مشا جود ولبنات ناضو تجمعو حتى جا جود ناضت طلعات هي وياه للبيت كلات وبقاو كيتفرجو بزوج ومدوزين وقت زوين بزوج جود كان كيتعامل معاها بطريقة زوينة وهادشي كيخليها تتعلق بيه كثر وكثر .... وصل الليل تعشاو مع العائلة وجود عيط لخوه هضر معاه على جابر ولقا بللي معندوش مشكل وغير سالا معاه طلع عند مرتو ونعسو.......
ليوم جيداء فاقت قبل دخلات دارت هوما نيييت حيت معروضة وخرجت بدلت وصلاة عاد فيقات جود دخل غسل توضا وخرج صلى مشات هزات تكشيطتها كانت خيطاتها مع دهازها .... خدات ريحة ديال جود حتى هي دارتها فصاكها وخرجت هبطت عند جود للي سبقها فطرو داها حطها فدارهم بقا كيوصي ويعاود عاد مشا ......... وصل لعشيا كانت واجدة تصورات ولاحتهم لجود طبعا هو للي باغي وفلاصة عيط اشهاد الماكياج نقصي لعكر رخفي الصمطة باش متبانش لاطاي دسالك دارلها طيارة عاد قطع وهي هبطت عند والديها ومشاو للعرس سلممو على العائلة وبركو فالطبلة مع عمامها وخلاتهتها حتى هما معروضين .... جات عمت جيداء سلمت عليها وطمنت عليها ورحبت بيها بقات جالسة حتى بانليها حمزة جاي جيهتهم توفيق خنزر وقف سلم عليهم جيداء خلات ايدها عندها وحتى هو محكرش كمل على الطبلة ومشا برك مقابل معاها فالطبلة الاوخرا
جوليا:: يارينا حمزة راه خطب
جيداء:: 😍 بصح
جوليا:: اه يالله هضرنا غير لبارح مع عائلة البنت
توفيق:: اويا مزيان مللي دار عقلو
جيداء:: مبروك الله اكمل بالخير
جوليا:: نتمنا شنو وقع مايبقاش مأتر حيت كتبقاو عائلة
يارينا: ان شاء الله .......
فرحات جيداء رغم كلشي حمزة عزيز عليها واخا كرهاتو فوقت للي تعامل معاها هكاك وهي مزوجة لكن كيبقا ولد خالتها وكان قريب ليهم .... بقات باركا حتى دخلت نجية وعريسها جاو دخلو بالدقة المراكشية وهي فرحانة نشطو مزيان معاهم .... داز الوقت وقربت 12 عرفت راسها غتمشي ناضت سلمات على نجية باركت ليها وركبت ليها براصلي كانت وصات مها عليه تشريه باس تعطيه ليها كادو ومسات كانت داخت بريحة الماكلة خرجت برا جلست وجبدت مشوار رشات فيه ريحة جود وبداك كتشم 😂 (كتقرقب الاخت) .....
حمزة:: المهم مغنهضرش فشنو فات باش متهربيش غنقولك غير انا كنحاول نبدا من الاول ماباغيش نعتاذر حيت ماغنقدش نتحكم فقلبي للي بغاك
جيداء:: حمزاا
حمزة:: عارف عارف انا غنعتاذر غير على نهار جيت لدارك وتعاملت هكاك لكن كان معمي على عينيا البنت للي باغي مشات المهم نتمنى لك حياة سعيدة والله افكك على خير
جود:: قول لواليديها راه مشات (قال هادشي وطلع للطوموبيل )
جيداء:: جود راه كان
جود:: (بنبرة للي خلعتها) منسمعش حسك 😡
جيداء:: ( بقات ساكتة وكتشوف قدامها وهو بكترت العصاب بقا غادي وكيكسيري وهي كتخاف من السرعة بقات شادة على كرشها وجالسة ساكتة لكن صافي تخنقت وحست بمعدتها تقلبات ضرباتو لايدو هو دار شاف وجها عاد وقف وهي تهبط ) 🤢😭😭😭 🤮
جود:: (هاز معاها تكشيطتها وكيدوز ايدو على ظهرها كان معصب لكن دابا ولا خايف ) صافا ؟؟
جيداء:: 😭😭😭 حشومة عليك هئ هئ هئ
جود:: 😔 ششششت صافي بلاتي نعطك الماء ( دخل لطوموبيل جاب قرعة شربات وغسل ليها وجها) مزيان شوي .......
مجوباتوش نترات تكشيطتها من ايدو وطلعت للطوموبيل وهو طلع من جهة لوخرا جبدات الريحة رشاتها فايدها وحطاتها على نيفها وبقات حاطة راسها فوق الزاجة حتى وصلو حلت الباب حيدت صباطها و دخلات كانو لبنات باقين مجمعات من غير رجاء دازت من حداهم مهضراتش وطلعت للفوق وهو ابانليهم جود جتى هو داخل عرفوهم منوضينها طلع تبعها كانت جيداء حيدت زيف ومشات تجبد بيجامتها
جود:: شكون خاصو اكعا انا ولا انت
جيداء:: كعا مقلتش ليك لا لكن مديرليش هكاك انا مكنحملش السرعة وكتخنقني وزيد انا حاملة
جود:: عارف كنت غادي بسرعة لكن شنو درتي انت كيخلي الواحد افقد عقلو
جيدلء:: تخنقت بريحة الماكلة شنو ندير نبقا تما حتى نموت باش هو ميجيش
جود:: بفففف انت ماشي ديال الهضرة
جيداء:: لا انت للي ديال الهضرة انا جالسة كيضربني البرد باش تمشي منني الرضة حتى جا وقف والدري كيقولي سمحيلي على للي داز وكيباركلي حملي وانا باركتليه زواجو
جود:: !!!
جيداء:: شنووو فيها دابا انت كون جات ديك راويا وجلست تمحلس عليك كوراك كتسمع ليها وانا ماباغيش تهضر معايا
جود:: جيداااء
جيداء:: شنووو شنوو تتتت اوووف 🤢.........
دخلت رجعت مرة اخرى بسباب الدوخة باقا فيها ديال السرعة جود واخا معصب هنا كيتحول مع خوفو دخل معاها حتى سالات غسل ليها وهي مهضراتش هو بدل ليها وخلاها تخشا فبلاصتها عاد بدل هو وجا حداها كانت عاطياه بالظهر قرب ليها وبقا كيلعب فشعرها حتى عرفها نعست حاوطها بايديه ونعس حتى هو ........ الغيرة هي للي كدير هادشي رغم كاااع المبررات للي مقنعين لكن فكرة ان واحد كيبغيها واقف معاها وكيهضرو متقبلهاش وهي مفهماتش راها غيرة ماشي عدم ثقة!
🙈يوم جديد🙈
فاقت جيداء كانت محاوطة بايدين جود بعداتو بشوي وناضت دارت كيف كل صباح لبسات وهبطت قالتلهم تشهات مسمن بداو كيصاوبوه ليها ومشات بدات كتقلب على قطتها لقات كلثوم فالجردة ومخلوعة
جيداء:: كلثوم صباح الخير
كلقوم:: 😳 جيداء
جيداء:: مالك
كلثوم:: بصراحة من صباح وانا كنقلب على مينوشة ملقيتهاش موالفة كل صباح كنفيق كنلقاها هنا ليوم والو ملقيتهاش فالفيلا كلها
جيداء:: شنوووو شكتقولي مايمكنش هي مكتفوتش الدار
كلثوم:: راه عرفت غنتسنا تيفيق كلشي ونقلب لبيوتة
جيداء:: 😳 لا غنقلبو دابا اجي نسولو ربيعة ولوخرينات .... دخلو وبداو كل وحدة تاتقلب فقنت دخلات جيداء عند عتيقة سولتها وقالتلها لا مكتجيش هنا ...جيداء عزيزة عليها القطة حيت هدية من جدها وعمرها فرقتها ومخصصة ليها خدامة على قبل هكا قيصيها فكلشي ومتقيصيش (غزلان.ب)ليها مشتها وللي عندهم ومربين شي حيوان هما للي غيفهمو وغيحسسو بشنو حاساه كيولي بحال ولدك 😔 يالله ماتت لي وحدة 😭...... قلبو كلشي وملقاتش جود كان فاق وبدل وكلشي وهابط جتى بانتليه جيداء جالسة لتحت وواقفة حداها كلثوم
جود:: صباح الخير
جيداء(شافتو ناضت عنقاتو):: جود
جود:: !!! مالك شنو واقع
جيداء:: قطتي ماكيناش
جود:: فين مشات راه مامكنش تفوت الفيلا
كلثوم:: والو موالفة يوميا كنلقاها فالجردة لكن دابا والو الفيلا كلها مافيهاش وسولت السيكريتي قالي مشافهاش
جيداء:: جود سولهم انت عافاك شوف فين تلقاها
جود:: واخا حبيبة غير ارتاحي وتهدني انا جاي جلسي هنا ....... خرج(غزلان.ب) جود سولهم وفعلا مشافو والو خلاهم اقلبو الفيلا سفاها على علاها ووالو العائلة هبطو وبقاو معاهم
صحر:: ايوا دايرين هادشي على مشة اصلا راه خايبين حسن مشات ملاقيا ماديري مربياها و
جود::(عنقها) غير حيدي هادشي منبالك ماغيوقع والو ...
