جيداء:: نو ماشي ماماك فوزية بغيت نمشي لروسيا عند جدة
توفيق:: شنو علاش
جيداء:: بابا هو ماباغيش اطلق وانا باقا مقادراش نستوعب شنو وقع لاهما نطلع نرتاح تماك
يارينا:: واخا ابنتي
توفيق:: واخا واخا غنشوف الى كانت شي رحلة قريبة نمشيو
جيداء:: الى كانت غدا مزيان وشوف دابا وقطع دابا عافاك
توفيق:: (تنهد) واخا ابنتي لكن هضري مع راجلك
جيداء:: بابا الموضوع تسد ......
ماعرف ميقوليها سكت وعنقها بقاو هكاك شوي توفيق بعد تاصل بشركة طيران ولقا رحلة غدا طلب حجز ليه وليارينا و جيداء سالا مع قطع وقف عليه جود
جود:: كين شي مشكيل
توفيق:: (معرف ميقول) ماشي مشكل غير جيداء بغات تسافر
جود:: شنوو فين ؟؟
توفيق:: لروسيا
جود:: نووو مغنخليهاش
توفيق:: ولدي جيداء باقي متاترة بلاما تصعب الامور
جود:: راه مايمكنش نخليها تبعد باراكا غير هي فدار وانا فدار مكفاهاش هادشي
توفيق:: هي فينما كتكون باغا ترتاح كتمشي عند جداها و خالتها تماك هما ماكيجيوش هنا هي للي كتمشي عندهم وحنا معاها
جود:: اووووف
توفيق:: صبر اولدي متنساش راها باقا مفاهما والو من شنو وقع
جود:: هانا صابر اشعندي مندير من غير الصبر ( كانت كتشوف فيه خنزر وطلع للبيت )
طلع وقف فالبالكون بقا كيشوف فالسما كيحاول احيد الاعصاب للي فيه بقا شحال حتى حس براسو برد عاد هبط كانو دخلو لوخرين باش اتعشاو دخل عليهم ومشا جلس فبلاصتو حدا جيداء
ياسمين:: فين كنتي اولدي
جود:: 😠 غير هنا هانا جيت (عرفوه معصب)
رميساء:: جود غنسافر 😍😝 بوحدي
جود:: (جابتلو الضحكة) هههه غير حيت تزوطتي اما واللهلا عتبتيها
سفيان:: ههههه
ايوب:: مزوج بهبيلة
رميساء:: 😑مابقيتش غاديا يالله
محمد:: هههه غتنوضوها فنهاركم
ايوب:: لا لا منوضوهاش ويلي انا نقدر
عتيقة:: الله اكمل عليكم بالخير اولداتي ......
كملو عشاهم فجو من المرح مع العرسان الجداد وغير سالاو هبطت الخدامة شناطي ديال عرسانا سلمو عليهم ومشاو ... ووراهم قال جود بسلامة وخرج ومشاو حتى واليدين جيداء هاد الاخيرة غير مشاو واليديها طلعت لبيتها ...]
طلعت للبيت وانا قلبي ضارني هو حدايا مقاداش نهضر معاه عادي غير كيهضر معايا كنتفكر كلشي للي وقع وولدي للي مشالي بداو دموعي كينزلو وتنهيدات متتابعا كتعبر على الهم للي هازا لداخل باغا نسامحو ومقاداش معرفتش فكرة انه نعس معاها فبيتنا مابغاتش تصرط ليا اكيد هادشي للي وقع مامعريا قدامو ومعنقاه هكاك الا وهي ضاسرة عليه اكيد موالفين 😔 العجيب فالامر ان بابا ماوقفش معايا باش نطلق وجاني كيهدر معاه عادي .....
بكيت حتى عيت نضت هزيت الباليزة بابا قبل امشي قالي غدا صباح كينا الطيارة ... بديت كنقاد فحويجي للي غنحتاج ساليت سديت الفاليز حطيتها وهزيت فاليز صغيرة درت فيها الميك اب والروايح وكلشي البرودويات ودواياتي وسديتها عاد تخشيت فبلاصتي بعد تفكير طويييل وراكم عارفين كتبغيو تنعسو عاد كيبدا عقلك افكر بقيت شحال عاد نعست ..........
💐 يوم جديد 💐
حليت عويناتي بشوي بديت كنتكسل مع درت كان جود جالس فالفوتوي ومقابلني 😳
انا:: جود
جود:: 😐 صباح الخير
جيداء:: 😒 صباح الخير (نضت ولبست بينواري دخلت غسلت وخرجت كنجبد فحويجي للي غنلبس ) غتبقا حاضيني
جود:: عندك شي مشكيل
جيداء:: اه عندي انا ماباغاش نشووفك خرج حتى نسالي وانا مخلياليك هاد البيت
جود:: مترفعيش صوتك اجيداء 😠 [ كرز على ايدو كان غيضربها لوما تحكمش فراسو ومشا خرج ]
للحظة بقا فيا لكن تراجعت باش منضعافش لبست حويجي قاديت زيفي وكلشي طلعتلي كلثوم فطوري فطرت دغيا باش نهبط عند بابا كان جا يالله ساليت غنوض دخل عاوتاني جود جا جرني بركني فالسرير وبرك مقابل معايا
انا:: شنو باغي
جود:: (تنهد) سمعي كاع هاد المدة انا مخليك ديري للي بغيتي عارف باش تفقد ولدك صعيبة حيت هادا للي مات ولدي حتى انا وتانا متأزم لدرجة ربي للي عالم بيها فاش عرفت قلت معاك غندوزو هاد المحنة بزوج (كنبغي نهضر كيخنزر كنسكت ) انت ختاريتي هكا ومابغيتيش حتى تسمعيني فوقما نجي كتصديني ومفكرتيش تقولي راه ممكن ظلمتو غا للي شتيه تيقتيه بلاما تعرفي التفاصيل
جيداء:: انا...
جود:: مغنبرر ليك والو انا ماباقي نبزز عليك والو باغا تسافري سيري باغا تبقاي هنا بقاي باغا تمشي عند داركم سيري للي بغيتيه ديريه لكن طلاق مغيكونش انا كنبغيك !!!!!!!!! ومامستاعدش نضيع من ايديا خليك حتى نهار تعرفي الحقيقة ديك ساعة غنهضرو صراحة كنت متوقع راك ثايقة فيا وواخا اوقع للي وقع غتسناي منني شرح لكن صدق عكس توقعاتي تماما غير هو عنداك الطولي فهادشي حيت صبري قليل ..........
