جود:: لؤي وقت لخدمة دابا سير قدي شغالك واحد 10 دقايق عندي اجتماع
لؤي:: واخا هانا غادي لكن مطالقكش...
[ السلام عارفة دخلتكم دخلة مخربقا المهم الشخصيات للي كانو كيدويو غنعرفكم بيهم جود هو شاب دو بنية رياضية عيون زورق شعر شهب كللو على بعضو حلو 😍
لؤي كيشبه لجود فالبنية عيونو بنية شعرو كحل وبجوج فعمرهم 29 سنة هما ابناء عم كيعتابرو راسسهم خوت كثر من ولاد عم غير شدو لباك طلعو استقررو ففرنسا اسسو شركة وحدهم مستقلين على شركة العائلة ، جود كيفما فهمتو فهو قرر اتزوج فجأة تاصل بممو وقالها ليها وهي وجداه جاتهم من الجنة والناس كانو اصلا حاطين عينهم على لبنت خاص غير اعطيهم الموافقة......
لؤي خرج لمكتب ديالو وجود كمل شنو فايديه ومشا لاجتماعو.....
نمشيو للوطن عند البطلة جيداء 19سنة طولها عادي عيونها فالرمادي غادي للخضر شعرها فالماغو طوييييل فايت مؤخرتها وقوي بالنسبة للفورمة فكل المؤهلات موجودة ^^ جيداء شدت الباك على 17 عام قرات وراه عامين فلانفوكغافي ودفعت باش تقرا حتى الفوطوكغافي بغات تقراها لانها خايدا التصوير كهواية ... جيداء البنت الوحيدة عند واليديها توفيق و يارينا مها روسية الاصل هما عائلة ميسورة ساكنين ففيلا صغيرة فحي راقي وبجنبهم فيلا لعائلة هاجر وهي الصديقة المقربة والوحيدة للجيداء نفس السن تبعو نفس الشعبة وكلشي كيديروه بزوج اه نسيت بزوج محجبات هاجر شعرها كحل متوسط الطول اي واصل لنص الظهر عيونها بنيين طايها كيبحال جيداء .... جيداء سكوتية كتهظر بلقياس ومكتقللش احترامها على شيحد ظريفة لاقصى درجة لكن الى تعصبت غير بعد من حداها ...... .... دابا نخليكم مع البطلة ]
السلام كنظن الكاتبة حكات على كلشي المهم انا الوحيدة كيف قالت عند عائلتي وكيخافو عليا من ابسط لحويج كنحسهم هازييين هم كبير بسبابي ديما بابا كيقولي "مغنرتاح حتى ديري دارك والى مت نموت مرتاح" الله احفظهم ليا فاش ساليت قرايتي خبرتني ماما بللي شي ناس جاو طلبوني انا كنت رافضة هاد الفكرة لكن شفتهم مقتانعين ومرتاحين لهاد العائلة وبما انه ما فحياتي حد فكرت مزيان قبل منوافق حيت اول حاجا غنهنني واليديا من هممي واخا مكنتش باغا نتزوج فهاد السن مي معليش ... وكين سبب اخر وافقت على وددو وهو واحد ولد خالتي حمزة مصدعني من شحال باغي اتزوج بيا فاش كنت فالباك كان جا عندي للليسي....
حمزة:: ( واقفين حدا الطوموبيل) جيداء باقيى مابغيتيش اهديك الله
جيداء:: 😠لكن انا لا (حيدت ايدها وبعدت) انا مكنفكرش فالزواج حيت يالله غنبدا نحقق شنو باغا ميمكنش نربط حياتي بشخص من دابا بسلامة ........... خليتو وزدت حيت ديرونجاني ديما نفس الموضوع و تلاتة لمرات هو كيطلب ايدي وسط العائلة وكيقولي هكاك كنبغيك كيحشمني مي نفس الجواب كيلقاه من عندي واخا كيبقا فيا صراحة هو زوين وديما كل عيد ميلاد الكادوات كيجيوني من عندو لكن شخصيتو قاسية بزاف وكيتحكم بلا قياس واخا مابيناتنا والو وعندو بنات بزاف وانا عدويا هكا كنبغي نكون انا محط اهتمام الشخص للي كيقول كيبغيني واخا كيبقا فيا لكن هادشي للي عطا الله.... المهم بعد معطيت موافقتي كانو جاو واليديه وخواتاتو وخوه كنهضر على زوجي المستقبلي او خطيبي جاو هضرو على شنو غيديرو وقررو بللي غير ايجي لعريس نديرو العقد انا قلت ليهم ماباغا عرس وقالت لي خالتي ياسمين وهي ام لعريس بللي حتى هو ماعندوش مع عراس وهكا عطاوني صورة ديالو صراحة زوين لا شيحاجة كتر من زوين😍 عيونو زورق شعير شهب واااه ميحسابليش عندنا الزين فالمغرب وسميتو جووود ^^ يااااااه الفونون خخخخخ هاجر غير شافت تصويرة قالتليك والو بغيت نشوفو نيشان .... المهم بعد مدة جات جداتو عتيقة و ممو جابوليا دهازي وركبتلي ممو الخاتم دالخطبة واتادرو لعدم حضور جود وحيت مدارتش الخطبة صراحة معجبنيش الحال مي ماما قالتلي بللي دوا مع بابا واعتاذر حيت عندو خدمة يعني المهم عطا عذر و هاجر غير دور وتنك فوق راسي
هاجر:: غير قوليليا واش هادي كلها خدمة على الاقل ايجي ايدير خطبة وديك الساعة امشي
انا :: معليش المهم عتاذر لبابا وباراكا غير عائلتو جاو
هاجر:: معرفت ليك خفت غير ايكونو ملصقين ليك شي صعلوك🤔
انا:: -_-
هاجر:: هانا ساكتة
نفس الحوار كيدوز يوميا حتى لبعد اسبوع مع هاجر كتبات معايا بزاف كنا سهرانين بجوج على واحد الفيلم حتى جات عندنا ماما
يارينا:: باقين سهرانين
انا:: اه واحد شوي بما سالا الفيلم وغنعسو
هاجر:: اجي تفرجي معانا
ماما:: لا انا جيت نهضر معاك اجيداء ونمشي.....
