الآغا السادي الجزء 13 والأخير

من تأليف ليان علوي
2018

محتوى القصة

رواية الزعيم الآغا السادي

بقاااا سيف كيشوف فيها بدون ما ينطق تا حرف.. شنو غيقول و لا منين غيبدا و شمن عذر غيلقا و هي نص هضرتها صح الا مخاف يقول هضرتها كلها عندها فيها الحق.. عارف راسو قسا عليها ما مرة ما جوح.. ضغط عليها بالسبة و بلا سبة.. فش فيها غليلو بزاف د المرااات و تجاهل رأيها مامرة ما جوج كأن لا رأي ليها.. لكن تال إمتا؟ كان عارفها واحد النهار غتفرڭع عليه و هاهو داك النهار جا و تحط امام الامر الواقع شنو يدير؟ يضحي بالإنسانة للي نبض ليها قلبو من جديد بعدما كان سد على الحب فسندوق و لاح الساروت و لا يتخلى على ساديتو و للي هي جزء لا يتجزء من شخصيتو.. 
هادشي كامل فكر فيه و هي قدامو.. عينيها فعينيه.. 
سيف الدين : نرجعو للقصر و نهضرو فهادشي و نلقاو حل
سحر (و هي كتحاول تبان قوية) : حل؟ علاش غنمشي معاك باش نلقا حل لشي حاجة نتا للي درتيها و ماشي انا؟ علاش المفروض عليا نخرجك من حاجة نتا دخلتينا فيه و بكامل إرادتك؟ علاش؟ 
سيف الدين (بصرامة) : كيفاش علاش غنرجع معااك! سمعيني مزيان ا سحر ..الطلاق راه ممطلقش و نجوم السما قرب ليك من الطلاق! 
سحر : انا مجبدتش الطلاق.. و غتهضرر بلاما تغوت حيت الغوات عمرو مكان تعريف للنقاش! انا مغنطلبش الطلاق.. يدك منك واخا تكون مجدامة.. لكن مبغاش نمشي للقصر.. 
سيف الدين : واخا! فين بغيتي نمشيو؟ 
سحر : نصحح ليك.. بغيت انا نمشي! بوحدي
سيف الدين (بدا كيزير يدو حيت بدااات كتعصبو) : فيييين غتمشي ا الشررييييفة فين؟ 
سحر : غنرجع لابارطومون ديالي للي فالرباااط.. 
سيف الدين : سحر بلاما تجهلي ديلملتي فهاد النهار.. شمن ابارطومون و لا.. (كان أيخسر الهضرا و هو يسكت) 
سحر : شوف ا سيف انا راه مكنتشاااورش معاااك.. يا غنمشي بالخاطر يا بزز
سيف الدين : وريني هاد بزز ديالك 
سحر : ممتأكداااش بللي غتعجبك.. 
بدااا سيف الدين كيسوط و ناض كيمشي ويجي فالغرفة و كيحك لحيتو و هو كيفكر.. عارف بللي هادشي مغيساليش على خير.. ميقدرش يكون هو بمدينة و هي بمدينة.. ميمكنش نهاااائيا.. كيخااف لا طرا ليها شي حاجة و لا يآديها شي حد.. و ميقدرش يخلي مرااا بوحدها فأبارطومون معارف شكون عايش حداها.. فوق منها تحت منهااا... هادشي كامل كيضور ليه فراسو و غي ما كيزيد يعصبو.. 
سيف الدين : سحر.. فكري مزياااان راك غي كتروني.. قربتي تولدي ويلا طرااات ليك شي حاجة؟ ويلا جاك الوجع؟ 
سحر : عندي خالتي معايا 
سيف الدين : ايوا و سارة تبقااا بوحدها؟ 
سحر : راك معاها! ولا تجي تا هي مرحبا بيها.. 
سيف الدين : دابا عاد فهمت.. نتي مبغاش تبعدي من القصر و لكن. المقصود من هاد البعد هو انا ياك؟ 
سحر (و عينيها فعينيه) : آه.. 
سيف الدين : هاكا فوجهي؟ 
سحر : تانتا يلاه تعرف شنو باغي! و شنو كدير و شنو ناوي دير.. و و.. (سكتات بعدما كانت غتقول شي حاجة) 
سيف الدين : غي نطقي خرجي داكشي للي باقي! 
سحر : و لا تخليي ولادك يكبرو و هوما كيشوفوك كتعدب مهم فالغرفة الحمراء و لا كتمد عليا يديك قدامهم.. هاكا تا هوما يكبرو بشي خلل فالتوازن ويوليو مااايلين للعنف.. 
سيف الدين (عينيه حمااارو) : سحر سدي فمك! 
مشاااا هز تجاكيطتو من فوق الكرسي و خرج.. مخلي وراه صداااع الباب للي زدح تكان غيحيدو من بلاااصتو..

مللي خرج سيف الدين من مور آخر هضرة ضارت بينهم.. معاود بان.. بقات العشية كاملة جالسة بوحدها.. و تا هي كتفكر و مرة مرة تفرج فالتلفازة.. باش تنسي راسها.. 
بقااات هاكاك تا جات عندها الطبيبة.. 
الطبيبة (بابتسامة) : كيكتحسي؟ مزيان؟ 
سحر : الحمد لله.. 
الطبيبة : مهم جيت نقوليك راه يمكن ليك تخرجي .. ولكن ترجعي عندي من هنا سيمانة ..
سحر : علاش؟ 
الطبيبة : غي باش نطمأنو على الوضع.. 
سحر : احم ممكن ندير اتصال من عندك
الطبيبة : اكيد.. 
جبدات تيليفونها و عطاتو لسحر.. للي خداتو من عندها و دوزات رقم سارة.. 
بقا كيصوني ويصوني ت كتسمع الباب تحل و تيلي فيد سارة..
قطعااات و ردات التيل للدكتورة للي مشات و خلاتها مع سارة و خالتها للي كانو داخلين و بجوجهم وجهوم مكيبشرش بالخير.. 
سحر : مال وجهكم هاكا 
سارة بقات غي ساكتة و كتشوف فلطيفة.. للي ابتاسمات فوق خاطرها و مشات جلسات حدا سحر 
لطيفة : يالاه ا بنتي لبسي حواااااايجك.. باراكا من الجلسة د السبيطارات 
سحر : واش واقعة شي حاجة؟ 
لطيفة : ههه لا ش شنو غيوقع 
سحر (كتشوف تغيرات ملامحها) : متكدبيش عليا.. سيف الدين مجاااش؟ 
مع نطقات هاد الكلمة و هي تنزل لطيفة وجهها اما سارة قلبات وجهها لجهة آخرى باش متشوفش جيهتها.. 
سحر : ش شنووووو واااااقع؟ طرات لسيف الدين شي حاجة؟ 
لطيفة : لا لا الله يحضر الباس و لكن 
سارة : و لكن جا للقصر و بدااااا كيهرس أي حاجة جااات قدامو ..عمرني ما شفتو فديك الحالة من موت نادية.. هرس كلشي فبيتكم و بدا كيغوت.. 
سحر (عينيها غرغرو) : و ودابا فينو؟ 
سارة : معرفنااش! خرج و مبقاااش رجع.. 
لطيفة : غيمشي يجلس حتى يبرد ا بنتي ويرجع متخافيش.. 
سارة : مهم انا انتسناكم برا! 
خرجااات سارة و سحر عاارفاها مقلقة منهااا باينة من وجهها.. اكيد مغتبغيش تسوف خوها مقلق بسباب اي وحدة حيت فالخير كيبقاااا خوها.. لكن هي متأكدة من بعد اتعذرها.. 
تڭعدات سحر بمساااعدة خالتها و بدلات و هي جالسة.. بخوفها على الولاد.. و غي كملااات دخلو ليها كرسي متحرك.. جلسااات فوق منو و دفعها الڭارد للي كان قدام الباب اما لاخر سبقهم للطوموبيل .. 
وصلو للطوموبيل.. عاونو سحر ركباات هي و خالتها الدور و سارة القدام.. 
الطريق للرباااط كانت طويلة و زادت طواالت و سحر كتفكر هاد الطريق كيف كانت. جاية ليها اول مرة.. فرحانة.. انسانة حيوية.. غادة مع الحاجة بغرض تشوف مريضة جديدة للي كانت هي سارة.. الطريق للي مشاااات ليها و هي طبيبة نفسية راجعة و أخيرا منها لكن هاد المرة و هي خاصها للي يعالج كسور بداخلها.. 
ماشي بالساهل عليها تبعد عليه.. ماشي بالساهل ميكونش حداها.. رغم كلشي كان كيقويها و كان الامن و الامان ليها من البراني.. دابا مكااينش.. و بلاصتو.. كبيرة.. فراشها غيبرد.. و غيبردو معاااه بزاف د الاحاااسيس.. كانت كتمناه ميتخلااااش و ميخليهاااش.. لكن ميمكنش ليها تلومو و هي طلباااات منو يخليها ترتاااح منو..

و طريقي عامرة شوك.. بقيت ساهي و كنشوف
حاني راسي و قدامي الموت.. و عايش غير وحدي.. 
الزمان ولا ضدي.. صابر و كانعدي.. 
و دازت سنين و عواام.. و دات معاها أحلام 
وراها دات كلشي و ماااعليش.. 
وحبك... للي مصبرني مخليني نعييش.. 
و نقوليك شنو تسوا هاد الدنيا بلا بيك.. 
***
ايام حليت الكتاب.. كنقلب على الجواب.. ساعا فهمت بللي راه مكتاب.. رديت للروح و الخاطر و لقيت وجه آخر.. شديت دموعي و بكيت.. 
بقااات كتشوف فالشرجم الطريق كاملة و كأي وحدة منا حنا الجنس اللطيف.. بدااات كتخيل سناريوهااات مختلفة لحياااتها و بين هاد السيناريوهات كاملين السعادة كانت هي القاسم المشترك .. لكن السعادة مجرد احساس مؤقت و غير دائم لا ليها لا لأي وحدة فينا.. كلنا كنا بحال سحر واحد النهاار و كلنااا عشنا الإحساس د الطريق الطويل و الشرجم حدانا و الموسيقى فودنينا.. للي يا إما كاتكون ناشطة و كتخليك تخايلي الحياة الجميلة.. و وسيناريوهات زوينين لكن عمرهم طراو و كتخيليهم وقعو و ابتساامة على وجهك.. يا إما كتكون حزينة و كترجعك الذاكرة لشي اشياء عشتيهم فالماضي مع واحد الشخص.. كانو فواحد الوقيتة واقع لكن دابا ولاو مجرد ذكرايات.. الا ما قلتش كوابيس كيخليوك تمناي تفقي الذاكرة و لا ترجعي لوقتهم و تحبسي الساعة.. كدوزي من البلاصة للي عشتيهوم فيها.. و فجأة كتحسي بالبلاصة باردة و بلا ألوان ..حيت بالصصح الذكريات كيكونو بلا ألوان ..حيت حبك للشخص للي كان معاك فداك البلاصة كان مخليك تبغيها واخا تكون غا زنقة.. كتحسي بكل كلمة من الأغنية تكتبات عليك و دمووعك نازلين .. كلنا كنا سحر فواحد الوقت و كاين منا للي باقيين لكن بقصص مختلفة .. غي هو إحساس واحد.. 

سالات الطريق للي ياريتها مااسلات.. و وصلو و أخيرا للرباااط و كان الليل طاح.. كيوصلو خرجااات سارة هي الاولة و بدات كتهضر مع الڭارد.. و غي كملات معاه مشا جبد الكرسي و خالت سحر عوناتها تا جلساات فوق منو و دخلوها للدار.. 
مشا الڭارد سد الطوموبيل و وقف حداا الباب.. اما سحر كيدخلااات طلبات من خالتها ديها نيشان لبيتها ترتاح.. 
و داكشي للي كان داتها لبيتها و خرجات مخلياها ترتاح بطلب منها و مشات عند سارة توريها فين تنعس..

سحر تكااات ففراااشها و هي حاساه ماشي ديالها.. ضحكات على راسها.. كيفاااش عاشت هنااا سنين و دابا كيجيها المكااان غريب... متوحشااتوش اولا يمكن.. ناقصاااه شي حاجة.. او بالأحرى شخص ..
بقااات كتفكر تا عيااات و ناضت بشوية عليهااا جلساات فالكرسي و خرجات قاصدة بيت سارة.. 
كي وصلات دقاات.. و هي تحل ليها سارة.. شافت سحر قدامها و هي دخل و خلات ليها الباب محلول.. و تبعاتها سحر 
سحر : مالك معايا 
سارة : مماليش.. 
سحر : سي.. راه دوزنا وقت بزوج و كنعرفك.. 
سارة (شافت فيها) : كيفاش عطاك خاطرك توصلي سيف الدين لديك الحالة؟ مكفااتكش قسوة الحياة عليه حتا تحالفتي تانتي معاها عليه (عينيها غرغرو) 
سحر : سمعيني ا سارة.. كاينين شي حوايج كيطراو مكيعرفهم غي الراجل و مراتو.. مقاصدا والو من هاد الهضرة لكن للي بغيت نوصل ليك هو انك مخصك تحكمي على الواحد تا تعرفي من الطرفين بجوج شنو واقع.. ماشي أي واحد هرس و تعصب او بكا راه مضلوم و ماشي اي واحد سكت على ما بيه و اصطانع القوة راه بخير من لداخل.. متحكميش على المظاهر ا سارة راها خداعة.. ماشي مللي الواحد يكون عادي من براا راه بالضرورة يكون مرتاح.. 
سارة : يمكن عندك الحق.. لكن نتي تخليتي على خويا فالوقت للي مخاصكش تخلاي.. و اييلا جينا نهضرو التخلي ماعندو وقت حيت لاكنتي كتبغي الواحد متقدرش تخلى و حتى الا بغيتي ديرها قلبك مكيخليكش.. كيفاش قدرتي بسهولة.. هو وقف قدام عائلتو.. قدام أعداؤو قدام الدنيا باش نتي متأدايش.. و أول فرصة جاتك مشيتي بلاما ضوري اللور.. كنت كنقول داكشي للي عشتو غيخليكم تزيدو تقربو.. حيت للي مفارقوهش مشاكل قد هادوك عمرو يتفارق.. لكن تبتي ليا العكس..

