معتارضش جود لانه كان حاسس بحالها بقاو مدة هايمين فبعض عاد شوي بعدو قبل عيونها بزوج وهي نطقت
جيداء:: كنبغيك 😭
جود:: (عنقها) يا عمري انا وانا كنموت فيك (شاف فيها) تافقنا بب بلا دموع ياك كتيقي فيا
جيداء::(بعيون دامعة) اه
جود ::غنرجع ياسين وهو صحيح وماواقعلو والو وهنا مغنبقاوش وعد غنقلبو على بلاصة مزيانة ونسكنو فيها كلنا
جيداء:: لكن حتى يجي ياسين
جود:: وي بب بينا لقينا اصلا (عنقها) ماباغيش نبقا مشطون عليك بب باراكا غير عقلي مع ولدنا
جيداء:: مقادراش نوالف هكا كنشد ياسمين كنحس بالنقص كتبكي كنفكر بللي حتى هو كيبكي اي حاجة دارتها كنربطها بيه حتى هو ايدير بحالها ريحتهم حبيبي حتى هي شنو ندير
جود:: غنصبرو غنصبرو حبيبة غنصبرو باش حليبك مايضيعش وايجي ياسين وارضع منك لاهي راسك ايام اجيداء بيما وصلنا لراس الخيط وديك الساعة ايكون بين ايديك
جيداء::(تنهدت) امم
جود:: وعد؟ وعد عمرك ديري بحال صباح وتصبري حتى نلقاو ولدنا ؟
جود : وكيغاديري توقفي على رجلك حتى ارجع ولدنا كيغاديري تسانديني وانت مقادراش حتى توقفي
جيداء::😞
جود:: اجي حبيبي ناكلو ......... حاوط خصرها ودخلو للكوزينة جلسو تماك كلاو بزوج ....اليكساندرا هضرت مع غريب باش تكون على اضطلاع بكلشي ونقدرو نقولو وبسباب خبرتها لكبيرة فالمجال غير دخلت وبدات هضرتها معاهم عرفت شكون متوتر وشكون خايف وشكون عادي عطات لغريب شنو فهمت وشنو لاحظت وهو دار نفس الئ تافقو باش اي خطوة ايخطيوها تكون فعلم الاثنين ودعاتو ودازتوشافت الكوبل ديالها فاش كانو هايمين فبعض بتاسمت ودخلت لعند العائلة كانو عينين مراوات غايرين حاضينها وعاينين الرجال المعجبين كذلك حاضينها ......سفيان وايوب ولؤي مشاو للشركات باش اشوفو شغلهم جواد وعلي حتاهما استئدنو ومشاو جا جابر طل طمن وخدا ميساء وخرجو حيت بدات كتسطاجي فشركتو .....جود غير طمن على جيداء وخرج حتى هو لخدمتو اوقع على شي وراق واكيد غيرجع حدا مرتو حيت راسو مقادر افكر فوالو من غير ولدو وهو فالطريق جاه اتصال واكيد معروف شكون
جود:: وي بب غير نكمل شنو فايدي وغنجي بغيت باش ميبقاوش كل شوي معيطينلي
جيداء:: امم عارفة غير سرع ورجع باغاك حدايا
جود:: يا عمري انا غير ارتاحيلي ساعة بالكثير ونكون حداك
جيداء:: متاصلش جواد او علي ولا شعيب خو سامية
جود:: لا متاصل تاحد الى كانت شيحاجة غنعلمك
جيداء:: اوكي
جود:: بسلامة بب
جيداء:: رد لبال لراسك
جود:: حتى انت بب......... قطعت واستلقات على ظهرها كتشوف فالسقف خانوها دموعها وهي كتفكر فولدها واش حالتو دابا 😞 ........ هكا بقا حالهم جود رجع دغيا بعد مسالا شغالو وجا حداها كانت غافيا وغير فاقت تخشات فحضنو وبقاو كيواسيو بعضهم فهاد الايام للي دازت اليكساندرا كانت كتدقق فكل واحد تصاحبت مع عتيقة وفاطمة وسعاد و صليحة وحتى هما خرجتهم من دائرة الاتهام لانهم حازنين كيما حازنين جود وجيداء على ولدهم كانت مراقبة الكل وديما على اتصال بغريب كيخبرها بالجديد بالنسبة لسامية فمن بعد الاتصال الاخير كان جود خبر اليكساندرا وغريب وهما تكلفو وهموها بللي الدار تكتبت ففسميتها تاحد معارف بالخطة والشخص للي ساعدها كان كيوصل ليها كلشي لاكنو غفل على ان الاوراق مزورين وهنا طمنت سامية وقالت غتربحهم وتاخد كاع شنو بغات تاصلت مرة اخرى وطلبت مزرعة جود لكبيرة صعرو مزيان مللي قالتها لكننو خلاها تتسناه ايام وهي وافقت ......
وافقت وهو بدا كيبحث مع شعيب للي كان جابليه معلومات من صاحبتها بلللي شيحد لباس عليه هو للي معاونها جود دخلو الشك دابا ياسين وياسمين عندهم شهر باش تزادو جيداء كتحاول ما امكن تتمالك راسها قدام جود حيت كان باين عليه الارهاق جيداء بعد متوضات بدات تصلي وتدعي كل فجر وكل صلاة باش ربي ارجع ليها ولدها ....... رجال كانو تجمعو وقررو غيتشرا قصر وتماك فين اسكنو باش تبقا العائلة مجموعة قدما كبرت ونيت لقاو اللي عجبهم وجود باش الاهي جيداء كلفها باش هي توقف على غرفة ياسين بايدها و عزلت الالوان للي باغا وخرجت هي ولبنات شراو لفراش للي عجبها قول كانو كيوجدو لرجوعو .......
اليوم فاق الكل جيداء ناضت غسلت وخرجت جلست فلكوافوز هزت قرعة دالزيت لكن بانتليها غريبة وزيد عامرة هي كانت فيها النص
جيدداء:: او حماقيت انا ولا كيتهيئ ليا كنت كنفكر نشري وحدة اخرى وددابا عامرة لكن لونو فشكل 🤨
جودد::(من سريرو) حبيبة تصطيتي داويا بوحدك
جيداء:: نو حبيبي مي شوف
جود:: شغنشوف قرعة دداكشي ديالكم للي كديرو
جيداء:: عارفة بب لكن لونو مبددل وانا كانت واصلا لي للنص معرفتش و (جاتها شيحاججة فبالها) 🤨 زعمااا؟؟
جود:: واخا جلسي هنا معرت شنو كيديرو بفف اه ديجا طبيب جاي على ود نهيلة (جبد تلفونو ودوز نمرة) الو
طبيب:: السلام عليكم
جود:: ليوم غتجي عند نهيلة ياك
طبيب:: اه لكن كلفت دكتور اخر هو للي غياخد ديك الحالة وراه غيكون وصل
جود:: اه شكرا (قطع) بقاي هنا انا جاي ومتقربيها لوالو ..... هبط بانليه طبيب داخل وهو عيط ليه هو مفهم والو غير تبعو داغي جيداء لاحت على راسها فولار دخلو عندها
طبيب:: شنو دارليك هكا
جيداء:: هاد القرعة معرفتش شنو فيها
طبيب :: (شمها) !!!! هدا الاسيد اكيد
جود:: وي دابا واش غيبقا دارها
طبيب:: ماشي شيحاجة كبيرة جاب الله قاسك غير شوي
جود :: راه المدام شكات ودارتو فصبعها جاب الله مدارتوش فراسها
طبيب:: هادا راه ممنوع ايكون عندكم وعندكم ولاد شيحد ايقيسو راه خطير (كيداويها)
جود:: تاحد برا ميعرف بهادشي
طبيب:: واخا على راحتكم المهم متقيسيهاش للماء غادي تنفخ وغتدير فقاعات ضروري واخا صغيرة مكانتش كمية كبيرة اما تضرري بزاف فينما غنجي عند نهيلة غندوز ليك حتى انت نديرليك الدوا باش تبرا ليك داغي (كمل ووقف) ميكون باس عندها
جود:: 🤨 شكرا الى سولو انت صديق وجيتي نهضرو عاد تشوف نهيلة
طبيب:: طبعا متخممش سمحولي(هبط).
