مرت شهور وعلاقة رنيم بطارق توطدات وعاوداتلو على اوستن... اما محاولاتو مع تسنيم باش يخرج معاها ولا غير يتجمع معاها كلها فشلات... هاد النهار جا وهو مصمم غادي يهدرو.. داز نيشان لطموبيلتها فشليها الروايض وهو يرجع لطموبيلتو... خرجات تسنيم ركبات طوبيلتها مي تفقصات فاش عرفات الروايض مفشوشين.. ملقات مدير وخرجات بغات تشد طاكسي.. وقف عليها طارق
طارق: اهلا تسنيم
تسنيم: سلام
طارق: اش كديري هنا
تسنيم: كنتسنا شي طاكسي
طارق: ياله انا نوصلك
تسنيم: لا ب...
طارق: (قاطعها) ياله زيدي... طلعات تسنيم دارت السمطا وهو يكسيري.... احم كيغادة مع القراية
تسنيم: مزيان حمد لله هاد الساعة
طارق: الحمد لله... نمشيو نشربو شي كافي
تسنيم: لا خاصني نرجع للدار بكري
طارق: اوا صافي نشربوها تما
تسنيم: (افف ولصقة هدا عوتاتي) اوك..... بعد دقائق توقفو قدام الدار.. دخلو ومشات هي نيشان للكوزينة كتوجد القهوة... تبعها طارق لقاها كتوجدها وهو يبتاسم
طارق: (جلس فالطبلة لي كاينة فالكوزينة) تسنيم
تسنيم: (دارت) وي
طارق: ممكن نسولك
تسنيم: (حطاتلو القهوة وجلسات) وي تفضل
طارق: واش دايرة شي علاقة مع شي حد
تسنيم: كنظن نوع علاقاتنا ميسمحليكش تطرح عليا بحال هاد السؤال
رنيم: انا مبغاكش ترجع بحال دوك الحشايشية والمدمنين... وباينة ياله بديتي وغادي نديرو جهدنا نتخلصو من هادشي.. ياك اخويا
شادي: (وقف) لا وماشي شغلك
رنيم: (جلساتو) شغلي هدا اشادي شغلي... انا السباب اصلا اناا لي كنعطيك فالفلوس بلا مانعرف اش كدير بيهم هئ هئ
شادي: (كيشوف فيها) الصمت
رنيم: الى والدينا عرفو غادي يمشيو فيها... فكر غير فيهم واش عمرهوم خسروليك خاطرك... ياك من ديما لي بغيتيها كيديروهاليك واش بهادشي غادي تجازيهم.. شادي خويا عفاك بعد على هادشي.. نتا ولد نقي وخاصك تبقا هكا
شادي: منقدرش منقدرش
رنيم: لا لا غادي تقدر... غادي نتعاونو انا وياك اوك
شادي: اوك..... ناضت قلبات البيت ديالو كلها حتى ملقات والو وهي ترجع لعندو.. داتو لبيتو
رنيم: ارتاح دبا اوك
شادي؛ واخة.... خرجات من عندو ومشات للصالون كتبكي
طارق: رنيم مالك راني مفهمت والو
رنيم: شادي لقيتو كيشم الكوكايين
طارق: (بصدمة) كيفاش
رنيم: اه حتى انا تصدمت
طارق: خاصنا نديوه للمصحة فاقرب وقت
رنيم: لا غادي نحاول معاه غير هنا... نتا عارف بلي الصحافة ديما تابعاني الى مشاو عرفو حالة شادي غادي ينشروها فكاع البلايص ومبغيتش يعرف بابا
طارق: (تنهد) واخة لي بانليك.... دخلات تسنيم للدار
تسنيم: سلام.. انتابهات لختها كتبكي... رنييم مالك
رنيم: شادي لقيتو كيتعاطا الكوكايين
تسنيم: (تصدمات) اويلي
داز داك النهار عادي ورنيم قلبات كاع القنات لاتكون فيهم شي حاجة... ملقات والو وفاش بغات تنعس سدات الباب بالساروت من بعد ماهزاتلو سوارتو خداتهم... يوم جديد فاقت رنيم وجدات الفطور.. جات تسنيم بدات كتفطر ورنيم مشات عند شادي
رنيم: صباح الخير
شادي: (بتوتر) صباح الخير
رنيم: ياله اجي تفطر
شادي: لا انا مقديتش.. غادي نخرج دبا مبانوليكش سوارتي عييت منقلب عليهم
رنيم: لا مبانوليش.. واليوم الاحد فين باغي تمشي
شادي: غير ندور شوية وصافي
رنيم: لا الخروج ممنوع هاد الفترة.. وحتى من الجامعة مغاديش تمشي ليها حتى تبرا
شادي: (شدها من يدها وزير عليها) انا ممريضش باش نبقا فالدار.. ونتي ماشي سوقك فيا ومغاديش تحبسيني
رنيم: (صرفقاتو) انا ختك الكبيرة وخاصك تحتارمني... ياله طلق من يدي.... دفعها وخرج مشا للباب لقاه مسدود
شادي: (دفعها) مالي دبا انا راني بيخير.. نتوما لي باغيين تمرضوني....... رنيم مشات حلات الباب فاش وصلها ميساج من طارق بلي هو لي فالباب... حلات الباب ياله شادي جبدها وبغا يخرج حتى عطاه طارق بونية للوجه وطاح للارض... سدو الباب
طارق: شوفي راه ضروري يمشي للمصحة ولا غادي يقتلكم
رنيم: (شادة فعنقها) عندك الحق
طارق: انا غادي نهضر مع واحد الصديق خدام فمصحة للمدنين باش يبقا الامر سري ومتعرفش الصحافة
