صورة مصغرة لـقصة ضحية ذئاب

قصة ضحية ذئاب

qisat 9isat da7iat di2ab
رواية ضحية ذئاب

وما كنت ممن يدخل العشق قلبه ولكن من يبصر جفونك يعشق ولا ينسى......

في ليلة مظلمة بالسواد الحالك ... عاصفة شتوية قوية ... رعد و برق .....و غوات اه غوات امرأة متألمة ... كانت وحيدة بين يدين وحش كاينهش فلحمها ... بلا شفقة ولا رحمة كطلبو وتزواك ... باش ارحمها وابعد عليها لكن لا حياة لمن تنادي ... شهقت شهقة العمر لي على اثرها فقدات الوعي ... ولات جسد بلا روح ... بعد ما سالا منها طلب من رجالو يهزوها ارميوها فالبحر ... دارو داكشي لي تطلب منهوم ... هزوها رماوها فالبحر لي كان هائج وامواجو عليا .... هو كان جالس فالطموبيل كايراقبهو من بعيد ... تبسم بخبث ضيمارا ومشا....فمكان اخر كانت الشمس بدات تشرق ... كان غادي كايجري جنب البحر ... حتى كتبان ليه شي حاجة كطوف فوق الماء استغرب ... قرب منها وتاكد تفاجئ فاش بانت ليه بنت غارقة ... غطس فالماء بدون تفكير منو خرجها مكانتش كتنفس ... ولا كتحرك كانت باردة فحال ثلج قاس النبض ديالها لقاه مزال ولكن بالكاد كايتسمع ... هزها بين يديه كايجري غادي بيها لاقرب مستشفى ... دخلوها كانت حالتها خطيرة كان عندو احساس غريب تجاهها معرفش علاش حس بيها جزء منو وكايعرفها ... فهاد لحضة خرج عندو طبيب ... 
طبيب: حنا قدرنا نقدو حياتها ولكن مع لاسف لبنت تعرضات لاغتصاب بابشع الطرق وحالتها النفسية فاش تفيق منضمنش كي غاتكون
هو: "باسى" فوقاش اتفيق
طبيب: منقدرش ناكد حيت هيا داخلة فغايبوبة تقدر تاخد نهار يوماين شهر عام على حسب منقدرش نجزم شحال بضبط
هو: شكرا دكثور
طبيب: العفو هدا واجب
هو: نقدر نشوفها
طبيب: اكيد تقدر تفضل معايا
دخل عندها وقف عند راسها كايشوف فيها وفحالتها كانت ناعسة ومكتحركش معارفش لا شكون هيا ولا منين جات وشكون دار فيها هاد الحالة وعلاش دازت ايام وايام وهيا على نفس الوضع مكتحركش ... هو كل نهار كايجي يزورها وابقا معاها بساعات كايهدر معاها على امال تكون كتسمعو وبلي تقدر فاي لحضة تفيق ... في مكان اخر بعيييد البرد كيدخل ... كانت ليلة باردة ... جوها كيحيل لشي عاصفة ... فغرفة كبيرة بطابع رجولي بامتياز ... كيغلب عليه اللون الاسود ... كان عرقان وكيحرك راسو بالنفي ... فدوامة من الكوابيس لمكتفرقش فراشو كل ليلة ... صوت مجهد فودنيه ... وصرااخ ناس وصدااع صوت مراة كطلب المساعدة ... وكتستنجد لحياتها ... كيف كل ليلة فاق مفزوع على اثر غواتها ... ناض قافز من بشاعة الموقف ... وقف غادي فاتجاه البالكو ... كان البرد بزاااف ... وكان اخر همو ... لابس سورفيت بلون الكحل ... ومن لفوق عريان ... هز قرعة دلما حداه وشرب ... كان تفاحة ادم كثيير كل من شاافها ... كل شي فيه كيصرخ بالرجولة ... جسم رياضي متناسق ... عضلات بارزة ومشدودة ... كان مثير لاقصى درجة ... شعرو لنازل على عينيه ... والعرق لهابط من عنقو لسدرو ... عينيه الغامضات والباردات ... فاللو­ن العسلي ... لون مخلط بين الزيتي والعسلي والخضر ... ميمكنش تحدد لونهم الحقيقي ... بريق عجيب فدوك العينين ... شفار خفاف ومشتتين ونيف طويل ورقيق نوعا ما فم صغير ... لون كرزي ... لون فريد من نوعو ... باين من اثر الشراب ولكن النوع الغالي ... بقا كيشوف فالجردى وتنهد ... مسح العرق من على جبينو ... وهو كارز على يديه وسنانو ... وذاكرتو داتو ... لابشع ليلة مرت فحياتو لي غيتحول من انسان عادي لواحد غامض قلبو قاصي ومفيهش درة من الرحمة ...

صونا تلفون لي كان محطوط جنب السرير شاف فالرقم كحل بالعمى رد وهو مجبور
..... اش كاين
..... خاصك تجي بغات تشوفك
..... منقدرش نجي
..... اوس راه كتموت وهدا اخر طلب عندها بغات تشوفك انت وسيما وخاصك تجي ولا غتندم
اوس: اريان مكاين لاش تصدع راسك مجايش لا انا لا سيما والميمة انا غنجيبها كون هاني
اريان: واش مكتفهمش شناهيا كتموت يعني مغاتبغيش تجي هيا مابغات تمشي حتى لكلينيك بغات تموت فدارها وانت كتقول تجيبها لعندك
اوس: وانا ديك المدينة هيا لي عمرني نحط فيها رجلي مرة اخرى كون هاااني ...قطع عليه وردخ تلفوم مع لارض
سيما: 157
اوس: شنو
سيما: ... هازة بلاطو فيه الفطور .... تلفون رقم 157 لي هرستي فهاد شهر
اوس: ماشي شي حاجة يمشي تلفون يجي تلفون
سيما: كنت كتهدر مع اريان
اوس: اممم باش عرفتيها
سيما: حيت عيط لي قبل مايعيط ليك
اوس: 😠 باشمن حق يعيط ليك
سيما: و بغيت نقول تلي ديالك مابغاش يشد ليه وعيط ليا 
اوس: شنو قالك
سيما: بلي الميمة ففراش الموت وباغا تشوفنا حتى انا مكرهتش ... سكتات ...
اوس: الصمت
سيما: حنا نقدرو نمشيو نشوفوها ونرجعو مغانبقاوش تما
اوس: تقدري تمشي انا غندخل ندوش عندي خدمة ...ضرب فيها وزاد دخل الحمام ...
سيمي: يخخ الحبس مع هدا
اوس: وجدي راسك باش نمشيو ا وبلا متدي حوايجك حيت طيارة لي تدينا هيا لي اترجعنا
سيما: يس يس يس واخيرا احم واخا انا انوجد راسي دابا ... طارت من البيت ...
وحنا نرجعو لكلينيك فين ناعسة وهو جالس عند راسها حط تلفون من يدو
اريان: مزال ماهداك الله تحلي عينيك كنضن نعستي بزااف كون كنت بلاصتك كون مليت المهم انا دابا خاصني نمشي ولكن بليل انرجع نشوفك وكنتمنى نلقاك هاد المرة فقتي ... تم غادي خارج ... هيا بدات تحرك يدها وتسمع صوت انين خفيف ... رجع وقف عند راسها كايشوف ويتاكد ... مدارت حتى شي ردة فعل مرة اخرى ...
اريان: بففف غير كان كايتخايل ليا ... رجع خرج مشا لخدمتو دوز نهار عادي .... كيف كل نهار بليل رجع باش اطل عليها ومع الحلة لي حل الباب كتبان ليه فاتحة عينيها ... تبسم وقرب عندها ...
اريان: على سلامتنا غير ملي فقتي ... كايمسح ليها على راسها ... بعدات رسها وتعمرو عينيها بدموع ...
اريان: شوو متبكيش انا مغاناديكش ... هيا غير كتشوف ومخلوعة ... احم انا اريان انصاري ونتي
هيا: الصمت كتشوف فارجاء الغرفة وكتحاول تبعد عليه باغا تنزل
اريان: شدها ... تهدني معندك مناش تخافي
هيا: ب ب بعد م مني مممتقربش ليا هئ هئ متفيسنيش
اريان: ...بعد عليها ... اوك انا غنبعد ولكن خليك مرناحة انا مغاناديكش بلاتي نعيط لطبيب اوك
هيا: ب بعد طلاق مني هئ ... تكمشات فجنب دسرير وكلها كترجف ...
اريان: ... طلق منها ... هانا طلقتك ولكن تهدني وخليك هنا بين ما جبت الطبيب ...
هيا: ...خشات وجها بين رجليها ... متقربش مني الله اعطيك مانويتي فخاطرك متقيسنيش انا غنمشي فحالي والله متشوف وجهي مرة اخرى غير متقيستيش 😭
اريان: ... كايضغط على واحد الزر وايعاود ... متهافيش انا معاك حتى واحد مغايقيسك
هيا: واااااااع بعد مني متقسنيش هئ هئ طلق مني 😭 ... بدات تضرب فراسها وتغوت باعلى صوتها ....
اريان: ... شد ليها يدها وهيا كترطى بين يديه وتغوت ... تهدني حتى واحد مغايقيسك انا مهاك
هيا: وطلااااااق مني متقيسنيش طلااااق مني حرام عليك مدرت ليك والو بعد مني 😭
اريان: ... تحل الباب دخل الطبيب مع شي ممرضات هو هز يدو حتال السماء ونزل عليها بطرشة بالغوات ... صافي راه مغايقيسك حد انا هنا ولي قرب ليك غايلقاني فطريقو دابا تهدني
هيا: ... شادة فحنكها كتنخصص ... هو هو تعدا عليا هئ هئ ضربني و و و بغيت مااماااا 😭
اريان: ... قلبو حاس بيه شاعلة فيه العافية وحاس بالخنقة جبدها لعندو عنقها ... متخافيش انا معاك ...
هيا: بغيت ماما هو ضربني تعدا عليا 😭 ....
اريان: شووو صافي انا معاك حتى واحد مغايقرب منك مزال ....

هيا كتنخصص وكترجف خايفة من كولشي وكتقلب بعينيها ... قرب منها طبيب غير قاسها قفزات من بلاصتها ...
اريان: متخافيش غادي غير افحصك
هيا: ... حركات راسها بلا ...
اريان: متخافيش انا حداك وهو مغاديش ياديك غير ايشوفك كي بقيتي
هيا: الصمت
بعد عليها اريان قرب ليها طبيب ... كايفحصها وفين ما كايقيسها كتقفز وضور فعينيها ... حتى سالا الفحص ديالو ... شاف فاريان غمض عينيه كايطمنو عليها رجع شاف فيها ...
طبيب: شنو سميتك
هيا: ... كتشوف فيه مترددة ... ا ا ا اثير
طبيب: امم سميتك زوينة ا اثير شحال فعمرك
اثير: 19
طبيب: تبارك الله فين ساكنة
اثير: الصمت
طبيب: عندك شي حد من العائلة نعيطو ليه يجي لعندك باباك ماماك خوتك
اثير: 😢 بغيت نمشي فحالي 😭
طبيب: دابا علاش كتبكي راه ماوقع والو تهدني
اثير: بغيت نخرج من هنا 😭
طبيب: اوك نخرجوك ولكن خاص شي حد من عائلتك فين هوما
اثير: معنديش 😢
طبيب: معندك حتى واحد
اثير: حركات راسها بلا
... مشا عند اريان لي كان واقف وكايسمع ... بقات فيه بزاااف معرفش علاش ... شي حد اخر بلاصتو كان يجيبها وامشي ... اخليها تعوم بحرها ولكن بنسبة ليه حالة خاصة مابغاش اتخلا عليها ... حتس بشي حاجة كتجدبو ليها وقريبة ليه ...
طبيب: خاص نعلمو البوليس
اثير: ... غير سمعات حس البوليس تبدل لونها ... هئ هئ انا بغيت نمشي من هنا عافاك متعيطش لبوليس هو غايرجع اتعدا عليا واضربني 😭
اريان: ... قرب عندها ... لا هو مغاديش اقرب منك انا معاك ولكن حنا خاصنا نعرفو شكون هو وفين عائلتك منين جيتي
اثير: ... خشات راسها بين رجليها كتشهق ... بغيت نمشي من هنا مابغيتش نرجع 😭
اريان: ... هز ليها راسها ... اوك حنا مغاديش نعلموهوم ولكن خاص شي حد من عائلتك
اثير: انا بوحدي معندي حد ماما ماتت فاش كانت كتولدني وباب تخلا عليا ومعرفتش فين هو 😢
اريان: ... بقات فيه وبلا مايفكر نطق ... تمشي معايا
اثير: 😢 حركات راسها بلا
اريان: وعلاش
اثير: حيت انت راجل
اريان: ... حط يدو على فمو داير راسو مصدوم ... اووووه مكنتش عارف بلي انا راجل صدمتيني
اثير: الصمت
اريان: دابا حيت راجل غانعضك مثلا
اثير: غير كتشوف
اريان: ماشي حيت واحد مكايسواش دار معاك لي دار كايعني بلي كاع الرجال شمايت اوك وانا كنشوفك فحال ختي يعني مايمكنش ناديك وتقدري تيقي فيا
اثير: فكرات فهدرتو عندو الحق ماشي كاع الرجال شمايت كاين لي كايحتارم النساء ويديرهوم فوق راسو ماشي كلهوم كايتبعو شهوات ديالهوم
اريان: شنو قلت تمشي معايا
اثير: الصمت كتشوف فيه معرفاش واش تيق فيه ولا لا والى تاقت فيه اصدق بحالو بحال لي دمر حياتها كانت تايقة فيه ومصدقش
اريان: ثيقي فيا 😁
اثير: كتشوف فيه رتاحت ليه نسبيا حركات راسها
اريان: وعد مغاديش تندمي ... مد يدو ... فريند
اثير: مدات يدها وحركات راسها باه
اريان: اوك اذن تافقنا
اثير: الصمت
اريان: انا نمشي نجيب ليك ماتلبسي
اثير: حركات راسها....

