حيااة بقات كتشوف فيه مدة ..مكرهاتش تقول باغا هاد الساعة غا شفايفك نتلاها فيهم ونعلات الشيطاان واختصراتها غابضحكة وداك حفيرات دزين تشكلو فحنكها اول مرة يشوفهم
حياة : ههههه
سفيان : دابا كضحكي ولا كتبكي اعمو
حياة : بجووج ههه
سفيان : ( مدة كيشوف فيها بالعاني كيضحكها مي دابا بقات فيه باينة كتبكي محروقة ونطق بجدية ) حياااة .... (شافت فيه ) تاحاجا ماتستاهل هاد الدموع .. راكي حياة وخصك تكوني عارفة شنو هي الحياة ... الحياااة كتطلب منا نوااجهووهاا نتحداوها نكونو بعد النرات انااين ونفكرو غير فراسنا .... نديرو حوايج قبااااح لاكاانووو غااايعاونونا نتغلبو عليها ... حيت تاهي قبيحة ماساهلاش خاصتك تواجههيها زتكوني تانتي قبيحة .... مول المبدأ مكيعشيش فيها .... مول ااقلب الصافي و الاخلاق راه مضلوم فيها بلا قياس ..... كووووني قبيحة وديري حوايج قباح وفاش دوز العقبة طلبي سماحة ....( مزال ميحسبها صغيرة كيهضر معاها كي شي بنيتة صغيرة ) تانا واحد نهار كون مادرت حاجة قبيحة لواحد نااااس قبااااح... كون عمرني نعيش (كيقصد السرقة دجداه ) ولا نوصل ولا نقرا ... لي قبيح كوني معاه مكتسوايش ... ولاكت ماضلميش و متعدايش .... داكوغ!!! ( كتشوف فيه وترمش بعينيها ودموع كيسيلو وتمسحهم ويرجعو تاني ) البكا ماعندو بااااش يفيييدك .. غي كاتمرضي فعينيك ... ضرني الحال ملي شفت بنت صغيرة بحالك يلاه قالت باااسم الله فدنيا ...كتبكي .... نتي خصك تكوني كلك تفاااؤل .... كلك حيااااة أ حياة
حياة : ( بعد مدة معجبة كلامو لي زااااد غرسو فقلبها كتر وكتر ونبرة صوتو خلاااص ) السن ولا العمر ... عمرو مااكان معيااارر ديال الاحاسييس ... تقدر تلقى رضيع تيبكي ويحزن ويغير ويفرح ... السن مكيحظفش لاحاسيس .. اه انا صغيرة ..بصح واقعي كبيييير ... صعيب عليااا نواجهو وصعيب كتر نتحملو .. كنحاوول مي كنبقى انسان .. فاش كايضلام الحال ويخلا المكان كنفرررد بدموعي ونحاول نخوي طاااقتي كاملة فيهم باش نفيق فصباااح وحدة اخرى تاني ... حيت لامخويتش قلبي غايطرطق.... حيااااة رااااها غي بنت ضغيرة . باغا تعيييش الحياة
سفيان تعجب من طريقة كلامها
سفيان : شحال فعمرك احياة
حياة: قريب ندير 18
سفيان: كتباني صغر فخبارك ؟ ههه والله تاكتبانيلي بحال قسم كتهضر ... ( حياة دارت عينيها فالارض كترمش البنت المراهقة جنها وجنونها لي يقوليها نت صغيرة وسفيان تنهد )
سفيان : مكنعرفش نتصرف فهاد االحظات فخبارك ؟ مكنعرفش تاشنو نقول .... كنتوتر قدام شي حد كيبكي ... بلاصة ماكنزينها كنعورها بلا منحس ... ( حياة شدات ضحكة ) انا راه العزوو مكنمشيش ليه غي حيت مكنعرفش نهضر مع واحد كييبكي ... مكنعرفش نواسي كيجيب لي الله غي كنكمل عليه ... ولا حتا نخفف ولا نسسكتو كيف قلتي ... معااق مشاااعيريا اناا .. ولاكن نهار تبغي لشي حد يسمع ليك وتكوني مستعدة تبوحي ... اكيد غانسمع ليك .... فايتك فالتجربة وعارف مزيان بلي ورا عينيك قصة .. ماباغيكش تخصري حياة بالتشاؤم ونتي باقا صغيرة .... مجاتش معاك ... ماتبكيش ازوييينة عينيك مواتيااهم الضحكة اعمووو ... .
