صورة مصغرة لـحبيبي الأصم الجزء 189

حبيبي الأصم الجزء 189

habibi 7abibi l2asam
رواية حبيبي الأصم الموسم الثالث

تفرتكووو وسفيان هز معاه رتاج فطموبيل ... و لامار هزاات قسم على ماماها ومشات تاهي لطموبيل .. كلهم غايباتو غي فالاوطيل حيت الدار فيها اريج و يونس .. اريج قريات تولد الولاد وهوما عاد مخلينهم بوحدهم زعمااا ههه 
مشااووو شدو طريق الاوطيل شي ناعس شي مسخسخ... كل واحد مشا لشووومبر ديالو بهيجة وورقية وحياة ورتاج شدو جناااح ... وسفيان فالشومبر ديالو 
لامارر غي وصلات حيدات حوايجها وتخشاات فمانطة كترعد بالبرد وبدا كيزيد عليها الغطا وسقيس فجبتها 
اسد : لامار نعيطلك على شي طبيبة احبيبتي ؟ 
لامار : لاا مكاين لااش دابا يفوتني الحال ( كتعطس وتخنن) 
مداهاش فيها ومشا عيط عليهم وهي تجي طبيييبة عاودليها اش كاين وجات كتفحص فلامارر ضريات ليها برا وخرجات ليها دوا وداك لبرا دغيا رخاتها نعساات... قاتليه غي نزلة برد عادية .. هو لي مكبر الموضوع ومشااات .... غطاها مزياان كان كيودن الفحرة صلاه وحيد حوايجو بقا غي بشورط ... وبقا عند راسها كااالس خاايف ينعس وتفيق قسسم مايسمعهاش وحط راس لامار على رجليه كيلعب فشعرها ...واليد الاخرى مع تيليفون .. وكيفكرر فين يلقا شريك يعوض طارق .. لان الشركة دلامار و لمدرسة دالرقص داو ميزانية كبيرة من صندوق الشركة الام وماقدو يردو الارباح الا على عاماين تلت سنين... يعني هو محتاج لطااارق واستثماراتو مايقدرش يشري عليه دوك الاسمهم كااملين .. لان الرصيد البنكي التجاري ديالو ..هو لي ممول كل الشركات لي عندو فالمغرب والجزر و الميكسيك و البرازيل و امريكا وفرنسا واسبانيا ... مايمكنش يصرف منو تا دولار حيت هداك احتيتطي لاوقع شي افلاس لاحدى الشركات... ورصيدو الخاااص مايمكنش يكون فيه كترومن 10 دلاملاير دالدرهم باش يشري الاسهم منو ...وصعيب يلقا شريك جديد تاني ... فنفس الوقت مايقدش يخلي طارق .. لان غي بمجرد كيفكر فيه كيبغي يقتلو ... 
بقااا سهران عند راسهم كل شوية يقيس فجبهة لامار بانليه غي مكتزيد تشعل فيها العافية .نااض دار منديل فازك كيديرو فوق جيتها تهبط عليها السخانة .... بقا معاها الصباح كامل تالسبعة دصبح عاد هبطات الحرارة وفاقت تاني قسم بقا كيقول حسن عوان لاماارر عاد جرب شنو هو الفياق مع البنت .. هزها عندو هو يشم لقاها وسخااات
اسد : اء ؟ كيغاندير لهادي انا دابا !! ... فففف ابنتي واش ضروري تبدلي ...ماتخليش تاتبرا ماما مم ؟؟؟؟؟ حشومة نفيقوها سكينة وهي مريضة ..( قسم بدات تهبط فشفايفها ودمع تاطلقات لبكية) صاافي صاافي هانا غانوض نبدليك.... واش دايرة بزااف ابنتي ؟؟؟

اسد : نعسي نعسي نشوفو كنديرو لهادشي ..اه شفت ماماك كدير ليك طاابي هي لولا ياااك اييه شتي باباك عاقل .. فين هي ؟.. 
