لن أتخلى عنك أبدا الجزء 15 والأخير

من تأليف خوليتا جود
2018

محتوى القصة

رواية لن أتخلى عنك أبدا

سهام على سعدهاا و وعدهاا وخاا ماعندهاا گانة مااعندهاا خااطر مشات قدام لمراية ومسحاات وجهاا مزياان وعاودات دارت مكياج خفيف ورجعات حيدات ديك الكسوة ولبسات كسوة خراا وطلقات شعرهاا مزاال يلاه اتلبس فرجليهاا وهياا تجي عندهاا مهاا 
: سهام يلااه هبطي نااس من صبااح و هوماا جالسين 
سهام : واخاا هاني انهبط 

هبطات مهاا ومن موراهاا بشوية هبطات سهام ومعاهاا لبناات دخلو ومع دخلة وقف بدر وعينيه عليهاا كايبريو دخلات سلمات عليهم واحد واحد 
أما هاجر لي ملي دخلات مشات عينها نيشان لعند رفيق لي مااشاافش حتى فيهاا وماعبرهااش 
أم بدر : تبارك الله مشاء الله على عروسة ولدي 
سهام : ربي خليك اخاالتي 
أب بدر : لينا شرف نتنااسبو معااك اسي لقاسيمي 
الحاج : مرحبااا بيك
نرجس :(نغزات سهام) ضحكي اصاحبتي شوياا ونتي بحاالاا كايتفواضو على إعدامك 
سهام : عفااك خليني انرجس 
نرجس : شوفي بدر كايشوف فيك 
سهام : (ماهزاتش عينيهاا فيه) ومن بعد 
هاجر : ماال رفيق شاد راسو بين يديه بحاالاا عندو جنازة 
نرجس : رفيق غير عيان شوياا

وصل مساج فتيليفون سهام هزاتو ولقااتو من بدر 
بدر : ماالك ماعجبتينيش أش وااقع 
سهام : (جاوباتو) بزااااااااف 
بدر: ( غير قراه و وقف ) سمحو لياا فين جا الحماام 
أم سهام : سهام بنتي وري لبدر لحمام فين جا 
سهام : وااخاا 
وقفات سهاام وقادات حوايجهاا وتقدمات قدامو وهواا موراها حتى خرجو من الصالون عاد جرهاا من دراعهاا 
بدر : مااالك شنو واقع 
سهام : بزااف ابدر 
بدر : هضري 
سهام : رزان جرات عليا ليوم 
بدر : جرات عليك ؟ علاش 
سهام : فاايت عاودت ليك على سراج وبلي راهاا ماعاارفاهش خو راجلهاا ليوم عرفات كولشي 
بدر : ومالك نتي فهادشي 

سهام : ماالي جرات علياا حيت خبيت عليهاا ومااقلت ليهاا والو وكنت أنا أقرب وحدة ليهاا هناا 
بدر : صافي نسااي ليوم وأكيد اتساامحك كيف نتي قلتي قلبهاا كبير وكيف سامحاات جدك لي كان ناكرهاا وناكر مهاا أكيد اتسامحك نتي 
سهام : (وصلاتو قدام الحمام) كنت كانتمنااهاا تكون معااياا فهااد نهار
بدر : صاافي اسهاام 
سهام : فرحتي ناقصة بلا بيهاا 
بدر : غير صبري اتسامحك وترجعو احسن من قبل 
سهام : (تنهدات ) نشاء الله.. لمهم أنا انرجع 
بدر : واخاا حبيبة 
رجعات سهام لصالون وجلسات جنب نرجس وهاجر وامشي بزااف لحق عليهاا بدر 
جالسين كايتعاودو الحاج وسمير و بدر وباه على بزاف د المواضع من غير محمد لي غير دخلو وسلم عليهم غبر ليه الأثر 

وفجيهة تانية كاينة فاطمة وأم سهام و أم بدر و الحاجة مجمعين 
بقاو هاكداك حتى سمعو صوت رجولي نطق بالسلام عليكم ضار كلشي جيهت الباب 

كان هارون لي هاز صفوان فيد واليد تانية قابط فيد رزان 

ضارو كاملين مبتاسميين من غير سهام لي وقفات مصدومة من الفرحة ومشات كاتطير عندهم 
سهام : جيتو هههه(معنقااهاا) رزاان جيتي اختي سمحتي لياا ياااك هههه 
رزان : شش تفو على گنس فضحتينااا 
سهام : (عنقااتهاا وزيراات عليها) ههههه واللهيلاااااا عااايرتيني ههههه هيااا سمحتي ليااااااا ههههه 
رزان : طلقيني ازمر خنقتيني 
هارون : (بابتسامه) سهام طلقي مراتي 
رزان : هههه هاني اسيدييي
سهام : فرحت حيت مااخليتينيييش هه وسمحتي ليا
رزان :نهضرو فهاد الموضوع من بعد

قبطااتهاا فيدهاا وجراتها معاهاا لداخل كاتعرفهاا على عائلة بدر واحد بواحد وفرحانة
سهام :هادي خالتي ملكة مامات بدر ...هادي رزان بنت عمتي وراجلهاا هارون ولد عمي 
رزان :(سلمات عليهاا)مرحباا بيك 
ملكة :(سلمات عليهم)ترحب بيك الجنة ابنتي 

سهام : وهادا عمي مصطفى بابات بدر 
مصطفى وقف بفرحة : العميد هارون القااسيمي أخيرا تعرفت عليك شرف كبير لياا (مد ليه يدو) 
هارون :(سلم عليه) مرحباا 

وقف بدر سلم على هارون وداز لعند رزان يلاه اتمد يديهاا وهواا يسلم عليهاا بلوجه وهارون عقد حواجبو ماعجبوش المنظر 
بدر : رزان عااش من شاافك كيف دايراا بيخير ؟ 
رزان : (كاتشوف بنص عين فهارون) ههه بيخير اخوياا ونتاا 
بدر : بيخيير ملي شفتك حيت من قبيلة وسهام منكداهاا عليناا 
رزان : هيهي لهلا يخطيك 

جرهاا هارون من يدهاا بكل لطف جلس وجلسهاا حداه ومااشاافش جيهت رفيق باااش مايتعصبش ويدير شي حاجة لي تخلي رزان تعصب ونااس كاينين ونفس شي رفيق حادر راسو ماشافش فيهم نهائيا

جرهاا هارون من يدهاا بكل لطف جلس وجلسهاا حداه ومااشاافش جيهت رفيق باااش مايتعصبش ونااس كاينين ونفس شي رفيق حادر راسو ماشافش فيهم نهائيا
مصطفى : ماكاانش يحساابلي اموسيو هارون راك من نفس العائلة وخاا لكنية مشاات من باالي.. اعماالك ومشارعك معروفة فالمغرب وخارج المغرب ناهيك عن عملك كعميد شرطة متبع اخبارك وكان يحساابلي ساكن ف نيويورك 
هارون : (جالي رجل على رجل وقابط فيد رزان) حالياا كونجي 
مصطفى : تبارك الله الله يسر ليك

الحاج :سمير فين محمد 
سمير: ماعرفتش الحاج كان هنا قبيلة يمكن
شي خدمة 
هارون :(تحناا حدا ودن رزان)حنكك شايط احبيبة ؟
رزان : زرب علياا واحق الله 
هارون : حتى أنا انزرب عليك لمراا جاية إلى مديتي حنكك 
رزان : رااه والله غير 
هارون : شش داباا لهضرة مااشي هناا اااه و توحشك فاايتااا شايفااه ؟ وفين ؟ 
رزان : اويلي الله يهديك دري جاي يخطب ف بنت عمك وكايموت عليهاا ونتا كاتقول هاكدا 
هارون : حتاال دار ونتفاهمو احبيبة 
رزان : (كاتحاول ماتبينش) هيهيهي لهلا يخطيك علياا 

جات الخدامة وعلماتهم بلي لعشا واجد
.. ونتاقلو كاملين لطبلة لي كان مترؤسها من جيهاا الحاجة والجيهة التانية هارون وجنبو رزان كايتعشاو ف جو ديال سكات كايتسمع غير صوت لموس والفرشيط والخدامات مستفين حداهم لي بغا شي حاجة كاتقدماا ليه بلاماا ينوض 
تعشاو وسالاو ورجعو لبلايصهم وقدمو ليهم قهوة مع حلوياات 

مصطفى : سي الحاج بلا شك نتوماا عارفين سبب زيارتنا 
الحاج : طبعاا 
مصطفى : إوا إلى كتااب جيناا طالبين يد بنتكم المصونة سهام لولدناا بدر 
الحاج :(كايشرب قهوتو) إلى كانت موافقة هياا و بابهاا مانزيدك غير الخير 
مصطفى : سي سمير أش قلتي نتاا والبنت 
سمير : إلى مفاهمين الله يسهل عليهم

الحاج : سهام شنو رأيك 
سهام :(مقزدة) قابلة أجدي
رزان :(نغزاتها) إوا ديري غير راسك حشمانة زعماا 
سهام : آوا أنا جايباه حتال دار وكثر من ربع سنين وأنا معاه وعاد نبدا نقوليهم هيهي لي درتيه ابابا هوا لي كاين صااافي بغيتو بغيتو 
رزان : هههه الله يستر 
الحاج : إوا سيادناا قراو الفاتحة 
هزو يديهم كلشي كايقراا الفاتحة حتى سالااوهاا وتفاقو على نهر الخطبة لي قررو يديروهاا هيا ونرجس فنهار واحد من بعد ماسلاو قهوتهم وكملو حديتهم وقف بابات بدر و ستؤدن منهم 

مصطفى : خليناا ليكم راحة 
الحاج : مرحباا 
مصطفى : ربي يخليك داباا وليناا عائلة 
تسالمو على بعضياتهم و وصلهم سمير ومراتو وسهام حتال قدام الباب حتى مشاو
ورجعو لعندهم 
يلاه جلسو و هوا يوقف رفيق بغ يخرج و حبسو الحاج 
الحاج : فين غادي 
رفيق : (ماكيشوفش جيهت رزان وهارون) فين عمري قلت ليك فين غادي وفين جاي 
الحاج : شنو ديك الفوضة ديال قبيلة بغيت تفسير 
رفيق : نساا الحاج 
الحاج : شنوو انساا .. أش ديك روينة بغيت نفهم ماحد كولشي هناا 
رفيق : (كايغوت) ماااكاااااين واااالو الحاااااااج واااالو من غير أنا قلت لرزان الحقيقة لي نتوماااااا وهوااا مخبينهااااا عليهاااااااااا 
مع آخر كلمة مع تلااااح لور طايح الأرض من حر الدقة لي خدا من عند هارون حتى شهق كولشي 
تلاح عليه هارون شنق عليه ف الأرض وبقااا كايعطيه دقة مورااا دقة وكايغوت 
هارون : نتااااااا أش دخلللك ااااش دااااك عندهااااااا انقتلللللك (كايعطيه بروصية لراس) انقتلللللك هاااااادي دياااالي صبرت لييييييك بزاااااااف ونتاااا زاااااايد فيه (بقاا كايعطيع دقة مورا دقاا وسمير كايحاول يفكهم ولكن تقول واش هارون بغاا يبعد 
هارون : (عروق يدو تنفخو ولا كولو عرقاان وكايغوت وكايسب) 

بقاا كايعطيع دقة مورا دقاا وسمير كايحاول يفكهم ولكن تقول واش هارون بغاا يبعد 
عروق يدو تنفخو ولا كولو عرقاان وكايغوت وكايسب والعيلات كايتباكاو ولبنات واقفين بتلاتة مصدومين ومامعاهمش هاجر حيت كانت مشات قبل مايخرجو ناس 
هارون : ماااابغيتيش تببببعد منهاااااااا مااااابغيتيش تفهم علاااااياااش كاتقلب نتاااا 
رفيق : (كايهضر بزز) ع..ع. عرفتهاا قب..قبل منك خص ...خاصهااا تبغيني أنا مااشي نتااااا 

زاااد صعر ملي سمع هضرتو ولا كيف تور الهاايج نزل عليه دقاااااا موراااا دقة مورااا دقة خلاه مجبد لا حول لهو ولا قوة ومع ذالك بااقي كايعطيه 
هارون : ااااااع انقتتتتتلك ارفيق انقتلللللللك إلااااااااا هيااااااا فهمتي انقتلللللللك 
رزان :(كاتبكي) بعد أهئ أهئ هااااارون طلق منو شنوووو كادير أهئ أهئ اتقتلو 
الحاج : طللللق منو هاااارون طلق 
هارون : (دفع رزان) بعدييييي مااابغااااش يهطيك تساااااع.... مابغااااوش يفهمو لييييي شااااف فيك انقتلو.... ماااابغااااوش (كايضرب) يفهموووووو راااااك دياااالي ...راااااك مراااااتي.... 
....دياااااالي بوحديييييي... حتى واااااحد مااااعندو الحق يشوف فيك 
رزان :(رجعات كاتجر فيه) أهئ أهئ أهئ رفيق أهئ بعد اهاااارون اتقتلو 
سهام : (حتى هياال كاتجر فيه) بعد منووووو اهاارون بعد 

ماااحسش شنو دار ولاا إمتاا دفعهم بزوج من عليه جاابهم طاايحين ف الأرض حتى تأوهات رزان عاااد ستوعب

وقف بزربة ومشااا لعندهاا وتحناا على ركاابيه وهوماا مشاااو كايجريو عند رفيق 
هارون : ماااالك شنو صاافي سمحي ليااا ماقصدتش احبيبة 
رزان : أهئ أهئ وااااش ماااااات
هارون :(صاااعر) علاااااش كاتسولي علييييييييه 
رزان : أهئ أهئ أهئ رفيق 

هارون : ماااااااتنطقييييييش سميتوووووو 
رزان : أهئ أهئ أهئ شنوووو درتي اهارون 
هارون :(قبط وجهاا بين يديه وهوا كاينهج و واخاا هاكداك مابردش) ماابغااوش يفهمو ارزاان ماابغاااوش يفهمو بلي نتي ديااالي ماابغااوش يبعدو ماابغاااوش يخليونااا نعيشو مرتااحين
رزان : أهئ أهئ أهئ 

فجيهاا خراا كلهم واقفين على رفيق لي مغيب و وجهو تخلط بدم مافيهش شي بلاصة باقياا صافية 
الحاجة : أهئ أهئ أهئ بغاااا يقتل خووووه أويلي شنو هاااد العيشة لي وليناا فيهاااا أهئ أهئ حفااايدي مقاااتلين 
الحاج : (غوت) عيطوووووو لطبييييب 
نرجس : أهئ أهئ يااكمااا مااات 
سهام : (محنياا لعند قلبو) لا بااقي حي يلاااه ابابا نديوه لسبيطااار 
الحاج :(غوت) عيطيييييي لطبييييييب إلى خرج صحاافة كااملة اتسيق لخبار حفااايد لقاااسيمي قاتلين بعضياااتهم عيطي لطبيييب دغيااااااا 
سهام : نرجس عيطي لهاااجر دغيااا تجي 

هزاات نرجس تيليفون تاصلات بهاجر علاماتهاا بااش داباا تكون عندهم ر
وماقاالتش ليهاا علاااش 
مزاال محنين على رفيق وكولشي كايبكي على الحالة لي ولاو فيهاا ديماا كانو عايشين فسلام شنو طراااا حتى العائلة بدات كاتشتت بشوية بشوية

سمحو الحس فالبااب ضارو كاملين كان

محمد لي داخل مصدوم كايشوف ف نقطة معينة وحوايجو وقاميجتو البيضة كاملاا كحلة ومقطعة و وجعو وحالتو كاملة مسخة
مشاات عندو فاطمة ونرجس كايجريو وهارون كايشوف فحالت بااه 
نرجس : باااااااابااا شنو هااادشي أش هااد الحالة ماااالك 
فاطمة :(عينيهاا منفوخين بلبكاا) محمد شنو هاادشي شواااقع فين كنتي 
محمد :(طاح على ركاابيه وشد راسو بين يديه) م. ماا. ماااتو مااااااااااتو

القرآن مطلوق فكل قنت وناس شي داخل شي خاارج كولشي لاابس لكحل رجال ف صالة ولعيلات فصالة تانية 
جلاسين عائلة القاسيمي ودموعهم نازلين على فراق جوج أفراد من عائلتهم ..ولعينين كاملين متوجهين لسهام ومهاا لي مااصاابرينش على فراق بنتهم لي ودعات هاد الحياة بأبشع الطرق 

رزان : (كاتبكي) باركة اسهام عفااك رااه اتقتلي رااسك 
سهام : (كاتبكي) أهئ أهئ أهئ مااااقااادرااش ختي الوحيدة ارزااان أهئ أهئ مشااات ارزاان مشاااات بلاماا نشفها

رزان : دعي ليهاا برحمة والمغفرة راك غير كاتحرقيهاا بدموعك 
كولشي كاين الحاجة ونرجس والأقارب حاضرين ملي ساقو بموت سراج وأمل كلشي مصدوم خصوصاا سهام ومهاا وباهاا سمير لي فرقاتو الموت على بنتو قبل ماايتسامح معاهاا ومحمد لي فقد طرف من كبدتو سرااج لي واخاا يكون كيفمااا بغاااا يكون كايبقااا ولدو من دمو ولحمو 
ليل كامل وهوماا على حالهم ماشاافوش نعااس ملي نزل عليهم محمد بخبر موتهم الشنيع وكيفااش ماتو وتعدبو فالدنيا قبل الأخرة حيت حتى واحد ماتبغي ليه الموت محروق واخاا يكون عدوك وهوماا ماتو محروقين بجوج ملي تفركعات عليهم البوطة نتيجة إهمال الطباخ لي نساهاا محلولة وطفاا الضوء وبقاات تقريباا نهاار كامل هاكداك وبحكم سراج مضروب فرجليه مايقدرش يتحرك وأمل لي ماكاتقدرش تنوض من بلاصتهاا 

غير جات الدكتورة باش تعااين حالتهم ودخلات لكوزينة وشعلات الضو تفرگااعاااات البوطة والعافية شعلات فدار وماتو بتلاتة وفديك الوقت لي كانت شاعلة العافية فدار كان جاي محمد باش يطمن عليهم وعلى صحتهم حتى كايشوف الدار كيف الجمرة شاعلة وناس مجموعين قدامهاا 
تصدم وغريزة الأبوة تحكامت فيه وبغاا يلاوح راسو الداخل ويجبد ولدو لي هوا عارف ومتأكد كاين وسط العافية ولكن حبسوه 

الناس وماخلاوهش يدخل غوت وضرب وسخف و فالاخير تلاح على ركابيع وشاد راسو بين يديه وبقااا يبكي حتى جات الإطفاء لي خرجاتهم جثث مشوهة ومايقدرش لواحد يشوف فيهم 

جات الخدامة وعلاماتهم بلي جابوهم من مستودع الأموات وبعد شوياا ايخرجو باش يدفنوهم 

وقفات إمان أم سهام لابسة كلشي كحل فكحل و وجهاا منفوخ وعينيهاا طايبين ولكن ماكاتبكيش حيت دموعهاا نشفو 

