بعد لمرات كنحتاجو وقت باش نستوعبو شي حاجة كتشوفووها بعبنينا ... لكن لي مكنعرفوش هو ديييك الحاجة تقدر تكون ماشي حقيقة ... غير كنشدو وكنبقاو نغوتو او كنهربو ومكنقدرووش نواجهو ... وهو فحد ذاتو غلط كبير ... شنو غادي نخسرو الى واجهنا ... ايييه عادي نغوتو ونسبو ومانخليو ما نديرو لكن غير نبردو نواجهو ... الهروووب معندو حتى شي نفع ... وهادشي لي وقع لأفنان هربات ومواجهاتش ... ختارت تبعد وخلات قلبها كيتعذب ... لدرجة مقدراتش تسمع منو كلمة .... عذباتو وقهراتو .. وعذبات وقرهات حتى نفسها ولي كيدورو بيها ... مختارتش تفهم لا .... ضيعات راسها وراجها وعطاتو كلام بحال سم ورغم ذالك بقى متشبت بييها ... وخلاها على راحتها ... وقدم وثائق كتدل على انها معندها حتى واحد غيرو ومؤخرا الهرمونات لعبو عليها زائد هو كيبغيها وباغي يكمل معاها هي ولدو ... خاصة القانون الأمريكي كيعطي حقووق الموانينين لكن هادي حالة غير ... دار المستحيل علييها ... وهي شنو دارت عطاتو كلام بحال سم .... وخا هكاك جرها باش يورييها الحقيقة لي مبغاتش هي تسمعها ...
كانو عينيها خارجين فالمنضر لي كتشوف عينيها .... ولما لا وهي عدوتها راشيل فحالة يرتى لها ... مشعككة وكلها مضرووبة ومووسخة ريحة كتقلب منها ... وصدمة تانية هو مورو لي حداها كولو مبلييسي وبلى حوايج غير بالكالصو .... قربات يديها كيرجفو وعينييها خارجين.... من لمنظر لي حداها .. نطقات بصعووبة ويديها على فمها ...
راشيل .... "مكمشة وكتبكي " 😭😭😭 عفااااااك سمحيييييييلي الله يخلييي لييك ماعز علييييك سمحيييلي كاع لي درتو خطة مع مروان باش نفرقوكم بجووج 😭😭😭 حيييت كنغييييه مقدرتش نشووفو مع وحدة خرى سمحيلي عفاك انا سبب انا لي درت كاع داكشي باش يكون ليا وانتي تكوني لمروان كل شي خطة منا بجووج ... مقدرتش نتحمل علاقتكم بجووج وقبل ما نجي عرفت اخبارك وعرفت كنتي مع مروان على علاقة فاش لقيتو تعاونا بجووج 😭😭😭 سمحييلي عفاك سمحيلي "كترعش بالبرد بحكم ديبوو جا فالخلى وتحت الارض "
افنان .... "كانت واقفة مصدوومة ممتيقاش لي كتسمع عينيها هبطو بالدموع كتشوف فيهم بجوج وكتحاول تستوعب لي سمعات نزلات بشوية لأرض مصدومة وكتشوف فيهم يديها كيرعشو " ك كي كيفاش شنو كتقوولي ا انتي درتي كل شي باش تفرقينا حتى لهاد الدرجة "بدات تبكي الله ياخد فيك الحق حسبي الله ونعم الوكيل الله ياخد فييكم الحق الى يوم دين حرام علييكم هئ هئ حرام عليكم 😭😭😭😭
أفنان ... "لواتها معاه بتصرفيقة " عندك لوجه لي تهضر معايا باقي عندك الجراة زعمة هاكا غادي رجع لييييك كنكرررهك وعمري بغييييتك فهمها كانت مراهقة فقط وانت تزوجتي اش باغي عندي تبعتيني فحياتي الله ياخد فيك الحق 😭😭😭.......
حنى راسو كيبكي ويتحسر ... فعلا حبو طغى على عقلو ... عمرو فكر فالعواقب بغاها وبس .... معارفش معامن لعب ... مفكرش واش هي باغاه ولا لا ... فكر بأنانية وفقط فراسو ... عمرو فكر فيها وفلي باغا هي ... ومعامن مرتاحة ... فقط كيقول سمحيلي سمحيلي .... هزات راسها عامر دموع كتشووف فادهم لي وجهو خالي منهم اي تعبير ... حشمات من راسها ومن خرج من فمها ... تفكرات اخر كلام قال ليها ومشى ... تاكدات عمرو يسمح ليها ... زادو دموعها نزلوو .. فهاد لحضة قربات راشيل منها كتبكي بحرقة ... وحالتها متبغييهاش لعدوك ...