ناض خرج وخلاني غير مصدومة شحال وانا كنتسنا ديك الكلمة مننو 😭 قلبي فرح لكن مقادراش نمشي دابا عندو بهضرتو حسسني بللي ضالماه 😥 .........نضت مسحت وجهي وبعدت هاد الافكار كلها من راسي حتى نمشي من هن عاد غناخد راحتي فالتفكير... هزيت صاكي وهبطت سلمت عليهم كلهم ومللي خرجت كان جود واقف مع بابا يالله غنطلع فالطوموبيل وقفني باسني فجبهتي قالي طريق السلامة خلاني مشوكيا......
خلاني مشوكيا حتى دفعتني ماما عاد طلعت بقات هاجر كابكي هي وميساء تقول غنبقا ديما تماك درتلهم باي بايدي وشفت لاخر مرة فجود للي كان مفيكسي شوفتو فيا .................
[ مشات بطلتنا لروسيا فاش وصلت للمطار فكرة شحال من مرة نرجع خصوصا ان هضرت جود بقات ليها فودنها كتعاود وديك كنغيك فوقما تفكرها قلبها كيرفرف ......... جود غير مشات جيداء طلع لبيتهم كانت ملتوم كتقادفيه قالها غير خليه وخرجي مع خرجت تكا فبلاصة جيداء وتكا فمخدتها كيشم ريحتها بقا فيا الزغبي يتعذب في صمت 😔..... دوز صباحو تماك مهبط حتى عيطو ليه للغدا تم هابط وكانو حتى سفيا ورجاء هابطين
سفيان:: جود شويا؟؟
جود:: 😉 مزيان
رجاء:: غير صبر اخويا راه والله شحال مدابزة معاها باش نشرحليها مكتبغيش تسمع
جود:: عارف ماشي مشكيل
سفيان:: دابا ترتاح وترجع مزيانة
جود :: نتمنى (تم داخل سفيان وجود سابقين رجاء)
رجاء:: سفيان🤢(نطقتها بشوي وطاحت ديجا كانت هابطة غير بزز )
ياسمين:: (شافت الفرحة للي فوجه جود وبقا فيها مشات ليه هو عنقاتو وهضرت بشوي فودنو) ربي غيعوضك وتعمرلينا الدار بالولاد ان شاء الله
جود:: ان شاء الله.......
كملو المباركات وجلسو تجمعو فجو زوين كيضحكو وحاولو اخرجو جود من الحزن للي كان فيه هو واخا عقلو مع جيداء مابغاش اخصر فرحت خوه للي فرح ليييه بزااف .... سليمة للي كانت نساحبة وطلعت لبيتها بكاااات بكا ديال المعقوووول وبقات فبيتها معاودتش هبطات هاجر فرحت معاهم ودوزتمعاهم شويا ديال الوقت وخرجت هي ولؤي باش اوصلها يالله ركبو وخرجو من الباب دالفيلا وهي توقف عليه راويا هبط لؤي وراويا تلاحت عليه عنقاتو
راويا:: توحشتك زعما الى متلاقيناش فالخدمة متشوفنيش برا
لؤي:: عندي ميدار مامساليش
راويا(شافت فهاجر للي كتسمع كلشي):: شنو مسالي غير لهاد
سفيان:: كانت سكرتيرا فايامتو الاولين فالشركة كانو اصدقاء لكن داكشي تحول مع المدة شاريليها دار باقا بسميتو هو وداير ليها كونط كيحطليها كل شهر مليون والصرف يعني مبرعها
جود:: يعني دابا الوليد عندو غير ديك الدار للي فسميتو حيت هادي مللي بغبنا نشريوها انا للي تكلفت وبقات فسميتي المزرعات بزوج وحدة عندك وحدة عند رميساء و الفيلا للي فطنجة عند ميساء
سفيان:: اه يعني الى جابها هنا غنرونوها بالمعقول دابا خصنا كيفاش نفهمو الوليدة بفففف مصيبة صافي ....
بقاو سفيان وجود جالسين كيخممو حتى دخل لؤي وقالوليه شنو كين ..... اما ياسمين فكانت جالسة فبيت الحاجة عتيقة
ياسمين:: 😭😭😭 شنوو دنبي الحاجة شنو دنبي
عتيقة:: انت بنت الاصل وحافظتي على دارك وجامعا ولادك خليه بغا الخانزات الله اطليه بيهم
ياسمين:: راااه تزوج تزوج وبحال والو ايجيبها ليا هنا
عتيقة:: باش عرفتيه تزوج
ياسمين:: 😭😭😭 قالها ليا وقالي نقولها لولادو اطلقني
عتيقة:: اويلي على اطلقك وايني مسخوط هدا صافي ابنتي ربي اياخد الحق اشغنقوليك الله اهديه
ياسمين عرفات لكن خبات على ولادها باش ميطلقهاش السخوط ديال المختار هو كان داك النهار غيجيبها وايجي لكن شنو وقع مع جيداء حبسو وخلا حتى الدوز هاد المحنة ....... سليمة واحلام سمعو هادشي غير صدفة واحلام نبهت على سليمة تسد فمها لكن سليمة بغات دير فيها كيف اخر مرة ومشات عند سفيان للي كان فالجردة
سليمة:: سفيان واخا نهضر معاك
سفيان:: اشباغا تقولي عوتاني جايبا شي مصيبة
سليمة:: صراحة مللي عرفت قلت نجي نقولها لك
سفيان:: شنو عرفتي
سليمة:: باباك
سفيان::🤨
سليمة:: راه تزوج وخالتي خبات عليكم سمعتها كتهضر مع رجاء!!!!!!!
رجاء:: (تفكرت الهضرة بدات كتدوي وكتلعب بصبعها) كنت فبيتنا وجات عندي احلام و 😥 قالت لي شيحاجة على باباك
سفيان::!!! علاش مكنتيش مع الوليدة
رجاء:: لااا خالتي قالتلي الهام كانت مع الحاجة وراه سمعتهم هيي وسليمة
سفيان:: (عنقها) شششت عارف عارف
رجاء:: باش عرفتي خالتي مباغاكمش تعرفو
سفيان:: غير بحت فالموضوع ولقيت هادشي كنبغيك
رجاء:: ههه حتى انا حبيبي
سفيان:: وي عمري
رجاء::(شافت فيه) شنو نسميو ولدنا
سفيان:: امممم نسميو الجلالي
رجاء:: شنايا اويلي
سفيان:: هههههه غير ضاحك سمي للي بغيتي انا معنديش مشكيل
رجاء:: واخا حبيبي حتى اقرب ايجي ونتعاونو نقلبو على السمية
سفيان:: ان شاء الله يالله ندخلو ببارد الحال عليك....
