ركبات لقدام شادة كاتي وكتلعب ليها فشعرها وانصار غادي كيشوف فيها كتهضر معاها بوحدها وكيضحك ويقشب عليها . ورات ليه الطريق ووقف فمجمع السكن الاقتصادي .. الشارع كبير والعشية تعاشات كلشي خارج .. نزلات من الطموبيل دارت كاتي لور فلاكاج ونزل معاها أنصار ..شد ليها فيدها ودخلو للعمارة .. الدراري الصغار كيلعبو برا .. وشي طالع شي هابط .. .. وصلات لكولوار ديالها وهي تصادف مع مرى جارتها ساكنة مقابلة معاها .. مخرجة سطل دزبل وكتشوف فيهم بنص عين مهبطة راسها . ماعطاتهاش قدس انتباه وفتحات باب دارها ودخلات .. كانت دار متوسطة لحجم انيقة مرتبة ومفرشة فراش خفيف .. ماعندهاش صالة بلدية .. عندها صالون رومي كبير بالفوطويات وصال امونجي فالجنب ولاكوزين صغيورة محلولة عليهم سامبل .. اهم حاجة نتابه ليها انصار هوا الورد اللي مزينة بيه الدار ولكوزينة بالمحابق والشمع فوق الطبلة والتلفازة فلحيط تحت منها طاولة خشبية طويلة مزينة بديكورات .. كلشي على حقو وطريقو . ابتاسم وقال
- دارك زوينة .
التاسمات كتصرف بحرية فالدار وقالت : ههه واخا صغيرة ؟
انصار: واخا صغيرة زوينة .. مريحة .. عرفتي تلعبي عليها
قدس: ههه ميغسي
انصار: فين عندك الحمام بغيت ندخل
قدس: هاهوا .. اجي معايا
مشات ورات ليه الحمام دخل ومشات هي لبيت النعاس ديالها باغية تخرج باليزة فيها حوايجها المهمين ديال الخدمة والبيسي ديالها واغراضها المهمة والصاك ديال كاتي اللي جامعة فيه جميع الاغراض الخاصة بيها .. واحد الشوية كتسمع الدقان بالجهد فلباب ومشات بالزربة فتحات .. لقات السانديك ومعاه جوج رجال من العمارة واخا مكتعرفش سكان العمارة كونها كدخل وتخرج ما كتعرف حتى واحد . ردات موراها البال وقالت بصرامة ولباقة
- اش هاد الدقان السيدي .. واش مكاينش الاحترام
قال السانديك الراجل الكبير بو لحية ومعاه الرجال لخرين هازين خنافرهم فالسما بحال البوليس
- شافوك الناس مدخلة راجل للدار... واش كيحساب ليك ساكن بوحدك .. متحتارمي حد
خرجات الجارة اللي قدامها هازة خنافرها وقالت قبل متنطق قدس
- حنا مااابقيناش كنعرفو راسنا واش ساكنين فعمارة ولا فجوطية ... بوالدنا و رجالنا محتارمين وهاد السيدة مدخلا الراجل قدو قداش قدامنا عااين باين
هزات قدس يدها باشمأزاز منهم وقالت
- لالالا .. انا مغاديش نجاوبكم اصلا و علاش غادي نشرح ونبرر ليكم من الاساس .. داري حرة فيها ندير فيها اللي بغيت ...
تكلم راجل اخر وقال : الاللة حنا غنعيطو ليك للبوليس ... هادي عندنا عمارة .. الى بغيتي دخلي شي واحد ديه لوتيل ... حنا هنا الناس محتارمين
خرج ليها الباليزة وهي موراه .. غادي كيتعنكر وكلشي باقي مجمع فلقنات على لفضيحة .. طلع فالطموبيل وطلعات حداه
قدس طوموبيلتي تبقا هنا ؟
انصار: خليها .. حتى نرجعو من السفر دابا معاتحتاجيهاش
ديمارا الطموبيل بلا مايدورو وجهه للبركاكة و مشا بحالو شد طريق كازا كيهضر مع قدس
- انصار: الجهل كن كان بنادم ... على بشار!
