هاورن : أنا فين عمري بغيتك ولا واعدتك بشي حاجة من الأول نتي وأنا كنا غير كاااندوزو الوقت فقط
إلينا : اه ولكن اناااا وليت كااانبغيك اهااارون كااانبغيك
هارون : وأنا وحداااا لي فقلبي وعمرهاااا ماااتخرج منو غير تهناي ومااتبقايش ضوري بسااحتي هاني علمتك من اليوم إلى كاااينا شي خدمة جيبيها ليا للبيرو من غير الخدمة ماتعرفينيش ودابا سيري فحااالك
ناضت كاترعد خرجات وهيا كاتبكي
وهوا دخل معصب خلا داك الملف وكولشي وتلاح فوق ناموسية ونعس
أصبح صباح عند رزان حلات عويناتها وبقات فبلاصتها دخلات عندها الممرضة بلفطور نوضاتها ودخلاتها لحمام قدات حاجتها وهزاتها رداتها لبلاصتها عطاتها دواها
الممرضة : هاهوا لفطور فطري باش نعطيك دوا أختي كيف قال سي سراج
رزان : غير حطيه وسيري
الممرضة : واخا
خرجات وخلاتها فطرات وبقات گالسة حتى دخل عندها سراج بزربا
سراج : رزان شوفي طبيب لي كان البارح راه رجع سمعيني بما أنو طبيب لي مولف كايجي يعاين حالتك مااكاااينش ف أنا ماعنديش حل اخور ايدخل عندك هادا وعندااااك تگوليليه شي حاجة خافي على حياتو فهمتي
سراج : رزان شوفي طبيب لي كان البارح راه رجع سمعيني بما أنو طبيب لي مولف كايجي يعاين حالتك مااكاااينش ف أنا ماعنديش حل اخور ايدخل عندك هادا وعندااااك تگوليليه شي حاجة خافي على حياتو فهمتي
كتااافات انها تخنزر فيه
دخل طبيب سلم على سراج بابتسامة وداز عند رزان بنفس الإبتسامة
رفيق : اناااا انااااا لي ضيعتك انااا لي حماااار خليييتك لغيري علاااش ماااحسيتش بيك علاش حتاااا فااااات لفووووووت ااااه ارزااان
بقا جالس وكايبكي شويا ناض جمع الوقفة ومشا جيهت الماريو جبد حوايجو كاملين دارهم فلباليزا وخرج مشا فحالو مااقال ل حتى واحد فين غادي بغا يبقااا غير معااااا راسو فقط
عند طبيب ملي خرج من عند رزان كان معول يوصل لدار وأول حاجة يدير هيا يعيط لنمرا لي قالت ليه ولاكن كتاب عليه المكتوب فطريقو لدارو دار كسيدة خايبة وفلبلاصة نقلوه للمستشفى
دازت 15 يوم رزان فقدات الأمل من طبيب وبلي ممكن يعاونها قالت أكيد سراج هددو ونساحب وستسلمات لقدرها
ذق ذق ذق
هارون : دخل (دخل ايوب عندو )
أيوب : لي كنا متوقعينو طرا جانا بلااااغ على عملية قتل وبنفس طريقة
هارون : إمتا هادشي
أيوب : عاد دابا
هارون : (هز تجاكيتو) يلاه
ركل فطوموبيلتو وتاجهو لمكان الجثة كانت حدا لواد
هبط وزدح لباب ومشا فين مجموعين لبوليس
خواوليه طريق و وقف جنب الجثة كانت ديال بنت ف مقتبل العمر تكون عندها ديك 15
اكيد نفس العصابة بقاو شرطة كايقلبو على دليل ومعاهم هارون
ناضت من نعاس متدمرة كيفاش لا وهيا عايشة ف حبس عاام ماااشافتش زنقة توحشات تسرح عينيها وتخرج وتلعب وتجري وتضحك توحشات باااهااا توحشات خوها وجدها توحشات صاحبتها هاجر توحشات سهام توحاشات حياااتهاااا اقديمة أما دابا كاتحس بلي مدفونة ف الحياة
توحشات يامها معا هارون تفكرات اخر خرجة ليهم معا بعضياتهم ملي كانو خرجو وفجأة صبات شتا واخا كان الجو سخون فرحات وبدات كاتنقز وخرجات وسط شاريع وبدات كاتضحك وهوا كايجر فيه حتى ستسلم لهبالها وحتى هوا خرج تحت شتا عنقها وبقاو غادين وكايضحكو مهااامهم حد من غير بعضهم
بدات كاتغني (اغنية اميرة زهير فيلم)
أغنية لي كاتعبر على حالتها كاتغني ودموعها طايحن على خدها
سهيييت وسرحت
داااز قداام عيني فيلم
سميتو أنا وياك
سميييتو توحشت حياتي معاك
أبطااالو انااا ونتا
شعري يومها كان فازگ بشتا
ضميتيني لصدرك على بغتا وعنقتك وتخبيت فيك
أنا أنا شحال ندمت على ديك الايام لي ضيعنا من يدينا ونسينا عشرتنا انا وياك وانا أنا كانتمنى نرجعو أنا ونتا كيف كنا نرجع‘ أنا ونتا للجنة فين كنا أنا وياك
