حبيبي الأصم الجزء 180

من تأليف كاميليا جود
2018

محتوى القصة

رواية حبيبي الأصم الموسم الثالث

حياة غي شمات ريحة دوارهم وشافت دارهم قلبها بدا يززدح خااايفة لا تلقا شي مشكل ويرجعو يحبسوها ولا يزوجوها بزز وغي تشوف لسفيان كترجع تحس بالامان تلقائيا .. 
سفيان : يلاه نزلي سيري هضري مع ماماك وانا كنتسناك غي هنا ...لاطرا شي مشكل عيطي ليا 
حياة : لااا مجاتش نززل حتى نتا 
سفيات : نووو حشوما ... غير سيري يلاه ... بلا متخااافي انا غي هنا 
حياة بدات ترمش و ابتسمات ليه ونزلات كتفرك فيديها كتشوف فدارهم وترجع تشوف فيه هو لي مبسم ليها من طموبيل .. شافتو جبد تيل يتلها فيه ومشات ... لباااب كانت كيف ديما مفتوحة ودخلااات كانت ماماها جاية شافتها وهو يطيح ليها طبق دالخبزز 
عيشة : حياااااة
حياة : مي .... ( جاتها لبكية ومشات كتجرري عنقاتها ) توووووحشتك ااأمي 
عيشة : ( عناقتها تابردات شوقهااا دموع هبطو ليها و خبعاتهم وجبداتها لعنها) دااابااا عاد تفككككرتي مك يااك احيااااة ياااك هادو هوما فعاااايل بنات النااااس ااااابنتي 
حياة : نتي رااااكي عاارفة آمي شكاين متزيدييينيش تانتي باللعكس خصك تفرحي لي هربت من داك الزواج لي كان غايخرج على شبابي وسهل عليا الله فبلاصة ماحسن ... راه معنديش الوووقت جيت غي نشوفك لايجي بابا ولا شي حد يحبسني هنا .. فييين لبنات 
عيشة : راهم كااينشرو الحوايج .. اجججي كككلسي لهنا قولليلي فييين كنتي و فاين باغا تمشي ...
جراتها لواحد لبيت و شدات لباب ..وحياة وبدات تعاود ليها 
عيشة : اواااا انا رقية ماقاتليشاي ...عاد لبارح كنا نهضرووو فطيريفون قاتليها ماشتها ماريتها ...علش تكدب عليا وتخلي كبدتي محروقة مكنعس مكنشوفو وتاعي عارفة حر لكبدة 
حياة : خاااالتي رقية مافخبارهاش قلت لفاطمة زهرا ماتقووليليها والو بلا مضلميييها .. وهي راه مكتجيش لدااار عندها كتخاف من واحد النمر تما ... 
عيشة : هاااويلي على نمر 
حياة : هادوك امي عاييشين واحد العيييشة فشكااااااال خصك تشوفي بعينيك ... وفاطمةزهرا لهلا بخطيها بغات تقريني وتخدمني معاها وعاطياني احسن بيت عندها وكاسياني ... مسكينة 
غااانولي نقرا ونخدم .. وشيماء غايسيفطوها تكمل لقرايا فالميييريكااااان 
عيشة : قااااالتهالي ختي رقية لبارح ماعرفت نبكي ماعرفت نفرح 
حياة : اش غاتكبي امي الله يهديك .. بكي كون ضعنا فهاد الدواااررر وتزوجونا وغصبوونا فشبابنا .. دوك ناس الله يعمرها سلعة شابعين خيير و فاطمزهرا قلبها كبير ... 
حياة : اوا سير يا يينيتي يافطمةزهرااا الله يكرمك من عندو ... تاااهي الحبيبة دياااالي قااااااااست وتعدبااات وهزاااات الهم والغم و الحمل فاش مات المرحوووم وها ربي جازاها ... 
حياة : كون تشوفي الخير لي عايشة فيه تحلفي عليها بالحلوف ما للمغرب هداااك ... وواحد البينتة عندها صلاااااة عاااانبي كتحمق ... خصك تشوفي كيف كيديرو ليها عمامهاااا كي الماا قليل وكيفاش كيعاااملوووو فاطمزهرا بحال صاااحبتهم .. ماشي بحال هادو ديالنا هنا 
عيشة : اوا الله يزيدها من عندو ويجازيها بالخير 
حياة : ماما ياك مدارلك باباك والو فاش مشيت يااك
عيشة : شعندو مايديرلي الهاتر لاااخوور غاتابع داك المجرمة وحال فمووو ... جاو داارو هنااا روويينة كيقلبو ويقولو ماقلبنااا ... انا هزيت يدي فوق رااااسي وقتليهم ماشتهاشاي ... كنت غانحماق كون ماديريتيليش طيريفون وعرفتك عااا حية ... ولايني ابنتي لاشافوك هناااا اينوضو يشدوووك راك خليتي السيد عارض لناس دالدواااررر كاااااملين هاودرتي ليهم كانت هنااا 
حياة : يممممشيييي ينبك .. تاحد مايمنعني نجي نشوفك .. تيقني اماما غي نخدم وندير دااااري غاااانجيبك لعندي وبعدي من هاد الدل نقربك لخالتي رقية ... ونقري خواتاتي فاحسن المدااااارس غي صبرو عليا ... 
