لوضع تخربق بيناااتهم بقا كايحول عينيه بين عينيها وفمها ترفع حتى كاتشوفو كايحني راسو جيهت شفايفها
رزان : ع.. عاافاااك لا
ماحسات غير بشفايفو باردين على شفايفها بقا مودا غير حاطهم ومغمض عينيه
حتى هيا غمضات عينيها بحالا دار ليها تنويم مغناااطيسي
شاد ليها يديها فوق راسها وبشوية بشوية بقا كايحرك شفايفو حتا ترفع وطلق يديها وشدها من مور عنقها بقا كايقبل فيها لدقائق حتى حس بيديها صغيورين كايدفعوه من صدرو عاد فصل القبلة وبقا شادها من عنقها
عند رزان لي هبطات تكلس معاهم هاد شوية دلوقت لي بقا ليها
دخلات لقات كولشي كالس وحتى هارون شافتو وطلعاتها تزنيكة ماكاتشوفش جيهتو دازت من قدامو وكلسات حدى سهام
سهام : افين غابرة فداك البيت
رزان : غير كانجمع حوايجي
سهام : ومالك مزنكة ياكما مريضة
رزان : (وحلات ليها لهضرة) لا غير تصهدت وصافي
هضر معاها خالها سمير :رزان ابنتي غدا عندي شي خدمة يعني ماغانمشيو حتال ليل
ولا نأجلوها لبعد غدا
رزان : بلاش اخالي اناخد طاكسي ونمشي
لمحطة ماتديرش فبالك
سمير : لا هيا لا أنا درت معا باباك انوصلك حتال دار
هارون : أنا انوصلها
رزان : (مابغاتش) لا بلاش انتسنا خالي
هارون : (شاف فيها شوفة ديال انضرب مك)
الحاج : عندو صح ابنتي هاروت يوصلك خالك ايتعطل وغادي تشدو طريق معطلين ماغاديش توصلو بكري اللهما خلي هارون يديك
رزان : (مالقات ماتقول) واخا
بقاو كايتسناو حتى جا أمين وناضو كلسو فوق طبلة حطو ليهم لعشا حتى هبطات نرجس بان ليها أمين وهيا تكحل بلعما دخلات ودازت من مور هارون باستو فحنكو وزادت كلسات حدى رزان قبالت هارون وامين
بقاو كايتعشاو فصمت حتى هضرات نرجس بلهمس معا رزان
نرجس : رزان شكون هاذا ؟
رزان : خاتيبي اختشي
نرجس : واقولي
رزان : صاحب خوك علاش!؟
نرجس : (كاتخنزر) دخل فيا قبيلا نيفي لدابا باقي كايعكرني
هارون قطع الخط ورجع كايشوف فرزان لقاها ماكترمش تجمعو عليها لعائلة كايسولو مافاهمين والو
الحاج : رزااان مااالك ابنتي مالها اهارون
هارون : (باسف) باباها ماات
كولشي شهق على أتر هاد الكلم
ورزان ملي سمعاتو قال باباها مات عاد توكضات وجراتو من يدو
رزان : هارون يلاه نمشيو سربي هههههه قالك مات هههه الله يعطيها العداب كاتفاول عليع هاديك غير بغات تفقصني كيف ديما زعما هههه ومالقات حتى كدبا من غير باك مات ممثلة بنت لحرام هههههه
هارون : (كايحاول يشدها خاف عليها من رضت الفعل لي دارت لي ماشي طااابيعية ) رزان وقفي سمعيني (رزان بغات تحل الباب دلوطو تركب وشدها من يدها ) وقفي وقفي سمعيني
رزان : شنو انسمع حتى نشدو طريق وأرااا مانسمع ليك
هارون :(شدها من كتافها بزز وغوت حتى وقفات) وقفييييي وسمعيني ارزان وقفي باباك الله يرحمووو
طاحت الأرض على طولتهااا كاتبكي مااامتيقاااش ومباااغااااش تستوعبها بقات كاتبكي وهوا واقف
شاف فرجليها كاع دمايات حيت ملي كانت كاتجري عفطات على لحجر وماااحاااساااش
هبط عندها هزها بين يديه وهيا كاتبكي دخلها لدار كان كولشي برا كايتسناها خافو تطرا ليها شي حاجة
كانو شادين طريق فطوموبيل رزان حاطا راسها على زاج ملي تحركو ماهضراتش ومابكاتش فقط كاتشوف فنقطة وحداا
هارون حداها سايق وكولا شويا يضور يشوفها كايلقاها على نفس الحال ماكاتحركش تمناها تبكي وتغوت كيف قبيلة غير ماتبقاش ساكتااا هاكدا
كانو طوموبيلات ربعا موراهم
وحدا فيها جدها وجداتها وحدا فيها خالها سمير ومراتو و وحدة فيها خالها محمد ومراتو و وحدا فيها رفيق وسهام ونرجس كولهم جاو موراها مابغاوش يخليوها بوحدها فهاد المحنة من غير أمل لي بقات فدار
كان هرون سابقهم حتى دخلو لمكناس عاد سمير كسيرا قدامهم حيت هوا ليعارف دار بقاو غادين ورزان على نفس الحال
حتى دخلو معا زنقة ديالهم كانت خزانة كبيرة قدام بابهم و كراسة كالسين فيهم الناس
رزان قلبها بدا كايضرب مامتيقاش بلي هاذي لي قدامها دابا كنازت باها وقفو طوموبيلات وحدا مورا لوخرا رزان هبطات بشوية كتضور فعينيها وكاتسمع لبكا لداخل كانت حتى هيا فصدمة
هاااهيا كاينا ولاكن عقلها مااحاضرش بقات واقفة وقدام عينيها داز شريط حياتها معا باها كيفاش كان كايخرجها وكيفاش كان حاميها كيفاش إلى مرضات كايصهر حداا راسها وكيفاش فصيف كايخرجو كراسة هيا وياه ويكلسو قدام الباب .. لباب لي قدامو دابا كاينا كنازتو
دموعها كاينزلو بلاما ترمش ماحسات براسها غير وهيا كاتجري وكاع ناس كايتأسفو على حالتها
مشات كاتجري دفعات الباب ودخلات كانت دنيا عامرا بدات كادفع فآلناس حتى وصلات وسط الدار لقات مرات باها لابسا لبيض وكاتبكي وحداها صفوان ولقات جداتها وحدها جدها حتى هوما كايبكيو ناضت جداتها كاتعكز وعنقاتها وكاااتبكيي
فلتحت كانو العائلات لي عمرهم ضنو انهم ايتجمعو شي نهار هاهوما ليوم فدار وحدا ناض الحاج مشا عند بات سعيد