قدس: راه بنادم مريض فمخو .. عمرني شفت انا بحال هاد الناس .. اصلا داري سوقي فيها .. ندير اللي بغيتي فيها .. الانسان كيشري دارو باش يرتاح ميخضع لقوانين حتى واحد
انصار: بيعيها وشري فبلاصة تخرى بعدي نتي كاع من السكن الاقتصادي فيه غير المشاكل
- قلت ماشي حتى لهاد الدرجة كاع يتطلب الامر طبيبة نفسانية ... غير شوية بشوية غادي يتحل المشكل
الاخت : راه بزااف اقدس .. الرجال راه كيفرحو من حجرهم فقط ... الى بقيتي هاكا غادي تركبي فيه الاعصاب ... والى ركبو فيه الاعصاب غيبدا يتنرفز على والو وغاتعيشي حياتك كاملة مزلزلة ... ماحد اعصابو هادية وكيتفاهم بلعقل حاولي حتا نتي بلاتي هي احسن ولا ديري شي بنج موضعي وتهناي
قدس: يمكن داكشي اللي غندير .. راه والله مساهلة ... راه ماشي كنكدب عليك ولا سي حاجة ... كيبقاو يجيوني شي افكار وشي وساويس لراسي مراض... انا عارفة راسي خاصني نولي مرا وفنفس الوقت خايفة نولي مرا وفاش كنكون معاه فلفراش كنبقا خايفة عنداك يديفيرجيني فهمتيني ... وديك البلاصة انا كنحشم حتى نطل عليها فلمراية على خاطر مرة وحدة صافي ... مكنقدرش نشوف راسي فلمراية وكنخاف نحط صبعي تما
الاخت : فهمتك ... هادشي عادي كيجي بزاف ديال البنات وهادوك غير هواجس سي تو ... دابا مكاينش اللي يحاسبك على شنو كديري غير خليه يدخل عليك ... داك الخوف اللي ركبو فينا واليدينا على ديك النقطة هوا اللي لاعب ليك على عقل ... غير حيت عشتي حياتك كاملة مخافضة عليها وخايفة عليها ومودة طويلة ونتي بنت ماعمر شي واحد قاصك هوا اللي مخليك دابا مزالة شادة فيها ومقادراش طلقي منها بهاد السهوالة راني فاهماك احبيبة ... عادي هاديك مجرد حاجز غيتحيد وصافي
قدس: وراه هاد لكلمة ديال غيتحيد اللي مرضاتني ... كنقول كيفاش الى رجعت مرا ... لا ميمكنش نرجع مرا لا هادي لا منعرف شنو ... عمرني تخيلت راسي مرا ولا طنت كنتسنا باش نولي مرا ... شي مرات كيقول ليا راسي ياكما كنحلم . . . واش بصح انا تزوجت واش بصح صافي مابقيتش سيليباطير ؟ مكنقدرش نقول بيني وبين راسي انا مزوجة .. ولا نقول على انصار راجلي لشي واحد .. كطلع ليا بزز ... مقدراش نقول انا مرا .. مرضت وأوف
الاخت : ايكوت موا ما شيغي ... ماتعصبيشي ليا راسك ورخفي عضيماتك .. هاديك احبيبة اللي عندك راه امانة ... كنتي مخبياها ومحافضا عليها على قبل هاد النهار تي فوا؟ ومولاها هوا أنصار .. راجلك .. وحبيبة ديالك و لكبيدة ديالك .. ياك كتبغيه احبيبة .. ايوا عطيه امانتو ورتاحي راه ماما وبابا راضيين عليك ومغاديش يحاسبك عليها دابا شي واحد غير هني ليا بالك احبيبة ... صافي ولفتي تسمعي مادموزيل ... وتحسي براسك نتينا عزبة وديال راسك وكتخاف علر راسك وسي سا لبخوبليم ... هوا انكي مولفة ومتقدريش تسمحي لشي واحد يسلبك منك العزوبية ديالك وترجعي كتنتامي للنساء بحالي وبحال سلوى ولبنات لخرين ... كالم طوا ماشيغي وسلم روحد .. غير سلم روحك وعطيه ماعندك مناش تخاف .. راك غترتاح حتى نتينا وتهنا مع راسك ويبدلو فيك شي حويجات غتبقا تلاحضهم فراسك وحتى النفسية ديالك غترتاح كخوا موا احبيبتي وعطيه الامانة ديالو ... راه هزيتي همها حياتك كاملة وحافضتي عليها وجا لوقت باش ترتاحي ... وغادي تحسي واحد الشعور غيعجبك ... سيري عندو للبيت وقولو انا غادي نعطيك الامانة ديالك ورتاحي من الحمل ديالها شي شوية .. غترتاااحي كخوا موا ما شيغي يالاه نوضي . نوضي وديري شي رويحة هاكا مزوينة ولبسيلي شي لبيسة وسيري عندو .. يالاه احبيبة ديالي نوضي وماتخافيش راه والو مكتحرقش بزاف وغير رخي راسك ماتبقاشي عاملة راسك معاها ومغاديش تحسي بيها . قول اعوذ بالله من الشيطان الرجيم باش يبعدو عليك الوساويس .. ولا توضاي حسن ليك وسيري عندو على وضو وربي غيسهل يالاه نوضي