انا:: وي شنو كين😯
يارينا:: تاصلت بينا ياسمين
انا:: كين شيحاجة ؟😐
هاجر:: ياكما فسخو الخوطوبة 😱
يارينا::-_- الله امسخك
انا:: حشمي شوي خلينا نعرفو شنو كين🤨
يارينا:: المهم جود غيجي هاد السيمانة فالوييكاند
هاجر:: 😍 بصح وااااه واخيرا
انا:: يا البقرة واش غتزوجي بيه انت و لا انا😏
هاجر:: تيي راه غنعرفو الحقيقة واش هو للي فتصويرة ولالا
يارينا :: (ناضت) خليكم دابزو هانا غادا
انا: بلاتي فين غادا
يارينا:: اه بصح راه نهار للي غيجي غديرو العقد
انا:: شنوووووو
يارينا :: اه غير وجدي راسك راه الراجل مشغول عندهم مشاكيل فالخدمة
انا:: !!!!
يارينا:: المهم باك راه ملاقي بيه وكيف قلت ليكم شحال من مرة هضر معاه فالتلفون لو معرفوش مقاد ميوافقش من الاولى نوضو نعسو غدا غنفيقو بكري
انا:: لاش
ماما:: نشريو كلشي من شنو خاصك حيت نهار العقد غتمشي معندناش الوقت
انا:: ( وقفت قدامها) دغيا😯 ؟؟
ماما:: انت ماباغاش العرس شنو بغيتي نديرو ليك
انا:: اه ماباغاش العرس لكن ندير العقد ونبقا شوي هنا😔
يارينا :: تفاهمي معاه انا وصلت ليك شنو باغين المهم تصبحو على خير (حتى كانت غتخرج ورجعت عنقتها) كنت باغا نفرح بيك بعرس كبير لكن راسك قاسح المهم ابنتي هادشي راه لمصلاحتك البنت تزوج خصها تكون فدارها ابنتي وهادو هما العادات (بعدت ) يالله الله ارضي عليكم نوضو تنعسو (مشات)
هاجر:: ستذهبين
انا:: اوووف ☹
هاجر:: عارفة صعيبة تعيشي مع شيحد مكتعرفيه مكيعرفك لكن هادي هي سنة الحياة
انا:: امم
هاحر:: كلشي غيكون بييخير والمهم عائلتو عرفتيهم وشتيهم ظريفين من غير ديك السوسة ديال ختو.....
انا:: مهامانيش انا اوووف الفيلم سالا نوضي نعسو نوضي....
[ نخليوهم اينعسو ونعاودليكم شوي على عائلة جود عندو خوه سفيان 32 سنة خاطب وكين رميساء 26 سنة و كين ميساء19 سنة بالنسبة لرميساء مللي جاو شافو جيداء وهي دور وتلوح ليها فالهضرة وبما ان جيداء طبعها هادي متسوقتش ليها حيت هي ضاسرة غير مع واليديها وهاجر اما البراني فحسها ماكيتسمعش قليل ....... نمشيو عند جود للي دوز نهار فالخدمة ومللي سالا فلعشيا تاصل بتوفيق وقاليه الهضرة للي وصلت يارينا لجيداء وحدد معاه النهار للي جاي فيه وطلع لدارو نعس .... الغد فاق غسل بدل هبط فطر وتاصل بياسمين
ياسمين:: الو
جود:: السلام
ياسمين::ولدي لاباس عليك
جود::الحمد لله الوليدة وانتوما
ياسمين::بيخير الله ارضي عليك
جود:: الوليدة بغيت نمرت جيداء !
ياسمين::اه اولدي انرسلها ليك دابا ياكما كين باس
جود:: لا ماكين والو غير بغيت نهضر معاها اه راه الدار واجدة الى ساليتي دوزي شوفيها وقولي ليا واش كلشي مزيان
ياسمين:: زعما للي فراسك كديرو باغي تسكن بوحدك
جود :: ماما ماباغيش انوض صداع شينهار انت عارفة انا ورميساء كيف ديرين اي تصرف منها غنجمع حويجي ونخرج اللهما من الاول نسكن بوحدي
ياسمين::واخا عنداك تخرج لينا شي شغل نهار العقد باراكا غير مدرناش خطبة مقادة
جود::كوني هانيا مقاد كلشي
ياسمين::واخا بسلامة اولدي.... قطع معاها هز سوارتو وخرج ركب طوموبيلتو وتحرك غير وصلاتو النمرة تاصل.....] ..... وصل نهار جديد فقت بكري انا وهاجر بدلنا وهبطنا وجدنا لفطور مع مي حليمة هي خدامة من شحال عند ماما و بابا و هي للي مربياني عاوناها وجدنا الطبلة انا فطرت قطتي اه مقلتش ليكم مربية قطة مينوشة غير سالينا صونا تلفوني سمعتو مشيت ليه كان فالكوزينا لقيت هاجر مجاوبة
هاجر:: الو
جود:: بونجوغ جيداء
هاجر::لا اخويا ماشي جيداء شكون
جود::اه وي ديزولي امكن الرقم غالط
هاجر::لا راه الرقم ديال جيداء غير انا ماشي جيداء شكون انت
انا:: ( نترت ليها التلفون) واش حمقة ... الو
جود::وي
انا:: ديزولي شكون معايا
جود:: انا جود.....