تحراكات غادياا تخرج من تماا وكلشي وقف تابعهاا حتى عتبات براا الباب وبانو ليهاا جوج جثث على الأرض مكفنين وجنبهم ناس واقفين 

خداوهاا رجليهاا ببطئ حتى وقفات قدامهم وبقات كاتشوف فيهم عرفات جثث بنتهاا لي كانت ضعيفة قدام الجتة الثانية 

تحنات لعندهاا بشوياا وجلسات على ركابيهاا ومدات يديهاا كاتدوزهاا على وجها من فوق الكفن 

إمان : بنتي لحبيبة شحال كنت بغيت نشوفك لابسة لبيض فيقي احبيبة نوضي هوماا غير كايكدبو اصلا ماتيقتهموش عارفااهم ماكاايحملوكش الغزالة ديالي نوضي عفاااك أهئ أهئ أهئ نوضي اكبذتي نوضي اناااا قااابلااك كيفمااا نتي (بدات كاتحرك فيهاا بزربة وكاتبكي) وااااااافيقي أهئ أهئ مااااااااتحرقيش قلب ميمتك عليييييييك ابنتي فيييييقي بغيييييتك كيفماااااا نتي بغيييييييتك ابنتي بغيييتك أهئ أهئ أهئ ماااانعااااودش نخليييييك أهئ أهئ أهئ إلى كولشييييييي خلااااااك انااااااا معاااااااك غير فيقي 
سهام :(كاتجرها) أهئ أهئ أهئ مااماااا صاافي 
إيمان : بعديييييي خليوني نفيقهاااااااا أهئ أهئ بنتييييييييي

تحناات عندهاا فاطمة كاتنوض فيها ومابغاتش تبعد منهاا كاتحرك فيهاا وتبكي حاسة بالعاافية شاعلة فقلبهاا 

تحناات عندهاا فاطمة كاتنوض فيها ومابغاتش تبعد منهاا 
حتى جاا سمير لي حاالتو كاتقطع فلقلب وقفهاا وضمهاا ليه كايبكي وكايدوز يدو على ضهرهاا 

إيمان : أهئ أهئ سمييير أول فرحة ليناا مشاااات اسمير أهئ مشاات وشواات قلبي عليهاااا 
سمير :(كايبكي)بغها الله.. الله يرحمهاا ويغفر ليهاا 
ايمان :أهئ أهئ ماقاادرش اسمير أهئ ماقاادراش نديرهاا تحت تراب 

جاو العائلة كايتوادعو معاهم باش يخرجوهم كولشي كاين من غير هارون لي غبر ورفيق لي متبع الجنازة من البالكو لفوق حيت مايقدرش يهبط وجنبو هاجر 

تقدامات رزان لعندهم وعينيهاا شلال من دموع هادو هوماا أكثر وحدين اداوهاا 

.ولد خالهاا سراج لي دوز عليهاا عام ديال العذاب وبنت خالهاا أمل لي حاولات تقتلاها وتبعدهاا على راجلها أكثر من مرة كانت كاتقول إمتا اتهنا منهم ومن مشاكلهم وبعد المراات كانت كاتمنى تشوفهم كايتعدبو قدامهاا وكاتقول إلى شافتهم فأضعف حالااتهم ديك ساعة عاد ممكن تبرد 

وهياا داباا واقفة بيناتهم لقاات بلي عمرهاا مادعاات عليهم من قلبهاا وعمرهاا تمنات تشوفهم بهاد الشكل.. 
بكااات عليهم وبكاااااات وبكاااااات وبكااااات ملي كاتفكر ماتو محروقين تحااسبو ف الدنياا قبل الآخرة 
تحناات لعندهم باست راس أمل
وضارت بقات كاتشوف جيهت جتة سراج وكاتبكي تحنااات بااستو فراااسو ونطقات 
رزان : أهئ أهئ الله يغفر ليك الله يسمح ليك أهئ أهئ انا مسامحاك ومسامحااهاا على كولشي الله يرحمكم 
بقات جالسة بيناتهم كاتبكي حتى جات نرجس نوضاتهاا وتحناا محمد عند ولدو كاايبوس و يعنق فيه 
أما رزان دخلات كاتقلب على هارون باش تقوليه يخرج يتوادع مع خوه ويسمح ليه باركة عليه غير عذاب دنياا لي داقو.. وعاارفة بلي إلى ماساامحوش حتى هواا مااغاديش 

يكون مرتااح فحيااتو شافت ملامحو كيف تبدلو ملي عرف بلي ماات محروق وعرفاات بلي بقاا فيه ولكن ماابغااش يبين ومن الباارح وهوا خاوي دار 

قلباااا عليه حتى عيااات وتااااصلات بيه حتى عياااات ولكن واالو تيليفونو طافي هبطاا لتحت ولقاتهم هزو الجثث باغيين يخرجوهم ونااس كاتبكي 
مشاات كاتجري حتااال عند خاالهاا سمير و وقفاات قدامو 
سمير : ماالك ابنتي 
رزان : خااالي عفااك تسنااو شوياا عفااك خلي حتى يجي هارون 
سمير : ماغااديش يجي هارون ابنتي 
رزان : غير صبر شوياا اخالي غاادي يجي 
سمير : غاادي يأذن الظهر دابا شويا
رزان : عفاااك غير خمسة دقائق 
سمير : وااخاا 

هضر مع النااس لي كانو هازينهم بااش يحطوهم ويتسناو واحد خمس دقائق علاين مايجي واحد شخص وداكشي لي دارو حطوهم ورجعو وقفر جنبهم 

إيمان : (جات عندهم وهياا بااقي كاتبكي) علااش حطيتوهم 
رزان : خاالتي إيمان غير واحد خمسة دقائق إلى جاا هارون 
إيمان : (قرباات عندهاا زوج خطوات وكاتشوف فعينيهاا) على أساس كاتحمليهم نتي وسي هارون دياالك 
سمير : إيماااان سكتي 

رزان :(بقاا فيهاا الحال من مرات خالهاا لي كانت ديماا كاتحتارمها وليوم كاتقول ليهاا هضرة بحاال هاكداك نطقات وهياا وااحلة ليهاا البكية فحلقها) خاالي صافي غير ديهم إلى بغيتي 
سمير : نتسناو شوياا 
رزان : (شافت فمرات خالها) لا ماكاين لاش 

هضر سمير وقال ليهم هادا هوا الوقت باش يخرجو هزو الجتت فتجاه الباب غاديين بيهم ورزان شافت فمرات خالهاا لي كاتخنزر فيهاا وضربات ضورة باش تدخل بحاالهاا 

يلاااه اتدخل وهياا تجرهاا سهام من يدهاا ضوراتهاا لجيهت الباب 

ضارت وتبسمو عينيهاا ملي شافت هارون داخل معا الباب لابس كولشي كحل مشا نيشان لعند سراج وقال لهداك لي هاز تابوت من لقداام يعطيه وداكشي لي دار هز جثث خوه فوق كتفو وتمشاا معااهم وخلا العائلة مستغربة من تصرفو خرج معاهم وتاجهو لجامع لي كان قريب دخلو وحطوهم وصلاو عليهم صلاة الجنازة ودعاو ليهم برحمة والمغفرة 

رجعو هزوهم وطبعا هارون هاز ف المقدمة حطوهم فالاسعاف وكل واحد ركب فطوموبيلتو وهارون ماهضر مع حد رجع ركب فطوموبيلتو لي كان حاطهاا قريب من جامع وتبعهم حتى وصلو لمقبرة ودخلوهم حطوهم كل واحد فقبرو كانو حدى بعضياتهم وبداو كايرجعو عليهم تراب حتى ساالااو دعاو معاهم وكلشي خرج راجع بحاالو إلى هارون لي بقاا وااقف قباالتهم كايشوف فيهم ويديه فجيبو 
كان غادي محمد حتى رجع ضار شاف فولدو وااقف و بغا يرجع عندو وحبسو سمير 
سمير : خليه 
محمد : نمشي نطلبو يسمح ليهم 
سمير : هواا ساامحهم كون مااكانش سامحهم ماكانش غادي يهز خوه فوق كتفو 
محمد : (شاف فخوه) خسرناا ولادناا اخوياا 
سمير : قضاء الله اسمير 
محمد : (تنهد) تحااسبو على افعالهم 
سمير : الله يمهل ولا يهمل الله يغفر ليهم ..(ربت على كتف خوه) يلااه نمشيو 

خرجو من تماا ركبو ورجعو لدار فحين هارون بقاا وااقف شحااال قبالتهم كايشوف 

تقدم و تحناا حدا قبر خوه حيد يدو من جيب وحطهاا على ترابو جنب راسو وهضر 

هارون : كنت صغير وكنت كانتمنى يكون عندي حتى أنا خوياا.. تمنيتك فحياتي (تنهد) ولكن مااشي بهاد الطريقة اسراج... ماكرهتكش وماحقدتش عليك كنت كانgول ماشي ذنبك ونتاا باقي صغير.. بديتي كاتكبر وكاتكرهني عواض ما أنا نكرهك.. درتي شحااال من حاجة وحاجة وحاجة وغفرت ليك عطيتك تسااع باش مانؤديكش.. صبرت أعوام وأعوام على افعالك لي كاتبين الحقد ديالك علياا ومع ذلك ماكانبغيش نعاقبك .. ولكن حتال رزان وحبس تعديتي حدودك وخرجتي مني داكشي لي مابغيتش نبين ليك سنين هادي .. (كايدوز يدو على تراب ) تماا كرهتك ورضيتك عدوي مابقيتش كانشفق عليك وكنت بصح انقتلك (سكت شوياا) ولكن ماشي بهاد الطريقة ..شفتي فين وصلتي راسك.. الحقد خرج عليك .. (وقف) الله يسمح ليك اخوياا

عطا لقبر بضهر وتحرك خرج من ديك المقبرة ركب فطوموبيلتو وتاجه لمكانو المفضل فوق الجبل 

أما فالقصر باقي الحال هوا الحال الجنازة قائمة وناس من كل قنت جاايين يعزيو بقااو

هااكداك نهار كامل حتى بدا كايطيح الضلام ولقصر بداا يخواا شوياا بشوياا حتى بقاو غير أفراد الأسرة بيناتهم جالسين فصالون وسااكتين.. الحاج و ولادو كاملين وحفايدو وعيالات ولادو 

جالسة رزان جنب سهام ونرجس وعقلهاا كامل مع هارون لي ماباانش نهار كاامل وطاافي تيليفونو عياات تصبر وفالاخير قررات تسولهم 
رزان : خالي محمد 
محمد : (شاف فيهاا) نعام ابنتي 
رزان : احم هارون كان معاكم نتوماا رجعتو فين بقاا هوا ؟
يلاه ايجاوبهاا وهياا تهضر إيمان 
إيمان : اتلقاايه صهران كايحتاافل فشي بلاصة بهاد نهار لي عيد بنسبة ليكم

رزان: (وقفات) شنو كاتقولي امرات خاالي 
إيمان :(حتى هياا وقفات ومشاات لعندهاا) قلت لي كااااين قلت بلي هذا هو النهاار لي كنتو كاتحلمو بيه إوااا فرحي دابا الالة هاهوماا مشاو 

سمير : (غوت عليهاا) إيماااااان شهااد الهضرة 
الحاج : سكتي حسن ليك

تصدمات رزان من هضرتهاا بقااات غير وااقفة مخرجة عينيهاا 
إيمان : (زادت جعرات) ماااااااالي كذبت ..من نهااار دخلات لحياتناا وحناا فالمشاكل شتاااااات لعائلة كااملة وفرقاتناا على ولادناا الله يااخد فيهاا الحق لفعة .. هه ولكن اشنو انتوقع منهاا طبييعي رااك خااارجة لمك حتى هياا واحد الوقت فرقاات العائلة... 
سمعات سميتهااا بصوت عاالي حتى قفزهاا وضارت بان ليها عينيه كيف جمر 

هارون : إيمااااااااااااااان 

كلشي وقف ملي سمعو صوتو تقدم بخطوات بطيئة لعندهاا و وقف قدامهاا كايشوف فيهاا
و حتى هياا كاتشوف فيه

سكت شويااا عاد نطق 
هارون : (بهدوء ) المفروض تجي وتطلبيهاا بااش تسامح بنتك على افعاالهاا ..هادشي لي كنت كانظن أنا ..كان عند بالي انلقااك ساجدة وكاتدعي لبنتك ربي يغفر دنوبهاا لكتاار 

إيمان : شمن ذنوب.. بنتي مااعندهاا ذنوب بنتي ذنبها الوحيد انهاا بغااتك .. ودارت المستحيل على ودك .. إلى كنتي كاتهضر على حيت عاوناات سراج بااش يخطف مراتك.. دارت داكشي كااامل حيت كاتبغيك .. ونتاا عااقبتيهااا وخليتيهاا عااجزة حتى تنوض من بلااصتهاا هيااا وخوووك لدرجة ماكااانقدرش نتخيل أن العافية شاعلة فيهم وهوماا ماقاادرينش يهربو ويعتقو راسهم 
هارون :(غمض عينيه وحلهم) الخطف ؟ شمن خطف ؟ بنتك قتالة امدام بنتك دنوبهاا كثار كان ممكن نساامحوهاا على ذاك الذنب صغير كيف قلتي ولكن بنتك تستااهل اي حاجة جراات فيهاا حيت حااولااات تقتل رزان فرقااتهاا علياا عاام ومااكفااهاااش هادشي قاتلة جوج أرواح خرين وكاتgولي بريية ؟ فين هياا البراءة فهادشي ؟
سمير : ه.ها.. هاارون شنو كاتقول 

هارون : (بااقي كايشوف ف إيمان) نهار لي دارت فيه رزان الحادثة كانت أمل لي حاولاات تقتلهاا وملي أنا بحث على لي ضربوهاا ولقيتهم.. وصلات ليهم وقتلاتهم قبل مايعتاارفو عليها 

سهام : ش.. شنو.. ماايمكنش ختي دير هادشي 
هارون : نهار حبستهاا هياا وسراج ماكاانش غرضي نخليهاا محبوسة عندي كنت ناوي نطلقهاا وكنت داير ليهم كاميرا باش نعرف فاش كايفكرو (شاف ف باه) وكنت عارفك كاتعاونهم وكاتدخل ليهم الماكلة وناوي تهربهم 
وكنت مخلييييك.. حتاال نهار سمعت أمل عاوداات لسرااج كولشي على جريمتهاا وكيفااش حاولاات تقتلهاا.. عند بالهاا غادي يقوليهاا سرااج برااڤو.. ولكن طراا العكس ملي عرفهاا كانت ناوية تقتل رزان ضربهاا على رااسهاا وهاديك هياا دقة لي خلات بنتك مااقاادرااش تنوض.. كنت جااي بااش نصفيهاا ليهاا بيدي ولكن (رجع شاف ف باه) سبقتيني وديتيهم 
(رجع شاف ف إيمان) بنتك تستااهل أي حاجة طراات ليهاا (قبطهاا من درعهاا وتحول من داك الهدوء لي كان فيه ..خرج عينيه فيهااا وزير على دراعهاا) ويااااااك ويااااااك المرة جاية تفكري تهضري مع مراااتي بهااد الطريقة غااادي تشوفي وجهي تاااني ماااتفكريش حتى دوزي حداهاااا وإلى داكشي لي كنت انديرو فبنتك انديرو ليك 
نترهاا من يدهاا وقبط فرزان لي دموعهاا شلاال على اشنو سمعاات قبط فيهاا بيد وصفوان بيد وجرها من وسطهم وهوماا مصدومين ... وصل لباب ورجع دار عندهم شاف فيهم كاملين ونطق
هارون : نسااو شي وحدة سميتهاا رزان 

جرهاا وخرج بخطواات سريعة من لقصر ركبهم وركب فطوموبيلتو وزاااد ماوقف حتال دارو نزل وحل ليهاا الباب نزلات وهز صفوان فيديه دخلو الدار طلعات هياا نيشاان لبيتهاا وخلاتو واقف لتحت كايشوف فيهاا تنهد وحتا هوا طلع لفوق حل البيت دصفوان مشاا حتال ناموسية وحطو و جاب ليه حوايج دنعااس 
بدا كايبدل ليه حتى سالا ليه عاد خشاه ف فرااشو وبايسعلى راسو 
هارون : صفوان تعشيتي نتا وختك ؟
صفوان : تعشيت غي انا ختي ماابغااتش اعمو 
هارون : (جلس جنبو كايلعب ليه فشعرو) عرفتي شنو ماتبقااش تgولياا عمو. قول بابا 
صفوان : (بطفولية) ولكن نتا ماشي بابا
هارون : من ليوم انولي باباك 
صفوان : ورزان نقوليهاا ماما ؟
هارون: هه لي بغيتي 
صفوان :(بطفولية) هياا صغيورة 
هارون :(بتاسم) بصح ماكذبتيش صغيورة.. ولكن واخاا صغيورة اتولي ماما 
صفوان : صافي نقوليك نتا بابا وهياا ختي ههه 
هارون :(باسو فراسو ) واخاا أحبيبي يلااه نعس حيت غداا انمشيو فحاالناا 
صفوان : واخاا ابابا 
بتااسم ليه هارون و وقف طفاا عليه ضو وخلاا واحد ضو خفيف 
وخرج من تما وقف شحااال قدام بيتهم عاد حل ودخل بانتليه ناعسة فوق ناموسية ومكمشة رجليهاا عندهاا باقياا بحوايجها عاطيااه بظهر

تنهز ومشاا لجيهتهاا وصل حداهاا وتكاا على جنبو جرهاا ضورها لعندو 
هارون : علاش هاد دموع 
رزان : (كاتبكي فالصمت )
هارون :(مد يدو كايمسح دموعها) شش دموعك غااليين عاارفك فااش كاتفكري داباا نساااي ارزان 
رزان : أهئ أهئ شنو درت ليهم أنا علااش بغاات تقتلني عمرني اديتهاا 
هارون : حبسي دموعك ..تحااسبو على أي حاجة داروهاا 
رزان : يرييت گااعمااا عرفتهم يريت گااعمااا قلبو علياا كون غير بقااو ناكريييني 

هارون : (شاف فيهاا) نسااي لي فااا من غداا انبداو صفحة جديدا فيهاا أنا ونتي و صفوان و ولدناا فقط كولشي سااالااا ارزان أنا عائلتك وراجلك أنا كولشي 
رزان :(قبطات فيديه وشافت فيه بعينيهاا لمدمعين وشفارهاا لفاازگيين) اصلاا نتاا كولشي بنسبة لياا كانبغيك يكفي تبقاا فجنبي غادي نسااا هادشي كاامل (تخشات فصدرو) عمرك تخليني
هارون : أنا ديما معااك احبيبة مانقدرش نبعد عليك 

فقصر القاسيمي ملي خرج هارون وجر رزان وخلاهم فصدمة من معرفة الحقيقة لي كانت مخبياا أمل من موراا وجها 

سمير : (جر إيمان من يدها) شنو درتيييي دابااا شنو 
إيمان : أهئ أهئ بعععد
سهام :(وقفات قداام مهاا) عرفناااااك محروقة على كبدتك كولناااا هااكداااك ماشي ساااهل نخسرو أعز ناااس لينااا ولكن نتي وأنا وكووووولشي ..كولشييييييييي عاااااارف بلي أمل تعقبااااات على افعااالهاا شيطاانية ونزيييدك ...ماااشي غير هاااكداااك حتى نهااار عرس رزااان كااانت بااغياا تخوي ليهاا الماا القاطع على وجهاا كون مااا رفيق كانت اتقتلهاا وهااااد لفعااايل ليهووود وماايديروهمش.... سمعتي ماااااشي نتي لي خااصك تلومي رزااان.. راااه رزاااان لي خاااصهااا تلومك على تربية لي ربيتي بنتتتتك.. واااااش مااااشي حشومة علييييك عيواااض ماااتدعي ليهااا بالمغفرة خليتيناا نجبدو ملفاااتهاااا لموسخين... ماااخليتي لي يترحم عليهاااا. حشوووومة علييييييك (كاتبكي) حشوووومة عليك 
إيمان :(طاحت للأرض على ركابيهاا كاتبكي وكاتغوت) واااااا فهموووووني أهئ أهئ أهئ رااااهااا كبدتي لي تشوااات وشواااتني أهئ أهئ تكوووون كيفماااا بغااات تكون (كاتضرب فصدرهاا) كاااااتبقااااال بنتي أهئ أهئ وااااااابنتيييييييي طرف منيييي أهئ طرف مني مااااتت قبل ماانتسااامح أهئ بنتيييي.