وقفات مخلوعة من الوسواس اللي غرقها وغطا ليها راسها وخافت يوقع داكشي اللي كدور فراسها ويضيع منها . والى ضاع منها مشكيلة اخرى ومرض نفسي وجسدي وندم وتأنيب ضمير . وهي ماقدراش على هاد الكم الهاءل ديال التعذيب ويكفي الغيرة اللي كتجيها بدون سابق اندار لأتف الاسباب . غطات داك العشا بالزربة وهزها الوسواس حطها فلحمام كتقاد راسها بهلا يتبتو ليها . خرجات كضوي وتشعل والوايح والنقا والنعومة ودخلات للبيت بشوية لقاتو ناعس فشورط مربع يديه وعاطي وجهه للبالكون .. حلات لبلاكار بلا مادير الحس وجات دوبياس مشبكين برونز وبينوار خفيف قصير ناعم بدونتيل ديالهم لبساتهم بالزربة خايفة يدور يحصلها .. هزات واحد الكريم دهنات بيه يديها ورجلييها وتخشات فلفراش بشوية حداه ونعسات على ضهرها كتشوف فالسقف .. تحت ضوء الفايوز الخافت .. شنو تقول ليه ؟ باشمن وجه تحزرو ؟ ويلي على تحزرو ! نفسها ماتسمحش ليها .. ايوا وهوا نفسو تسمح ليه يعاود يدور بيها من بعد ما عيا يرغب . مشكيلة هادي؟ ... هي ماتقدرش وهوا ماعارفاش واش يقدر يرجع بلا حزارة ... شنو لمعمول ؟
تنهدا كتخمم نص ساعة بلا متحرك .. شوية قالت مع راسها اجي نزيد واحد نص ساعة اخرى بلا منتحرك .. يدقر حس بيا فاش دخلت فلفراش .. و ساعة كافية باش يديني النعاس ونقلب لوضعية . داكشي اللي دارت بقات هاكاك حتى تقلب هوا ضهرو ووجهه للجهة
وهز يدو تحت راسو . بقات فبلاصتها ماتحركاش كتعطل الوقت شوية .. شافت انه الوقت المناسب وهي دور عندو بتتاقل دايرة راسها ناعسة وحطات راسها على يدو ويدها على صدرو وتبتات ماتحركاتش .. دور وجهه جيهتها وتقاد فالنعسة وعنقها وخما حسات بيه فايق مزال مانعس وماشي بعيد يكون عاق بيها كديرها بلعاني.. ومن بعد المهم هي ناعسة ماشي دارت عندو فايقة يعيق ولا يجلس ، بدات شوية بشوية تهز راسها جيهت وجهو كانها كتحرك راسها فالنعاس كتقلب على شي بوسة فالفم صدفة حتى جات فيها نيشان وبدات نفسو كضرب فوجهها وهوا يبوسها فشفايفها ورجع بعد شفاهو . . حركات راسها وبدات تخشا بشوية فعنقو كانها كتشعل فيه الغريزة حتى بدا كيدوز يدو اللي معنقها على جنبها وضهرها وكيهبط راسو كيقلب على فمها
بدا فلبوسات خفاف شوية بدا يعنق وحلات عينيها دارت راسها يالاه فاقت وكشات معاه بلا ماتسول اش واقع . منين كنك حتى ناض ليها يبدا فالمعقول وهي تبدا ترعد بوحدها ورجليها كيشطحو وسنانها كيتقرقبو وساكتة ماقدراتش تقول لثه حتى حاجة وخايفة يغوت ولا يطلع ليه الدم . بدات كتعرق وتحمار وتصفار جامعة ركابيها وهوا كيشوف فيها . تنهد وبقا كيشوف جيهت كتفو وتلفت عندها قال
عضات فيدو وهوا شاد ليها جنبها كيهبطها بشوية وهي معصرة كتنزل معاه حتى جلسات عليه وهي تهز راسها كترجف ورجليها كيشطحو النفس كطلع وتهبط بالزربة .. كاملة كترعد بحال الى داخلاها الموت
قدس: صافي؟ واش صافي صافي .. صافي ياك
