يونس : واش نتي ضرووووري تفكري فكووووولشي ... وشنو ديكشي لي سيفطتي قبيلة
اريج : وراااه خويا اسد لي كلفني بالازياااء دالحفلة ..كلهم لابسين من تمصميمي ... داكشي لي سيفطت قبل غي الموظفات ديالو و عيالات الشركاء .... دار معايا نوجد لكوولشي مانسى حد ..
اسد مشا لدارو وجد راسو تااهوو ... لبس سروال كحل وشوميز كحلة وجيلي كحل و كوستيييم رااقي ....صايب شعرو لورر مع بارفان رجالي خفيف وفنفس الوقت مثير ... قاااااد لحيتوو مزياااان ... ولبس ساعة فضية وصباط كحل لامع ...كيبان خطير وبينتو الجسمية عاطيا جادبية خاااصة للبسة ... وهز تيليفونو وسوارتو وخرج لطموبيل مشا عند بنتوو هزها .. . وزاد الاوطيل كان بدا يضلام الحال .... وطلع من المصعد لي مخصص ليه .... وحل عليها لباب كانت عاطية بظهر كتصااايب فسعرها مع واحد مراية طويلة وتمص فشفايفها تقاد العكرر ...
لامار غا شافتو من المراية وهي تفيكسا فييهم منظرهوم وااعر وهو هاز بنتوووو و مححلقيين .... والاناقة و الشياكة وريحتهم كضرب منين تالين .... كيف شي سبع هاز الشبل ديال كتبان كي نملة فيديه .... وضارت عندهم وهو بداا يطلعها ويهبط ويصفررر .... وهي كتببتسم ببشاااشتها كيف دييماااا وقربات عندو شدها من يديها كيضورررهااا
اسد : لا لا مابقيناش خارجين.. من اين لك هذا عههه
لامار : منكم ههه الله يحححححفظكم لياا من العيييييين تبارك الله مشاااء الله ... ( باستو فحنطو مع طالون دغيا وصلاتو )
هز عليها قسسسم وهي جاتها لبكية خلاتو تاعطا بظهرو وهزات داك العكر فبوشيتها وتبعاتو شادة فدراعو ...دخلو فالاسانسير هبط ديريكت لباركينغ لي فلاكاف ... وحط قسم فكرسيهااا لور وركبو مشاو ... ولامار كلها فضول فين غاتكون الحفلة وشنو موجد .....
لامار : قوليا واش فداار ؟ فاليخت ؟ واااهضار عفاك
اسد : ششششششت خليني صايك ..دابا توصلي وتشوفي
وصلو قدام مدرسة الرقص كانت فشااارع رااااقي هي على شكل ميني فييلااا وتمثاال كبيييررر فالبااااب على شكل فتاة كترقص الباليه مابينش ملامحها حيت كولو غوز ومكتوبة فيه lamar dance و لداخل جرييدة مصااااوبة مزياااان .... المدرسة طلاء ديالها كولو بين الغوز والكري حيت مدرسة خاصة برقص الفتيات ... ولامار شافتها وشدات على فمهاااا وخرجات من طموووبيل بزززربة كتشوف فداك تمثال حيت هو اول ما لفت انتباهها ... وضارت عند اسد مصدومة وعينيها عامرين فرحة
اسد : نتمنى تعجبك من داخل.. مهم هذا نهار الافتتاح ومنو حتى انيف ديالك .. ومنو اشهار ... غاتلقاي كاع لي غايخدمو معاك لداخل تعرفي علييهم ... تانا عندي مؤتمر درتو معاك غي هنا باش مخليكش فهاد نهار بوحدك جبت الخدمة تالحفلتك ... وفاش نساليو لخدمة نكملو حفلتنا انا وياك وليزوطخ داكوغ حبيبة ؟
لامار : صاافي واااخا .... ففففف متحمسة والله ... كنت نسييييت هاد الفكرة
اسد : وانا مانسيتش .. مككنقدر ننسا تاحاالجة كتخصك ... منهار اقترحتي عليا وانا كنخدم ليك على الفكرة ...
ابتسمات ليه بحنان وتعلات عنقاتو وصحافة كيصورو باااش يكتبو على صورة فاولى صفحات الجرائد انها ردة فعلها حيت عارفينها مفاجأة عيد ميلادها فالتصريح لي عطاو يونس و اريج وعادل و قدات شعرها لي تعنكش بتعناق وشدات فيه يدخلو ...والاضواء دالفلاشات عليهم ..
