بعد ماوصلت 3 دصباح طلع فلوطو وديمارا فتجاه لڤيلا مسافة طريق كان قدام بابها بلاصة سيارة ونزل منها وتوجه لباب بتتاقل وكايميل يمين وشمال فتح لباب بالكشايف وتوجه للداخل كانت مكمشة فوق الكانابي وناعسة اول ماسمعت خطواتو قفزت رفعات راسها شافتو ماشي حتى لتم وقفات وتوجهات ليه ......
ريحان .. ف فين كنتي علاش تلفونك طافي !
صقر .. "لسانو تقيل بشراب " ش شغل مك هاااا ؟! اص اصلا شكون انت حتى تسوليني نكون فين بغيت "دفعها بيدو " بعدي لهيه __ توجه لدروج بخطوات تقال وكايميل ياالا غايحط رجلو على درجة تعكل مشات كاتجري فتجاو وشدات يدو وكاتحاول تسندو عليها دفع يدها وبعدها عليه وكمل طريقو تجمعو دموع ف عينيها والغصة فحلقها رجعت لكانابي وتكمشت فيه ودموعها على خدها ...
ريحان .. هئ...هئ.. هءهءهءهء " دفنت راسها بين يدها وطلقت لعنان لدموعها فالطابق الثاني وبضبط ف غرفة نومهم كان صقر مرمي فالسرير على كرشو ومزال ماحيد صباطو غفى من كترت تعب بعد دقائق طلعت لعندو فتحت لباب بالمهل ودخلت راسها شافتو ناعس بديك طريقة توجهات ليه وحيدات ليه صباطو وقادات ليه راسو وتسطحات جنبو بعد دقائق من تفكير غفات بدورها
___اليوم _ المواالي _______
فاقت مع ساعات الأولى تلفتت لعندو كان غارق فسابع نومة ناضت بالمهل وتوجهات لحمام خدات دوش خفيف وتوضات وتوجهت لدرسينغ لبست عباية وصلت الصبح من بعد لبست كسيوة فوق ركبة فيها لي فلوغ فالالوان ودراعها عريانين جمعت شعرها عشوائي ونزلت لكوزينة بدات كاتجهز لفطور وجدات القهوة قاصحة كيف كايبغيها وعصرت ليمون كانت ديجا عندها الكيك حطات طاس دالقهوة فالبلاطو ومعاه كاس العصير وكاس دالما والكيك هزات لبلاطو وطلعت لطابق الثاني كان يالا فتح عينيه وكايتكسل خنزر فيها وتوجه لحمام خدا شور خفيف من بعد لوا الفوطة على نصو وخرج كانت حاطة البلاطو فلاطيراس والابتسامة على شفاهة عطاها بظهر وتوجه لدرسينغ لبس شورط فالكحل وايكسا فالبيض رد شعرو لور وخرج من درسينغ لقاها قبالتو وكاتشوف ف عينيه
صقر .. ماخاصنيش وياريت تخليك بعيدة عليا حسن ليك "خرج من الغرفة وخلاها حالة فمها نزلت دمعة على خدها مسحااتها بالخف ولحقات عليه بخطوات متسارعة
ريحان .. "بصوت عالي " وقف رجع هنااااا
ريحان .. تبعاتو كاتجري " قلت ليك وقف ___ طلع فلوطو وكسيرا بدون مايتلفت ليها جلست على عتبت الباب وطلقت العنان لدموعها وشهقاتها
__فالجهة _ الثانية ______
زينب .. هي كلمة ورد غطاها غاطلقني هي غاطلقني ماشي انا لي دير عليا صاحبة كن غير كانت شي وحدة نيت نقول اه وبردت كلبة بنت دوار كيلوطها خانز بالبول تدخل عليا درة لهلا يحيك ويحيها
معتز .. "بعصبية " زينب زدتي فيه على اساس كنتي عاطياني قيمة امتى جلسنا بزوج وهضرنا بحال اي راجل ومرتو هااا !! امتى خرجنا راس فراس وتعشينا عشا رومانسي بحال اي كوبل ؟! تقدري تقولي ليا امتى اخر مرة سافرنا بزوج هااا ؟! " صغر عينيه " بلاتي ندكر اممممم قبل خمس سنين سافرنا وماشي باش ندفولاو نوو سافرنا على قبل عرس بنت ختك لي ففرنسا امتى اخر مرة قولتي ليا كانبغيك ؟! هااا تقدري تقولي ليا امتى ؟! وماخفية كان اعظم هاد شي كامل وجاية تلوميني حنت درت عليك صاحبة ؟! من حقي ندير صاحبة وزوج وعشرة على هاد الاهمال "زفر بعصبية " طلبت وزاوكت وعيت مانذل راسي لحد هنا وسطوب لي بان ليك دريه ابنت ناس انا قلبي طاب ومابقى عندي فين نزيد غير هو قبل ماندرق زلافتي من هنا نبغيك تعرفي بلي حتى وحدة ماكاينا فحياتي من غيرك وديك فاطمة كانت نزوة ومشات لحالها "خرج من الڤيلا وردخ لباب وراه وخلا زينب كاتبلق ف عينيها والفقصة راكباها _________
___فالجهة _ الثانية _______
بعد ما كان كايركب افخم السيارات ولا كايتنقل ف طوبيسات وطاكسيات نزل من طاكسي كبير ساخط على الوضعية وكاره حياتو ضرب كعطا على رجليه عاد وصل للحي لي كاري فيه حي متواضع وسط لمدينة طلع لطابق الثالت وفتح باب الاباخطومو لي كاري ولي حيوطها كاع مقشرين وكاتكون من بيت نعاس وصالة صغيرة وكوزينة ودوش وفيه طوليت عصرية كانت شقة متواضعة بل اقل من متواضعة ومساحتها ضيقة دخل للغرفة كانت مكمشة فوق السرير وجامعة رجليها عندها ومخنزرة طلعها وهبطها وتكلم