ضحك وقال : صااافي .. هه
قدس: ماضحكش لا مضحكش .. لا متحركش متحركش ... ماقدراش نوض ماقدراش
جرها بشوية عليها نعسها على صدرو وهي جالسة عليه طاوية رجليها للور مكتحركش وقال كيبوسها
- صافي احبيبة .. ماوقع والو وخايفة من واااالو
قدس: مقادراش نتحرك .. بغيت نضو
انصار: يالاه نوضي .. يالاه بشوية عليك
شد ليها فيديها وهي نايضة حالة فمها كترجف توقف شوية وتكمل النوضة حتى تهزات على ركابيها اللي خواو بيها وطاحت على جنبها كالاها هوا بيدو وبدات تبكي وتشهق .. هبطات يدها لتحت تشوف شنو وقع حسات بداكشي سخون وفازك تخلعات وخرجات يدها بالزربة .. يالاه طلعاتها لقات فيها الدم وهي تخلع جاتها الجلطة
قدس : الدم .!!!!!! ناااااري الدمالدم الدم الدم
تخلعات قدس وصفار وجهها مللي شافت الدم وبالاخص خارج منها .. شد انصار فوطو كيمسح ليها يديها وكيهدىء من روعها وهي كترجف جالسة .. ترونات الناموسية ونوضها وقفها وهي شادة ليزار مابغاتش طلق منو .. تطبع ليزار وتطبعات المخدة حتى هيا ووصل الدم حتى لودن انصار.. حيت يدها اللي مطلية شدات فيه بيها باش تقاد لجلسة ومسحات فيه بالتوثر بلا
متحس.. مشات للطواليط كتجري جارا ليزار يالاه بغات تسد عليها وهوا يتبعها كيولي لفوطة .. حس بحال عندها فوبية من الدم ووقف حداها شاد ليزار .. هوا كيجر وهي كتجر
قدس: وي سي فغي ... هي صعيبة مي ماشي كما كنت انا كنتصور تي فوا ... كان كيحساب ليا غادي طرطق ليا شي حاجة فكرشي.. حيت كنت كنسمع البنات كيقول سمعوها طرطقات !
حسنا: نووو مكايناااش هاد القضية وغير لكدوب .. واش هي ميكة طرطق !!! راه لحم وكيجرح وكيتفتح بلا حس اشمن طرطق ! ودابا الييز مكيضرك والو كولشي بيخير ؟
قطعات ومشات بدلات حوايجها ودازت شمرات للكوزينة .. لبسات الليكات وقالت بسم الله .. اول حاجة حطات قدام عينيها الطبلة كفاش خصها تكون وشنو خاص يكون فلعراضة وبدات من المبردات باش يوجدو فالوقت ودازت للوجبات الرءيسية وديسير كتبدع وتخط وتجلط بوحدها بلا ميصدعها شي واحد ... انصار مارجعش للغدا لانه مشا معطل وعارفها غاتكون مرونة مابغاش يكمل عليها بلغدا حتى هوا وبقا جالس فلبيرو ديالو الفاصل بينو وبين الموضفين غير الزاج والريدو المخطط كيتخل ويتسد ... لابس قميجة بيضاء ولافيست فوق لكرسي و حادر راسو على الوراق اللي قدامو بجيدة ... هز الهاتف عيط فيه لاحد الموضفين دخل عندو بعد استأذان وجلس قدامو .
انصار: بصرامة ) هاك .. شوف هاد الملف واش ناقصو شي حاجة ... نرجع من لا غينييو نلقاه واجد
شدو الموضف وناض استأذن .. تمت أنصار يعاملو بديك الطريقة لانه فعلا تمادا وماشي المرة الاولى اللي يدير خدمة ناقصة وكيرجع ليه انصار الملف مع السكريتيرة .. لاكن هاد المرة قرر يجيبو عندو البيرو ويحمر فيه شوية ..من بعد ناض هز لافيست ديالو ومشا نيشان لقاعة مجموعين فيها جميع المديرين وعلى راسهم المدير الكبير .. الكل جالس كيسمع للمدير الكبير فالسن كيهضر معاهم ومنهم انصار اللي متكي على لكرسي ويدو على خدو كيسمع .. بدا تيلي كيزنزن ليه فالجيب وجبدو طل عليه لقا لاللة عيشة كتعيط .. قطع المرة الاولى والتانية والتالتة من بعد خلاها حتى سالا الاجتماع وخرج من القاعة كيعيط ليها وسط ضجيج التيليفونات اللي كتصوني هنا ولهيه وتقرقيب لكلافيي ديال الحواسب .
