. نووو بغيت غي نخرج ... داكوغ حبيبي تانتا رد بالك ... لا مغانتعطلش .. 

لبسات كابها ... وهزات بنتهااا لبسات ليها طربوشها وكاشكولو ... وشدات على اييسس وخرجات مشات عند شيفور ركبات لور 

لامار : وصلني لمصلحة فين كاينة سارة عفاك 

شيفور : ااء م مدام !! و ولاكن

لامار : ماسمعتنيش! .... يلااااه 

حنا راسو ومشا ديمارا ووصلها ..

عند اسيل ... 

كالسة فريسطو كتفطر وهو يصوني ليها تيليفون وجاوبات بالانجليوي 

اسيل : هييلوو بيبس 

- كاين شي جديد ،،؟؟ عارفاه فين كاين ! غ

اسيل : واش كضحك عليا امتى هو قالي فين كيمشي ... 

- شوفي كديري تعرفي ... راه باغي يخرج من لعصااااابة ا اسيل 

اسيل : وانا فااااااش كيهمني هادشي ياك منهار عرفني عليكم ونتا تافقتي معايا غي نحيبليكم خبارو ماشي باش نشدو بسناسل معاكم .... يخرج ولا يكلس بينو وبين البوس ديالكم مهم حصيصتي توصلني ....

- راه انا لي دخلتو نهار لول للعصابة و ضمانتو علياا .... لاغدرني ومشاااا وخلاني فهاد اللافييييرر وحنا معولين عليه لا انا... لا هو غايخلينا البوس حييين .... خصني نرجعو باي طريقة 

اسيل : انا ماسوووقيش .. ومتبقاش تعيطلي فهاد الرقم يقدر يكون معايااا صوني غي فلاخووور ... 

- كيدااير ولدي

اسيل : ( ابستمات وقاست فكرشهاا ) لااااابس عليه ... 

- خصو يتيق الى هو ولدو ضاروري خصو يبقا تحت جناااحك وتحت عينك ... وبين يديك ... .

اسيل : وهادي فيها الشك ههه .... صنارة غمزات ..وبلاكن حبيبتك كتفكر لبعيد .... الى نجح ليا داكشي لي فباااالي مغانعقل لا عليه لا على الولد ...

- ولايني بنت مصلحتك .. 

اسيل : طبعااااا احبيييبي ... معامن مكااااانت مصاالحتي غانكون .. انا و انا و انااا ثم انتم ههههه 

قطعات عليه كضحك وكتكمل غداها ناشطة ....

وصللات لامار قدام داك المصلحة ونزلات هازة قسم و دخلات شافوها وقربو عندهااا ..

- مرحبا مدام الاسمعاااالي ... .

لامار : ميغسي ... نقدر نتكلم مع الدكتور لي مكلف بحالة سارة القحطاني ؟ 

- اكيد الالة .. تفضلي معانا ... 

مشاات تابعاهم تاوصلوها قدام واحد لببيرو و دقات سمعات الاذن ودخلات داك دكتور غي شافههها ووقف سلم عليها بلباقة وكلسات ...

- نهار كبيييررر هذا مدام الاسماعيلي زرتينا فيه .. ومرحبا بالاميرة الصغيرة تاهي 

لامار : ربي اخليييييك ... عارفة زيارتي غريبة .... ولاكن نزيلة عنكم هنا ... كنعرفها وجيت بغيت نطمن على حالتها لاكان فالامكان ..

- وي فهمت كتقصدي مادموزيل سارة ... 

لامار : اكزاكطومون ...نقدر نعرف التطورات لي كتمر منهم ادكتور ؟ 

- انا كنسيفط تقارير تقريبا عى راس كل اسبوع للزوج ديالك موسيو اسد لاسماعيلي ... ولاكت مافيها باس نعاودليك .... سارة حاليا كتمر بواحد الاكتآب حاد جدا ... و بعد المرات و فبزاف دالحالات كيكون قاتل .... وصلات لمرحلة مابقاتش عااارفة اشنو سب وجودها فهاد دنيا ... ولات فقط جسد يصارع طبيعته اليولوجيية لا غير ..... 

لامار : اممم ... وو .. وبنسبة لادمان ؟ 

- لا مؤخرا لاحظت انو تعافات منو بشكل نهائي ... وكانت عنها ارادة قوية انها تخلى عليه ... مابقاتش كتحتاج ليه ولا حتا كاتفكر فيه ... 

