لأني أنثى الجزء الثالث

من تأليف سلوى شتيوي
2018

محتوى القصة

رواية لأني أنثى

كمل سفيان معاها داكشي وجلسو فوق الناموسية
سفيان: انا بعد غذا غادي نرجع
رنيم: اويلي بهاد السرعة
سفيان: راه خليت الخدمة وكلشي... مي كنواعدك غير نلقا فرصة.. اكيد غادي نجي
رنيم: (بحزن) واخة... حطات راسها فوق رجليه... سفيان
سفيان: ويي
رنيم: واش خرج هداك من الحبس
سفيان: اه خرج
رنيم: ياكما مشا عند بابا
سفيان: بغيتي الصراحة
رنيم: اه
#فلاش_باك
حمزة: (كيدق الباب) حلوو
تسنيم: (حلات الباب.. وبصدمة) حمزة شنو جاي دير هنا
حمزة: (دفعها ودخل) فين رنيم
تسنيم: رنيم مكايناش.. سافرات من شحال هادي ممكن تخرج دبا
حمزة: (لصقها مع الحيط وشنق عليها) كيفاش سافرات شكون سمحليها تسافر
تسنيم: (كتحاول تحيدلو يديه) طلق مني راك خنقتيني
حمزة: انا غادي نوريكم اش كنسوا يا الكلاب.. داكشي لي مدرتوش لختك غنديرولك باش تبقاو ديما مدلولين
تسنيم: حمزة خويا عفاك طلق مني واش حماقيتي
حمزة: سكتيي منسمعش صوتك... دفعها وطلع من فوقها كيحاول يحيدليها الحوايج وهي كتغوت وتقاوم... كانت ماماها ياله داخلة سمعات الغوات ومشات كتجري.. بديك الصدمة والخلعة جبداتو من فوقها وبقات تعطيه فالعصا حتى دفعها وناض بغا يضربها وهو يجي شادي نقز عليه من اللور وبدا كيضرب فيه... الام ناضت شادة جنبها وهزات التيليفون عيطات لراجلها... رجع حمزة بحال الشرويطة وبقا مليوح تما حتى دخل باباهم وهو يشوفو كحل بالعما... مشات عينو لتسنيم لي كتبكي ولطراس داليدين باينين فعنقها.. مراتو كتعاودلو وهو كيزير على يديه... عيط نيشان للبوليس وبقاو كيتسناو حتى دخلو... هزوه وهاد المرة تحاكم عليه بسنة حبس
#الحاضر
رنيم: (وقفات) اويلي كان بغا يغتاصب ختي
سفيان: للاسف اه كانتقام منك
رنيم: اويلي على ولد الحرام.. كانت ختي غادي تغتاصب بسبابي هئ هئ
سفيان: (جرها لعندو وعنقها) صافي احبيبة متبكيش وراه دبا فالحبس متبقايش تفكري فهادشي صافي نسايه عليك وركزي فقرايتك
رنيم: العائلة ديال الزبل هي هادي هئ هئ.. مكاينش لي يحمرليك الوجه الله يعطيهم القطيعة
سفيان: صافي براكة من البكا.. شد وجهها بين يديه.. متخلينيش نندم حيت عاودتليك
رنيم: بغيت نهضر مع عائلتي دبا
سفيان: غادي يكونو ناعسين وغادي تخلعيهم.. صبري تال غذا الصباح
رنيم: واخة
سفيان: ياله نعسي دبا وارتاحي وغذا ان شاء الله نهضرو معاهم.. بونوي
رنيم: بونوي.. باس راسها ومشا لبيتو

يوم جديد فاقت رنيم بكري مشات للطواليط قضات حاجتها وصلات صلاتها.. مشات للبالكون جلسات على السور ديالو وسرح تفكيرها فختها مسكينة وباش غتكون كتحس.. حتى حسات بالحركة وهي دور لقات اوستن.. رجعات شافت قدامها
اوستن: كود مورنينغ
رنيم: صباح الخير
اوستن: راك جالسة على الحاشية واش مكتخافيش
رنيم: لا
اوستن: اوكي... بقا كيشوف فيها وهي ساهية.. شكون هداك الولد
رنيم: صديق وصافي
اوستن: ممم اوكي... بغيت نقول ليك شي حاجة
رنيم: شنو
اوستن: احم انا بغيت.. نعتاذر منك على داكشي لي درت
رنيم: (شافت فيه بصدمة) واش بالصح ولا كتفلا عليا
اوستن: نو كنهضر معاك بالصح
رنيم: (بعد تفكير) اوكي اعتاذرك مقبول
اوستن: ميرسي... دخلات عندهم كارمن
كارمن: صباح الخير
رنيم/اوستن: صباح الخير
كارمن: اجيو تفطرو
رنيم: اوكي.. دارت بغات تنزل وشدليها اوستن يديها حتى نزلات.. حيدات يديها وهي كتشوف فيه.. حدرات راسها ومشات.... تجمعو بربعة على الفطور ورنيم كتاكل وهي ساهية
سفيان: رنيييم متندمنيش حيت عاودتليك
رنيم: اففف فهمني راه مقداش نتخيل داك المنظر.. راه غادي تكون مدمرة هئ هئ
كارمن: رنيم مالك
اوستن: (غوبش) مالها شنو قلتيلها
سفيان: احم مسائل شخصية وصافي.. نوضي معايا... جرها من يديها وداها لبيت الجلاس... بغيتي تهضري معاهم
رنيم: اه
سفيان: واا مسحي دموعك وقادي حالتك بلا ماتعصبيني
رنيم: واخة.. ناضت بالجرا غسلات وجهها وقادات شعرها وهي ترجع لعندو.. لقاتو كيتسناها
سفيان: ياله اجي حدايا.... جلسو حدا بعضياتهم وبعد دقائق بان باباها شداتها البكية مي حاولات تحبسها
عادل: رنييم بنتي لباس
رنيم: مزيان ابابا ونتا
عادل: حيت نتي بيخير انا راني بيخير
رنيم: الحمد لله فين ماما وتسنيم وشادي لباس عليهم
عادل: هاهي ماماك هضري معاها
هناء: بنتي الحبيبة توحشتك
رنيم: حتى انا اماما توحشتك بزاااف
شادي: (حيدليهم التيليفون) رورووو توحشتك
رنيم: ههههه كبرتيي البرهوش
شادي: اش هاد البرهوش عوتاني وانا زعما كنتسناك ضبريلي فشي زعرة... محس حتى جاتو دقة للراس.. وا باباا حرام عليك
رنيم: هههههه عبر علييك.. فين تسنيم
شادي: هاهيا وشدو الهضرة عوتاني بالسوايع
سفيان: ههههه هادي شي حاجة باينة... خدات تسنيم التيليفون
رنيم: حبيبتي سيري لبيتك بغيت نهضرو غير بجوج
تسنيم: واخة اختي.... ناض سفيان وخلاها بوحدها

رنيم: بنتي الصغيورة توحشتك
تسنيم: حتى انا اختي توحشتك.. كيدايرة مع القراية
رنيم: عاودلي سفيان كلشي كيبقيتي
تسنيم: هئ هئ عاد حسيت بمعاناتك اختي رجعت كنخاف نخرج ويلا هدر معايا ولد كنبدا نترعد.. وهدا زعما ولد عمي لي يخاف عليا ويديرني بحال ختو
رنيم: (نزلو دموعها) صافي احبيبة متبكيش عفاك.. وكنطلب منك السماحة حيت هادشي وقعليك بسبابي
تسنيم: لا متقوليش هكا.. هداك راه مريض ونتي معندك حتى دخل فهادشي
رنيم: الله يسهل عليك احبيبة وغندير جهدي باش تجي تكملي قرايتك هنا معايا وتبعدي من داك الزبل
تسنيم: ان شاء الله اختي وفاش تكون شي عطلة اجي راني توحشتك بزااف
رنيم: واخة احبيبة كنواعدك بلي قريب غنجي
تسنيم: اوكي ختي
رنيم: ياله نزلي ليهم التيليفون باش نودعهم.... نزلات تسنيم من بعد مامسحات دموعها عطات لباباها التيليفون
عادل: كيغادة مع القراية ابنتي
رنيم: سافا حمد الله ابابا بلا ماتخمم فيا راني مزيان
عادل: الله يرضي عليك ابنتي حضي راسك وديها فقرايتك
رنيم: واخة ابابا ميكون غير خاطرك
عادل: ياله الله يعاونك
رنيم: بسلامة وسلم على ماما وشادي
عادل: مبلغ... قطعات معاهم وحطات الطيل ودارت يديها على وجهها حتى حسات بشي حد جلس قدامها هزات راسها لقات اوستن
اوستن: ماالك
رنيم: والو.. جات تنوض ورجعها لبلاصتها
اوستن: قوليلي شكون مقلقك وانا نوريك فيه
رنيم: (باستغراب) ممم مفهمتكش
اوستن: علاش
رنيم: فاللول كنتي كارهني ومباغيش تشوفني حداك.. ودبا نتا كتقرب مني وتسولني الى كنتي ناوي على شي حاجة غير بلا متعدب راسك راه مغادي تدي مني واالو
اوستن: لا مناوي واالو.. وانا عاد فهمت بلي مخاصنيش نتعامل خايب مع شخص بسبب دينو.. وندمت على داكشي لي درت قبل وقبيلة راني طلبت منك السماحة وبغيت نكون صديقك لا اكثر ولا اقل
رنيم: (حكات راسها) مممم اوكي
اوستن: ياله قوليلي معامن هدرتي حتى تقلقتي
رنيم: مع عائلتي.. وتقلقت حيت توحشتهم
اوستن: دبا توصل العطلة دالصيف وسيري عندهم
رنيم: وي داكشي......... داز داك النهار عادي كانت رنيم مشات خدمات ورجعات فالليل... اليوم غيمشي سفيان بقات معنقاه وحلفات مطلقو
سفيان: رنييم ختي الزوينة براكة من البكا عفاك
رنيم: غادي نتوحشك بزاف
سفيان: حتى انا والله وغير نلقا وقت نجي كنجري لعندك نشوفك
رنيم: وعد
سفيان: كنوااعدك
رنيم: اوكي... باس راسها
سفيان: بسلامة وتهلاي فراسك
رنيم: اوكي حتى نتا تهلا فراسك.. تعلات وباستو فحنكو وهو يمشي... رجعات مع كارمن للدار ودخلات نيشان لبيتها
اوستن: ياك مزال عندكم العطلة
كارمن: اه
اوستن: ممم سيري سافري بغيت نبقى غير انا وياها
كارمن: فين بغيتيني نمشي
اوستن: فينما عجبك.. سيري عند ماما وبابا المهم بغيت نبقى غير انا وياها
كارمن: اففف اوكي