عمار .. جبت لغدا نوضي تغداي
وئام .. الصمت
عمار .. قلت ليك نوضي
وئام .. ماخسنيش عطيني بتساع
يالا غايرد عليها مي حبس فأخر لحظة تنهد وخرج من الغرفة وجر وراه لباب توجه لصالة وحط ساشي (الصاك ) لي فيه لغدا ولي عبارة على زوج ساندويشات بالطون والفريت وزوج المونادا كلا ساندويش ديالو وخلا ليها ديالها ناض شلل فمو وشرب لما ورجع تلاح فو الكانابي وتقابل مع تلفازة صغيرة الحجم وفيها غير زوج حلاقم (دوزيم / الأولى ) لاح تيلكوند بسخط وتلقب لجهة ثانية ودماغو كايبني ويريب
أوس .. نبغيك تكلم مع كاع المستشفيات العمومية وتنبه عليهم ممنوع يقبلوها وحل عينيك وودينك حسك عينك ديك الق***** تلقى الخدمة ممنوع تخدم كاتفهم الطوليط العمومية هي لخرا ماتخدمش فيها
الشخص .. امرك سيدي ___ قطع الخط وتلاح فوق السرير وابتسامة خبيثة على شفاهو
__فالجهة _ الثانية __
سدات باب ثلاجة بجهد وهي ساخطة على الوضع توجهات لصالة وبقات غادية جاية
فاطمة .. الله ياربي اش هاد لحالة ثلاجة كاتصفر وداك لعقروش قلب عليا وجهو اش غاندير دابا "شدت راسها " لااا لاااا هاد لحال ما هواش خاص نضبر على كر******* فشي قنت ولا غانموت بجوع "لاحت شعرها ورا ظهرها وتوجهات لغرفتها
___ مكان _ اخر _______
بعد ماتقطع حسو ناضت من فوق السرير وخرجت من الغرفة كاتمشى على طراف صباعها كان مسطح وقالب وجهو لجيهت الحيط وفوق الطبلة كاين ساندويش وجنبو كانيط كوكا هزاتهم بالحس ورجعت للغرفة جلست فوق السرير وبدات كاتفتح ف ساندويش يالا فتحاتو وهي ضربها ريحة طون روعاتها عوجت سيفتها وحطاتو وكادور ف عينيها بعد ثواني رجعت هزاتو ماعندهاش بديل مصارنها كايزغرتو بجوع يالا عضاتو وهي طلع معاها ترويعة هاد لمرة كتر من الاول ناضت كاتجري لحمام كاتبوع بعد ما خوات كاع لي فمصارنها هزات راسها فالمرايا وكاتشوف فوجها لي ضعاف وولا شاحب رشات عليها الما وخرجات من الحمام كاتجر فرجليها فتجاه الغرفة رجعت تكمشت فوق السرير وكاتكلم نفسها ________________
وئام .. الله ياربي اش هاد لحالة جوع قتلني اش غاناكل تما انا شحال من مرة كليت طون عمرو روعني "لاحت شعرها ورا ظهرها " خاص نلقى شي حل ماغانجلسش فهاد زريبة ونعض ظفاري خاص نهرب من هنا "وقفات بالمهل وتمشات على صباعها فتجاه الباب
الطبيب .. "بصرامة " كذا مرة قلنا ليك الشلل لي عندها ماعندو حتى علاج هنا الامر متعلق بمشكل نفسي "شاف فالممرضة " غاتساعديها تلبس حوايجها وتخرج عليا من هنا الغرفة غايدخل ليها مريض اخر
امال .. ولكن كيفا____ قبل ماتكمل كلامها خرج وخلاها كاضرب اخماس فأسداس تلفتت ناحية رحمة لي كيف الجتة ودموعها على شفارها ___________
فالجهة الثانية ريحان ماهناش ليها بال وماتصرطاتش ليها كيفاش منخلها وماعاطيهاش عتبار توجهات لغرفتها وتقابلات من سرجم (النافدة ) وكاتسنى رجوع بين ما هو كان جالس فالبحر وبضبط فوق الجرف وكلامها كايتردد صداه ف مساميعو .....
#فلاش _ #باااك_______
ريحان .. ماحيلتي لوئام لي لارض نشقت وبلعتها عاد جاية تقولي ليا صقر هااااااء مزيان ولهيلا مزيان صقر لي هامني فهاد ساع
#الحاااااضر________
كرز على يدو والغصة فحلقو هز حجرة صغيرة وسيبها فالبحر بعصبية وهضر من تحت سنانو
صقر .. ماهامكش يعني انا زايد ناقص عندك واخر اهتمامات "بصوت رجولي ممزوج ببحة " واخا الالة ريحان ماقولتي عيب " وقف وتوجه لوطو وكسيرا فتجاه اليخت ديالو مسافة طريق كان داخل الاسطول مد لكونطاك للعساس وتوجه لليخت ودمو كايغلي غلي نزل لمطبخ فتح ثلاجة وخدا منها الثلج والشامبانيا كب فالكاس وخرج من المطبخ الكاس فاليد اليمنى والقرعة فاليد اليسرى تسند على حافة اليخت وجلس كايشرب ودماغو مرفوع
__فالجهة _ الثااانية______
اول ماحطت يدها على لبواني فتح عينيه ووسعهم على الاخر شافت فيه بخوف ويدها كايرجفو لكن سرعان ماتغلبت على خوفها وطلقت رجليها لريح تبعها كايدردك فدروج وكايعيط بصوت عالي .......
