مشااا عندهااا وهي كانت كتربط الكانيش مع يدها وشافت عندو بكل ثقة مكلعة راسها فيه حيت طويل عليها .....بردات ليها دقتو .. القلب كيكون طايب فاش كتكون باقي مرديتي دقتك .. غي كتشوف كرف لاخور لي عدبك تاعو كيتعدب كتبرد ليك شوية ....
رتاج : شنو لي خلاه باقي تابعيني ... كيبغيني لقلبو ولا بااااغيني لحاجتو .... شنو غايكون باغي مني مزال ... ياك كولشي تفضح علاش زعما انا فبالو عاد غانتيق فيه ونعاودليه ؟ اذن علاش باقي تابعني ....
بلا شعور شدات فسلسلتها لي معلقة فيها رصاصة ديال قلبو ورصااصة منقوش عليها requin حيت كاع اسلحة اسد والاسلحة درجالو مصصمة ليه وتارصاص منقوش باسمو ..... رصاصة اصل لونها نحاسي ودابا فعنقها كححححلة حيت تطلقااات وتخرجات من جسد ...
عند لامار
حياة جات عنها شيماء وخرجاتها تساريها مشا معاهم واحد الكارد واسبرو باش ماايجي عنهم حد من عاائلتهم ... واسبرو كيدير صواب مع نسيبتووو زعما .....ولامار طلعات لجناحها تما تغداااات و كلسات كتلعب مع قسم تااانعسات خلاتها بوحدها ....ومرة تفرج مرة تشوف تصاور لي كتسيفط ليها اريج من ايفران ... جاها موت دالملل واسد مابغاش يجاوبها ...ساعة دارت عندها الستة دالعشية ... قنطااااات بلا قياااس ومشات كتخربق فدريسينغ تلها فشي حاجة وآييس مع رجليهاا كتقرط فيه كل مرة زاطمة فيه مكيرصاش ...تاكيبان ليها واحد الالبوم ..كتعرفوووو وشحااااال هذا ماشافتو ... هزااااتو دغيا ومشات كلسات على سرير كضحك وتمس فيه فرحانة ... البووومها فاش كانت صغيرة كانت مخبياه ماماها ولاكن ماعرفاتش اش وصلو لهنا !
لامار : هذاااا خليييتوو فدااارنا لقديمة ... شكون جابو ؟ نكون جبتو انا ؟؟؟؟ لااااا معقلتش واش هزيتو ... لا لاااااا تكون جابتو مااما ؟ العجب هذا ...
حلاتو كتشوف فتصاورها فاش يلاه تزادت كانت صغيييييييرة فيد باباها كتشوفهم وتشوف لقسم بيناتهم شوية دالشبه غي قسم بيضة بزااااف ولامار حنطية ... عجبهااا وفرحات به شحال هاذااا مشافتهم مع كل صورة كترد السينتة لور عطااااتها غي لدموع ولبكا فاش شاااافت راسها مع باباها فاش تزاد امين ...
شاااافتهم كاملين مرة ضحك مرة تبكي مرة تسها ...و عاودتاهم ماسخاتش بيهم و كتسمح دموع وتشهق و ايس مقرد حداها كيلعب بشوالو ... وهي تجبد الصورة فاش يلاه تزادت فيد باباها وكتبووووووس فيهااا و ترحم عليه ... وهي تقلبها بانت ليها كتابة وبدات تصغر عنيهااا تقراها ... لقات فيها سمية سبيطار لي تولدات فيه ... و امتى .... وسعااااااات عينيها على قدهم وشدات تيل كتشوف لتاريخ ليوم وتشوف لصورة ...
لامار : ميييمكنش ... 16... وليووووم 15 ؟؟؟؟ يعني غداااااا عيد ميلاااااادي ... غدا غاندير 26 عاااام ... نووووووو .... ( شدات على فمها ) انا كيييييفاش نسيت عيد ميلادي تزهمرت على صغري ولا شنو ... وعلاش منهار تزوجت ماتفكرتوو ...يااااااربي ..... .