فقصر القاسيمي لفوق جالس رفيق فبيتو ولفاصمة مغطية وجهو ويدو لي مgبصاا ماقاادرش حتى يتحرك مسرح فوق ناموسيتو وكايشوف فالسقف 
جلساات جنبو هاجر هازة كاس دلماا فيه دوا 
هاجر : خاصك تشرب دوا 
رفيق : (الصمت)
هاجر : رفيق راااه خاصك تشرب دوا باش تحسن حالتك 
رفيق : اتحسن حاالتي إلى خرجتي داباا 
هاجر : (دارت راسهاا ماسمعااتوش) يلاااه هااك شرب بااش تعشاا وتشرب دواك تاني 
رفيق : فين رزان 
هاجر : (بغصة فقلبهاا حيت عرفات لقصة) مشاات 
رفيق : شنو صداع لي كان قبيلة 
هاجر : مرات خاالك عايرااتها وجاا هارون حيح عرفتي قليك هادي لي ماتت هيا لي كانت السبب فشي حادثة دارتهاا رزان وقتلات جوج دناس ..
رفيق : لجهنم إنشاء الله
هاجر :وقبل مايخرج هارون قاليهم نساو شي وحدة سميتهاا رزان 
رفيق : (زير على يدو) حطي داك دوا وخرجي 
هاجر : اصلا كنت غاديا فحاالي حيت مشا الحال حتال غدا فصباح ونجي 
رفيق : اكي 
خطات جنبو دوا وهبطات من تما وفطريقها تلاقات مع نرجس طالعا شافتها و وقفات 
نرجس : اتمشي أختي 
هاجر : انمشي 
نرجس : واخا أنا نقول لشيفور يوصلك ( ضارت بغات تهبط) 
هاجر : نرجس 
نرجس : (رجعات ) وي
هاجر : رفيق ماغاديش ينسا رزان 
نرجس :(رجعات قبطات فيدها) إلى حااولتي اكيد اينسااهاا 
هاجر : هوا كايبغيها بزااف 
نرجس : غادي ينسا 

عند هارون متكي فوق ناموسية وجنبو مراتو حبيبتو موسدة صدرو وساكتين كاتسنط لدقات قلبو 
رزان : كنت خايفة ماتجيش وتسامح مع خوك 
هارون : (الصمت )
رزان : بقاا فيك ؟
هارون : مابغيتوش يموت بهاد الطريقة 
رزان : سامحتيه ؟
هارون : الله يسامح 
رزان :(عنقاتو) قلبك كبير كنت عارفااك غادي تسمح ليه 
هارون : هوا كان ضحية ديال مو هياا لي كانت كاتوسوس ليه فصغرو 
رزان : الله يرحمهم 

هارون : امييين ..(نوضها من عليه) نوضي كولي شي حاجة و اجي تنعسي
رزان : مافيااش لي يااكل 
هارون : نوضي ارزان الله يهديك راك حاملة 
رزان : وأجي هبط معاياا
هارون :(وقف) واخا الالة هياا لولة 
قبط فيهاا وهبطو لكوزينة جلسهاا ف كورسي ومشا هواا وجد ليهاا صوندويتش و كاس دلعاصير ..المشروبات الغازية ماكايخليهااش تشربهم بزااف 
حطليه حتى هوا معاهاا تعشااو وسلاو من بعد طلعو لبيت لبسات بيجامة وبانطوفة فرجلهاا ودخلات لحمام غسلات سنيناتها وخرجات لقاتو لابس حوايج دنعااس شافهاا خرجات ودخل حتى هوا غسل سنانو وخرج مشاا عندهاا فوق ناموسية تسرح وعنقهاا عندو 

صبح صبااح واقفة قدام لمراية كاتقااد فشعرهاا وجنبهاا هارون كايلبس لصفوان 
رزان : ساليتي ليه 
هارون : ساليناا 
رزان : معاش طيارة 
هارون : انمشيو فطيارة لخاصة 
رزان : إوا علاش مزربني 
هارون : مزربك حيت هادا هوا الوقت ماشي حيت طيارة ديالي نخلي كولشي كايتسناا 
رزان : ماغاديش تشوف ماماك 
هارون : ماكرهتش
رزان : تاصل بيها تجي 
هارون : يلااه ارزان فحاالنا 
رزان : واخاا لي بغيتي
هارون : شدي لصفوان فيديه وهبطي أنا انجيب لحوايج 

قبطات ف صفوان وهبطو لصالون لتحت كايتسناوه حتى نزل هاز لحوايج 
هارون : خودي ساروت من جيبي وسدي لباب 
خشات يدهاا فجيبو وجبدات ساروت تأكدو من أن كولشي هوا هاداااك 
رزان : يلااه مشيناا 
هارون : يلااه احبيبة 
مشات قدامو وهوا موراهاا حلاات الباب وتصمراات ملي شافت جدهاا واقف فالباب وحداه سهام و فاطمة 
رزان : ج.. جدي 
الحاج :(شاف فهارون) كنتو اتمشيو بلاماا تسلمو عليناا كيف عادتك 
هارون : دخل الحاج
الحاج : ولفناك تكون جالس ماعليك ماابيك حتى كايقولو رااه رجع فحاالو (تقدم خطوة لعند رزان) ولكن دابا تبدل الوضع معاك حفاايدي 
هارون : ديك دار عاشت فيها رزان غير العداب مابقينااش انرجعو ليهاا الحاج بغيتو تشوفو حفايدكم راكم عارفينهم فين كاينين 
الحاج : (تحرك دخل لداخل ) تبعيني ارزان 
شافت فهارون لي حرك ليهاا راسو بمعنى تبعيه طلقات من صفوان وتبعاتو لصالون فين جالس 
الحاج : أجي ابنتي 
تقدام وجلسات جنبو حادرة راسهاا بقاو ساكتين لثواني حتى حسات بيه حاط يدو على ضهرهاا 
الحاج : من حقك تهربي.. ومن حقك ماتبقايش باغيااناا فحيااتك.. لي عشتيه معناا مااشي سااهل ..من نهاار رجعتي ونتي من مشكل المشكل.. (سكت شويا) كنت كانتمنااا تعيشي معاناا مرتاحة كيف رتاحيت أنا ملي شفتك قدامي.. (حط يدو ومسح ليهاا دمعة طاحت من عينيهاا) تيقيني ابنتي ماكنتش نااسيك كنت متبع اخبارك كل نهاار وهادشي راه قلتو ليك.. ..ماتبكيش وماتقلقيش على هضرت إيمان مرات خالك ماغاديش نبرر ليك ونقوليك ماخاصهاش تقول هاكداك ولا علاش خرجاات ديك الهضرة لي كاتجرح.. انقوليك جوج كلمات نتي دابا حاملة وإلى حطيتي راسك ف بلاصتهاا غادي تعرفيهاا بااش حساات.. ونزيدك ليااا شرف 
انكي تخرجي بحاال مامااك مرآة مربية وحنينة وقلبهاا كبير وقنوعة كاتبغي صغير ولكبير كولشي كان كايبغيها دخلات لقلوب كااع نااس بحاالك تماما.. (هز ليها راسها) نسااي لي فات نتي داباا كاتسنااك حيات جميلة مع هارون لي كايخاف عليك كتر من عينيه.. اناا مرتااح من جيهتك حيت نتي بين يدين امينة وغادي تحافض عليك كتر من راسهاا سيري ابنتي عيشي حيااتك وباركة عليك من الهم 
..............
فاطمة : ولدي غادي تمشي 
هارون : كيف كاتشوفي 
فاطمة : (بدات كاتبكي) انتوحشك اولدي أهئ أهئ كون غير بقيتي 
هارون : (قرب ليهاا عنقهاا وكايبوس على راسها) شش ماتبكيش افاطمة خااصني نرجع لخدمتي ضروري .. (شاف فيها) يلااه معاياا 
فاطمة : مانقدرش اولدي.. داري وراجلي وبنتي هناا مانقدرش نبعد على جدك وجداتك وعائلتي .. 
هارون : إوا مانشوفش دموعك غير كوني هانية الميمة حتى أنا معاياا عائلتي 
فاطمة : الله يديك على خير اولدي ويبعد عليك ولاد لحرام 
هارون : امين احبيبة 
سهام : خوياا هارون وااش رزان مقلقة علياا 
هارون :( جرهاا عندو وحط يدو على كتفها ) لا علاش اتقلق منك 
سهام : على الهضرة لي قالت ماما لبارح 
هارون : نو مامقلقااش غير تهنااي

خرج الحاج عندهم معنق رزان من كتفهاا 
الحاج : يلاه انوصلو معاهم حتال المطار
هارون : ماكاين لاش الحاج 
الحاج : غير خليني نوصل حفاايدي 
هارون : (تبسم بجنب فمو) واخاا اسيدي

خرجو من تماا ركب الحاج فطوموبيلتو مع شيفور وركب معاه صفوان 

وطوموبيل دهارون مشا فيهاا هوا ورزان ومو وسهام 
حتال المطار دخلو حتاال الداخل و وقفو قدام الطيارة لي كانو قدامهاا رجاال هارون هبطو من طوموبيلات وجاا واحد من رجالو هز لحوايج 
الحاج : (عنق رزان) طريق السلامة 
رزان : آمين 
الحاج :(عنق هارون) ماغاديش نوصيك حيت عاارفك شكون 
هارون : كون هااني الحاج 
سلمات رزان على فاطمة ودازت لعند سهام لي ماقدراتش تجي عندهاا حادراا راسهاا ولبكية واحلة فحلقهاا 
رزان :(قبطات فيدها) مابغيتشي تشوفي فيا 
سهام : حشمااانة ارزاان مااعنديش لوجه نشوف فيك من بعد أش دارت فيك المرحومة و وماما 
رزان : (هزات ليهاا راسهاا) ختك ومك والعائلة كااملة فجيهاا ونتي فجيهاا ابنت خاالي.. (شافت فيهاا سهام) أنا ماعنديش ختي وكاانعتاابرك نتي ختي.. وحتى نتي دابا مابقاتش عندك ختك عتاابريني أنا ختك ..

طاحت دمعة من عينين سهام وتلاحت عليهاا عنقااتهاا كاتبكي وتنخصص 
بقاو هاكذاك معانقين حتى جا هارون 
هارون : رزان يلااه احبيبة مشاا الحال 
رزان : واخاا (شافت فسهام) جي عندي 
سهام : غاادي نجي وعد 
رزان : يلاااه بسلامة 
من بعد مااسلمو على كولشي هز هارون صفوان فيد وقبطهاا فيد وطلعو وتسد الباب 
جلسات رزان فوق الفوطوي وجنبهاا هارون دار ليهاا السمطة ودارهااالراسو وماهياا إلى دقائق معدودة وكانت الطيارة فوق السحاااب 
حتى ستقرات عاد حيدات ديك سمطة 
رزان : ببف خنقااتني هااادي 
هارون : إلى عييتي دخلي رتااحي 
رزان : (قبطاتليه فوجهو) رااحتي معااك 
هارون : (عيط لوحداا كانت واقفة تماا جات عندو) دخلي صفوان لبيت وجلسي حداه إلى حتاج شي حاجة 
: امرك موسيو هارون 

هزات هاديك صفوان دخلاتو وهواا ضار عند رزان لي كاتشوف فيه 
رزان : دازت سمانة في الجحيم 
هارون : (قبط وجها بين يديه) شنو قلناا 
رزان : ننساو 
هارون : ديهاا ف صحتك (حط يدو على كرشها) و فولدناا وفصفوان( قرب وجهو و عينيه على فمهاا) وفياا 
رزان : (كاتشوف فيه وعينيها كايتحولو بين عينيه وفمو) نتاا قبل كولشي 
هارون :(حط نيفو على نيفهاا) توحشتك 
رزان : حتى اناا 

عطاتو ل اكي بديك حتى أنا قرب كتر وحط شفايفو على ديالهاا ودخلو فقبلة طويلة دامت وقت مااشي قليل حتى كانت غاادي تطور وحبساتو رزان 
رزان : لا 
هارون : (شاف فيهاا عينيه معسلين) شنو لي لا
رزان : ماشس داباا حشومة حناا ماشي بوحدناا 
هارون : نقوليهم يخرجو صفوان وندخلو لداخل 
رزان : لا خليه مرتااح أصلا أنا ماقاادرااش عفاك فهمني 
هارون : (جرهاا عنقهاا تكاهاا على صدرو) على خااطرك اعمري 
مابغااش يضغط عليهاا كتر خصوصا آخر علاقة كانت بيناتهم كانت متوتراا وطراا صداع داكشي علاش بغاا يخليهاا على راحتهاا 
عنقهاا عندو وحط راسو على ظهر الفوطوي وغمض عينيه وحتى هيا نفس شي بقااو هاكداك حتى غفااو 

هارون : رزان.. رزان 
رزان : امم 
هارون : فيقي احبيبة وصلناا 
رزان :(حلات عينيهاا لقات راسهاا فلبيت) نعست بزااف وصلنا ؟
هارون : اه 
رزان : شحاال فسااعة 
هارون : تسعود دليل داباا 
رزان : فين هوا صفوان 
هارون : راه جالس برا يلااه نوضي (مد ليهاا تجااكيطتو) لبسي هاادي كااين البرد وشتا برا 
رزان : واخاا 
لبسها ديك تجاكيط وقبط فيهاا خرجو من تما لقاو صفوان حاطين ليه كايااكل و جوج موضيفات واقفين حداه شافهم خرجو و ومشاا عندهم 
رزان : حبيبي 
هارون : تعشيتي 
صفوان : تعشيت ابابا 
هارون : (قبط فيه) يلااه نمشيو 
هبطو من طيارة كانو رجاالو هازين مضولة غطاوهم حتى ركبو ف طوموبيل لي كانت كاتسنااهم هبط شيفور كيف ديماا وساق هارون 
تحرك من تماا لڤيلا ديالو لي جات خارجة على لمدينة شوياا تقريباا شي نصف ساعة ديال طريق وصل وتحل الباب 
بلاصة لوطو وخرج هوا ويااهاا ورجع هز صفوان لي كان نااعس دخلو لداخل و شعلو ضو 
رزان : لبيت لي جنب بيتناا حط فيه صفوان 
هارون : وااخا 
طلع هوا وطلعات موراه دخل حط صفوان فبيتو وحيد ليه أش لابس فرجليه وغطااه ومشاا لبيتهم فين كاينة رزان 
هارون : (هز تيليفون) شنو نطلب ليك لعشا 
رزان : (مشات لماريوها تبدل) بيتزاا 

دوز نمرة ديال المطعم ديالو وقاليهم شنو يجيبو ليه وقطع حيد حوايجو بقاا ب بوكسور ودخل لدوش ..دار دوش خفيف وخرج لاوي فوطة على نصو لقاهاا بدلات حوايجها وجالسة فوق الناموسية 

مشاا جبد حوايجو وبدل قدامهاا وحتى هياا كاتشوف وتقول وااش نزلات عينيهاا ..تبسم نص تبسيمة ملي شافهاا حااضيااه.. لبس بوكسور ف الأبيض وتوني ف لكحل وفوطة على راسو ومشاا عندهاا 
هارون : (غمزها) أش كااتشوفي 
رزان : ههه فيك 
هارون : عجبتك 

رزان :(حطات يدها على صدرو) وإمتاا ماعجبتينيش 
هارون : احح احبيبة حيدي يدك راك كاتقلبي علياا 
رزان : (دوزات يدهاا لعنقو) ههه شنو درت 
هارون : حيدي يديك احبيبة رااه أنا لي غاندير 
رزان :(ضحكات وحيدات يديهاا) شنو انديرو مع صفوان 
هارون : غدا انمشي نشوف الخدمة ومن بعد ندوز نقيدو ف المدرسة ولاصاال 
رزان : وااش غدا اتمشي لخدمة ؟
هارون : وي 
رزان : خليك بعداا غير نهاار رتاح فيه 
هارون : ماكرهتش ولكن هاد القدية طولات خااصهاا تساالي 
رزان : شمن قدية ؟
هارون : عاودتلك عليهاا 
رزان : قلتيلي غير شي عصابة و حتى كاتلقى رااس لخيط وكاتوصل كايختاااافااا كولشي هادشي لي قلتي 
هارون : اه وهادشي كايدل على أن عندناا شي جسوس فالخدمة 
رزان : إنشاء الله غادي تعرف شكون 

.................