الحاج : البركة فراسك من جيهت ولدك
الأب : (بحزن) مامشا معاك باس
الحاج : إلى كان ممكن توريني فين بيتو بغيت ندخل نشوفو
الأب : تفضل معايا
داه قدام بيت سعيد وخلاه بوحدو
الحاج فتح الباب ودخل بان ليه ممدود على الارض ومغطي زاد حتال حداه وكلس عرا ليه على وجهو لي كان بيض
الحاج : (بحزن) كنت كانكرهك ماكانطيقش نسمع حتى سميتك حيت كانقول ديتيلي بنتي وبسبابك ماتت بلااما نشوفها ونتسامح معاها حقدت عليك ولاكن عرفت متأخر أنا كولشي لي وقع بسبابي...بسبابي أنا لي خسرت بنتي أنا لي ضيعتكم (تحنا باسو من راسو ودمعا طاحت من عينو رغم الصرامة لي فيه إلى انهو ندم حيت كان معدبهم) سمحليا اولدي سمحليا وكون هاني على بنتك هيا لي بقاتلي من ريحت المرحومة (عاود باسو فجبهتو) انديرها فعينيا
رجع غطاه وخرج ودخل الغسال يغسل الميت غسلو وكفنو وخرج علمهم بلي مستعد لدفن خرجوه على المحمل حطوه وسط الدار لعائلة كاملة حاصرة وكاتبكي كايقلبو على رزان بعينيهم مابانتش ليهم سيفطو ليها واحد بنت جارتهم تكلمها غير قالت ليها باك ايخرجوه ناضت هابطة كاتجري حفيانة تلاحت عليه
جرها معاه.. لحاجة لوحيدة لي ماكانتش دايراها على لبال انها توصل باها حتال المقبرة تدفنو وغاديا فجنازتو بنت وسط الرجال غادا ودموعها سابقينها وكاتمنا كون غير كانت كاتحلم وتجي مرات باها تفيقها ولاكن للأسف هادا واقع ومبقا إلى لقليل باش يرميو علا باها تراب
وصلو لمقبارة دخلو لداخل.. ودخلو معاهم قلب رزان لي بقات برا كاتشوا ومعاها هارون لي ماقدرش يدخل ويخليها بوحدها
بقاو تما حتا بانو ليها ناس خارجين عاد طلقات من هارون ودخلات كاتقلب بعينيها على قبر باها حتا نعتو ليها لعساس ومشات لقات ترابو باقي فازك تحنات عندو كاتبكي
رزان : مانخليكش بوحدك ابابااا مانخليكش نتا عمرك خليتيني حتى أنا ماغانخليكش هنا أهئ أهئ غير كون هاني هاني حداك
بقات محنيا على لقبر كاتهضر بوحدها وهارون موراها واقف كايتأسف على حالها
أعتدت غياب جميع الراحلين إلا غيابك ألم يزداد كل يوم يا أبي
أنت الذي سأظل أبكي على فقدانه عمرا يا أبي
لا يقاس رحيلك بأي وجع لكن يقيني بأنك في مكان أجمل تحت رحمت رب رحيم
أتعلم يا أبي بأن خبر وفاتك مازال عالقا في ذهني لم استطع يا أبي تصور خبر يوم وفاتك وبكاء عيني لأجلك لم أتصور رحيلك لطريق ذهاب بلا عودة سامحني يا أبي حين أذرف دموعي وهي تؤذيك في قبرك فلا أبكيك اعتراضا لكن رحلت وفي خاطرك حلم لم احققه لك ياااا أبي
بعد مرور شهرين
حطاتو طيارة فمطار سلا بعد غياب دام لشهر هابط بكل تقة بمشية مستقيمة نضاضر كحلين ف عينيه لابس بودي بيض نص كم وسوارتو فيديه دخل للمطار دار الإجراءات الازمة خرج ركب فطوموبيلتو لي كان خلاها تما ونطلق فتجاه دار جدو
من بعد وقت ماشي كتير دخل معا الباب بلاصا طوموبيل وهبط غادي داخل معا الباب نيشان لصالون لقا كولشي على طبلا دلفطور كانت تقريبا ديك تسعود دصباح ناضو كايسلمو عليه متفاجؤين ماكانوش متوقيعينو يجي حيت يلاه شهر باش مشا وهوا مولف كايغيب بلعااام وكتر
ماماه فاطمة : على سلامتك اولدي فرحت بشوفتك علاش ماعلمتينيش
هارون : (كايبوس ليها يديها) ماكنتش معول الوليدة
فاطمة : مارحبااا اولدي
سلم على الجميع وكلس حداهم كايضور فعينيه على الله يشوفها ومايلقاهاش كيف خلاها كايتمنا يكون وضعها تحسن على كيف كان هادي شهر ملي خلاها
باقو كايهضرو حتى وقفات لخدامة على الحاجة
الحاجة : فطرات ؟
الخدامة : لا الالة كيف ديما
ماشرباتش حتى دواها
الحاجة : شنو انديرو للبنت الحاج راه غاديا وكاترجع بلور
الحاج : (تنهد)يدي مكتفين شنو اندير ليها خفت نضغط عليها تشرب دواها وتدير لينا كيف ديك المرا
سهام : عاد مزادت تكفسات مابقات كتاكل ماكاتخرج ما والو حتى قرايتها لي بدات نساتها
الحاجة:(بأسف) لبنت كاتموت
كولشي متأسف على حالها من مورا موت باها وهيا هاكدا مكتاكل ماكاتخرج من نهار جابها معاه جدها ملي شاف بلي هيا ومرات باها ماكايتفاهموش وهيا حابسا راسها ف لبيت ماكاتشوفش شمس
خالتها ورفيق يوميا كايعيطو يسولو فيها ولاكن والو لخبر لي قالوه ليهم ليوم يعاودوه ليهم غدا
حتى قرايتها لي بدات مامشاتش ليها اصلا نساتها ضعافت وتحت عينيها ولا زرق بكترت تخمام وقلت نعاس وخا هيا فبيتها نهار كامل ومسرحا فوق ناموسية ولاكن نعاس فين هوا؟ مكاينش مابقاش كايزورها من نهار لاحت تراب على وجه باها كاتقول علاش هيا عايشا دابا شنو الهدف ديالها فهاد الحياة من بعد مامشاو أغلا الناس على قلبها عائلتها ماخلاو مادارو معاها و والو حتى من سهام ونرجس لي صحباتها ضربات عليهم ماكاتبغي تشوف حد مكاتهضر معا حد
