مهضرش كانت باينة فيه الخوف دخل دوش وخرج باش البس دخلت حتى انا دغيا خرجت لبست وطلبتو تسناني لبست جلابتي ودرت زيف تميت خارجة وكنقاد فيه ركبنا وزدنا للسبيطار......
[...... كانت العائلة كلها فالسبيطار وكلشي خايف حيت ياسمين كانت فغرفة العمليات لبنات كيبكيو وسفيان جالس وشاد راسو بايديه واقفة حداه رجاء عاد مختار راجلها للي كيمشي وكيمشي الحاجة كتبكي وكتدعي معاها
جود:: شنو وقع ليها
لؤي:: معرت حتى سمعنا الخدامة غوتت طلعنا ولقيناها طايحة فبيتها
جود:: مكان معاها حتى حد
ايوب:: لا بوحدها ......
سكتو مرة اخرى وبقاو جالسين بعد مدة طويلة عاد خرج الطبيب ناض كلشي تجوق عليه
مختار:: 😥كيف دازت العملية !!!
دكتور::😊 الحمد لله دازت مزيانة غير ارتاحو
الكل:: اووف الحمد لله😪
دكتور:: 🤨 لللللكن وهادي كنأكد عليها قلبها ضعييييف رغم كلشي كنضن مكانتش عارفة راها مريضة بالقلب ممنوووع التوتر نهائيا خاصها تعيش فجو مزيان وترتاااح انا كنعلمكم
جود:: نقدرو نشوفوها !!
دكتور:: نو ممنوع غنتسناو حتى تفيق ونفحصها الى كانت مزيانة ان شاء الله نحولوها لغرفة ديالها وتشوفوها
سفيان:: وقتاش غتفيق
دكتور:: غدا ان شاء الله تكون فايقة دابا معندكم لاش تبقاو هنا سيرو حتى لصباح واجيو .........
هضر المختار وقالهم كلشي امشي وهو غيبقا وداكشي للي دارو كلشي مشاو لديوهم جود وجيداء وصلو طلعو وتخشاو جود بقا غير متكي(غزلان .ب) باقي مهانيش وبغا اعرف شنو وقع قربت مننو جيداء عنقاتو ليها نيت كان محتاج شيحد حداه تكا عليها بقات تلعبلو فشعرو حتى نعس ونعست من وراه ........
🌼 يوم جديد🌼
ناضت جيداء قبل من جود بعدت بشوي دخلت غسلت توضات صلاة وهبطت قادت فطور عاد طلعت فيقاتو كانت 7 دخل جود غسل توضا صلى وهبط فطر هو وجيداء وخرجو للسبيطار لقاهم داروها فالغرفة وباه جالس حداها لكن هي مدورة وجها وكتشوف فالباب حتى شافت جود عاد فرحت قرب ليها باس راسها وايدها
جود:: خلعتينا عليك
ياسمين:: هانا باقا معاكم
جيداء:: الله اطول لينا فعمرك (باستها)
ياسمين:: الله ارضي عليك ابنتي
جود:: شنو وقع حتى مرضتي هكا
مختار:: احم خليها دابا ترتاح من بعد وهضرو فهادشي !!
..... جود شاف فممو يالله غيهضر دخل الجيش لاخر جاو سلمو عليها وبقاو واقفين حاولو اخليوها مرتاحة وجود محكرش على الموضوع مشا سفيان وجود عند الطبيب كتب ليهم دوا للي خصها تبع وقالهم يومين وتخرج من السبيطار لكن حتى اعاود اعاينها الى لقلها مزيانة ..... بقاو بناتها معاها ولاخرين كل واحد مشا لخدمتو حتى للعشيا وجاو واليدين جيداء بعد مساقو لخبار وحتى واليدين رجاء ...........
داز اسبوع خرجت ياسمين من السبيطار وولادها تجمعو حداها جود وجيداء دوزو هاد الاسبوع عندهم جيداء بدات قرايتها كيديها الشيفور وكيردها ومرة مرة جود اما هاجر فبدات سطاج فواحد الشركة ويوميا على تواصل مع جيداء وبالنسبة لعرس سفيان مخلاتهمش ياسمين الغيوه كان تقريبا كلشي داروه وهاد الاسبوع شرات رجاء شنو ناقصها وهكا كملات والويكاند كين العرس ايوب فهاد المدة مشا زااار حبيب رميساء فالحبس وسجل هضرتهم للي قال فيها كلشي لكن باقي معطاهش ليها ............
ليوم فطرو مجموعين وكل واحد مشا لخدمتو ولقرايتهم .... سليمة ولبنات كانو جالسين حتى جات رجاء طلعت عند ياسمين لبيتها تطمن عليها بعد مسلمت على لبنات
هاجر:: يالله هاد السيمانة كنقرا وفنفس الوقت كندوز سطاج
جود:: اممم وعوالا تكملي عندهم ورا سطاج
لؤي:: بيان سيغ لا كملي سطاج ديالك وجي عندنا
هاجر:: وعلاش
لؤي:: حيت انا بغيت
طود:: لؤي😑
لؤي:: لا راه داوي بمعقول حنا عائلاتنا ماكيخدموش فديك الشركة
جيداء:: علاش
لؤي:: منافسين ديالنا
هاجر:: وانا مالي
لؤي::🤨
جود:: حيت حتى انت من العائلة وحنا كلنا مللي كبرنا بعادين على ديك الشركة وهادشي بتعليمات من جدي الله ارحمو وواليدينا باغا سطاج قوليها ليا انا نلقاليك فشركة ديال العائلة ولا معانا حنا
هاجر:: 🤔 عندكم واخا لك.....
هاجر:: اوكي انا نسالي سطاج ونخرج (شافت ورا جود) 😒 عمرو طويل(دارو وكان نيت داخل محمد العلاوي وتم جاي عندهم)
محمد:: اووووه ولاد عائلة بناصر مجموعين هنا (شاف فهاجر) 🤨 انت ماشي خدامة عندي
محمد:: هههههه انا اه كنخرج معا بنات بخال هاد لمشيشات للي معاكم لكن منتزوجش على مرتي
جود::😡👊 نوري مك مشيشات كيديرين ....
بدا كيضرب فيه جيداء تخلعت تحول لوحش فديك اللحظة قربت للؤي هي وهاجر وشداتليه فتيشرت ديالو محمد فالتقادة ديال مختار يعني كبير فالخمسينات وهما عائلتهم معاديا مع عائلة بناصر حيت جاو من وراهم وفاتوهم ماكيتحاملوش ودايا محمد لقا فين احرق اعصابهم ..... بقا جود كيضرب حتى غوت لؤي مللي شاف فيه جود لؤي دار حركة براسو زعما شوف مرتك ..... بعد جود جبد فلوس من جيبو خلاص عشاء ديال عائلة عطاهم لمدير الكافي جر جيداء وخرج وتبعوه لوخربن
جود(معنقها):: ديزولي
جيداء:: لاش تصرفتي هكا
جود:: بلاما تهضري فالموضوع اجيداء منيرفي لدرجة كبيرة على قبلك وقفت اما نزيد نوريه كيفاش ايهضر اجي دخلي ......(طلعو للطوموبيل لور ولؤي و هاجر القدام ).......
