حبيبي الأصم الجزء 164

من تأليف كاميليا جود
2018

محتوى القصة

رواية حبيبي الأصم الموسم الثالث

لامار بقات غي كتشوف معرفات كيدير تعامل وسارة كتشوف فقسم ومبتسمة ... من عينيها واضح عجباتها خافت تعطيها ليها فنفس الوقت مقادتش تقول لا ..... وقسم كتبرقق فيها بعويناااتها وتهرنن ... وسارة شافت تاني عند لامار بمعنى واش نقدر ... 
تنفسات لامار ودارتها ليها فيديها وفنفس الوقت خايفة عليها ... شداتها سارة بين يديهاااا بشوووية وكككضحك و ترجع تجمعهاا و ترجع تبتسم ... ملامحها مخلطين فيهم التعابير ... و قسم سكتااااات وهي كتراري بيها بين يديها ولامار مستعدة لاي هجمة تشدها وسارة فرحانة بها ... 
سارة : مكتشبيهههييش ليهم نتي ... نتي برييئة وماعارفا والو .. مكتعرفيش الضلم .. ولا الحكرة ... ولا تقللي من شي حد .. نتي برييئة .... داكشي علاش مكتشبيهيش ليهم .. مكيهمونيش ملامحك ... نتي ماشي بحالهم ابنتي 
لامار : سس .. سارة . عطيها ليا ... خاصها ترضع 
سارة : ( بقات تشوف شحاال فاللخر تنهظات وعطاتها ليها لامار ماحمدات الله تارجعاتها ليها ليدها وهزاتها عنها وسارة بعد صمت نطقات مجروحة ) انااا ماشي خايبة لداك درجة الامار لي نآدي نتب صغيرة غي تهناي .... 
لامار : ( شافت فيها ومشاات كلسات جبدات ثديها ترضعها ) ولاكن حاولتي ديجا .... وهي صغيرة فكرشي 
سارة : مكنتش فطبيعتي ... عمرني فكرت نآديها ليك .. فعلا ماحملتش نسمعك حاملة ... ولاكن عمرني فكرت نآديها ... داك نهار سولي راجلك اش كان كيعطني باش خرجت على عقلي عاكاك ... 
لامار بقات غا كترمش وسارة تنهدات ومشات لواحد زاجة كطل على لاكور لتحت وبقات كتفرج ولامار كترضع قسم ... 
سارة : كنت ...كنت كنتصرف خارج على ارادتي ... للسم لي كنت كناخدو ...قتل كاع الحوايج الوردية لي كانت فيا .... ( ضارت عنها ) فخبارك كنت شاعرة ؟؟؟؟؟ 
لامار : ( بتعجب ) نعااااام ؟؟؟؟؟؟؟
سارة : ... كنت شاعرة ... كنت كنحماق على الشعر الابداع ... كاان عندي طموح نولي شاعرة كبيرة ... ولاكن وااااقعي ... ادماني ... كانو ليا العائق .... عمر شي حد ماحس بيا ... ولا قال نشوفوها عللاش هي هاكا ... تاحد مافكر ليا .. ولا لشنو انا باغا ... باش وليت هاكاك ... تاحد مقال مور وجهها الشرير يمكن كاينة روح اخرى .. يمكن عندها احلام يمكن طموحات .. تاحد ماتجرأ يقراااااني .... كولشي حكم عليا من الغللاف ... تزووجتككك وسترتك وعطيتك دااررر فين تسسسكني درتليك قيييمة .. لاااا انا ماشي هادشس لي باغاااا لاااااا 
لامار : ساااارة ... نتي اصلا ماعطيتي لحد فرصة يقرا كتابك باش يحكم عليك ... ويفهمك ... نتي لي خسرتي كاع ناس لي بغاوك .. يووونس !! يونس شنوووو دنبو .... . دنبو بغاك !! نتي لي قبلتي تزوجي به بخاطرك ومبززش عليك .. اذن بلا متلوميه
سارة : ( ضارت معصبة ) مااااابغاااانيش .. هووو كاع مابغاااااني .. هوووو شفق عليااا ....انا راه ماااشي هبييييلة .... انا ماااابغيتش لي يشفق عليا بغيت لي يبببببببغيني ... وااااااش صعييييييبيب يبغيني شي حد ؟؟؟؟ واش مجداااااامة ؟؟؟؟؟( سعرات ) 
لامار حطات قسم كتمص فصبعانها وناضت عنها 
لامار : تههههدني ... عللاااش كتقولي هاد الهضرة .... تيييقي فراسك .... ضاروري مغايكون عندك شي حد لي يبغيك ... كل واحد فينااا الا وعندو نصفو ... غير تسنااااي الشخص المناااسب ومتعلقيش بالفراغ .... 
سارة : ( بدات كتبكي ) بغيتوووو من كل قلبي ..مرضضضضت به ... بغيت فيه كولشي حناااانتووو رجووولتووو .. شقاااوتوو .... عينيييه هضرتوووو ( لامار بدات غي كاترمش عرفاتها كتهضر على اسد ) نتي .. نتي ماعرفااااش هو بنسبة ليا شكون .... هوو الوحيد لي كان كيفهمني ... عشنااااا نفس المعنااااة .. نعسناااا وسط الفيران .... تقاسمنا طريف دخبز صغيييييير بجوح بينا .. وكل واحد كيقول لاخر غي كولو انا شبعت ومسارنا كيزغرتو بجوع .... ا اسد .. اسد كان مررررضي ...اااااقبح ممممممرض .... سسسسسكني لداخل ... كبرت مع حلم امتى نكون دياااالو .... واش عارفة شنو هو المرض ؟ ....مكانش حب كان مرض ...
لامار : ( ساطت) كيبقى راجلي اسارة مغانتقبلش تهضري عليه هاكا 
سارة : ( بدات ضحك وسط دموعها ومسحاتهم ) نتي غي محملتيش نهضر عليه هاكا .... اش كنت ندير انا لاشفتو فيد وحدة اخرى ؟ ... مم ؟؟؟؟ كيبوووووسها قدام عيني .... كيييتسطى عليها قداااام عيييبني .... مكيبااالووو تاحد من غييييرها .. كيشد فيديها كيوكلها كيخاف عليها ....انا مغانحماقش ؟؟؟؟؟؟
لاماارر بقات كي كتشوووف وتغزز فشفايفها محلامتش هاد الموقف وغي هضرة بحال هادي كتاااااكل راسها من الغيرة كيف مكان الحال هيواسد دايرة عليه خط احمررر جبدليها كلشي الا هوووو تغز بسناااانها

