جود:: انا رد البال غير سيمانة وصافي من بعد راه حنا عايشين بوحدنا
سفيان::ان شاء الله دوز الاومور بيخير كون هاني ..... كملو طريقهم حطهم فالماطار ومشا بخدمتو اما فالفيلا العصابة جالسين فالصالون و لمراوات كل وحدة اشكدير و الثلاتي ديالنا مجموعين فبيت جود
ميساء:: رميساء فاش كانت فالثانوية تعرفت على واحد كبر منها بديك عامين كان هو فالصونطر حالتو المادية عيانة شوي مي هي مداتهاش فداكشي عرفاتو كصديق مي من بعد تحولت علاقة بحب كانت ديما كتعاود ليا عليه مي خوتي مافخبارهم والو حيت صعاب بزااف
هاجر:: اهاه
ميساء:: كانت 4 سنين وهي كتعرفو وولات كتموت عليه ايقوليها حتى طيحي من لفوق طيح حتى النهار للي دارت عيد ميلاد هنا و جاو صحاباتها ووحدة فيهم مشات عند جود كيحسابليها غيتفهم الوضع قالتليه بللي رميساء كتعرف واحد وبللي معاها غير على ود كتعطيه لفلوس كانت للي حل عليها فمها كتعطيها ليه وقالتليه بللي هو كيبيع لحشيش
جييداء:: اويلي
ميساء:: اه وهادشي للي زاد عقد المشكل جود مخصرش ليها الحفلة دازت الحفلة والغد فالصباح ناض قالها لسفيان ومشاو فين قالتليه البنت كيكون علمو صاحبهم بوليسي ومشا شدو من بعد معطاوه قتلة ديال لعصا وغبروه وبصح لقاو عندو سوابيق وقلبو دارهم لقاوه مخببي لكوكاييين هادشي للي كفس عليه الحكم
هاجر:: لكن رميساء خصها تكون ممتنة لخوتها
ميساء:: هادشي للي خصو ايكون لكن كانت زارتو ومعرفت شنو لعب ليها فراسها وولات حااقدة على جود وسفيان
جيداء:: وباباك
ميساء:: بابا مدخلش حددو منع عليها السفر بوحدها ولفلوس نقصو مللي بغات تخدم برا الشركة خيرها بين تجلس ولا الشركة وهي تجلس
هاجر:: واينييي صكعة هادي
ميساء:: وي كانت قالتليهم غنعيشكم نفس لمرار للي عيشتوه ليا
هاجر:: هادشي لاش سفيان متزوجش
ميساء:: نو هو راه خاطب
هاجر:: بصح.
جيداء:: اه نسيت مقللتهاش ليك
هاجر:: خصهم احضيو لديرليهم شيحاجة زدتي خوفتيني منها صراحة
ميساء:: وي واحد نهار كانت تغاوتت هي ورجاء (خطيبت سفيان) وسمعها وكان ضربها وغير خرج سفيات شدات لبنت ملختها عصا ودابا باقي فيها طراس دواحد جرحة فكرشها
جيداء:: 😥....
ميساء:: رغم كلشي كتبقا فيا كانو كيقولو الحب كيصطي وبصح نيت ها ندوذج حداكم
هاجر:: وي بصح مي خصها تعرف بللي خوتها غيبغيو ليها غير الخير
ميساء::ايوا هادشي للي عطا الله...... بقاو لبنات هكا هضرو تجيب هضرة حتى وصل وقت لغدا تتجمعو تغداو رجال مشاو اقديو شغالهم ولمراوات بقاو مجموعين
عتيقة :: جيداء جداك لاباس عليها
جيداء:: اه لاباس الحمد لله مهضرتش معاهم ليوم
فاطمة:: ساكنة معاكم جداك
جيداء:: لا ولكن كتجي بزاف عندنا
ياسمين:: الله اخليها ليكم
هاجر و جيداء:: امين
رجاء( جات داخلة):: السلام عليكم
الكل:: و عليكم السلام
ياسمين:: لاباس ابنتي
رجاء:: الحمد لله اخاالتي و انت بيخير
ياسمين:: مزيانة الحمد لله ابنتي اجي جلسي (جلست)
رجاء:: جيداء لاباس
جيداء:: الحمد لله😊
رجاء:: جود وصل
جيداء:: باقي معيطش
ياسمين:: كانت طيارتهم معطلة مركبوش بكري
رجاء:: اه الله اوصلهم على خير
صليحة( مرت عبد الرحيم) :: ايوا قررتي انت و سفيان ايمتا تزوجو
سليمة:: واحد خمس سنين اخرى 😏
رجاء:: هههه نو غير نقادو شيحاجة ونقررو نهار اقد ايكون فهاد 15 يوم على حساب
عتيقة:: ايوا سربيونا باش نتهناو منكم ايبقا غير لؤي و ايوب
رجاء:: مرت رضوان رجعات
صليحة:: اه صالحناهم غير بقات تماك حيت ولدهم باقي صغير
سليمة:: لا اخالتي كون جابلي الله الراجل واخا يدير للي دار نصبر عليه
رميساء:: هههه واييييه اجفف بيك حتى لرض تقوليلو سيدي هههههع الكنس للي بحالك معروووف
فاطمة:: اييييوااا ياسمين دوي مع بنتك
سليمة:: هانتي اخالتي مكنجبدهاش
رميساء:: شنو صراحة قلتها و غير قولي لبنتك اعمتي بللي سفيان راه غيتزوج غير متبقاش حاطاه فبالها هههههه (ناضت مشات وخلات رجاء مخرجة عينيها 😯هي ولبنات)
فاطمة:: بغيت نعرف غير هاد لبنت مالها كانت حلوة ودابا رجعت سم قاطع الله احضر السلامة 😠
عتيقة:: ايوا كل واحد وكيف دارليه الله (بدا كيصوني تلفون جيداء)
هاجر:: راجلك جوبيه
جيداء:: اه سمحو ليا 😊(بعدت عليهم) الو
جود": السلام
جيداء:: السلام كيف وصلتي 😍
جود:: مزيان
جيداء:: يالله وصلتو !!
جود:: لا وصلنا بكري غير دزت نيشان للشركة تشغلت مع الخدمة يالله راجع للدار
جيداء:: اه مزيان
جود:: اشكديري
جيداء:: جالسة مع داركم
جود:: كلشي مزيان عندكم
جيداء:: اه
جود": سلمي عليهم وطمني الوليدة انا غنوصل نرتاح
جيداء:: صافي واخا
جود:: خللي تلفون حداك
جيداء:: اوك ..... قطعت معاه رجعت وصلتليهم سلامو و رغم ان الجو توتر بعد شننو قالت رميساء بقا مجموعين لكن رجاء عينيها غياكلو سليمة هاد الاخيرة رغم طيارانها حشمت قدامها طبيعي فهي خطيبتو ، رجاء غير سمعت صوت طوموبيل ناضت خرجت لقاتو سفيان نيت مشات وقفت وجلست كتخنزر فيه
سفيان:: 😍حبيبة !!! مالك
رجاء:: 😠شنو بينك انت وسليمة
سفيان:: 🤔شكون سليمة
رجاء::😡 شحال من سليمة كتعرف
سفيان:: 😏كتهضري على هادي بنت عمتي ...