ساق لؤي وبانتليه هاجر حتى هي مخلوعة شد ايدها وحتى هي كانت محتاجاها حطت ايدها لوخرا على ايدو وزيرت عليه بقاو هكاك حتى وصلو هبطو جود ومرتو تمو داخلين ولؤي هبط مشا عند هاجر عنقها
لؤي:: اول مرة نشوفك هكا خايفة
هاجر :: (تنهدت) خلعني 😳
لؤي:: ههه متخافيش انا كين 😉
قبل ميجي جود ولوخرين كان سفيان دخل طلع لبيتو سمع الدقان
سفيان:: دخل (كيحيد فالفيست) سليمة؟
سليمة:: واش مسالي بغيت ندوي معاك
سفيان::🤨 فاش
سليمة(دخلت وسدت الباب).....
سفيان:: فاش🤨
سليمة:: غنقوليك لكن متقولش انا للي قلت ليكك
سفيان:: واخا قولي اشعندك
سليمة:: باباك باغي اتزوج
سفيان:: 😮 شنووو 🤨 منين جبتي هاد الهضرة
سليمة:: كان قبايلة كيتغاوت هو وخالتي فاش كنت طالعة وسمعتهم قالتلو ماماك حتى كبررتي عاد جات تتزوج وشيخاجة هكا راه راجاء فخبارها هادشي ومابغات تقوليك والو (دخلت رجاء )
رجاء::!!!! شنووو واقع هنا
سليمة:: احم سمحو ليا انا هابطة(مشات)
رجاء:: 😠 اشكدير هادي هنا
سفيانن:: 😠 فخبارك بابا باغي اتزوج
رجاء::😳 شكون قالها ليك
سفياان::😡 يعنيييي عارفاها علااااااش مقلتي لياااا والووو (شدها من درااعها) علااااش مخبيااااا حاجة بحال هادي
رجاء:: رااااه خالتي مابغاتنيش نقوول و....
سفيان::(بلغوااات) 😡 كنقووولييييك عمركككك تخبييي شيي ****** ياااك ولا لاااا (لاحها فالارض) هادشي كلللو واقع وانا كيف لحمار بيناتكم (خرج وردخ الباب )
رجاء بقات كتبكي فبلاصتها وهو هبط كانو مجموعين فالصالون كلهم من غير ياسميين دخل مخنزر
سفياان:: لبنااات برااا وسدو الباب
احلام:: حناا
سفياان:: 😡 احلااااام (خرجو كيجريو)
عبد الرحيم:: شنو وااقع
سفيان(كيشوف فباه) :: بغيييت غير نفهم انا كون تزوجت عشر سنين هادي كوراااه عندي ربعة دراري للي هما حفادك ياااك وانت نااايض باغي تزوج
هاجر:: (كتفتف) احم ان انهبط اه نهبط نشوف لبنات 🙂(خرجت).....
قرب جود للسرير وتلاح وجر ليه جيداء تكات فصدرو وبقاو هكاك كان شاغل بالو الموضوع مقدرش امشي عند ممو ...كرز على جيداء كيبحالة كيستامد القوة منها وكيشم ريحتها بقا هكاك شحال مهضرش وحتى جيداء متحركتش ......... رميساء معرفت مدير ومابغاتش تدخل خرجت للجردة حتى جا عندها ايوب وحاول اخرجها من الجو للي هي فيييه ..... اما ميساء فجات عندها هاجر وبقاو فبيتها هي كتبكي ولوخرا كطبطب عليها ......... هكا داز النهار كل واحد فبلاصة لعشا كلاوه مفرقين جود لفوق مع مرتو كيساء مع هاجر ايوب خرج رميساء و لكبار مججموعين اما سفيان فكلا برا ودخل معطل عرف راسو غلط وعيط شحال من مرة لرجاء لكن مجوباتوش طلع لبيتو وحااول انعس اما مختار فا مشا بات عند لمراة للي باغي اتزوج من بعد ونهضرو عليها ............
🌹يوم جديد🌹
فاق جود وكان جيداء ناعسة فحضنو باسها بعدها بشوي وناض دخل دوش 🛁 وخرج بدل حويجو ومشا دق على سفيان🚪 ودخل كان سفيان بارك وشاد تيلي كيعيط لرجاء
جود:: فقتي
سفيان:: وييي مالك
جود:: خصنا نهضرو فالموضوع بزز باش نعست لبارح
سفيان:: هانتا تشوف المصيبة للي خرج باااك تهنينا من موضوع رميساء جا هو
جود:: هضرتي مع رجاء
سفيان:: بففف مكتجاوبش
جود:: مغتجاوبكش حيت قررات تساليو
سفيان(شاف فيه وناض)):!!!!! شننوو
جود:: وي لبارح كانت مع جيداء كتبكي ومللي هضرت معاها قالتها ليا هادشي علاش مكتجاوبكش
ياسمين::😢 مدة طويلة وانا عارفاه لكن كنقول راه صافي سد الموضوع ومابقاش معاها حتى لنهار للي طحت فيه قريت الميساج كاتبة ليه راه كنتسناك باش نمشيو عند لعدول صدمني انا دايرا فوق جهدي باش عائلتي تجمع وكنديرليه للي بغا لكن هو الله اهديه شد فهادي مطلقهاش
جود(معصب ومخبي) صافي غير ارتاحي انت وهي ماغدخلش هاد الدار واخا نعرف نريبها المهم انت ترتاحي وحاولي تهضري مع رجاء
ياسمين:: علاش
جود:: انت مكتخصرش ليك راه لحمار دولدك غوت عليها ومعرفت شنو دارليها مابقاتش باغا تزوج بيه
ياسمين:: اويلي
جود:: متخلعيش غير هضري معاها انت مكتقولش ليك لا وجري لولدك ودنيه شويا
ياسمين:: صافي واخا الله ارضي عليك اولدي (كان غينوض جراتو) وانت كيف غادي مع جيداء
جود(ترسمت ابتسامة على وجهو ولمعة بانت فعينيه) مزيانين
ياسمين:: نتمنى تكونو مرتاحين
جود:: فوق مرتاحين خصوصا انا بصح مكنتش متوقع غنطيح فالبنت للي ختاريتو 😉
ياسمين:: هههههههه ايوا على سلامتنا تهلا فيها اولدي ومتخليش شيحد ادخل بيناتكم وديك راويا بعدها عليكم
جود:: ان شاء الله ..انا نخليك نمشي نفيقها ونهبطو نفطرو
ياسمين:: واخا اولدي ..........
مشا لبيتو لقاها يالله كتحل فعينيها ابتاسمت ليه هو قرب باسها
جود:: النعاسة نوضي يالله دوشي
جيداء:: اممم انا نايضة
جود:: قاريا ليوم
جيداء:: نو غنبقا فالدار غيدوزو بابا وماما هنا
جود:: اوكي ارتاحي ليك يالله وانوضي
جيداء :: هانا .........
خلاتو ناض جرت بينوار بشوي كانت الاخت عريانة لبست بينوارها عاد دخلت دوشت توضات خرجت لبست صلاة عاد هبطت هي وجود ....