سارة : غييير تتتهناااااي ... انا تشافيت من مرضي ... تشافيت منو .... اسد كان وبااااء وربي عفاني ... وبين ليا انو لي كنت كنحس من جيهتو ابدا مكانش حب .. كان غير مرض وتحدي لنفسي ... غيييير تهناااااي ... سارة مابقاتش عائق فطريق تاحد ... غيييير عيشو حياتكم 
لامار : ( تنهدات مدة ) مكنتش ناوية نجبدو هاد المواضيع جيت غير نطل عليك .... مهم انا غانمشي داباااا تعطلت ... 
لامار خسر ليها المورال فاش جبداتو كلشي الا هو ... ومشاات هزات قسم غاتمشي وجات سارة عنهااا وعرات ليها طربوش وباااستها .... وشافت عند لامار
سارة : عاودي جيبها ليا ..
لامار بقات تشوف فيها مدة فاللخر قالت اه براسها وخلاتها وخرجات وساارة عاااضة على شفايفها غي سدات لباااب طااااحت كتبكي ... لامار خررجات لقات دكتور فلباب يلاه بغا يدخل ابستماتلو بلخف ومشات لطموبيل ... وهو دخل لقا سارة طايحة كتبكي ومشا عنها كينوووضهااا... ركبات لامار مور الشيفو شادة عنها قسم لي بدا يبديها نعاس ... وكتفكر فيها وفهضرتها .... تنهداااااات مطووووولة ... وتكا راسها لووور كتحاولىتوصل لشي قرار صائب..... 
عند حياة .... 
وصلو قدام د قدام دار دروكان ... سمح ليهم الكارد يدخلو بحكم كيعرف شيماء ... ودخلووو وحياة كتشوووف حيت المرة لي فاتت دخلت غي من لباب لورانية ... . وتابعة شيماااء ..
حياة : دابا انا غااانسكن هنااااا ..
شيماء : بلا متبداي تحلمي من دابا ... تااااتقبل بعدا ... 
دخلو وهي تابعاها تاوصلو لدار وجات رجاء ... 
شيماء : مكيناش لامار اختي 
رجاء : لاااا خرجااتت ... تفضلو تشربو شي حاجة 
شيماء : لا مكان لاش اختي رجاء ... 
مشات 
حياة : شكون هادي ؟؟؟؟ 
شيماء : هادي المدبرة ديالهم ... ورئيسة دللخدامات لتحت 
حياة : بشااااخ ..... والله الى فاطم زهرا لي طلعات ليها .... 
شيماء : تاهي تستاهل ضريفة 
حياة : انا ولاز بعدا احلامي غي نكمل قراااايتي ونولي مقاااولة ...ونشوووف مول داك العوينات ... ااااااااح اقلبي فين غااانلقاااااه ...
شيماء : ضوووري ضوووور وترجعي ليا ليه .. حمقتي ليا راسي طريق كاملة ونتي جابداه ... 
حياة : راه منعععستش منعععستش اختي بايتة نحلم غير به خاااصك تشوفيه كيداير ... جداااااااب بلا قياااااااس عنيه عييينيييه ففففف نلفوووووني على راسي واااالديا ... مابغيييت والو منو انا ... بغيت غي نعاود نشوفوووو .. 
شيماء : لا لا نتي حالتك صعيبة ..تعلقتي فشجرة طول منك ( شافت لساعة ) ناااااااري غانتعطل على خالتي رقية ولامار مزال فين تجي ... حصني نجيب امين من مدرستووو .... هانت كلسي هنا تسااااانيها .... صافي؟ راه خالتي رقية هضراااات معاها ... عارفاك غاتجي .. 
حياة : اويييلي ريحي الارض تسطيييتي .... فين غااااتمشي وتخليني بوحدي حرام عليك ... 
شيماء : وراه خصني نجيب امين خارج مع الستة .... كلسي هناايااا الله يرحم باك شوية وغاتجي للماااررر ( وقفاات ) راه مكيجي عنهم حد غي تهناي ... كلسي تاتجي وهضري معاها ...
حياة :ولاااااا ازمرة كلسي معايا ويلا جا راجلها ويلقاني هنا مكسلة ولاااااا... عفااااااك كسلي 
شيماء : بحرا خااالتك رقة تعلقيني من قزيبتي .... كلسي راه تاراجلها مايشوفش تالعندك عندو عاااادي ... قوليلو غير من فاميلتها ولا قوليلي خت شايماء ... 
هزاا صاكها مشات وخلات حياااة كتحيح من موراها ... وكلسات كتعض فصبعانها ... 
حياة : شاااااايمااااا وااااشيمااا ... خراااااا يدخل شي حد تقفار على جد بابايا ... واخا على مك اصويييبييييصة واخا .... بناااااقس كااااااع تفو ..