هاكدا ولات رزان كيف الجثة شنو الفرق بينها وبين الاموات والو فقط ديك روح لي باقا كاتمشي ف جسدها وديك نفس لي باقا كاتطلع وتهبط فيها أما الهضرة قطعاتها لماكلا حتى هيا قلييييل إلى كلااات شي حاجة مرا فشحال عايشة غير بلماء فقط
مرضات وتأزمات مكاتبغيش تشرب دواها وخا كاتعيا الحاجة ماتهضر معاها فلخر كاتستسلم وتخليها على راحتها كاتخاف تدير ليهم كيف نهار جابو ليها طبيب نفسي لدار غوتات وحيحات مابغاتش تشوفو حتى طاحت ليهم بكريز خافو عليها ومن تما خلاوها على راحتها
نقاطعات عن العالم الخارجي ولات فقط عايشا بين ذكرياتها وطوفولتها لي دازت معا باها ف صغر
دازت شهراين وكولا نهار عندها بحال أول نهار مات فيه باقي نفس الألم
وشحااال صعيب ألم الفراق لأقرب الناس ليك عمرك تنساهم أبسط لحوايج يفكروك فيهم
عائلتها كاملة كااايتمنااو يرجعو يشوفو رزان لقديمة ضحوكية نشيطة حياتها كلها الواان أما هادي دابا ولات حياتها فلون واحد لي هوا الاسود
هارون كان كالس وكايسمع وقلبو حارقو عليها خلا خدمتو موراه وجا يشوفها هوا لي ماااكايهمو حد ولات رزان شاغلا بالو ماعارفش راسو واش كاتبقا فيه ولا شنو لي عارفو هوا ماباغيش يشوفها فهاد الحالة كايمرض
هوا لي ماعندوش معا طيران وصداع وكترت الحركة وكترت الهضرة ولاكن هيا بغا يشوفها كيف نهار لول بداك طيران وبديك كترت الهضرة وبداك صداع بغاها ترجع كيف كانت ماكملاش شهر باش مشا من عندها وخلاها مأزما على فراق باها وهاهوا رجع ماقادرش يخليها فديك الحالة بغا يكون معاها
ناض من حداهم مشا طلع لبيتو يرتاح حيت رحلة كانت طويلة بدل حوايجو وتسرح فوق ناموسية كايتقلب ونعاس ماجاهش كايحاول يبعدها من بالو وهيا لاصقة فيه ماااغاديش يتهنا غير إلى شافها ناض خشا كلاكيط فرجلو وخرج فتيجاه بيتها
_وقف لثواني حدا لباب من بعد حط يدو على لبواني وفتح كان لبيت مضلم بريدويات مابايناش ديك صباغة البيضة وذوك ديكورات لي عاطين حيوية لبيت كايبان غير لكحولية لبيت ولا كيف ليلو كيف نهارو ماكاتدخلوش شمس
_دخل وسد موراه لباب وشعل ضو بانتلو مكورة فناموسية ومغميا بكوفرلي وخا صهد باقي مغطيا حتا راسها وحتى حاجة ماكاتبان فيها
عصبو المنضر ديالها تمشا ببطئ جيهت ناموسية وكلس جنبها مد يدو بشوية وحيد ليها لغطا على راسها لقاها ناعسة وتحت عينيها زرق وضعافت على كيف خلاها
مد يدو لشعرها بقا كايدوز عليه بحنان وكايهضر بشوية
هارون :شنو هاد الحالة دايرة فراسك ..علاش كاتعدبي راسك وتعدبينا معاك. امم شنو ندير باش ترجعي رزان لقديمة
بانتلو كاتحرك وهوا يجمع يديه دغيا بقات كاترمش حتى فتحات عينيها وشفاتو قدامها كالس مادارت حتى ردت فعل بقات كاتشوف فيه وهيا مسرحا حتى هضر
هارون :احم رزان صافا كيف بقيتي
رزان : (الصمت)
هارون : رزان هضري مالك غير ساااكتا
رزان : (الصمت)
تعصب وناض من حداها خرج وزدح الباب كون غير ماطلعش وشافها فديك الحالة طلعلو دم هبط لتحت لكوزينة عند الخدامت
هارون : طلعي لرزان لفطور
الخدامة : راه ماكاتبغيش تاكل اسيدي
هارون : وكليها صحا (زاد خرج فحالو)
الخدامة ماقدراتش تهضر هزات لبلاطو فيه لفطور وطلعات عاوتاني عندها دخلات لقاتها كيف خلاتها مشات حداها حطات لبلاطو وهضرات معاها
الخدامة : ختي نوضي تاكلي
رزان : الصمت كيف ديما
الخدامة : عفاك اختي نوضي تاكلي غادي تشري ليا صداع
رزات غير ساكتاا قربات ليها لخدامة ولكاس دلعاصير فيديها بغات تنوضها تشربو ليها وهيا تدفعو رزان حتى طار من يديها ورجعات تكات
الخدامة جمعات داك زاج وهبطات لخدمتها
ورزان بقات فبلاصتها حتى دخلو عندها لبنات وكلسو حداها
نرجس : غير بقات فيها رزان ولات حالتها وماكاتهضر معا حتى واحد كاتموت
هارون سمع كاتموت وقلبو زدح خلاهم وطلع بخطوات مسرعة لجيهت بيتها وصل وفتح الباب بانتلو باقا كيف خلاها زدح الباب حتى قفزات ومشا بزرباا عندها جرها من يدها بنتير نوضها
هارون : (معصب) نووووضي وقفييييي
جرها وقفها وهيا ماكاتجاوبوش
هارون : هضريييي لااااش غير سااااكة وااااش بااااغيا تمووووتي (كايغوت جاب الله لبيت عازل لصوت أما كون فيق دار كاملة)
بدات كتاكل وخا ماعندهاش شهية بقا عاس عليها حتى كملات كولشي نوضها من طبلة وجرها طلعها لبيتها غادي سابقها وجارها موراه بحال شي بنيتاااا صغيرة دخلها لبيت كلسات فوق ناموسية وهوا كلس حداها
هارون : شوفي مانبغيش نشوفك سادا عليك ومريضة نساي هاد البيت وتقبلي الواقع ماتبقايش غير ناعسة ماتفكريش غير فراسك فكري ف الناس لي ضايرين بيك
أنا أنخليك تنعسي ولاكن غدا انتسناك تجي تفطري معانا لتحت انشوف واش باغا نتي تبدلي ولا لا إلى ماهبطتيش كانواعد انرجع منين جيت عمري باقي نبزز عليك شي حاجة انخليك نعسي ولا مرضي ولا موتي ولاكن إلى هبطتي انعرفك باغا تبراي من هاد المرض لي نتي فيه دابا
رزان : (الصمت غير كاتشوف فيه)