فيلم كتبناه بجوج
كان عند بالي مغايساليش
كان عند بالي مغاتمشيش
ومشيييتي بلا ما تسلم
بلا ما تكلم .. ماعلمتينييييش

سحر (بابتسامة) : و شكون قاليك انا تخليت عليه؟ 
سارة : هاد المجية ديالنا لهنااا و رحيلنا من تما لهنابلا بيه؟ ماشي تخلي؟ 
سحر : اكيد ماشي تخلي و لا عمرو غيكون تخلي.. انا نقدر نتعصب نغوت ندابز لكن منتخلاش على إنسان بغيتو و باقا كنبغيه.. 
سارة : و علاش جيتي لهنا؟ 
سحر : على مصلاحتو و مصلاحتي
سارة : من نيتك؟ شمن مصلحة كاينة فالبعد ؟
سحر : كاينين شي حوايج مغنقدرش نشرحهم و لا نقولهوم ليه.. لكن للي نقدر نقول هو ان بعض المرات الواحد كيكون عايش على شي حوايج فحياااتو و هوما غيضروه كتر مغينفعوه لكن مكيستوعبهمش حيت مازال ماضروه.. مازال مفاااق بسلبياتهم على حيااتو.. كيحتاج يجلس بوحدو ويفكر.. شنو وصلو لهاد الحالة؟ تيقي بيا ديكساعا عاد غيفيق لشي حوايج كان كيديرهوم ..و غياخد القرار واش يكمل فيهم ويخسر كلشي و لا يضحي بيهم و يربح كلشي.. 
(شافت فسارة و شدات ليها فيديها) سارة.. نهار طيحي فشي مشكل مع حبيب القلب ههه حاولي تعطي لراسك و ليه واحد الوقت د الراحة.. بعدو شوية.. حيت تيقي بيا.. البعد حسن من انكم تغلطو فبعضياتكم بالهضرة.. على الأقل البعد كيخليكم تفكرو و تبردو و تندمو و توحشو و ترجعو و نتوما دايرين ما فجهدكم بااش كتعاودوش تعيشو داك الشوق مرة اخرى.. اما الا بقيتو حدا بعضياتكم و فلحظة غضب غلطتو فبعضياتكم بالهضرة تيقي بيا غتبقااا حياتكم كاملة طلع و تنزل فيكم ديك الهضرة للي تقالت.. الدفلة الا خرجااات مكترجعش.. و ديكساعا كتبقاي ديكا تقولي واش خرج ديك الهضرة غي حيت معصب و معارفش شنو كيقول.. و لا ديك الهضرة عناااها بصح و كان حابسها لداخل و نهار جاتو الفرصة خرجها .. و الواحد مللي كيكون معصب كيقول الحقيقة و لا غي كيخربق؟ اذا باااش مدخليش فهاد الدواامة للي فكل مدااابزة تفكريه فيها ويفكرك فيهاا.. البعد حسن.. و هاكا متغلطي فيه ميغلط فيه.. و متفوتوش خطوط الإحترام حيت الا مشا الاحترام.. مشا واحد من أسس الحب و العلاقة الزوجية.. 
سارة : فهمتك و لكن.. 
سحر : لا.. مغتفهمينيش دابا.. جلسي مع راسك و فكري فهضرتي مزيان.. و واخا هاكاك غتبان ليك غي منطقية لكن نهااار تحطي فالموقف و للي مبغاكش تحطي فيه.. غتفهميني مزيان.. نخليك ترتاحي دابا.. 
دورات سحر الكرسي ديالها و خرجااااات من البيت د سارة مخلياها كتفكر واش تسرعات و تعاملات خايب مع سحر و لا خلات عاطفتها من جيهة خوها تغلبها.. 
سحر مشاااات لبيتها .. وقفااات باش تمشي لفراااشها و هي تسمع بحال التخرشيش تحت الشرجم.. مشات بشوية تا وصلات قدام الشرجم و هي تحلو.. طلات مكان تا حاجة.. 
سحر : ناري ولفت أفلام الرعب فالقصر تا وليت نتخااااايل.. 
ضحكات على راسها و مشاااات كيشي بطريق لفراااشها مخليا الشرجم.. محلول ..
تكات فبلاصتها و بقااات كتفكر فسيف الدين تا غفاااات.. 

سهيت و سرحت
داز قدام عيني فيلم
سميتو انا وياك
سميتو توحشت حياتي معاك
ابطالو انا ونتا
وشعري يومها كان فازك بالشتا.. 
ضميتيني لصدرك على بغتة.. 
وعنقتك وتخبيت فيك..

انا انا شحال ندمت
على ديك ليام
اللي ضيعنا من يدينا
ونسينا عشرتنا انا وياك

و انا انا كنتمنى
نرجعو انا وانتا
كي كنا .. نرجعو انا ونتا
للجنة فين كنا انا و يااااك

غفااااات سحر و فعقلهااا بزاف د الحوااايج كيضورو.. حتى كتحس بشي واحد حاااوطهااا بيديه.. 
حسات بالدفئ للي افتاقدااات.. و الريحة للي كانت ديما تشم فيه قبل ما تنعس.. حلات عينيها شوية و هي مغيبة بالنعاس.. و هي دور عندو و كان فعلا هو للي معنقها.. قربااات باستو من فمو و رجعاااات تخشااات فيه كطفلة صغيرة مخشية فحضن الاب ديالها للي حاميها من العالم كامل.. 
شيء غريب و مضحك فنفس الوقت بعض المرات.. اكثر شخص أذاااك هو اكثر شخص كتحس معاه بالامان.. 
رجعاااات غمضاااات عينيها و نعساااات و هي حاسة بأمان و متمنية هاد الحلم عمرو يسااالي.. 
كان بالنسبة ليها حلم فالوقت للي كان لسيف الدين حقيقة.. و ضحك مللي تخشااات فيه حيت عرفهااا غتكون يسحاب ليها راسها غا كتحلم داكشي لاش باستو و عنقاااتو.. 
كون عرفااااتو شحااال ضرب د الطريق من المنطقة لعندها بعدما فكر فهضرتها.. و كي وصل قدام لابارطومون ديالاا بقااا شحال و هو فالطوموبيل كيفكر.. كيتفكرها.. عينيها.. ضحكاااتها العالية مللي كان كيكون مغوبش على شي حاجة.. غمازاتها.. شعرها للي كان ديما معنكشو فالدوش.. 
كيفاش يقدر يعيش بلا بيها؟ للي كان معاهم عطاوه لذة الجنس لكن هي عطاتو طعم للحب للي كان عندو اسود بدون الوااان.. لوناااات حياااتو.. بدلات فيه شحال من حاااجة.. بصبرها و عقلانيتها و رزانتها للي معندش بزاااف فسنها الصغير.. الذي لم يتجاوز العشرينات.. خلاتو يعشقها و يعشق تفاصيلها ويطرح على راسو سؤال واحد مرارا و تكرار.. بين يقدر يلقااا بحالها؟ اكيد حمااار لضيعهاااا فعالم فين ولاو البنات بحال سحر قلال.. شكون غيصبر ليه و عليه.. و معاه.. 
دازو عليها ايام كحلين معاه.. خوف من أعداؤو للي عيشوها الرعب و خوف منو حتى هو فأغلب الأحيان.. يمكن هو محتاج للسادية فحياتو لكن حاجة وحدة أكيدة.. هو محتاااج لسحر كتر.. 
نعس تا هو معنقهااا او بالأحرى مزير عليها .. 

*****
جالسة سارة فبيتها ناعسة و دموعها على خدها.. توحشاااااتو بزااااف و بعادها عليه خلى المرال ديالها يطيح 
هي هاكاك تا جاها اتصال من عندو مسحاااات دموعها باش متبينش و جاوبات.. 
سارة : الو 
أصيل : حبيبي مبقيتيش قلتي لياااا واش وصلتي ولالا و كيفاش وصلتي
سارة : احم وصلنااا و مزيان..
أصيل : مال صوتك.. 
سارة : ماملوش 
أصيل : توحشتيني.. عارف 
غي نطق بهاد الكلمة نزلو دموعهااا رافضين يحبسو مازال..

اصيل : ششش حبيبي متبكيش.. 
سارة (و هي كتشهق) : اصيل توحشتك بزااااف.. 
أصيل : تانا ههه 
سارة (و دموعها نازلين) : شنو للي كيضحك فهادشي 
اصيل : طلي من البالكون 
سارة (بصدمة) : كيفاش؟ اويلي؟ 
أصيل : اويلو.. واسربي ا كبيدة راااني جمدت بالبرد.. 
ناضت سارة بشوية حلات البالكون و طلات و هو يبان ليها واقف متكي على طوموبيلتو و لابس مونطو و باينة فيه البرد.. بذااات كتمسح ددموعها و كضحك.. معرفات باش تبلات.. تخلطات ليها البكية مع الوحش مع الفرحة.. شافت مزيان لايكون الڭارد باقي واقف ساعا ملقاتوش معرفاتش فين مشا.. 
دارت لو بيديها تسناا و دخلات لداخل لبسااات عليهااا مونطو.. نص سخون .. قادات راسها فالمرايا شوية باش تبان مزنڭة و خرجات كتسلت.. تا وصلات للباب و هي تحلو.. و خرجااات..
****
كان ناعس معنق سحر حتى سمع شي حاجة تحلااات.. بحكم انو نعاااسو خفيف بزاف.. من يامات ولا زعيم.. كان على ابسط تخرشيشة كيفيق لايكون شي واحد جاي يقتلو و بقا نعاسو هاكاك تال دابا. 
حل عينيه و ناض بشويييية داااير جهدو كامل بااااش سحر متفيقش و فعلا بالعيا د السفر تا هي كانت مغيبة ماشي لي ناعسة.. محسات بواااالو.. 
اما هو ناض بشوية و مشااااا للشرجم كيطل مبان ليه واااالو حيت هوما كانو من الجهة الأخرى.. 
هز جاكيطتو د الكوير لبسها حيت برا كان لبرد بزاف.. و هز فرديه للي كان حاطو فالطبلة.. و غي وصل للصالة و شاف الباب مردود عرف بللي شي واااحد دخل للداااار.. 
بداااا كيقلب فالضلام و يديه على فرديه للي مور ضهرو .. اول حاجة مشا للكوزينة لقاها خاوية.. موراها رجع دغيا لبيت سحر كتبان ليه باقا فبلاصتها ناعسة متحركاااتش.. مشااا سد عليها الشرجم و دخل شاف الدوش و رجع سد باب البيت.. الغرفة التانية حلها لقاااا لطيفة ناعسة.. ضور عينيه مزيان مكان تا واحد .. دخل قلب الحمام و والو.. خرج بلا مايدير الحس.. 
فالكولوار اونفاص مع لطيفة كانت البيت فين من المفترض تكون سارة حيت مبقاااش شي بيت آخر.. حلو و حل معاه عينيه.. فين مشاااات؟ بدااا كيقلب بعينيه فأرجاااء الغرفة.. مبااانتش ليه.. لكن الفراااش مخربق يعني فعلا كانت ناعسة هنا.. 
دخل للحماااام كيقلب و واااالو.. خرج من الغرفة و هو مزير على يديه و فكو و صدرو الضخم كيطلع وينزل.. 
*** 
فلتحت : 

سارة : كيجيتي و الخدمة و 
أصيل : حبيبي بلاتي بشوية و غنشرح ليك ههه 
سارة : قولي 
أصيل : علمتهم بللي غدا مغنجيش للكلينيك و شديت الطريق عندك.. جاني النهااار ناقص بلا بيك و بلا ما نشوفك
سارة : زعما؟ ههه تا مللي كنت فالقصر مكناااش كنتشااوفو بزاااف 
أصيل : تكوني فنفس البلاصة للي فيها انا ماشي هي تكوني بعيدة بكلوميطراااات.. 
سارة (بقااات كتشوف ليه فوجهو) : أصيل.. توحشتك بزااااف و الله.. 
أصيل : تانا ا حياااتي..
سارة : فين غتباات؟ 
أصيل : فواحد الاوطيل قريب شوية. لهنا 
سارة : اوك حبيبي بيناتنا تيليفون.. انا خاااصني نمشي 
أصيل : وي الليل عليك.. 
نزلو من الطوموبيل و تا كااانت غادة و هي ترجع عنقااااتو بقوة.. و تاهو هزها بين يديه و دورها.. كانت ابتاسمتهاااا عريضة.. تا شافت طيف سيف الدين واقف فباب العمارة.. يسحاابليها راسها لبرهة بللي غي كتخايل.. طلقااات منو و ضارت شافت لقاااتو بصح سيف الدين بلحمو و دمو واقف قدامها.. 
أصيل مافهمش مالها حيت كان عاطي لباب لعماارة بالضهر.. تبع حركة عينيها فين مشات و تعابير وجهها و هو يضور باش يجيو عينيه نيشان فعينين سيف الدين للي كان مصغرهم..