عيشة : ماااابغيت والو ابنتي من غيير نشوفوكم بيخييييير وعايشين مزياااان .... اشكون جابك بعدا 
حياة : ( شافت فااارض كاترمش ) خو راجل فاطمزهرا .. مسكين لقاني كنبكي قالي تاحد مايحيد ليك مك سيري شوفيها ملي قتلو خفت يحبسوني قالي نمشي معاك باش ميضربك حد 
عيشة : اوا يااالمزغوووووبة بنت المزغووبة فايناهوا خليتيه برا ؟ 
حياة : مااابغاش يدحل يمكن حححشم ... مكااين لاش راه غانرجع دابا 
عيشة : انووووضي فين غااترجعي سيري دددخلي السييييد نديرو معاه غااصوااااب ويوصل سلامنا لفاطمزهرا .. نووووضي تككعدي راحنا عاائلة ماشي ليراااني وهادو راهم نسااابنا ...على فاطمزهرا ماشي بنت خخحتي ... نوووضي دغيا دخليه انا نعيط لخوتاتك يلقموو البرااااد ديرو كاسكروووط عاد سيرو... ( العاصر كيودن ) على قولة الله اكبر .. يلاه نوضي ...

ناااضت عيشة كتجري وتخمل فصاالة دضياف ..عنهم طويييلة وفيطرينة فالراس فيها تلفازة ومويعنات دطاوس عمرهم تجبدو وثلاثة د طبااالي عليهم ميكة مزوقة معقوودة مع رجليهم وومحابق دالورد ديال بلاستيك فوقها .. وطليمطات زورق و زربية مطلوقة ... كولشي نقي ومتيول واخا بسييييط ... نفضات وقادات الوسايد .. وخرجات لبسات عليها بيجااامة اخرى طويلة نقيقية .. وعيطات على بناتها غاسمعووو غايدخل معاهم لبراني كل وحدة نقزاات على بلاكاراها تبدل.. ثلاثة د بنات صغاارر .. حورية و فايزة و خديجة .... 14 عام و 12 عام و 10 سنيين ... وكاينا شيماء و حياة اما كلثوم وصافية مزوجين ... 
وصلات حياة عندو وهو فتح لباااب تكا على طموبيل مربع يدو محيد الفيست حيت شمممش 
سفيان : اوا ؟ شفتي ماماك 
حياة : ااه شفتها .. قاتليك ضروووري دخل 
سفيان : لا لااا مكااااين لااااش غيي سيري قوليلها بسلامة باش نمشييوو ... 
واحد جوج بنات كان ماشيين يسقيو فاش شافوه فطموبيل كلسو يبرككو غاهوما شافو حياة جايا لعندو وهومااا يتصدمو 
- هاويلي تي شوفي الدرية كي كتعوووج 
- وككتهضر بالحححس .. حااايحااااي البعواااقة كتحححلون 
- شكووون هذااا ؟ يااكما لي قالوو هربات معاه الصمعة
- وباااااينا لابااااس عليه شوفي كيداااير ... 
- زيدي زيدي نقولها لخاالتي طامو( مرات باها ) ماحد تبركيكة سخونة ومااسبقنا حد 
عند سفيان 
حياة : عفااااك ديريليها خااااطررها ... عفااااك دخخخل مرحباا بيك
سفيان : مكاين لاش احياة والله.. معرفتشش حشمت ههه مكنعرفهوومش 
حياة : وغاااازيد ... حسن ماتخرج عندك هي 
سفيان : هههه صافي وااخا .. صبري نسد طموبيل 
هز الفيست ديالو و شد طموبيل وتبعها كييلبس فيهاا وهي غاااااطير بالفرررررررحة ملي جااي معاها وفنفس الوقت حشمانة من دااارهم البسييييييطة قدامو ... وجات عيشة لبااااب تستقبلو غي شافها تبسم حيت كتشبه لرقية بزااااف وجات سلمات عليه ودوك لبنات تااهوما ..ودخلوه لصااالة بترحاااااب وهو غي مبتسم .. 
عيشة : مرححباااا اوليدي ونهار كبيييييير هذااا . لاتحشمشااي حسسسبني بحال ميمتك ... الله يجازيك بالخير جبتيلي بنتي نشووووفهااا الله يكتر من مثالك... ومرررحباااا راحنا عااائلة ماشي براااني .. كيشتي اوليدي انا هي خت رقية نسيبتكم 
سفيان : ااه وي عارف شكراااا ..... دييجا الشبه بيناتكم كبييير ... 
عيشة : اوا اوليدي فين كنتي ماشي بلا ماتسلم علينا ماشي حرام علييييك .. حياااة سيير ابنتي شوفي لبراااد لايفيض 
حياة : واخا امي ... 
عيشة : عااقبل علينا اولدي راك عاف حالة العروبية 
سفيان : لاا حشوومة تقولي هاد الهضرة ... بالعكس انا هاد الجوو كيعجبني ... نتوما لي عااايشين صراحة ... كولشي طبيعي والهوا نقي 
عيشة : لا تبااااركالله ماخاص خييير .. غاهو الناس الله يهدييهم باقييين شوووية غاكيركعو وجاااهلين اوليدي 
سفيان : اوا مشاءالله ..