كارمن: رنيم انا اليوم مسافرة
رنيم: فين
كارمن: خاصني نمشي عند ماما حيت بغاتني
رنيم: ممم اوكي
كارمن: هانتي جالسة فالدار وحتى اوستن كاين
رنيم: اويلي انجلس غير انا وياه
كارمن: وي متخافيش مغايقيسكش.. وراكي عارفة هادي الدار ديال بابا منقدرش نقولو خرج ولا شي حاجة
رنيم: (عوجات فمها) اوكي.... توادعات معاها ومشات.. ناضت رنيم لبسات حوايجها ومشات لخدمتها رجعات بالليل... حلات الباب وهي تلقا الناس.. واوستن فوسطهم كيهضر ويضحك.. خسرات وجهها وحيدات صباطها ومشات لبيتها.. بقا اوستن متبعليها العين.. ياله بغات تسد الباب وهو يتعرضلو اوستن
اوستن: اجي جلسي معانا شوية
رنيم: نو بلاش مفياش بغيت نعس
اوستن: وغير شوية... جرها من يديها وداها جلسها بقات لورا كتخنزر فيها... بقاو جالسين مجمعين ورنيم ساكتة.. اوستن بقا كيشوف فيها وندم حيت دار هاد الحفلة حيت باينة معجبهاش الحال.. حتى نطقات لورا وهو يغوبش
لورا: فخباركم بلي رنيم مسلمة.. كلشي دار شاف فيها
رنيم: ياكما كاين مشكل.. اه انا مسلمة ومفتاخرة بديني
لورا: (باستفزاز) نتوما كيتزوجو البنات عندكم وهما مزاالين صغار ياله عندهم 16 ولا 17 العام.. هادا اغتصاب للطفولة
رنيم: عندك الحق مي متنساايش البنات عندكم كيفقدو العذرية ديالهم على 12 العام ولا 14 وبعد المرات كيفقدوها مع شخص كبييير.. فبلا مانعايرو بعضنا وحنا كفس من بعضياتنا... نسولك دبا نتي فوقاش فقدتي العذرية ديالك وواش مع شخص قدك ولا كبير
لورا: (تزيرات ومعجبهاش الحال) اش كتخربقي
رنيم: غادي نقوليكم واحد المثل يقولوه فأمريكا للفتاة المغتصبة "اذا لم تستطيعي الدفاع عن نفسك فاستمتعي".. شوفي كمية العهر الاخلاقي لي فيهم.. مغاديش ننكر بلي الاغتصاب كاين عند المسلمين غير هو معمري سمعت هاد القولة عندنا على عكسكم... بونوي..... ناضت خلاتهم غير كيشوفو فيها ومشات لبيتها وسدات عليها بالساروت
لورا: اووستن هاد البنت خاصنا نربيوها.. الى المرة اللولة مصدقاتش نعاودوها
اوستن: لورا بعدي منها وراني قلتليك شكون هاديك بالنسبة ليا دونك خليها عليك
لورا: مي وخا هكاك كتبقا مسلمة
اوستن: هداك شغلي انا ماشي سوقك... ياله نوضو خرجو خليوني نرتاح..... خرجو صحابو وناض بدا كيجمع ديك الروينة حتى شاف رنيم غادية للطواليط
اوستن: غادي تنعسي دبا
رنيم: اه علاش
اوستن: قلت زعما الى بغيتي نسهرو انا وياك شوية على شي فيلم
رنيم: داكوغ.. شوف الفيلم وانا راجعة
اوستن: (بابتسامة) اوكي... دخلات رنيم للطواليط قضات حاجتها وخرجات... مشات للبيت لقاتو كيدير الفيلم وهي تجلس... قادو وجا جلس حداها.. بيناتهم مسافة صغيرة مدليها شيبس.. بدا الفيلم وكان فيلم ديال الخلعة.. تفرجو فيه وهما مركزين معاه واوستن مرة مرة كيشوف فيها

اوستن بقا كيشوف فيها وهو مستغرب أنها مخافتش.. كمل الفيلم وهي تنوض
رنيم: بونوي
اوستن: بونوي.... دخلات للطواليط توضات ومشات لبيتها سدات عليها بالساروت.. صلات جوج ركعات عاد تكات
رنيم: ولد الحرام دار فيلم دالخلعة بغا يستاغلني زعما ونقربليه.. وخا يكون كيحلم منديرهاش.... بقات كتقرا المعوذتين حتى نعسات.... اوستن جالس فبيتو كيفكر
اوستن: اففف شنو غندير معاها وكيفاش غادي نبدا حرت.. اول مرة يوقعلي هكا... بقا كيفكر حتى نعس.... يوم جديد فاقت رنيم صلات صلاتها ومشات للكوزينة كتوجد الفطور حتى دخل اوستن
اوستن: صباح الخير
رنيم: صباح الخير.. اجي تفطر
اوستن: اوكي... حطات الفطور فوق الطبلة وجلسو كيفطرو فصمت حتى هضر اوستن
اوستن: خدامة هاد العشية
رنيم: اه
اوستن: شنو بانليك ندوز عليك ونخرجو نسهرو
رنيم: نو بلاش مافيا لي يخرج
اوستن: غير شي ساعة ونرجعو بلييز
رنيم: (تنهدت) اوكي.... داز النهار عادي كل واحد محشي فبيتو واوستن كيقاد الحوار لي غادي يقول...... وصلات العشية لبس وتقاد.. نزل ركب طموبيلتو وكسيرا فاتجاه الريسطو لي خدامة فيه رنيم.. بقا فالباب كيتسناها حتى بانتلو خارجة وهو ينزل.. سلم عليها وشد يديها باسها وعينيه فعينيها.. توترات من طريقتو وخلات قلبها يضرب.. حليها الباب ركبات عاد ركب هو.... ديمارا وهي مرة مرة كتشوف فيه وريحتو حمقاتها... بعد لحظات وقفو قدام كلوب دخلو.... طلعو الفوق جلسو وكيطلو على حلبة الرقص لي عامرة بالناس.. جا السرباي عندهم
اوستن: 2مشروبات بدون كحول... سمعاتو رنيم وابتاسمات.. شاف فيها وابتاسم حتى هو.... جا المشروب بداو كيشربو
اوستن: عاوديلي على راسك
رنيم: هههه بحالاش
اوستن: شحال عندك من خوتك علاش فكرتي تجي لهنا تقراي بحال هكا
رنيم: اوكي.. حنا 2بنات وولد.. انا هي الكبيرة.. شديت ماستر فالمغرب وللاسف ملقيتش خدمة رغم انه صديقي سفيان عرض عليا نخدم فشركتو مي مبغيتش.. بغيت نعتامد على راسي ويلا خدمت نكون بالصح كنستاحق ديك الخدمة.. وماشي انا لي اختاريت نجي لهنا بالعكس انا مكنت عارفة والو حتى جا بابا وقالي راني قاديتليك المسائل وغتمشي تقراي فكندا ومننكرش بلي عجباتني الفكرة وبزااف
اوستن: صدمتيني
رنيم: علاش
اوستن: انا كان كيسحابلي بلي الرجال المسلمين مكيخليوش بناتهم يقراو ويخدمو وكيزوجهم فاش كيظهرو علامات البلوغ عليهم... وسحابلي بلي هربتي وجيتي لهنا
رنيم: نتا عندك افكار غالطة تمااما على المسلمين هههه
اوستن: (شرب من كاسو) ممكن... كان شخص جالس بعيد كيراقب رنيم.. حتى لواحد اللحظة ناض وجاي فاتجاههم