تجمعو جود وخواتاتو بزز باش فطرو حيت كلهم عرفو بللي مختار بايت عند لوخرا جود كلا دغيا هضر لجيداء فودنها " انا غادي الى بغيتي شيحاجة عيطي ليا " وخرج تبعو لؤي ....... اما سفيان فهاد الاثناء كان عند رجاء فبيتها
سفيان:: حبيبة
رجاء:: 😭 بعد منني
سفيان:: راااه والله حتى كنت معصب وانت مكانش عليك تخبي
رجاء(دفعاتو) ::انا مخبيتش جيت صباح وحضرت للمدابزة هي فين عرفت فهمتيييييي
جيداء:: (مشافتش جود وراها )😠 هاداااك راااه مزوج سمعتي ومتبقاااوش تلوحو فالهضرة الزااايدة هضرو وقيسو وهاداااك لللي داوييين علليه راااه راجلييي اناااا فهمتوووو وعمرووو ايشوف لا فيها لافغيييرهااا 😠(شافت فيهم كلهم وتمت غادا شافت جود خنزرت فيه وطلعت )
احلام:: هادي مالها
رجاء:: والله الى سركم فينما تشوفو البنت تجلسو تلوحو ليها فالهضرة (بانليها جود) وتبداو غيدخل الدرة غيتزوح عليها غا الى بغيتوها تبقا ساكتة
ياسمين:: مكتحشموش حتى ايجي جود
جود:: هاهو كاين وسمع كلشي
احلام::😰.....
جود:: من بعد ونتفاهمو (مشا طلع)
ياسمين:: اوووف انا نطلع لبيتي (مشات)
سليمة:: شفتك بغيتي تباني بعقلك قدام عدوستك
رجاء:: باغا نبان بعقلي ماشي نمشي نشري للناس الصداع باش نفرق واحد على خطيبتو شنووو صورتي دابا
مريم:: شنوو
رميساء:: كيفاش
رجاء:: مشات يا لاللة جلست تصنط على خالتي وعمي هما مضاربين عرفات الموضوع وانا كنت تماك معاهم مشات حطتها لخوك سخونا وشنو راه رجاء خبات عليك
ميساء:: سليمة 😯 انت بعقلك زعما
سليمة:: 😏 ومن بعد كلكم عارفيني كنبغي سفيان(😱) وهي جات ضوراتو ليها وقلت علاش لا نبعدهم شويا ونشوف كيف ندير ليه ساعة رجعتي
احلام:: من نيتك اويلييي
سلوى:: اعرف سفيان هادشي اعلق مك من حلاقمك
رجاء:: غنشوفو مللي اعرف شنو غدير (ناضت)
احلام:: ختي هادشي للي درتي ماكيدارش اه انا نهضر فالناس نوصل الهضرة نقول كووولشييي ليكيدور فراسي ولكن مانبغيش نفرق طوج على بعضياتهم اويلي ختي الى تفرقو دنوبهم عليك
سليمة:: وانت دابا منوضتيش صداع بين جود ومرتو
احلام:: انا غير قلت شنو كيدور فعقلي لكن منبغيهمش اتفارقو حيت واتاو بعضياتهم اه حاسداها حيت تزوجات وهي صغيرة لكن محاقداش عليها فهمتييي
رميساء:: تلاقيتو لا حول ولا قوة الا بالله ..........
تفرقو هادو وحنا نطلعو عند جود للي دخل عند جيداء كانت كتبدل معرفت مدير مشات بدلات كدور حداه وهو جالس كيساينها تكمل مللي شافها غا كدور جرها بركها عندو
جود:: امم ماال مرتي كاعيا
جيداء:: غير طلقني وخليني
جود:: مطالقكش حتى نهضرو وتقولي ليا شنو واقع
جيداء:: علاش مقلتيش راه صاحبتك جات سكنت هنا
جود:: !!! صاحبتي؟ شكون
جيداء::😠 راويااا (ناضت) شوووف قلتي مابيناتكم والو فهمنا عرفت وعرفت راه غترجع فحالاتها لفرنسااا لكن اشجابها هنااا لاش جات سكنت هنا مقااابل ليييك شوووف نسكت على كلشيي الا هادشيي اجووود منبغيييكش دور بساااحتها فهمتيني وليوم نرجعو لدار منبقاوش هنا
جود::(وقف) غير بشوي بشوي وفهميني راه مافهمت حتى حاجة مال راويا كيفاش جات هنا
جيداء:: الفيلا للي مقابلة معاكم
جود:: مالها
جيداء:: سكنات فيها راويا
جود::!!! شنوو باش عرفتيها
جيداء(عاودت ليه حتى لفاش مشاو عندها وشنو هضرو) فهمتي دابا
جود::(جرها جلسها) راويا خدامة معايا فقط قبل من العرس ديالنا كانت قالت باغا تجي هنا وانا قلت ليها للي بغيتيه ديريه البوسط ديالك شوفي شيحد اشددو صافي وهادشي ديال سكنات هنا معارفوش وانا فالشركة لؤي براسو مكنعقلش عليه كين ختيلاف احبيبة (😳) بين تعاملي معاك وبين تعاملي مع العائلة وبين تعاملي فالشركة فهمتي
جيداء:: 😳 احم اه فهمت لكن
جود:: شش سمعيني ديك الهضرة للي خربقو عليك دوك البرهوشات معندها حتى معنى نهائيا مامكنش نتزوج شيوحدة اخرى لا هادي لا وحدة اخرى انا باغيك انت ومرتاح معاك انت وغنبقاو ديما بزوج وعينيا راه مكتشوفش غييرك مفهوووم
جيداء:: 🙄
جود(عنقها):: كتولي زوينة وانت معصبة هههه
جيداء:: كتضحك
جود:: وييي علاش منضحكش ومنفرحش مرتي كتغير عليا
جيداء::😊 علاش جيتي دابا
جود:: بغيت نتغدا هنا ناخد شيوراق خليتهم عاد نرجع
جيداء:: ايوا يالله نهبطو غيكونو قراب احطو
جود(قربها ليها):: بلاتي شوي 😁.......