رجاء:: و شكون غيرها 🤨
سفيان:: من نيتك اشغيكون بيناتنا بنت عمتي وصافي 🤨
رجاء:: لكن هي حاطة عينها عليك 😠
سفيان:: ( عنقها) هي حاطة عينها و انا مالي راه عندي غير انت 😌
رجاء:: مي انت ديالي منبغيش شيوحدة تشوف فيك 😠
سفيان:: وانا مقلتش العكس لكن خاص ايكون المهم عندك هو انني مكنشوفشفيها كثر من بنت العاىلة اما انت حبيبتي وقريب تكوني مرتي 😏
رجاء:: ووقتاش شوف شحال وانت كتأجل 😔
سفيان:: عارف معطل لكن غير مع الخدمة راه شتي فينما كنحددو شي موعد كيوقع شي مشكل كيتلغا مي ان شاء الله مبقاش بزاف ونتزوجو 😊
رجاء:: صبر بلااتي(كان غادي وقفاتو) واعدني منشوفكش مع هادي 🤨
رجاء:: وي ^^ ( دخلو مشابكين لايد قال سفيان السلام)
سفيان:: جيداء عيط لك جود
جيداء:: اه راه وصل
سفيان:: وي هضرنا بغيت غير نطمنك ^^ (شاف فسليمة ولقاها كتبحلق فيه وهو اخنزر😠 ) انا نطلع نرتاح اوجد لعشا عيطو ليا
ياسمين:: واخا اولدي (مشا ورجاء جلست حداهم) ..... بقاو هكاك مجمعين كين للي محاملش الجلسة وكين للي مستمتع حتى وصل وقت لعشا و تجمع الكل تعشاو وكل واحد طلع لبيتو سفيان و صل رجاء و جود تاصل بجيداء هضرو شوي وقطعو كل واحد احلامو خيداه لبلاصة ....
يوم جديد 🌼
فاقت بطلتنا غسلت توضات صلاة و لبست كسوة طويلة فالغوز دارت زيف نواغ مع صبط نواغ اكتفت بعكر خفيف قبل متهبط تاصل جود طمن وقطع هي هبطت لقاتهم بداو كيهبطو فطرو وقررو ميساء و هاجر وجيداءء ايخرجو جيداء استاشارت جود عاد خرجت مشاو ل لي بوتيك دارو خداو شنو عجبهم من بعد مشاو لريسطو باش اتغداو طلبو شنو بغاو وبقاو كيهضرو
جيداء:: ومن بعد علاه انا وجود مزوجين عن حب هادا زواج تقليدي يعني اقد ميبغينيش
ميساء:: وي مي مغيغدركش
جيداء:: لكن ممكن ابغي غيري وديك الساعة غيلتاجأ للزوجة الثانية
هاجر:: وشنو غديري
جيداء:: (جاب سيرفور الاكل) بيان سيغ نطلب طلاقي
ميساء:: دغيا صاوبتو رواية
جيداء:: هدا الواقع الزواج التقليدي كيكون فايد الله يايرتاحو لبعضياتهم يا ميحملوش بعضياتهم اما لاكانو كيعرفو بعضهم غيكونو موالفين شحالمن حاجة و متزوجها الا ومرتاح ليها
هاجر:: لكن الاغلبية الزواج التقليدي للي كينجح
جيداء:: وي و كين نماذج فالقديم كان الزواج التقليدي للي ساري
ميساء:: مي دابا ولا الزواج العصري خاص ايكون اعرفها وتعرفو
جيداء:: لكن بحال هاد الزواج قليل فين كينجح يعني كيبقا انت وزهرك
ميساء:: انت علاش فضلتي زواج تقليدي
جيداء:: صراحة كنت حطاه فبالي قبل بحكم عمرني دخلت فشي علاقة وكنفضل نتزوج واحد مكنعرفوش على واحد كنعرفو واخا كنتو مأجلة فكرة الزواج مي كتاب نتزوج دابا
هاجر:: وضبرتي على تيتيز
ميساء:: ههههه
جيداء:: ههههه داكشي للي هامك كولي كولي
ميساء:: صراحة من بعد شنو وقع مع ختي وليت طالبة زواج تقليدي حيت ماباغاش واحد ادوز بيا الوقت
هاجر:: وي راه حسن ....... تغداو وناضو تحركو شوي على رجليهم عاد رجعو للطوموبيل وصلهم شيفور للفيلا ودخلو كل وحدة شدت بيتها قادو شنو شراو وهبطو جلسو مع العائلة ...... داز نهاهم هكا و الغد هضرت جيداء مع جود ومشات مع هاجر ادفعو وراقيه للايكول وغير سالاو رجعت جيداء اما هاجر مشات لدارهم تشوفهم حيت غتبقا مع جيداء حتى يرجع جود هاد الاخير هضر مع جيداء وقالها توجد الاسبوع الماجي غيديرو حفلة حيت لصقوه صحابو للي تماك وقرر ايديرها وجيداء رحبت بالفكرة ............. دازو ايام دابا خمس ايام باش مششا جود وفهاد الاسبوع نيت مشا ايوب لعندو على ود الخدمة ... ليوم غير فطرو لبنات جات رجاء جلسو وسط الفيلا
هاجر:: سلوى انتما ساكنين هنا ...
سلوى:: وي ماشتيناش فالليل كنمشيو
هااجر:: وي
ميساء:: هما ساكنين هنا عمي و عمتي للي كيسكنو فأكادير
احلام:: جيداء وقتاش غيجي جود
جيداء:: باقي معارفش
رميساء:: صدرك بمعارفش
جيداء:: !!! نو كين عندهم الخدمة
رميساء:: هههه راه غير هارب منك حيت لصقوك فيه (لبنات ضحكو)
جيداء:: 😠 عرفي شنو كتقولي
هاجر:: اشكتخربقي على البنت
رميساء؛: نو قلت شنو كين انت لصقوك فيه اما حبيبتو فراه كينا ففرنسا علاه مقالهاش ليك
سفيان:: رميساااااااء
هي:: شنووو
سفيان:: اجي معايا (تبعاتو)
رجاء:: ماديش عليها
احلام:: ههه كتصبري فيها
رجلء:: كنقول الصراحة
مريم:: الصراحة قالتها رميساء
رجاء:: هي حتى ديك المرة قالت الصراحة فموضوع سليمة (سكتو)
رميساء:: لكن المهم عندي كينا وحدة وهكا غنوصل ل 1% من شنو باغا انا ونهار فرحتى نهار نشوفك انت وياه تبكيو الدم
سفيا:: ( صرفقها) عرفيييي كيفاش كتهضري معايا و البنت غتبعدي منها سمعتي
رميساء؛؛ حماااار
سفيان:: انا حمار اجي نوريك لحمار ....... شدها من شعرها وبقا كيديها وايجيبها مابغاش اضربها كثرر لاحها فلرض توعدها ومشا خرج اقضي شغالو هي بقات كتنخسس وتبكي فبيتها
رميساء:: كيفما فرقتوني على حبيبي غنفرقكم على للي كتبغيو وكيف لفقتو ليه تهمة مادايرهاش وغرقتوه غنخليكم تندمو على كل نهار قداه اسماعيل فالحبس ............