رنيم: واخة..... تعاونو خرجو شادي وهو شبه سخفان حيت الدقة جانو فالنيف... جلسات حداه رنيم وتسنيم جلسات القدام...... بعد عدة دقائق توقفو قدام المصحة.... دازو الاجراءات وشدوه.. جلسات حداه رنيم
رنيم: سمحلي اخويا مي احسن حل هو هدا
شادي: انا معمري غادي نسامحك.. انا كنكرهك سمعتيني كنكرهك... تسنيم كانت برا كتسناهم وكتبكي على خوها حتى حسات بشي حد عنقها... دفعاتو وهي تلقا طارق
طارق: متخافيش.. خوك غادي يبرا فاسرع وقت ويرجع ليكم
تسنيم: ان شاء الله.. هئ هئ..... مد يديه وعنقها وحتى هي بقات متكية على صدرو كتبكي حتى جات ختها وهما يمشيو
دازت ايام كحلة على رنيم وتسنيم.. طارق كان واقف معاهم لقاو فيه السند فهاد الغربة.. كارمن فاش عرفات تصدمات وجات لعند رنيم واساتها
كارمن: شوفي كيف رجعتي.. براكة عليك من البكا
رنيم: انا السباب هئ هئ.. انا لي كنعطيه الفلوس بلا مانسول اش كيدير بيهم
كارمن: صافي داكشي وقع وماعندك مديري.. هاهو دبا فالمصحة ان شاء الله يرجع بيخير وحسن من اللول
رنيم: ان شاء الله
#فلاش_باك
ماركوس: شد اصاحبي شرب
شادي: لا مكنشربش
جاك: هههههه نو وااي.. مالك اصاحبي واش مزال صغير
شادي: (شد من عندو الكاس) انا ماشي صغير.... هبط على الكاس دقة وحدة
ماركوس: اوووه.... بقاو هكا الليلة كاملة ومعاقش براسو حتى عطاوه يشم... كانو هما لي وصلوه للدار ديك الليلة ومع رنيم كانت عندها حفلة وتسنيم مشات معاها سو لقا حريتو.... يوم جديد فاق دايخ وراسو كيزدح دخل دوش وعيط لصحابو دارو يتلقاو فكافي
جاك: افيين البارح دازت السهرة واعرة
شادي: شنو وقع راه مابقيت عاقل على حتى حاجة
ماركوس: المهم راك نشطتيي
شادي: عرفتو راسي غيطير بالحريق
جاك: (جبد الغبرة) شد شمليك سطر ومغيبقاش الحريق
شادي: اش هادشي واش تسطيتو
ماركوس: امالك اصاحبي.. شد راك غادي طييير كون متأكد.... بالفعل هادشي لي وقع وشادي من تما مابقاش قادر يستغنا عليه.. فالاول كانو كيعطيوه مي من بعد رجع كيعطيهم الفلوس وزيادة على هادشي كان كيخلص عليهم حتى هما
#الحاضر
رنيم جالسة كتسنا حتى بانليها شادي جاي وصفر... بعد عدة محاولات عاد خلاوها تلقاه.... ناضت عنقاتو
رنيم: توحشتك اخويا.. كيداير سافا
شادي: (شاف فيها) الى كنت خوك وكتبغيني خرجيني من هنا.. مبقيتش قادر نجلس هنا دقيقة عفاك اختي
رنيم: (دموعها نازلين) صبر اخويا.. هاد السم لي فذاتك خاصو يخرج
شادي: مغاديش نعاود ناخذو مي خرجيني من هنا عفاااك
رنيم: (شدات وجهو بيديها) هانتا مبقاليك واالو وتخرج.. غير نتا تبع الطبيب اش كيقوليك وميكون غير الخير.. انا ديما غنكون هنا كنتسناك
شادي: (عنقها) سمحيلي على داكشي لي درت.. انا ديتها فالدراري وضريت راسي.. سمحيلي اختي
رنيم: (كدوز يديها على ظهرو) انا مساامحاك نتا خويا الصغير.. وهادشي لي وقع بسبابي.. انا لي مكنتش داياها فيك ومخلياليك الحرية
شادي: سمحييلي
اليوم كانت رنيم عندها حفلة وكانت ديجا دايرة معاهم مقدراتش تعتاذر واخة مكان فيها لي يغني.... ركبات مع طارق لي غادي يديها وشدو الطريق...... بعد ساعات وصلات للمدينة فين عندها الحفل.. تلقاتليها مديرة اعمالها مغربية الاصل
رنيم: وي بانليا غادي يتحسن ان شاء الله راني هضرت مع الطبيب ديالو
اشراق: بالشفاء ان شاء الله
رنيم: امييين.... دخلو وبدات كتوجد راسها.. طارق كان واقف مع الناس... ظلام الحال وتشعلو الضواو.. خرجات رنيم وبدات فاداء اغانيها....... طارق كان منساجم مع غناءها حتى دار وشاف وجه مغريبش عليه..... بدا كيدفع فالناس حتى كان غادي يقرب مي اختفى داك الشخص... بقا واقف مصدوم ومفاهم والو......... تسالات الحفلة وخرجات رنيم واشراق تلقاو بطارق وركبو
رنيم: مالك بنتيلي فشكل
طارق: لا لا والو
اشراق: (تكات اللور) الله على راحة.. عييت هاد النهار
رنيم: حتى انا والله.... نعسو فالطريق وطارق سايق وهو كيفكر... بعد ساعات توقف قدام باب الدار وفيقهم
رنيم: ههههه انا فيا الموت دالنعاس تصبحو على خير... دخلات وخلاتهم كيتعاودو ويضحكو... اما طارق غير تفارق معاهم وهز تيليفونو
طارق: الو...............