محسات غير فيد جاراها من شعرها .. بقوة تا غوتات بقوة الألم .... كانو عينيه حوومر قطرة ديال دم ويديه متشنجة بالعرووق لي منفووخين .... زدحها مع الحيط تا غوتات .... و قفزات كترععد وطلقات البوولة ...
أدهم ... فاش ابنت لقحبة كنتي باغا تقتلييها وتقتلي ولدي مرحمتيهاش ودابا كطلبي رحمة ولا وتايقة فراسك بزاف مين جبتي هاد زعامة كلها "هز الفردي عمرو وجهو ليييهم " عيييت منكم اولاد القحاب ودابا شهد انت ازامل الى فيك حس دين الإسلام ... اما انتي مجووسية يهوودية مووتك حسن من حياتك بلى شهادة "وجهو ليها "
كانت واقفة مصدومة .... هذا لي واقف حداها ماشي ادهم لي كتعرف لا .. هذا اخر كان بحال الوحش مكيرحمش ... اول مرة تشوف جانب اخر من شخصيتو لي غامضة ... يديها رعشو بالخوف عارفاه يديرها ويفوتها لهييه .... بسرعة البرق وقفات فوجهو كتبكي وشادة فكريشتها ...
افنان .... لا لا لا بلييز مديرهاش انت ماشي قتال لا عفاك مديرهاش متوسخش يديك فيهم لا لا
ادهم ... "عينييه شعلوو بالعافية لكن مكيشووفش فييها " حييييييدي اخر مرة غانقوولها ليييك حيييييدي من هنا
أفنان..... "كتبكي " على وجه ولدنا متخلييهش يطلع بلى أب عفاك متحرموش منك متوسخش يديه فييهم عفاك حييد زبل من يديك خلي القانون يدير خدمتو بلييييز مديرهاش ادهم
أدهم .... "زير على يديه وهو كيسمع ديك الكلمة ديال متخليش ولدي يطلع بلى أب رجعو عينيه جمرة وأخيرا شاف فييها لكن بنظرة مييييتة فاش شافها متحركاتش جرها بقوة من يديها عندو " متصعرييييييش دييييييلمي "جرها لبرى باش متشووفش لي غايدير وخرج عينيه فييها فاش شدات فيه شدة لعمى فالضلمة " طلقي متخلييينيش ندير شي حاجة ندم عليييها طلقييييييييييي ومتحركيش من هنا
أفنان .... "كتبكي ولاوية عللييه " كنترجاك مديرهاش عفاك أدهم هما اه غلطو ولكن انت متوسخش يديك فيهم خلي القانون يعاقبهم ... عافاك مديرهاش "كتغوت " كنترجاك عفاك ادهم مديرهاش .....