لتحت كان كلشي مجموع على لغدا تغداو وناضو رجال لخدمتهم ،، رميساء هبطت بشوي مشات لكوزينة خدات سندويش كتاكلو وهززت عاصير خرجت كتشرب فييه مشات للجردة دارت ضحكة جانبية حطت الكاس فوق الطبلة وتقدمت لعند جيداء هاد الاخيرة حست بشيحد مع الدورة مع تدفعت بجهد جات جالسة حست بضو ضربها غوتت
رميساء:: انا يا الكلبة اضضربني على قبلك (هزت رجلها حتى للفوق وضربتها لكرشها حتى زواتها) دوي يا لحمارة علاش نتوما ادافعو عليكم ........ كتعاير وككتعفس على كرشها حتى سمعوها هاجر و رجاء كتغوت جاو كيجريو بعدوها
رجاء؛؛ واش حمقة غتقتلي البنت
رميساء:: خليها سرها على ودها كليتت لعصا
هاجر:: سرك نييييت باش يالله ترباي
رميساء:: زمي ولانجي نديرليك كي صحبتك
هاجر:: واااا اجي قربي نشوف احسابلك انا هي والله حتى نهرس لمك عظيم طيو
رضوان:: شنووووو واقع هنا !!! (شاف جيداء كتبكي وطايحا) مالها
هاجر:: راه حيت عيرتها عطاها خوك طرحة دلعصا وهي خرجتها فجيداء
جود::: بففف فين جيداء عطيني ندوي معاها
هاجر؛: مغتقدش تهضر كديرليها رجاء فالدوا
جود:: واش مكاين تاحد من غيركم ولا شنو
هاجر:: كلشي كيين من غير الرجال غير مشافوهاش غير رضوان للي جا عاونا طلعناها ومفخبار حتى حد اخر
جود:: اوكي متقولو والو حتى سفيان متقولوليه والو حتى نشوف اشغندير ومتخليوهاش بوحدها لقدرت تهضر خليوها تعيط ليا
هاجر:: واخا (قطعت)
جيداء:: ( موعتة) اووف اشقال
هاجر:: بغا ادوي معاك تاعت الله انت معندكش ايديك
جيداء:: غفلتني مع ضرت مع ضربتني راه ظهري كللو كيضرني
رجاء:: حتى ايجي وشوفي شنو غيدير ليها راكم باقين معارفينوش هو كثر من سفيان
هاجر:: انا باغاه ابرد ليا غدايدي
جيداء:: اححح اوووف اشغنقول ليهم فوقت لعشا
رجاء:: انا غنقول ليهم راكي عيانة متخافيش ...... داروليها دوا وبقاو حداها فلعشيا جا رضوان طمن عليها و فلعشا قالتلهم رجاء عيانة وتاحد مساق لخبار ........]
*** جود**
فاش عيطو كنت فاجتماع مللي بانتلي نمرتها جاوبت حسيت بشحاجة واقعة لكن مكنتش متوقع غيكون واقع هادشي مكملتش الاجتماع خليت لؤي مكلف بعد مشرحت ليه الوضع مشيت قلبت لقيت كينا رحلة فديك لوقيتة للمغرب تاصلت اصيفطولي حويجي للمطار ومشيت نيشان للمطار مع قطعت جاو حويجي دفعت الفاليز ومشيت دخلت بالساعة للي كينا عرفت غنوصل مع وقيت عشاهم حيت غير تلاتة السوايع د الطريق انا حسيتها كثر باغي وقتاش نوصل باش نطمن على البنت وندم رميساء على شنو دارت الخدمة هنا كملتها وكنت بعد غدا غنرجع لكن مللي عيطو مقدرتش نصبر ،،،،،، داز الوقت وهبطت الطيارة هبطت درت الاجراءات خديت فاليز ديالي وخرجت شديت طاكسي وصلت للفيلا دخلت طلعت نيشان للبيت كانت ناعسة جيداء بانلي وجها مافيه والو حيدت لغطا كان الشوميز طالع ليها وشفت كرشا كيفاش زرقة غطيتها وهبطت داغي كانو كلهم مجموعين فالصالون بعد مسالاو عشاهم غير شافوني تصدمو
ياسمين:: جود !!!
جود( مع غيجاوبها بانتليه رميساء داخلة وهو اشدها من شعرها) :: شنوووو قلت ليك اخر مرة اه عمرك تقربي ليييها ياااك
رميساء:: اييي طللق
عتيقة:: اولدي نعل الشيطان وطلقها
ياسمين:: اويلي يالله جيتي
جود:: جاي على ودد هاد لحمارة نهار نقتلها عاد غنرتاح
مختار:: شنو دارت عوتاني
سفيان:: راني هضرت معاها
جود:: (لاحها فالارض) بعد ماضربتيها هبطت تعدات على جيداء بلعصا
عبد الرحيم:: شنووو
جود:: اه لبنت باقي مكملتش معانا حتى شهر كامل شوف شنو دارت فيها
سفيان:: شكون قالها ليك
هاجر:: انا مابغيتش نقولها لعمي وخالتي قلت نقولهاليه هو احل الموضوع حيت الى قلتها ليهم غيجيو اديوها وميعودوش اردوها
سفيان:: قوليها ليا
جود:: هادش خاصنا نرجعو لتعاملنا لقديم معاها ولا غتزيد دصر نوض تكعدي (شدها من دراعا)
هي:: بعد مننننييي
مختار:: 😠 بلعي لسانك وسيري معاه هو للي كيعرف ليك
ياسمين:: لا اجود غير طلقها
جود:: ماما مدخليش ..........
[خلاهم واقفين وجرها طلعها لبيتها هز الصمطة خشاها تحت الماء لبارد ودا كيشحط فيها عطاها تلاتة شحطات بلحساب خدا ليها التلفون قطع التلفون الارضي غوت على الخدامة عطاتو سوارت البيت سورت وخلاها كتوجع هادشي غير شوي فاش كان وقع المشكل فينما دير شيحاجة كان كيدوز شهر وهي فبيتها واي حاجة دارتها تاخد عليها الشحط بحال هكا كيخليها كلها زرقة والماكلة ممنوعة كيعطيها خبز حرفي واحد الربع حتى كتوللي طلبو عاد كيطلقها دابا اشهر مدارليها هكا مللي كانت سلخت رجاء.... هبط عند لوخرين للي كانو عاودوليهم لبنات ورضوان شنو وقع
عتيقة:: حشومة شنو كديرو فختكم
جود:: فاش كنا كنديرو هكا كانت غاديا مقادة مللي قلنا راه دارت عقلها عاد رجعت كثر من الاول
فاطمة:: لكن هادشي ماكيتحلش بالضرب....
جود:: انا باغي غير نديرليها كيف دارت للبنت لحمها كللو زرق هادشي كللو وغير شاد راسي مع طريق طويلة بردت امما كون فاش سقت لخبار كانت حدايا كوراني نحرتها
ياسمين:: هاد البنت خرجت ليا عقلي قولي جيداء شويا
جود:: لقيتها ناعسة
رجاء:: لا راه داويتها ليها مي حسن غدا خودليها شيحاجة من الفورماسيان
طلع دخل دوش لبس وتخشا حداها قرب طبع قبلة فجبينها وتكا نعس... .