جيداء:: ( تنهدت ) ندخلو
جود::(باسها) متفكريش بزاف غنلقاوها نتمنى غير متكونش خرجات
جيداء:: ان شاء الله........
دخلو عند لوخرين فطرو معاهم وخرجو مشا وصلها جود للمدرسة وتاصل اكد على الحراس لكن ماكين ليها اثر لبارح جود فاش جا من الخدمة علم العائلة بللي غيديرو حفلة صغيرة لجيداء حيت عيد ميلادها هو عارف غير بدا كيهتم ليها حفظ كلشي كيخصها وهي عادبالها معارفش مشا جود خدا الهدية للي دومونداها ومشا للشركة اما جيداء فدخلت لمدراستها بدات قرايتها وغير سالات فلعشيا عيطات ليها هاجر باس ايديرو كافي بزوج وهي غير وسيلة باش تعطلها شوي حتى اكمل جود خدمتو مشاو للكافي جلسو ديك ساعة وجيداء مابغاتش تطول حيت موضوع مينوشة شاغلها هاجر رسلت ميساج لجود وهو غير قراه خرج هو والدراري لللفيلا مع وصلو لبنات كانو هما سابقينهم دخلو لبنات وجرتها هاجر للصالون وهما ابداو جوايوزانيفيغسيغ تصدمت وفرحت وكلشي تخلط سلمت عليهم وشكرتهم وقربت لجود قطعو الحلوة
جيداء:: داير فيها معارفش
جود:: ههههه بغيت نخليها سيربرايز صراحة كنت حاط بروكرام اخر بكن مع الخدمة هادشي للي قدرت عليه
جيداء:: غير مللي تفكرتيني راه مزيانة ههه
عتيقة:: الله اطول ليكم فعمركم حتى تشوفو ولاد ولادكم
رميساء:: كتضحك واخا ...... جرو لبنات جيداء وقربو لقنت الصالون كانو محطوطين فيهم علب بدات كتحل وكل واحد كيقولها ديالي انا حتى وصلت لعلبة لكبيرة مع حلتها لاحتها وغوتت على حر جهدها
جيداء:: 😱 وااااااااا ..........
تخلعو لوخرين قرب جود ولبنات درقو وجهم وناضو سفيان بعد رجاء وجود عنق جيداء للي ولات كلها كتجف كانت مينوشة 😭 مقطوع ليها راسها ومحطوط تماك وورقة بالدم مكتوب عيد ميلاد سعيد دراري ورجال كلهم تزيرو وتعصبو على هاد الفعلة اولا عمل غير انساني لانها روح والروح عزيزة عند الله وهي حيوان اليف ماكيضر حد ثانيا حيت عارفين معزتها عند جيداء وهاد الاخيرة بقات تبكي فحضن جود حتى اغمي عليها وفلبلاصة عيطو على طبيب مها وباها تخلعو بزااااف عليها هي حساسة كتأتر بأي حاجة طلعو وقفو حدا بيتها حيت طبيبة جات وداخلا عندها اما ايوب فعيط لجواد وعلي للي جاو دغيا باش اشوفو اشواقع وتعتابرت الفعلة انها تهديد ..... طبيبة قالتلهم بسباب الخلعة وقع هاك وغوتت عليهم حيت فهاد المرحلة خطير عليها عطاتها مهدئ باش ترتاح حيت عرفت الموضوع وعرفاتها غتأزم كتباتلهم دوا ومشات غير خرجت قرب جود ليها باسها فراسها وبقا هكاك حتى دخل توفيق وشافو هكاك يالله غيخرج
جود:: مامزيان والو هادشي ولا فقلب الدار كيبانلي الزنقة امان على هاد الفيلا
علي:: خصنا نعرفو شكون دخلها وشكون حطها هنا
محمد:: مللي دخلنا لقيناها هي الاولى محطوطة وحطينا حداه كادويات
سفيان:: وي حتى انا كنت
جواد:: بففف هادا مافقلبو رحمة مابانتليه غا المشة
ايوب:: شنو قالت طبيبة
جود:: عطاتها مهدئ خاصها ترتاح ........ حيدو القطة من تماك جود خلا الحراس ادفنوها فالجردة اللور ...... جيداء مفاقتش هما غير تعشاو وبعد معلموهم بللي طلبر غدا جاي وتفاعمو كل واحد شد بيتو واليديها بقاو حتى هما وهاجر باتو معاهم
جيداء:: عارفة لكن خايفة شوف خالتي ماتت هنا ودابا القطة حتى هي قتلوهالي 😭 غنبقا خايفة نجلس بوحدي هنا
جود:: حبيبة شوفي (قابلها معا وشد وجها ) انا معاك ماكينش للي اقيسك وللي دار هاد الفعلة نهار نعرفو ندمو حيت بغا العب معانا وانا هنا ماكينش للي قرب ليك
جيداء:: (تكات على صدرو) متخلينيش
جود:: (تنهد) عمري نخليك بب اجي نعسي
جيداء:: بقا حدايا
جود:: انا حداك ........ خلاها تنعس شدات ايدو وهو تكا وراها وحاوطها ونعسو ... جيداء هي خوافة كتخاف من ابسط لحوايج لكن طبعا كلنا منقدروس نشوفو جيهاجة ميتة شافت هكاك قطة للي عيشا معاها سنوات راسها مقطع يعني منظر مرعب ........
🌺يوم جديد 🌺
فاقت جيداء وبقات مخشية فيه حتى حل عينيه
جود:: صباح الخير
جيداء:: صباح النور بب
جود:: كيف صبحتي بب (ايدو فخدها) مزيان؟
جيداء:: وي بب مزيان انا نوض نغسل
جود:: اوكي بب............. دخلت غسلت وخرج ودخل حتى هو بدلو وهبطو سولوها العائلة كيف بقات وكتقول لهم الحمد لله جلست وعينيها حاضيين غير صحر وهادشي لاحضو جود حيت كتطول الشوفة ،،، فطرو وناضو جود خرج مع جيداء تبدل الجو واليديها مشاو بعد مطمنو عليها ... ابطالنا دوزو نهارهم برا حتى قرب الوقت للي ايجيو فيه جابر وعائلتو عاد رجعو جيداء طلعت هي وياه بدلو وهبطو حتى دخلو الناس كان جتبر وممو وختو فاتن جلسو وجات ميساء كان كلشي كيهصر لكن جيداء عينيها محيدتهمش على صحر بقات جالسة وكتشوفيها وجود مقابلها مافهمش دوك النظرات لاش وزاد شطكو مللي ناضت صحر تبعتها جيداء ......
جيداء خرجت تبعتها وشدتها من دراعها جرتها للصالون لاخر
صحر:: اييييييه اشكديري
جيداء:: انا عارفاك انت للي درتي هكا
صحر:: شنو درت
جيداء:: بلا داك البهلان ماشي تشوفيني ساكتة تقولي غنلعب عليها ايه ساكتة حيت كنحتارم للي كبر منني لا اكثر ولا اقل
صحر:: دابا شنو باغا
جيداء:: انت للي درتي لمينوشة هكاك
صحر:: احم لا انا مدرت والو شوفي شكون ماكيحملكش ودارها
جيداء:: من غيرك ماكينش
جود:: شنو واااقع هنا ؟
صحر:: والو غير قول لمرتك متبقاش تهضر مع للي كبر منها هاكا كيبانلي مزال متعلمت والو كيفاش غتولد وتربي 😏
جود:: صحااار 😠 خللي هاد الليلة دوز بيخير
صحر:: هانا (مشات)
جيداء:: علاش جيتي خليك مع الناس
جود:: انت للي نضتي بغيت نشوف فين مشيتي
جيداء:: اووف والو
جود:: لاش كنتو داويين
جيداء (عنقاتو ):: بب
جود:: مالك جيداء
جيداء:: نقوليك لكن مغتدير والو حيت مجرد شك
جود:: واخا قولي
جيداء:: صراحة شاكة بللي صحر للي دارت هكاك
جود:: شنو !!! متأكدة
جيداء:: قولي هما كانو عارفين عيد ميلادي
جود:: فاش قلتها ليهم قالو لي قالتهالهم هاجر قبل
جيداء:: يعني فاش جينا من العرس كانو عارفين
جود:: وي ايوا وفكر وقتاش غبرات مينوشة كلثوم قالتلي نعست وكانت مينوشة فبلاصتها لكن فالصباح ملقاتهاش
جود:: الى كانت هي غنتفاهم انا معاها وبلا هضرة بحال هادشي عمرك تخبيه عليا اجيداء
جيداء:: واخا 😑...... سبقاتو وهو تبعها دخلو لعندهم كملو هضرتهم وكان جابر شاري خواتم ركبوهم وناضو تعشاو من بعد مشاو عائلة جابر والعائلة بقاو مجمعين كيهصرو على تعاملهم الزوين وبللي مزيان ابقاو معاهم غيتبقا ميساء قريبة ليهم .....