ادهم .... "غوت حتى زنزلها " حتى لدابا افنان حتى لدابا عاد كترجايني فاش انا ترجيييتك رحمتيني هااا واش رحمتييني "كيغوت " خمسة شهوور ديال لعذااااب رحمتيني هاااااا عقلتي فاش جييت نشرح لييك ونطلب تسمعيني .. عقلتي فاش زطمتي بكرامتي الارض ودابا كتقوولي على وجه ولدي مايطرعش بلى أب .... نسيتي كنتي باغا طلاق نسيتي ولا نفكرك فاش قلتي ولدي غانربييه انا وانت شكون .... واش نسييتي .. الى انتي نسيتي انا لا وكل شي هنا "كيشير لعقلو " محفوور هنا وعمري نسااه كل كلمة منك باقي عاقل عليها دابا ... دابا ممنحقش ترجايني فاش الوقت فات الحال وكل شي ضاع ... وانتي بي ضيعتيييه بيدك دابا ماشي منحقك ترجايني سووو نسااي حيت عمري نسمع ليك "بغى يمشي وهي تشدو دموع فقط دايزين من عينيها "
افنان .... غلطت اه غلطت فاش مسمعتش لييك ااه عارفة لكن غير سمعني
افنان ... "شابطة فيه من تجاكيط وكتبكي " 😭😭😭 متقتلش على قبلي بلييييز متقتلهوومش خلي العدالة تاخد مجراها بليز متوسخش يديك فييهم
أدهم ..... "زير على يديها لي فوق تجاكيط " مغانقتلهم على قبلك راك غالطة ... هما تجرؤو على العلوي وانا فقط غانورييييهم شنو كيوقع لي كيتجرأ عليا ودابا سيري سيري منسمعش باقي صووووتك خسرتي داك الحق شحال هادي
افنان .... "زادت زيرات على يديه ومكمضة كلامو فقابها " عفااااك الله يخلي ليك ماما فرح عافاك
افنان ... "حسات بقلبها ضرها من كلامو " مبغييتش دير شي حاجة لي تندم عليها مبغييتكش تقييصهم خلي القانون يتدخل عافاك
أدهم ... مغاديش ندم كوني هانية بغيت نخلييكم حتى تسمعي بوذنيك اما كون شحال هادي ودعو ... ونذم عمري نذمو غير رتاحي "نفض ليها يديها وخنزز فيها وعطاها بضهرو راجع "
عرفاتو مغاديش يتراجع على لي فبالو ... ملقاتش كيف دير توقفو ... بكات ومنفعها دموعها مهزووهش ... كان صاعر مكيشووفش حداه ... غوتات بمستو كتبكي تا ضار عندها وجهو خالي من أي تعبير ... طاحت عليها فكرة وهي تقلب عينيها كتنادي بإسمو قبل ماطيح سخفانة ... كان طار شدها من خصرها وجرها عندو مخلوووع وكيغوت بسميتها ... ويضرب بشوية على حنييكاتها .... هزها طاير لوطو حطها وجبد لماء كيمسح ليها وجهو ... تا بدات تحل عينيها بشوية وتشوف فيه بنص عيين .... عاق بييها وضرب لييييها واحد مولاتي تخنزييرة فاعلة تاركة تا جمدات بلاصتها .... وشدات فيه كتحاول تأتر عليه بكلامها ....
أفنان ..... الله يخلييييك ادهم على قبل ولدك وماما فرح الله يخليك
شد عليها لووطو ورجع عندهم ... تبسمات حيت قدرات تاخد ليه لمسدس .... وهو عايق بيها فعلا رجعاتو لوعيو بكلامها ... دخل هضر مع لكارد لي واقفين ... ورجع عندها ركب ... كسيرا بسرعة وهي كتاكل ضفارها وتحمد الله ماوقع والو معارفاش لي معاها العلوي وذقتو مكينساهاش .... ضربات طب كتشووف فطريق غريبة ماشي طريق لقصر .... شافت فيه بتساؤل ورجعات كتشوف فين هي عاد عرفات ..... ربعات يديها بحزن وحنات راسها ....
حنات راسها دموعها محجرييين فعيينيها ... غير وصلو لفييلا ... نزلات كتشووف فييه غادي قدامها ومشيتو ماشي بحال ديما كان بحال كيزطم على شوك ماشي الأرض ... تبعاتو بلى متكلم معاه او تسولو ... اصلا حاسة براسها عيانة والى زادت هضرات غادي غير يتفاشو لهما تسكت حاليا ... دخلات مع جردة كتشوفو عاطيها بالظهر .. مع شي شخص بحال الى جالس ... تبعاتو من لوور كتشووفو مع من ... خصوصا هاد لفيلا ديالو وتاواحد معايش فيها ... قربات بتساؤل ... وإذا بيها صدمة ... كتشووف فييها مخرجة عينيها وفالحالة لي هي فييها ... قربات عندها دموعها محجريين باغا تعرف مالها وشنو بيها وعلاش هي على كرسي متحرك ... رغم كل شي كتبقى هي الأم لي رباتها وكبراتها وعاشت معاها طفولتها كلها ... ببكاها وحزنها وفرحتها وألامها ... حسات بقلها مزير لتاني مرة ... لكن هاد المرة على الام لي حنات فييها وحسات بحبها حقيقي ليها ... وقفات جامدة وعينيها دايزين بالدموع ... رجع تفكيرها لداكشي لي دارو لواليديها .. كرزات على يديها بألم حاد ... وبدون ماتنطق كانو فقط عينيها كيقوولو لييها بزاااف ... ويمكن وصلات لييها شحال من حاجة بعينيها ... نفس شي سعيدة ... كانت كتبكي بحرقة وهازة يديها لجييهتها .... كتمنى فقط ضمها لقلبها ... ناذمة على اي حاجة... هي كتبقى ضحية زوج قاصح ... وحبها ليه خلاها تسكت وتكمل معاه ... ولما لا وهي كتموت على تراب لي كان يمشي عليه ... نزلو دمييعاتها وهي كتشووف فالبنت لي ربات وكبرات وزوجات واقفة وكريشتها حداها ... تبسمات وسط دموعها ونطقات ....