بدا يقلب مع جنابو تالقاها و فرشها ونعسها عليها وهي بدات تبكي تاعطاها تيليفون تلهااا فيه تسكت نسا الى مزالا مكتشدش مزيان الحاجة .. كيحيد ليها سروال وهو يطيح على وجههاااا تيليفون وبدات تبكككي ولات حممممرة وهزها عندووو خشاها فيه 
اسد : صاافي صااافي وعلاش طللقتييييييه .. صااافي فين كتتتحرقك وريني ( جابها قدامو كيسوط ليها على جبهتها كون كانت لامار لي عطاتها تيليفون كون علقها ويشبعها معيااارر لاباس ملي جات غي فيه هو ) صااافي برداات ؟ هاد بااباااا خااايب ياااك ... صافي افنكووووشة ديالي منعاودش 
بدات كتجمع البكية ديالها وتشهق ورجع حطها هو يشوف مع راسو لقااا كاااع شورط وصدروو توووسخ ليه بيها فاش كان هااازها وهو يطرطق عينيه 
اسد : فاااااااااااك !!!!!!.... نوووو نوووو نووووو 
ناض شاد على عيييينوووو قلبو بغا يخرج ومشا كيجري لدوووش كيخوي على راسو برشاش هو يتفكر قسسسم بووحدها ولاح داك الرشاااش وخرج هاكاك كيجري عنها لقاها جبدات بيديها واحد ايزاارررر وكتمصصص فيه ومشا حيدو ليها وهو كيسوط لاعب ماراطون ... رجع عنها علا ليها رجيلاتها بيد وحدة كيطل ... الكووش عااامرر و مع الجناااب داكشي ساااايح صفرر وكمش ملامحو . ..
اسد : شييييييت ...اش هااااادشي .. شنو واكلة ابنتي التبن ؟ ياك شاربة غي الحليب اوا ديريهم بويض ماشي صوفررر ... منين جا هااادشي كاااامل شنو واكككلة .. منين كيتفتح هاد العجب ... يمكن خاصها تغسل ... اه بيان سيغ خصها تغسل ... 
لواها فبينوار دلامار باش ماتوسخوش تاني وهزها لدوش.. مع كان لابس كلاكيط كان غايطيح وكاالا بيدو شادها لقا دوش عمر بالما حيت خلا الرشااااش مطلوق ... معععرف منين نزل عليه هادشي تكرفيييصة ...ومشا شششد لمااا .... وحطها فلبينوار شادها عندو وهي عاضة فدراعو كترضع ... ماشبعاتش حيت مكيعرفش قياسها دالحليب دار ليها غير شوية ... وبدا يقلب منين يفتح لكوش لقاه غي بحال كيلوووط وحيدوو لييهاا شادها عندو وبدا يخوي برشاش لما دافي كييغسل ليهااا وشاد على نيييفووو دااااخ بريحة ... وهي غي مكتزبد تبربربر عجبها الما سخووون .. وكضحك.. 
اسد : وااايلي ... ابنتي عل هاد الحساب خصك لاشاس ماشي لي كوش ... شاربة رضاعة دالحليب ودايرة هنايا قصرية د كسكسوو طاجين دالبيصارة ابنتي ؟.... فين تكون هادشي كامل ؟ .. 
كيتفقص حيت كولشي ترون ليه وغي يشوف فيها كضحك ليه كينسى دنيا وهيط يبوس فيها ويعنق .....غسلها مزياااان بليبرودي ديالها ودار ليها فوووطة ومشا بحطها على داك طابي لقاها موسخة فاش حيدد ليها تقاست ولاحها تاهي وهز لي بانليه وكسها عليه ..
اسد : وااش ديما لامااار كتشوف هاد المنظررر ... فين هوما لي كوش ديالك ابنتي ... 
غطاها بالايزار من البرد يلاه غايمشي وهي تفركل برجليها عرااات راسها ويرجع تاني يغطيها مخنرور فيها .. وهي تفررركل تاااني كضحك عجبها الللعب . .