جالس فالبيرو ديالو من بعد مفاق ولبس حواايجو وحط ورقة حداا راس رزان كتب عليهاا بلي رااه خرج للخدمة 
حاط قدامو الملف كايضرس فيه تسمع دقان فالباب وقال هارون دخل 
دخل أيوب ضااحك حتال عندو شافو هارون و وقف سلم عليه 
أيوب : افييين اصااحبي توحشناااك غبرتي غبرة وحدااا
هارون :(جلس بلاصتو) كنت كونجي واقلة
أيوب : هههه عرفت عرفت وجااا معاااك زواج
هارون : (طلع فيه عينيه وتبسم بجنب فمو) لعقبة ليك 
أيوب : هههه اشمن عقبة لياا صاافي رااني تزوجت (وراه يدو لي فيهاا الخاتم) 
هارون : هه مزياان مبروك 
أيوب : مادرت لا عرس لا والو تاصلت بيك شحال من مرة وكان تيليفونك مشغول 
هارون : وي كنت مشغول 
أيوب : ماسولتينيش شكوون 
هارون : (هز فيه عينيه) شكون 
أيوب : إلينااا 
هارون :(بدون مبالات ) مزياان مبروك 
أيوب : الله يبارك فيك 
هارون : شنو لجديد ف القدية 
أيوب : (تقاد ف الجلسة) ماكااينش لجديد فينماا كانقربو نوصلو لراس الخيط كولشي كايختااافااا وهادشي كايدل على أن بيناتناا شي جسوس 
هارون : حتى أنا هادشي لي كانضن 
أيوب : خااصناا نعرفو شكون فالقريب العاجل 
هارون : هادشي انعرفو فالقريب 
أيوب : عاارفك قدهاا 
هارون :(وقف وهز تجاكيطتو) يلااه تلااح 
أيوب : اكي 
خرج هارون من تما ولي داز من حداه كايعطيه سلام ركب فطوموبيلتو وتحرك من تماا فالتجاه المدرسة لي ايسجل فيهاا صفوان كانت مدرسة خاصة وفيهاا غير ولد شكون وشكون دخل وكان المدير كايتسنااه حيت ديجاا تاصل بيه دخلو لبيرو وجلس هارون رجل فوق رجل جابو ليه كافي عطا وراق صفوان للمدير وسجلو من بعد خرج من تما 
ومشاا سجلو ف لاصاال ...

فاقت رزان حتااال اشمن وقت كاتجبد فوق الناموسية ضارت جنيهاا ولقات بلاصتو خاوية حلات عينيهاا وتگعدات شوياا ..بانت ليهاا ورقة محطوطة فوق لكوافوز هزاتها وحلاتهاا قراتهاا وبتاسماات 

ناضت من بلاصتهاا خشات بانطوفة فرجلهاا ومشات لدوش قدات حاجتها وغسلات سنيناتهاا وخرجات من تما لبيت صفوان حلات لقاتو بااقي ناعس ومشات حلات ريدوياات وجلسات جنبو كاتفيق فيه 
رزان : صفواان.. حبيبي.. فيق صفوااني 
صفوان : رزاان خليني 
رزان : فيق رااه مشاا لحاال 
صفوان : غير شوياا 
رزان : لا مااكااينش شوياا فيق رااه داباا ايجي هارون 
بدات كاتحك ليه فكرشو وهوا كايتكسل حتى فااق وقالت ليه يدخل يحك سنانو ويخرج يبدل حوايجو ماابغاتش تبدل ليه هياا بااش يولي يعتامد على راسو دخل لحمام وهيا هبطات لتحت مشات لكوزينة وجدات لفطور 
وحطاتو تماا وجلسات هزات تيليفونهاا ورسلات لهارون ميساج صبحات عليه 
هبط صفوات وجلس جنبهاا ..كباتليه كاس دلعاصير وعطاتو يفطر وفطرات حتى هياا من بعد عطاتو طابليط كايلعب فيهاا وهياا دارت دوك لماعن ف لامااشين تغسلو وطرفات دنياا وخرجات هياا وصفوان جلسو فصالون كايهضرو ويتعاودو حتى سمعو الباب تحل ناضت رزان بزربة كاتجري وكاتدردك جيهت الباب بان ليهاا هوا داخل مشاات كاتطير نقزات عليه محاوطة عنقو بيديهاا وكاتبوس فوجهو كامل 

رزان : توحشتك توحشتك توحشتك ههه
هارون : ههه ريحي الحمقة الطيحي 
رزان :(كاتبوس فوجهو) واااا توحشتك 
هارون : ههههه واانزلي اطيحي 
رزان : تعطلتي عليااا 
هارون : (قبطها من خصرهاا وداخل بيها) هعهع لهاد الدرجة توحشتيني 
رزان : وكتتتتر 

هارون : (باسها بوسة خفيفة ف فمهاا وبقاا هازها) حتى أنا احبيبة توحشتك وجيت طاير لعندك (دخل لصالون وهوا باقي هازهاا تحناا باس صفوان عاد حطها )
رزان : علاش مافيقتينيش ملي كنتي غادي 
هارون : مابغيتش نبرزطك احبيبة 
رزان : (كاتلعب ليه فلحيتو وكاتفشش) وأنا بغيتك تبرزطني 
هارون : احح على هاد لفشوش ديالك وشنو داير فياا هه.. 
رزان : (جلس وجلسات على ركابيه) شنو درتي ليوم 
هارون : (حيد تجاكيط) لخدمة موراهاا مشيت سجلت صفوات ف المدرسة و لاصاال 
رزان : مزياان إمتاا ايبداا لقراية 
هارون : غداا احبيبة ايبداا 
رزان : واخاا 
هارون : نتغداو هناا ولا نخرجو برا 
رزان : يلااه فطرنا أنا وصفوان ولكن انتغداو غير هنا بغيت نبقاو غير فدار 
هارون : واخاا حبيبة أنا نطلع نبدل ونجي 
رزان :(بتحلوين) نطلع نعاونك 
هارون : (شاف فيهاا وطلعها من لتحت لفوق وعض على شفايفو) مااكرهتش 
رزان :(وقفات وضارت عند صفوان) حبيبي لعب ف طابليط حتى نهبطو 
صفوان : واخاا 

رجعات ضارت عند هارون ضحكات ليه ضحكة كلها إغراء وجراتو من يدو مطلعااه ف دروج حتى لبيت حلاتو ودفعاتو دخل وسدات لبيت ومشات عندو بزربة وهوا غير هاايم فيهاا وفتصرفاتهاا لي كايجننوووه.. لصقات معاه وبدات كاتحل ليه فصدايف دلقميجة ونفسهاا كاتطلع وتهبط 
رزان : توحشتك 
............. 

تلاح على ضهرو كايضحك وصدرو كايطلع وينزل من بعد ساعتين تقريبا ديال الجهاد هه عرياان وجنبو هياا لي صخفاانة مابقاا فيهاا حتى عضم صحيح كيف ديمااا تقول كانت معاشرة سبع.. ورااه سبع نيت كايهلكهاا 

جرات عليهاا ليزاار وضارت كاتشوف فيه وحتى هوا ضور وجهو عندها ومد يدو جرهاا من خصرهاا تكات عليه كاتسمع لدقات قلبو متسابقين 

هارون : نتي بزااف فكل مرة كاتخليني بلاا عقل 
رزان : ههه 
هارون : كولشي فيك حلو (باسهاا) كانبغيك 
رزان :(زيرات عليه) حتى أنا كانموت عليك 

تكاات عليه وبقاو ساكتين مدة ومغطيين نصهم حتى نطقات هياا 
رزان : هارون 
هارون : (مغمض عينيه) اممم
رزان : بغيت نرجع نقراا 
هارون : (حل عينيه) تقراي ؟
رزان : اه بغيت نرجع نكمل قرايتي ونحقق حلمي انني نكون محامية 
هارون : اصلا احبيبة ملي تزوجناا كنت ناوي نرجعك تكملي قرايتك ولكن نتي داباا حاملة خلي حتى تولدي ورجعي 
رزان : يعني موافق 
هارون : وعلااش مانوافقش بلعس بغيتك تحققي أش كنتي كاتمنااي 
رزان :(تلاحت عنقااتو) لهلااااا يخطيك علياا 
هارون : هه ولكن حتى تولدي و ولدك يكبر شوياا 
رزان : ههههه صااافي واخاا 
هارون :(وقف وتحناا باسها ) أنا ندخل ندوش 
رزان : اكي حبيبي

دخل هوا لحمام وخلاهاا مسرحاا وكاتضحك غير بوحدهاا وكاتمرغ فوق ناموسية ملي كاتفكر كلامو المعسول أثناء الممارسة ديالهم وكل شوياا كاتلون وتبعكك 

تگعدات هاكداك عريانة من بلاصتهاا ولبسات بيجامة حد الفخض بلا كيلوط بلا سوتياان ... علاين مايخرج من درش وتدخل هياا 

يلاه اتحل باب لبيت وهيا تسمع صوني .. 
رجعات لبيت ودارت بينوار عليهاا وجمعات شعرهاا دغيا وهبطات مع دروج غادياا تشوف شكون حلات لباب وتحلو عينيهاا وجنون بداو ينقزو فوق راسها 
رزان : نتييييييي 
إليناا : هاااي 
رزان : (الحوار بالإنجليزية طبعا) شنووو كاديري هنااا 
إلينا : احم أولا مبروك عليكم مالقيتش الفرصة قبل.
رزان : (بغات تسد الباب) الله يعاون 
إلينا : (حبسات لباب) عفاااك صبري 
رزان : (معصبة) شوفي كولشي نقدر نتحكم فيه إلى عصبيتي سيري فحاالك حسن 
إلينا : سمحيلي مانقدرش نمشي خاصني نشوف هارون 
رزان : (فاض بيها الكاس) هارون! أجي نورييييك هاااارون 
يلاه بغااات تلاح عليهاا وهياا تحس بيدين جروهاا و هازينها من خصرهاا وهياا كاتركل
رزان : طلقنيييي طلقني عليهااااا 
هارون :(بدرجة) مااالك المصعورة 
رزان : (كاتركل) طلقني طلقنيييي قااتليك بغاات تشوفك طلقني نوريهاا شوفاااان كيف داير 
هارون : مااغانطلقش حتى تهدني 
إلينا : موسيو هارون سمحلي سببة ليك الإزعاج 
رزان : موووووووسيوووووو لخرااااااا تعااااااااودي تنطقي سميتو نغزززززك بسناااني 
هارون : وااااسكتي 
رزان : طلقني 
هارون : انطلقك ولكن بلااا مشاكل لمراا مزوجة 
رزان : (حبسات من تركال ديالها) مزوجة ؟
هارون : (حطها) مزوجة غير كاتنقزي على والو هياا جااية على ود الخدمة 
رزان : حلف حتى مزوجة 
هارون : يااصبر أيوب دخلي فحاالك 
رزان : عفااك خليني معاك
هارون :(شاف عند إلينا) دخلي 
تحركات إليناا تدخل وعينيهاا على رزان حاضياا من شي هجوم مفاجئ 
تمشاات نيشاان لصالون وخلاتهم باقيين واقفين فالباب 
هارون : سمعيني حيدي منك هاد العصبية.. (قبط ليها وجها بين يديه) راك حاملة وغير كاتمرضي راسك 

رزان : فينمااا كانتفكر كانت بيناتكم شي حاجة راسي كايبغي ينفااجر اهارون 
هارون : نتي عارفة كانو عندي علاقاات ولكن عابرة فقط مابقيتش عاقل حتى على أسماءهم قلبي فيه نتي وبس 
رزان : ماعنديش شك فيك ولكن مااكاانتيقش فيها 
هارون : نساايهاا ملي كانهضر معاهاا كانحسبهاا كأي شخص فالخدمة ونتي أجي جلسي معاناا 
رزان : (زادت قدامو ) واخاا 
هارون : (جرها من قرفادتها) فين الكيلوط كولك كاتبومباااي ههه 
رزان : غير مالبستوش إلى بغيتي نطلع نلبسو 
هارون : ههه دار دارك بقاي فيهاا حتى عريانة .. خلي لياا لحلواا تهواا ههه
رزان :(ضرباتو لصدرو) ههه الله يمصخك 

قبط ليهاا فيدهاا وتاجهو لصالون لي كانت فيه إلينا جالسة كاتسناهم دخلو وجلسو قبالتهاا وهارون ماطاالقش من يدهاا 

هارون : (بجدية ماتقولش هادا لي كان كايتمازح قبيلة) شنو كاين 
إلينا :(تقادات فالجلسة) جيت نهضر معاك على الخدمة 
هارون : هضري 
إلينا : (شافت فرزان) بوحدناا 
هارون : (زير على يدها) هضري ا إلينا 
إلينا : أحم ماشي مابغيتهااش تكون حاضرة ولكن غير باش ماتخافش و ماتوترش 
رزان : (نقزات) لا مانخافش 

إلينا : اكي.. لمهم موسيو هارون كيف كاتعرف هاد القدية طولات بزاف حيت يمكن نتاا كنتي مشغول.. وللأسف ماكاينش شي واحد من غيرك لي يقدر يحلهاا 
هارون : (كايلعب فصباع رزان) من بعد 
إلينا : فينماا كانوصلو لراس الخيط كاايطير مااشي مرة ماشي جوج ..وهادشي كايدل على انهو بيناتناا جااااسوس 
هارون : هادشي عارفو وغادي نلقااه 
إلينا : ولكن اناا لقيتو 
هارون : (شاف فيها) شكون ؟
إلينا : أيووووب 

هارون :( صدماتو بهضرتهاا وتقاد فالجلسة) نتي عارفة شنو هاد الهضرة وعارفة علاامن كاتهضري 
إلينا : اااه اموسيو هااارون عارفة عاااارفة أيوب صاحبك وراااجلي 
هارون : مايمكنش 
إليناا : اه يمكن سمعتو بودني ومااشي غير جااسوس هواا اصلاا رئيس العصابة داكشي علاش فينماا كانلقاو راس الخيط كايختااافى حيت أيوب كايكون معانا في كل خطوة كانديروها.. داكشي علاش ماكاايخلينااش نزيدو القدام..

ملي تزوجت بيه واحد نهار بليل كنت غير متكيا وهوا دخل وقبل مانوض عندو صونا تيليفونو وجاوب وبدا كايهضر بشويا حتى دخل البالكون أنا كايحسابلي كايخوني وتبعتو بشوياا نسمع ولكن كانت الصدمة ملي سمعتو كايهضر على شي جوج خطفوهم وسمعتو ملي قاليهم حيدو ليهم أعضاءهم كيف العادة ورميوهم بلاما تخليو دليل ولا حتى بصمة 

رزان بقات غير حالة فمها ومصدومة ملي سمعات يحيدو ليهم اعضاءهم تخلعات 

إلينا : وبقيت متبعاك حتى سمعتو مرا تانية كايهضر معاهم وكايعطيهم اتعليمات.. عرفتك اموسيو هارون ماكاتيقش بدون دليل داكشي علاش صورت فيديو وهوا كايهضر فيه هااك شوفو 
مدات ليه تيليفون وخدم لڤيديو وخا مضلم وبااين غير شويا ولكن عرف وتاكد بلي أيوب تصدم فيه حيت مايخفاش عليه صوتو وباين شوياا فصورة طفا تيليفون ورجعو ليها وهوا كايخمم 

إلينا : ونزيدك هواا عمرو كان معتابرك صاحبو بلعكس كنتي العدو ديالو حيت (سكتات شوياا وشافت فرزان) حيت كانت بيناتنا أنا وياك علاقة وهوا كان كايبغيني 
هارون :(بهتمام) ونتي باش عرفتي هادشي

إلينا : كولشي سمعتو اهارون والضحية جديدة غادي تكون قريب بزااف.. داكشي علاش بغيت نبهك 
هارون : (بغا يتأكد) تقدري تعرفي منين كايخطف الضحية ومعااش 
إلينا : الضحية جاية من دارك (شافت فرزان) مراتك رزان 

تهز قلب رزان من بلاصتو ملي سمعات سميتهاا ضحية يعني بغا يقتلهاا ..ضارت بزربة عند هارون لي ولا وجهو حمر وعينيه كيف جغمة ديال دم .. شافت فيه مخلوعة ولون مشاا ليهاا من وجها و زيرات على يديه 
رزان : ا...اا. أنا.. هارون ..أنا ..ب..ب بغا يقتلني انا 
هارون :(شاف فيهاا وقبط وجها بين يديه) ششش كاالم بب غير هضرة ماكااينش لي يقدر يؤذيك 
رزان :(بداو دموعهاا كاينزلو فصمت ) نت..نتا سمعتي رااه عصاابة.. أهئ أهئ بغااو يفرقوني عليك عااوتااني.. أهئ أهئ 

بقاا كايشوف فيهاا مالقاا مايقول وفلحظة وقف كيف البرق قلب ديك الطبلة ديال الزاج حتى تشتتات وقفزات إليناا ضار شاف ف رزان كيفااش كاتبكي وخايفة ماقدرش يقرب لعندهاا حطمو منظرهاا.. فينماا كايقول تهناا وغادي يعيش هوا ومراتو حبيبتو فسلام كاتخرج شي حاجة لي تمرضهاا ليه وتخليه يشوف دموعها لي كايحرقوه.. قلب عينيه من عليهاا وخرج بزربة من تماا وخلاهاا 

حطات يديهاا على وجهها كاتبكي وتقول مابكيت ..حتى حسات بيد على كتفهاا 
حيدات يدها من على وجهاا وهزات فيهاا عينيهاا لمدمعين 
إلينا : ماتبكيش هارون مايخليش شي حاجة تؤديك 
رزان : (الصمت غير كاتبكي) 
إلينا : غير كاتفقسي فراسك داباا ونتي حاملة هارون كايبغيك بزااف ماغاديش يخلي شي حاجة تقيسك 
رزان : كانبكي حيت مامخلينااش نرتاحو من مشكل لمشكل 
إلينا : (تنهدات) شنو انقول أنا لي راجلي 
رزان :(شافت فيها) كيفاش حتى تزوجتو 

إلينا : صراحة وبلا كذوب انهظر معاك بحال ختي (شافت فيها رزان بهتمام) أنا فالأول كان يحسابلي كانبغي هارون حيت ديك الوقت كنت مهوسة بيه وبشخصيتو خصوصاا ماكانش كايعطيني وقت كانت بيناتنا علاقة عابرة فقط وعمرو واعدني بشي حاجة... أنا لي توهمت اكتر من القياص وبغيتو لياا واخاا أنا عاارفاااه ماكايبغينيش ومع دالك بقيت معاه... ولكن واحد الايام وفجأة قطع معاياا الهضرة وكلشي ..ولات بيناتناا خدمة فقط وملي كانبغي نهضر معاه كايقمعني.. 