لداخل
يونس : فين معطل هذاا
اريج : وراه قااليك عيطلو صاحبو دابا يجي
بونس : هاد صحااااب غايخرجو عليه شي نهار
كانو كالسين فواحد طبيلة يونس بكوستار بلو نوي ومقااد لحيييتووو وشعروو و اريج حداه تاهي بغوووب موف محجرة كاملة بالكحل من تصميمها طويلة وعندها فتحة فالوسط حتا لركبة و لابسة طالون كحل وجامعا شعرها كوب شوفال مع قصيصة على جبهتها وحلاقات طوال ومكياج صارخ ليلي فوق عينيها كحلااااتهم وجبدااااتهم كيبانو عينيها مثييريييين وعكررر ترابي خفيف ... وكالسة حداها شيماااء و حياة لي لابسين تقريبا نفس ليغوب دالسن ديالهم ... حياة اول مرة تلبس هاكدا كتحس براسها مامرتاحاش ... وكتقول كون طل عليها ماماها تقجها على عكس شيماء لي انسجمات معاهم ... كانت غوووب بلوسيال حد ركبة وغي سماطي .. ودايرة فوقها فيرور بيض حلفات لاحيداااتو وشعرها مشدود لور عادي بمقبط ومطلوق و صندال دومي طالون وتالمكياح مابغاتش اكتفات غي بكحل خفيف وكلوز ... وخا هاكاك جاات مسراااارة وكيوووووت ...وحنيكااات حومررر وفمها تاهو حمر بلاا عكررر .. ودتك الحشمة كتزيدها جمال ... و شيماء بحالها نفس لاغوب غي هي فغوز بيبي بصح حيدات الفيرور ... كالسة متوترة حشمانة كيجيب ليها الله كلشي كيشوف فيها اول مرة تعري هاكدا غي حشمات من اريج و زعماتها شيماء ... وطبالي لور كاااع فيهم غي ناس لكباااار ... كالسة رقية و امنة لي جات من حزيرة و خوت لامار فطبلة اخرى ... والمعازيم كاع لي غايخدمو فشركتها د الورود و لي فمدرسة الرقص و لي فمجموعة الروكان ... كولشي مأنق وكيتسمع غي تقرقيب الكيسان وهضرة قليلة مع موسيقى الجاز مطلوقة ... جاب عادل مراتو كانت كرشها كبيرة كلسها مع اريج تعرفات عليها .. اما هو واسبرو واقفين برا .... تابداو نااااس كيلتفتو وبسرعة تعالات لابواق بموسيقى الانيفيغسيغ ... وتقللووو الاضواااء وتسلطو غير للباب ... سواري دالمدرسة كاملين ضايرين بالبالونات بووويض بشكل حلزوني جمييييل ... تقلل ضو والحضور كامل هز شعلة دنار فيدو عاطية امبيونص غزاااااالة ... دخلات لامار و اسد وقسم و الانظار كلها عليهم وهي ضااااحكة فرحانة و صحافة كاتصووور .. كتلقي التحية غي بعينيها لناااس عجبها المنظررر ديااالهم بداك شعلات فيديهم بحال شميعات ... وناضت اريج و يونس قربو ليها سلمووو عليها و باركوووو ليها ... ومشاو وقفو حدا البيفيه وناس بدات كتجي بالواحد كيباركو ليها وهي كترد بابتسامة عريضة فرحانة ومشاو لطبلة ديالهم وجا عنهم يونس واريج
يونس : ببطوووول العمر انشااااااءالله ليكم بجوج
لامار : اميييين اخويا ربي اخليييك
اريج : مبروووووك عليك اصاحبتي ... شوفي انا اول وحدة غانجي نتعلم عندك هههه
لامار : عللاش فيها الشك هههه ... غانمشي نسلم على ماما ... يااااي تاخاالتي امنة كااااينة
هزات قسم ومشات عندهم سلمات عليهم ورقية شداتها عليها ... عاد رجعات لطبلتها تاااقرقبات معاهم ناب مزيااان ...