اسد : قسم واش باغا تشدي لفراش حدا ماماك ... ماااتحركييش ... غطي عاد رجلييين ديالك فخااد سراق زيت.. صصقري لقاك لحتي ليزار غانعلق مك ....
غطاها مزبان ولواها فيه ومشا كيقللب على لكوش ديالها لقاه .. و رحع لقاها عراااات راسها ومعلية رجليها لفوووق عنها كتتمص فيهم 
اسد : داااباااا مكتسمعييش للهضرررة طااالعة لماماك ياك ؟ لي خلاتو فيا هي تكمليه نتي ياك ابنتي ... بغيت نعرف غي كيكدير معاك .. علاش هي مكديريش ليها هاد لبسالة كاملة ...
قسم : غغغغغ ببببغعتتاغتغغغغ
اسد : نعام ؟؟؟؟ 
قسم : ىغغغغغبببببببغغغغ
اسد : بااااك ميكسمعش وزيدي كملي عليه ابنتي ...
بدا يلبس ليها داك الكيلووط لي هو كوش .. و منين مخشا ليها رجل كتبدا تفركل وتحيدها ركباااااات فيه السسعررر ساااعة دالمكانة يلاه لبس ليها سروال .. 
اسد : شششش صقرررري ...صفققري اهاااد البرهوشة حمقتيني .. كون ماجبدتك بيدي غانقول ماماك مفقصاك مع البيض د زااوج ؟ باباك ليلة كاملة مناعس راه ديخان غي مع راسي .. صقرري ماتفرررركليييييش .. 
لبس ليها سروالها وواحد اخور مططقن من فوق .. و هزها عندو ...هو يشوف سروال لبسو ليها بالمقلوب 
اسد : ففففففف ... شهاااااااد الحالة .. باباك ابنتي كان اصم .. تزاديتي نتي ولا اصم واعمى ... و فطريق الجنون .. ( تنهد رجع تاني حيد ليها داك سروال لي شحف باش لبسو ليها )

رجع عاود لبس ليها وهي كتغرغر و تببززززق 
اسد : دااابااا مزيااان الله يحححفظلي الكتكووووتة ديالي انا ( بااااسهااا ورجع ضار موراه وهو يوسع عينيه فشراوط مليوحين طاابي مليوحة ..بينوار لامار حوايجها ليكوش لي بخودوي ... ورجع شاف عند قسم ) انا غي فهمني ابنتي غا بيني و بينك ماماك كتبدل ليك ف دي مينيط ... وكلقا مولشي هو هداك وكولشي مجموع ....كيكديرو ليها ابنتي ؟؟؟؟ عندكم شي تعووويدة ...؟؟؟ راه درت الماكسيومون ديالي معاك ..هادي جوج سوايع يلاه كملنا ... ( تنهد وشاف عنها وهي مبلقة عويناتها )دابا بدلتي اذن خصك تنعسي ... جيعانة ؟ .. بااش غانعرفها انا خصك تبكي بعدا ... ففففف كيغاندير نعسها بلا بيبرون .. احم ... بنتي قسووم .. دابا نتي خصك انعسي .. نيني يعني .... غانطفي ضو ونخشيك حدا ماما ونعسي ... صافيي؟ 
قسم : غغغايغغغغغ
اسد : ابيه غاااديري خخخخخ نعااااس ... باش بابا ينعس .. 
هزها حطها حدا لامار وباسها وهي تججججبد فشعر لامااارر تاخسرات سيفتها 
اسد : ششش للااا لاا طلقي خليها تنعس ماماك مريضة 
مقال تافك ليها يديها وبعدها عليها وهي غي كتلعب وتبدا تفركل تكتخرج رجليهاا من الغطا وتعليهم فسما وضحك 
اسد : مغاااتنعسيش البااااشااار .... خلي لغطاا لبرد .... شيييييييت.... برااااي الاامااااررر دغيا رحعي لبنتك راه غاتسطيني ... 