جيداء:: لاش باغي تخبي خصنا نعرفو شكون
جود:: عارف حبيبي غير نهضرو مع اليكساندرا هي تحل المشكل
جيداء:: زعما 😳 للي خطف ولدي هو نفسو للي 😥
جود:: ممكن حبيبة(شد وجها بين ايديه) كنبغيك اجيداء ومنبغي حتى حاجة تقيسك نموت الى وقعت ليك شيحاجة ممكن عندك هادشي للي وقع دابا عادي لكن انا (حط ايدها على قلبو) قلبي بالخوف عليك شوف كيقاش كيضرب
جيداء:: 😢 (ترمات فحضنو) مكنتش باغا نخلعك عليا غير جربت كان شك
جود:: عارف (باس راسها) قلتلك شعرة وحدة منبغيهاش تتقاص فيكم اجيداء لا انت لا ولادنا
جيداء:: ان شاء الله ميوقع والو وولدنا ارجع امم انت باقي مشفتيش بيتو حبيبي صاوبتو زوين ليوم غتجي الموبيليا ديالو وغنقادو كلشي غيكون واجد
جود:: ليوم السبت
جيداء:: وي بب دارو معايا ليوم غيجيبوهم لكن مغتمشيش معايا حتى ايسالي ونعيط ليك تجي تشوفو
جيداء:: واخا ....... دخل هو وهي كملت لباسها لتحت دخل عليهم طبيب ولبنات حللو عينيهم حيت كان زوين كيبانليك ايوب وسفيان ولؤي كيخنزرو فلبنات 😂😂😂 منظر مضحك هما حالين فمهم فالطبيب ولوخرين مخنزرين فيهم وطبيب مفاهم تاوزة قال السلام وعرف براسو صحر معجبهاش الحال نهائيا مللي ناضت نهيلة مع الطبيب كانت غتنوض تمشي معاهم حتى غوت باها عاد جلسات
هاد المدة كان طبيب اخر للي كيجي عند نهيلة كيداويها فالفيلا لكن طبيبنا مصعب هو للي خدا هاد الحالة دكتور فالثلاتين من عمرو 😍 تيتيز نيييت
مصعب:: غير ارتاحي متخافيش مغيضرك والو
نهيلة:: قولي واش غيبقا هاد الطرس
مصعب:: انا طالعت على الحالة ديالك راه غبرات الحرقة وماهيا الا ايام قليلة وايمشي طراس للي بقا
نهيلة:: اوووف انا من نهار شنو وقع مطليت على الزنقة دينا غير الدار
مصعب::(كيداويها) علاش
نهيلة:: حاشمة نخرج بوجهي هكا
مصعب:: لكن مابقاتش كتبان بزاف باقي غير هنايا كيف قلت ايام قليلة وتغبر
نهيلة:: لكن مابقاتش بشرتي عادية
مصعب:: كلشي غيرجع كيف الاول غير تيقي فيا
نهيلة:: انت باقي صغير وطبيب
مصعب:: ههههههه علاش جاتك غريبة
نهيلة:: وي شحال فعمرك
مصعب:: تلاتين
نهيلة:: اه 😯 حلف كتبان صغير
مصعب:: هههه يااك شكرا الالة مزيان مللي بنت ليك صغير
نهيلة:: 🙈
مصعب:: امم دابا كملنا وغير بقاي تخرجي راه عادي هادشي بحال فاش كتنوضليك حبة كبيرة او حساسية فلوجه تعاملي مع الامر عادي متخليهش اشكل ليك عائق فحياتك
نهيلة:: 😍 شكرا
مصعب:: العفو هادا كارط ديالي الى بغيتي تسفسري على شيحاجة
نهيلة:: شكرا وسمحلي كنعدبك تجي حتى لهنا
مصعب:: لا هدي خدمتي 😊 بسلامة (خرج)
نهيلة:: اححح اقلبي والله حتى زوين 😍 لكن 😞 شكون ايشوفةفيا ووجهي هكا بففف 😭😭......
جلست تبكي كيف كل نهار على حالتها عقدتها الحرقة ...... جود وجيداء هبطو وجلسو فطرو معاهم حتى جات نهيلة بعد ممسحت عينيها
صحر:: ام جيداء مالك فايدك
جود:: 🤨
جيداء:: والو غير جرحت صبعي
صحر:: اه امم
عبد العاطي:: علاش بدلو الطبيب انهيلة مقالولك والو
جود:: طبيب للي كان عندو عمليات بزاف وكيسافر وحتى هدا راه مزيان متخممش
عبد العاطي:: لا عارف راهم اطباء وكيديرو خدمتهم غير بغيت نتأكد وسمحولينا تقلنا عليكم
اليكس:: ههه متنسايش شنو خدمتي الحياة علمتني نفهم كلشي غير من عينيهم تحركاتهم بلاما اتكلمو انت متوترة داخليا فعقلك مشغول واكيد شيحد شاغلك
سليمة:: اه انا تقدملي شخص للزواج لكن خايفة
اليكس:: شكون فكلبك (قلبك)
سليمة:: 😳
اليكس:: سفيان ياك
سليمة:: 😯 ا ا انت انت منين عرفتي او
اليكس:: حيت عينيك مقابلينو غير هو وهدا غلط اسليمة هو مزوج وباين كيبغي مرتو كيف جود وجيداء هما بناو عائلاتهم وحتى انت لازمك تبداي تبني حياتك كتهضري مع هادا
سليمة:: مراد اسمو مراد .....
اليكس اهاه
سليمة:: معرفتش شنو ندير باغا نتزج وندير ولادي حيت انا دخلت فالواحد والتلاتين وفنفس الوقت خايفا نندم
اليكس:: من الاحسن تهضري معاه وتاخدو وقت تتعارفو
سليمة:: ماما معندهاش هاد القضية
اليكس:: فاتيطة(فاطيمة) خليها عليا
سليمة:: واخا صافي
اليكس:: شوف انت اول ما حليتي عينك كانو غير ولاد خوالك للي حداك وانت غيكون عجبك شخصية سفيان فقط الى حليتي كلبك(قلبك) لشخص اخر عاد غتحسي بالحب الحكيكي(الحقيقي)
سليمة:: انا باغا نجرب باش نيت نتأكد من هادشي للي قلتي هو تاصل بيا شي جوج مرات خصوصا بعد شنو وقع مع ياسين
اليكس:: ايوا صافي هضري معاه هو كيف قلتي راه كبير يعني غيتفهم كلشي قوليلو باغا نتعرف عليك باش نشوف واش غنقدر نكمل معاك على الاقل مدة تلفونات وميساجات ومن بعد خطبة طولوها شوي باش تتعرفي اثر عليه ومن بعد انت تقرري
اليكس:: اوك اوك غيكونو اصلا مراقبين تلفونك اي حاجة خريب حاضريها دابا اممم اه رسلي شنو رسلت ليك ندقق فيهم
جود:: واخا
سفيان:: شنو واقع
اليكس:: جود اشرح ليك شعيب متاصلش
سفيان:: تاصل غادي عندو دابا
اليكس:: غنمشي معاك
سفيان:: اوك
جود:: الى كانت شيحاجة تاصل ها انا غنمشي عند غريب دابا
سفيان:: واخا (خرجو)
سليمة:: سمحو ليا (مشات)
جيداء:: (حاطة ايدها على صدرو وهو محاوطها بايديه) اي حاجة وقعت قولهالي
جود:: واخا
جيداء:: متخبيش عليا
جود:: عمري خبيت عليك شيحاجة ؟(حركت راسها بالنفي) اي حاجة عرفتها او وقعات غنتاصل بيك سيري انت استقبلي الموبيليا لهيه وغير نسالي شغالي غندوز عندك تماك
جيداء:: واخا
جود::(باسها)😘 بسلامة .....مشا خرج وهي وصات مها على ياسمين ومشات هي وهاجر للقصر ..... سفيان واليكس كانو وصلو عند شعيب للكافي للي دارو معاه فيها سلمو عليه وجلسو
سفيان:: نتمناو تكون كاينا شي خبار
شعيب:: كاااين
اليكساندرا:: ههممم شنو
شعيب:: وحدة من صحاباتها كانت تاصلت بيها وسولتها على شي مربية رخيصة وعطاتها عناوين وتلفونات شي وحدين هما هادو (عطاه الورقة)
سفيان:: اممم نتمناو نلقاو شيحاجة بهادشي
شعيب:: باقي شوف هاد الملف فيه تصاور ديال واحد طوموبيل ديال للي مساعدينها
اليكس:: هانشوف (حلاتو) 🤨 منين جبتيهم
شعيب:: راه الدرب عندنا للي دخل براني كيشدوه المهم ماعلينا هادو تصاور وهادو نماري الى عرفت شيحاجة اخرى غنعلمك (وقف) بسلامة (يالله كان غادي رجع) اه مولات الطوموبيل مراة و .....