انا::😳اا ااا اه معاك جيداء راه احم صاحبتي للي جاوبت
جود::المهم على ود كين شي مشاكل هنا فالخدمة كان صعيب باش نحضر ونديرو خطبة وحيت عارف مغيكونش الوقت حتى الى جيت هادشي علاش قلت نديرو عقد.وكلشي و انت ماباغاش العرس يك
انا::اه مابغيتش😊
جود:: المهم راه الدار🏡 للي غنسكنو فيها واجدة
انا:: 😳غنسكنو بوحدنا
جود::وي خللي الوليدة تديك تشوفيها الى معجباتكش شيحاجة بدليها☺
انا:: نو معليش حتى وكان تجي ونشوفها
جود:: معنديش مشكل وقتما بغيتي تمشي راه الوليدة تديك و الى محتاجة اي حاجة قوليها ليهم ايوجدوها ليك
جود::ماكيهمنيش انا معطيتهاش امل نهائيا كانت باغا تبان بللي راه معايا قدام صحابها راه سايرتها
لؤي:: وي المهم مشكيلتها حلها من بعد السكرتيرة قطعت؟
جود:: وي كلشي مزيان
لؤي:: هضرتي مع البنت
جود::من داك نهار مهضرناش
لؤي:: -_- لا حول ولا قوة الا بالله كنحاول نفهمك وتقول واش واش تاتبغي تفهم نوض تكعد.نمشيو فحالاتنا .... كل واحد مشا لدارو ].... اليوم عارضينا واليدين جود للغدا لبست شوميز فالخزي وصايا باج وفيها وريدات بالخزي والباج وزيف باج درت سنسلة طويلة مع المكانة والخاتم 💍ولبست صباط باج درت عكر وايلاينر وهبطت كانت هاجر جات وكتلعب مع مينوشتي🐈
هاجر::على السلامة تلاتة سوايع غاباش تلبسي
انا::وعليكم السلام بدينا بالنكير
مي حليمة::هنيونا وخرجو راه ماماك وباباك برا
انا::انت مغتمشيش
مي حليمة:: لا ابنتي غير سيرو نتوما انا عيانة باغا غير نرتاح
انا::واخا ارتاحي ليك يالله انت زيدي قدامي....
هاجر::هاهيا غادا ..... خرجنا لقينا بابا للي سايق حداه ماما ركبنا لور طريق كلها وحنا مناقرين تا وصلنا حاسة بتوتر كبير قريت المعودتين و دخلت حلت الخدامة كانت عندهم فيلا كبيييييرا ديررا من فيلتنا تلاتة شوي تمت جايا خالتي ياسمين
ميساء:: عرفتي اجيداء انت خويا غتجيو زوينين مع بعضياتكم
جيداء:: 😳
هاجر::ههههه 😂حشمتيها
ميساء:: 🤣دابا راه ولينا صحابات متحشمييش منني وكنهضر بصح والله
جيداء:: شكرا 😊
ميساء:: غير هو طبعو راه صعيب بزااف مي انت باينة كتسمعي الهضرة متلقايش معاه مشكل 😄
جيداء:: كيفاش 🤔
ميساء:: حيت جود مكيحملش للي ادير عكس هضرتو ولا اشد معاه ضد ماكيحمل احصل عليك شيحاجة مخبياها ولا كدبتي عليه فيها
هاجر:: غير ايكون هاني جيداء غير تسوليها تسريب ليك كلشي بالخلعة (خنزرت فيها)
ميساء::🤣هههههه انا غير بغيت نعطيك صورة سطحية عليه وغير تجمعو وغتوللي عارفاه انت
هاجر:: علاش انت ضريفة على ختك
انا:: هاجااااار 😮
ميساء::ههه غير خليها رميساء هي ولات هكا عصبية بلا قياس ومكتحملش شي حد حسن منها وطبعا مكانتش هكا كانت ظريفة بزاف حتى وقعو شي مشاكل خلاوها تقلب 180 درجة هي و جود ماكيتلاقاوش جود كيجي اسبوع مكاملش غير حيت الى طول كيدابزو هي لسانها ولا كيف الموس الماضي غير اتحل كيجرح
انا:: لكن خصصو ايجي ايشوف واليديه
ميساء:: كيجي خصوصا لعرف شيحد فماما وبابا عيان كل سيمانة كيجي ايشوفهم ويرجع خصوصا هما يالله اعوام قليلة باش اسسو شركتهم تماك ودابا ناويين استقررو فالمغرب هدا لاش مجاش فالخطبة
هاجر:: امممم دابا فاش غيجي غيجي بمرة
مميساء:: واللهما عرفت اقدر ارجع اسافر مي مغتكونش مدة طويلة
انا:: ايوا الله يسر ليه .......... بقينا على الهضرة حتى جات الخدامة كلمتنا نتغداو تغدينا وبقينا مجمعين كلنا حتى دخلت رميساء قالت السلام وضربت تخنزيرة وجلست حنا بقينا شوي وتحركنا واخا بقاو علينا نبقاو حتى الليل لكن بابا رفض مع دخلت بديت كنبدل جات ماما
ماما:: (حلت لباب ودخلت ) جيداء
انا:: ويي ماما !! مالك ؟؟ ....