دخلات حياة بصينية داتاي وهي مززززنكة وكترعدد بالفرحة عمرها ظنااات غايجي لدارهم لبسيطة ويكلس معاهم واحد بحالو ... لي طير ليها قلبها فجزء من الثانية بعينيه الزجاااجين ..
جابت تا ختها بلاطو اخوررر فيه السمن البلدي وزيت ...وزيتون كحل والعسل وغريبة دالسميدة ... ضايفوه بكل معندهم فدااارررر وحياة قربات صينية لمها كتخوي اتاي وسفيان كيععيييط لختها صغييرة تجي عندو ونااضت حشمانة كلسات حداه وحياة كتشوف فيهم وهو كيحماق على دراري ضغار 
سفيان : اشنو الكتكوتة ... كتشوفي فيااا من لهيه ماتجيش هممم ؟؟؟ كااع مكنععض ههه( االبنت غي كضحك ) شنوو سمييتك 
- س سميتي خديجة 
سفان : اوو عارفة شحال سميتك زوينة ... بحاااالك .. كتقراي ؟؟؟ ( بدات كتحرك راسها بآه) هاكاك نبغيبيييك .. فاش كتقراي 
- بااقااا فالرقم جوج 
سفيان : ها ؟ يعني الثاااني ؟ قدك راهم فالجامعة الهبيلة هي نتي شي كسولة كبيرة 
- لااااا كنقرااا مزيااان غي مزال صصغيرة 
سفيان : لااااا نتي كبييرة شوفي شعرك شحال طوييييل 
- بصح ؟ ( شافت عند حياة ) واش بصح اختي خصني نكون كنقرا فالجامعة ؟ 
حياة : ههههه غي كيضحك معاااك .. غاتبكيها دابا هضر ليها فكولشي الا لقراية ههههه 
سفيان : ههه لكسووولة 
خديجة : لااااااا كنقرااا مزيان سول معلمة 
عيشة غا شادة كاسها وكتشوف فيه شحال متواضع وضحوكي وكيدخل لخاطر ....
عيشة : زيييد اوادي لطططبلة زيييد متخافش راه كولشي من يدي لا العسيلة ولا السميينة غي بصحة ... 
سفيان : اوو بصح كتصااوبو العسل هنااا ؟؟؟؟ 
عيشة : ااه اوليد عندي فراس الجججبل كاسبا النحل ...

عطاتو الخبز وبدا ياااكل عجبوووو بزاف ...شحال هادي مداق شي حاجة طبييعية بحال هاكدا حس برااسو مرتاح و أليييييز وسط هاد الجو البسيط ...وحتا لبنات انساجموو معاه حيت غي كيضحك وكيبااان ضرييييييف زعمااااا احم ... وحياة طايرة بالفرحة ... تاكيشوفوووها داخللة ... هازا جلااابتها تحت باااااطهاا ومعنكراااا حجباااانهاا 
طامو : يااوووو خرجي ليااااا اعوييييييشة خرجي امت لبناااااات 
سفيات طلع حاجبو شكون هاد الرعااد ... وعيشة تحشماات وناااضت خرجات وتا حياة تبعاتها 
عيشة : سسكتينا الله يفضحك 
حياة : ( بالغواات حايحاي تأنسطالات ) واااش معلموووكيش دقي لبااااب .. دااااك الدفة علاش دررناها الى غادخلي مدرمة بلا شوااااار بلا تقاار ؟ 
سفيان وسع عينو مستغرب هادي حيااة لي كتهضر؟ داك سكوتية ؟ 
طامو : ايهايهاي على حاييحااااي تحل ليها الفم ... وليتو دخلو علينا لبراني لقااااع دوارر ... غاختك شايما جاااات داك نهااررر بنص رويييجييييل ونتي ليوووم جايا بواحد... وجاين تبانو علينا بالقزااااادررر 
سفيااان خرج من صالة بعيون مستفسرة وحادة ...
سفيان : بحالا كدوي عليا امدام لا ؟ 
طامو : ( خبات وجهها بالفولار وتقلبات لجنب ) لاا الا لااا انا مكنننهضر مع الرجااالة .... تسنا للرجالة بحااااالك هضر معاهم .. خليني غا مع الوليااااات لامافبلادكمش الوقار .. فدوارنا تعلمو .... عييييشة الى مقديتيش تربي بناتك كاين باهم يررربيهم ... ماشي هربانة من دااارهم بلا شوااارررر ومخليا جههنا فتراااااب مع السيد ماااعرفنا مانقدمو ولا منوخرو طيحت براس باااهاااا ... الدوااااررر نقي و ديييكووووردي مااااعندا هاااد خيطي زيطي والخفة دلبنااات ... كنقولك امت لبناااات راااهم صعاااب وتحزمي معاهم سبعة دالتحزيييييييييمات 
حياة : ( نسات كاع لاواش كاين سفيان) وباااررركا من الهضرة واش مكتعياااش خرجي من داااارنا وسيري قابلي غا ولادك وربيهم قبل مانسيفطك حاااازما داك رااس نيييت وعارفاني لاطلقت حلووووقي وجمعت نااااس القبيلة وشهدتهم فشعكاكتك لي مااادوز فيها مشطة مايدوز فيها مقص ... لباااب كتعرفيه ولا نسرحووك ؟؟؟ 
طامو : اشووفي عندي نتي هاه .. خبارك داعيا فدواااار .. والمقدم غاتوصلو خبااارك جيتي ... 