تقدم سيف الدين جيهتهم و كل خطوة كيخطيها جيهتهم قلب سارة كيبغي يخرج.. رجليها بداو كيترعدو تا كانت غطيح.. الشيء للي حس بيه أصيل و جا قدامها مخبيها من موراه مانع سيف الدين لايحط عليها يديه.. المنظر بحد داتو خلا سيف الدين تجيه الضحكة لاعبين ليه فلم عصافير الحب قدامو.. انطابقات على سارة دابا ديك المقولة ديال كون عرفتها غتكتاب ڭاعما نفوت الباب.. هاد المرة كتوقع سيف غيسيفطها غيبوبة و يتبع ليها أصيل.. تخالطات ليها الخلعة مع الإحساس بقلة الزهر مع الفقصة.. تا جات طايحة قدامهم.. 
سيف بقا غادي فنفس الهدوء اما أصيل تحنى بزربا عندها و حاوطها بين يديه باغي يهزها 
سيف الدين (و عينيه على أصيل) : غتحطها و لا غنهرسهوم ليك
أصيل (مشافش فيه) : وااااش من نيتك؟ غنخليها طايحة فالأرض؟ 
سيف الدين : خفتي عليها من الطيحة فالأرض و مخفتيش عليها من الطيحة فالحرام؟ مم؟ 
أصيل (هز راسو فيه و هو مازال محني) : حرام؟ اناااا حراام علاياش كتهضر! 
سيف الدين : طلقها و نوض وقف! 
بقا كيشوف فيه أصيل و متمالك أعصابو حيت مباغيش يبدا بالصداع مع خوها 
سيف الدين (بنبرة عالية) : طلقهااااا! 
أصيل : شوف دير للي بغيتي! واخا نعرفك تقتلني راه مغنخليهااااش هاكا مليوحة فالارض و علم الله اش بيها
سيف الدين (بابتسامة) : و رويجل مع راسك 
مخلاهش يجاوبو و هو ينزل للأرض و حيدها لأصيل من يديو و مشا بيها باتجاه نفس ليموبل فين كاينة سحر 
سيف الدين (غادي بيها و هو يضور عند أصيل) : تبعني !
و داكشي للي كان تبعو أصيل و هو خايف على سارة للي باينة الخوق خلاها تفقد أعصابها و طيح مغمى عليها.. 
وصلو لابارطومون ديال سحر للي كان الباب محلول.. و هو يضور سيف الدين عند أصيل 
سيف الدين : وقف فالباب تسناني هانا راجع ليك! 
أصيل (بتصميم) : هانا كنتسناك! 
دخل سيف الدين هاز سارة و كيخطي بشوية حيت كان الضلام شوية غي شراجم الصالة للي مدخلين الضو.. 
بقا ماشي هازها تاوصل بيها لبيتها.. حطها و غطاها و سد عليها الباب.. 
داز عند سحر اطمأن عليها.. و خرج من لابارطومون و سد الباب.. 
لقا أصيل مازال واقف كي تسناه.. جبد سوااارت من جيبو و حل بيهم لابارطومون للي قدام سحر.. و دخل مخلي أصيل وراه.. و للي تا هو شاف تا عيا و دخل.. 

جلس سيف الدين فكرسي د الجلد كان فالصالة للي كانت مفرششة بطريقة عصرية.. جبد ڭارو و بدا كيكميه و هو كيشوف فأصيل.. 
أصيل : سمعني قبل ما تحكم! 
سيف الدين (بأمر) : نطق! 
أصيل: انا كنبغي ختك.. (شاف سيف الدين طفااا ڭارو و هو مورك عليه و هو يصحح هضرتو) بغيت نڭول انا باغي ختك للحلال.. 
سيف الدين : و معلموكش بللي للي باغي الحلال كيدخل من الباب ماشي من الشراجم؟ 
أصيل : سيف الدين.. راني ولد المنطقة و عارف مزيان كلشي.. انا هضرت مع سارة و ڭلت ليها باغي نجي لداركم و لكن طلبات مني نصبر تا تهضر معاك و راه المادام ديالك عارفة كلشي.. حيت سارة هضرات معاها فالموضوع و يمكن مجابتهاش المناسبة يجبدوه ليك 
سيف الدين : امم 
سيف الدين كان عارف هادشي كامل حيت من ديما مللي كانت سارة كتخرج كيسيفط معاها مرافق للي كيبقا بعيد عليها و لابس عادي يعني عمرها شكات فيه.. كان كينقل ل سيف الدين تحركاتها و خروجها مع أصيل للي أصلا سيف الدين كان عارفو من شحال هادي رامي عليها العين.. و خصوصا مللي شاف كاميرات المراقبة و سمع حوارها مع سحر.. على هاد الموضوع لكن بغااااه هو يهضر معاه و يعيرو شوية.. 
سيف الدين : ويلا مبغييتش نزوجك بختي.. 
أصيل هنا حس بالاعصاااب بداو كينقزو ليه فوق رااااسو.. 
نااااض و قف و عينيه فعينين سيف الدين للي باقي جالس و شعل ڭارو آخر فهدوء

أصيل (ويديه كيترعدو بالأعصاب) : فهاد الحالة غنڭوليك سارة الا مكااانتش لياااا راه مغتكووون لتتتتااااااا شي واااااحد، انا جيت و نويت الحلاااااال نتاااا للي وقفتي فالطريق.. 
سيف الدين عجبو فهاد اللحظة و من هنااا عرف انه راجل تعول عليه سارة.. ماشي ساهل توقف قدام واحد بحال سيف الدين و تخرج هاد الهضرة للي أشبه بالتهديد و التحدي.. 
سيف الدين(بابتسامة) : جلس جلس ا صاحبي نتا كون زدتي شوية كون تفرڭعتي! 
أصيل بقا كيشوف فيه و مفاااهم والو.. 
سيف الدين : جلس! 
جلس أصيل و رجليه كيڥيبريو كيتسنااا سيف الدين ينطق.. 
سيف الدين : سمعني! سارة ختي.. و عندي بالدنيا و هاد الهضرة كنضنك عارفها بلاما نڭولها.. ختي معرفتش واش عاودات ليك شنو داز عليها و لا لا و تانا مغنعاودليكش حيت هي الوحيدة للي خاصك تسمع منها القصة.. جبدت الموضوع غي باش تاهي متكونش مخبية عليك و تبداو حياتكم بأسرار للي واحد النهار غيبانو و دابزو عليهم.. 
أصيل (نزل راسو بأسف) : عارف.. عاودات ليا كلشي! و انا أ سيف الدين و ديني و ما أعبد حتا كنبغيها و باغيها بصح راك مجرب هادشي و تقدر تعرف واش كنكدب ولا لا 
سيف الدين : انا كون شكيت و لو لحظة بللي كتكدب و تفلا على ختي كون قبرتك فأرضك منعطلكش! ماعليناش.. الله يكمل من عندي انا.. 
أصيل (بابتسامة) : وا رخف شوية واجي ا نسيبي نعنقك
جاب لسيف الدين الضحكة بالطريقة باش قالها ناض عندو و سلمو على بعضياتهم سلام رجولي.. و بقاااو كيهضرو على خدمة أصيل و السكنة و ما إلى غير ذلك.. حتى وصل الوقت فين كان خاص كل واحد يمشي ينعس
أصيل : مهم انا عييت و جاي ضارب الطريق.. خاصني نمشي 
سيف الدين : فين غتمشي؟ 
أصيل : لواحد لوطيل قريب من هنا.. 
سيف الدين (حط يدو على كتف أصيل) : ماعندك فين تمشي! بات هنا راه الدار أصلا فيها غي انا! 
أصيل : مديرهاش مني قلت الصواب ولكن باغي نسولك
سيف الدين وما ليه براسو
أصيل : شريتي أباررطومون على قدو غي باش تبقا عينك على مراتك ؟
سيف الدين (بابتسامة) : الواحد هو للي يخاف على رزقو، تصبح على خير! 
داز من قدامو مخليه كيضحك .. 
سيف الدين غي وصل لبلاصتو حدو حيد غي التيشورط للي كان لابس و طاح طيحة وحدة بالعيا.. 
اما أصيل مكاانش حالو حسن من حال سيف الدين.. تا هو دوش و مشاااا تلاح نعس.. 

***** 
صبح الصبااااح على ابطالنااا.. و كانت الشمس مطنطنة رغم انهم ايام البرد.. 

فاقت سحر كتقلب ففراااشها.. حلاااات عينيها و شافت فالساعة.. فاقت قبل من الوقت بشوية لكن ماشي مشكل يالاه دوش.. 
ناضت بشوية عليها و هي ضور شافت فالفرااااش.. بدات كضحك.. حيت سيف الدين غلطااان.. غلطان الا كان كيسحاب ليه راه معاقتش بيه بللي هو للي كان.. 
فالاول كان كيسحاب ليها حلم لكن مللي زير عليها بيديه كانت فاقت و بقااات سادة عينيها مخلياه واخد راحتو ..
و حتى هي مبغاااتش تحرم راااسها من ديك اللحظة فالأخير غيسحابليه راه مغتعقل على والو و هادشي كان عاجبها.. 
متنكرش انه فالأول تصدمااات كان كيسحااابليها غيتخلى عليها و لا يبقااا غايب عليها أيام عاد يجي.. و لا ميجيش ڭاع لكن مجيتو.. ريحاتها و تبتات ليها بزاف د الحوايج كانت عارفاهم غي باغا تأكد.. الواحد هو للي يقطع الشك باليقين بعد مرات.. 
مشااااات لبلاصة فين كان ناعس.. هزات المخدة للي كانت عاطية فيها ريحتو.. شماااتها بابتسامة.. ضماتها لصدرها.. شحال عاد حطاتها..

أحِنُّ إليكِ 
فأنتِ الحَنانُ 
وأنتِ الأمانُ 
ووَاحةُ قلبي 
إذا ما تَعِبْ
أحِنُّ إليكِ 
حنينَ الصحاري
لِوجهِ الشتاءِ 
وفَيضِ السُّحُبْ 
أحِنُّ إليكِ 
حَنينَ الليالي لضوءِ الشموسِ
لِضوءِ الشُّهُبْ
قَرأنا عنِ العشقِ
كُتْباً وكُتْباً 
وعِشقُكِ غيرُ الذي في الكُتُبْ
لأنَّكِ أجملُ عِشقٍ بِعُمري
إذا ما ابتَعدْنا

دخلات للدوش دوشااات و هي فرحااانة.. عجبها الحال بزاف.. ماشي غي حيت جا عندها.. لكن واحد بحال سيف الدين البنات يقدرو يديرو للي بغاااا غي باش يكونو فجنبو.. انسان قاري.. متقف.. خدام.. انسان.. شهم.. مهيب.. و أهم من هادشي كااامل و الشيء للي خلاها تبغيه هو انو رااااااجل بمعنى الكلمة.. و فالوقت للي كان يمكن ليه يبقا فالمنطقة و يدير مابغا و القصر خاوي كأي رجل شرقي يقدر يغرو شيطانو و خصوصا سيف الدين للي محروم منها شي شهر و الزيادة من نهار تقااالت بزااااف.. يعني كان فإمكانو ميصبرش ويضعف قدام غريزتو لكن اختااار يشد الطريق ويجي يبات معااااها.. و هادشي خلاها تزيد تأكد ان قرار حبها ليه من الأول مكانش غالط.. كاينين شي حوايج كيديرهم الواحد كينسيك فڭاع الحوايج الخايبن.. و حنا البنات أصلا بطبعنا وردة تراضنا و كلمة.. تخلي كيدنا يفيق.. 
دوشاااات و سيف شاغل بالها لكن مازال تجرجرو شويكيك باش يعرف بقيمتهاا مزيان كتر من هاكا ههه..
سالات الدوش و هي تخرج نشفااات شعرها و لبساااات كسوة د الحوااامل غي سميطات.. فالابيض و زادت فوق منها جاكيط د الجلد كحلة نص.. و سبيبيط حادر كحل.. 