ماما:: غدا غيجي جود وراه غدا غديرو العقد 📝
انا:: شنوووو 😥
ماما :: اه ابنتي خليك لابسة نخرجو نجيبو قفطانك👘
انا:: لكن.( صونا تلفوني ) جود 📲
ماما:: جاوبيه و انا لتحت كنتسناك (خرجت )
انا:: السلام
جود:: السلام صافا ؟
انا:: وي الحمد لله و انت؟
جود:: بيخير غيكون باباك قاليك على غدا
انا:: ويي لكن ماشي بزربا خللي غير حتى لبعد غدا بيما صاوبت شنو باغا
جود:: اي حاجة بغيتيها قوليها للوليدة اوجدوها ليك انا بغيت ندير العقد باش نجلس شي 3 ايام وخصني نرجع نسافر
انا::( حتى بغات تبدا تناقش وتفكرت هضرت رميساء وهي تسكت) صافي واخا 😔
جود:: المهم بغيت غير نعلمك والى حتاجيتي اي حاجة قوليها
جيداء:: نو مامحتاجة والو شكرا 😒
جود:: اوكي بسلامة
انا:: الله اجيبك على خير 😳
جود:: (بعد ثواني من الصمت) امين .....[ جود حس بشعور فشكل هدا لاش سكت بعد مهضرت جيداء سكت وقال امين وقالها بسلامة وقطع ، بقا جالس وساهي وديك الكلمة كتعاود ليه وبصوتها ديما كيسمعها من عند مو كتجيه عادي كيقول امين وصاف لكن دابا حس بشعور اخر شعور جديد عمرو حسسو بقا شوي على ديك الحال من بعد نفض افكارو وناض خرج مشا تلاقا لؤي وخرجو تقداو شيحاجات كمل ومشاو لديورهم ....... الغد كان كلشي فايق جود ولؤي فالسما جايين للمغرب عائلة جود كيحضرو لضريب صداق للي غيكون غير صغير غتكون عائلة توفيق وعائلة ياسمين و مختار فقط وغير لقرابين مع عائلة هاجر مها وباها ،،، بالنسبة لجيداء فالنعاس مابغاش ايجيها خرجت مع مها لبارح مغيبة للي قالتو يارينا تاتقول اه وصافي وفلليل نعاس والو مابغاش ايجيها تاصبح الحال غمضت شوي وناضت توجد راسها دوشت🛀 دوش نيييت خرجت لقات هاجر كتسناها
هاجر؛: صبااااح الورد 🌹الالة لعروسة 👰
جيداء:: 😔 صباح الخير
هاجر:: مال الزين كاعي
جيداء:: مانعستش مزيان 😪
هاجر:: شيحاجة عادية مع التورتر اصاحبتي ختي فاش بغات تزوج راه جاتها سريسرا
جيداء:: هههههه
هاجر:: هكاك ضحكي وخللي كولشي فايد الله ان شاء الله كلشي ايدوز بيخير غير نوضي تفطري
جيداء :: واخا ...... لبست عليها بيجامة هبطت سلمت على مها وباها فطرت داغي وطلعت لبيتها حيت عائلتها بداو كيجيو جاو عمامها جوج عيسى اب هند و محمود وعمتها خديجة و رشيدة للي عندها بنت نجية وجداها طلعو بينت عمها هند و بنت عمتها نجية و كين خالتها الينا و جوليا ام حمزة حتى هي مزوجا مغربي وعايشين كلهم فالمغرب، جيداء كانت متكيا ودايرا ماسك هي وهاجر وطالقين موسيقى هاديا حتى دخلو عليهم
نجية:: السلام
جيداء:: (ناضت وهضرت بشوي) وعليكم السلام
هند:: غير خليكم مرتاحين نجلسو حتى تساليو
هاجر:: (كتهضر بشوي عل قبل الماسك) نو سالا الوقت اصلا (دخلو غسلو وخرجو )
جيداء:: انا مديراش هادشي تخبية وكنضن ماشي وقت هاد الهضرة (دارت عند هاجر) هاجار شوفيليا عافاك قطتي واش وكلوها ولا نساوها
هاجر:: واخا (خرجت ) ...... بقات جيداء جالسا كتدير كريمات وهما جالسين اتغامزو من للور نجية فعمرها 29 سنة و هند 27 هدا لاش مفقوصين حيت بنت فعمر 19 غتزوج وهما لا جات هاجر هازة مينوشة حتى جات كوافورة خرجو دوك جوجات صوبو ليها وجها وخلاوها تصاوب الفولار بوحدها لبست قفطانها للي فالغوز ومطروز بالدهبي من جيهت السفيفةختي قرب للبتحت دارت فولار فالدهبي وصباط فنفس اللون وجلست هاجر لبسات فراشة فالزرق مع فولار فالباج وصباط فالباج ... لتحت كان كلشي واجد لحليب وتمر تقدم لعائلة لعريس،،، مع الدخلة جود🤵 كان لابس كوستيم فالنواغ جاه زوين عائلة جيداء بقاو غير حالين فمهم وهو داخل عاقد حجبانو كيف ديما ...