دخلو فقبلة لمدة معينة عاد بعد عليها عنقها وكرز عليها تنهد بارتياح شد فايدها وهبطو لقاوهم مجموعين على الطبلة غير كلاو وجود صبن لبنات كلهم قدام كلشي وتحلف عليهم كانو غيبولو بسروالهم من الخلعة كيخافو ماكيحشمو وغير سالا منهم جود تحلفو عليهم محمد وعبد الرحيم ................ موضوع المختار تناقشو على اساس ايأجلوه ورا عرس سفيان للي باقي لدابا كيطلب ومسمحتليهش قالت ليه غنتزوجو على قبل داركم صافي اما هي راه باغاه غير كديرفيها راه ماباغاش باش تعطيه درس حيت تعامل معاها هكاك .... سفيان وجود رغم الرعب للي ميركبوه فبنادم غير كيجيو لمراواتهم كيلبدوها وكيتحولو لشخص اخر داز الوقت كان كلشي موجود ومسالين كلشي ........... 💐غزلان برنون💐
ليوم العرس .... رجاء ولبنات فالكوافورا مسالييين وجالسي رجاء لابسة تكشيطة فالباج مع سلهام فذهب جيداء لابسة تكشيطة باج والتحتاني توب سانبل وفيه الصمطة عاد الفوقاني كللو معقق مع الزيف .... هاجر لبست قفطان فالماغو معقق من الفوق ............. كانو جالسين حتى سمعو كلاكصون وهما اخرجو لبنات فالمقدمة لعروسة وبداو بصلاة والسلام جود جا نيشان عند مرتو ضروري من الكلام المعسول خداها وركبو القدام حيت جود للي سايق طموبيلت العرسان ولوخرين تجمعو فطوموبيل ... واتاجهو للقاعة للي عامرة بعائلة رجاء وسفيان ....... استقبلو العرسان بالدق على الطبول دخلوهم بقا جلسو شوي خرج سفيان باش دخلو الدفوع وبداو فالشطيح والرديح جيداء غير جالسة حدا جود كتبغي تنوضها هاجر كيقولها لا كتنوض بوحدها مع لبنات .....ناضت لعروسا دخلت بدلات لبسة اخرى وفهاد الللبسة شدو دراري سفيان وخلاوه اشطح وسطهم دردكو مزيييان عاد طلقوووه ...... كانو اجواء زوينة بزاف ياسمين خرجت من الهم شوي وفوجت فعرس ولدها هي والمختار قدام الناس هما احسن زوجين لكن فالواقع العكس ....... بدلات عروستنا تلاتة اللبسات اخرين ومن بينهم اللبسة الفاسية 😍 وسفيان لبس الجلابة هزوهم فالعمارية شطحو بيهم وعطاوها غير لحيوح هاد الليلة ...... اخر لبسة وكيف ديما هي لاغوب هبطت رجاء وباها شادها حتى وصلو لتحت وقدام الجميع سلم بنتو لراجلها وقال ليه "تهلا فيها هي للي عندي" سلم عليه سفيان وشد رجاء باسها فراسها وتحركو للوسط بداو فرقصتهم ناض جود خدا جيداء ونضمو ليهم وبداو لي كوبل كينوضو شوي سفيان بدل هو وجود غير دقايق قليلة ورجعو لمرواتهم 😄...... كملت الرقصة مشاو قطعو الكاطو ولبنات تجمعو كلهم الوسط ولاحت البوكي دفلوغ 😍 وماجا غير فاحلام هزاتو وبدات كتنقز كلشي بدا كيضحك على هبالها .... اييييوااا وسالا عرسنا .. عرسانا من القاعة نييييشان للمطار عندهم رحلة عشر ايام لجزر المالديفو جود وجيداء مشاو لدارهم بدلو وهزو شناطيهم للي موجدين وطلعو للامارات وهادشي بطلب من جيداء حتى هما خداو عشر ايام 😊 ...............
رجاء طريق كلها مدواتش سفيان وهو خلاها على خاطرها وصلو غير دخلو لبلاصة للي شادين ومشات للبيت بغا ادخل منعاتو هو بيت وهي بيت بدلت وسالات وهي حيت كتخاف فلبلايص للي غراب عليها مشات عندو للبيت لقاتو متكي تخشات حداه وقالت " متفكرش فشيحاجة راه غير خايفة " ضحك لهبالها عنقها ليه وخلاها تنعس .... هكا بقات معاه تلت ايام كيخرجو ايدورو ويضحكو لكن متاتجمعش معاه فامورهم الشخصية لكن غير فاتت تلت ايام و فاش جا هضر معاها وتصالحو وكملو ايامهم سمنة على عسل 😍......
اما عند جود وجيداء فغير وصلو للامارات بالضبط ابوظبي العاصمة وجا شيفور داهم للاوطيل ببدلو وارتاحو من الطريق عاد بداو بالجولات ....]
جينا للدولة للي كتعجبني بزاااف واخا سخونة لكن اجواءها زوينين ثلت ايام الاولى دوزاه غير فابوظبي كندورو فلي مول جود ماكيخلينيش نخرج بلباس عادي ديما العباية والماكياج ممنوع قالي لحوالة هما للي كينين ايشوف فيك شيحد نتقبل لممو عينو 😅 وانا مقادة على مشاكيل وكاميريتي ديما فعنقي مكنفلت حتى شي منظر كلشي كنصورو ..... مشينا لمسجد الشيخ زايد وهو اكبر مسجد وفيه كاين قبر الشيخ زايد للي حاطين حداه واحد كيقرا القران قالك غير كيسالي واحد كيجي لاخر اكمل ... صلينا فيه صلاة المغرب ومشينا لمول اخر ...... طلعنا لدبي نهار اخر مشينا لبرج خليفة خدينا فيه شقة 😍 كيحمق من الداخل درنا فيه داك نهار وارتاحينا فيه عاد الغد مشينا للقرية العالمية فيها كاااع الدول تدخل وكتشوف التقافات ديال الدول رائعة بمعنى الكلمة وفبلاصة المغرب كانو دايرين عرس مغربي وعلى حساب مراة كانت تم قالتلك عاودوه ليهم اليوم حيت عجبهم ...... ونهار اخر مشينا لحديقة الزهووور اكبر حديقة واااه تتاخد لعقل طائرة كبيرة كلها ورود سيارات وكينين اشكال عدة مصاوبة بالورود ....... ايييوااا هكا كمملنا عشر ايااام ديالنا مسخيتش نبقا تماك ...... جود كان كيعاملني بطريقة رائعة ايدي ديما فايدو ماكيتحركش من شيبلاصة بلا بيا فاش كنمشيو للجامع غير كيسالي كنلقاه واقف قدام باب لمراوات اساينني طواليط هي الاخيرة كيبقا واقف اتسناني .. كنت يوميا كنهضر مع هاجر وميساء ومع دارنا ..... وليوم حنا راجعين ......[ فالنهار للي سافرت فيه جيداء الغد جا حمزة للي كان مسافر بسباب الخدمة وكانت عندو 6 شهووور كملها وجا لكن نجية و هند حطو ليه الضوسي سخون ديال جيداء وجعر ديال لمعقول مشا عند توفيق وهلل ديال بصح حاول اعرف دارها لكن ملقاش كيف ايدير وعرفها راها سافرات هادشي علاش تبت حتى وكان ترجع واعرف كيفاش ايدير القاها .......
اليوم جاو لي كوبل بزوج جود مشاو نيشان لدارهم باش ارتاحو .... اما سفيان مشاو للفيلا استقبلوهم بالتمر ولحليب بما انهم عرسان جداد وطلعو حتى هما ارتاحو......
هاجر فهاد الايام بدات الخدمة عند شركة جود ولؤي وهاد الاخير حطها مع راويا فقسم الامور الماليية هي غير سطاج وكان يوميا كيتغداو اونسومبل نص هضرتهم مدابزة وفاش كيساليو الخدمة كيوصلها لدارهم .....
اما بالنسبة لرميساء فايوب كان طلع عندها لبيتها وسمعها التسجيل
اسماعيل(حبيبها السابق):: شنوو مصيفطنك ولاد عمك
ايوب:: لا جاي بوحدي بغيت نعرف شنو تحت راسك
اسماعيل:: ماتحتوتاق... بعدو من .ز...بويا انا بسبابكم عرفوني كنتاجر ودخلتوني هنا
ايوب:: حيت انت قربتي لرميساء
اسماعيل:: ديييك اللصقة كون احسابليا غيوقع هكا مندورش ساحتها تفو قلت غنستافد تاتعطيني فلوس ساعة طحت غير راسي
ايوب:: سرك وكنضن مابقيتيش غتشم لفلوس
اسماعيل:: خهههه شنو غتمشي تقوليها هادشي مغتيقكش راه اكبر حمارة هي هاديك كتجي تبكي عليا هنا وتعطيني لفلوس وتاتمشي فحالها ............ سمعت هادشي وبكااات بكااات لانها طلعت غبية لكن تجاوزت الامر بسرعة لانها كانت واعيا للاغلاط للي دارت وطبعا ايوب عندو فضل فهاد التغير اغلب الاوقات كيخرجو وكيرفهو على انفسهم .....