حياة : واش مشالك نتي ؟ ياكما كنتي عوااالة تخدمي على ضهري شواهد ؟ وسيري راني درررررت فيكم خييييرر ومتزوجتش بيه .. كوراه داك مبااااارك لي نتي فرحانة بيه غايجيب عليكم ثاااالثة بلااا توقيع بلا بصمة .. 
طامو : قتلييييك يلاه بالخاااااطر حين ما بسييييييف ... 
عيشة : خخخخرجي اطامو من خيييييمتي مابغيتش نقلل عليك الصواااب فوجه السيد ... 
طامو : ( بدات طلعهم وتهبطهم) وهااااهي غاااادا وملي يجي مباااارك والمقدم هاويكون كلام اخوووررر .. سمعتي ابنتي احيحاااااي ... وتبقاووو على خير 
مشااات كتعنكرررر وهو كيشوف معاها ويرمش
سفيان : شهاد الماركة هادي ؟! خداما بالحجر

عيشة : ( تنهدات ) هاااانتا تشوف اولدي .. غااسمحليناااا صدعناك معانا 
سفيان : نوو ... كنت متوقع هادشي ..
حياة : صاافي يلاه نمشيو قبل مايجي بابا راه غاتمشي توصلها ليه داك شاطا ماطا ... يلاااه 
سفيان : اوا وهاهو جا ؟ بالعككس باش ديري الشهووود بلي راك ماشيا ... باش تايلا بغا يرفع دعوة بلي هريانة منو ..تككدب بلي مشيتي قداام عينو ... وكنقولك متخافي من حد ... 
عيشة : الولد عندو الحق .. راه كان باغي يمشيو لجدارمية كون ماا الجمااااعة فتاو عليه الري وداااخلو الله يجازيهم بالخير و الفقيه دجامع ردليه عقلوو مظاك ليلة كانت غاطيح شي رووح... 
حياة : غااااايحيبببسوووووني انا لي عااارفا بابا كيداير ....منقدش نكلس هناااا من بعد ماخططت لحياتي ومستقبلي
سفيان : انا علاش ضارب هاد طرييق ؟ كنتي تجي بوحدك ... صافي قلنااا ليك مغايديرو والو 
عيشة : ودووزو دووزو كملو كويسكم وحلاتو لينا الكافرة بالله 
سفيان : خلينا من اتاي دابا ... بغيت نجيب دوييرة عجبني الجو عندكم ... ممكن ؟ 
عيشة : هاااولي اوليدس على هادي فيها الشوااارررر زيييد اولدي نضووورك زيييد 
داتو وحياة كلسات تما كتغزز فضفارها فلاخر ناضت تجمع طبلة و سفيان خرج مع عيشة كتساااريه
عيشة : هانتا اوليدي هدا هو الكورري .. هاد لبكرة راه حااملة دابا 
سفيان : اووو تباارركالله 
عيشة : وهذا عجيل يلاه تزاااد ليا راااهاا مو .. راه منها داااك ااسمييينة 
سفيان : نصصور ماشي مشكل ؟ 
عيشة : وغاااصور اولدي الدار دارك ... 
بدا يصورر داااكشي عجبووو ... ومشا معاها تاني طلعاتو فين عندها فلاحتها 
سفيان : هادش كيشهي راه قتليك نتومااا لي عاايشيين بالله ... كوولشي بيو .. من تراب لعندكم ...
عيشة : لا خيييير موولانا الحمد الله ... غير هوو مكاينش ماحسن من المدينة ... ناس محضرييين وولادهم كيقراااو .. هنا ماعرفناهم كيقريوهم ماعرفناهم كييتفلاو عليهم .. بنتي خديجة وفايزة بجوج كيقراو فقيسم واحد وخا خديجة بنتي فزاوج ولوخرا فرابعة ...غاكيخلطو ويرونو مكينيش فاين يحطوهوم ...
سفيان : واش دخلتوهم معطلين ؟ حيت نورمالمون لبنت لوخرا ضنيت غاتكون فالاعدادي دابا ..