عند لامار : 
شيفور : لدار الااالة ؟ 
لامار : ( بقات كتفكر كتحس براسها مخنوقة ماباغاش تمشي لدار ) لااا خودتي لريسطو دلوطيل ... 
مشاا بها تالتما ... ونزلات كتصوني على اسد 
اسد : حبي
لامار : اسودي انا فريسطو دلوطيل لي قرب منك .. بغيت ناخد الكوطي الى ساليتي اجي عندنا بنتك دغيا توحشاااااتك ... الى مكننتيش مشغوول 
اسد : اشمن شغل يشدني عليكم اروحي هاانا جاي... 
لامار ضحكات وقطعات ودخلات لريسطو كطلع لطابق الفوقاني لي ديالهم ... وكلسات فوق واحد الفوطوي حطات قسم تنعس ... و هي كلام سارة مخرجش من ودنيها خصوصي فاش كانت هضر عليه بداك الطريقة حسات بااعافية شاخدة فيها ... مكتبغي حد يشركههااا فيه واخا غي مشاعريا ...ماعرفاتش علاش خسات خصها تشوفووو وتنننعس فحظنوو .. خصهاا تشبع راسهااا انه ديااالهااا .... رغم انها عارفة هادشي ... ماشي انانية منها ولاكن حب ... حب متملك ... بدات تشوف لقسم لي نعسات وشفيراتهاااا غطاووها ... وخشات صبعها فيديها صغيورة باستها 
لامار : باباك ابنتي دياااااااالنا غي انا وياااااك .... ااا ااااه .. ع عاااارفة هادشي ...عارفاها ماشي لخاطرها باباااك يطيح لي ماطيح .... عارفها بغاتو من صغرها ... ويمكن حاسة باش كتحس ... ولاكن ماماك هاكا دايرة ... يكون لي بغا يكون باباك ماااااتهضر عليه تاوحدا .... ديالي غير انا وياااااااك .... .
باقا كتهضر معاه تاكيبان ليها طالع شافتوووو وهي تمشي كتحري نقزات عليه عنقااااتوووو .. ماعرفات مالها على هاد الحركات مي حسااااات بحالا باغااااااه ... عنقاااتوو بحرارة وهو مفاهم واااالوووو شادها من خصرهااا وضاحك ... و رجعات شافت فيه قالبا شنيفاتها لارض 
لامار : بووووووحدي لي كنبغيك ولي خاصني نبغيك ولي غانبقا كنبغيك بووووووحدي ....
اسد : هه!!!!!! 
لامار : قتلييييييك بوحدي 
اسد : ههه علاش شكون كيبغيني معاك ارووووحي ( قرب راسو حط نيفو فوق نيفها ) هم ؟ 
لامار : نتت تااااحد ... انا غي قتليك .... 
عند حياة ... 
بقات تمتااا كالسة جاتها القنطة قالت دار مافيها حد ارا نجيب فيها ضويييرة .... ناضت كتتستكككشف وتشوف وتقيييس بيدهااا .. مبهورة بداكشي وديكووورااات ... وطلعات فدرووووج وبدات تسارا على لبيوت 
حلات واحد لبيت هو الاخير فسيري بانليها مفرش مزيااااان وااااعررر ... ودخلاااات جاها واو بلازمااا قريبة لسرييير ودوووش زوين ... عجبهااا ... وتلاحت على لسرييير كيقفز بيهاا عجبها الحااال .. وناضت كضور فيه وتستكشف وفتحات بلاكار وهي تلقا حوايج رجال معلقين 
حياة : هاء ديالمن هادو ؟ .... يكون كيحطو الحوايج سوكور لي جا يلبس.... هادشي بانليا بتيكيتو ... زعما شايطين عليهم لفلوس لهاد درجة 
بدات تقلب فداك القواااامج ... تاااسمعات شي رجلين طاالعين فدرووج وشي تصفار ... وهي ترد داشكي دغياااا لبلاصتو كتقفقف وسدات للبلاكارر وبدات تقلب فين تخببع حشماااااات تبان فلبيييت بلا مايطلعها حدووبلا اذن مولات دار .... مالقات فين تخشااا وهي تخباا تحت الكوفرلي و ضورات بيهها المخاد مبعثرين باش متبانش ...

