حبيبي الأصم الجزء 172

عند سفيان .... 

خلاها وطلع لبيتو بقات غي تبلق بعينيها .... ورجعات خرجات لبرااا ماقالت تاوصلات لجردة كل مرة كدخل فشي حيييط ... ومشات لواحد الارجوحة تما وكلسات كتنفس شادة عندها داك الكاااب جيهة عنقها جاها البرد وكتلعب برجليها يدفاو.. ومتكية راسها لوووررر كتأرجح وتشوف لنجوم وسكون ليل وطيارات بعااااد كيبان منهم غي ضو .. تووووحشات دارهم وخواتاتها وماماها ....ومحيطها وصحاباتها .. حاسة براسها فعالم غرييب عليييها .. واخا من صغرها وهي كتحلم تحتك بهاد الطبقة ولاكن ملي وصلات ليها حسات بلي ماشي مستواها هادا... كتحس براسها برااااااانية ووحيدة .. واخا لامار مامقصراش معاها مي باقا كتحس بالوحدة .. ماشي هاكا مولفة . هي مولفة بطبيلة فالارض وخواتتها مجموعين على طويجين وخبز الدار سخونة ومامهم كتفرق ليهم فالدجاج ولا اللحم ... وينوضو يجمعوها ووحدة تغسل وحدة تشطب وينعسو تمااا كياملو فزريعة و ماماهم كتعاود ليها الحجايات تاينعسو ... ماخسات بقيمة داك العيشة تاااغادرتها .. اه فعلا كانت صعيبة ولاكن اللمة دالاسرة كانت كتلاشي الصعوبةة... دابا كتحس براسها ماشي فعالنها ... معندها تاعللامن تشكي ولا لي يجي بليل يغطيها ويسول واش كلات ولا لا ... تامن الماكلة كتجيها غريبة مكتعرفش اصلا شنو تما ولا كيف كيتكال .. بقااات غي كتنهد حاسة بالخنقة .. عايشة فالرعب كتخاااف يجي شي نهار داااك العريس يتنقم منها لي خلاتو ليلة عرسو .. ولا باباها يبغي يصلح سمعتو مع داك المقدم ويرجعها بسيف .... محساتش برااسها تالقات دموعهااا كيسيلو وعطاتها لشهيييييييق مقداتش تحبس راااسهاااا قلبها طااااااااايب كتشوف راسها من صغرها ماعاشت بحال لبنات .... كانو عايشين فالرعب مع باهم السكايري .. ونهار تزوج عاد كملاااات مرات باهم الباهية ... ديما خارجة ليهم بموصيية وخا عايشة بوحدها ديما شاريا ليهم الماشاكيل مع الناس ... ومزالا كتعاااااااني ..... كتشوف ناس كيفاش عايشين وضااااحكين وضاربين دنيا برككككلة خصوصي فاش شافت اريج ويوووونس كيفاش عايشين حياتهم بلا قيووووود ولا عادات ولا تقاليد وكيفاش متفتحين ... وشدات على وجهها بيديهاااا وعطاتها لبكا .... وشهيقها مزعزع سكون الليل 

سفيااان دخل دووش علييه كيدندن حيت ربحو الماتش فناظي لي كيلعب فيه فاش كيجي للمغرب ... ولبس غي شورط وخرج لبالكون كيكمي ويشوف لتيل ويتميساجا مع واحد الكاندية لاسقاااااه وتاهو عاجباه مدوز بيها وقتوو كتفرج فتصاورها لي كتصيفط ليه ... وهو يشوف لتحت ينفض الكارو وهي تبانليه حياااة كيتبكي تحت داك الارجوووووحة واحد البكااااا كيدخل الشك .... طلع حاجبوو ماعرفها مالها ... واش طلع فيها الحال وتقلقات حيت زعف عليها هاكداك قبيلة ؟؟؟ ...

طفا داك الكااارو وهبط عنهااا .. هي شافت خيااو واقف وهي تمسسمح دموووعهاااا وبدات تشد فنفسها مايفضحهاش شهييييقهاا وداك تزيار غي مزايد فاضحها 

سفيان : عموو ؟؟؟ ( هبط معاها راسو ) كتبكي ؟ 

حياة كضور راسها بلا ودموع فعينيها 

سفيان : وايلي !!! .... ياكما مني ؟ 

حيااة بدات تاني كضور راسها بلا 

سفيان : اه دونك غاتكون شي حاجة بيغسونيل ... ديزولي حسابتني مني ..مكيدينيش نعاس وشي حد هاز فقلبو مني ... بون .. ملي ماشي انا لي مبكيك دونك الحمد الله ... كملي كملي ( جابليها ضحكة وسط داك دموع بداك كملي وابتسم تاهو فاش سمعها ضحكات ) باه وي انا اش دخليني هههه لي بكاك يجي يسكتك مسااالي انا ههه 

بقات تضحك وتبكي وتسمح فدموعها وهبط عندها كلس حداها وهي حشمااات من داك القرب كامل قلبها تهززز ورييييحتو ولات تشمها قرييييبة هو راه عندو عاااااادي الحمد الله غي لي معنقهاش عندو كوراها فعداد الموتى ..