عتيقة:: اه حنا غدا غنمشيو لمراكش
سفيان:: علاس
عتيقة:: ايوا ختي راه توحشاتنا وصروري غنمشي انا وفاطمة وسعاد وصليحة وحتى ميساء ورميساء
عتيقة:: صافي بلا هضرة زايدا غوتو فبيتكم ماشي قدامنا نوضو للي عندو شي بيت اشدو اووف ضروري من لغوات (مشات)..........
ناضت وتبعوها لوخرين هاد لخبار شخص واحد للي فرح ليها هو مينة حيت من شحال وهي باغاهم امشيو واخا غير سيمانة المهم غتهنا منهم شويا طلعو كل واحد لبيتو وكل واحد فراشو .........
🌻يوم جديد 🌻
فاق الكل وتجمعو فطرو كان ملشي فالطبلة وكياكلو
عتيقة:: مينة
مينة:: نعام
عتيقة:: الدار غتبقا فامانتك منبغيش نجي نلقا الروينة انا علمتك لكن ماشي ديري فيها مولات الدار وتبداي تغوتي على للي كاين انا صوتي ماكيعلا على تاحد المهم انا راه كل نهار غنعيط لربيعة ونعرف اشواقع
مينة:: واخا
عتيقة:: جيداء بنتي راه موصيا ربيعة على دواك عارفاك كتنسايه
جود:: متخافيش انا كنفكرها
مختار:: غير سيري وارتاحي راه كاينين حنا
عتيقة:: كنت كنرتاح فاش كتكون ياسمين الله ارحمها دارها وعارفا كيفاش تعامل معاها
فاطمة:: بصح
صليحة:: يالله الحاجة الى فطرتو
عتيقة:: انا ساليت ندخل نهز صاكي ونمشيو ......ناضو قالو لهم بسلامة ومرجو تقسمو على جوج طومولبيلات ايوب دارل رميساء طيارة كيوصي فيها متخرجيش بلاما تعيطي وايكونو معاك لبنات متضصري حتى حد متهضري مع حد هي صدعها خلاتو ومشات ركبات وتحركو لمراكش.... اما فتيات للي بقاو فهزوهم رجالهم وطلعو للمزراعة ادوزو النهار تماك قالوها لرصوان لكن قالهم لا خارج بوحدي لابغيتو ديوها معاكم ديوها كيهصر على صحر 😄 ....... مدة الطريق ساعة وصلو وهبطو اضورو فالاراضي للي تماك كل واحد شاد مرتو وكيتمشاو غير عياو لبنات ورجعو
جيداء:: جود
جود:: وي حبيبة
جيداء:: 😊 بغيت فريز
جود :: 😳 شنو
جيداء:: ويي تشهيتو
سفيان:: هههه نوض شوف واش كاين الى مكانس خرج جيبو
رجاء:: هههه
جود:: واخا اشغندير ...... ناض باسها فحنكها ومشا سول الخدامة قالتلو راه سالا مشا على وعدو وسعدو هز الطوموبيل مشا لاقربب سوق شرا ليها شنو بغات ورجع عطاه للخدامة تغداو مجموعين وجابت الخدامة لفريز حطاتو ليهم ...... بقاو جالسين ومدوزين وقت زوين مع بعضياتهم حتى طاح الظلام ورجعو كانو غيحطو لعشا
جود:: اوكي بب تصبحي على خير .......... طفا الضو عنق حبيبتو بقا كيلعبلها فسعرها حتى داتهم عينهم .....
الغد فاقو فطرو......]
*جيداء*
ليوم غير فطرت انا وجود وخرجنا بزوج حطني فالايكول ومشا انا غير كملت لي كوغ ديولي وتاصلت بهاجر باش نتغداو بزوج مشيت للريسطو وبقيت جالسة حتى جات سلمت عليا وجلسنا
مينة:: صافي انتوما كلمة جوج كتنوضو بلا صداع دابا ايجي شيحد وتوليو فمشاكيل
صحر:: المشاكيل هاد خيتي للي كتقلب عليهم
رجاء:: انا قلتلك الصراحة نكيرك غيطير ليك الراجل هادشي الى كان باقي
صحر:: وانت دخلي لسوق جواك اشدخلك
رجاء:: والله القسام الى ديال تفرشيخ حكل رضوان محاملك مقابلك باركا عليا اشدايرا لسفيان حتى كيعاملك هكاك مللي هضرت بصراحة جلستي تنقزي وتغوتي
صحر ::(تلاحت كتضرب فيها) انا ياوجه الويل انا يا لمبعصة حسن من الف وحدة بحالك
مينة::(كتفك فيهم) ويلي راها حاملة
رجاء::(كضرب حتى هي) والله ومطلقي حتى ندير فيك راسي ونخللي مك كلك طراسي
مينة:: انت كتفرجي زيدي فكي
جيداء:: (قربت لرجاء ) صافي حبسوو ويلي بعقلكم
صحر:: بعدو يا بنات ***** [دفعت رجاء بجهد حتى طاحت لكن ماشي على الارض جات فوق من جيداء غوتت مينة وهنا دخل جود ولوخرين كانو جاييين من الخدمة ناقص لؤي و ايوب ]
جود:: وااااش حمقااا ولاا مااال ديلمك (نوضني وسفيان نو رجاء وكارز على ايدو حتى عروقو بانو من العصاب ) حبيبة صافا
رضوان:: سكتيييييي صااافي انت مكتعرفيش شيحاجة من غير المشاكيل و الصداااع واش ميدوزش نهار ببلاما ديري شي مصيبة
عبد الرحيم:: هادشي للي درتي ماشي ديال بنات الناس عارفاهم حاملات ودرتي هكا
صحر:: هما للي تهجمو عليا بزوج كنت جالسا حتى جاو
جود:: وعندك وجه للي تكدبي بيييه
صحر:: والله
جود: متحلفييييش 😡
سفيان:: رجااء
جود:: بلا رجاء بلا نم سمعت كلشي هي كدبت حيت فاش كانت داخلا جيداء كنت معاها فالتلفون ومللي قربت سمعت انا صداع وخليتها متقطعش وسمعتها فاش كانت كتغاوت هي ورجاء
هاجر:: اوكي ....... بقيت انا ورجاء جالسين حتى سمعنا مينة كتغوت مشينا نشوفو كانت كتغوت على هاجر 😳
مينة:: هاد الدار عندها قواعيد مغتجيش انت تختارقي قوانين فهمتي
هاجر:: واش لاباس فعقلك
مينة:: لا مزيان ولا للي ايوا وللي مايسوا ادخل لهاد الدار
هاجر:: 😳 شناوا
رجاء:: حشومة شنو قلتي
مينة:: ماحشومة والو تاكل فدارهم جايا لهنا وخايدا راحتها مخليهاليها باها وانت (ربيعة) كنقوليك متصاوبي حتى حاجة بلا شواري غنبقا مضاربة معاك غلط واحد وتهزي قلوعك انت وللي معاك كين ماحسن منكم باغين اخدمو .........
مقدرتش نهضر حيت مايمكنش ننزل لمستواها بقا فيا الحال بزاااف عمرني شفت هاجر هكا ضربت فينا مشات هزت صاكها وخرجات واخا عيطت ووالو مابغاتش تبقا بانولي عينيها غرغرو بصح موقف خيب لكن هاد مينة باينا كابرا فالجوع ولا منعرف كين شيحد كيهضر على الماكلة عارفا غتقولو خصك تدافعي عليها لكن وحدة مكلخة عقلها مسدود كيفاش غتفهميها ولا كيفاش غنعاتبيها مهضرتش بقيت فالصالون انا ورجاء
رجاء:: ياختي هاد لمراة مكتفهمش ليا والله مخايفاش اتريو عليها
انا:: معرت عرفتش معصبا بزاااف اوووف
رجاء:: نو ارتاحي راك حاملة مخصكش تتوتري
انا:: كين غير للي كيعصب شحال فالساعة
رجاء:: قريب اجيو رجالتنا
انا:: اوكي انطلع نعيط بهاجر ونجي .........
