كانت يديه كتلعب مور عنقها بطريقة خلاتها ترخااااااا.. وشفايفو كيحركو شفايفها بحنية.. غمضات عينيها محاولة تعيش معاه اللحظة بعيدا عن اي أفكار سلبية.. سلماتو زمام الأمور لي هي اصلا ما عندهاش دراية بيهم.. مخلياه كيحرك ويداعب شفايفها كما بغى.. كان فكل مرة كيحس بلي تقطعات عليها النفس كيبعد لثانية يخليها تنفس فيها ويرجع.. حس بيها ترخات فاش حس بلي يديها طلقو من تيشورط وحركاتهم على صدرو نزولا.. هبط يدو وشدها من خصرها وهزها عندو ملصقها فيه.. كيحسو بقلوبهم لي كضرب بقوة.. وكيسمعو اصوات انفاسهم الساخنة لي تشاركوها.. رجليها كتحسهم ما بقاوش هازينها وذاتها كلها كتغزل ما قاداش ترصيها.. حشمانة.. متوترة..مخلوعة.. وفنفس الوقت ما تنكرش بلي احساس زوين فوسط هادشي كامل مخليها طايرة.. ما سخاش يطلق.. ولكن قرر أنه يحبس فاش حس براسو يقدر يتمادى لما هو كثر.. بعد شفايفو وجر معاه شفايفها لي تنفخو.. وبقى شادها نفس الشدة.. يد فعنقها ويد فخصرها.. فتح عينيه.. شاف فيها وضحك..
براء :الا طلقتك ما تسخفيش ياك ههه
فتحات عينيها وشافت فيه وهربات بعينيها منو.. ما قاداش تشوف فيه.. ضحك ورخا من خصرها بشوية.. رجع لور مبعد عليها بشوية.. طلق منها.. ووقف كيشوف فيها مبسم وهي كتشوف فجنابها وتحك فيديها.. عض على شفايفو كيضحك وهو كيقرا الخجل فعينيها.. وتوترها فحركات يديها.. ونطق..
براء :اتكوني جعتي..
تالاسين :(سرطات ريقها وهزات راسها ما كتشوفش فيه وكتحك شعرها) اه بصح.. ونتينا
براء :(ضحك على حالتها) هههه.. جلسي هانا انحط لعشا ونجي
ما جوبهاش.. مخليها كتحماق وتعربط كيبغات.. حتا وصلها للبيت.. قرب ججيهة الناموسية لي كاينة فدرجة عالية على الأرض... ورماها من فوق كتفو ججابها وسطها حتا تبومبات وغوتات... وهزات راسها فيه مخرجة عينيها.. شاف فيها بجدية وحط يديه على تيشورط كيقلعو.. وهي تفتحهم على وسعهم ورجعات لور مخلوعة..
ترمى حداها على جنبو وحط يدو على كرشها وجرها عندو.. وخشا راسو فعنقها وغمض عينيه... وهمس وسط وذنيها بصوت كيبورش.. خافت باين فيه لعيا والنعاس..
براء :هادي هي بلاصتك.. وهذا هو بيتك.. راكي مراتي دابا.. ما تنسايش..
تلقوات.. مخرجة عينيها فسقف وجامدة فبلاصتها.. كتحس بنفسو لي كضرب سخونة فعنقها.. ويدو لي على كرشها.. هبطات عينيها شافت صدرها لي كيبان من ديباردور وهي تهزو سترات راسها بالزربة وشافت فيه بنص عين.. كان مغمض عينيه.. زادت هبطات عينيها كتسرق الشوفات منو.. وكتشوف فعضلاتو وجسمو وهي قريب ليها ومعنقها.. تزيرات.. وطلعات معاها الصهدة.. سكتات حتا سكتات وهي تنطق بصوت متقطع..
تالاسين :صبر نتغطى.. بعدا
فتح نص عين فيها.. وهز يدو لي على كرشها.. ناضت مدات يديها لغطاء جراتو عليها حتا وصل لعنقها.. وبقى غا راسها كيبان وعينيها كيدورو.. شاف فيها هو مطولا.. ونطق بسخرية...
براء : دفني راسك حسن
تالاسين :(شافت فيه بنص عين) مالك.. حتا نتينا تغطى.. ولا لبس حوايجك.. دابا يضربك البرد
براء : فين هو هاد البرد.. داك شوفاج لاش شاعل..
تالاسين :ايوا شني نعملك انا جاني البرد
براء :مزيان.. انا نسخنك
تخشى معاها تحت لغطاء..وصلو لنصو.. وجرها من كرشها عندو.. وقرب لكتفها طبع قبلة.. وخشاها فيه وغمض عينيه..
براء :دابا ما ايجيكش البرد
سكتات مزيرة على عينيها.. وحاطة يديها على قلبها لي ايزهق من بلاصتو... خدات نفس ونطقات...
تالاسين :براء!!!!
براء:امممم؟؟
تالاسين :انا كنركل فنعاسي.. كون خليتيني فموطعي حسن
سمعات صوتو وهو كيضحك.. وكتحس بكرشو لي لاصقة على ظهرها كتهز بالضحك.. كان مزال خاشي راسو فعنقها وكيضحك بالثقالة وصوتو غالب عليه النعاس.. وعينيه مغمضين.. حتا جمع الضحكة عاد نطق..
براء : كوني حتا كتشطحي.. هنا اتنعسي
زاد زيرها عندو.. وتنفس نفس طويل استنشق فيه ريحتها.. قلب وجهو وجا فمو حدا وذننيها وباسها ورجع حط راسو..
براء :تصبحي على خير
سقرات كتشوف قدامها.. ما عارفة ما دير ولا ما تقول.. وجمدات على وضعية وحدة ما كتحركش.. داز الوقت وحسات بيه نعس من صوت انفاسو البطيئة.. كان بصح عيان.. داز عليه نهار طويل.. وما ارتاحش فيه حتا من لعياء دالسفر.. تحركات يدو لي فوق كرشها.. تبسمات لا شعوريا.. خدات نفس طويل وتنهدات براحة.. وحطات يديها على يدو وغمضات عينيها وخدات وقت باش نعسات...
🍃🍃🍃🍃🍃
صبح الصباح وضرباتها الفيقة.. حكات عينيها ووجهها وهي مزالة مغمضة عينيها.. قلبات وجهها كتفوه وتكسل.. وفتحات عينيها بشوية وشافت جيهتو.. طاحت عينيها فعينو.. كان فايق وساكت كيتفرج فيها.. غير شافت فيه وهو يتبسم..
براء :صباح الخير
شافت فيه مقوصة حجبانها ورجعات شافت فجنابها وفين هي.. وعاد استعقلات..
قرب باسها من كتفها العاري.. وناض من بلاصتو.. هبطات عينيها تشوف فلبلاصة لي باسها منها وهي طيح عينيها على صدرها لي نصو باين.. خرجو عينيها وجرات عليها ليزار وناضت تجلسات كتندب..
دخلاتو لكوزينة.. حطاتلو من المالكة لي كانت عندها تما ديال مينوشة.. وعطاتو ياكل.. وخرجات لبيتها.. دخلات طرفات حالتها وتوضات.. خرجات صلات ولبسات حوايجها ورشقلها تقاد وجهها وشعرها.. وتسكسف على الحالة.. بوكلات شعرها ونفخاتو وقلبات نصوللجنب.. وقادات ماكياج خفيف.. فوندوتان فاراجو ماسكارا وعكار خوخي مغلوق.. لبسات كبوط بكول v سخون فاللون غوز بااااااارد.. مع سروال رمادي وصباردين فنفس لون الكبوط.. وهزات جاكيط قصيرة فالاسود فيديها.. وخرجات عندو لقاتو واقف فالصالة كيهضر فتيليفون.. لابس سروال دجين مغلوق مع تيشورط بيضة وجاكيط دالجلد وصباردين.. كيمشي ويجي ويديه فجيبو ويهضر.. دار وطاحت عينو عليها.. طلعها وهبطها وتبسم ووقف كيهضر ويشوف فيها.. خبعات خجلها من نظراتو بابتسامة خفية.. وتقدمات هزات تشيوتشيو كتلعب معاه وتلف مهم ما تبقاش واقفة وكتشوف فيه.. واخة عارفاه مراقبها.. حتا سمعاتو قطع ودارت شافت فيه.. لقاتو جاي قاصدها.. يله بغات تهضر وهو يقمعها.. حط يدو مور عنقها وجرها عندو بالزربة وخطف بوسة من فمها.. خلاها ما عرفات باش تبلات.. طلقات تشيوتشيو من يديها وزيرات على عينيها حاطة يديها على صدرو وكارزة ذاتها.. حتا طلق منها وشاف فيها مبسم..