سعيدة... عنقيييييني غير مرة ابنتي نشم رييحتك قبل مانمووت غير مرة متسمحيليش بغييت غير تعنقييني 😭😭😭😭 مابغييت والو كاع لي تسببت لييك فييه انا وباباك نستاهلووه ... ولكن تيقييني بغييتك كتر من بنتي سهرت علييك ليالي ابنتي كنت نطلب الله كل لييلة يغفر لي ... "حنات راسها كتبكي " وها ربي جزاني ومبقالي والو بغييتك غير تعنقيني لأخر مرة "حطات يديها على وجها شاحب كتبكي "
أفنان ... "نزلات الأرض مصدومة وكتشووف فعلا فالإنسانة لي حسات بحبها ليها فواحد الوقت مغاتنساش اش دارت علييها وها هي دابا شاحبة فاقدة للحياة قربات منها قلبها ضارها رغم لي دارت فييها كتبقى هي الأم لي رباتها حطات يديها على يديها كيترعدو ونطقات بصعوبة " مسامحاااااااااك انا مسامحاااااااك الى ربي غفووور رحيييم شكون نكون انا داكشي لي ردتوه فيا مسامحاك عليييييييه ولكن لي درتووه فوالييدية ربي عمرو يسمح لييكم 😭😭😭 الله يغفر ليييكم الله يغفر لييك
سعيدة .... "كانت مجيفة بالبكاء " لا لا ابنتي منستاحقش تسمحييلي منستاهلش ابنتي بغيت غير تعنقيني بغيييت نشم رييحتك لي فقدتها قبل مانموت هادشي لي كنتمنى 😭😭😭 "هزات يديها عندها " غير هاد الطلب ابنتي
رجع ادهم لووور كيشووف فييهم متأثر ... وحالتها كتزييد تعصبو ... عارفاها قاصات بزاف وهزات بما لا تحمله طاقة ... كان كيشوف فيها وفقلبها لحنين كيفاش سامحات الإنسانة لي وقفات مع سيد لي قتل واليديها ... تعجب لقلبها ولي هاز من ألم ...
شافت فيها بالدموع بحال الحجر كيطييحو من عينيها ... تفكرات لحوايج زوينين لي دوزات معاها ... تفكرات فاش كانت تصاوب ليها الأكلات لي كتبغي ... وفاش كانت كتخشى فيها وتعنقها كضحك وهي كتهرها ... محسات براسها حتى طارت علييها معنقاها وكتبوووس راسها وجها يديها حنيكاتها ... كل شي دازت علييه ... كتبووسها بحب مألم ... وكتهمس بكلمات مقطعيين ....
أفنان .... 😭😭😭😭 توووووحشتك مسامحاك امييي مسامحاك الله يغفر ليك الله يغفر لييك
عنقاتها بقوة سعيدة كتبكي فحضنها وكتشم ريحتها لي توحششات ... ولي افتاقدات من هادي شحال ... كتبووسها بشوق غاتحماق بالبكى ... ولمدة طوويلة وهما على دييك الحالة حتى حسو بقلبها خوى وتفش ... عاد مسحات ليها دموعها ...