كانو منساجمين فالهضرة حتى بغا يزعم اوستن ويصارحها بكلشي وهو يوقف عليهم شخص.. هزات رنيم راسها غير شافتو وهي تغوبش
طه: هاي هااي على لالة رنيم دبرتي على راسك بالزربة ماعندي مايتسالك
اوستن: شكون نتا.. رنيم شنو كيقول هدا واش كتعرفيه
رنيم: نو مكنعرفوش
اوستن: ممكن تمشي فحالك
طه: (بالانجليزية) غير كتكدب عليك وهادي كانت حبيبتي وسرقاتني وهربات
رنيم: (وقفات) اش كتخربق فين عمري كنت حبيبتك الحمار
طه: (شدها من شعرها) مغاديش ننسا داكشي لي درتي.... انا لا وجاية عند هاد اليهودي تحلي ليه رجلك
رنيم: (صرفقاتو) بزاف عليك الحمار.. الى كانت ختك مولفة تحل رجليها انا اشرف منها ومنك ومن هاديك لي ولداتكم اولد الحرام... ناض لعندو اوستن جبدو وبدا كيضرب فيه حتى جاو لي كارد فكهوم وداو طه خرجوه واعتاذرو من اوستن... جلس حداها وهي حاطة يديها على راسها وكترعد
اوستن: منين كتعرفيه حيت ميمكنش يجي ويقول ديك الهدرة الى مكانش كيعرفك
رنيم: باباه كيعرف بابا وكانو استقبلوني عندهم فاش ياله جيت.. مي واحد الليلة تهجم عليا وبغا يغتاصبني وهربت.. من تما ماشفتو حتى لدابا
اوستن: (زير على يديه) صافي تهدني
رنيم: انا غنمشي للحمام
اوستن: اوكي... مشات رنيم وعيط هو للسرباي.. عفاك جيبلي كاس دالما
السرباي: اوكي... مشا السرباي حتى جرو واحد وعطاه كينة يديرها فالكاس درنيم ودور معاه وخرج
طه: درتي داكشي لي قلتليك
....: اه متخافش
طه: هاحنا غنشوفو واش غادي يرحمك داك اليهودي لي معاك.... جات رنيم جلسات
اوستن: سافا دبا
رنيم: اه شكرا حيت دافعتي عليا
اوستن: نو متقوليش هكا عادي.. جاب السرباي كاس دالما.. خودي شربي وارتاحي
رنيم: ميرسي... شربات الكاس وجلسو كيهدرو.. شوية بدات كضحك
اوستن: (باستغراب) مالك
رنيم: (كتغوت) بغيت نشطح ههههههه
اوستن: رنييم واش سافا... وقفات بغات تمشي كانت غادي طيح كون متعرضليهاش وشدها... واش شربتي شي حاجة ولا شنو
رنيم: نتا داك النهار بغيتي دوخني ساعة دوخت ديك صاحبتك معقلت على حتى شنو سميتها ههههههههه.. كيعجبني الحال فاش كنفقصك حيت حتى نتا كتفقصني.. مي شنو سر اهتمامك بيا فجأة هادشي لي خاصني نعرف ههههه
اوستن: (هز صاكها وهزها) ياكما شي حد عطاك شي حاجة وخديتيها منو... زعما راك بعقلك...... حطها فطموبيلتو وركب حتى هو
رنيم: (قرباتلو وبدات كتلعب بلحيتو) لحيتك زوينة مممم... بدا كيضحك وكيبعد يديها وهي كترجع تلعبلو بلحيتو.. خلاها وركز مع السوكان حتى وصلو... هزها ودخلها نيشان لبيتها حط صاكها وحيدليها صباطها.. غطاها وبدا كيشوف فيها وهي كتشوف فيه وتبتاسم... حدر لعندها وهو مغمض عينيه

حدر لعندها وهو مغمض عينيه.. تخالطات أنفاسهم حتى قرب وهو يبعد طفا عليها الضو وخرج...
اوستن: مديرش شي حاجة لي تندم عليها.. هي ماشي بحال البنات الاخرين.... مشا لبيتو هز بيجامة وفوطة ومشا للدوش.. دوش ولبس حوايجو.. مشا للكوزينة قاد قهوة ورجع لبيتو شد لبيسي وبقا خدام حتى عيا وهو ينعس.... يوم جديد فاق اوستن قبل من رنيم على غير العادة... وجد الفطور ومشا طل عليها لقاها محشية فالغطا وناعسة.. ابتاسم وقربليها.. جلس فطرف ديال الناموسية وبدا كيفيقها
اوستن: رنيم فيقي.. رنيييم
رنيم: مممم
اوستن: نوضي راه ل10 هادي ممولفاش ليك تنعسي حتى لدابا
رنيم: (حيدات الغطا من فوق وجهها) اش بغيتي
اوستن: (بقا كيشوف فيها وهي مشعككة والعماش فعينيها) ههههههه نوضي براكة من النعاس
رنيم: (عاد توكضات وهي تجلس بالزربة) اجي فوقاش رجعنا وشنو وقع.... شنقات عليه.... عنداك تكون درتيلي شي حاجة
اوستن: (حيد يديها) تهدني انا مدرتليك والو.. نتي لي منعرف اش كليتي حتى دختي وبقيتي كتخرجي ودخلي فالهضرة وانا نرجعك للدار
رنيم: (كتحك راسها) شنو قلت
اوستن: والو.. ياله نوضي غسلي وجهك واجي تفطري
رنيم: واخة... خرج وتبعاتو مشات للحمام غسلات وجهها وحكات سنانها ومشات للكوزينة... لقاتو جالس كيفطر وجلسات حتى هي بدات كتفطر
اوستن: (شاف فيها بنص عين) كتعجبك لحيتي
رنيم: (كانت كتاكل غير سمعات اش قال وهي تجيف) كح كح كح... مدليها كاس دالما شربات.. كيفاش ا اش كتخربق
اوستن: ههههه نتي لي قلتيها ماشي انا
رنيم: اش قلت
اوستن: قلتيلي كتعجبك لحيتي وقربتيلي بديتي كتقيسها
رنيم: (هزات حاجب) كتكدب عليا ياك
اوستن: نو معندي علاش نكدب
رنيم: انا راه امبوسيبل نقول هادشي
اوستن: هههه اوكي صافي نساي.... رجعات رنيم كتاكل وتفكر وهي تهز راسها شافت فيه
رنيم: واش بالصح قلتها
اوستن: هههههههههه وي قلتيها
رنيم: غير كنت كنكدب علييك.. متيقش رااسك
اوستن: (حابس الضحكة) اوكي... كملو الفطور وناضت غسلات دوك الماعن ومشات شدات التلفزة كتفرج واوستن فبيتو كيخدم... بدات كرشها كتغوت بالجوع وهي تنوض وجدات الغذا بالزربة وعيطاتلو... جلسو وهي بدات كتاكل بالخبز.. هز حتى هو بغا ياكل مي معرفش
رنيم: صبر نوريك... شدات طريف صغير ووراتو.. شفتي هكا ياله كول... بدات كتاكل وهي حاضية معاه اش كيدير حتى بدات كضحك
رنيم: ماشي هكاك هههههه... الى بقيتي هكا موحال واش اتغذا.. شدات طريف قداتو وعطاتولو.. ياله كول.. خداه من عندها وبدا كياكل وهي كتقادلو وتمدلو
اوستن: (بابتسامة) شكرا
رنيم: (بابتسامة) عادي

داك النهار كان يوم السبت يعني رنيم مخداماش.. جمعات هي واوستن الطبلة ومشات لبيتها... كان اوستن خارج من الكوزينة حتى بانلو تيليفونها هزو ومشا لبيتو.. بدا كيقلب فيه ومشا لتصاورها شافهم.. تعصب فاش شاف سفيان معاها والحرارة طلعات معاه.. بانوليه فيديوات ومشا تفرج فيهم مات بالضحك فاش شاف الجانب الحمق لي كاين فرنيم... مشا دخل لبيتها بلا مايدق حتى قفزات
رنيم: اش بغيتي
اوستن: جبتليك تيليفونك لقيتو فالكوزينة
رنيم: اه اوكي ميرسي.. خداتو من عندو وبقا واقف كيشوف فيها.. بغيتي شي حاجة
اوستن: كنبغيك
رنيم: (بصدمة) هااا
اوستن: (جلس حداها فالناموسية) كنبغيك كثر من 5سنين.. كنبغيك من نهار نقدتك فالبحر.. كنبغيك من نهار شفت عينيك وشميت ريحتك
رنيم: ك..كيفاش... فوقاش نقدتيني
اوستن: (بابتسامة) كنتي متكية على ظهرك والما كيلعب بيك حتى بعدتي على الشاطئ.. تما فين غرقتي وانا جبدتك وخرجتك.. من تما محيدتيليش من عقلي ومن قلبي
رنيم: (تصدمات) الصمت
اوستن: عارف لقاءنا اللول مكانش زوين.. او نقدرو نقولو خاايب... المهم غادي نشرحليك علاش واخذ موقف من المسلمين... تنهد.. انا وماكس اصدقاء منين كانت عندي 5سنين... معمرنا تفارقنا حتى لواحد النهار كنا انا وياه فالمول كندورو حتى هجمو علينا اشخاص ملتمين... حاولنا نهربو مي كنا محاصرين وقتلو صاحبي قدام عيني ومقادر ندير ليه والو.. طاح من فوقي وغطاني اخر حاجة قالهالي
#فلاش_باك
ماكس: (الدم نازلو من فمو) اوستن سد عينيك ودير راسك ميت
اوستن: (دموعو نازلين) متخلينيش عفاك
ماكس: شش نتا قوي
#الحاضر
اوستن: (عينيه دمعو) داك النهار ماتو بزااف دالناس... انا بقيت معنق ماكس مقدرتش نخليه.. مقدرتش نتخايل صديق الطفولة ديالي غيموت ويخليني بسباب ناس مفقلبهوم رحمة ولا شفقة كيقتلو الناس بحال الى كيقتلو حشرة