عيشة : لا اوليدي باهم مكانش باغي يقريهم راه غااا رغيب و مزواكة عاد باش دخلانهم يتفقهو شوية ماهي فاين لقراية ... كااينوضو مع الستة دالصبح فداك السم دالبرد كندير ليهم الميكة مع السبرديلة باش ماتفزكش ليهم فاش يقطعو الواااد . وكيمشيو بنيفهم حمر مساكن مكيفطروش تافخاطرهم كنعطيهم فشكارة ماياكلو فطريق .. هااو كيضربوووو شلاااا طرقاااان يلاه كيوصلو لمدرسة سخفاانين ما فاش يرجعو راني هنا ندعي ونصلي يوصلوني غا على خير ومايشدوهمش الحلالف دالعشية .. وومااا حالة اامعليميييين هنا تشفي العدو فاين هو الدماغ لي غيقري ليهم البعالك ... معلمات غاا قد حياة بنتي قليولات ويسيفطوهم لجبولا لا سكنة لا كسا ... وتايلاجاو لدوار كولشي يطمع فيهم كيباتو فداك القيسم فالخوف مساكن واش يصبحو ولالا 
سفيان : ففففففف مربيين الاجيال يا حسرة كيف كيتعاملو عنندنا فالبلاد .. يااااسلام ... 
عيشة : خليها على الله وصافي اوليدي ... لانزيدكشاي همنا ... بنتي حياة وشايما مسكينات شافو مداز على خواتتهم لي تزوجة صغااراات ... وهوما بغاو يقراااو ... اوا كان ليهم المكتاااب مع ختي رقية وبنتها ونتوما الله يجازيكم بالخير ... 
سفيان : عااادي ... ارا غير يقراااو ... 
غسلات حياة داك الكيسان كتعاود هي وخواتاتها ويجبدوها تعاودلهم على لعيشة فالمدينة .... كضحك معاهم ...تاكيجبدها شي حد ملور ولتخها مع الحيط وصررررفقها تاداخت وخواتاهها خرجو كيغوتو ... وضحات فيه الرؤيا لقاتو باباها بجلابيتو والقب راجع لقدام وطربوش دصووف ومخننزززررر كيخلع وموسطاجو كبييييررر 
مبارك : اياااااااااك ااااسسسلكووووووطة اااااعيفة لبنااااات هادي هي تررربتي اااااادوي ( كييصرفق فيها وهي كتغووووت ) هااااارباا ليااااا نهاررر عرسك وجايا ليا بالبرااااني لقاع دواااااررررر الله ينعل طواااااااسل مك اناا غانعاود لواااالديك التربية اججججيييفة 
شششدها من شعرهاا كايضرربها فالحييوووط تادم كيخرج من ودنيها وهي كتغووووت 
سفيان وعيشة كانو فالبحيرة تاشافو لبنات جاو كيغوتووو وويلهتوو
- مييي واااا مي ميي بااااا راه جاااا وراه قتل حياة بالعصااا ااااجي دغيا عفااااااااك امي غايقتل خخختي
سمعوها ومشاووو كيجييرووو وسفيااان كيدعي الله ماايكونش داها ....

غاكيقربو وصوت الغوات كيوضاااح تااادخلو عليهم لقاوها مغبية فيدووو قتلها بالعصا ووجهها كولوو دمايات بقوة ماكان كيزدخها مع الحيوووط والارض.. وجبدو سفيااان من لوووررر لقاه راجل كبيير ماعرف كيدير يتعامل معاه .. فلهر غااادفعووو وهبط عنها و مبارك واقف كيخننزززرر و سفيان كيضرب فوجهها 
سفيان : حياااة ... حياااااة كتسمعني .. حياااااة 
عيشة : الله على ببببتي الله ( كتغووووت بجهد ) والله يااااااااااخد فيك الحححححححق وبغاااا يرزيييييييني فبننننننننتي واااااااااالعاااادااااااااووووو واااابنتي 
خوتات حياة تركنو فواحد قنيييتة وكيبكيييييو وطامو داخلا معها جوج رجاااال هازين الهرااواات و المقدم معاهم معفر حالتهم حالة بالغييييس وملامحهم كيييخلعو ... 
سفيان : ( كيضرب فوجهها ) حيااااااة كااتمسعني ياك 
حياة كتفتح عينيها بششوية وترجع تشششدهم ثقييييييلة كتحاول تهضر مقاداش وكيحاول يههزها يديييها دغيا لسبيطااار وهو يحس شي يد من لور جبدااتووو وناض ساااعر لقا دوك الحتارف هازين علليه الهراااوة و بدا يغزززز فسنانو بالاعصااااااب عرووووق وجهو كيبانوو ولا زرررررق كيينهج فاش شااف دارو لبنت داك الحالة .. وواحد فيهم كيشوف فيه وكيفاش تنفخ ليه الصدرر وهو يجمع معاه ببونية لكرررشووو تازوا ليه المساااارن طاااااح معوووق وطاحت ليه داك الهراوة وبدا يعطيه بركااااااالي ... ضررربة وووحدة قنتااااااتو 
مبارك : ضرررررب ااااامحاااامد ضضضضرب 
جااا لاخووررر ضربو بواااحد العصاا وهوو يشدووو عليه عطاه لضهرووو تاقسمو عليه و جيييفووو لسقووو مع الحيط كيخرجو عينيه وعيشة كتغوووت بجهد ونااس تجمعاات وداك القدددم كيضور سوارت موطورو فيدووو ماعرف شكون هدااا ..... كلشي دخل يييفك تاناض لاخور لي كان طاح ...جبدو من لووووررر ونزل عليه بواحد الخششششبة لكتفووو تاااااتزيررر سفيااان حيت تهرسااات عليه وضار لعنهم لقاااا دخلات جوووووقة صااارو بيه كلا وشنووو هاااززز ...وهو يخشي يدووو مور تيشووورت جبد سلااااح كان عارف غايلقا هاد المشكل عليها مشا هزو من الكوفر داسد .... هوما شافو سلاح هوما يييصقلووو ورجعو لورر 
سفيان : يتتتتتتحرك شي زاااااامل فيكم نفرررررشخ لديييلمو الرااااااس 
طامو : عييييط امباااارك لجادارميااا عييييييط سيد جابد علينا لفراااااداااا ... جابد لفررردي على لمممقدم واااعيطووووو لجادارميا
سفيان : عيييط .. يلااااااه عيط ... يشوفو الحالة لي داير فالبنت وباغي تزوجها وهي قااااااصر ومانعها تقرااااا ... يلااااه عييييييط 
عيشة : (ناضت كتغوت ) وااااااااااخرجو عليا من دراااااااري مانتا باهم مانتا رااااااجلي بنااااتي قااااادة بيهم الله ياخد فيك الحق ... ونييييييت عيطو ليييهم يجمعوكم حب وتبييييين ... هدااااك معندكم ماااتصورو منو عااا داير الخير فالدرية جايبها تشووووف مهااا ...ونسييييبنا ماااااهوو برااااااني ...