داخل معا الباب وطاير بلفرحة كايضحك حتى كاتبان ليه ضرسة لعقل
طلع طاير عندها فتح الباب لقاها كاتغني جا بزربا جنبها وجلس
سراج : حبيبة ليوم سمعت أحلى خبر
رزان كتفات تخنزر فيه حتى مد ليها ضرف لقاتو دعوة ديال عرس
سراج : حليها
رزان : مابغيتش
سراج : غير حليها عافاك سمعي ليا ولو مرة واحدة
تنهدات وشداتها من عندو فتحاتها وحسات بقلبها تفتح ياريييتها ماحلااااتها بقات مصدومة وعينيها خارجين وهيا كاتقرا وكاتعاود كاتسد عينيها وتفتحهم كاتأكد ولكن لا عينيه ماااخااادعينهاااااش وقرااات مزيااااان
إمان : غير سمعيني ابنتي جدك مايمكنش نقلقوه ملي هارون خوا دار وعمرو طل قال هادا هوا انسب حل ودابا طلبنا باش نزوجوكم وماقدرناش نقولو ليه لا
غير خطوبة بعدا غير نتبتو بيها جدك ابنتي
سهام : أنا إلى قلت لجدي مااابغيتش هياااا مابغيتش وزاااايدون ماااعاااالمينش حتى هارون وااااش مرضتو وااااش تخورتو فعقلكم ايجي ايريب عليكم هاد دار بلي فيها نتوما زعما مااعااارفينوووش مااالقيتو معااامن تلعبو غير مع هارون و تحطوه تحت الأمر الواقع واااش نتوماااا ماااكاااتعرفووهش زعماا باااغين تلعبو معاااه يصحااابكم ايحني ليكم راااس و يقوليكم مرحبااا هوا كايبغي رزان وعمرو ماااغادي ينساهاااا فهمتي وحتى أنا كانبغي واحد الولد وماااانقدرش نتزوج غيرو فهموهاااااااا دخلوهااااا لدماااااغكم
إمان : هاااا سخط هاااا رضا واااش بغيتي تقتلي جدك
كانت أمل فبيتها جالسة وحاطة قدامها بطاقة الدعوة وكاتضحك
أمل : لا من نيتهم مسااااكن هههه (بنظرة شر) قتلت ديك رزان على ودو وتجي ختي تديه إلى دطريت انزيد نقتلها حتى هيا واااخاااا تكون ختي
عمرهااا تحلم بيه شي وحدة هوا ديااالي وأنا صبرت عمري كااامل غير باااش. يشوف فيااا ماشي حتااال دابا و يزوجوه والله لا كانت ليها
ف إحدى الأحياء شعبية حي معروف بلبزنازة وشفارة وبيع المخدرات ودعارة حي مجوعين فيه گاااع الكوارت بنادم گالس قدام الباب ولبزنازة شادين لقنات لبنات لابسين بيجمات مزيرين وكيلو دمكياج فلوجه هالي كاتصبغ دفارها ولي كاتطرطق ف لمسكة
داخل هارون داير قبية على راسو وغادي ولبانت كايشوفو فيه وكايتغامزو عمرهم شافو هاد الماركة ف حيهم مولفين غا بشمكارة ولمقطعين
مشا نيشان عند دوك البزنزا لي واقفين كايفتخو ف جوانات شافوه و تستفو حداه باغين يعرفو أش دخلو عندهم
هارون : فين كاين الحاج (بزناز كبير كايعيطوليه الحاج)
مشات نهيلة وبقا هارون جالس كايتسنا منبعد شوية دخل ولد تكون عندو ديك 25
لابس نص كم وسروال طايح وسناسل فعنقو وصابغ شعرو فصفر ويديه گاع مشرطين باين فيه شمكاااار
الولد : بغيتيني الحاج
الحاج :(هضر مع هارون ) وريه
هارون :(ناض عندو ومدليه تيليفون ) هادي لمن بعتيها
الولد : علاش
الحاج : جاوبو
الولد : لواحد جوج بزنازة فلحومة لي مورانا
هارون : ديني عندهم
الولد : (شاف جيهت الحاج لي گاليه براسو ديه) واخا يلااه
مشا هارون معا الولد خرجو وتاجهو ل لحومة لي موراهم حتى وقفو قدام واحد لباب
الولد : شوف اطلع راه ساكنين فسطح وماتگوليهم أنا لي وريتك
خنزر فيها هارون وطلع فدروج وصل لسطاح لقا فيه بيت مغطي بخامية حيدها ودخل ريحة خااانزة و گاع مرون وحوايج موصخين وقراعي دروج لخانز مليوحين دفل فجنب عايف وجر واحد الكرسي وجلس
نص نهار وهوا جالس حتى ضلام الحال عاد سمع شي حد طالع ف دروج وكايغني تحلات الخمية ودخلو جوج سكرانين واحد كايتلاح على لاخور لقاو هارون جالس
الأول : (كايهضر سكرااان) تاااااا شووووف اساااااط شكووون هااادا
الثاني : هههههه (كايسغر عينيه) واااقلة مول ضو
الأول : لا لا تااااا شووووف كيف نقي مول الما هااادااا اناااا متأكد اسااااط
ناض عندهم هارون بخطوات سريعة شد كل واحد من عنقو وخبط ليهم ريوس