لامار : الحمد الله .. هووو النص الكبير ... وشي لامور غايصلحو الوقت 

- كيف سبق وقلت للطليق ديالها .. المادموزيل كتحتاااج لسند حقيقي .. لشي واحد لي يشد بيديها وتكون تايقة فيه .. حاولت معاها مرارا منكدبش عليك بغيت نخرجها من داك الحالة مي ماتجحتش و مغانجحش .. كنبقى ديما فعنيها داك دكتوررر لي اوامرو زجرية و مهتم بدواء و بصحتها ... مكاتقدرش تشوف فيا نظرة صديق 

لامار : فهمتك ادكتور ... واش نقدر نشوفها 

- اكيييد تفضلي معايا .

ناضت تابعاه ماشييبن فكلواااار طوييييييل عااامر غرف .. تاوصلو قدام واحد الغرفة وفتح لبااااااب ..... 

سارة كانت متكية على سرير وجامعة رجليها شاداهم عندهاا وشعرها مطلووووق وكتشوف فمنحى واحد ساااااااااهية تحت عنيها ككححححححل و يديها حمرين بقوة مكاتقرصهم بتوتر ... طلات لامار وبدات طلعها وتهبطها كيفاش ولات صحاااحت وتنفخت بزاف بدوا ... وججها شااااااااااحب بحال عجوز فسبعينات .... حالتها نبعثرة و خالية من شي حاجة كتسمى الحياة لامار حسات بشفقة كبييييييرة لحااااالتها كتقطع فالقلب تابغاو يدمعو عينيها حيت هي هاكا قلبها داير مسامحة وحنونة ومكتحقدش ... وداك دكتور تقدم اما لامار بقات واقفة كتشوووووف فيهااا .....

دكتور : ماادمووووزيل .... كيف صبحتي مزيان مكيضرك والو .. راسك؟ 

سارة ككتردش عليه غير كتشوف قدامها قليل فين كترمش 

دكتور : جات واحد ضيفة بغات تشوفك .... نخليك معاها وغاندوز منبعد عنك نشوفو طنسيون ... واخا ؟ 

مكتردش عليه وضار ابتسم للامار لي بادلاتو نفسها بسيف .. ومشا وهي بقات تشوف فيييهاااا شوكاها منظظررررهااا ماعرفات زيد ولا ترجع قلبها تقطع ... 

سارة : ( باقا كتشوف فنفس الننحى ) الى كنتي جاية باش تشفاي .. فغي تهناي عاجباني حالتي 

لامار : ( تنهدات وقربات حطات قسم على واحد الفوطوي و جات حدا سريرها ) ماجيتش نتشفى .. جيت غي نشوفك .... 

سارة : ( عاد طلعات فيها راسها ) و اشنو الفرق ؟

لامار : ( كلسات حداها ) انا ماشي عدوتك اسارة ... وماسبقلي اذيتك بحتى حاحة الى كان عقلي نافعني .... 

سارة : وحتى انا ماتهمتك بحتى حاجة ..... انااا الشر ... وانا المجرمة و انا لي ممانسواش فهاد الفيلم كامل ... نتوما كلكم ملائكة الرحمان ... عمي جدة يونس اسد نتي .. كلكم ...

لامار : ماجيتش نجبد هامش الماضي .. ولا حتى نبش فيه .. جيت عندك ... كأخت ... ولا كاصديقة .. جاااارة ولا وحدة غريبة.. حسبيني كيف بغيتي .... غيى لي بغيتك تعرفيه هو امتى ماحتاجستني مرحبا فاي وقت .... وانا نسيت كوووولشي .... ونتي ماشي مجرمة .... نتي غي ضخية 

سارة : هههههههه ( بدات مضحك ) اشنو زعما كتبيني ليا راك ضريفة ! باغا تزيدي تحقديني عى راسي ....

لامار يلاه غاتجاوب وقسم بدات تبكي وناضت عندها وسارة ضااااارت .... 

ناضت هزاتها كادور بيها تسكتها وسارة متبعة ليها العين

لامار : صاااافي ابنننتي صاااافي احنا غاااانمشيووو صافي ....صاااافي 

بقات تمشي وتجي بها تسسسكتهاااا تالقات سااارة وقفااات جايا لعنها كتشوف لقسسسسسم خلعلتها بداك النظرات لي كدير فيها ورجعات شافت فلامار 

سارة : بنتكم ؟؟؟.؟؟

لامار وومات بآه 

سارة : ( بابتسامة باهتة ) مكتشبهش ليكم ..... 

لامار غي كتشوف فيها .... : سسكتي بببببنتي صااااافي 

سارة : نقدر نهزها ؟؟؟ 

لامار بقات غي كتتتتترمش خاااااافت تعطيهالليهاااا وتنوض طيكها ولا دير ليها شي حاااااجة وهي غاتكالها بعينيهاااا ....

يتبع