《ذُقونٌ تـَبْلـُغُ الركبَا،جباه عُلِّمتْ عمدا.... سُيوفً شُهَّرت غضبا وباسم الدين تغزوني؟
…ملأتم قلبنا حزنا،زرعتم حقلنا حقدا ... سقيتم أرضنا جهلا ،وليس الجهل من ديني
!أبٱسم الدين نُنتهكُ؟ أبٱسم الدين نُبتذَل؟ أبٱسم الشرع نُغتصَبُ؟ أبٱسم الله تُؤذيني؟
…أرُقِّيتم بمرتبةٍ؟! أعُلـِّيـتـُمْ بمِصطبَة ؟ أصار الدين بالكيل؟ فليسَ الكيلُ يُغريني
…حُماةُ الدين أضحَيتم؟؟ أ بُشرتـُمْ بفردوس؟ أرى الإيمان عملتكم،و ما تاجرت بالدين
…كفرتُ بدينكم كُفرا،كفرتُ بربكم جهراً.... فلا ذا الدينُ ينصِفُني، ولا ذا الربُّ يحميني
لكم في الجهلِ ما شئتم، لكم في الذلِّ ما نِلتم... ولي في نابضي وطني، و لي ربي، ولي ديني》

#القصيدة_منقولة_من_انسانة_احترمها_واشكرها_على_هاته_القصيدة
#مريم_بن_شعبون

بقات كتشوف فيه مصدومة وتالفة معرفات متقول.. ابتاسم فوجهها ومد يديه شد يديها وحطها على وجهو
اوستن: عارف بلي زربت عليك.. انا مباغيش جواب دبا.. حتى تفكري على خاطرك.. المهم هو انا كنبغيك...... رجع يديها فوق فمو... باس راحة يديها وعينيه فعينيها... ناض خلاها مصدومة مكترمش... بعد مدة عاد وعات
رنيم: اناري شنو وقع... اويلي يا فضيحتي.. شنو وقعلي حتى بقيت ساكتة هدا يمكن كون باسني وحيدلي الحوايج كاع مغندير والو... واااهيا ناري دوخني ولد الحرام بهضرتو... اففف قلبي كيضرب اش غندير واش نهرب ولا نجري عليه.. اويلي نجري على دري من دارو... فينك اسفيان تفكني... تلاحت على ظهرها فوق الناموسية وكتفكر... خاصني نبعد علييه هذا يقدر يستاغلني... واش انا ياربي صمت باش نطيح فملحد هئ هئ... وخا بكوص ولحيتو زويينة وصدرو زوين وريحتو كتحمقني اما ضحكتو كتهبلني مي كيبقا ملحد.. جلسات.. اويلي انا اش كنقول كيفاش ضحكتو كتهبلني وريحتو كتحمقني.. بدات كتصرفق فراسها... فيقي ارنيم فيقي راك بعقلك زعما.. اوو جوج كلمات دوخوك ولا شنو.. واتوكضي معايا الله يسترك... ناضت سدات الباب عليها بالساروت ورجعات جلسات.. العشية كاملة دوزاتها فحوار مع نفسها.. كتناقش وتحلل غير بوحدها... وتفكيرها فأنها هي وياه بوحدهم فالدار وهو عندو مشاعر تجاهها مركبة فيها الرعب.. خافت يجي يديرليها شي حاجة وهما عندهم عادي........ مخرجاتش كاع من بيتها حتى ظلام الحال وهي تسمع الدقان
رنيم: (قفزات) شكون
اوستن: رنيم حلي الباب من قبيلة وانا كنتسناك تخرجي مي والو... اجي تعشاي
رنيم: لا لا مافياش الجوع بصحتك
اوستن: راه من الغذا ماكليتي.. خرجي تعشاي مايكونش راسك قاصح
رنيم: ولا مبغييتش
اوستن: اوكي على خاطرك.... مشا اوستن تعشا ورجع لبيتو كيفكر..... دازت مدة ورنيم كرشها بدات كتشطح بالجوع... حلات الباب بشوية ومشات كتسلت للكوزينة.. شعلات الضو وبدات كتحط ماتاكل
اوستن: (متكي على الباب) عاد جاك الجوع
رنيم: (قفزات) اا.. لا لا مفياش بونوي.... جات تخرج وهو يشدها ولصقها مع الحيط
اوستن: (حدر لعندها حتى تقابلو عينيهم) مالك
رنيم: (متوترة) خ..خليني نمشي بحالي
اوستن: اجي تعشاي وسيري تنعسي
رنيم: (كدفع فيه) بعد عليااا
اوستن: (بعد) اوكي هانا بعدت غير تهدني
رنيم: (دارت حركة دفاعية) تقربلي مرة اخرى نضربك
اوستن: ههههههه واخة

رجع لبيتو وخلاها فالكوزينة.. طلات بانليها دخل للبيت وهي تهز الماكلة وهربات لبيتها.. سدات عليها بالساروت وجلسات فوق الناموسية كتاكل......... يوم جديد فاقت ومشات للطواليط توضات وصلات صلاتها.. مشات للكوزينة وهي تلقا ورقة ملصقة فالثلاجة
اوستن: انا رجعت فحالي وغادي نخليلك الوقت الكافي باش تفكري.. اي لوف يو
رنيم: (صغرات عينيها) دبا هدا كيهضر من نيتو..... دوزات نهارها غير فالدار وكتفكر فاوستن وغير كتعيق براسها.. كتصرفق حناكها.......... رجعات كارمن للدار مي مقالتليها والو.. بدات القرايا عوتاني... حتى لواحد النهار
كارمن: رنييييم
رنيم: نعام.. اش كديري فبيتي
كارمن: (بتساؤل) شنو كدير عندك نمرة ديال هاد المنتج
رنيم: ااه.. داك النهار فاش مشينا للكلوب وغنيت تعرضلي وعطهالي
كارمن: علاش
رنيم: قاليا صوتي عجبو وبغاني نتاصل بيه
كارمن: اتاصلتي؟
رنيم: اكيد لا
كارمن: انااااري معامن انا... وااااش عرفتي هذا شكوون رااه مشهور اصاحبتي.. عرفتي الى خدمتي معاه غادي ديري بوم فالعالم
رنيم: واش دبا باغاني نرجع مغنية
كارمن: اه علاش شنو فيها... هانتي كملي قرايتك وبعدي من ديك الخدمة ديال الويل لي غير معدباك.. الى كنتي مغنية راه غير حفلة وحدة تخلصليك كثر من 6شهور ومتحتاجي لا خدمة لا حتى حاجة
رنيم: لا لا اختي منقدرش
كارمن: اوييلي معامن انا... شدي الطيل عيطيلو
رنيم: لا
كارمن: الى معيطتيش متعاوديش تهضري معايا
رنيم: اففف اري لهنا... عيطاتلو وبدات كتسنا شوية وهو يجاوبها
.....: الو
رنيم: هاي انا رنيم
....: شكون رنيم
رنيم: (الله ياربي اش غندير) احم ديك البنت لي سمعتيها كتغني فكلوب *****
.....: اااا هادي نتي شحال وانا كنتسناك تعيطيلي وها تعطلتي مي المهم عيطتي... خاصنا نتلقاو باش نهضرو
رنيم: (حكات راسها) ممم واخة فوقاش
....: السبت فنفس الكلوب
رنيم: (عوجات فمها) اوكي... قطعات وهي تجلس
كارمن: شنو قاليك
رنيم: نتلقاه السبت فنفس الكلوب.. كيفاش غنديرليها
كارمن: ياك الويكاند مقاريينش نمشيو مالنا اش خاسرين ونباتو عند والديا
رنيم: وانا اصلا علاش غنتلقاه.. واش منيتك سحابليك انولي مغنية
كارمن: وعلاش مالك شنو ناقصك
رنيم: اففف.. تكات فوق الناموسية.. هاد المرة بابا غادي يقتلني بدون شك