هارون : هاني انخليك تصبحي على خير (باسها فراسها وخرج مشا لبيتو دخل وسد عليه مشا نيشان لحمام طلق عليه رشاشة وبقا متكي على لحيط وكايفكر فيها وكايتمنا غدا يشوفها فلفطور حيت إلى ماهبطاتش ايكون مدطر يبعد عليها وخا هوا ماباغيش
دوش وخرج لاوي عليه الفوطة لبس بوكسور فلكحل وتجبد فوق ناموسية على كرشو كايتسنا نعاس ماكلسش بزاف حتى نعس
اصبحنا واصبح الملك لله
فاق كايتكسل بقا شحال مجبد على كرشو كيحل عينيه بزز باقي فيه نعاس ولاكن بغا يكون معاهم ف لفطور ويشوف واش رزان سمعات لهضرتو وبغات تبدل ولا كان غير كايكب الما فرملة
ناض دخل لدوش غسل وجهو وحك سنانو ولبس حوايجو دار مكانة فيديه وهز طيليفونو وهبط لقا كولشي مجموع لتحت على طبلة دلفطور من غير رزان كلس فبلاصتو وجابو ليها لخدامات لفطور بقا غير كاينقب وعقلو مرفوع واش اتهبط ولا لا داز الوقت
ولي كانو فوق طبلة فطرو وجا لوقت ينوض كولا واحد لخدمتو هارون تعصب حيت ماهبطاتش عرف داك الخطاب كامل لي دار لبارح مشا فزيرو ناض من لكورسي وخبط سربيتا معا طبلا يلاه جر لكورسي ايطلع يجمع باليزتو ويغبر حتى بانت ليه داخلة معا لباب بكسيوة صيفية فلبوردو وشعرها مطلوق دايرا ماكياج خفيف
فرح وتنفس برتياح وبتيسامتو بانت
كولشي تصدم فيها ملي دخلات ناضو كاملين عندها ولبنات نقزو بلفرحة ناضو كايطيرو عنقوها وكايبوسو فرحانين اما جداتها وجدها ناضو عندها كايبوسو فوق راسها وكايحمدو الله حيت رجعات ليهم كولشي جا عندها إلى هارون بقا فبلاصتو واقف ومبتاسم بجنب فمو ومطلع حاجب كيف ديما
بقاو شحال كايبوسو و يعنقو مااقداهم فرحا
ضارت هيا و خلاتهم واقفين وتمشات بخطوات بطيئة لعنو وصلات حداه ماعرفهاش هوا شنو بغات حتا صدماتو بتعنيقا مضورا يديها على كرشو و وجها فصدرو كولشي كايشوف مافاهمين والو هارون لي عاطي تقار لبنادم ليوم كايشوفو العكس بان ليهم فيه جانب لي عمرهم شافوه فيه لي هوا الحنان
حتا هوا ضور يديه عليها وبقاو مودا حتى عاقت براسها وتسحبات منو وشافت فيه بابتسامة وضارت كلسات جنبو ف الكورسي لي كان كالس فيه حتى هوا كلس وكاع العائلة رجعات كلسات وحيدو داك لفطور وعاودو فطور من الاول معاها لي كان غادي لشي بلاصة مابقاش غادي ليها بقاو مجمعين و اخيرا رجعات ليهم وجدها ماقاداهش فرحا غير كايضحك
سااالاااو لفطور ولبنات جرو رزان يكلسو فجردة سهام مامشاتش لفاك هاد صباح بغات تبقا معاها خرجو كلسو فوق لفوطوي وجابت ليهم الخدامة قهوة بقاو كايتعاودو أو بالأحرى هوما لي كايهضرو هيا قليل فين كاتجاوبهم
كايقولو لحمد الله الهوما هاكدا ولا تبقا قاطعا الهضرة بقاو مجمعين وفرحانين بيها حتى سهام جاها تصال كان رفيق لي كايسول على رزان كيف بقات خبراتو بلي تحسنات وبلي دابا كالسة معاها فجردة طلبها تعطيها طيليفون يهضر معاها وداكشي لي كان مدات ليها طيليفون
سهام : رزان هاكي رفيق بغا يهضر معاك
رزان : (واخا ماكان فيها لي يهضر ولاكن ماقدراتش تقول لا وخدات طيلي )
زادت قدامو وهوا غادي موراها بمشيتو رجولية حتا هبطو لتحت مشاو جيهت طوموبيل كانت اخير موديل حل ليها لباب وركبات عاد ركب حداها وزاااد
غادين ف طوموبيل الصمت حتى واحد ماهضر معا لاخور ماعارفينش مايقولو رزان غير كاتشوف قداهما وهوا سايق ومرا مرا يضور يشوف فيها حتى حبس قدام واحد ريسطو وفرانا يلاه ايهبط وهيا تحبسو بيدها ضار عندها بمعنى نعام
رزان : هارون خلينا نمشيو حدى لبحر حسن
هارون : واخا ولاكن أجي نتغداو بعدا حيت وقت لغدا ومن بعد نديك فين بغيتي
رزان : حركات ليه راسها ب اه وهبطات
وحتى هوا هبط مشا جنبها حتى حس بيد صغيورة شداتلو فيديه هبط عينيه شاف فيها شحال عاد زير عليها و زاد وجارها معاه لي دازو من حداه كايبقا يشوف فيهم حيت كايبانو بحال شي كوبل خصوصا ملي لابسين نفس الون دخلو المطعم لداخل مشاو لواحد طبلة هيا كلسات وهوا جر لكورسي حطو جنبها وكلس حط سوارتو وطيلي فوق طبلة وشاف فيها
هارون : مرتاحة إلى ماعجباتكش لبلاصة نبدلوها
رزان :( بخجل ) لا مرتاحة
جا سيرڤور حط ليهم لموني
هارون : شنو تاخدي
رزان : لي خديتيه خودو ليا
هارون : اوكي
بقا كايشوف ف الخر طلب سوشي جابو ليهم انواع بزاف دسوشي معا ليصوص ديالهم كل واحد حطو طبسيلو قدامو رزان شافت دوك لعويدات باش كياكلو وكحلات بلعما بقات غير كاتشوف وهارون كياكل عادي بحالا كياكل بيدي ضار عندها لقاها ماكتاكلش
هارون : مالك مكتاكليش إلى مابغيتيهش نعيط ليه يجيب ليك حاجا خرا
ناضت وقفات وقدات كسيوتها وشدا فيديه خلص وخرجو ركبو عاوتاني ف لوطو والاكن ماشي لبحر هارون فضل يخلي لبحر حتا يبغيو يرجعو باش يكون خوا وداكشي لي كان بقاو كايضورو ماخلاو حتى قنت دخلو لسويقة لي فرباط واخا هارون ماعندوش معا هاد صداع وزحامات ولاكن على ودها دخل بقاو غادين دازو جيهت محلات كانو كايبيعو نقرة وجرها من يدها دخلو كيشوفو حتى هارون بانتلو واحد سنسلة زوينة وراقية فيها حرف H مخدومة بواحد طريقة راقية