يالاه حلات بيتها باش تخرج دخلات فسااااارة نيشان للي كانت كيشي حمقة.. 
سارة : ع عتقيييييني نااااااري لبسي يالاه نمشيو (شافتها لابسة اصلا) لبستي مزيان يااالاه نمشيو
سحر : اويلي ا سارة طلقي من يدي.. فين غنمشيو واش حمااااقيتي
سارة : للسبيطاااار.. اقررررررب واااااحد 
سحر (تخلعااات) : اويلي سيف طراااااات لو شي حاااااجة؟ 
سارة : أصيل ا ختي للي غيكون طرا لو هئ هئ عالم الله شمن سبيطااااار و شمن قسم وااااش إنعااااش و لا غيبوبة.. 
سحر (خرجات فيها عينيها مفاهمة والو) : كيفااااااش؟ شنو جاب أصيل للهضرة شكاتروني؟ جلسي و هضري هاكا غي كنزيدو نتعطلو! 
جلساااات سااااارة و تكااات على كاااس د الما للي كان حدا راس سحر و بدااااات كتعااااود ليها ڭاع داكشي للي طراااا البارح.. 
سحر : ويلي ويلي يا سڭعة ليام.. نتي واش متأكدة كتصلي و دعي ربي يغفر ليك ماتقدم و ما تأخر من دنوبك؟ 
سارة : ناري ا سحر غيكون شللو.. و لا دخلو غيبوبة.. الله يا ربي سيدي الله 
سحر : شوفي.. تكالماي.. عيطي لو 
سارة : غيكون مغيب ا ختي مافيهاش 
سحر : و لسيف ماشي لأصيل.. نتي باقا طامعة تعيطي لأصيل باز 
جبدات سارة تيليفونها كتعيط على سيف الدين و والو مكيجاااوبش.. 
حبسااات لابيل و بدات كلها كترعد تا صونا التيل و هي تجاوب بلاما تشوف شكون 
سارة : سيف عافاك غي نشرح ليك 
أصيل : ههههههههه فقتي 
سارة : ا ا اصيل.. مطرا ليك والو.. م. م 
أصيل : متخااافيش ا حبيبتي هضرنا انا و خوك.. عادي.. 
سحر غي شافتها ابتاسمات عرفات سيف الدين مادارش فيه شي عاهة مستديمة.. وشوشااات بشوية لسارة.. من مور مشافت فساعتها.. 
سحر : انا تعطلت و ليوم غنحل العيادة تانجي و عاودي ليا 
ومات ليها سارة براااسها.. و بقات كتسمع لأصيل للي بدا كيعاود ليها ما جرا.. 
سحر غي خرجات للطالة لقااات خالتها موجدة الفطور نقبااات دغيا مخليااا خالتها كتغوت عليها باش تفطر و تابعاها خرجاااات و سدات دغيا الباب.. و ضاااارت و هي تحس برجليها غتمشي فالدروج كون مااا شي يد قوية شدااااتهااا بزربة و بقبضة حديدية..

سيف الدين : باغا تقتلي ليا ولادي؟ فين غادة بهاد الزربة؟ 
سحر غي شافتو خرجاااات عينيها تال الحد.. شكيدير فهاد الساعة فليموبل..جاي عندها؟ 
سحر (بعدات منو): شنو كدير نتا هنا؟ 
سيف الدين (شاف ليها فمها) : انا كنت فداري.. نتي للي فين غادة امم
سحر (شوفاتو خربقوها) : انا غادة للسبيطار لا مضربتيهش حقا.. ا .. الخدمة (خرجات فيه عينيها) نتا مالك؟ 
سيف الدين (حاوطها من خصرها و جرها عندو) : كيفاش انا مالي؟ ام؟ (كيشوف ليها فعينيها وينزل بعينيه لفمها) راني راجلك ا استاذة .. (قرب لودنيها و همس بصوت مبحبح و رجولي) باقا على ذمتي و هادا مبقاك.. 
سحر (صوتو و حركاتو بزز باااش كتحاول تقاومهم) : ش شوف ا انا انا 
سيف الدين (شافها توترات و هو يبعد شوية عليها باش تقدر تنفس) : نتي شنو 
سحر : انا انا .. بلاااااتي كيفااااااااش داااااارك؟ 
سيف الدين (بابتسامة) : راك جارتي مفراسكش؟ 
سحر (طرطقات عينيها فيه) : كيفاااااااش؟ 
ضور سيف الدين عينيه لابارطومون لي أونفااااص معاها و رجع ضااار غمزها و هي غي كتشوف.. 
سحر : ماااااشي تال هاد الدرجة! واش هبلتي؟ 
سيف الدين : كيفاش ماشي تال هاد الدرجة؟ ماشي مخليك ديري الهلال ديالك و ترجعي هنا راه غنبعد! راك غالطة مع راااسك! نتي مراااتي و انا مرااااتي متغيبش على عينيا هادي اللولة! التانية من واجبي نبقا قريب ليك حاملة و مغنخليكش بوحدك و بلا هادشي كامل مراتي و شرفي و حمايتك من واجبي! 
سحر : حمايتي؟ يسحابليك هادي المنطقة؟ القانون كاين الحمد لله.. 
سيف الدين : القانون مغيحميكش بحال راجلك! 
سحر (عينيها فعينيه) : حميني من راسك و من ساديتك هي الاولة.. 
سيف الدين : واخا ا حبيبة 
سحر عرفاااااتو كيطنز عليها و مستفزاتوش نهائيا بهضرتها.. بقا مبرد.. شاااافت فيه و هي ضرب فيه و زااااادت.. 
سيف الدين (نطق من موراها بتحذير) : وقفي 
سحر (ضارت عندو) : شنو كاين؟ 
سيف الدين مشا نزل جوج دوجاااات تا شدها من يديها و جرها بشوية و بقوة فنفس الوقت بغات تنتر و هو يضرب فيها شوفات خلاوها لبداااتها... و صقرات.. 
مارخاها تا طلعها فالاسنسور و طلع معاها.. 
سيف الدين : حاملة و غتنزلي فالدروج! 
سحر : آه! 
بقااا كيشوف فيها و كيصغر عينييه.. مكرهش غي يستفرد بيها ويفدي فيها الجديد و القديم و هاد تخراج العينين كامل.. لكن صبرا جميلا.. 
بقااا نازل بيهم تااااا بدااااا كيترعد شوية قبل ماااايوقف فخطرة و الضو فيه ولا كيمشي ويجي.. 
سحر غي حبس و هي ترعب .. بداااات كضور عينيها و قلبها كيضرب ف 90
سيف الدين حس بيها و هو يجرها عندو.. 
سيف الدين (ضامها عندو) : شش.. متخاااافيش.. دابا شوية يتقااااااد.. 
سحر الخوف ملكها خايفة يطفى الضو و هي كتموت بالخلعة من الضلام .. 
سحر : ش شعلو.. ش وف مااالو س س سيف كنخاف من الضلااااام س 
سيف الدين (عنقهاااا بالجهد و بدا كيدوز يديه على شعرها) : واش حماقيتي؟ غتخاااافي وانا معااااك.. تكالماااي حبيبي.. هاهما شوية ويصايبوه..
هو كيهضر تا طفاااا الضو يالاه جااااات تغوت و هو يسكتهااااا بقبلة طووييييييلة مخلياها تخرج من فكرة ضلام لاسانسور!

كلما رأيت عاشقا تذكرت تلك العيون
اتذكر كل همساتنا والعشق الذي يفهم في السكون
تلك هيه حياه العاشق يتذكرها دوما كل شغف وجنون
اسميت حبي جنونا لاني اتناسى كل شيء حولي وانسى من اكون
رايتك قمرا فعرفت انهم اصبحوا اليه يصلون
فاسميتك نورا لانهم للشمس لايقدرون
ان كنت نارا فان جحيمها برد على قلبي اصبحت به مفتون
نعم انا بك مجنون مهما غابت عنك كلماتي انت في قلبي مسجون
كرهت كل قرب ورغبت بحبك اكون
لا تهمني كلماتهم ولكن تهمني نظراتك وذلك القلب الحنون.. 

بقا بايسها تا تقطعااات فيها النفس و بدات كضرب ليه فصدرو باش يبعد لكن واااهلي فين راه سيف الدين مشا لعالم آخر.. 
بعد شوية يالله طلعاااات النفس و هو يرجع بااااااسها و هااااد المرة تا هي انساجمااااات معاااه.. فرغو شوقهم تا رجع الضو و لكن عينيهم كانو مطفيين بالحب و الشوق و جميع المشاعر للي كيكبتها القلب لكن كتخرج فقبل طويلة.. 
حلااااات عينيهاااا و شاااافت الضو رجع و هي دفعو من صدرو الفلاذي.. و بدات كترد النفس 
سيف الدين رجع اللور و دار ابتساااامة عريضة.. تا هزات فيه راسها و هو يجمعها.. 
سيف الدين : اوا هانتي محسيتيش بالضلام 
سحر بقااااات غي ساااكتة و فيها الضحكة اودي ياودي على للي باغا تربيه واقيلة هو للي غيعاود ليها الترابي.. 
غي نزل بيهم لاسانسور و هي تحل الباب و زادت سابقاه. 
سيف الدين : فين غادة؟ 
سحر : ماشي سوقك
سيف الدين (بصرامة) : غنوصلك! 
سحر : واخا.. 
سيف الدين طاح لو العجب.. و لكن قال راه خافت حيت عارفاه مغيخليهاش تمشي بلاما يوصلها و تما مبقاها.. 
خرجو قدام باب لابارطومون.. مششا سيف الدين حل الطوموبيل و سحر موراه طلع للطوموبيل كيتسناها طلع.. حيت جايا بشوية عليها ..و هو يصوني ليه التيل نزل راشو كيشوف شكون لقاها هي.. يالله غيضور عينيه يشوفها لاش كتعيط لقاااهااا دايزة من حدااه فالطاكسي للي كانت ديجا طلبااات.. 
زير فكو و هي كضحك و جاوبها.. 
سحر : واش يسحابليك غي اجي و تصالح.. 
سيف الدين : باغاني ندير فيك شي عاااااهة؟ شهاد الزمر درتي 
سحر : ههههه و عنداك غي تعواج نتا بالاعصاب دابا و تولي عاهة .. 
يالاه غيجاااوبهاااا قطعااات عليه.. حط التيليفون و نطق
سيف الدين : دابا نشوفو آخرتها معاك ا مدام سحر

يالاه بغاااا يزيد وهو يوقف عليه الكونسييرج.. سيف غي شافو جاتو الضحكة.. و تفكر كيفااااش الصبااح بكري مللي رجع من السبور.. وصاااه يعطل لاسانسور.. حبس الضحكة و نزل الشرجم.. 
الكونسييرج : موسيو سيف الدين راه درت داكشي للي ڭلتي ليا.. 
سيف الدين : معلم ..ڭوليا عندك شي وليدات؟ 
الكونسييرج : واه ا سيدي 3 جوج ولاد و بنت.. 
سيف الدين : سيدنا و سيدك رسول الله.. كيقراو؟ 
الكونسييرج : الدراري واحد اه داير ا ولدي داكشي ديال الطوموبيلات.. و لاخر كيقلب على خدمة.. و لكن البنيتة.. دايرة لافاك.. مرة كتمشي و مرة لا.. كتعاون مها.. رااك عارف الزمان صعيب.. 
جبد سيف الدين بزطامو.. و جبد منو حصيصة د الفلوس و عطاها ليه.. مسكين الكونسييرج غي شاف داك الضمسة د الفلوس عينيه بداو كيبريو.. خداها و الفرحة غتنقز ليه من عينيه.. 
الكونسييرج : بزاااااف ا سي سيف الدين 
سيف الدين : شري بيها شي حاجة للوليدات و فرحهم.. 
الكونسييرج (و الدموع فعينيه) : الله يرحم ليك الواليدين ا سي سيف الدين الله ينصرك.. الله يخلي ليك ماعز عندك
سيف الدين : آميين.. آ.. 
الكونسييرج : كيعيطو ليا با صالح .. 
سيف الدين (بابتسامة) : آمين ا با صالح..
ابتاسم ليه و ديمارا الطوموبيل و مشااا مخلي العجاج وراه.. و ابتسامة داك الراجل الستيني.. للي تجاعيد وجهو كفيلة تعاود ليك قصة الحياة للي قسات عليه.. 
كيترزق من هاد العسة باش يعيش وليداتو.. للي تاهوما الزمان غلبهم.. و فينما يقلب ولدو على الخدمة.. يقولو ليه سير دابا نعيطو ليك و كيبقا التعياط مسألة نسيان مع الوقت.. 
خاص باك صاحبي و للأسف.. قدرات الإنسان ماعندهاش قيمة الا كان النسب ديالو ماشي من الطبقة المعروفة.. للي باه من الطبقة المتوسطة او الفقيرة.. ماعندوش خدمة فبلادي.. 
كيبقا قوت العيش هو داك الأب للي مسكين وصل لواحد العمر فين خاصو يرتاح.. لكن مضطر يبات الليل فايق عساس و البرد.. باش يلقاا باش يعيش وليداتو.. و ميخرجوش للزنقة يشفرو.. و يطيحو فالحرام.. 
هادشي كامل قدر سيف الدين يحس بيه و يتخيلو فدماغو .. و حتا عينين هاد الراجل الكبير.. فيهم الصدق.. و كتجي تشوف كتلقااه اختار يخدم بالحلال و مايمشيش يسعى و يسيفط ولادو يشفرو ويجيبو ليه و لا يسيفط بنتو للزنقة باش تجيب ليه الفلوس.. 
لذلك عاونو بنادم.. كنتي خدام و لا مخدامش.. دايز و فجيبك 10 الدراهم غتمشي فالخوا الخاوي.. و شفتي واحد يستاهلها عطيه 5 الدراهم و لا عطيها ليه كاملة.. كون متيقن خرجتيها من يد غتشدها من يد آخرى.. كيف حنيتي فيه ربي غيحن فيك.. 
و كيف عطيتيه غيجيب الربي للي يعطيك.. الصدقة شي حاجة زوينة.. واخا تعطي غي 2 و لا 3 الدراهم و لا حتى غي درهم.. 
و ماشي بالضرورة فلوس.. تقدر دوز من حدا رجل كبير كيبيع غي كلينيكش خود من عندو.. معرفتي الحاجة للي خلاتو يخرج يبيع.. 
شفتي إنسان فيه الجوع.. شري ليه خبزة و فرماجة و عطيها ليه.. 
عطيت مثال 10 الدراهم حيت للي معطاش من القليل.. تيقوني عمرو يعطي من الكتير.. و الضعيف مكيحس بيه غي الضعيف و مكيعاونو غي الضعيف بحالو..