ولكن واحد الايام وفجأة قطع معاياا الهضرة وكلشي ولات بيناتناا خدمة فقط وملي كانبغي نهضر معاه كايقمعني.. من موراهاا عرفت بلي تزوج بيك مرضت وتقهرت ولكن ماكان عندي ماندير حيت كنت متأكدا بلي كايبغيك قررت نسااه وفديك الفترة بدا كايتقرب مني أيوب وصارحني بمشاعرو لي ليهاا اعواام.. 
رفضتو شحال من مرة ولكن بمعاملتو وحبو وخوفو عليا خلاني نبغيه وننساا هارون حيت لي كنت كانحسو من جيهتو ماشي حب إنما حب الإمتلاك حيت كانو گااع الاعين عليه وكلشي كايتمنى غير شوفة منو 

رزان : داباا نتي كاتبغي أيوب 
إلينا :(طاحت دمعة من عينيها) بزااق 
رزان : ملي كاتبغيه علاش بلغتي عليه 
إلينا : حيت مايمكنش نعيش مع مجرم قتاال وماافيهش الرحمة كايقتل بدم باارد قتل بزااااف دنااس 
رزان :(قبطات فيها) و شنو درت ليه أنا 
إليناا : نتي مادرتي ليه والو مشكلتو ماشي معاك مشكيلتو مع هارون 

سكتات رزان بقات غير ساكتا ومتوتراا و كاتخمم ..حتى دخل صفوان لي تخلع من الروينة وزاج لي فالأرض 
صفوان : رزااان 
رزان :(وقفاا مشات عندو) حبيبي 
صفوان : (كايشوف فزاج) ؟
رزان : غير طاحت وتهرسات (جراتو من يدو) أجي جلس حداياا باش ماتجرحش 

جراتو معاهاا جلساتو جنبهاا وهوا كايشوف ف إلينا 
رزان : هادا خوياا 
إلينا :(مدات ليه يديها بابتسامة) زويون شنو سميتك 
صفوان :(سلم عليها) صفوان 
إلينا : هه زوينة سميتك.. أنا إليناا 

تبسم ليهاا ورجع جلس جنب ختو حتى نطقاا 

إلينا : نخليكم داباا (وقفات) أنا انمشي 
رزان : واخاا.. أحم لمهم شكرا بزاف حيت علمتينا 
إلينا : لا شكر على واجب درت لي خاصو يدار وكون ماعرفتش أنا كان هارون غادي يعرف عاجل غير آجل حتى حاجة مااكاتخفى على العميد 

بتاسمات ليها رزان وسلمات عليهاا ومشات وهيا رجعات جنب خوهاا جلسات بقاو هاكداك 
وصفوان كايهضر معاها وهياا كاتجاوبو غير ب .. اه ..امم.. واخا ..

حتى دخل هارون عاقد حواجبو وطالع ليه دم غير شافتو ومشاات كاتطير عندو قبطات فيه 

رزان : فيييين كنتي فين مشيتي فين خليتيني بوحدي 
هارون : (ماعندو خاطر) كنت غير هناا 
رزان : فين هن.. اعععع 

غوتات وقفزات وقبطات فهارون مزيرة عليه من الخلعة

وهواا غير صفوان لي طيح طابليط ..
تصدم هارون من كمية الخوف لي ولات فيها 
هارون : ( قبطهاا من دراهاا كاينخض فيها) علاااااش خااااايفة من خيااااالك واااااش باغياااا تمرضيني شنوووو قلت ليييييك نتي معااايااااا فأماااااان نتي مراااتي روحي مااانفرطش فيك (كايغوت) واااااااااااش مااابغيتيش تفهمي بلي مااانخلي حتى حاااجة تأديك
رزان :(كااتبكي) أهئ أهئ أهئ شنوووو ندير وليت عااايشة وخاايفة يبعدوني عليك خاايفة نحل عيني ومااانالقاااكش أهئ أهئ مااانقدرش نعيش بلاااا بيك مانقدرش نبعد عليك مزااال 
هارون :( جرهاا عندو باس على راسهاا ) نعطي روحي وماانخليكش نتي ...مانقدرش مانقدرس (بداا كايبوسهاا فوجهاا كامل بهستيرياا) ماانقدرش اعمري ... حتى حااجة ماتقدر تأديك وأنا كاااين إلى تقاااست فيك شعرة وحدة نحماااق.. نتي حيااتي وكلشي بنسبة ليااا كااانواااعدك غادي تكوني ف أمان (قبط وجهاا بين يديه وحط جبهتو على جبهتها) ماتبقاايش تخااافي كانشوفك خاايفة كانمرض 

حل عينيه فصباح جديد ضور وجهو ومالقااهاااش جنبو وقف من بلاصتو حفيان مشاا لبلاكو وكيف توقع كانت جالسة فوق الفوطوي وكاتشوف قدامهاا ماحسااتش بيه ملي دخل.... تنهد ومشاا حاوطهاا بيديه من لو
ر 
هارون : علاش فايقة بكري 
رزان : فقت وطار علياا نعاس 
هارون : (جلس جنبهاا وجرهاا متكيهاا عليه) عقلك كايفكر بزاف داكشي علاش ماجاكش نعااس 
رزان : يمكن 
هارون : وشنو قلت أنا ارزان قلت لك ماتبقاايش تفكري بزاف ..(زير عليها) اتمرضي لياا 
رزان : ماشي بيدي 
هارون : بيدك ارزان بيدك 
رزان : هادا كان صاحبك 
هارون : نتي غالطة عند بالك البارح تفاجأت 
رزان : (تگعدات) كيفااش ؟
هارون : أنا اصلاا كنت شاك فيه وأنا لي gلت ل إليناا تزوج بيه 
رزان : (بصدمة) شنووو 

فلاش باك

دق دق دق 
هارون : دخل 
إلينا : (دخلات) قالولي طلبتيني 
هارون : سدي الباب وأجي 

سدات الباب ودخلات جلسات فكرسي قدامو وهوا ناض من بلاصتو ومشاا جلس فلكورسي لي مقابل معاها 
هارون : بغيتك فواحد المهمة 
إلينا : أمرك موسيو هارون 
هارون : (تقاد فالجلسة) كيف كاتعرفي بيناتناا جاسوس 
إلينا : وي وأكيد اتعرفو هادشي مايصعابش عليك 
هارون : أنا شاك فواحد 
إلينا : شكون 
هارون : أيوب 
إلينا :(بصدمة) أيوووووب 
هارون : اه 
إلينا : ن.. نو مايمكنش 
هارون : وي يمكن 
إليناا : إلى كان هوا لقي عليه القبط
هارون : سكتي وخدمي عقلك 
إلينا : واخا.. واشمن مهمة عندي 
هارون : تزوجي بيه 
إلينا : ش.. شن. شنووو 
هارون : سمعيني لبارح كان معاياا وكان سكران ماعااقلش اشنو كايقول بدا كايدخل ويخرج فالهضرة وقال بلي كايبغيك.. وبلي 
كايكرهني حيت كنتي على علاقة بياا ..لمهم هوا كان سكران وداكشي لي ماكايقدرش يقولو وهوا ساحي قالو وهوا غايب عن الوعي وماااحاااسش 

إلينا : إوا 
هارون : جيت لدار وربطت بزاف ديال الأحداث مع بعض منهم أن أي خطوة كانخطيهاا ف القدية كاتكون فخبارو هواا الأول ..وشكيت فيه داكشي علاش بغيتك تحاولي تقربي منو وماكرهتش تزوجي بيه وتكوني قريبة ليه 
إلينا : هادشي صعيب كيف اندير 
هارون :(وقف ورجع لبلاصتو) ضبري لراسك عندك شهر نرجع من الكونجي لقااك نفدتي أش قلت ..تقدري تخرجي دابا ...

رجوع إلى الحاضر 

رزان : و.. وكيفااش لباارح بنتيلي تفاجئتي 
هارون : ماتفااجئتش احبيبة أنا كنت شااك غير البارح إليناا أكذات لياا ولي فاجئني كتر هوا على أش ناوي 
رزان : ديال أنا ضحية تانية 
هارون :(قبط وجها) نتي مااشي ضحية نتي حتى حاجة ماتقدر تقيصك وأنا عاايش 
رزان : (عنقااتو) عااااارفة 
هارون : (تنهد) يلاه نوضي فيقي صفوان (شاف ف ساعة) خاصو يمشي لمدرسة 
رزان : نمشي معاك نوصلوه 
هارون : واخاا 

باستو و وقفات خرجات من تما مشات لبيت صفوان فيقاتو ودغياا فاق ليهاا بالفرحة ديال المدرسة.. لبساتو حوايجو وقادات ليه شعرو وخرجاتو من تماا داتو معاهاا للبيت دخلات ولقات هارون لبس وحاني راسو وكايقاد فساعة ديالو سمعهم وهز راسو شاف فيهم بابتسامة
هارون : البطل ديااالي 
صفوان : (نقز لعندو) بااباا 
هارون : اتمشي لمدرسة 
صفوان : اه 
هارون : اتقراا مزياان اكي 
صفوان : ماااغاديش يضربوني ياااك 
هارون : ماايقدرش حتى واحد يقيسك ..(باسو) يلااه هبط لتحت جلس فصالون حتى نلحقو عليك 
صفوان : واخاا 

هبط صفوان وضار هوا عند رزان لقاهاا مبتاسمة 
هارون :(غمز ليها) ماالك 
رزان : (قربات ليه وتعلات كاتقادليه لكول ديال القميجة) كانفرح بزااف من معاملتك لصفوان خصوصاً ملي كايقوليك بابا ..(باستو) غادي تكون اب ناجح 
هارون :(قبطهاا من خصرهاا بيديه بزوج وقربهاا ليه) بفضلك انولي أب احبيبة 

وقفات لوطو قدام المدرسة لي سجل فيهاا هارون صفوان نزل وضار حل لمراتو نزلات هياا وصفوان قبط فيه هوا من يد ورزان من يد ... ودخلو لداخل حتال عند المدير لي كان في إستقبالهم 

المدير : مرحباا مرحباا موسيو هارون مرحباا مدام
رزان :(جلسات قبالت هارون) شكرا 
هارون : مانطولش عليك كيف شرحت ليك المرة لي فاتت كايعرف غير لدارجة مااغاديش يتأقلم معاكم بسهولة 
المدير : وي موسيو هارون وكيف أمرتي جبت ليه أستاذ مغريبي لي ممكن يفهمو 
هارون : اكي مزيان 
المدير : نديوه داباا 
هارون :(وقف وقبط فيه) يلااه 

خرجو من تماا قابطين ف صفوان والمدير معاهم حتى وصلو للقسم ورحب بيهم الأستاذ لي جاا خصيصا على ودو 

هارون : يلاه صفوان سير 
صفوان : (زير عليه) لا 
هارون :(تحناا عندو وقربو ليه كايهضر بشوياا) ماكااينش لا نتاا راجل وماخصكش تخااف شوف هوماا كااعماا خاايفين خاصك تدخل وتفرض شخصيتك نتاا داباا ولد هارون القااسيمي مااخاااصكش تبقاا كاتخاف تفااهمناا 
صفوان : (كايضور الهضرة فراسو) اه ولدك صاافي اندخل 
هارون : مزياان احبيبي يلااه دخل 

بقاو واقفين قدام الباب وهوا دخل وقف جنب الأستاذ لي بدا كايعرفو على التلاميذ عاد قاليه يمشي يجلس. 
الأستاذ : يلاه سير جلس فبلاصتك 
صفوان : أنا گاعماا جبت الأدوات فحالهم 
الأستاذ : كولشي عندك هناا ..غير جلس وماتخاافش 
صفوان : لا مانخاافش أنا ولد هارون 
الأستاذ : ههه واخاا يلااه سير 

تحرك من حدا الأستاذ ومشاا نيشااان لأول طاولة كانت جالسة فيهاا واحد لبنيوتاا زعراا ولعينين زرقين وشعر كااري بدات كاتشوف 
رزان : (حاضيينو من الباب) شنو بغاا يصنع هادا 
هارون : هههه

صفوان : نوضي 
البنت :(مافاهماهش) ؟
صفوان : نوضي انجلس هناا انا رااه ولد هارون

رزان : ويلي ويلي ويلي على زغبي شنو كايدير 
هارون : ههههه 
رزان : كاااتضحك نتاا لي غادي ضسرو 
هارون : هههه أنا gلت ليه دير شخصية وفرض الوجود ديالك ماااشي قلت ليه دير شخصية على ضهري هههه
رزان : واللهيلاا غادي يضساار 
هارون :( قبط فيهاا) يلااه نمشيو احبيبة ماتخاافيش حتى يجي لدار ونهضر معاه 
رزان : هااحناا انشوفو 

تحركو من تماا خرجو لبراا حل ليهاا البااب طلعات ويلااه ايطلع بلاصتو وهواا يسمع تيليفونو كايصوني جبدو وجاوب 
هارون : الو 
إليناا : موسيو هاارون ..... 

سالاا المكالمة وقطع وطلع لطوموبيل عندهاا لقاهاا جابداا تيليفونهاا كاتسيلفاا عنقهاا وخشاا راسو معاهاا كايتصورو وكاتسنابي معاه حتى شبعات 
هارون : حتى ترسليهم لياا 
رزان : واخاا 
هارون : ماقنطتيش فدار 
رزان : معاك ماعمرني نقنط 
هارون : (باسهاا) يخليك لياا سمعي أنا انوصلك لواحد المول زوين وغادي نتاصل بشيفور يجي عندك وأنا عندي شي خدمة نخدمهاا ونتلاقااو فدار 
رزان :(قبطات فيه) لا يلااه معاياا 
هارون : هاادشي لي كايعصبني هاد الخوف زايد لي فيك أنا بغيتك تمشي تفوجي شوياا وتبدلي لجو شنو اتبقاي ديري فدار بوحدك أنا ماكاينش وصفوان ماكاينش 

رزان : نتسناك حتى تسالي لخدمة ونمشيو بجوج 
هارون : نو أنا انتعطل (خشا يدو فجيبو وجبد كارط بونكير) هادي ديالك خودي بيهاا لي عجبك احبيبة اكي 
رزان : واخاا 
هارون :(هز تيليفون وتاصل ب شيفور قاليه يلقااه فلمول قطع و ضيمارا) هاناا انوصلك 
رزان : اكي 

تحرك من تماا ماوقف حتاال لمول.. بلاصة لوطو وهبط هوا وياهاا لقاا شيفور كايتسنااه غير شافهم وجاا عندهم بزربة 
هارون : سمعني عندي شي خدمة نتا بقاا هنا تسنااهاا حتى تساالي على خاطرهاا و وصلهاا لدار 

شيفور : أمرك موسيو 
رزان :(قبطات فيديه)مابغيتش نبقاا بوحدي 
هارون : ( نتر يدو منها و غوت عليها حتى قفزات) مرضتيييييييييني صااافي غير لاااصقة فياااااا أش هاااد الخوف المبااالغ لي فيك زدتي فيه بغيتي دخلي دخلي وإلى ماااااابغيتيش تحركيييي لدارك ماتفرعيش لياا راسي 
رزان :(بصدمة) ..ه.. هاا...ه هارون 
هارون :(قلب وجهو عليهاا وهضر مع شيفور) وصلهاا فين بغات

تحرك من تماا ركب فطاكسي ومااشافش حتى فيهاا خلاهاا واقفة مصدومة وغير ركب وزاد طاحت دمعة كاتجري على خدها 

تحرك من تماا ركب فطاكسي ومااشافش حتى فيهاا خلاهاا واقفة مصدومة ...وغير ركب وزاد طاحت دمعة كاتجري على خدها مامتيقااش بلي غوت عليهاا وخلاهاا فطريق وزااد.. خلاهاا واخاا عارف بلي هياا فخطر والعصابة حاطين عليهاا العين صدمتهاا كانت كبيرة لدرجة بقاات واقفة ومارمشااتش حتى جاا عندهاا شيفور حاني راسو 

الشيفور : مدام واش انمشيو 
رزان : الصمت
الشيفور : مداام 
رزان : (حركات عينيهاا شافت فيه ورجعات غمضاتهم) لا ماغااديش نمشي أنا اندخل تسناني هناا وإلى بغيتي تمشي غير سير مابقاتش كاتفرق معاياا 
شيفور : أنا انتسنااك هناا 

ماجاوباتوش ضارت شادة فصاكهاا ودموعهاا على خدها كاتجري ولي دازت من حداه كايبقاا يشوف فيهاا 
غادية ومااعاارفااش فين غادياا غير كاتضور مادخلات حتى لمحل 
بقات هاكداك وعقلهاا خدام كايفكر فالطريقة لي هضر معاهاا بيهاا.. شنو واش مابقاتش كاتهمو.. ياك غير صبااح واعدهاا باش حتى حاجة ماتقيسهاا.. وبلي هوا ديماا فجنبها.. ....فين هواا داباا. ؟

خداوهاا رجليهاا دخلات لواحد المحل ضارو بيهاا دوك لي خدامين تما كل واحد وشنو كايوريهاا جات عندهاا وحدا من لي خدامين تما بابتسامة وفيدهاا كسيوة 

البنت : مادموزيل قيسي هادي اتجي معاك 
رزان : شكرا مابغيتش 
البنت : غير دخلي قيسيهاا غير شفتك وتخاايلتك بيهاا غير قيسيهاا اتجيك غزالة 
رزان :(ماعندها خاطر) مافيااش 
البنت : عفااك 

بقاات شحاال كاتشوف فيهاا حشمات ترضهاا فوجها وهياا تاخدهاا من عندهاا ومشات معاهاا حتاال بلاصة ديال تقيااص ...

خرجات من داك المول فيديهاا بزااف ديال لحوايج مابانش ليهاا شيفور تماا وقالت ايكون جالس فطوموبيل 
مشات حتال لوطو حلات الباب وجلسات لور وكيف توقعات كان شيفور تما وقبل ماتقوليه 
باش يتحرك تحل الباب لي جنبهاا وطلع واحد أسود البشرة ولابس كولشي أسود.... خلعهاا ورعبهاا... وهاداك لي جالس بلاصت شيفور ضار وماكانت نفسو شيفور ديال هارون 

...تخلعات وضورات وجها لعندهم ونطقات بشكووون نتوماا يلااه اتبغي تحل الباب وتهرب وهوا يزرب عليهاا هاداك لي حداهاا جرهاا وحط ليهاا شي حاجة على نيفهاا حتى فقدات الوعي وخشاا ليهاا كيس أسود فراسهاا 

الشخص : (هز تيليفون) هااهياا معاناا
الشخص : هههه مزيااان جيبوهاا هاني كانتسنااهاا ههه

تحركو من تماا طايرين لفين كايتسنااهم لبوووص ديالهم شدو طريق للمكان لي كايتمو فيه العملياات ..كانت دار مهجورة وغير لخلا محداهاا حتى حاجة... وقفو وخرجوهاا من تماا هزهاا هاداك العزي على كتفهو ودخلوهاا 

.. كان المكان موخييف بزاااف... طلعوهاا حتال طاابق الراابع ودخلها للبيت لي كان فيه البوص وجنبو طبيب وبيااص علاياااش كايديرو العمليات موصخ وفيه دم

الشخص : هاهياا اسيدي 
أيوب : ههههه مزياان حطهاا فوق داك الكورسي 
حطهاا فوق داك الكورسي وبقاا قابط فيهاا 
أيوب : (هضر مع طبيب) شوف خدمتك خااصي نرسلهاا ليه اليوم جثة بدون أعضاء هههه خليني نشوف عقلو كايخرج بشويااا بوشيااا حتى يحمااق ومن بعدهاا نولي اناا العميد ...