الأول : تااااااا راااه بدر هاري مخلط ب أبو زعيتر هاااادا گاااالك مول الما هيهيهي
شدهم هارون مجرجرهم وهوما سكرانين ماعااقلينش خرجهم ورماهم فلوطو وهوما ضايخين وزادت عليهم دقا لي كلاو من عندو خلاتهم ماااعاااقلينش
زاد نيشان فتجاه المزرعة ديالو مسافة الطريق و وصل جرهم لفين كايحط الخيل ربطهم تما ومشا خلاهم معلقين حتى يسحاو ويرجع ليهم
صباح صباح وبصدفة سمعات أمل نرجس هيا وسهام كايهضرو على هارون وبلي أيكون فلمزرعة
طلعات بجرية لبيتها لبسات وتقادات وتريحات وهبطات ركبات فطوموبيلتها وتاجهات عندو على أساس تواسيه فموت حبيبتو وتتقرب منو وعلى الله هاد المرا يحن فيها حيت أكيد قلبو طايب من جيهت موت رزان وصلات يلاه داخلة بان ليها خارج بزربة وضار مور المزرعة جبدات عكرها عاودات دارتو ومصات شفايفها وهبطات الكسوة جيهت صدرها حتى ولا مغطي غير راس مشات تابعاه و الإبتسامة على وجها بدات كاتسمع غوات شي واحد وبتسامتها كاتلاشااا تدرقات مور واحد البرميل وطلات وخرجو عينيها و ولات كاترعد صافي غادي تفضح كيفاااااش حتى وصل ليهم كيفاااش لقاااهم هيا متأكدة أنهم ماااخلاااو حتى أثر موراااهم حتى البوليس مااالقاااو حتى دليل كيفاش هوا جبدهم
معااااامن نتي ابنتي راه العميد هارون القاسيمي و أجرك على الله
هارون :(شادو من فكو زدحو مع الحيط ) هضررررر علااااش قتلتوها شكوووون سيفطكم
أمل فديك الحظة رجليها فشلو خافت يگرو عليها واخا هوما مااعارفينش سميتها ولكن عارفينها فوجها
هارون : أنا راجع إلى مااهضرتوش غير ترحمو على بعضياتكم دفل عليهم وزاد خلا دماااياتهم كاتشرشر وأمل ماابقاوش عندها رجلين علاش توقف تنفسات صعداء ملي شافتو خرج بقات كاتفكر شنو دير فهاد لحريرة ومنين خرجات ليها حتى قالت تهنات إلى عتارفو عمرها تحلم بهاروم
ضورات عينيها بان ليها واحد المنجل تما وقالت اللهما تقتلهم ولا هارون يقتلها هزاتو وهيا كاترعد مشات جيهتهم وهوما صخفانين ماتردداتش للحظة ونزلات عليهم قتلاتهم بجوج ورجعات بلور و مشات كاتجري وفيديها
داك المنجل إلى خلاتو اكيد ايجبد البصمات وغادي يلقاها
ركبات فطوموبيلتها وقلعااات طايرااااا
رجع هوا و دخل بخطوات سريعة غادي جيهتهم ماااغديش يتهنا حتى يعرف شكون قتل حبيبتو معول يخليهم يگرو صحا وصل حداهم لقاهم مقتولين خرج عينيه تصدم و بقا واقف جامد ماااايمكنش شكون قتلهم وكيفاااش عرفووووهم هنا مرض تعصب ولي لقاها حدااااه هرسها كان باااغي هوااااا يعدبهم ويخليهم هووووما يطلبوه باش يقتلهم ماااابغاااش موت حبيبتو تدوووز هاااكدا بساااهل
اسفة على تعطيلة طفالي طيلي وخويا كان ساد على شارج
عودة إلى الحاضر
داخل وعينيه حمرين فيدو البطاقة دعوة ديال خطوبتو لي هوا مااااعارف عليها والو طلع نيشان لبيت مو وباه ودخان خارج من ودنيه زدح الباب ودخل حتى قفزان مو شافوه وتصدمو
هاروم : (لاح البطاقة قدامهم) مااكاانش فخباري كاين شي هارون القاسيمي واحد أخور من غيري
قطع معاه وهوا شاد راسو هادي شي حاجة مابغاتش تدخل ليه لعقل كيفاش رزان حية وهوا شافها حتى ضرباتها طوموبيل مااايمكنش هادا غير شي واحد نصاب ولكن ايمشي عندو باش يعرف أش علااقتو بيها وعلاااش كايكدب ومنين جاب نمرتو
تحرك نيشان لدارو دخل جمع حوايجو وهز وراقو ونيشان لمطار قطع وبقا تقريباا ساعتين عاد علنو على رحلة لكندا ناض توجه لطائرة طلع لبلاصة رجال الأعمال شد بلاصتو حتى جات عندهم المضيفة تعلمهم يركبو الأحزمة باش ينطالقو