سفيان:: شاكين فمراة نيت
شعيب:: الدري قالي آجي يعني ماشي صغيرة
اليكس:: الى شافها اعرفها
شعيب:: دابا نسولو
اليكس:: فين هاد صاحبك
شعيب:: سافر لبارح لطنجة يومين وايرجع
سفيان:: خليه اجي غدا ضروري
شعيب:: راه مشا فخدمة
اليكساندررا:: حنا نعطوه فلوس ديك الخدمة غير ايجي غدا الصباح ايكون هنا
شعيب:: صافي نهضر معاه ونعلمكم الله اعاون ...... كنضن بللي قربو اوصلو لراس الخيط ناضو مرتاحين نوعا ما ومشاو عند غريب للي كان جود مشا عندو وعطاه شنو رسلات سامية من صور و فيديوات باش الى لقاو شيحاجة وفاش جاو سفيان واليكساندرا علموهم بالجديد ورجعو للفيلا جود مشا عند جيداء للقصر للي كانت دوزت نص الوقت بما وهي كتشوف فولدها كبر شويا عاونتها هاجر وحاولت تصبرها ناضو كملو ترتيب الغرفة جابولهم سرير شكل سيارة وتريا للولاد كلشي كان رائع وهما واقفين كيشوفو كيفاش ولات الغرفة دخل جود
جود:: السلام 😍 طلعات زوينة
جيداء:: 😃 بصح حبيبي عجباتك
جود::(عنقها من جنب ) وييي زوينة
هاجر:: من قبايلا وانا كنقولها ليها
جود:: صافي دابا بقاو غير حويجو
جيداء:: وهو ايجي
جود::(بعد صمت) ان شاء الله
هاجر:: يالله نمشيو جاني جوع
جود:: اه يالله
جيداء::(وهما هابطين) عرفتو شيحاجة حبيبي
جود:: باقي كيححقو بب (مابغاش اعطيها امل بهضرت شعيب)
جيداء:: اوووف
هاجر:: مللي ولدك بيخير صبري مابقا قد للي فات
جيداء:: عارفا لكن باغا نشدو بين ايدي نعنقو نشم ريحتوو هئ هئ هئ
جود:: شششت (وقفو وعنقها) لاش لبكا دابا
جيداء:: بغيت ولدي جود بغيت ولدي
جود:: صبري كيف قالت هاجر مابقاش بزاف وارجع لينا
جيداء:: اممم
جود::(باسها فجبينها) شوف لعوينات دغيا حمارو
جيداء:: صافي حشم
هاجر:: ههه هانا سابقاكم
جيداء:: لا لا يالله تعطلنا على ياسمين 😅...... دارت عندو خرجت لسانها ليه وسبقاتو ركبو ورجعو للفيلا لقاو كلشي مجموع على لغدا جلسو تغداو وتجمعو كيتناقشو فموضوع لقصر
مختار:: الاثاث كللو موجود غدا غادي احطوه
عتيقة:: غيخصنا نزيدو الخدامات
فاطمة:: اه بصح راه تبارك الله كبير مغيقدروش عليه لبنات
كلثوم:: والله انا داك النهار غير شفتها دايزا من هنا وانا خارجة من بيت ولادكم وكانت هازة جوج قراعي بحال بحال ديول الزيت ديال الشعر للي كتديري ودابا بانتلي جبداتها بشوي من حزام صايتها وكبات منها فاتاي
جيداء:: ويلي كوراها عطاتها ليههم جريو ....
هبطو كيجريو كانت جيداء للي سابقة غوتت على جهدها بلااا متشربوووش كلشي وقف مفاهمو والو
جيداء:: الاسيد مديور فاتاي
الكل:: 😱
صحر:: 😰 م م من منين عرفتي
عبد العاطي::(مصدوم) منين عرفتي ؟؟؟؟ شناوا واش انت انت
نهيلة:: 😭 انت مولات الفعلة
كريمة:: 😱
خديجة:: باغا تقتلينا
جود:: ( شدها من شعرها وقجها ) انت باغا تقتلي مرتي اه وزيدي واليديك من الفوق يا الق.... اه
صحر:: كح كح ط ... ل ق ني
جود:: ليوم نقتل مك
جيداء:: لااا جود عافاك طلق
اليكساندرا:: جود متهورش طلقها
سفيان:: والله انا مننو ننحرها (كيجرو) رصااا اصاحبي
جود::(بعدوه) طلقوني المرض
خديجة:: شنووو درناليك شنووو تاباغا تقتلينا
صحر:: حيييت مكتجيوش من جيهتي من صغري وانتوما كتحكمو فيا لا ديري هادي لا لبسي هادي لفلوس تعطيوني بلقياس وديما مفضلين كلشي عليا وزيدو خليتوني نطلق من راجلي وانت انهيلة عارفة هاد العائلة معادين معايا وتصاحبتي معاهم ودغيا درتي بلاصة وسطهم وانت ديما فرحانة ليا بزينك انا حيدتو ليك ههه وانت امدام بناصر غير جيتي دغيا درتي بلاصة وسطهم انا سنين مدرتهاش كلشي كيتفنن فجمالك وطول شعرك فينما نجلس مع لبنات كتيبداو اتغزلو فيك واناااا انا تاحد فيكم مقالي كلمة زوينة خصارة حبستوني اما منخرج من هنا حتى نصفيها ليكم كلكووووووم ياريت لو داك الولد ميرجعش وتقتلو هاديك خيتي وتهنيني منشوفش الفرحة على وجهكم كون مخطفاتوش هي انا كنت نخطفو ونقتلو بايدييييي ....... فررررن اييي وضربتها بجرية تبعوها كيجريو لكن مشدوهاش وقفو وهما كيشوفو فمنضرها ضربتها طوموبيل كانت غاديا بجهد طيرتها للفوق وطاحت للارض تحركت جوج حركات وقلبت عينيها 😱 شافوها غير الدراري و اليكساندرا ولداخل خديجة شدت قلبها
نهيلة:: ماما هاكي شربي الماء
خديجة:: عبد العاطي خرج شوفها واقعا شيحاجة انا اكيدة
عبد العاطي:: خليها كانت باغا تقتلنا ومزال كتفكري فيها انا صاخط عليها دنيا واخرة معنديش بنت سميتها صحر ..... قال هاد الكلمات حتى دخل ايوب وصلهم لخبار تصدمو رغم كلشي راها بنتهم صدمتهم فيها لكن كتبقا من دمهم تسعقو جات لومبيلونص والبوليس وقعت كارتة فهاد النهار كلشي تقلب مرة اخرى باقي مخرجوش من مشكل وقع مشكيل اخر خديجة سخفت واضطرو اهزوها لسبيطار لان حالتها مأزمة عبد العاطي معاودش هضر مزال حيت عارف بنتو كيفاش عاشت وشحال ديال الناس ادات وعمرها مرحمت شي حد مزرعاتش باش تحصد ورغم كلشي كيبقا العلم عند الله من شنو غيوقع معاها جيداء شدات بيتها هي و مها وبنتها حداها تاحد باقي متيق شنو وقع كلشي فدقة كانو فحالة دهول وضروري واخا ميبغيوش اعاونو صحر لكن فوجه واليديها غيوقفو معاهم خصوصا رضوان حيت كتبقا مت ولدو ....... كانت خديجة فلكلينيك حداها نهيلة وكريمة اما عبد العاطي والدراري كيساينو العملية للي غتدار ليها وشنو واقهدع معاها بقاو ساعات وهما كيتسناو حتى خرج الطبيب
عبد العاطي:: شنو وضعها
طبيب:: العملية نجحت لكن عندها كسور شديدة للي تسببات ليها فاعاقة دائمة
رضوان:: شنوو
طبيب:: للاسف مغتقدرش تتحرك مرة اخرى لا تمشي لا حتى حاجة حيت العمود الفقري تضرر ليعدها ممكن تهضر فقط
عبد..:: لا حول ولا قوة الا بالله ووقتاش تخرج
طبيب:: باقي الحال على هادشي حيت باقي مفاقت غنتسناوها تفيق ونشوفو واش كلشي مزيان عاد نقولولكم وقتاش غتخرج سمحو ليا دابا (مشا)
جود :: كيبقات خالتي خديجة
عبد العاطي:: مزيانة اولدي سمحولينا جينا خربنا ليكم عائلتكم
سفيان:: متقولش هكا نتوما نعندكم دخل فشنو دارت بنتكم
لؤي:: بصح وراه ربي جازاها على افعالها
ايوب:: الله اهدي مخلق....
جيداء كل شوي كتتاصل بجود.تطمن عليه مع شنو وقع ولات خايفة لاتوقعلو شيحاجة مابقاتش حاسة بأمان نهائيا دراري تعطلو فالسبيطار دازو عند خديجة حتى ولات شوي وجابوها للدار كانت حالتها حالة مسكينا عبد العاطي اعتاذر كثر من مرة على شنو كان غيوقع ..... داز النهار مخربق بزز باش سالا ..............
ليوم نهار جديد فاق جود اول واحد بسباب تلفون من غريب
جود:: الو
غريب:: سمحليا تاصلت بكري
جود:: لا لا معليش واش كينا شيحاجة
غريب:: اه ارقام السيارة للي صورو عرفنا ديالمن
جود:: !!! ديالمن
غربب:: محمد العلاوي
جود:: شنووو
جيداء:: جود ؟ مالك
جود:: (دارلها حركة سكتي ) تأكدتو
غريب:: اه قالي جواد على شنو وقع بيناتكم دابا غنحققو معاه باش نعرفو شنو علاقتو بالقضية
جود:: مكنضنش عندو شي علاقة حيت للي عندو ايد فالقضية ا !!! دابا صحر باين ماشي هي يعني بقات وحدة للي مشكوك فامرها
جيداء:: واخا ...... جود دخل غسل خرج لبس ومشا لقا كلثوم طالعة
جود:: كلثوم اجي
كلثوم:: نعام مسيو
جود:: فين الوليد ومرتو
كلثوم:: هبطو للفطور
جود:: تلفونك عندك
كلثوم:: اه
جود:: هاري نمرة
كلثوم:: 🤨 لاش
جود:: 😑 (خدا التلفون كيكتب ) غادي تهبطي وتحضيهم الى بانليك واحد فيهم جاي طالع تاصلي باش نخرج من بيتهم
كلثوم:: اويلي اشناوي دير
جود:: 🙄
كلثوم:: احم واخا صافي كون هاني
جود:: يالله سربينا ....... مشا وهي هبطات بقات مقابلاهم جود دخل للبيت وبقا كيقلب فين كينين وراقيها قلب قلب حتى لقا بزطامها فيه لاكارط خداها صورها رجعع داكشي وخرج تلاقا بجيداء خارجة هازة بنتها من البيت وهو كيدوز نمرة كلثوم للي غير سمعت تلفون قفزت
جود:: صافي ساليت غير سيري لشغالك
كلثوم:: واخا (قطع)
جيداء:: معامن داوي
جود:: من بعد وقوليك بب 😉 .... وهما هابطين تمت اليكساندرا هابطة كان غريب لقا المربية وتاصل بيها
اليكساندرا:: صباح الخير
جيداء:: صباح النور
اليكس:: جود مسالي باغاك دابا
جود:: وي مسالي
اليكس:: يالله عندنا شي غراض
جيداء:: شنو عندكم ؟؟؟
اليكس:: غير اورينا شي معلومات مغنهضروش هنا لحيوط اسمعو من بعد يالله انت نسربيو
جود:: واخا (باس جيداء) نرجع ونهضرو بب 😉.....