طلعت هضرت نعاها كتقولي غير متديريش فبالك ومتعصبيش انت حاملة لكن واخا تقولها انا منيرفيا قطتت معاها وهبطت كان جود داخل مشيت سلمت عليه
جود::(معنقني) حبيبتي صافا
انا: وي
جود:: نو مابانليش فيك شيحاجة
انا:: بلاما تسول غنكدب عليك الى جاوبت انا غنجلس مع ليلى طلع بدل
جود:: حبييبااا
انا:: عافاك حبيبي ماباغاش ندوي غير سير طلع ارتاح
جود:: واخا كيف بغيتي لكن غنبقا معاك فالليل حتى تقولي شنو فيك (باسني) ارتاحي
انا:: واخا ..... يالله طلع مع غندخل للصالون حتى دخلت ميساء ورميساء كيغوتو ضحكوني سلكو علينا كلهم وجلسو كيعاودولينا شنو وقع معاهم ومغامراتهم حتى دخلو الرجال رميساء متسوقت لحتى واحد غير شافت ايوب ناضت عنثاتو وحتى هو بقا توحشتك هههه وكلشي كيحاول ايلاهي لاخر باش مايبقاوش حاضينهم 😍.... غير سالاو طلعو بدلو وهبطنا تجمعنا على الطبلة
رميساء:: والله الى توحشت الجلسة هنا
صليحة:: كلنا انا بعدا دازت عندي السيمانة طويلة
ميياء:: كون شفتو انا
لؤي:: السلام عليكم 😠.......
سلوى:: 😍 خويا لباس (ناضت سلمت عليه)
سعاد:: ولدي ياك لباس
لؤي:: غير طالعلي الزعاف الى كنتو كليتو نوضو
مختار:: فين
لؤي:: لدارنا
محمد:: شنو
عتيقة:: ياك قررنا بعد موت ياسمين غنبقاو هنا
لؤي:: سمحيلي اجدة لكن باغي نتزوج ومرتي تاخد راحتها تطيب فين عجبها واخا حتى فبيت النعاس
جود:: وشكون منعك
لؤي:: مرت باك شوف انا معنديش دخل فهادشي هادي داركم هادشي علاش مهضرتش وغنمشيو من هنا وهاكنا مزيانين
سفيان:: بلاتي بلاتي شنو كاين
انا::( كنت دايرا ايدي فايد طود حيدتها ونضت ) سمحولي عمرني دخلت لكن مغنقدش نزيد نسكت من صباح وانا كناكل فراسي
عتيقة:: شنو كين
انا:: قبايلا هاجر جات كانت مامغدياش وهي هنا دايراه بحال دارهم يعني هي راه ختي قبل متكون خطيبة لؤي والى مامرحبش بيها هنا حتى انا مامرحبش بيا عتيقة:: حاشا ابنتي بزوجكم بنات الدار كملي شنو وقع
عتيقة:: اه شنو دخلك انت مولات الدار مثلا انا باقا حية ومن بعدي كينين صليحة وسعاد وكينين ولاد مختار انت معندك دخل فهاد الدار
مينة:: كيفاش معندي دخل راني مرت مول الدار
جود:: انا عارف عندي امراة وحدة (كلنا شفنا فيه😳) انت مرت با ماشي مرتي
مينة:: اشكتقول ويلي انا قلتلك هكا
سفيان:: حيت انت قلتي مرت مول الدار وجود هو مول الدار
احلام:: حلف 😯
رضوان:: 😠 احلام
مينة:: كيفاش يعني الفيلا ظيالك
مختار:: بحال ديالو بحال ديالي بحال ديال خوه حنا عائلة
ربيعة:: سمحو لي
عتيقة:: نعام ابنتي
ربيعة:: لالة بغيت غير نقوليك لبنات راه باغين امشيو
صليحة:: فين 😯
ربيعة:: صراحة هاد الايام مرت سي مختار كدور وكتعاير فينا وتعامل خيب حنا ماموالفبنش عليه حتا ولفنا مع لالة الله ارحمها وانت اوقع للي وقع كتعاملو بالهدنة لكن
عتيقة::(ناضت) لا ابنتي ماكين للي غتمشي وهي غتجي دابا تعتاذر على شنو وقع نتوما خدامين عندي ماشي عندها تسناوني نفك لحريرة للي هنا ونجي عندكم
عتيقة:: النظام هو تصرفي مع الخدم بحال لعبيد اه اويلي ناس سنوات وهما معانا وانت جيتي بكل برود تاتعيري فيهم مختااار هاظي هي لمراة للي جايب راه كيقولك متبدل خوك غير بما كرف كين فرق كبيييييير بين ياسمين وهادي
مينة : شنو فيها الى عطيت حتى انا رايي كدتانا ساكنا معاكم مختار بغيت نرجع لداري
رميساء:: هههههه
ميساء:: اينا دار
مختار:: ميساء 🤨
سفيان:: لا بصح اينا دار الى كدوي على للي كنتي فيها مع بابا راها فسميت لبنات يعني معندك دار غزلان.ب
مختار:: صافي بلا هضرة زايدا من هنا مغتحركيش والخدم غتمشي تعتادري منهم وعمرك تتدخلي فخدمتهم عجبك الحل مرحبا معجبكش الحال الباب وانت الؤي هادي داركم هنا غنبقاو مجموعين الى جاتكم صغيرة نشيرو وحدة اخرى المهم نبقاو مجموعين هادشي للي كانت باغا ياسمين وهادشي للي غيوقع وانا كنعتاذر نيابة عليها
لؤي:: لا حاشة اعمي
عتيقة:: هي للي خصها تعتاذر لكن ماشي من لؤي غدا جيب البنت للغدا وغتعتاذر منها ومريضنا معندي باس ....
هضرت جدة متعاوداتش بانتلي مينة غير كدور فعينيها ونفقوصة داتها جدة ووقفت اعتاذرت من لبنات للي خدامين فالفيلا وعاودت اعتاذرت من لؤي كلشي عجبو لحال فيها من غير صحر للي معاجبها والو 😐... دازت ديك اليلة هكاك انا مع مكليتش على خاطري هبطت انا وجود صاوبلي سباكيتي وكلينا بزوج 😍 عاد طلعنا لبيتنا .....
الغد فوقت لغدا جات هاجر واعتاذرت منها مينة وحتى العائلة ومختار قابها " هاد الدار ديال العائلة كلها وانت وحدة من هاد العائلة ديري للي عجبك ماكينش للي اهضر معاك والى شيحد دارلك ولا قابك شيحاجة قلققتك قوليها ليا ونفرجك فيه " وطبعا هادشي معجبش صحر و مينة بزوج صحر كتجيني كتغير من كل وحدة كيعاملها راجلها زوين وطبعا حيت علاقتها برضوان فوق مخربقة ........
دازو ايام حدد لؤي نهار العرس للي كان السيمانة جايا واخا غوتو العائلة حيت مايمكنش اقد الوقت قالهم هادشي للي عندي وضبرو راسكم ونيت قادو كلشي فهاد الوقت وتدار العرس طلعت هاجر كتحمق تبارك الله ولؤي نفس الشئ انا وراجاء غير كناكلو فالعرس حيت اصلا مغيخليوناش نشطحو بردنا هوايشنا فالماكلة 😅 جود ماكيفرقنيش ونكون غادا اهزلي تكشيطة خايف نطيح ولمعلوماتكم لابساها مع البلغة قالي طالون ممنوع ... داز عرسها زوين وغير سالاو مشاو يافرو خدا غير اسبوع هو وياها مشاو لفرنسا طلباتو هاجر امشيو قالتلو بغيت نعرف فين كنتي عايش وتشوف نيت فرنسا ......
دازو ايام زوينين خف الصداع فالفيلا مرة مرة كيوقع مشكيل بين رجاء وسليمة وكتدخل صحر حتى فالموضوع اما مينة من بعد شنو وقع مابقات كتدخل فوالو ودخلت لسوق راسها ..... دازو شهور وانا كرشي غاديا وكتكبر اول مرة حسيت بحركات ولدي فكرشي بكيت ماشي غير بوحدي انا وجود هههه احساس رائع لا يوصف صراحة كرشي بانت كثر من الاول وكثر من وقتها كنمشي للمدرسة ندوز امتحاناتي وكنرجع 😍 وعرفنا جنس الجنين مغتيقوش داك النهار كنت هابطة من الدروج وجود وحسيت بوجع بحال الى غنولد وانا يالله فشهر الرابع كلشي تخلع داوني للطبيبة وقالتلي غير مع العصاب وقلنا تقولنا جنس الولد
جود:: اكيد بنت
انا:: نو غيكون ولد
جود:: هاحنا غنشوفو
انا:: دكتورة شنو كين
طبيبة:: هههه شنو انقولكم ربي عطاهم ليكم بزوج
انا:: 😳 شنو
جود:: كيفاش 😍
طبيبة:: عندكم توام ولد وبنت .......