خرج اريان وبالو معاها معارفش علاش كايحس بشي حاجة كتربطو بيها زعمة يكون غير حيت بقات فيه بقا غادي حتى وصلو مساج فتحو وقراه تبسم تلقائيا مور ماقراه
اريان: واخيرا غنتلاقاو ولكن خاصني شي كريقة لي تخليهوم ابقاو هنا باش اتصلح سوء التفاهم لي وقع مخاصهوم ارجعو بفف ...
مسح على عنقو ويد فجيبو خرج رجع بعد لحضات معاه شي ساشيات دهل عندها لقاها جالسة ومعاها واحد الممرضة
اريان : هااااي البوكوصة ديالنا كيف بقات
اثير: ... ابتسامة باهتة ... الحمد لله
اريان: يلاه وجدي راسك باش نخرجو ... مد الساشيات للممرضة ... ممكن تعاونيها
الممرضة: اكيد تفضلي معايا ... شدات لي ساشي هو خرج ماشت عاوناتها ... دهلاتها الحمام دوشات عاد خرجات جبدات دوك لي ساشي خواتهوم ... وبدات تلبسها وتقاد ليها ...
اثير: منقدرش نلبس هادشي
الممرضة: وعلاش جاوك واعريين والله
اثير: منقدرش شوفي ضهري كايبان وعاد قصيرة ... كتهبطها بيديها ...
الممرضة: الموضة عادية والله وهادشي لي جاب ليك مسيو انصاري تقدري تهدري معاه هو دابا جلسي نكمل ليك
جلساتها بدات كتقاد ليها نشفات ليها شعرها دارت ليها ميكاب خفيف ... هيا جاها هادشي غريييب حيت ماموالفاش بيه ... وهو جاب ليها كولشي من الصباط حتال الميكاب ...
الممرضة: سالينا كتباني غزالة الله احجبك
اثير: التسامة صفرة
الممرضة: انا غنعيط لمسيو انصاري
خرجات واثير حشمات طلعات فوق البياص ... هزات واحد لايزار تغطات بيه ... تحل الباب دخل اريان استغرب من حالتها
اريان: لاش مغطية مابغيتيش تخرجي مزال
اثير: لا بغيت ولكن ... سكتات شوية ونطقات ... الحوايج لي جبتي مقطعين وضهري كايبان وانا منقدرش نخرج هاكا
اريان: ماشي مقطعين راه الموضة حيدي ليزار وزيدي
اثير: لا ايبقا يشوفو فيا منقدرش
اريان: هنا عادي انك تلبسي هاكا وكاين لي لابس كثر من عاكا ودابا تشوفي غير يلاه
اثير: الصمت
اريان: وغير يلاه دابا راه تعطلنا غدا نديك تشري على دوقك ديري لي الخاطر هاد المرة
اثير: ... نزلات بشوية عليها وحيدات داك ليزار كتمشي خطوة ترجع جوج ... وكتهبط ديك الكسوة مامرتاحاش فيها ... خرجو توجه للوطو ديالو تمو غاديين ... هيا كتشوف فالطرقان وطاين بنات كيف قال لابسين كثر منها هالي سروال مقطع هالي كرشها باينة ... شوية دازو حدا واحد الملعب دراري لابسين غير شورطات ... كانت لاشارة الحمراء وقف غمضات عينيها
اريان: ... شاف فيها مغمضة ... دابا مالك
اثير: مكايحشموش الاه امسخهوم
اريان: شكون هوما
اثير: هادوك ... كتوريه الداري
اريان: راه قلت ليك فهاد البلاصة عادي جدا اتشوفي كثر من هاكا
اثير: علاه فين حنا
اريان: حنا فكازا
اثير: 😨
اريان: شنو واقع هاد المرة
اثير: انا كنعرف كازا كايكميوها ماشي مدينة
اريان: ...استغرب مايمكنش شي حد مايكونش عارف كازا ... نن كازا عيا الدار البيضاء مدينة
اثير: وقولها من الصباح كنسمع بيها ولكن عمرني جيت ليها
اريان: منين نتي
اثير: انا ... سكتات ... مابغيتش نهدر
اريان: اوك راحتك انا نتسناك نهار تكوني مستاعدة تهدري انا هنا
اثير: بتاسمات وقلبات وجهها كاتحاول متفكرش فالماضي ...

كمل طريقو بعد لحضات كان واقف قدام قصر خارج المدينة تحل باب كبير ودخل وقف الطموبيل بعد ما بانت ليه واحد السيارة كحلة غريبة واقفة
اريان: وصلو
اثير: هااا
اريان: لا والو نزلي
اثير: واخا ...
نزلو بجوج تقدم شوية بان ليه واقف قدام سيارتو متردد انه اتقدم ... وهيا واقفة حداه حاطة يدها على كتفو ...
اريان: ولد العم واخيرا
اوس: ... دار شاف فيه كانو عينيه حومر وكل عرقان كارز على يديه ... وياريت كون ماجيتش
اريان: ... تقدم ناحيتو زقف اونفاص معاه ... نسا اصاحبي داكشي فات والماضي كل ما فمرتي فيه غايزيد اعذبك
اوس: الى نتوما كنتو قادرين تنساو فانا عمرني نقدر حيت فكل نفس كناخدو كنحس بالنار شاعلة فيا وهايف احي نهار نحرق الخضر واليابس نعار نفاجر منعقل على حد
اريان: ... حط يدو على كتفو نترها ليه ... اوووه تهدن
اوس: ... هز يدو ضرب بيها على الكابو حتى تعوج ... ماباغيش نتهدن باغي نسااااااا نخرجكم من حياتي كنكره اي حاجة كتربطني بيها وبالماضي
اثير: ... قفزات على اثر ديك الضربة غطات وجها وكلها كترجف وتشهق ... هئ هئ
دارو كاملين فاش سمعو شهقاتها
اريان: ... قرب منها ... اثير مالك
اثير: ... بصوت متقطع ... هئ بغيت نمشي من هنا انا خايفة خرجني من هنا هئ
اريان: معندك مناش تخافي حنا غير كنتناقشو مغاديش ياديك
اثير: لا انا بغيت نمشي مابغيتش نبقا هنا 😭
اريان: ... عنقها ... انا معاك تهدني
سيما: ...تقرصات ... خاصنا ندخلو توحشت الميمة
اريان: سبقو نتوما انا غن ... قبل مايكمل كان اوس شد سيما وجرها معاه لداخل ...
اثير: هو هو هو خلعني مابغيتش نبقا هنا هئ هئ
اريان: متاخفيش منو راه غير معصب ومدارهاش عن قصد اوك دابا خلينا ندخلو
اثير: لا مابغيتش نشوفو مزال
اريان: مغاديش تشوفيه غير رتاحي
اثير: حركات راسها ... ودخلو
اريان: دادا فاطمة فينك
فاطمة: انا هنا ولدي جيت ... قبل متكمل بان ليها اوس وسيما واقفين ... واوس كان باينة عليه معصب وكايضور راسو فانحاء القصر كانه كايسمع شي اصوات ... ولدي اوس
اوس: ... لا رد مهواش هنا نفس لاصوات كترجع تكرر فالمسامع ديالو صوت ضحكات وفنفس الوقت غوات طلق من سيما ودار يدو على ودنيه كانه مابغيش اسمع ونطق باعلى صوت عندو .... سكتووووووووو
اثير: قفزات وتخبات مور اريان
سينا: خويا تهدن راه موقع والو حتى واحد
مكايهدر
محمد: ... عم اريان واوس ... اوس هدا انت
مليكة: ... ام اوس وسيما ... اوس شيرزاد جيتو
... شيرزاد هو اسم سيما الحقيقي اما سيما فهو غير اسم دلع كايعجبها وكولشي كايعيط ليها سيما ...
سيما: ... شافت فيها بغضب محملاتش تشوفها رجعات شافت فيه ... خويا متخلعنيش عليك
اوس: مامركزش معاهو غير كايضور راسو فانحاء القصر يدور من هنا يرجع لهنا ويديه مزال على ودنيه مباغيش اسمع حاس براسو غايفاجر
فاطمة: ... قربات منو حطات عليه يدها نطرها ليها وطلع مع الدروج كايجري ...
اريان: دادا الله احفضك خليك معاها نمشي نشوفو
فاطمة: ولكن اولدي بغيت نشوفو
اريان: غاتشوفيه ولكن خليك معاها ... طلع لحق عليه بجرا ...
اثير: بقات غير كتبرقق مافهمات والو سلتات ولحقات على اريان ... بحالكم 😂 ...
سيما: حتى هيا لحقات عليهوم
مشاو كاملين لواحد البيت لقاوه مسدود كايتسمع صوت تهراس والغوات ... والدخان بدا كايطلع من تحت الباب
اريان: اوس حل الباب شنو كدير عنداك دير شي حاجة
سيما: مكانش خاصو يجي قلتها ليك هو مغاديش اتحمل الى وقعات ليه شي حاجة هاد المرة منعقل على حد
اريان: خاصنا نفرعو الباب
محمد: اه هدا هو الحل خلينا نفرعوه
يلاه بغاو افرعوه تحل الباب وخرج منو ... كل عرقان وكاينهج ماخلاش ليهوم الفرصة فين اهدرو .... ولا ينطقو ضرب فيهوم شد فيد اثير وزاد جارها معاه ...
اريان: هدا فين غادي بالبنت اوس بلااي طلق من البنت
اثير: ... كتحاول تنطر منو وهو عاد مكايزيد يزير عليها بصوت شبه مسموع... طلاق مني
اوس: الصمت مزال جارها معاه
سيما: اويلي والله حاى مشا وخلاني
اريان: اوس وقف فين غادي رجع البنت
اوس: شاف فيهوم تابعينو سد عليهوم الباب من برا
... طلعها فالطموبيل ضيمارا خلا العجاج موراه ...
اثير: كانت لاصقة على الباب جامعة رجليها حداها وخايفة منو
اوس: ... ضرب الفولون ... مكانش خاصتي نجي ولكن كولشي بسببك نتي باغا تجي هاحنا جينا شنو وقع دابا
اثير: اااااااهئ هئ نزلني مابغيتش نمشي معاك
اوس: هدا ماشي صوت سيما ... شاف فيها لقاها ماشي ختو فرانا بجهد ... شكووون نتي وشنو كديري هنا
اثير: 🙈 غطات وجها حيت خلعها
اوس: ... شدها من يدها مزير عليه ... شكون نتي وفين شيرزاااد
اثير: واااااع طلق مني عععع ... عضات ليه يدو طلقها نزلات عطات رجليها لريح ...
اوس: ناااااري ونشد الق... دمك عضاتني والله حتى دارتها هيييه نتي وقفي
نزل تبعها كايجري كايشوف فيدو ... هيا غير شافتو تبعها زادت فواثير دالغوات وجرا ... شدها من يدها جرها لعندو
اوس: هانا شديتك
اثير: طلاق مني 😭