أيوب : (هضر مع طبيب) شوف خدمتك خااصي نرسلهاا ليه اليوم جثة بدون أعضاء هههه خليني نشوف عقلو كايخرج بشويااا بوشيااا حتى يحمااق ومن بعدهاا نولي اناا العميد ..(ضحك) ههههههه حيد ليهاا داكشييي من راسهاا وفيقهاا بغيت نسمع غواتهاا وهياا كاتعيط ليه وهواا مااكاااينش ههههه
الشخص : اكي 
نتر ليهاا الشخص داكشي لي كانو مغطيين ليهاا وجهها بيه.. وهياا تلااااشاا ضحكت أيوب 

أيوب : اا.. ش.. ن.. شن. شنو.. ك.. ك. كيفااش 

إليناا :(هزات راسهاا حيت هياا فالاصل ماكانتش صخفانة) ههه مراتك إليناا 
أيوب :(مصدوم) م.. مايمكنش.. نتي شنو ك. كااتد... كاتديري هناا 
إلينا :توحشتك وجيت نشوفك 

أيوب : (غوت) فييييييييييييين هيااااااا رزاااااااان فيييييين 

فلاش باك
البنت : عفاك غير دخلي قيسي هادي 
رزان : (مابغاتش ترضها فوجها) واخا

خدات ديك الكسوة من عندهاا بلا خاطر ومشات لفين كايقيسو يلاه دخلات وهياا تجرهاا يد وسدات ليهاا فمهاا 

إليناا : شش أنا إليناا 
رزان :(حيدات ليها يدها) مالك شنو كاتديري هنا وعلاش جارااني هاكدا 

يلاه غادي تجاوبها وهواا يدخل هارون بزربة عنقهاا وكايبوس على راسهاا 

هارون : سمحيلي اعمري سمحيلي احبيبة غوت عليك سمحيلي مااشي لخاطري (كايبوس فوجها كامل)سمحيلي بزز مني غوت عليك 
رزان :(مافهمت والو) هارون شنو وااقع مافهمت والو علاش نتا هنا ياك يلاه مشيتي وعلاش إلينا هنا 

إلينا : شوفي ليوم بغاو يخطفوك وكايتسناو غير يغبر عليك هارون وغادي يديوك داكشي علاش درناا خطة حيت هارون شافهم ملي كانو تابعينكم ملي خرجتو وحتى أنا سمعت أيوب كايهضر بلي غادي يعيط لهارون ويقوليه كايناا شي خدمة ضروري وغادي يضطر يخليك ويمشي وتما فين غادي يخطفوك رجاالو 

وحتى حنا مشيناا على خطتو وخلاك هارون وركب فطاكسي على أساس غادي لخدمة كيف قاليه أيوب وطبعا هادشي كامل مراقبينو وداباا كايتسناوك غير تخرجي باش يديوك 

رزان :(قبطاتلو فيدو مخلوعة ) وشنو انديرو 
هارون : مانفرطش فيك اعمري... سمعيني مزيان غادي تبادلي نتي و إليناا بالحوايج عطيهاا حوايجك وهياا غادي تخرج بلاصتك ونتي سيري عند البنت لي عطاتك لكسوة راه ضابطة معاناا هياا غادي تديك حتال دار ودخلي حتى يجبو ليك صفوان ومااتخافي من والو حيت الدار ضايرين بيها الحراس 

رزان: (شافت فيه مخلوعة) ونتا 
هارون :(عنقهاا) نساالي خدمتي ونجي 

إلينا : سربي ارزان مشاا الحال 
هارون : أنا غادي نمشي 
رزان : (عنقاتو وزيرات عليه) عفااك حضي راسك راه ماعنديش من غيرك 
هارون :(باسها فراسها) ماتخاافيش احبيبة هااني مشيت 

خرج من تما بنفس الطريقة لي دخل بيهاا وتخباا مور شي طوموبيلات كايتسناهم يديوهاا باش يتبعهم

حطات رزان حوايجها وهياا كاتبكي... لبساتهم إليناا وعطاتهاا تلبس حوايج خرين باش تمشي... يلاه اتخرج وهياا ترجع عندهاا 
إلينا : رزان 
رزان :(كاتبكي) اممم 
إلينا : سمحيلي على أي حاجة درتهاا ليك 
رزان :(نفاجرات بلبكا) أهئ أهئ أهئ حضيو راسكم 
إلينا : (عنقاتها) كوني هانية

عودة إلى الحاضر 

أيوب : (مصدوم ) م.. ماايمكنش 
إليناا : صافي تفضحتي 
أيوب :(مشاا بزربة وخنقهاا) يااخصاارة بغيتك من قلبي 
إلينا : كح كح علاا نتا عندك القلب ..مايمكنش واحد بحالك يبغي 
أيوب :(مغزز على سنانو بالفقصة) هارون.. هارون فخباارو 
إلينا : (كاتدفع فيع) طلقنيييي 
أيوب : (طلقها) هضريييي هارون فخبااا...

قبل مايكمل هضرتو تزدح البااب ودخل هارون هاز سلاح فيديه وقبل من أي حاجة تيراا فالطبيب جابو كااو و أيوب بزربة جبد من جيبو سلاح حيت عرف صافي هادي هياا نهاية 

أيوب : (مصوب سلاح جيهتو) العميد هارون القاسيمي مرحبا 
هارون :(بنص إبتسامة) ترحب بيك جهنم 
أيوب : صاافي كولشي تكشف اليوم 
إليناا : صافي أيوب سلم راسك 
أيوب :(ضحك) هههههه ماتضحكينيش احبيبة ماشي أنا لي كانستسلم (شاف فيهاا) جيتي منو واخاا أنا لي راجلك وكان خاصك تجي مني 
إلينا : أنا من الحق 

أيوب يلاه ايهضر وهوا يبان ليه هارون زاد خطوة.. فرمشت عين دغياا جر إليناا قدامو وحط على راسها سلاح حتى غوتات 

أيوب : تزيد خطوة انفجر ليها راسها 
هارون :(تعصب) طلقهااا 
أيوب : هههه شي حاجة كاتضحك كانت مراتك لغزالة لي غاادي تكون هناا ساعة صدقات مراتي 
هارون : طلقهاااا وسد فمك اشمااتة 
إلينا : طلقني شنو درت ليك أنا 

أيوب : تو تو تو درتي احبيبة.. درتي نهاار دخلتي معااه فعلاقة.. عقلتي شحال من مرة دخلت البيرو وحصلتكم بجوج.. اا.. عقلتي شحاال من صباح كانجي عندو لدارو وكانلقااك ناعسة معااه.. اا ..(زير عليها) مع العلم انااااا لي شفتك الأول.. اناا لي كنت كانبغييييك ماشي هوا ... (غوت) علااااااش كولشي هارون... هارون....هااارون.. علااااش كولشي داير ليه الف حساب وانااااا لا... (ضحك) ههه ولكن ليوم مااغااديش يبقاا.. لا هواا.. لا سميتو ...لا إمبراطوريتو لخاااوية .. انبقااا غير أنا 

كايهضر ويضحك بحال شي مختل عقليا وهارون غير كايشوف فيه ومطلع حاجبو .. قلب عينيه وشاف ف إليناا وعمل ليها إشارة بعينيه بمعنى تحركيي ..وديك ساعة طلعات مع أيوب بكود لوجهو حتى رجع بلور وجراا هارون حتال عندو وضرب ليه الفردي برجلو حتى تلاح لوور ونزل عليه ب دق لوجه 

هارون : (صاعر) مراااااااااتي الحماااااار كنتي بااااااغي تجيب مراااااااااااتي لهنااااا الكلب 
أيوب : (تحت منو غارق دم) هههه ك..كنت با...ب. باغي نعسهاا ف..فداك البياااص هههه ونحيد ليهااا... ل. لقلب.. ل. لي ك. كاتبغيك بيه هههه

عينيه ولاو جغمة ديال دم غوت على حر جهدو ومابقاااش عارف شنو كايدير بقااا كايعطيه لوجع حتى لملامح ديالو مابقاوش معروفين كايضرب لدرجة يديه سالو بدم وهوا ماحااسش 

إلينا : أهئ أهئ أهئ هاارون عفاااك (كاتجر فيه) اتقتلو عفاااااك طلقو خلي القانون يعاقبو أهئ أهئ أهئ عفااااااااك طلقو أهئ أهئ طلقووو حن فياااااااا راااااني كاااااانبغيه 

بقاا كايعطيه وإليناا جنبو كاتبكي وكاتجر فيه وهوا ماكاايقشع واالو من غير داك لبااياااص لي كان باغي ينعس فيه مرتو 

إلينا : أهئ أهئ أهئ هاارون عفاااك (كاتجر فيه) اتقتلو عفاااااك طلقو خلي القانون يعاقبو أهئ أهئ أهئ عفااااااااك طلقو أهئ أهئ حن فياااااااا راااااني كاااااانبغيه 

حبس على آخر كلمة نطقات بيها ...

كاينهج ويديه عامرين دم...خشا يدو وجبد لمينوط دارو ليه وهوا مجبد مااعاااقلش 

وقف هارون كايطرطق فعنقو وإليناا واقفة جنبو ..مزال كاعماا تحرك من بلاصتو دخلو لبوليس لي معااه كايجريو عطاوه سلام وقاليهم يهزوه يديوه هوا ورجاال لي براا اغلبيتهم مغيبيين ..ويفتشو المكان وقاليهم ملي يرجع يبغيه يكون فاايق ..

مشااو ل أيوب هزوه من تماا مغيب خرجوه وهوا ضار عندها 
هارون : إلينا سيري لدارك دابا
إلينا : (حنات راسها) واخا 

خرجات إليناا من تماا كاتبكي مابيدهاا ماتد ✋

وخلاتو هوا تما واقف كايضور فراسو وفينماا شاف شي مقص ولا شي موس عروقو كايبغيو يطرطقو ملي كايتخاايل بلي كانو بااغيين يرزيوه فمراتو 

تنهد ومشا لواحد روبيني تماا غسل فيه يديه وهوا عاايف لبلاصة..هبط من تماا وخلاهم كايفتشو لمكاان 
ركب فطوموبيلتو و الوجهة كان اوطيل وصل وتلقاا ليه واحد عطاه سوارت ودخل خدا سويت وطلع ليه مع دخلا حيد داك تيشورط وهز تيليفونو هضر مع واحد من رجالو باش يدوز لشي محل يجيب ليه مايلبس وقطع فضل يبدل حالتو عاد يمشي لدارو مابغاش يدخل عليها بديك الحالة ويخلعهاا لي فيها مكفيهاا باركة.. وهوا اصلا ولا خايف عليها من هاد الخوف لي ولاا فيهاا.. خايف تمرض ولا طراا ليهاا شي حاجة ..ديك الساعة هوا لي ايمرض.. 

دخل لحمام خدا دوش خفيف وخرج لاوي عليه الفوطة هز كارو شعلو كايكمي فيه حتى 

سمع دقان فالباب مشاا هاكداك عريان وشعرو كايقطر على صدرو حل الباب وتحل فم الخدامة لي جابت ليه لحوايج عطاهم ليهاا واحد من رجالو 
هارون : اري 
الخدمة : (ريوگهاا سالو) ب.. ب ن. ش. 

تلفات ليهاا لهضرة ماعرفات ماتقول ..بقاات غير حالة فمهاا وكاتشوف.. الحروف هربو ليهاا بقاات غير كاتحنزز.. شافهاا كيف حالة فمهاا بحال شي بهلة ..مد يدو جر دوك لحوايج وزدح عليهاا الباب ودخل دغياا لبسهم وخرج من تماا مابغااش يزيد حتى دقيقة بغا غير وقتااش يوصل عند حبيبتو ويعنقها و يشم ريحتهاا ويطمن قلبها ..عندو هاديك هياا آلحياة وما فيها 

هبط خلص وخرج ركب فطوموبيلتو ومشاا طاااااير لدارو تقريباا شي نصف ساعة وكان قدام الدار لي كانو ضايريين بيها الحراس من كل قنت وهازين سلاحهم ..

تفتح ليه الباب ودخل بلاصة لوطو وهبط منهاا مشاا جيهت الباب وحلو بساروت... هز عينيه ولقاهاا قدامو واقفة وكااتفرك فصباعهاا مع بعض بكثرة التوتر لي فيهاا ..

غير شااافتو دخل وبحلاا خويتي ليهاا لماا متلج على قلبهاا لي شاعلة فيه العافية...

جرات لعندو طارت عليه عنقااتو ولوات رجليهاا على خصرو ويديهاا على عنقو وكاتبوس ليه فراسر 
رزان : جيتييي الحمد لله الحمد لله الحمد لله (كاتزير عليه) كوووون تعرف شحااااال خفت عليك 
هارون : (زير عليهاا وحتى هواا كايوزع بوسااتو على عنقعاا) أنا معاااك دابااا معاااك اعمري معاااك 

دخلو لداخل وهياا اطير من الفرحة حيت أخيرا شدو المجرم ديال أيوب 
جالس فوق الفوطوي ومتكي عليه صفوان من جيهاا ورزان من جيهاا تانية كايلعب ليهاا فشعرهاا 

رزان : ومن بعد 
هارون : صافي كيف عاودت ليك 
رزان : وباش غادي يتحكم دابا 
هارون : خاصني نحقق معاه ونعرف شكون خدام معاه وأكيد انحرص بنفسي باش هوا وياهم يااخدو مؤبد 
رزان :(تنفساات برتياح) بفف الحمد الله تهنيناا 
هارون : (باس راسها) رتاحي اعمري 

سكت شوياا ورجع شاف فصفوان 
هارون : كيف كان نهارك الأول فالمدرسة 
صفوان : كان زوين (ضحك) حتى واحد ماهضر معايا وحتى الأستاذ زوين 
هارون : رزان نوضي جيبي لياا كاس دلما 

وقفات رزان خرجات من تما وهوا هز صفوان وحطو على رجليه 
هارون : صفوان شنو قلت ليك قبل ماتدخل للقسم 
صفوان : قلتيلي بلي أنا ولدك 
هارون :(باسو فحنكو) وشنو اخر 
صفوان : خاصني نفرض شخصيتي 
هارون : اممم مزيااان ..( تقاد فالجلسة) سمعني اولدي تفرض شخصيتك هياا انك تكون نتاا قوي تكون رااجل ماتخااف من حتى واحد وماتحني راسك لحتى واحد يعني ملي تهضر خاص كولشي يسكت ويسمع ليك شنو غادي تgول ويعرفو بقيمتك ويعطيوك وقت .. (صفوان كايسمعلو بهتمام) ولكن هادشي خاصك تصنعو لرااسك ماشي تبني شخصيتك حيت نتاا ولدي.. لا ايجي واحد نهاار ومااغاديش نبقاا أنا.. إلى كنتي بنيتي شخصيتك راسك.. فاش غادي نمشي انا اتبقاااا راجل وبشخصيتك.. ولكن إلى بنيتيهاا على ضهري.. فاش انمشي أنا غادي تبقاا غير نتا صفوان بلا شخصية..(حط ليه يدو على حنكو) فهمتيني ؟
صفوان : اه فهمتك أنا اندير شخصيتي بوحدي ولكن نتا فين غادي تمشي 
هارون : (ضحك) هههه لحتى بلاصة .. (قبط ليه ودنو بضحك) علااش مشيتي بغيتي تنوض لبنت من بلاصتهاا.. اا 
صفوان : هههه أي 

هارون : هضر ولا مانطلقش 
صفوان : حيت زوييينة وشعرهاا صفر 
هارون : هههههههه ششش سكت سكت اتسمعناا ختك وتجري علياا أنا وياااك 

رزان : أش انسمع 
هارون : اجي عندي نقوليك فودنك 
رزان :(على نيتهاا تحنات لعندو) شنو 
هارون :(قرب فمو لودنهاا) كانبغيك (باسها فعنقهاا )
رزان : (هزات راسهاا وخرجات عينيهاا فيه وكاتهضر من تحت سنانها) هااارون حشومة صفوان هنا 
هارون : ههههه اجي اجي جلسي حداياا كون تعرفي هاد صفوان غادي يزيد غير واحد العاامياااين وغادي نشدو بتهمت الفسااد 
رزان : الله ينجيييييه حبيبي مؤدب 
هارون :(هز لكاس دلما) هههه وبزااااااف 

شرب داك الكاس وحطو وشاف فيهاا كاتحلون عليه 
رزان : نخرجو ؟
هارون : (بتاسم ليهاا حتى بانو سنيناتو) انخرجو ولكن ماشي دابا اناا مزال انرجع لخدمة 
رزان : (شافت فيه عاقدة حواجبها) شنووو 
هارون : بلاماا تعصبي بلامااا تغوتي خااصني ضروري نرجع 
رزان : يلاااه دخلتي 
هارون : ماكرهتش نبقاا معاك احبيبة ولكن خاصني ضروري ندير خدمتي 
رزان : ملي جيناا هناا مابقيتش شفتك وجلست معاك على خااطرناا 
هارون :(كايعنكش فيها) ومااتقلقيش احبيبة غير نجي ونخرجو نتعشاو براا صاافي 
رزان : حلف 
هارون : واااشتي فين عمري قلت ليك شي حاجة مادرتهاش 
رزان :(رجعات كاتلعبلو فصدايف وعضات على شفايفها) هههههه بكلمتك وراااااااااجل 
هارون : (بدا كايسخن عليه الحال) نوضي من حدااياا دغياا إلى بقيت دقيقة انصدق ماخدامش 
رزان : هاهاها داكشي لي بغييت 
هارون : (كايساوي معاهاا مابااغيش يدير علاش يتعطل) نوضي جيبيلي كاس دلماا 
رزان : يااك يلاااه شربتي 
هارون : (حط يدو على عنقو ) شحفت شحفت شحفت سووووقك وااانوضي 

رزان :(وقفات وتمشات قدامو كاتبومباا ومخرجة مسعودتهاا ودافعاا صدرهاا عن قصد) هيهيهي هاااني غاادياا 
مشاات كاتلواا تجيب لماا وغير خرجات من صالون وتفرگااعت بضحك على منظرو كيفاش ولا حمر وتزير ..مشات الكوزينة وعمرات كاس دلماا وخرجات من تماا و قبل مادخل وقفات قدام صالون حطات لكاس فوق واحد الطبلة وبدات كاتهبط لكسوة على صدرهاا حتى مابقاا مستور والو وبدات كاتضرب فحنيكاتهاا وكاتمص شفايفهاا حتى رجعو حمرين رجعات هزات داك الكاس ورسمات إبتيسامة مغرية ولكن مع دخلة جمعاتهاا 
رزان : فيين هوااااا هارون 
صفوان : بابا مشا لخدمة وقال لياا نقوليك دوك لفعايل حتال ليل وديريهم 

وصل ليل ورزان جالسة فجردة هياا وصفوان فوق الفوطوي.. مفقووووصة وقيسهاا طرطق لابسة حوايجهاا ومقادااا الحالة وكل شوياا تهز تيليفون تشوف ساعة 

صفوان : واش مابقينااش انخرجو 
رزان : (معصبة) لا مابقينااش 
صفوان : صافي غي ندخل ناخد طابليط ديالي 
رزان : باركة عليك من الألعاب أجي دخل نعطيك تعشاا وطلع نعس مشاا الحاال غدا عندك مدرسة 

وقفات وقبطات فيه غااديين داخلين وهياا تسمع لبااب تحل ضارت وكانت طوموبيلت هارون لي داخلة مع الباب رجعات قلباات ضورة وقبطاا فيد خوهاا وجراتو دخلو 
لداخل نيشان لكوزينة هزاتو جلس فوق لكرسي وحطاتليه عشااه 

دخل هارون مع الباب كايطرطق فعنقو وبااين عليه لعياا شافتو وماتسوقاتش ليه كيف ماتسوقش ليهاا وقاليهاا انخرجو نتعشاو براا وخلاهاا لبسات وتقاداات وبقاات كاتسناا 

شافو صفوان وهبط من الكرسي مشاا عندو وهارون تحناا هزو وباسو 
صفوان : تعطلتي 
هارون : كنت خدام احبيبي (شاف فرزان) ماغااتسلميش نتي 
رزان : (شافت فيه ومااجااوبااتوش قلبات عينيهاا لعند خوها) صفوان أجي كمل عشااك باش تنعس 
هارون :(حطو ومشاا لعندها) رزان 
رزان : صفواان زيد تعشااا 
صفوان : شبعت 
رزان : واخا يلااه نطلعك لبيتك
هارون :(بغات تمشي وقبطهاا هارون من مرفقهاا و وجه هضرتو لصفوان) طلع لبيتك وبدل حوايجك وحك سنانك ونعس 

صفوان : بووحدي ؟
هارون : (طلع حاجب) شنو قلنا 
صفوان : اه اه انا رااجل 
هارون : يلااه طلع 

طلع صفوان كايدردك وضارت عندو هياا 
رزان : طلقني 
هارون : ماالك 
رزان : مامااليش غير طلقني 
هارون : مقلقة حيت تعطلت 
رزان : مااامقلقااش 
هارون : مااشي لخااطري را... 