لامار : فففففف شهاد ضد شد معايا هدا ليوم .... بزااااااف على لغضبة ولفشوووش أو شحال ولا كيزيد فيه ...
ربعاات رجلييها كتسوط على شعرها ماعرفات مادير وتالجوو بارد ماشي ديال لخورزج هي وقسم .. عيات تشوف لقسم تفيق تونسها والو نعاسة قبح منها .... ومشات هزات لبسي تلعععب ولا دير فيلم .... حلاتووو وهو يعطيها محلول على الايمييل د اسد.. وبغات تشدو تخرج ... تا كيبان ليها ايميل يلاه دخل من عند الكاتبة ديالو ...قالت منو تعرف فين هو واش عندو شي اجتماع لي مامخليهش يجاوب ولا غي مفشش ... معوجة شفايفها البرهوشة لوخرااا وكتقرا كان باللغة الفرنسية ....
الكاتبة : الطاااابق لي طلبتينا نخويوه اسيدي لهاد ليلة واجد ووجدنا الغرفة كيف طلبتي ... و كون اكيد الطابق مغايوصلو تازبون
لامار : باااينة غايصااالحني بحفلة بيني وبينو تاضرب علينا 12 دلييييل لي ندير فيها 26 هااااااااح على حبيبي وافكاااروووووو ياااااااي اجنل عيد ميلااااد غاااندوزوووو
بدااات غي تنقز وتشطح بعفوية تعيا تكبر وتنضج فراسها لي فيها فيها باقا بنيتة صغيرة من داخل كتدمع لابسط حاجة وتفرح لابسط حاجة... مشات لصوروتووو لي محطوطة كتبوس فيها
لامار : كنحماااااااااق عليك انا كنحماااااااق عليك يا احسن زوج فدنيااااا يااااااااا عمري حيااااتي حبي رووووحي ..... نتااااا بووووكوصي اناااا فففف هو مسكين كيوجد ليا وانا شوف اش كنضن فيه ومن قبيلة نكر على فشوشو ... وكيغانديرو لقسم ؟ ممم نديها لماما حسن ... ماحدها ناعسة نوض نضربها بشي دوووووش نيت توحشت نكونو بوحدنا وفراحتنا بلا متقاطعنا بالغواااات قسووومتي
عند رتاج
يلاه دارت عنهم هوما 12 .... كانت كتلبس فبيتها ... لبسات جيب كحلة دجلد طالعة تالكرشها بالبوطون وتيشورت قصييييرة جايا حد فين طالعة الجيب فالموف .. ولبسات صبااااط عالي موف لامع ... باغا تتهلا فراسها وتقابل راسها باش تنسااااااه شوية دارليها ضجيج فعقلها هاد صباحفاش شافتو ... خبات سلسلتها تحت حوايجها مكتبينهاش .. و طلقات شعرها مرولي من تحت حلاقات طوال ومكياج خطير ... خلات كانيشها فلبالكون ... وخرجات كتجاوب فتيل
رتاج : لا واجدة .... انا هاااابطة...
هبطااات صوت طالونها كيطقطق فالموووبل وريحة بارفانها فايحة .. تاوصلا لتحت وهو يخرج وينسيوطون من الرنج ديالو تاهو فاناااقتووو المعهودة سروال كحل وشوميييز مارون ووشعرو فيه زغييات خفاف دشييب .. شافها وبدا يطلعها ويهبطها شي نهار تسوطيه ... الاناقة والرشاااقة والخخخفة والدكااااء والحنانة والجمال والبراءة مجموعين فيه وصلات عندو كضحك وبااس ليها يديها وعدنان فطموبيل كامش على لكااااارو مكرهش يخرج يخطلهم بجوج شاد راسو بزز .... حل ليها لباااب طلعات وزادو .... تا عدنان كسيرا رااد الحر على طوموبيل تااتسمع صووووت د حكة روايض منين تالين ... مريض بالغييييييرة على حاجتو لاقصى درجة يقدر يقتل عليها ...