غريب كان على تواصل مع اليكساندرا حقق فلاليست ديال المربيات وبعد ساعات وصل لشكون خدامة عند سامية ماكانش متأكد هز ليكيب ديالو وتحرك طبعا رسل لبلاصة لاليكساندرا بما انها داخلة فالعملية قالتها لجود مشا معاها تلاقاو تماك لعنوان المربية دققو وحلات بنت تكون فعمرها ديك ١٨
البنت:: شكون نتوما
اليكساندرا:: حنا بوليس كينا نجمة ازهار
البنت:: لا ماما ماكيناش كتخرج صباح بكري ومكتجي حتى لليل يعني مايمكنش تتسناوها
جود:: بلاما تخافي
غريب:: تاصلي بيها غادي تجي
البنت:: وعلاش
اليكساندرا:: باغينها ضروري ممكن ندخلو (مخلاتهاش حتى جوبات دخلت دورت عينيها فالدار باين مافحالهمش جلسو فالصالون للي كان صغير وجات البنت جلست) تاصلي ومتبيني والو باش ميوقع حتى مشكيل اممم فين باباك
البنت:: بابا مريض فبيتو ماكيهضرش وماكيتحركش
غريب:: اممم غتاصلي تقولي عتقي بابا معرفت مالو
البنت:: غنكدب هاكا
اليكساندرا:: خاص ماماك تجي ولا غتدخل للحبس دابا تاصلي خليك مخلوعة مزيانة غتنفعك باش تيقك يالله
جود:: انت كبيرة وغتفهمينا الامر متعلق بموت او حياة شخص ضروري نوصلو ليها
البنت:: واخا 😥..... ونيت تاصلت ونجمة غير سمعات خلات كلشي وجات كتجري ماهي الا دقائق وكانت فالدار دخلت كتغوت
نجمة:: اه هاهو لكن خاصكم تسربيو حيت غيسافرو لشي مدينة اخرى
جود:: شنوو 😯😠 تفووو واش متأكدة
نجمة:: اه كانت كتدوي مع شيحد وفاش كنت جايا عطاتني فلوسي باش منعاودش نرجع حيت غاديا لفاس يالله جاتهم واحد الطوموبيل غتديهم
غريب(بزربا جبد صورة السيارة) هادي
نجمة :: اه اه هي
غريب:: مدام غتمشي معانا ضروري
نجمة:: واخا ...... قالو هادشي وخرجو كيجريو باش الحقوهم وصلو وكانت نيت الطوموبيل عند العمارة غريب كان تاصل باش ارسلو ليه الدعم جاو وحاوطو المكان كان كلشي محاصر
نجمة:: واخا واخا ........ هبطت كترعد وطلعت تبعها غريب واليكساندرا وقفو بعاد باش الى شافت من العين ميبانوش دقت ونيت سولتها لاش رجعت وجاوبت كيف قالو ليها مع حلت مع هجمت عليها اليكساندرا وشدتها من شعرها بالفقصة 😅
سامية:: طلقيييي طلقيييي وااااااااععع ......
جود مكانش صابر كان تابعهم وغير سمعها هكاك كتغوت دخل كيجري وشدها من شعرها وجلس عليها بالخبيط كيضرب نيت بحالا مدابز مع راجل بحالو حاولو ابعدوه لكن والو ولا وجها كللو دمايات بزز باش ناض مللي تفكر ياسين غريب شدها دارليها المينوط وجود مشا كيقاقلب حتى بانليه فالسيري ديال الدراري صغار وناعس بقا واقف عند الباب ودموعو كيطوحو فرح فرح بزاااااف وبالفرحة بكا قرب هزو وخشاه فحضنو كيردد "الحمد لله" وكيبكي جات اليكس حطت ايدها على كتفو وكطبطب عليه واخيرتدا تهناو من هاد الكبوس واخيرا ياسين رجع لباه هبطو من تماك وخلاو البوليس اتكلف بخدمتو هبطو عند الطوموبيل كان غريب كيدوي مع جواد فالتلفون وخبرو بشيحاجة
جود:: !!!!!! شنووووو ......... متيقش بقا كيشوف فغريب شحال من بعد طلع للاوطو واليكس ركب اللور وكسيرا حتى وصل للفيلا دخل جود دغيا ساعر كان كلشي فالصالون جيداء غير شافت دم فحويجو تخلعت
جود:: جيداااء رسااااي(كيبعدها) جيداااااء ( تسمع صوت ياسين كيبكي وصوت ياسمين حداهم حتى هي كلشي وقف مفاهم والو دارو لوخرين تصدمو من شنو كيشوفو جيداء دارت ببطء حتى بانليها حطت ايدها على فمها وكتحرك راسها بالنفي كانت واقفة اليكساندرا فالباب وهازاه وبالصداع للي كان تاحد مشافها جات جيداء كتجري خداتو لحضنها وكتبكييييي جا جود عنقهم
جود:: ششششت لاش لبكا
جيداء:: (شافت فيه) ياك مكنحلمش هو رجعتوه ليا
جود:: اه ولدنا احبيبة وهو بيخير
يارينا:: كيفاش درتو ليه
اليكساندرا:: من بعد وايتشرح هادشي مدام ...
جوادو علي :: السلام عليكم
الكل:: وعليكم السلام
جواد:: مدام بالناصر خاصك تفضلي معانا للقسم .....
مختار:: ماشي مدام بناصر مابقات كتربطني بيها حتى علاقة من هاد اللحظة هي طالق وعدتها تكملها فالحبس
مينة:: عافاك امختار
مختار:: متقربييييش لياااا
مينة:: انا كنبغيك
عتيقة:: اويلي قربتي تموتي وباقا تقولي كنبغيك
مينة:: متندويش معاك انت وانت للي شارفة قربتي تموتي انا اه كنت مرت محمد العلاوي لكن تزوجت غري ضد فمختار مللي تزوج ياسمين هو معرفنيش بيمن مزوجة لكن انا كنت عارفة كلشي عليه مللي تقربنا وولينا مزيانين تطلقت من راجلي وخليت بنتي وبقيت تابعاه (شافت فيه) بقيت تابعاك باش تبغيني وبعد سنين عاد وصلت لمرادي راويا غلطات فاش قتلات ياسمين لكن هي كانت تابعا باها وماسوقيش فيها لكن نهار تشفيتو فيها هنا وحيت بسبابكم دخلت للحبس انااا كرهتكم خديتو فلوس للي كنت كناخد من مختار وخليتوه اكتب كلشي ليكم وزيد ماخليتوليشش حتى الدار للي كنت فيها هادشي علاش بغيت نححرق قلوبكم وناخد لفلوس للي خديتو ولقيت سامية للي عرفت من صحر بللي كانت فرقاتكم مدة ولقيتها نيت باغا تتهنا منكم وتنتاقم وداك النهار للي تحرقت فيه نهيلة كنت هو فين غناخد ولدكم لكن عرفت خطة صحر بالصدفة هي فين خرجت من الباب اللوراني اجلت الخطة مع سامية ودخلت ونهار لاخر انا هزيت ولدكم بايدي ودرتو فسلة وهبطتو من السرجم دبيتي فين كانت كتسنا سامية وداتو وتاحد معاق معرفتش كيفاش عرفتوني لكن خصارة كنت باغا نشوف نهايتكم وننتاقم لبنتييييي
سفيان:: انت سباب شنو وقع لا انت لا دوك ق....ات لاخرين كنقسمليك باللله وتطيحي فايدي حتى ندفنك حية
اليكساندرا:: سووووفياااان 😐 باراكا صافي
مينة:: مختار ....(قاطعها مختار) منسمعش حسك جواااد دي عليا هادي من هنا
جواد:: واخا
مينة:: (كتعافر معاهم باش ميديروش ليها المينوط) لا لااا مختار متخليهمش ايديونيييي مختاااااار (خرجوها )
رضوان:: لا حول ولا قوة الا بالله
فاطمة:: كانت لفعة بيناتنا ومعارفينش
سلوى:: الحمد لله تهنينا منها
مريم:: والحمد لله رجع لينا ياسين
جيداء:: اه الحمد لله اوووف