ونمشيو عند ميساء احد هاد الايام كانت خارجة من لافاك وواحد تابعها باغي ادوي معاها بززز وهي كتبعدو حتى بانلك تلاح بضربة لوجهو وميساء خرجت عينيها 😍😍😍😍 كان جابر ومعاه واحد البنت فديك 18
جابر:: 😠 الله العن......
الشخص:: شكون انت للي تضربني
جابر:: انا حفاار قبرك يا ز.... 😠👊(كيضرب وايعاود حتى فكوهم الطلبة للي تماك )
ميساء:: ويلي كنتي غتقتلو
البنت:: استاهل بحال هادو كترو
ميساء::🤨 شكون انت
جابر:: هادي اختي فاتن انت ماكيجيليك حتى حد
ميساء:: نو كنمشي بوحدي
جابر:: خاص ضروري اكون معاك شيحد باش ميتعاودش نفس شنو وقع .......
[ ايوااا اشغنقوليكم موصيبا وحلت فوق نفوخنا ..... جود كان جاي معرت كان عندو احساس فشكل مع وقف عند لباب مع وقفو واليدين جيداء يالله غيسلم عليهم سمعو لغوات دخل جود وبانليه حمزة كيجر فجيداء وهي كتغوت مشا كيجري طاح كيعطي لممو فكروشيات وجيداء تلاحت عند مها كتبكي عاد جات هاجر وكلثوم وسامية كيجرييو 😥 ... جود ملخو عصا عاد تدخل توفيق كيبعدو عليه
جود:: انا يا ز.... تقيس ليا مرتي
حمزة:: كااانت دياليي هاديك قبل متكون مرتك
توفيق:: حمزة 😡 داباااا غبر من قدامي منشوفش وجهك مازااال مكفاكش الحالة للي درتي اخر مرة جااااي هنا
حمزة:: عمي
توفيق:: ما عم حد انا عمرني نشوفك مقرب جيهت بنتي وهادشي قلتو ليك ماشي مرة ماشي جوج
جود: سامية كلمي دوك لحمير للي عند لباب
سامية:: واخا (مشات)
جود:: لاش هبطتي عندو ولاااش خليتيهم ادخلوه
جيداء:: 😭😭 واللهما عرفتو جاي حتى درت ولقيتو انا كنت جالسة هنا والله
جود:: 😡 لااااش خليتيييه اقرب ليييك لاش خرجي علمي سيكريتي ولا اي حاااجة
جيداء:: 😭😭😭
جود:: لااااش كتبكي 😡
سامية:: هاهما
جود: شنوووو كدييرووو مللي مخلين ز... داخل لدارييي
سيكرتي1:: اسيدي قالينا جاي عند المدام وراه كيجيها من العائلة
جود:: لي قاليكم كيجيها من العائلة غدخلووه تحىكوووو من قدامي منعاودش نشوووف وجهكم (مشاو).....
بقا كيدور ومعصب جيداء غير كتبكي وتوفيق معرف ميدير حيت من حقو اتعصب هاجر غير كتبقلل فعينيها وجالسة حدا جيداء
جود:: نوضي اجي 😡 (تم غادي )
تم غادي ناضت جيداء يالله خطات جوج خطوات طاحت وغوتت يارينا دار جود وجا كيجري هزها حطها فالفوتوي
يارينا:: 😭😭 الله على بنتي الله
هاجر:: متخافيش اخالتي غير حيت تخلعات
كلثوم:: هاكو شموليها ريحة وعطيوها تشرب ......
داز شوي وفاقت جيداء جود غير طمن عليها وطلع للبيت كان معصب بالمزيان
يارينا:: صافي ابنتي من لبكا شوفي عينيك
جيداء:: كيفاش عرف دارنا هادا
توفيق:: معرت لكن باقي عندي معاه حساب على هادشي طلعي ارتاحي انت حنا غادين
جيداء: بقاو
توفيق:: لا غنمشيو وانت حللي الموضوع مع راجلك ابنتي الى بغيتي اي حاجة عطي ليا .....( سلمات عليهم وعلى هاجر وطلعات كان واقف جود فالبالكو )
جيداء: جود
جود:: منسمعش حسك انا طلعت هنا باش منصدقش مفوت فيك شي دقة
رميساء:: لكن فالفترة للي شتك مقرب لسلوى بعدت وشغلت بالي بداك لحمار هي فين تعلقت بيه لكن بصح بغيتك ومللي وقع المشكل نقدرتش نرجع نقرب ليك بقيت كنشوفك غير من بعيد حيت قلت عمرك تشوف فيا بعد شنو وقع
ايوب:: بالعكس ماهامنيش شنو وقع خطأ دزتي مننو ودابا سالا (عنقها) الله شحال فرحتيني بهاد الهضرة اه بلاتي نسيت (بعد وبرك على ركبتو)
رميساء:: اشكدير
ايوب::(جبد قابصة من جيبو حلها كان فيها خاتم 💍) رميساء كنبغيك وكنتخيلش حياتي بلا بيك واش تقبلي تكملي حياتك معايا
رميساء:: 🙊😍😍😭 اه اه مواافقة
ايوب:: هههه (لبسها الخاتم وعنقها) عمري انت
رميساء:: 😭😭 كنبغييك ............
كملو الكوبل جديد ديالنا رومانسيتهم ورجعو للفيلا وقرر ايوب اعلم باه ومو و خوت رميساء .....
سامية طلعت عند جود علماتو اهبط اتعشا ومشات هبط بقا جالس شحال فالطبلة للي موجدين حتى عيط على كلثوم
كلثوم:: نعام اسي جود
جود:: فين جيداء
كلثوم:: ناعسة مغتهبطتش
جود:: 🤨 اوك .....
خلا داكشي وطلع عندها كانت بصح ناعسا قرب بقا جالس حداها مقابلها شحال من بعد باسها وناض خرج مشا لبيتهم والليل كللو مجاهش النعاس 😍 ولفها حداه ...
💐يوم جديد💐
فاقو ابطالنا جود ناض مكانش ناعس الليل كلو ناض خاسر دخل دوش باش اتوكض وخرج لبس جيداء فاقت بكري بقات فالبيت مخرجتش(غزلان.ب) حتى لشويي وناضت غسلات توضات صلاة ومشات للبيت كان جود كيقاد فقاميجتو قالت صباح الخير جاوبها وبقا مخنزر مشات هي بدلات وهبطات كان سبقها يالله جلست ناض هو
جود:: انا غادي للخدمة متخرجيش
جيداء:: لكن قارية
جود:: 😠 ماكينا قرايا دابا هنا فين غتجلسي حتى نرجع وبلا هضرة زايدا
جيداء:: 😔........