يونس حدو ضحك وناض هو واسد طلعوو لطابق لفوقاني .. وهي كل مرة يجي عندها صحافي فشكل تاجاوبات على اسئلتهم كاملة و آمرات الكارد يخرجوهم لان سطريساوها ...و ناضت هي و اريج كيضورو على الحظور كترحب بيهم وكتعرف على ناس تما وكل وحدة وواحد كايقوليها باش مكلفهم اسد .. فللخر تبعات وحدة داررها المسؤولة كتوريها المدرسة ودازت على القاعات كااملين ... عجبااتها داكشي كولشي مجججهز بديكور ولاوان هادئة كتريح العين ... وواضحة خاصة بلاطفال .. تعرفات تاعلى الاباء لي عقدو معاه باش يحطو وليداتهم عندها تقريبا غير الطبقة البورجوازية .. و تاالمعلمين دالرقص غير لي حاصلين عللى شهادات كبار ... عحبها داكشي و رقية كترضع فقسم البيبرون تنعس و مفتخرة بشي لي وصلاتو بنتها و مستقبلها لي زهر بسباب اسد ... وكترضي عليهم ودموع فعينيها ..
عند حياة
حياة : ( كتهبط داك الكسوة على رجليها ) شيمااء نااري محملتش راسي
حياة : مانجيبدليش حس الزواج الله يرحم باك لحمي كتوقف عليا وعارفاني هاربة منو باش نعيش حياتي جيت لقيتو هنا معااك ...فففففف شفت فرق كبير بين هاد ناس وناس د دوار .. كانو كيقولو لماما بنتك كبرات وغاتبقالك بايرة فالقنات .. وفاش جيت لهنا كيعيطوليا عموو( جاتها ضحكة ) عاد حسيت براسي لاباقا صغيرة ... ناس لي واااعييين ... ماشي بحال داك الجهل لي عشنا فيه .... ناس قدي هنا باقين كيبينيو مستقبلهم مكيفكرو لافمشاكيل لا فزواج ... شوفي اريج .. كبيرة ويالاه غاتزوج كون كانت عندنا فدوار كون سماو عليها البايرة وداتو شارفة ..
شيماء : كون تشوفي شحال كيحماااق عليها
حياة : اوا شتي ...وهاهي تباركالله قرااات ووصلااات ودارت مستقبلها وحققات احلامها .. ودات راااااجل شهوة منو شتي كيداير .. وهذا هو لمن كيقولو زواج... ماشي بحال خواتاتي ...
شيماء : دابا علااااش جاابدة ليا دوار بالكشايف باش كنساااه ونسا شنو كانو غايديرو فينا ... صافي بعدنا على دييكشي خلينا دابا نعيشو حياتنا .. مهم انا مقتليكش ... راه سي اسد و وفاطمزهرا غايسيفطوني انا واسبرو لامريكا نقراو
حياة : مدخلتوووش هو لي بغااا ... واصلا واعدني يدني ليوم شفتو نسا ... ي يمكن غي كييهضر ... تفووو اشيماء كيشوفو عندنا ناري معرييين بزاف
شيماء : اويلي تي سكتي حنا راه مغطييين حداهم ونتي حالسة داك ريييش طلقي ازمر راسك هادو راه هاكداا عايشيييين .. شوفي ارييج كي ضاربة دنيا بركلة .. وكون تشوفي واحد ختهاااا تاهي ... راه جراااحة كبيرة فالميريكان ... قالتلها مكتعرفي والو لزيار والعرا ...
حياة : وهوما هاكا ترباو حنا لا ... تفوووو حشمت كزن غي لبست شي كولون تحتها
شيماء : تسمعك اريج تعلقك فداك ترية لفوق ... وكلشي ازمر شكون داها فيييييك شوفي داك مولات لكحل لهيه اش لابسة صدرها قرابة تحطو فوق طبلة ... حمااقيتي
بقاو كيشربو عصييرهم وكيتفرجو تاااابان ليها لي معدبها ومخليها بلا نعااس داخل كيشوف لتييييل مامسوووقش ... كان لابس سروال كري سليييم و صبااااط شيييييك بلو .. وشووميز بلووو مزييرة عليه مطلع ليها الكمااام وفاتحها من فوق مع ساعة دجلد ..ستيلو سبور وكلاسيك ... و عينيه عاطينو وساااامة خطيرة وجادبية ... ماشي وكيبتسم للناس لي كيعرفوه و يقدم تحية غي براسو تاوصل عند لامار ....وحياة ساااااااهية فيييه حمقها القاعة كااااملة سكتات فودنيها و حبسات .. بقا غا سفيان لي كيبان ليها .... كتشوفو كيفاش كيهضر ويعبر بلملامحو وحجبانو كايتعلاو... وابتسامتو خطيييررة وضحكتو كتر وسنيناااتو بووووويض مسطرين ... كيبارك للامار ... فلخر كلع فدرووووج لفوق عنهم ...بحالا قطع عليها ضو مكرهاتش تطلع غاتبعو بعينيها ومايقطعش ليها الشوفة فيه ... تطلقات الموسيقى وناس ناضت كتتتشطح وتالامار و وااريج ناااااشطين ... والمشروبات كيضرووو على الناس .. سلاو المؤتمر لفوق ومشاو ناااس لي كانو فيه .... و البعض بقا .. عاد هبطو اسد ويونس و سفيان لتحت ...كلسو فطبلة طويلة مجموعين غي هوما العائلة ...