#مريم
كتلعب بتيليفونها حتى بانتليها رنيم عندها حفل فمدينة كيبيك فكندا... بقات كتفكر حتى تشجعات وناضت بدات كتجمع حوايجها.... قطعات البيي من تيليفونها ومشات... بعد ساعات حطت الطائرة فكندا.. تملكها نوعا ما من الخوف مي قاومات ومشات شدات اوطيل نعسات ديك الليلة... يوم جديد فاقت مبتاسمة على غير العادة حيت غادي تشوف مغنيتها المفضلة.... شدات الطران للمدينة فين كاين الحفل..... هاهي الان فوسط حشد من الناس... شافتها داخلة وهي تبتاسم من قلبها.... بدات رنيم كتغني وهي سدات عينيها مستمتعة بصوتها.. نزلو دموعها فاش تفكرات كلشي.... دارت وهي تصدم بالشخص لي شافت.. بدات كتجري وتشوف من وراها حتى خرجات... ركبات الطاكسي وهي حاطة يديها على قلبها.... بدون تفكير شدات الطريق نيشان للمطار ورجعات لفرنسا
وصلات لدارها وهي غير كتبكي.. دخلات كدوش وكتحك فجسمها كيفما مولفة مكتحبس حتى كيرجع حمر... خرجات لبسات حوايجها وتكات فوق ناموسيتها على وضع جنين
نادية: احم البارح وقعلي مشكل مع عكوزتي وحمزة جا من جهتي.. معجبهومش الحال وقالولينا نخرجو من الدار.. راك عارفة حمزة كان خدام مع باباه مي دبا لا ومعندنا فين نمشيو
رنيم: ولد عمي حمزة ومراتو دابزو مع عائلتهم ودبا ملقاو فين يجلسو.. قلت مع راسي ومن بعد موافقتك يجيو لعندك للدار يجلسو شي يامات على مايلقاو شي دار.. ونتا ديجا كتقلب على لي يخدم معاك فالمحل.. مكاين ماحسن من حمزة
عادل: (تنهد) واخة قوليهاليه وانا كنتسناه
رنيم: واخة اباباتي... قطعات معاه ودوزات نمرة نادية.. هانتي اختي دبا غادي تنزلو عند بابا تجلسو معاه وحمزة غادي يخدم معاه فالمحل.. وان شاء الله من بعد تشوفو شي دار تما
نادية: (بفرحة) شكراا اختي هاد الخير معمري نساه.. الله يفرحك
رنيم: امييين.. ويلا احتاجيتي اي حاجة غير عيطيلي
نادية: واخة اختي.. شكرا بزااف..... قطعات معاها وحطات التيليفون.. شدات فراسها من كثرة التعب هاد الايام... ضغط الامتحانات وضغط الخدمة وزيد عليها شادي ومشاكلو مبقاتش قادرة تحمل.. وحتى من شوق اوستن زادها هم فوق همومها
دازت الايام وطارق غبر من داك النهار.. كانت رنيم خارجة من الجامعة حتى صونا تيليفونها
رنيم: (تنهدات) تسنيم عندها امتحانات اخر السنة مغتقدرش تنزل مي انا غادي نجي راني ساليت
سفيان: وداك الجن ديال شادي
رنيم: حتى نجي ونعاودليك
سفيان: شنو كاين
رنيم: هادشي ماشي ديال التيليفون.. حتى نجي ونهدرو
سفيان: واخة اختي.. المهم انا كنتسناك
رنيم: اوك.... قطعات معاه وحطات تيليفونها فالصاك وكملات طريقها........ جالسة فالطيارة مغمضة عينيها كتحاول تخوي دماغها وتفرح مع اكرام.. اشراق شادة كتاب كتقرا فيه شوية وهي تنغزها
رنيم: (حلات عينيها) شنو
اشراق: دبا نتي خليتي تسنيم بوحدها عادي حيت اصلا راها كبيرة وبعقلها مي علاش قلتي لطارق يبقى معاها
رنيم: وراه عادي.. هاداك صديق ديالي وعزيز عليا... وصيتو ميخليش تسنيم بوحدها حيت كتخاف تبات فالدار بوحدها من الاحسن يبقى معاها.. واصلا غادي يمشي عندها غير فالليل
اشراق؛ ياختي انا داك طارق مرتاحيتلوش
رنيم: شوفي خليني نعس راني عياانة.. وطارق كنتيق فيه وانا مطمأنة عليها دبا...... غمضات عينيها ورجعات نعسات...... وصلو وكان فاستقبالهم سفيان
رنيم: (عنقاتو) زيانيتي العريس
سفيان: هههههه توحشتك الخايبة
رنيم: حتى انا وبزاااف... تسالمو سفيان واشراق وشدو الطريق..... وصلهم لدارها كانت فاستقبالهم ماماها ونادية
هناء: توحشتك ابنتيي
رنيم: حتى انا اماما.... سلمات على نادية... المهم داز روتين التسلام ودخلو..... كان سفيان حداها
سفيان: (بشوية) ياله نخرجو بغيت نهدر معاك