ناضت خلاتو وطلعت لبيتها وهو خرج مشا للشركة مع دخل تبعو لؤي
لؤي:: بونجوغ
جود:: 😒
لؤي:: جاي منوضها
جود:: وصلك لخبار
لؤي:: وي قالتلي هاجر شنو وقع
جود:: عرفتي كون مكناش فالدار وماكينينش عائلتها وهي كون قتلتو
لؤي:: برد اصاحبي
جود:: اشبرد اش اصاحبي جاي كيجر فمرتي وباغيني نبرد
لؤي:: راك ملختيه عصا اشباغي دير كثر ورخف على البنت مدنبها والو
جود:: تعلمني قبل بللي كانت بيناتهم شيحاجة
لؤي:: شكون قالك هادشي
جود:: هو قالك كانت ديالي قبل متكون مرتك 😠
لؤي:: 🤨 سولتيها
جود:: مهضرناش
لؤي:: 😏 وفاش زبلها سفيان قبل عرسو قلتيليه كان عليك تسمع ليها من نيتك
جود:: وي نسالي وندوز نهزها ونمشيو اجي اشدرتي مع راويا
لؤي:: مفهمت فديك ق... حتى حاجة مرة باغاك انت تزوجتي دارت ليا
جود:: بدات كتدخللي الشك ديك خيتي حيضي معاها ....
جيداء بقات فبيتها جالسة حتى قرب وقت لغدا وصونا تلفونها كان جود
جيداء:: االو 😔
جود:: وجدي راسك شوي غنجي
جيداء:: علاش
جود:: غنتغداو مع الدار
جيداء:: واخا ......
ناضت بتثاقل خدات صايا كحلة مع تريكو خفيف بيض فيه كتبة نواغ لبساتهم دارت فوندوتا وعكر خفيف دارت زيف باج ولبست بوط باج وحطت مونطو خدات صاك فنفس اللون دارت فيه مستلزماتها هزت كلشي وهبطت جلسات لتحت حتى جا جود غير سمعت الطوموبيل خرجت جود بقا مقابلها توحشها هو كيساينها تجي هي تعتاذر وهي مخلياه حتى ابرد وايجي طلعت جيداء بلاما تدوي دارت الصمطة وهو اتحرك ........ فالفيلا كانو مجموعين فالدار كيساينو الكوبل ديالنا حتى دخل ايوب عاقدهم 🤨
ايوب:: ممكن تشرح شنو معنى مدير الخدمة ديالي
رضوان 😠:: مترفعش صوتك
عبد الرحيم:: نو واقع
ايوب:: انا للي هو مدير المالية ماشي هو وكيشد الملفات ايدير تقرير واعطيهم للي معايا ادخلوهم بلاما اتشاور معايا
رضوان:: انت باقي صغير باش تحمل ديك المسؤولية
ايوب:: باقي مق... انا هاد الساعة
صليحة::(مهم) ويلي حشمو
محمد:: لكن عندو الصح كل واحد فيكم مكلف بحاجا لاش كدخل ليه فخدمتو
رضوان:: هو متليفش ليييه ديك الخدمة عطيوه بوسط اخر
ايوب:: شنوو تعطيني ادارة الشركة !
رضوان::(ناض) راك كتحلم
ايوب:: ايوا شد قنت وبرك ومتدخلش المرض
جود::🤨 شنو واقع هنا
عتيقة:: السلام اولدي (سلمو عليهم)
جود:: مالكم
ايوب:: الاخ كيشد الدواصا للي كيجيوني كيفيريفييهم هو واعطيهم للي معايا ادخلوهم يعني هو نائب المدير وفنفس الوقت مدير المالية شد ليا خدمتي وانا كنجلس نتشمش
سفيان::(كان واقف عند الباب) مخصكش تدخل فخدمتو انت عندك خدمتك وهو خدمتو
سفيان(سبق مختار):: 🤨 حنا معندنا منقولو الى كانت رميساء موافقا
المختار::😠
جود:: وي حنا باغين غير ختنا تكون عايشا مزيان ومرتاحا
ايوب:: ان شاء الله
ياسمين:: شنو رأيك ارميساء
رميساء:: 😊 موافقة (ماعندهاش الحشمة 😅)
محمد:: ايوا الله اكمل ليكم بالخير لبس لخطيبتك الخاتم
ايوب:: اه .....
ناض ايوب ورميساء لبسها الخاتم ولبساتو شربة بعضياتهم لحليب زبداو بزغاريت انا غير مثبلاهم مرة مرة كنشوف فحبيبي 🙄 كنلقاه مقابلني مافهمت فيه حتى حاجة هاد السيد .....
نضنا تعشينا وخرجنا نمشيو لدارنا 🙄 ولؤي مشا اوصل هاجر هاد الجوج كيبانلي تفاهمو 😄 ...... وصلنا لدار هبط طلعت نيشان للبيت متسنيتش مشيت للبيت هزيت شوميز ديالي ودخلت بدلت غسلت وجهي سناني وخرجت قاديت حويجي كان جود مبدل غير خرجت دخل هو للدوش غسل ... انا مغنقدش نكمل هكا بقيت جالسة حتى خرج
جيداء:: وكان ديما فينما اجبد الموضوع كيلقا نفس الرد من عندي ومن عند بابا
جود(بدا كيبرد):: عمرو تعامل هكا
جيداء:: هو كان كيبغي اتحكم فيا واخا راه واللهما بيني وبينو شيحاجة خصوصا الى شافني واقفة مع شيدري واخا اكون كيقرا معايا وكنهضرو على قرايا شحال من مرة شوهني معاهم وكان ديما بابا كيعايرو لكن قسما بالله ماكنعطيه فرصة فين اقرب ليا ولا نخليه احس راني باغاه ولا شيحاجة هكا ديما كنصدو وديما كنقولو ماباغاهش 😔
جود(عنقها):: اووووف
جيداء::واش شكيتي فيا
جود:: ماشي شيحاجة خايبة غير بهضرتو بين بللي كانت بيناتكم شيحاجة
جود:: حتى انا دازت ليلة خايبة عندي ونهاري حتى هو اشندير نشوف راجل كيجر فمرتي بغيتيها تجيني عادي
جيداء:: عارفة
جود:: اححح شحال توحشت داززعندي ليوم نهار طويل
جيداء:: 😄
جود:: (باسها) نعسو؟
جيداء:: اه 😊
جود:: هههه كنموت فيك
جيداء:: 😍 وانا كثر ............
[قرب ليها وبداو فشغالاتهم ....... ]
💐يوم جديد 💐
فقت ليوم عيانة كان باقي جود ناعس دخلت دوشت توضيت خرجت لبست وصليت عاد فاق حبيبي 😍 حتى هو دخل دوش انا هبطت سبقتو كان لفطور موجود ليوم شهيتي مفتوحة بكثرت الفرحة هبط حبيبي فطرنا بزوج وخرجنا بزوج وصلني للايكول وعلمتو بللي غندوز عند دارنا ورا المدراسة بستو🙊 وهبطت دخلت خديت من عند لبنات شنو فاتني لبارح ......... كملت دزت عند ماما لقيتها غير بوحدها بابا فالخدمة جمعت معاها شويا وبقات كتوصي فيا على جود نتهلا فيه منطيحش كلمتو والهضرة المعهودة تاصلت بيا سهام سولتني وقتاش غنجي اول مرة ديرها قالت على ود توجاد لعشا قلتليها دابا شويا نكون فالدار . .... كملت من عند ماما خرجت كان شيفور كيسايني داني فالطريق شريت بوكي دفلوغ ومشيت للدار كنت فرحانة لدرجة للي شفتو نضحك معاه دخلت
كلثوم:: جوجو جيتي
جيداء:: ويي حبيبتي انا طلعا للبيت ونهبط
كلثوم:: راه كين راجلك جا قبايلا
جيداء:: بصح اوكي انا طالعة .....