دخل جود وتوفيق و مختار لصالون مع لعدول وطلعت ميساء هي للي كلمت جيداء وهاجر تمو مهبطينها بصلاة وسلام حتى دخلت جيداء مهزتش عينيها كلها كترعد وعينيها فالارض اما جود فغير دخلت جيداء هز عينو فيها كان كيتسناها تشوف فيه لكن هي مقدرتش تهز عينيها جلسوها حداه بدا لعدول فمراسم الزواج وقعو العقد📝 وتعالت الزغاريت فالفيلا كان الكل فرحان وكين للي متغاض وقفو قالها مبروك جوباتو بصوت منخافض مد دراعو 👫شدت فيه وتقدمو عندهم للصالون لكبير بداو بشطيح والحيحة 💃💃جابو لحليب وتمر وكلها ووكلاتو شوي شرياتو لحليب🥛 وهي مع شرباتو هزت عينها فيه وتلاقاو عينيهم هو مع شافها 👀وحلت ليه 😂😂😂 بدا كيكح
اؤي:: (فهمو) عا بشوي عليك اصاحبي (ضربو لكفاه)
جود:: كح كح سمحولي ..... خنزر فلؤي ودار عند جيداء بانتليه تزنكت ،،، جيداء غير وقع هادشي دارت بانوليها بنات عائلتها كيضحكو وحتى رميساء هدا لاش مرضاتش احسابليها معجباتوش ولا شيحاجة هكا ،، ركب ليها الخاتم وحس بيها كيفاش كترعد غير ركبت ليه هو الخاتم شد فايدها ودوز ايدو لوخرا على ايدها
جود:: لاش كترجفي هكا
جيداء:: ا..احم غير ستريس
جود:: (بتاسم ودار) ....داز شوي وجمعو رجالة بوحدهم ومراوات بوحدهم تغداو جيداء غير كملت ستأدنت وناضت مع خرجت من صالون تلاقات رميساء
رميساء:: هاهاهاها 👿شفتي كيف خلعتي خويا مسكين تا وحلت ليه
جيداء:: اشهاد الهضرة 😠
رميساء:: شنو احبيبة احسابليك صافي غيشوفك غيبغيك وتعيشو سعداء متحلميش غير صبري تجمعو فدار وحدة وتشوفي
جيداء:: من الاحسن متدخليش فهادشي
جود:: (بصوت كيخوف) 😠رميساء !!!! شنو واقع هنا (شافت فيه جيداء بخوف 😥)
رمبساء:: مواقع والو غير كنبارك ليها ونوصيها عليك المهم نخليكم (مشات)
جود:: معرفتش وتاهي ماقالتليا والو سولتها لكن تهربت
لؤي:: صافي اصاحبي غير دوز ليوم نهارك متخسروش
جود:: وي يالله نجلسو باش شوي نمشيو
لؤي:: واخا زيد (دخلو عند رجال)
مختار:: غتمشيو اولدي
جود:: شوي بيما سالات جيداء
عيسى(عم جيداء):: ايوا اولدي راك ديتي وردة العائلة تهلا فيها
جود:: ان شاء الله
سمحمد (عم جيداء):: راه الله اعمرها دار مكتجاوابش مع للي كبر منها وكتحتارمهم واخا تقلق مكتقولهاش الى معرفتيهاش
توفيق:: و المهم اولدي تكون مرتاحة دابا راكم وليتو واحد مع الوقت غتفهمو بعضياتكم المهم منبغيش شي نهار تشكا ليا منك ولا شيحاجة هي للي عندي ومنبغيش شيحاجة تضرها
جود:: كون هاني اعمي مغيخصها خير معايا
مختار:: راه ولات بنتي تاهي وللي قاستها راه قاستنا وان شاء الله كلشي غيكون مزيان
الكل:: ان شاء الله
...) عند لمراوات )
ياسمين::فين جيداء
هاجر:: طلعت تأكد من حويجها وغتهبط
نجية:: صافي غتمشي هكا بلا عرس
فوزية(جدة جيداء):: البنت معندهاش مع دوك الحفلات خليوها على راحتها
عتيقة(جدة جود)::حتى جود نفس الشئ مفاهمين فهادشي بعدا ....
جوليا(خالة جيداء):: ايوا المهم فرحنا بيها وتزوجت
يارينا:: (دخلت جيداء ) بنتي كلشي هو هداك
جيداء::اه
ياسمين:: هي نمشيو
جيداء:: (تنهدت ) وي
ميساء:: انا نقولها لجود وبابا (مشات)..... مشات علمتهم بللي واجدين دراري طلعو هبطو لي فاليز ديول جيداء داروهم فالطوموبيلات ولبنات خرجو جيداء بالصلاة وسلام حتى وصلو عند لباب وبدات كتسبم عليهم وكلشي كيتباكا 😭
عتيقة:: ابنتي راك غتبقاي تشوفيهم شوف كيف طيبتي عينيك (جود غير حاضيها)
هاجر:: (عنقت جيداء) عنداك لمك غتمشي وتنسايني
جيداء:: 😢😢😢 لا
هاجر:: 😢😢😢 عارفة
لؤي:: واناري راكم غدا غتلاقاو
هاجر:: 😒
رميساء:: انا سابقاكم لطوموبيل(خرجت)
توفيق :: (عنق بنتو) ياالله ابنتي بلا بكا وسيري مع راجلك
جيداء:: (باست ايدو) واخا بسلامة 😔😢
جود:: (حاوط خصرها وهز معاها القفطان ) غير بشوي .... تحركو تحت نظرات الجميع هي مرة مرة كدور تشوفهم وترجع تشوف قدامها ركبت حدا جود لقدام ....
جود هو للي ساق تحركو وتبعوهم طوموبيلات العائلة خرجو مشاو لديورهم....]