رنيم: واخة... ماما انا غادة مع سفيان شوية ونجي.. اشراق راه دار دارك اوك.. وهاهيا ماما توريك البيت فين ترتاحي
اشراق: صافي غيير سيري
رنيم: ههههه اوك.... خرجو ركبو فالطوبيل وكسيرا
سفيان: كنسمعك.... رنيم تنهدات وعاوداتلو داكشي لي وقع معاها كامل
سفيان: (كيغوت) واش حماقيتي... هادشي كامل وقع وانا مقايلالي والو.. وداك الجن صافي كبر وخرجليها طاي طاي كاع مدرتها انا.... شافها كتبكي وهو يسكت وعنقها
رنيم: عييت اسفيان والله.. باغة نرتاح حتى انا
#كندا
كانت تسنيم فبيتها كتقرا حتى تحل عليها الباب دارت ولقات طارق
تسنيم: اش كدير هنا
طارق: راه ختك لي قالتلي نبقا معاك
تسنيم: هي قالتلك تبات غير فالليل ماشي تجي من دبا
طارق: كتجري عليا دبا
تسنيم: انا دبا كنقرا ممسالياش للهدرة
طارق: اوك ديزولي... خرج وسد الباب ومشا... اما هي رجعات كتبريباري..... ظلام الحال وهي فبيتها سمعات كرشها كتغوت بالجوع وهي تمشي للكوزينة.. دخلات وهي تصدم لقات طارق لابس غير شورط وشعرو كيقطر.. كان كيطيب العشا.. سمع الحس ودار
طارق: جاك الجوع
تسنيم: (حدرات عينيها) اه
طارق: (بابتسامة) هاهو قرب يوجد.. جلسي..... دار كيكمل شغلو وهي جلسات حاضياه... بدا كيحط وهي متبعالو العين.. حتى جلس قدامها
طارق: راه مفيد ليك.. نتي دبا مع السطريس دالقراية مبقيتيش كتاكلي بزاف وضعافيتي.. داكشي علاش جبتليك هاد الكاس ومغانمشي حتى تشربيه
تسنيم: (خسرات وجهها) مكيعجبنيش
طارق: لا غادي تشربيه ياله... مدوليها لفمها وخداتو من عندو كتشرب فيه وهي معوجة فمها.... بقا جالس حداها حتى شربات الكاس كامل وخداه من عندها
طارق: (حط الكاس وبدا كيقادليها فراشها) ياله بونوي.. نعسي وارتااحي غذا ان شاء الله عندك الامتحان مع 8 ياك
تسنيم: اه
طارق: اوك بونوي
تسنيم: بونوي... طفا الضو وخرج.. خلاها مطرطقة عينيها وغير كتشوف..... خرجات ابتسامة صغيرة من شفتيها ونعسات
يوم جديد فاقت تسنيم كتكسل دخلات للحمام دارت روتينها وخرجات.. جمعات صاكها هو اللول باش ماتنسا والو ولبسات حوايجها.. ياله حلات الباب وهي تضرب فطارق بغا يدق
طارق: جيت نفيقك سحابلي مزال ناعسة
تسنيم: (بابتسامة) صباح الخير
طارق: صباح النوور.. اجي تفطري
تسنيم: لا مكنقدرش نفطر الصباح
طارق: (جرها من يديها) لا ضروري.. الفطور هو اهم وجبة كيفاش بغيتي تركزي فامتحانك وكرشك خاوية... جلسها فوق الطبلة لي كان محطوط عليها الفطور
طارق: ياله كولي... جلسو بجوج كيفطرو حتى كملو وناضو خرجو.. انا لي غادي نوصلك وبلا اعتراض...... ركبو الطموبيل وبعد دقائق كانو قدام الجامعة
طارق: (باس يديها) بون كووغاج وركزي مزيان
تسنيم: (تزنكات) شكرا... هبطات وقلبها كيضرب وكضحك غير بوحدها حتى دخلات
#فرنسا
مريم جالسة كتوجد وراقيها باش تبدا دفع للجامعات.. روح جديدة تولدات من بعد لقاءها بشخص في فرنسا غير نظراتها السوداوية للحياة... صونا تيليفونها وهي تجاوب
مريم: (بابتسامة) الو
....: كيصبحتي هاد النهار
مريم: مزيااان ونتا
....: بيخير اوا اش كديري
مريم: هانا كنقاد وراقي باش نبدا ندفع للجامعات
....: مزياان هكاك نبغيك الزوينة.. اي احتاجيتها انا هنا اوك؟
مريم: واخة
....: ياله نخليك دبا حتى لمن بعد ونهدرو
مريم: اوك الله يعاونك... قطعات وكملات ترتيب وراقها.. ناضت وجدات غذاها.. تغذات وخرجات كتسارا... داك الخوف من مواجهة الناس مبقاش... دوزات النهار كلو وهي كتسارا حتى ظلام الحال عاد رجعات للدار
#كندا
مرت الايام وتسنيم كملات امتحاناتها كلهم.. رجعات عيانة مشات نيشان لبيتها نعسات.... تحل الباب بشوية قرب لعندها وجلس جنبها.. مد يديه كيدوزها على وجهها.. حدر لعندها وبدا فتقبيلها فقد السيطرة على راسو وتمادا اكثر.. حلات عينيها ولقات راسها هكاك تخلعات وبدات كدفع فيه