عمار .. "بصوت عالي " وئااااام وقفيييييييييييييييي
خرجات من الدار كاتجري وعمار وراها وشعرها كايتلاوح ورا ظهرها وشي كايطل من سطح شي كايطل من سرجم من سمعو غوات عمار لي وصل لاخر دنيا يالا غادور مع زنقة وهي تجدبها يدو حتى تزدحات مع صدرو شدها بإحكام وعينيه حمرين كيف جمر ________
#المسااااااء__________🌇
بعد مادوز نهار كامل بتفكير وتقلبو عينيه بشراب خدا تيلي وتاصل بشخص وطلب منو يصيفط ليه شي ق******* بعد ساعة تقريبا كانت داخل اليخت شابة فالثلاتين من عمرها قامة طويلة وجسم نحيف وبشرة سمرا وشعرها فالاسود قاتم ومموج مليوج ورا ظهرها ومجبدا العينين بالإلينر وشنايف حبة من الكرز اقل مايقال عنها كاتهبل ولابسة غوب سكسي فوق الركبة فالاحمر وصدو مبندر توجهات ليه بخطوات تقيلة كايتسمع غير صوت طق____ طق___ دالكعب ديالها وريحة بارفانها كاتبنج جلسات فوق حجرو وكاتحك بمؤخرتها فوق المعلم ويدها كايلعبو فصدرو يالا غاتحط شنايفها على شنايفو هو يلوي يدها وتكلم بصوت تقيل بشراب وفيه بحة
صقر .. ب ع دي يدك الق***** جب جبتك هنا باش ن****** ماشي باش تلمسي فيا ____ دفعها على السرير وجا فوقها حط كل تقلو عليها وشرك ليها الكسوة لي لابسة ودفن راسو فصدرها بدون مقدمات كايجر ويمص بعنف يالا غايطلع لشنايفها وهي تجي صورة ريحان بين عينيه ناض فوقها كاينهج وعينيه حمرين كيف جمر مرر يدو على شعرو بعصبية وبلع ريقو بين ما العاهرة لي جاب كااتبلق ف عينيها واخا ماعطاهاش عتبار وعمرها كانت ليها شي زبون مايدوخش قدامها لكن ماهتمتش لا بقسوتو ولا بالفلوس لي غاتاخد قد ما مهتمة بيه يكون معاها وتعيش لحظة معاه متعطشة لمساتو وللممارسة معاه وقفت وشداتو فيدو كاتحلون عليه دفعها حتى جات منشورة وتوجه للبزطام ديالو خدا منو 400 درهم رماها عليها وغوت فوجها
صقر .. دوري تقو****** يالااااااا
كمشت الفلوس فيدها بغيض وجمعت ماتبقى من فستانها لي قطعو وخرجات من اليخت ساخطة على الوضعية وكاتلعن الحظ بين ما صقر هز تيلي ديالو وخرج من اليخت كايميل يمين وشمال طلع فلوطو وديمارة فتجاه الڤيلا مسافة طريق كان داخلها اول ما جات عينيها عليه توجهات ليه والغضب عامي عينها
ريحان .. "بصوت عالي " زبل هادي ماشي ريحان نسيتي اش درتي فيا انت ومك هاااا ؟! نسيتي لعصا لي كنت كاناخد كل نهار كيف لحمارة ! نسيتي الذل والإهاناات لي عشت فيهم منك ومن مك ؟! نسيتي ولدي لي مات يسبب انانيتك هاااا ؟! هاد شي كامل نستيه ومحتيه من دماغك وخليتي غير لكلمة لي قلت هااااء وقالك سمحي ليا كانبغيك (كاتعوجو ) ونننن نننن "ضحكت بحرقة " قالك كايبغيني ههه "خنزرت فيه " لي كايبغي عمرو ما كايجرح وما كايهزش فقلبو على قبل كلمة ولا زوج انت عمرك بغتيني وعمرك تبغيني انا عندك وحدة هازة ولدك نهار تخراه غاترميها رمية لكلاب وماغاتلفتش ليها مزال وف_______قاطعها بصوت عالي ____
صقر .. سكتيييييييييييييييي "كزر على يدو وعروقو برزو وتفاحة ادم كاطلع وتنزل " سكتي من لخرا ديالك اش كاتخوري تما هااااا اش كاتخوري لو كنت باغي نرميك كنت رميتك شحال هذا ماشي لولد لي غايخليني معاك كااتسمعي علاش فكل مرة غاتبقاي تجبدي ليا داك ديسك لحافي ندمت وقلتها ليك عشرة لاف مرة وقلت ليك كانبغيك ماشي خوفا منك حيت بصح كانبغيك لكن ماشي معناه نسمع الاهاناات كل نهار منك وندير براسي واحد دمدومة وماعندوش دم لقلب لي غايجيب ليا ذل غانعفط عليه شنو ذنبي ادا ختك غبرات هااا ياك درت مافجهدي وماخليت مادرت فالاخر لقيتها تزوجات اش بغتيني ندير نقتل ونمشي لحبس عاد ترتاحي وتقولي اه بصح دار مجهود "كرز على يدو " سدي عليا هاد سيرة مابقيتش باغي نسمعها مزال واخر همي شنو انا عندك حيت الكاس فاض ومابقى عندي فين نديد معاك " كدم فيها وطلع لطابق الثاني ودمو كايفور بين ماهي جلست فوق الكانابي وحالة فمها ودموع تحجرو ف عينيها بعد ثواني مسحت دموعها وتوجهات ليه بخطوات متسارعة ودمها كايغلي
ريحان .. "بصوت عالي " زبل هادي ماشي ريحان نسيتي اش درتي فيا انت ومك هاااا ؟! نسيتي لعصا لي كنت كاناخد كل نهار كيف لحمارة ! نسيتي الذل والإهاناات لي عشت فيهم منك ومن مك ؟! نسيتي ولدي لي مات يسبب انانيتك هاااا ؟! هاد شي كامل نستيه ومحتيه من دماغك وخليتي غير لكلمة لي قلت هااااء وقالك سمحي ليا كانبغيك (كاتعوجو ) ونننن نننن "ضحكت بحرقة " قالك كايبغيني ههه "خنزرت فيه " لي كايبغي عمرو ما كايجرح وما كايهزش فقلبو على قبل كلمة ولا زوج انت عمرك بغتيني وعمرك تبغيني انا عندك وحدة هازة ولدك نهار تخراه غاترميها رمية لكلاب وماغاتلفتش ليها مزال وف_______قاطعها بصوت عالي ____
صقر .. سكتيييييييييييييييي "كزر على يدو وعروقو برزو وتفاحة ادم كاطلع وتنزل " سكتي من لخرا ديالك اش كاتخوري تما هااااا اش كاتخوري لو كنت باغي نرميك كنت رميتك شحال هذا ماشي لولد لي غايخليني معاك كااتسمعي علاش فكل مرة غاتبقاي تجبدي ليا داك ديسك لحافي ندمت وقلتها ليك عشرة لاف مرة وقلت ليك كانبغيك ماشي خوفا منك حيت بصح كانبغيك لكن ماشي معناه نسمع الاهاناات كل نهار منك وندير براسي واحد دمدومة وماعندوش دم لقلب لي غايجيب ليا ذل غانعفط عليه شنو ذنبي ادا ختك غبرات هااا ياك درت مافجهدي وماخليت مادرت فالاخر لقيتها تزوجات اش بغتيني ندير نقتل ونمشي لحبس عاد ترتاحي وتقولي اه بصح دار مجهود "كرز على يدو " سدي عليا هاد سيرة مابقيتش باغي نسمعها مزال واخر همي شنو انا عندك حيت الكاس فاض ومابقى عندي فين نديد معاك " كدم فيها وطلع لطابق الثاني ودمو كايفور بين ماهي جلست فوق الكانابي وحالة فمها ودموع تحجرو ف عينيها بعد ثواني مسحت دموعها وتوجهات ليه بخطوات متسارعة ودمها كايغلي
طلعت لعندو بخطوات متسارعة يالا غادخلت لعندو باش تكمل كلامها لقاتو تنشر فاالسرير وعطاها بظهر وطول يدو طفى ضو طولت فيه شوفة وخرجت من الغرفة وتوجهت للغرفة ضياف تلاحت فوق السرير ودموعها على شفارها ___________
___فالجهة _ الثانية __________
كانت وقافة وكاطل فالسرجم على الحي ودماغها كلو مع العام لي ضاع ليها ومع حلم امريكا لي تبخر ومع ختها ياترى كيف دايرة حالتها حتى من عماد لي ديما مناقرة معاه توحشاتو وكاتفكر اشنو يكون كايدير تنهدت تنهيدة حارة وتكلمت بصوت مسموع ......