براء :بوسة الصباح ههه(غمزها)
تالاسين :(مبلقة عينيها فيه.. مزالة ما ولفات هاد سيستيم)
براء :(تسناها تهضر ووالو) نتي غااا شوفي وسكتي بركة عليك... (حط صبعو على شفايفو) ما عنديش لعكار
تالاسين :(حركات راسها بلا ونطقات بصوت متقطع ) هذا.. ماط.. ما كيلصقشي
براء :(مسح على شفايفها بصبعو) جاك زوين.. بلحق اتنقصي منو
تالاسين :(خرجات عينيها) لااااااا.. ما تقولاشي.. اصلا راه خفيف
براء :لا لا.. غير نقصي.. شفايفك كيفتنو هاكة..
تالاسين :ول..
براء :(شافها اتعكس معاه وهو يقاطعها) بغيتيني نبقى غادي ونبوس فيك.. انا ما عنديش مشكلة شوفي نتي
تالاسين :هااااا!!!!... لا.. هانا انقص.. غا بعد مني
براء :ههههههه يله طلقي راسك.. راه جاني جوووع
دخلات لبيتها بالزربة.. هزات كلينيكس فازك نقصات منو وخلاتو باين غير شوية.. قالت اللهم سلامة ولا ندامة.. خرجات عندو كتقلب فعينيها.. هزات القط.. وشدلها فيديها.. كيشوف فيها ويضحك.. وخرجو بحالهم..
وصلو لباب العمارة.. لقاو السي المختار جالس.. وتقدمو كيسلمو عليه.. وهو كيسول على احوالهم حيث طولو الغيبة.. حتا كتم داخلة وصال لي جاية بكيطمة وكوميرة فيديها.. شافتهم ووقفات فبلاصتها مطلعة حاجبها باستغراب.. وهي كتشوف يديهم لي مشادين..
بقات واقفة فمكانها كتشوف فيهم.. حتا لاحظو وجودها وهما دايرين خارجين فحالهم.. شاف فيها كيطلع ويهبط ومعبس.. وهي كتشوووف فيه وحالة فمها.. شافت فيها تالا ورجعات شافت فيه.. وهي تقلب عينيها شافت فيها.. كمشات فمها وطلعات حاجبها.. وزيرات على يدو ونطقات..
تالاسين :(بصوت محلون) حبيبة وصااال.. كيف نتينا.. لباس عليك ؟
فاقت وصال من سهوتها.. وشافت فيها ورسمات ابتسامة على وجهها.. وتقدمات جيهتها تسلم عليها.. وبراء دار كيشوف فيها مستغرب من طريقة هضرتها لي عمرو سمعها كتهضر بيها..
شاف فيديها.. وشافت فيها تالاسين.. وهي ما ناسياش شوفاتها ليه فآااااااااخر مرة تجمعو فيها.. مشاو عينيها بينها وبينو.. وتشيوتشيو بين يديها.. وقبل ما يمد يدو او يجاوب او يدير اي حركة زربات عليهم ومداتلو تشيوتشيو خشاتولو فصدرو..
تالاسين :حبيبي.. شبرو عندك.. انا ريشلي شعري غير كيتجابد
براء :(شد تشيوتشيو وهو مبهوض فيها)
رجعات شعرها مور وذنيها وشافت فوصال بابتسامة صفراء... لي كانت مزالة مادة يديها وجمعاتها معبسة.. وكلمة حبيبي لي نطقاتها تالا كدور فراسها..
تالاسين :كاع ما قلتيلي.. كيبقى حريق راسك..
وصال:امم.. الحمد لله عصرت الليمون وشربتو وفاتني الحال
تالاسين :لباس عليك ازيني.. وسمحلنا البارح.. براء كان عيان شوية عليها تعصب (شدات فدراعو وشافت فيه مبسمة) ياك احبيبي!!!
تالاسين :(شافت فيه ورجعات شعرها لور) وي حبيبة علاقتنا زوينة ولكن ماشي حيث خوت.. (هزات يديها لي فيها الخاتم قدامها) مي حيث مزوجين
شافت فيها وصال ببلاهة.. كتشوف فيها وتشوف فيديها وترجع تشوف فيه.. حطات عينيها على يد براء وشافت خاتم فيدو حتا هو.. وشافت فيهم شحال ساكتة وكترمش.. ما فاهمة والو...
شاف فيها بنص عين.. زعما جاوبيها يااااااالي كنتي كتقولي خوت.. شافت فيه حتا هي فاهماه وقلبات عينيها كترمش ورسمات ابتسامة صفراء..
تالاسين :احححم.. نووو ما شيغي.. حنا ماشي خوت شقاق غير مربيين مع بعضنا وكتاب المكتاب وتزوجنا
وصال :ههه كضحكي ياك هه
تالاسين :لا.. علاش انضحك
وصال :(جمعات الضحكة) ااا.. غغغ.. غير مما.. اححم.. (جمعات راسها ورسمات ابتسامة) مهم مبروك عليكم.. بدوام لمحبة ان شاء الله
تالاسين :ااامييييين
براء :(شاف فتالا) مشينا؟
تالاسين :وي ما شيغي.. يله احبيبة وصال سمحيلنا.. نتلاقاو ان شاء الله
وصال :ان شاء الله هه
فاتوها خارجين وهي شادالو فدراعو وكتمشى هازة راسها.. عارفة لعينين حاضيينهم.. وهو غادي وساقر وشاد تشيوتشيو بين يديه.. فتح سيارتو من بعيد.. ركبات.. وركب هو.. طلق تشيوتشيو فالكوسانات لور.. وتجلس شاف فيها حاط مرفقو على السرجم دالاوطو ويدو على خدو خاشي صبعو الصغير ففمو وراسم ابتسامة صغيرة على وجهو.. حاضيها وهي كتقاد سمطتها.. حتا دارت وانتبهات ليه.. وهي تحركلو راسها بمعنى شنو
تالاسين :شعندك.. علاش كتشوف فيا...
براء :حبيبك!!!
تالاسين :(عضات على شفايفها وهي عاد كتسترجع باش نطقات)
براء :طا شيغي!!!
تالاسين :(شافت فجنابها كتسرط فريقها ودور فعينيها)
قرب حاط يدو على الكوسان لي جالسة فيه وشاف فيها مصغر عينيه وراسم ابتسامة ثقة.. رجعات راسها شوية لور متوترة وحشمانة.. ونطق وهو كيقول الكلمة ويسكت يشوف فيها ويكمل.. وهاز يدو قدامها كيحسبلها بصباعو لي كل مرة يهز واحد فيهم..
براء :وحدة من ثلاثة.. يا غرتي.. يا انحرفتي.. يااا بزوج بيهم...ودابا لي اختاريتي فيهم جاية معايا
تالاسين :(رجعات شعرها مور وذنيها دافعة جبهة) حتا وحدة من ثلاثة.. غير البنت فهمات غلط وشرحتلها هاء.. غير بلا ما يمشي بالك بعيد
براء :وكان ضروري تشرحي بحبيبي وما شيغي
تالاسين :(كتهرب من عينيه) ما عقلتشي على راسي قلتهم انا اصلا.. راه غير جابلك بالك..