رجع تكا حداها و هي كتشوف عندو وتمص فيديها وكيحيدهم ليها 
اسد : ططلقي طلقي .. كليتي هاد ليدين .. جيعانة نوض نصاوب لبابا حليب مم ؟ 
قسم غي كتشوف فيه وترمش بداك شفيرات وتنهد وناض على سعدو وعدو ميت بنعااس يصاوب ليها لقا لوخرا باقي فيها حليب بصح برد وجبد ةوحدة اخرى عمرها وهز قسم عندو 
اسد : هااهي دابااا ... ( بدا يرضعها وهي كتعوج فرااسها وتلواااا مابغاتش تشدها ليه كاع ) يدييييك كليتيهم و الرضااعة لااا .... شررربي ... مغااتنعسي مغاترضعي اش غاادييرييي ؟ غانوضو نشطحو احيدوس ...
قسم : ععغغغغغغيييي ( باغا تلعب ) 
اسد : ملي ماجيعاناش فاش قتليك نوجد ليك حليب لعلاش ضووورتي رااااسك بآه ... مووووصيية ... بننتي حبيييبتي غزالة دباباها رووح باباها ... والله تافيا نعاس ابنتي راه ليلة كاملة وحنا فايقين ... هانتي غاتنعسي غي شوية و فيقي لابغيتي .. صافي ؟ وعفاااك احبيبة عفاااك ( بدات تغرغر تاني جهلااتو ) وااالبرهووووشة ... ونننعسي نننعععععسي ولا راه غانسمح فيك ونعس .. لاماررر نوووضي عندك بنتك تاتكبررررر ومرضي ... اناا لي غانمرض .. دابااا .... ( تنهد ) حبيييييبة بابها وهانتي غااتعصبيني ... . ونعسي احبيبة ديالي .. غمضي على هاد العوينات الزوينين ديالك ... وديري بحال ماما ونععععسي شدي هاد للعوينات ...... ففففففف برهوووووشة ... ياك بدلناااا ليك واش غاديري تني مع نبوووووري ...نععععسي 
بدات تلعب وضرب ليه ففمو بيدوهاا وتغرغررر و تببزززق بقا في كيشوف فيها موكل امرو الله 
اسد : ملي ورثتي ورثتي على ماما البسالة و تشيطين و العكس ورثي منها تانعاس .. مابقااااش فيك باباك مسكين 
قسم : غغغغغغغيع
اسد : ( كيشوف معاها ) كو حسابتني لولاد هاكا كون جبتو فشي محبق .. 
قسم بدات تضحك وهو يجبها عندو باسها 
اسد : لعمممررر ديالي نتي ولاكن نعسي

بدات كتفيق لاماااررر كتحس براسها مسخسخة ونيفها مشدود ... كتحل عينيها بزز و كتحك فيهم وتجبد تفيق ... وشافت لحداها هو يبان ليها اسد ناعس متكي راسو على الكادر دالسرير و قسم ناعسة على صدرووو معنقها عندو بيدو ... ناااضت كتتترمش توضح ليها الروئية البيت كولو مرون ... حوايج قسم مليوحين لبيرون ديال المااا فيها الحليب و دالحليب فيها الما ... و ليكووش مبعثرين فالارض وليلانجيت مليووحين .. واسد ناعس و قسم تقشيرة فلغوز و تقشيرة فالحمر شدات على فمهااا كضحك 
لامار : ويلي على حااااااااالة ... 