قلبي طار بديك اللحظة فرحة مكتوصفش جود غير كيضحك وابوس(غزلان.ب) واعنق نسينا الطبيبة وخرجنا عند العائلة للي برا مخلوعين وفرحو حتى هما معانا 😄... رجاء عندها ولد ..... كان داك نهار مغاير من تماك وحنى كنقلبو على سميات مواتيين لتوؤم جود قاد غرفة ليهم بتلاتة ولادي وولد سفيان وفينما اخرج كيشري هو وسفيان العام واعمرو فالبيت جود مابقاش كيخلينب نمشي بوحدي للمدرسة كيوصلني وكيمشي اخدم وفاش كنكون خارجا كيجيبني هو وارجع اكمل خدمتو كان (غزلان.ب)ماكيخليني ندير والو وموصي ربيعة وجدة على ماكلتي كان مهتم بيا كثر من كلشي واليديا كانو كيجيو يوميا اشوفوني واطمنو عليا ......
ميساء هي وجابر باقين مخطوبين قالتلو غنشد الاجازة هاد العام وفالصيف نتزوجو نكون كملت قرايتي ووافق مقال والو بالنسبة لمريم جا خطبها ولد كانت معاه سميتو خالد وماشي غير هادشي صافي الى عقلتو على جواد وعلي كانو هضرو مع ايوب و لؤي على احلام و سلوى 😍 وهما كيفكرو دابا على عجبوهم وي عجبوهم وديما كيهضرو عليهم لبنات معانا دابا كيتسناو الوقت للي غيجيو اطلبوهم فيه ...........
دازو شهور اخرين انا فشهري السابع ورجاء ولدات هاد الشهر كنا مجموعين فالصالون وفرحانين بعيد ميلاد ريان ولد رضوان حتى بدات تاتغوت صراحة خلعتني وفاش شافني جود هكاك خلا لؤي اعاون سفيان هو ودراري وطلعني انا للبيت 😳 بديت كنبكي
جود:: حبيبة راه وحدة مابحال لوخرا كل وحدة وكيفاش كتولد
انا:: 😭😭 هي غير واحد وشوف كيفاش كتألم وانا للي جوج 😭😭😭 مابقيتس باغا نولد صافي تراجعت
[ 😍 بطلتنا ولات تاعيا داغي مع كرشها ولات كبيرة بزاف طلعت تكات بقات فبيتها حتى تبعها جود بقا معاها كيبقا جالس معاها وايجبد معاها مواضيع باش متبقاش شاغلا بالها مع الولادة بقاو هكاك شحال حتى طلعت كلثوم كلمتهم هبطو تعشاو ورجعو طلعو ارتاحو ........
💐يوم جديد💐
كان الكل فالطبلة الا سفيان
هاجر::جيداء اشعندك ليوم
جيداء:: والو غنبقا غير فالدار و..
سفيان:: (بصوت للي خلع كلشي) رضواااااااااان 😡....
سفيان:: رضواااان 😡
الكل:: 😯
عبد الرحيم:: شنو واقع (رضوان وقف )
سفيان:: سول ولدك (لاح ملف فوق الطبلة ) واش حنا عائلة ولا عديان غا قولو ليا كل مرة واحد احفر للاخر شنووووو هادشيي
جود:: شواقع
ايوب:: تهدن وشرح
جود::(قرب لجيداء) حبيبة طلعي
جيداء:: نو غير خليني متخافش
سفيان:: شافر 300 مليووون بقيتي غادي حتى وثصلتيها ل300 اه
محمد:: شنووو
مختار:: واش بصح
سفيان:: اه بصح قبل سبع شهور عرفتو خدا 20 مليون انا قلت هانيا كينين منين نغطيوها وغنراقبو لكن معرفتش راه هاديك غير باس اكم بيها 300 مليون وشنو مشا شرا فيلا
صليحة::😱 اويلي واش هادشي بصح للي كيقولو
رضوان:: اه بصح
عبد الرحيم(صرفقو):: شنوووووو خاصك باش تمشي تاخد دوك لفلوس شنوووو ياااك ساكن واكل شاااارب لا انت لا ولدك لا مرتك شنوووو خاصك لاااش شاري فيلا هنا جاك مزاحم ولا الفيلا للي فمدينتنا مقاداكش اااه
رضوان:: غلطت غلطت وعرفت غيجي نهار للي تعرفو لكن والله حتى كنت كنجمع فيها باش نردها ليكم
مختار:: شنووو غترد شنووو هدوغلط ماكيتغفرش جييي هصر معانا قول باغي كدا وكدا وشري على قدج لاش فيلا ب 300 غتسكن فيها لبهايم
مينة:: ايوا هادشي للي بقا ناقص
سفيان:: انت سكتيييي 😠
ايوب:: هادشي علاش كنتي كتدير خدمتي
سفيان:: فاش قدمتي استقالتك حطيت عيني عليه وفديك لوقيتة خدا عشرين مليون عرفتها ومع المشاكيل للي وقعو دوزتها ليه لكن فاش ليوم شفت الدوصي للي جابولي هادي يومين تصدمت
جود:: شنو خلاك دير هكا انت عارف اي حاجة طلبتيها حتى واحد ميقوليك شيحاجة
رضوان:: (جلس وشد راسو تنهد ) عيت كنت ديما قانع بشنو كاين حتى جات هاد لموصيبة لحياتي (نعت لصحر للي خرجت فيه عينيها من الصدمة ) تزوجتها غير حيت الوليدة بغات وندمت علاش قبلت كل نهار كتنقر علاش ساكنين فهاد الدار ومخلي الفيلا ديال داركم علاش داركم كيتجمعو هنا وانا لايحني هنا اغلب نضارباتن ووصوبنا لطلاق على قبل هادشي لكن شوي قولو طمع او حسد او جشع المهم كنت بغيت نولي كيفكوم ديما كتحسسني راني ماشي راجل كامل
صليحة:: 😭😭😭😭
رضوان:: ديما تاتقارني بيك(سفيان) و بجود ولؤي وحتى بايوب وشوي بدات تاتقولي تسلف ونشريو فيلا وبدات توسوي ليا باس ناخد سلفة من الشركة غرني الشيطان وبديت كل مدة تناخد مبلغ حتى كملت المبلغ للي اسري الفيلا للي بغينا ولكن نهااار (ورك عليها وشاف فصحر) عرفت البنت للي بغيتها بصح والبنت للي كانت باغاني كيفما انا وموافقة على كلشي للي فحياتي (كلشي تصدم الا جيداء و هاجر) تماااك بديت كندم فراسي حيت سمعت ليها ودرت اخطاء بزااااف
عتيقة:: 😭😭 كان عليك تجي عندنا اولدي والله وتطلب عينيا نعطيهم ليك لا انت لا كل واحد فيكم لفلوس راه كيمسيو وايجيو تبغي حتى الثروة كلها للي عندي نعطيها ليك لكن متغش عائلتك
رضوان:: خفتها تقولكم على الاختلاس حيت داك النهار ( عاود ليهم كلشي بالحرف منقص والو من نهار الحادثة)
ايوب:: لكن كان خاصك تعلمنا
سفيان:: ياكما عندك ايد فالقضية
رضوان:: 😠 ماشي معندي ضمير حتى لديك الدرجة اسفيان انتوما عارفين مكانت خالتي الله ارحمها عندي وكانت اي حاجة قالتها كنفدها بالحرف اه شفرت فلوس كنعتارف وحشمان منكم لكن عمرني نآدي شيحد
محمد:: لا حول ولا قوة الا بالله (كلشي سكت)
صحر:: شفتكم سكتتو صافي هادشي للي عندكم مغتجربو عليه مغتقولو والو ولا عادي شنو دار
فاطمة:: واش مكتحشميش
صليحة:: مكانش احسابلية راكي سوووووسة
صحر:: دوي مع ولدك للي مشا لعند مراة اخرى اه
عبد الرحيم:: شنو بغيتبه ابقا مع وحدة كتعرف غا لغوات ولمضاربة وزيد تاتحرصو على الشر عقابو انت معندك دخل فبه
صحر:: يعني مأيدينو باش اخرج مع وحدة غير مرتو
رضوان:: هاديك للي كتهضري عليها غتولي مرتي وليوم قبل من غدا بغيتب ولا مابغيتيش سوقك هداك وبهادشي للي وقع ليوم فمغنزيدش معاك دقيقة ولدي انا قاد بيه بغيتي تديه ديه بغيتي تخليه خليه المهم انت مطلقة
صحر:: 😨 شنووو واش تسطيتي
رضوان:: لا انا عاد درت عقلي انت تخرجي لواحد على دينو تكفريه انت .. انت شيطان
صحر:: 😠 واخا ارضوان واخا (مسات طلعت لبيتها )
رضوان:: انا قظامكم امرو وقولو شنو باغينب ندير ونديرو الفيلا اكيد غتباع الشركة غنخرج منها وحتى الى بغيتوني نخرج من هنا غنخرج
جود: هادشي للي وقع ماكيدخلش للراس
عبد الرحيم:: من الاحسن منشوفش وجهك مدة والقرار للي غيديرو محمد ومختار غيوصلك مرتك خليها هنا راه حفيدي معاها وماباغيهش اعيش مع ديك خيتي غتصبر حتى للوقت المناسب وطلقها
ناضو تفرقو جود هضر مع جيداء باش ترتاح ومشا لخدمتو هو ولوخرين بقاو غير لبنات فالدار رضوان طلع للبيت مدواش صحر خسر عليها " متحركيش من هنا حتى نرجع " هز صاك دار فيه حويجو وتحرك لعند كريمة اه هي البنت للي معاها رضوان وشنو هي كانت كتعرف حتى صحر لكن صحر من غيرتها على رضوان ضربت عليها لكن كريمة بقاد صديقة رضوان واخا ولات كتبغبه خبات وبقات كتعاملو كصديق فاش وحل هي للي عاود ليها كلشي وعاوناتو وعاتباتو على تفكيرو الخاطأ ونهار للي شافوهم هاجر وجيداء داك النهار عتارف ليها بحبو وحتى هي وديك القبلة كانت تعبير على حبهم واحتياجهم لبعض ......