رزان : (قاطعااتو) نتاااا ديمااا ماشي لخاطرك ديمااا ديمااا ديمااااا ديماااا أنا آخر إهتماااااماااتك ديمااا أنا آخر حاجة كاتفكر فيها حتى كااتقدي شغلك وتكمل خدمتك عااد كاتجي تطل علينااا.. ماااامعبرنيييييييش 

تعصب وعينيه ولاو حمرين زير على القبضة ديالو وهزها كاان ايعطيهاا ليهاا لوجه على هضرتهاا ولكن فاخر لحظة نزل يدو مزير عليهاا وهز اليد ثانية قبط ليهاا لفك ديالهاا وهضر من تحت سنانو 
هارون : (كايشوف فعينيهاا ونطق بجوج كلمات ) أيوووب نتاااحر 

نزل يدو ودفعاا وطلع لبيتو معصب من هضرتهاا كيفااش كاتفكر بلي هياا آخر اهتماماتو وهوا لي كايحاول يكمل شنو عندو ويرجع عندهاا.. عكس كيف كان مشحاال هادي ماكايدخلش لدار غير إلى بغاا ينعس كان من الخدمة لوطيلات ولديسكويات ولي صواغي وملي عرفهاا ضرب على كولشي ولاا من الخدمة لعندهاا ومن عندهاا للخدمة وفالخير تقوليه أنا آخر هتمااامك ...عصبااااتو وفضل يطلع لبيتو ويبدل ساعة بخراا حيت إلى بقاا جنبهاا وبقات عليه بديك لهضرة غادي يصدق ضاربهاا وغادي يندم ويمرض 

طلع لبيتو حيد حوايجو ودخل لدوش عمر لبينواار بلماا ودخل يرخي عضامو من بعد نهاار ديال المشااكل وختمهاا بنتحاار ديال أيوب ..

بقات هياا فالكوزينة مصدومة من هضرتو حتى ستوعباات عاد عضات على شفايفهاا وبدات كاتفرك فصباعهاا مع بعضهم 
رزان : اااشنو درت انا اشنووو درت (كاتضرب على فمها) هااك افمي هاااك... رااجل جاي من المشاكل وأنا كملت عليه نااري نااري شنو ندير داباا بببف كانطير 

بقات كاتضور تماا وبحاالا فيهاا الإسهال وكاتفكر كيفااش تصاالوحو من بعد الهضرة لي قالت. 
تنفساات مزيان وقرارت تطلع لعندو مابغاتوش ينعس وهوا مخاصم معاها 

قررات تطلع تصالحو وتاخد بخاطرو حيت هياا ماكانتش عارفة حالتو ومااخلااتش ليه الوقت فين يشرح ليهاا 

طلعات مع دروج حتال البيت حلاتو ومااكانش فيه بانو ليهاا حوايجو مليوحين فرق الناموسية وعرفتو ايكون فالحمام تمشاات حتال لحمام وحلاتو كان مسرح فالبينوار ومتكي راسو ومغمض عينيه 
عرفااتو من ملامحو بلي عياان وداز عليه نهار مشارجي 
تمشات حتال عندو وجلسات على جنب لبينوار 
رزان : هارون 
هارون :(مغمض عينيه) خرجي ارزان خليني نرتاح 
رزان : ولات راحتك ونتا بعيد علياا 
هارون : هادشي لي نتي قلتي قبيلة 
رزان : (حطات يدهاا على صدرو فازك) مااكنتش عاارفة كيف داز نهاار وكنت معصبة حيت لبست وبقيت كانتسنااك ..واللهماا قصدت ديك الهضرة 
هارون : (حل عينيه) نتي عارفة بلي ماعنديش شي حاجة أهم منك وgلتي ديك الهضرة 
رزان :(بتوسل) عذرني احبيبي داز علياا نهاار فالجحيم عفااك سمح لياا واللهماا نعااود 

هارون :(ماعندوش مايدير مايقدرش يتقلق عليهاا واخاا يبغي يعاقبهاا ماكايقدرش.. هز يدو وحطهاا على حنكها) الله يساامح 
رزان : (عنقاتو وهوا وسط الماا ) هههه يخليك ليلي 
هارون : هههه هبيلة 
رزان : ههه نتا لي هبلتيني 
هارون : هههه وريحي عمرتي حاالتك بلماا 

حيدات لبانطوفة وبدات كاتحل فسنسلة ديال الكسوة وكاتشوف فعينيه وهوا دايب فيها حتى حيداتها وتخشات معاه 
رزان : خليني اناا بغيت نعمر ... 

.............
خرجو من دوش بزوج من بعد مادوشو من مور لبسالة طبعاا 
لاوييين عليهم فوطات غير خرجاات مشااا نيشاات لفوق ناموسية وتلاحت على كرشهاا بلعياا وهواا موراهاا كاينشف شعرو وداير نص تبسيمة 

هارون : نوضي لبسي ايضربك البرد 
رزان : احح ماقديتش فااشلة 
هارون : ههه ماعندكش سوفل ابب أنا نجيب ليك تلبسي 
مشاا هوا لحوايجهاا وجبد ليهاا بيجامة ورجع عندهاا حيد ليهاا ديك الفوطة وبدا يلبس فيهاا وهياا ماقادرااش تهز يدهاا

من بعد مالبسهاا جاب فوطة ونشف ليهاا شعرهاا وخدا كريم لي كاتدهن لوجها ودهنو ليهاا 
هارون : ماتنعسيش حتى تعشااي 
رزان : فاشلة والله 
هارون : وليتي كاتعيااي ..ولكن غير حيت حاملة.. صبري أنا انلبس ونجيبلي كاس دلعااصير شربيه ونهبطو نتعشاو 

مشاا جبد حوايجو ولبسهم وهبط لكوزينة جاب ليهاا كاس دلعاصير طبيعي نوضهاا وعطاه ليهاا شرباتو عاد بدات كاترجع فيها روح شوياا 
هارون : يلااه نهبطو 
رزان : (وقفات بشويا) واخاا 
قبط فيهاا وهبطو لكوزينة ماخلااهاا تقرب حتى حاجة هوا وجد لعشاا وحطو فوق طبلة وجلس جنبهاا كايتعشاو وكايتبادلو أطراف الحديث والغزل 
رزان : هارون 
هارون : امم 
رزان : عطيني نمرت إيلينا بغت نهضر معاهاا أتكون حالتها 
هارون : بصح خليتهم هزوهاا لسبيطار 
رزان : وكااعماا قلتيها ليا
هارون : حيت عارفك ماكاتحمليهااش 
رزان : شكون قالهاا ليك بلعكس ولات عزيزة علياا 
هارون : اكي حتى نعطيك نمرتهاا 
رزان : عطيهالي دابا نهضر معاها 

خشا يدو فجيبو وجبد تيليفون ودوز نمرتها وعطاهاا تهضر ماجلساتش بزاف حتى جاوبها صوت وبااينة كان باكي 
إلينا : وي موسيو هارون 
رزان : احم أنا رزان
إلينا : اه رزان صافا 
رزان : بخير كيف بقيتي نتياا 
إلينا : الحمد لله 
رزان : سمعت بشنو جراا كانتأسف بزااف الله يصبرك
إلينا : (كاتبكي) آمين 

رزان : إلى حسيتي براسك مخنوقة جي عندنا 
إلينا : شكرا بزاف ولكن موسوي هارون الله يكتر خيرو عطاني كونجي مفتوح غادي نسافر 
رزان : اكي ختي ديري لي يريحك وتهلاي فراسك 
إلينا : شكراااا بزااف ارزات 
رزان : العفو حبيبتي يلاه خليت ليك الراحة 

قطعات معاهاا وضارت عند هارون وتنهدات 
رزان : بقات فياا 
هارون : مكتااب 
رزان : واايه (تفوهات) جاني نعاس 
هارون : يلااه احبيبة نطلعو نعسو

وقف و وقفهاا ماخلاهااش تمشاا هزهاا بين يديه حتاال لبيتهم دخلهاا لحمام حكو سنانهم وخرجو مشاو نعسو 

بعد مرور شهر 

صبح صبااح حلات رزان عينيهاا مدات يديهاا لبلاصتو ولقاات لفرااغ وهياا تنوض 
رزان : بببف مشاا لخدمة عاوتااني 
وقفاات ودارت رجليهاا فبانطوفة ومشات لحمام غسلات وطرفات حالتها 

وهبطات لتحت كاتكسل غير وصلات وبان ليهاا الباب كايتحل ودخل هارون هوا وصفوان بلباس الرياضة عرقانين 
شافتهم وبتاسمات ..

قرب لعندها وعينيه ضاحكين قبطهاا من خصرهاا وباسها بوسة خفيفة ف فمهاا وطلقها نزلات باست صفوان 
رزان : يحسابلي مشيتي لخدمة 
هارون : لا خرجت درت أنا و ولدي الرياضة 
رزان : مزيااان 
قبل ماتهضر سمعو صوني فلباب ضار هارون ومشاا حل الباب وتحل فم رزان وقلبهاا بداا يزدح من الإعصار لي غادي ينوض 
هارون : (معصب) شكااااااين 
رفيق : سلام 

قبل ماتهضر سمعو صوني فلباب ضار هارون حل الباب وتحل فم رزان وقلبهاا بداا يزدح من الإعصار لي غادي ينوض 
هارون : (معصب) شكااااااااااين 
رفيق : سلام 
هارون : (شنق عليه) وعلييييكم تيسااااع واااش بااااغي تموت 
رفيق : سمعني سمعني عفااك جيت غير نهضر معااك 
هارون : ااااش بيني وبينك باااااش نهضرو 
رفيق : (شاف فرزان) جيت غير نهضر معاكم وغادي نمشي 
هارون :(زدحو مع الحيط) اتحووووول عينيك مراااا خرااااا عندهااااا انتقبهم ليك 
رفيق :(كايقاد فحوايجو) اكي اكي كااالم اصااحبي نيتي صافية 
هارون : صااافية ولاااا ماااصاااافيش غبر من عندي إلى عزيزة عليك روحك 
رزان :(قبطات فيدو ) هارون عفااك بلااش من صداع سمعو شنو بغاا يقول 
هارون :(شافهاا شنو لابسة لبيجامة كانت قصيرة ومزيرة زاد صعر ) وااااطلعي لبييييتك حيدي من قدااامي شهاااد الحاااالة واقفة بيهاا 
رزان : ورااه نتاا لي حليتي الباب 
هارون :(مشاا بزربة لعند رفيق وشدو من قرفاادتو وخرجو وزدح الباب) أنا لي حليتو وهاناا سديتو 
رزان : (كاتسمع صوني فالباب) هااارون حشومة عليك 
هارون : اش لي حشووومة اااش جاي يدير عندي 
رزان : (رجعات قبطاتلو فيديه وكاتهضر بتوسل) عفاااك شوفو شنو بغاا يقدر يكون ندم ورجع يطلب السماحة 
هارون : كيفااش بغيتيني نسمح ليه وهوا كان حاط عينو عليك 
رزان : كيفااش أنا سمحت ل إليناا لي مااشي غير كانت حاطة عينهاا عليك.. كانت معاك على علاااقة 
هارون : ماتبقايش تقارني شي بشي 
رزان :(صوني فالباب) عفااك اهارون كايبقاا ولد عمتك الوحيد و ولد خاالتي عفاااك سمع ليه 
هارون :(غمض عينيه وحلهم) طلعي لبسي شي حاجة مستورة 
رزان : اتسمح ليه ؟
هارون : واااهضرنا 
رزان : ههه واخا واخا 

طلعااا كاتجري وهواا تنفس ورجع حل الباب لقاا رفيق واقف فلباب 
هارون : طلقني شبغيتي 
رفيق : ندخلو بعداا 
هارون : اتمشي تق*** 
رفيق : برد اصااحبي أنا جيت نطلب غير سمااحة على شنو درت مابغيتش نبداا حياتي جديدة ونتوماا مافيهااش 
هارون : واحناا لي ماابغينااش نكونو فيهاا غير غبر 
رفيق : عفااك سعني والله ندمت اصااحبي... مادوزنااش أنا وياك لقليل سمح لياا على كولشي.. غلطت فحقك.. بغيت نتزوج ومابغيتش نبقاو مقلقين مع بعضياتنا 
هارون : (طلع حاجب) دخل 
رفيق :(بفرحة) هههه واخاا (يلاه دار خطوة وهوا ينطق) فين هيااا رزان 
هارون : (جرو من قرفادتو) خرج تق***
رفيق : لاا لا صافي اصااحبي سولت فيهاا غير حيت بنت خاالتي 
هارون : انفرعك 
رفيق : (دار خمسة على فمو) هاني سكت 

دخل لصالون وجلس قدامو وصفوان جنبو ورفيق كايهضر ويعاود ليه ويطلب سمااحة حتى عياا عاد تمات هابطة رزات لابسة كسوة طويلة بلكمام دخلات وبتاسمات لرفيق 
هارون : (شافها) اجييي جلسي هناا 
مشات لحداه وجلسات بغا يسول فيها رفيق وخاف ينوض صداع ولكن فالاخير سول 
رفيق : ختي رزان بيخير 
رزان :(بابتسامة) بيخير الحمد الله ونتا 
رفيق : الحمد الله 
رزان : كيف بقيتي بنتيلي باقي داير الgبص
رفيق : ههه واايه إواا ماعندي مااندير مابقااش بزااف ونحيدو 
رزان : الله يشاافي 
رفيق : آمين ..(سكت شوياا عاد نطق) رزان جيت أختي نطلب منكم السماحة على شنو درت سمحيلي كان شيطان كايلعب بعقلي 
رزان :(شافت فهارون) ماطراا بااس اخوياا 
رفيق : وجيت حتى نعرضكم لضريب الصداق ديالي 
رزان : ههههه وايلي اتزوج 
رفيق : وااايه صاافي دخلت للقفص الذهبي 
رزان : شكون هاد سعيدت الحظ
رفيق : صاحبتك هاجر 
رزان : اواااااه كاتهضر بصح 

رفيق : هههه وي بصح رااه شحاال وهياا كاتااصل بيك ولكن تيليفونك ماخدامش 
رزان : (شافت فهارون) حيت عاود بدلت نمرة 
رفيق : آوا راه بغاات تهضر معاك 
رزان : صافي عطيني نمرتهاا حتى نتااصل بيهاا 
رفيق : واخاا لمهم أنا خاصني نمشي حيت عندي الطيارة بليل نتمنا تجيو اندير العقد بعد سمانة 
هارون : مانقدروش نجيو عندي خدمة 
رفيق : حااولو 
رزان : إنشاء الله.. والله يكمل عليكم بالخير 
رفيق : آمين أختي 

خرج رفيق من بعد ماااتساامح معاهم وصفات لخواطر سد هارون الباب ورجع عندهاا لكوزينة لقاهاا كاتصاوب لفطور 
رزان : هههه ماتوقعتش رفيق وهاجر 
هارون : عاادي 
رزان : فرحت ليهم بزااف.. (عنقتو) وفرحت كتر حيت تصالحناا 
هارون :(باس على راسها وحط يدو على كرشها) بدا ولدي كايكبر 
رزان : إوا رااه عندو شهرين ونص 
هارون : بغيت غير إمتا نشوف عوينااتو 
رزان : قريب احبيبي 
هارون : أنا انطلع ندوش لصفوان ونهبط نفطرو ونخرجو 
رزان : واخا حبيبي ماتعطلوش 
طلع دوش ليه ولصفوان ونزلو فطرو فجردة ديال الضحك من بعد رزان طلعات بدلات حوايجهاا وخرجو دوزو نهاار كامل برا داو صفوان لملاهي وماخلاا فين داهم مارجعو حتاا تنااصص ليل كان صفوان نعس هزو هارون وطلعو لبيتو ودخل هوا رزان لبيتهم بدلو ونعسو 

صبااح جديد فاقت رزان على شي وجع فكرشهاا 
رزان : (تگعدات) ااح اممم 
هارون :(فاق ملي حس بيهاا تحركات وغير شافهاا كاتوجع وهوا يقفز) مالك احبيبة 
رزان : والو غير شي وجع خفيف 
هارون : يااكماا اتولدي ؟
رزان : اح لا قاتلي طبيبة حتاال سمانة الماجية 
هارون : ودياالااش هاد لوجع لي كايجيك
رزان : (بداا كايفوتها) عاادي احبيبي من نهار دخل شهري وهوا كايجيني مرا مرا 
هارون : تسرحي رتااحي ماتنوضيش 
رزان : بلعكس قاتلي طبيبة خاصك تحركي 
هارون : ماتحركيش حتى تكوني معاياا 
رزان : واخاا 
هارون : يلااه رجعي تكاي 
رزان : نو انهبط نفيق صفوان ونمشي نجمعلو حوايجو ونجي نجمع حوايجناا.. معاش عندناا طيارة ؟
هارون : كون غير مامشينااش حتى تولدي 
رزان : ماايمكنش عرس سهام ونرجس ختك اويلي 

هارون : نهضر معاهم يأجلوه
رزان : حشووومة شوف شحاال من شهر وهوماا مؤجلينو ..غير قولي معاش طيارة 
هارون : انمشيو فالخاصة احبيبة باش يمشي معاك طاقم طبي
رزان : اكي 
هارون : هبطي نفطرو ونطلع نعاونك فجميع لحوايج 

قبط فيهاا وهبطو بشوياا بشوياا وهياا كاتنهج ماقاادااش حيت دخل شهرهاا وتقلااات بزاااف ..دوزاتهاا على هارون فهاد شهورة لي فاااتو وهوا قابط ليهاا الخااطر ودايرهاا فعينيه ماكااينش شي حاجة لي تقلقهاا ولا تخاصمهم من غير مرة وحداا ملي بغات تمشي تخضر للعقد ديال رفيق وماخلاهااش مااشي حيت مابغاش ولكن حيت كان خدام ومن المستحيل يخليهاا تمشي بوحدها

جا عندهاا جدهاا جوج مرات وجات سهام زارتها كيف واعداتهاا وديما على تصال معاهم ولوحيدة لي ماكاانتش متوقعة تزورهاا هياا إيمان.. زارتهاا وبكات عليهاا وطلباات منهاا سماحة وطبعا بقلب رزان لكبير سامحاااتهاا ..