ليوم داز عامر بالاحداث فيه الزوينة وفيه الخايبة...... سفيان دخل مع مرتو وقبل لعشا علم جود بللي مهم عارفا وقلو شنو قال باه ليها صافي مهضروش مزيال فالموضوع غير تعشاو وجيظاء تاصلت بياسمين فوقت لعشا علمتها بللي راه وصلو بيخير ارتاح جود من جيهتها وغير سالاو وكل واحد شد بيتو ............
دازو ايام واسابيع مختار مهضرش على زواجو وولادو محكروش حيت للي عطا الله عطاه المهم أمهم زاد اهتمامهم بيها باش تخرج من الحزن للي عايشا وكانو دوزو ش ايام فالمزرعة باش ارتاحو ....
عبد الرحيم وفاطمة (عمة) هزو رحالهم ورجعو لمراكش حيت هديك هي لمدينة للي عايشين فيها اما محمد فجالس فكازا ففيلا قريبة لديال المختار .. عتيقة مبغاتش تخللي ياسمين بقات مونساها ....
لؤي كترت خرجاتو هو وهاجر وولاو مفاهمين وحرمت عليه الهضرة مع لبنات خصوصا مع خدامة معاه فالشركة دايرا ليه الحصار ......
ميساء باقي لدابا جابر كيديها للكلية هي وختو و ولات قريبة من ختو وكتحاول تخدم معاها بما انها فايتاها فلقراية كتعاونها بشنو عارفة مرات كتجي فاتن عندها مرات هي كتمشي عندها .....
رميساء جات هي وايوب ياسمين طلباتووطليب باش ابقاو ساكنين معاهم وهوومخصرشليها واخا كان موجد دارو .........
رجاء دايرا الطيارة لسفيان مع كتوحم عليه كتنوضو فنصاصات الليل تقوليه باغا نشم ريحتك وحتى هو مخليها على خاطرها وكتشها ليه غير كيوي فينما ايكون جاي كيجيب معاه .......
اما بالنسبة لجيداء فيوميا كتهضر مع لبنات رميساء كتبقا تسجل محادتهم دالفيديو وكترسلها لجود واخا ماكيقوليها والو واي تصوير رسلتها ليها جيداء حتى هي كتصيفطها ......... نخليوكم مع جيداء]
مللي وصلت هنا وشفت جداتي إِرينا irina وخالتي أَليكساندرا ارتاحيت بزاااف خصوصا اليام الاولى كنت كنخرج بوحدي وكنحاول نقاد افكاري ....فرحت بزاااف لرجاء مللي قالولي لبنات راه حاملة عيطت ليها عرفتها مقالتهاش باش منكعاش لكن معندي لاش نكعا هداك كان مكتاب اه عرفت راسي غير غلطت فاش سبيت موتو فجود وهاديك للي مكتسما لكن ديك لوقيتا كانت حالتي النفسية مكفسة ...... كنت كنهضر مع ميساء وكتبقا ديما ترسلي تصاور جود هو كياكل هو كيغوت على لبنات لكن لاحظت كاع الصور كاعي فيهم .... صراحة هضرتو كانت ديما عقلي وكانت كتحسسني بللي ضلمتو خصوصا انه هو ولوخرين ديما كيبغيو اشرحولي وانا كنصدهم دابا تلت ايام باش عرفت كلشي داكشي للي وقع اه بابا شدني وعاودليا كلشي وقالي هاد الويكاند نرجعو فحالنا وانا معارضش غير المشكل حشمانة نشوف فيه عتارفلي بحببو وبينلي فهضرتو راه مضلوم لكن مسمعتش ليه نادمة بزااااف...... دابا انا جالسة مع جدة وخالتي وواليديا كنفطرو حتى صونا تلفوني كانت هاجر جاوبتها وشديت على فمي من هول الصدمة 😭😭😭
توفيق:: مااالك
انا:: 😭😭😭😭😭 مااااااات.............
توفيق:: ماااالك
انا:: 😭😭😭😭😭 ماااااتت ابابا مااااتت
يارينا:: شكون !!
جيداء:: خالتي ياسمين 😭😭😭😭😭😭😭
توفيق:: شنوووو 😰
ارينا :: شكون
توفيق:: مت جود ماتت لكن كيفاش
جيداء:: معرت معرت مشرحاتلي والو هاجر بابا قطع دابا دابا نمشيو
توفيق:: واخا واخا .......
مشا بابا وانا على اعصابي طلعت جمعت كاااع حويجي وبقيت جالسة حتى جا قالنا راه قطع ومن هنا لساعة كينا الطيارة سلمت على جدة وخالتي ومشيانا السعات فالطيارة دازو عليا اعواااام طريق كلها وانا وماما كنبكيو دموعنا محبسوش حتى هبطت الطيارة مان شيفور كيساينا دانا نيشان للفيلا بانولي بزاف الطوموبيلات وحتى طوموبيلة البوليس !! دخلت مع شافتني ميساء رميساء جاو كيجريو عنقوني
رميساء:: ماتت اجيداء ماتت 😭😭😭😭😭
ميساء:: هئ هئ هئ هئ
جيداء:: 😭😭😭😭😭😭😭....
معرفت منقوليهم موت الام ماكينا حتى كلمة تواسي فيه جا ايوب سلمت عليه وشد رميساء عنقها بعدت من ميساء مشيت سلمت على لوخرين ومشيت عند جدة للي باغا تصطا بلبكا كانت عزيزة عليها ياسمين لدرجة كبيرة كانت رجاء جالسة فالدروج طلعت حتى هي سلمت عليها وعيني باقين كيقلبو على جود حتى جات ريحتو فنيفي درت بانلي داخل من الجردة وجهو صفر وعينيه بيضين غير شافني بقا واقف انا دموعي سالو شوقا ليه وحزنا لوفات ماماه بانلي كيقرب وانت تميت هابطة حتى جا عنقني وانا كرزت عليه 😳😳😳😭😭😭😭 بكا اه بدا كيبكي كيبكي قلبي تقطع علييييه .......