اوس: هانا شديتك
اثير: 😭 طلاق مني
اوس: هيا لولى
... دفعها بقوة كانت اطيح حسات بشي حد شدها طلعات راسها .... بان ليها اريان تخبات مورا ضهرو وخايفة ...
اثير: هئ هئ
اريان: متبكيش انا معاك
اوس: اهم دغيا لقيتي البديل
اريان: واش انت مريض ولا مالك
اوس: تقدر تقولها
اريان: علاش خديتيها معاك
اوس: كان كايسحاب لي سيما فين هيا
اريان: خليتها فالدار مع الميمة
اوس: ععععع وعلاش مجبتيهاش معاك
اريان: 😏 كنضن انت مانع عليا نقرب ليها ولا نهدر معاها ولا نسيتي
اوس: 😒 منين كتبغي تهدر كتهدر ومهامكش بلي مانع عليك
اريان: مكنهدرش معاها
اوس: انا عارف بلي كتهدر معاها وكون غير جبتيها هاد المرة حيت الموضوع مختالف
اريان: امم شنو سبب هاد التغيير
اوس: انا عمرني تغيرت ولا عمري نتغير وانت عارف شنو سبب
اريان: ماشي بلاصت الهدرة خلينا نرجعو
اوس: مغانرجعش لديك الدار
اريان: ولكن الميمة كتسناك
اوس: تقدر تخرجها من تما ونشوفها
اريان: منقدرش دايرين بيها لاجهزة ومكتقدرش تبقا بلا بيهوم
اوس: ولكن انا منقدرش ندخل لديك الدار مرة اخرى ولا نشوف ديك المراة قدامي كنحس براسي بلي باغي نقتلها ونحرق الدار بلي فيها
اريان: مغاديش تشوفها كون هاني ولكن خاصك تشوف الميمة
اوس: مع دالك منقدرش
اريان: فكر بلي الميمة تقدر تموت فاي لحضة وغاتندم على هادشي
اوس: 😒
اريان: مشينا
اوس: دابا نشوفو بلانك فين ايخرجنا
... رجع اوس عند طموبيل ديالو وطلع ضيمارا ... اما اريان واثير طلعو فطموبيل ... اريان كايحاول اخلي اثير تهدن ومتخافش ... تحرك حتى هو بعد ما رتاحت شوية ... اثير كتفرك فصبعانها متوثرة ...
اريان: مالك دابا
اثير : هااا لا والو
اريان: متاكدة
اثير: اه متاكدة
كمل طريقو وصل لقا اوس كايتسناه معصب كيف ديما ... هدا طبعو من نهار المشؤوم لي خلا حياتو كلها كابوس ... نزل هو واثير طلب منها تبقا فالطموبيل حتى يرجع ...
اوس : منقدرش ندخل بغا يمشي
اريان: اطط ... مشا جاب سماعات بيتس جهد لصوت لاقصى درجة ودارها ليه ...
اوس: ااااوتش ... حيدهوم ... واش باغي تصمكني ولا شنو
اريان: بالعكس انا كنفكر فيك انت ماباغيش تسمع دوك لاصوات لي فاش كدخل كايقلبو ليك دماغك وهدا غايخليك متسمع والو
اوس: لاصوات لي كنسمع من راسي ماشي من برا يعني فجميع لاحوال غنسمع
اريان: توتو منضنش حيت مغاتركزش مع صوت وغايتلفك هدا
اوس: ... لاحهوم ليه ... سبق لي جربتها ومنجحاتش بلا متحاول ... تنفس بعمعق ... غنحاول منفكرش فهادشي وغندخل مباشرة
اريان: ولكن
اوس: ... زاد دخل بلا مايهدرو مع الدخلة نفس لافكار كترجع ليه ... حاول اتمالك نفسو ومايفكرش ومشا ديريكت لبيت جداتو ... ولكن عينيه مزال تالفين فالقصر وكايمشيو مع الدروج ... وصل لغرفة وقف قدام الباب خدا نفس طويل ... رسم ابسسامة على وجهو وحل الباب ..... الكل دار كايشوف فيه ...
سيما: الميمة ها اوس جا
عائشة: ... الجدة كانت مراة كبيرة فسن ولكن مزال شادة فراسها ... واخيرا جيتي قرب
اوس: ... نقز حداها مزال محافض على نفس لابتسامة باس راسها وشد ليها يدها ... الميمة شتك دغيا سخيتي وشديتي الفراش حنا متافقناش على هادشي
عائشة: الصحة اولدي مابقاتش
اوس: ه ولكن مزال مزوجناك باش تشدي لارض
عائشة: نوض من حدايا الله امسخك
اوس: ودابا غير نوضي وبراكة من تبوحيط انا جيت دابا وغنديك معايا ومغنسمع منك حتى كلمة وندير ليك عراسية من داكشي
عائشة: انا اولدي بغيت نموت فداري وسط ولادي وحفادي وبغيتهوم يكونو مجموعين حدايا
اوس: 😒 اش جاب حس الموت دابا عاد كنا مزيانين حتى نزوجك وموتي داك الساعة
عائشة: باركة من تنز انا بغيت نشوف شيراز حتى هيا بدارها وبولادها
اوس: ... شاف فسيما فهم البلان ... دابا تشوفيها انشاء الله ولكن خاصك تنوضي لنا بعدا بسلامة
عائشة: ... كتبوحط ... ومكرهتش نشوفك حتى انت مزوج و ... قاطعها ...
اوس: كنضن تعطلنا وخاصنا نمشيو
عائشة: فين زربان عاد وصلتو مزال ماشبعت منكم
اوس: دابا نرجعو انشاء الله .... خنزر فيهوم وناض خرج لحقات عليه سيما ... ه لعبتوها عليا زعمة من نيتكم
سيما: ... متوثرة ... لا راه بصح الميمة مريضة مشتيهاش مدورين ليها لاجهزة وو
اوس: نسيتو بلي خاصكوم تخدموهوم قبل مندخل وعاد هيا كانت باينة عليها كتمثل
اريان: ... كان مزال على برا مع اثير لي مكانتش باغيا دخل ليه ... افيين صافي مشيتو
اوس: المرة جاية فاش تبغيو تكدبو قادو الكدبة قبل ... ضرب فيه وطلع فطموبيل ...
اريان: هدا مالو
سيما: نسينا لالات مخدمناهومش
اريان: ...ضرب على جبهتو... مع من انا الله الله
سيما: دابا اتخصنا شي طريقة اخرى باش نبقاو
اريان: 😏 اصلا كنت عارف بلي مخاصش نعول عليك داكشي لاش كنت مخطط لبلان اخر
طييييييط طيييييييط
سيما: بفف المهم الى كنت ادير شي حاجة ديرها حيت الى مشا هاد المرة منضنش اتقدر تخليه ارجع
اريان: متخافيش كولشي واجد ومغاديش تخرجو من هنا حتى ناخد لي بغيت 😉
سيما: هاحنا غنشوف 😒

مشات سيما طلعات هو ضيمارا اريان خدا تلفون دوز ابيل
اريان: هاهو جاي ديرو خدمتكم
وقطع
اثير: دابا نقدرو ندخلو
اريان : شنو سبب هاد التغيير المفاجئ
اثير: بما ان هداك مشا فانا نقدر ندخل
اريان: خفتي منو
اثير: ... حركات راسها ... هو كايخلعني ودوك الشوفات عندو الله يستر
اريان: اهاااه زيدي وانا مكنخلعكش
اثير: حرطات راسها بالنفي
اريان: وعلاش
اثير: حيت كتفكرني ف ... سكتات ... حيت كنعتابرك خويا
اريان: هههه ونتي ختي الغزيزة ولي فكر اقرب منها نمحيه ... باسها فجبهتها ... يلاه ندحلو
اثير: اوك
دخلو بجوج لقاو كولشي جالس .... من غير مليكة لي كانت كتوري الخدامة شنو يديرو فالبيت .... لي شعل فيها اوس النار خلاها كتحرق وخرج ....
اريان: فين الميمة
عائشة: .... جاية بعكازتها .... هانا
اريان: مصدقتيش اصاطة شرفتي دبصح ومابقيتش انزوجك حيت ايضحكو عليا الناس
عائشة: الله امسخك انت وداك المجنون
اريان: داك المجنون راه فرشك وعرف غير كضحكي عليه ومشا فحالو ودا حبيبتي معاه انبقا باير
عائشة: اصلا من لاول قلت ليكم مغاديروهاش بيه
اريان: راه غير حيت نتي مكتعرفي ديري والو اسحاب ليك الناس كاااملين بحالك وانا غنديرها بيه وانخليه ابقا وهنا فهاد القصر وانخليه انسا الماضي
مليكة: ... هابطة مع الدروج ... ولكن عو مغاديش اسمح لي
اريان: المهم الميمة نعرفك هادي اثير فحال ختي وهيا اتبقا معانا
عائشة: بنت من نتي واش كنعرفو عائلتك حيت عمرني شتك
اثير: الصمت
اريان: الميمة خلي لاسئلة ديالك عندك طهلاو فيها انا غنمشي نجيب داك المسعور ونرجع دادا فاطمة قادي ليها البيت ديال الواليد الله ارحمو باش تكون قريبة ليت
عائشة: لواه تقاد ليك الجايحة هديك بيت ولدي وماتجيش وحدة معارفة لا اصلها ولا فصلها تبقا فيه وعطى الله البيوتة مبانت ليك غير ديالو باك عطيها شي بيت من بيوت الخدامات ولا البيت لي على برا نيت تاخد فيها راحتها
اثير: سمعات لبيت ديال برا ركبها الخوف
اريان: غتبقا فيها حيت هاديك اقرب وحدة لبيتي وانا بغيتها تبقا قريبة مني ومنقدرش نخليها فبيتي ولا عرفتي شنو هاكا حسن تبقا فبيتي قادي لها بيتي وانا رجعي لي حوايجي لبيت الواليد هاكا حسن
عائشة: الى كنت اتبقا فيها انت ماعندي تاشي مشكيل ولكن الغريب لا
اريان: هيا ماشي غريبة وكيف قلت راها فحال ختي يعني وحدة منا
عائشة: ... عوجات فمها .... علم الله منين جاية وجاي تقول وحدة منا انا ممرتاحاش لهاد خييت غير من حالتها باينة فيها ماشي فالمستوى وبنت الزنقة
اريان: الميمة منوصيكش تلى درتي شي حاجة ولا راه اناخدها ونخرج من هنا ومغاتعاوديش تشوفي كمارتي
عائشة: هاهيا ساكتة ضبر راسك
اريان: اثير غاتمشي مع دادا فاطمة ومتخاغيش مكاين لي اهدر معاك ولا يقرب ليك تافقنا
اثير: حركات راسها باه
اريان: هاكا نبغيك تكوني قوية وتغلبي على خوفك المهم نخليك دابا نرجع ونهدرو على شحال من حاجة
اثير: اوك
خررج اريان غادي للمطار وكايتمنى الهطة ديالو تنجح حيت صبر بزاااف ... على فراقو مع حب حياتو ... كانت حالة اوس خايبة فديك الوقت ومقدرش انه ياخدها بزز منو .... وعاد هيا كانت رافضة تخلا على خوها فديك الحالة ....
نعرفكم على اريان فعمرو 28 سنة جسم رياضي متناسق عضلات بارزة ... شعرو اسود قاتم ورطب ... عينيه الغامضات فاللو­ن لاسود ... عندو بريق عجيب فدوك العينين ... يقدر اسحر بيهوم الشخص واخليه يتيق فيه بسهولة ..... هو من عائلة غنية .... لاب ولام ديالو طلقو فاش كان صغير مو تزوجات للمرة الثانية ولكن لاب .... حرمها من شوفة دولدها مخلاو حتى شي اثار ديالها ومنعو اي حد يهدر عليها ولا يذكرها ... وفاش كان فعمرو 19 توفى لاب ديالو .... هو كايبغي شيراز اخت اوس والعائلة كلها عارفة وتقرر زواجهوم .... ولكن بعد الحادث لي وقع فالقصر لي غتعرفو عليه من بعد .... اوس نها علاقتو مع ديك العائلة وخدا ختو لبرا ومخلاهاش ترجع وخيرها بين العائلة واريان وبينو هيا طبعا ختارت تمشي مع خوها ....
وصل لمطار الدولي في الدار البيضاء .... وقف اللوطو ديالو ونزل ولابتسامة هلى وجهو ... حيت وصلوه خبار بلي الخطة ديالو نجحات طبعا .... منعو اوس من انه يرجع يسافر قبل 3 شهور ..... حيت كان بدل ليه الوراق لاصليين بوحدين مزورين ... وبمساعدة شي معارف شدوهوم فالحجز ماخلاوهومش يخرجو .... دخل عندهوم الحجز لقاهوم جالسين ...
اريان: هواحد السلام عليكم بان لي بلي البلاد مسخاتش بيكم
اوس: .... شنق عليه ... انت مولاها ياك
اريان: اووو رولاس اعشيري شنو درت
اوس: متلعبش عليا دور البريء انا متاكد بلي انت لي درتيها باش نبقا حاصل هنا
اريان: .... نتر منو .... واش انت بعقلك لا علاش انجبرك تبقا هنا ماعندي تلشي سبب
ضابط التفتيش: براكة عليا ادوك جوج ولا نصيفطكوم بجوج فين ترباو
اريان: .... هز يدو بجوج .... انا مدرت والو هانت كتشوف
اوس: بغا اطير عليه وقفو الضابط
ضابط: دابا غتهرجو عليا من هنا بجوج بيكم

اوس: ولكن انا خاصني نسافر اليوم
الضابط: سير حتى تقاد امورك ديك الساعة رجع تقدر تسافر
اريان: ... شاف فسيما نطق بهمس ... 😉 كنبغيك
سيما: 😨 ناري ويشوفو اليوم انحرني انا وياه
اوس: ... بالغوات ... منقدرش نبقا هنا خاصني نسافر
اريان: دابا الى بقيتي هنا اش غايطرا بسلامة بالعكس الى بقيتي كنضن بلي تقدر تحدى الماضي ديالك وتغلب على خوفك
اوس: انت مدخلش انا عارف بلي انت مول الفعلة وغندمك عليها ... ضرب فيه وزاد خارج ...
سيما: بلاتي تسناني
ضابط: نتي غتبقاي هنا مزال محتاجينك
اوس: شناهوا
ضابط: هيا مزال مسلات لاجرات باش تخرج
اوس: اذن غنبقا معاها
ضابط: لا متقدرش هيا غتمشي مع الزميلة ديالي باش تسالي تقدر تمشي
اريان: ... بهمس ... صافي هنينا حتى انت وقلب ساعة باخرى
اوس: توقع ليها شي حاجة ندمكم وانت تفضل معايا الى جات على خاطرك
اريان: معايا
اوس: 😒 لا مع جن لي حداك
اريان: ولكن انا عندي شي خدمة خاصني نمشي نقديها
اوس: نمشي مع ولد العم ماتعرف نقدر نفيدك 😏
اريان: ... دابا عاد وليت ولد العم الله يعطينا وجهك ... مكاين لاش تصدع راسك
اوس: رجلي على رجلك ... قرب عندو وهمس ... الجامع لي قريتي فيه انا لي بنيتو متنساش 😉
.