سعيدة ... "شافت فادهم بمعنى كنترجااااااك " الله يخليك ابنتي فهمي مكاينش العلاج الورم كبر بسرعة
افنان ... "باست ليها راسها وكتبكي غاتحماق " الله اكبر الله اكبر
افنان ... "باست ليها راسها وكتبكي غاتحماق " الله اكبر الله اكبر
سعيدة ... "مسحات ليها دموعها وعنقاتها وكتشوف فأدهم لي واقف كارز على يديه " شششش براكة طيبتي عينييك
أفنان ... 😭😭😭 خليينا نعاودو نمشييو لطبيب عفاك
سعيدة ... "غمضات عينيها قلبها ضارها من جيهتها " لا ابنتي عفاك تقبلي لواقع واعديني دمعة مطيحيها من عينيك
بقات تغوت متقبلاتش وهي ضامها بقوة كتبكي مقدرش يشوفها ادهم فديك الحالة... وخرج لجردة جبد كَارو كيكمي ويسب ... اما أفنان بكات وبردات فحضنها تا تنفخو عينيها ... قدرات تقنقها بلي العلاج مكاينش وبلي مخلات فين مشات ... الورم انتاشر فراسها .... مقدرتش تحمل لكن رضات بقضاء الله ... جلسو بجووج .... ادهم موفر ليها العناية الازمة ... جوج فرمليات مقابلينها .... كملات لعشية وجاء ادهم عندها يديها ... طلباتو تجيب معاها سعيدة لقصر مقدرش يرفض ليها ... وفهمها بغات مها تبقى جنبها ... بلى ميتكلم جرها بالكرسي وكلف الفرمليات يجمعو ليها حوايجها مع دوايات ديالها ... داكشي لي كان قادها فلووطو وجمع الكرسي دارو فالكوفر ... ركبو الفرمليات مع شيفوور ... ديمارا لووطو جيهت لقصر .... هادشي كامل بدون ميتكلم ... مسافة طريق كان وصل ... كلف الخدامة تقاد ليها بيت وتبعوها لفرمليات باش يجهزو ليها سيرو فالغرفة ... نزل حط الكرسي وهزها قادها ... بلى ميشوف فافنان طلعها لغرفتها ... بقات واقفة كتشوف فيه وكتشوف فالجردة لي توحشاتها بزاف ... كتفكر غير كيفاش غادي تواجه فرح وصديقتها خديجة ... حسات برجليها فشلو عليها ... وطاح عليها ضيم دنيا ودنيا ... من جهة كلامها لي طلقات بحال سم فوجه أدهم ... ومن جهة خوها لي خسرات معاه ... عاد خديجة وفرح لي خرجات بلى متحاول تسول فيهم من بعد .... بقات مدة واقفة حاصلة مقدراتش تحرك من بلاصتها ... بانليها حرف قصير ... مشات جلسات فيه ورجعات شعرها لوور كتفكر ... كيف دير تحلها معاهم ... حسات بظل غطاها رمات عينيها بان ليها مخنزز ...
أدهم .... ياكما خاص نعرضووك باش دخلي
أفنان ... "وقفات حانية راسها " مقادراااااش
ادهم ... "فهمها " متخافيش تا واحد مغايدوي معاك سيري لغرفتك رتاحي
افنان .... كيفاش تا واحد مغايهضر معايا
ادهم ... تا واحد مغايقلق زيدي دخلي
افنان .... "صعرات من هاد البرووود " كييفاش مغايقلني تا واحد لا انا بغييتهم يقلقووني بغيتهم يعاتبووني بغييتهم بغوتوو فوجهي ويلووموني ... الى كانو مغايهضرووش معايا انا غانمشي بحالي من هنا
أدهم .... "خنزز فيه " بغييييت نسوولك ؟ واش هاد الحمل حمقك ولا كيفاش قصتك انتي هااا
افنان ... مكنضحكش وزايدون اش درت كاع "هزات صبعها فوجهو " كل شي منك انت كل شي انت سبب فيييه كوون عاودتيلي من الاول عمري كنت غادي نقول ديكشي او غانمشي انت سبب فكل شي ضربتيني وجرحتيني فعواط لي تجي تعاولي خليتيني حتى وقع لي وقع
أدهم .... "خلاها كتهضر ودمو كيزيد يغلي رمقها بنظرة قاصحة تا دموعها نزلو وهو يتفرقع عليها " ضربتك ايييه ونزيد نضربك ونهرس ليك فمك كاع .. عرفتي علاش حيت فمك خاسر ديك جوج تصرفيقات لي عطييتك عمدي الله مهرستكش من شي قنت ... "قرب منها عينيه حومر بالعصب " ضربتك حيت كلامك قاصني هنا "شير لقلبو " ضربتك حيت من نهار عرفتك مقصت شي قحبة ... باش تاهميييني بلي انا عاجبني لحال معاها وتخرجي من فمك لخرى فعواط الهضرة اييه نضربك باش عقلك يرجع لعقلو ... باغاني نعاود ليه نحب نقوولك ادهم مكيعلمش وكيدير لي عندو فراسو ... ياك هربتي وخليتيني بحال الحمق كتقلب وخايف عليكم نعاس مبقيتش شفتو ... كنت نشووفك فضلي وفخيالي وفجنبي حتى قربت نحماق ... انتي فين كنتي ... ناعسة فدار واحد زامل وانا بحال الحمق .... قصيتي عليا لدرجة مبغيتيش تسمعييلي ... حتى لهاد الدرجة .. حتى لهاد درجة .....