سفيان : هااا عمو فرررنسات ... قلت هاكاك حيت ماشي من حقي نسولك شنو عندك ديكشي دياالك .... ملي الامر مامتتعلقش بيا معنديش الحق ندخل فسواقات ناس وشنو فقلبهم ... 

حياة : ( كتشهق ) ممم ففهمت ... 

سفيان : ( ناض جا ماشي ورجع شاف عندها ) شنو سميتك بعدا نسيت ... 

حياة : حح حياة ( طلعات فيه عينيهااا كيبريو بدموع ) 

سفيان : ياااا سلااام .. اول مرة نشوف الحياة كتكبي ... كنعرفها هي لي كتكبي نااااس .. هااح فيك بكي بكي برديلي جنوني عرفتي شحال من واحد بكيتي ههههه 

حياة : ( كتشمر وضحك) ااه هههه... وليوم بكاااو الحياة .... 

شفسان : ارسول الله .. . بكي بكي والله تالبكاااا مزيان .. قريت ديجااا دموع فيهم شي مادة كتصفي ابشرة .. تي سي ؟ 

حياة : ( كضحك وشافت فيه ) اشمن نوع دناس نتا .... شي حد فااش كيشوف لاخور كايبكي كيحاول يسكتو ماشي يزيد عليه 

سفيان : ويلا كان عندو باش يسكتو .. انا ماعنديش باش نسكتتك اللهم نزيييد عليك مهم داير شي حاجة ههههه .. الى مانفعت نضر ههه.. اصبااار ...نجيبليك هاديك لي كدير قسم ففمها فاش تكون كتبكي .. ؟ شنو سميت داك العحب لي كيمصوو لسه 

حياة : ( بدا تضحك وتبكي وتمس دموعها ) لهااية 

سفيان :هااديك ... تقضي لك لغاراض ؟؟؟

بقات تشوف فيه وقرب عنها عنقها وكيبعد شعر على عينيها ويطالع فملامحها ... 

اسد : سمحي ليا ... قلقتك وبكيتك ..فليلة عيد ميلادك اروحي ... مغانعاودش وعد ..

لامار بدات غي كترمش فيه وترجع تشوف مع داكشي وتسلتات منو كاتمشى وتمنضر فداكشي .. ورجعات شافت فيه 

لامار : شنو قلتي؟ 

اسد : هه غاكتبداي ديري داك الحركات كنولي نطلب السلامة...غلطت وكنطلب السماحة....سمحي ليا ... مغانعاودش نخبع عليك ... وتاااانتي كداالك ... يعني غي سمحي ليا خلاص دابا راحنا غي متعادلين 

لامار : لا اااا . لا لا لا مامتعاددلييين واالو ... كنا غانكونو متعادلين كون تانتاا سمحتي ليا قبيلة فاش طلبتها منك .... ( اسد غي كيشوف ويحك فلحيتو كيهدن فراسو مايشعلش) ولاكن نتا اش درتي ؟ مشيتي درتي نفس غلطتي ... و باش باغي تصلحها بشوكولا والورد ؟ 

اسد : نووو ... مي قلت نلبي رغبتك باغا تحتفلي بليلة عيد ميلادك .... ما سماحة كان بامكاني نطلبها تالداخل ولا فدار معنديش مشكل فيها .. حيت سماحة محتاج فيها غي نقاش وحوار بسيط ماشي شوكولا ... هادشي لليلة عيد ميلادك ...

لامار :تنهدات مدة كتشوف فيه بكل جدية

لامار : لا هادشي داخل تافسماحة ...من قبل شهورة طحنا فنفس الموقف... غي فرق هو انا كنت واقفة فبلاصتك ونتا فبلاصتي ... غلطت معااك وجرحتك ملي شفت واحد اخر ...و نهار بغيت نصالحك بديت نقلب اشنو كيعجبك وكتبغي .. ومالقيتش ماحسن من راسي .... لبست وتقاديت وقدمت ليك راسي .... باش جاوبتيني قلتيلي نتي ماشي غي جسد باش فكل مرة تجي تصالحني بيه .... عقلتي ياك ؟ حيت انا عمرني نساها .. قلتي ليا بلي نهار تغلط خصني نصالحك بافعالي ونبين ليك انني مغانعاودش نفس الخطأ ونبين ليك بلي نضجت .... وقلتي ليا بلي انا الى كنعتبر راسي فيا غي الجسد فنتا ماكتشوفش فيا غا هو .... كدالك نتا دابااا .... مشيتي كتقلب على شنو كيعجبني وعارفني كنحماق على الشوكولا .... ومشيتي حضرتي افخر انواعها باش تلصح غلاطك ..... كيف ما انا ماشي غي جسد .... حتا نتا احبيبي ماااشي غي جيب ... باش فكل مرة تصلح اغلاطك معايا بشي كادو غالي ... كيف مانتا مكتشوفش فيا غي الجسد ..كدالك انا مكنشوفش فيك غي الجيب 