جود:: ضروري كان غيجي النهار للي غتفرقي معاهم و انا معنديش مشكل كل نهار غير تفيقي سيري بقاي معاهم حتى وكان نكون راجع من الخدمة وندوز ليك (وقف) وهاه حتى دارنا قريبة ليهم
جيداء:: (هزت عينها كتشوف) واو زوينة😍...... كانت من برا الدار باينا كبيرة خرج جود وجا حل ليا الباب هبطت كان العساس جا كيهز فلي فاليز ، تمينا داخلين كنت حاسة بتوتر كبير كنفكر كيفاش غنتعامل مع شخص مكنعرفوش خصوصا مللي غوت فاش كانت ختو كتخربق عليا خلعني لكن تعامللو معايا بانلي مزيان هووف واللهما عرفت كاع الافكار كيجيوني فدقة 🤔
انا:: واخا ...... غير دخل مشيت هزيت غير كاندورة من ديولي ديول الدار جبدت ملابسي الداخلية 👙وبقيت جالسة حتى خرج جود كان كينشف شعرو من لفوق عريان🧖♂️ ولابس سروال دبيجامة حدرت عيني ودخلت داغي حيدت شنو لابسة دوشت 🛀لبست حويجي تماك خليت شعري مجموع فالفوطة🧖♀️ وخرجت ملقيتوش كاين ارتاحيت حيدت الفوطة وبديت كنشف بانلي سوشوار نشفت فيه يالله غنبدا ندير كريم لوجهي وهو ادخل جود حل باب وبقا واقف كيشوف فيا [ جيداء حدرت راسها
جود:: اه ... ام... نسيت تلفوني(دخل هزوو شاف فشعرها شحاااال قداش طويل وهو كيموت على الشعر الطويل شوي خرج )....غير خرج تبعاتو داغي
جيداء::جووود
هو(دار عندها):: ويي
جيداء:: كينين دابا غير بجوج 😳
جود:: اه علاش؟
جيداء:: غير على ود باش نهبط هكا (نعتت بصبعها على راسها ) 👉
جود:: (😍☺) وي كينين غير بجوج والخدامة سالات شغالها ومشات
جيداء:: اوكي
جود:: ساليتي
جيداء:: اه
جود:: اوكي اجي نهبطو ..... تم هابط وهي تابعاه كانت الطبلة طويلة ماشي بزاف كينين كراسا دييول 8 الناس لكن لعشا موجود غير لجوج اشخاص جلس جود مرأس الطبلة وهي حداه وبداو كياكلو
جيداء:: (مسحت ايديها ) واخا 🙄...... طلعت وراه مشات هزت شوميز دخلت لبساتو كان مستور شوي وكان فوق الركبة وكين بينوارو نص كم لبساتو وعاود خرجت لقاتو ناعس مع مرتاحش ليوم جيداء بقات مقابلاه شحال ابتاسمت كيبان بريئ ضحكت على راسها ودارت من الجيهة لوخرا حيدت بينوارها داغي ونعست ....
وصل نهار جديد عرسانا باقين ناعسين كانت الخداما جات بكري جمعت الدار وبدات كتوجد لفطور حتى دخلت عائلة جيداء واليديها و ليلى و علي اباء هاجر و هاجر و عتيقة جدة جيداء دخلو جلسو فالصالون و هاجر طلعت دقت فاق جود حل لباب
جود( كيدوز ايدو على شعرو):: اه السلام
هاجر:: صباح الخيير باقين ناعسين
جود:: وي جيتو كلكم....
هاجر:: باقين عائلتك
جود:: اوكي دخلي فيقيها انا ندخل نغسل ..... دخل هو وهي مشات حلت الخامية ومشات كتعنكشها
جيداء:: !! صبحنا على الله
هاجر:: ياك يا البقرة نوضي نوضي راه داركم جاو
جيداء:: (تقادت فالجلسة) ايمتا جيتو
هاجر:: غير دابا شوي جينا حنا و جداك
جيداء:: (دورت راسها) فين جود
هاجر:: دخل اغسل قال ليا نفيقك المهم انا هابطة حشومة نبقا هنا بدلي وهبطي
جيداء:: امم وليتي تحشمي سيري سيري ...... خرجت هاججر هي ناضت جبدت فراشة فالقهوي بارد غير خرج دخلت غسلت ولبست وخرجت كان جود لابس وجالس شاد تلفونو مشات صاوبت شالها وهو حاضيها قادت وجها
جيداء:: ساليتي نهبطو
جود:: انا مسالي كنت كنتسناك غير انتِ
جيداء:: اه 😅 يالله نهببطو
تمو هابطين جود شدها فايدها وكملو طريقهم كانت حتى عائلة جود جاوو واليديه خوتو و عمامو عبد الرحيم وبناتو احلام 27 سنة و مريم 24 سنة وايوب 26 سنة و رضوان 28 سنة ... و عمو محمد اب لؤي وسلوى 23 سنة عمتو فاطمة ام سليمة 30 سنة و جات خطيبة سفيان رجاء سلمو على الكل وتجمعو على لفطور للي صاوبوه فالصالون كان طويل قنت داروه للرجال ومقابل معاهم لمراوات فطور مغربي 100% بداو فطورهم وهما كيتحتو وكان كلشي فرحان غير سالاو تجمعو لبنات بوحدهم فالجردة ولمراوات ناضو للكوزينة اتعاونوو على لغدا حيت كينا غير خدامة وحدة و رجال بقاو فالصالون
سليمة:: ايوا كيدازت ليلتكم
جيداء:: مزيان
احلام:: عاوديلينا
رجاء:: داكشي كيبقا ببن الراجل ومرتو
رميساء:: بما انهم بايرات اكيد غيبغيو التفاصيل😏
جيداء و هاجر:: 😳
سليمة:: علاه انت بالسلامة باقا صغيرة