مشا سيف الدين للشركة.. فين. كان كلشي كيتسناااه.. من بعد غيااااب طويل.. حيت كان كيخدم كلشي اون لاين من بيسي.. بلاما يمشي.. 
غي وصل.. طلب نيشان اجتمااع مع طاقم الشركة.. و للي مكاملاش ربع ساعة كانو كلهم مجموعين و كيتسناااوه. 
*** 
اما سحر فمشاااات لخدمتها ..كيوصلات حلاااات الكااابيني للي لقاااتو مغبر.. بما أنه مسدود من نهار مشات.. حتى المساعدة ديالها حطات السوارت عند الشخص للي كتقدااا من عندو سحر.. حدا الكااابيني.. حيت سحر غبراااات دقة وحدة.. 
حلات الشرااااجم د الكااابينيه.. و بدااات كتشطب لكن مكااانش كااافي.. داكشي علاش عيطااات على واحد السيدة كتعرفها كانت شحال هادي كدير ليها الميناج ... 

بقااات شي نص ساعة باش عاد جات المرا للي غي شافتها بدات كتعنقها..
منانة : الله يا بنيتي سحر و فين غبرتي (ردات البال لكرشها) هههه هاي هاي هاي تي ڭولي الزواج للي بعدك
سحر : ههه اوا الدنياااا كتلهي ا خالتي.. راك عارفة الزواج مسؤولية.. 
منانة : عرفتي ا بنيتي راه توحشتك.. و الكابيني كندوز من حداه كنلقاااه مسدود.. كنبقا نتفكرك.. 
سحر : اوا هانا رجعت دابا ههه
منانة: و لكن ا بنتي غترخفي شوية راك. بنتي ليا مابقااا ليك والو كريشتك كبيرة ههه تبارك الله 
سحر : ههه حاملة بالتوام ا خالتي.. 
منانة : مبررروووووووووووك ا بنتي و الله يلا فرحت ليك.. تستااهلي.. يوا شكون هاد مرضي الواليدين 
سحر : ههه معنديش ا خالتي تصويرتو شي نهار يجي و نوريه ليك 
منانة : ان شاء الله ا بنيتي.. الله يواااتيكم بالخير.. 
سحر (بابتسامة) : آمين ا خااالتي لهلا يخطيك.. 
و بهادشي سالات هضرتهوم و مشات المرااا تجمع شوية الكااابيني و تفوهو.. اما سحر.. عيطاااات على المساعدة القديمة.. و طلبات منها ترجع غدا للخدمة لكن للأسف لقاتها خدمات فبلاصة اخرى.. 
و داكشي لاش اضطرات تجيب بنت آخرى.. كانت دفعااات ليها شحال هادي باش تخدم.. و مللي عيطات ليها دابا استاجبات ليها.. 
بقااات سحر العشية كاملة فالكابيني مع المرا تا رجع الكابيني كيشعل.. 
عاد خلصاااتها و دعااات منانة مع سحر و ودعاااتها.. 
خرجاااااات سحر من الكااااابييني و مشااات كتمشى شوية على رجليها.. حيت المشي مزيان ليها.. 
تمشاااات شي ربع ساعة بحال هاكاك.. تا عيات و هي تشد طاكسي و رجعااات فحالها للدار.. 
*** 
اما سيف الدين العشية كلها ما هزش رااااسو.. ڭاع داكشي للي كان معرم عليه و اللقاءات .. دوز من الصباح للعشية و هو راسو متبوخ.. تا دخلات عتدو السكرتيرة 
السكرتيرة : موسيو سيف الدين كاين عشا مع الوفد الألماني.. 
سيف الدين (و هو منزل راسو كيشوف فبيسي) : وقتاش؟ 
السكرتيرة : مع 23h
سيف الدين : اوك 
السكرتيرة : موسيو سيف الدين .. الوفد جايين مع عيالاتهم.. دونك.. 
سيف الدين (فهمها قبل ما تكمل) : مراتي متقدرش تجي
السكرتيرة : ولكن ضروري ا موسيو ..حيت غتمشيو لطنجة.. و غتباتو فالأوطيل تما.. كاملين.. و سيفطو دعوة تال المادام ديالك..

بقا سيف الدين ساكت كيفكر.. فالأخير هز راسو و شاف فالسكرتيرة
سيف الدين : حجزي لينا فالأطيل
السكرتيرة : نتا و المادام؟ سويت؟ 
سيف الدين : yes 
السكرتيرة : اوك مسيو.. راه غتمشيو كاملين فطيارة.. 
سيف الدين : لا! 
السكرتيرة : س سمحلي موسيو.. ك كيفاش
سيف الدين : مراتي فالأشهر الأخيرة.. ميمكنش ليها تركب فطيارة! 
السكرتيرة : so
سيف الدين : يسبقونا هوما فطيارة و حنا غنلحقو عليهم.. 
السكرتيرة : موسيو و الإجتماع؟ 
سيف الدين : نخليوه لغدا فنفس الوقيتة.. اليوم. يالاه يوصلو تا هوما ويرتاحو ويشوفو الاطيل 
السكرتيرة : اوكي موسيو.. 
كتبات داكشي للي قالها سيف على الموعد و خرجات كدير اتصلاتها اما سيف الدين بقا كيفكر فهاد الموصيبة للي طاحت عليه.. سحر و عارفها كيغااايدير دابا يقنعهاااا تمشي معااااه.. 
رجع كرسيه اللور و تكا راسو فوق يديه للي ردهوم تاهوما مور عنقو و بقا كييفكر.. فكرة تديه لفكرة.. كلشي ليه حل إلا عنااااد سحر.. 
هز سوااارتو و مشااااا نيشان ديمارا طوموبيلتو و خرج.. 

******* 

اليوم الموااالي.. 

حلاااات عينيها بشوية و هي عند بالها راها فبيتها فلابارطومون ديالها.. يالاه غتشوف الريڤيي علاش مفيقهاااش.. كتشوف مزيان كتلقااا راسها ماشي فبيتها.. 
شهاااادشي؟ اوطيل؟ طلاااات على حواااايجها... كتلقاااهم مبدلين.. و لابسة شوميز دونوي فالابيض طويلة.. 
سحر : اويييييلي اوييييلي فين انا.. وييييلي واااااش فقدت الذاكرة.. اويلي.. 
بقااات كتحاول تفكر.. آخر حاجة عقلات عليها هي كانت كتشرب الحليب و خالتها و سارة جالسين معاااها كيهضرو من مور هادشي مبقااات عاقلة على وااالو. .
ناضت للمرااااايا شاااافت راسها و زادت و هي ترجع شاااافت مزياااان و طلقاااااات حلقهااااا بالغوات.. كون ماسيف الدين خرج من الدوش و سد ليها فمها كون فضيحتهم فضيحة فلوظيل 
سحر (كتحرك راسكها باش يطلقها) : مممممممممممم مممممممم
سيف الدين : متغوتيش و غنحيد يدي.. 
ومات ليها براااسها بمعنى واااخا.. 
و كي حيد يديه و هي تحميهااااا لغوااااااااات و هو يرجع سد ليهاااا فمهاااا و بدا كيهضر 
سيف الدين : سمعيني! عندي اجتمااااااع مع وفد ألمااااني صفقة مهمة مع مالين هاد الاوطيل و معاااهم! كلهم مزوجين و كلهم جااايبين معااااهم عيالاتهم.. و طلبو مني نجيبك! 
سحر : مممننننننن
سيف الدين (و هو باقي ساد ليها فمها) : سدي فمك و سمعي! بما انني ربي عطاااني مرااااا نقدر نقنع الحجر و منقنعهااااش جبتك لهناااا بطريقتي حيت عارفك مغتبغيش و الوقت للي غايخصني باش نقنعك غيكون الوفد رجع فحااالو لألمااانية وانا باقي واحد معاك! 
حيد يديه على فمها و نطق 
سيف الدين : دابا تقدري تهضري 
سحر (مقطبة حجباااانها) : كيجبتيني لهنا؟ 
بدا سيف كيبتاااااسم غي شافهااا حمااارت جمع الابتسامة و بدا كيعاود ليها...

#فلاشباك.. 

غي خرج من الشركة عفط عفطة وحدة عند الطبيبة للي ولات متبعة عندها سحر هنا.. و للي جابت ليه خبارها سارة من بعدما نقنقااتهم من سحر.. 
و صل عندها و هو يهضر معاها و أكد ليها انو زوج سحر.. مقنعهااا غي بزز 
سيف الدين : انا باغي منوم لمراااتي و لكن خفيف ميضرش الجنين غي يخليها تنعس..

الدكتورة : علااااش ؟ 
سيف الدين : كيفاش علاش؟ 
الدكتورة : خاصني نعرف مادام سحر علاش باغا مسكنات للنعاس؟ 
سيف الدين : احم.. فالليل.. مكتنعسش مزيان.. كل مرة كضربها الفيقة و لا كتشوف كوابيس و تبقا فايقة تال 5 د الصباح.. و السهير ممزيانش ليها.. 

بقاااا كيهضر و هي كتسولو تاااا عصباااااتو كون زادت شوية كون قلب عليها البيرو بما فيه.. 
بعد صعوبة و كترة أسيئلة عطاااتو كينااات كيريحو ويرخيو و فالتالي غينعسوها لكن تشربهم غي واحد المدة و تقطعهم.. 
شكرها سيف الدين و خرج من عندها و هو راسم ابتسامة انتصار.. 
كي وصل للطوموبيل ديماراها و زاد مكسيري فاتجاه العمارة.. 
كي وصل عيط لسااارة و طلب منها تنزل عندو.. 
***
كانت جالسة فبيتها غي عيط ليها سيف و هي تبدا تحمااار و تخضااار غي بوحدها ..عرقاااات غي بالخلعة واخا أصيل طمأنها.. لكن خايفة من سيف الدين.. 
لبسااات حوايجها بالخف و دارتها فيد الله و نزلات.. 

كي هبطات بان ليها فطوموبيلتو.. حلات الباب و طلعاااات و بقااات حانية راسها و كتلعب فصباعها.. 
سيف الدين (بصرامة)كون كانت هادي كاملة فيك حشمة و خوف كون را لاباس علينا! 
سارة : س سيف خ
حبسها بيديه.. و نطق 
سيف الدين : سارة انا راه دوزت ليك القصة الاولة و لكن. مناااسيهاش و عمري غنساها.. تضلمتي و ضلمتي! و كان أي خطأ درتيه.. درتيه و نتي عارفة راسك فطريق غالطة و محاولتيش تشاوري معايا! 
سارة : س سمحليا 
سيف الدين : لاش غديري كل مرة نفس الحاجة و ترجعي تڭولي سمح ليا؟ مللي هاد ولد الناس باغيك لاش متجيش تهضري معايا؟ واش انا كنت معاك أرحم من الاب على بنتو و واخا هاكاك كل مرة كتخبي و تخليني تا نعرف الحاجة بوحدي! 
سارة : س سيف الدين و والله تا غي خفت و حشمت نقولها ليك
سيف الدين : عرفتي تحشمي غي فحاجة د الحلال؟ 

سارة ضرباااات الطم و عينيها غرغرو اما سيف الدين مكااانش باغي يزيد يحكر.. اما كون جااا يقول ليها شنو هاز من جيهتها كون بكات الدم بلاصة الدموع.. 
سكت تاهو و حاول يميك.. و حمد الله للي جاها ولد الناس من مور كلشي.. للي باغيها بصح.. على ما بان لسيف الدين و تا هي باينة باغاه هاد المرة يعني ماشي بزز.. أي أي خطأ دارتو دابا لا يغتفر و حسابها مع سيف الدين غيكون عسير.. 
بقاو ساكتين مدة.. تا جبد السيف الدين الكينات من جيبو 
سيف الدين : مهم هاد الكينات بغيتك ديريهم لسحر فشي حاجة و تشربهم بلاما تحس 
سارة (خرجات عينيها) : اويلي علاش 
سيف الدين (خنزر فيها) : كيفاااااش علاااااش؟ حيت بغيت! 