براء :(زاد قرب منها وعينو بين فمها وعينيها) تؤ تؤ.. ما جابليش بالي... سمعت وعرفت شنو سمعت وعجبني لي سمعت وما ايكونش اخر مرة نسمعو.. تفاهمنا
سكتات مقطوع فيها النفس من قربو ونظراتو.. من ريحتو وصوتو.. من ابتسامتو وهيبتو.. النفس كطلع وتهبط فيها بالزربة وصدرها طالع هابط معاها..
براء :(زاد قرب حتا لامس نيفو نيفها) واش تفاهمنا
حركات راسها بالإيجاب.. ما كانتش واعية حتا علاش حركاتو.. مهم حركاتو.. كيخذرها بشوفاتو وقربو ليها.. وكيرفعها لعالم ثاني.. لاحظات ابتسامتو لي ترسمات على شفايفو وهزات عينيها.. طاحت عينيها فعينو وحدراتهم بالزربة.. قرب ناحية شفايفها.. كرزات على عينيها بقوة وشكلات قبضة بيديها.. شاف فيها وضحك.. ورجع بعد عليها بالزربة وديمارا كيتبسم..
سمعات الاوطو تحركات.. فتحات نص عينيها كطل.. لقاتو تحرك.. سرطات ريقها وقلبات وجهها بالزربة جهة السرجم مغطياه بشعرها وكتفرك فيديها وسقرات وهي كتفكر فتصرفها مع وصال... لي ما حساتش لا كيفاش دارتو ولا كيفاش. قالت لي قالتو..
وصلو للكافي لي قاصدينها.. نزل ولحقاتو من بعد ما هزات القط معاها.. وقفات كتسناه حتا يدور وهي كداعب القط بين يديها.. حتا حسات بدراعو لي رماها على كتفها معنقها..وهي تقلب عينيها شافت فيدو لي مدلية فوق كتفها وقلبات وجهها قدامها مبسمة..
دخلات هي وياه وجلسو.. طلبو لفطور.. خداو وقت وهما كيهضرو ويتعاودو.. او بالأحرى هو لي كيهضر.. حيث كان كيعاودلها بالتفصيل فين مشاو وشنو دارو وشنو شافو.. مستمتعين بالحديث مع بعضهم.. تشيوتشيو شادينو حداهم لا يمشي يتلف.. ونساو راسهم حتا صونالو تيليفون.. جاوب كانت رؤيا لي معيطة كتسول فوقاش ايجيو.. وبلي كيتسناوهم للغذاء.. وداكشي لي كان.. ناض وخلص وخرج هو وياها وتوجهو للفيلا عندهم..
🍃🍃🍃🍃
دخلو للفيلا يد فيد.. كانو مترشين كل واحد فين.. جالسة رقية وهنية فالصالة مجمعين وكيقرقبو الناب والتسبيح فيديهم غا كيحركوه وفمهم خدام فالهضرة.. حتا انتبهو ليهم هما لي دخلو وهزو راسهم فيهم..
رقية :اهلاااااااان اهلاااااااان بالعرسان.. عاد طلئوكوم
تالاسين :(تبسمات بخجل وقربات كتسلم عليهم)
براء :(كيبوس راس رقية) توحشتينا ولا هههه
رقية :ايوا ما نعرف.. معذووورة لي ئالو من شاف حبابو نسى صحابو
براء :تنساك الموت.. نتي هي كلشي وبلا بيك ما كاين والو... شكون يقدر ينساك وريهلي
رقية :بركة من تبحليس ودوز تجلس
ضحك وتقدم عند هنية سلم عليها واستفسر على حالها.. دار شافها جالسة حدا رقية ومعنقة تشيوتشيو بين يديها.. وقرب جلس حداها..
رقية :(شافت فتالا من تحت النظاظر وعينيها على القط)يا شكون هاد لمزغب لي جبتو عاود..
براء :هذا راجل لمزغبة لي عندنا.. حشومة تبقى وحدانية هههه
رقية :(ميقات فيه) حشومة!!! ايوا الله يتبئي الستر.. عشنااااااا وشفنا لئطوط حتا هما برجالاتهم..(دارت عند تالا كطلع فيها وتهبط) ايوا.. ونتين كي جاك الزواج.. زيانيتي العفريتة.. فنهار بان عليك..
تبسمات ليها رقية وهي كتدور فراسها.. وكتشوف فيها بين رموشها.. حتا غرقاتها فبلاصتها بقات غا كدور فعينيها... وبراء وهنية كيضحكو عليها..
هزات عينيها فيه مخرجاهم وهبطاتهم حانية راسها ومغطية وججهها بشعرها.. وكدوز يديها على راس تشيوتشيو على اساس ملاهية معاه.. وهي غير كتخبي وجهها لي ايطرطق قدامهم.. شاف فيها وهو عايق بيها وعارف وجهها داب كيف غاد ييكون بلا ما يحتاج يشوف فيها..
براء :لميمة بركة هههه راها اتموتلنا هنا.. احححم.. فين هي الواليدة والواليد.. فين هي الاسرة السعيدة!!!!
هنية :جبرتي كلها وفين عاطيها.. شي فبيتو. شي فالخدمة.. بلحق دابا وهما تجمعو
براء :واخة براحتهم..
كملو هضرتهم..حتا بداو كيتجمعو واحد من مور واحد.. ولي جا كيدير حقو ويقشب عليهم.. حتا تجمعو كلهم.. شدات بيسان تالا فالقنت وبدات كتجرلها فلسانها وباغة تعرف شنو وقع..
بيسان :(بهمس) وا غا قول ما عندك مناش تحشم
تالاسين :شني انقول اصحبتي.. ما كاين ما نقولك.. عادي مشينا للدار تعشينا ونعسنا صافي
بيسان :اييييييييه.. نعستوووو!!!..هنا بغيتك تقولي شني وقع
تالاسين :داكشي لي فبالك ما وقعشي.. غا تهنا
بيسان :(طلعات حاجبها) ثيقتك.. زعما زعما!!!!
تالاسين :والله..(قلبات وجهها متوترة من الحديث فهاد الموضوع) مزاااااااااال لحال على داكشي
بيسان :شني مزال!! من نيتك!! راكم مزوجين وزيد عليها كتبغيو بعضكم اولا!!!
تالاسين :بدلي الموضوع ابيسان صافي
بيسان :شعندك هايدا الزميتة.. يله قولي خلينا من داكشي.. غا بوسة.. غا تدريعة.. غا كليمة.. ما تقوليشي حتا هادو والو
هزات عينيها كتشوف فيه.. كان كيهضر مع خوتو وملاهي معاهم.. تبسمات ابتسامة صغيرة ورجعات هبطات عينيها..
تالاسين :احححم.. ونتينا شغلك.. ديها سوق راسك.. داكشي بين راجل ومراتو ونتينا مالك
بيسان :انا لي كنت كنحصلو شاقم الواليدة فصغري ماشي نتينا .. (حبسات الضحكة وقربات كتوشوشلها) مسكينة ديما خارجة من شي قنت مريشة ودقمها عوج هههههه
تالاسين :(شدات الضحكة بزز) ههه مسخوطة..
قاطع كلامهم رؤيا لي خاطبات تالا ودارت عندها تجاوبها..
تالاسين :نعام اخالتي؟
رؤيا :ايوا فوقاش بغيتينا نعملو العرس!!!
طلعات حجبانها بدهشة.. وشافت فيهم.. كلشي سقر وكيشوف فيها.. هاد الوضع بالذات كيخليها توتر.. شافت فيها وجوبات بصوت خافت..
تالاسين :انا ما بغيتشي نعمل العرس
رؤيا :نعام!!!! وعلاش؟؟؟؟
تالاسين :ما بغيتشي.. وما يحتاجشي
بيسان :ما يمكنشي.. حمقة ولا مالك!!!