[ كان الكل كيشوف فيهم بقا فيهم جود بزااااف انا دموعي سالو للي كنكتب ليكم 😭😭😭😭........ المختار كان مركن فالفيلا( في ركن الفيلا) ومصدوم باقي مستوعبش هادشي للي وقع اما سفيان فجالس فالجردة دموعو حتى هو محبسوش ولؤي حداه كيواسيه ..... بسرعة الفيلا عمرات جاو لعزايا من صباح لدابا باقين كيجيو جيداء مللي كتر بنادم على جود جراتو وطلعو لبيتهم مللي قلها كيفاش ماتت تصدمت ..........
نعاود ليكم انا....... ليوم كان كلشي فخداميهم رميساء كانت طلبت ايوب اتغداو بزوج ميساء فلافاك جود ولؤي وسفيان فالشركة مختار مع مرتو التانية عتيقة للي كانت فبيتها حيت مريضة مخرجاتش مننو ايوا مع دخلو بالتتابع فلعشيا بداو كيسولو عليها مللي طلعت ربيعة الخدامة لقاتها مشنوقة 😱😱😱😱 وغوتت بحر جهدها حتى طلع كلشي رجاء غيبت بناتها تصدمو وولاد كثر منهم تشجع رضوان للي كان جا دخل قاس نبضها وقالهم ان لله وان اليه راجعووون .....
جيداء:: لكن خالتي مايمكنش دير هكا 😭
جود:: حتى انا مامتيقش راه البوليس داوها باش اديرو ليها التشريح ونفهمو شنو واقع 😔
جيداء:: لكن راه (دخل سفيان )
سفيان:: سمحو ليا
جيداء::(ناضت عنقاتو) البراكة فراسك والله ارزقكم الصبر اخويا
ياسمين:: بنتي انا ايامي معدودة فهاد الحياة هيا اه معارفين شكون السابق لكن بغيت نخللي شيهضرة لوليداتي انا مكرهتش نبقا حتى نشوف ولاد ولادكم لكن كيف قال الطبيب قلبي عيان ابنتي
جيداء:: ان شاء الله اخالتي غتبقاي حتى تشوفي ولاد ولاد ولادنا بحال جدة لا فوزية لا جدة عتيقة شوفي وانت ان شاء الله للي غتعلميني كيفاش نربي ولادي انا وجود
ياسمين:: ان شاء الله ابنتي المهم هادي خبيها احتياطا وصافي نهار توقع شيحاجة عطيها يا لجود يا لسفيان
✉السلام عليكم المهم معارفاش اوليداتي باش نبدا غير بغيتكم تعرفو بللي كنت فرحانة وانا وسطكم وكنت كنتمنى نشوف وليداتكم ونهزهم فحضني وبما انكم كتقراو هاد الرسالة فأكيد غنكون مشيت عند ربي .... مابغيتكم تلومو حتى حد على وفاتي باكم طول فترة زواجنا كان محتارمني وحتى هو منحقو اععيش حياتو واخا كانت قاصحة عليا نعرفو مع وحدة اخرى المهم من هادشي كللو مابغيتكمش تلوموه حيت ربي للي بغاني ماشي هو للي قتلني ....
بغيتكم غير تدعيو معايا فكل صلواتكم و متنساونيش والى تزادت عندكم بنت سميوها عليا اصلا سميتي زوينة هههه المهم اوليداتي تهلاو فبعضياتكم مكرهتش لو بقيتو مجموعين فبلاصة وحدة لا جود وسفيان ولا حتى ميساء ورميساء انا طمنت عليكم بقات ليا غير ميساء بغيتكم تعطيوها للي غيستاهلها وايحافظ عليها ..... كنبغيكم 📝
كملو القصة وبقاو ساكتين ودموعهم نازلين 😭😭 معرفتش بللي بهاد الرسالة للي حلات موضوع للي كان شاغل بالهم وكانو متأكدين انه موضوع مدبر وانها جريمة قتل 😱😱😱...
سفيان هبط جاعر وتبعو جود جيداء مشات عند لبنات كانو لتحت وكتسنا شنو غيوقع ....... دخلو الدراري للببيرو كانو جوج محققين وممعاهم لؤي و ايوب ورضوان و محمد وعبد الرحيم و مختار
سفيان :: 😡(دخلو جاعرين) غتجبدولي فأقرب وقت للي قتل
المحقق الاول:: !!!! منين عرفتي راه جربمة قتل
سفيان:: هاد الرسالة مخلياها الوليدة هاك قرا
رضوان:: اينا رسالة فين لقيتوها !!!
جود:: (عاودليهم)
سفيان:: نتوما شنو طلع ليكم فالتحاليل
المحقق:: شيحد خانقها كينين اثار الاصابع فعنقها
جود::😡😡😡 خصكم تجبدوهه فينما كااااان
المحقق الثاني:: ضروري ....دابا غندوزو ليوم خليو عائلتكم ارتاحو غدا ان شاء الله بما انها مامنتاحراش غنجيبوها هنا وتديوها تصليو عليها وتدفنوها ومن بعد غنبداو نحققو مع كااع للي فهاد الفيلا
سفيان:: لكن خصنا نعرفو شكون
محمد:: ولدي خللي حتى تدفنوها وديك الساعة ابداو احققو
جود:: وي بصح صافي
المحقق :: ومن هنا لتما حتى حد ميسافر كلشي ابقا هنا
سفيان :: متخافش حتى حد مغنخليه اتزعزع من هنا
رضوان:: شنوو حنا عندنا شغالنا برا نبقاو باركين
جود:: اه غتبرك حتى نلقاو المجرم اي واحد حاو امشي بلا خبارنا فهو المشتبه به الاول
لؤي:: 🤨 الله اعفو (تقدم شد ففيان) يالله نخرجو عند الناس زيدو .....
خرجو من تماك والمحققين مشاو .... الليل الناس مشاو بقاو غير العائلة وواليدين جيداء و رجاء كل وحدين شدو غرفرفهم لكن النعاس قليل للي جاه ... جود كان متكي وفحضنو جيداء بقاو فايقين شحال بدون كلام حتى داتهم عينهم......