ابتسم ليها وهي دوووبهااا كتقول وخا كيخصرها كيصلحها ماعرفات كدير تعامل .. اش تسمع لعمو ولا لزوينة ... ولا لعينيك موايتهم ضحكة ولا لنتي صغيرة خربقها .... وهضرتو خلاص تغلغلات ليها مع العضم مكرهاتش تنوض تعنقو وتزير عليه اول نرة لقات لي يفمها ....وجا ماشي تاسسمعها ...
حياة : توووووحشت ماما .... توحشتها بزااااااف ( شهقات بالبكا وخشات تاني راسها بين يديها كتبكي )
ورجع ضار عندها غي براااااسو حس بغصة فقلبووو ملي سمع كلمة ماما وهو كيحاول يبردها فقلبووو من شحال ...جاات جبدات ليه جرااحو تاهو ......
عند لامماار
مشا اسد وهي بقات واقفة بنفس وضعيتها كتشوف للباب لي زدخ ... ورجعات كتشوف لحالتها وضارت قدام واحد المرايا كاطالع فراسها ولاحت داك الفيغوغ....ورجعات كتشوف مع المكاااان ودوز يديهاااا على داكشي فللخر كلسات على سرير كتشوف فمنحى واحد وتفكر ودموع كيقطرو بلا مترمش ولا تغير شي حاجة من ملامحها ...
لامار : اش كندير يا ربي اش كندير ... شكون الغالط ؟ شكون لي خصو يتعاقب ؟ وو ..واش حنا خص يكون بيناتنا هادشي ؟ اكيد اه ... متزوجين مكيعنيش كل واحد يكون صعصع على لاخور خصنا نكونو بحال بحال ..... منرضاش يكون شي حد فوق مني منغير الله .. واخا يكون اسد ... هو ديما معاقبني وانا خصني نسامح بحجة نحافظ على علاقتنا ؟ وهو علاش مكيفكرش فحالي ...ويسامح ويحافظ على العلاقة غي انا لي خصني نتنازل ...
رجعات سكتااات مدة كتشوف مع لبيت وكيفاش مصاوب ....
لامار : اء ؟ دونك تاهو مسامحني مدام وجد هادشي ... دونك راه تاهو تنازل ..... تاهو كيحاول يحافظ على العلاقة ... اصلا هو عمرو فكر ينهيها بين ما انا ديما كنفكر فالفراق .... هووو لي عطاني الحياة لي كنستحق .. وخرجني من داك المستنقع .. وخا كنت غانسرقو سامحني وعمرو عايرني بيها ولا بماضي ديالي ... وبغاني بلا حتا مانعترف ليه .... دا ماما للحج وقرا خوتي فاحسن المدارس .... عطاني كاع اش كتمنى اي وحدة وكتر .. عمرو من عليا ولا قال شي حاجة ولا جرحني ... كيحسب كولشي ديالنا بجوج .. حنا بيناتنا كتر من هادشي ... علاش جرحتو ليوم انا هاكدا ( حاولات تبسم ) ع عوجة ..... وبغا يسرحني ... ( طلعات راسها لفوق بتجبر ) وتناااا نسرحو مالو هو ماعوجش ... عوووج وعوج بلا قيااااس بقا تايعاوج تايعاوج تايعاااوج تاولا كيبان مسرح ... معرفتش مي عوج اه عوج .... تاهو خايب ومكيعرش يتصرف واناني وعاجبو كرووووو بحالا هو ماعرفت شكون لااانازااا .... ( رجعات تاني تهدنات ) نقدر نعيش بلا بيه ؟ طبعاااا لا اش هاد سؤاااااال ... وهو ؟ لا لا اكيد لا مايقدرش بلا بيا و بلا بنتو ..... ولاكن خبااااا علياااااا ... ووو وتانا خبيت عليه صراحة .... مي ماسمحليش ... ل لا هو جااا عندي وعنقني بليل .... وانا ؟ شنو دابا ؟ نحزرو ؟ والله لاكانت ليه ... و ومنحدقش ...ففف حسن مندير والو انا كاع .... غير لاهضر معايا نبين راسي سامحتو وصافي ... اه ... و ونتفخ شوية عادي من حقي مايتفشش حد على حبيبو ..... اااح وطل عليا لالة حوبي تانكل قرصة تردني لعهد الفراعنة ..