سارة غي نهط فيها و هي تلبدها فجميع الحالات عارفاه مغيأديش سحر و لا يدير ليها شي حاجة للي تآديها لا هي لا للي فكرشها.. 
خداتهم من عندو سارة و جلس كيوصيها و هي كتسمع و تبتاسم حيت فهمات شنو بغا يدير.. 
خدات الكيناات و نزلات من بعد متااافقو.. هو وياها

و داكشي للي كان.. 
غي طلعات سارة للفوق لقااات سحر جالسة هي و خالتها مجمعين و كيهضرو.. 
سحر : ويلي فين تعطلتي؟ ياك قلتي غتمشي غي تشارجي؟ 
سارة: واييه راه عطلني غا مول الحانوت كان عامر.. 
لطيفة : دابا خليوني من هادشي.. سحر شنو غتسميهم؟ 
سحر : والله ماعرفت تا نشوف داك الوحش واش غيبغي ولا يعكس فهادي تا هي 
سحر تا نطقااات بهاد الهضرة عاد وعااات و بدااات كتزنڭ
سحر : ناري سمحيليا و الله تكنسى بللي ولدك
لطيفة : ههههههه الله يمسخك ا بنتي 

سارة غي سمعااااتها قالت هاكا و هي تنوض للكوزينة.. تا هي توحشات مها واخا عمرها داتها فيها و لا بينات ليها.. خصوصا مؤخرا مللي عرفوها هربات و معرفوش فين لكن للي أكيد هي انها تخلات على سارة.. 
و هاد الإحساس بحد داتو ضرها و بزاااف.. 
حاولات تنسى هادشي و صاوبات عصير ليها و لطيفة و سحر باش متعيقش.. لكن. كاس سحر دڭات فيه الكينة للي عطاها سيف الدين و داتو ليهم 
سحر : ناري جا فوقتو شحفت بالهضرة.. 
لطيفة : هاي هاي ڭاع هادي ولات حداڭة فيك
سارة : اوى راني غنتزوج او هههه 
سحر : هاااااانتي يا ختي على الناس 
لطيفة : نوضي ا بنتي تعلمي شي طيااااب شمن عصير تبعي هاد الهبيلة د سحر راه كانت كفس منك 
سحر : ناري بلا فرشة 
سارة : تانا كنت كنبغي نتعلم مللي ماما كانت (غي نطقااتها و هوما يتجمعو ليها الدموع فعينيها) 
لطيفة حسااات بيها و تا سحر بقااات فيها.. 
ناضت لطيفة من حداااا سحر و عنقاااااتها. 
لطيفة : انا مك كيفما راني ماين سيف.. ربي حرمني سنوات من ولدي و نهار عوضني عوضني بيكم كاملين و لله الحمد.. انا نعلم بنيتي طيب عنداك غتحرقي ليا الغدا كيما دارت المسخوطة د سحر قبل.. 
سارة : و مالي انا بحالها 

بداااااو كيضحكو على الطريقة باش سارة هضرات و هي كتمسح دموعها بانت بحال شي درية صغيرة و تا هي بدات كضحك معاهم..

بداو كيشربو العصير و يهضضرو.. اما سحر كانت شحفااانة نزلااااات عليه كاااامل بلاما تحس.. عاد رتاااحت.. 
سارة بقاااات متبعااها بعينيها تا كملااااتو و هي تهز تيليفونها و سيفطات ميساج لسيف الدين بللي كلشي هو هاداك..

بقاااو كيهضرو و مجمعين تا بدات سحر كتحس براااسسها تقال عليها 
لطيفة : سحر بنتي واش جاك. النعاس؟ 
سحر ( و هي كتفوه) : امم فيا النعاس
لطيفة : اوا نوضي لبيتك 
سحر : غا خليني هنا معاكم مرتاحة 
بقاااااو لطيفة و سارة كيتفرجو ويهضرو اما سحر سرحاااات عجول لاخرا
سارة غي تيقناااات بللي سحر نعسااات نيت سيفطااات ميساااج لسيف الدين باش يجي.. 
بقاو جالسين شوية تا دق الباب 
لطيفة : شكون غيجي عندنا 
سارة : سيف الدين 
لطيفة : كيفااااش؟ 

مشات سارة كطير حلاااات الباب لسيف الدين للي غي دخل.. شاف سحر ناعسة ابتااسم و مشا عند لطيفة باش ليها راسها 
جلسو كاملين و لطيفة ممقشبلة والو عاد بدا كيعاود ليها سيف الدين شنو طاري 
لطيفة : اويلي ا ولدي شيف حماقيتي؟ الا فاقت جا مسكتها لك
سيف الدين : مخلات ليا تا حل ا ما بلا خدمة اصلا كان خاصني ندي حسها لشي قنت و نحلو المشكل اما هاشي د البعاد معنديش معاه و مراتي ساكنة فقنت وانا فقنت! 
لطيفة : وا شغانقوليك ا ولدي.. ديها و لكن تكايس الله يرضي عليك راه ولادتها قريبة و ماشي وقت تعصبها.. 
سيف الدين : ما راها فعيني 
لطيفة : الله يرضي عليك اولدي

باس لمو راااسها و هز سحر بين يديه بشوية غادي خارج بيها لكن قبل لاح عليها مانطا و هزها بيها باش ميجيهاش البرد.. 
حلات لو سارة الباب و خرج هاز سحر فيديه و موصي الڭارد ميخطاش مو و سارة و للي خاصتهوم يجيبها ليهم.. 
طلع فسيارة الدفع الرباعي للي كانت واقفة فباب العمارة كتسناه و عطا إشارة للشيفور ينطلق اما هو تكا سحر على كتفو غطاها مزيان و سهاااا تاهو فالزاج كيفكر.. 
**** 
أصيل تا هو غي تكا شوية و دوش و مشا دق على سارة.. 
خرجااات عندو و هو يجرها من خصرها و عنقهااااا بالجهد 
أصيل : حبيبي انا خاصني نمشي
سارة : باقي الحال 
أصيل : نقاد غي أمور الخدمة و نرجع باش نخطبك رسميااا 
سارة (و الفرحة فعينيها) : حلف
أصيل: والله ههه

سارة (شافت ليه فعينيه) : كنبغيك والله 
أصيل : و انا كتر 

يالاه نوااااو يزعمو و هي توقف عليهم خالت سحر.. طاحت عليهم كي القدر المقدر.. 
لطيفة : اهلا اهلا
ابتاسمااات ليه هو و جمعاااااتها مع سارة بقرصة تا حمااارت و جمعااات الغوتة فحلقها و دخلاااات تبردها
لطيفة : مرحبا.. دخل ا ولدي تشرب اتاي
اصيل (حشم بالموقف للي تحطو فيه) : ل لا لا انا خاصني نمشي ا الحاجة.. الله يعاااون.. هاهوما سوارت دار سيف الدين 
لطيفة خداتهم من عندو و ابتاسمات ليه و تا هو حنا راسو و مشا.. 

غا دخلات لداخل و هي تغوت بصوتها تا قفزات سارة للي كانت مازال غي كتبرد الفرصة 
لطيفة : سااااااااااااااااااااااااارة 

سارة غسمعاااااتها و هي دور ليها مور الطبلة و كتحاول تشرح ليها 
سارة : غ غنشرح ليك هالعار
لطيفة : اويييييييييليييييي على غدااايدي خوها داز من هنا مدااات شلاقمها من لهيه (بدات كدفع الطبلة باش دوز ليها و سارة كتهرب عليها) 
سارة : ه ه غافهميني ر راه غا غا 
لطيفة : اش ؟ ها؟ غا؟ غا كونتي غتبوسيه ماشي شي حاجة ياك؟ باغاه يقتلك ياك؟ كون شااافك و كون رجع وشافك ؟ مكترباااايش؟ 
سارة : ها العار غاسمعي 
لطيفة : ا جي لهناااااااا 
هرباااات سارة لبيتها و تبعاااتها لطيفة كتجري من وراها 
*****
كانت الطريق طويلة و سيف الدين بقاااا كيفكر تا لقااا راسو وصل.. ما حسش نهائيا حيت عقلو مكانش معاه 
دخل و وصا الڭارد يطلع الحوااايج.. اما هو هز سحر و طلع بيها نيشان للسويت للي حجزات ليه السكرتيرة ديالو من قبل.. 

دخل للسويت.. حط سحر و قادليها المخااد.. دخل دوش بالخف و خرج لبس حوايج النعاس.. و جبد من لافاليز د الحوايج شوميز دونوي شرااااه ليها.. 
بدل ليها حوااايجها و هو وجهو نازل بالعرق.. متحكم فرااااسو غا بزز بااااش ميديرش علااااش يندم

عارف راسو الا مشااا تا بداااا مغيسااااليش و يقدر يآديها.. 
ماكمل ليها لبيس تا غفر ليه ربي الذنوب.. قااادها فبلاااصتها و غطاها و مشا تا هو حداااها هز بيسي شوية كيشوف البروجي علاياش غيهضر غدا مع الوفد.. 
تا حس براااسو عيا و جاه النعاااس.. خرج للبالكون كما ڭارو و دخل تكاااا حداها.. 
كحزهاااا عندو و حاوطهااا بدرااااعو و استسلم للنعااس بدورو..

#العودة 

سيف الدين : صافي هادشي للي وقع
سحر : وااااش حمااااقيتي ا سيف الدين؟ ديكساعا اجي و شرح ليا بللي الخدمة و غنجي
سيف الدين : الوقت للي غنقنعك فيه غيكون الوفد رجع بحالو لألمانيا! 
سحر (خنزرات فيه) وا باز ! حيد. من قدامي 
يالاه بغات تنوض و هي ترجع 
سحر (صغرات فيه عينيها بشك) : بدلتي ليا حواايجي ا سيف 
سيف الدين : شوية 
سحر : كيفااااااااااش شوية؟؟؟ اش درتي 
سيف الدين : سيري سيري مالي شغاندير؟ 
سحر : انا كنسولك
سيف الدين : يوا خلاص بقاليا غا نعس معاك و نتي ناعسة 
ضرب فيه و خرج لابااالكون خلاها غي كتشوف.. جايبها مخطوفة و منعسها ة مبدل ليها حواااايجها و مازال كيتنفخ.. 
مشاااات لڤاليز محطوطة تمااا فالاحمر لقاااات فيها حوايج كاملين بالتيكي باقيين جداد.. 
هزات منها بيجامة كانت صيفية و أصلا الجو كان معتدل اليوم.. 
دخلات دوشاااات و بقااااات معطلة كتفكر كيتربيه على هاد النفخة .. بقات كتفكر تفكر تا بداااات كتبتاسم بشر 
سحر : انا وياك و الزمان طويل ا سي سيف 
ساعات الدوش و هي تنشف شعرها و لبسااات لدااااخل تحسبا لاي هجووووم 
خرجاااات و هي تسمع الدقان فالباب يالله غتحل وقفها صوتو الخشن بغوتة تا قفزااااات
سيف الدين ( بنبرة عالية و صوت رجولي) : وقففييييييييي! 
بقات واقفة عاطياه بالضهر تا جا قدامها طلعها و نزلها 
سيف الدين (مقطب حجبانو) : فين غااااادااا كتنقزي ببيجامة؟ 
سحر : غ غي نحل البااااب 
سيف الدين : و نتي ب بيجامة؟ (طلع راسو لفوق و عاود نزلو محاول يتحكم فأعصابو) سيري لبيت لداااخل! 
سحر نظراااتو خلعوهااااا زادت نيشان للبيت بلاما ضور موراها.. هي باغا تربيه كتر من للي دابز معاه و تشد العكس
***
حل سيف الدين الباب لقا السيرفور مدخل الطبلة د الفطور.. حبسو سيف و قاليه راه هو غيدخلها.. عطاه البوربوار.. و مشا فحالو 
سيف الدين : سحر 
سحر (منفخة) : شننو؟ 
سيف الدين: نوضي تفطري
سحر غي سمعاااات حس الماكلة ناضت كتحنقز 
سيف الدين : بشوية راك حاملة 
ميقااااااات فيه و مشات جلساااات فالطبلة و طاحت عمية فالماكلة.. ولات كتااااكل بزاااااف. لكن معذورة راه هازة جوج نفوسة و هي التالتة 
سيف الدين جلس تا هو غي كينقب و فنفس الوقت حاط بيسي قدااامو كيكمل داكشي للي كان كيقرا الباااارح..

بقاو جالسين شحااال تا شاف فساعتو.. 
سيف الدين : تغدااااي براااا؟ 
سحر : لا! 
سيف الدين : سحر.. باراكا.. 
سحر (شافت ليه فعينيه) : شنو باراكا؟ 
سيف الدين : باراكا من الفشوش.. كنقولك نخرجك لا نجيب ليك شي حاجة لا.. مفهمتش كيفاااش الواحد خاصو يرااااديك.. 
سحر : سيف.. متراضينيش بحوااايج انا نقدر نشريهم بفلوسي.. غريني بشي حاجة مكاينش شي واحد من غيرك يقدر يصالحني بيها! راضيني بشي حاجة للي ديرها على ودي و تبين لي شحااال كتبغيني.. ماشي بالضرورة تكون فلوس و لا كادويات.. انا فغنى عليهم.. بين لي قيمتي عندك بشي حاجة مكتشراااش بفلوس.. شي حاجة تبقا محفورة فعقلي و قلبي.. 
سيف الدين : فهمتك.. 

يالاه بغاااات تجاوبو و هو يسد البيسي و ناض من الطبلة.. غي ناض هو نزلات هي راااسها.. بان ليها تكالما هاد الايام.. يمكن غي تمتيل بينما رجعات ليه و ضمنها و يرجع يخرج الوحش للي فيه.. و يمكن يكون بصح بدا يتبدل لكن صعيب.. و ميمكن فهاد المدة القصيرة.. 
بقااات جالسة كتفكر.. و مرة مرة تنقب من داكشي للي بقا من الفطور تا بان ليها خارج من الدوش.. 
بقا كيمسح بالفوطة و هي متبعااااه و كتبتاسم.. كيعجبها جسمو بزااااف..