طلعت مع حليت الباب مع حليت فمي كانت صدمة 😱....
مع حليت الاب بانلي جود لابس غير سروال ومعلقة سامية معنقاه لابسة بينوار وشعرها فازك 😰 وزيد حويجها شوميز وملابس داخلية مليوحين فالارض لا لا مقدرتش نتيق نهائيا شنو شفت بالصدمة بقيت راجعة بللور لحت البوكي من ايدي وهبطت كانت فكرة وحدة فراسي نخرج من هنا حسيت بنفسي كيدياق مع هابطة مديتهاش فالدروج حتى تكركبت حسيت بظهري تقسم ونضت دايخا بشويا وجيت هاد المرة طايحا على فاز خسيت بشيحاجة تغرزت فيا 😭😭😭 غوت بكل جهدي...
[ جات كلثوم كتجري وشافت منظر للي خلاها تغوت غوتة للي زعزعت كاااع للي فالفيلا كانت جيداء غارقة فدماياتها فاش طاحت على الفاز تهرس وتغرس ليها فكرشها جود سمع لغوات وهبط كيجري كلثوم هزت تلفون تاصلت بالاسعاف جود دوور جيداء وعينيه خرجو من هول الصدمة جيداء كتعافر وكتبعد ليه ايديه وكتنطق غير ببعد منني 😔 بقات فيا الزغبية حتى كتفرح وكتوقع معاها شيحاجة وشنو دار جود ماكيتغفرش نهائيا داز شوي دالوقت جاو لومبيلونص جود غادي لبس تيشرت وطلع معاهم فلومبيلونص وصلوها وعلمو المستشفى بللي حالة مستعجلة غير دخلت نيييشاان داوها للعمليات كلثوم علمت هاجر وعلمت عائلتها وسامية تاصلت بعائلة جود ... كلشي فنص ساعة تجمع عند جوود للي كيسولو كيقولو معرفتش معرفتش حيت هو مافاهم والو كيفاش وقع ليها
هاجر:: 😭😭😭 ياربي تحفظها يا ربي
ميساء:: ان شاء الله تكون بيخييير
توفيق:: تعطلو هادو
ياسمين:: واييه
رميساء:: بفف غير تهدنو اكيد غيدوز كلشي مزيان ....
بقا جود جالس وشاد راسو مفكرش نهائيا راه شافت داك المنظر قدامها وكيحاول استوعب كيفاش وقع معاها بقاو افكار كيديوه وافكار كيجيبوه حتى تم داخل حمزة و والينا وجوليا (خالاتها)
جود(ناض جاعر ):: شنوووو كدييير هنااااا 😡
حمزة:: ماسووووقكش
جود:: غبر من قدامي
جوليا:: اولدي جاااين نطمنو على بنت ختيي
توفيق:: صافي هنيونا
جود:: شنووو للي هنيونا اعمي مكفاهش اشوقع اخر مرة باغي شي طرح ديال لعصا 😡
سفيان:: هنيييييوناااا راااكم فسبييييطااار ورااااه وحدة كتصارع لدااااخل اووو ....
سكتو لكن جود مناسيهاش ليه باغي غير اطمن على جيداء وديك ساعة اتصرف ساد صمت كبير لي لحظة حتى بان الطبيب خارج وعلامات وجهو ماكيبشروش بالخير
طبيب:: هي الحمد للله الضربة مقاست حتى حاجة خيطنا ليها الفتحة دابا نتسناوها تفيق من البنج غير ممنوع الحركة او التوتر تبقا عندنا 4 ايام ومن بعد نشوفها الى كانت مزيان غنخليها تخرج
بقاو كيداربو حتى فكوهم دراري بزز حمزة كللو دمايات داتو ممو اداويوليه جروحو توفيق مهضرش حيت من حققو ايكون ماباغيهش وتاني حاجة مشطول على بنتو ....
دقائق وكانت جيداء فغرفتها وكين فالغرفة باركين واليديها هاجر و ميساء ورميساء ومختار و ياسمين رجاء وسفيان وايوب ولؤي وجود جالس حداها كيتسناها تحل عينيها خالات جيداء بعد معرفوها مزيانة مشاو باش ميكبرش الصداع مر كان الهدوء كتسمع غير تنهيدات للي كتعبر على القلق حتى دخل الطبيب مرة اخرى ايشوف واش فاقت
جود:: شفتها مفاقتش
طبيب:: غير شوي وتفيق متنساش راه ماشي ساهل عملية اجهاض وزيد الفتحة للي ضاع ليها الدم فيها ...
جود:: واش مكتفهمش معارف حتى ق.... منين انعرف صبحنا مقادين خرجنا من الدار اونصومبل فلعشيا وقع لللي وقع هبطت من بيتي لقيتها طايحة زاجة كبيرة مغروسة فيها ودماياتها سايلين صاف
يارينا:: حتى تفيق ونعرفو شنو واقع
لؤي:: ومن الاحسن متبانش قدامها حتى اسولوها .....
بقات يارينا مرة مرة كدخل طل عليها حتى فاقت جود مصبرش ودخل عندها غير شافتو بغات تغوت زم ليها فمها وخنزر متسوقتش كتسناه غير احيد ايدو
جود:: شنو داك التخربيق نطقتي بيه قبايلا شنو وقع حتى قلتي هكاك واش باغا تصطيني
عاودتليه كلشي توفيق وسفيان تزيرو من شنو سمعو سفيام محمل شنو دار خوه وتوفيق نفس الشئ خرجو بعد مهدنوها خلاو لبنات وياسمين ويارينا معاها ومشاو تاصل سفيان بجود عرفوه فدارو مشاو ......