رئيسة الخدم .. "بلعت ريقها " احم الحاج جاتو ازمة قلبية ونقلوه لمستشفى حياتو بين يدين اللله هئ..هئ..
عمار .. "وسع عينيه وبلع ريقو " ا اشنو كاتقولي شنو وقع من امتى هاد شي !
رئيسة الخدم .. م من دابا شوية ف ___ قاطعها ___
عمار .. اشمن سبيطار هو فيه !
رئيسة االخدم .. فمصحة ********* ___ قطع عليه وخرج كايجري بلا مايتلفت وراه سد عليها بساروت ونزل مع دروج كايجري بلا عقل نسى خلافو مع باه ونسى كاع حريق راس همو الوحيد هو يشوف باه عايش وبخير وقف طاكسي ودماغو مرفوع مسافة طريق كان قدام باب المصحة دخل كايجري بلا عقل وقف فالاستقبال كاينهج عطاهم سمية وطلع كايجري لطابق الرابع او ما وصل لمح لمياء لابسة كسوة نص شبر وصدرها مبندر كيف العادة وشعرها مليوح ورا ظهرها والوجه مزوق كيف طعريجة تقول لي ففراش الموت ماشي راجلها اول مالمحت عمار جلست دمع دموع تماسيح توجهات ناحيتو ياالا غاتعنقو هو يدفعها حتى تزدحات مع الحيط
عمار .. "خرج فيها عينه عندو احساس عند يد فهاد االازمة " اشنو واقع هاااا ؟! كيفاش حتى جاتو االازمة ؟!
لمياء .. "جلست فالكرسي وكادمع وصدرها نصو خارج " هئ... هئ... م ماعرفتش كنا جالسن وفجأة طاح وشد قلبو
عمار .. "بعدم تصديق وبصوت رجولي " اهاااااااااااا كنتو جالسين "جرها من شعر بقوى ولواه على يدو وقربها من وجهو حتى تخلطو انفاسهم " برب المعبود ونشم ريحتك ولا نعرف بلي نتي ورا هاد الازمة حتى نحرك من لودن لودن كاتسمعي "؟!
كانت حالة فمها فشفاهو لي كايتحركو ما كرهاتش ترمى عليهم وتلتهمهم بين ما هو كان مخنزر وكايتسنى ردها "/ بصوت عالي / واش كاتسمعي
لمياء .. "شافت ف عينيه وكادمع " علاش ديما ظالمني هاااا انا ماعندي حتى دخل كيفاش غانأديه وهو بابات ولدي هئ...هئ.. حرام عليك هاد شي لي كادير فيا اعمار هئ..هئ... "دفعها وتوجه لسائق لي كان واقف بعيد عليهم
عمار .. فين هو بابا دابا وشكون طبيب لي مسؤول على حالتو ؟
السائق .. سي الحاج فالعناية المزكزة و"شاف ف تجاه دكتور دايز من الممر " را راه هو الطبيب "اشار ليه " توجه ليه عمار بخطوات متسارعة ووقف قدامو ومد يدو "
عمار .. مساالخير انا عمار بن جلون
الدكتور .. "صافحو " اهلا ميسيو بن جلون "كايتمشاو وكايهضر " من دابا لنص ساعة وصلنا الحاج فحالة مزرية ناتجة عن ازمة قلبية وحاليا حطيناه فالعناية المركزة
عمار .. "بخوف " شنو سباب هاد الازمة واش الوضع خطير لهاد درجة !!