🌼 يوم جديد
جود فاق بكري بدل مشا اجري وصلت ديك 9 و نص فاقت جيداء مدكدكة شافت جنبها واستغربت من بلاصة للي حداها مخربقة
جيداء:: تكون نعست حداية هاجر (شافت الساعة ) فاقت بكري اححح عظامي كلهم مدكدكين اووف ...... ناضت بشوي دخلت دوشت خرجت لبست سروال تجين خفيف مقاصحش و شوميز زرقة خفيفة هزت زيفها تقابلت مع لمراية وهي تدخل هاجر
هاجر:: صباح النووور كيف بقيتي
جيداء:: صباح النور مزيانة الحمد لله
هاجر:: باقين كيدروك
جيداء:: وي غير الضربات ديول كرشي 😕 عرفتي بقا فيا الحال حيت مضربتهاش اووف ياربي ايجي جود نمشي من هنا 😭
هاجر::!!!!! مشفتيش جود
جيداء:: ( كتمسح دموعها) جود ؟؟؟ فين غنشوفو
هاجر:: ويلي راه جا لبارح غيكون لتحت و....... مخلاتهاش تكمل لاحت لفولار غير هكاك وهبطت كتجري سمعت صوتو فالجردة وهي تمشي بانليها كيهضر مع سفيان خففت الجرية ولات كتمشي بالزربة هو شافها ابتاسم وحيت كانو غيفطرو فالجردة كلشي مجموع سفيان بعد من جود شوي وخلاهم ايعيشو اللحظة جيداء غير قربت ليه عنقها جود للي كيلوم راسو حيت خلاها هنا ضرو خاطرو لبارح فاش شاف داك الضرب على لحمها عنقها وحتى هي كرزت عليه ودموعها هبطو حست براحة مللي عرفاتو كاين حيت السيمانة كلها وهي صابرة لهضرت لبنات مرات كيعيرو مرات ايلوحو ليها الهضرة و رميساء حتى هي كملتها بشنو دارت بقا كلشي حضيهم شوي بعدت غير راسها وبقاو كيشوفو فبعضياتهم حتى الهواى طيرليها فولارها ولبنات فمهم تحل حيت فعلا كانت اية من الجمال جود مداهاش فالفولار كان دايب فعينيها حتى قرب سفيان وهز الفولار غطا راسها ومشا جلس
جود:: (كيمسح دموعها) لااش دموع
جيداء:: مقلتيليش راك جاي ليوم
جود:: جيت لبارح فالليل
جيداء:: بصح !! مفيقتينيش
جود:: كنتي عيانة مابغيتش نديرونجيك كيبقيتي شوي ؟
جيداء:: (هبطت راسها) شوي
جود:: ديزولي
جيداء:: انت مدرتي والو ،، نمشيو دابا للدار
جود:: ( دوز ايدو على راسو) مابغيتش نمشيو ليوم
جيداء:: 😳 و ايمتا
جود:: حتى ندوزو الحفل حيت غنديروه هنا (عضت قنوفتها) عارفك مابقيتيش باغا تبقاي هنا مي موضوع رميساء سديتو لبارح
جيداء:: ( تنهدت ) اه صافي للي بغيتي 🙂
جود:: نمشيو نفطرو
جيداء:: درتي سبور مغدوشش
جود::نو يالله هبطت شدوني دراري مامشيتش
جيداء:: اه و (دارت بانو لسها العائلة ) 😳 كانو هنا
جود:: هههه اه علاش هههه
...... حدرت راسها حشمانة تفكرت راه عنقاتو وكانو هما كيشوفو تخبات من وراه ومنطقت حتى كلمة جلسو فالطبلة
ياسمين؛: حشمانة منك ابنتي على شنو دارت رميساء
جيداء:: ( اكتفت بابتسامة )
فاطمة:: ايوا راه حبسها خوها اشباغا ايديرليها مزال
جيداء:: شنو !!
هاجر:: (فودن جيداء) حبسها فبيتها لبارح من بعد ونعاودليك
مختار:: كنفطرو دابا من بعد ونهضرو ....... كلهم ضربو الطم فطرو جود غير كيحط لجيداء كيقولها كولي باش تصحي دغيا كيضحكو ومامدينها فحتى واحد غير فطرو وطلعو بزوج لبيتهم باش هو ابدل وهي دير دواها للي جاب سفيان فالليل .......
لمراوات مللي مشاو الرجال تجمعو فالكوزينا باش اصاوبو غدا دايزو لكلام خلاو الخدامات انقيو الدنيا وهما تكلفو بالطياب ولبنات تجمعو فالجردة من غير جيداء للي باقا لفوق دارت دواها وبقات جالسة حتى لبس جود وجا حداها .....
جود::(جلس حداها ) مامرتاحاش هنا
جيداء:: لا غير 😔 بشنو وقع
جود:: عارف ماباغاش تبقاي بسباب رميساء لكن عندنا غير هاد السيمانة ندوزو الحفل ونمشيو لدارنا
جود(شد ايديها بزوج):: انا مللي قلت للوليدة وجدة باغي نتزوج مابقات عندي علاقة مع حتى وحدة
جيداء:: مي قالو بللي كلشي عارف عندك وحدة تماك 😐
جود:: دابا غتيقيني انا ولا هما
جيداء:: انت
جود:: انا حاليا عندي غير انت وغتكون حتى وحدة اخرى ومتبقايش تسمعي ليهم همم
جيداء:: اممم
جود:: (قرب باسها) متخليهمش العبو بعقلك انت للي مرتي ومعنديش غيرك ......... دخلو فقبلة فرنسية جيداء رغم صدمتها من الموقف الا انها دغيا دخلت معاه فعالمهم نساجمت معاه لدقائق وبعدو بقا حاط جبهتو على جبهتها وكيسترجعو انفاسهم .....
جود:: نهبطو
جيداء::(مهبطة عينيها) اه
جود::(باس عينيها وباسها فحنكها) يالله........ وقفت قادت زيفها عاد خرجو مشابكين ايديهم هو مشا عند دراري وهي عند لبنات ....
ميساء:: صبحتي مزيان
جيداء:: وي شويا
احلام:: مالك مكتعرفيش دافعي على راسك
هاجر:: جاتها على غفلة
سليمة:: متخميش راه جود عطاها قتلة دلعصا
جيداء:: شنوو
ميساء:: وي دابا غيرجعو لشنو كانو كيديرو معاها
سلوى:: ختي هي للي مكتحشمش خلاوها خارجة واخا كتطلق كلام سام ماكيهضروش زادت فيه
جيداء:: مفهمتش شنو دايرين ليها
ميساء:: كيبقاو حابسينها فبيتها حتى لماكلة ماكيعطيوهاش ليها لكن قبل ضروري اسلخوها هكا داروليها مللي ضربت رجاء وحتى فاش بغات تضرب جود وسفيان دابا تالت مرة غيعاودو ادخلوها كيقطعو عليها حتى تلفون كلشي كلشي بفففف
جيداء:: 😥 مخصهمش ايديرو هكا
هاجر:: وي هي تستاهل الضرب لكن ماشي لهاد الدرجة
مريم:: ايوا شوفو هي شنو دايرا حتى كيعاملوها هكا .......
جيداء بقات فيها رغم كلشي ناضت من حداهم ومشات لعند الخدامات
جيداء:: طلعتو لفطور لرميساء
زهور:: لا الالة ممنوع
جيداء:: .... واش ساد عليها
لطيفة:: اه الالة والساروت عندو
جيداء:: اه صاف ..... خرجت مشات عيطت على جود جا عندها
جود:: مالك
جيداء:: علاش حبستيها هكاك
جود:: قلت ليك متدخليش اجيداء
جيداء:: لكن ماباغاش نكون سباب فهادشي اجود حشومة دير هكا
جود:: جيدااء😠 قلت ليك هادشي مشي سوقك وبلاما تحاولي تدخلي انت معارفة والو خللي هادشي لينا حنا وهي واحد شهر وتخرج من تماك
جيداء:: شنووو شهر ولا ماكلة لا والو
جود:: هي للي باغا هادشي
جيداء:: 😥 ...... مهضرتش بعدت خلاتو واقف مشات طلعات لبيتها بقات دور وتفكر وفبالها حاجة وحدة هادشي مخصوش ايكون تفكرت الساروت وبانليها نيت فوق لكوافوز مشات بشوي جرباتو حل ليها عاودت سدات هبطت صاوبت سندويش وهزت قرعة الماء ومشات حلت دخلت كانت رميساء دايرا لجيهة لوخرا حطت ليها داكشي حلت عينيها
جيداء:: حتى واحد هاد القرعة درقيها متقوليلوش جبت ليك شيحاجة
رميساء:: لاش كديري هكا
جيداء:: شوفي بدون قصد عرفت القصة ديالك بلاما تسولي كيفاش لكن للي خصك تعرفيه بللي هاد التعامل للي عايشة بيه خصوصا مع خوتك غالط حيت للي غايعونك مللي غطيحي ماشي انا ولا هاداك لا غيعاونك خوتك وواليديك
رميساء:: 😠 شكرا على الماكلة والماء وهادشي متدخليش فيه
جيداء:: المهم هبي هادشي انا غاديا ...... خرجت بشوي سورتات وردات ساروت هبطت تجمعو تغداو وعقلها فكيفاش تدير تخرجها من تماك وجود لاحظ شرودها لكن فسرو على انها كاعيا مننو ومن شنو دارت ختو ....