رجاء:: كل واحد كياخد جزاءو فهاد الحياة
ايوب:: بصح فالاول راويا من بعد صحر ومن بعد هادي
جود :: اه شنو خبار صحر
رضوان:: راه مشاو عندها واليديها ونهيلة للسبيطار
فاطمة:: وقتاش غتخرج
كريمة:: شي سيمانة وتخرج وغيرجعو لمراكش
توفيق:: وا للي دار الدنب كيستاهل لعقوبة لكن رغم كلشي كنتمناو ربي اشافيها حيت واليديها للي غيتعدبو
محمد:: بصح
جيداء:: فرحة كبيرة فيا والله اووف واخيرا دابا خصنا نخرجو من هنا
ميساء:: بصح صافي خلينا نمشيو للقصر ونبداو من جديد ونتمنى حياتنا تسالي من المشاكيل
جود:: انا غنطلع نبدل ونرتاح
يارينا:: بصح اولدي دابا عاد غترتاحو مللي ولدكم رجع
توفيق:: الله اخليهم ليكم
الكل:: امين ........ طلع جود هو الاول جيداء بقات جالسة وشادة جود ولبنات جلسو اعنكشو فيه كانو فرحانين لرجوعو بقاو شحال جالسين مختار مكانش حامل راسو طلع لبيتو هو وياسمين
محمد:: راه تاصلو صباح لقصر تقاد
سعاد:: ربيعة تماك
محمد:: اه صباح مشات وراه الخداممة جداد عاونوهم
عبد الرحيم:: دابا كلشي مقاد الكاميرات دايرين بلقصر كللو وكينين حتى فشي بلايص وسط لقصر
عتيقة:: ان شاء الله منطيحوش فنفس المشاكيل براكا غير شنو داز علينا
احلام:: وقتاش غنمشيو
رضوان:: كنضن صافي غير نخليوهم اجنعولينا حويجنا وهاد الفيلا تتسد حتى تباع
سفيان:: وي ضروري
جيداء:: انا نطلع ونطلع ولادي معايا
توفيق:: حنا غنمشيو
جيداء:: علاش
توفيق:: باراكا غير المدة للي جلسنا معاك فغياب ياسين دابا ردي لبال لولادك وراجلك وحنا راه مرة مرة نطلو عليكم
عبد الرحيم:: بقاو علاش غتمشيو دابا
توفيق:: حتى حنا نرتاحو كنا مشغولين على ياسين ومكنعسوش مزيان دابا وقت الراحة
عتيقة:: بصح واللاهيلا ليوم عاد غنعس مزيان
يارينا:: بسلامة عليكم ...... سلمو عليهم جيداء هزت ولادها واحد هك وواحد هك وطلعات بشوي عليها دخلت للبيت وجود خرج من الدوش كان لاوي عليه فوطة من التحت قرب ليها حاوطها بايديه وبيناتهم ولادهم باسهم عاد باسها
جيداء:: 😊 بصحة حبيبي
جود:: اعطك الصحة حبيبتي (باسها)
جيداء::(بعدت) خليني نحط لولاد غنصدق مطيحاهم
جود::(خدا ياسين) هاري نحطوهم الالة راه معندك فين تهربي منني
جيداء::(حطوهم) مغنهربش غير ولادك وخصني ندوش لياسين ونبدل ليه
جيداء:: حبيبي ولدنا هو الاول نبدل ليه نحيد دوك لحويج معرفت منين جايباهم وندوش ليه وديك ساعة انا ليك
جود:: شنو مابقيتش من اولوياتك اولا ؟🤨
جيداء:: لاااا بب انت الكل فالكل غير متنساش مدة وولدي بعيد عليا غير ندوشوليه اناوياك ونبدل ليه ونديرلليك للي بغيتي
جود:: للي بغيت ؟ يعني انت ماباغاش
جيداء:: هانتا بديتي كتحرف هضرتي
جود:: واخا واخا الالة ديري للي عجبك(بعد منها)
جيداء:: ويلي كعيتي (شدت ايدو) حبيبي
جود:: امم
جيداء :: واش كتفكر بللي انا مباغاكش؟
جود:: وشنو معنات هادشي
جيداء :: انت عارف انا باغاك ومواحشاك كيفك لكن نطمنو على ياسين بب وغدا ضروري نديوه لطبيب
جود:: عااارف حبيبة مقلتش عكس هادشي
جيداء:: وشنو🤨
جود:: (ربع ايدو) منستاهلش كلام زوين قبل متمشي لولدك ولا كتدللي غا ولادك
جيداء:: ههههههه مغيار
جود : سيري عوميه سيري ولا غنرجع فكلمتي
جيداء:: ههه هانا غادا ........ كانت غادة رجعت باستو دغيا ففمو خلاتو ضحك عاد مشات قادت بانيو ديال لي بيبي وعومات ياسين وجود حداها مقابلها سالات جاب فوطتو دارهالو وحطوه فالسرير بقا جود كيمسحليه وهي قادت داكشي عاد جابتلو حويجو بدلو ليه رضعاتو وحطوه انعس مللي سالات دارت لعند جود كان متكي وكيشوف فالسقف وساهي حتى قربت باستو
جيداء::(شاف فيها) فين ساهي حبيبي
جود::(حط ايدو فحنكها) فشنو دزنا مننو (جرها ليه تكات فصدرو) فالمشاكيل للي كانو كبار بلا قياس وخرجنا منهم
جيداء:: بما اننا بزوج ماينش شيحاجة توقف فطريقنا
جود:: وي
جيداء:: وماكينش للي غيبعدني على حبيبي
جود:: عمر شيحد اقد ابعدنا حياتي انت
جيداء:: انت كلشي عندي كنبغيك اجود
جود:: وانا كنموت فيك حبيبة ديالي ما بخانسيس
جيداء:: ههه شوي غيطلهو لبنات اجمعو حويجنا
جود:: صافي غنمشيو
جيداء:: ويي
جود::(تنهد) حسن محد حنا هنا وحادثة الوليدة مكتحيدش من راسي فوقما نكون طالع كنشوف بيتها كنتخايل كيفاش شفناها
جيداء:: (بعدت ووضعت ايدها على وجهو)صافي متفكرش فداكشي حبيبي دابا غنبداو من جديد اه بلاصة خالتي عمرها تعمر وعمر شيحد غينساها فينا كاملين لكن خصنا نتعايشو مع الوضع
جود:: وي داكشي ....... غنمشيو غدا؟
جيداء:: وي ليوم غينقصو شيحاجة اجي انت متغديتيش
جود:: لا
جيداء:: ويلي وشنو كتسنا راه العاصر غيودن بقا هنا قابل ولادننا نهبط نصوبليك شيحاجة ونجي
اول مقررت زواج كنت حاطها فايد الله يا نرتاح مع البنت للي ختارولي يا لا لكن غير شفتها عجبتني ونهار على نهار كبرت بلاصتها عندي وبغيتها بصح واخا عمرها صغير لكن بعقلها مكدير الحاجة حتى كتفكر فيها شحال من مرة كانت كتعامل مع المشاكل بدكاء من غير نهار مشات لروسيا لكن عذرتها حيت ولدنا هداك للي ضاع ونفسيتها كانت محطمة رجعت ورجعتلي روحي معاها وقفات معايا فموت الوليدة وواساتني غير وجودها كان كافي باش نرتاح ونعرف راسي راني عايش غير تكون حدايا عيني ماكيبعدوش عليها دايرا بحال المغناطيس ديما جابداني ليها نقد نقولكم بدات حياتي مللي تزوجتها ممكن صغيرة لكن تعاملها معايا كزوجة نقد نقول بنت كبيرة وتقدر متعاملش بحالها كتخاف عليا كتهتم ليا وديما راحتي هي اللولة كنغيها بكل تفاصيلها وهايم فيها وكيف قلت هي راحتي .... داز على راسنا بزاف لكن باقين شادين فبعضياتنا كلنا كنت كنشوف كيفاش كتخفف عليا فاختفاء ياسين واخا هي محطمة لكن على قبلي كتكابر ... فاش تخطف ياسين عاد فهمت معنا ولدك ابعد عليك عاد فهمت علاش الوليدة كانت ماباغانيش نعيش بعيد وعاد فهمت علاش جدة باغانا نبقاو عائلة كلها مع بعضنا الله اسمح لينا من الولدين .....