الدكتور .. مزال ماقدرنا نعرفو سبب الازمة يالا هاحنا كانديرو لي علينا وغانعرفو سببها والكمال على الله " ضرب على كتفو برفق " انت دعي معاه وان شاء الله غايتجاوز هاد المحنة
#اليوم _______ #الموالي_______
شرقت شمس جديدة وتسللت اشعتها للغرفة فين ناعسة ريحان حطات المخدة فوق راسها هربنا من اشعة الشمس بعد دقائق فاقت كاتكسل والتعب ظاهر عليها توجهات لحمام بتتاقل وقضات روتينها وتوضات ورجعت تصلي بعد ماصلت حيدات شاال وجمعت شعرها عشوائي جبدات سرير وخرجات من الغرفة شافت ف غرفة صقر يالا غاتحط يدها على لبواني وهي تراجع نزلت لطابق سفلي وتوجهات لكوزينة وجدت ليها كاس دالقهوة وجلست فالكرسي كاترتشف من الكاس ودماغها سارح بعد ماكملت قهوتها غسلت لكاس وخرجات لجردة فالجهة ثانية كان صقر خارج الڤيلا كايجري جنب البحر بعد ساعة رجع كلو عرقان وقرعة الما فيدو دخل لداخل سرح عينيه مابانتش ليه توجه لكوزينة لاح القرعة الخاوية وخدا قرعة الما صغيرة من ثلاجة نزل عليها ودور عينيه مابانش ليه لفطور عقد حجبانو وطلع لطابق ثاني ديريكت لحمام خدا شور خفيف وتوجه لدوسينغ والفوطة ملوية على نصو لبس سروال لاطوال باج مع شوميز نص كم غوز بارد ورد شعرو لور من بعد لبست ساعتو اليدوية ورش البارفان ديالو وهز تيلي وخرج من الغرفة بعد ما طرفها مابغاش يحاشيها ليها زعمة 😂 نزل مع دروج وعينيه كايدورو يمين وشمال مابانش ليه اترها كرز على يدو وعقد حجبانو يالا حط يدو على لبواني باش يخرج وهو يوقف تلفت وشاف فتجاه الممر لي كايدي لجردة توجه ليه بخطوات تابتة اول ماخرج لجردة لمحها جالسة قبالت لبيسين وعاطياه بظهر تنهدت وخرج بدون مايرجع يتلفت ليها خرج من دار بخطوات متسارعة طلع فلوطو وكسيرا فتجاه الشركة _____________________
___ المصحة __ 🏥
كان جالس فالمرر على اكرسي وشاد راسو بيدو وجنبو واقفة لمياء كاتشوف فيه غاتاكلو بعينيها غير مكترتة لمحمد لي فالعناية كسر صمت رنين الفون شاف نمرة دصاحبو تجاهل رد وتوجه للعناية وقف ورا زاج وكايشوف ف الحاج مسطح فوق سرير بيض ومغطين نصو بالبيض وصدرو عاري ملصقين فيه شي سلوكة والالة كاتصدر صوت ___ طيييط __ طيييييط ___ والتيو فمو حس بالغصة فقلبو واخا باه كان قاسي معاه وسمح فكاع شي لي من حقو ولي ماشي من حقو ماكان باغي حتى حاجة تكون جات بسببو الى انو اول ماسمع الخبر نسى كولشي وتمنى كن كان هو بلاصتو ومايشوفوش فهاد لحالة تنهد وتلفت ناحية الدكتور لي كان جاي فتجاه وقف قدامو وتكلم
الدكتور .. صباح الخير
عمار .. "بصوت خشن " صباح الخير " شاف فتجاه باه بحزن " ماتغير والو من البارح اليوم
الدكتور .. ان شاء الله خير انا غاندخل نشوفو
عمار .. بغيت ندخل عندو
الدكتور .. مامسمحوش يدخل عندو شي حد خليك كاتشوفو غير من هنا حسن ليه
عمار .. " خزر فيها وتكلم مع دكتور " انا كانتسناك شكرا ___ توجه للكرسي جلس فيه وجات فبالو وئام بغى يتاصل بيها ويطمن عليها دكر بلي محيد ليها تيلي ومخبيه تنهد وجلس كايتسنى الدكتور يخرج من عندو بعد ما عاينو الدكتور خرج واشار لعمار يدخل بعد مانبه عليه 5 دقائق لا غير يالا غادخل معاه لمياء وهو يخزر فيها عمار تخنزيرة خلاتها ترجع لبلاصتها وتكمش عاد دخل لعندو .
___ الشركة____🏢
دخل ديريكت لمكتب ديالو طلب قهوة كحلة قاصحة كيف المعتاد وبلا سكر وبدا الخدمة اول مافتح لبيسي ماقدرش يركز سدو بزعف ووقف بقى غادي جاي وكايمرر يدو على شعرو بعصبية اول ماحطت السكرتيرة الفنجان فوق االمكتب خرجت وخلاتو هز لفنجان ورتشف منو وداماغو كايبني ويريب بعد ماكملو رجع جلس فالمكتب وفتح لبيسي من جديد مي للمرة الثانية ماقدرش يركز سدو وخرج من المكتب وتوجه لمصعد وكايهضر فنفس الوقت
صقر .."وجه كلامو لسكرتيرة" لغي المواعد
طلع فلوطو وديمارا فتجاه الڤيلا دولديه مسافة طريق كان داخلها اول ماشافتو زينب جلست تنخصص
زينب .. عاش من شافك ولا ناسي بلي عندك ام ومن واجبك تشوفها وطمن عليها
صقر .. "تلاح فالكانابي وتسطح من تعب " ماما جيت نتصنت لدماغي " شاف فيها " الى جات على خاطر الله يخليك
صقر .. "من تحت سنانو " مامااااااا "وقف ماعنديش لخاطر هاد ساعة "طلع مع دروج وهي كاتنكر وراه "
زينب .. علاه بنات دوار خلاو ليكم شي خاطر غير لعروبية تلوات عليك وشايطة دمرات باها تلوات على باك الجنس الغدار الله يغصبكم فنهار واحد ياقلال لخير فظلتو بنات الهجيج عليا بالحق زمان غايبين ليكم معدنهم وغاتوليو ليا وديك ساع لينا كلام "لوات فمها بغيض وجلست فالكانابي ودمها كايفور من سيرتهم لي نبسبة ليها سيرة نحس بين ماصقر طلع لغرفتو تلاح فوق السرير وكايشوف فالسقف ودماغو مع ريحان ولكلام لي دار بينهم كايتردد فمسامعو وكايدور فيه فراسو مي فكل ماكايدكر كلمة صقر اخر همي كايضيق خاطرو وكايتنرفز مقادرش يسرط ديك الكلمة جرحاتو وهانتو بزاف بالوقت لي هو كان مساندها وداير المستحيل على قبلها لدرجة تلها على الذ عدو عندو لي هو اوس وحط كل تركيزو على ختفاء وئام فالاخر تلومو بالانانية وتقصير ومن بعد تقول عليه اخر همها تنهد وناض فتجاه لاطيراس جبد لكارو ونتر منو نترة وخرج دخان من فمو