رميساء:: واخا نوصل حتى 40 عام مغنسولش على الخصوصيات ديال شخص اخر وعرفتي مكرهتشش نقولها لجود دابا ديك ساعة غنتفرج فيكم مزيان (لخرين صقلو)
جيداء:: اوكي .....رجعت عندد لبنات بقاو مجمعين حتى جات حليمة وجابت القطة و عيطو لهم تغداو وغير كلاو بقاو ممجوعين وناشطين عائلة جيداء غير شربو قهوة ومشاو هاجر بقات حتى اوصلوها فالليل غير ودعوهم ورجعو بقاو جالسين حتى وصل وقت لعشا تجمعو كيتعشاو وكيتناقشو
عتيقة:: دغيا داز الوقت وولادي وولاد ولادي كبرو وتزوجو
فاطمة:: وباقي تشوفي ولادهم ان شاء الله
عتيقة:: ان شاء الله دابا باقي غيرر ايوب
رضوان:: باقي عليه الحال
ياسمين:: لاواه علاه راه كبر
ايوب:: غير نلقاها اجدة للي تزوج بيا ومغنتعطلش
رضوان:: ههههه انت دير غير خدمتك مقاد عاد تزوج باقي بعلوك اصاحبي
ايوب:: (وقف بغضب) كترتي ألمرض
عبد الرحيم:: ايوب
ايوب:: شنو ايوب ايوب هضر معاه هو بيناتنا هانيا لكن العائلة مجموعة وهو كيهضر هك (دار عندو) و انا فعمري 26 ماشي 6 سنين فهمتي
رضوان:: (وقف وصرفقو) متعاودش ترفع صوتك عليا (كلشي خرج عينيه ورجعو دارو عند جود للي كيشوف فيهم بهدوء )
ايوب:: (دفعو) لاش ضربتي (عاود دفعو)...
رضوان::حيت خصك تربا
مختار::رضوان رصا على خوك وهنيونا
ايوب:: خاص ديلمك للي اربيك انت نيت
لؤي:: (كيحاول افرقهم) رصاو راه بعقلكم
ايوب:: قولها لهاد الجغل
رضوان::حتارم راسك😠
جود:: (بصوت عالي)😡 صااااافي المرض واش مكتحتارمو حد ؟ (وقفو وشافو فيه) مديتوهاش فلكبار راه معانا ولا فيا انا
ايوب:: (دوز ايدو على راسو) اووف بصح سمحليا مي مقدرتش نتحكم فراسي (شاف فجيداء وفلوخرين) كنعتاذر على شنو وقع (مشا خرج)
عبد الرحيم:: (مع ولدو) والله بانلي هو للي عندو عقل عليك انت من بعد ونتفاهمو على هادشي
محمد:: يالله نمشيو ونخليوهم ارتاحو
جود:: غير كملو عشلكم
عتيقة::الحمد لله اولدي حسن نمشيو راه جلسنا النهارر كللو
مختار:: وي يالله نمشيو ..... جود طول الوقت وايدو فايد جيداء خصوصا بانتليه مصدومة من شنو وقع ومابغاش هادشي اوقع وهما يالله بادين ودعو لوخرين ولؤي دا هو وميساء هاجر لدارهم عاد مشاو .....]
صراحة عمر وقع قدامي هكا ديما بعيدة على صداعات مللي وقع هكاك تصدمت كيفاش خوت دابزو هكا وجود حس كيفاش ايدي كترجف هي فين شدني وغي خرجو قربني ليه
جود:: (كيحك فحاجبو) على شنو وقع
انا:: معليش عادي
جود:: مي حسيت بايديك كيف كيرجفو
انا:: 😅 غير استغربت من الوضع شوي
جود:: حتى لبارح
انا:: 😳 نو غير
جود::غير شنو
انا:: حيت انت فاش شربتك غير شفت فيك وحلت ليك (مقابلها) قلت كوراه (عضت على قنوفتها) احم ... معجبتكش
جود:: هههههه علاش متقوليش العكس
انا::!!!!
جود:: (دوز ظهر صباعو على وجها وقرب لودنها وهظر بصوت خافت) عجبوني عينيك...... بعد عليا غمزني ضحك ومشا طلع للفوق شديت فقلبي للي دقاتو تسارعو وتحركت حيدت زيفي لحتو فوق فوتوي ومشيت للكوزينة كانت سامية (خادمة) كتجمع فالكوزينة انا صاوبت سندويش حداها جلست كليتو عاد مشيت هزيت زيفي وطلعت لقيتو بدل كيخشي حويجو فلبلاكار
لؤي:: لا حنا غدا غادين وتعرف ديك الساعة كلشي ايوا انت كيغادي مع التيتيز للي عندك
جود:: تجمع
لؤي:: هههه حكلك بغيتي تزوج غاقول راك طحتي على قنبولة اصاحبي .....
جود:: كون كنتي حدايا متهضرش هك معليش غدا ونتفاهمو اه تاصل بالسكرتيرا علمها و حتى بجوزيف باش كلشي ايكون واجد نحيدوه علينا ماباغيش نكمل سيمانة تماك
لؤي:: صافي مابقيتيش باغي تبعد على مرتك ههههه
جود:: هههه بحال داكشي يالله خليني نفطر
لؤي:: هاهو غادي سلم عليها ...(قطع)
جود:: سلم عليك لؤي
جيداء:: اسلم عليه الخير ،،،، هو خدام معاك
جود:: وي بجوج اسسنا ديك الشركة
جيداء:: غترجعو بجوج هنا
جود:: اه حسن نستاقررو هنا حدى العائلة كيبقاو ديما مشطونين
جيداء:: ^^ بصح
جود:: غدا فصباح غنمشي
هي:: وي
جود:: غتبقاي هنا ولا اتمشي عند دارركم
هي:: نو راك عارف العادات مامزيانش لعروسة ترجع لدارهم فهاد الوقت -_-
جود:: ويي ^^ صافي بقاي مع دارنا هكا حسن وغنكون مطمن كثر متبقاي بوحدك !