💐 يوم جديد 💐
فاق بطلنا هو الاول ودارت واحد التنهييدة تقول هاز جبال فوق كتافو الليل كللو وهو كيحلم بياسمين دور وجهو عند جيداء كانتوباقا ناعسة جود فرح حيت شافها وحيت رجعت لكن باقي كاعي منها حيت متاقتش فيه ماباغيش اهضر دابا خصوصا انه محتاجها جنبو بغا دوز بعدا هاد المصيبة للي حلت على العائلة قرب باسها وناض دخل دوش باش افيق مزيان توضى خرج لبس صلى وقرب فيق جيداء
جيداء:: صباح الخير
جود:: صباح الخير
جيداء:: (قادت البركة ) كيف صبحتي (حطت ايدها فحنكو)
جود:: كيف غنصبح (خدا ايدها باس قلب ايدها ) يالله نوضي غسلي باش(تنهد) ايجيبوها تشوفوها ونمشيو
جيداء:: (شافت فيه شحال وحلات ايديها كان داير كيقاد ساعتو ) اجي عنددي
جود:: (دار وفعلا قرب منها وتخشا فحضنها )
جيداء:: كلشي غيدوز ان شاء الله
جود:: ان شاء الله يالله (بقا ساكت شحاااال عاد هضر ) نوضي دغيا يالله تسالي
جيداء:: واخا ........
ناضت دغيا دخلت غسلت توضات خرجت صلاة بدلات وهبطت كان جود سبقها جلست بين ميساء ورميساء حتى سمعو صوت لومبيلونص وناضو كيتجاراو خرجو دخلو بالواحد بالواحد شافوها جود وسفيان كيبكيو وكيسكتو فخواتاتهم ماحيلتهم لجرحهم ماحيلتهم ليهم غمز جود جيداء باش تجي تدخلهم ونقدمت هي ورجاء بعدوهم حتى مشاو الرجال ورا لومبيلونص عاد دخلو لبنات باقي معارفينش راه ماتت مقتولة بغاو جود وخوه حتى ادوزو لعشا ليوم وديك الساعات اخبروهم 😔 اخيب حاجة هي شيحد عزيز عليك اموت لكن ماشي موتة عادية ايكونو قاتلينو وانتوما معارفينش شكون قتلو خصوصا انها ماتت وسط دارها يعني 90% شيحد قريب هادشي للي دار فعقول ولادها .......... مشاو صلاو عليها دفنوها قراو الادعية والقران عاد رجعو ورجعو منكاسرين اكثر كانت يارينا و سعاد (مت لؤي) و صليحة (ام ايوب ) هما للي مكلفين بالطياب وتضياف الناس عاد جاو خالات جيداء وحتى هما وقفو معاهم نهار كللو حتى لعشا مللي جا تريتور عاد ارتاحو دوزو لعشا وكمل هاد النهار للي كان طويييل على العائلة كلها ......
ليوم ناضو ومن بعد مفطرو تجمعو فالصالون باش اعلمو الكل بشنو واقع وقبل ميبداو دخلو المحققين ديال اخر مرة
جود:: اه كانت مخليا رسالة لجيداء مدة هادي وكين حتى نتائج التشريح للي كيشيرو مللي (تزير) شيحد خنقها
لبنات ولمراوات :: 😱😱😱😱
عتيقة:: اويلي شكون قتلها لكن حنا كننا فاش لقاوها مشنوقة
جواد(محقق):: التشريح والرسالة كيبينو بللي هي مقتولة وحنا فتحنا تحقيق بما انكم مجموعين كل واحد غيقولبنا فين كان داك النهار والجريمة او وقت الوفات كان كيفما حدد الطبيب فديك جوج ديال لعشيا حتى ل 2.30 يعني نعرفو شكون كان فهاد لوقيتة
جود:: المهم جواد وعلي هادو عمي محمد وعبد الرحيم (كيشير ليهم) ومرواتهم و بناتو مكانوش وحتى مرتي كانت مسافرا برا المغرب
علي(محقث الثاني):: يعني بقيتو نتوما ولادها وراجلها وايوب (صديقو) ورضوان
جود:: وي
جواد : خصنا حتى الخدم والحرس نحققو معاهم
مختار:: دير كلشي للي غيساعد باش نشدو هاد المجريم
علي:: انت اجود ولؤي كنتو فالشركة
لؤي:: اه كان عندنا اجتماع ديك لوقيتا وتغدينا مع الناس للي عندنا معاهم اجتماع
ايوب:: انا كنت مع رميساء من 12 للور ماجينا حتى قربنا نتعشاو
ميساء:: انا كنت فلافاك نهار كللو وجيت معطلا مع كنت مع بنت جيرانا
علي:: اممم اوكي وانت ارضوان ؟
رضوان:: انا ام جيت غير صباح ديال داك النهار ديك قريب الظهر على ود شيوراق خليتهم هنا
جواد:: وقتاش خرجتي
رضوان:: اا معقلتش فلعشيا مع ديك العاصر
اعلي:: اه يعني كنتي وقت للي ماتت
رضوان:: انا كنت فبيتي مخرجتش وبيتي بعيد كليا على البيت ديلها
جود:: !!! يعني
رضوان:: شنو للي يعني راه قلت ليكم شنو كاين اشباقين باغين
جواد:: غير تكالما المهم هو بوحدو للي كان
عتيقة:: لا حتى انا كنت غير انا هاد 10 ايام مكنخرجش فبيتي بزاف مع لعيا وبيتي هاهو لتحت
علي:: المهم للي عرف شيحاجة ولا توصل بشيحاجة اعلمني سي جود الى كان ممكن غتعلم الخدم ديالكم كلهم ايجيو عارف كين الخدمة هادشي علاش خليهم ايجيو بالواحد بالواحد حتى نساليو كلشي لا الجاردينيي لا كلشي عاد غنشوفو الجيران للي حداكم حتى هما ....