___فمكان __ اخر ______
بعد ماشاف باه خرج من المصحة وتوجه لدار فين كاينا وئام وفطريقو داز خدا الفطور مسافة طريق كان فالطابق لي كارين فيه فتح لباب ودخل لداخل حط شي لي جاب فالكوزينة وتوجه لبيت نعاس فتح لباب بشوية ودخل راسو كايشوف كانت ناعسة وشعرها مليوح على وجها توجه ليها بالمهل وهز خصلات شعرها بعدهم على وجها وجلس مقابل معاها وكايدقق فملامحها وركز شوفة فشفاها تنهد تنهيدة حارة وخرج من الغرفة قبل ماتفتح عينها
___مكان _ اخر _____
خرجت من جردة وتوجهات لصالة تربعت فالكانابي وجلست ساهية كاتخمم فلي فات وفلي جاي بدون شعور حطت يدها على كرشها ومرراتها برفق ودموع تحجرو فطرف عينيها مؤخرا ولات حساسة اكتر من قبل ودموعها دغية كايتكبو ماعرفاتش شنو لي واقع ليها واش من المشاكل ولا من الهرمونات والوحم جات فبالها وئام وجلست تنخصص وتشهق وتقول مع راسها ياترى اشنو دارت فيها دنيا واش واكلة ولا شاربة واش فرحانة ولا لا ؟! ومن هاد شي علاش تزوجات وختفات فجأة شنو سر الغامض فهاد الحدوتة زادت فبكاها خصوصا من كلام صقر تعاود فودنيها وكيفاش كان معصب منها وهي لي سامحاتو بعد كاع لي دار فيها
ريحان .. "كاتمرر يدها على رحمها " ااااااخ ياولدي شنو مزال مخبية ليا هاد دنيا هئ..هئ.. فين هي خالتك فين هئ...هئ.. شفتي باباك شنو دار وشنو مزال كايدير فيا هااا شفتي كايتعفر عليا وقالك ماباغيش يسمع حسي هاد شي كولو حيت تعصبت عليه وهو ياما تعصب عليا ومد يدو عليا هئ...هئ.. كايتعصب عليا وانا فأمس الحاجة ليه قاطع لغاية وعاطيني بظهر حيت حيت هئ...هئ.. عيت من هاد شي كامل عيت بغيت نرتاح واش ماشي من حقي فكل ماكاتكعدي من جيه كاترجعي تميلي يادنيا 😭😭😭😭😭 "طلقت دموعها وخناينها وشعرها شاد ريزو ونيفها حمر بالبكى ولابسة سروال واسع مع تيشورطة واسعة وحاطة على ركابيها باكية دكنينيكس ومرة مرة كاتنفر خنونتها وتهرنن وماعلا بالهاش بلي واقف قدام الباب وكايشوف منظرها لي كايضحك نسى اش بيه وتوجه ليها بخطوات تقال وحابس الضحكة ماراديش يضحك قدامها اول ماجات عينها ف عينيه قفزات ووسعت فيه عينها
وقف قدامها عاقد حجبانو وحابس ضحكة رفع حاجبو وشاف فيها بمعنى شنو تما رمشت بعويناتها ودوارتهم يمين وشمال ورجعت شافت فيه ونفاجرات بالبكى ....
ريحان .. عاااااااااا هئ...هئ...😭😭😭
صقر .. "بصوت خشن " شنو تما ؟!
ريحان .. "بلقات فيه عينيها " اشنو ندير ليك هاااا علاش علاش ك -- حبست لكلمة وجلست تهرنن " هئ...هئ... "وقفت يالا غاترمي الخطوة باش تبعد عليه وتطلع الفوق وهي تعكل توجه ليها بسرعة وشدها بيدو جات عينو ف عينيها لي دابلين بالبكى وتخلطو انفاسهم سرح ف عينيها وف شفاها لي كايترعدو وانفاسها بنجاتو هز يدو ومررها على خصلات شعرها برفق وعينيه ف عينيها____
___فالجهة __ الثانية ______
كانت جالسة قبالتها وكاتشوف فيها بحزن ودموع محجرين ف عينيها والغصة ف حلقها كاع لبيبان تسدو فوجها بعد ما خرجوها من سويسي بحجة عندها المشكل نفسي ولازمها اخصائي مشات بيها لمستشفى سيدي لحسن بتمارة ولقات نفس لكلام ورفضو يقبلوها رجعت بأدراجها لدارهم والحسرة ماليا قلبها تكات وكاتخمم وتخمم شنو دير باش ترجع مها كيف كانت ومنين غاتجيب فلوس العلاج والاهم علاش بعد ما كانو كايشدوها ف سويسي رجعو رفضوها بعد تفكير عقدت حجبانها وجلست تسب فيه فخاطرها شكون من غيرو سيهم اوس قالت اكيد عندو يد فهاد لحكاية جمعت الوقفة وجمعت شعرها على شكل كعكة وخرجات من الغرفة ومن شقة وقفت فراس شارع ووقفت طاكسي بعد ساعة كانت واقفة قدام باب القصر
___فالجهة __ الثانية ______
داخل ملهى ليلي راقي ضوء خافت وموسيقى هادئة فيه غير شكون وشكون كانت جالسة فطاولة معزولة على ناس ولابسة غوب فالحمر نص شبر ودايرة رجل فوق رجل ونص صدرها خارج ولايحة شعرها المموج ورا ظهرها وميك اب مواتي مع وجها وسيجارة فيدها كل مرة تنتر منها نترة وتخرج دخان من فمها تلفتت ناحية شخص لي معاها وتكلمت .....
يمنى .. نفدت ليك لي طلبتي وجا الوقت لي ترد الجميل " نترت نترة من سيجارة وساطت دخان بزعف " رجع ثاني وقولي من بعد من بعد مابقاش عندي صبر اي حاجة كاطلبها كانفدها كانظن جا لوقت لي ترد ليا او لا ؟! "رفعت حاجبها وكاتشوف فيه "
..... يمكن نسيتي الجمايل لي درت معاك ماشي غير جميل نسيتي نهار لقيتك حالتك حالة وجالسة على طروطوار وكلك مشرشمة هزيتك ورجعتك بنادم هااا ؟ نسيتي ناس لي عرفتك عليهم غير شكون وشكون وبسبابي ولات الفلوس دايرة عندك كاتشدي فليلة وحدة لخنز دلفلاوس وجاية تقولي ورد ليا هاااء مزيان والله الى مزيان "تنهد وشاف فيها " عشرة لاف مرة قلنا ليك غاندير اش بغيتي غير هو خاص الوقت واش غير اجي وقتل وخرب هااا عند بالك هاد شي ساهل "زفر بعصبية " الله يعطيني صبر معاك وخلاص
كانت مخشية فصدرو ومزيرة عليه وهو حاط راسو فوق راسها ويدو كاتلعب ف خصلات شعرها تنهد برتياح ورجع تكلم
صقر .. شششششششت صافي هاد الموضوع هنا غايتسد يكفي لي ضاع مانزيدوش نضيعو شاف فيها فخبارك مزال بلا فطور هااا ؟!