كريمة بنت يتيمة ماتو واليديها وخلاوها هي موظفة فواحد الشركة عايشا بوحدها مشا عندها رضوان ورحبت بيه وقالها غير ليوم وغدا غنمشي لاوطيل ........... جود كمل خدمتو كان مرفوع هو ولؤي وايوب حيت رصوان رغم كان تصرفو خيب مع ايوب لكن كيبقا خوه ولوخرين كيعتابروه خوهم كملو نهارهم بزز ورجعو فلعشيا بتلاتة كيف عادتهم وهما داخين مع الباب رميساء هابطة كتبكي من الفوق نيشان عنقت ايوب
ايوب:: حبيبة ؟ نمالك 😯
رميساء::😭😭😭😭😭
جود:: مالك (بعدها على ايوب) واش واقعة شيحاجة
رميساء::(حركت راسها ب اه ) 😭😭😭
لؤي:: واش دارليك شيحد شيحاجة
رميساء:: واااااااع هئ هئ هئ هئ هئ هئ(تلاحت عند جود)
ايوب:: اوووف واش غتبقاي تبكي هضري
هاجر:: (جايا هي وجيداء كيضحكو) هههههه العار باقا غكتبكي
جيداء:: مزيان مزيان......... بقاو كيتحتو حتى داز شوي الوقت وهبطو بزوج جود مشا جلس مع ايوب ولؤي وسفيان جيداء يالله كانت غتمشي عند لبنات وهي ترجع مشات عند الدراري بقاو غير كيشوفو
جود:: بغيتي شيحاجة
جيداء:: (مدت ايدها لايوب شدها وجلست بشوي مقابلة مع سفيان وجود ولؤي وحداها ايوب) بغيت نقول شيحاجة (كتلعب بصباعها )
سفيان:: واقعة شيحاجة
جيداء: 😅 لا غير 😳 شوف انا عمرني دخلت فشيحاجة بيناتكم بكن مقدرتش نبقا ساكتة اول نهار حطيت رجلي بيناتكم عجبني التفاهم للي بيناتكم كلكم واخا كتغاوتو وتدابزو كتبقاو محافظين على بعضياتكم وواخا كتغلطو كتسامحو بعصياتكم
سفيان:: الى كانو اغلاط صغار
جيداء:: شنو لكبير فهاد الغلط
سفيان:: راه 300 مليون سارقها وغدرنا
جيداء:: وهو منكرش متهربش وقالك كيجمع فيها وقالكم غيرجعليكم كلشي حتى عطاكم تيساع مشا حيت عارف راسو غالط وباينا فيه نادم الى دارها جود شنو غتدير
سفيان: مغيديرهاش
جيداء:: عارفة انا غير اقتراح حط جود فبلاصة رضوان
سفيان:: صعيبة اصلا بزوج بحال بحال واخا كيبقا جود راه خويا لكن حتى رضوان عزيز انا دابا مقادش نفكر فالموضوع
جيداء:: انا هضرت حيت شنو كيدوز على رضوان ماشي قليل بشنو دار كان عايش تأنيب الضمير وهدا كافي باش اخليه اتأزم عاد زيد مشاكل مرتو للي ماكيساليوش
لؤي:: انا متافق مع جيداء اوقع للي وقع هو خونا مخصناش نلوحوه هكا
جيداء:: واكيد دابا حتى حد فيكم ماسول عليه فين كاين (شافو فبعضياتهم ) كنضن باراكا غير تنازل ليكم على الشركة وللي فيها وزاد غيبيع الفيلا وارد ليكم فلوسكم عاد باغي اخليكم وايمشي كنضن خصكم تقبلو كلشي الا تخليوه اعيش بوحدو بعيد عليكم ااااه
جود:: 😨 ماالك (ناض عندها )
جيداء:: اووف غير وجع
سفيان:: 😥 واش بزاااف
جيداء:: لا لا قالتلي طبيبة اقدر اجيك وجع قليل مرة مرة
سدو الموضوع وكملو ماكلتهم من بعد كل واحد شد بيتو ...
غتقولو علاش صحر مهزتش حويجها ومشات ياااك حييت تعاملو معاها قاصح هي اه مكرهاتش تمشي لكن غتقفرها من عند باها حيت ثعيب بزااااف ماكيتفاهمش والى عرف زبايلها انحرها هادشي علاش تكمدت فبيتها مع ولدها وجلست .......
الغد سفيان تاصل برضوان قبل لفطور وقالو ايجي باش اهضرو وهو معارضش ، فاق كلشي فالفيلا وهبطو واحد تابع لاخر حتى تجمعو فطرو يالله غيبداو اتفرقو دخل مروان 😍 مع كريمة كانت زوينة بزاااف وباينة فيها ضريفة وحشومية كان شاد فيها مروان وهي راجعا وراه مخبيا صحر شرعت فمها من الصدمة
رضوان: المهم باش منعطلكمش انا راه لبارح فاش مشيت هضرت مع السمسار وقالي كان شيحد موصيه عليها الى بغات تباع غيشري الفيلا وبنفس التمن للي شريتها بيه ليوم غنمشي نسني معاه وغنجيب ليكم لفلوس فاش نسالي معاه (كان كلشي حادر راسو حيت هادي هي شخصية رضوان مسالم وكيدير كاااع للي مطلوب مننو كان نسا راسو وشخصيتو لكن مع كريمة رجع من جديد فاش هضر معرفو ميقولو ليه )
مختار:: معليش وقتما تباعت متزربش لفلوس راه حطيت من حسابي انا 100 ومحمد 100 وباك 100 ودرناهم فحساب الشركة غزلان.ب
مينة:: 😱
رضوان:: (دوز ايدو على راسو) صراحة حشمان منكم بلا قياس نتمنى ايجي نهار للي تغفرولي شنو درت لحظة ضياع خلاتني ندير هادشي ونادم بلا قياس يعني اول مرة تجيني صعيبة نواجهكم وندخول من باب دار يعني كون ما كريمة مكنتش غنجي
صحر:: ههههه من نيتك غتبقاي معاه واخا شفار......
ديجا محاملش راسو والكلمة للي قالت صدماتو له عارف راه سرق لكن فاش قالتها هكاك ماحملش راسو اكثر وحس بدموعو غيهبطو حك لحيتو وناص خرج للجردة جلس وشد راسو وبكا اه بكا محملش داك الموقف كان شاد راسو من البارح ودابا مقدرش اتحكم فدموعو عبد الرحيم شبع صحر معيور مخلا فيها غير للي نسات ايوب ناض عند رضوان عنقو وبقا مخليه كيقول كلمة وحدة "سمح ليا" جاو دراري خرجو عندو وفالوضعية للي هو فيها فمكان قدامهم غير اعبرو على مسامحتهم وافهموه بللي غير خطأ ومتأكدين من نيتو وبللي كلشي غيرجع كيف كان ......