اسد : بديتي تروني عاوتاني مم ؟ توحشتي صداع 

قربات عندو كتشوف فيه

لامار : علاش كدبت؟ نتا جرجرتيني ربع شهور .. وانا نسمح ليك فساعة ؟

اسد : قتليك غا كتروني..نتي تقلقتي وبغيتي ديري داكشي ضد فيا .... اما انا لا داير هادشي باش نحمي علاقتنا ... كان بامكاني نجي ونقولها لك ولاكن عارف غيرتك كيدايرة و كنعرفك شحال كتهزي الهم وتباتي بلا نعاس .. فإلى كنقوليك انا عاوديلي كاع اش عندك ..ونا مكنعاودش ليك باش تعرفي راسك نفسيتك عندي اهم من نفسيتي .. انا نهز ونتي لا .... العيب والعار لامكنتش غانقوليك تاحاجا ..مي انا فاش كنت غانسالي هاد اللعب غانجي ونعاود ليك كولشي دد نتي ا امدام داك نهار فاش شفتي راسك غلطتي وخورتيها ..كنتي باغا تخبعي وعمرني نعرف كون ماشفتش المسج...تامن القب خبيتي بيه شعرك ... وانا راجل ماشي ديوث.. مهمتي انني ندير ليك العز ومنخلي تاولد المراة يشم تااريحتك ..وانا غيرتي قبح من ديالك بلا قياس .. وانا صعب منك يعني نتي لاكنتي غاتحملي داكشي انا لا.. عصبي ومكنتفاهمش وفاش كيكون نايض العجاج راكي عارفاني مكنصلاحش للهضرة..ويلا كنت انا عصبي نتي خصك تكوني مهدنة باش نجحو فعلاقتنا ماشي تعانديني..اما باش تقوليلي ربع شهور مسمحتش لك.. نتي عارفة طبيعة خدمتي وكان لابد مانسافر ماشي غضبان..كون ماخليتك داك الفترة كاع مغاديري عقلك وديري فيك النفس تعلمي وتولي بحال هاكدا دابا ... مكنتش هاز فقلبي حيت راني صالحتك ووليت نهضر معاك كل نهار نتي لي طفيتيه فلخر فاش سافرت للجزيرة وخا كنتي عارفة معنديش ريزو ومديرهاش بلعاني وغي خطاتني صورتك رجعت كنجري نتي لي بقيتي مخاصمة وانا كنزاوك ..واخا تا اش طرا لبارح غير بردت رجعت ليك.. عمرني جرجرتك راك نتي لي جرجرتيني شهر فامريكا ومكتبغي لاتحزري .. وكتشدي الزكر ... تفكري شحال من موصيبة درتي وسمحتليك فنهارها ونسيتها كاع ... تفكري قبل مانتزوجو ... بقيتي شادة ليا غي فداك الخطرة ؟ شكون هاد الراجل لي كان غايصبر على داكشي شكون ؟ ... باش نفقص راجلي نمشي نتلاقا بالعدو ديالو .... وتجي تقارنيها معايا انا لي جايب هاد القحبة باش نخرجها من حياتنا وحياة خويا .... ومقستهاش تابيدي ... راكي خلطتي الاومور بلاا قيااااس .. واخر مرة نسمع هاد الهضرة دالجيب وهاد الخراا كامل .... و للعناد دوالو .. ماشي كل مرة خصك ديري اش درت انا .. ديري اش كيملي عليك قلبك.. مااشي الزكاارة وتفكير المراهقات راك بعقلك ..نتا ماسمحتينيش تانا مغانسامحش ليك ... نتا جرجرتيني تاننا غانرجرك ... فكري بعداا فنوووع الغلااط وقارنيه ... عاد قارني رد الفعل .... 

خلاهاا وخرج شاعل

فخباركم قفلات حبيبي الاصم عام ؟ اليوم عيد ميلاد حبيبي الاصم ...عرفتو شحال تعبت باش جبتو نيشان مع عيد ميلاد لامار واسد هههههه

غانخصص احتفال فيها ونقول فيها كل كواليسها وبيسطوفاتها .. 

بنسبة ليا كنت قتليكم شحال هاظي غاتسالي نهار غيد ميلاظها ... حاولت مي ماقديتش .. دونك نحاول نساليها مع لبوناني 😂 .... .

غانحسبو مع بعض العد العكسي 😉 .على فكرة خدامين بالقديمة😂

يتبع