ناضت وقفات
لامار : والله تااا صبني مخلاش ليا .. خرااااااا لسانو شحال ماضي وهضرتو شحال قاسحة وفاش كيطرطق داك العينين ويطلع داك الحاااااجب وينفخ دوك الكتاف وداك العروق كيتجبدو ايخ شحال كيخياب .. كيخلع ... تزيدي نتي معاااه شي كلمة و الله لاقديتي... وعندو الحق صرااااحة مالي عايشة فماراطون شكون غايغلب .. موهيم ماخانيش وتانا مخنتوش .. علاش كنفكرو الملضي ...شنو نتخااااصم معاااه باش تشفااا داك زركة شناكر والله لاكانت ليها .... . . عوجة وكيسرحني وعوج وكنسرحو ... ويلا صبعها شاط عليها تجي دخلو بين هاد حوج كلامونيطات وتشوف لاماطار ليها ..... ففف هاااا الحمااااق .... لا لا الحماق هدا وليت نهضر مع راسي لا وكنتناقش مع راسي ... راااااسي معندوش الححححق مكيرفش يفكر غايكخربق ... مكيسواش داك راسي خصني نبدا نوعيه مرة مرة ... وشكون انا لي غانوعيه ؟ هااااا لامار تسطات
عوجااتتت شفايفها وبدات تشوف فداك شوكولا و تعض على لسانها ريوكها سالو
حياة : ( شافت عندو ) علاش ؟ هه؟ غاتكون عشتي بحالي .... بلا مضحكني ... نتوما هنا ماشي بحالنا
سفيان : ماتخدعيش بالمضاهر .. على اي .. مزيان لي جيتي وتحديتي واقعك ومغصبتيش راسك .... ولاكن انا را ماتتفاقش معاك فهادشي لي قلتي وهاظ روينة كاملة .. مني باغا تحداي تحدااااي كولشي ... ماشي عيشة هادي لي غادي تعيشيها هربانة صافابا ! عايشة فيلم ؟ ... وااااجهي ... فرضي عليييييهم واقعك يتقبلوك ولا لهلا يقلب ..علاش غاتخافي منهم وكيف خلقك ..خلقهم راكم كلكم ولاد العباااد ؟ .. هاد باك هادا شكون يكون فملك الله ؟ ..
حياة : نتا معارف وااالو
سفيان : لا .... هذا المنطق ... ماتعيشيش بحال هاكا .. راه عصبتيني بلاصتك ماعنديش مع بحال هاكدا والحكرة دوالو .... راك باقا صغيرة ومحتااجة لماماك معاك وخواتاتك علاش غاتحرمي راسك منهم بسباب باك .. لاكن هو فارض عليك هاد الواقع فرضي عليه تانتي واقعك لي باغا .... انا مكنقولكش دي سخط باك ولاكن شي اباء هاكا كيصلاح ليهم ... ملي الاب كيلوح ولدو ولا بنتو كيف سلعة شايطة ومعمرو يسول تاشحال فعمرها ولا عمرو .. قاري ولا مقارييش ... .. واكل ولا لا .. مصلحتو فين .. لا سطوب تالهنا وحبسنا .... بناقس منو رضاااا كاع ... غاترجعي لدااااركم وغاتشوفيهم بزز عليهم وغاتعيشي واقعك كيف نتي باغاه ضساااارة هااادي .. بنت فسنك هاربة من دااارهم لا بغاو يزوجوها بزز عايشين القرن 19 حنا مريييضة ولا شنو ...وكولا ليلة نجي نبمي ونخنن الحياة ضلماااااني ضضضضلمي جد والديها تانتي ....
حياة : واش عرفتي لامششيت راه غايحبسوني والله لاخرجت مزال
سفيان : سيبا فالبلاد ؟
حياة : هوما عندهم السيبة غايقولهم انا باها وكانربيها ...