لاللة عيشة: الله يرضي عليك اولدي ... انا راضية عليك دنيا وآخرة .. الله يبعد عليك ولاد لحرام وبنات الحرام
قطع معاها ورجع لشغلو ، وصل وقت الخروج وخرج قبل من كلشي خرج هوا الاول طلع فسيارة رانج روفر فيلار سوداء لامعة سبور باقا دوبلفي وشد الطريق للدار نيشان باش يستقبل الاتات اللي جاي .
دخل على قدس لقاها لداخل فلكوزينة وريحة الطياب كتعطعط وكاتي جالسة ليها فوق الطبلة مربعة يديها بحال ال كتعلم وكتسنا غير فوقاش دوقها من شي حاجة . سلم عليها وابتاسم ومشا لبيت النعاس بدل حواجو وكيشوف كفاش يقول ليها على لاللة عيشة اللي راها كطوي حوايجها وجايا غدا .. سكت مقال والو واستقبل الطبلة اللي جات بكراساها وحطا فبلاصتها .. خرجو الرجال اللي جابوها عاد خرجات قدس فرحانة عندها كتشوف كيف جات وحطات عليها الديكورات اللي خدات ورجعات للكوزينة تكمل شغلها هي وأنصار اللي اللي وقف معاها كيعاونها حتى سالات كلشي وحطات كلشي مصايب ومقاد وبقاو ليها المقبلات والحلوى قررات تشريهم حست عيات وماقبقاش ليها الوقت ومزال تابعها تشوف راسها حتى هي ، مشات دوشات وخرجات لبسات سورفيت خفيفة نص كم وسروال وكلاكيطة تعمدات تلبسها على حسب صباغة درجليها وخرجات هي وانصار شادين ليدين يديها تقضي غراضها . شافت الرانج الكحلة كتبري وقالت
- ديالمن هادي؟
انصار: ديالي هه
قدس : باستغراب ) بصح ! وفين هيونداي ؟
انصار: خليتها فلخدمة اصلا هاديك ديال الخدمة ماشي ديالي .. الصباح مشيت جبت هادي
بقات ساكتة مقالت والو وفنفس الوقت ماعجبهاش الحال علاش يسكت ومايقولش راه فيخرج طوموبيل جديدة .. وعلاش مدخلهاش فالموضوع وحسبها برانية .. لاكن سرعان ما هدات مللي بدا يهضر معاها وهي جالسة حداه
انصار: ههه ... واعيطي لختك قولي ليها راه كاينة برومو واااعرة ماطيحش ليها على بالها وما دايرينش ليها الاشهار ... راه 46 باش خرجتها غير اليوم .. من مور ما رجعت للخدمة عيط ليا واحد الدري صاحبي خدام معاهم قالي راه كاينين 3 ديال الطموبيلا بلحساب .. كري بلو .و الابيض وهادي .. نضت ديك الساعة مشيت على قبل لو نوار حيت عرفتها غادي طير .. حتى دفعت الضوسي لابونك وقبلات تعطيني ديك 63 فالاخير قالي الدري صاحبي صبر تقدر تكون واحد لوفر .. وخليت الدوسي اون اتوندون حتى نشوف المساءل
سمعات قدس كلامو عاد تلفتات بابتسامة وطلقات البشرة وبدات دور لاور تشوف وتلفت فجنابها عجباتها الطموبيل
قدس: دوماج حسنا زربات وخدات ميرسيدس .. كانت باغية رانج مي حتى هي جاتها 63 بزاف
انصار: انا براسي جاتني بزااف مي النفس واش بغات ... ساعا الحمد لله ربي مابغاش ليا كاع داك الكريدي .. رضات الواليدين وقفات وكتاب تخرج بلا كريدي من لابونك وفوق هادشي دايرين كريدي صون انتيغي .. باش شريتي باش تخلص مغاديش يزيدو عليك مكاين لا ريبا لا زيادة .. ولاجونص اللي غتقطع فلوسها ماشي البنكة اللي غتقطع ليا .