ريحان .. "تبسمت " ثواني ويكون واجد
وقفت متوجة لكوزينة وقف وراها ولحق عليها بدات كاتجهز الفطور وهو جالس فالكرسي ومراقبها بعينيه والابتسامة على شفاهو منظرها كايضحك بداك سروال لواسع وشعر لي شاد ريزو صونا تيلي ديالو شاف رقم خصم أوس وتجاهل رد طفى تيلي ورجع كايشوف فيها فالجهة الثانية كانت امال داخل القصر غادية جاية فالممر وكاتسنى سيهم اوس يتنازل وينزل يشوفها جات عينيها ف عين رئيسة الخدم وتكلمت
امال .. مدام راضية فينها
سعدية .. مدام راضية راها ف فرانسا كاتحوص مع راسها بغيت غير نعرف لاش راجعة لهنا حتى قلنا تهنينا من قم___ قاطعها اوس لي نازل مع دروج ______
أوس .. "بصوت رجولي " سعدية سيري شوفي شغلك
امال .. "خزرت فيها " سمعتيه اش قال طيري من هنا قبل مانطيرك "تلفتت ناحية أوس لي جلس فالكانابي ودار رجل فوق رجل لاحت شعرها ورا ظهرها وتكلمت __________
امال .. نقدر نعرف فين باغي توصل اش دارت ليك ماما هااا باش تنشر كلاب فالسبيطاراات وتمنع علاجها " بعصبية " اصلا اش بيني وبينك حتى دير نابك من نابي ؟!
أوس .. "وقف وزير على الفك ديالها " صوتك مايعلاش فوجودي الق**** غايكون بيني وبينك ليلة ماتنساش "مرر يدو على خصرها وزير طلع لرقبتها كايمررها عليها وعينيه ف عينيها ستجمعات قواها ودفعاتو ورجعت لور بزوج خطوات ...
امال .. نجوم سما قرب ليك "خرجت فيه عينيها وصدرها كايطلع وينزل بعصبية
بعد مافطر وطمن على وئام خدا دوش ولبس حوايجو وخرج من شقة بعد ماسد عليها بالساروت خدا طاكسي وتوجه لمصحة مسافة طريق كان داخلها توجه ديريكت للعناية لقا سرير فارغ وسع عينيه وقلبو كايضرب ف تسعين كاع لحوايج الخايبة جات قدام عينيه خرج من العناية كايجري ف تجاه مكتب الدكتور دفع لباب ودخل كاينهج وعينيه خارجين .....
عمار .. فين هو بابا علاش ماكاينش فبلاصتو
الدكتور .. ماتخافش ميسيو بن جلون نقلناه لغرفة خاصة الحمد لله تجاوز مرحلة الخطر
عمار .. "تنفس الصعداء " اينا غرفة _______
__مكان __ اخر____________
هز الطاس ورتشف منو وعينيه عليها جبد سيجارة يالا غايشعلها وهي تحبسو
صقر .. "هزها بين دراعو " هانتي غاتعرفي 😉_____فجهة __ الثانية ______
امال .. "زفرت " لين باغي توصل ؟!
أوس .. ليك "غمزها "
امال .. ماتحلمش
أوس .. "دار رجل فوق رجل " ادا حتى نتي ماتحلميش مك توقف على رجليها وماتحلميش تخدمي فشي قنت وانا عند كلمتي مي ادا سمعتي لكلام مك غاتعالج عند اكبر اخصائي وغاترجع صحتها احسن من قبل
انا لو مكانك نفكر فمي "تبسم بخبث "
جلست فالكانابي وكاتشوف ف منحى واحد وكاتخمم من قبل كانت غاضحي باش مها تعيش عيشة نقية علاش ماضحيش لثاني مرة باش مها ترجع صحتها بعد تفكير لمدة ثواني رفعت راسها وشافت فيه
___ المسااااااء_______ 🌇
بعد تردد توجهات لسرير كانت فوقو علبة فالابيض كبيرة فتحاتها وخدات منها فستان فالباج وجنبو علبة اخرى فيها صندالة بالكب العالي وجنبها برية صغيرة فتحاتها ولقات فيها عنوان الاوطيل كمشااتها فيدها بزعف وتنهدت تنهيدة حارة خلات داك شي فوق السرير وتوجهات لحمام خدا دوش خفيف بدون ماتفزg شعرها بعد دوش نشفت لحمها ولبست الكسوة وقادات شعرها وحطت الميكاب ولبست صندالة وتقابلات مع المرايا كاتشوف شكلها نهائي تنهدت تنهيدة خفيفة وهزت بارفانها رشات زوج رشات فرقبتها ومن بعد هزات البوشيط وخرجت من شقة بدون ماتشوف ف رحمة باش ماضعفش اول ماخرجت من باب العمارة كانت سيارة من نوع رونج روفر فالاسود فنتظارها طلعات لور وديمارا السائق فتجاه الأوطيل مسافة طريق كان قدام بابو وصلو قد قد مع اوس لي كان لابس كوسطار فاالاسود وابتسامة خبيثه على شفاهو نزلت من سيارة كاتخنزر فيه وماحاملاش تشوف فوجهو تقدم ناحيتها وشدها من يدها وكايطلع فيها وينزل والابتسامة ما مفارقاهش فالجهة الثانية وعلى مقروبة منهم كانت سيارة من نوع لكولف فالاسود وزاجها فيمي فيها شخص هاز السلاح ومنيشو فتجاه أوس وكايتسنى غير الفرصة المناسبة يالا غايطلق رصاص وبحركة من امال غير مقصودة جات فيها نيشان جيهت القلب غوتات من حر الدقة لي خدات وأوس وسع عينيه وحل فمو على الاخر بينما الشخص كسيرا بسيارتو حتى تحكو الروايض مع الشانطي شاف أوس فسيارة ماقدرش يشوف شكون داخلها مع ليل وزاج فيمي هز امال بين يديه وجيهت صدرها كاينزف وطلع فسيارة والسائق كسيرا فتجاه المصحة ضرب على خدها بشوية وكايهضر معاها
أوس .. بقاي حالة عينيك انا معاك
امال .. "عينيها كايتسدو " م ا ماما هئ..هئ..