ودابا اااااجيييو احبيباتي نرجعو للوقيتة للي عيطت سامية لجيداء فاش عيطت ليها كانت مخططة وموجدة لكووووولشي جود كان دخل قبل متعيط هي لجيداء وحيت كان من الخدمة داز ل لاصال جا دخل دوش وجود من عادتو كيلبس لداخل وكيلبس غير التحت لفوق ل...ا سامية طلعت بعد مدوشت وخلات كلثوم ملاهيا مع القطة مشافتهاش هي بانليها غا جود طلع قبايلا ... لاحت سامية شوميز ديالها فالارض والملابس الداخلية وهي كانت لابسة بينوار دالددوش مع سمعت الطوموبيل دقات فالدوش خرج جود ومافهم والو حتى تلاحت عليه هو مدار حتى شي حركة كان باغي اعرف لاش باغا توصل لكن معرفش بللي مللي بقا هكاك جات جيداء شافت شنو وقع وهبطت مع خرجت جيداء لاح هو سامية هز تيشرت ديالو يالله غيملخها عصا غوتت كلثوم وهو مطاحش نهائيا فبالو بللي شافتو قال غير طاحت وصافي حيت بالنسبة الموقف مفهوم لكن جيداء بقات حاطة فبالها راه خانها ........ يعني غير ضلمناه وضلماتو جيداء وقبايلا مللي خرج مشا لدارو مع دخل بانتليه واقفة هي وكلثوم للي كتسنا لخبار على جيداء هو مشا نيشان لسامية جرها من شعرها
جود:: انا يا الق... تلعبي بيا بسبابك يا العاهرة ولدي ماااات بسبابك (ناتفها والايد لوخرا كدخل ليها كروشيات )
جود:: دابا تهزي حويجت وتق.... من هنا منعاودش نشوف وجهك (لاحها فالارض)
سامية:: حشومة عليك انا كنت باغا غير نقرب ليك سنين هادي و عرفتي كنت كنتسنا النهار للي تجي فيه من فرنسا بفارغ الصبر باش نشوفك كنت ديما انا للي كنتسخر عليك غير باش تقولي ديك شكرا بغيتك من اول مرة خدمت فيها عندكم
جود:: 😡😡😡 هاااااد الهضرة كوليييها كلثووووووم
كلثوم:: نعام
جود:: مشفتيش هاد الق.. فاش كانت كتخطط
كلثوم:: لا اصلا معارفاش شنو واقع
سامية:: 😏 معندي لاش نخللي خطتي تخسر باش نقولها لهادي انا عرفت وقتاش غتجي مرتك ودرت هكاك والمهم عندي دابا تفرقتو وانا اكيد مغتبغيش تسمح ليك وتجي عندي غنقوليها راك معايا وديك ساعة شوف كيدير تخرج رااسك
جرها وهي كتغوت لاحها حدا الباب كتبغي تدخل كيدفعوها كلثوم مشات دكست ليها حويجها فساك وخرجت لاحتهم ليها شبعتها حتى هي معيور ودخلت تاصلت بهاجر وطمنت على جيداء ...... سفيان وتوفيق وصلو كان جود هابط وسفيان مع الدخلة مع عطاه 👊 للوجه طاح جود مهضرش ومدافعش على راسو عرف جيداء عاودت ليهم
جيداء:: معرفت شنو داير ليكم هاد جود كنت كنتسنا بابا اديني معاه وايرفع دعوة طلاق لكن لا جابني هنا قالي حسن تبقاي هنا
هاجر:: مباغينش نهضرو معاك حيت باقا عيانة ومخصكش تعصبي اما هادشي للي كديري فيه راه مامسلكش (وقفت) ارتاحي انا نهبط نشوف لبنات .....
جيداء باقا نفسيتها ماشي حتى لهيه بسباب كيف كتعتابرها خيانة جود و موت طفلها توفيق بغا اشرح ليها لكن وقفاتو ....... سفيان جا اعتاذر مننو وحاول اوقف معاه فهاد الوقت حيت كانت باينا فيه شحال كيعاني بعاد جيداء عليه وفقدان ولدو كلها عوامل خلاتو ابقا منعازل غير الى تلاقا عائلتو عند جيداء فاش كيجي اشوفها اغلب وقتو فالخدمة وكيرجع كيطيب بوحدو ياكل واينعس ...... نخرجو شوي من النكد ايوب كان فهاد الايام هضر مع رميساء وسولها واش وقتما بغيت نتزوجو تقبلي وقالت " الى بغيتي دابا نمشيو عند لعدول نمشي معاك" هادشي علاش قرر وبدا كيخطط لمفاجأة ......
ليوم جاو لؤي وايوب و سفيان عند جود فالعشيا دققو حل ليهم جود للي كان خدام فالبسي سلمو عليه ودخلو جلسو
جود:: بما ان الخدامة معنديش للي بغا شيحاجة انوض اصاوبها لراسو 😑
سفيان:: وعند اداب الضيافة
ايوب:: ههههه مالك اصاحبي حازن هنا شووف كيف ولليتي نوض يالله نخرجو
لؤي:: واخا تبقا تطلب فيه حتى لغدا مغاديش اخرج معاكم
جود:: دابا شنو باغين لاش جايين مصدعيني
ايوب:: دابا انا باغي نتزوج غتجي عندي هكا
جود:: قررتو
ايوب:: شوف عارف شنو وقع باقي ماتر عليك لكن ربي مزال اعوضكم انا مغندير لا عرس لا والو حفلة صغيرة غنديرها مفاجأة لرميساء نديرو العقد ونسافر انا وياها
ايوب:: ايوا صافي انا غدا بما انه السبت وكلشي جالس غنديرو انا هضرت مع ميساء غتشوف لبنات اخرجوها صباح فين نقادو
جود:: اوكي غدا انا معاكم .........
شكرو ايوب بقاو معاه حتى دومونداو بيتزا تعشاو بيها ورجعو للفيلا ..... ميساء هضرت بتخبية مع هاجر للي بايتة معاهم ورجاء و جيداء طبعا بطلتنا مغتقدش تخرج معاهم لكن غتحضر المهم اوجدو كدبة ...... تافقو لبنات هو تعشاو جيداء كتاكل غير فبيتها و نعسو .....
💐يوم جديد 💐
فاق الكل كلشي تجمع فالفطور حتى جيداء هبطت بشوي وفطرت معاهم خرجو هاجر ورجاء ورميساء وميسا عاد جاو العمال للي مكلفين بهادشي قادو شويا الجردة ..... لبنات مشاو لكوافور غيييير باش حتى رميساء تقاد معاهم قادو كلهم غير هما خلاو لكوافورة تقادلها ماكياج زوين خلات شعرها سامل ...... دومونداو لبيتزا تماك تغداو عاد رجعو للفيلا طلعو نيشان للفوق وبداو كل وحدة كتاخد غوب ورميساء بقاليها الغوب لبيض جلست تعرعر عليهم واخا هكاك لبساتو سمعو الموسيقى برا كان كلشي لتحت واقفين كيساينوها تهبط جيداء حتى هي جالسة لتحت شافت جود مللي دخل توحشاتو ومكرهتش بصح تنوض تعنقو لكن هي مجروحة واخا شيحاجة داخلها كتقولها غير سيري عندو لكن قصحت راسها وبركت اما جود فغير واقف مع الدراري وحاضيها ..... لبنات لفوق مللي بدات المووسيقى هبطو ومللي خرجو للجردة ميساء حطت واحد اللعبة على راسها بيضة 😍 جات كيوت وعاد فهمت رميساء شنو واقع 😍😍 بالفرحة بكات وايوب فاش قرب نقزت عنقاتو ماداتهاش فعائلتها بعدت مننو وجرها حدا لعدول كتبو كتابهم بداو العائلة كيباركو ليهم وناضو كيرقصو كانو دايرين غير المشروبات وحلاوي فقط بيما انها غير حفل رقصو الكوبل الجديد وهما طايرين بالفرحة وبداو كل واحد كيشد مرتو واينوض ارقص حتى من لكبار ولؤي جر هاجر ..... جود مشا قرب لجيداء وبرك حداها ....
تزوجت غريب الجزء الثالث
محتوى القصة
التنقل بين الأجزاء