طارق: (شد يديها) اليوم غادي تولي ديالي
تسنيم: (دموعها نازلين) عفاك بعد مني هئ هئ.. متاذنيش عفاااك
طارق: شش كلشي غيكون مزيان وغادي يعجبك الحال
حلات عينيها وقلبها كيضرب.. جلسات فوق ناموسيتها وحاطة يديها على قلبها وكتنفس بالزربة
طارق: لا داعي للشكر.. اش بانليك نمشيو هاد العشية عند خوك
تسنيم: ويخليوني نشوفو
طارق: بالسيف عليهم
تسنيم: (بابتسامة) اوك.. راه توحشتو بزاف
طارق: اوك وجدي راسك انا كنتسناك
تسنيم: واخة..... خرج وهي مشات بدلات حوايجها وخرجات لعندو
#المغرب
اكرام: واهيا ناري راني خايفة.. كلما العرس كيقرب كلما انا كنزيد نتخلع
رنيم: هههه راه غير عرس ماشي الحرب
اكرام: واش انا خايفة من العرس.. والدخلة اعباد الله الدخلة هئ هئ
رنيم: ههههههه راه سفيان ضريف وحنين بلا ماتخافي والله
اكرام: ممم حنين... غييير معاك اختي انا شكل اخر هئ هئ
رنيم: (هزات حاجب) كيفاش شكل اخر
اكرام: (قلبات وجهها) مالكي مركزة مع كل كلمة كنقولها.. صافي زيدي ندخلو لهاد المحل.... دخلات وتبعاتها رنيم كضحك...... دوزو السيمانة كاملة وهما كيتقداو داكشي لي خاص لاكرام.. ومرة مرة كيخرجو معاهم نادية واشراق..... وصل نهار العرس.... اكرام فالبيت كيلبسوها ورنيم حداها فرحانة ليها...... دخل سفيان وهو لابس اللباس التقليدي والابتسامة على وجهو.. خرجو البنات لي كانو كيقادوليها.. جات رنيم تخرج وهي تشدها
اكرام: بقاي معايا فين غادة
رنيم: هانتي اتخرجي نتي وراجلك دبا.. انا برا كنتسناك... خرجات وغمزات سفيان لي كان كيضحك
سفيان: (وقف قدامها) اكرام عطيني بوسة.. لا حتى نتزوجو.. درنا العقد.. لا حتى نديرو العرس... وهاحنا دبا فالعرس
اكرام: (متوترة) اوا حتى يتسالا العرس
سفيان: فاش غيتسالا العرس غادي تعطيني مااااكثر ههههههه... اكرام قلبها رجع كيضرب ف180.... داز العرس واكرام مخلوعة من الكلام لي كيقوليها سفيان... سالا العرس وتوادعات مع عائلتها... ركبات فالطموبيل ومشات معاهم رنيم.... دخلو لدار سفيان الجديدة لي فرشاتها اكرام على ذوقها
اكرام: باتي معايا
رنيم: وصبح الحال دبا.. ونتي مع راجلك حشومة.. انا غنمشي دبا للدار نرتاح شوية وفالعشية نعيطليك ولا نجي عندك كاع اوكي.. متخافيش وارتاحي نتي مع شخص كتبغيه وحتى هو كيبغيك وكيخاف عليك.. يعني كوني متأكدة انه غادي يعاملك بحنية
اكرام: (بارتياح) اوك..... خرجات رنيم واكرام مشات للبيت ملقاتش سفيان وهي تحيد حوايجها كتبدل حتى دخل عليها.. هزات الكسوة غطات راسها
سفيان: بونوي.... طبع قبلة على شفايفها ونعسو.... يوم جديد فاقو العرسان لبسو حوايجهم وتقادو.. ديجا حوايجهم كانو مجموعين.. توجهو للمطار وركبو طيارتهم لي فاتجاه جزيرة كوليب بالتايلاند... بعد عدة ساعات وصلو.. كانو ديجا حاجزين جناح فالاوطيل.. دخلو ونعسو باش يرتاحو من السفر....... بعد مدة فاقت اكرام لقات سفيان لايح يديه عليها ومحشي فيها.. ناضت بشوية ودخلات للدوش... دوشات وخرجات لبسات دوبياس فالابيض مع شورط قصير وتيشورت... نشفات شعرها غير بالفوطة وخرجات للبالكون.. تبهرات بجمالية المكان وخصوصا كان ديك الساعة غروب الشمس... بقات واقفة وساهية فالمكان حتى حسات بشي حد عنقها من اللور
اكرام: (حطات يدها على يديه) ارتاحيتي
سفيان: ماحدي حداك انا ديما مرتاح
اكرام: (بابتسامة) ممم
سفيان: ههههه شنو لي ممم.. اجي معايا ندوش
اكرام: انا ياله دوشت غادي نفزك الى دخلت
سفيان: (هزها وغادي باتجاه الحمام) حنا دبا تزوجنا يعني اي حاجة خاصنا نديروها بجوج ونتي زربانة دوشتي ودبا غادي تعاودي دوشي
اكرام: ولا مبغيييتش.. طلق منييي