دخل عندها كيف ديما مايقدرش يجلس بلاما يشوفها ولا كايبغيها حب مريض باغيها ليه بوحدو ملي تلااقاو ديك تلات أشهر فدار جدها لي هوا عم باه بغاها من قلبو كيفاش كاتهضر كيفاش كاتلبس وكيفاش كاتضحك حبس خدمتو وكولشي وبقا معاهم على الله تنتابه ليه شي نهار ولكن عمرها شافت فيه من غير شوفة عادية حتى هضرتها معاه كانت عادية ويوم من الأيام سمعها وهيا كاتهضر معا هارون وعرف بلي بيناتهم شي حاجة كره هارون كتر من الأول وحلف فأول فرصة ليه ايحاول ياخدها ولو بلغصب
ملي عرف بالحادثة لي وقعات ليها مرض وبقا معاها كايزورها يومين حتى ولا مهوس بيها كايبقا يشوف فيها مورا زاج لساااعات خاف تفيق وأول حاجة تدير هيا اترجع عند هارون داكشي علاش قرر يخرجها من حياتهم وتبقا ليه بوحدو
تمشاا بخطوات بطيئة حتى وصل عندها لقاها مسرحا كيف عادتها ودمعتها سايلة جلس جنبها وكايهضر معاها بشوية
سراج : علاش كاتبكي على واحد مااايستاااهلكش علاش مابغيتيش تعطيني فرصة أنا كانبغيك نقدر ندير على ودك أي حاجة غير أمري غير نسايه
رزان :(هضرات وهيا مسرحة وكاتشوف بعيد) أي حاجة
سراج : أي حاجة احبيبة غير أمري
رزان : تخنقت بغيت نخرج خرجني
سراج : لا احبيبة إلى تخرجي مانقدرش
رزان : ( شافت فيه) واش خااايفني نهرب شوف حالتي وشوف رجلياا وإلى كان على الهضرة قسماااا بالله مانهضر كااانوااااعدك (شداتلو فيديه) خرجني أنا تخنقت والله هوا بدا حياتو حتى أنا انساه ونبدا حياتي مبغيتش نبقا محبوسة من اليوم انبقا معاك بخاطري
سراج : واش كاتهضري بصح
رزان :اه صافي أنا وافقت على زواجك
سراج :( بفرح) و.. و. واش كاتهضري بصح ارزان
رزان :(بنكسار) اه
سراج :(طار عليها بتعنيقا وهوا فرحاااان) ماااغااا تندميش احبيبة ماااغاااتندميش
رزان : بدل ليا هاد البيت مااابقيتش حاااملاااه ويلاه نخرجو قنطت هنا تخنقت
سراج:(باقي معنقها )نبدلو حتى دار احبيبة غير أمري
رزان : اكي
سراج : شويا ونجي نخرجك يلااه ضحكي احبيبة
هزات فيه راسها بزربة
رزان : بصح
سراج : اه بصح
عيط على الممرضة تلبسها حوايجها وهوا خرج حتى بدلات وعيطات ليه الخدامة عاد دخل هزها وحطها ف الكرسي المتحرك وجرها
خرجو بزوج غادين ف طوموبيل
سراج : فين بغيتي تمشي احبيبة
رزان : ديني لبحر عافاااك
سراج : واخا
تاجه للبحر وقف قدامو وبقاو جالسين ف طوموبيل
رزان :واش مااغانهبطوش
سراج : لا خلينا غير هنا
رزان :(تنهدات ) اكي
بقااو جالسين مدة وهيا غير مقابلة لبحر
حتى نطقات
رزان : سراج جيبلي من داك لكلاس
سراج : فين هوا؟
رزان : رااااه (كاتنعت ليع بصبعها)
سراج : اكي تسناي نهبط لكرسي ديالك ونمشيو
رزان : لا بلاش غير خليني هنا
سراج : لا مانقدرش نخليك بوحدك
رزان : وااش خفتينييي نهرب هاانتااا كاتشوف حااالتي (كاتمسكن) علاش ديما مصر انك تفكرني ب إعاقتي (كاتدمع)
سراج : صااافي صاافي واخا ماتبكيش أنا انمشي ولكن واعديني ماتهضري معا حد هنا حتى نجي
رزان: كانواعدك
تاق فيها حيت عارفها ماكاتمشيش يعني صعيب تهرب وحتى إلى هضرات مع شي واحد ماايقدرش يهربها هاكدا قال مع راسو يمكن ملي شافت البطاقة ديال العرس بغات تبدا حياة جديدة معاه
خرج يجيب ليها لكلاس لي طلبات بقات حاااضياه حتى وصل عندو غير وقف عندو تنفسات بزربا وهيا كاترعد هادي فرصتها الوحيدة إلى فلتاتها اتبقااا ديماااا محبوسة عندو
شافت جيهتو للمرة الأخيرة ومااتردداااتش للحضة حلات طوموبيل بزربا وخرجات كاتجري وكاتدور ليكون تابعها كاااتجري وا رجليها ضارينها ولكن صااابرة دخلات وسط ناس لكتار فرملة وباقت غادية كاتجري فلتجاه المعاكس
جايب لكلاس وحادر عينيه كايشوف فيه واش كايدوب قرب لطوموبيل هز عينيه بان ليه الباب محلول وهيا ماكايناش
لاح داك لكلاس من يديه ومشا كتيجري جيهت لوطو وكايضور كيف شي حمق كايقلب مابانتش ليه غبرات مالقاهاش ومشا عند واحد لمراا كانت جالسة قريبة من تما
سراج : (كايهضر وعقلو ايخرج) عفاك واش مااابانتليكش واحد البنت كانت جالسة فديك طوموبيل واش ماباليكش شي واحد هازها راها ماكاتمشاش