داك المقدم بدا يشوف ليه لسلاح مكتوبة فيه الرووكان .. وبدا غايكرمش وطاحو ليه سوارت كيسرط فريقو ... 
مقدم : ااشكون نتاااا 
سفيان : اناااا لي غاااربي زاااامل بوك ( قرب لعندو ضربووو بضهرر دالسلاح للرااااس تاطاح الاررض وهزو عندو من الكول 
سفيان : نتا هو هاد المممقدم لي خاااالع بنت قد بننتك .. هادي هي رجججلة ( مد يدو لواحد سلة محطوطة على صور قصير فيها المخيط و المقص و هز المقص داازلو على داك الموسطاج وتاحد ماقد يدخل ملي شافو سلاح ) هاااادا معععندك ماااادير بييييه هاااز ليك غاااالميكرووووب ما الرحلة بزاااااف على والظيك .... انا لي غااانوري للللللمك مزياااااااان شنووووو هي تهههجم على عباد الله .... الى بقيتي فشي خدددددمة اناااااا منتسماااااش ولد القحطاااني ... 
لتخو وناض كييينهجج حمممرر 
سفياان : لي راااااجل فيييييكم وماشايطاااس عليه لححيتوو .... يقول شي كككككلمة قسما بالله تاااانننحرق هاد الدوار بلي فيييييييه ..... لبنت غااتجي تشوووف مها فوقتاش ماقالها ليها مخها ونتا لاسميتك راااااجل قيس منها ششعععرررة ... وداك جونداااغم لي خاااااالع بيهم الباشااار هوما لي غاااانجيب يجمعوووووك على هاد الحاالة لي داير فاابنت ....وهاد ثلاثيين شاااااهد لي واقف فلباااااب كيشوووف ... قاادر بجوج كلمااااات نمحيييييك من دنيااااا لا نتا لا هاااد شعيييبة لي جايين كتراطااااو بيييه ... وسير دابا عمر بموسطاااجووو لي دغاجي دالعررس و تفااارضو ليه فشي قطعة دالارض يعييييش منها ... رااااه برب الككككعبة لاززززطم زززززطمة فداااك الخددددمة بااااش تعلموووو تجيو هازيييييين علي يدييييييكم وتههجمو على بنت صغييييرة آ البهااااااايم حاشا واش تكونو باااشااااررر ...

المقدم ناااض شاد على راسووو داااااخ وموسطاجو نص فيه محرف ... وقرب عند مبارك لي غي كيبقل مايقدو يزيدو معاه كلمة .. وسفيااااااان لاااااسعر وجهو كويلي يخلع تريكة ابتهال ومن لا يعرفها
المقدم : ( بالحس ) راااه هدا واقلة كيعرف الروكان 
مبارك : شكون هادا ؟
المقدم : واحد سييييد وااااااصل فالمغرب .... نتا مغاتعرفوش راه يقدو يمحيوني انا ويااااك فدقيقة امبااااارك ... خلينا نهضرو معاه بالتي هي احسن سمعتي اش قال بغا يخرجني من خدمتي راه يديرها ويقد بيها هادو لبوليس شااااريييينهم عساك جادارميا ... وكيهضرو عليهم تا فتلفاااازة وجورنال .. فك الحرييرة فك دغياااا انا مساااااامحكم فهاد لبننت غاشوفو كيدييرو تفكوووهااا راه كرنة وطحنا فيها ... 
سفيان لقا عيشة كتشربها لمااااا 
عيشة : غااا دووووخهاااا الله يعطيييييه الككككررررض 
سفيان : حيااااااة ؟؟؟؟ كييييكتحسي براااااسك شووووية ها ؟؟؟؟؟
حيااة : لل لاااباااس للاااباااس ... ع ععفاااك ي يلاه نمششيو ... ددد ديييييني منهنا اسي سفياان عفااااك
سفيان : رتاااحي انا غانديييك دابا منهنا ماتخااافيش .... 