سفيان: لاء مطالقش... دخل للدوش وسد الباب وهو يحطها.. بدا كيحيد حوايجو وهي جامعة يديها عندها ومخنزرة.... بقا بالبوكسر وقرب لعندها كيحيدليها الحوايج
اكرام: (تزنكات) اويلي هدا
سفيان: ههههههه.......... خرجو ملويين فالفوطة وهو كيضحك عاجبو الحال اما هي غتموت بالحشمة.... لبسو حوايجهم وشدها من يديها خارجين
اكرام: فيا الموت دالجوع
سفيان: هاحنا غاديين احبيبة نتعشاو... خرجو من الاوطيل غاديين فاتجاه البحر.. بعد لحظات بانت لاكرام طبلة صغيرة تما ومحاطة بالشموع... قربوليها
رنيم: واعدني متقربش ليها وخليها مركزة على امتحاناتها
طارق: كنوااعدك.. كوني هانية
#الحاضر
يوم جديد على رنيم.. ناضت دارت روتينها ونزلات فطرات وهبطات مع باباها وولد عمها حمزة للخدمة... بقات معاهم تقريبا النهار كامل ولي عجب رنيم ان حمزة محتارمها ومهزش راسو فيها... هادشي لاحظو حتى باباها عادل وعجبو الحال
#في_مكان_اخر
شاد التليفون بيدو كيشوف الفيديو والكيت فودنيه كيسمع صوتها لي متبدلش... غمض عينيه ونزلات دمعة شوق وحزن على الفراق
بنت1: نموت ويهضر معايا اختي.. او عام وانا كنحاول ووالو
بنت2: نتي خلي عليك السيد.. مكتشوفيهش كيفاش حدودي ومكيهضر مع حد
بنت1: هانتي فين غتشوفي الى مخليتو يتزوجني راه ماولدات ماما فيا والو
بنت2: ممم هاحنا غنشوفو..... ناضت البنت من بلاصتها غادية باتجاهو
شادي: زيدي قدامي دبا حتى لمن بعد ونهدرو.... دقو الباب وحلاتليهم هناء لي غير شافت ولادها بدات كدمع.. عنقاتهم
هناء: توحشتكم بزااااف
شادي: (باس راسها) حتى حنا اماما.... دخلو شافهم عادل ووقف سلم عليهم
عادل: (شنق على شادي) فين غبرتي البرهوش حتى من التليفون مكتعيطش.. هادشي كلو قراية
شادي: سمحلي الواليد.. هادي اخر مرة.... سلمو على نادية وروميساء وحمزة وجلسو.... شوية هاهيا رنيم نازلة غير شافت شادي وهي توقف مصدومة... ناض عنقها
شادي: سمحيلي اختي.. تحشات رنيم فيه وهي كتبكي
هناء: مال رنيم
تسنيم: احم راه كانو مدابزين
عادل: اش دار داك البرهوش
تسنيم: لا والو.. شي حاجة تافهة وصافي
شادي: (دموعو نازلين) سمحيلي اختي عفااك
رنيم: مساامحك اخويا.. جراتو من يدو ومشاو لبيتها.. فوقاش خرجتي
شادي: البارح
رنيم: وكيدرتي خرجتي واش بريتي؟
شادي: اه الحمد لله.. سمحيلي اختي على كلشي
رنيم: (شدات وجهو بين يديها) انا مسامحاك.. واي تصرف درتو فحقك الا ومن خوفي.. لي بغيت منك دبا هو تديها فقرايتك وتبعد على داك الزبل... مبغيتش نشوفك مصاحب مع بحال دوك الدراري
شادي: كنواااعدك اختي... معمر داكشي ندور بيه
رنيم: (باست راسو) هكاك نبغيك.. ياله زيد نزلو
شادي: (باسها فحنكها) الله يخليك ليا اختي
مرت سنة فيها الزوين والخايب... رنيم مزال كتقرا فكندا دون تغيير فحياتها العاطفية... اما تسنيم فهي رجعات كتحماق على شي حاجة سميتها طارق من بعد محاولاتو العديدة نجح فانه يخليها كتبغيه... شادي معمرو عاود قاس داكشي مركز غير على قرايتو وصافي... كارمن هادي شهر باش تخطبات من شخص مسلم وطايرة بالفرحة... اما اكرام فهي حامل فالشهر 7 عايشة بيخير مع سفيان لي معمرو خسرليها خاطرها.. حمزة جمع شوية دالفلوس وكرا دار.. انتاقل هو ونادية وبنتهم روميساء وعايشين بيخير.. عادل زاد محلات اخرى خارج المدينة... فاش نجحلو المشروع الاول قرر يوسع خدمتو وخدا محلات فمختلف المدن المغربية ورجع معروف عند المغاربة.... اما مريم فهي لازالت تحاول انها تكمل قرايتها بدون مشاكل رغم خوفها الكلي من الجنس الخشن..... طارق تخرج هاد السنة حضرات حبيبتو تسنيم لي غير كملو توزيع الشواهد مشا عنقها بدون تفكير... حتى هي بادلاتو العناق حتى جات مفسدة اللحظات درنيم عطاتهم الدق...
