عذابي مع زوجي الجزء 13

من تأليف Sahar Kawtar
2018

محتوى القصة

رواية عذابي مع زوجي

اول مافتحت ليه الباب دخل ديريكت ودموع محجرين ليه فعينيه ووجهو حمر حالو ماعجبهاش شدات وجهو بين يدها وتكلمت ...
ريحان .."بخوف " عماد مالك !!
عماد .."بعد يدها والغصة فحلقو " الصمت 
ريحان .."زاد خوفها " عماد هضر اش واقع واش وقعت شي حاجة لماماك فين هي فاطمة
عماد .."بصوت عالي " ماعنديش ماما عمرك تجبدي حسها هاديك وحدة موسخة مستحيل نشوف فيها مرة اخرى ...
ريحان ..عماد اش كاتقول اش واقع ؟؟
عماد ..."نزلو دموعو " شفتها هئ..هئ..شفتها مع داك شارف فبيت نعاس فوضع يخخخخخ كانكرهاااااا الله ينتقم منهم 
ريحان .."دنيا ضارت بيها " وا و واش عمي معتز " قالتها بصوت شبه مسموع " 
عماد .."بصوت عالي " ااااه داك شارف دشيخك سيهم معتز مصاحب مع لي كانت ماما وكايفسدو فقلب بيتهاا ....."صدرو كايطلع وينزل ووجهو ولا حمررر كلمة معتز كاتردد فمسامعها كانت وقفة فدروج ومسندة على لعكاز وسعت عينيها وحلت فمها 180 درجة
زينب ..ش شنووووووووووووووووووووو
ريحان .."دينا دارت بيها وشدت راسها " الله ياربي سمعت اش هاد الكارتة طاحت على راسي " تلفتت عند عماد " عماد طلع لفوق انا جاية عندك طلع احبيبي طلع ...."طلع مع دروج كايجري ودمو كايغلي تلفتت وشافت ف زينب لي مزاال تحت تأتير صدمة ...جلست فالدروج وكاتولول. ..
زينب ..اويلي وحدي على الكلبة مصاحبة ليا مع راجل هاااي هاااااي على سيهم معتز عاد جاتو المراهقة وانا لي فنيت عمري عليه ووقفت معاه حتى دار شركات والفيلات هدا هو جزاء تضحيتي وصبري هذا ماسويت عندو "زمجرت " بالحق الى ماندمتو راني ماشي زينب "رفعات راسها وشافت ف ريحان والغضب عامي عينيها ريحان لي تمنات الارض تنشق وتبلعها ولا تحط فهاد الموقف البايخ ...توجهات لناحية زينب وساعداتها توقف طلعو بزوج لغرفة دزينب ...
زينب .."كاتمة غضبها " بغيت نبقى بوحدي 
ريحان ..و واخا ....."خرجات من الغرفة وتوجهات لغرفة فين كان عماد فتحت لباب ودخلت كان مسطح على كرشو ومخبي وجهو بالمخدة عرفاتو ماباغيتش يهضر تنهدات وخرجات من عندو نزلت لطابق السفلي وخرجت من الفيلا فتجاه دار فاطمة مسافة طريق كانت قدام باب العمارة نزلت من طاكسي وتوجهات لطابق الثالت فتحت الباب ودخلت كان فاطمة شادة راسها بيدها وغادية جاية فالكولوار ولونها مخطوف اول ما شافتها بلعت ريقها وتمتمت ..
فاطمة .. ع عماد جا عندك !
ريحان .."طلعاتها ونزلتها بحتقار " همم عماد حاشة واش تكوني ام وحاشة واش تكوني مرا اش هاد لوسخ عايشة فيه كنت كانقول المسألة غير تفلية وما كاين والو اتاري عايشة فالحرام ومع بات راجلي واش ماكفاكش خربتي حياتي وحياة عائلتي ضرتي لحمايا امتى غاتوبي وتعيشي عيشة نقية كي ناس "بصوت عالي " امتى !!! 
فاطمة .."فاضت وخرجت لي فقلبها "ديها فراسك غانتي درتي الراجل والفيلات انا نفني شبابي قدي يالا كايتزوجو واش 35 سنة نعيش بلا راجل بلا دار هااااا نتي تمرغي فالخير وانا تلوحي ليا لفتايت فيقي فيقي وديها فحياتك فرقيني عليك خليني ندير داري ونبني حياتي ونحي شبابي لي مشات مع داك شارف دباك ختك صيفطتيها لامريكا ونتي مفطحة فالفيلا قدها قد سخط وانا فين من هاد شي هاااا ؟! فين ولا انا غير مرات باك لهلا يقلب ولا يشقلب فدين مي "جلست فاكانابي ولاحت شعرها ورا ظهر بالفقصة وعوجات فمها ...
ريحان .."بشمئزاز " عمر رقاصة ماتنسى هزت الكتف ديال الكلب عمرو يتقاد نتي تربيتي وسط الوسخ وولفتي تاكلي من عرق كر* مستحيل تعيشي نقية كيف ناس "بتهديد " هاد دار غاتخويها كاتسمعي سيري شوفي فين دي وسخك انا ماغانخربش زواجي ونشرد ولدي لي مزال ماشاف ضو بسبابك وعماد فرقيه عليك ماتخليش دري يمرض ويتعقد بسبب وسخك "اشارت بسبعها " عندك شهر وغاتهزي قلوعك وتغبري عليا نساينا 
فاطمة ..هااااي هااااااااااااي قالت ليك نخرج عشم ابليس فالجنة ابنت محمد والى وصلتي ودنك عضيها وعماد ولدي كاتسمعي ولدي

ريحان ..هاحنا غانشوفو الالة فاطمة " طلعت لطابق الثاني وتوجهت لبيت عماد خدات شانطة دارت فيها حوايجو وهزت الكتوبة ديالو وخرجت من شقة تحت انظار فاطمة لي غاتنفاجر هزات تيلي وتاصلت بمعتز كادمع عليه ........
___مكاان____اخر_______
عمار ..نبغي عقد االزواج يجهز من هنا لغدا وياويلك تعطل عليا دفع الفلوس ولا موت انت كاع االمهم من هنا لغدا وئام تكون مراتي ...
الشخص ..امرك سيدي ...
خرج وخلاه غادي جاي كايبني ويريب وكايجمع افكار لي تبعترات الحاجة الوحيدة لي واظحة ومتأكد منها هي مستحيل يخلي وئام ضيع من بين يديه ماعرفش واش عناد ولا اعجاب ولا حب ..
عمار .."زفر بعصبية " اشمن حب ولا زمر من نهار مسيتها ولقيتها عذرا ولات ملكي وانا ماشي من عادتي نسمح ف ممتلاكتي "رجع زفر " هووووف اشمن ممتلاكت فيق اعمار وئام ستوطنات قلبك عترف بلي البنت الوحيدة من بين العشرات البنات لي دوزتي هي لي حركات فيك شي حاجة الداخل وخلات قلبك يتعلق بيها ومستحيل ينبض لغيرها هي ليا سواء بغات ولا لا "رفع راسو وبلع ريقو والعرق مطراسي ليه فجبينو " هز كاس دنبيد ونزل عليه دقة وحدة ....
____اكدال____الرباط________
وقفت سيارة من نوع الميرسيدس فالاسود فشارع الاطلس نزلت منها امل وتوجهات لباب العمارة فين كاينا رحمة ديمارات سيارة وتوجهات لشارع قيس فنفس الحي ....طلعت لطابق لي فيه شقتهم فتحات الباب بالمفتاح وتوجهات ديريكت لغرفة رحمة لي كانت مسطحة على ظهرها وكاتشوف فسقف والدموع مجموعين ف عينيها جلست جنبها امل وشدت يدها باستها ...
امل ..مي الحبيبة لقيت الخدمة وماشي اي خدمة فبلاصة نقية وعند عائلة معروفة وعندها وزن فالبلاد عرفتي امي على قصر عندهم وااااو قداش وشحال ديال لكار والخدم بحال داك شي لي كانشوفو فالافلام "ضحكت من بين دموعها " سالير مزيان والشيفور غايبقى يوصلني حتى لدار ان شاء الله غايترجعي كيف الاول وحسن هادي غيمة وغادوز عرفتي مدام راضية حنينة غانبقى حتى ندير بلاصتي وغانخليها تعاوني لازم ماتشفاي انا غاندير المستحيل على قبلك "باست يدها " المستحيل امي الحبيبة "مسحت دموعها وتوجهات لبلاكار خدت منو بيجامة خفيفة والملابس الداخلية حطاتهم فالحافة دسرير وتوجهات لدوش عمرات بانيو صغير بالما دافي وهزت الصابون والفوطة ورجعت لغرفة وبدات كاتطرف ليها حالتها وتبدل ليها الحوايج