مبارك : اا اااسمع نتااا ... كيفاش غاتعلم بينا لبوليس 
ضار عندو براسو 
سفيان : كنضن نتا لي جبدتيهم ماشي انا 
المقدم : اخويا اش بينا وبينهم ... ماجبدهم حد ياااك امبارك 
سفيان خنزر فيهم وضار كوقف فحياااة 
وشاف عنهم 
سفيان : سمعوووووني مزيان .. هادي هااانا دوزتها ليكم على وجه راااك باها .... مانا كنت غانسيفطكوم فين غااااااترباااو ....لبنت هاهي مااشيااا معااايااا .. وقدااااام عينيكم وقدام دوك ناس كاملين .. ماهرباااانة مااا خيفاااانة ...ولي راجل فيكم يقول عليها هربااااانة .. نجبد لمو ضواسا كاااااملين ... وغاتجي تشوف مها وقتاش مارشقاااااات ليها دارهم مغايمنعها حد عليييييها ...ومهاااا لاسمعتها وقعات ليها شي حاجة ولا لهاد لبنات ولا رديتو عليهم حححري غاااتكون هضرة خخخرى .... هاااا ليوما جاااااكم العفووو .... 
هزززها عندو كتكيها عليه ومها تابعها كتتتتبكي تاارخررها وناس كتوولول وكلشي دا خباااارهم .. خشاها ف فطموبيل لور ... وضار عنه مها 
سفيان : كوني هانية مغايوقع ليها واااالو ... 
عيشة : هاا عااااارك اوليدي ( باستلو فكتفو ) لااااامااا رد ليهاا لباااااال راه عينيها هوما بناااااتي هااعاااااارك اولدي بنيتي امانة فععنقك نتاااا لي غاااتحميها من عينين دياااااب ... هااااعاااارك اوليدي لاماااااديرها تحت عينيك راه صغييرة ووريح لي جاي يديها وراه ماضر مااتعدااا ....
سفيان : ( بقا غير يرمش ماحملش راسو كيفاش غايوفي بالوعد وهو اصلا مغايكونش معاها غايساافر ) كوني هاااانية .. غي مسحي دموعك مايتغركش شفاية دوك ناس لي تفرجو .... مزااال غاتعلي ليكم الرااااس ... ( جبد واحد ورقة من طموبيل ) لادارو ليك شي حاجة غير عيطي ليا.. وبلا ماتخافو منهم راه محدكم كتبينو ليهم راكم خيفانين ماحدهم كيزيدو يضسرو .. تاحد معندو الحق يربط حرييتكم ...وبناتك ماشي للبيع ... 
عيشة : الله يرضي عليك اوليدي وسمممحلينااا محناااااك والله تاحشمانة منك ...
سفيان : مااشي مشكل كنت حااسب حساب هادشي ... مزيان لي طرا بحرا يوقفو عند حدهم ... يلاه بسلااامة تهلاي فلبناااات راهم هدية من الله ليك اخالتي ... ...( بابتسامة ) آمت لبنااات 
ضحك ليها وركب فطموبيل كتفو كيحرقو وصابر ليه ديمارا هي كتشوف مع بنتها لزااج لوورر لي كتببستم ليها بزز بالحريق ... وهو شااف فيها من مرايا
سفيان : حياة صافا ؟ 
حياة حدها حركات راسها بآه .. يلاه دييمارا هو يجي داك المقدم كيييعرج ههلكهم وجا عندو لسرجم ...
مقدم : اناااا مكنتش عارفك شكون .... انا مساااامح اسيدي فهاد لبنت واخا مدارت فيها مايصلح ... غير خدمتي الله يرحم ليك الواليدن مدخلش فيها راه هي باش عايش 
سفيات طلع فيها حاجبو 
سفيان : اوا لابقات لك شي خدمة غانوض لسق ليك لحيتي .... باش تعلم تضيع بنات صغار فشبابهم ونتا قد باهم ... بعد من طريق 
بدا يرجع مارشاااريارر يمشي فحالو رقية كتتتبكي وهوما مشاو فحاااالهم كيعرجووو كلا علاش شاد ... طامو جرات مبااارك ومشاوو والمقدم مشا يندب على زهرووو ...

عند اسيل 
خرجات من عند عدنان كتنفض فحوايجها وتسكدهم عنكسهم وبدات تصوني لاسد 
اسيل : اسد ..راااه قطعت مع عدنان العلاقة تيقني 
اسد : اوا مزياااان ... اجي عندي لدار ...
اسيل : اء ؟؟؟؟ دااااارك ؟؟؟؟ ومرااتك ؟
اسد : انا قتليك فاش ندير فيك ثقة غااانبينك للعالم .... ودابا كسبتي تقتي ادن اجي لدار ... 
ناض اسد هز لفيست ديالو وخرج كيلبسهاا و ديمارا لاوطيل هز لامار و قسم و عاودليها كولشي فطريييق ... 