رنيم: تسنيييم
تسنيم: نعام
رنيم: شوفي شكون كيدق انا ممسالياش
تسنيم: اوك.... مشات حلات الباب وترسمات على وجهها ابتسامة عريضة
طارق: (باسها فحنكها) توحشتك
تسنيم: (شافت من موراها وعاود دارت) حتى انا توحشتك... جراتو من يدو.. ياله دخل
طارق: (جرها من خصرها) اش بانليك نسافرو شي يومين غير بجوج
طارق: (كيحك بلاصة الضربة وكيشوف فتسنيم) واخة على مك
رنيم: كتحلف عليها قدامي اولد الحرام
شادي: شنو واقع هنا
طارق: اخويا راهم محاميين عليا
شادي: بعدو من صاحبي العقروشات
طارق: رنيم لي عقروشة اما تسنيم راه حبيبتي
شادي: (ضربو) راه ختي هاديك.. وعرفناكم باغيين بعضياتكم ولكن ماشي ضروري كل نهار تفكرني....... جلسو مجمعين كيضحكو ورنيم رجعات للكوزينة كتكمل شغلها حتى حسات بشي حاجة نازلة من نيفها دارت يديها وهي تلقا الدم
رنيم: اه ياله نجيبها مع وقت الحفلة هي هاديك.. وشادي غادي يمشي معايا... تمشي حتى نتي
تسنيم: (شافت فطارق) معرفتش
طارق: حنا عوالين نخرجو هاد العشية
رنيم: داكوغ مي متعطلوش فالليل... نزل شادي.. ياله باي...... مشات هي وشادي ركبو الطموبيل وشادي هو لي سايق
شادي: بنتيلي صفرة مالك
رنيم: (شادة راسها) والو غير العيا وصافي.....
تسنيم: نخرجو دبا
طارق: بلاتي راه مزال الحال.. جرها رجعات كيف كانت متكية على صدرو... تسنيم تقبلي تزوجي بيا
تسنيم: (هزات راسها وشافت فيه مصدومة) ك..كيفاش
طارق: (دوز يديه على وجهها) واش تقبلي تزوجي بيا... انا كنبغيك ومنقدرش نعيش بلا بيك ثانية وحدة... الحمد لله هانا تخرجت دبا وخدام
تسنيم: مي انا مزال كنقرا
طارق: مغاديش نحبسك على قرايتك كوني متاكدة
تسنيم: موحال بابا واش يبغي
طارق: المهم خلي داكشي تال من بعد.. ياله سيري لبسي باش نخرجو
تسنيم: وااخة... ياله بغات توقف وهو يعاود يجرها.. طاح على شفتيها كيلتاهم وهي مصدومة مكتحركش.. كانت اول قبلة ليهم.. بعد عليها وبقا كيشوف فيها
تسنيم: (حطات يدها على فمها) اويلي اش درتي
طارق: كنبغيك وهادشي لي درت دبا حتى انا مصدوم منو... قربها لعندو وحيد يديها... نتي كتبغيني
تسنيم: (كتشوف فعينيه) اه كنبغيك... تكاها على الفوتوي وطلع فوقها غطاها...... بعد لحظات قليلة دفعاتو
تسنيم: اناري اش كنديرو حنا... جلسات وهي مصدومة من جرأتو
طارق: (دوز يديه على راسو) سمحيلي.. ياله سيري لبسي باش نخرجو........ ناضت تسنيم مشات لبيتها لبسات وخرجو.. عقلها كان شارد فداكشي لي وقع لداخل........ عند شادي ورنيم لي كانو فالكواليس.... خرجات رنيم وتعالات التصفيقات.. بدات فالغناء ديالها وشادي حاضيها من اللور... شافها كتغني غير بزز وباينة عليها مريضة... من ديما كانت رنيم بالنسبة ليه مصدر قوة وصعيب تنهزم وواخة دبا باينة مريضة محسساتوش..... رنيم كتغني حتى شدها صداع فالراس وشي حاجة نازلة ليها من نيفها... دارت يديها ولقات الدم.. فجأة اختل توازنها وسقطات على الارض مستلقية... شادي بالصدمة متحركش... حتى قاسو شي حد من الناس لي خارجين كيجريو عندها عاد فاق ومشا كيجري لعندها
شادي: رنيم رنييييييم
داخلة كتجري للكلينيك وقلبها غيسكت بالخلعة لا هي لا طارق.... بزز باش قدرو يدخلو حيت كانت الصحافة مجمعين فالباب.. بانليهم شادي واقف قدام غرفة وكيبكي
تسنيم: شااادي.. مال رنيم
شادي: (عنقها) معرفتش.. هئ هئ مزال مخرج الطبيب.... جلسو كيتسناو حتى بانليهم الطبيب خارج
رنيم: (عطاتهم بالظهر) بغيت نبقا بوحدي..... بقاو كيشوفو فيها حتى عياو وخرجو.... غير تسد الباب وهي تكمش على وضعية جنين وبدات كتبكي.... اما برا فكانت تسنيم معنقة طارق وكتبكي.... شوية بانتليهم كارمن داخلة كتجري
كارمن: فين رنيم
شادي: هاهيا الداخل
كارمن: شنو عندها
شادي: ورم فالراس
كارمن: الله اكبر..... دخلات لعندها لقاتها كتبكي مشات نيشان لعندها عنقاتها... متبكيش اختي.. الله كبيير ومغاديش يتخلا عليك
رنيم: خايفة اكارمن هئ هئ.. مبغيتش نموت
كارمن: لا نتي مغاديش تموتي.. غاديري العملية وترجعي بيخير كوني متأكدة... دوزات معاها الليل كامل وهي تشجعها وتعطيها امل... شادي كان ناعس فوق كرسي حتى فاق على التيليفون كان باباه
شادي: الو الواليد
عادل: (بخوف) شنو وقع لختك... كاع الجرائد الالكترونية كيهدرو على ختك بلي راها فالكلينيك.. شنو عندها
شادي: (بعد صمت) ورم فالراس
عادل: كيفااااااااش............ دازت اياام ورنيم فالكلينيك مبغاتش دير العملية حتى يجيو والديها... هاد النهار عيط عادل وهو منهار.. لان رفضولو الفيزا..... الليل كامل وهي كتبكي وخوتها كيصبرو فيها.... هاد الصباح غادي يديوها باش يحيدوليها الشعر وفاقرب وقت دير العملية... جلسات ياله هز هاداك المقص وهي تهرب... حلات الباب وخرجات.. فجأة وقفات............