كارمن: نو باباك متفهم هانتي غادي تشوفي
رنيم: ممم واخة هاحنا غنشوفو.... وصل السبت كانو شدو الطريق وياله وصلو للدار
سيلين: مرحبا بيكم
رنيم: شكرا اخالتي
كارمن: توحشتك
سيلين: حتى انا ابنتي.. كيغاديين مع القراية سافا
كارمن: وي طوب.... جلسو مجمعين معاها حتى وصلات الوقيتة وطلعو بدلو حوايجهم وشدو الطريق للكلوب
رنيم: اففف كون غير رجعنا
كارمن: راه غادي نضربك نتي سكتينا شوية
رنيم: وكون غير قلتها لبابا بعدا
كارمن: واش تافقتو على شي حاجة باش تقوليهالو.. صبري شوية ماالك....... وصلو للكلوب دخلو كيقلبو بعينيهم
رنيم: فخبارك نسيت على شكلو
كارمن: اناري معامن انا.. سكتي راني عارفاه كيداير... رااهو ياله زيدي...... قربو لعندهم شافها وهو يوقف
كارمن: هاي موسيو ستيف
ستيف: اهلا.. سلم عليهم.. تفضلو جلسو
كارمن: ميرسي.. جا السرباي خدا طلباتهم ومشا
ستيف: ايوا ا انسة رنيم شحال وانا كنتسنا اتصالك
كارمن: هي مبغاتش تولي مغنية داكشي علاش
ستيف: ااه اوكي.. وعلاش دبا جات
كارمن: حيت انا بززت عليها ههههه
ستيف: شكرااا وكون مكنتيش بززتي عليها كون بززت عليها انا.. حيت ميمكنش نسمح لهاد الموهبة ضيع
رنيم: شكرا موسيو ستيف على هاد الكلام مي كيف قالتليك صديقتي انا مبغاش او بالاحرى ممستاعداش لهاد الخطوة
ستيف: مممم اوكي.. نقدرو نديرو تجربة نسجلو اغنية والجمهور يحكم وديك الساعة عند الحق واش تكملي ولا تحبسي
كارمن: وي فكرة زويينة
رنيم: ممم معرفتش
ستيف: فكري وخودي وقتك.. فاش تكوني مستاعدة نبداو.... حاولو يقنعوها وقدرو ينجحو مي مزال معرفات ردة فعل باباها ولي هي اهم حاجة عندها...... رجعو لدارهم هزات تيليفونها وعيطات لباباها
عادل: اهلا بنتي لباس عليك
رنيم: لباس حمد الله ونتا كيداير
عادل: بيخير ابنتي
رنيم: كيدايرة ماما وتسنيم وشادي لباس عليهم
عادل: لباس الحمد لله.. ايوا كيغادة مع القراية
رنيم: مزيان حمد الله ابابا
عادل: الحمد الله
رنيم: بابا بغيت نقوليك شي حاجة
عادل: وي هانا كنسمعك
رنيم: احم واحد النهار كنت مع صاحبتي فواحد الكلوب.. وداك الكلوب كيغنيو فيه الناس وحتى انا غنيت وسمعني واحد المنتج وعجبتو... وطلب مني نخدم معاه.. زعما نرجع مغنية.. شنو نظرك فهادشي
عادل: الصمت
رنيم: احم بابا واش تقلقتي... تقطع التيليفون... الو بابا.. باباااا...... اويلي بابا تقلق مني هئ هئ الله يعطيك اكارمن الحبس نتي وهداك اناري ياناري

بقات كتبكي جات عندها كارمن وجرات عليها... بقات هكاك حتى نعسات.. فاقت على صوت كارمن
كارمن: رنييم فيقي راه غادي نتعطلو
رنيم: غير سيري انا مغاداش
كارمن: اوكي.... مشات كارمن وهي تنوض توضات وصلات صلاتها ورجعات لبلاصتها... جامعة رجليها عندها وحاطة يديها على حناكها كتخمم حتى قفزات فاش صونا تيليفونها.. هزاتو غير لقات باباها وهي تقاد الجلسة وجاوبات
عادل: مغاديش نقوليك علاش مشيتي للكلوب.. ومغاديش نقوليك علاش غنيتي مي بغيت نفهم علاش باغية تولي مغنية
رنيم: مبغيتش نولي مغنية
عادل: واش كضحكي عليا دبا ولا شنو
رنيم: (نزلو دموعها) منين كنت صغيرة وكنت كنغني قدامك ابابا.. كنتي كضحك وتشجعني... وكنت ديما كنتصور بلي انا مغنية مشهورة مي هاد الفكرة تغيرات منين كبرت... الغناء او نولي مغنية اخر حاجة نفكر فيها... اييه كنغني مي غير باش نفوج على راسي وصافي.. تقدر تحسبها هواية
عادل: وشنو غير رأيك دبا
رنيم: تسنيم
عادل: اش قالتليك
رنيم: مقاتلي والو هي مزال معارفة
عادل: وكيفاش تسنيم هي لي غيرات رأيك
رنيم: بابا انا عارفة شنو وقع لختي... واعدتها غندير جهدي باش نجيبها لهنا.. عارفاك نتا مغاديش تقدر تزيد تحمل المصاريف ديالها باش تجي وهنا كتجي المهمة ديالي
عادل: الصمت
رنيم: عارفاك فاش كتفكر بلي داك الدومين صعيب وفيه مشاكل وشبهات... مي متنساش بلي انا تربييتك.. صيفطتيني لهنا وانا نقية وطاهرة وغادي نبقا هكا حتى نموت.. المسألة وما فيها انني بغيت نجيب تسنيم لهنا وعلاش لا حتى شادي يجي يبني مستقبالو هنا... هادشي غنديرو بالغنا ولا بلا بيه... غير يمكن بالغنا نقدر نديرو فظرف وجيز... نقدر فاللخر ديال هاد العام نجيب ختي.. ماشي يخرج داك الحيوان من الحبس عوتاني ويتعرضليها.. هاد المرة خرجات سالمة مي المرة الجاية معرفتش
عادل: (تنهد) واخة مي القراااية هي اللولة سمعتيني
رنيم: ضروووري ابابا
عادل: طلب اخير... متخيبيش تقتي فيك ارنيم
رنيم: معمري درتها ومعمري غنديرها ابابا
عادل: اوكي تهلاي فراسك والله يحميك
رنيم: امييين... غير قطعات وهي تلاح فوق ناموسيتها... اففف واخيييرا.... ناضت طلقات الموسيقى "نتي لالاهم" وتحزمات وعطاتها للشطيح وهي كضحك وتغني معاها... غافلة على الاشخاص لي واقفين كيشوفو فيها... مع الدورة ضربات فكارمن واوستن.. غير شافتو وهي توقف بحال درتيلها سطوب... قرب لعندها بابتسامتو الساحرة... شدها من يديها وكيشطح وهي مصدومة وكتشوف فيه
اوستن: خاصك تعلميني كيف كديري تلعبي بخصرك بهاد الطريقة
رنيم: هاااا

اوستن: قلتليك واش ممكن تعلميني ندير بحالك
رنيم: (نترات يديها وجمعاتهم) اش كدير فبيتي.. خرج عفاك
اوستن: (بابتسامة) ماشي حشومة تجري على حبيبك
رنيم: (بصدمة) كيفاش حبيبي من فوقاش بالسلامة
اوستن: (حط يدو على حنكها) ياك قلتليك غادي نخليلك الوقت تفكري.. ووفيت بوعدي ودبا جيت نشوف حبيبتي لي توحشتها
رنيم: (كترمش عويناتها) هااا
اوستن: (شد دقنها وهز راسها) شحال كتحمقيني
رنيم: (دفعاتو) خرج من بيتي ومتعاوديش تقيسني.. اش هاد الجرأة لي فيك... انا ماشي بحال البنات لي كتعرف وممنوع تقيسني.. ااااخر مرة سمعتيني
اوستن: اوكي اوكي صافي تهدني هانا خارج.... خرج وهو كيضحك.. عاجبو الحال حيت كيوترها
كارمن: كيبقيتي
رنيم: مزيان هدرت مع باباها
كارمن: وشنو قاليك
رنيم: وافق
كارمن: لا متقوليهاش
رنيم: هههههه وييي
كارمن: واااو دبا انا غنولي صاحبة المغنية رنيم
رنيم: هههههه متزيديش فيه
كارمن: (باستها) فرحتلييييك
رنيم: ميرسيي
كارمن: ياله اجي تغذاي راني جبت معايا البيتزا
رنيم: اوكي.... خرجو لقاو اوستن جالس فالطبلة كيتسناهم
اوستن: اجيو تغذاو راه فيا الجوع
كارمن: هاحنا جايين مالك زربان... جلسو بداو كياكلو.. قول لرنيم مبروك
اوستن: علاش
كارمن: قريب غادي تولي مغنية
اوستن: (هز حاجب) كيفاش
كارمن: المنتج ستيف عرض على رنيم يديرليها اغنية وقريب غادي تسمعها... دار شاف فيها كانت كتاكل وكتشوف فيه بنص عين... ناض وجرها من يديها... دخلها للبيت وسد بالساروت
رنيم: اش كدير.. طلقني وخليني نخرج
اوستن: كيفاش غادي تولي مغنية واش تسطيتي
رنيم: بعد مني وماشي سوقك فيا
اوستن: (ضرب يديه مع الحيط) لا سوقي فيييك انا حبييبك ومديري الحاجة حتى تشاوريني
رنيم: شفتك متيق راسك.. كيفاش حبيبي واش حمق
اوستن: (شد يديها حطها على قلبو) هذا سكنتي فييه.. سمعتيني يعني نتي حبيبتي بغيتي ولا كرهتي... وانا مموافقش على هادشي لي باغا ديري
رنيم: اخر حاجة نفكر نديرها هي نبغي واحد بحالك.. متنساش بلي انا مسلمة يعني من الناس لي كتكره
اوستن: شكون قاليك كنكرهك... سمعيني الغنا ممنووووع واش فهمتي
رنيم: (دفعاتو) بانليا كليتي شي حاجة ماشي تالهيه... دارت بغات تحل الباب وهو يرجعها.. دفعها على الحيط حتى تقصحات وسدات عينيها
رنيم: ايي
اوستن: سمحيلي مقصدتش... هزات ركبتها ضرباتو لحجرو حتى تلوا ورجع حمر
رنيم: سمحلي مقصدتش... خرجات وخلاتو جالس فالارض.. رجعات كتاكل