#عند #صقر_______
__الحوار___بالإنجليزية_________
صقر .."من تحت سنانو" الى باغي مجموعة اكوا تكون تحت يديك وتاخد الاسهم ديالها غاتنفد شنو طلبت وادا حاولتي تطعني فالظهر غاندمك كن اكيد وراك سبقتي وجربتي غضبي " ضرب ليه غمزة " 
سانطوس ... "مرر يدو على شارب ديالو وتكلم بصوت غليض " سبق لي وقولت ليك مستعد ندير يدي فيد شيطان ادا ستدعى لامر مدام غانربح الملاير "قهقه " هاهاهاهه "رجع شاف فيه وتكلم " انت كون هاني وعتبر اوس طاح طيحة غاتخلي العادي والبادي يتشفى فيه والمناقصة لي خسرتي غاتعوض خسارتها بالضوبل "رد ليه الغمزة " وانت عارف من كانوعد كانوفي اميسيو بن يزين
صقر .."تكا ظهرو على الكرسي وتنهد برتياح " وهذا هو العشم ___ رفع راسو وتبسم ابتسامة ماكرة .....
____مكان_____اخر________
كانت غادية جاية ف الغرفة ووجها حمر من الاعصاب جلست فطرف دسرير وكاتعض ظفارها _______
وئام ..مستحيل نقبل بهاد االوضع مستحيل نخليه يرجع يتعدى عليا ويسجني عندو لازم مانوقفو عند حدو والى ..."سكتت ورجعت ستأنفت كلامها " والى غانوضع حد لحياتي لي مابقاتش حياة "رفعت راسها والغصة فحلقة مدت ايدها لخدها ومسحت دمعتها لشقت طريقها وتبعتها شهقة كتمتها بيدها ...فينك اريحان هئ..هئ....فينك اختي اجي عتقيني من هاد الجحيم هئ...هئ....هءهءهءهءه مابقاتش عندي القوى باش نواجه هاد القدر الملعون مابقاش عندي الجهد 😭😭😭😭
___مكان___اخر__________
رجعت لفيلا وفيدها شانطة دعماد طلعتها لغرفة فين كاين ورتبت حوايجو فالبلاكار كان جالس فطرف دسرير وكايشوف ف منحى واحد توجهات ليه وجلست جنبو ...
ريحان ..عماد 
عماد .. الصمت 
ريحان .. "شدت يدو " عماد انت دابا كاتعتبر شاب فالحياة لازم مانمرو بعقبات لكن كانقدرو نتجاوزوهم وهاد شي لي شفتي غاتنساه باش تقدر تتجاوز العقبة انا ماغانبررش شنو دارت هما بزوج غلطو وغايتحملو مسؤولية غلطهم هما بزوج ناضجين وراشدين "سكتت ورجعت ستأنفت كلامها " انت قدامك مستقبلك لازم تركز عليه وماتخليش شي لي شفتي يشوش عليك ويشتت ليك تركيزك ونتباهك واخا 
عماد .. االغصة فحلقو " و ا واخا "شاف فيها " لكن مابغيتش نرجع نشوفها ومابغيتش نقرا بفلوس داك شارف حتى هاد دار ديالو ما خاصش نكون فيها ...
ريحان ..نووو هاد دار دصقر ماشي ديالو وصقر ماعندو حتى علاقة هادي داري حتى انا وفين ما غانكون انا غاتكون انت والايكول انا لي غانخلصها انت ركز ف قرايتك وبس ماماك غلطات اوك مي كاتبقى المرا لي هزاتك فكرشها وتعبت عليك حتى وصلتي لهنا انا ما غانبررش فعلتها لكن هي كاتبقى مرا و "سكتت " احم خلينا نساو هاد الموضوع ونشوفو لقدام مانخليوش هاد المشكل ينخص علينا انت غاتخرج وتضحك وتقرا وتلعب وتعيش حياتك عاااادي جدااا وهاد النهار غاتلوحو ورا ظهرك كأنو عمرو ولا كان " مدات يدها " واخا 
عماد .. "تنهد وضرب كفو مع كفها بإحباط " واخا

____مكان____اخر__________
"بعد ماطرفت ليها بصابون وبدلت ليها طرفت البيت وشمساتو ووجدات ليها شربة بالخف وشرباتها شوية بزز مسحت ليها فمها وباست جبينها ...
امال ..مي الحبيبة غاتسمحي ليا غانخليك هاد نهار بوحدك انا وصيت لجارة لي قبالتنا طل عليك مرا مرا مع الستة دلعشية غانجي دعي معايا "باست جبينها وخرجت من الغرفة ودموع محجرين ف عينيها سمعات تيلي كايصوني شافت رقم لقاتو ديال مدام راضية خرجات ديك الساع من شقة وعطات ساروت للجارة لي اونفاص معاهم وصاتها على رحمة ونزلت كاتجري مع دروج ثواني وكانت فالمقعد الخلفي لسيارة جنب مدام راضية لي اشارت لسائق يتوجه لقصر مسافة طريق وكانو اما البواب تفتح الباب بشكل الكتروني ودخلو لداخل نزل السائق بسرعة وفتح ليهم باب السيارة وجنبو سعدية (رئيسة الخدم ) شادة الكرسي المتحرك ترجل سائق فتجاه راضية وهزها بين دراعو كي ريشة حطها فالكرسي المتحرك وتوجهت امال دفعت بيها لكرسي لداخل القصر كان جالس فالكانابي عاطيهم بظهر والسيجارة من نوع الفاخر فيدو كاينتر منها مرة مرة اول ما شم ريحة عطرها لي مستحيل يخفى عليه تبسم وتلفت ناحيتها وابتسامة عريضة على شفاهو يالا نطق كلمة وحدة ولي هي (الحنانة ) وهو يجمع الابتسامة وعقد غوباشتو كأنو شاف مسخ قدامو ...
أوس ..من تحت سنانو" اش كادير هاد الماركة هنا !!
امال .."دكراتو " ا ان انت !!!
أوس .."بصوت عالي " اش كاديري هناا !!
راضية .."بستغراب " فين كاتعرفها " شافت ف امال " اشنو واقع !؟
أوس .."بعصبية " مي شكون هادي الخرا لي جبتي معاك 
امال .. "بنفعال " تطليه على يامك اوجهو 
أوس .. "توجه ليها وشدها من الفك ديالها وزير عليها " شكون انت لي تهزي صوتك عليا واش عارفة راسك معامن همممممم .
راضية .."بعصبية " أووووس طلق البنت "بصوت عالي " طلققققققق ....
أوس .."دفعها حتى جات منشورة فالكانابي " اش دخل هاد لماركة لهنا 
راضية .."غمضت عينيها بعصبية ورجعت فتحتهم " امل سيري المطبخ من نبغيك غانعيط عليك ..
امال ..خنزرت فيه " واخا امدام ____عطاتهم بظهر وتوجهت المطبخ والغصة فحلقها مارضاتش يحتقرها عمر شي حد ماتجرأ حتى يهز عينو فيها كيفاش هذا تمادة ومد يدو عليها كانت باغية تخرج من القصر بعد ما تمسح بيه الارض لكن رحمة كتفات ليها يديها وخلاتها تحني راس مستعدة طاطي راسها على قبل صحة مها جرت الكرسي بالزعف وجلس دايرة يدها على خدها والخدامات كايتهامسو عليها ________
رقية .."بصوت شبه مسموع " سمعتي سي أوس كيف كان كايغوت عليها ....
مسعودة..ميقات فيها " يعلم لله اش دارت المصيبة وجه لبلا ايييخ تفووووو جنس ناقص
رجوى .. "بصوت خافت " هادي طريقها ماجايبة سلامة وياكم تجمعو معاها ولا تحاديوها ...
مسعودة .."عوجات فمها " امممم الله اشان " ميقات فيهم " يالا فرقو عليا هاد لملمة وكل وحدة ديها فشغلها

ستغلت الوقت لي كانت فيه ريحان كاتهضر مع عماد وخرجات من الڤيلا كاتعكز بعكازها كلفت العساس يطلب ليها طاكسي صغير بعد 10 دقايق تقريبا كان طاكسي قدام باب الڤيلا طلعت فالمقعد الخلفي وعطاتو عنوان الڤيلا ديالها دقائق قليلة وكانت قدام الباب نزلت من طاكسي بالمهل وتوجهات لباب فتحاتو بالمفتاح ودخلت لداخل جلست فالكانابي وكاتسنى قدومو عيطات على شافية وسألتها واش ما جاش اكدت ليها بلي ما جاش عتدلت فالجلسة وكاتسنى فقدومو على احر من الجمر والغضب عامي عينيها __________عند وئام كانت كاتغلي من الداخل وحاولت جاهدة تحل لباب لي كان مقفول بالمفتاح وتخرج لكن بدون جدوى كان مسدود بإحكام والقفل صحيح توجهات لاطيراس حتى هو بابو كان مسدود ضرباتو برجليها حتى توعتات وجلست الارض كاتبرد فدقة ودموع تحجرو ف عينيها
وئام .."بألم " اااااااااااه ااااي يااا يااااي شييييت اش هاد زهرر بففففف "رفعات راسها فسقف ورجعت شافت فتجاه الباب " ياربي كي غاندير حتى نحل هاد لباب خاص ضروري نخرج من هنا مايمكنش نقبل بهاد الوضع مايمكنش فكري اوئام المكلخة فكررررري "ضربت بيدها على راسها " اوووووه لقيتها ياااااس ياربي تصدق " خدات السلك لي كايكون وسط سوتيانات دالبونج وتوجهات لباب خشاتو فديك تقيبة وجلست كادور يمين وشمال بالمهل حتى تفتح ماقدرتش تيق بلي اخيرا قدرت تحلو وسعت عينيها وغوتت ...
وئام .."بصوت عالي نوعا ما " تحل تحللللل يااااااس " حطت يدها على فمها وهمست " هضري غير بشوية المفضوحة " كاتخاطب نفسها بصوت شبه مسموع " تحلل والله حتى تحل _____ضرباتها بجرية وحدة ماوقفت حتى لطابق السفلي جلست فالدرجة للخرا وكاتلتقط انفاسها .....بعد مارجعت فيها نفس توجهات لباب يالا حطت يدها عليه باش تفتحو وهو يتفتح دخل عمار وشاف فيها بنظرات جمدات فيها دم وخلاتها تبلع ريقها....
____مكان___اخر____________
بلاصة سيارة ونزل منها متقل بالهمول وبوجه شاحب توجه لباب فتحو بالمفتاح اول مارمى الخطوة الأولى جات عينو عليها كانت كاتشوف فيه بغضب وقفات وطلعاتو من ساسو لراسو بحتقار .....
زينب ..اوووه واخيرا شرفينا بطلتك البهية 
معتز ..الصمت 
زينب ...ياك الغدار هذا جزاائي على اخر يامي تبدلني بكلبة دالخلا "بصوت عالي " هااااااا...
معتز .."بعصبية " اييييه ماتعليش صوتك عليا اش كنتي منتاظرة مني اهااااا فين عمرك هتميتي بيا ولا حسستيني عندي قيمة عندك فين عمرك حسستيني بلي كاننهمك من مهار تزوج صقر ولا همك الوحيد هو كيفاش تخلصي من ريحان ودمري زواجهم وجاية تحاسبيني بكل وقاحة ؟؟" خرج فيها عينيه"