هارون : شوفي زوينة هادي
رزان : غزاااالة
هارون : عجباتك ؟
رزان : اه بزااااف
هارون :(هضر معا مول المحال) جبدلي هادي و بلاصة H دير R
رزان :(بخجل) لا بلاش اهارون
هارون : صافي سكتي أنا عجباتني وبغيت ناخدها ليك
رزان : (بتاسمات) وخا ولاكن بلاما تبدل الحرف ياك نتا لي خديتيهالي خليها بحرف H على سميت هارون ههههه
فرح بتصرف لي دارت وخلاها ليها كيف بغاتها بحرف لول من سميتو بغا مول المحال يجمعها ليه ولاكن ماخلاهش
هارون : غير اراها هاكدتك
خداها من عندو ورجع موراها وبعد ليها شعرها وركبها ليها وباسها فوق راسها
رزان : شكراا
بتاسم ليها وخلص وخرجو كان لوقت ضلام رجعو فين حاطين طوموبيل ركبو وهاد المرة الوجهة كانت لبحر
وصلو قدام لبحر كان ضلام الحال بلاصاو لوطو وهبطو ورزان كاتستنشق هواء البحر شد فيها وقفو من بعيد
رزان : واش انبقاو غير هنا خلينا نهبطو لتحت حدا الما
هارون : لا بلاش خلينا غير هنا
رزان : ولا أنا بغيت نهبط حتال لتحت نقيس الما
هارون : والله يهديك ارزان
رزان : (حنات راسها ودلااات شنايفها بطريقة طوفولية) صااافي
شافها تقلقت وتحنا حيد سبرديلتو وجرها موراه
هارون: يلاه زيدي
مشات معاه فرحانة أول مرا من بعد شهراين كاتبتاسم وتضحك
جرها وهبطو لتحت تمشاو فرملة حتى وصلو لماء وهيا خشات رجليها فلما وهوا موراها
رزان : (تنترات منو) واش نتا مريض واش أنا كانقوليك سمعت شي وحدا كاتنين ونتا كاتقولي يلاه نمشيو مااانمشيش حتى نشوف شكون تقدر تكون شي مرا غرقانة ولا طاريا ليها شي حاجة
هارون : (جارها) قتليك زيدي يلاه بحالنا
رزان : (نترات يدها) علاش ماافقلبكش رحما
هارون : أنا مافقلبيش رحما واخا يلاه
جرها معاه جيهت صوت كان مورا لحجر هبطو باش يطلو حتا كايبان ليهم واحد شاد وحدا مكلسها فوقو وخاشي يديه فصدرها و كايبوس فيها وهيا كاتنين وماهوماااش هنايا
رزان دغيا ضورات وجها لي صفاز من المنضر حشمات كون لقات تفتح لرض وتخشي وجها رزان : يلاه يلاه فحالنا
هارون : لا يلاه نعتقوها نيت
رزان : ( طلعاتها تزنيكة) واصااافي يلاااه
خلاتو وزادت قدامو ماااقدراش تشوف فيه حشماااات لا ولواعرة كاتقوليه يلاه نعتقوها
تبعها وتمشاو رجعو لجيهت رملة وبقا غادين وهيااا غير ساكتااا
عرفها حشمات من المنضر لي شافت ومابغاش يحكر عليها
هارون : شنو بان ليك نرجعو
رزان :( وققات و ضارت عندو) لا باااقي لحااال اجي نلعبو
هارون: من نيتك
رزان : شنو فيها مالك معقد أجي نلعبو حابة
ضرباتلو فراسو وهربات وهوا بقا واقف وكايشوف فيها غاديا كاتجري وشهرها كايطير ولكسيوة كتفرفر بدون شعور تبعها هوا لي عمرو فكر يلعب شخصيتو صارمة بزااف هاهوا ليوم كايلعب بلاما يشعر احاسيسو لي مخلياه غادي موراها
وخا هيا جرات بزاف وبعدات عليه دغيا قدر يلحق عليها وشدها و ولات هيا لي تابعاع وتقووووول واش شداتو وخا ماقداتش عليه وقررات تستعمل الحيلة كان كايجري بعيد عليها حتى بانتلو طاحت على ركابيها وراسها فالارض قلبو تهز من بلاصتو ومشا كايطير عندها تلاح على ركابيه حداها وهز ليها رايها على ركابيه مخلوع
هيا كانت ناوية غير تضحك معاه ولاكن ملي شافت خوفو عليها ماقداتش تقوليه غير كانضحك وستمرات فتمتيلية باش مايزعفش عليها
هوا دغيا هزها بين يديه غادي كايطير جيهت طوموبيل حلها وحطها لقدام وخدا قرعة دلما كايمسح ليها على وجها عاد بدات تحل عينيها بشوية بشوية (ممثلة بنت لحرام )
غير شافها حلات عينيها وتلاح عليها عنقها وهيا كدااالك عنقاتو وزيرااات عليه ودموعها هابطين ليوم عرفات وتأكدت بلي باقي عندها لي يبغيها و يخاف عليها عرفات بلي باباها ماخلاهاش بوحدها
بقاات معنقاه حتى ولات كاتشهق شاف فيها وشد ليها راسها بيديه
هارون : ششش علاش كاتبكي
رزان : وااالو
هارون : يلاااه سكتي
بقا معنقها وخاشي راسو فعنقها وحتى هيا معنقاه حتا حسات ببوسة فعنقها بورشاتها وتسللات بشوية من بين يديه وحانية راسها ورجعات بلاصتها وحتى هوا رجع بلاصتو وتاجهو لدار حيت كان مشا لحال
فاقت على شميسة كاتسلل لبيتها بقات شحال كيف ديما عاد ناضت دخلات لحمام قدات حاجتها وخرجات لبسات حوايجها وهبطات تفطر معاهم
دخلات لقاتهم كالسين على لفطور مشات باست جدها وجداتها وتجهات لبلاصتها وهيا كاتضور فعينيها وكاتهضر معا راسها زعما يكون باقي ناعس ؟ ولا خرج ؟ أسألة كاتضور فراسها وساهية حتى فيقاتها سهام
سهام : زوينة هاد سنسلة لي فعنقك
رزان : (بتاسمات وحطات يدها عليها) اه زوينة
سهام : وكون خديتي فيها حرف R
رزان : لا خديت هاد الحرف على سميت هارون
سهام : نعااام.