هنية :علاش ابنتي.. ليلة وحدة اتفرحي بيها براسك.. ماشي اتقيل كتزوج
سكتات وهي كتشوف فيهم.. وبالها ماشي معاها.. بالها مع ذكريات اخر عرس حضراتلو.. ذكريات قبيحة واخداها على ديك الليلة.. ومن تما ما بقات فرحات بواليديها.. كانو كيتعرضو يمشيو لعراسات وهي ما كانتش كتمشي.. فاش كانت صغيرة كانت اغلب ايامها مع الطبيب النفسي.. وفاش كبرات هي لي قررات ما تمشيش لشي عرس.. ودابا ما باغاش تفكر ديك ليلة... ما باغاش تحس بالنقص دواليديها لي ما كينينش معاها يشاركوها فرحتها.. مزالة هضرة باها ومها فاش كانو جالسين على الطبلة وكيحلمو بزواج بنتهم. كدور فراسها... بلحق اليوم هما ما كينينش معاها يشاركوها ديك الفرحة ويفرحو بيها..
تنهدات وفاقت من ذكراياتها ورسمات ابتسامة مخبعة موراها وجع عمرو يتنسى.. ونطقات..
تالاسين :نتينا عارفاني اخالتي.. ما عنديشي مع لعراسات بزاف ههه
رقية :شكتئول هاد البنت.. ما سمعتهاش؟
رؤيا :(نطقات هي لي حدا رقية) قالتلك ما باغاش العرس
رقية :(دارت شافت فتالا) وعلاش ما باغاش
رؤيا :هانتينا كتشوف.. قالتلك ما عندهاشي مع لعراسات.. واش هذا عرس عادي.. هذا عرسك نتينا.. واش اتقيل تزوج!!
هزات عينيها شافت فبراء لي غي ساكت وكيشوف فيها مصغر عينيه.. بحال الا كيحاول يقرا أفكارها..
رقية :ايوا نتين ما باغاش تفرح براسك.. ايوا حنا ما تخليناش نفرحو بيكم.. علاش شحال من مرة اتزوج نتين ولا شحال من مرة ايتزوج الغنضور ديالي.. تسنيت هاد النهار وما مشيتش لئبر.. ودابا اتجي تئولي ما باغاش العرس.. ايوا صفات.. (دارت عند رؤيا) ما تديوش على هادي.. تبغي ولا ما تبغيش.. العرس انديروه
تالاسين :(بتذمر) يما.. عافاك..
رقية :شمن يما ولا بابا.. ترصى وسكت
رؤيا :غير فهمينا علاش ما باغشي العرس
تالاسين :الصمت
هنية :خلاتها رقية ما تديوشي عليها.. راها غير كتفشش عليكم وصافي هههه ياك
تالاسين :لا والله ما هايداك
فراس :(مطلع حاجبو) وشنو؟؟
سكتات شوية.. مررات لسانها على شفايفها.. ورجعات شعرها مور وذنيها.. عاد هضرات..
تالاسين :انعملو العرس.. والصداع وحريق الراس.. ولبس هادي زول هادي.. وجلسي تبرزي والناس مقابلينك.. ما عنديشي مع هادشي
جواد :(كيلعب فتيليفونو ويهضر) وصافي السيدة كتحشم ما بغيتوش تفهموها..
رؤيا :خشي وجهك فمشقوفك وسكتنا..
جهاد :وراه نيت خاصنا ما نخشيو فوجهنا.. راه جاني الجوع.. نتغذاو وديك الساعة تفاهمو بيناتكم..
هنية :(ضرباتو لدراعو) سكت خلينا نهضرو..
جهاد :وا راه بزاف على الحكرة.. شي يتزوج شي يبقى بالجوع.. ما بغيتوش تزوجونا وباغين تقتلونا بالجوع
جواد :محااالش واش ولادهم حنا..
رؤيا :ههه لا حول ولا قوة الا بالله..واخة نوضو نتغذاو وديك الساعة نهضرو
جواد :ايوا هنية لينا
ناضو شي مور شي متوجهين للصالة باش يتغذاو.. وناضت هي كتخمم فهاد لحريرة دهاد العرس عاود.. حتا تشدات من يديها.. ودارت شافت موراها.. وجرها دخلها للصالة وطل عليهم حتا غبرو ودار شاف فيها..
براء :(بجدية) مالك؟؟
تالاسين :علاش!
براء :علاش ما بغيتيش العرس
تالاسين :(بملل) بفففف.. ما بغيتوشي ابراء هاء.. هايداك وصافي.. ما عنديشي مع لعراسات
براء :ما دخلاتليش لراسي.. كاينة شي حاجة ااخرى
تالاسين :شني غيكون!! والو.. زيد تغذا ايكونو كيتسناونا
بغات تمشي ورجع جرها وشدها من دراعها..
براء :ما تهربيش وهضري
تالاسين :(ساطت) والو ابراء شني بغيتيني نقولك.. واش نقولك شي حاجة ما كيناشي!!!!
هزات عينيها شافت فيه بتحدي.. باغة توصلو بلي بصح ما كاين والو.. شاف فعينيها وشافت فعينيه وهو معبس.. بنظرة جدية.. باغي يفضحها من عينيها.. حتا غمضات عينيها وحنات راسها مستسلمة..ورجعات هزات عينيها فيه لي فاضحين ضعفها وقهرتها..
تالاسين :آخر عرس حضرتلو.. كان مع واليديا.. وهاديك الليلة كانت هي اخر ليلة نشوفهم فيها (زيرات على فمها باش ما تبكيش).. وزيد عليها ما باغاشي نعمل عرس ما ايكونوشي فيه.. فهمتي دابا علاش..
رؤيا : والصراحة غا بغيتي تعكسي.. لواه ما عنديشي مع لعراسات..واش عرسك هو عرس الناس!!!!
تالاسين :وا حيث عرسي ما بغيتشي اخالتي.. انا داكشي ديال تبراز والناس كلهم حاضينك كيستريسيني..ونتينا عارفاني
رؤيا :وراه اي عروسة هايداك.. داك ستريس عادي.. كون جاو لبنات ما يعملوشي لعرس على قبل ستريس كون راه حتا وحدة ما بقات عملاتو
تالاسين :الصمت
رؤيا :دابا نتينا غا ما بغيتيشي تخلينا نفرحو بيك وصافي..
رقية :ولااااهيلا.. عزيتي فينا الفرحة
تالاسين :لا ايما.. ما تقولوششي هايدا.. حشومة عليكم..
بيسان :حشومة عليك نتينا ماشي حنا
تالاسين :بيييييساااان.. ماشي حتا نتينا
هنية: (شافت فرؤيا) فكراتني غااااا فيك..
رؤيا :(خرجات عينيها فيها زعما باش تسكت) احححم.. شدخل هادي فهادي اعزيزة..
بيسان :علاش!!! حتا ماما ما كانتشي باغة تعمل العرس؟
هنية :وييييه.. حتا بززتو عليها.. اما هي تقول ماشة لجنازتها.. اصلا نتوما بنات اليوم فيكم قوة لفشوش بزااااف.. نعمل وما نعملشي.. عطاكم ربي عرسان كيف البلارات.. والرزق الحمدلله موجود.. وكتشرطو وتفششو.. ايييييييوا خلات على يامنا حنا..
رقية :شوفي.. نجيك. من لخر.. انا عندي شرح ملح ما يخناز.. العرس ايدار ايدار.. بغيتينا نفرحو بيك بزوجكم داكشي ما بغينا.. ما بغيتيشااااي.. نفرح بالغنضور ديالي ونبرز حداه انا نيت..
رؤيا :هههه ونكفوك ياك ايما هههه
بيسان :ونهزوك فالعمارية ههه..
رقية :(ضحكات) وندير ليكم باي باي..ونشير عليكم بالورد والحلوى.. وتغنيولي ارئية يا ئطيب اللوز.. (جمعات الضحكة وخنزرات فيهم هما لي كيضحكو) واااا نوووووووووضو تشللو.. كتسناو الواحد على نئشة.. غير ينطئ الكلمة.. انا عاد بائي نتهز فالعمارية.. نطيح من تما لئبر ياك
رؤيا :الله يحفضك وينجيك.. ويطولنا فعمرك..