اسيل وصللات لمنطقتو غااااطير بالفرررررحة اخيييراااا اخيييرا غادخل ليها .. وقفاتها تاكسي بعييييد حيت ممنوع تفوت داك لبلاصة وبدات متبعة غي نعععت دالكارد ديالو لي مشتتتين تما عل بعد 2كلم .. ماشيا كتتتحنقز باغا تشوف وجه لااااامااار وهي دايا ليها راجلها بين عينييهااا ... باغا دخل لداااار وتحس رااسها مدام الايسماعيلي .... احم مزيان لواحد مرة مرة يحلم ... مقالت تااوصلات لبوابة لكبيرة تافشلووو رجليها وصوت لمواج كيييتسمع ... وحلو ليها لباااب حيت موصيهم ودخلات تالقات رجاء فباب لفيلا وتبسمات ليها ودخلاتها لصالون ... واسيل كتشوف مع دار حاالة فمها من ثراء ديكورات والفراش ..
رجاء : مادموزيل تفضلي موسيو اسد ومدام لامار جاااين فريق .. تذربي شي حاجة 
اسيل : مممم ( تعفرات ) جييييبلي شوكووولاشو ... وماااتعطليييش 
رجااء بقات غي كتشوف وتستغرب من طريقة دالهضرة ديالها ومشات كتعيب فيها .... وكلسات اسيل دايرة رجل على ررجل ... حتى شااافت واحد جوج داااخلين .... سفيان وكياااة لي وجهها كولو فاصمات وتاهو ظاير بانضة فكتفو وجاااي متكييها عليه وكيشوفو معاها ...
سفيان : شكون نتي!! 
اسيل : نتتااااا لي شكووون ؟؟؟؟؟؟ 
سفيان طلعها وهبطها معندو ليها خاطر وطلع حياة لبيت وخلاها تنعس وهبط ... 
سفيان : رااااه فغي معرفتكش ا انسة ؟؟؟؟ كتعرفي اسد ولا لامار ؟؟؟؟ 
سفيان : باغا طوالي صحة ! 
اسيل : نعام ؟ 
سفيان : غي شفتك كتجبدي! لبولات عندنا خدامين ماتحتاجيش تبدليهم( مخنزر فيها محملش طريقتها فالكلسة و الهضرة واصلا معصب معندوش مع هاد الحركات)
اسيل : نتاااا شكوووون لي تهضر ظعايا بهاد الطريييييقة
بداات تعوج فمها تتبانو ليها داخلين اسد هااااز قسم ولامار كتشوووف فيها وتغززز فسنانها امتى يطلقها عليها تفترس ...وسفيان شاف لقسم بحالا شاااف الجنة هزززها عندووو 
سفيان : توووووحشت عمووووو ديااااالي 
اسيل : اا اسد ... جييييتي ... 
سفيان شاف فاسد بمعنى شكون هادي ووما ليه من بعد ....ودخل 
لامار : سفيااان زيد يلاه نمشيووو لهيه ... نخلييوو السسيدة وعشيييييقهاااا فخاااااطرهم 
سفيان : شنوووو ؟؟؟؟؟؟ 
لامار : كيييف كككتسمع بلا منديروونجيوهم كتر ( خطيرة فالتمثيل ) 
جرات سفيان ومشات لصالون لاخور وهي تفرشخ بضحك 
لامار : شوف كي حسبات فراااسها تيقاااات هههه 
سفيان : اش واااقع ؟ 
لامار : نتااا غي تففففرجج الووووسي هههههه
اسد : ككلسي 
اسيل : واااش هضرتي لمرااااتك عليا شتها بحالا بغااا تااكلني 
اسد : وعلاش بغيتي نخبيييك؟ .. قريب كوووولشي يعرفك نتي شكوووون غي تهناي ...
اسيل : واش كتتتهضررر بصح .... كنت عارفة مغانخيييييبش فيك ... مهم راه ساليت مع عدنان وتاهو اقتنع .... 
اسد : ودابا هزي داك تيليفون وعيطي لاخور قطعي معاه تاهو قدامي...
اسيل : هي لي متعاااودش .. مكانش كيحسابتي مغيار لهاد درجة 
سفيان : ( كيسمع ) اااااش كترون هادي ؟؟؟؟؟؟؟ اش واقع الامتر شنو هادشي
لامار : نتتاااا غير تفففففرج وغاتفهم ... صبر ششش هاهي غاتتعيط
هزات اسيل كتصوني عليه و بدات تهضر معاه وقاتليه بلي مغاتبقا تجيب ليه تاخباااااررر وقطعات مع عدنان تاهو.... عاايرااتو وسبااااتووو وتاهو ماخلا فيها غاااا لييينسا وقطع عليييها تيليفون واسد داير راسو غي ملهي فتيليفونو هو كيقرا اش كيقولها تاكد بلي من مور داك الهضرة والله لارجع حن فيها مزال ... وهي تننننفس 
اسيل : صاااافي كولشي تحل .. 
لامار : ياااااي .. خخلي خخخلي قسم هنا ووويلاااه ... 
حطو قسم فوق الفوتوي ... وخرجو واسيل كتشوف فلامااار لي وقفات وربعات يديها ...
اسد : ( خطف ليها تليفون من يديها حيديليه لكارته دارها فجيبو لور و ضربو مع الحيط تشخشخ ) يلاااه قوووودي دابا ......

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.