رزان : مالكي
سهام : لا والو فين كنتي لبارح
رزان : معا هارون خرجنا نضورو شوية
سهام غير كاتضور فعينيها مافهمات والو
بقاو كايفطرو سالاو
وسهام ناضت مشات لقرايتها وخوالها كل واحد مشا لخدموتو جداها مشا المكتب كل واحد مشا لجيه لقات راسها بقات بوحدها كالسة ناضت طلعات لبيتها ومالقات مايدار قهرها لملال تفكرات قرايتها و حلم حياتها بأنها تكون محامية تأجل وضاع ليها عام غرغرو عينيها وكلسات جنب ناموسية كاتخمم ندمات حيت ضيعات هاد العام طاحو دموعها على قرايتها واش اتبقا عام كامل هاكدا ؟ كول واحد كايمشي لشغلو إلى هيا اتبقا محبوسة فهاد لبيت عام
بقات كالسة كاتخمم حتى سمعات دقان ف الباب مسحات عينيها دغيا وناضت فتحات الباب ولقاتو واقف
هوا شافها وعرف بلي كانت كاتبكي ولاكن مابغاش يحكر عليها
هارون : صباح الخير
رزان : صباح نور
هارون : أجي هبطي بغيت نوريك شي حاجة جبتها ليك
رزان : ليااا اناااا
هارون : اه يلاه تحركي
دخلات بزربة هزات طيليفونها وخرجات عندو هبطو بجوج وهوا شد فيها وداها لجردة كاتضور فعينيها حتى بان ليها واحد الكلب ف لبيض وعلى عنقو بابيو فالاحمر
بقات كاتشوف فيه وضارت عندو
رزان : واش ديالي
هارون : (جبد من جيبو الورقة لي كان هز من بيتها ولقا فيها كلب مرسوم مدها ليها ) ياك هادا لي كنتي راسما
رزان : (طارت عليه بتعنيقااا) هوااااا هوااااا شكرااااا
طلقات منو ومشات كاتجري جيهت لكلب تحنات عندو وهزاتو كاتلعب معاه فرحاااانة بيه شحال كانت كتمنااا يكون عندها بحالو
بقات كاتنقز معا داك الكلب و هارون واقف من بعيد حاضيها حتى هزات الكلب ومشات عندو
هوا فهم من تصرفها بلي عااطياااه كااع تيقتها تبسم حيت تاقت فيه وفراحان حيت كايدوز معاها وقتو وخا هوا لحد الآن مزاال مااعااارفش شنو هيا بنسبا ليه لي عارفو انها ولات عندو شي حاجة مووووهيييمااااا فحياتو
تسطحات فوق الماء على كرشها وهوا حاط يدو تحت كرشها ويد تحت رجليها وكايعلمها بدات كاتعلم بشويااا بشوية ماالقاش معاها صعوبة حيت كانت عندها الإرادة باش تعلم بقاو كايعومو وضاحكين
بقاو كايعومو وضاحكين وماهوماش فهاد العلام ماكرهش هارون يوقف الوقت ديك ساعا يبقا غير كايعلمها وشاد فيها وكايسمع لضحكتها ويشوف تبسيمتها
كانت داخلة سهام هيا ونرجس لي تلاااقاو ف الباب داخلين كايهضرو حتا شافتهم سهام ف لابيسين كايعومو
سهام : تييي وقفي وقفي تي شوفي واش هادشي لي كايبان ليا حقيقة ولا كنتخايل
نرجس : هههه كااايعومو خوياااا اول مراا نشوفو كايعطي لخاطر لشي حد
سهام : نقطع يدي من هنا إلى ماااكاانوش كايبغيو بعضيااتهم
نرجس : الا لا مااكنضنش
سهام : وتييي سيييري لولد مولف يكلس بلعاام ودابا ماكمل حتى شهر وجاااا طاااير
عند عشاااقنااا التحت لي باقين مايعومو حتى عيات رزان
رزان : افف صافي عييت
هارون : إلى عيتي أجي نطلعو
رزان : واخا يلاه اجي طلعني من الماء
هارون : طلعي راااسك مالك مهرسة
رزان : وااااااماااقدرتش نطلع بوحدي ابنادم
خنزر فيها هارون وجا كايعوم لجيهتها كانت فجنب لابيسين لحق عليها قرب منها بزاف غير حط يديه على خصرها وهيا تهز عينيها نيشان فعينيه بقا حاط يديه على خصرها ولوقت تقال بيناتهم كايقرب ونفسو كاتضرب فوجها محاصرها بصدرو لي لاصق عليها ويديه لي شادين فيها بقا كايشوف فيهاحتا بدا كايقرب وجهو بشوية بشوية
رزان : (بصورت رقيق يلاه كايسمعو هوا) ه..هارون
هارون : اممم
رزان :(كاتدفعو بشوية من صدرو) ع.. عفااك طلعني
رجع راسو لور ودغيا هزها من خصرها طلعها
وقفات بزربا مامسحاتش حتى راسها ومشات كاتجري خلاتو موراها كايشوف ومستغرب من راسو ماعارفش علاش فينما كاتكون حداه كايحس بلي مرتاح وباغيها تبقا ديما حداه وماعارفش علاش كايتصرف معاها هاكدا كايفقد شعورو وماكايبقاش عارف شنو كايدير تابع غير احاسيسو فقط
نفض راسو من هاد الافكار لي سطاتو وطلع من الماء مسح راسو وتاجه لبيتو
فحين رزان طلعات دوشات وبدلات وتلاحت على ناموسية كتضحك غير بوحدها بقات كاتفكر فيه حتى نعسات
ضرباتها الفيقة لقات لعشية ناضة كاتحك فعينيها ومقلوبة بنعاس هبطات لتحت لقات كولشي مجموع وكولشي كايتناقش كايهضر ويتناقش والخدمات كتار مافهمات والو مشات نيشان عند لبنات لي كالسين حداهوم
رزان : شنو واقع هنا علاش لخدمات كتاار
سهام : فقتي على سلامتك مابقيناااش كانشوفوك وليتي كاتعرفي غير شي ناااس
رزان : باااركة من طنز علاه نتومااا كاااينين بعدا ياك كوولاااا وحدا فشغلهاااا بقيت هنا بوحدي قهرني الملاااال
نرجس : وااايلييي على قهرك الملااال و هارون كاااين ههههه