زينب ..."بصوت عالي " كيفاش كاتخلط هادي بهادي بررتي خيانتك بعدم هتمامي الغدار هاااااا هذا جزاء تضحيتي ووقفتي معاك بعد ماكنتي جالس على الحديدة شكون لي رداتك راجل وماشي اي راجل هممم شكون ؟! الكلبة لي بعتيني على قبلها !؟ شكون لي دات سخط باها باش تكون معاك ولي باعت ذهبها على ودك وكلات معاك غير الخبز والما شكون !؟ شكون لي تشردات فبلادات ناس بعد هاد شي كلو وبعد عشرة دامت كتر من ثلاتين عام تبيعني "بصوت اعلى من الاول " انا تبيعني الكلببببب والله لاا كانت ليك طلقنيييي ماشي انا لي نسكت على خيانتك من اليوم كل واحد فينا يشد طريق ودير فبالك الاسهم لي عندي فالشركة غانبيعهم وحقي فالشركة لي فامريكا حتى هو غانبيعو وهاد دار عندي نص فيها غانلوح ليك تمن نص لاخر وخوي عليا سير عند الكلبة لي من سهمك 
معتز .."من تحت سنانو " لحد الان مزال ساكت على هبالك 
فاطمة ..بتهديد " الى ما نفدتيش لي قلت غانخلي سيرتك على كل لسان كاتسمع "بصوت عالي " على كل لسااااان_________________
___مكان__اخر__________
بعد ماطلع أوس لغرفتو ندات راضية على امل لي كانت مزال كاتغلي من االداخل ومزال ماتصرطت ليها الاهانة دياال أوس .....
راضية ..طلعيني لغرفتي بغيت نرتاح 
امال .."دفعت بيها الكرسي فتجاه المصعد " اوك ...."تواني وكانو داخل غرفتها " تلفت ناحيتها وتكلمت ....
راضية .. غاتمشي للغرفة لي فأخر الممر على يدك اليمن وغاتقولي لأوس يجي يحطني فوق السرير ______
امال .."بلعت ريقها " انا غانشوف وحدة من الخدامات تساعدني بلاش مانعدبو سي أوس
راضية .. "نهضت فيها " دابا نتي غاتوريني شنو ندير ؟!
امال .."كتمت غضبها " حاشا ...."عطاتها بظهر وتوجهات لنعت لي عطاتها بين ما راضية خدات تيلي وتاصلت بالشخص لي كلفاتو يجيب ليها الشادة والفادة على امال عطاها كل تفاصيل حياتها من نهار خرجت لدنيا لدابا لكن الشيئ الوحيد لي قالت على باها انو ما كاينش ماعارف واش ميت ولا حي حتى من الشدة لي تشدت على قبل الفلوس كانت عندها قطعت الخط وتنهدت ....
راضية .." كاتكلم نفسها " راضية ياراضية ماشي هادي لي كاتمناي كيفاش غانقبل بوحدة دخلت لحبس على قبل الفلوس " ردت على نفسها " لكن هي ضحت وكانت غادوز عمرها فالحبس على قبل عائلتها هي ماشي مادية نوو هي وحدة بغات تشوف عائلتها فمستوى يليق بيها وبيهم وهدا من حقها تم انها كانت غاضيع عمرها على قبلهم ولي ضحت مرة مستعدة ضحي الف مرة فما بلك الى ضحكت على قبل قلبها "تبسمت وشافت فتجاه الباب " لازم ماندير شي حاجة لاااازم ....
اول ماوصلت لباب غرفتو خدات نفس عميق عاد طرقت الباب زوج طرقات خفاف تسنات شوية ورجعت طرقت للمرة الثالت حطت يدها على لبواني وفتحت لباب يالا دفعت راسها لداخل باش تشوف واش الغرفة فارغة وهي تجدبها يدو لداخل الغرفة

عمار .."بصوت خشن " فين كنتي غادية هم ؟!
وئام .. "شافت فيه بغضب " لجايحة لي تجليني عليك انت ماشي من حقك تحبسني هنا خليني نمشي فحالي اش باقي باغي مني !
عمار .."قرب منها حتى تخلطو انفاسهم " باغي بزاااف "حط يدو على خدها وشاف ف شفاهة" بزاف ...."دفعت يدو بزعف وتكلمت " 
وئام ..اش كاتخربق بعد مني واش ماكاتفهمش ماحاملاش نشوف وجهك ولا نشم ريحتك لي كاتجيب ليا تقية فكل مرة خلي عندك كرامة وبعد مني "من تحت سنانها " بعدددددددد من حياتي 
عمار .."زير على الفك ديالها وتكلم " ماتخلنيش ندير شي حاجة لي ندمو عليها بزوج القطة " بصوت رجولي " خليني معاك زوين 😉 " بعد عليها ورجع تكلم " اه فراس فاق من الغيبوبة وحالتو مستقرة 
وئام .."بحقد " الله يرجعو ليها ويتبعك ليك اقبيلة المجرمين الله يلعن ساعة لي شفتكم فيها ول......."قبل ماتكمل كلامها نزل عليها لوجه ماقدرش يتحكم فنفسو حطات يدها على خدها وضربت طم جرها من دراعها وطلع لطابق الثاني وهي كاتفركل بين يدو وكاتغوت باش يطلقها دخلها لغرفة لي كانت فيها وسد الباب ...
____مكان_____اخر_________
دخل لداخل وكايقلب عليها بعينيه كان متلهف يشوف ف عينيها بعد صباح شاق وبعد ماتحرقو اعصابو من الصدمة لي خدا بسبب اوس طلع لطابق الثاني وتوجه لغرفتو فتح لباب ودخل كانت جالسة فالسرير وجامعة رجليها عندها وكاتخمم ....
صقر .. " جلس جنبها " شنو مقلقك ؟!
ريحان .."شافت فيه " عماد ..عماد شافهم اصقر شافهم
صقر .."بعدم فهم " اش شاف ؟!
ريحان .. شاف باباك وفاطمة فوضع خايب فقلب بيتها ماتصورش حالتو كيف كانت خايفة شي لي شاف يأتر على قرايتو ويدير ليه شي عقدة من بعد 
صقر .."بعصبية " هادو فاتوت الحدود كتر من لازم "شاف فيها " فين هو دابا !
ريحان .. كاين هنا جبت ليه حوايجو من الاحسن يبقى حدا عيني الى بقى معاها اكيد غاتصيفطو للهاوية 
صقر .."بصوت رجولي " احسن مادرتي وبابا غانرجع نهضر معاه باش يجمع راسو حنا ماناقصينش المشاكل يكفي المشاكل لي عشنا قبل 
ريحان .."عاد فطنت " خاص نتاصل ب وئام دازت كذا ساعة غاتكون وصلت هوووووووف ياربي قلت ليها اول ماتوصل تتاصل بيا____
___مكان___اخر__________
امال .."حطت يدها على صدرو وكادفع فيه بكل جهدها " اش هاد لوقاحة بعد لهيه بعدددد
أوس .."مكاليها على الحيط وشادها بإحكام وشعرو فازg كايقطر ... كاين شي وقاحة كتر من هادي هم ؟! "بصوت رجولي " اش دخلك لبيتي ؟! هاد الحركات دالقحاب مادريهمش معايا ولا غاتلقاي راسك برا هاد لقصر ماشي حيت مي بغاتك غاطلعي ليا فكر* ...
امال .."بتهكم " شكون داها فيك العصيدة نهار العيد بعدد لهيييه وهضرتك الخامجة ضربها فيك قالك كاندور بيه هااااااااه "خنزرت فيه " 
أوس .."خشى صباعو وسط شعرها وزير عليها حتى وجها ولا حمر من كتر الالم ودفعها فوق سرير حتى ضلوعها تهزو وجا فوق منها حط تقلو كلو عليها ....
أوس ..هاد لسان لي سليط غانجبدو من جدر ونوكلو لكلاب وديري فبالك بلي نتي طلعتي ولا نزلتي فعيني وحدة من االقحبات لي كايكونو تحت مني كل ليلة كاتسمعي "كايشوف ف عينيها لي وسعاتهم على الاخر وحلت فمها كاتحاول تسوعب شنو قال

ناضت كااتجري ف تجاه غرفة راضية وحطات يدها على فمها كايزنزن .....
راضية .."بمكر " شنو تما 
امال .. هااااااه
راضية .. "أوس فين هو ؟!
امال .. "زيرت على يدها وعقد حجبانها .. الصمت ... 
أوس .. "توجه ف تجاه راضية بدون مايشوف ف امال " هانا الحنانة " تحنى باس يدها وهزها بين دراعو كي ريشة حطها فوق السرير وجلس فالطرف ديالو " هااا كيف داز نهارك !
راضية .. "تبسمت " الحمد لله اولدي وانت !
أوس ..مزيان بزاف "شاف ف امال لي كانت شاردة وكاتشوف ف منحى واحد ...
أوس .. "بصوت رجولي " ايييه انت 
امال .. "شاردة " الصمت 
أوس.. "غوت حتى قفزات " ايييييييييييه 
امال .. "خنزرت فيه " بشوية صمكتيني 
أوس ..ضغط على يدو " عفواااا ؟! "من تحت سنانو " نوضي تهزي سيري لبيتي غاتلقاي علبة فالازرق فوق سرير جبيها "بصرامة " طلقي راسك ........" عطاتو بظهر وتوجهات لغرفتو بخطوات متسارعة وكاضرب رجليها مع الارض من الاعصاب فكل ما كادكر شنو دار ....
#فلاش_بااك________
أوس ..هاد لسان لي سليط غانجبدو من جدر ونوكلو لكلاب وديري فبالك بلي نتي طلعتي ولا نزلتي فعيني وحدة من االقحبات لي كايكونو تحت مني كل ليلة كاتسمعي "كايشوف ف عينيها لي وسعاتهم على الاخر وحلت فمها كاتحاول تسوعب شنو قال..
امال ..حطت يدها على صدرو وكادفع فيه بكل جهدها " القحب* هي مك الزا** اش يسحاب ليك راسك ال......قبل ماتسكت هز يدو لفوق ونزل عليها لوجه شد لفك ديالها وزير عليها حتى غايقلعو " 
أوس .. "من تحت سنانو " عاودي اش قولتي هااااا ؟! بنبرة قاصية ممزوجة بحة " لي جبدتي على لسانك تاج راسك القحب* وادا بغيتي تزيدي نهار اخر هنا تفاداي شري حسن ليك ولا غاتجبيها فكرك معايا القطة "تلاح على فمها ولتهمو كايعض ويجر ويدها كايدفعوه بقوى بعد عليها بعد ما دار شق ف شفاها وتكلم ...... " هذا مجرد انطار 
الحاضر___________
دفعت باب غرفتو وتوجهاات لسرير وهي كاتلعن فيه هزاات لعلبة لي قال ليها ورجعت لغرفة راضية ....