لي طابل دونوي مكاين فين يتحط كااااس بروينة و الضو د الدوش مشعوول و لي طابي ملوحين ... وهوما جااااخريييين ... وناضت 
لامار : اويلي مرضت ليلة وحدة شووف على روينة .. وااش انا يصلااااااحلي شي مممرررض .. مررضت الى مرضت شحال هادي .. دابا غي نزير على راسي اويلي على حالة داير فالبنت منعسها وااقفة... ففف 
رجعات كاضحك ومشات حيداتهاليه بشوية و قسم تخطفات ورجعات نعساتها دغيا فجوج ثواني هو لي ساهر ليلة كاملة باش تنعس ههه .. و داارتها فكونة ديالها ومشات عندو كاتشوف فيه وتضحك وقربات لشفايفوو بشوووووية باااااستووو تاحححل عينيه مخطوووف 
اسد : فااااااقت 
لامار : ههههههههههه شكووووون 
اسد بقا مدة كيشوف ويسترجع الوعي ويتميزاجورا فللخر بدا يتكسل ويطرطق فعنقو عيااااااان 
اسد : خخلللعتني حساباتني فاقت تاني وناوماقلت تانعسات 
لامار : هههههه سهرتي معاها ليلة وحدة ركبات فيك الرعب عهههه ..علاش مافيقتينيش اش هاد الحالة ههههه ضرب فيكم شي قصف ؟
اسد : ( كيحك فشعرو ) ماضحكيش .. معرفتش كيفاش تجمع هادشي كامل .. انا غي بدلت ليها و غسلت ليها ورضعتها 
لامار : وعللااااش جااابد هادشي كامل .. طيليكومونضاااات تيليفوناااات كتووبااا !!!! 
اسد : مااابغاتش تسكت غي حااالة فمها وكنت كنجبد اي حاجة تقدر تلها فيها ... ماجبتيش ليها لي جو دياالها عطيتيها طيليكوند عالله غي تسكت 
لامار : عههههههه يمكن كانت جييعانة 
اسد : رااااه عطيتها الحليب مابغاتش 
لامار : حيت مكاتششربش فداك البيبروون هاديك غير ديال لماا.. دالحليب لووخراا .. راه ولفااااات مغاتكدبهاش فيهم 
اسد : هاااكداك ...
لامار : هههههه غاليمرض معاكم هههههه 
اسد : غانسمع مك كتكحبي عليا لسقك مع الحيط .. مااااتمريضش الالة تاتكبر ومرضي ... نبات انا بلا نعاس
لامار : مغاتجي تكبر تااايكون جا واحد اخور 
اسد : اعوووود بالله من الشيطان الرجيم ( رجع ينعس)
لامار : نقولو لبيبرون غلطتي فيها وداك تقاشر لي كل وحدة من جيه 
اسد : ( طل عليها ) ورااااه كان فيا الحماق دنعااااس كولشي كان كيبان ليا حمر . لي مابستش ليها تقاشري راه سووووبر 
لامار : وملبس ليها داك الحوايج ياك كاين بيجامتها دنعاس ... 
اسد : وااااا نككري نكككري .. انا لي غالط مابغيتش نفيقك جيتني مريضة و قلت ترتاااحي .... ( رجع بلاصتو ينعس وهي ضحكات ومشات تخشات فيه)
لامار : يخخخخليلي لي كتهمووو راااااحتي 
اسد : بعدي مني خلني نعس ليل كامل شاد بيرمانونص..