أوس .. "حس بالوخز فقلبو " ششششت ماتهضريش "شاف ف سائق وغوت " سربي الق******** _____ طول الطريق كان كايحاول يخليها فايقة لكن فقدت الوعي قبل ماتوصل لمصحة اول ماوصلو هزها بين دراعو ودخل لداخل كايجري وكاينهج تلاقو ليه بالبياص حطوها فيه وتوجهو لغرفة العمليات بين ما اوس غادي جاي فالممر
الحاج محمد .. "كايتكلم بصعوبة " و ل ولدي
عمار .. "شد يدو " بابا باش كاتحس !
الحاج محمد .. ف فين هو فراس !
عمار .. فراس فالصباح يكون هنا انت رتاح
الحاج محمد .. اخخخ فين هي راحة ولدي خوتك فراس ورياض امانة فرقبتك و____ " قاطعو عمار "
الحاج محمد .. "نزلت دمعة من عينو " ولدي سمح ليا نفاعلت سمح ليا خليني نعيش هاد الايام لي بقات ليا وانت معايا رجع لدار وجيب مراتك انا ماغانوقفش فوجهك و___ قاطعو _
عمار .. هذا ماشي وقت هاد لهضرة انت رتاح دابا
الحاج محمد .. "كاينهج " سمعني وماتبقاش تقاطعني ل لمياء هي سبابي مابغيتهاش دور تما فديك دار طلعت كلبة هي سبابي "نزلو دموعو " وياك اولدي وياك بعد موتي تفرط فخوك وياك رياض امانة فرقبتك ماتخليهش ليها اولدي خوك صغير امانة فرقبتك و___ قاطعو بعصبية " اشنو دارت هاااا ؟ اخخخ كنت حاس بلي هي ورا هاد شي اش دارت !
الحاج محمد .. اههه فيا لعطش ____ " وقف عمار وتوجه لقرعة دالما عمر ليه لكاس وتوجه ليه كعد ليه راسو شوية ورتشف القليل فقط رجع لكاس لبلاصتو ورجع شاف فيه "
عمار .. بابا هضر اش دارت ؟!
الحاج محمد .. اصلا كنت شاك لكن تأكدت لقيتها على علاقة مع شريكي وكاتغدرني الكافرة بالله كاتفسد وكاتغضرني مابقيتش باغي نشوفها " نفاعل " مابقيتش باغي نشوفها
عمار .. "كرز على يدو " سبق لي وقلت ليك ماتليقش ليك لكن انت مابغيتيش تسمع اححح وتجي بين يدي غاندمها غير بلاتي على لق******* مها
الحاج محمد .. ماتقرب ليها ما تاحاديها "شد قلبو " اااااه اه ياربي "شاف فيه " سمعني انا فرقت ليكم حقكم فراس قفل 18 واخا من حقو يتصرف فالاملاك لكن بغيتك تكون معاه وتردو راجل ورياض غاتكون الواصي عليه حتى يكبر و واياك تفرط فيه رياض امانتك
عمار .. ماشي وقت هاد لكلام انت رتاح
الحاج محمد ..مابقاش قدامي الوقت حاس بلي هادي نهايتي "نزلو دموعو " ولدي سمح ليا وتهلا فخوتك ووياك تفرط فالاملاك اسمي غايكبر بيكم
عمار .. "باس يدو وجبينو " غاتعيش وتشوف حفاد حفادك
بعد ساعتين خرج الدكتور من غرفة العمليات داير لكمامة على نيفو ووجهو عرقان وقف قدامو أوس وعينيه خارجين
أوس .. كيف دايرة حالتها ؟! واش حيدتو رصاصة !
الدكتور .. الحمد لله قدرنا نحيدو رصاصة كانت جيهت القلب والعملية ماكانتش ساهلة دابا غانقلوها لعناية ما غانقدر نقول ليك والو حتى تفيق ___________ " كمل طريقو وخلا وراه أوس غادي جاي فالكولوار ودمو كايفور خدا تيلي وتاصل برجالو
أوس .. نبغيكم الكلب لي ضرب امال تجبدوه لله يجعلو يكون فكرش مو
الشخص .. امرك سيدي ___قطع الاتصال ومرر يدو على شعرو بعصبية
___تسريع ___ الاحدات _______
#بعد #ثلاتة #ايام _____
فهاد ثلات ايام كانت امال فالعناية ومها الجارة لي مكلفة بيها طول هاد ثلت ايام اوس ما فارقهاش ماعرفش علاش وشنو لي مخليه خايف عليها نقلوها لغرفة خاصة بعد ما تحسنت حالتها نوعا ما راضية رجعت من سفر وساقت الخبار توجهات ديريكت لمصحة باش طمن عليها فالجهة الثانية عمار خرج باه من المصحة وداه لڤيلا تحت طلب الدكتور المشرف على حالتو قبل كان جرا على لمياء من دار بعد مابهدلها وجاب وئام معاه لي كانت كارهة الوضع خصوصا من رجع فراس وجات عينها ف عينه شريط دكرياتها داز قدام عينيها طلعت مع دروج كاتجري وما حاملاش تكون بينهم لاحظ عمار نظراتو ليها كرز على يدو وتكلم بصرامة ....
عمار .. وئام مراتي وياك تحاول تكلمها او دور بساحتها غاندمك
فراس .. ستغليتي لي وقع لي باش تاخدها طلعتي كلب مقطر اولد با
عمار .. "شنق عليه " كانقسم ليك ادا حاولتي تشوف فيها ولو بالغلط غانجبد ليك عينيك "دفعو وطلع لطابق االثاني فتح باب الغرفة وشاف فيها ...
___مكان _ اخر________
كانت داخل اليخت وسط البحر لابسة مايو دو بياس فالبلو غوا مع كاش مايو فالابيض وجامعة شعرها على شكل كعكة وصقر لابس شورط فالبلو ومن الفوق عريان طلع لسطح اليخت وزوج كياس عصير اليمون فيدو حطهم فوق طلبة وضمها من الور وخشى راسو فعنقها كايشتنشق ريحة عطرها ....تلفتت عندو بالخف وشدات وجهو بين يدها وعينيها ف عينيه
عذابي مع زوجي الجزء 14
محتوى القصة
التنقل بين الأجزاء