دفع باب المكتب لي كايتواجد داخل الڤيلا وتوجه ف تجاهو وعينيه عليه .
صقر .. رتاحيتي هااااا وصلتي للي بغيتي ؟؟ لين باغي توصل بهاد المراهقة ديالك ! واش باغي ضحك فيك ناس على اخر يامك كاتمعشق "عقد حجبانو " 
معتز .. انت لي باقي ناقصني اش دخلك فيا ؟؟ واش ديت ليك شي حاجة ؟! وقفت ف طريقك شي نهار ؟! ديها ف شغلك وتهلا ف مراتك وخليني عليك وبلاصة ماتبقى تابعني فالطالعة ونازلة ديها فالصفقاات لي كايطيرو من بين يدك وانت اخر همك 
صقر ..ماتبقاش تخلط الامور باش تنسيني ف فضيحتك واش عند بالك ماما غاتسكت لااااا وانت عارف مزيان بلي هاد النزوة غاتفتح عليك ابواب ما غاتقدرش تسدهم من بعد .....
لا سمعتك غاتبقى فالسوق ولا راحة البال غاتولي عندك ولا الثراء لي راك فيه غايبقى ماتنساش بلي ماما عندها نص فاملاكك وبلي حنا غارقين حتى لودن وادا خدات نصيبها اسهمنا غايطيحو فالسوق وشحال من كلب عطشان كايتسنى لفرصة 
معتز .. هااااا قول همك الفلوس خفتي طيح وماتبقاش ف نفس المستوى اقليل لحيا لا انت ولا ديك قليلة الاصل ولا فلوسكم كايهموني خرج علياااااااااااااااااااااا ...
صقر .. 'بصوت عالي " انت عارف مزيان بلي مامحتاجك لا انت ولا هي وبلي عندي شركتي الخاصة وعندي اسهمي معاكم نقدر نستقل من هاد لحظة ونرجع لامريكا نكبر شركتي ونديها ف شغلي لكن ماشي انا لي نخلي با ومي يكزرو بعضهم ويشفيو فيهم ناس غاتبيع عشرة ثنين وثلاتين سنة على قبل نزوة فيق فييييق قبل مايفوت الفوت وتندم ديك فاطمة لي عماات عينيك وحدة رخيصة وهمها لفلوس واش،كاتسمع لفلووووووس شكون خرب عائلة ريحان من غيرها هاااا ؟! شكون لي جلست صديق عمرك على لحديدة وبيعاتو لي وراه ولي قدامو هااااا !! ريحان حكاتليا عليا تيق بيا ماشي هي لي تناسبك وماشي وحدة طماعة لي تخليك بلا عقل وتهور وادا باغي تأكد من صحة كلامي غاتأكد وراك ذكي مانحتاجش نقريك ...... "خرج من عندو ورضخ الباب وراه وخلاه متخبط ف أفكار وكايبني ويريب فدماغو جبد الكارو كايكمي وكايخمم فالكلام لي قال ليه صقر بعد اخد ورد قرر يلعب هاد لعبة باش يتأكد طفى سيجارة وخرج من المكتب ف تجاه شقة فاطمة ....
___مكان__اخر_____________
عيات تتاصل الخط مفصول الخوف سيطر عليها وخلاها تتخايل الاسواء لاحت الشال فوق راسها وهزت تيلي فيدها وخرجاات من الڤيلا بخطوات متسارعة فتجاه المطار تسأل على وئام ......
__فالجهة _ الثانية________
خدا العلبة من يدها وشاف ف راضية وكايفتح فيها .....
أوس .. لحنانة هذا العقد ديالك لي كنت فسدتو قبل عشرين سنة ولي كان ضايع اليوم اليوم الصايغ كمل من اعادة حجر الماس لي كان طاح منو ورجعو كيف كان "وراه ليها وكايتبسم غرغرو عينيها وتربط لسانها مامتيقاش بلي العقد لي كتر من عشرين عام وهو مجلي بان لا وتصلح بعد ما كان قطعو اوس فاش كانت عندو عشر سنين هاد العقد لي مكانة كبيرة ف قلبها الدكرى الوحيدة لي بقات ليها من مها مدت يدها لي كاترجف للعقد وشداتو كاتفحص فيه وكاتمتم. ..
راضيك .. "نزلت دمعتها من الفرحة " ه و هو والله الى هو "رفعت فيه عينيها " فين لقتيه هاااا وامتى ؟! وكيفاش لقيتيها قبل عشرين عام قلبنا دنيا عليه ومابانش 
أوس .. قبل عام لقيتو فالمزرعة بضبط ورا المدفئة فين كنت كانلعب نهار ضاع ليك جا مخبي فواحد القنت صعيب على شي حد يلمحو خديتو وديتو معايا نهار رجعت لامريكا كنت غانصلحو ليك لكن شي مشاكل لهاوني عليه شوية قبل شهر عطيتو لصايغ ونبهتو ما يخطأش لازم يرجع كيف كان وقدر يرجعو كأنو عمرو تقطع "باس يدها " 
راضية .. " بحب " حبيب جداه "مداتو ليه " لبسو ليا 
أوس .. "شدو منها ووقف " هي للولة .....
كانت كااتشوف فيهم خصوصا ف راضية كيف فرحانة بهدية مها لي كانت ضايعة منها حست بالوخز ف قلبها والغصة فحلقها هنا راضية مع حفيدها فرحانة وعايشة عيشة الملكات ولهيه مها مشلول نصها ومليوحة فالشقة بلا حنين بلا رحيم تحجرو دموع ف عينيها وسخطت على الوضع لي هي فيه فيقها من سهوتها صوت أوس لي رجع كايقلل من قيمتها مرة اخرى تنفست بعمق وشافت ف عينيه بحدة
امال .. نعام !!
راضية .. "دخلت بسرعة " ب بنتي مدي ليا ديك رواية واجي قرايها ليا 
امال .. "تلفتت ناحية رواية " اوك 
أوس .. "وقفها بصوتو " ماشي قبل مانقول لي عندي " بصرامة " الى باغية تبقاي شاردة طول لوقت غاتغبري عليا من هنا وفمرة ماشي كل مرة خاصني نعلي صوتي باش تنتبهي ثانيا ما غاتخرجي من هنا حتى تعشا مي وتنعس ووقت نعاسها مع 21:00 ماشي ستة "شاف فيها بتعالي ..
امال .. "جنون بداو يشطحو فوق راسها " لكن انا تافقت مع مدام راضية على ستة دلعشية ماشي تسعود ...

امال .. "جنون بداو يشطحو فوق راسها " لكن انا تافقت مع مدام راضية على ستة دلعشية ماشي تسعود ..
أوس .. "من تحت سنانو " ترجعي تعلي صوتك مرة اخرى غانريب ليك سنانك والى توقيت ما عجبكش لباب الحباب "اشار للباب بسببابة ديالو ...
راضية ..أووووووس ..."كتمت غضبها " ولدي انا تفاهمت مع امال غاتبقى تمشي مع ستة 
أوس .. وانا قلت لي عندي سي نو تمشي عليا ماعندي ماندير بيها " شاف فأمال بحتقار " كانتسنى الجواب وي ونو ؟!
امال .. "تحجرو دموع ف عينيها " لكن ان__قاطعها بحدة ومن تحت سنانو_____
أوس .. وي ! و نو !! 
امال .. "الغصة ف حلقها " احم وي 
أوس .. تبسم بنتصار " الحنانة نشوفك من بعد "باس يد جداه وخرج من الغرفة وخلا وراه بركان ....
راضية .. نديرو ليه خاطرو هاد نهار باش مايزيدش يتعكس وانا غانهضر معاه من نكون انا وياه على نفراد ولدي حنين الدنيا لي قصاتو
امال .. بستهزاء " لا بزااف " تنهدات وتوجهاات لرواية " madame bovary 
راضية .. وصلت لصفحة 25 كملي عليها 
امال .. "حنحنت " احم اوك ...."فتحت رواية وحطت عينيها على صفحة 25 وبدات كاتقرا ليها بصوت هادئ_______
___مكان__اخر____________
بعد ماوصلت لمطار سألت عليه وعلموها بلي مامشات فالرحلة لي كان من المفترض تمشي فيها الدنيا ضارت بيها والما طاح ليها فركابي تسندت على الحيط وكلها كاترجف ....
ريحان .. الله ياربي فين غاتكون مشات ! الله ياربي اش هاد لكارتة طاحت عليا ثاني ..."خرجت من المطار دماغها مرفوع وقف طاكسي ورجعت لڤيلا ف طريقها تاصلت ب باتول تشوف معاها هاد لحريرة .....
___فالجهة__الثااانية________
كان جالس فالكانابي بوجه حزين ومهموم جلست جنبو وشدت فيدو ....
فاطمة ..اش واقع !
معتز .. "بحزن " لي واقع انا زينب طلبت طلاق
فاطمة .."وسعت عينيها من الفرحة " بصاااااح الله هه "جمعت ضحكة " زعمة قصدت علاش !
معتز .."بعصبية مصطنعة "كيفاش علاش ولدك فضح علاقتنا وناض صداع 
فاطمة ..هاانت قولتيها بلسانك علاقتنا بغيت نعرف انا شنو كانعني ليك من كلشي تحط فالطبق خاص نحطو النقط على الحروف ونعرف راسي من رجلي " رفعت حاجبها " واليوم خاص نعرف شنو انا عندك !؟
معتز .. انت عندي الدنيا ومافيها فاطمة ماتت فقلبي الدنيا جلاتها عليا وخلاتها تنساني وتهملني انت لقيت فيك كل مابغيت الحنان والهتمام والحب لكن واش غاتقدري تصبري معايا بعد لي وقع 
فاطمة.. ونديرك فوق راسي ونقول انا ما عيت انت راك زماني وتاج راس وكل ماعندي "سبلت عينيها ...
معتز ..شد يدها وهذا هو المضمون فيك " خاصنا نديرو ولازم ونحللو علاقتنا غير هو غاتصبري عليا واحد شهر على مانوقف على رجلي لي ماكاتعرفيهش زينب عندها نص فالاملاك وهي رفعت القضية لمحكمة باش نطلقو اول مايتم طلاق غاتاخد كاع املاكها ومن بينهم الڤيلا والاسهم ديالي غايطيحو خصوصا وانا غارق ديون غانطر نبيع المزرعة والسيارات لي عندي وبعض الاسهم باش نغطي الديون لي غاتراكم عليا صقر غايفصل خدمتو وغايخليني نعوم ف بحري يالا نوضها معايا وانا غانرجع لنقطة صفر لا شركات ولا دار ولا اسهم عطيني شهر نرصي راسي وغانشوف شي تصريفة نخرج بيها بأقل الاضرار "طأطأ راسو كانت كاتسمع وحالة فمها بحال الى تكب عليها سطل دالما لسانها تعقد ماعرفت اش تقدم واش توخر كتفت بالسكات طول فيها شوفة وتكلم ...
معتز .. فاطمة ....فاطمة 
فاطمة ..هااااااه 
معتز .."رفع حاجبو " فين شردتي ؟!
فاطمة .."تبسمت بزز " معاك اخوي معاك