كارمن: مالكم.. شنو بيناتكم
رنيم: سولي خوك انا مالي
كارمن: ههههه احيااانة عليك.. حتى نتي راك بخبيزتك
رنيم: اش درت.. ياك كنت كناكل حتى نوضني
كارمن: مممم اوكي... شافت خوها جاي وجهو حمر... اوستن مالك
اوستن: (خنزر فرنيم) والو... رنيم حدرات راسها كتاكل وحابسة الضحكة... ناض للكوزينة وهو كيسوط هز كيس ثلج وحطو على ديالو... جلس فوق الكرسي ناشر رجليه وحاط الكيس من فوقو.. كيبرد على راسو الدقة... حس براسو مزيان وهو يرجع... شافت كارمن فسروالو كان فازك
كارمن: اووستن
اوستن: شنو
كارمن: ممم مال سروالك... طلعات رنيم راسها وهي تشوفو فازك مقدراتش تشد ضحكتها وهي طرطق بالضحك
رنيم: هههههههههههه... معجبوش الحال وهو يخرج وزدح الباب حتى نقزو... نااري خوك قاصح
كارمن: زعما نتي ساهلة.. مي مزيان منين تلاقيتو
رنيم: كيفاش
كارمن: راني عارفة بلي اعتارفليك بحبو ونتي دافعة عليه كبير
رنيم: انا مدافعا كبير على حد.. مي انا مكنبغي حد وخططي المستقبلية لاغية فيها انه يكون شي حد فحياتي
كارمن: هههه هاحنا غنشوفو مي كوني اكيدة انك قريب ترجعي اونكوبل مع خويا انااا لي عارفا خويا كيداير
رنيم: (بتحدي) هاحنا غنشوفو..... جمعو داكشي ولبسو حوايجهم وهما يمشيو للجامعة..... كانو كيقراو حتى دخل اوستن
الاستاذ: نخليكم دبا مع اوستن
رنيم: اناري هدا اش جا يدير هنا
كارمن: وشكون عرف
اوستن: (شاف فرنيم وبابتسامة ساحرة) هاي اليوم غادي نكمل ليكم الحصة هادشي الى قبلتو
.....: (كتحلون) اكييد غادي نقبلو وحنا فرحانين
رنيم: (عوجات فمها) شوفليك البنت كيف كتعوج عليه
كارمن: ههههه وي شفتها
رنيم: ناري غنوض نتفها فقصاتني
كارمن: واش غرتي
رنيم: اشمن غرت حتى نتي.. مي مكنحملش شي حد يبقا يتعوج هكاك كنتعصب.... اوستن كان حاضي رنيم كيفاش مخسرة كمارتها جابتلو الضحكة
اوستن: شنو سميتك ا انسة
....: ليزا
اوستن: تقدري تتفضلي لهنا
ليزا: (بفرحة) وي..... مشات لعندو وسلمات عليه بلابيز.... رنيم خنزرات وهزات كتوباتها وخرجات........ دخلات لبيتها ولاحت صاكها فوق الناموسية
رنيم: واش دبا هاد الجامعة رجعات للبوسان ايوا هااا البسالة عوتاني... وحتى هو عاجبو الحال وكيبوس..... وانا مالي يدبر راسو.. افففف.... بدلات حوايجها ومشات جلسات فوق الفوتوي كتخربق فتيلفونها
....: هاو هاو...... دارت بالعرض البطيء غير شافت كانيش وهي تعلق فالفوتوي
رنيم: ومامااااااا.... تحل الباب ديال الدار وهوما يسمعو شي حاجة طاحت... دخلو لقاو رنيم تقلبات هي والفوتوي والكلب كينبح حداها وهي مكمشة... طارت كارمن هزاتو وبعداتو عليها ومشا اوستن هزها

اوستن: (كيقلب فيها) فين مقسحة
رنيم: (ضرباتو ليديه) علاش جبتيه بغيتي تخلعني ياك
اوستن: لا ماشي هكاك.. غير مالقيت فين نخليه ومنقدرش نخليه فالدار بوحدو.. متخافيش منو راه مكيعضش
رنيم: (دلات شفايفها) لا انا كنخاف منهم بعدو عليا.... شافتو كيشوف فشفايفها وهي تغطيهم بيديها... اهيا فين كتشوف جمع عينيك
اوستن: ههههههه اوكي.. اجي علاش خرجتي معجبكش الحال نقريك ولا شنو
رنيم: ماشي هكاك غير عييت وصافي
اوستن: ممم واخة... وقفو بجوج وقادو الفوتوي.. بغات تمشي وهو يشدها من يديها
رنيم: شنو
اوستن: اجي نجلسو بغيت نهضر معاك
رنيم: اوكي... جلسو فوق الفوتوي
اوستن: واش مصرة أنك تغني
رنيم: اه وخديت رأي بابا وقبل دونك مكاين حتى حد يقدر يمنعني
اوستن: يعني دبا كتقوليلي هضرتي زايدة ناقصة عندك
رنيم: وي بالضبط
اوستن: (حط يديه على راسو) باينة غادي تقتليني نتي قبل الوقت
رنيم: (حابسة الضحكة) علاش
اوستن: حيت راسك قاصح ومكتسمعيش الهضرة
رنيم: هضرة من بالسلامة بغيتيني نسمع
اوستن: هضرتي انا مالي معجبتكش
رنيم: علاش شنو بيناتنا باش نسمع هضرتك
اوستن: نتي راك حبيبتي
رنيم: ممم عليها سلمتي على هاديك بلابيز
اوستن: (طرطق عينيه) واش غرتي
رنيم: احم اشمن غرت.. خليني عليك.... جات تنوض وهو يرجعها
اوستن: رنييم خلينا نهضرو بجدية شوية
رنيم: وي شنو بغيتي
اوستن: واش مبغيتينش حيت انا ماشي مسلم ولا شنو.. شرحيلي
رنيم: مسلم ولا ماشي مسلم سوقك هداك.. مي انا مباغية نتعرف على حد ولا نبغي شي حد... باغة نبقا هكا ديال راسي
اوستن: هاد القرار ماشي ديالك.. حيت نتي ديالي كثر من 5سنين.. يعني هادي غير مسحيها من راسك... بقا إشكال واحد واش نتي كتبادليني نفس الشعور
رنيم: لا
اوستن: متاكدة
رنيم: اه
اوستن: وخااا... شد يديها بجوج وقرب ليها وعينيه فعينيها.. قلبها كيضرب وهي كتشوف فيه مقربليها مي مقدات دير والو.... اوستن كان كيبتاسم بخبث.. حتى قربليها ورجع بيناتهم بضع سنتمترات وهو يبعد
اوستن: هههههههه لا باينة بلي مكتبغينيش.... ناض وخلاها مزال جالسة مصدومة... فاش وعات على راسها شبعات تصرفيق فحناكها

دازت الايام واوستن مكيهضرش مع رنيم... معمدها وهادشي شغل بالها.. وصل السبت فاقت كتكسل توضات وصلات صلاتها.. خرجات كتوجد الفطور حتى دخلات كارمن كتحك فعينيها
رنيم: سيري لبسي حوايجك على مانوجد الفطور باش نمشيو
كارمن: (جلسات فوق الكرسي) مافيا لي يمشي عيانة
رنيم: اويلي نمشي بوحدي
كارمن: لا راني هضرت مع اوستن غادي يوصلك
رنيم: ممم اوكي
كارمن: (باستغراب) شفتك ماتعصبتي ماتقلقتي
رنيم: علاش
كارمن: ياك نتي مكتحمليهش
رنيم: علاش اش دارلي
كارمن: (ناضت) نتوما غادي دوخوني... خرجات وخلات رنيم كضحك عليها.. وجدات الفطور وبدات كتحط.. شمات الريحة لي كتحمقها وهي دور بالزربة لقاتو جالس كيشوف فيها... حطات داكشي لي بقا وجلسات... كيفطرو وكيشوفو فبعضياتهم
اوستن: فوقاش خاصك تلقاي هداك
رنيم: مع ل1
اوستن: اوكي.... كملو الفطور وناضت جمعات صاكها وحطات فيه بيجامة وهي تخرج... مشينا
رنيم: ويي.... ركبو بجوج فالطموبيل وديمارا... كان الصمت سيد الموقف.. شاف فيها اوستن لقاها شادة تيليفونها.. مد يديه حيدولها
اوستن: ممم اش كتشوفي
رنيم: عطيني تيليفوني بلا بسالة
اوستن: (لقاها كتفرج ففيديوهاتها) ههههه صدقتي حمقة.. سحابلي راك بعقلك
رنيم: (حيداتلو تيليفون) متبقاش تمد يدك للحاجة لي ماشي ديالك
اوستن: اوكي مي سدي التيليفون بغيت نهضرو راني مليت
رنيم: (بابتسامة) اوكي
اوستن: كنظن مزال معرفتك على راسي مزيان
رنيم: (بحماس) مزال
اوستن: اوكي... المهم انا عندي 28 عام كيف كتشوفي انا بوكوص وعندي اللحية.. غمزها وهي غرقات فحوايجها... ههههه مكنحملش الكدوب او نقدرو نقولو كنكره الكدوب.. يعني الى شي نهار كدبتي عليا منعقلش عليك
رنيم: (فخاطرها) نااري شحال عاجبو راسو هاد المصيبة
اوستن: كنحماق على شي حاجة سميتها ركوب الامواج
رنيم: (باعجاب) كدير الركمجة
اوستن: اه و لباراشيط (parachute) حتى هي... كنقضي وقت فراغي فقراءة الكتب او نلعب مع كانيش ديالي لي نتي كتخافي منو هههههه
رنيم: ههههه اوكي متشرفين
اوستن: ومزال غادي تعرفي عليا كثر مع الوقت
رنيم: (بابتسامة) اوكي
اوستن: دبا دورك
رنيم: نسيتي واحد الحاجة
اوستن: شناهيا
رنيم: شحال من مرة درتي علاقة
اوستن: الصراحة معقلتش... بزااااف
رنيم: (عوجات فمها) ممم اوكي