رتاج : وي راه شفت قبيييلة وقع شي انفجار فالمحطة واقلة و فالمووول .. الله يحظر السلامة وصافي
وينسطون : وي ... كتسنى غير امتى نساليو هاد الامتحانات نرجعو ... هاد لبلاصة ديما عليها الهجوم دالارهاب وداعيش ... بحق السما اش كيربحو من هادشي ؟ هما غايقضيو علينا زعما .. هذا هو الاسللام عندكم
رتاج : الاسلام بعيييييد على هادشي ومكتحبدش بهاد طريق اووينس ... ابدا ماااشي بحال هاكدا هو .. وهادوك غير الله يهيديهم ...
وينسطون : هاااانتي على قبلك مغامر نخرج ههههه يكون حتا الفنااااء غانتغذا معاك
رتاج : اشنو غايمنعونا نخرجو من ديورنا ولا شنو ؟ انا راه لا داعيش لا عاديش يقدر يفتي عليا شي حاجة دارتلي طن نخرج غانخرج ....
وينسطون : ههه اصلا غانمشيو لواحد ريسطو محترمة و مأمنة و وخاصة ...معندك مناش تخافي .... واش انا نقدر نضحي بدكتورة بحالك ....
رتاج تجاهلات اصلا مكديرش فيه راسها وهو غي كيبتسم ويشوف فيها
وصلو لريسطو ونزل حل ليه لباب ونزلات كتمختر وكتشوف مع جنابها كتقول غايسلاط عليا فاي وقت ... وعدنان بااركا موراهم حاضيهم ... ودخلو لريييسطو ... وهو بقا تما شاد على لفولوون بضفااارووو كارز عليه ....
كانت ريسطو رااااقية وفيها ناس قلال ... وكحز ليها الكرسي وكلسات شاكراه بعينيها ... كانت كالسة مبتسمة تاكييبان ليها الاعصار داخل وهي تجمع ضحكتهااات وهو شاف ليها مخنزر ومشا شد طابلة اخرى وكيحمر فيها ...
وينسطون : رتاج ؟؟؟؟ رتاااج!!
رتاج : ااء يااس ... ؟ هانا
وينسطون : ( ضار فين كتشوف ورجع شاف فيها ) مالك واقعة شي حاجة
رتاج : لا لاااا اش غايكون والو ( كتعمد تضحك تفقصو ) غير شششبهت واحد السيدة ... اوا قوليا شنو عندهم هنا زوين نطلبووووه
وينسطون : نتي غي آمري اش مشهيا ويوجدوه فالحين
رتاج : ( كتشوف لعدنان ساهية فيه ) مشهيااااه محروووووق مقلي ومقططططع طراااف طراااااف وونجمع احزااائو بيدي واحد واحد ونعاود نلاقيهم من جديد ونعيطه حياة اخرى ... ونرجع نقطعوووو ... مشهيا نلعب بحياتو كيف لعب ليا بيها .....