ريحان ..الله ياربي حسها ما مقطوع اش ندير هئ..هئ....
باتول .. اول حاجة غانبلغو البوليس 
ريحان ..بلغت بلغت وقالو ليا حتى دوز 48 ساعة زائد هي ماشي قاصر 
باتول .."بعصبية " شكون هاد لحمار لي قال ليك هاد لهضرة صافي حيت ماشي قاصر مانبلغوش حنا ما غانتسناوش حتى دوز 48 ساعة خاص نتحركو من دابا اجي علمتي صقر ؟!
ريحان .. "شادة راسها بيدها " مزال هءهءهءهء
باتول .. اش كاتسناي تاصلي بيه طلقي راسك وانا غانتاصل ب هشام مصاحب مع وكيل الملك غايدخل لينا اليوم غانعرفو فين هي ماتخافيش ان شاء الله خير 
ريحان .."لونها مخطوف" ياااااااااااااااارب 
_فالجهة_الثانية___________
أوس .. ضرب تيلي مع الأرض " كيفاش قدر يديرها كيفاااششششش منين جاب اسراري منين "كايشوف فيدو المنى " داك الكلب طلع ادكى مما تصورت قدر يخلي شريكي يوقف فصفو وباع ليه الاسهم ديالو يعني الكلب دصقر ولا شريكي وبنسبة 50فالمية "بصوت عالي " واش كاتسمعععععععععععععععع خمسييين فالمية يعني نص بنص " بصوت عالي " ااااااااااااااه غانقتل اجاك غانقتلككككك
الشخص .." كايتفتف " ولا شريكك غير ف مجموعة ____ يعني ماشي فكاع المجموعات غانشوفو شي تصريفة ونتخلصو منو فأقرب وقت ...
أوس .. "شنق عليه " انت لي غانشوف ليك تصريفة ونهني الكرة الارضية من غبائك بغيت غير نعرف اشنو هو دورك هممم ! شنو هو ؟! "دفعو حتى طاح " نوض قود من قدامي تهزززززززززز.........."اول ماخرج الشخص خدا أوس كاس نبيد كايشرب منو وعينيه حمرين كيف جمر وكايتواعد لصقر بضربة ماتخليهش يهز راسو بعدها صقر لي كان محتفل بالإنجاز قدر ياخد الاسهم من شريكو يولي شريك مهم وهنا غايبدا خدمتو لي شرا الاسهم على قبلها وصلو تصال من ريحان اول ماسمع شنو وقع طار لعندها وقطريقو تاصل بضابط شرطة كايعرفو بالمعارف ونفود بداو خدمتهم وتوجهو لعائلة بن جلون ......
_مكان__اخر________
صقر .. ماتخافيش البوليس تحركو وتوجهو ل بن جلون اكيد غانعرفو فينها غانتوجه لمطار وغاناخد ادن من وكيل الملك باش نردو الكاميرات ونشوفو قبل الرحلة شنو وقع 
ريحان .. 'بلهفة "ااااه ااااه الكاميرا غاتبين كولشي كيفاش مشات من بالي " وقفت وشدت يدو " يالا دغية مابقيتش قادرة نصبر
باتول ..انا غانتاصل بصاحب هشام يوجد لينا الادن باش مانضيعوش الوقت .
صقر .. " شد يد ريحان " واخا يالاااا 
___فالجهة____الثانية ______
كانت داخل الغرفة محبوسة وكاتعض ظفارها من الفقصة بعد طول انتظار تفتح الباب كان عمار بهيبتو وبوسامتو هاز بلاطو فيدو فيه الماكلة حطو فوق الكوفوز وجلس جنبها .....
عمار ..بلا شك فيك جوع " رد شعرها ورا ودنها " 
وئام.. "دفعت يدو " فيا لخرااا بعد لهييييه
عمار .. "تمالك نفسو واشار لبلاطو " بداي ماكلتك بلا كترت لكلام ....
وئام .." واش ماكاتسمعش بعددد مني بعددددددد "هزات لبلاطو وشتاتو فالارض وكاتشوف فيه بغضب هز يدو لفوق يالا غاينزل عليها هو يحبس خرج من الغرفة بسرعة قبل مايرتكب شي حماقة ويندم وخلاها وراه كاتغلي كي البركان...

أول ماوصلو لمطار وصلو تصال من واحد من رجالو وعلمو بالي البوليس مشاو لدار باه وحاليا فالمطار طلع مع دروج كايجري فتح باب الغرفة وشدها من يدها ونزل مع دروج كايجري وهي كاتفركل بين يديه طلعها فلوطو وكسيرا فتجاه المجهول ________
__المطاار_ الدولي _ سلااا_____🛩
صقر .. اشار لڤيديو " هذا هو عمار بن جلون هو لي خطفها من هناا 
الضابط .. الڤيديو مافيه حتى عتداء او هجوم مشات معاه بهدوء
صقر .. من تحت سنانو " اش كاتخرف اكيد هددها مايمكنش تمشي معاه بدون سبب 
ريحان .. "شدات راسها وكاتبكي " الله ياربي اش بغى منها شنو درنا ليه هئ..هئ...
صقر .. شد يدها " ماتخافيش غاترجع وداك الكلب حسابي معاه 
الضابط .. ميسيو صقر ياريت تخليك بعيد وتخلي القانون ياخد مجراه حنا غانستدعيوه وغانحقو معاه وادا القضية فيها ختطاف غايتعاقب طبقا للقانون ____________
_مكان _ اخر _____
كان غادي جاي ودمو كايفور ومزال مامصدق بلي صقر ولا شريكو جلس فالكرسي وشد راسو بيدو وكايخمم فاش كايفكر صقر وشنو الدقة لي موجد ليه خدا تيلي وتاصل بواحد من رجالو _______
أوس .. بغيت لبيبي لي كايتسنى داك الكلب مايشوفش نور راقبو مراتو واليلة قبل مايطلع ضو نهار البيبي بغيتو يولي فخبر كان 
الشخص .. امرك سيدي __طييييييييط ___
قطع الخط وخدا المشروب شربو دقة وحدة ورجع تاصل بشخص اخر ......
الشخص .. وي سيدي 
أوس .. ديك الكلبة مزال مالقتوها !
الشخص .. "هربت اسيدي من ديك ليلة مابان ليها اتر 
أوس .. "من تحت سنانو " كانقسم ليك ادا مابانتش غانحيكم واحد واحد "بعصبية " كاتسمععععع ......
الشخص .."كايتفتف " ا امرك سيدي 
قطع االخط ولاح تيلي فوق المكتب بزعف وجلس كايشرب كاس ورا كاس ودماغو كايدي ويجيب فالجهة الاخرى بعد ماخرجو من المطار توجهو لڤيلا ريحان ماسكتتش من البكى ودماغها ماوقفش من تفكير فين غايكون خداها وشنو بغى منها عيا صقر يواسي فيها ويهدنها بدون جدوى شاف حتى عيا خلاها مع باتول وتوجه لمطعم فين كاين اجتماع مع شريك لي خان أوس ______
__مكان _ اخر_______
وصلت سبعة دالعشيا ومزال امال فالقصر وبالها كولو مع رحمة والوقت كلو وهي كاتدعي ف أوس لي خرج فعودها وخلاها تجلس حتى تنعس راضية راضية لي كانت كاتخمم كيفاش تخلي أوس يتقرب من امال لي عجباتها ودخلت لدماغها بدات تخدم داك شيطان د دماغها وتفصل وتخيط على الله تلقى شي تصريفة

دازت ساعتين ووصلت تسعود داليل ومزال ماكاين حتى خبار على وئام والبوليس مالقاوش اتر لعمار لي لارض نشقت وبلعاتو اول ما تسطحت راضية فاالسرير باش تنعس خرجات من عندها امال بعد ماتمنات ليها ليلة سعيدة يالا خرجت من الغرفة وتوجهات لمصعد وهي تجرها يد أوس لي كان متقل فالشراب حط يدو على فمها ودخلها لغرفتو لاحها فوق سرير وحط كل تقلو عليها .....
امال .. "ماعرفت باش تبلات" اش كادير بعد لهيييه بعدددددددد_قاطعها بقبلة كلا فيها شفاها ويديو كايمرر فوق لحمها دفعاتو بكل قوتها وطلعات معاه لمعلم وقفت وحطت يدها على صدرها وكاترجف ....
امال .. "كاترعد " الى قربتي مني غانغوت ونجمعهم عليك 
أوس .. "لسانو تقيل بشراب " ا ش غاتجمعي ياهاد لقحب* خرجي عليا برااااا "دفعها ورضخ لباب وراها وتلاح فوق السرير على كرشو دارت بناقص من شي مصعد ونزلت مع دروج كاتجري ورجليها كايرجفو اول ما شافها الساىق فتح ليها باب سيارة مسافة طريق كانت فشقة ديالهم توجهات ديريكت لغرفة رحمة _____
_مكان _ اخر______
ريحان .. هئ...هئ..هءهءهءهء فين غاتكون اسيدي ربي فين 
صقر .. "تنهد " غادي ترجع تيقي بيا 
ريحان .. "بعصبية " فين غاترجع فين هئ..هءه خبارها مقطوعة فين غاترجع فين 
صقر .. "بنفاد صبر " دابا البكى فاش غاينفعها هااا حاولي على راسك واش نسيتي بلي راك حاملة !
ريحان .." خنزرت فيه " طول عمرك اناني وعمرك تبدل همك الوحيد هو ولدك وانا ختي لهلا يردها ياااااك ! "خرجت فيه عينيها لي عامرين دموع " 
صقر .."تعصب " ‘واش عارفة اش كاتقولي هاااااا عارفة ؟! "طلعها ونزلها وخرج بلا مايضيف كلمة اخرى طلع فلوطو وكسيرا ودمو كايغلي تلاحت فوق السرير وتكمشات كاتبكي وتشهق دموعها وخناينها دايزين_________
_ اليوم _ الموااالي_________
شرقت شمس جديدة معلنة عن يوم جديد واحدات جديدة لابطالنا الثلات كل واحد فيهم حامل هم الدنيا عمار كايبرد على قلبو بلي زواج انسب حل وصقر لي كولشي تقلب فوق راسو أوس وريحان ووئام فالجهة الأخرى أوس لي الإنتقام عامي عينيه ونساه انسانيتو دماغو تفرق بين صقر ويمنى لي هربات وامال لي بين الفينة والاخرى كاتجي فدماغو ماعرفش شنو سر وعلاش كاتجي فبلاو وكايتلذد فمجاكرتها نفض عليه الافكار لي بلوكات ليه دماغو وتصال بواحد من رجاالو اخيرا فاق واحد الجزء من ضميرو وخلاه يتراجع على اديت لبيبي لي ماعندو ذنب 
أوس .. دير Annuler للمهمة لي عطيتك 
الشخص .. بخصوص مدام نصر الدين !
أوس .."بنرفزة " اييه الخرااا _طيييييييط
لاح تيلي فوق السرير وتوجه لحمام راسو كايحرقو تخشى تحت رشاشة وكايخطط شنو يدير لصقر ويرد ليه دقة جات فبالو ليلة لبارح وكيفاش كاين كايبوس ف امال بزز مرر يدو على شعرو بعصبية والما نازل عليه ....فجهة اخرى وصل المحامي عند عمار ومد ليه العقد لي خاص غير توقيع ديالهم خداه منو وتوجه للغرفة فين كاينا وئام لي غير شافتو رجعت تغوت وتسب ......
وئام .. الله ياخد فيك الحق خرجني من هناااا 
عمار ..حط العقد قدامها " وقعي 
وئام .."لاحتو ليه بدون ماتشوفو " اش غانوقع ولا نخرا قلت ليك خرجني من هاد لغار 
عمار .. "رجع مدو ليها وتكلم بصرامة " ظاهر ليا بغيتي نرجع كيف الاول ونوريك العين لحمرا " وقعي خلااص 
وئام .."شافت العقد ووسعت عينيها " شنوووووووووو