قصيتي عليا لدرجة مبغيتيش تسمعييلي ... حتى لهاد الدرجة .. حتى لهاد درجة ... حرمتيني منك ومن ولدي لي كيكبر فكرشك ... ورغم ذالك مقصييتش عليييك انا ... لقييتك وجييت عندك طاير ... كنت بغييت غير نعنقك ونشم ريحتك لي مغلغلة فعرووقي ... وشنو درتي عطيتيني كلام بحال سم ... ممنحقش ابنت ناس تجبدي راجل لي ولدي ... ديك الهضرة قتلاتني قطعاتني من لداخل ... قصتييني هنا بزاااف "حط يديها على قلبو وزير عليها وهي غير كتبكي " ايييه ضربتك لكن هضرتك قتلاتني مصاب كون ضربتي ومهضرتييش ... اييه يمكن غلطنا بجووج لكن انتي كتر ... الاب لي ولدي ابنت ناس كنت انا روحو وهو رووحي ورضاتو ديما معايا الاب ديالي مات على رجلي وهو كيرضي عليا البنت "نزلات دمعة من عينو لاول مرة تشووفها " قتلتي كل حاجة كانت زوينة بيينا ... عرفتي شنو كنت باغي ... فاش لقيتك بغيت غير نعنقك ونقوليك كنبغييك ابنت الناس ... ياك تمنيتي تسمعيها هاني قلتها ليك ... لكن فات الحال فات الحال بزاف ... وهذا لي حداك قتلتيييييه بكلامك ... واخا هكاك غانطلب منك سماحة على دوك جوج تصرفييقات ... سمحييلي ابنت الإسماعيلي سمحيلي حيت صرفقتك ... وغاتكون اخر مرة نقيسك ولا ندخل فييك وعد مني ... خسارة فيك قلبي ابنت الناس خسارة ....
أفنان ... "كلامو قاصها بزاف فعلا هي جرحاتو ولكن مكانتش فوعييها كانت خارجة عن طوعها " ش شنو بغيتي تقووول دابا علاش كتلوومني ؟ حسابليك داكشي كان ساهل عليا حتى انا قصتيني وبزاف اييه عارفة ميتكش فرصة لكن حس بيا ودير راسك بلاصتي دييك الهضرة ماشي من قلبي فساعة غضب خرجات "كتبكي "
ادهم ... "مسح طرف عينيه وشاف فيها " عارف مزيان و منقدش نسى بسهوولة لي قلتي ... وكيبالي خاص نبعدو على بعضياتنا شوية حتى يصفى الخاطر ... "شد يديها وجرها " زيدي لبرد هنا
تبعاتو مصدومة من كلامو عارفاه مجرووج ... وعارفة لهضرة لي قالت لييه ألماتو ... باقة عاقلة مزيان اش قالت ... لامت راسها لكن حتى هو غالط ... لي صدمها كيعتارف غلط تا هو فاش ضربها وطلب سماحة ... لكن باش ينسى مسحيل ... مسحات عينيها لي طابو بالدموع ... وحيدات يديها من يديه ... حاس براسها باغا تبكي وتبكي متسكتش ... لكن صدمة سكتاتها فديك اللحضة .... خلاها دخلات ورجع لوور حتى تأكد صافي دخلات ... وهو يووقف كحب دم من حلقووو ... مكبد وحمر .... مسح جنب فمو ورجع لجيهت شجر ... جر كرسي جلس ... وهز كًارو شعلووو .... كيكمي وعينييه شاعلة نار .... توحشها وتوحش ريحتها ... توحش طعم شفايفها ... توحش كلامها وضحكتها ... توحش يلمس ذاتها ... لكن قلبو مقدش يبرى من الكلام لي قالت تمنى كون سبات وكملات فسبان على انها تقوول ..." مزيان مين مات ومشاافش الوحش لي ولد " نزلات دمعة حارة من كلامها ... هو باه هو رووحو ... لحد الأن عمرو نساه ... ولا مشى من بالو ... نسات كيف وقف معاها راجل رام كل شي .. وعمرو غذرها بغاها وعمرو باح ليييها ... وديما عينيه كانو كيوصلو لييها انعكاس قوتو ... لحبها الحاد ... تبسم وسط كلامها الملعون وتفكر ديك المقوولة ...