لامار : فين حياة وشيماء مابانوليش ؟؟؟؟
اريج : راااهم لهيه كالسين . .
لوحات لييهم بيديها يجيو ...وناضو زحياة حشماانة مقتداش توقف حداه بهاد البببس وكتهبط فالكسوة وهي رجليها عااااامرين وبوووويض ... بقات غي تغزز فشفايفها ام هو كاع مامسسوق طالق رجليه على كرسي واحد اخور كيشوف لتيل ويضحك ويتبسم ومرة يلعب بحجبانو كيقرا ... وكلسو تاهوما ... وهي كتسناه غا امتى يطلع عينيه .. سعا مارهش فداك العالم كاع ... تاحسات براسهااا كتحلم لبعيييييد وهبطات راسها كتشرب فعصيرها وتفرج فناااس ساهية فيهم و فتصرفاتهم وكيفاش مطلوقين وشي كيكمي شي كيشرب .. تعجبات فاش شافت تا عيلات كيكميوو وبقات غي كتبلق بعينيها
اسد : مزال هادشي مغايسالي!!
لامار : باااااقي الحااال ماااسخييييتش
يونس : باقي الحال اصاحبي . خلي البنت تفرح فالانيفغسيغ ديالها .. نتا اصلا جايب ليها الخدمة و المؤتمرااات تالهنا ...
سفيان : تكون طبيعية معنديش مع الفنون فالوجه .. بلغة اخرى طلعولي فراسي .... محجبة ...
يونس : الله اكبر ..
سفيان : وااااايه مححجبة ... تكون داخلة سوق راسها ... وثقيلة ورزينة ... واااااعية مكيهمنيش مستواها ولا طبقتها تكون غا بشخصيتها قوية.... وخطييني من زواااااق والتبعكيك ....
اريج : ( ضرباتو لكتفو ) ومالو زوااااق
سفيان : لا لااا انا ممكنهضررش عليك نتي ... بزواق ولا بلا زواق كطيييري الزواق ههههه .. اصلا كون مكنتي مرات خويا كنت غانتحرررش بيك ( اسد غاكيشوف على خوت عطاه الله كل واحد مكيشبه لاخور )
ناضو وسفيان عاد رد ليهم لبااااال وبقا يشوف معاهم ومشاو ... وهوما كلسوو مناكرين ... ويونس و اسد بداو يهضر على الاسسس لي تافقو عليهم فالمؤتمر وكيناقشو عليهم حيت تاهو وسفيان خداو اسهم تماا ولاو معاهم فالبورصة ... تاوقف عليهم واحد .. وطلعو فيهم عينيهم كان شريكو الجدديد شافتو اريج ووقفاااات مدات ليه يدها سلمات عليه وهو قرب بوجهو بعدات باش مااصدق فشي حاجة اخررى ويونس كالس مطلع حاجبوو....
طاريق : وااخا وتانتي متنسايناش زورينا مرة مرة ( شاف فيهم كاملين ) تشرفت بمعرفتكم
حس بالاحراج لكمية داك لبرووود حيت لا اسد لا لاماار لا يونس مامرتاااحين ليييه لامار كتر مامحلاتش داك نظرات لي دار فيها و اسد دغيااا تقققندش خسر ليه الخااطر مامرتاحش ليه وتاداك نظرات لي كيدير فلامار ماشي دبيخير ...
حبيبي الأصم الجزء 177
محتوى القصة
التنقل بين الأجزاء