__مكان_ اخر__________
كان مسطح فوق الكانابي فتح عينيه ببطئ يالا غايتقلب على جيهة الثانية وهو يجي منشور فالارض نسى بلي ناعس فالكانابي وقف وكايطرطق فعنقو بتعب توجه لحمام خدا شور لوا الفوطة على نصو والفوطة ثانية نشف بيها شعرو خدا الحوايج لي كان لابس البارح رجع لبسهم وخرج من الغرفة كانت فغرفة نومهم جامعة رجليها وكاتخمم فختها وقفات بتعب توضات وصلات وخرجت من الغرفة فتجاه المطبخ يالا دخلت وهي تلمحو كايجهز ليه القهوة ...
ريحان ..صباح االخير 
صقر .. الصمت 
ريحان .. علاش مانعستيش البارح فبيتك 
صقر .. الصمت "هز طاس دالقهوة وخرج من الكوزينة بلا مايهضرها طلعاتو ونزلاتو" 
ريحان .. "بينها وبين نفسها " هاااااااه منخلني "عقدت حجبانها وخرجات عندو كان جالس فصالة مونجي كايشرب القهوة وكايهضر ف تيلي فنفس الوقت .
صقر .. مزيان بزااااف خود الادن بتوقيفو انا جاي 
ريحان .. "فهمات بلي كايضهر على وئام " فين هو واش لقاوهم "شدت يدو " هضرررررررر واش لقاو وئام " تجمعو دموع ف عينيها " الله يخليك هضر هئ..هئ..هءهءهءهء
صقر ..."حس بالوخز فقلبو " ايييه لقاوهم دقائق وتكون معاك امراتي العزيزة يالي كاتاهمني بالانانية وتقصير " خرج من الڤيلا بخطوات متسارعة عاقد حجبانو تبعاتو كاتجري يالا غاتطلع فلوطو وهو يكسيري خلاها وراه حالة فمها وغاتاكل جنابها تاصلت بيه ديك ساع كدا مرة بدون مايرد _______
_ فالجهة _ الثااانية_________
بعد ماطرفت ليها حالتها وشرباتها شوية دشربة بزز مسحت ليها فمها وباست جبينها وخرجات من شقة عطات ساروت لخدامة لي عند جارتهم ووصاتها عليها تطل عليها كل مرة خرجات من العمارة بعد ماشكراتها وتوجهات لراس شارع وقفت طاكسي مسافة طريق كانت قدام باب القصر يالا غادخل وهي تخرج ف أوس لي كان خارج مزروب غير شافت ف عينيه بحال الى ضربها ضو شريط ليلة لبارح داز قدام عينيها ....
أوس .. "بنرفزة " حلي عينيك البشار 
امال ..الصمت 
أوس ..ثم اش هاد الوقت درنا معاك 7 الالة ماشي 7:30 
امال ..نفجرت فوجهو " اييييييه باش من حق كاتهز عليا صوتك انا كانجي من رباط وماعنديش طنوبيل باش نجيك فالوقت انت لي دارك فجايحة لكحلة زايدون مدام راضية لي من حقها تحاسبني على روطار ماشي سيادتك اااااه واخر مرة تحاول دور بساحتي او تتجاوز حدودك كيف البارح حيت انا ماشي من القحبات لي كايكونو تحت كل ليلة كاتسمع "رفعت حاجبها وكاتسنى الاجابة " 
أوس .. "حل فمو من جرأتها " ش شنو قولتي هاااا "صغر عينيه وكايعاود كلامها " مانحاولش نتجرأ حيت نتي شنو "اط ندكر " اااه حيت نتي ماشي قحبة "صفق بيدو " اوووووه صدمتيني الالة شريفة " تحنى بحترام " احترامااتي الشريفة ماكنتش عارف " شدها من الفك ديالها وزير عليها حتى وجها حمار وتكلم من تحت سنانو " كيفاش تهزي عليا صوتك وتحلي كرك فوجهي همممم "زير اكتر واكتر " واش ماعارفاش راسك معامن ولا كاتستعبطي دور شريفة ماشي معايا دوزت منك عدد وحدة قحبة "دفعها حتى جات منشورة "وشاف فالساعة "لقتيني مزروب من بعد وانا معاك "يالا غايخرج هو يتلفت ليها " وتيقي بيا الماسك لي لابسة غاتلوحيه قريب وغاتجي لعندي وطلبي مني نطلعو معاك غير صبري "خرج وخلاها غاتنفاجر وقفات وتبعاتو وكاتعلي صوتها " 
امال .. تطلع معاك مولات الواد اقليل ترابي عند بالك غاتذلني حيت خدامة عندك الف واحد يتمناني نخدم عندو البغل "رجع لهنا نوريك علاش قادة رجععععععع "كان مطلع زاج وماكايسمعش هضرتها كسيرا بدون مايسمع اش قالت ضربات رجلها مع االارض وطلعت لعند راضية فالجهة االثانية كان عمار جالس وكايشوف ف توقيع وئام والابتسامة على شفاهو .....
#فلاش _ #باااك_____
وئام .. مستحيل نوقع مستحيييييييييل ..
عمار .. سي غاتوقعي امكن نسيتي بلي الڤيديو عندي اش بان ليك نقدمو لبوليس ونخليك دوزي شبابك فالحبس وسط المجرمات همم ؟!
وئام .. الله ياخد فيك الحق 
عمار .. "مد ليها العقد " طلقي راسك 
خداتو منو ودموع ف عينيها بعد تردد وقعات العقد فكل ما كايجي فبالها تقدر ترجع لحبس قلبها كايبغي يوقف مداتو ليه والغصة ف حلقها ....
__الحااضر ________ 
سمع صونيط لباب كان عارف بلي البوليس لي جاو توجه لباب كايتمختر والابتسامة على شفاهو يالا فتح لباب وهي تجيه لكمة لوجه من عند صقر حط يدو على وجهو ووسع عينو

شد وجهو وكايشوف ف صقر بغضب 
صقر ..فين هي البنت الكلب
عمار .."جمع يدو على شكل لكمة وعطاه لوجه " اجي نوريك الز******* شكون لي كلب فينا تشابكو بزوج والغضب مالي عيونهم دخلو لبوليس وبعدوهم على بعضهم ___________
الضابط ..ميسيو بن جلون معانا امر بتفتيش وتوقيف سيادتكم بتهمة الخطف 
عمار ..علاشمن خطف كاتهضر هااا !!! 
صقر .. "من تحت سنانو " فين هي وئام 
عمار ..وانت اش دخلك فمراتي تكون فين بغات "خزر فيه 
صقر .. "بصدمة " ش شنوووووو !!نعااام "عقد حجبانو " فين هي لبنتتتتتتت !
الضابط .. كيفاش مراتك !؟
عمار.. "مد ليه العقد " ايه مراتي وانا لي غانطلب بتوقيفكم ومعاقبتكم على الاتهامات الباطلة والازعاج "___كايشوف ف صقر لي خطف العقد من يد الضابط وقراه حل فمو من صدمة ووسع عينو سرعان ماجمع فمو ورجع شاف فيه والغضب متمكن منو__________
صقر .. انا عارف بل متأكد بلي درتي شي حاجة لبنت ورغمتيها حركات ولاد لق*******
حافظهم "بتهديد " فين هي لبنت ولا غاندمك
عمار .. "بنفاد صبر " انا لي غاندمك ادا ما عطتينيش بتساع "بنرفزة " يالااا خويو عليا من هنااااا_________
___مكان_اخر____________
امال .. "بخوف " ماما مالها اش وقع "حطت يدها على فمها " الله ياربي هئ...هئ...انا جاية تاصلي بالإسعاف الله يخليك___قطت الخط وشافت ف راضية لي كاتشوف فيها ومافاهمة والو ...
راضية ..اش واقع ؟!
امال .. "دموعها نازلين " م ماما هئ..هئ...ماما مريضة بزاااااف________
__فجهة_اخرى_____________
بعد ما البوليس شافو عقد زواج لسانهم تعقد ومابقى قدامهم مايديرو رجعو بأدراجهم للولاية بعد ماعتذرو على الازعاج وبقى صقر محيح مع عمار بعد ماعرف بلي ماغايصور منو والو رجع لشركة ودماغو مقلوب ما كانش عندو لا الخاطر ولا الوجه لي يشوف ف ريحان ريحان لي عقلها غايخرج عيات تتاصل حلف لا رد عليها عند امال بعد ماخبرت راضية بلي مها زاد عليها الحال خرجات من القصر كاتجري بلاعقل وصلت هي والاسعاف قد قد كانت الخدامة لي فالشقة لي جنبها ف نتظارها وحكات ليها شنو وقع