هاحنا دابل نعرفوكوم على اوس .... شكلو كنضن سبق لي وصفتو ... العمر ديالو اصغر من اريان بعام 27 .... هو لابن لاكبر فعائلتو باه مات فاش كانت فعمرو 18 عام .... سبب موتو كان هو العقدة ديال اوس فحياتو ... هو كان انسان نشيط ضحوكي ... كيف كايقولو قشابتو واااااسعة ولكن عو تبدل ولا عكس كيف كان ....
ودابا نوبت سيما ... هيا بنت زوينة وشقراء ... جسم رشيق ومتناسق ... عينيها اسود غامق ... نيفها صغير .... فم وردي صغير .... اسمها الحقيقي شيراز ... ولكن الكل كايقول ليها سيما .... وهاد لقب طلقو عليها اريان ... والكل بقا طايعيط ليها بيه .... نكملو .....
... شنق اوس على اريان كانه معنقو ...
اوس: اذن قلتي الخدمة اوك حنا نمشيو ونشوفو هاد الخدمة ديالك يلاه
اريان: ... بهمس ... الله يحرق طواسلك ضربتي لي كولشي فزيرو
اوس: شنو قلتي مسمعتش مزيان
اريان: قلت ليك راك خنقتيني واش ناوي تقتلني
اوس: فين غنمشيو دابا
اريان: ... كايفكر باش افكها حار ... انمشي فالحقيقة خاص نتلاقا مع .... سكت مالقا مايقول ...
اوس: مع من غاتلاقا
اريان: اه انتلاقا مع فيكي على قبل اثير
اوس: شكون فيكي
اريان: فيكي اخصائي فتعليم لاتيكي والتجميل كيفاش تقوي شخصيتها وثيق فراسها فحال هاكا 
اوس: واثير
اريان: راك كتعرفها ديك البنت لي ديتي معاك قبيلة
اوس: شكون هيا
اريان: علاش هاد السؤال
اوس: ... تالف كايهدر ويعبر بيديه هدا طبعو ... معرفتش علاش فاش شفتها فكراتني فماما سليمة
اريان: ... غوبش ... مالقيتي لمن تشبها
اوس: لا معاك بصح يمكن ملاحضتيهاش ولة ماباغيش ولكن فعلا كتشبه ليها واخا مابقيتش عاقل عليها ولكن نفس العنين نفس النبرة ديال الصوت
اريان: ... سكت كايفكر فهدرتو ... منضنش مايمكنش تكون كتشبه ليها
اوس: 😏 عندك الحق يستحيل تكون شي وحدة فحالها كلهوم عاهرات وهيا منهوم باينة غير من تصرفاتك معاها
اريان: ماشي اي علاقة بين المراة والراجل كتكون لي فبالك كاينة علاقة اهرى نقية كتجمع بيهوم وانت كتعرفها وهيا علاقة لاخوة واثير بنسبة لي ختي لا غير
اوس: whatever ... لا يهم ...
اريان: مشينا
اوس: اممم

في مكان اخر كان جالس شاد تصويرة بين يديه وكاس كايشرب منو وكان كايبان عليه الحزن تحل الباب دخلات هازة بلاطو ديال الماكلة بين يديها قربات منو
شيماء: انا جبت ليك العشاء ... منتابهش ليها ... انور راه معك كنهدر
انور: ... عاد نتابه ... هااا
شيماء: العشاء
انور: مابغيتوش تعشاي نتي انا خارج
شيماء: فين غادي
انور: مكايهمش المهم نخرج حاس براسي مخنوق
شيماء: توحشتيها
انور: معرفش على من كتهدر
شيماء: تقدر تكدب عليهوم كاملين ولكن ماشي عليا
انور: 😠 شيماء براكة
شيماء: شحال قدك تخبي انا عارفاك ندمان على داكشي لي درتي معاها ولكن مزال الحال تقدر تقلب عليها وتصلح الغلط ديالك
انور: مابغيتش نهدر فهادشي
شيماء: لا حنا خاصنا نهدرو وانت فين ما نجبد معاك الهدرة تقلب عليا وتخرج
انور: شيماء براااكة واش مكتفهميش شناهيا مباغيش نهدر عليها باغي نساها مابقيتش باغي نتفكر حتى شي حاجة عليها
شيماء: ولكن فنضرك هيا تقدر دير حاجة فحال هادي انا متاكدة بلي كولشي كدوب وهيا مضلومة
انور: ولكن انا شفتها بعيني ماقالها ليا حد
شيماء: انت عارف بلي ماماك وختك مباغاوهاش ومكايحملهاش يعني غير غير تبلاوها
انور: هما اصلا معندهوم حتى شي علاقة بهادشي
شيماء: وهيا يستحيل دير حاجة فحال هادي وانا متاكدة
انور: شيماء صافي براكة عارفها عزيزة عليك ولكن انا شفتها بعيني ومتاكد بلي ماشي ما ولا غيرها لي تبلاها هيا دارتها براسها
شيماء: ولكن انت عارفها كثر من واحد
انور: انا مابقيتش عارفها وماشي هيا نفس البنت لي كنعرف
شيماء: فكر فهدرتي مزيااااان والى بغيتي تعرف الحقيقة تقدر تقلب عليها
انور: ولكن .... سكت .... انا شفتها معاه ومايمكنش نكون غالط هيا خانت تيقتي فيها ومابغيتش هاد الموضوع اتجبد مرة اخرى ... ضرب فيها وخرج ...
شيماء: وانا متاكدة بلي هيا مدارت والو وغانتبث ليك هادشي وغاتندم
بعد ما خرج طلع فطموبيل ضرب بيدو على الفولون وضيمارا ... افكار تديه وتجيبو اخر شخص كان اتوقع منو حاجة فحال هادي كانت هيا .... صدماتو لاقصى درجة بقا غادي حتى وقف جنب البحر .... طلع راسو شاف فين هو تنهد كانت اخر بلاصة جا ليها معاها ... غمض عينيه كايتفكر ...
انور: علاش ا اثير علاااااش مكنتش متوقع ان هادشي يخرج منك نتي حطمتيني خنتي ثقتي فيك ولكن متستاهليش .... نزل هاز نفس الصورة ... باقي عاقل على داك النهار فحال البارح كانت اول مرة تشوفي البحر ... تبسم تلقائيا فاش تفكر ....
#فلاش_باك
انور: اميرتي سربي راه تعطلنا
اثير: انور راه منقدرش نلبس هادشي ويييلي يدي كلهوم معريين انا ماموالفاش بهاد لبس
انور: ونتي غتلبسي هاد لبس ومن اليوم اتولي تلبسي هاكا وغنعوضك على كااع داكشي لي فات والى ملبستيش انا مغاديش نخرج معاك واندير بناقص وهاد البحر انضرب على باباه يلااااه 😤
اثير: اوووف ولكن راه حشمت نلبس هادشي والسروال مزيير
انور: الموضة ابب المووووضة دابا مابغيتيش تخرجي صافي بلاش انا غنخرج شوشو ونتي بقاي هنا
اثير: لا بلاتي انا خارجة ... خرجات بعد ما غطات راسها بالفوطة ....
انور: وهاد الفوطة لاش
اثير: هانا غنحيدها اووف .... حيداتها وهيا حشمانة وحادرة راسها ....
انور: ... حط يدو على فمو .... اووووه دابا انا عندي هاد الزيييين كاااامل وانا مافراسيش
اثير: 🙈 انور براكة حشمتيني
انور: منين جاتك اوجه القزدير زيدي زيدي قالك حشمات اوبس بلاتي هاد النهار خاصو يتورخ حيت اميرتي واخييييرا اتخرج من الدار بعد عنااااء دام لسنوااااات
اثير: 😒 زدتي فيه ماشي اول مرة نخرج
انور: بنسبة لي اول مرة حيت فاش كنتي كتخرجي كنت كتباني فحال جداتي ههههه
اثير: الله امسخك انا جداك اجي نوريك جداك اش غادير فيك ... كتهز لي لقاتها قدامها وكتشير عليه وطبعا كتحاول متجيبهاش فيه وهو مكرشخ بالضحك وكايهرب ليها ....
#عودة
انور: ههههه عنداك .... عاق براسو وجمع الضحكة .... لا مخاصنيش نفكر فيك ولا نضعاف نتي غلطي وهدا انسب عقاب ليك ... حس بشي حاجة سخونة على خدو مد يديه لقا دموع كايهبطو بلا مايحس .... لا مخصنيش نبكي هيا متستاهلش متستاااااهلش .... نزل على ركابيه .... علاااش اثير علاااش ااااااه ياربي مابقيتش قادر فينك توحشتك رجعي لي انا مسامحك غير رجعي عفااااك ....
💢💢💢💢

عند اثير كانت جالسة في البالكون مقابلة مع جردة ... وكتنخصص قلبها ضرها فاش تفكرات شنو وقع .... تحل الباب دخلات عليها سيما لقاتها كتبكي ...
سيما: شكون نتي وشنو كديري فبيت اريان
اثير: الصمت مزال كتبكي
سيما: .... قربات منها حطات عليها يدها حركاتها .... معاك كنهدر
اثير: .... قفزات .... ببببعد متقيسنيش
سيما: بسم الله عليك مالك
اثير: هااا لا والو
سيما: شنو كديري فبيت اريان
اثير: اريان طلب مني نبقا هنا
سيما: 😠 ومنين كتعرفي اريان
اثير: ... معرفات متقول ليها ولا باش ترد بقات غير كترمش ...
سيما: شنو العلاقة لي بيناتكم
اثير: هو فحال خويا
سيما: 😒 فحال خوك متاكدة

اثير: اه
سيما: دابا نشوفو المهم نخليك دابا .... خرجات ...
اثير: غمضات عينيها شادة فكرشها .... كرشها كتصفر بجوع .... ايييه اليام فاش كنت كنجوع قبل منهدر كان كايحضر لي كولشي ودابا مالقيت حتى ريحتها 😢
طاحت دمعة من عينها ... مالقات جهد معارفة لا شنو دير ولا لمن تشكي باغا تخوي قلبها ... ولكن مالقات لمن تعاود ماتقدرش تيق فلي كان .... كان بنسبة ليها هو الملاذ ديالها وفاش ضيق بيها تمشي تخوي ليه قلبها ... دابا ولات وحيدة وماعندها حد ....
.
💢💢💢💢
عند الدراري كان اريان غادي فالطريق حتى وقفو صوت اوس خلعو
اوس: حبس حبس بلاتي
اريان: ... وقف مدهول معارف راسو باش تبلا ... اش واقع
اوس: ... نزل بلا مايرد عليه قطع الطريق وقف قدام واحد المطعم صغير ديال لاكلات الشعبية .... با ادريس عاش من شافك
ادريس: مرحبا مرحبا زارتنا الباركة باقي عايش بعدا
اوس: ههه عارف راسي غبرت ولكن غير مع الوقت
ادريس: عارف لي كاين اوا اش حبا الخاطر
اوس: ... كايشمشم ... لي جات من عندك مرحبا مكرهتش ناكل من كل حاجة شوية
ادريس: هيا لي متعاودش فين بعدا واحد تويمي ديالك من نهار غبرتي مشفناه
اريان: انا هنا
ادريس: الحباب بداو اتجمعو
اوس: ... غوبش .... با دريس سربي لا نطيح عليك شي روح هنا
ادريس: دابا يكون واجد وانت اولدي شنو تبغي
اريان: لي جات من عندك هيا هاديك المهم هاد لاخ
اوس: 😒
اريان: ... فنفسو ... بان لي بلي كاين شي حوايج ماتبدلوش فيك الخاوة وانا غندير جهدي وكثر باش نرجعك والى كانو غير فحال هاد لامور البسيطة ترجع ليك لابتسامة سهاالت .... تبسم وهو كايشوف فاوس كيفاش متحمس وكايتسنا فحال شي بيبي صغير فرمشت عين تبدل ....
حط ليهم من كل حاجة شوية ... من المعجنات المشويات لاسماك الشلايض كولشي محطوط فوق الطبلة ...
ادريس: يلاه بسم الله لي حبات خاطرك كلها ومرحبا بيك مرة اخرى
اوس: بقا كايشوف ماعرف منين يبداها قتالي بدا ينقب شوية من هنا ويدوق من لهيه
اريان: بسم الله عليك غير بشوية راك غتخنق
اوس: ... وحلات ليه ... كح كح كح .... مد ليه كاس دالماء شرب منها ... احم دخل سوق راسك وحلتيها ليا كول كول وقيلني عليك
رجع كايخشي فوجهو ممسوقش لهدرتو حنى شبع
اوس: الحمد لله شحاااال هادي ماكليت فحال هاكا
اريان: تقول طالقينك من الحبس
اوس: قابلني غير انا مابقاتش عندك الخدمة
اريان: علاه خليتينا نعقلو على شي خدمة 😒
اوس: ... مشا عند ادريس ... شحال
ادريس: لواه اولدي مابيناتناش فرحت غير ملي شفتك عاودها مرة اخرى
اوس: 😒 الى مقلتيش شحال عمرك تشوف وجهي مرة اخرى
اريان: ... جبد شي فلوس محسبهومش حطهون ليه .... غير زيد راه تعطلنا
ادريس: اجي بلاتي هادشي راه بزااف
اريان: مزال انجيو عندك ديك الساعة نهدرو .... زاد وخلاه ....
اوس: ... تبعو .... 😠 باشمن حق تخلص عليا
اريان: بلا متحلم فلوسي غناخدهوم وكون خليتك اتبداو عليا لا قول شحال لا منشدش عندك وانباتو تما اللهم هاكا
اوس: مكانش عليك دخل
اريان: ... طلع فطموبيل ... اتزيد دابا ولا اتبقا عليا بلا بلا بلا راه المركز ايتسد من هنا نص ساعة
اوس: ... طلع حتى هو ... شحال عطيتيه
اريان: محسبتش
اوس: .... حط ليه الفلوس .... المهم هادشي لي عندي دابا وانا غانزيدك مكانبغيش الدين 😒
اريان: ... تحرك .... الى جينا نتحاسبو فانت كتسالني بزاااف وايخصني نردهوم ليك
اوس: فديك الوقت كان لامر مختالف على دابا ... سكت ...
اريان: حتى حاجة ما مختالفة انت لي تبدلتي حيت انت كتبقا بنسبة لي نفس الشخص
اوس: الصمت مردش عليه دار لي كيت وكايتصنت
اريان: اهم كيف ديما كاتهرب
وصلو لمركز تعليم لاتيكيت وقف للوطو ونزل
اريان: اتنزل ولا اتبقا هنا
اوس: .... شاف المكان عاااامر بالنساء .... لا غير سير انا غانتسناك
اريان: اوك انت تعرف .... زاد دخل ...
اوس: .... حيد ليكيت .... دابا انا مجبور نبقا هنا ولكن منقدرش نبقا فالقصر حيت انخرج منو يا قاتل يا مقتول داكشي علاش ايهصني شي حل .... جبد تلي وبدا كايخربق فيه كايقلب على شي دار للكراء ولا للبيع وااااالو مالقاش لي بغا شوية وقفات عليه وحدة ومع كان السرجم محلول ...
هيا: ممكن نسولك
اوس: خنزر فيها ورجع كايشوف تلي
هيا: بغيت غير نسولك على هاد العنوان
اوس: ... دار ليكيت جهد ليهوم الصوت ....
هيا: هدا مالو يخخخ على متكبر
صاحبتها: نتي لي قلبتي عليها
هيا: كنت باغا غير نضبر على راسي والسيد باينة عليه بوكو لعاقة زيدي زيدي نمشيو الواليدة دابا تجي .... مشات
اوس: ... بانت ليه واحد المراة كبيرة نزلات من التاكسي هازة ثقل كتعافر معاه حيد عود لي كيت ونزل عندها حيد ليها لي ساشي ... فين غاديا اخالتي
المراة: غير هنا اولدي .... كان فنفس العمارة لي فيها المركز .... مايتاجش تصدع راسك انا .... مهلاهاش تكمل زاد بيهوم دخل هيا تبعاتو ....
اوس: ... وقف ... فين دارك
المراة: هاهيا هادي لي قدامك
اوس: اوك ... زاد وقف قدام الباب كايتسنا تفتح ليه ....