{الكاتبة}
[ بقا جود متكي وكيفكر فالانسانة للي سلبت عقلو وروحو .....اما جيداء فهبطت للكوزينة دارتليهم طيارة كتجري من قنت لقنت باش تصاوبلو دغيا مياكل ولبنات معاونينها(خدامات) .... مختار دخل لبيتو هو وياسمين لانه حس بشنو دار وعرف راسو ضلم ياسمين فاش كانت عايشة بسبتبو مرت بأزمة قلبية وبسبابو بكات وبسباب تهاونو ولادو كرهوه وبعدو عليه وبسبابو وقع لياسين هكاك تكا فسريرهم ودموعو سالو .... باش تعرف بللي الانسان للي تقتي فيه غير غدار وهو للي مآدي عائلتك صعيبة حيت تيقتك فالناس كلهم كتزعزع مختار كان حاس بالخنقة وكيلوم راسو على كلشي للي وقع ..... سفيان ورجاء كانو فرحانين فبيتهم لرجوع ولد جود وجالسين كيلعبو مع ولدهم
رجاء:: كنت متوقعة اي حاجة الا انها دير هاد الفعلة
سفيان::(تنهد) داك القوم ممكن ايدير اي حاجة
رجاء:: باباك غيكون بيخير
سفيان:: معرفتش مللي طلع قبالة مبان
رجاء:: غتفوت ان شاء الله حبيبي خاصك تخرج شوي غيجيو لبنات اجمعو حويجنا
سفيان:: وي غنخرج مع الدراري واحد شوي ونخرجو
رجاء:: اوك....... اما عند لؤي وهاجر فكانو احداث اخرين
كريمة:: شكرا حبيبي 😊....... اما عند مصيبتنا رميساء وايوب مسكين
ايوب:: وااااا الدبة راك غتفركعي الى بقيتي عاطياها غا لشكلاط
رميساء:: وانت سووووقك
ايوب:: رميساء شوفي قداش وليتي وباقا زايدا فيه او ربعة البكيات كل نهار غيجيك السكار
رميساء:: سير بعد منني غا انت وانت للي غطلعلي السكار
ايوب:: لا حول ولا قوة الا بالله راه انت للي غتعدبي فلولادة ماشي انا
رميساء:: 😳 شنو
ايوب:: هفف (جلس حداها) حبيبة راه الغلظ بزاااف غيعدبك فلولادة
رميساء:: 😭😭 واعععععع
ايوب:: ششششت شششت صافي واااع على مصيبة عطاني الله .....
رميساء::😭😭 الى حبست الشكلاط صافي نولد مزيان
ايوب:: غير نقصي مننو ماشي تحبسيه
رميساء:: (كتشوف فيه وعينيها فيهم الدموع) مكتفلاش عليا
ايوب:: والله كنهضر معاك بصح حبيبة نقصي مننو ومتبقايش غير جالسة تحركي
رميساء:: واخا صافي
ايوب:: شفتي حبيبتي كتولي زوينة مللي كتسمع الهضرة
رميساء::😊...... هكا ضحكها وخلاها مرتاحة اما لبنات احلام مريم سلوى و ميساء وسليمة كل وحدة فالتلفون مع خطيبها ولعيالات مشغولين مع جميع لحوايج ...... هادشي فالفيلا غنخرجو شوي لفين كينا اليكساندرا كيحققو مع سامية و مينة غريب شاد سامبة واليكساندرا شادة مينة
غريب:: كيفاش خططتو لهادشي
سامية:: كنت جيت نهار ولدت جيداء للفيلا ومخلاونيش الحراس ندخل وبقيت تماك فاش كانت هبطت كينة من الطوموبيل وشافتني جات سولتني وعاودتليها شنو وقع خدات نمرتي وقالت ليا عندي شيحاجة خاصك تعاونيني فيها صافي عطيتها ليها ومشبت حتى تاصلت بيا الغد كنا تافقنا نهار السبوع ناخدوه لكن كانو حاضينو بزااف واخا دخلت للفيلا مقدرتش نهزو
غريب:: لكن علاش درتو هادشي
سامية:: انا كنبغيه اعواظ وفالاخير تزوج شنو ندييير ولاحني بلا ريال بلا جوجخرحت من خدمتي وبقيت فداىنا خوتي ايدورو اعيروني وماما تدور وتنكر
غريب:: فخبارك مك تبرات منك وخوتد محلفين عليك
سامية:: هانا هنا جالسة شاربة وناعسة اللهم هنا ولا دارنا
غريب::: اممم ..........
.........
اليكس:: هممم وانت شنو كان هدفك من البداية
مينة:: انا كنت كنبغبه وتزوج عليا قلت غير نتزوك بيه وغناخد املاكو وديك الساعة نمشيه على كيفي لكن ولادو طلعو قافزين وخلاوه اكتب ليهم كلشي تصدمت فاش عرفت ها
شي ومن تماد وانا كنخطط حتى تلاقيت بسامية وتماك فرحت حيت اناخد شيحاجة من املاكهم لكن
اليكس:: لكن صدقو مزورين ياك
مينة:: اه😠 دابا انت غيحلاليك الجو وغتاخدي ليا راطلي
اليكس:: ههههههعههه واللن هو مابكاش راجلك وهادشي خاض بيا ناخدو مناخدوش سوكي هداك 😊 حياة سعيدة فهاد الحبس سي يوووو......... خلاتها وخرجت وقعت على شيوراق فالادارة شكرت غريب وجواد وعلي على مجهوداتهم عاد خرجت رجعت للفيلا كانت سليمة جالسة مشات عندها
اليكس:: سوسو جالسة بوحدك
سليمة:: 😊 وي كنهضر فالتلفون يالله قطعت
اليكس:: مع المسيو وقتاش الخطبة
سليمة:: غير نتحولو للقصر وغيحددو موعد مع جدة
اليكس:: ايوا مبروك تفاهمتو
سليمة:: صراحة شكرا بزااااف بيك باش ثدرت نهضر معاه
اليكس:: متشكرينيش عادي كان خاص للي انصحك وانا درت غير شنو عارفا 😊 فين جيداء
سليمة:: يالله طلعات الماكلة لجود وهما فبيتهم
اليكس:: اه اوكي خليهم ارتاحو انا نطلع
سليمة:: اوك ..... تمت طالعة حتى بانليها مختار خارج من بيت ياسمين وهاز شنطة صغيرة شافها وقف
مختار:: شنو درتو
اليكس: اتتارفو بكلشي وغدا ادوزوهم للمحكمة
مختار:: شحال ممكن اتشدو
اليكس:: عندهم من 10 سنين ل20 عام بين هاد المدة ممكن خمسطاش على حساب القاضي شنو غيشوف حيت هادي جريمة خطف طفل باقي موصلش ل16عام
مختار:: لكن هادشي وقع معطل ياربت كون عرفت حقيقتها قبل مندير شنو درت فياسمين
اليكس:: (تنهدت) ......
اليكساندرا:: داكشي مكتاب والمهم نقدتو عائلتكم دابا جا الوقت للي تكفر على اخطاءك ب انك ترد البال العائلتك وتدير شنو كانت باغا ياسمين وهي عايشة
مختار:: بصح شكرا ليك حيت وقفتي معانا
اليكس:: هدا واجب سمحلي غنمشي نرتاح
مختار:: وي تفضلي ....... بقا حاضيها حتى مشات ومشا لبيت اخر هو جلس فيه ...... جيداء كانت طلعات الماكلة لجود وبقات معاه حتى كمل .... كان كلشي تجمع وكلشي مقاد جود غير كمل ماكلتو خرج هو والدراري ادوزو شوية الوقت بوحدهممشاو للكافي دومونداو اشباغين وبقاو كيتحتو شحال
جود:: ايوب بغيتك تكلف ليا بشيحاجة
ايوب:: وي
جود:: على شنو وقع بغيت نخرج صدقة
فسفيان :: فكرة زوينة
رضوان:: بصح
لؤي:: فين غتخرجها
جود:: معرفتش ايوب غيسول وغتكلف شيحد من الشركة اللوازم الشهرية ديال كل دار منقيق زيت وداكشي للي غالي عليهم شريهم جمعو ليا الميزانية ونخلص
ايوب:: صافي واخا غزلان .ب كون هاني عبد الكبير (خدام معاهم) اتكلف بهادشي
جود:: اوكي .............كملو جلستهم ..........