المرا : نو شفت غير واحد البنت خرجات كاتجري من ديك طوموبيل ماهزها حد كاتمشا على رجليها
واخيراا حطات طائرة ف مطار كندا من بعد سااااعاات كتيرااا فوق سحاب خرج بسرعة وأول حاجة تاصل بطبيب وقاليه اشمن مستشفى كاين وتوجه لعنو مسااافت الطريق و وصل قدام سبيطار
دخل بوجه صارم وملامح ممحية معول على خزيت شكوم هادا لي كاينبش على رزان حتى فموتها ماخلااوهاش ترتاح وصل الاستقبالآت سول على دكتور خوان عطاوه رقم الغرفة لي راه متواجد فيها
مشا جيهت لاسونسور لقاه عامر وماعندوش صبر لي يزيد يتسنا طلع فدروج بخطوات سريعة وصل قدام الغرفة وبلا احم دخل نيشان لقاه هوا ومرتو كايتباوسو
قفزهم من بلايصهم ماطولش فلهضرة ختااصرها فزوج كلمات بلا
خوان :(عرفو هوا لي هضر معاه وجه لهضرة لمراتو) خلينا بوحدنا
خرجات برا وخلاتهم بزوج
خوان : احم جلس
هارون : مااجاايش نتضايف هنا(كايهددو بصبعو) إلى رزان عندي خط احمر شمن ربح عندك تكدب على وحدا ميتااا
خوان : ماااميتااش
هارون : واااش نتا لباااس
خوان : مااكااانكدبش والله هيا لي عطاتني نمرتك خاطفها واحد ماعقلتش سميتو ضربها ديك المرة وصخفات وعيطو على طبيب وكنت أنا هوا
شكات عليا وطلبات نعاونها تاصلنا بيك ولكن ماكنتيش كاتجاوب من بعد أنا درت كسيدة ولبارح عاد فقت وأول حاجة طاحت ليا فبالي هيا لبنت لي مخطوفة أنا ماعندي حتى مصلحة انني نكدب عليك
شد راسو بيديه تزير وعروقو خرجو كيفاش عايشة كيفاش مخطوفة هوا كايعرف بنادم الكداب من عينيه وهذا بان ليه فعينيه بلي ماكايدبش إلى كان بصح شكون خاطفها لاا لا ايحماااق مافيهاش ياااريت يكون بصح خدا من جيبو تيليفون وجبد صورة كانت فيها نرجس ورزان معانقين وراها ليه
هارون : شكون فيهم رزان
خوان بدون تردد حط صبعو على رزان
هنا هارون تصدم وتاكد بلي حبيبتو عااايشة دارت بيه دنيا عاااام وهيا مخطوفة وهوا مااااعااارفش ضرب داك تيليفون معا الأرض حتى تفرتت وبقا كايضرب يدو مع الحيط حتى رجعات كاملة دميات
هارون : (ستوعب هضرتو و وقف) فين فين هيااااا فيييين
خوان : انا انكتب ليك العنوان
كتب ليها لعنوان وخرج طااااير
عند سراج لي قلب زنااااقي حتى صخف كيف لهبيل مامتيقش بلي دااارتها بيها عرف بلي أول حاجة اتديرها هيا اتصل بهارون داكشي علاش مشا طاير لدار هز وراقو و لحوايج لي ايحتاج وقال للممرضة تخوي دار دابا حيت رزان هربات وأكيد اتتاصل بيهم وغادي يجيو
وصل هارون وقف بلوطو وهبط بزربة طاير كان الباب محلول ضربو بركلة ودخل كايغوت وكايقلب فلبيوت واحد واحد حتى وصل لواحد لبيت وأول حاجة طاحت عليها عينيه هيا صورت سراج تصدم وعينيه خرجو هواااا لي خاااطفهاااا بغاااا يهبل كيفااااش عاااام هااادااا كيييييفاااش ماااطاحليهش فلباااال تفكر خوان ملي قاليه ضربها وصخفات زير علي يدو وعينيه كيف جغمة دم
بقا كايعيط بسميتها حتى هبطات للممرضة وجها صفر حيت عارفة بقصة رزان وبلي سراج خاطفها كانت باغيا حتى هيا تهرب ولكن لوقت مساعدهاش وجا هارون فلوقت لي كانت كاتجمع حوايجها
شافها هارون وجا طاير شدها من عنقها وزدحها معا لحيط
عند رزان لي ملي هربات وهيا كاتضور فزناقي فين اتمشي دابا وفين اتبات واش اتبقا فشاريع لا تيليفون لا ريال لا زوج فجيبها بقات كانضور فزناقي وحاضيا جنابها خايفة يخرج ليها سراج من شي قنت ضروها رجليها وعطاوها لحريق مالقات قدامها غير دموع غاديا وتبكي حتى بان ليها جامع فرحاااات ومشات بخطوات سريعة جيهتو شافتو بحالا شافت وااليديها بقات واقفة قدامو بانو ليها شي ناس خارجين منو مشا بزربة عند واحد فيهم
رزان : عفاك نسولك
الرجل :(الحوار بالانجليزية طبعا) تفضلي
رزان : بغيت نشوف الامام
الجل : واخا تسناي