سالاو وطلعت وميساء و رجاء و هاجر معاها لبيتها بعد مغمزتهم
هاجر:: مالك
جيداء:: انا عطيت لرميساء الماكلة
رجاء: شنوو
هاجر:: مصطيا
جيداء: شنو تموت البنت بالجوع
رجاء:: راه المشكيل ماشي هنا المشكل احصل مك جود نهارك مطلع فيه شمس
ميساء:: بصح راه جود وسفيان ماكيرحموش فهادشي
جيداء:: ماسوقيش انا قلتليكم هادشي غير باش شويا وحدة تجيب شي سندويش ندخلو ليها عاود
رجاء:: واش هبيلة انت شوفي راه سفيان اعرفها ايجمعنا معاها
هاجر: : صاف نعاونوك ميساء تهبط تصاوب السندويش وانا نحضي الى كان جاي شيحد حتى تدخليه
رجاء:: انا غنجلس لتحت الى بانلي شيحد طلع غنصيفط ميساج
جيداء:: صافي
ميساء:: اه عنداك ايسيقو لخراينات لخبار راه اوصلوها طايرا
رجاء:: راني عارفاهم متخافيش ...... داكشي للي تافقو عليه طبقوه هبطت ميساء ورجاء الاخيرة مشات جلست وحاضيا ولوخرا دخلت صاوبت سندويش وطلعت تلاقات مع المختار قالتليه هاجر باغا تاكل 😄 ومشات دخلت عندهم وهاجر هزت تلفون دوزت لميساء وخرجت زعما كتهضر مع شيحد وخلاتها تعلم جيداء خرج دغييا حلت الباب بعد مدقات شافتها رميساء حطتليها السندويش للي مغلف فكاغيط حطاتو وخرجات سورتت لبيت ورجعت لبيتها ونفس المحاولة عاودوها فلعشا لكن قبل ميتعشاو هما غير سالاو وهبطو تعشاو هاجر مشات لدارهم داها لؤي وجود شد جيداء وطلعو
جود:: انا نطل على رميساء ونجي
جيداء:: 😳 اه واخا .... مشا وهي بدلات وبقات كتمشي وتجي اما هو دخل بانتليه رميساء ناعسة قرب عرفها ناعسة تنهد باسها فراسها وخرج رجع لبيتو مع حل لباب دارت جيداء
جود:: اممم جيبي دواك ديريه ونعرفك مخبيا شيحاجة نتفاهمو ....... ناضت بشوي خدات دواها دارتو وجات تخشات حداه وهو اجرها عنقها وخلاها تنعس على صدرو .......... تصبحو على خير ....]
*جيداء*
نهار جديد حليت عيني وانا بين ايديه مرة اخرى... كنت كنقول قبل نتزوج بيه عمر نقدر نخليه احط ايدو عليا وكنت كنتسائل كيفاش غنعيش مع واحد مكنعرفوش لكن دابا كلشي تبدل دوزت معاه فالاول غير 3اييام وفاش سافر حسيت بفراغ ارتاحيت معاه بزاااف وحسيت بصح بالامان كيبحالا مع عائلتي ...فاش وقع المشكل مع رميساء كنت كنتسناه غير وقتاش ايجي فاش عيطتلو هاجر ومعاودش هضر معايا قلت راه متسوقش مي فاش جا فرحت بزاااف لدرجة نسيت الالام للي فيا وكنجلس ونبقا حاضياه مكنبغيهش اغيب على عينيا شعور اول مرة نحسسو المهم شعور زوين بزااااف ...... دابا اللي مخوفني هو الى ساق ليا لخبار دخلت عند ختو وعطيتها تاكل 🤔 غنقفرها 😥 ناري نهاري مطلع فيه شمس الى عرفها ......... يالله غنبعد ايدو ونوض كرزني عندو
جود: صباح الخير
انا:: صباح النور
كيشوف فيا: فين كنتي غادا
انا:: نوض نغسل ونصلي
هو:: اممم (باسني فحنكي) شنو عندك ليوم
انا:: غنشوف خالتي واقيلا غنخرجو نتقداو شيحاجات
جود:: اممم انا عندي شي حاجة برا مغنرجع حتى لعشيا الى بغيتي شيحاجة عيطي
انا:: واخا 😊
جود:: (باسني😳) نوضي غسلي باش ندخل ندوش
انا:: احم واخ ....... نضت دغيا وااااه قلبي دقاتو غيكون هو سمعهم ااااف 😍 واااه تعاملو كيصطي 😆 مابقيتش كنحشم مي راه راجلي 😋..... دخلت غسلت توضيت وخرجت هو كان كيدوي فالتلفون لبست عباية دالصلاة قطع غمزني😍 ودخل للدوش🛀....... صليت انا ولبست كسوة غوز بارد مع فولار فالبوردو لبست سبرديلتي وصكادويا هادا لبسي ومغنبدلوش 🤨 كنرتاح فيه 😌 ..... وجهي مدرت فيه والو خليتو عادي وانا واقفة كنشوف فالمراية جا جود عنقني من اللور كان لبس لداخل مهضرتش بقيت هكاك سولني واش ساليتي قلتلو اه
جود(دورني ):: (جبد كارط كيشي💳) هاكي الى حتاجيتي شيحاجة
جيداء:: 😐 شوفي انت فينما كيجبدو ليك الموضوع مكتبغيش تهضري فيه لكن خصك تخدمي عقلك ارميساء اعوام وانت محلفة على خوتك ومتديري غالمشاكل على قبل مجرم
رميساء:: متعيرييييييش
جيداء:: رميساء واش مقاطعة خوتك على ود واحد مكتعرفيه ماكيعرفك غير قولي منطقيا انا نتيق خويا وواليديا ومنتيقش فواحد براني شنو مخليك تيقي فالهضرة اللي قايل ليك
رميساء:: هو قال تاهموه باطل
جيداء:: وشنو الدافع ديالهم وهدا للي كتحامي عليه ومعاديا عائلتك على وددو شنو دار على ودك
رميساء:: كيبغيني
جيداء:: عندك دليل
رميساء:: م...معرفتش المهم هو كيقول
جيداء:: هانتي قلتيها كيقوول شوفي سفيان كيف كيخاف على رجاء شوفي غير كيفاش كيتعامل معاها هو كان كيديرليك نفس الحاجة ؟ كيخاف عليك كيخرجك كيخسر عليك فلوس؟
رميساء:: انا للي كنعطيه هو معندوش
جيداء:: ههه واااش لهاد الدرجة الحب عاميليك عينيك كين شي راجل كيخللي مراة تخلص عليه حتى بيمو بقا غير تعطيه فلوس فايديه
رميساء:: يعني
جيداء:: ررميساء خللي قلبك وفكري بعقلك شنو غيستافدو خوتك من انهم ادخلوه الحبس شنو غيبعدوكم راه اكيد عارفين كل خطوة كتخطيها
رميساء:: جيداء انا بغيتو وكنا غنتزوجو
جيداء:: لكن هو ميصلاحش ليك ارميساء فكري غير بلعقل اختي فكري ماماك كون عرفاتو نافع غتعارضهم وهي تخليكم تتزوجو لاش معانداهم وكتبردي فيا انا ورجاء هادشي
رميساء:: 😒
جيداء:: شوفي انا غنديرها فايد الله وغنطلب جود غيخرجك من هنا حيت غنديرو عرس بسيط السبت لكن غنتحمل مسؤولية اي حاجة غديريها وفكري الى كنتي فبلاصتي واش غتبغي اوقع ليك كيف كديري ليا انا ورجاء ولا لا وعيدي التفكير فشنو كديري (ناضت)انا خارجة مع داركم ...... خرجت سديت عليها وهبطت ..