رنيم: انا عندي 24 عام وكيف كتشوف زوينة وفنة
اوستن: هههههههههههه
رنيم: ههههه كنقضي وقت فراغي فقراءة الكتب او الجلوس على السور
اوستن: ااا بعدا مخاصكش تبقاي تجلسي تما شي نهار طيحي
رنيم: نو معندي مايوقعلي
اوستن: ممم وبالنسبة لعلاقتك شحال من مرة
رنيم: معقلتش
اوستن: (غوبش) كيفاش زعما بزاف
رنيم: ههههه نو زعما زيرو
اوستن: كيفاش
رنيم: معمري مدرت علاقة
اوستن: (فرح) مزيااان هكاك نبغيك
رنيم: ههههه..... مزال موصلنا
اوستن: شوية ونوصلو مبقاش بزاف
رنيم: اوكي.... بعد دقائق وصلو قدام شركة الانتاج.. نزلو بجوج.. استقبلاتهم السكرتيرة ودخلاتهم عند المنتج ستيف
ستيف: (وقف) اهلا انسة رنيم
رنيم: (بابتسامة) سلام.. تسالمو وجلسو
ستيف: فرحان حيت واخيرا قبلتي
رنيم: وي حتى انا
ستيف: هاهو العقد قرايه
رنيم: اوكي.... شداتو بدات كتقراه واوستن كيشوف فيها... شدات ستيلو بغات تسني وهو يحدليها الورقة وشدها كيقراها
اوستن: اش هاد الشروط حاط
ستيف: ك كيفاش
اوستن: نتوما لي غادي تحكمو فالحفلات لي غادير وفاي وقت بغيتوها خاصها تخدم.. متنساش بلي هي كتقرا وعندها اشياء اهم من الغنا... الغنا راه غير حاجة جانبية وصافي.. وبالنسبة للحفلات لي غدير كنظن من الاحسن تخليوها هي تقرر فهادشي.. نتوما لي عليكم هما الاغاني لي غادي تخرج
ستيف: (حل الكرافطة) مي هادو هما الشروط لي كنحطو مع اي مغني
اوستن: دونك حنا مموافقينش
ستيف: كنظن القرار كيرجع لانسة رنيم.. اش قلتي ا انسة
رنيم: (شافت فاوستن) كنظن اوستن قاليك كلشي الى بغيتي اوكي مبغيتيش بسلامة
اوستن: (عجبو الحال) ياله بااي.. ناضو وهو يحبسهم
ستيف: اوكي اوكي جلسو نتناقشو
اوستن: ونزيدك حاجة اخرى من الاحسن الاستوديو فين غتسجل يكون فمدينتها فين ساكنة.. مع القراية مغاديش تسالي كل مرة تجي لهنا... وكنظن شركة كبيرة بحالكم ضروري يكون عندها استوديوهات فمدن مختلفة
ستيف: احم اوكي.. تفضلو وغادي نتافقو..... طال الحديث وفاللخر خرجو بداكشي لي بغا اوستن.. ورنيم كانت فرحانة وهي كتشوفو كيفاش كيهضر معاه حسات بلي كاين شي حد فظهرها فهاد البلاد الغريبة... خرجو وركبو طموبيل وهو يديماري
اوستن: كنظن نمشيو نتغذاو غيكون فيك الجوع
رنيم: وي.. اوستن
اوستن: شنو
رنيم: شكرا
اوستن: (خربقليها شعرها) نتي حبيبتي وضروري نشوف امورك واش هي هاديك.. وندير الحاجة لي تريحك....... رنيم غير سمعات هضرتو وهي تبتاسم

دخلو للريسطو جلسو وجا السرباي حطليهم الموني ومشا
اوستن: شنو تاخذي
رنيم: (كتقرا فالموني) هانا كنشوف
اوستن: المهم متاخذيش لي فيهم اللحم راه تقريبا كلهم لحم الخنزير
رنيم: (هزات راسها شافت فيه وعاودات نزلاتو) واخة... خدات دي سلاد مع عصير..... تغذاو وهما كيهضرو فمواضيع مختالفة حتى كملو.. خلص اوستن وخرجو
رنيم: غادي نرجعو دبا؟
اوستن: لا عييت نمشيو للدار حتى الغذا ونشدو الطريق
رنيم: اوكي.... شدو الطريق بعد دقائق وصلو للفيلا ديال والديه.. غير نزلو من الطموبيل وهو يجي كلب كبير كيجري.. تحشات رنيم فاوستن من اللور وهي شادة فحوايجو
اوستن: متخافيش راه مغايديرلك والو
رنيم: لا بعدو عفاك
اوستن: اوكي غير تهدني.. انا معاك معندك مناش تخافي..... جا الجاردينيي داه وجبد اوستن رنيم من موراه
اوستن: ناري شحال خوافة.. ياله زيدي
رنيم: اوكي... دخلو للدار وهي تعرضليهم الخدامة
الخدامة: سلام موسيو اوستن
اوستن: هاي كاينة ماما
الخدامة: لا مدام سيلين وموسيو سيباستيان مسافرين
اوستن: ااه اوكي.. حنا طالعين نرتاحو حتى للعشا
الخدامة: اوكي... طلعو ورنيم تابعاه وفكرة تديها وفكرة تجيبها.. وقف قدام واحد البيت ودار شاف فيها
اوستن: ها البيت فين ترتاحي
رنيم: اوكي... دخلات جات تسد الباب وهو يحبسو ودخل.. ش..شنو بغيتي
اوستن: جيت نعس حتى انا نرتاح
رنيم: ك..كيفاش... اش كتخربق خرج سير لبيتك
اوستن: خليني نرتاح حداك... ياله اجي نعسو..... مشا تلاح فوق الناموسية وبقات هي واقفة كتشوف فيه... حتى عيات وهي تمشي تخرج غير وصلات للباب وهي تحس بشي حد جبدها حتى تضرب ظهرها مع صدرو وتحشات فيه
رنيم: (بعدات بالزربة) ا..ا.. اش كدير واش تسطيتي
اوستن: انا غير بغيت نجربك وصافي.. هاهي البيت ارتااحي الالة انا غادي..... حيدات من الطريق حل الباب وهو يدور لعندها
اوستن: رنيم
رنيم: وي
اوستن: نتمنا فهاد الراحة لي غترتاحيها دبا تفكري ولا من الاحسن خلي قلبك يقرر... نتمنا نلقا رد ايجابي فاقرب وقت
رنيم: الصمت
اوستن: اي لوف يو.... غير خرج وهي تجلس فالارض وشدات راسها.. تلفات وتخربقات.. عقلها كيقول حاجة وقلبها حاحة اخرى...... ناضت لبسات بيجامتها وجلسات فالبالكون كتفكر