سفيان : كايريبيك ! هذا باغي يخرج عليد ....وزواج القاصرات فين هو من هادشي
حياة : راه مابقاليش ل 18
سفيان : على اساس 18 كبيييرة .. سمعني احياة ... نهار الواحد كايبغي يدير خطوة زوينة كينقي طرييقو من الشوك .. ماشي نتي كتفكري لغذا ولبارح باقي تابعك .... ماماك اش كتقول ؟
حياة : فوقتاش مانصوني عليها كتبدا تغوت عليا وتقولي رجعي حيت ماعارفاش عندمن كالسة وخالتي رقية مابغيتش ندخلها لمشاكيل
سفيان : ومالك اختي على هاد الحالة ؟ .. انا مامنحقيش ندخل فيك مي كنصحك .... ماتخافي من حد سيري شوفي داركم فوقتاش مابغيتي.. مك مكاااااينش لي غايعوضها ليك احياة .. بروووفيتي منها كلسي معاها قد مااابغيتي ششششبعي منها .... راه ماغاتحسي بقيمتها حتا تمووت هانا فين قلتها ليك ... تاحد معندو الحق يحرمك منها .... احسن حاجة غادييري هي انك غاتمشي لداركم .... وهضري مع مع ماماك وشرحي ليها بلي نتي باغا تقراي واجي برضاها ماشي هربانة بحال هاكدا ... راه لارفعو شي دعوة راه غايديوك بززز حيت هربانة ماشي جيتي بخبارهم ودرتي شهود ...( غمز ليها ) كوني دكية
حياة : ل الا منقدش نرجع مزاااال غايحبسوووني تمااا
سفيان : ااانا غاتمشي معاك غاديري اش كنقوليك وماتعكسيش ؟ ويلا راجل شي واحد وشاطو عليه عضيماتو يحبسك ... سيري عندهم وهضري معاهم انا ماغانتزوجش بغيت نقراااا بغيتو هو هءاك مابغيتو شغلكوم هداك شربو البحر بمواجو ...
حياة بدات غي كترمش
سفيان : و اشنو .. غاتبقاي كل مرة هاكا كتبكي موحشاها ؟ ماحسن تبقاي تمشي ومكاينش لي قرب ليك وتخرجي العين الحمرة وتشوفي ماماك وخواتاتك ولا هاد الحالة هربانة وكشمااانة وماعرف اش .... انا راه مكنحملش الفشوش ووهاد زيكزاك بنادم يوااجه مصيرو نيشان ياربحة يا دبحة .. علاش يعقد حياااااتو هاكدا راه حياة وحدة لي عندننا ياك مايتين ماايتين .. وااانعيشوووهااا كيف بغينااا .. حنا بوحدنا لي غانتحاسبو عليها ...
مشا وهي رجعات لشومبر ديالهم كتقول فين يكون مشا ....
فلخر ناضت كتاكل فشكلاااااط وتلذذ وتلحس فصبعانها نص عقل عنهااا واحد بنية صغيرة فلداخل ديالها كتنوض ليها مرة مرة .. ( البراءة و العفوية ) بقات تما تاسمعات الباب تحلات وهي تققز كتمسح على فمها باش متبانش كلات عزة النفس هههه .. مشات بانليها اسد داخل وفيدو قسم ...
اسد: لا حوول ولا قوة الا بالله ... مابقيت عارف واش عندي مرا وبنت ولا جوج بنات صغار
لامار مابغاتش ترد عليه ....
حيد جاكيط ديالو ومشا عنهااا كلس حداها وقلبها لعندو كتشوف فيه فللخرر جبدهااا من ودنهاااااا تازيرات عليها وغوتات
اسد : انا فيا غي جيييب هاا ؟ دوي انا كنجرجرك يااااك .... شكون لي مشحف لاخور انا لا نتي .. شكون لي كتقوليه وقف كيزيد .. زيد كيوقف ..... شكون لي عكس التيار و البشااارررر ... شكون لي غااااااااايسسطني ويهبلي ويخليني كنمشي فشوارع ونضرب ناس بالحجر ...
حبيبي الأصم الجزء 173
محتوى القصة
التنقل بين الأجزاء