فطرنا مع لوخرين ناض جود جرني معاه خرجنا بقيت واقفة وكيوصي الى بغيت شيحاجة نعيط وقعت شيحاجة نعيط وحنا واقفين خديت سيلفي 😍 مباينش وجهو هو شديت غير اللحية 😍 لحتها فلبلاصة فالباج ديالي ...جاو خالتي ومروات عمام جود وبناتهم وعمتو 😪 سلمت عليه ومشيت طلعت مشينا فجوج طوموبيلات 😒 .... وصلنا للمول انا شادة فميساء فينما تعجبنا شيحاجة كندخلو ناخدوها انا كلشي عندي يالله مقديا مللي تزوجت لكن ضروري حنا مكنشبعوش من لحوايج كانت تاصلت بي الخدامة سولتني على ساروت بيت رميساء مسولتهاش لاش باغاه وريتها فين كاين وصافي ..... شرينا شنو خاصنا ومع عينا مشينا لريسطو كنتغداو لكن مع جلست بانلي جود تماك مع واحد الوحدة 🙄 وبداو لوخرينات كيوشوشو وكيسمعو ليا
سليمة:: ايوا قلت ليكم باقي متفرقش معاها
انا::😳
احلام:: وايييه بحال والو ادخل الضرة
مريم:: ويلي زعما اديرها
سليمة:: ايوا شوفي كيف مخلي مرتو وخارج مع هادي
ياسمين:: سليمة 🤨 كولو وبلا هضرة زايدة ....
[ فالفيلا كان ايوب للي بغا الساروت حيت كان جا وعرفهم حابسينها جابتليه الخدامة الساروت ودخل عندها
رميساء:: ايوب !!
ايوب:: 😠 اشداكشي درتي للبنت
رميساء:: حتى انت بففف
ايوب:: حتى كنقول راه نسات موضوع داك لحمااار وتاتجي تديري شي موصيبا
رميساء:: ايوووب هضرت موضوع ماباغاش ندوي فيه
ايوب::(شدها جلسها) غنهضرو فيييه ارميساء واش دازو عام على هادشي وباقي ماباغاش تنسايه
رميساء:: (كتغوت)😭😭😭 حييييييت عااااارفة غيكووووون كدب عرراااااااافت غيكون كلالي دمااااغيييي وشنو درت لجيداااء عرفت غالطة عرفتتتت لكن مابغيتش مابغيتش اعرفو راني انا للي غالطة بغيتهم هما ايكونو غالطين 😭😭😭😭
ايوب::(جرها عنقها) ششششت خوتك فاهمينك وعارفين راه لاعب ليك بعقلك
رميساء:: 😭😭 اه انا ثقت فيه هادشي علاش بغيتو اه بغيتو ممكن كانت فترة وسالات فاش مشيت زرتو بكا والله حتى بكا وقالي هما ظلموني تيقتو اايوب تيقتو خاصمت صحاباتي على ودو وخويا على وددو
ايوب:: ومللي عارفة هادشي لاش درتي للبنت هكاك
رميساء:: متحل ليا عقلي حتى لورا شنو درت كنشوف البنت كيفاش معارضة جود ومخايفاش غير باش تجيب ليا مناكل واخا شنو درت ليها وكنشوف كيفاش جود كيجي كل ليلة هو وسفيان اطللو عليا وفاش كيلقاني ناعسة كيبوسلي راسي 😭😭 عرفت شيحاجة غالطة اه تعطلت لكن عرفت هو كيف قالت جيداء باغي غير فلوس لوكان صارحني نعطيه شنو بغا غير ميخلينيش عايشة فعداب
رميساء:: حيت اففف عارفاك غتكعا لكن باغا شيحاجة للي تيقنلي بللي غير كدب
ايوب:: انا نجيب ليك.
رميساء:: كيف غدير
ايوب:: (شد وجها) انت غير ارتاحي وحبسي من زبايلك وانا غنتكلف
رميساء: انا..
ايوب:: عاااارف متيقة ومامتيقاش عااارف صعيب تكوني كتيقي فشيحد وتعرفي وراها راه كداب صعيب تبغي شيحد وايكون هممو مصلاحتو وللي صعيب هو اكون كلشي على حق وانت للي غالطة دابا ارتاحي اوكي انا نشوف كيف ندير نخليهم اخرجوك من هنا ...... خرج ايوب وهو فرحان لدرجة كبيرة مشا لبيتو وبقا كيفكر .... وحنا نرجعو عند جيداء ]......
كنت جالسة على اعصابي حسيت بالسخونية طالعة معايا اه غرت شكون هاديك وواش بصح هادشي للي كيقولو لبنات ولا كين شي تفسير اخر استأدنت بحجة غنغسل مع نضت جات عيني فعينو دورت وجهي ومشيت دخلت غسلت نيت بقيت شحال واقفة والسؤال للي جا فبالي علاش غرت 🤔 زعما😳 بغيتو.... اححح ونكون طحت ....
[جود كان خارج حتى عيطت ليه راويا كتغوت اتلاقاها مشا عندها كانت كتبكي حيت فاش رجع اخر مرة لفرنسا هي كانت سافرت مرة اخرى بسباب الخدمة هادشي علاش مهضروش .... جا عندها جود للريسطو سلم عليها وجلس
جود:: (بصوت عالي) ماسووووقكش متدخلييييش 😡 قلتها ليك شحال من مرة هادشي بعييييد عللليك (كارز على ايدو) مكنحمملش للي ايدير شيحاجة من ورايا اجيدااااء😡
رميساء:: جو.....
جود:: سكتيييي مانسمعش صوتك وانت(جيداء) من بعد ونتفاهمو .... طلع وخلاهم
رميساء:: ياختي فمك كياكلك
ميساء:: واللهما شفتو
جيداء:: 😭 تعصب عليا
ميساء:: حمدي الله للي معطاكش شي طرشة زيدي نجلسو زيدي....... جلسو لبنات جيداء مسحت وجها لكن هي فاش كتبعي وجها كيوللي حمرررر و عينيها كذلك بقاو جالسين حتى تم جاي لؤي وسفيان وايوب دايزين من حداهم وسفيان قشع جيداء قرب ليها
سفيان:: جيداء مالك
جيداء:: والو 😊
سفيان:: شوفي عينيك اكيد باكيا شنو واقع
رميساء:: كانت كدخلي الماكلة وسمعنا دابا جود قلنا وتعصب عليها
سفيان::🤨 اييه من حققو
جيداء:: عرفت 😞
سفيان:: هو غير معصب شويا وايبرد .........
جود طلع بدل وبقا كيطل من البالكون عليهم شاف سفيان مللي قرب لها وبدا كيهضر معاها هو شد راسو غير بزز حيت للي دار شيحاجة كتعصبو كيتفاهم معاه 👊 بقا واقف شحال شوي عيط من تماك على جيداء باش تطلع عندو تمت طالعة وهضر سفيان من التحت
سفيان:: رطب اصاحبي رطب
جود:: عاااارف
ايوب:: بكيتي البنت وعارف اش عارف اش
جود:: غنهبط لمك نوريك اشعارف 🤨.....
خلاهم ودخل حلت جيداء الباب بانليها جاي سدات الباب ووقفت مع هز ايدو احسابليها غيضربها خبات وجها بايدها
جود:: 😳 بففف( جرها عنقها) واش من نيتك مخبيا وجهك
جيداء:: خفت تضرب 😭
جود:: شششت مغنقيسكش واش حمقة موضوع ماكيستاهلش واخا عصبتيني
جود:: الى مغنبغيش الحاجة ماديريهاش باش ميوقعش بحال دابا اوكي
جيداء:: امم
جود::(باس جبينها) دخلي بدلي واجي نعسو
جيداء:: واخا .....
دخلت جيداء غسلت وجها وبدلات خرجت لقاتو متكي وساد عينيه غير حس بيها حل دراعو تخشات فيه عنقها ونعسو ابطالنا 😍...........