رقية :(قصحات فتالا) شوف نتين.. اتئاد معايا ولا نئادك صحة..
تالاسين :يما فهموني عافكم..
رقية :(قاطعاتها كتعيبها) يما فهموني عافاكم.. شغادي نفهمو فيك.. انا هاد ئوة التلغجين فالهضرة كديرلي الشئيئة.. دابا من لخر.. اه.. ولا لا
تالاسين :(بترجي) يما.. خالتي.. عافاكم
رقية :هضرت معاك.. اه.. او لالا
شافت فيهم ساكتة.. وهما كيتسناو جوابها.. مقوصة حجبانها كتستعطفهم.. ورقية مطلعة حجبانها فيها.. شافت حتا عيات وقررات تستسلم باش ما تخسرش ليهم خاطرهم.. تنهدات وهزات راسها فيهم ..
هنية :ايوا دابا خاصنا نحددو النهار باش نبداو نوجدو..
تالاسين :ولكن صبرو..
شافو فيها باستغراب.. كيتسناوها شنو اتنطق عاود..
رؤيا :شني عاود!!!
تالاسين :ما نعملوشي عرس كبير.. غير عرس صغير.. مهم حفلة عادية نشطو فيها وصافي.. وما بغيت لا لبسة لا زوج.. غا اللبسة البيضة بركة عليا.. مهم نفرحو بيناتنا
رؤيا :ايوا شمن عرس هذا لي ما فيه لا لباسي.. لا عمارية.. شني بقى فيه!!!
تالاسين :وا مهم نفرحو ونشطو وصافي
رقية :باغة دير عرس دلگور.. كيدخلو بالكسوة البيضاء ويبئاو بيها العرس كامل كي طيرا بئر..
بيسان :ماشي غير لكور لي كيعملوها.. وزايدون خليوها على راحتها.. مهم انعملو العرس.. تلبس فيه لي بغات
رؤيا :اواعدي على اللبسة الفاسية.. بغيتيها تسخفلنا هههن
رقية :كيييتك.. مالها اللبسة الفاسيةركيف جاتك.. لئيتوها!!!! ما كاينشاااي ما حلا من ديك الهزة وديك الوئفة دالراجل ئبالتك فوق العمارية بطولو وعرضو وهو لابس الجلابة.. وديك البوسة ديال الراس..
رؤيا :ياك ما تفكرتي عمي الحاج عاود هههه
رقية :ايييييه يا ليام.. كانت اول مرة واخرة مرة يبوس فيها راسي.. فالايااااام لي كانت بوسة الراس عليها السر.. اما نتوما دابا رجالاتكم تئول كياخدو رضى الوالدي.. غاديين يبوسو جايين يبوسو.. مولاي دغيس وما داروهالوش..
بيسان :ايوا هاديك ايااااام.. وهادي اياااام.. وكل وقت وحلاوتو..
رؤيا :دابا خليونا من هاد الهضرة.. (شافت فتالا) كيفاش ما تلبسيشي اللباسي.. وعلاش!!!
تالاسين :(تنهدات) وا خالتي عافاكم.. بلا ما تبززو عليا كثر.. ما بغيتشي ديك قوة طلوع ولهبوط.. مهم ساعة ولا ساعتين دالعرس الله يخلف ويجعل البركة.. نعملو حفلة صغيرة نلبس فيها كسيوة بيضة وصافي.. عافاكم
هنية :اواعدي.. وما تعمل لا حنة لا عداية لا شدة لا أميرة!!!!!
رقية :ونسيتي الفاسية
تالاسين :ما خاصنيشي..
رؤيا :شعندك خارجة من الجنب!!!
تالاسين :(الصمت)
رؤيا :هضرنا على العرس حتا عيينا وانبداو عاود مع اللباسي..
تالاسين :غير بلا ما تعذبي راسك
رؤيا :اواعدي.. واش باغة تحمقني.. شعندك معكسة هايدا!!! واش كاينة شي بنت ما كتفرحشي بعرسها.. وتفرح براسها.. تقول مزيدينك للعافية.. كون غير كنا مبززين عليك هاد الزواج... ياك بخاطركم بغيتو بعضكم وتزوجتو.. ايوا شعندك!!!
تالاسين :ماشي قضية بزز ولا بالخاطر.. انا ما باغاشي نعمل العرس.. وغير انعملكم خاطركم.. وا عملولي حتا نتوما خاطري وخليوني نعملو كيف بغيت
رؤيا :(شافت فيها مطولا) ما عرفت شني نعمل معاك والله
تالاسين :(شدات دراعها) عملي خاطري.. عافاك
شافت فيها معبسة.. وقلبات وجهها شافت فرقية وهنية لي باعو حمارهم وسكتو.. تنهدات ودارت شافت فيها بقلة حيلة..
رؤيا :واخة.. بخاطرك.. شني انقولك
تالاسين :(ضحكات براحة) هههه
رؤيا :ولكن صبر.. ما انعملوشي اللباسي.. ولكن انعملو ليلة دالحنة
تالاسين :ولك..
رؤيا :(قاطعاتها حاطة صبعها على فمها) شششش.. حتا كلمة.. النهار دالحنة ما فيهشي نقاش.. ما بغيتيشي اللباسي ما انعملوهومشي.. ولكن لي بقى ماشي شغلك فيه
رؤيا :علاش!!! كلشي لي بغيناه يوجد فساعتو.. وسيمانة كافية.. كلشي يتقاد فيها ان شاء الله
هنية :ايوا صافي نتوما تعرفو.. ولكن خاصكم تبداو توجاد من اليوم..
كملو هضرتهم على العرس وتحضيراتو.. وهي غا جالسة وكتصنت.. ما راشقلها لا على عرس ولا على غيرو.. فاتت العصر وبداو الرجال كي تجمعو وكيدخلو واحد واحد.. حتا تجمعو كلهم.. دوزو عشية زوينة بيناتهم.. هضرو فيها على العرس وفوقاش غادي يكون.. وكلشي رحب بالفكرة.. تجمعو على العشاء تعشاو.. وناضو كملو قسارتهم.. حتا بداو كيعياو.. سبقهم فراس طلع لبيتو يرتاح.. وناض براء وقف..
براء :ايوا حنا نخليوكم.. مشى الحال
رؤيا :شكون نتوما!
براء :(طلع حاجبو) كيفاش هادي!!!
رؤيا :الا كتهضر على تالا غير ما تعولشي.. ما اتمشيشي معاك
براء :وعلاش
رؤيا :الا ما خفت نكذب عندنا عرس من دابا سيمانة.. ومحتاجين لعروسة الا جات على خاطرك
شاف فتالا.. لقاها كتشوف فيه وكترمش.. زفر ودار شاف فمو..
براء :الواليدة.. بديتي عاود
رقية :راه عندها الصح.. فايامنا العريس ما كانش كيشوف لعروسة هي لئليلة سيمانة ئبل العرس.. هادشي اذا كانو كيتعارفو ئبل.. اما اذا عمرهم تشاوفو فما كانو كيتشاوفو حتا لنهار العرس
بيسان :شعندك ايما هاد النهار مع ايامكم هههه جاك الحنين
براء :دابا دورتوني ولا كيفاش؟؟؟ (شاف فتالا) ونتي ساقرة.. عاجبك الحال
تبهضات فيه منين قصدها بالهضرة وبقات غا كتشوف فجنابها وترمش..
تالاسين :شعندي انا؟
رؤيا :خلي عليك البنت ومشي بحالك.. ما تبانش يعندي فاش نبغيك. انجي عندك ولا نعيطلك
شاف فيهم مطولا.. وهما حابسين ضحكتهم.. ودار شاف فرؤيا لي دارتلو حركة بعينيها زعما سير فحالك.. عقد عبستو وزفر..