مشا رجل وهيا بقات واقفة كاتسنا حتى خرج عندها ولد باقي شاب عريض وطويل لابس فوقية فالابيض ولحية كحلة طويلة وقف حداها وماهزش فيها العين كان ولد سوري
الإمام : سلام عليكم
رزان : وعليكم سلام
الإمام : تفضلي أختي فاش نساعدك
وزان : (بتردد) ص.. صراحة أنا هربانة
الإمام : لمن هربانة أختي
رزان : لواحد أنا هاد البلاد أول مرة نخرج فيها واخا عام وأنا فيها
الإمام : (بهتمام) فهميني
رزان : أنا مغربية كنت عايشة معا عائلتي ودرت حادت ونعست ف غيبوبة لمدة أربع أشهر ملي حليت عيني لقيت راسي هنا خاطفني واحد وموهم عائلتي بلي مت وليوم من بعد عام تاحت لي الفرصة أنني نهرب وهربت ولكن لقيت راسي فشارع ماعنديش فين نبات وبصدفة شفت هاد جامع وسولت
على الإمام بغيت نعرف واش نقدر نبات هنا
الإمام : (بقات فيه) أحس حل هوا انك جيتي هنا أنا انديك أختي لداري جنب مراتي حتى نلقاو حل اكيد كاينين محسنين لي يقدرو يعاونوك وترجعي لبلادك عند عائلتك
رزان :(كاتبكي) شكراً شكرااا بزااف
الإمام : هادا واجب أختي تسنايني فجامع نساء حتى نسالي ونديك معايا
مشات رزان للجامع نساء كان تقريبا خواي مافيهش ناس بزاف جلسات تما بغات تصلي ولكن ماكانتش لابسا لباس صالح لصلاة بقات غير جالسة حتى لمورا صلاة العشاء عاد جات عندها واحد البنت علمتها بلي الإمام كايتسناها برا خرجات لقاتو واقف حدى باب الجامع ومشات عندو ونطالقو لدارو لي كانت مابعيداش من تما بزاف وصلو والإمام حل الباب بساروت
الإمام : تفضلي أختي
رزان :(حشمانة) شكرا
جات عندهم بنت تكون ف أواخر العشرينات صميمرة شوية وغليوضة ولكن حروفها زوينين
الامام : فاتن هادي رزان ضيفة عندنا اتبقا معانا هاد الأيام حتى ترحل لبلادها
فاتن : اه مرحباا اختي
سلمات عليها ورحبات بيها مزيااان فرحات من معاملتها دخلو لصالون وحطات فاتن لعشا وجلسو عاودات ليهم رزان على شنو طرا ليها وفحالتها بقات فيهم وقررو يستضافوها عندهم حتى يلقاو ليها حل سلاو لعشاء وكل واحد ناض ينعس فاتن ورات رزان لبيت فين تبات دخلات وسدات عليها تسرحات كاتفكر فحياتها كيف كانت وكيف ولاات شوف فين تلاااات بيها ليام ولات بحال شي لاجيئة
بقات بحوايجها يلاه بدا يديها نعاس حتى كاتسمع لبواني دلباب كاتحل بشوية ناضت قافزة وشعلات ضوء لي حداها بان ليها لفقيه داخل بشوية وسد الباب خرجات عينيه
رزان : خويا شنو جاي دير راه زعما عارف حشومة تدخل على بنت بوحدها فبيت
لفقيه : (كايقرب وكايشوف فيها بشهوة ) فيك نتي عجبتيني شنو بان ليك تزوجي بيا
رزان :(خرجات عينيها) شنوووووو راك فقيه ومزوج
لفقيه : وشنو فيها إلى فقيه ومزوج نتي تكوني مراتي تانية انسترك ومايخصك معايا خير
كايقرب بغا يبوسها ودفعاتو وهيا كاترعد
رزان : تسترني بنت ليك عريااانة؟ نتاا فقيييه ياااا حسرة والله وماحشمت من ديك مرتك ياااحتااا نشوهك هنا تفو الله يلقيها ليك الكلب
لبسات صندالتها بغا يشدها من يدها ولكن ماخلاتوش وخرجات كاتجري من تما لشاريع مضلم وهيا كاترعد خايفة يوقف عليها شي شمكار يضيعها بقات طالقة رجليها وليل وكاتشوف جنابها وموراها حتى بانت ليها واحد جردة مشات ليها فداك ضلام جلسات فوق واحد لكورسي خافت تنعس ويجي ليها شي واحد بقات غير مكمشة وضامة رجليها عندها عرفات ليوم وحسات بلي هيا يتيمة وماااعندها حد بقات ليها غير زنقة بقات كاتفكر حتى كاحساتش براسها وغفات فوق داك الكرسي
اصبحنا واصبح الملك لله ضربات فيها شميسة لي خلاتها تحل عينيها غير تفكرات فين هيا وقفزات كاتقلب جنابها مالقات حداها حد باقا بوحدها وصباح بكري يلاه كاتطلع شمس
تفوهات وناضت من تما وكرشها كتغوت قاتلها جوع ولكن ماعندها لا ريال لا جوج ضمات يديها عندها وخاشية راسها بين كتافها وطرقات رجليها