فالليل كلشي كان فطبلة العشا حتى عائلة صحر
عتيقة:: غدا لبنات كلكم عيطو على رجالتكم وعائلتهم للقصر غنديرو عشا كبير ونتوما اسي عبد العاطي غتأجلو مشيتكم حتى تشرفونا للقصر
عبد العاطي:: ماباغيش ندخل صحر عندكم
عبد الرحيم:: لواه صافي للي وقع وقع دابا غدا تخرج جيبوها للقصر وبقاو حتى للغد وايوصلوكم حتى للدار فمراكش
عبد العاطي:: ان شاء الله شكرا ليكم
محمد:: العفو حنا راه عائلة
عتيقة:: اه قوليها اجيداءغزلان .ب لخوالاتك وواليديك ايجيو باش نحتافلو جميع برجوع ولدنا لينا
جيداء:: 😊 واخا ان شاء الله اجدة ......تعشاو فجو عائلي طبعا 100% وناضو تفرقو على غرفهم اخر ليلة ليهم فهاد الفيلا
كان كلشي فايق كلشي واجد والطوموبيلات عند الباب طبعا باكاجهم سبقهم صباح بكري باقين غير هما 😅 جود هز بنتو وجيداء ولدها وتمو هابطين لقاو العائلة لتحت كيتسناو اتجمعو باش اخرجو فدقة وغير هبط كلشي تفرقو على الطوموبيلات وتحركو كانو فرحانين حيت غادين لحياة جديدة من لقصر غتبدا حياة اخرى بعادين على شنو وقع فالماضي قررو اسدو دفتر الماضي وافتحو واحد اخر بصفاحي بيضين على أمل انهم غيعمرو غير بالافراح والاحداث السعيدة وصلو كلهم كانت حراسة مشددة على القصر ودخلو كانو كاع الخدامات واقفين باش استقبلوهم كان لقصير كبير بزاااااف وبفراش عصري وك
تجمعو على لفطور جميع حتى لشوي وناض عبد العاطي وخديجة مشا معاهم رضوان باش ايجيبو صحر وشوي كلشي تفرق لبيوتهم .... جيداء وجود طلعو لبيتهم حطو ولادهم فالسرير
جيداء:: ديكور زوين
جود:: ويي عرفتو غيعجبك
جيداء:: اناوياك حطمنا الرقم القياسي فتغيير الديور
جود:: ههههه وي (قربها ليه وكيدوز ايدو فوجها) ان شاء الله اخر مرة نبدلوه غنبقاو هنا حتى نكبرو ولادنا ونشرفو بزوج
جيداء:: كان تاصل فاشش وقع المشكل وقالي حتى تلقاوه ان شاء الله وجي ولبارح عرفها وقالي دوزي عندي
جود:: ايمتا
جيداء:: هاد الايام
جود:: واخا
جيداء::(باستو فحنكو) ميغسي شيغي
جود:: انا باغيك ديري شنو عاجبك مغنمنعكش لكن كيف التافقنا دارك هي اللولة
جيداء:: وييي عارفة الى حسيت براسي مقادراش غنجلس
جود:: اوكي بب 😊..... بقاو فبيتهم جود جبد شي دواصا جلس اخدم وجيداء ملاهيا مع ولادها هو شوي اخدم شوي اسها فيها كيفاش كتعامل مع ولادها وكيفاش فرحانة وهي كتعتاني بيهم لغدا كلشي كان مشغول تغداو مفرقين ابطالنا فضلو اتغداو اونصومبل طلعولهم ماكلتهم تغداو تماك وجلسو اتحتتو
جيداء:: خلينا نهبطو نشوف لقصر مضرتش فيه
جود:: شحال من مرة جيتي ومشفتيهش
جيداء:: والله كان كيبانليا غا بيت ولدي نوض نوض غنخرجو نبداو من الدخلة .... جراتو وهبطو يالله خرجو مع الباب كانت مريم جايا وعينها حمرين جود يالله غيهضر تلاحت فحضنو ........
جود:: مالك !!!!
جيداء:: مريم شنو واقع
مربم:: هئ هئ هئ هئ ش ششفتو هئ
جود:: واخا سكتي باش نفهمو اجي للجردة باش متشوفكش مرت عمي جيداء جيبي الماء
جيداء:: واخا ...... شدها مشاو للجردة جلسها تقابل معاها وهي كتبكي جابت جيداء الماء شربت وسكتت
جود:: (شاف فيها وابتسم) انت قهوتي الى كنتي حدايا هكا ماكيبقا فيا والو (باسها) نكملو شكنا غنديرو
جيداء:: وي بب يالله ....... شابكو ايديهم وتمو غادين وراها لقصر من برا ومن اللور حدا لبسين وكلشي جاو عيد العاطي جابو صحر ودخلو ارتاحو .... بداو الخدم كيقادو الطبلة طويلة برا فالجردة وكل شوي كيجي شيحد جاو عائلة جيداء وهاجر شوي عائلة رجاء حتى داز الوقت وجاو خالات جيداء وحمزة ومرتو معاهم مكانش فخبارهم شنو وقع مع ياسين حتى لقاوه عاد قالوها لحمزة ودابا قرر ايجي اطمن عليها حيت رغم كلشي كتبقا هي البنت للي كيبغي واخا تزوج وواخا مرتاح مع مرتو لكن حب جيداء مبغاش احيد ...... ماهي الا ساعة كلشي كان مجموع فالصالون المغربي البلدي لكبييير
ام جابر:: الحمد لله على سلامتو ابنتي والله قلبي كان عندكم
جيداء:: شكرا الله اسلمك
ام جابر:: ايوا دابا بما ان كلشي واجد خصنا نديرو العرس
ام علي وجواد:: حتى حنا عوالين نهضرو على هادشي نيت راه دراري زربانين
عبد الرحيم:: اهاه بما ان كلشي تقاد الحمد لله منعطلوكمش ياك امختار
نختار:: اه بصح وقتما وجدو وراقكم ديرو العقد والعرس معرفتش واش متافقين عليه
ميساء:: انا ماباغاش العرس
رميساء:: علاش ديريه كلاك نديروه كبير انت صغيرة فال.ار
سفيان:: بصح مايمكنش تخرجي من هنا بلا عرس
جابر:: وانا معنديش مشكيل (تم داخل خالد ومو وباه وختو)
خالد:: السلام عليكم (جود شاف فمريم للي كتشوف فيه حتى هي زعما تدخل ولا غنهضر حرك بيها راسو بمعنى سكتي )
الكل : وعليكم السلام (سلمو وجلسو )
اب خالد:: سمحو لينا تعطلنا
محمد:: لا معليش
اب جواد وعلي:: لقيتونا داوين فموضوع الزواج
ام خالد:: بصح حتى حنا بغينا نسربيو نديرو العرس
جود:: لكن حنا مابقيناش عاطينكم البنت.....
خالد:: شنووو ؟؟؟ علاش
سفيان:: علاش ؟؟؟
عبد الرحيم:: علاش قلتي هكا اولدي
جود:: سولوه هو شنو دار
لؤي:: شنو واقع اخالد
خالد:: غير حيت تلهيت عليها على ود الخدمة
جود:: خالد راه حنا ماشي براهش هنا
ختو:: اش وصلنا لهاد الهضرة دابا
جود:: كنهضر مع الرجال ماشي مع لعيالات انا (محملتش راسها)
اب خالد:: سكتي انت وانت شنو درتي
خالد:: حتى انا مفاهم والو
مريم:: كادوياتكم راه غتكون الخدامة حطتهم ليكم فالطوموبيل وحتى الخاتم حتى هو
عبد الرحيم:: واااش غتشرحو شنو واقع
جود:: عمي راه مايمكنش نعطيو البنت لواحد عندو علاقة مع وحدة اخرى
اب خالد:: شنووووو خاليييد😠
خالد:: 😥 انا لا منين جبتو هاد الهضرة
حمزة:: شنو كيتفلاو هنا
محمد:: مللي قالها جود مغاديش نعطيوكم البنت
خالد:: لكن انا واللهما
مربم:: سكوووووووت متحلفش (جبدت تلفونها ومشات عند باه) شووف
اب خالد::(عرق بسباب شنو شاف) لا حول ولا قوة الا بالله
ام خالد:: راه انت للي غيتزوج هادشي كيبقا غير نزوة
صليحة:: شناهيااااا نزوة بنات الناس لعبة عندو ولا شنو وا مللي مو كتقول هكا شنو غيدير الولد واخا تقبلو تعطيوها انا واللهلا عطيتها
اب خالد:: سمحو لينا اسي عبد الرحيم معرفت فين ندير وجهي
لؤي:: انت معليك والو غير ولدك بانلي باقي خصو اتربا
خالد:: اييه جمع فمك
جواد:: وانت حتارم راسك باراكا غير شوهة للي داير هادوك ماشي فعايل الرجال
اخت خالد:: شنو باغين تحاماو
فاتن(اخت جابر):: والله كون خويا للي دارها منزيدش نحل فمي بلعي لسانك ودردبي
خالد:: (وقف ووقفو عائلتو) كتجريو
جابر:: والله مللي خارج بعضامك صحاح راه تعاملنا معاك
علي:: غاتغبر ومنشوفوش وجهك مرة اخرى هنا وبنتنا غنجيبوليه محسن منك
هشام(للي باغي سليمة):: قدك قد هاكا وباقي كتفلا على لبنات
خالد:: م.....
ايوب:: ربييييييعااااا (كيشوف فيه)
ربيعة:: نعااام
ايوب:: وصلي الناس للباب واخر مرة اعتبو هنا
ربيعة:: واخا (داتهم وهما محاملينش راسهم وخرجو عطاه باه واحد تصرفيقة وركبو مشاو )
عتيقة:: والله من الاول مرتاحيتش ليه هناك الله
مريم:: ولا انا اجدة
ام جابر:: معليش هادي تعلمك ابنتي متيقي فحد ومزيان عرفتيه قبل ميطرا والو
جود:: بصح هاد التمرميدة خليه اتفكرها حياتو كلها
سفيان:: كيدرتب حتى منوضتيهاش مللي عرفتي
جود:: وا صافي تعلمنا الصبر
اليكساندرا:: من الاول عرفت فيه دغل
سليمة:: خاصك انت تقرايلينا للي باغين نتزوجو باش نكونو مطمنين
الكل:: ههههههه
اليكس:: الطيب كيبان فيه والخايب كيبان فيه وهانتي شفتي كيفاش كلهم معجبهمش الحال وكلهم دافعو وتدخلو فالموضوع من هنا تعرفي بللي معتابرينكم عائلتهم من الجيست للي دارو غيبانليكم
عتيقة:: بصح الله ارضي عليكم اوليداتي
ام جابر:: ايوا هكا نتافقو دابا غير اتجمعو وراقهم نديرو العقد
مختار:: على بركة الله
ام هشام:: وحنا جايبين لخواتم الى وافقتو نعتابرو ليوم خطبة
محمد:: الى قبلت الام والعروسة معندناش مشكيل
غاطمة:: انا منزيدهم غير الخير
ام هشام:: وانت اسليمة
سليمة:: للي قرروها خوالي انا معاهم
اب هشام:: ايوا نقولو مبروك ......