بقات رنيم جالسة مدة عقلها كيدي ويجيب حتى ناضت بدلات حوايجها وهزات صاكها وهي تنزل.... خرجات وشدات طاكسي نيشان للمحطة.. ركبات فالطران وجلسات كتبكي... بدون تردد هزات تيليفونها وعيطات لسفيان
سفيان: نااري وشكون تفكرني
رنيم: انا كنبغي واحد هئ هئ
سفيان: رنييم مالك.. علاش كتبكي
رنيم: قلتليك انا كنبغي واحد هئ هئ
سفيان: ههههه وهادشي يخليك تبكي الحمقة
رنيم: نتا مفاهم واالو
سفيان: دبا تهدني وشرحيلي باش نفهمك
رنيم: عرفتي اوستن خو كارمن
سفيان: مالو
رنيم: واهو لي كنبغي هئ هئ
سفيان: دبا مفهمتش علاش كتبكي.. واش دارليك شي حاجة.. تهجم عليك شنو دار شرحيلي
رنيم: لا مدار وااالو بالعكس محتاارمني
سفيان: وشناهو المشكل
رنيم: هو ملحد هئ هئ.. واش انا غادي نرتابط بملحد... واصلا انا هادشي جديد عليا تلفت ومعرفت مندير هئ هئ
سفيان: اوكي تهدني دبا... وي انا فاهمك اول مرة تجربي هاد الشعور... بغيتك تعرفي بلي ماشي حرام يكون عندنا شعور او حب كيف كنسميوه هادي اولا.. مي الى كنا عارفين كيفاش نسيرو هاد العلاقة... قلتيلي بلي هو ملحد اوكي انا فاهمك مزيااان... مي متنسايش بلي الحب او قلبنا مكيعرفش هدا مسلم ولا ملحد.. تقدري نتي تغيري نظرتو ويسلم.. اقدر ربي صيفطك ليه باش يسلم.. هادشي كامل حطيه بعين الاعتبار مدام مغاديرو حتى حاجة خايبة.. علاقة مأطرينها بالاحترام كنظن مكاينش مشكل
رنيم: (مسحات دموعها) معرفتش تلفت
سفيان: رنييم هادشي عاادي... طوال هاد المدة كبحتي مشاعرك تجاه الجنس الاخر ودبا فاش فقدتي السيطرة عليهم تلفتي ودخلتي فحالة من الرعب.. معندك مناش تخافي.. شفتي علاقتي انا وياك راه بحالها غتكون بينك وبينو غير غادي تزيدو كليمات دالحب وصافي ههههه
رنيم: مي انا خايفة
سفيان: معندك مناش تخافي... خلي الامور تمشي كيفما هي وقلتليك الى كان كيبغيك حتى هو.. تقدرو تهضرو ويقدر يسلم.. عارف بلي صعيب تكوني علاقة مع ملحد.. مي جربي راه الى سلم غادي تاخذي اجر كبير
رنيم: (بابتسامة) وخا شكرا... دلات شفايفها.. وبابا
سفيان: مال باباك
رنيم: الى عرف ايتقلق
سفيان: وشكون غيقولهالو
رنيم: انا
سفيان: اناري معامن انا... رنيم نتي غير مضطرة انك تقولي كلشي لوالديك.. خاصك بعد المرات نتي تقرري وتواجهي مشاكلك بوحدك... غير كيفما قلتليك علاقة محترمة وراك فهمتيني اش كنقصد
رنيم: ويي فاهماك وحتى انا مغندير والو متخافش
سفيان: الله يرضي عليك.. ياله باااي
رنيم: بااي... قطعات معاه ورجعات راسها اللور وتكات حتى سمعات الصونيط كانت كارمن لي كتصوني
كارمن: الو فيينك من قبيلة وانا كنصوني
رنيم: هانا مالك شنو واقع
كارمن: فينك نتي وخليتي اوستن غيحماق بالتقلاب عليك
رنيم: (دلات شفايفها) انا فالطران راجعة للدار
كارمن: ومالك ماقلتيهالو خليتيه غيحماق
رنيم: وصافي اكارمن متزيديش عليا حتى نتي
كارمن: الله يعطيك شي عقل.. حتى تلقايه وتفاهمي معاه

وصلات للدار دخلات نيشان لبيتها تلاحت فوق الناموسية كتفكر... وخا هضرات مع سفيان مزال تالفة... بقات هكاك حتى قفزات فاش تحل الباب.. كان اوستن لي حلو وهو معصب ومفقوص
اوستن: اش ها... سكت فاش عينيها حومر ومنفوخين... رنيم مالك... جلس حداها فالناموسية وهو كيحاول يعرف مالها
رنيم: (مسحات دموعها) والو
اوستن: ميمكنش.. ياله قوليلي شنو واقع.. ويلا كنت قادر نساعدك راه مغاديش نبخل عليك
رنيم: انا منقدرش نرتابط بيك هئ هئ
اوستن: ششش صافي متبكيش.. انا عارف بلي ضغطت عليك وكنعتادر.. كنواعدك معمري نعاود نجبد هاد الموضوع.. غير ارتاحي مع راسك ياله بونوي.... جا ينوض وهي تشدو من يدو
رنيم: مي انا كنبغيك
اوستن: (بصدمة) ك..كيفاش
رنيم: اي لوف يو
《 ‏رغبتي فيك كانت حقيقية جدًا... لم أكن عندها تحت تأثير أغنية أو نظرة احتياج عاطفي أو ما شابه... كنت أدرك وأعي بأني أريدك بطريقة أعمق ممّا أظن و تظن》
اوستن: دبا بشوية عليا باش نفهم.. ياك كنتي كتبكي حيت مباغاش ترتابطي معايا
رنيم: لا ماشي هكاك... انا كنبغيك مي نتا كتبقا ماشي مسلم.. واصلا هاد الامور جديدة عليا
اوستن: اوكي تهدني وغير بشوية عليك... انا مطالب منك والو... وبراكة عليا غير حيت كتبغيني
رنيم: (حطات راسها على رجليها) اففف تلفت
اوستن: (هز راسها وهو كيشوف فعينيها) اي لوف يو
رنيم: (بعد صمت) اي لوف يو توو.... ابتاسم اوستن وبدا كيقربليها وعينيه فعينيها... قلبها كيضرب وخايفة من داكشي لي غيوقع.. سد عينيه وجا يحط شفايفو على شفايفها وهي دفعو
اوستن: (غوبش) مالك
رنيم: هادشي لي بغيتي دير عندنا حرام... متعاودش تقربلي
اوستن: (تنهد) اوكي لي بغيتي.. اجي تعشاي
رنيم: لا مفياش
اوستن: نوضي تاكلي اشمن مفياش... ناض وجرها من يديها خرجو لقاو كارمن كتحط العشا
كارمن: رنيم واش كنتي كتبكي... ماالك ياكما درتليها شي حاجة
اوستن: (بابتسامة) انا ورنيم اونكوبل
رنيم: (شافت فيه) ياك قلتليك مبغيتش نرتابط بيك
اوستن: ههههه وااخة الالة ياله اجي تعشاي.... جلسو تعشاو وكل واحد مشا لبيتو... دخلات رنيم تكات بلاصتها وكتفكر.. سمعات الباب تحل وهي دور.. غير شافتو وهي تجلس
رنيم: شنو بغيتي
اوستن: جيت لعندك وصافي
رنيم: ها علاش مبغيتش نرتابط بيك
اوستن: هههههه نتي على سبة.. هاكي تيليفوني سجليلي نمرتك..... خداتو من عندو قيدات نمرتها ورجعاتهالو

يوم جديد فاقت رنيم توضات وصلات صلاتها... هزات ورقة كانت كاتبة فيها شي حاجات ومشات عند اوستن... كان ياله فاق ولابس غير شورط.. حدرات راسها وبغات تخرج وهو يشدها
اوستن: (بابتسامة) صباح الخير حبيبتي
رنيم: (حادرة راسها) صباح الخير
اوستن: (هزليها راسها) كتحشمي مني هههه
رنيم: (هربات عينيها) لا ماشي هكاك
اوستن: بغيتي شي حاجة
رنيم: حتى تلبس ونهدرو
اوستن: هههههه اوكي تسناي... مشا لبس وهي حادرة راسها حتى كمل وجا جبدها جلسو فوق الناموسية... ياله هانا كنسمعك
رنيم: بغيتنا نرتابطو ياك
اوستن: حنا اصلا مرتابطين هههه
رنيم: اوكي دونك انا عندي شروط وخاصك تقبل بيهم
اوستن: شناهما
رنيم: اول حاجة ممنوع تقيسني
اوستن: مفهمتش
رنيم: ممنوع تشدلي يدي ولا تعنقني
اوستن: مممم اوكي مي نقدر نبوسك
رنيم: اناري... اكيد لا البوسان ممنوع بلا ماتفكر فيه نهائيا
اوستن: بوسة غير فالحنك
رنيم: وحتى هي لا
اوستن: ايوا اش غندير بيك.. الى نتصاحبو ومنديروش هادشي
رنيم: (عوجات فمها) بنتي على حقيقتك من اللول... ياله الله يعاونك والعلاقة تسالات قبل ماتبدا
اوستن: اجي لهنا مالك زربانة.. جلسها.. انا قااابل الالة حيت كنبغيك معندي مندير بداكشي وعندي زايد ناقص
رنيم: مممم باينة شبعتي داكشي
اوستن: ههههههه تصدقيني الى قلتليك لا
رنيم: مممم تيقتك
اوستن: سمعي انا فاش قلتليك معاقلش على شحال دالبنات.. حيت اولا هما لي كيطلبو مني نكونو اونكوبل.. وكنت كنديرليهم غير خاطرهم وصافي... مرة وحدة فين انا لي طلبت من بنت نكونو اونكوبل كانت كتقرا معايا فالليسي ودرنا علاقة متكاملة وفقدت عذريتي فديك الوقيتة... ومن تما مدرت علاقة
رنيم: (معجبهاش الحال) مزيان وفين هي هاد حبيبتك
اوستن: وشكون عرف.. انا كنبغيك غير نتي دبا ومكيهمني حد.. شد يديها باسها.. متغيريش من شي حاجة فاتت اوكي
رنيم: (ضرباتو لراسو) متعاودش تقيسني اش قلتليك
اوستن: ههههه صافي راه غير نسيت
رنيم: (مداتلو ورقة وستيلو) هاك سني... شدها وقرا داكشي كانو شروطها لي قالتلو
اوستن: ههههه لهاد الدرجة
رنيم: ايييه ياله سني
اوستن: ههههه واخة الالة... سناليها الورقة وهي تاخذها
رنيم: ياله باي.... خرجات وخلاتو كيضحك عليها

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.