وينسطون : اء ؟؟؟؟؟؟؟ مافهمتش ؟ اش كتقصدي
رتاج : ( شتت سهوتها ) ل الا والو مديش عليا هههههه خود ليا على دووووقك
وينسطون : حااااااضر انوور العين ... ( جات النادلة ووينسطون كيطلب و رتاج كاتشوف فعدنان وتفقص فيه مبتسمة بشششرررر وكتشرب من كاسها دالما وبهدووووء وهو عينه حوووووومررر ومزير على سنانو باغي ينوض يجبدها من شعرها )
رتاج : ( كتهضر بجهد بالعاني تسسعمو اصلا قرابين ) قوليا اوينسطون .... الى استغليتي شي بنت فشي غرض .. وهي بغااتك من قلبها ونتا غي كتسغل فحبها ..... هي فكل ركعة وسجود كطلب من الله يحفظك وتكون ليها ... ونتاااا ماراكش تما خصك غا حاجتك منها تقضا ...وتلوحها كيف سلعة خوردة ... وفجأة داك لبنت وعات باللعبة ديالك ... وحقدات وكرهاااااتك و نتا عارف انها عااااقت بيك .... و قطعات معاك علاقتها ولاكن نتااااا باقي تابعهااااا فين مامشااات كيف ضلها ... مكتعرف ولاا تحس تاكاتلقاك خرجتي ليييييها من شي قنت ....ونتا عارف انها ولات كتركهك وتكره كولشي فيك لدرجة قادرة تسمي كلب بمسيتك ... وباااقي تابعها .... اشنو غاتكون هم ؟ ( عدنان مزززير على واحد الكاس غايطرطق فيديه )
وينسطون : هههه غانكون وصلت لاقصى درجات الجنون .... الى كنت كنشوف فيها غي حاجتي ... وعاقت ليا وباقي تابعها اذن غانكون مكلخ حيت ماباقي غانصور منها والو ... اما لاكنت باغيهاااا فغانكون وصلت الادمااااان و الهوس بيييها وخاا تاافهاد الحالة مغانصور منها والو ولاكانت كرهاتني كيف قلتي ... مي الرجال انواع ... كاين لي لحوح وكيبقى تابع فالحتجة تاكيحصل عليها وكاين لي دغيا كيستسلم وهذاك هو النوع الجبان .. وليوواضح ماشي هو لي كتهضر عليه
وينسطون : خصوصا لاكان الامر متعلق بمراة ... مكنوليو نفكرو بحتا حاااجة من غير بالقلب العاشق
رتاج : اياياي .... هاد القلب .. هاااد القلب الحساس ولي كيديير فالعاشق هادشي كامل ... هو اكبر كدبة اخترعوها الرومانسيييين وتيقتوها نتووما .. اختارعوها باش يخرجو بنادم على عقلو ... امااا القلب راه غير عضووو من جسم الانسااان كيضخ الدم وفيه عروق وشرااايين ....( وينسطون كيشرب كاسو دالما يبرد على راسو خربقاتو ) وكينبض موقوووت كيف شي ساعة كتعلمك الى باقي حي وصااافي .... اش درخلو فهاد تخربيق كمل .... ( ضرباتو بكاسها لكاسو بحال النخب ) تيقني هادي حقيقة من دكتورة جراحة شدات اقلب بين يدسها وشافتو كيداير ... ورجعاتو حتا للحياااة .... القلب الحساس و العاشق كدبة رومانسية تااافهة اصاااحبي ويينس....
لامار خرجات من دوش مشات لدريسنيغ كتقلب فلي غوب ... وجبدات واحد لاغوووب كروونة طيويييييييلة و لاسقة على لاطاي و فيها فتحة تاااالفخدين ... و بلا يدين جايا غير على صدرر ومزيرة عليه ..
لبسااااتها بانت فيها واااو قنبلة موقوتة ... و سرحات شعرها مزيااااااان بلاكاتو و رداتو غي لواحد جنب ...مع كويل ضرب ليها فالخصر الممشوق ... مع حلاقات طواااااال كووووحل ... ودارت مكياح ركزات على عينيها مزياااااان تاولاو يبانو خطيرين ... و شفايفها دارت عكر ترابي خفيف ... حيت قوات عينيها .. جات متناسقة من داكشي ... عطبهااا رااااسهااا .... وكلسات ضحك مع المراية
لامار : كنتي باغي تفاجأني ليلة ؟؟؟؟؟ انا لي غانفاجأك احبيبي ...