عاقت بيها قدس وقراتها فالسما بأنها بغات تعرف واش شراتو طالع ولا صايباتو هي من الصعب تصايب ديك الاكل كامل بدسك الطريقة وديك اللذة من غير الى كانت شاف كويزين .. وحتى من الكلمة اللي قال عليها انصار مافهماتهاش الضيفة واش كتعني تزيين الطاولة ولا شي حاجة اخرى ... بحال هاد الزلقات السفيلة ماكتخفاش على قدس وفهامت النساء فهامة وحدة واللي فراس الجمل فراس الجمالة ابتاسم انصار وقال على نيتو معارفش ضلام العيالات اش كيوقع وبحالو بحال أي راجل بعقلية رجالية مكيردوش لبال لحروب النسا اللي كتمشي وتجي بيناتهم فالخفاء . .بل عندو نيشان هوا ولعديد من الرجال .. مكيفهموش معاني العيالات وبعاد بع البعد على طريقة تفكيرهم
أنصار: تبارك الله على الشاف قدس .. هي اللي بدعات ..
تعجب الكل وقالت الضيفة الثانية
- سي فغي !!! تبارك الله عليك ... ماعندي منقول .. شاف كويزين جوبونص ياك
هنا تكلمات قدس بابتسامة وجاوبات بفخر وعرفات بطبيعة العمل ديالها وفين خدامة وقالت
- شاف ههه .. مي شاف دسيغفيس فلمينيسر
من بعد العشا تحط الديسير بارد فكيسان كبار متنوع ومن موراها ناض انصار كيجمع الطبلة معاها امام اعين الكل .. وصل معاها كلشي للكوزينة ورجع هاز بلاطو عصري ديال الحلوى الباردة مشكلة وجات موراه قدس ببلاطو فيه العصير ولكيسان وجلسات معاهم كيتجمعو .. عطاها انصار اهتمام قدام الجميع ولاحضو التغيير اللي وقع فيه بعدما كان وحداني مكيهضرش على النساء ولا عمرو جبد معاهم شي موضوع و كان حدودي فالنقاش .. كيشارك الموضوع اللي بغا ويكتافي بالصمت والاستماع فالمواضيع اللي بغا .. مكانوش متوقعين انه كيفكر فالزواج ولا كيعرف شي وحدة لدرجة تفاجءو بزواجو السريع ولحد الساعة كيضنو انه كان على علاقة بيها من قبل بلا علم حتى واحد وفاجأهم بالزواج ديالو معاها حيت اللي كيعرف انصار ميمكنش يصدق زواجو من مرى مكيعرفها مكتعرفو ابدا .
سالا العشا وناضة الضيوف فرحانين باغيين يكونو صداقة مع قدس حتى هي لان النوع ديال اصدقاء انصار حدوديين بحالو مكيهضروش مع اي واحد ولا يكونو صداقة مع اي كان ابدا .
خرجو ناشطين .. ومع السدة ديال الباب تلقت انصار بابتسامة عريضة عنق قدس من اللور وباسها فعنقها وقال
- ماعندي مانكَول ... تبارك الله عليك فاجأتيني !
ضحكات وقالت : ناري مقادراش موقف بلا متقل عليه ... عييت بغيت غير نعس
أنصار: سيري ترتاحي راكي عيتي.. خليتي ديك لكوزينة حتى للصباح
جاتها الضحكة وضحك حتى هوا عاد سرات معاه اش قال ... بداو فعلاقة حميمة كيحاول يرخيها على الاخر وكيهمس فودنها باش تيق فيك وكيفكرها انه مابقاش حاجز كيمنع ولا الام ولا خوف ولا دم .. وبمجرد ما دارت فراسها ان الحاجز مكاينش سمحات ليه يقرب ليها .. تألمات وترعدو رجليها وصبرات قدر الامكان .. خاف توقفو وهوا منغامس ومخشع نسا العالم اللي كيدور بيه ومشا مو ونسا سميتو وشكون هوا ونها لعلاقة بسرعة واخا الحركة بطيءة جدا جدا جدا لا انها سالات بسرعة .. رضا نفسه لأول مرة وكتاملات العلاقة ورضاها هي اللي صابرة باش دير ليه خاطرو وتكمل دينها اللي بدات .