توقف الزمن لمدة.. نظرات شوق وعتاب.. نظرات فرح وحزن في نفس الوقت.. اقترب بخطوات بطيئة وعيناهما معلقان ببعضهما... تفرقها بضع سنتمترات فقط.. استنشقت عطره.. بدأت في إذراف الدموع...
اوستن: (مد يديه مسحليها دموعها) متبكيش بليز... كسرات الحدود وقامت بعناقو.. تفاجأ بفعلها لكنه لم يكترث وبادلها العناق.. بل قام بحملها وهي وسط حضنه.... التقى جسديهما لاول مرة.. احسو بدفئ بعضهما.. احساس جدييد لم يخاجلوه مرة......... كانو تبعوها خوتها وكارمن.. شافو شخص غريب معنق ختهم مافهمو والو.. مي مقدروش يقربو لعندها.. بقاو غير واقفين
رنيم: (بصوت مخنوق) خرجني من هنا... اكتفى بانه يدور ويخرج بدون مينطق بكلمة وهي لازال فحضنه
تسنيم: (كتمسح دموعها) فين مشات ختي
كارمن: متخافوش عليها راها بايدي امينة
شادي: شكون هداك
كارمن: اوستن خويا وحبيب رنيم... عم الصمت والتساؤلات حضرات فالحين... كيفاش ختهم عندها حبيب وهما معارفينش.......... ركبها فالطموبيل وركب وهو يكسيري ماوقف حتى وصل للبحر
اوستن: (شاف فيها) توحشتك
رنيم: الصمت
اوستن: (جبدها لعندو تكات على صدرو) توحشتك بزااف احبيبتي
اوستن: (تنهد) نتي لي اختاريتي نبعدو وانا احتارمت قرارك... عقلتي فاش قلتيلي.. الى كانت طريقنا وحدة راه غادي نتلقاو.. وهاحنا تلاقينا
رنيم: كيفاش مفهمتش
اوستن: انا باغي نسلم.. ومبغيتش نسلم حتى تكوني معايا وبجنبي لانه بسببك تعرفت على اعظم دين
رنيم: (بفرحة) واش بالصح كتهضر
اوستن: اه.. نمشيو دبا ومن بعد نشرحليك كلشي
رنيم: (بحماس) واخة... تحركو ماوقفو غير قدام مسجد... دخلو بجوج للمسجد.. رنيم مسكتاتش من البكا... كان ديجا هضر مع الامام... جلسو ورنيم من موراهم.. كيهضرو ورنيم رغم العياء لي كتحس بيه مبغاتش تفوت هاد اللحظة لي كتسناها من يوم بغاتو فيه... بعد مدة قليلة نطق اوستن بالشهادتين
اوستن: (باللغة العربية) اشهد ان لا اله الا الله واشهد ان محمدا عبده ورسوله
الامام: الله يباركليك اولدي ومبروك دخولك للاسلام.. نتا دبا بحال الى تولدتي من جديد صفحة بيضاء وداكشي لي فات تمحا ولله الحمد
اوستن: شكرا... وقف ودار لقا رنيم عينيها تنفخو بالبكا وصفرا بان عليها المرض... رنيم صافي احبيبة براكة من البكا.. ياله نوضي نمشيو
رنيم: (بتعب) واخة... ناضت وهي مسندة عليه كتمشا بشوية عليها وكلمة وحدة لي كتردد على فمها
رنيم: (بفرحة) بالصح في.... قاطعها دخول شخص هزات راسها لقات مالك قلبها ابتاسمات بدون ماتحس
اوستن: (حط يديه على راسها) كيبقيتي.. خلعتيني عليك
رنيم: ممكن تعنقني.... ناض جلس حداها وجبدها لعندو حشاها فحضنو... زيرات عليه وهي متكية على صدرو مبغاتش تفارق عليه.. نسات مبادئها وكلشي.. لي عارفة دبا هي باغاه يكون حداها وقريب منها.. اكثر من 3سنوات مرت وهي بعيدة عليه...
لأني أنثى الجزء السادس
محتوى القصة
التنقل بين الأجزاء