سفيان:: الى طلقتيها راه الولد غتاخدو غتاخدو مايمكنش تختارق القانون
صفوان:: لبغات تبقا تبقا المهم انا غنتزوج بكريمة
عبد الرحيم:: زربان
رضوان:: مغنكدبش راه شهوووور وانا كنتسنا باغي نتزوجها لكن كنت خايف صحر تقولكم على هاد الموضوع هادشي علاش أجلت كلشي مي دابا صافي مابقا عندها مدير انا كنت صابر ليها غير بزز على ود الوليدة والولد للي بيناتنا لكن هي متستاهلش
لؤي:: للصبر.......(عند لبنات)
جيداء:: واش صحر كانت صاحبتك
كريمة:: اه
جيداء:: ممكن تعاودي ليا
كريمة:: وي هادي تلت سنين وشيحاجة كان قبل متزوج برضوان تلاقينا غير فواحد الجمعية كنت مشيت ليها انا وصحاباتي تماك فمراكش صافي تعارفنا تماك صدفة وهضرة تجيب هصرة خدينا تلفونات وبقين كنهصرو ونتلاقاو ونخرجو حنا ولبنات ولات قريبة ليا وانا تانا وليت كنعاود ليها كلشي وفديك لوقيتا كانو ماتو واليديا وبقيت بوحدي وسط عائلة بابا كانو عائلتها ضريفين معايا وكيعاملوني بحال بنتهم بكن حسيتها ولات كتغير ختها ولاد مصاحبا معايا وواليديها ديما كيسولو فيا هادشي دار بيناتنا حساسية انا وراها عيت من عائلة بابا وجيت هنا لهاد لمدينة كانت عند بابا دار هنا وغير صدفة كان كتبها بسميتي الله ارحمو بما انني الوحيدة
جيداء: باش ماتو
كريمة:: فحادثة سير ضربهم رموك وماتو بزوج هما وخويا صغير كنت تأزمت فديك المدة 😞 لكن الحمد لله مع الوقت ولفت المهم جيت هنا استقريت فالدار وبديت كنقلب على خدمة حيتت لفلوس للي عندي بداو كيتقاداو ونيت لقيتها فهاد الشركة بديت معاهم سطاج وكان المدير كيدور معايا مرة مرة حتى ترسمت نعاهم ووليت كنشد خلصتي صحر مكانت كتقد تجي على ود باها مانع عليهم سفر بوحدهم لكن مللي هصرو فيها دار رضوان ولات كتجي عندهم وهنا ولينا كنتلاقاو عوتاني وتزوجت وحيت كانو كيجيو هنا عند عائلة راجلك بزاف فوليت كنشوفها بزاف وتعرفت على رضوان كان كيجي ايديها وولا صديق وهادشي للي معجببش صحر وهنا قالتلي مايمكنش نبقاو نتلاقاو حيت وليت كنسمع بزاف ديال الصحابات تياخدو رجال صحاباتهم فاش قالها بقا فيا الحال بزاااف حيت والله عمرني تجاوزت معاه الحدود ولا عمرني شفت فيه شي نظرة فشكل لكن قلت معليش فيها خير ومابقيتش تلاقيتهم مدة طويلة حتى تلاقيت رضوان صدفة وقالي راها حاملة وكان سولني علاش مابقيتيش كتباني وماكدبتش عليه قلتلو الصراحة ومعجبوش الحال بشنو دارت وخد نمرتي وعطاني نمرتو قالي انت بوحدك فهاد لمدينة للي بغيتيها قوليها ليا لكن واخا هكاك معيطت ماهضرت معاه كان هو مرة مرة كيعيط اسول وصافي الا الى تلاقينا صدفة حيت شركتهم كيتعاملو مع شركتنا صافي حتى لقبل متزوجي انت بجود ولينا كنتشاوفو بكترة وهنا منكدبش وليت كنبغيه لكن مشاعري خليتهم ليا القلب ماكيشاورش فاش كيبغي بقينا هكاك حتى جا عاودلي على شنو وقع وكنت عايرتو وعاتبتو على هادشي شحال من مرة قلتلو اصارحكم لكن كان خايف هو عزاز عليه عائلتو صافي هادي قصتي
جيداء:: وكيفاش ولا باغي اتزوجك غزلان.ب
كريمة:: هههه اممم دابا معقلتش شي خمس شهور ولا كثثر كنا فالطوموبيل وكان عتارفلي وتماك متمالكتش راسي وحتى انا اعتارفت ليه
جيداء:: كنت شفتكم انا وهاجر مرت لؤي
كريمة:: بصح
جيداء:: ويي 😅 جينا مع القبلة
كريمة:: 😳 داك نهار فين اعتارفنا وايلي
جيداء: ههه عادي هو لقا فيك شنو كان باغي اكيد حيت علاقتو مع صحر كانت غير صداع ومشاكيل وارتاح معاك مغنكدبس انا ضد الزوجة الثانية لكن فحالة رضوان انا متافقة معاه الى بغا اتزوج خصوصا انت باينا فيك ضريفة
كريمة:: شكرا ربي اخليك وانا تانا بحالك رافضة ديك الفكرة خصوصا كانت بيناتنا عشرة انا وصحر جاتني فشكل نكون مع راجلها واخا والله بعد ديك نهار معاود قرب ليا ومكنخليهش فلحلا اه لكن فلحرام لا كنتلاقاو بحال لخوت ونتفارقو بحال لخوت واخا لبارح استاضفتو فداري لكن موقع واو هو فبيت وانا فبيت
جيداء:: هو كان رما عليها ييمين الطلاق يعني مقرر باغيك
جود:: ضحك ضحك واخا غنقولهم اصابوه لكن متكتريش منهم
جيداء:: لا غير طبسيل صافي
كريمة:: ههههه صافي غا طبسيل وبزاف عندك شحال
جود:: هههه هانتي تشوفي زيدي قدامي زيدي
رضوان:: يالله حنا نمشيو
جود:: فين
رضوان:: نمشي نقضي شغال للي عندي وهي بزز باش عطاوها صباح متجيش
جود:: الى مكنتيش مرتاحة فديك الخدمة جي كينين شركة العائلة وشركتي انا ولؤي وايوب
كريمة:: شكرا لكن
رضوان:: غتجلس مغتكملش الخدمة
جود:: علاش
رضوان:: انا كين لاش غتخدم
جود:: ههه اهاه بيناتكم ........
بقاو كيضحكو ودخلو جود مشا علم ربيعة تصاوب لجيداء شنو بغات ورجع يالله ناض رضوان قالهم بسلامة حتى لعشيا وايجي سلمو على كريمة وصليحة عجباتها البنت كتقوليها غير تبارك الله تبارك الله سالاو وخرجو وتبعوهم رجال مشاو لخدمتهم ولبنات تجمعو فالجردة قادو عاصير وشيبس وداك تخربيق جابوهليهم وجيداء جابوليها شنو طلبات وبقاو كيتحتتو وكياكلو صحر مهبطاتش بقا فبيتها طبعا ماشي غير هكاك حيت الحاجة هي للي قالتلها منشوفش وجهك هنا ...... رضوان مشا وحل مسألة البيع وغير سالا طلع للشركة عطاهم الشيك ورجع لخدمتو معاهم 😊 ......
كملو نهارهم العائلة كلها فرحانة كلشي رجع لبلاصتو رضوان باقي عندو مشكل واحد هو صحر دازو ايام اسابيع وهو كيبات فبيت وهي فبيت مع ولدها كتهبط غير فاش كتعيط ليها الحاجة شي مرات باش تعشا ولا تغدا معاهم اما كريمة فولاو لبنات الى كانو خارجين كتخرج معاهم ومرة مرة كيعرضوها للفيلا للعشا ولا لغدا رضوان قرر اتزوج كريمة هضر مع واليديه ووافقو باش هاد يومين امشيو عندها لكن فاش رضوان علمها رفضات
رضوان:: علاش
كريمة:: شوف انا كنبغييك اه لكن كانت عشرة بيني انا وصحر فكرت فالموضوع بزاااف ارضزان لكن مغنقدرش واخا هي خايبة لكن مايمكنش نكون بحالها
خاصكم تعرفو بللي صحر عمرها اعتابرتها صاحبتها غير وحدة للي كدوز معاها وقت وصافي كان باها مزيىها بزاف ومللي عرفت كريمة ولات كتجي عندها باها عجباتو وعرف بللي البنت بنت دارهم وولا كيتيق اخليها تخرج معاها لكن كانت دايراها غير طريق وصافي ......
رضوان فكر وقرر شيحاجة غير تعشا هو ولوخرين ومشا نعس الغد فاقت جيداء بكري دخلت دوشت توضات وخرجت لبسات صلاة وخرجت من البيت يالله غتهبط
رضوان حتى لصباح وتردد لكن بعد شنو وقع صمم على قرارو ركب طموبيلتو وشد طريق لمراكش .....فالفيلا بداو كينوضو شوي بشوي تجمع كلشي جيداء كانت اول وحدة فالطبلة هبطو لقاوها كتاكل جود كيصاوب وكيعطيها
مختار:: صباح الخير
جود:: صباح الخير
ميساء:: ههه مقدراتش تصبر
جود:: صابحة جيعانة
جيداء:😒 بقاو حاضيني
عتيقة:: فين رضوان
صليحة:: باقي مفاقش ماموالفاش ليه
جيداء:: لا فاق وخرج
عبد الرحيم:: رضوان فطريقو لمراكش دابا (عيط ليه مللي شد الطريق)
صحر::(حست بالخوف) علاش 😨
عبد الرحيم:: باش نساليو الروينة للي كاينة (بغات تنوض) جلسي للارض 😠 ..... خنزر معاودتش هضرت دابا كتفكر فلكدوب للي تقول لباها كملت ماكلتها غير بزز جود مابغاش اهضر فموضوع القطة عرف رضوان غيتكلف ونيت هاد الاخير بعد مدة 3 ساعات وصل لعند عائلة صحر دق وحلت ختها الصغيرة
نهيلة:: بيخير دخل دخول مرحبا (دخلاتو للصالون ) با وباا راه رضوان جاا
عبد العاطي:: اهلين اهلين (ناض رضوان كيسلم عليه)
رضوان:: كيدير اسي عبد العاطي بيخخير
عبد العاطي:: الحمد لله اولدي وانت الدار وصحر وريان
رضوان:: نقولو الحمد لله
عبد العاطي:: كينا شيحاجة ياك
رضوان:: اه هادشي لاش جاي من كازا غير نهضرو وغنرجع
عبد العاطي:: نهيلة عمري شي براد ديال اتاي
نهيلة:: واخا ابا
رضوان:: لا لا الى عليا بلاش باغي غير نهضرو ونمشي
ام صحر:: السلام اوليدي
رضوان:: السلام اخااتي
خديجة:: فين صحر وريان
رضوان:: بقاو مجبتهمش احم المهم انا جيتكم على قبل ....