لامار : هههههه نعس نعس .. كنعرفك فاش كايكون خاسر فيك نعاس كتولي متصب غي مع راسك
اسد : كيف بقيتي نتي شوية ( قاس جبهتها ) هبطاات ليك سخانة خلعيتني لبااارح 
لامار : غيير رواح عادي فاتني الحال ... نعس رتاح احبيبي تكرفصات عليك قسم نوض نجمع هادشي 
اسد : ( جبدها عندو خشاها فيه ) لاااااا نعسي عندي ... تالبلاتي ويدخلو يجمعو ... خليك حداياااا 
لامار زادت تخشات فيه وهو مهبط راسو فصدرهااا كتمشط بيديها فشعروووو حتا نعس كتفرج فيه ناسمعات قسم نعسات تبدل عليها الجو ولات كل دقيقة كتفيق . تسلتات بشوية منو مقالت تاهزات دراعو عليها .. وناضت هزات قسم بدلات ليها داك الحالة لبساتها غي خفيف حيت اصلا لبيت سخون .. ودارتليها طابي ديالها فالارض كتحطها فوق مخاااد على كرشها وتخليها .. ولات كثيييرة الحررركة وكيعجبها تحاول تشد اي حاجة واخا كتفلت ليهااا و غي مطرطقة داك العوينات خصوصا فالالوان الزاهية كتبعهم بعينيها بزااااف وضرب برجليها ويديها ... دخلات لامار لدوش وهي تصدم روييييييينة كحلة ... كولشي مجبوود كولشي مرون وزعما اسد طبيعتو منظم بزاف قسم خرجاتو على طوعو ديال بصح ...و بداتو من لباب خملاتو باش مايضحكوش عليها سيرفيس روم .. ودخلات دوشات بالخف وخرجات لبسات سيرفيت كري مزييييرة قصيرة وجمعات شعرها لفوق وكلينيكس مكيفارقهاش ... وهزات قسم لي بدات تغوت عيات وهي تسمع تيليفون وكلسات كترضعها وكتهضر
لامار : رتاج صباح الخير 
رتاج : ( كتنشف شعرها وتهضر ) صباح نور .. راكي غي هنا فلوطيل 
لامار: اه غي هنا اسد بااقي ناعس ..( كتعطس )
رتاج : رحمك الله ... كيصبحتي فاتك شوية الحال 
لامار : لااا صاافااااا مزيان .. نتي باقا هنا ماما وعمتك باقين ؟
رتاج : لا نااااضو هادوك مع دجاج بايتين دودودودو عند راسي معرفتهم فوقتاش فاقو ولا فوقتاش نعسو ... يلاه عيطات ليا عمتي قالك كيوجدو لفطور لاريج .. وبغاونا نجيو ... غي بيناتنا مكاين حد .. وحياة عيطتليها لقيتها شدات طريق قالك عندها امتحان
لامار : ووي قارية ليوم هي .... ياك غاتسافرو ليوم ؟
رتاج : اه عندنا طيارة تالعشية .. نفطرو ونمشيو واخا وقيتة الغدا هادي 
لامار : فين غاتمشيو لول ؟ 
رتاج : قالك اريج لجزر الهواي ... منهار عاودتي ليها عليها وهي باغا تمشي ... 
لامار : دااكوغ ... صافي غايفيق اسد ونوصلو عليكم لدار ... مابغيتش نفيقو مانعسش مزيان هاد ليلة مع قسم 
رتاج : صافي واخا ... انا نجمع حوايجي ودابا نفيق سفيااان يوصلني الى بغا يفيق طموبيلتي داتها عمتي ... يالاه بسلامة 
قطعات عليها وطلبااات لفطوور طلعوه ليها كلسات كاتفطرر وقسم حداها كتلعب تابانليه اسد تعلا ماد يدو لتيليفونو ..السلسلة دارتليه ااضجيج ... 
اسد : ( صوت مدعدع ) وي .. واخا صافي دابا نجيو .. 
قطع عليه ورجع تخشا ففرراشو كيعيط على لامار 
لامار : هااانااااا ... 
ناضت عندو حطات بيناتهم قسسسم وهو جبد فيها عينيه 
اسد : برهووووشة جيتي عندي دابا .... لباااارح مدوزاها علياا ..( خشاها فيه كيبوس فيها كتبان كي نملة وسط صدرو مع عريااان و درعاانوووو محاوطينها كاملة ... منعس ليها راسها على دراعو طلع رراسو فلامار ) 
اسد : فيييين بوووستي نتي مم ؟؟؟؟ سمحتي فيا القردة ... شحال هادي مكاليت مك مع شي حيط .

يتبع ...

أحدث القصص
قصة الثأر العنيف من تأليف هناء المنصوري
قصة الثأر العنيف هناء المنصوري
قصة عداوتي مع ولد الحومة من تأليف كابيطوسة المغربية
قصة عداوتي مع ولد الحومة كابيطوسة المغربية