جيداء::😳 اه
جود:: فالليل نمشيو عندهم نباتو تماك
جيداء:: صافيي واخا..... بقاو كيهضرو حتى سالاو فطورهم وناضو هو دخل لبيروه اخدم شوي وهي طلعت كتهضر مع هاجر حيت الشهر الماجي غيبداو لقرايا وخصهم ايمشيو ادفعو وراقهم للمدراسة دوزو صباحهم هكا وغير تغداو طلعت جيداء تجمع حويجها وسالات جا جود وبقا كيوريها شنو باغي وهي كتجمع ليه غير سالات جلست مقابلة معاه فوق السرير
هاجر:: (كتقرصها) اي رصاي ناس كيعنقو و انت كتقرصي ...
لؤي::غزات فيك 😌
جيداء::^^ السلام
هاجر::سبحان الله هو السلام وانا كتقرصي
جيداء:: سرك 😋
سليمة::كتباني بعقلك 😏
سفيان:: (من وراها) و انت راك بعقلك 🤨
سليمة:: 😳
سفيان::هي راه يالله 19 انت تبارك الله راه 30 وباقا ماباغاش تقادي (شاف فجود للي سكت مللي هضر خوه باش ميتجبدش صداع اخر) يالله تعشاو ....... معاودوهاش معاه سبقهم وتبعوه كل واحد شد بلاصتو ....
مختار:: معاش طيارتكم
لؤي:: صباح بكري 8 خصنا نكونو فالمطار
رضوان:: شحال غتبقاو تماك
جود::على حساب الخدمة
محمد؛: غطولو
لؤي:: لا نقدرو سيمانة نرجع
احلام:: ومرتك
جود:: غتبقا هنا
رميساء:: 😏 مرحبا
جود:: 😠
ايوب ::انا يومين وغنطلع عندكم
لؤي:: عندكم خدمة
ايوب::اه
جود:: صافي نتلاقاو تماك
عتيقة:: ايوا الله اديكم وايجيبكم على خير
الكل:: امين.... سالاو عشاهم عمام جود وواليديه طلعو شدو بيوتهم هو تجمع هو والدراري فالفوتوي للي وسط الفيلا ولبنات فصالون بلا رميساء
سلوى::جيداء كتقراي
جيداء::اه
احلام::مي دابا غتجلسي
جيداء::لا غنكمل
سليمة:: منضنش اخليك جود
ميساء:: بيناتهم
مريم:: هما غير كينصحوها جود راه صعيب ماكيبغيش للي ضصر عليه
هاجر:: كين فرق بين لبنات وبين مرتو
مريم:: علاه شنو الفرق ماهوما مزوجين عن حب ماكيعرفو بعضياتهم ماوالو
جيداء:: كيبقا ديما تعامل خاص بين الراجل ومرتو و هاد الهضرة للي كتقولو بالنسبة ليا ماكيناش حيت جود بغاني نكمل قرايتي وندير للي بغيت (بقاو كيبقللو فعينيهم)
ميساء:: جيداء نطلعو للبيت شوي
هاجر:: وي حسن نطلعو ..... جرت هاجر جيداء ومعاهم ميساء دازو من حدا دراري طلعو لبيت جود
هاجر::ناري ياختي كين غير لمسمومة على ختها مالكم فهاد العائلة 🤔
ميساء:: هههه😂 وا هما هكا دايرين مكنتسوقش ليهم وعجبتني جيداء مداتهاش فيهم
هاجر:: لكن راه بزاف
جيداء:: اشبغيتي نتناتف معاهم هضرو جاوبتهم وسكتهم اجي غيبقاو هنا
ميساء:: كنضن اه هما فينما كيجيو عندنا كيجلسو بزاف خصوصا لبنات وماواتهم حيت معندهم لا خدمة لا ردمة ......... بقاو لبنات كيهضرو حتى جا جود و استأدنو لبنات مشاو كان جود فالدوش هي بدلت قبل ميخرج ومسحت وجها غير خرج دخلت غسلت وخرجت تكات حداه
جود:: اجي (اشار لصدرو)
جيداء😊:: اه (تكات عليه)
جود:: (باس راسها) بونوي........
🌼 يوم جديد
دخل نهار جديد كانو ابطالنا فيقين جود فالدوشش و جيداء كتصللي غير سالات رتبت فاليزت جود خربقها مللي جبد حويجو وهو غير خرج لبس وهبطو بزوج كان كلشي فالطبلة قالو صباح الخير وجلسو غير فطرو جود ولؤي سلمو على ريوس لكبار وخرجو جود جر معاه جيداء لبرا ولبنات بقاو وااقفين فلباب
احلام::هانتي ليك لبرهوشة دغيا تقادو
سليمة:: لعجب هو وختو وماكيتفاهمش معاها
سلوى:: جاو زوينين بجوج
احلام:: للي بقا فيا هو برهوشة تزوجت وانا باقا وتقول شي واحد واش جا دق بابي وهي باقا لاصقة فلرض تزوجت
مريم:: وباينا حتى ديك شنيولة ديال صاحبتها باغا ضبر من هنا
قصة تزوجت غريب
محتوى القصة
ماتبقاوش تقولو ديك كملي و اب عطي رايك ولا سكتو راني مخداماش عندكم
التنقل بين الأجزاء