رضوان:: صحر
خديجة:: دارت شي حاجة عاوتاني
رضوان:: انا من ديما منوض معاها صداع ماكيدزش نهار بلا مدابزا هي ديما باغا كلشي كنعيا منحاول نفهمها ووالو ماشي مرة ولا جوج للي وصلنا لطلاق وواخا كتهضرو معاها نفز الزبايل كتعاودهم لدرجة (عاودليهم على لفلوس للي خدا)
عبد العاطي:: هادشي حرااام اولدي مكانش خاص هادشي اوقع
رضوان:: عارف غلط كبييير درتو بسباب زن بنتك اما انا من ديما عايش مع عائلتي هي قالتلك لا باغا فيلا بحال جود وتكون كبر منهم ومشات عزلت وحدة وقالتلك هادي للي بغيت
خديجة:: لا حول ولا قوة الا بالله هاد البنت هادي خرجت ليا من الجنب
رصوان:: وزيد مرت سفيان فاش كانت حاملة ضاربت معاها ودفعتها هي ومرت جود بزوج حاملين الحمد لله موقع والو وعلى هادشي كلللو مرت جود كانت عندها قطة مربياها مشات قتلتها وجابتها ليها كادو راسها مقطع
عبد العاطي و خديجة ونهيلة ::😱😱😱😱
عبد العاطي:: اويلي
رضوان:: والله الى تصدمت صباح فاس عرفت راه هي مولات الفعلة غير قولو ليا هادي للي قاتلة روح بريئة ماليها حتى دنب كيفاس غتدير تربي الولد
نهيلة:: ويلي ومدرتي ليها والو
رضوان:: راه ضرب ضربنا لمعيور عيرنا تخديد درناه وانا صافي تقاديت مايمكنش نبقا عايش حياتي مع وحدة طماعة وزيد حاسدة كاااع الناس للي فرحانين مافهمتش انا منين تاتفكر عارف بنتكم لكن والله مرضتني فحياتي
عبد العاطي:: بعد هادشي اولدي راه للي درتيه انا معاك فيه وعارفك باغي طلق
رضوان:: اه صافي بغيتك تمشي معايا باش تجيبها لكن بغيتكم توعدوني ريان نتوما للي تقابلوه وكل ويكاند غنبقا نجس نديه
نهيلة:: بعدا غتخليه ليها
رضوان:: ماباغيش طلوع ونزول فالمحاكيم
عبد العاطي:: اشغنقوليك اولدي الله ادير للي فيها الخير
خديجة:: والله الى منحقك وبلاما تاخد رأينا واخا هو ايثول ليك لا انا اولدي معاك
عبد العاطي:: علاش غنقوليه لا حياتك اولدي هلدشي انت وصحر غتفرقو وللي بغيتيه درتو جيتي صارحتينا و زيد صبرتي عليها بلا قياس لقيتيها شحال هادي كتسرقليك فلوسك لقيتيها تبلات بالشعودة ورغم كلشي صبرتي عليها دابا من حقك
رضوان:: لكن البنت للي باغي رفضاتني
نهيلة:: ويلي علاش
رضوان:: على قبلكم
عبد العاطي:: كيفاش
رضوان:: البنت كتعرفوها وكلنت بيناتكم عشرا كيف كيقولو وعلى ود هادشي رفضات
عبد العاطي:: شكون هي
رضوان:: كريمة للي كانت صديقة صحر
نهيلة(عارفاها وكانت عارفة صحر دايراها غير طريق) اه ضريفة ديك البنا
نهيلة:: انا باقا كنتواصل معاها لكن مافخباريش هادشي
عبد اللطيف:: ولدي انا ندوي معاها ماكين لاش ترفض بنتي اصلا الله اهديها خلاتها فالوقت للي كانت محتاجاها فيه يعني ماقدراتش الصحبة هي اللولة وانت تستاهلها بنت ظريفة الله اكمل ليك بالخير
رضوان:: شكرا بزااف حيت تفهمتوني
خديجة:: راه رغم كلشي حنا عائلة اولدي الله ارضي عليك
رضوان:: امين .........
رضوان فرح حيت تفهموه خصوصا فاش وافقو على كريمة وماعندهمش مشكيل حيت رغم كلشي هما جدود ولدو وكيحتارمهم ناض رضوان وعبد العاطي شدو طريق لكازا .......
فالفيلا كانو رجال مشاو لخدمتهم ولبنات تافقو امشيو اهضرو مع كريمة تاصلو بيها ودارت معاهم وقت لغدا اتلاقاو فريسطو وداكشي للي كان جيداء بزز باش خلاها جود تخرج بالغوات وقالتلو غندير للي بغيت وقطعت عليه 😄 يعني مخداتش موافقتو غير علماتو هههه لبسو رجاء هبطات ولدها لسعاد ومشاو جلسو فالريسطو
صحر:: هادي غير الحقيقة فكري مزيان فهضرتي انت خطافت الرجال هو مغيطلقنيش حيت مت ولدو وغتدخلي ضرة عليا ترضاي بهادشي 😏 زعما غتجي لعائلة لاباس عليهم وباغاهم ابقاو اعاملوك مزيان نهار غيجيو اخطبوك ايشوفو هاد الخربة غيعايروه على اختيارو 😏 المهم انا جيت غير باش نقوليك فكري مزيان ........
وفعلا كريمة حست بحالا غدرت عائلة صحر اما صحر فمابقاتش كتعنيها من بعد شنو كان وقع وفكرت شحال وفالاخير رفشات رضوان حيت ضروري مغتلاقا بعائلة صحر الى تزوجت رضوان وهنا خافت اشوفو فيها شوفة خايبة ........
احلام:: ختي المهم هو راجلك وعائلتو راضيين بيك متفكريش فهادشي والله الى انت ظريفة
جيداء:: مكنحملش نوصل الهضرة لكن خصك تعرفي بللي قالتلي عمرني اعتابرتها صاحبتي كانت طريق باش نخرج من الحبس للي كان دايرليا با اما منعطيهاش وقت يعني انت للي كتفكري فصحبتكم اما هي لا
كريمة: انا كنفكر لعائلتها كثر اجيداء فاس كنت محتاجاهم وقفو معايا خصوصا فموت واليديا
مريم:: لكن فكري مزيان بللي هكا غتضيعي حياتك وحياة شخص اخر .........
بقاو لبنات معاها وخاولو اقنعو تعيد التفكير .... وناضو كريمة مشات ولبنات رجعو للفيلا وصلو هما ورضوان و عبد العاطي سلمو عليه ودخلو صحر غير شافتو شدتها القفقافة وهو حتى هو معطلهاش كان هاز ليها عطاها واحد الطرشة حتى طاحت للارض وجود جا معاها كان معصب من جيظاء حيت مبقاتش جوباتو دخل مع الطرشة
عبد العاطي:: انا هكاااا ربيييتك
صحر:: 😭😭😭😭 مدرت والو
عبد العاطي:: مدرتي والو واش انت معديا على نسا بروحين وزيدي قاتلة قطة شنو باقي مزال
سليمة:: شنووو 😱 هي للي قتلتها
عتيقة:: سي عبد العاطي غير تهدن وتعالى دخل ارتاح
عبد العاطي:: الحاجة اينا راحة بقات مع هادي زوجتها وقلت تهنيت من زبايلها ساعة عاد مازادت فيييه شنووو نديرر معاها معرفتش
جود:: اخر مرة تتصرفي هكا ولا والله للقسم حتى نوليو فتصرف اخر
جيداء:: شنو غدييير
جود:: جيداء متختابريش صبري دخلي دابا جلسي انت من صباح وانت دايعا نفككو الجرة للي لداخل ونتفاهمو ( دخل سبقها هي عرفات راسها مقفراها دخلت بشويا عليها وصلت حداه ومدات ايديها بكل براءة هههه هو غيطرطق وهس كتصرف ببرود شدها وكرز على ايدها حتى جلست وطلق منها ) ......
تزوجت غريب الجزء السادس
محتوى القصة
التنقل بين الأجزاء