سيف الدين غي كمل مشاااا لبس سروااال تجين كحل و تيشورط كحل مع كاسكيط بيضة و سبرديلة اديداس فالابيض.. لاح فوق منهم جاكيط ديال الجين ڭري نوار و مشا قدام المراية.. 
كيخلي ديما شعرو مخربق.. حدو رش ريحتو للي كتحمقها.. لبس ساعتو و خاتم زواااجو.. و هز نضاضرو د الشمس.. 
سحر بقااات كتشوف فيه ديما مللي كيلبس هاكا كيجيها بحال شي ممتل أكشن و هارب من شي فيلم.. 
سيف الدين تكون خارج و هو يرجع هضر معاها.. 
سيف الدين : الغدا ايطلعوه ليك.. متخرجيش من هنا! 
سحر : عاوتاني الحبس؟ 
سيف الدين : سحر! مرة وحدة فحياتك سمعي الهضرة.. 
ضار و هو يرجع شاف فيها بحالا تفكر شي حاجة 
سيف الدين : اليوم كاين العشا مع الوفد.. مع ديك 8 غيدقو عليك.. بناااات غيعطيوك شنو تلبسي 
سحر : اوا؟ و مكياج و شعري 
سيف الدين (بصرامة) : متستفزينيش ا سحر! تكتري مكيااااج هنااااا غنبقاااو لا نتي لا انا غنمشيو و الله يلعن ديل الصفقة! 
سحر : اويلي نمشي صفرة 
سيف الدين : ولكن نتي ماشي صفرة (غمزها) 
سحر بقاااااات غي كتشوف فيه و الدخاااان بدا كيخرج ليها من ودنيها
سحر : ياكما غيجيبو ليا شي جلابة و لا خنشة نلبسها؟ باش سيادتكم ميغيرش؟ 
سيف الدين : ههه ممكن 
بالله بدااااات كتغوت خرج هو بالزربة و سد الباب مخليها كضرب رجليها مع الارض بالفقصة بحال شي بنت صغيرة

خرج سيف الدين من الأوطيل و ركب فسيااارتو.. عفط عفطة وحدة مخلي غي العجاج وراه.. 
تا جاه اتصال من السكرتيرة.. خدم بلوتوت و جاوبها.. 
سيف الدين: شنو كاين؟ 
االسكرتيرة : موسيو سيف الدين.. الحوايج للي غتلبس واش يسيفطوهوم ليك للأوطيل؟ 
سيف الدين : لا! انا غنعطيك العنوان فين يجيبوهوم
السكرتيرة : اوكي موسيو و حوايج المادام؟ 
سيف الدين : يسيفطوهوم لوطيل.. (يالله بغا يقطع و هو يتفكر) و يسيفطوه مع بنت ماشي راجل
السكرتيرة : هههه اوكي موسيو 
سيف الدين (بصرامة) : ياك لاباس؟ 
السكرتيرة(عاد عاقت لراسها) : احم احم سمحلي موسيو انا غنهضر معاهم.. 
قطع معاااها لابيل شاف الطريق واش خااااويا و زاد مكسيري مكمل طريقو لفين كان غادي ..

**** 
سحر بقاااات العشية كاااملة جاالسة كتفرج تا وصلات ديك 8 و هي تسمع الدقان.. حلات و كانو 3 د البناااات مبتاااسمسن.. 
دخلو و حطو كرطونة فيها اللبسة للي غتلبس و هازين شنطة صغيرة.. 

دخلاتهم سحر بابتسااامة.. و طلبو منها دخل دوش و هوما يتسناوها تا تكمل..
و داكشي للي كاااانت .. دخلات للدوش ..دوشااات بالخف.. لبسااات بينوارها و خرجات عندهم.. 
طلبو منها تجلس فكرسي و كل وحدة و شنو بدات كدير
كاين للي بدات كتقااااد ليها ضفاار يديها و رجليها و لاخرااا شعرها اما البنت الاخرى بدات كتصاوب ليها ميكاااب.. 

يالاه بدات ليها ببرايمر و هي تنطق سحر. 
سحر : حبيبة متكتريش ليا ميك آب كيعجبني خفيف بزاف 
البنت (بابتسامة) : وي مادام عندنا تعليمات خاصة من الزوج ديالك بخصوص الميك اب 
سحر غي قالت ليها هاد الجملة غرقات فحوايجها.. بقات غي الدوزيم للي مساقتش لخباااار بللي قاطع عليها الميك آب.. 

صاوبااات ليها فون طو تان فنفس لون بشرتها مور ما البشرة شربات البرايمر.. و بدات كتفنن ليها فعينيها.. 
سحر غي عاطياها وجها و مخلياها دير مابغاااات.. جاها داكشي كتير و لكن سكتاااات الا هضر معاااها سيف الدين و لا غي حاول يعلق غتقوليه نتااا للي جبتيهم و نتا للي عطيتيهم تعليماتك الغزالة.. 
استغرق داكشي شي ساعتين بين الشعر للي دارو ليها مشيطة و الميك آب للي كيناااضت شافتو فالمرااايا انباهرات.. كانت كتبان ليها البنت كدير بزاف د الحويج لكن الوجه كيبااان ميكاااب نو ميكااااب رغم انها كانت كتحس بطبقات د الميكب.. 
ردت فعلها انتبهات ليها البنت للي صاوبات ليها الميكب اب و ابتاسمات..

الميكاب ارتيست: مادام نتمنى يكون عجبك اللوك
سحر : بزااااف ههه كنت كنقول بكترة داكشي للي حسيت بيه فوجهي انجي كي الشيخة 
الميك اب ارتيست : ههههه نو مادام.. مي للي معارفينش بزاف هو الميك اب الخفيف كياخد وقت كتر من التقيل.. حاولت نبين غي شفيفك باش متبانيش باردة بزاف 
سحر : شكرا.. هادشي عجبني.. 
ميك اب ارتيست : العفو.. فاي وقت ا مدام.. 

جمعو قشاااوشهم بعدمااا كملو كلشي و خلاو سحر قدام المرايا كتأمل راسها بعدما شكراااتهم.. 
مشااات تشوف الكارطونة.. حلاتها و هي تلقااا غوب فالأبيض.. بالدونتيل فاليدين و الفوق و طويلة من لتحت.. 
تصدمااات حيت كانت كتقول عالملاه شمن عجب غيبغيها تلبس لكن فالواقع عجباااتها لاغووووب و فاااااتت توقعاااتها.. 

لبساااااتها و مشااااات قدام المرايا جاااااات فنة .. رشااااات ريحتها. لبساااات ساعة فيديهااا أنيقة.. و خاتمها د الزواااج و جلسااات كتسنى سيف الدين.. 

دازت شي ربع ساعة تا حساااات بالباب تحل.. و تحل معاااه فم سيف الدين بقاااااا واااقف فبلاااصتو حال فيها عينيه و فمو بانبهاااار.. جااااات تحفة.. 
بقدرمااااا عجبااااتو بقدرما ما بقاااش بغاااها تمشي معااااه.. مبغيش يفقد أعصااابو ويهرس شي حد الا دار فيها مجرد نص شوفة.. 
سحر (بابتسامة) : سد فمك راه الموت غي كضور.. 
تاهو مكااانش كيقل عليها وساااامة كان لابس رسمي و محلق على الحالة اما ريحتو فكاااانت عاطياااا من بعيد.. 
دخل و سد البااااب و مشاااا نيشااان عندها.. قابلها مع المرايا و جا وراااها.. جبد من جيبو سنسلة و ركبهااا ليها فعنقها بعدما هزاااات ليه شعرها.. 
سحر : راه غنلبسها حيت عجباااني ماشي حيت سمحت ليك
سيف الدين (ضورها عندو و شدها من خصرها) : عااارف.. (قرب حدا ودنيها) كنبغيك
سحر (همسات ليه فودنيه بنفس الطريقة) : تانا كنبغيك لكن واش الحب كافي؟ و لا ساديتك للي غتغلب؟ 
وشوشااات ليه بهاد الكلام و تقدماااات بخطوات تقال تال قدام الباب
سحر : مغنمشيوش؟ 
جا من موراها سيف الدين و حل الباب باش يخرجو بلا ما ينطق بحرف.. 

نزلو لتحت فين كان الوفد الألمااااني كيتسناااهم فالمطعم للي كان محجوز خصيصا ليهم هوما و أصحاب الاوطيل لان الشراكة غتجمعهم بتلاتة.. 
دخل سيف الدين و سحر مشااادين باليدين و سحر يديها فسيف الدين و يد على كرشهاا.. كيباااانو من بعيد زوجين متاااليين.. 
نظراااات الوفد كااانت عليهم.. اكيد.. ميمكنش تشوفهوم و تنزل عينيك.. 
غي وصلو عندهم و هوما يوقفو بداو كيسلمو عليهم يالله بغاو يسلمو الرجال على سحر و هو ينطق سيف بالألمانية باش يفهموه..
سيف الدين : Meine Frau gibt Männern keine Hand (مراتي مكتسلمش على الرجال) 
بداو كيضحكو و تقبلوها عادي.. تا نطق واحد منهم.. 
الشخص : Du bist also eine eifersüchtige Person (إذن نتا واحد الشخص غيور) 
سيف الدين (قرب سحر ليه من خصرها و جاوب بابتسامة) : Absolut (تماما)

سحر بقااااات غي. كتبتاااسم باش متعيقش اما كون جااات عليها كون غوتااات بكتر مااا سيف الدين غارس فيها يديه ..
سحر (قربات من ودنو و خمسات) : رخف شوية راه صباعك قربو يوصلو عند ولادي 
سيف الدين عاد فاق لراااسو.. رخف عليها يديه و جا جر ليها الكرسي باش تجلس.. 
جلسااات سحر بكل رقي.. و جلس حداها سيف الدين.. و قبل مايبدا يهضر قرد حدا ودنيها و هضر..
سيف الدين (بهمس) : تهزي راسك فشي واحد فيهم و لا تكتري الهضرة معاهم حسابك أيكون هو اللخر معايا 
سحر (بابتسامة) : راك جايب معاك مراتك و طبيبة ماشي بهيمة 
بغاااا يجاوبها و هو يقااااطعهم واحد من الوفد و بدااااو الهضرة على المشروع و الميزانية للي غتخصهم باش يبداو الإستثمار فالأوطيلات.. 
كانو كيهضرو قرابة ساعة.. و سحر غي جالسة و كتسمع.. دارو ليها الشقيقة.. 
تا بداو عيالاتهم يهضرو معاهم فالموضوع تا هوما بحكم أغلبيتهم مزوجين ببنات شرکائهم.. 
تا نطقاااات وحدة. منهم كانت تا هي مغربية.. و باينة فيها مقرياش بزااااف غي مزوجة بهاد الالماااني.. مللي جلسااات سحر و هي كطلع فيها و تنزل و فينما سحر ضور عينيها تلقااها كتشوف فيها 
آية : Bist du eine hausfrau (نتي ربة بيت؟) 
سحر مجاوباتش حدها ومااات براسها مطلعاه و منزلاه.. 
آية : او نو حبيبة.. خاصك تخدمي.. كيما كتشوفي تا حتا رجالاتنا لاباس عليهم و لكن ضروري تكون عندك مكانة فالمجتمع.. و صالير خاص.. 
فالوقت لي قالت هاد الكلام كانو الرجال ساكتين تا سمعوها هضرات و هو يدخل راجلها مسولها بعينيه شنو قالت حيت الماني مفهم والو.. 
شرحات ليه آية شنو قالت و فهموها تا لاخرين مللي طرجمااات ليهم بالالمااانية..
سيف الدين يالاه بغا يجاوبها و هي تنغزو سحر.. 
سحر (بابتسامة) : Was machst du in deinem Leben? (شنو كديري فحياتك) 
آية مللي جاوباتها سحر بالالمااانية صدماااتها.. 
آية : هه كتهضري بالالمانية.. احم عندي صالون د سوان و انا المشرفة عليه.. 
سحر (بابتسامة ) : مزيان ا حبيبة الله يكمل.. انا انجاوبك على شنو قلتي.. أنا ربة بيت .. ماشي حيت راجلي لاباس عليه (ضحكات بسخرية) انا قبل ما نتزوج كنت طبيبة و عندي عيادة.. (لاحضات توتر آية و هي تكمل بابتسامة) لكن مللي تزوجت اختاريت.. ندوز وقتي كامل مع شريك حياتي.. نعطي وقتي لعائلتي و داري و راجلي.. المجتمع ديالنا.. هازينو غي ربات البيوت.. نهار راجلها كيطيح هي كتهزو بداكشي للي كتكون جامعة لدواير الزمان.. تسيري دار و أسرة راه أصعب من انك تسيري صالون.. أكيد خاص تكون عندك مكانة فالمجتمع لكن شنو قيمة مكانة فالمجتمع قدام العائلة؟ 
آية : احم ههه وي وي.. 
الحوار للي قالت سحر قالتو كلو بالالمااانية مما سهل عليهم الفهم.. و غي كملات هضرتها و هو ينطق راجل آية موجه كلامو لسيف الدين للي كانو عينيه كيلمعو و هو كيشوف فسحر.. 
مفخرة ديالو سحر.. و جوابها خلاه يزيد يفتاخر بيها.. رغم انه هو سبابها باش مبقاتش خدامة لكن يكدب عليكم الكداب الا قاليكم بللي كاين شي راجل واعي كيبغي مراتو تكون مواعياش و مقاريااش.. اي راجل كيبغي مراااتو تكون متقفة و قارية و واعية.. واخا تكون مخداماش لكن على الاقل عندها رصيد معرفي.. 
زوج آية : Du hast Glück ! Sie haben Glück mit Ihrer Frau (انت محظوظ بمراتك) 
سيف الدين هز يد سحر و بااااسها قدامهم بابتسامة.. 
بقااااو شادين فيهم شوية و كيضحكو اما آية سقراااات و معودااااتش نطقااات.. حدها كتشوف فسحر و ساكتة.. 
سحر تا هي تجنبااات تشوف فيها حيت شوفات للي كدير فيها فايتة شريفة دارتهم فيها.. أكيد نظرات الحسد.. داكشي علاش مبغاتش تزيد تطول فيها الشوفة.. يكفي عطاتها خو جوابها..