دوزو هاد الايام غير فالتوجاد جود كيمشي للشركة ماكيرجع هو ولؤي حتى لعشيا و جيداء مشغولة هي ورجاء وميساء وهاجر كيخرجو اشريو شنو خاصهم ....كل واحد ملهي بشي حاجة وليوم هو يوم الحفل يارينا وتوفيق عرضو على عائلاتهم طبعا لكن خالة جيدتء ام حمزة مقالت لولدها والو .....
الجردة كانت عامرة بالعمال للي كيقادو مكان الحفل كيبانليك شي مشغول بالضواو شي بالورد شي بالكراسا كل واحد شنو كيدير جود خرج هو والدراري باش احلقو و لبنات مشاو للكوافورة مجموعين ........وصل لعشيا كان كلشي واجد فالفيلا العائلات مجموعين وجود ولؤي حدا لكوافورة كيساينوهم اخرجو ليه مرتو كان واقف هو ولؤي حتى سمع الصلاة والسلام دار وبانتليه جيداء كانت لابسة تكشيطة فالبوردو ووجها مغطينو ليها بيان سيغ دايرا الزيف 😍 طلعت رائعة جود تقدم شد ايدها باسهم هي مهزتش عينيها فيه رغد المدة للي دوزت معاه باقي كتحشم كيف الاول هي طبعها هكا حل الباب ليها دخلها وطلع من الجهة لوخرا ساق لؤي وحداه هاجر للي ماكيسكتوش من لمدابزة فاش كيتلاقاو ولبنات ركبو مع الشيفور........ وصلو كانت الدقة المراكشية هبطو تم شطحو لبنات ودراري عاد دخلوهم جلسو فالبرزة وجا وقت هز ليها الشبكة على وجها باس جبهتها هي فين هزت عينيها فيه وابتاسمت وغير غمزها هبطت راسها عاوتاني 😅..... بداو ناس كيجيو اباركو هاجر كدور دور هي وميساء وايجيو اصوروهم وياخدو سيلقيات معاهم ...شوي ناضو عرسانا مشاو باش تلبس جيداء اللبسة الثانيا اللي كانت تكشيطة 3D موردة كلها فالباج وقادولها التاج والاكسيسوارات وعاودو هبطو وقفوهم شطحو شوي ومشاو جلسو ..... واحد اللحظة كانو عرسانة كيتحتتو وجيداء ضاحكة لكن غير هزت عينيها فالباب جمعتها.......
انتابه ليها جود دار بانتليه راويا عض على قنوفتو عرف القضية حامضة هز ايدها مللي درت عندو باس ايدها وقرب لودنها
جود:: مال مدامتي كاعيا
جيداء::😍 لا والو
جود:: جيتي زوينة
جيداء::😳 ميغسي
جود:: اشقلني على هاد الكلمة 😉
جيداء::🙊 لا منعاودش 😳
جود:: ههههههه............ بقا شاد فيها وحاول ايلاهيها لكن راويا غير كملت هضرتها مع لؤي وجات سلمت عليهم واخا هكاك بتعامل جود جيداء حاولت تخلي موضوعها لمن بعد وتستمتع بنهارها ........داز شوي وعاود بدلت تكشيطة اخرى فالخزي و اخر لبسة هي الغوب مكتراتش حيت معندهاش مع هادشي غير دارتليهم الخاطر لبست 3 اللبسات غير بزز عاد الغوب جات كتحمق فيها وجود حتى هو بدل لبس كوستار فالزرق 😍 جاو فوق كيحمقو كان جود كيساين التحت حتى باتليه هابطة لبنات ولاو غير كيدورو فعينيهم حيت جات فاتنة 😍 كانت هازة بوكي دفلوغ غير وصلت عن جود قرب باس جبهتها وباسها ففمها
لبنات::😱
رميساء::😊
هاجر وميساء ::😍
ياسمين😍😍😍
لؤي::😅
سفيان:😌
راويا(جات مع اللقطة)::😯😥😠.......
ايوا بعد عليها جيداء بقات مصمرة ووجها ولا مزنك ضحك عليها ومد دراعو شدت فيه وخرجو لبرا عند الحضور وقفو الوسط وبداو كيرقصو جات ياسمين خدات البوكي دفلوغ باش ياخدو راحتهم وهما كملو
جود:: ميحسابليش مرتي كتاخد لعقل بحال هكا
جيداء:: ههه انا
جود:: ههههه وشكون
جيداء:: واصافي
جود:: غتبقاي هكا كتحشمي منني
جيداء:: غير هضرتك ماموالفاش وقبايلة لاش درتي هكاك حداهم حشومة
جود:: شنوو منبوسش مرتي او🤨
جيداء::😳 مقلتش لا لكن ماشي قدامهم
جود:: الالة نبوسك قدامهم وراهم انت مرتي ديالي😉
جيداء:: 😳
جود:: هههه (قرب حط جبهتو على جبهتها وايدها على قلبو) غتخرجيه من بلاصتو
جيداء:: 😳😋
جود:: عمرك تبدلي ها باغيك ديما هكا
جيداء:: 😊 انا ديما هاكا
طود:: 😊 داكشي للي باغي ............ بقاو عرايسنا فجوهم وبداو كيدخلو ازواج للوسط تقدم سفيان ورجاء وتبغو رضوان ومرتو صحر وهنا تقدم ايوب جر رميساء بلا هضرة ودخلو كيرقصو وراويا مشات جرات لؤي ودخلو حتى هما ..... كان كلشي فرحان شي غاير شي حاسد شي كيخطط كل واحد وشنو كيدور فراسو .... سالات الموسيقى وتقدمو قطعو الكاطو وجاو صحاب جود تصورو معاهم شوي تجمعو العائلة وتوفيق جر بنتو تصورو بتلاتة هو وبنتو ومرتو كانت اجواء رائعة فاش سالاو يالله جود غيجر جيداء حتى قالت ياسمين رمي البوكي جيداء وقفت شحال مترددة كانو كاع لبنات مجموعين لكن جيداء طلقت من جود وتقدمت ناحيت لبنات جود بانلك ربع ايدو وعوج حواجبو عرفها غدير شيحاجة وبصح مشات عطات 💐 البوكي لرميساء باستها فحنكها خلات كلشي مفاهم والو يالله غتمشي جرتها رميساء عنقتها وبكات 😯 والله حتى بكات😯😯😯😯 وبكاو العائلة معاهم حيت رميساء بصح ندمات على شنو دارت كانت كتقلب على فرصة فين تعتاذر ودابا جات الفرصة تقدمو سفيان وجود قربو ليها وهي تعنقهم رميساء وكتردد كلمة وحدة سمحو ليا ايوب فرح وبانت لمعة فعينيه لمعة العاشق 😍....
سفيان:: صافي داكشي داز خلينا نصيفطو هاد الاخ عاد نتجمعو
جود::(كيشوف فجيداء) يعني كون مكانتش شيحاجة مهمة مغاديش نمشي 😅
سفيان:: هههههههه حشم
رميساء:: شنو الحاجة المهمة
جود(عنق جيداء) مرتي هههه يالله بسلامة
رميساء::شكرا اجيداء
جيداء::😊 بصحة ......... كان احسن نهار بالنسبة للعائلة مختار وياسمين فرحو بزاااف من شنو وقع ..... خرجو مع عرسانا حتى ركبو مشاو وبداو كيودعو المدعويين .......