بدات تضحك مع المراية ... ومشاات لعند قسم لي بدات تفيق عطاتها غي لبيبرون ولبسااااتها مزيااااان و دارت ليها طربوشها .. هزاتها فكونتها لابسات عليها فيروووور من لفوق كحل ...عطاها رقي خاص ... وهبطات تلاقاتها رجاء
لامار : رجاء الى جات حياة قوليلها انا خارجة غي طلعي ليها العشا بلا متسناونا ...
رجاء : حاضر الالة
لامار : قوليلهم يخرجو المرسيديس ....
مشات رجاء ولامار كلسات كتعيط لماماها
لامار : مامااااا راكي فدار ؟ لا لا غي غانخرج انا واسد هاد ليلة وقلت نخلي معاك قسم .. صافي انا غانجييبها راني هازة ليها حوايجها ...
علماتها رجاء بلي وطدو طموبيل وحطات تيليفون على طبلة وخرجات ركبات لور هي وبنتها وانطلقو و ماماها خرجات ليها هزات قسم وكملات طريق لوووطيل ديااالهم فابهى حللهااا ....
عند عدنان ورتاج
وقفات الناذلة على عدناااان لي قاطعاتو على حديثها لي كان مغلغل ليه اخر عرق فدماغو ....كانت جدااااابة بواحد جيب كحلة قصييرة و شوميز بيضة مخشية فيها كتبين كاع صدرها
رتاج طلعات عينيها فيهم وباقة داك للابتسامة على فمها لي شوية شوية كتحول لتخنزيرة كطلع وتهبط فداك الناذلة لي اصلا وقفات حداهم وخدات طلبية من وينسطون وماردات ليها لبال تاوقفات قدام عدنان.... وهو طلع فيهااا عينو وحيت قرابين كيتسمع الحوار ...
رتاج كتغزز فشفايها بتوتر كيفاش كيبتسم ليهااا وهي كتلوا ...
عدنان : مكرهتش يكون غير قلب ... بعروق وشاريييين و كيضخ الدم وكينبض كيف قنبلة موقوتة ... لا غير ....
الناذلة : ( بدات كضحك حسابتها كيتغزل بيها ورتاج كتحك فسنانها وكضور الرجل ديال الكاس بين صبعانها بتوتر والناذلة زلعاتها ابتسامتو سحر المساعير دابتهال كيتوزع على بقاع العالم ويخلي السيطرة تفقد على شي حاحة سميتها الرغبة ) لا مكاينش قلب بحال هذا ... القلب كلو احاسيس مرهفة اسيدي ... كلووو حب وكولو حناااان .... كل حاجة زوينة كاينة فالقلب ..... كيتسع لناس كاملة ولاكن مكيستولي عليه غير حبيبو .... القلب شي حاحة كبر من شرايين وعروق اسيدي ...
عدنان : نتمنى توجدي هااد القلب فطبق من فضة .... بغيتو يتزين بأجود ماعنكم من خلطااااات الهوس ... وتواااابل العشق .. وصلصاات الكره والغدر ... و رشة خفيفة من الغيرة .... مسحيه مزيان مع جناب مابغيت حتا دخيل ...
ناذلة : ههههه كلامك كلو حلو ماكرهتش نيجيب ليك هادشي ولاكن مطبخنا غير متوفر فيه هاد الطبق
عدنان : مامحتاجاش مطبخ باش تلبي ليا طلبيتي... كاين هاد القلب غي فداك طبلة لهيه وااااجد... وسخوون طااايب وحااااار بلا قياااس ... غايبان لك بارد من برااا تيييقني غير فخ ... لاقستيه تحرقي .... ( ناااض كيشوف فرتاج ورجع شاف فيها ) غاتلقايه غير تمااا ( ضرب فنيفها ) الغزاااالة ...