كُن لي حبيباً 
كما شاء القدر
ولا تتركني وحيداً 
كاللّيل بلا قمر 
فكيف لي بدونك 
أن أعيش بين البشر
فهل للزّرع أن ينبت
دون أن يسقط عليه المَطر؟
يهواك ما عشت القلب
فإن أمت يتبع صداي 
صداك في الأقبر
أنتَ النّعيم لقلبي
والعذاب له
فما أمرّك في قلبي وأحلاك 
وما عجبي موت المُحبّين في الهوى 
ولكن بقاء العاشقين عجـيب
لقد دبّ الهوى لك في فؤادي
دبيب دم الحياة إلى عروقي

حطو ليهم العشااا و بداااو كياااكلو.. و طول الوقت سيف الدين عينيه على سحر.. هايم. فيها دايب فهواها.. 
هادشي جديد بالنسبة ليه.. الا كانو مشاعرو لنادية حب فمشااعرو لسحر أدفن و اعمق من الحب.. تجاوز كل معاني الحب.. و ولى هيااام.. 
سحر كتاكل و حاسة بعينيها عليه.. مفرحينها نظراتو لكن زاعجينها فنفس الوقت 
سحر (بهمس فودنيه) : واش حماقيتي؟ 
سيف الدين : علاش؟ 
سحر : باراكا ما تشوف فيا راني غادا معاك مغنهربش 
سيف الدين (بابتسامة) : وبزز منك تمشي معايا 
سحر : كيفاش؟ 
ناض سيف الدين وقف من بلاصتو و سحر مطرطقة فيه عينيها و كتشير ليه بيهم بمعنى جلس ويلي شنو كدير.. 
غمزها و هز كاسو و در فيه بالمعلقة و هاكا شاف فيه كولشي.. 
سيف الدين : سمحوليا قاطعتكم و لكن عندي شي حاجة خاصني نقولها قدام كلشي.. 
سحر (بهمس و كتقيس لو سروالو) : سيف واش حماقيتي اش غاتقول ليهم و هوما كياكلو الله يعطيك الجوع 
سيف الدين (منخلها) : (بالعلمانية الحوار لكن انكتبو بالدارجة) 
سيف الدين : خرجو معايا كاملين لبرا.. 
شخص من الوفد : علاش موسيو سيف الدين ؟
سيف الدين : عندي واحد الحاجة باغي نقولها لواحد الإنسان و بغيتكم تكونو حاضرين.. 
بداو كيبتااااسمو ويشوفو فسحر اما هي غرقاااات فحوااايجها.. 
و فعلا داكشي للي كان سبقوه و خرجو لقدام. البحر بما ان الاوطيل جا تما.. 
و سيف الدين عاون سحر توقف و هي كتحاااول تفهم منو شنو باغي يدير لكن بدون جدوى

لو تعلمين كم أحّبك 
وكم أغار عليكِ
أغار عليك من أحلامي
من لهفتي واشتياقي
ومن خفقات قلبي
أغار عليكِ 
من لحظة صمتٍ بيننا 
قد تبعدك بأفكارك عنّي
أغار عليك من لفتة نداء
قد تبعد عينيك عن عيوني
أغار عليك من كل كلمة تقولينها
إذا لم أكن أنا حروفها وأبجديتها 
أغار عليكي من أصابع النّاس
إذا التقت بأصابعك في سلام عابر
أغار عليكي 
من فكرة تخطر ببالك
من حلم لا أكون أنا فيه
أغار عليكِ لأنّي أحبّك

خرجاااات سحر لبراااا و هي تصعق.. كاااانت طيااااارة داااايزة و نااازلة منهاااا لافتة ورقية كبيرة فيها 
" baaaaby and my one and only, i'm sorry for all what i've done in the past.. Would u marry me? "
(حبيبتي.. حبي الاول و الاخير.. انا كنعتدر على شنو درت فالماضي.. تقبلي تزوجي بيا) 

و غي داااازت الطيااارة و هي تسمع سحر الغوااااات و التصفاق مخلط مع التصفاااار .. 
كانو ڭاع الناس للي حاجزين فالاوطيل خرجو يشوفو شنو كاين.. و كلهم بداو كيصفرو ويصفقو..
ضورات عينيها كتبااان ليها خالتها و سارة و أصيل وااااقفين و خالتها الدموع فعينيها بالفرحة.. 
سحر مع فااات باش تبلاااات لكن دموعها بداو كينزلو رافضين انهم يحبسو ..
ضورااات عينيها جيهتو بااان ليها نازل على ركبتو و هاز خاتم فيديه.. 
سيف الدين (و سنانو البيضين البارزين فباتسامتو) : عارف راسي غلطت معاااك شحال هادي و مازال كنغلط.. لكن فكل مرة كنت كنقسى.. كتهرسي ديك القسوة بنضجك.. بتصرفاتك للي كانت بعقلها.. بتسامحك معايا.. كنتي معايا و نعم الزوجة فالوقت للي انا كنت كنقسى تا على راسي.. 
تحملتي شي حواايج دازو عليك و ذنبك الوحيد فيهم انك كنتي مراااتي.. 
قدرتي دوبي الجليد د القسوة بعطفك .. و هاكاك كنتي كتخليني ندم على تصرفاتي بدون عتاب و بلا ماتغلطي فحقي بالهضرة.. 
كنتي معايا بنت الناااس و تستاهلي نولي معاك الزوج للي كنتي ديما كتحلمي تكملي معاه حياتك.. و نتي الوحيدة للي تستاهلي انني نتبدل على ودها.. حيت كون ما صبرك و تحملك ليا عمر هاد الزواج كان ينجح.. 
(شد ليها يديها) سحر.. قدام هاد الناس كاملين.. تقبلي تزوجي بيا؟ هاد المرة بإرادتك.. 

سحر معرفاااات متقول.. فضلاااات تعبر بالفعل بلاصة القول حيت هو اصلا قال كلشي
حطااات يديها فوق كتفو باش تحنى شوية عندو حيت كرشها حابساها. هو غي شافها هاكاك ناض وقف عندها و بدون تا كلمة عنقااااااتو و هي كتبكي و فرحااااانة.. و تاهو بضورو ضمهاااا لصدرو.. مكان أمانها.. 
بدااااااو النااااااس كيسفقو و يصفرو خصوصا مللي ركب ليها خاتم جديد و حيد القديم.. كان خاتم المااااس سامبل و زوين لكن قيمتو المعنوية كتبقا اكيد. كبر من قيمتو المادية... 
غي ركب ليها الخاتم و هوما يبدااااو الالعاااب النارية كيطرطقو فالسماااا و النااااس كيصورو هاد اللحظااات.. 
جاااات لطيفة و سااارة فالبلاااصة كيعنقو سحر للي كانت فسااابع سما بالفرحة و اصيل و الوفد و الناس كيباركو لسيف الدين 
غي كمل معااااهم و هو يمشي عند سحر 
سيف الدين(شدها من خصرها و وجه كلامو لسارة و لطيفة) سمحوليا اندي ليكم مراتي باغي نشطح معاها
لطيفة : هههه خودها.. 
جر سحر.. و طلقات موسيقااا هادئة من الاوطيل.. و كل واحد جر شريكة حياتو يشطح معاها. فالرملة و البحر هادئ.. و القمر مضوي عليهم.. 
سيف الدين (و هو كيشطح بهدوء مع سحر) : كنبغيك
سحر (شافت ليه فعينيه) : كنبغيك. 
و حطااااات راسها على كتفو مكملين رقصهم بهدوء وسط النااااس.. مخليين موراهم خيبات الامل و كل مافات.. و هايميين فعشقهم لبعضياتهم فليلة ضوا فيها القمر عليهم و فليلة فكراتهم فشحال د الوقت داز على اول لقاء ليهم و اول مدابزاتهم.. لكن ليلة ايضا فكراااتهم كيفاش حبهم خلاهم يتجاوزو هادشي بدون مايتفااارقو ولا واحد يطلق يد لاخر.. كانت حقا ليلة من ألف ليلة..

آهٍ على قلبٍ هواهُ محكّمُ ؛
فاض الجوى منه فظلما يكتمُ
ويحَيِّى أنا بحت لها بِســــــــــــرِّه ؛
أشكو لهــــا قلباً بنارها مغرمُ
ولمحت من عينيها نارى وحرقتى ؛
قالت على قلبى هواها محرَّمُ
كانت حياتى فلمَّـــــــا بانت بنأيها ؛
صارت الرَّدى آه علىَّ أرحـــــمُ..

كل القصايد من حلا عينيكي من دفا ايديكي كتبتن وقلتن 
هودي القصايد مش حكي يا روحي هو بكي القصايد هو لكي كلن

هودي الاغاني غرامي سنين هودي دموع ونغم وحنين 
هودي ايامي معك قلبي اللي بيوجعك 
انا لو لا الهوى انا مين

كل القصايد من حلا عينيكي من دفى يديكي كتبتن وقلتن

واااقفة بعيد كتشوف فيه كيطريني.. و عضلاااات جسمو بارزة.. كلها نظرااات حب و عشق ليه.. كتفكر أيامهم من اول نهار.. 
رجعات بيها ذاكرتها لنهار دخلات فيه ويسحاب ليها ماشي هو سيف و بدات كتهضر عليه بالخايب..
مللي شافتو كيقتل و داها للغابة باش يقتلها.. ياه داك النهار لوكان شي حد يقوليها راه الراجل للي واقف قدامك باش يقتلك فعلا غيقتلك لكن ماشي برصاصة بل بنار الحب.. كانت كترعد بالخلعة.. من نفس الشخص للي ولات كتخلع الا مكانش جنبها.. 
تفكرات مللي تزوجاتو.. و كان كل مرة كيوقف قدام عائلتو على ودها.. كل مرة دابزو فيها ..كل مرة تواجهو عينيهم و شرارة الحقد و الحب كانو ممزوجين مع بعضياتهم.. 
لقطاااات من عمرهاااا معاااه تفكراااتهم و هي كتشوف فيه.. حبهم كان أحس ما طرا ليها و أحسن مغيطرا ليها تا من هنا القدام.. 
صحيح باقيين كيدابزو بعد المرات لكن الصبر تم الصبر فالصبر مفتاح الفرج.. كان معاها راجل و حاميها طلعات معاه بنت الناس و صبرات.. ماشي على فلوسو لانهم مدايمينش و ماشي على زينو حيت غيبدا يدبل.. و ماشي على جسمو حيت واحد النهار غيتكمش لكن على شخصيتو و كاريزما و رجولتو للي عمرها تغير رغم مرور السنين.. 
مازال كتفكر تا بدات كتحس بالجرااان فسروااالها حناااات راسها باااش تشوف.. جود و بهاء الدين للي دابا عندهم ربع سنين لكن كيطيرو مشيبينها.. 
بدااااات كتبتااااسم حيت جود كيضرب ل بهاء الدين يديه باش ميجرهااااش.. هزاااات عينيها كيبان ليها سيف الدين جاي بابتساامة عريضة جيهتهم.. 
باسها ففمها و باس كرشها للي فشهرها السابع.. و هاد المرة بنت و أميرة دارهم.. 
و نزل هز ولادو بجوج كل واااحد بيد.. و بدا كيلعب معاهم مخليها كتأمل أسرتها الصغيرة و للي كطلب نهار و مطال ربي يحميها ليها.. 
هي هاكاك تا سمعااات الصونيط.. مشات بشوية حلاااات كتلقااااا سارة مع بنتهاااا الصغيرة و أصيل و موراهم خالتها .. عاد رجعو من السوق.. 
حلات ليهم الباب و رجع الهاراج فالدار و الهضرة.. خلاص مللي تلقا جود و بهاء الدين مع شهيناز بنت سارة داااارو الحرب العالمية بالغواااات.. 
جلسو كاملين و حطاااات سحر هي و سارة الغداااا.. و تغداو و هوما كيتعاودو و كيضحكو .. 
و مشات قصتي من واد لواد وانا بقيت مع ناس الجواد.. 

و بهادشي كانت نهاية قصة الزعيم (الآغا السادي) للي حاولت من خلالها نبين ليكم ان الحب ماعمرو كان ساهل ولا غيكون.. و باش تبغي خاصك ضحي و تصبر لكن بشرط ان الشخص للي غضحي على ودو يقدر يموت على ودك.. كلنا كنطيحو فأغلاط لكن الله غفور رحيم.. عمرك تخلي غلطة ماضي تأتر على حاضرك و مستقبلك.. صلي و دعي ربي يغفر ليك و نوضي و قاومي.. افتخري بكونك امرأة حيت بيك نتي كينشأ مجتمع وعي بتربيتك لولادك.. بأخلاقك مع راجلك بصبرك.. بقوتك للي يمكن كيغلبو عليها الدموع لكن تيقيني دموعك عمرهم مكانو ضعف هم فقط دليل على طيبوبة قلبك.. 

قصتي سالات.. نتمنى تكون عجباااتكم.. احبكم ❤ دمتم في رعاية الله..

~~
خليت نهاية مفتوحة حيت نقدر ندير موسم ثاني ان شاء الله لاكن من بعد و غيكون مختالف و حسن من الاول كنظن داكشي علاش خليتها نهاية مفتوحة ماشي حيت بغيت نزرب..
~~

السفالة في القصة
كيفاش يمكن نصنفو هاد القصة؟
  • بدون سفالة
  • القليل من السفالة
  • سفالة مفرطة

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.