غاديا فداك شريع لي خاوي حتى سمعات سميتها ومادارتش بقات واقفة وكاتستوعب واش بصح سمعات صوتو ولا غير كاتخايل حكات ودنيها وتحركات بلاما دور يلاه زادت زوج خطوات خرين وهيا تسمعو عيط عوتاني
لا بصح صوتو مايمكنش تكون كاتخايل دارت ب العرض البطيء لقاتو واقف موراها وكايشوف فيها عينيه مفيكسين عليها بقات واقفة ومصدومة حتى طاحت دمعة من عينها وبدات كاتجري فتبجاهو هوا بدورو فتح يديه وستقبل حضنها تلاحت عليه وهوا مضور يده عليها فتعنيقة حتى ضلوعها تزيرو خاشي راسو فعنقها وهازها من الأرض
شد وجها بين يديها كايحقق ويرجع يعنق مامتيقش بلي هيا معاه وقدامو ليل كامل وهوا كايقلب ماخلاااا حتى قنت مرمش عينو ومزااروش نعاي مايمكنش ينعس وحبيبتو مااعاااوفهاش فين كاينة وبصدفة داز من هاد الشريع ملي بانت ليه ماتيقش بقا واقف وكايتأكد ولكن هياااا ماااتخفاااش عليه هياااا باااقا عايشة
شدها من وجها كايبوس فيه بلهفة عينيها نيفها حنيكاتها جبهتها وكايرجع يشوف فيها ويتأكد بلي راها قدااامو ويرجع يبوس فوجها كامل حتى ستقر على شفايفا لي توحشهم كايقبل فيهم بشغف ومامتيقش بلي هيا حية حاط شفايفو على شفايفها وكيبوس فيها بشوق وحتى هيا كاتبوس وتعنق ومامتيقاش راه قداامها دامت القبلة لدقائق عاد بعد شفايفهم وحط نيفو على نيفها وصدرو كايطلع ويهبط وكايحمد الله الف مرة ف دقيقة حيت رجعات ليه حياتو
شاد ليها فيديها وغادين من بعد ماليل كامل وهوا كايقلب عليها ومابغاش يرجع إلى مالقاها فرحتو ماااتوصفش كل مرة يوقفها ويبقا كايشوف فيها و يسولها واااش ماااكانحلمش
رزان : ههه وصااافي وللهما كاتحلم ههه
هارون : (معنقها وتنهد ) كون تعرفي هاد العام كيف داز عليا
دها لاحسن مطعم قريب وطلب ليها فطور كاامل مكمول غير تحط وطاحت فيه عمية وهوا شاد كاس دلقهوة وحاضيها ولبتيسامة على وجهو
رزان : ااح الحمد الله شبعت
هارون : (خدا سيغڤيط ومسح ليها فمها) بصحتك
رزان :(شدات ليه فيديه وكاتشوف فيه بنضرة حنينة)توحشت هاد الحضة توحشتك بزااف كون تعرف أش داز عليا فغيابك
هارون:شنو دار ليك داك الكلب
رزان :خطفني فقت من الغيبوبة عيطت عاليك حتى عيت ولكن ماكنتيش (كاتبكي) لقيت راسي عاجزة وماكانتمشاش بقا حااابسين فداك البيت عام عمري ماشفت زنقة أهئ أهئ كان باغيني نتزوج بيه صحة أهئ أهئ
هارون : (زير على يديه) شش اعمري كلشي فااات ماتبكيش
رزان : كيفااش لقيتيني
هارون : تاصل بيا طبيب لي كنتي عطيتيه نمرتي
رزان : أنا قلت ايكون نساني وماابغاش يدخل راسو ف المشاكل
هارون : (كايشرب من القهوة) كان داير كسيدة وعاد فاق وتاصل بيا ولبارح ماتيقتش حيت شي حاجة ماكاتدخلش لعقل يصحابني شي واحد كايتفلى وجيت حتال هنا باش نعرف علاش كايكدب ولكن صدق ماكايكدبش (شد ليها فيديها) ونتي معايا دابا
رزان : ديني نشوفو بغيت نشكرو كون ماشي هوا كنت انبقا تما
هارون : واخا حبيبة كملي فطورك ونديك
رزان : صافي بركة
هارون : نزيدك شي حاجة
رزان : لا صافي ماابقاش عندي فين
هارون : يلااه نوضي نمشيو
رزان : ههه يلاااه
شدات فيه وهوا معنقها من كتافها وخرجو من المطعم كايهضرو وكايعاود ليها وتعاود ليه على كيف دازت حياتهم وهوما بعاد على بعض
وصلو للمستشفى ومشاو فتجاه الغرفة لي فيها خوان دق هارون سمع دخل وفتح الباب ودخلو بزوج
خوان غير شاف رزان وترسمات إبتسامة فرح على وجهو
دخل هارون ورزان من موراه تمشات جيهت خوان
رزان : على سلامتك
خوان : شكراً وحتى نتي على سلامتك
رزان : مااعرفتش كيفاش نشكرك بفضلك أنا هنا دابا شكرااا بزاااف
خوان : ماتقوليش هاكدا هذا واجب
بقاو جالسين معاه شوية وجات مراتو وتعرفات عليها رزان و ولاو اصدقاء
هارون : (وقف) نخليوكم دابا نوضي نمشيو
خوان : خليوكم شوية