براء :واخة.. بخاطركم.. تصبحو على خير
الجميع :تلقى الخير
دار شاف فيها هي لي متبعاه بعينيها.. تنهد وخرج بحالو.. مخليها هي ما ساخياش بيه.. غير غبر وهما يبداو يضحكو عليه ويقشبو عليها.. كملو قسارتهم عادي..وناضو تفرقو كيتسناو غذا باش يبداو الاستعدادات للعرس...
براء :(بحسرة) اخخخخ اتالاسين اخخخخ.. حبيبة ديالي نتي.. واش كتعرفي شنو هي الرومانس ولا غير كتسمعي بيها!!!
تالاسين :(قوصات حجبانها بتعجب) شني بغيتي تقول زعما؟
براء :(ضحك بسخرية كيحك عينيه بصباعو) ههه واااااالو.. ما بغيت نقول والو.. (سكت شوية عاد كمل) واش رديتي البال بلي هادي اول مكالمة لينا فالتيليفون.. يعني من بعد ما تجمعنا ههه
تالاسين :(تبسمات) وي ههه
براء :ايوا لباس.. دابا شنو.. ما انشوفكش سيمانة على قدها
تالاسين :داكشي لي بانلي
براء :ننن.. ما نقدرش.. ضروري نشوفك..
تالاسين :ما ايخليوكشي هههه
براء :وشكون قالك انتسناهم يخليوني
تالاسين :يعني؟؟؟
براء :من بعد وتفهمي..
تقلب على جنبو موكي راسو بيدو.. وعينو على بلاصتها فين كانت ناعسة البارح..
براء :بقات بلاصتك حداية خاوية
تالاسين :(تبسمات بخجل وسكتات)
براء :(تنهد) بلحق نصبرو.. دابا تجي وتعمريها
تالاسين :الصمت
براء :كيطرا بعدا قبلتي ديري العرس..
تالاسين :(تنهدات) غير بززو عليا وما بغيتشي نخسرلوم خاطروم وصافي..
براء :حبيبة ديالي!!!
تالاسين :(تبسمات) نعام!
براء :عارفاني كنبغيك ياك
تالاسين :(ضحكات)
براء :ههه جاوبي
تالاسين :امممممم
براء :وحيث كنبغيك باغي نشوفك فرحانة.. نساي لي فات.. وعيشي اليوم.. ما كنقولكش نساي واليديك.. الله يرحمهم.. ولكن ما تضيعيش شحال من فرحة فحياتك بسباب لي داز
سهاات قدامها وفلاشات كيدوزو قدامها حتا وصلات لدارهم لي كتحرق ونفضات راسها.. وتنهدات بصوت مسموووووع..
تالاسين :ان شاء الله
براء :(تقلب على ظهرو) الصراحة.. كون عرفت بلي ايديرولي هاكة بسباب العرس.. كون انا لول قلتلهم بالناقص
فتحات عينيها على صباح جديد.. ناضت من بلاصتها كتفوه.. حطات رجليها فالأرض لبسات بانطوفتها وناضت كتجمع فشعرها بالقراص.. قربات لباب البالكون.. وتحدرات حداه على مينوشة وتشيوتشيو لي مجبدين فبلايصيهم. ولي دخلاتهم من البالكون حيث برد الحال.. هزات راسها وفتحات الباب يدخل لهواء دالصباح.. هزات راسها فالسماء لي ظهرات الشمس بين غيومها من بعد ليلة ماطرة.. واستنشقات ريحة التراب لي عاطية.. تبسمات ودخلات كتكسل وتوجهات للحمام.. وهي هازة الهم للي تابعها هاد النهار..
خرجات بعد دقائق وهي كدور عينيها فالبيت لي عامر بشوانط من نفس اللون ومعقودين بسينتة باج وعامرين بدهازها.. تنهدات وقربات هزات تيلي ديالها باش تسيفطلو ميساج تصبح عليه.. ساعة لقاتو سابقها.. جلسات كتهضر معاه.. وهو يصونيلها ابيل.. ناضت كتجري لمراية شافت حالتها.. قادات شعرها.. جرات لبينوار دالبيجامة على صدرها غطاتو.. ورجعات كتجري تجاوبو..
فتحات عليه الخط.. وهو يبانلها كيدور فالكوزينة وتيلي محطوط.. لابس كيطمة بلومارين وكاسكيط.. وكيحرك فمعلقة فواحد الكاس دالقهوة.. تبسمات وعرفاتو عاد دخل من برا.. بقات ساكتة وكتشوف فيه حتا دار يشوفها ولقاها فاتحة الخط.. تبسم وهو جاي جيهة تيلي وكيشرب من كاسو ونطق..
براء :صباح الخير بالعروسة ديالي
تالاسين :(تبسمات بخجل) صباح النور.. كيصبحتي
هز تيلي كيتمشى بيه ويشوف فيها بنظرات اعجاب وابتسامة صغيرة مرسومة على شفاهو وكاس دالقهوة كيجغم منو..
براء : صافا.. ولكن صباح دبعد غذا ايصبح مضخم ونتي حدايا
تالاسين :هههه كنتي برا!
لاحظات بلي دخل لبيتو.. حط كاس دالقهوة وحط تيلي من يدو فوق لكوافوز.. وتوجه لبلاكار كيجبد حوايجو..
براء :اه.. الجو صباح زوين.. خرجت جريت شوية
تالاسين :وي بزاف..
براء :معاش ايبداو الحنة
تالاسين :على ما قالو الستة..
براء :ومعاش ايساليو!
تالاسين :ما عرفت.. مهم حتا الليل
براء :(عاطيها بالظهر وكيهضر) اممم.. اوك..
دار جاي جيهتها.. حط حوايجو وهز تيلي مبسم ابتسامة جانبية..
براء :اندخلك دوشي معايا ههه
تالاسين:(بعدات نظراتها عليه) علاش.. قطع ودخل دوش
براء :(دخل للحمام) نووووو.. اتبقاي الا قطعتي ما نتفاهمش معاك
عطاها بجنبو كيفتح السنسلة دالكيطمة ويقلع حوايجو.. بان صدرو العاري.. وحط يديه على السروال ايزولو.. خرجات عينيها وقلبات التيليفون بالزربة ما بقاتش كتشوف وما بقاتش كتبان.. حتا سمعات صوتو..
براء :فين مشيتي..
تالاسين : (نطقات بلا ما تقلب تيلي) هاني..
براء :مالك قلبتي تيليفون..
تالاسين :شوف نتينا علاش
براء :(ضحك) لا حول ههه.. صافي غا قلبي خلينا نشوفوك.. هانا انقلب لا كام من عندي
تالاسين :ما كضحكش عليا
براء :صافي قلبتها.. غير دوري تيليفون
دورات تيليفون عندها بشوية.. حتا بانلها غير الظلام وشوية دالضو حيث لا كام لاصقة مع لمراية.. وهي تسمع ضحكتو..
براء :مالك كطلي عليا بين رموشك.. اتشوفي بوعو
تالاسين :حشومة عليك والله..
سمعات الماء تطلق والصوت ديالو بعد عليها وكيتسمع مع صوت الرشاشة..
براء :حشومة عليا مالي شنو درتلك..
تالاسين :دابا شلط راسك دغيا وبركة من الهضرة
كملو حديثهم وهو مطلعها عليها.. كيدوش ومرة. مرة تجي عينو عليها فتيلي.. خلا راسو حتا سالا ولوا الفوطة على نصو.. وهز فوطة لواها على عنقو.. وقلب لا كام جيهتو.. وشاف فيها كيمسح شعرو.. وخرج من الحمام وهو كيهضر معاها.. حتا قاطعهم صوت الباب لي تحل.. كانت بيسان جات طل عليها.. وجايبالها لفطور.. واضطرات تقطع عليه..
تالاسين :فاق كلشي!!