فيقو صفوان وهبطو فطرو كيف العادة ومن بعد نهاار كامل داز غير فجميع لحوايج حتى وصل وقت السفر ...مشاو لمطار وكانت الطيارة ديال هارون والطاقم الطبي وكلشي فإنتظارهم ركبو وغير قلعات الطيارة دخلات رزان لبيت ونعسات ماعقلااات لا على صفوان لا هارون لا شي سفر 

دامت الرحلة لساااعاااات وسالاعاااات فوق سحااب ورزان غير نااعسة وكل شوية يدخل هارون يطل عليهاا 
هارون : رزان.. رزان حبيبة فيقي 
رزان : (كاتعنكش) خليني شويا 
هارون : أش انخليك نوضي راه وصلنا 
رزان : (حلات عينيها) وصلنا ؟
هارون : (باسها) وي حبيبة وصلنا 
رزان :(قبطاتلو فيدو نوضها) فين صفوان
هارون : هاهوا براا نوضي 
رزان : شحال فساعة دابا ؟
هارون : تسعود دلمغرب (مد ليهاا تجاكيط) 

لبسي هادي حيت كايكون البرد فصباح 
قبطاتو من عندو ولبساتو وخرجو من تماا هزو صفوان وهبطو كانت الطوموبيل كاتسناهم ركبو كاملين وساق هارون فالتجاه لقصر 

من بعد يومااين على وصولهم.. جا يوم لي فيه العرس كولشي مشغول هاالي كايقاد شعر هالي كاتقاد المكياج..
الجردة مزينة بأحسن ذيكورات وسرباية ب لباس موحد كايضورو.. بداو ناس كايجيو والحاج ف ستقبالهم هوا ومراتو و ولادو وعيالاات ولادو

ف لفوق لبنات جالسين فبيت ومعاهم لكوافوراا لي كاتقاد لعريساات بجوج وحداهم هاجر كايصبغو ليهاا ضفارهاا دخلات عندهم رزان كرشهاا سبقاهاا 
رزان : (لاحت داك القفطان بزعفة) شنو دابااا واش ماااغاديش نتحزم 
سهام : ههههه إلى قديتي تحزمي غير تحزمي 
رزان : كاااتضحكي عليااا داباا 
هاجر : هههه ملي كنتي هازة رجليك كان عاجبك الحال 
رزان : (ميقات فيها) هيهيهي زعما نتي مطفرااه راه كرشك قراباات توصل لكرشي ولا نتي ماكنتيش هازة رجليك حملتي من ودنيك 
نرجس :(شافت فهادوك لي كايصااوبو ليهم كايضحكو) هههه شوهتوووناا 
رزان : داباا شنو اندير 
سهام : جلسي صااوبي وجهك وشعرك ومن بعد لبسيه رااه والله حتى زوين بلا حزام 
رزان : أنا كانبغي نتحزم 
سهام : مااعندك كيف ديري تحزمي غير زيييدي 

مشات رزان جلسات وجات وحدا كاتقاد ليهاا فوجهاا دارت ليهاا مكياج غاامق فالاسود وعكر احمر مااط وصاوبو ليهاا شعرهاا بوكلي جاااات غزااالة 

بداو كايلبسو لعريسات وحتى هياا لبسات ولكن حسات بلقفطان ناقص بلا حزام 
حطو آخر المسات على العروسات لي هياا الطرحة ف دهبي حيت لابسن لبسة ديال الحنة ف الاخضر جات جداتهم ومامات سهام ونرجس باش ينزلوهم وداكشي لي كان نزلوهم نكافات ب صلات وسلام على نبي حتاال جردة لي كانو فيها جوج برزات دخلو على انغااام طاهور كايغني حنيو لالة حنة وحناااني 
جلسات كل وحدا فبلاصتهاا وجنبهاا جوج نگافاات 

ويلاه اتجلس وهيا تفكر نسات تيليفونهاا

طلعات دخلات البيت هزات تيليفونهاا ويلااه اتخرج وهواا يدخل وجرهاا من خصرهاا ورض الباب 
رزان : ااه خلعتيني 
هارون : (هاايم فيها وحتى هيااا حمقهاا بلجااباادور لي لابس ولحية لي مطراسية وريحتو لي كاتهبلهاا ) أش هاد الجمال كاتزيااني نهاار على نهاار 
رزان : ههه (حطات يدهاا على صدرو) جيتي زوين 
هارون : ههه مااعنديش مع هادشي لبستهاا غير حيت نتي بغيتي 
رزان : احح يخليك لياا ارااجلي لعزيز 
هارون : (كايقرب) وعلاش ديك احح علااش امم ههه 
رزان : لااا ماتفكرش فيهاا اتخصر لياا لعكر 
هارون : نبوس غير هناا 

نزل لعنقهاا كايبوس وهياا كاتضحك وتحلون عليه حتى تفتح الباب 
رفيق : اوووبس هههه سموحوووو ليااا اناا نسد البا ب وكملو 
هارون : ماكاتعرفش دق نتا 
رفيق : وكان محلول اصااحبي 
هارون : كحب غوت بس بس دير شي لعبة 
رفيق : ههه استسمح اسيدي (بغا يمشي ورجع طل عليهم ونطق) ااه واارااك طيبتي لبنت تكاايس راه حاملة 
هز هارون يدو بحاالاا غادي يتير عليه بتيليفون وهواا يعلق 
رزان : هههههه 
هارون : نهبطو احبيبة 
رزان : واخاا 

قبط فيدهاا باسهاا وشابك صباعو مع صباعهاا 
وهبطو لجردة تحت أعين الناس لي كل واحد وكيفاش نظرتو كاين لي عاجبينو وكاين لي حااسدهم وغاير منهم 

ولكن هوماا لا موبااالاات دخلو ومشااو حتال طبلتهم وجر ليهاا الكرسي جلسات 

قرب يساالي العرس لي داز ف أجواء رائعة جداا لبنات لبسو شحااال من لبسة بقاا ليهم غير لاغوب.. تعشاو نااس بأحسن الأطباق و بأحسن المشروبات ..صحافة كاتصور فعرس جوج من حفاايد القااسيمي 

جالسة رزان فطبلة ولكن مااشي على عادتهاا مخنوقة وعرقاانة وكل شوية كاتنش على راسهاا 
هارون : مالك ماعجبتيينيش 
رزان : كليت بزااف واقلة تقلت وتزيرت 
هارون : إلى عيتي نطلعو 
رزان : اه انطلع ولكن غير نبدل ونزل حيت هاد القفطان خنقني 
هارون : تسنااي أنا انمشي معاك 
رزان : واخاا 
قبط فيهاا وتحركو من تماا دخلو لقصر وهياا غير كاتسوط وقبل مايطلعو فدروج تحناات قبطات فكرشهاا وغوتاات 
رزان : ااااااي 
هارون :(مخلوع) مااالك 
رزان : أهئ أهئ اااااي احححح انولد 
هارون : دااابااا 
رزان :(كاتبكي وقابطاا فيه وكاتغوت جاب الله الموسيقى خدامة أما كون كولشي سمعهاا ) اااي لوجع لووووووج اااااه أهئ أهئ انمووووت 
هارون : ششش احبيبة صااافي (هزهاا) اناا نديك لسبيطاار ششش ماتبكيييش 
رفيق : (وقف عليهم) ماالهااا 
هارون : كااااتولد كاااتولد زيد حل لياا الباب لوراني دلقصر سربييييي
مشا رفيق كايطير وتابعو هارون هازهاا بين يديه وهياا كاتغوت بحر لوجع 

خرج هارون من لقصر ولقاا رفيق مشاا جابليه طوموبيل حلهاا وحطهاا حداه ورفيق طلع لور 
رزان : أهئ ااااي هاااارون عتقننننييي انموت
هارون :(مخلوع وسايق بأقصى سرعة ف تجاه لكلينيك) مااتموتيش احبيبة لا اتبقااي معاايااا و ولدناا ايتزاد.. 
رزان : (كاتغوت) ااااععععع لااا بزااااف انموووووت أهئ أهئ
رفيق : تنفسي أختي تنفسي وماااتخاافيش 

وصل هارون وضرب فران صيييك وخرج طااير حل عليهاا الباب وهزهاا بين يديه مدخلهاا كايجري 

تلقاو ليه بلبااياص حطهاا فيه وجروهاا غااد بيهاا وهوا قابط فيدهاا كايجري معاها وهياا كاتغوت 
رزان : أهئ أهئ هاااارون انموت 
هارون : مااتموتيش احبيبة صبري عااافك 

دخلوهاا لبلوك ودخل معاهاا جاات طبيبة كاتجري دخلات 
الطبيبة : عفااك خرج برا 
هارون : (غوت) ديريييي خدمتك هناا انبقااا 
الطبيبة : اا.. واخاا 

حيدو ليهاا الممرضات داك القفطاان وخلاوهاا بديبااردور غطاو نصهاا وحيدو ليهاا حوايجهاا وبدات طبيبة كاتولدهاا وهيااا كاتغوت وقاابطة فيد هارون وغارسة فيه ضفارهاا 
الطبيبة : دفعي 
رزان : اععععع ماااقاااادرااااش 
الطبيبة : دفعي امدام لولد ايتخنق 
رزان : (كاتدفع) اااااعععععع
الطبيبة : زييييدي 
رزان : أهئ لااا اعععععع ماقدرتش 
هارون : اتقدري احبيبة اتقدري عفاااك دفعي (عطاها يدو) عضي فيهاا ودفعي 
رزان :(عضاات على حر جهدها) ااااااععععععععع
الطبيبة : خرج خرج زيدي غير شويااا 

بقاات كاتدفع كاتدفع حتى خرجااتو طبيبة عاد تنفساات رزان وهياا كاتنهج وقابطة فيد هارون لي كايمسح على وجها لعرقان بيديه

سمعو غوات لبب وهياا تبتااسم ونساات الألم لي كان فيهاا 
رزان :(كاتنهج) و.. ولدي 
الطبيبة : هههه مبروك ولدتي ولد (حطاتو ليهاا فوق صدرهاا) هاهوا 
رزان : (شافتو وبداات تبكي) هااارون شوف ولدنااا شحااال زوين عينيه ههه
هارون :(قلبو كايزدح من الفرحة وكايقيسلو فضهرو بصبعو وكايضحك ) ههههه ولدي 
الطبيبة : خاصناا نديوه داباا 
رزان : لا صبرو (ضارت عند هاروو) صورنا بتلاتة 
هارون : واخاا اعمري 
هز تيليفون ودار سيلفي تصورو بتلاتة 
من بعد جات لفرملية هزات لوليد داتو ورجع هوا تحناا عندها 
هارون :(باسها بوسة كبيرة ف فمها) شكرااا احبيبة شكرااا بزااااف 

رزان : فرحت حيت عوينااتو بحاال عوينااتك (كاتغمض فعينيها)
هارون : ماالك 
رزان : ماعرفتش فياا نعااس 
هارون :(شافهاا كاتغيب وتخلع بداا كايضرب ليها فوجهاا وكايتفكر كلمت انموت) رزااان رزااان.. مالك. رزااان 
شافهاا غيباات وفشلو عليه رجليه وقلبو بدا يضرب ف لمية 
هارون : (غوت) عيييييييطو لطبيييييية 
جات الفرملية كاتجري 
الممرضة : شنو كايت 
هارون : (صااعر كايغوت ويجديب وكايضرب برجلو مع الأرض) مااااالهاااااا مااااالهااااا علاااش غيباااات علااااااش كااانت كاتهضر معااااياااا ومشاااااات 
الممرضة : (مشات قلباتهاا) ماتخاافش اموسيو عاادي غير سخفات بكترت الإرهاق ماشي عادي تولد رااه سوفل ديالهاا كامل مشاا داكشي علاش سخفات 
هارون :(شدهاا من الكول ديال حوايجهاا) متأكدة 
الممرضة : اا.. ااه. اه والله غير شوياا وتفيق 
طلقهاا وشد فرااسو وتنفس الصعداء من بعد مااكااان قلبو غادي يسكت من الخلعة 

بدات كاتحل فعينيهاا بشوياا بشوياا حتى حلاتهم فسقف لي كان بيض ضورات عينها كان ضو نهار طلع ولبيت مزين بنفاخاات وديكورات ديال الاطفال كولشي فالازرق وشيبي ضورات عينيهاا وكانو عائلتهاا كاملة واقفين جنبهاا من غير هارون 
تبسمات ليهم وبغات تگعد شوياا 
الحاج : خليك ابنتي هه مبروك عليك 
رزان : الله يبارك فيك اجدي 
الحاجة : يترباا فعزكم ابنتي 
رزان : شكرا الميمة 
سهام : تفو على كنسة ماالقيتي إمتاا تولدي غير فعرسناا 
نرجس : هههه حشومة عليك 
رزان : هه داباا نقول لهارون قلتي تفو على ولدو 
رفيق : والله حتى يخنقهاا رااه من الباارح وهوا واقف ليهم عند راسو ههه كاتبغي تقرب ليه غير شي وحدة كايبداا عليهاا بشوية عليه ..و عنداك ههه 

هارون : (دخل ومشاا لعندها بااس على راسها) كيف بقيتي احبيبة 
رزان : بيخير شفتي ولدناا 
هارون : شفتو اعمري 
رزان : حتى أنا بغيت نشوفو 
هارون : دابا ايدخلوه ليك 
هاجر : لولادة صعيبة ياك 
رزان : لمووووت اختي لموت 
رفيق : شمن موت سكتي ماكي كاتخلعي فيها 
رزان : ههه مالي كذبت ولكن ملي شفت عوينااتو بحال عوينات باه نسيييت گاع داك لوجع 
الحاج : شنو قررتو تسميوه 
هارون : متافقين أنا ورزان باش نسميوه اركان 
الحاج : زوينة الله يكمل بالخير 
هارون : آمين الحاج 

خرجات رزان من لكلينيك من بعد يوماين دازت سبع أيام ودار هارون سبوع مطرطق لولدو خلا العائلة والصحاب والصحافة كولشي كايهضر عليه..داز شهر وهيا جالسة فالقصر مع عائلتهاا عاد رجعات لنيويورك .. اماا هارون مشيبهاا من جيهت اركان ..رضعيه.. لبسيه..مالو كايبكي.. عنداك يطيح.. عنداك يمرض.. كايخاف عليه كتر من عينيه وماكيبغيش يسمع حسو كايبكي وهادشي كايعصب رزان 
...........

جالسة فجردة ومتكياا راسهاا على راجلهاا حبيبهاا لي تقدم فالعمر وملامحو بدات تكبر وشعرو لي تخللو شويا ديال شيب ولكن باقي هوا هواا وحتى هياا بدات كاتكبر 
هارون : إوا 
صفوان : لقيتو كايدير ختلاساات ف الشركة 
هارون : تاصلتي بالبوليس 
صفوان : تاصلت بيهم وداوه 
هارون : مزياان المرة الماجية بقاا تعرف شكون كاتخدم عندك 
صفوان : كون هاني 
رزان : توحشت أركان يومااين ماشفتوش 
هارون : عندو شي خدمة 
رزان : وإمتاا ايجي 
هارون : ماعرفتش غير يساالي ويجي 
صفوان : هضرت معاه البارح وقالياا يمكن ليوم يكون هناا 

بقاايين كايهضرو ودخل من باب الجردة ولد طويل وعريض شعرو كحل ولحية وعينين زرقين قوي البنية لابس شورط وتيشورط وكاسكيط مقلوبة غير شافتو رزان و وقفاات وهوا جاا عندهاا بخطوات سريعة حتى وصل عندهاا وعنقهاا كايبوس على على راسهاا ويديهاا 

أركان : محاميتنا الشهيرة 
صفوان : ههه بغات تستقيل 
رزان : حبيبي توحشتك 
أركان : ماشي قدي اعمري (كايبوس فيدهاا) غبرت يوماين بحاال عاام ماكانقدرش نبعد عليك ياانور عينياا 
هارون : اداك عنيباا بعد لياا من المدام 
أركان :(تصافح هوا ويااه) سي العميد لابااس 
هارون : لعميد لهيه فالخدمة هناا بااك القرد 
أركان : (سلم على صفوان) افين 
صفوان : غير هناا 
أركان : شفتك ماخدامش 
صفوان : عاد دخلت 
رزان : حبيبي نعيط للخدامة تجييليك تغداا 
أركان : (معنق يدها ) تغديت الحبيبة نتي لي طلعي لبسي نخرجو أنا ويااك 
هارون : نتاا رااه انفرعك عطي لمرااتي تيسااع 
أركان : ههههههههه
هارون :(جر مراتو جلسات جنبو وهضر بشوية) حبيبة ماتخرجيش معاه خليك معاياا 
رزان : ههه ماعمري شفت شي راجل كايغير من ولدو 
هارون : وشنو اندير وليت مقاصمك معاهم خصوصاا هواا ماكايتفرقش عليك 
رزان : (شافت فعينيه) كبرناا و ولادناا كبرو الحمد لله وخرجو كيف تمنيناا 

هارون :(عنقهاا بجنب) اللحمد الله احبيبة (هز ليهاا راسهاا بهبس) كانبغيك 
رزان : (بتاسمات) حتى انا 

أركان : ماحدكم مجموعين بغيت نهضر معاكم فواحد الموضوع 
رزان : قول احبيبي 
هارون : هضر اصاحبي 
أركان : بغيتكم تخطبو لياا ميرال بنت عمي رفيق 

النهاية 

لكل بداية نهاية ولكن ماشي ديماا ممكن تكون نهاية هياا بحد ذاتها بداية لقصة تانية.. ماسخيتش بيكم كانت قصتي الأول خدات بلاصة فقلبي حيت كنت كانكتب وعاايشة مع الأحداث شحاال من مرة كتبت شي حدث مؤلم وبكيت معااه واخاا هواا غير من وحي الخياال وشحااال من مرة كتبت شي حدت مضحك وضحكت معااه خلاااصة القول عشت معااهاا بكل تفاااصيلها..

موعدنا في قصة اخرى بأحداث جديدة

السفالة في القصة
كيفاش يمكن نصنفو هاد القصة؟
  • بدون سفالة
  • القليل من السفالة
  • سفالة مفرطة

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.