كحز الكرسي وناض كيمسح ليها بكلينكس و عدنان كان ماشي وهو يشوفو شادها هاكداك من دراعها ومشااا لعنهم دخان خارج من ودنيه ... رتاج شافتو جاي غي مزادت كتقفقف و توتر
رتاج : اااء م ماماليش ص صاافي ( بعداات دراعها لا تقرط ليها )
وينسطون : واش نتي بيهير ؟؟؟؟؟
رتاج غي كتبلق بعينيها فعدنان لي جاي خاااايفة يضارب وتولي شوهتهم هنا شوهة ... وعدنان طاي كيحاول يتحكم فاعصابو ويبعد عليه التصرفات الهمجية ... تاوقف عليهم كيشوف معاها وينسطون شاف عندو
وينسطون : محتاج شي حاجة اسيدي!!!!!
شاف عندو عدنان ااااااه بداك العينين .... وينسطووون وسع عينو عقل عليه ... عرفو المريض لي سافر عليه تالاسبانيا كيقفقف من الروكان... عرفو لاهو لي دارت ليه رتاج العملية .. واضح بيناتهم شي حاجة ... عدنان شاف فيه ووما ليه بعينيه يتببعووو لبرااا .. وينسطوون قاليه واخا غي بعينين كيهضرو ... وخرج عدنان
رتاج : وييينس ... فين ماشي ؟ غي كككلس بلا ماتمشي .... ( خافت عليه هه )
وينسطون : كلسي غانشوفو اش باغي ....
هو تيليفونو وخرج ورتاج متبعاليهم لعين ....
عند اسد ..
وصل قدام لوطيل محاملش راسو غي كيسوط ومدابز معامن مكان فيه موت دجوع حييت دوز نهار كامل فالمدرسة كيقاد فيهاااا على دوق لامار لغدااا ... اتجه لاستقبال يول على طااابق لي طلب يوجدوه باش مايشوف حد اسيل معاه ... لقاع واجد وطلع ليه ومشا لجناح ديالو بدل حوايجو حيت كان لابس غي سبور ... لبس كوستااارر بلو .. وحل المجر هز داك المنوم فجيبو ... وسائل منوي مزور و مصاصة دالجلد ... خبعهم فواح دبلاصة ... وهبط لريسطو فطابق لي خواوه ليه باش ياكل ... وكلس وجبد تيليفون كيشوف فصورة لامار وبنتو على شاشة د شيما ... باسهم وفتحو عاد لقا بزاف دليزابيل كان محيد سلسلة ماااهزش تيليلونو كاع ... لقاا من الكاتبة من شريكو الجديد من اسيييل ومن لامار ... دوز دغيا نمرة لامار فاش كتصوني ليه بزااااف دلمرااات كيبقى غير يطلب سلامة اش غايكون واقع ... مكتجاوبوش هو يصوني لدار جاوباتو رجاء
اسد : فين لامار
رجاء : خرجات اسيدي هي و قسم
اسد : فين ؟؟؟؟؟
رجاء : على ماسمعت من الكارد طلبت من شيفور يوصلها لدار لحاجة روقية
اسد : ااه داكوغ .... ( قطع عليها وبقا يشوف فصورتها ) ماشيا تغضبي على خاطرك ولا شنو هانا جاااي لوالديك ... ديري علاش وغضبي ...
جابو ليه عشاااه وكلس كيتعشى تاكيشم شي بارفان نسائي مجججهد وقف حداه وطلع عينو بانتليه جااات كتفرنس متيقة راسها بدا يطلعها ويهبط ... لابسة غوب بيضضضضة هادي تيقات راسها نيت عروسة .... قصيرة فوق الركااابي مع سمرة ركابيها كيبانو كوحل ... وداك صدر بندرااااتوووووو كييان مبوميي فوق الكسوة والمؤخخخرة وااااسعة وواضحة ديال الادوية و اايباري ... و مكياج وعكر حمرررر فاقع غي داك العكر عيفووو حيد ليه الشهية وعلا حاجبو فيها وهي تجمع ابتسامتها كانت كتسناه يضحك ويستقبلها بشي بيزو زعما .... راه ليلتها ...وهو داير فيها ظاك شوفة ديال كلسي ماتوقفيش عند راسي .... وكلساات مكتبغيش تركز و دقق فهاد تفاصيل باش مايكيحو معنوايتها واصلا مقاداها فرحة وحطات واحد صاك صغيير حمر ...