خرجو المحققين والعائلة بداو كيشوفو الناس للي باقين كيجيو جيداء مللي ناض جود دخل للبيرو دخلت عندو
جود:: مالك ؟
جيداء:: خصنا نهشرو مقادراش نصبر كثر
جود:: فاش
جيداء:: فموضوعنا
جود:: 🤨 فاش بغيت نهضر شنو كنتي كتقولي ماباغاش تسمعي وهضر غير الى كنتي غطلقني
جيداء:: 😔
جود:: شنو باغا تقولي
جيداء:: جود والله كنت حاسة باحساس خيب فديك لوقيتة وموت البيبي كان مأثر فيا كثر الموضوع ديالك وكان خصني غير فيمن نخرج العصاب للي فيا
جود:: ومفكرتيش راني حتى انا كنعاني حيت فقدت ولدي ؟؟ آ ولا كتفكري غير فراسك
جيداء:: 😔 سمح ليا
جود:: (دوز ايدو على راسو) بببفففف
جيداء:: 😭 اخر هضرة هضرنا هي للي كانت بقاتلي فودني عرفت راسي ضالماك لكن كنت باغا نرتاح ضروري حسيت براسي غير كنغرق فراسي مللي مشيت تماك عاد رجعت راسي شوي وفاش اكد لي بابا عاد عرفت بللي ضالماك بصح كنت راجعا لكن قلت نزيد غير ايامات مع جدة حيت مكنشوفهاش وحيت مريضة مكتبغيش تجي لهنا عارفاك كاعي منني حيت بصح غلطت فحقك لكن والله لو كنتي انت فبلاصتي غتصرف كثر من هكاك فكرة انها معنقاك وقدامي بوحدها كتاكلني 😭 بقا غير نشوفها هكا لابسة غير بينوار
جود:: 😐 لكن شكيتي فيا
جيداء:: وحتى انت شكيتي فيا فموضوع ولد خالتي واخا كان كلشي باين لقيتيني كنغوت ماشي كنضحك معاه ورغم دالك مابقيتيش كدوي معايا وتعصبتي عليا ومتثوليش ماشي كيف كيف تخايل داك النهار جيتي لقيتيني انا وياه فبيتنا انا وياك وانا خارجة من الدوش وهو واخا لابس حويجو واقفا معاه شنو غدير
جود:: كنت باغي نشوف لاين باغا توصل مكنتش متصور حاطة خطة باش تشوفي داك المنظر لكن فكاع الاوحوال كان خاصك تسمعيني كيفما شمعتك انا
جيداء:: 😢 بصح سمح ليا ........
دارت وخرجت سدت لباب مسحت وجها وخرجت للجردة عند لبنات جلست بلاما تهضر .... جود عرف بللي من حقها تكعا وتشك حيت اي واحد فبلاصتها غيفهم نفس الحاجة لكن هي معطاتوش فرصة فين تسمعو هدا لاش مابغاش ادوزها ليها واخا بقات فيه ومكرهش ايطير عليها اعنقها ...... لكن هو مفكرش بللي مواضيعهم مختالفة حيت فاش شك فجيداء ماكانش شيحاجة اخرى للي مأترة عليه لكن هي فقدان ولدها للي كان مأثر عليها ومخلاهاش تعطيه وقت .........
دازو ايام التحقيق باقي غادي كانو حققو مع كلشي للي قريب وللي بعيد لكن باقي متوصلو لوالو لبنات قراو الرسالة وزادو تحصرو كثر على مهم ... .... العائلة باقا مجموعة بداو كيتوالفو مع غياب ياسمين .... جيداء وجود باقين منفخين على بعضياتهم خثوثا جود هاد الايام كان سافر لمراكش على شي خدمة وماكانش كيهضر معاها ...... ليوم جاي جود وبما انها هي للي بدات المشكيل كتفكر تحللو لكن بطريقة تخليه هو للي ايجي اطلبها خرجات فلعشيا هي وهاجر مشات معاها لكوافورة دارت بحالتها مزيان وغير سالاو مشاو تقدات شيحاجات حويج ولي شوميز دونوي عاد رجعت كانو عتيقة وسعاد وصليحة واقفين على لعشا ... جيداء وهاجر دخلو جلسو شوي مع لبنات عاد طلعات جيداء لبيتها قدت الميك اب لبست كسوة زرقة طويلة بكممام طبعا ومزوقة بالرمادي دارت فولار رمادي تريحت قادت شنو غيلزمها لورا لعشا وهبطت لقاتو جا وكيسلم على خواتاتو مع سمع صوت طالون هز عينيه بانت ليه قلبو بدا كيشطح لداخل مللي شافها وشم ريحتها للي واصلة لعندو كمل سلامو وجات هي قربت قالتلو على سلامتك وسلامت عليه بالوجه بطريقة خلاتو حس بالسخونية طلعت معاه 😄.... دخلو لفين كين طبلة للعشا جلسو وبداو الهضرة على الخدمة لكن جود عقلو غير مع جيداء للي واخا مكرهتش تعنقو وتقولو توحشتك لكن صابرة وكتاكل بلاما تشوف فيه سالاو عشاهم ....
عتيقة:: لاواه اولدي رخف عليها شويا هي اه غلطات لكن متنساش راه كانت متضررة فديك الوقت الله ارضي عليك قاد امورك معاها ماماك الله ارحنها ديما كانت كتوصيك عليها
ميساء:: الى كان علا ودها غير سير تفرق علينا احسن باقي مكملت حتى الربعينيا وباغي تجيب الضرة 😏 لاكانو رجال بحال غابلاش منهم (مشات وخلاتو مخرج عينيه عمرها هضرت معاه هكا)
سفيان:: تصبحو على خير(ناض وجر رجاء)
مختار:: غنجيبها وحتى حد مغيهضر
سفيان(وقف ودار) جيبها لكن قبل غتسني على شروط ضروري ولا واللهلا عتبلتها
مختار:: اينا شروط
جود:: المهم انت عزل ياتكتب كلشي فسميت بناتك يا هي توقع على تنازل ومتاخد حتى سنتيم واخا اوقع للي وقع
مختار:: 😡 شنوووو
سفيان:: عمي غالطين فشيحاجا ؟ حن مقلناش كتبو لينا انا خدام نهز مرتي وولادي وجود حتى هو نفس الشئ غير للاحتياط حيت اغلبية فلي كيقبلو على راجل شارف 😏 كيكونو طماعين (لبنات شدو فمهم كانو غيضحكو)
مختار:: شنو ولينا قدقد اسفيان راك داوي مع باك
عبد الرحيم:: انا مع الدراري فهادشي
محمد:: حتى انا
سفيان:: الاسهم ديال الشركة نصهم كانو ديال الوليدة الله ارجمها يعني الىىبغيتينا نقسمو ناخدو حقنا غيجيك حتى انت نصيب وداك النصيب غتكتبو لوحدة فلبنات ولا قسمو عليهم الدار للي شاري لهاد خيتي كتبها فسيمت لبنات اما هلد الدار فبالاصل فسميت جود معندناش لاش نهضرو فهادشي وبالنسبة لداك المسروف للي كتحط ليها غتنقص مننو مليون باش جاتها ؟؟؟
جود: الوليدة ومكانتش كتاخدها
عتيقة:: مليووون
جود:: هادي غير لقليلة
محمد:: وا بزاااف
جود:: المهم كيف قال سفيان هادشي للي باغينو طبقو وهنا غتسكن بحالها بحال لبنات ياك ماكيتدخلو لافهادي لا فهاديك حتى هي بحالهم راه دابا جدة رادا البال للفيلا كلها وحتى مراوات عمامي هي تخرج من هاد المواضيع
سفيان:: مفاهمين ؟
مختار:: (حتى هو فكر بللي عندهم الصح باش الى كانت طامعا متصور والو ) موافق على كلشي
سفيان:: عمي عبد الرحيم بما انك انت رئيس الشركة انت غتكلف بداك لحساب ديالها الى كانو باثين فيه فلوس متزيدهاش سنتيم حتى اقربو اساليو وعطيها قد للي كتعطي لاحلام ومريم
مختار:: بزاف هادشي
جود:: ماكين ما بزااف شنو لبنات كيخسرو كثر من بمراوات شنو احلام شحال كيقدك فشهر
احلام:: مئة الف وماما كتسلفني عشرين
جود:: اباغي وانت اخالتي
صليحة:: والله اولدي الى قل من مئة الف حيت قليل فين كنشري شيحاجة غير الى تقديتت شيحاجا باغياها
مختار:: 😠 واخا صافي ديرو اشباغين
رميساء:: سفيان
سفيان:: نعام
رميساء:: بيت ماما
سفيان:: طبعا مغتجلسش فيه راه عطا الله لبيوتة هداك غيتسد جدة مرة مرة خللي الخدم انظفوه لكن حتى حد مايبقا فيه
عتيقة:: ولخا اولدي .....