جود و جيداء كانو وصلو حللو السيكيريتي الباب وهبط حل لجيداء وعاونها هبطت دخلو كانت سامية و كلثوم واقفين قالو لهم مبروك باست جيداء قطتها شحال مشافتها وكملت طريق وصلو لدروج هزها جود
جيداء:: ويلي غطيحني
جود:: 🤨 انا نطيحك انت خفيفة كيريشة
جيداء(مدورا ايديها على عنقو) الغوب غتعكلك وغنتكربع انا وياك
جود:: متخافيش حلي لباب
حلت لباب هو دفعو وحطها فوق السرير للي كانت موجداهليهم كلثوم وصاتها يارينا (ام جيداء) كان مزوق بالورد وكين شمع فالغرفة ...جود غير حطها وجلس حداها
جود:: كيف طرا وجرا حتى تفاهمتي مع رميساء
جيداء:: 😊 اسرار بنات
جود:: اممم مي شنو معنى عاطياها هي البوكي
جيداء:: هو فالعرس الى تلاح يعني البنت غتزوج مي انا قصدت بيه هي تبدا حياة جديدة بلاما تبقا معلقة فشنو داز
حيد صباطو وحط المكانة والسوارت ودخل للدوش انا جيداء حيدت الزيف والاكسيسوارات ومشات هزت شوميز حطاتو مسحت الميك اب غير خرج جود دخلت هي دارت بحالتها عاد خرجت كان جود لابس غير سروال ولفوق عريان وجالس مع خرجت وقف هي قربت وعرفت جا وقت المعقول حدرت راسها قرب جود كثر خدا ايدها ودارهم ورا ظهرو حط جبهتو على جبهتها وبقا كيعبر على اعجابو بيها ليوم هي غير كتبتاسم ليه شوي قرب وحط شفايفو على شفايفها وهما فنفس الوضعية طيحلها لبينوار وقربها تخشاو فالسرير ........ عاملها بطريقة زوينة الشي للي خلاها ترخا وتستجاب ليه بلا خوف كان حنين معاها ....... غير سالا ابتاسم وباسها وشكرها لانها بصح بنت بمعنى الكلمة مربية احسن تربية حافظت على راسها وكان اول من شدها حتى فايدها هو راجلها بقات متكيا فصدرو حتى لشوي دخلو دوشو
💐💐💐 يوم جديد 💐💐💐
حلت جيداء عينيها دورت راسها كانت بوحدها فالبيت تقادت بشوي
جيدا::فين مشا على صباح 🤨....
ناضت بشوي عليها دخلت غسلت وخرجت يالله غتاجه للباب تم داخل جود هاز فطور فايديه
جود::😍 صباااحو
جيداء::😄 صباح الخير فقتي بكري
جود:: غير باش نوجد ليك فطور اجي (حط داكشي وجرها جلست حداه ) كيصبحتي مزيان
دخلات جيداء خدات شوميز بيضة وزيف رمادي مع سروال فنس اللون وهزت تريكو خفيف فالبوردو دخلت لبست وخرجت دارت ميك اب خفيف(غزلان.ب) قادت زيفها ودارت سنسلة فعنقها كيما فالصور مع ساعة يد وخاتمها ديال الزواج مشات لبست صنداة عالية كلاس وهزت صلك جود لبس سروار فالرمادي وتركو نواغ فاش شافها سالات ناض دار ساعتو قاد شعرو هز سوارتو وتلفونو شد فيها وهبطو دازو عند لبنات كانو كيقادو فلغدا سامية غير كطلع وتهبط ...علمهم جود بللي خارجين ميديروش بحسابهم وخرجو ......]
**جيداء**
كنت حاسة بفرحة كبيرة وحمدت الله حيت لقاني بشخص طيب 😍 وليت مغرومة بيه ضحكتو هضرتو عصابيتو كلشي كلشي كلشي زوين فيه لبارح داز فووووق زوين وليوم انا مع راجلي حبيبي فالطوموبيل معرفتش فين غنمشيو بانلي شاد طريق الرباط مسولتوش هو سايق وايدو فايدي مشينا لريسطو غير ديال الحوت مع وصل وقت لغدا وانا جاني جوع دخلنا طلبنا شنو بغينا وبقينا جالسين كنتحتتو
انا:: جود
جود:: وي
انا:: كيفاش حتى فكرتي تزوج
جود::🤨 لاش هاد السؤال
انا::😳 غير سولت
هو:: انا ماشي صغير ولد 20 عام مليت الروتين للي انا فيه و احم العلاقات حتى هما يعني بغيت نستقر
انا::😑 علاقات علاه شحال كان عندك
جود:: هههه لا غير كل مرة كندخل لوحدة كنخرج ندخل لوخرا فهمتي ماشي فدقة كين بزااف متفهميش عوج
انا:: امم
جود:: اممم ضروري الواحد كيكون داز من علاقات وفاش كيعرف راه داكشي منافعش راه كيشد الارض وكيتزوج ححيت ماكينش بحال لحلال
انا:: 😊 وراويا
جود:: ههههه (جابولهم لغدا) بقيتي دوري حتى جبدتيها
انا:: حيت بشوفاتها ليك باين وواضح كانت شيحاجة كبيرة بيناتكم
جود:: كانت غولاصيون وسالات اجيداء راويا ماضي وفات وانا مكنتش خايدها بجدية معنديش مع البنت للي تكون دايراني باش دير اشهار(غزلان .ب) شوفو راني انا مع هادا (وشاف فيها) معنديش مع للي كتسلم راسها لكثر من واحد
انا::😳 امم مي شنو قصدتي باشهار
جود:: مكنهضرش على مرتي كنهضر على وحدة للي فاتت علاقتي بيها يعني غير صوري ولوحي معنديش مشكل
انا::😅 اه
جود:: منلقاش عندك رجال ها
انا::🙄😑
جود:: كملي ماكلتك من بعد ونشوفو داكشي ........
كملت ماكلتي هو كياكل ومرة مرة اوكلني كان دايرلي بحال البنت الصغيرة اححح اقلبي فاش كيشوف مكنكرهش نطير نبوسليه عينيه 😍 ....
سالينا نضنا ضرنا تماك شويا درتلو الطيارة باش نمشيو لصومعة حسان كيعجبني بحال دوك لبلايص مشينا شفت الضريح وكلشي خديت بزاف دالصور وجود غير تابعني مخليني على خاطري حتى عيت ومشينا للطوموبيل ورجعنا للدار ...........وصلنا خليتو طلع ارتاح ومشيت عند لبنات
جود: اوكي وغير خودي راحتك راه منبه على السيكيريتي ميدخل حتى واحد حتى اعلمني
جيداء:: صافي مزيان 😄........
هبطت دغيا اول حاجة صاوببت كافي وطلعتها ليه عاد رجعت معرفتش ديك سامية مكنرتاحش ليها بديت كنطيب وكنضحك انا و كلثوم ولوخرا هازة خنافرها لسما ......... المهم بعد ساعة وشيحاجة كان كلشي مردود كيطيب والسلاد جاهزة خليتهم اقادو الطبلة وخرجت من الكوزينا بانلي جود فالجردة طلعت للبيت ختاريت غوب غوج فوق الركبة شوي مكروزة صماطيها غلاضض كيبان الصدر شوي صاوبت ميك اب ركزت على العينين اكثر طلقت شعري وجمعت غير الجناب درت حلقات طوال ورقاق لبست صباط نواغ طالون رشيت بارفاني و هبطت كان صوت طالوني للي كيتسمع طرق طرق طرق 😄 جود كان داوي فالتلفون غير سمعني دار وكيبانلي غير كيبحلق 😄 قطع وقرب عندي
كملنا هضرتنا فجو زوين ومن بعد طلعنا لبيتنا لبست شوميز ديالي ومشيت عند حبيبي 😍 كيعجبني فاش كيبقا غير بالسروال لفوق عريان 😍 العضلات وداكشي هو كيهضر معايا وانا ايدي كتلعب فعضلاتو 😋😍 ايواااا و وقع ما وقع ..............✌
وحنا وسط اعمالنا 😄 صونا تلفون جود متسوقنالوش فالاول لكن قطع وعاود صونا 💏💏💏
تزوجت غريب الجزء الثاني
محتوى القصة
التنقل بين الأجزاء