اسيل : قبل مني هاد لهدية ا اسد ( مشات الرسمية اوليدي )
اسد حل داك صاك لقا ساعة و رجع حطو
اسد : جيتي بكري ...( لا شكرا لا سيدي بو زكري لي رخيص رخيص وصافي )
اسيل : عاارفة عاارفة .... نتا قلتي ليا الستة ونا جييت تالتسعود ... ولاكن راه كنت كنعيط وكيقولولي باقي ماجيتي .... مابغيتش نسبقك ... خلي ليا الهبة هاد لييلة لي كنحلم بها من زمان ههههه
جا ناذل كطلب منها الطلبية
اسيل : ااء . الصرراااحة منكدبش عليك ملي عرضتي عليا ظنيت بلي غاتكون موجد ديجا عشاا على قبلنا بجوج .. ولاكن ماااشي مشكل تادابا طلب ليا على دوقك
اسد : ( بعد مدة وشرب كاس دالماا باش متوحل ليه ) دوقي خايب مغايعجبكش غير ختاااري ...
اسيل : اء ؟ .. ممم داكوغ شنو عندكم زوييين
بدا ناذل كيجاوبها وهي كتختار واسد كيصبر راسو امتى يسالي هادشي ويشد داك تيليفون دغيا بين يديه ويطيحها فشباكوو هاد ليلة .. واسيل مسكينة خاااب ضنها كانت كتسنى ش عشا بالشمووع ساعة لقاتو كيتعشا بووحدو ماتسوق تا ليها والناذل مشا وهو يغمز ليه اسد وفهمو ...
اسيل : ( بغات تزعم حيت اصلا ليلة ديالها وشدات على يديه لي فيها الفورشيط ... وهو بدا يشوف ليديها ويشوف ليها سنانو كيتحكو لداااخل ماباغيش يبين ....ولا كيعيف اي يد من مراة اخرى تحط عليه ) اااسد ... يااا اسد .. مقالو اسد تاكنتي فعلاا اسد الاوسود ..... هيبتك كتسطيني فخباااارك ....( عوج معاها راسو زعما زيدي ) كلك كتسطيني ....فيك شي حاجة وشي سحر خاص كينوم الواحد مغناطيسيااا ... بغيت نقول التنويم الروكاااااني ( تاهي لحلاحة لدين مها وشي نظاراااات غاديال التقحبين )
خرج وينسطون عند عدنان ... ورتاج هزات صاكها لايمشي ينوضو شي حرب ... عدنانها وكتعرفو ... وخرجات تبعهم يلاه غاتبعد على طبلتها وهي تغوووووووت بجهد شااااااااادة على ودنيهااااا
عدنان غي وصل عندو وينسطون يلاه بغت يضور عندو هو يشووووف داك ريييشطووو انفجججرر و زاج كيطرططق و العوااافي وناس كتغوووووووت ... ووينسطون ضار يزززرربة مصصدوووم وعدنان غووووت بججججهد
عدنان : رتااااااااااااااااج
دفع وينسطون تاااطاااح ومشااااا كيججججري ....
عند لامار ..
وصلات قدااام لوطيل ونزلااااات برقييهااا وهيبتها كالعادة ماشية كيف الفراشة والفرحة والابتسامة مزينة محياها ... دخلات وهوما كيحيوها براسهم حيت عارينها مولات شي ... وقرب عنها واحد
لامار : اشمن طاابق لي فارغ راجلي عفاك
- الطابق الاخيير الالة والجناح الملكي الخاص بسيادتكم ...
حبيبي الأصم الجزء 169
محتوى القصة
التنقل بين الأجزاء