طلع سفيان وتفرق المجمع كل واحد مشا لبيتو جود غير دخل بانتليه جيداء باركا بالشوميز ديالها كان فالنواغ مشبك وبينوارو حتى هو كان قصير وشعرها مطلوق كيف كيعجبو ومقادة الماكياج كثر من قبايلا وجالسة كتراجع فقرايتها هو دخل جدباتو ريحتها ومنظرها اكثر دخل بعد مسد لباب مشا هز حويجو يالله غيمشي
ناضت بدات كتقاد فوراقها وهو شاد تلفون وحاضيها شاد راسو غير بزز .....قادت وراقها جيداء مشات دخلت لطواليط عاد خرجت جلست فالكوافوز مسحت الميك اب وشدت شعرها جمعاتو لفوق عاد بان ظهرها راه عريان ناضت حيدت لبينوار ومع خلات تلفونها فوق كوافوز رجعت تجيبو وعارفاه حاضيها 😂 مع دارت تصاطحت معاه
جيداء:: 😳 ديزولي مشفتكش
جود:: باغا تهبليني
جيداء:: !! شنو
جود:: عارفاني توحشتك هادشي علاش كديري هكا
جيداء: مدرت والو 😌
جود:: اممم (حط ايدو على حنكها) توحشتك
جيداء:: كداب
جود:: يااك
جيداء:: اه مالك كون توحشتيني كوراك كتعيط ليا
جود:: كنت واخد موقف منك شنو وقع وشنو درتي جرحتيني ودابا خلينا من هادشي انت متوحشتينيش
جيداء:: 😌 اه لكن خصني نعس دابا عيانة .......
يالله غاديا جرها عندو وباسها هي ما بعدتش بالعكس حيت داكشي للي باغا وصلت ليه هي عمرها لبست قدامو هكا كيكون شوي مغطي ظهرها وفوق الركبة شوي لكن هاد شوميز لا غير كتكا كيبان لمغطي 😅 .... الليل كللو مطلقهاش جود ووسط اعمالهم اعتارف ليها بححبو للمرة الثانية وهي ولاول مرة كتشجع وكتقولو كنبغيك...........
وصل صباح جديد كانو ابطالنا باقين ناعسين فحضن بعض ، تحرك جود بشوي حل عينيه وشاف فجيداء ابتاسم بارتياح وبدا كيبوسليها فوجها عنقها حتى حلت عينينا
جيداء:: اووووف جود خليني عليك
جود:: نعاسة فيقي تحفظي
جيداء:: حافظة غير خليني نعص راه منعسنا حتى قرب اطلع الضو
جود:: حافظة
جيداء:: اه غير غنراجع
جود:: اممممم ولبارح لاش باركة عليا لا خصني نحفظ
جيداء::(شافت فيه وبدات كترمش) احم حيت بغيت نشوفك اشغدير واش غتنعس وتخليني ولا غتبقا تسناني
جود:: كل واحد ومرتو ادير فيها للي بغا وانت ديها فراجلك ودخلي سوق راسك طلعي
رميساء:: 😒
ميساء:: ههههههه عطاك
رميساء:: طلعي ونخبط ختي طلعي .......