دقات فالباب حلات ليها نفس بنت لي سولات على العنوان شافتو تبدل لونها عطاتو بضهر وسلتات هو شافها ولكن مهتمش دخل ليها التقضية وخرج لحقات عليه ...
المراة: الله اعطيك مانويتي فخاطرك اولدي واحقق ليك كل ماتمنيتي
اوس: ...يلاه بغا يجاوبها بانت ليه شقق للكراء ومع الحي راقي ونقي سولها ... واش كاينة هنا شي دار لكراء
المراة: ييه اولدي كاينة واحد الدار الفوق علاش كتسول
اوس: امم كنقلب على شي دار معرفتش واش نلقا لي بغيت
المراة: افى بغيتي تقدر تشوفها انا هيا مولات العيمارة
اوس: ... متردد ولكن حين من انه يرجع لديك الدار ... اه اوك نشوفها
المراة: واخا تسناني نجيب سوارت ... دخلات جابت السوارت ورجعات طلعو لطبقة الثالثة فتحات الباب كانت ابارتمون صغير وراقية خاوية مافيها والو عجباتو ....
اوس: فوقاش نقدر انتاقل ليها
المراة: نساليو لاجرات ونهدرو على الثمن
اوس: شحال بغيتي
المراة: ... طلعاتو وهبطاتوط .... 20000 درهم
اوس: اوك تافقنا مكرهتش ناخدها اليوم
المراة: ولكن خاصنا اجرات قبل ومايمكنش اليوم
اوس: ولكن انا محتاجها اليوم قبل من غدا
المراة: لا منقدرش الوقت والزمان هادي وماحد لاجرات متماتش ندمنقدرش
اوس: اممم اوك غدا
المراة: غدا ممكن
خرج من تما ولقا اريان قالب عليه الدنيا غير شافو ...
اريان: فين كنت اصاحبي من الصباح وانا نقلب
اوس: كنت كنهدر مع مولات هاد المبنى على دار الكراء وتافقت معاها
اريان: 😒 كي درتي تلاقيتي مع مولاتو انا هو مول المبنى
اوس: كضحك معايا عاد شت مولاتو وهدرنا وراتني لابارتمون
اريان: انا كلفتها بيه ولكن مقلتش تكري الديور 😒
اوس: يعني كنت انتخور
اريان: انا لي تخورت وهاد خيتي جالسة تربح على ضهري
اوس: من نيتك معارفش بلي كاتكري ليك فالديور
اريان: 😒 لا انا كنت تايق فيها وعاطيها الصلاحيات فالعمارة وهيا لي مكلفة حتى بالمركز
اوس: هههههههه بحال دينا لي جا يضحك عليك 😂
اريان: 😒 على اساس انت مطفرو ديما ضاحكين عليك واكلين شاربين على ضهرك
اوس: 😒 على لاقل انا واكلين شاربين اما انت راه كاريين ديوووزور على قدهوم كايربحو الملاين على قدهوم
فيكي: المهم جوج كوامبو مضحكين عليهوم عباد الله
اوس: وانت اش دخلك فينا
اريان: بيناتنا حنا والشيطان ثالثنا
فيكي: دابا انا شيطان
اوس/ اريان: وكبيرهوم
فيكي: ... عوج فمو يمين يسار .... بزاف عليكم
اوس: ... عاد نتابه ليه .... الله يستر اش هدا
اريان: ... عفط عليه ... سكتنا اتفضحينا
اوس: ... بهمس ... واش محسوب علينا ولا عليهوم
اريان: هو محسوب علينا ولكن كايبان منهوم
فيكي: اش كتوشوشو تما
اوس/ اريان: والو
اريان: مشينا
فيكي: معرفتيناش على هاد الزيت
اوس: معندك متعرف عليا دخل غير سوق راسك وو.. سكتو اريان ...
اريان: سيادنا على مبان لي تعطلنا وانت خاصك تبدا خدمتك
فيكي: هيا الى زدتو من دابا
اوس: الله يسترنا الحال مابقا
اريان: ... بهمس ... بان لي المهمة ماصعيباش كيف كان كايسحاب لي
طلعو فالسيارة وضيمارا اريان
اوس: مابغيتش نرجع لقصر ديني لشي اوطيل حسن
اريان: من نيتك ماعندك مدير بشي اوطيل دارك كاينة
اوس: اريان ماتضغتش عليا حيت فكل مرة كنشد راسي فاخر لحضة والى بقيت تما
اريان: حنا نقدرو نبقاو فالدار لي وراء القصر كبيرة ومتيسعة واتاخد فيها راحتك ماشي ضاروري دخل القصر
اوس: الصمت
اريان: راه غير هاد لايام بين ما تقادات لامور واترجع فحالك على ماضن وتقدر تصبر
اوس: المهم نعدي هاد النهار زغدا نقلب على شي دار
اريان: ولكن انا بغيتك تبقا فالقصر
اوس: علي صوتك مسمعتكش
اريان: لا والو غير قلت ليك فهاد الوقت صعيب تلقا لي بغيتي والنصابة عطاهوم الله
اوس: ولكن ضروري نلقا لي بغيت
اريان: كون كنت كندوي مع الحيط امكن اسمعني
اوس: 😒
كملو طريقهوم فسكات وفيكي غير كايشوف فيهوم مفاهم والو .... وحاميا فيه البيضة ....
فيكي: احم ... مداوهاش فيه .... احم احم .... دارو راسهوم ماسمعوش .... احااااااام احااااااام احااااام
اريان: اش بغيتي
فيكي: دابا هاد خيتي لي خاص نعلمها اوصول لاتيكيث والروقي شكون هيا بنت من واش واربثة ديال شي حد ولا ربحات فاليناصيب و .... قاطعو اوس ....
اوس: ورثات من باك معرفتيش صدقات ختك
فيكي: ... ميق فيه ... براكة من ضحك داوي بصح
اوس: علاه انا بنت ليك كنتفلا
فيكي: 😬
وصلو قدام القصر ... واوس وفيكي مناكرين طلعو الخز لاريان ....
اريان: وصلنا تقدرو تنزلو
اوس: لا انا غنبقا هنا عيط لسيما نمشيو لشي اوطيل
اريان: راني هدرت زعمة
اوس: وانا خريتو لك زعمة مغانبقاش هيا مغانبقاش
اريان: وموصييييبييبة معاك
اوس: 😏
اريان: هانت راه الدار بعييدة على القصر ومقومة بكولشي تقدرو تبقاو فيها
اوس: قلت ليك مغانبقاش هيا مغانبقاش اوك بلا متصدع راسك معايا
فيكي: تقدر تديه الفيلا لي شريتي السيمانة الفايتة ... قاطعو ...
اريان: وي ولطن الفيلا اتسكن فيها اثير حيت بانت لي الميمة مغاتقبلهاش واتخلق ليها المشاكيل الى بقات معانا
اوس: بانت لي العلاقة بيناتكم فشكل اش كاين
اريان: من نيتك راه علاقتي بيها عادية ماشي بضرورة تكون بيناتنا شي حاجة
اوس: مبان ليش وعلى العموم انا مغانبقاش هنا وانضبر فين ندوز هاد لايام
اريان: بففف راسك قاسح
اوس: ماشي قدك

اريان: اوك لي بغيتي بقاو هنا انا راجع
نزل وخلاهوم اوس جالس كايشوف حتى كتبان ليه اثير فالبالكون ... عقد غوباشتو كايشوف فيها وهيا كتبكي ... مركز معاها ومع حركاتها
اوس: والله حتى كتشبه ليها حتى وهيا كتبكي
فيكي: مسمعتكش اش كلتي علي صوتك
اوس: مداويش معاك
فيكي: ومع من داوي كاين غير انا وياك هنا
اوس: داوي مع جنون
فيكي: ميق فيه
💢💢💢💢
دخل اريان غادي وهو يسمع عائشة كتدوي مع ولدها محمد
عائشة: انا هاديك البنت معاجبانيش مشتيش الشبه لي بينها وبين سليمة
محمد: وي لحضتها ولكن كايقولو يخلق من الشبه اربعين
عائشة: انا هادشي مداهلش لراسب تكون كتشبه ليها ومتكون حتى شي علاقة بيناتهوم واريان بان تعلق بيها كثر من القياس بيت باه مكايخلي حد اقرب ليه ودابا بغا يسكنها فيه
محمد: راه غير بيت
عائشة: ولكن انت عارف بلي ... قاطعهوم ...
اريان: صافي سدي هاد الموضوع والبنت انا غانديها من هنا رتاحي .... طلع الفوق وبالو كيديه ويجيبو ... كيفاش كاهوم لاحضو هاد الشبه وهو ملاحضش نفس الهدرة داوس حتى هو قالها واش لهاد الدرجة هو نسا ملامح المراة لي ولداتو ومقدرش يلاحض هاد الشبه .... دخل عندها شاف فيها باسى ... كانت مزال فبلاصتها كتبكي .... قرب عندها وجلس فجنبها ... علا ليها راسها ومسح دموعها ...
اريان: دبا علاش هاد الدموع فراسك واحد الحاجة
اثير: ... كتشهق ... شنو
اريان: معرفتش علاش ولكن كاتعدبيني ملي كانشوفك هاكا واخا مكنعرفكش مزيان ولكن كنحس بقلبي كايوجعني بزاااف فاش كنشوفك دموعك
اثير: 😢
اريان: تقدري ثيقي فيا عاودي لي شنو وقع ليك وشكون دار فيك ديك الحالة
ندى : مابغيتش نهدر ولا نتفكر بغيت نسى
اريان: على خاطرك وقت ما لقيتي راسك مستاعدة اتلقايني فجنبك وتقدري تعاودي ليا
اثير: واخا
اريان: دابا شنو كتفكري ديري فحياتك
اثير: معرفتش ولكن مكرهتش نخرج نخدم ونعتمد على راسي ونقوي شخصيتي مابغيتش نبقا نفس البنت لي جا يضحك عليها واستاغلها
اريان: طبعا من حقك و انا كانواعدك قريب غايجي واحد النهار وغاديري كاااع داكشي لي كنتي باغا وكنتي كاتحلمي بيه غاتولي انسانة قوية وتقدر تحدا كولشي
اريان: وقتاش غايجي هاد النهار مليت نفس الهضرة لي كنت كنسمع كل مرة حتى القراية ماقريتش كيف عباد الله
اريان: ماقريتيش
اثير: ماخلاونيش نقرا كان غير هو لي كليعلمني
اريان: شكون
اثير: سكتات
اريان: اوك فمت كتيقي فيا
اثير: الصمت
اريان: دابا جاوبيني كثيقي فيا اه ولا لا
اثير: حركات راسها باه لا اراديا معرفاتش علاش
اريان: اوا صافي نبغي هاد الموضوع يتسد فمرة و انا واعدتك وغانوفي بوعدي غير صبري وكلشي غايتحل ونتي غتولي كيف بغيتي
اثير: اوك
اريان: يالاه مسحي دوك الدميعات ونوضي غسلي وجهك وملي تسالي وجدي راسك باش نخرجو اوك
اثير: واش بصح غانخرجو
اريان: اه خارجين يالاه نوضي تكعدي انا غانمشي نشوف سيما ونقوليها توجد راسها باش تمشي معانا
اثير: ... محسات براسها حتى باستو من خدو وعنقاتو .... شكرا شكرا شكرا بزااف على اي حاجة درتيها معايا
اريان: ... احساسو غريب فهاد لحضة معرفش معناه زعمة تكون الهدرة دعائشة بصح وحتى اوس لاحض الشبه لي بينها وبين مو خربق ليها شعرها ورد ليها بوستها ... الله اخليك ديما ضاحكة ... وخرج متاجه لغرفة سيما ... لي كانت جالسة على اعصابها ومتوترة ... غير شافت اريان دخل ... وهي تنقز عندو وبدات تسول فيه ...
سيما: شكون هاديك لي جايب وعلاش مجلسها فبيتك وزايدينها بالبوسان
اريان: هههه غا بشوية عليك تهدني ماشي لي فبالك
سيما: وا جاوبني ماتخلينيش معلقة فحال هاكا
اريان: واخا الالة اجي جلسي بعدا راني توحشت الجلسة معاك
سيما: .... بالغوات .... دابا غتقول ولا مايعجبك حال
اريان: كتهددني زعمة
سيما: اعتابرها كيما بغيتي تهديد ولا لي عجبك
اريان: اوا الالة الى كان هاكا معندنا فاش نهدرو وفهمي علاقتي بيها كيف بغيتي دابا زيدي خوك كايتسناك
ضرب فيها وخرج خلاها مفقوصة لاقصى درجة