سفيان طالع كيصفرر تصفييرة ديسباسيتو .... وصل لشومبر ديالو ونصل تيشوووورت لاحها عاض هلى الكارو بسنانو باش مايطيح ليه ...عرااا للفورررمة كيدنن ويصفر وحياااة مككمشة تحت داك الكوووفرلي خاااايفة جاتهااا الحشمة مطفلة على دار دناس كاتسمع غي دندين وتشم ريحة الكارو .. شعل البلازماااا دار الماتش مجججهد ليييييها لصوووت ضضلم البيت وشد ريدويات وتلاح على سرير بججغهاا ...غوتاااات فصمممممممتتت ومع صوت الماتش مااااتسعاتش ليييه ... وبقااا يشجع ويييبدااابززز ويتلتخ على سرير ويضرب بالمخاد فاش كيوصل الماااتش كيسسعررر ويتجنن ...كولشي الا الكورة ... وهي مسكيينة مصااارنهاااا تقلبوووووو كل مرة كيتزززدح بججغها تحت منو جاتها البكية ... ماعرفات تخرج ماعرفات تبقا حتا تموت تحتو .... وهي كتسمعو اش كااايقول ...
سفيان :زييييد اولد القحبة واكل نخاااالة اصااااااحبي زييييييد يلاااااه عطططييييه هاهو حداااك اولد القحبة عطيه الكووووورة تفووووووووووووو مريض فككرك كان غي حداااااك .... خرااااااااا 
حياة : يااااربي ياااااربي على فضيحة شكون هاد الزمممررررر تفووو لاحشمة لا حيااا .... اااااح اكرششششششي اح ... ياااربي لامخرجني منهنااااا هادشي الزمممرررر ثقبييييييل شكون هذا 
عند اريج ... 
لبسات قداام المراااية غوب كحلة قصيرة حد ركابي وعنقها وااااسع هباط على يديها ... وكمامها طوال ولبسات صباط كحل عاااالي ... صاوبات مكياجها د السهرة مكياج ليلي ... وحلاقات كوحل طوااالين ... وعكررر موووف ... وشعرها جمعاتو لفووووق ومبتسمة كتعككر وتشوف فراسها وضحك فرحانة .. هزات صاك ديور طويييل لامع ... وخرجات كتتتتمختررر فرحانة .. هبطات لطموبيلتهااا ديمارات ومشات .. شافت لساهة لقات بقات 5 دقايق لستة .. 
دارت لي فجهدها توصل دغيا لداك الاوطيل ... وصلات ونزلات .. صوت طالونها كايتسمع من بعيد وريحت بارفانها فايحة ... وطلعات فالاسانسير لشووومبر ... وصلاات .. يلاه بقات تدق وهي تلقاها اصلا مردودة .... فتحاتها بشووووووية وطلعاات بانليها عااااطي بظهرو يدو فجيااابوووو وكيشوف من السرجم ... وموراه طبلة مزززينة كلهااا بشمع والورد والمشروووب والشوكووولا ...ولي كادو ... و بقات كتببببسم نزلات عليها الحشمة د دنيا والدين .. وتنفساااات ودخلات هو سمع صوت طالونها وضحك ...في صمت كان خااااااايف ماتجيش فنفس الوقت تايق انها غاتجي....