طلعو للطوموبيل وجا لمختار وتحركو مشاو كملو كاااع الاجراءات مختار دار تنازل على الارث للي بقا من ياسمين لبناتو والاسهم ديالو للي فالشركة دار بحالا باعهم لرميساء وميساء باش متلقا منين تشدهم مرتو في حالة الوفاة او اي حاجة ..... كملو شغالهم رجعو لبنات للفيلا وجود وباه مشاو لخدمتهم ....جيداء غير وصل الوقت ومشات لمدراستها دوزت امتحانها ومع ديك ربعة لاروب رسل ليها جود ميسات " بب انا برا كنتسناك " كانت كملات لكن بقات جالسة لكن غير رسليها الميساج ناضت عطات ورقتها وهزت صاكها وهبطت قبل متقرب كانو بنات واقفين ومقابلينو هو خارج متكي على الطوموبيل ومقابل مع الباب
كملو طريقهم وهو كيتغزل فيها حتى وصلو شد ايدها ودخلو للشركة كيبانليك كلشي كيشوف فيهم لبنات خاب املهم مللي شافو جيداء هاجر غير بانتليها جيداء جات طارت عنقتها
جيداء:: بشوي يا البقرة
هاجر:: واخا يا الحلوفة اشجايا ديري هنا بلا خباري
جود:: 🤨 شناوا
هاجر:: مالك راه وقت خدمتي سالا دابا عاسة على صاحبك شنو جالس هو وديك الصفريطة لداخل خليه اسربي ولا غنمشي
جود:: حنا عندنا وقت امدموزيل اخر مرة ترجعيني من برا مامساليش ليك يا ديري خدمتك فالوقت يا بلاش
المهندسة:: (مرضاتش قدام جيداء) احم لكن راه طريقوعامرة يالله وصلت
جود:: سوقك هداك تعطلتي خللي الملف عند السكرتيرة حتى لنهار اخر طلقي دابا نشوفو هادشي (قرب جلس وجيداء كتغامز هي ولؤي ) 🤨 لاش كتخططو نتوما
لؤي:: والو غير خصني نخرج بما انكم جيتو امل من بعد ونتشاوفو
امل:: غتمشي قلت زعما نشربو كافي بزوج
لؤي:: 😳
جيداء:: 🤨 قهوة
امل:: ويي كين شي مشكيل
جيداء:: 🤨 حيت خطيبتو كينا برا كتسناه ياك
امل:: خطيبتو انت مخطوب
لؤي:: اه هي البنت للي لقيتيها معايا فاش دخلتي ودابا سمحولي (قرب من جيداء) متقولي والو
جيداء:: انت وزهرك 😌(مشا)
جود:: اوكي وقتاش غتساليو
امل:: باقي شهر وايكون كلشي واجد
جود:: يعني تقدري من هنا ل 15 يوم تعطينا وقتت الافتتاح
امل:: وي مسيو ان شاء الله (ناضت) كنعتاذر حيت رجعتك وانت مع صديقتك
جيداء:: 😳
جود:: نو هادي مرتي
امل:: 😵 اه عفوا مشرفين امدام سمحولي (خرجت )
جود:: بلاما تفهمي عوج
جيداء:: لااا فهمت واااضح نييت 🤨
جود:: راه هنا مغنجيش نبدا عليهم راني مزوج
جيداء:: غنبدا ندير عندك سطاج
جود:: 😐
جيداء:: واخا غير شهر نشوفو هاد الخدمة للي كظل فيها النهار كللو 😑
جود:: واخا ممكن بب نهضرو وحنا فالطريق
جيداء:: يالله ....]...
*جيداء*
مملي دخلت تصدمت بديك خيتي امعري كثر من لمغطي وكتهضر بالتبعصيص وكحلون عليهم زعما كون زادت شيحاجة كون تلاحيت عليها وجود بدا كيبرد عرف راه مغندوزهاش وبصح غنجي ندوز عندو سطاج نشوفو الخدمة كيف دايرا 😄...... خرجنا وهو كيقاد الهضرة وكيحاول اضحكني مشينا لكافي حدا لبحر بدلت الجو شوي عاد رجعنا للفيلا كانت هاجر تماك كتهضر مع لؤي مشيت عندهم نيشان وجود تابعني
انا:: هاجر باغاك
لؤي:: لاش باغاها 😳
انا:: شيحاجا 😌
جود:: اجي جلسي وبلا هضرة زايدا
هاجر:: اه اجي علاش ديك قطيب الخيزران مابقاتش بانت
لؤي:: ههههه شكون
هاجر:: 😒 راويا
لؤي:: اه فكرتيني جود فخبارك دارت طلب باش ترجع لفرنسا
جود:: شنو معجبهاش لبوسط الجديد
لؤي:: مانعرف لقيت الطلب قبايلا جابتولي السكرتيرا
جيداء:: خليوها تمشي
جود(عنقني جنب) :: غنخليوها تمشي لكن ماغانبقاوش نلعبو باغا نرجع هنا ا لا باغا نمشي لهيه
راويا:: اه ام انا ماغنقدش نبقا مزال هنا جود للي على وددو رجعت تزوج ومابقاش باغي ايشوف فوجهي وانت حتى انت مامسوقش ليا لاهوما نمشي
لؤي:: امم سبب مقنع بعض الشئ
راويا:: شنو علاش راه ماكين والو غير هادشي خصك تيقني انا غير بغيت نبعد وصافي
لؤي:: امم اوكي انت فين دابا
راويا:: انا باقا فالمغرب تقبلو الطلب عاد غنرجع غير خايدا اسبوع راحا راك وافقتي عليه
لؤي:: وي اوك المهم ورا الايام للي خديتي رجعي باش نشوفو واش غنوافقو ولا لا
راويا::اه واخا (قطع
جيداء:: واش بوحدي للي متيقتهاش
هاجر:: حتى انا
جود:: وانا
لؤي:: حسن غتمشي غتهنينا اصاحبي خليني باش نتزوج على راحتي
هاجر:: حشم
جود:: خههه وقتاش ناويين
لؤي: معرت حتى دوز هاد المدة ونشوفو
سليمة:: جود لؤي راه تجمعو العائلة وباك برا مع مرتو داخلين
جود:: شنو باغيني نخرج نطبل ليهم
سليمة:: سفيان للي بغاني نكلمكم (مشات)
جيداء:: يالله ندخلو ......
.....[. دخلو للصالون عند العائلة ... المختار هبط وحداه مرتو مينة كانت باينا كبيرة مختار فال 55 سنة وهي 50 لكن ياسمين كانت يالله فالخمسة والربعين .... مينة كانت دايرا واحد الابتسامة على فمها وهما داخلين تقدمو الخدم هززو الشنط وهما دخلو للصالون حتى حد من الحضور ما وقف فاش قال مختار السلام قالو وعليكم السلام مللي هضرت هي حتى حد مجاوبها
رميساء:: انت هي مرتو
مينة:: اه
رميساء:: فاش قال غيتزوج صراحة قلت غتكون شي وحدة قرطاصة بحال ماما وباقا صغيرة الساعة انت كتباني كبر من بابا (كلشي حبس الضحكة )
مختار:: رميساء😠
مينة:: غير خليها اكيد مغتقبلونيش داغي حيت جيت فبلاصة ماماكم
سفيان:: والا عمرك تحلمي بيها كين فرق شاسع بين مراة للي حافضت على راسها حتى تزوجت ووحدة عطات كلشي عاد تزوجت
جود:: وانت هنا غير مرحب بيك نهائيا جيتي غير باتفاق اما واللهلا دخلتيها
ميساء:: جدة جاني الجوع باقي لعشا مغيحطوه
عتيقة(ناضت):: 😌 ربييييعااااا وجدتي الطبلة (خرجت )
مختار:: ماشي هكا متافقين
سفيان:: قول لمرتك تعرف شنو كتقول وديك الساعة ماكينش للي غيهضررها ....
تزوجت غريب الجزء الرابع
محتوى القصة
التنقل بين الأجزاء