طلعت مع رحمة فالإسعاف وتوجهات بيهم لمستشفى سويسي بالرباط ____________ بعد ماكمل شغلو رجع لقصر وعينيه كايقلبو عليها 
أوس .. فين هي مي !
سعدية .."رئيسة الخدم " لالة راضية لحقات على امال لسبيطار 
أوس .. "خاف على جداه " سبيطار ! اش واقع ؟
سعدية ..ماتخافش اسيدي لالة راضية لاباس عليها هادي مامات امال لي نقلوها لمشفى 
أوس .. "تنهد برتياح " اوك شوفي شغلك "جبد تيلي من جيبو ودوز لخط رد عليه سائق ......
سائق .. نعام سيدي ؟!
أوس .. بصوت رجولي "فينكم !؟
سائق ..حنا ف سويسي اسيدي 
أوس .. اش واقع لديك لق******** 
سائق .. "بلع ريقو " مها عندها شلل نصفي وليوم فالصباح لقاتها لجارة فاقدة الوعي ديالها ومزال ماعرفنا شنو عندها لالة راضية كاتكلم مع الطبيب لي مشرف على حالتها 
أوس .."بخبث '" دابا رقم الدكتور يكون عندي
سائق ..امرك سيدي____طيييييييييط قطع عليه لخط وطلع لغرفتو وكايطرطق فعنقو من تعب لاح تيلي فوق السرير وتوجه لحمام____
_فجهة___اخرى______
رجع لڤيلا طايرة ليه وماعندو خاطر وقفاتو ريحان عند لباب وتسرسبات عليه بلأسئلة...
ريحان ..فين هي ؟! علاش ماكايناش معاك؟! هضررررر "شداتو من الكول دالقميجة وكاديه وتجيبو .....
ريحان ..هضر خلاااص فين هي ؟
صقر .."دفع يدها بنرفزة " اووووووف هاد شي بزااف ختك الالة تزوجات وسدي عليا هاد لموضوع ماتبقايش تفرعي ليا ك******* فطالعة ونازلة __ عطاها بظهر وتوجه لدروج بين ما هي حلت فمها من صدمة ومزال ماقدرتش تستوعب شنو قال شافت فيه وفمها محلول على االاخرر_____
ريحان ..ش شنووووووووووووووو "تبعاتو كاتجري " شنو قولتي تزوجااات !! اش كاتخرف شرح ليا "وقفت قدامو والغضب عامي عينيها " هضرر شرح لي !
صقر .." مرر يدو على شعرو بعصبية وتنهد" كيف سمعتي تزوجت انا بيدي ديت لبوليس حتى لقلب دارو فالتالي عرفنا بلي مزوجين كيفاش وعلاش ماعندي حتى فكرة ومابقى فيدنا والو سيد مزوج وماعند البوليس مايدير ليه 
حست بدنيا كادور بيها ورجليها خواو ثواني وكانت طايحة فالارض وفاقدة الوعي لون وجهو تخطف هزها بين دراعو بسرعة وتوجه لسرير والخوف مسيطر عليه ضربها على وجها بشوية وكايحاول يفيقها ....
صقر .."بخوف " ريحان...ريحااااان

كانت غادية جاية ودموعها على خدها وقفاات قدامها راضية بالكرسي المتحرك وعلامة الأسى على وجها شافت فيها بعيون دامعة وتكلمت والغصة فحلقها________________
امال .. ش شنو قال ليك طبيب ماما مالها هئ..هئ..هءهءهء......
راضية .. "شدات يدها " ماتخافيش غاتولي لاباس جاها نهيار عصبي هو لي خلاها تغيب وتفقد الوعي والشلل سببو ازمة نفسية الحل الوحيد هو الطبيب نفسي على الله شيفة تجي على يدو 
امال.. ماما مسكينة هئ..هءهءهءهء سير امراد الله ياخد فيك الحق الله ينتقم منك هءهءهءه
راضية .."بستفسار "شكون مرااد ؟!
___فالجهة__الثانية_____
فاطمة ..لاااا لاااا هاد لحالة ماعجبنيش اش هاد زهر عندك ازرgت ليام حتى قلت الميمون تكعد ليا صدق عاطيني بقاعو بعد ماكان خانز فلوس رجع مزلوط كتر من وعدي بفففففف "وقفت وكاتخمم " خاص نشوف شي تصريفة معاه اش غاندير بواحد مزلوط وغارق ديون هااااااء "عوجات فمها " 
__مكان__اخر_________
االحاج محمد ..."بصدمة " شنووووو تزوجتي وبيمن بديك قليلة الحيا لي ضربت خوك وكانت غادي عمرو عند بالك انا ناعس على ودني فراس قالي شكون ضرباتو فالاول مستحيل نخلي ديك الملقطة تفلت من العقاب
عمار .."بعصبية " باااباااااااا "كتم غضبو " اذا ضربتو ف دفاعن على نفسها والى كان شي حد خاصو يتعاقب ف قليل ترابي دولدك لي خلاني ن_____ رجع الكلمة من فمو " قبل ولا ماتقبلش شغلك هداك وئام مرااتي "من تحت سنانو " مرااااااتي ولي قلل منها قلل مني ولي مابغاهاش مابغانيش "شاف ف عينيه بتقة" 
الحاج محمد " بصوت عالي " خرج عليااا خرررررررررج عمرني نقبل بيها وماحدها مراتك نساني ونسى هاد دار والشركة والاملاك غاتخرج من عندي يدك فوق راسك وعمرك تحلم تخدم فشي شركة سير حتى يضربوك لحيوط وغاترجع وديك ساع ما غانسمح ليك حتى طلقها وترميها رمية لكلاب " شاف فيه وعينيه حمرين كيف جمر "
عمار.. "لاح لي لكونطاك دلوطو ولكارط بونكيغ وشاف فيه بغضب " عند بالك غانموت بجوع ادا تفرقت عليك انت لي غاتنساني بمرة وعمرم تحلم نفرقها "خرج من الڤيلا ساخط على الوضعية وماكايشوفش قدامو وخلا وراه الحاج محمد شاد قلبو كايتعصر عليه وجنبو رانيا حالة فمها على الاخر ومزال ماقدرت تستوعب شنو سمعت وكلمة مراتي كاتردد داخلها كرزت على يدها والحقد عامي عينها 
زينب .. قلت ليك غاترفع دعوى ولا غانطري عليك من ديك المجموعة
المحامي .. "بلع ريقو " انا قلت زعمة ماتسرعيش نتي وسي معتز عشرة سنين وبينكم و-------- قاطعاتو بحدة " 
زينب .. وانت اش مشى ليك ياقليل لفهامة هاااااا شغلك ؟! دير خدمتك ولا غبر عليا خليقتك فمرة.
المحامي .. "حنا راسو " امرك لالة
__فجهة__اخرى_____
بعد ما تاصل بطبيب وكشف عليها طمنو بلي غير ضغط لي نزل ليها وصف ليها شي ادويك ومشى جلس جنبها صقر وشد يدها ...
صقر .. دابا شوية 
ريحان ..يغيت ختي هئ..هئ...وئام مستحيل ديرها هئ..هءهء مستحيل
صقر .."بعد تفكير تنهد " يكون خير انت رتاحي وماتجهديش نفسك
ريحان ..كيفاش غانرتاح كيفاااااش هئ..هئ..

____بعد _ مرور _ اسبوع_______
..... فكر اصاحبي ماعندك حتى حل من غير هاد لحل ماتنساش انت دابا مزوج وعندك مسؤولية اكبر من الاول شوف مصلاحتك فين
عمار .. "وقف ومرر يدو على شعرو بعصبية" واش عارف اش كاتقول هاااا ؟! بغتيني ندير يدي فيد الشخص لي كايتعتابر اكبر منافس لبابا ولي كان ورا لحادت لي وقع ليه قبل 15 سنة ولي بسبابو كان غايموت " بإصرار " مستحيل وبليز سد عليا هاد الموضوع
..... على اساس باك غامسوق ليك ياك جرا عليك وخلاك على لحديدة انا لو منك مانتلفتش ليه مزال فهاد دنيا نفسي نفسي كاتسمع نف_______ قاطعو بحدة'
عمار .. "بعصبية " منعمممممممممم "تنهد " سد عليا هاد لقلا******** جيت لعندك باش تعاوني ماشي باش تحرضني على با ادا باغي توقف معايا مرحبا وادا لا خليني ندبر على كر***** فجيهة اخرى 
منعم .. "ببتسامة صفرا " برد اصاحبي برد "مد ليه كاس من البيرا " كالما حنا غير كانهضرو احم انا غانشوف ليك تصريفة 
عمار .. "جلس فالكانابي وكايمرر يدو على شعرو بعصبية "هاد الوضع ما عاجبنيش المشاكل طاحو عليا كيف شتا بابا من جيه ووئام من جيه وداك لق******* دطوماس من جيه 
____فمكان _ اخر__________

باتول .. شوفي حالتك كيف ولات ضعافيتي ووجهك ولا صفر تقول داخلاك الموت صافي البنت تزوجات ولي عطا الله عطاه علاش كاتهلكي فصحتك هاااا واش نسيتي بلي راك حاملة ؟! ثم صقر اش دار ليك همم ؟! ياك دار مافجهدو بهاد شكل غاتخربي زواجك سيد مابقاش كاع كايشوف جيهتك بكتر ما كاتبردي فيه سمك ايوا بقاي حتى ضيعيه من يدك وديك ساع اجي عندي تبكي 
ريحان .. "شافت فيها " انت غير كاتهضري البنت مزال صغيرة مابغاتش تدخل ليا لدماغي كيفاش تزوجت كتر من سيمانة ماشفتهاش وتيلي ديالها طافي كيفاش بغيتي حالتي تكون هاديك راه ختي واش كاتسمعي ختي زيد عليهم ديك لالهم فاطمة منوضة روينة ماحليتي ل عماد لي ولاجافر وفاطمة غاتخرجو على طوعو وغايضيع مستقبلو ماحيلتي لوئام لي لارض نشقت وبلعتها عاد جاية تقولي ليا صقر هااااااء مزيان ولهيلا مزيان صقر لي هامني فهاد ساع "قلبت عينيها وزفرت بعصبية بدون ماترد لبال لصقر لي دخل وسمع كلامها وشاف كيفاش قلبت عينيها كرز على يدو وطلع لطابق الثاني بدون مايقول حتى كلمة او يرجع يشوف فيها مرة اخرى باتول حلت فمها وخرجت عينيها ف ريحان لي حست بوخز ف قلبها وماحملتش راسها لكن سرعان ما نفضت عليها الاحساس بدنب ورجعت كملت كلامها ...
ريحان .. قلبي عليا هاد سيرة عفاك 
باتول .. "هزت صاكها ووقفت " عومي فبحرك ابنت الناس "تخطااتها وخرجت تحت انظار ريحان لي وسعت عينيها على االاخر وجلست تكلم نفسها ...
ريحان ..علاه اش قولت انااا حتى تخليني وتخرج هاااااء "شدت راسها بيدها " الله ياربي راسي غايطرطق هاد شي بزاف علياااا
اول مادخل للغرفة لاح لاڤيست فالارض بعصبية وحيد لكرفاط لاحها بزعف وجلس فطرف دسرير صدرو كايطلع وينزل بعصبية وعروق يدو ورقبتو بارزين جبد سيجار شعلو وجلس يكمي ودمو كايغلي بعد ماكملو توجه لدوش ودماغو كايدور سبعة دورات تخشا تحت رشاشة وعينيه حمرين كيف جمر وكلامها كايتردد داخلو ...