ضااررر عنهااا بططىء .. بانتليه واااقفة وبدا يطلع ومعاها ويهبط قليل فين كيشوفها بالكلاااااص .. كتباااان رااااقية و انييييييقة وزوييييينة بزاف ملامحها زووعر بريئييين وحناااان كل مكيطالع فيها كيزيد يتأكد انو طاااااايح على فمو طيحة خايبة .... و ابتسم ليها غي بعينوو ... وبدا كيقرب منهها وهي واقفة حشمانة 
يونس : كنت عارفها ... كنت عارف غاتجي .. لي فقلبك كبر من العناااااد ارييجو .... 
اريج : (كترمذ هنا وهناك ) غير جاني فضول نعرف علاش بغيتني ....واش بغيتي تقول ليا 
يونس : ( بدا بطلع ويهبط فطلتها تاني ) وبزاف على لفضووول ههه( زعما موجدا راسك)
اريح بقات غي ساااكتة وهو كيقرب عندهااااا كتزيد تيبس وشدات على عينيييها وهو ضحك وشد لباااب موراها وهي تفتحهم حسابتها غايبووووسها ... جاتهااا القمممعة وهو رجع شاف عنها 
يونس : بغيتي تعرفي علاش بااغيك هنا ؟ .... وشنو باغي نقوليك ....
اريج : ااااه ... بغييت نعرف 
يونس بقا واقف شحال فلللخرررر هبط على ركااابيه وهي كتشوف معاه وجبد من كوسيتيمو بوااااط وفتحها قدامها كات فيها خاتم ابيض لاااااامع 
يونس : تقبلي تزوحي بياااا .... وتكملي لي بقا من حياتك معايا اريجوو ؟؟؟.؟ 
اريج بقات غي كترررررررمش وشدات على فمهااا عينيها دمعووووو وهي كتشوف فيه ... وتشوف للخااااااتم مامصدقاش ... 
اريج : ي يييونس؟؟؟؟
يونس : قبلي ..... قبلي ورحمي لي بقا فيا ... 
ريج ابتسمااااات ودموع هاااابطين ...وكتشوف عندو شادة على فمها بجوج يديهاا .... اللحظة لي تمنااااتها طووووول حياااااتهااا ... شحال تسنات منو غي نظرة ..... غي كلمة .... غي اهتمام .... لي كانت كظنو غي حلم بعيد ...دابا جثا على ركااابيه ومقدم ليها خاتم وطالبها لزواااج ..... بحال شي حد كان ماشي فطريق طووييييييييييلة عياااا بزاف .. كل مرة كان كيوقف كايقول مانقدرش نزيد مزاااال ... ويكلس وتلقاه رجع تااااني يكمل المشي .... عياا بزاااف وشحال من مرة قال صافي غانستسسلم وكايرجع يتمشاااا ... شحال من مرة قال انا مغااانوصلشششش ... وكيرجع يتمشى ... كيوقف ويقول هاد طريق يمكن ماشي ديالي ويررررجع يتمشاااا ..... و من بعد معانااااااة كيوصل .... وكيطيح لاارض سخفاااان فرحااااان .... طريق مكانتش خاطئة .. وكانت فعلا كاستاااهل يكمل فيها المشي بصعوباتها ...
تشبتووو ... تشبتوو فاحلامكم مهما كانت كبيرة .. ومشيو فطريقكم ماتحبسوش ماتشوفش لووور .... تقدموووو لقداااام ... عقارب ساعة عمرها رجعات لور ... كونو بحالها .. ديما زايدا القدام ... وماتيهمهاش اش طراااا فثانية لي قبل .. كون كانت ترجع تشوف ليها .... معمر يصبح علينا صباااااح ....... كل حلم ساذج ممكن يصبح حقيقة فيوم من الايام .. احلمو ... اتشبتوو ... وآمنو .... وتمشااااوووو فطريقكم البعيدة والصعيبة ماتوقفووووش ... وديرو فبالكم تااااااحاحا زوينة ماساهلة ... امتى ماحسيتو بالعقدة تزيرات ... عرفووو فاش غاترخف غاتبكيو بدموع لشنو موجد ليكم الله ..... احلمو تشبتو .. وآمنو ....كلشي ممكن 😊

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.