تجمعو العائلة كلها فالجردة للي كانت مقادة مضوية بالشموع بالضواو تاهما كان جو زوين خرجو تماك لبس هشام الخاتم لسليمة زغرتو وباركولهم وتفرقو كياخدو من البيفي شنو بغاو لكن رضوان وقف عند عبد العاطي ولبنات تجمعو كيساينو شنو غيجاوب
رضوان:: باغي نهضر معاك
عبد العاطي:: اييه اولدي الله اسمعنا خبار الخير
رضوان:: احم (دوز ايدو على راسو ) بغيت نهضر معاك على نهيلة
عبد العاطي:: !!! علاش شنو كين
رضوان:: لا لا ماشي شيحاجة صراحة بغيتها تبقا هنا اولا تكمل العلاج ديالها وتاني حاجة تخدم هنا
عبد العاطي:: علاش غتخدم هنا
رضوان:: انت عارف هي عاجباها الخدمة عندنا و هنا غتحقق شنو باغا وحتى كريمة و لبنات (شاف فيهم ) شوف كيف كيتسناوك تقول اه
عبد العاطي(دار شافهم ورجع شاف فيه) :: اشغنقوليك انا مولف نهيلة حدايا ومعمرا علينا الدار
رضوان:: وا غيجي نهار لبي تمشي لدار راجلها وديك ساعة مغتبقا لا هنا لا عندك وهانتا كين حل كل سيمانة ولا اي وقت بغيتي تشوفها غنصيفطها ليك هي وريان
عبد العاطي:: معرفت منقول
نهيلة:: (جات ) مالكم
عبد العاطي:: مزيان مللي جيتي واش تبغي تبقاي هنا
نهيلة:: كيفاس
عبد العاطي:: تبقاي هنا تكملي علاج وتخدمي مع رضوان
نهيلة:: 😍 بصح ابابا غتخيليني
عبد العاطي:: الىىبغيتي نخليك
نهيلة:: اه اه باغا شكرا شكرا (طارت عنقات)
عبد...:: هههه المهم غتصرفي بحال انا كين منبغيش نعرفك درتي شي مصيبة نكونة مفاهمين من هنا داك دوران والسيبة ماكيناش
رضوان:: راه انا كين رااني بحال خوها اي حاجة مغديرها حتى تتشاور معايا
عبد العاطي:: الله ارضي عليكم ....... مشات كتجري عند لبنات فرحانة وهما فرحو معاها حيت خالقة جو زوين شوي جا حمزة وقف على جيداء ولبنات تفرقو كل وحدة عند راجلها
حمزة:: مهضرناش مللي جيت
جيداء:: وي مكانش وقت كيدير انت بيخير
حمزة:: وي مزيان وانت على سلامة ياسين
جيداء:: شكرا الله اسلمك
حمزة:: كنت مسافر مكانتش فخباري حتى جيت لبارح وقالوليا شنو وقع
جيداء:: اه معليش (كتقلب براسها) فين خولة(مرتو)
حمزة:: دخلات تغسل وتجي
جيداء:: اه قريب حتى انت اجيك ولد مبروك قالتهالي ماما
حمزة:: الله ابارك فيك ( جود غير هز راسو بانولي حط شنو فايدو وجا حط ايدو على خصرها)
جود:: مجمعين
حمزة:: .....
حمزة:: غير بررت علاش مجيتش فاش وقع المشكيل حيت كنت مسافر
جود:: هضر فحدود وماشي بوحدكم ماباغيس مشاكيل مزال وكنضن هضرنا قبل على هادشي ودابا مرحبا بيك عندنا وسير تعشا ....... تحرك وخلاه واقف غير كيشوف جود كان معصب لكن حاول ابرد دخل نيشان عند جيداء كانت يالله هابطة جرها للبيرو
جيداء:: حبيبي مالك
جود:: شنووو موقفك معاه
جيداء:: حبيبي
جود:: جيدااااء
جيداء:: والو راه قاليك شنو قال كان كيسول وكيعتاذر حيت مسولش فولدنا صافي
جود:: وشنو كنا هصرنا
جيداء:: واش غنبقاو فنفس الموضوع فينما ابان حمزة
جود:: اه مغنشوفش واحد كيبغي مرتي وانت تاتحتي معاه وغير بجوجكم
جيداء:: 😠 مكتيقش فياااا
جود: مكنتيقش فيييه هوااااااا وهضرة وحدة تفاهمنا عليها
جيداء:: عارفااا وانا ميمكنش ايجي ادوي معايا ونجري عليه راجل عتاذر ليا وبدين صفحة جديدة متبقاش تدخل لراسك تخربيق اجود راجل تزوج ومرتو حاملة
جود:: مترفعيش صوتك اجيدااااء
اليكساندرا:: شنو واقع هنا !!! لاش صوتكم واص حتى لبرا
جود:: هاد لمراة غتحمقني
اليكس:: ششششت بردو بلا غوات
جيداء:: اليكس تيغير من حمزة
اليكس:: 🙄
جود:: اوووف من حقي
اليكس:: دابا بردو باش ميوقع حتى مشكيل خرج اجود بدل ساعة باخرى
جود:: واخا (خرج وردخ الباب)
جيداء:: اووووف (جلست )
اليكس (بالروسية):: راجلك عندو الحق ايغير
جيداء:: لكن حلينا الموضوع
اليكس:: حليتو موضوع انه اتعرض ليك ماشي موضوع انه كيبغيك
جيداء:: بمعنى
اليكساندرا:: حمزة كيبغيك وكلشي عارف هادشي فينما كنهضر معاه كيكون موضوعو انت اجيداء هو كيبغيك واخا معجب بمرتو ومرتاح معاها لكن حبو ليك باقي
جيداء:: 😔 وشنو دنبي
اليكس:: (جليت مقابلة معاها) ماشي دنب لكن انت خاصك تفاداي المشاكيل هو ماباغيكش توقفي معاه بوحدكم شفتو كيفاش تحولات ملاميحو مللي شافكم ماشي غير هو حتى مرت حمزة
جيداء:: وشنو ندير
اليكس:: متبقايش تجاوبي مع راجلك هكاك ولا ترفعي صوتك عليه فمواضيع بحال هادي هو غاير عليك وانت خصك تفهميه متقلبيش على راحت حمزة خصك تقلبي على راحت راجلك هو الاول حيت هو المهم
جيداء:: (بعدت شوي وطلعت راسها فيه) عارفة تصرفت بغلط معاك وكنواعدك اخر مرة تلقاني واقفة معاه بوحدنا
جود:: واخا اجيداء من بعد وندويو
جيداء:: غوبة مقلق منني
جود:: غير خليني طريقة باش هضرتي وزيدي انا مسمعيتينيش شنو كنقول تفهمتي خالتك وانا لا
جيداء:: لااا ر....
جود:: شششت صاف غير قلبي الموضوع دابا خلينا نمشيو عند العائلة ....... خلاها وزاد مشا عند العائلة جلس كلشي عرفهم او نقولو فهمو بللي واقع مشكيل بيناتهم جيداء مبغاتش تحكر مشات جلست وسط خالاتها
جوليا:: واقع شي مشكيل
جيداء:: ماشي شيحاجة 😊 (كتشوف فجود وحتى هو حاضيها وعاقدهم)
يارينا:: علاش نوضتوها عوتاني
جيداء:: صافي اماما قلتلك ماشي شيحاجة خلينا نكملو هاد لعشا على خير
الينا:: متعصبيش ابنتي كلشي كيتحل ...... بقاو كل وحدين كيهضرو بوحدهم حتى ناش عبد الرحيم
عبد الرحيم:: احم احم ممكن تسمعوني (كلشي سكت ونتابه ليه ) دابا حنا كلنا عائلة وحدة فرحان بزاف حيت عائلتنا كبرات هكا وللي مفرحني كثر اننا تجاوزنا عوائق كبيرة وبقينا صامدين جميع كنتمنى حياتنا من لقدام تكون احسن وتكون المشاكيل للي تزورنا خفيفة ومكتسبب الم لحتى فرد من هاد العائلة
الكل:: امين
عبد الرحيم:: صراحة عندي كلمة شكر باغي نقدمها ل اليكساندرا حيت هي للي عاونتنا بزاااف فهاد القصية الاخيرة طبعا منساوش جواد وعلي لكن هي اينفوا عرفات المشكل خلات كلشي وجات على قبل باش تعاون جيداء كنشكرك على مساندتك لينا
اليكساندرا:: قلتهالكم فالاول جيداء راه بنتي وولدها كنعتابرو ولد بنتي اكيد غندير كلشي للي نقدر عليه باش نعتقو واي حاجة كانت غتمس هاد العائلة للي انا وحدة منها غندخل باش نبعدها
عتيقة:: فرحنا مللي جيتي وتعرفنا عليك نتمناو الام ديالكم حتى هي تقدر تجي
اليكس:: انا غنمشي عندها دابا
جيداء:: شنوو غتمشي
اليكس:: وي ساليت مهمتي ورتاحيت من جيهتك دابا غتبقاي انت تجي وحتى العائلة كاملة
تزوجت غريب الجزء الثامن
محتوى القصة
التنقل بين الأجزاء