سهام : هههه والو والو إوااا نوضي نخرجو نشوفو شنو نلبسو راه هاد روينة كاااملة حيت جدي داير حفلة ف دار باش يعرفك على العائلة
رزان : وااايليييي
سهام : هههه والو والو إوااا نوضي نخرجو نشوفو شنو نلبسو راه هاد روينة كاااملة حيت جدي داير حفلة ف دار باش يعرفك على العائلة
رزان : وااايليييي
سهام : وااايه
هوا بصح الحفلة دايرها باش يعرف العائلة على حفيدتو و هيا تعرف عائلة ماماها ولكن سبب الرئيسي هوا انهو يشوفها كاتبدل الجو و يبدل ليها روتين ملي شافها بدات كتحسن بغا يدير حفلة على قبلها داكشي علاش عرض على أفراد عائلتو وعلى صحابو وشركائو وقرر يكون الحفل ف جردة جنب لابيسين
رزان : نو غير سمحولي مافياش
سهام : من نيتك لا واش من نيتك
رزان : والله أختي مااقاادراش نحضر لشي حفل
نرجس : حشومة ارزان جدي عمل هادشي كامل على قبلك وفالأخير تقوليلو لا
رزان : مافهمت..(قاطعلتها نرجس)
نرجس : مابغينا حتى تبرير هاد الحفل على قبل وخاصك تحضري عاااافك مااااتعكسيييش شوفي أنا عمرني طلبتك وهاني طلبتك دابا ماترضيهاش فوجهي
شافت حتى عيات مالقاتش كيف تدير تعتادر من هاد الحفل وهوا على شرفها مااعندهاش حل اخر غير انها تحضر
أما هيا خرجات عند لبنات لقاتهم واجدين وكايتسناوها ركبو ف الوطو ديال سهام وزادو
وهاكدا داز نهارهم من محال لمحال كولا وحدا خدات اش بغات ورجعو معا غروب الشمس لدار دخلو كلسو معاهم شويا حتا وصل ليل وتحط لعشا وكلشي كان حاضر من غير هارون لي ماباانش تعشاو وكل واحد طلع لبيتو ينعس
فجيهاااا اخرا كان هارون صهران هوا و امين ف إحدى الملاهي كان حاط قدامو قرعة من شراب الفاخر ومعمر كاس فيه ثلج وكايشرب كاس مورا كاااس
أمين مالقا مايدير عارف راسو قاسح وخا يعيا معاه كلمتو هيا لي كاتكون ستغرب حيت ماعمرو شاف صاحبو سكرااان هاكدا من زمااان اه كايشرب ولاكن ماشي لدرجت مايعقلش بقا كايدخل وي يخرج ف الهضرة معا أمين لي مافهم وااالو
هارون : (هضرتو تقيلة) علاااش علاااش ا أمين هياااا من دون لبناااات علاااش
أمين : شكون اصاااحبي
هارون : هيااا هيييا لا أنا مكاانبغيهااااش لا ولاكن مااابااااغيش نبعد عليها علااااش
أمين : وشكوووون هياااا
هارون : هههه هياااا لي أول مرة بستهاااا سرفقاااااتني ههه هيااااا لي أول وحداااا تجرأ وتعااايرني اااعععع مااااكاااانحملهااااش (خبط لكاس لي كان شاد معا الأرض)
أمين : هههه نوض أحبيبي راك مزعوط فيهاااا
هارون : اا ؟
أمين : لا ماقلت وااالو
كانو مقابلين معاهم واحد رباااعة ديال لبنات والحديت ديالهم كان عليهم
البنت 1 :شنو اندير دابااا شنو
البنت 2: سيري حداه وديري شي حركة لي تخليه ينتااابه ليك
البنت 1: واااش كانقوليك تلااات ايااام وأنا حاااضيااااه هنا عند بااالك مادرت حتى حركة راه كانضل نضور حداه ماااكااايضور حتى جيهتي مااامسوقش
ناضت البنت من حداهم هبطات الكسوة من جيهت صدرها لي اصلا كان كامل كايطل ومشات جيهت هارون لي هادي تلات أيام وهوا مطير ليها لعقل حاولااات تقرب منو ولاكن ماكااانش حتى كايشوف فيها وحتى دابا غاديا وخايفة تاخد شي فرطة قدام صحااباااتها
كان هوا مسرح رجليه ويديه مورا ضهر الفوطوي والكاس فيد حتا وقفات عليهم بنت طلع فيها عينيه لي ناعسين بفعل شراب وحدرهم حتى هضر أمين
البنت : جيت نقوليك بلي معجبة بيك بزااف تلات أيام وأنا كانشوفك هنا كاانحاااول نهضر معاااك ولاكن مااالقيتش فرصة باااش نجي نقوليك بلي خديتيلي عقلي
هوا غير كايسمع ومقلوب ومطلع حاجب كيف ديما بقاات كاتحاجي عليه شحااال وهوا غير كايشوف
أمين : صافي هضرتي يللااه تلاااحي
لبنت يلاه اتنوض تمشي حتى قلبها هارون عندو وطاح ليها على فمها وبقا كايبو فيها بوسات عنيفة فلول تدعقات وفتالي نساااجمااات معاااه كانت كاتمنااا غير تهضر معاااه هاهوا دابا كايبوس فيهاااا بدون سابق إنذار
البنت : (كاتنهج ) أنا شادا غرفة لفوق يلااه نطلعو ليها
ناضت وقفات بقات كاتسناه ينوض حتى هوا بقاا شحااال كايشوف فيها عاد وقف وهيا تشد ليه فيديه و جراتو معاها خرجو من تماك وطلعو نيشان لطابق فين كاينة غرفتها فتحات الباب غير دخل تلاحت ليه علا فمو كاتبوس وفنفس الوقت كاتهز ليه تيشورط لي لابس حتى نصلاتها ليه وبقات كاتحسس عضلاتو
وهوا شادها من مأخرتها بقات كاتدفعو حتى طاح فوق الناموسية وطلعات فوقو
ف لڤيلا نرجس ضربااتها لفيقة ف نصاصات ليل باش تشرب ناضت شربات وبغات تسد لباب ديال البالكو حيت لبرد كان داخل حتى بانت ليها رزان كالسا فجردة غير بوحدها مكمشا
هزات كويشة صغيرة وهبطات عندها
نرجس : رزان