مشا اريان عند اثير لقاها كتسناه ... نزلو بجوج لقاو لخرين كايتسناوه .... اوس كان ساهي فاش بانت ليه بقا كايتاكد .... فعلا كتشبه ليها بزاااف ... ولكن شنو العلاقة بيناتهوم وفين لقاها اريان ... وشنو معنيت داكشي لي شاف زعمة تكون شي علاقة بيناتهوم .... سيما شافت فيكي سلمات عليه هيا اصلا كانت كتعرفو من قبل بقاو كايهدرو ... طلع اريان واثير طلعات لور تحرك ...
اريان: فيكي ها التلميذة ديالك تكايس عليها
سيما: 😠
فيكي: اوووه كاتبان كيووت وشعرها ... خدا خصلة من شعرها ضربات ليه يدو .... اي واش صافا با علاش ضربتيني
اثير: ... بعصبية ... متقيسنيش ولا نهرس ليك هاد ليد 😤
فيكي: هي متهزيش عليا صوتك البنات المربين مكايعليوش صوتهوم
اثير: والرجال المربيين مكايديروش فحال البنات
اريان: 😨
فيكي: اووه مايكاد اش هاد قلت الحياء
اوس: حابس الضحكة
سيما: احم فيكي دوز لهنا بغيت نهدر مع هاد لاخت
فيكي: 😤 اوك ... ناض بشوية داز لجيهة لخرى وسيما جلسات حدا اثير ... 
سيما: *فوق النفس* قربي نقول ليك
اثير: قربات عندها هازة مناخرها حتى هيا
سيما: ... بهمس ... شوفي دابا هو كايبان راجل ولكن هو محسوب علينا خاصك تحتارميه ولا مايعجبك حال
اثير: مفهمتش
سيما: يعني مخنت
اثير: ااااااااه زعمة مفشش ولكن مكايعنيش يدير فحال البنات
فيكي: 😠 دابا هاد خيتي واش كتقلب عليا
اوس: 😂
سيما: ولاااا مفهمتيش قربي نشرح ليك ... فوذنها .... يعني زاامل كايبغي الرجال ووو المهم كملي من عندك
اثير: زامممم ... سدات ليها فمها ...
سيما: ... ضحكة صفراء .... مزال مكتعرف تهدر دابا تعلمها
اثير: اممممممم
سيما: جمعي فمك شوية وعرفي اش كتخرجي منو ....طلقاتها ....
اريان: احم اثير هدا غاولي استاذ ديالك خاصك تحتارميه شوية
اثير: شلا مالقيتي مع من
اوس: .... عينيه دمعو بقوت مضحك .... الله على نهار داز من داكشي
اريان: بصحة الضحكة توحشناها
اوس: بقا انت مقابلني غير انا
اريان: على زينك
اوس: 😒 اش بان ليكم نمشيو البحر
اريان: اوك ومن تما ندوزو نتعشاو فشي بلاصة عاد نمشيو لفيلا فين اتسكنو بثلاثة
اوس: حنا بثلاثة
اريان: انت وسيما واثير
اوس: من نيتك
فيكي: وانا فين نسيتيني
بقاو هوما مني منك اما اثير تفكرات اول نهار تمشي فيه البحر كترمش عينيها بزربة كتحاول تحبس البكية باش متخرجش وكتنش بيديها
سيما: ...مطلعة حاجب .... مالك على ماضن مكاينش الصهد لهاد الدرجة اولى
اريان: شاف فيها من المراية لقا عينيها حومر

اثير: 😢 مابغيتش نمشي لبحر
اريان: اوك الى مابغيتيش مانمشيوش نمشيو لشي بلاصة اخرى
اوس: وانا بغيت نمشي ليه
سيما: حتى انا 😤
فيكي: حتى انا
اريان: قلت ليكم مغاديينش هيا مغاديينش والى نتوما بغيتو تمشيو تقدرو تمشيو فتاكسي
اثير: .... مبغاتش تكون سبب فخصومة بيناتهوم .... مكاين لاش تخاصمو بسببي انا نزلني غير هنا نتسناكم حتى ترجعو
اريان: واش نتي مريضة نخليك هنا بوحدك
سيما: 😒 ومالها ايجيو اخطفوها وحنا مافخبارناش
اوس: اوك نزلنا حنا اناخدو تاكسي
اريان: اوك
اثير: لا انا لي غنزل نتوما سيرو
اريان: اثير مايمكنش نخليك بوحدك
سيما: 😢 وحنا اتخلينا
اوس: عادي جدا اخلينا شنو لجديد وقف
اثير: لا ماتنزلوش بسببي
سيما: لا غنزلو وهو ختارك نتي يعني عادي
اثير: انا غنزل عادي والله ونتوما سيرو
سيما: بلا جميلتك حنا لي غنزلو
بقاو البنات كل وحدة فين كتهدر فيكي مخشي فقنت حيت تخلع من الطريقة باش كايهدرو
اريان: .... بالغوات .... صافي سكتونا عيقتو يااااه كل واحد فين كايهدر حتى واحد مغاينزل انا غنوصلكم ونمشي انا واثير هنيونا
اوس: مابغيتش توصلني عرفتي شنو مابقيت باغي لا بحر لا عشاء باغي نرتااااااح
سيما: .... عوجات فمها .... حتى انا بغيت نرتاح بزعطة هاد الخرجة ديالك
فيكي: انا .... قاطعوه ....
اريان/ اوس/ سيما: شكون سولك انت
فيكي: رجع تكمش
اثير: مكاين لاش ضيعو الخرجة ديالكم بسبابي
اوس: ... ضور المراية كيشوف فيها شي شوفات الله يستر ....
اريان: نتي مضيعتي والو مرة اخرى نسيت تغديتي بعدا ولا غير جالسة تهدري
اثير: حدرات راسها وسكتات
اريان: خخخخ ماكليتيش وزيد 15 يوم ونتي ناعسة فسبيطار عايشة غير على ليباري
سيما: سبيطار علاه مالها
اثير: عاضة على شنوفتها متبغاتش تبكي خايفاه يقول ليهوم
اريان: ماشي شي حاجة دارت غير حادث
اوس: .... مزال كايشوف فيها من المراية .... منضنش كاينة شي حاجة اخرى وانتوما كتخبيوها
اريان: اش غنخبيو حتى انت .... وقف قدام فيلا متوسطة الحجم .... وصلنا
اوس: .... كايشوف فيها ... 😒 ماشي نفس الفيلا لي كانت باغا سيما
اريان: .... ضحكة صفراء ... نزلو
نزل هو لول تبعوه حتى هوما واثير غادا وحادرة راسها طايح عليها الضيم فكروها بلي وقع واخا مكانتش اصلا ناسياه ولكن قاسوها فالجرح لي حاولات تنساه

دخلو كاملين اريان طلب 2 بيتزات عائلية الحجم الكبير .... 10 دقايق كانو وصلوها ليهوم ..... قاد العصير حط كولشي فوق الطبلة ..... عيط ليهوم بقاو كياكلو حتى اريان واوس المهم كولهوم ..... سلاو لولى بداو فالثانية بقا طرف واحد .... ارياتدن شاف فاوس اوس نفس الشيء ..... طارو عليها بجوج فدقة .... مضاربين شكون اياخدها دخلات حتى سيما وفيكي .... هدا يدير يدو يشدها لاخر ..... يديرها هدا يشدها لاخر حتى سمعو ديك اممممم هادشي بنين .... شافو فالكرطونة بانت ليهوم خاوية .... ضارو بانت ليهوم اثير كتكاها وتبنن ..... كلهوم كايخنزرو فيها
اثير: شتكوم حتى واحد مابغا يخلي لاخر اهزها وقلت خليني نهنيكم منها
اريان: اثيييير والله لا بقات فيك
اوس: من ديما الطرف لخر ليا اش هاد الفعايل
فيكي: وانا انا اش دخلني انا اوووف نسيت راسي
سيما: 😠
اوس: .... بغا ينقز عليها هربات .... نشدك نريشك
اريان: لا هادي انا لي غنريشها هاد النهار رجعي
اثير: وااااع هاد الحالة كااالمة على طرف دالبيتزا .... هربانة دوز من هنا تلقا اريان ترجع لهنا تلقا اوس ....
اوس: نسا راسو فهاد لحضة لي هامو يشدها حيت موالف هاد لعب مع صحابو واريان وسيما حتى هيا
اريان: فاش شاف حالت اوس كيف تصرف عجبو الحال وقرر انه افكرو بالماضي ديالهوم
اثير: خرجات من الباب لوراني للفيلا عاطيا رجليها لريح واوس تابعها اريان سخفوه وقف كايلهت
اريان: اوووف عييت انا بان لي هاد جوج مكايعياوش
اثير بعد ما بعدات عليه وقفات ... كتشوف فيه ... اوس حتى هو شافها وقفات .... وقف حتى هو .....
اوس: صافي هدا هو جهدك
اثير: وراه غير طرف ديال البيتزا اش فيها الى كليتو
اوس: طرف لخر ديالي ومياكلو حتى واحد من غيري 😠
اثير: مشفتش سميتك عليه
اوس: 😠 دابا نوريك سميتي فين كانت

اوس فحركة بسيطة طار شنق عليها .... هيا ماعرفات بلش تبلات مجات فين تهرب حتى لقاتو شانق عليها....
اثير: ... ديك شدة لي شدها تخلعات تسمرات فبلاصتها ماعرفات مادير ...
اوس: .... عاق براسو وكيفاش شادها كان تابعها ومكانش عارف اش كايدير تصدم فراسو طلق منها ... لا لا انا هبلت مافيهاش ه لا والله حتى كنت تابعها وشادها .... طلع فيها راسو بانت ليه مسنرة فبلاصتها وعينيها فيهوم لمعة بسبب الدموع لي بدات تجمع فيهوم .... نفس العنين ديال ماما سليمة ....
اثير: غير سمعات سليمة توكضات شافت فيه ....
.... اما هو بقا غادي وكايهدر مع راسو فحال شي حمق ....
اثير: ها منين كاعرف ماما متئ تقدر تكون غير تشابه فلاسماء دابا هو مشا حتى انا انمشي
.... تمات غادا وهيا تسمع ديك ععععععع كان كلب ... غير شافتو بدات تصفار وتخضار عندها فوبيا من الكلاب ... حيت فاش كانت صغيرة عضها كلب ...
اطط بعدا نعرفكم على اثير ولكن مغانقولش كولشي ... حيت كاين شي حوايج متعلقين بالماضي مزال ماوصلات وقتهوم .... هيا البنت الوحيدة بنسبة لمها .... وعندها جوج خوت من لاب ديالها كبر منها .... يعني هيا بنت الزوجة الثانية للاب ديالها .... فعمرها 19 عام ولكن كتبان كبر من عمرها .... شعر اسود قاتم .... العنين نفس لون عندها بريق كايسخر كل من شافها .... هيا مقدراتش تدخل المردسة كيف سبق ليها قالت لاريان بسبب ضروف اتعرفو عليها من بعد .... هيا لسانها دينا سابق .... مكتفكرش فشنو كتقول ولا شنو كدير .... وهيا من النوع لي حساس لا فالمشاعر لا حتى الجسم ديالها .... غير قيسها تزراق فالبلاصة ولا ابسط الحوايج تجرحها ... وتسيل دمها ....
اثير: اععععععععع عتقوني غايعضني الكلب ولد الكلبة ..... طلقات رجليها لريح والكلب غير شافها كتجري تبعها كاينبح وهيا عاد مكتزيد تغوت ..... 😭
اوس: .... مزال ساهي وكايهدر مع راسو وافسر داك الشبه لي معرفش علاش فين ما يشوف اثير كايتفكر مرات عمو لي بنسبة ليه كانت مو ولكن شنو علاقت اثير معاها علاش كتفكرو فيها سنع غواتها مجا فين يضور حتى تشعبطات فيها ضربات وجها مع كتفو طاحو بجوج .... اوتش ضهري تقسم
جا الحارس شد الكلب