كان جالس فالمكتب ديالو داخل القصر مكتب طاغي عليه الون الاسود القااتم وسيجار من نوع الفاخر فيدو كل مرة كاينتر منها نترة وكايخرج دخان من انفو بعد دقائق طرقت الباب ودخلت بعد ماسمعت الادن _______
امال .. قالت ليا رئيسة الخدم طلبتيني 
أوس .. نتر نترة من سيجارة وتكلم بصوت رجولي " جلسي "اشار ليها " 
امال .. انا ماجيتش نجلس ونضايف اش حب لخاطر " زيرت فمها وقلبت عينيها بعصبية " 
وقف وتوجه ليها بخطوات تقيلة وعينيه ف عينها جدبها لعندو وزير على الفك ديالها " 
أوس .. اش كايسحاب لقح***** مك هاااا امكن نسيتي بلي انت وحدة من الخدم لي عدني ولي كانعطف عليهم ب دراهمي 
امال .. "ستجمعت قواها ودفعاتو والغضب متمكن منها " انت غالط ماكاتعطفش عليا انا كانخدم وكاناخد دراهم من عرق كتافي كاتسمع من عرق كتافي "وركت على كل حرف وعينيها ف عينيه " وياريت تخليك بعيد عليا حسن لك وعندك ظن بلي غاتقدر تخوفني راك غالط "يالا جات تخرج وهو يجرها من دراعها بقوى وزدحها على الحيط وكالاها بيديه بزوج رعروق رقبتو بارزين تكلم من تحت سنانو وغينيه نقطة دم والعرق نازل مع جبينو ....
أوس .. ظاهر لي ماعارفاش راسك شكون هذا لي قدامك وخطورة عنادك خليها حلقة فودانك طلعتي نزلتي كاتبقاي وحدة من الق******* لي كايهزو ليا رجليهم كل ليلة _______قرب منها اكتر واكتر حتى تخلطو انفاسهم وكمل كلامو لي كيف سم وعينيه ف عينيها _____
وخلي حتى هادي فبالك غاتجي لعندي وتترجايني باش تكوني تحتي وغاتزهي ليا رجليك بعد ما تترجايني كيف لكلبة وديك ساع عاد غانفكر واش نعطيك شرف تكوني معايا ف فراشي ولا لا "غمزها قبل مايدفعها بعيد عليه حتى جات منشورة فالارض خدا سيجارة ورجع كايكمي وعينيه ف عينيها جنون بداو يشطحو فوق راسها جمعات لوقفة وتوجهات ليه والغضب عامي عينيها ......
___فجهة __ اخرى _______
بعد ما خدا دوش لوا الفوطة على نصو وتوجه لدرسينغ لبس سروال جينز مع تيشور فالابيض نشف شعرو وردو لور ولبس ساعتو اليدوية ورش عطرو عاد خرج من الغرفة عاقد غوباشتو فطريقو جات عينو ف عينيها ضرب ليها تخنزيرة خلاتها تغرق ف حوايجها وخرج بدون ما يكلمها جلست فالكانابي وكاتاكل ظفارها من الفقصة وكاتكلم نفسها .....
ريحان .. هذا مالو كايخنزر فيا اش درت ليه هااااااء "زفرت بعصبية وتوجهت للغرفة لقاتها مقلوبة سفاها على علاها تنهدات وبدات كاتجمع فيها ودماغها كايدي ويجيب 
طلع فلوطو ديالو وكسيرا ف تجاه الشركة دخل ديريكت للمكتب والسكرتيرة وراه كاتجري وكاتهضر بزربة فنفس الوقت ...
السكرتيرة .. ميسيو من دابا ل 15 دقيقة عندك اجتماع مع زبناء الجدد وفاليل مع 21:00 بضبط كاين عشاء عمل ف مطعم ***** مع الزبون الامريكي ركاردو طوماس "حطت ليه الملف قدامو " واذا سمحتي وقع ليا هاد الاوراق و....."قاطعها بعصبية " 
صقر .. دو دوو دوو خرجي عليا وماغانوقع حتى خرا برااااا 
سكرتيرة .. ل لكن م___قاطعها بحدة " برااااا

كانت جالسة ف طوبيس فالمقعد لاخير وحاطة راسها على زاج ودماغها سارح وكاتفكر
#فلاش_____#باااك______
امال .. بزاااف عليك ولهلا يوصل يديك لرجليك حتى نكون وحدة من لق***** لي كاتهضر عليهم عشم ابليس فالجنة عند بالك كاع لبنات ميتات عليك دير فبالك لاانت ولا هاد لقصر دخرا ديالك ولا طنوبيلات دلويل ديالك ولا فلوسك ولا خرااك هامني ومافايقاش ليك من نعاس كاتسمع وهاد لخدمة شبع بيها بزاف عليك حتى نكون وحدة من الخدم لي عندك "عطاتو بظهر يالا حطات يدها على لبواني باش تخرج وهو يوقفها صوتو .................
أوس .. انا لو مي مشلولة وضارباني لحزقة حتى لودن كنت غاندير لمستحيل وغانستغل اي فرصة تجي فطريقي على قبل مي وعلى قبل لحزقة لي ضارباني لجدرت لودن "تبسم بخبث " 
امال .. "تلفتت ناحيتو " اش كاتخور اش وصلك لمي اش كاتخ__ ردت الكلمة من فمها كتمت غضبها وزمجرت " تافه "شافت فيه والغضب مخليها كلها كاتغزل " اش كاتقصد بهاد تخوار هااااا !!!!
أوس .. "جلس ودار رجل فوق رجل وكاينتر من سيجارة " قصدي واظح وظوح شمس فنهار جميل انتي ذكية بما يكفي "عتدل فالجلسة " اوك نقول بلي انت وحدة مكلخة وناخدك على قد عقلك "وقف وتوجه ليها " كيف ما كانعرف مك وحدة مشلولة عندها شلل نصفي ومؤخرا جاها نهيار عصبي خلاها مليوحة فديك زبالة دسبيطار ابن سينا لي هو سويسي والسبب مشكل نفسي ولاطباء ماعندهم باش يفيدوها ما عادة طبيب مختص فالامراض نفسية ولي تكاليفو باهضة هذا اذا بغيتي طبيب نيت ماشي خشيبة وانت وحدة حازقة عليك دنيا وعاطياك بقاعها ماعندك باش تفديها ما عادة ادا "كايشوف فيها بشهوة " عريتي على قاعك وهزيتي رجلك وهزان رجلين فيه وفيه كاين لي غاتهزي ليه رجليك ويلوح ليك 50 درهم بعد مايخوي فيك وسخو المسخة وفيه لي غايعطيك فلوس صحاح ولي بيهم غاتخلي ديك العقروشة دمك توقف على رجليها وشخص الثاني واقف قدامك "جدبها لعندو ولصقها عليه وحاول يبوسها من فمها "
امال .. "ستجمعت قواها ودفعاتو بكل قوتها وعطاتو لوجه " بزاااف عليك القو****** كاتسمع بزااف عليك 
أوس .. "حط يدو على خدو وعينيه قطرة من دم هز يدو لفوق ونزل عليها لوجه حتى نقز دم من فمها وجات طايحة حدا رجليه تحنا لعندها وهزها من شعرها وقابلها مع وجهو وتكلم من تحت سنانو " كانقسم ليك غاتجي طلبيني كيف لكلبة وديك العقروشة دمك غاتبقى هاكاك مدام انت منشفة راسك غايضربوك لحيوط وغايتسدو لبيبان فوجهك كتر ماراهم مسدودين وديك ساع لينا كلام الق**** دفعها حتى طاحت " ودابا دوري تقود****** مانشوفش وجهك هنا وعمرك تحلمي تخدمي فشي بلاصة طوليط هي لخرا ماتحلميش تغسليها "نفض يدو بعد ما دفعها وقفات شافت فيه بشمئزاز وخرجت من عندو بدون ماتكلمو خرجات من االقصر وتوجهت لراس شارع دمها كايغلي ودمعتها فطرف شفارها وقف طوبيس وتلاحت فيه 
___نهاية _ الفلااش _____ 

السائق .. الالة البنت نزلي هادي هي لمحطة لخرا "بصوت عالي " واااااا دار البيضا نزلي 
امال .. "فاقت من سهوتها وشهقت " هاااااااا "تلفتت يمين وشمال لقات طوبيس كايسفر كاع ناس لي فيه نزلو هزت صاكها وخرجت منو فتجاه السويسي جلست قدام بابو حتى وصل وقت زيارة دخلت لداخل وتوجهات لطابق لي فيه رحمة مها

#المساااااااااء_______🌇
طول النهار كايدور بلوطو وسط لمدينة ولغا كاع لمواعد لي عندو بعد ما عيا توجه لبار جلس فمكانو المعتاد وطلب المشروب ديالو وجلس كايشرب حتى تقلبو عينيه كتر من المشروب ولاو عينيه حمرين كيف جمر وكلامها صداه كايتردد فمسامعو وعرق مطراسي فجبينو رتشف المشروب حتى لجغمة الاخيرة عاد خرج من البار كايميل يمين وشمال وقرعة المشروب مزال ما مفتوحة فيدو طلع فلوطو وتوجه لبحر وقف بسيارتو فوق الجرف ونزل منها بتتاقل ____ 
____بعد منتصف اليل ____ 
كانت غادية جاية والخوف مالي قلبها وكل مرة تهز عينيها وتشوف فالساعة ...
ريحان .. الله يابي لوحدة ونص هادي فين غايكون "ضربت بيدها على راسها " اخخخخ منك اريحان اخخخخ اش درتي شنو ذنبو هو فهاد شي كامل اش داني نقول داك لكلام "تنهدت وجلست فوق الكانابي بقلة حيلة والندم غاياكلها " فالجهة الثانية كان صقر جالس فالارض ومتكي على لوطو وكايشرب المشروب من القرعة ودماغو كايبني ويريب ...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.