رزان :(قفزات) هئ خلعتيني
نرجس : أش مجلسك هنا فهاد الوقت (دارت عليها الكاشة)
رزان : خوك
نرجس : كيفاش
رزان : كانتسنا هارون بغيت نعتادر منو حيت قبيلة هضرت معاااه نااقس ودابا كانتسناه مابغاش يجيني نعاس إلى ماتصاالحنااش
نرجس : (شدات ليها فيديها) علاش
رزان : مااعرفتش
نرجس : كاتبغيه ارزان
رزان : (الصمت)
نرجس :(شافت ف سنسلة لي فعنقها) كاتبغيه ياك
رزان : مااعرفتش لي عارفة بلي ولا مهم فحياتي كانفرح معاه كانبغي غير وقتاش نشوفو ملي كانكون معاااه كانكون مرتاااحة حتى فديك شهراين لي مرضت كان الوحيد لي كايزور بالي مرا مرا
نرجس: كااتبغيييه
رزان: ااااه كاااانبغيييه انرجس كانبغيه
لبنت: اححح اممم
هارون: علاااش نتي ارزان علاااش هضري
البنت واخا يقوليها شعيبية ديك ساعة ماتحبسوش كانت واصلة لطوب
هارون: علاااااش نتي علاااش (خدااام كايخبط فيها على جهدو ) هضرييي
فاق كايحل عينيه غير بزز وراسو ضارو ناعس على كرشو فتح عينيه وهوا يشوف راسو فبيت ماشي بيتو هبط عينيه لقا راسو عريان مالاابس والو وهوا يضور على جنبو لقا بنت زعرا عريانة ناعسة حداه
هارون : فااااك
ناض ماااعاقل على والو من البارح حيت كان كاو
دخل لدوش دوش دغيا وخرج لقااها يلاه فاقت شافتو خارج من دوش لاوي عليه فوطة وشعرو كايقطر ناضت عرياانة ومشات عندو يلاه يغات تبوسو وهوا يبعد وجهو
البنت :(كاتضحك وتبرد ف القمعة) ههه احح كنتي سبع البارح
هارون : لبسي حوايجك
لبسات حوايجها بلااما دوشات وحتا هوا لبس حوايجو دغيا وجبد بزطلمو وقبل ماتهضر لاح فلوس فوق ناموسية وخرج خلاها اطرطق
ركب ف طوموبيلتو نيشان عند أمين بقا معاه نهار كامل ودار طيليفونو يتشارجا حيت كان طافي ملي شعلو لقا بزاف ديال لتصلات من نرجس عيط ليها وعلماتو بلي كاينة حفلة فدار وخاصو يحضر وداكشي لي كان وصلات لعشية وضلام قرب يطيح عاد هوا داخل معا الباب كانت جردة مزينا وطوابل فكل جيهااا وسرباية كايتحركو وخا بنادم مزااال ماجاااش طلع نيشان لبيتو حتى لحقات عليه مو
هارون : لواليدا بيخير
فاطمة : الحمد لله اولدي فين غابر من البارح
هارون : غير معا امين الواليدة هاد الحفلة لااش
فاطمة : جدك داير حفلة على شرف رزان حيت مزال ماعرفهاش على العائلة
هارون " مزيان
فاطمة: يلاه نخليك اولدي لبس وهبط عندنا
خرجات مو وهوا ناض لبس ختار سروال د لاطوال فالاسود رقاميجة ف لبيض لبسها وخلا جو صديفات لولين محلولين لبس ساعة فيديه و رجع شعرو لور بلمشطة رش زوج رشات من ريحتو هز طيليفونو وخرج لقا ناي جاو كانو من رجال أعمال و بناتهوم و ولادهم وحتى لعائلة كانت جردة عامرااا بناس توجه لطبلة لي فيها جدو سلم عليه وهوا فرحان بحفيدو وعلاش لا وهوا كايشوف كاع لي واقفين دايرين ليه الف حسااااب
دخل جدو وهوا بقا واقف معاهم وكايهضر بلعبار حتى بانولو ناس كايشوفو جيهت الباب ضار نص ضورة ورجع وفرمشت العين رجع شاف جيهت الباب وباتليه قابطة فجدها وكاتمشا بكل أنوثة بفستانها الاسود طيل فيه فتحا ف لفخض بانت بحال شي ممثلة من هوليود بقا مفيكسي عينيه عليها وهيا كاتضور من طبلة لطبلة معا جدها لي كايعرفها على ناس بقات طبلة لي فيها هارون هيا لخرا وصلات عندهوم وهيا كاتشوفيه بنص عين سلمات عليهم و وصلات عندو مدات ليه يدها وهضرات بشوية
رزان : بغيت نهضر معاك
هارون : هضري
رزان : نبعدو شوياا
هارون : اجي معايا
جرها معاه مورا لڤيلا لبلاصة خاوية وبعيدا على ناس
وقف و وقفات قدامو كاتفرك يديها
هارون : هضري
رزان : ه.. هارون. ب.. بغيت
هارون : شنو
رزان : بغيت نعتادر منك على لبارح م. ماقصدتش نهضر هااكداك
قاطعها بجراااا من يدها زدحها معااه وحط يدو على خصرها
هارون : أنا نجاااوبك حيا كاتبغيني كيف كانبغيك
قال هاد زوج كلمات وخدا شفايفها فقبلة كانت من نوع اخر بطيئة وحنينة دغيا نساجمات معاه فيها لا بل تجاوبات معاه حطات يديها على لحيتو كاتحسسها بصبيعاتها صغيورين وقلبها كايضرب بقا كايقبل فيها وبشوية وبحنية دامت القبلة لدقائق حتا حبس على خاطرو شادها من وجها وجبهتو عل جبهتها ونفسهم كاتطلع وتهبط
هارون : نتي نتي من اليوم دياااالي بوحديي
عنقها حيت عيا ماينكر احاسيسو ولاكن ماقدرش يزيد فينما شافها قلبو كايتهز وهادا كايدل على حاجة وحدا هيا انهو كايبغيها
ملي شافها ليوم ماقدرش مزال يكبت احاسيسو وديك كانبغيك خرجات لا إراديا كأن قلبو لي كايهضر
حتا هيا عنقاتو باقا فيها رعدة ديال القبلة تخلطو عليها وقلبها كايزدح كتااافاات انها تبادلو لعناااق فقط
لن أتخلى عنك أبدا الجزء الرابع
محتوى القصة
التنقل بين الأجزاء