الحارس: سمحو ليا اسيدي معرفت كي دار حتى وصل لهنا .... مشا وداه معاه ....
اوس: هي نتي نوضي عليا شتك ستحليتيها
اثير: لا رد مزال مشعبطا فيه
اوس: .... طلع ليه الخز مكايحملش شي وحدة تكون قريبة ليه فحال هاكا دفعها كانت مغيبة ونيفها كايسيل بدم مشافش جيهتها .... المرض عمرك تبقا تقربي مني يخخخ على جنس كلكم فحال فحال مكتسواوش .... شافها مرضاتش ومدارت تاشي ردت فعل ... شاف جيهتها لقاها كيف ما لاحها باقا على حالتها .... هادي مالها منشورة هنا بففف وانا مالي خليها .... بقا غادي كاينفض حتى كاتبان لو تيشورت عامر ة بدم .... منين جا هاد الدم خخخ اتكون غير ديك خيتي ... كمل طريقو ولكن بالو مامهنيهش ... امشي جوج خطوات اتلفت القاها باقا كيف خلاها .... وارجع اكمل ... مرتاحش لهاد النعسة لي دايرة ... وديك الجرية لي كانت دايرة كتبين خوفها ويستحيل تبقا
اوس: واش هادي دابا مغاتحركش بانت لي كانت خايفة من الكلب .... رجع عندها حركها برجلو ... انوضي من تما دابا يرجع القاك اغززك كلك مايخلي فيك حتى عضمة .... والو مكتردش عليه ..... هبط عندها ..... راه معاك كنهدر .... وااالو لا حراك ضور ليها راسها لقا وجها عامر بدم .... 😨 هادي مالها

بقا كايشوف فيها مفاهم والو .... بغا يهزها ولكن متردد .... كايدير ليها يدو ... وارجعها مقادرش يقيسها فالتالي وقف ....
اوس: لا منقدرش نقرب ليها نمشي نعيط لاريان هو يجي يشوف معاها ..... تم غادي ولكن مقدرش حك راسو بنرفزة ... ععععع منقدرش نخليها هاكا اووف المرض
.... رجع عندها نزل على ركابيه .... مد يدو تحت ضهرها لي كان عاري ... غير حس بيها بعد يدو محملش يقيسها ...
اوس: منقدرش نهز هاد خيتي نعيط لاريان يجي يديها حسن .... دار اجبد تلفون لقاه مكاينش ..... اااااععع هادشي لي كان ناقص .... ميل راسو كايشوف فيها .... خاصني نفيقها اه هدا هو الحل ... بقا كايشوف فجنابو .... بان ليه تيو باش كايسقيو تما .... مشا جابو وقف قبالتها .... وهوووب طلق عليها الماء .... هيا شهقات وقفزات من بلاصتها ....
اوس: واخيرا فاقت
اثير: كتقفقف ونيفها دايز بدم وفيها ضربة بدات تزراق من الفوق شوية
اوس: ... جبد مشوار من جيب مدو ليها .... ديري هادا على نيفك خلينا نرجعو وهزي راسك الفوق
اثير: شكرا .... خداتو من عندو دارتو على نيفها وهازة راسها الفوق غادا بشوية حيت مكتشوفش قدامها ... 
بقاو غاديين فين ما تكون خرجات على طريق ولا كايحبس .... الدار مكانتش بعيدة ..... وصلو دخلو .... اريان غير شافها طار عندها ...
اريان: مالها شنو وقع واش ضربتيها
اوس: ه ضربتها من .... قاطعو ماخلاهش اكمل ....
اريان: راه ماشي حيت مك قح... مكتسواش يعني كولشي فحالها مكنتش كنضن بلي شي نهار ايوصل بيك الحقد لدرجة تضرب بنت
اوس: .... شاف فيه بغضب .... ماشي وقت هاد الهدرة دابا خاص نوقفو النزيف
اريان: مكاين لاش دير راسك بلي كتهمك
اوس: ارياان خلي الهدرة دابا هبط ليها رأسها القدام و ضغط بيدك على جسر الأنف ديالها بقوة
اريان: خزر فيه ودار داكشي لي قال ليه
اثير: غير جالسة كتشوف كيف كايتعامل معاها اريان وحتى اوس رغم انه معصب الا انه باين عليه خايف فكروها فانور نفس التعامل لي كايدير معاها
اوس: سيما جيبي شوية د الثلج ديريهوم في منشفة رقيقة باش ديرها على نيفها وجبهتها
سيما: دارت براسها ماسمعاتش
اوس: شيراااااز
سيما: .... قفزات حيت فاش كايعيط ليها بسميتها عرفوه معصب نيييييت .... واخا واخا انا غنجيبو
اريان: باش كتحسي
اثير: انا بيخير موالفة كتوقع لي الى تساطحت مع شي حاجة ولا شي حد وفاش كنت كنجري خرجت فيه ... شارت لاوس ... من تما ماقلتش حتى رشني بالماء
اريان: ... شاف فاوس .... يعني ماشي هو لي ضربك
اثير: لا غير انت فهمتي غالط
عند سيما مشات تجيب داكشي لي قال ليها ...
سيما: معرفت منين خرجات لي هاد خيتي فلاول اريان ودابا حتى اوس ولا خايف عليها اوس لي مكايحملش حس النساء .... جابت داكشي لي قال ليها ورجاعات ...
اريان: دار داكشي لي قال ليها اوس
اوس: دابا جلسها في وضع مستقيم ورأس ديالها وهبط راسها الخلف
اريان: اوك .... دارت اثير داكشي لي قال ....
اريان: بان لي حبس ليها النزيف
اوس: سيري جيبي خل التفاح الى كان تما ديروه لها فقطن صغيرة وديروه في الفتحة دنيفها
سيما: كنضن بلي هادشي لي درناه كافي
اوس: 😠
سيما: اوووف هانا غادا .... بهمس .... مكرهتش نريش هاد خيتي زادو فيه
مشات جابتو .... ورجعات مرة اخرة .... بالخل داروه فالقطن دارو ليها ...
اريان: اوس سمح ... فين مشا هدا
سيما: معرفتش عاد كان هنا
فيكي: فاش مشيتي تجيبي الخل هو خرج
سيما: صافي عجبك الحال دابا فاش فكرتيه الله يرضي عليك على هادي انت جرحتي خوك ماعندي معندي منتسالك .... مشات وخلاتو مصدوم من راسو معرفش كي دار حتى قال ليه ديك الهدرة .... وفكرو فماضيه لي من دينا كايحاول انساه

فيكي: نخليكوم نمشي نجيب داكشي لي طلبتي مني سوارت دطموبيل .... خرج ...
اريان: مد ليه السوارت .... شد على راسو بعصبية ندمان على الهدرة لي قال ليه ....
اثير: مكانش عليك تسرع وتهدر معاه بديك الطريقة
اريان: انا مقصدتش الهدرة لي قلت ولكن فاش شفتك فديك الحالة معرفتش شنو وقع لي هو كايحاول انسا وانا فكتو فجرحو لي لحد لان خزال مابرى وعاد مكايزيد اتفتح كثر وكثر
اثير: .... بفضول .... شنو وقع حتى فالقصر جعر ودار ديك الحالة خلعني ولكن علاش هدشي كامل وشنو كان قصدك من ديك الهدرة لي قلت ليه
اريان: افف فالحقيقة معرفت منين نبدا
اثير: منين ما بديتي وانا واخا صغيرة دوزت فحياتي لي مدوزوهش الكبار
اريان: المهم فاش كنا صغار كانا دائما كانشوف مو كدخل رجال اخرين فاش عمي كان كايسافر ومايكون حد فالدار فديك الوقت مكناش فاهمين كانت كتجينا عادي فاش بدينا نكبرو ونفهمو بدا هو كايحقد على مو هيا كانت خايفة تفضح تابت على حساب لي فهماتنا هيا .... سكت ....
اثير: كمل
اريان: احم المهم هادشي لي خلا اوس اتعقد واكره النساء من الصميم وقع فنهار عيد ميلادو 18 كانا دايرين حفل لصحابنا كان كولشي فرحان حتى .... ضور وجهو حابس دموعو مابغاهاش تشوفو ....
اثير: حتى اش
اريان: حتى ..... فلاش باك ....
كان الحفل فواحد لاوطيل .... كان عامر بشباب صبيان وبنات .... كولشي كان فرحان وكايشطح .... كانو دايرين باوس .... كايشجعوه باش اشرب لاول مرة فحياتو ..... كايتسمع صوت الضجيج لفين وفين .... كانو مع اقرب اصدقاء ليهوم فهد وانور ....
فهد: متخافش اصاحبي مغايوقع والو غير تشجع وشرب
انور: لا عنداك هادشي مغاديش اصلاح ليك
فهد: متردش على هاد المعقد وعيش الحياة راه مغاديش تبقا تشرب دائما غير تجربة جديدة
اوس: المشروب كايهليك تفقد الوعي وانا مابغيتش نفقدو
انور: حسن
اريان: انا متافق معاهوم
فهد: دابا نتوما كتخويز بيا حنا تافقنا بلي فعيد ميلاد اصغر وحد فينا لي هو اوس حنا كاملين انشربو
اريان: هادي عندك
اوس: معرفت ولكن خخ سير على الله مرة وحدة مغاضرش
انور: شربوه غير نتوما خاص شي واحد فينا يكون فالوعي ديالو على حساب الطريق وعاد ماباغيش هاد التجربة ديالكم
فهد: راه كنقول ليكم معقد وكتقولو غير حاكر عليه دابا خليونا من الهدرة كل واحد ياخد كاسو
اوس: سير على الله .... كل واحد فيهوم هز كاس ...
اريان: يلاه بداو
هزو الكيسان بثلاثة ..... لقاوهوم وشربو فدقة وحدة ....
اوس: .... خسر سيفتو .... ياااااع هادشي حار
اريان: .... نفس الشيء .... معرفت اش كايعجبكم فهادشي
فهد: هههه من نيتكم بالعكس وااعر
انور: بصحتك
الدراري: الله يعطيك الصحة ههههه
اوس: ... بدا يشد فيه .... كون غير تجرب اصاحبي احساس زوييين ههههه
اريان: انا حاس براسي كنطير
بداو الداري كايديرو فحال الحماق .... فهد ماشدش فيه حيت بدا يشرب فسن مبكرة ..... كان فعمرو 14 سنة فاول مرة يشرب ودابا 19 هو قد اريان ..... بقا هو وانور تابعينهوم من قنت لقنت .... وهوما غاديين كايتمايلو واغنيو .... خرجو من لاوطيل غاديين فالشارع ....
انور: هالي نابغيناش ايديرو شي فضيحة
فهد: انا قلت يجربوه ماشي يشربو كاس قدو قد الخلا فاول مرة خخخ خلينا نديوهوم لدار
انور: اوك انت شد اريان وانا نشد اوس
فهد: اوك مشات
مشاو الدراري كل واحد تكلف بواحد .... داوهوم لطموبيل طلعوهوم ..... توجهو لقصر وصلو نزلوهوم مسندينهوم .... دخلو تلاحو فوق السداري .... كايردو نفس اما اوس واريان ... فغير كايضحكو والهلوسة على جهد .... سخفو معاهوم الدراري .... وصلات ديك 12 ديال ليل .... هونا كل واحد شاد قنت ناااعس فسابع نوماتو .... حتى كايفيقهوم .... شي صوت غريب قفزهوم معرفوش شنو هو ..... بقاو واحد اشوف فلاخر
اريان: كنضن مكاين حد فالقصر من غيرنا
اوس: وي كولشي خارج
انور: ومنين جا هاد الصوت
فهد: يكون شي شفار زعمة

اوس: منضنش
.... بقاو كايتصنطو يشوفو اش واقع ..... حتى كايتسمع نفس صوت .... كان صوت اطلاق ناري .... قفزو كلهوم من بلاصتهوم ....
اريان: اش هادشي
انور: شي حد قتل شي حد
فهد: جملة لا محل لها من لاعراب
اريان: بلاتي فين غادي .... كان اوس طار الفوق منين تسمع الصوت ....
فهد: هدة تسطى غاظي لموت برجليه
اوس: كايفتح الغرف وحدة بوحدة يشوف اش واقع مالقا والو وصل لاخر بيت فتحها وهنا الصدمة بقا شاد فالباب وعينيه بداو يحمارو
لحقو عليه الدراري غير شافو لي وقع حتى هونا تصدمو
اوس: .... وقف بدا كايقرب كان لاب ديالو مليوح وغارق فدم ... بابا علاش درتي هادشي
احمد: ... لاب بكلام متقطع .... سمح ليا ولكن كنفضل نموت على اني نتقبل هادشي لي دارت
اوس: كان عليك تقتلها هيا لي مكتسواش
احمد: ه منقدرتش حيت كنبغيها .... شهق مرة وحدة ....
اوس: ... عنقو حابس دموعو حيت هو من النوع لي اتجنن اضرب ماشي لي ابكي ... الى انت مكنتش تقدر انا نقتلها .... هز سلاح لاب ديالو نفسو وجهو ناحيتها .... اليوم اتخلصي العاعرة
مليكة: .... ملوية فايزار ... فجنبها شخص اخر غير شافو ناض بغا يهرب ... ثيرا اوس ولكن مجابهاش فيه .... اولا حيت كان المشروب مدوخو .... وثانيا مكايعرفش اصوب كانت يدو كترجف ....
اريان: .... شد ليه يدو .... مغانخليكش
اوس: .... عينيه عامرين بالغضب والحقد .... اريان حيد خاصني نقتلها
اريان: مغانخليكش ترتاكب هاد لاثم حيت كيف ما كان الحال كتبقا هيا لي جابتك لهاد الدنيا
اوس: الى مابعدتيش دابا عتابر علاقتنا سالات ونسا بلي انا خوك
اريان: دابا انت ماشي فالوعي ديالك .... نطر ليه السلاح ...
اوس: .... شاف فيه .... من اليوم نسا بلي كنت كتعرف شي حد سميتو اوس والى طانت عزيظة عليك ربح بيها .... دفعو وخرج دخل لبيتو بدا كايضرب بلي لقاها قدامو .... هو دخل فصدمة رحع عاطيها غير لشراب ليل ونهار القصر كره ادخل ليه .... مو فين ما يشوفها كايحاول اقتلها .... دازت ايام مابقاش قادر اتقبل العيشة معاهوم ..... خدا ختو وانتاقل لايطاليا تما عاش حياتو ....
#عودة
اثير: 😨 هادشي كااامل وقع ليه
اريان: مع لاسف .... قاطعو صوت تلي شاف فيه ... نخليك خاصني نجاوب
اثير: خود راحتك
اريان: .... بعد عليها وجاوب .....سي انور عاش من سمع صوتك
انور: ههه غير مع الدنيا المهم اوس هنا وراه سكران مقادرش ينوض وغير كايهلوس
اريان: بففف اوك بقا معاه انا جاي
انور: راه معاه فهد متخافش وعلاقتي بفهد مابقاتش كيف كانت انا غنراقب الوضع من بعيد
اريان: المهم مسافة دطريق انا معاك ... قطع ... اثير طلعي الفوق بيتك لولى على ليمن انا خارج
اثير: اوك رد البال لراسك
اريان: انشاء الله ومتخافيش سيما هنا وفيكي دابا يرجع
اثير: متخافش غير سير
اريان: اوك .... خرج تفكر بلي الطموبيل مع فيكي .... خرج خدا تاكسي توجه لبار لي كانو كايلقاو فيه اوس .... فاش وقعات الواقعة كان ديما كايمشي ليه وهوما تابعينو ....