بيسان :من بكري.. غير شي وحدين من العائلة لي جاو البارح مزالين ناعسين..
بيسان :ما عندي ما نعمل.. فطر نتينا مزيان.. (تبسمات) راه خاصك تخزني هاد اليوماين.. خلاتها سينا.. لينيغجيييييي هههه
هزات عينيها شافت فيها وهي كتجغم من كاس العصير.. وقلبات وجهها ما بغاتش تجاوبها.. حيث ما باغاش تفكر فلي تابعها.. ولي كتحاول تهرب منو وما تفكرش فيه بتاتا.. ولكن كلشي مصر يفكرها فيه.. وعارفة راسها متبوعة بيه وكتحاول تقوي راسها وبلي هي قادة عليها.. تنهدات وسكتات.. وخلات بيسان كتوجد صيكانهم لي ايمشيو بيهم للحمام وهي كملات فطورها..
🍃🍃🍃🍃
لبسات جلابتها شيبية.. ججمعات شعرها كوتشوفال.. لبسات بلغتها.. وهزات صاكها.. وخرجات هي وبيسان.. عوالين يمشيو غا بزوج للحمام.. هبطو كيتسلتو وخرجو من بابا كوزينتها وركبو فالاوطو وتوجهو للحمام.. ما كانش حمام شعبي.. وانما بحال شي سونطر بيوتي.. دخلو ليه غسلو وتحممو وسرحو عضيماتهم وخرجو دارو بيهم من الالف حتا الياء.. من لحمهم لشعرهم لضفارهم نقاوهم لوجههم.. مهم ذاتهم كلها.. عاد خرجو ورجعو بحالهم.. وكأي عروسة مغربية دخلوها بالزغارت والتمر والحليب والصلاة والسلام على رسول الله... وطلعات لبيتها ترتاح حتا لعشية..
مع السبعة دلعشية.. ومن بعد ما تجمعو العائلة المقربة والأصدقاء.. وقفات كتقاد قفطانها الغوز بيبي بثوب جوهرة مخيط بلونو مع رشيمات ذهبيين.. شعرها مسرح عادي.. خيط ريح على جبهتها.. كورميط رقيق فيديها مع خاتم زواجها.. شربيل فرجليها.. ورماو على راسها شبكة ذهيبة مغطية بيها وجهها.. هبطوها بالصلاة والسلام وماء زهر كيترش فوق راسها وفطريقها.. الهبطة دالدروج كلها مزينة بالورد الاحمر.. وشموع صغيرة فجناب الدروج.. وامرأة هي لي مكلفة بالتصوير.. حيث لعشية مخصصينها غا لعيالات.. والرجال كل واحد فين كيجري على شي شغل.. الاحان الشعبية والاندلسية مطلوقة.. فالدخلة دالدار طبلة. مخصصة بحلويات الاستقبال مزينة بالشموع والورد ولي غالب عليها اللون الأخضر.. ومجموعة من النساء بلباس موحد جالسين فقنت مخصص ليهم باش يزندو الطرح.. اي ما يسمى باللعابات..
تقدمات كتشوف فيهم من تحت الشبكة لي على راسها حشمانة وفرحانة ومتوترة حتا جلسوها فجلسة فاللون الاخضر مخصصة للحنة وسط الصالة لكبيييييرة.. وطوابر دايرين بيها.. لي فيهم الشكلاط ولي فيهم كميمسات دالحناء..مع مصحف ذهبي ومرشات ديالو.. قوالب سكر.. وشربيل جديد ذهبي.. تقادات فبلاصتها والزغارت خدامين.. كتشوف فيهم ودور عينيها.. غرغرو عينيها لوهلة وهي كتخايل قدامها مها واقفة بقفطانها لي عاد خيطاتو جديد وفرحانة بيه.. ولي غرزات عقاديه عقدة عقدة.. واقفة وكتزغرت وطبل وعينيها على بنتها وكدعي فخاطرها ربي يحفظهالها.. شوية ها هو باها جا كيوشوش فوذن مها على شي حاجة ناقصة.. لابس سروال وقميجة وعرقان بقوة ما كيمشي ويججي ويتسخر على هادي وهادي.. هز عينو وشاف جيهة بينتو وقلبها دغيا قبل ما سغلبوه دموعو ويخرج بالزربة ما باغيش يبرزط لعيالات لي جالسين.. شافت فيها مها وهزات قفطانها وخرجات تبعاتو.. "رجعو.. ما تمشيوش" كلمات تراودات فعقلها.. هبطات معاهم دمعة وزوج سرحو على خدها حتا وصلو لذقنها.. هزات عينيها فالعائلة لي دايرة. بيها.. الفرحة بااااااينة فعينيهم.. دايرينلها كيف بنتهم وكثر.. كرموها.. عزوها.. رباوها وفرحو بيها.. ولكن شي حاجة ناقصة.. بلاصة الوالدين ما كيعوضها حد واخة يجي لي جا..
تنهدات وحشات يديها تحت الشبكة مسحات خدها.. هزات راسها فالحناية لي جلسات فجنبها فكرسي مزين على حسب الجلسة.. وبدات كتنقشلها فرجليها.. حنة خفيفة.. ما عمراتلهاش لا رجليها لا يديها بزاف.. نقش هندي متقون.. خلاتلها ضفارها ما قاستهمش.. وطول ما هي كتنقش والنساء حداها ناشطين.. بالغناء والشطيح.. وكل مرة تجي بيسان او شي حد ياخد معاها صورة.. وبيسان قايمة بالواجب الاخوي ديالها.. وكتسيفطلو فالتصاور.. تبسم وهو كيدقق فصورها.. تفاصيل صغيرة فيهم يمكن حد ما كيردلهم البال وهو كيشوفهم.. واش بحكم حبو ولا بحكم مهنتو.. لي كيخليه يدقق فأصغر تفصيل..
سالاتلها النقش.. ودازت لبنات آخرين كتنقشلهم وخلاتلها هي الحنة كتنشف..رقية كانت جالسة حداها غير سالاتلها ضربات يديها على زلافة الحناء خبعاتها.. ووصات بيسان تجلس حدا ختها تجمع لفتايات دالحنة لي كيطيحو يابسين...
رؤيا لغات العداية وما دارتهاش.. ولغات شحال من حاجة غير باش ما تخليهاش تبكي.. عارفة كلام العداية شحال كيبكي وايخليها تفكر واليديها وهي اصلا ما ناقصاش.. وخصوصي من بعد ما هضر معاها براء وفهمها علاش ما كانتش باغة دير العرس وشرحلها باش تحاول ما امكن ما تخليهاش تحس بشي حاجة لي اتنغص فرحتها..
تالاسين :باش تعرفي بلي كلشي نسى.. (هزات عينيها فيها) غير نتينا لي مزالة ما بغيتي تنسى
بيسان :(بعد صمت مطول نطقات) كون كنتي نتينا فبلاصتي تنساي
تالاسين :(طلعات حجبانها باستفسار)
بيسان :نتينا دابا كتبغي براء ياك!!! يعني اتحسي بيا.. نتينا كون وقعلك بحال تنسى.. ما كنقولشي بلي لي عملتو صحيح.. ولكن حتا انا لي دزت منو قاصح.. تخايلي تعرفي براء كيبغي واحدة ياخرا.. واحدة عااادية ما كتعرفيها ما كتعرفك.. كيف اتجيك!!! وتوصل بيهم القضية حتا للزواج.. واش كنتي اتنساي!!! كان ايجي شي نهار وتلقاي راسك جالسة معاه ومعاها فنفس لبلاصة ومرتاحة... بلا ما يجيك الوسواس بلي يقدرو يحنو.. بلا ما تغيري.. بلا ما تهز فيك شعرة!!!!