نعس مرتاح معنقها خاشي راسو تحت باطها وهي اللي معنقاه اللي كامل حتى صبح الحال وصبح واحد يمشي الخدمة وصبحات ناعسة وكاتي فبلاصت انصار مجبدة على ضهرها وناشرة ديدها ورجليها حالة فمها هي وقدس اللي ضهرها كامل عريان وشعرها مشتت ناعسة .. باسها فخدها بحال كل صباح وعلمها انه غادي الخدمة حركات ليه راسها بتتاقل بزز ومشا خلاها ناعسة مرتاحة حتى فيقها الدقان فلباب والصونيت كيصوني ويعاود .. سمعاتو معطلة ويعلم الله شحال وهوا كيصوني .. ناضت بشعرها مطلوق لبسات عليها بينوار حمر حد الركبة ربطاتو ومشات بصدرها كيتحرك يمين يسار لابسة بانطوفة بيضاء .. شافت من العين السحرية وهي تلقا لاللة عيشة واقفة فالباب كتصوني وتهضر بوحدها وتنكر
خرجو عينين فدس وهي كتشوف عكوزتها واقفة بالباب .. فتحات ليها بالزربة بخجل وابتسامة ... لاكن العكوزة دخلات مكشرة كتسوط وتعبر قدس بجنب عينها - نص نهار باش يتحل الباب ؟ مكتسمعيش الصونيط؟ قالت قدس بارتباك و أحراج متفاجأة : كنت سادة عليا الباب داكشي علاش مجاوباتهاش لاللة عيشة .. سلمات عليها قدس من الوجه الشيء اللي خلا لاللة عيشة تهز حاجبها وتجلس فوق الفوطوي كترتاح ودور عينيها فالدار ... شافت جيهت الطبلة الجديدة وقدس جالسة حداها كتسولها بأدب على احوالها .. صغرات لاللة عيشة وميلات وجهها جيهت الطبلة وقالت - لاباس الحمد الله ... ديك الطبلة عاد جبتوها جديدة قدس: وي عاد جبناها حركات لاللة عيشة راسها بالإيجاب وقالت : اممم... ومالكم على قوة الطبالي ؟ جوج طبلات فالصالون وطبلة فلفوطوي وطبالي فلبالكونات وطبلة فلكوزينة وزدتو حتى هادي بزاف على هاد الطبالي دورات قدس وجهها للجهة الاخرى كتسوط من مناخرها .. سكتات شوية وناضت قالت قدس: انا نحط ليك لفطور ...رتاحي مرحبا بيك تكات لاللة عيشة على ضهرها كدوز براحة يديها على الفوطوي وقالت كتسرح عينيها فالدار - معلوم ... راه دار ولدي هادي واش نتسنا شي واحد يرحب بيا سمعات قدس وهي غادية وغمضات عينيها وحلاتهم كتسوط .. دخلات للكوزينة لقات لكيسان مغسولين ومقلوبين كاملين كيقطرو بلكبار بالصغار والطباسل المسخين محوطين شي فوق شي فجهة بوحدهم والمعالق ولمواس ولفراشط مجموعين كاملين فطاسة وحدة .. الروينة مكايناش والزبل مكاينش غير الماعن اللي باقين خصهم يتغسلو ديال العشا . عضات شنايفها ودورات راسها كتشوف فيهم ... نقص عليها انصار شوية بعدا وحيد ليها لكيسان من طريق .. رجعاتهم بلايصهم بالزربة وخشات الطباسل فلافابو حلات عليهم الماء .. بدات طير من هنا لهنا كتسربي الفطور باش تحطو لاللة عيشة اللي مصبحة عليها مع 9 على الله تلها فيه باش تفك خي لكوزينة دغيا . داكشي اللي دارت .. جبدات اللي عندها واجد فالتلاجة وسبقات البلاطو هوا اللول فيه الشكلاط الفرماج مقطع الحليب والقهوى العسل الى اخ مابقاش ليها الوقت فين تزوق وزربات على داكشي دغيا وخرجات هازاه ، شافت لاللى عيشة واقفة مقوسة على الطبلة كتفليها وتهبط راسها لتحت ودوز يديها على لكراسا .. جاب الله جمعاتها قدس وخلاتها مقادة . هزات لاللة عيشة راسها وقالت - بشحال خديتو هاد الطبلة .. لعود هادا مااااشي لكارطون حطات قدس البلاطو فالصالون العصري وقالت - ماعرفتش شحال خداها ؟ اجي ها لفطور ... ها لحليب سخون رجعات لاللة عيشة بلاصتها جلسات كتحل الشال .. مكرجة الشعر بحال الولد مخلط بالابيض والسود الشىء اللي عطا اللون رمادي وكورميط فلعنق ديال الذهب غليضة و كربوزة فالفورمة وبيضاء فالوجه حواجبها بكترة النتيف رقاقو بهاتو واخا اعتازلات النتيف . عاقدة حواجبها بحال الحارسة العامة مابغاتش طلقهم وكتهضر و وتميع بعينيها رجعات قدس مرتابكة من نضرات العبار اللي كتزونها بيهم عكوزتها وسرطات تمن الطبلة باش ماتسمعش شي كلمة تفقدها السيطرة على نفسها .. سبقات الميم وهنات راسها .. حطات الحلوى البلدية اللي بقات من لبارح مستفة والحلوى الباردة وكريب بقا عندها محفوض وسربات كلشي وخلاتها طتشوف فالطبلة وتشوف فيها وهي غادية جايا قدامها . رجعات للكوزينة ميلات الباب وتبوردات على الماعن كاملين كي لبرق .. شي غسلاتو مزيان شي شللاتو .. المهم خوات
الدنيا ومسحات الارض الخشبية بالزربة وجمعات الكوزنية ودوزات عليها مسحة .. يالاه كتعصر الشيفون تحطو وهي دخل لاللة عيشة عليها وقالت كدور عينيها فلكوزينة - مالك سادة عليك الباب؟ قدس: غير هزيت شي حاجة مور لباب وصافي .. حليها محلولة هزات لاللة عيشة جناب فمها كتشوف كتعبر فلكوزينة وقالت - عطيني شي صندالة دخل طواليط ... فين هما الصنادل قدس: واخا انا نجيبها ليك غير خليك مشات بالزربة لبلاكار فالكولوار ديال لبيوت حلاتو وعطاتها صدندالة دالصبع ديال انصار اللي كيلبس .. حطات ليها عند رجليها .. لبساتها لاللة عيشة وتمات غادية بالبيجامة اللي جات لابسة تحت الجلابة سروال وتيشورط فالابيض والشيبي ... شافتها قدس غادية جهيت بيت النعاس ديالها وخي تهرج عينيها .. فين غادية هادي؟ ويلي واش من نيتها ؟ بالزربة حلات ليها الباب ديال الحمام وقالت - انا نشعل ليك الشوفو الى بغيتي توضاي لاللة: عيشة بلاتي نعلق جلابتي قدس: انا نعلقها ليه ماشي مشكل .. غير رتاحي خدات من عندها الجلابة وسيفطاتها للحمام .. عرفاتها كانت غادية لبيتها تعلقها وزربات عليها قبل مادخل ومشات للبيت اللي مقابل معاها الخاوي ديال الدراري الصغار وعلقاتها ليها مور الباب ودخلات ليها لباليزة لتما وحطات ليها السجادة ودخلات لبيتها سدات عليها من لداخل ثم دخلت الحمام تغسل وجهها وسنانها كي الناس وتغسل وتوضا . كولشي دارتو بالزربة وخرجات من لحمام دايرة فوطة على راسها ولابسة بينوار .. وقفات حدا الماريو كتشوف شنو تلبس وهي تسمع البوامي كيتحل فلخوا قدس: واخا هانا جايا لاللة عيشة : مالكي سادة عليك لباب؟ قدس: انا كنبدل حوايجي هانا جايا لبسات بيجامة حد الركبة بلا يدين وصندالة مزغبة ونشفات شعرها بالفوطة دغيا وجمعاتو .. بينما كتحل زاج البالكون يدخل الضوء ويتفوه البيت وتلمط الفراش بدا البواني كيدور وهي تلفت قالت - هانا خارجة اخالتي هانا خارجة لاللى عيشة: شكااادير كااع اللي سادة هاد الباب ! قدس: والو انا جايا زربات على البيت والقطة كدور ليها من هنا ومن هنا و خرجات من البيت .. تلفتات مابانتش ليها لاللة عيشة .. مشات جلسات فالفوطوي تفطر وتبعاتها كلتي تجبدات على واحد الفوطوي .. واحد الشوية شافت لاللة عيشة دايزة قدامها جارة باليزتها وحلات باب بيت النعاس ودخلات ليه الباليزة والجلابة ... وحيت الدار واسعة ومحلولة والكولوار ديال البيوت قدام الجلسة اللي كتفطر عليها قدس .. داز كلشي قدام عينيها بقات غير حاللة فمها ولكاس فيديها .. اش غتقول وشنو غادي دير ... ولاياش عادي يوصلو .. تعصبات ومابغاتش كاع يدوز ليها داك الفطور .. وشنو مزال كدير لاللة عيشة فبيتها لحد الساعة وهي براسها واخا كبرات كتحشم دخل بيت النعاس واليديها ولا بيت وحدة من خواتاتها وعندها شي حاجة غريبة يدخل ليها شي واحد لبيتها اللي جامع جميع اسرارها واغراضها وحوايجها .. ناضت خلات داك الفطور كما هوا ومشات لبيت النعاس لقات لاللة عيشة جابدة حوايج ولدها وكطوي فيهم..
لالة عيشة الجزء الثالث
محتوى القصة
التنقل بين الأجزاء