اثير طلعات مع الدروج وصلات الفوق ... بقات واقفة كتشوف ...
اثير: قال لي اول غرفة على ليسر لا لا على ليمن لا ليسر .... شدات فراسها .... خخخ معرفت دماغي فين كان واقيلة ليمن لا موحال ليسر ..... بقات وااااقفة كتشوف .... معرفات اينا تيجاه تشد ... فالتالي دازت ليمن .... دخلات الغرفة ستيل ديالها كان زوين .... بقات واقفة كتشوف بغات تبدل ولكن مكاين ماتلبس .... جلسات فطرف السرير كتشوف فارجاء الغرفة ....

💧💧💧💧💧💧💧💧

وصل اريان للبار .... نزل خلص مول التاكسي .... طلب مهو اتسناه .... ودخل بان لي انور واقف بعيد .... مراقب اوس لي كان شبه واعي ..... وفهد مكانش شاد فيه بزاااف .... قرب من انور ...
اريان: وغبرااااااا غبرتيها اصحبة
انور: .... دار عندو .... اهلااااا العشير شكون غابر هههه .... تعانقو ....
اريان: من نهار دفنوه مزاروه
انور: غير مع الدنيا والهموم
اريان: سمعت بلي خطبتي شكون هاد تعيسة الحض
انور: احم كنضن بلي خاصك تشوف ولد عمك حيت مع فهد منضمنوش شنو يقدرو يديرو هاد جوج الى تلاقاو

اريان: وي انا غادي .... مشا اريان قرب منهوم .... سلام
فهد: وعليك السلام عاش من شافكم بان لي الجماعة كلها هنا
اوس: .... كايلعب بالكاس وشاد كارو باستهزاء .... خاصنا انور باش تكمل
اريان: حتى هو هنا
اوس: فين .... دار بان ليه واقف هز يدو كايشير ليه باش اقرب ....
انور: حرك ليه بيدو بمعنى منقدرش انا غادي
اوس: ... وقف غادي عندو كايتمايل وصل عندو تلاح عليه .... واهيرا بعد اعوام نتشوفو وانت باغي تمشي
انور: ... بادلو العناق ... نتوما لي مابقيتو تسولو ولا تبانو
فهد: .... كايرمق انرو بشي شوفات الله يستر وخلاص .... عشيري نخليكم خاص نمشي
اريان: فين غادي خلينا نقصرو شوية عاد تلامات بعد سنين
فهد: .... عينيه مزال على انور ... مرة اخرى خاصني نسافر هاد ليلة .... سلم عليه وزاد داز من حداهوم شد ليه اوس يدو ...
اوس: .... بعد على انور ... فين غادي
فهد: ههه .... دار يدو فحال الطيارة .... غنمشي لروسيا ليلة عندي خدمة مهمة تما ومايمكنش تاجل
اوس: تو مغانخلي حتى واحد فيكم امشي توحشت جممعة معاكم وانا غير تقاد اموري غنمشي ومغانرجعش مرة اخرى
فهد: اوس مرة اخرى والله خاص نمشي ها اريان ها المع ... سكت شوية ونطق ... انور حتى هو
اوس: وفين نسيتي فهد عمر تجمعنا غير بثلاثة من ديما حنا ربعة والى مشيتي .... دفعو .... مغانبقاش نهدر معاك ....
فهد: ... مسح على راسو .... راه الى مامشيتش اتكون نهايتي وبسببك
اوس: والى مشيتي انا .... سكت .... معرفت مالي انا شنو غندير
فهد: زيد زيد جلس نبقا معاكم شوية ونمشي
اوس: ....حط يد على كتف فهد ... ويد على كتف انور جرهوم جيت اريان .... هانتوما دابا كملات ههه
💧💧💧💧💧💧💧
فالفيلا
.... كانت جالسة .... حتى تحل الباب ديال البيت .... دخل فيكي وموراه جوج رجال ...... هازين شلا ساشيات .... وكرريتينات صغار ....
فيكي: نتي هنا قلبت الفيلا بيت بيت حطو داكشي هنا ..... حطو دوك جوج داكشي لي جابو .... سيرو جيبو داكشي لي بقا
اثير: 😒 معلموكش دق الباب قليل لاذاب
فيكي: .... ميق فيها .... متنسايش انا بروف ديالك يعني خاصك تحتارميني
اثير: راه انت لول لي خاصك تعلم بلي مخاصكش دخل لغرفة ديال حد بدون اذن ... بهمس ولكن صوتها مسموع .... حتى هاد اريان مالقا مع من غير هاد الثامل يخخ
فيكي: راه سمعتك
اثير: اصلا هدا هو المطلوب اش جاي دير هنا
فيكي: جبت ليك حوايج باش تبدلي كيف طلب مني اريان المهم بدلي دابا ونزلي تعشاي غظا نبداو الخدمة
اثير: 😒 هيا الى حسبتيهوم
فيكي: هاهوا غادي اوبس اطط .... خربش فدوك لي ساشي جبد ليها شي حوايج .... لبسي هادو حيت عرفت بلي معندكش مع الموضة تنزلي بحاجة اخرى من غيرهوم نريش ختي 😤
اثير: ويلي ويلي ويلي ويلي على شوهة انا نلبس هادشي 
فيكي: تلبسي شي حاجة اخرى نوريك وجهي لاخر واريان عطاني صلاحيات هاودني منك .... شاف فالساعة .... 5 دقايق نلقاك لتحت ولا العشاء مكاينش .... خرج وخلاها ....
اثير: هدا باينة عليه ايدوزها عليا كحلة نوجد راسي قبل لا نبقا بلا عشاء 😨
.....طارت لدوش بزربة ..... بدلات الحوايج وخرجات هابطة مع الدروج كتجري .... كانت على شوية تحي على كمارتها ....
سيما: غير بشوية العشاء مغايهربش عليك
اثير: .... شمات شي ريحة ماشي هيا هديك .... اش هاد ريحة
فيكي: اينا ريحة
اثير: ... سادة نيفها .... معرفتش شي ريحة يععع خانزة روعات لي خاطري
سيما: .... كتشمشم ... مكاين والو انا مشميت حتى شي حاجة
فيكي: حتى انا
اثير: .... شدات على فمها ..... غادا كتجري لطواليت ردات ..... اوووف ياربي كرشي امممم اش هادشي ..... غسلا فمها وجها وخرجات ... شادة على كرشها .... لقاتهوم واقفين عند راسها ....
فيكي: ياك ماكليتي شي حاجة
اثير: من البيتزا لي كليت معاكم
سيما: واكلين منها كاملين
اثير: .... سادة نيفها مع فيكي .... ريحتك خانزة
فيكي: 😨 ريحتي خانزة

سيما: ... كتشم .... بالعكس ريحة زوينة ومن وماركة مشهورة
اثير: وانا قلت ليكم خانزة يععع ... دفعاتو وزدت ... حتى العشاء ديالكم مابغيتوش كرهتيني
فيكي: .... شك فراسو مسكين وكايشم .... واش بصح ريحتي خانزة
سيما: بالعكس غير هاد خيتي بانت لي عاجبها راسها وزايدة فيه باغا غير تلفت لانتباه ديالنا 😒
فيكي: ... مراهش هنا مزال كايشم فراسو .... خاصني نبدل البارفان
سيما: داويا مع الحيط حيد حيد من قدامي .... دفعاتو ...
فيكي: اغير بشوية عليك كنتي غاتلوحيني
عند اثير ... دخلات لبيتها ... كتحك فنيفها الريحة لصقاات فيها ....
اثير: اووووف هاد الريحة يخخخ شحال خانزة قال لك ماركة مشهورة منين منين يععع لي كنت كندير قبل حسن منها .... بقات هاكا كتحاول تنسا الريحة .... تلاحت فالفراش ونعسات ....

💧💧💧💧💧💧💧💧
... عند الدراري وصلات 12 ديال ليل ....
فهد: بفففف بقات نص ساعة لموعد الطيلرة تعكلت نخليكم .... سلم على اريان واوس بالوجه ... اما انور تسالم معاه سلام ناقص ...
انور: احم حتى انا خاص نمشي
اريان: وي حتى حنا خليك معاه نمشي نجيب تاكسي ونرجع نديه
انور: تاكسي علاه فين طموبيلتك
اريان: مجبتهاش
انور: اوك اذن خليني نوصلكم عاد نمشي
اريان: مكاين لاش نصدعك انت تابعاك الطريق
انور: مكاين لا صداع لا والو غير زيد
اريان: اوك .... عاون اوس وقفو .... خرجو طلعو فالطموبيل ديال انور.... اوش لور واريان جنب انور وانطالق ... واخد طريق القصر ....
اوس: ماتديناش القصر
اريان: وي القصر لا
انور: وفين
اريان: ****** تما فين ايبقا حتى ارجع ولا نقنعو ونبدل رايو
اوس: ضحك باستهزاء غمض عينيه
انور: اه اوك .... قلب الطريق ... شنو درتي مزال فقصتك مع شيراز
اريان: غير خليها على الله مزال رافض واخا مكايبينش ولكن هو حاقد عليا ومابغاش انسا
انور: انا عادرو وفاهمو وانت خاصك تفهم وتسنا دابا يجي نهار واتبدل رأيو وانسا لي فات
اريان: كنتمنى
انور: اصلا الدنيا مابقات تعجب كلها ومشاكيل ديالو الثقة مابقات والخيانة ولات تجري فعرق البشار والى شي حد خانك ولا جرحك كايكون صعيب تنسا
اريان: شتك كدوي فحال لي مجرب
انور: غير خلي داك الجمل راكد
اريان: غير خوي قلبك وهدر باش ترتاح
انور: فففف اش غنقول ليك لي وقع هو .... بدا كايعاود ليه ونتوما مزال مجا الوقت لي تعرفو اش كان كايعاود ليه 😈 .....
اوس: .... فتح عينيه .... اصلا كلهوم طينة وحدة مكايسواوش
اريان: ماشي كولشي متعممش حيت الناس طوب وحجر وكيف ما كاينين بنات مكايسواوش الا وكاين بنات الناس والدليل ختك
اوس: اش جاب ختي الهدرة
اريان: كيف ما ختك مربية وبنت الناس ويستحيل دير حاجة فحال هادي الا وكاين بنات فهاد الدنيا فحالها غير لاقدار كتجيب فطريقنا لي مكايسواوش
انور: قلبو عليا هاد الموضوع
اوس: رجع غمض عينيه
اريان: اممم ..... عم الصمت المكان حتى وصلو ..... نزل اوس واريان ....
اريان: دخل بات معانا
انور: لا لا مرة اخرى خاص نمشي خليت شيماء بوحدها فالدار
اريان: اوك انت تعرف يلاه تهلا متغبرش عاوتاني
انور: لا متخافش تلي بيناتنا .... توادع معاهوم ومشا .... الداري دخلو لقاو السهات فالدار ... وضوء مطفية ....
اريان: اوس سمح ليا على الهدرة لي قلت مقصدتهاش
اوس: ... تجاهلو ..... فين بيتي
اريان: اجي نوصلك
اوس: مكاين لاش غير وريني فين هيا
اريان: الله يهديك خليني نوصلك
اوس: مزال معجزت ورجلي هازيني فين البيت
اريان: بففف راسك قاسح المهم البيت لول على ليسر
اوس: اوك كود نايت الحقير ... دفعو وكمل طريقو .... كان كايتمايل واحاول اشد راسو .... طلع فالدروج وقف .... قال ليسر وليسرية هيا هاظي حيت هادي ليمنية باش كناكل يعني خاص نمشي من هنا .... مشا كمل على طريقو دخل لاول بيت كانت الغرفة مضلمة نصل تيشورت توحه لسرير وتلاح فيه على طولتو ... كايشوف فسقف حاس براسو مهموم ... بقا شحال عاد تقلب على جيهة لخرى ...

يتبع ...