تالاسين :(الصمت)
بيسان :عسى انا طحت فيك ختي.. حتا باش نكرهك ما قدرتشي.. حتا باش نقول هاديك داتلي الراجل لي بغيت وهي ما تستاهلوشي ما قدرتشي.. (تغرغرو عينيها) حتا باش نجلس نسب فيك ما جبرتشي كيفاش (نزلات دمعة زربات عليها مسحاتها).. نتينا ما حسيتيشي باش حسيتو وانا كنشوفو جاي يخطب فيك.. وانا كنشوفكم كتوجدو للعرس ديالكم.. انا عارفة راسي غلطت.. ولكن فديك الوقت الغيرة والقهرة وقلة الحيلة عماولي عينيا.. (دمعو عينيها وتسرسبو على خدها) عارفة دابا لي وقع وقع.. ونتينا دابا كتزوج بخاي.. ولكن واش ساهلة نسى بلي هو كان كيبغيك.. وبلي كان باغي يتزوجك.. نتينا كنتي تنسى!!!!
شافت فيها تالا مطولا.. تقهرات عليها.. هي لي ولات عارفة الغيرة وشنو كتدير فالوحدة.. غير شوفة امراة او ابتسامة للي كتبغي كتشعل فيك عافية صعيب طفى الا ما خرجتيش نيابك.. عسى اذا كان بحال حالة بيسان.. تنهدات والضغمة بزز باش سرطاتها.. مسحات يديها وجراتها عندها عنقاتها.. وبحال الا بيسان كانت كتسنا داك العناق.. زيرات عليها وخوات لي فقلبها بلبكى.. سكتات تالا ما لاقية ما تقول.. وخلاتها تبرد على قلبها... وماا حساتش براسها حتا لقات راسها حتا هي كتبكي.. كيشهقو بزوج بيهم.. تقصحات من جهة ختها.. وهي اصلا مقصحة النهار كامل وكتصبر راسها ما تبكيش فكل مرة كتفكرهم.. ولكن دابا ما قدااتش.. خوات قلبها حتا هي.. وحدة كتبكي على لوخرا.. حتا هزات بيسان راسها كتمسح عينيها.. وبغات تقلبها ضحك..
دازت نص ساعة تقريبا.. كانت هي غفاااات فيها بقوة لعيا.. حتا كتسمع صوت الدقان.. حلات عينيها متضايقة ومقوصة حجبانها.. وهزات راسها بزز وعينيها مغمضين ما قاداش تفتحهم.. وتمات غادة جهة الباب تفتحو.. حتا كتسمع الدقان ولكن هاد المرة جاي من موراها.. دارت باستغراب.. شافت خيال فباب البالكون.. وقفات كترمش متعجبة.. حكات عينيها.. ووهو يدق مرة ثانية.. تقدمات بشوية خيفانة كتسرط ريقها.. وهزات الريدو غير من الطرف كطل تشوف شكون.. طاحت عينيها عليه وهي تنهد براحة.. شاف فيها كطل عليه وترمش.. وعطاها اشارة تفتحلو الباب.. عاد فتحاتها ودخل كيجري وسد الباب موراه من البرد...
شافت فيه كترمش وتشوف فجنابها.. تحرك من حداها شعل ضوء الاباجور باش تبانلو مزيان.. طلعها وهبطها بابتسامة جانبية وزول القب من على راسو.. تقدم جيهتها وزربات عليه بالأسئلة وكتهضر بصوت خافت..
تالاسين :شكتعمل هنا!!! وكيفاش عملتي دخلتي من البالكون؟؟؟
براء :(هضر بصوت عادي بلا توشويش) درت السلوم..
تالاسين :(خرجات عينيها فيه وحطات يديها على فمو مسكتاه) شششش.. هضر بشتيتو ايسمعوك..
تبسمات ذايبة فيه.. وحشمانة من اطرائو.. لاحظات بلي حسن لحيتو وشعرو ونقص من لحيتو ما خلاهاش كما العادة.. جرها عندو بالزربة عنقها وزير عليها.. خشا راسو فعنقها كيشم ريحتها لي غابت عليه هاد السيمانة.. واستغلات الفرصة حتا هي وتخشات فصدرو كطفي شوقها ليه.. حتا حسات بقبلة على عنقها بورشات لحمها وخلاتها تعوج راسها مبعداه.. هز راسو شاف فيها وهي مزالة بين يديه حاطهم على جناب خصرها.. هزات عينيها فيه لقاتو كيشوف فيها مبسم ومطلع حاجبو بنظرة ما عرفاتش تفسرها.. ضحك وبعدها عليه شوية كيطلع فيها ويهبط...
براء :زيانيتي!!! واش حيث سيمانة ما شفتك ولا طاح عليك سر لعرايس ههه
تالاسين :(ضحكات) نتينا تعرف دابا ههه
براء :دوري نشوف
شد طراف صباعها كيدورها وهي كضحك ووجهها تزنك.. خلاها حتا عطاتو بالظهر ووقفها وفسخلها شعرها وهزو بين يديه..
براء :قطعتي شعرك!!!!!
تالاسين :(دارت عندو وهو مزال قابط شعرها) اه ديكرادي.. ولكن خليتو على طولتو غير نقصت منو شوية
براء :شعرك اه.. بلحق ما تقطعيهش.. انا كيعجبني كما كان..
تالاسين :وانا مالي!!!
براء :كيفاش ونتي مالك؟؟؟؟
تالاسين :اه.. نتينا كيعجبك كما كان وانا طلعلي فراسي وبغيت نبدل.. فين المشكيل؟؟؟
براء :بغيتي تقولي ماشي سوقي ياك؟؟؟
تالاسين :(سكتات كتشوف فيه عاد جوباتو) دابا واش انا قلتلك علاش حسنتي لحيتك!!!!
براء :الفرق بيناتنا.. انا كيعجبني شعرك كما كان
تالاسين :(بعفوية) وانا كتعجبني لحيتك كما كانت
طلع حاجبو فيها .. وهي دير قرب وسكتات.. وبقات كدور عينيها فبلاصتهم.. تبسم وقرب حط يدو على خصرها وجرها عندو حتا زدحها مع صدرو.. حط صباعو على خدها كيذاعبو نزولا حتا وصل لشفايفها ونطق بصوت مهموس..
براء : من دابا لفوق انبقى نخليها كما كتعجبك.. صافي!!!
تالاسين :(خدات نفس متقطع وحركات راسها باه)
براء :(مسح على شفايفها وبرك عليهم) ونتي اتخلي شعرك يرجع كما كان ياك؟؟
تالاسين :(سرطات ريقها.. زيرات على عينيها وحركات راسها.. وهي بين يديه كلها كترجف.. وقلبها كيزدح)
براء : (صغر عينيه كيدقق فشفايفها) غذا عرسنا
تالاسين :(حركات راسها)
براء :غذا انمشيو لدارنا..
تالاسين :(جمدات لثواني وحركات راسها)
براء :غذا اتعمري بلاصتك حدايا
هزات عينيها فيه.. وهي كتعرف شمن بلاصة كيقصد.. ما خلالهاش فرصة فبن عاد تستوعب مع هزات راسها.. مع جرها عندو وحط شفايفو على شفايفها فقبلة قوية.. كيقبلها بلهفة وشغف.. وشوق كيترجمو بانفاسو المتسارعة.. يد فخصرها كتجرها لعندو.. ويد على عنقها حاكماها.. وهي مكوانسية فبلاصتها.. حطات يديها على كتافو كتحاول تبعدو حيث تخنقات.. وهو غير ما كيزيد يججرها عندو.. حتا ما بقاتش قادرةة تصبر ودفعاتو بقوة.. حتا طلق منها كينهج.. ومخليها هي شهقاااتت وحطات يديها على صدرها كترد النفس لي تقطعات فيها.. رجعات لور مبعدة عليه وكتفادا تشوف فيه.. ونفسها مزالة ثقيلة.. مرر لسانو على شفايفو وحك لحيتو مبسم.. شاف فيها مطولا..وقرب ناحيتها ومد يدو هزلها راسها شافت فيه..
إرحموني الجزء 19
محتوى القصة
التنقل بين الأجزاء