هارون : لا يلاه نمشيو باش رزان ترتاح شوية
خوان : اكي نبقاو على تصال
هارون : أكيد وشكرا على لي درتي معانا
خرجو من عند خوان وفطريقهم قالت رزان لهارون يدوز ياخد ليها حوايج حيت ماعندها والو وداكشي لي كان مشاو لواحد المول دخلو لشي محلات تما كاتقدااا
رزان : شوف هادي زوينة (كسيوة ف لموڤ قصيرة بزااف)
هارون : لا ماازويناااش
رزان : أنا عجباااتني
هارون : حتى أنا عجباتني ولكن تلبسيها غير ليا احبيبة
رزان : هههه وناااري مازال ماااسخنتش بلااصتييي
هارون : سخنتي بلايص خرين احبيبة (غميزة)
رزان : تفووو على مااااسخ
هارون : تفو عوتاني قيديها حتى نوصلو
رزان : أش فجهدك مادير يااازلااال
هارون : ههه نتي ماشي قد هاد الهضرة احبيبة
رزان : سيييفحاالك
هارون : انجي نخبط مك
رزان : يخ على بناادم
هارون :(عنقها) هبيلة
تسلتات منو ومشات جيهت الملابس داخلية بدات كاتعزل وتخير حتى وقف موراها وجر واحد سترينگ فلحمر
هارون :يجيييك قتاااااال
رزان :(نتراتو منو وحنيكاتها تزنگو) وااش ماكاتحشمش
هارون : منك احبيبة لا
رزان : حشومة عليك خليني نتقدا على راحتي
هارون : وراه على راحتك غير جيت نعااونك
رزان : متعااااونيش غير سيير
هارون : هه على خاااطرك
مشا جلس فواحد الفوطوي وهيا كاتعزل ماخلات ماااخدات وهوا غير مقابلها وكايضحك عرف بلي هاد العام كامل ماااكاانش عايش ودابا عاد رجعات ليه روح موتها كان كايخنقو نهار على نهار أكيد كان شي نهار ايحماااق بتفكير فيها وفحياتو بلا بيها ولكن الحمد الله ربي شاف من حالو ورجعها ليه وحااالفها فسرااج لي بعدها عليه مااغاااديش يهنالو بال حتى يقتلو بيديه
وقفات عليه من بعد ماااسلاات
رزان : نوض خلص
هارون : خلصي نتي ههه
رزان : ونوض صافي كون كان عندي باش نخلص گااعمااا نحااااشيها ليك دابا نولي محامية كبيييييرة وتولي طلبني نعطيك
هارون : وااايلي ههه
رزان : دابا تشوف
هارون : أش نشوف
رزان : تشوف الويل
هارون : شفتو احبيبة فغيااابك
رزان : كاتعنب
هارون : انوض نسوس ليك سنانك
رزان : وااانوض
ناض معاها خلص وخرجو شدو طريق لوطيل لي جالس فيه هوا وصلو وطلعو لسويت فين جالس حل الباب ودخل حط دوك لحوايج فجنب وتلاح فوق ناموسية جات جلسات حداه وكاتدوز يدها عليه بحنان
رزان : عيتي
هارون : عاد رتاحيت دابا
رزان : ومالك
هارون : غير فيا نعاس ليل كامل ماانااعسش رزان : نوض دوش ونعس
هارون :(ناض كايتكسل) واخا سيري نتي بدلي حوايجك
رزان : اجي بعداااا واش أنا انبات معاك هنا
هارون : خفتي
رزان : مالك كاتعض
هارون : كتر احبيبة كتتتتتر
دخل لدوش وهيا ناضت دغيا خدات بيجامة من داكشي لي شرات وحطاتها حداها و بقات كاتقلب فدوك لحوايج حتى خرج لابس شورط و تيشورط وكايمسح شعرو بفوطة
رزان : بصحتك
هارون : يعطيك الصحة
رزان :(خدان فوطة) حتى أنا اندخل ندوش
مشات دخلات لدوش عمرات بينوار بلما وخوات فيه شي زويوت كانو تما وتخشات فيها وكاتحس برجليها عاطينها صداع ترخااات لمدة عاد ناضت غسلات رسها وتشللات ونشفات ولبسات بيجمتها ولوات لفوطة على راسها وخرجات عندو لقاتو جالس وقدامو طبيلة فيها لعشا لي طلب قربات حداه وجرها من يديها جلسها فوق رجليه وخشا وجهو فعنقها
هارون : اممم شهاد ريحة
رزان :(هرها بلحيتو) ههه
هارون : ههه وكااتضحكي غغااناااكلك
رزان : فيا جوع
هارون : حتى أنا فيا جوع
رزان : وكول
هارون : بغيت ناكلك نتي
رزان : ههه وصااافي
هارون : هه واخا صافي يلااه تعشاي
بقات كتاكل وهيا فوق رجليه وحتى هوا كاينقب ومرا مرا يوكلها معاه
رزان : صاافي شبعت
هارون : غير هادي صافي حلي فمك
حلان فمها و وكلها ومسح ليها فمها كايعاملها كيف شي بب خايف عليه لايوسخ حوايجو
لن أتخلى عنك أبدا الجزء السادس
محتوى القصة
التنقل بين الأجزاء