فعلا
"ميبكيييلك غير شفرك وميحك لييك غير ضفرك "
دخلات فاقدة الإحساس .... وكلامو كيتكرر فوذنييها ... ضراتو وضرها وبجوج خاصهم وقت باش جرحهم يتشافى ... غضات شفايفها بقوة فاش شافت خديجة وفرح جالسين ... كل وحدة هازة ألم فقلبها ... ديما فينما تشووف فرح كتحس بحمل دنيا زاح من على قلبها ... دمعو عويناتها فرحة ومشات كتخلف ياغا غير ترمى على حضنها وتبكي تبكي حتى تفش قلبها ... قربات ليها ونزلات على رجلييها ... عينيها مضببين كتشووف فيها وفرح بدورها عينيها دمعو ... ورجعات ليها لحياة من جديد ... كانت باغا تغوت فوجها وتوبخها وتلوومها ... لكن الحنين منعها ... دمعو عويناتها محسات غير بأفنان طايرة عليها ... كتبكي بقوة على قلبها ... وفرح معتقاها بدورها كتبكي ... عليها وعلى لوقت لي كانت غايبة على عينيها ...
فرح ... "كدوز على شعرها " شششش صافي براكة عليك المهم رجعتيلي هادشي لي بغييت ششش منشووفش دموعك "عنقاتها وهي بدورها دموعها محبسووش " ششششش براكة عارفة كل شي ابنتي وعاضرااك براكة طيبتي عينيك
خديجة ... "ترمات معنقاهم بدورها وكتمسح عينيها وضحك " الحمد الله رجعات ختي الهرااااابة ناري كون ما ادهم كنت غانجيييبك من شعرك تا لهنا وربط ... وبقطييب ديال زييتون نبووطك
افنان ... "ضحكاتها " ههه كون غير جيتي "تفكرات ادهم " خسرت كل شي اماما تا ادهم
شاف فيهم ادهم منساجمين قال لا حولة عاد كانو معصبين دغيا تصالحو ضحك فنفسو وطلع لغرفتو يدوش ويرتاح ... دازو عليه أيام خايبة بغى غير ينعس ... غير طلع شافت فيها افنان بقلق ...
فرح ... "بحزن" منيين مشيتي بدا يشرب شي شراب قااصح بزاف رجع كل نهار صباح وعشية وليل مكايكلش شراب هو ماكلتو ... زايد بالكَارو حتى تقب الكبدة ... تقاصت لييه ابنتي الكبدة وجاه لباتيييت B دابا كيرض بعد لمرات دم ونعاس مكينعسش تحت عينيه كوحل وجهو صفار ....دابا متبع مع واحد طبيب لي فاخر لحضة نقدو ... والحمد الله لي مجاهش لباتيت C حيت مولاه كيموت
افنان ... "شهقات بالدموع " كي كيفاش دابا كيف دايرة حالتو عفاك قوليلي قلبي غادي يسكت اماما شنو هو هاد الباتيت B
فرح ... "مبغاتش تخلعها " متخافيش عطاوه شي دواء ومتبع مع دكتور مشهور ومجهد غادي يولي مزيان مع الوقت متخافيش
افنان ... "حطات يديها على فمها كتبكي " بسباابي ياك بسباابي اماما يااك انا لي خليتو تا مرض ياكي اما انا سبااب 😭😭😭 قووليلي ياكي انا
فرح ... "عنقاتها كتمسح ليها دموعها " لا احبيبتي ماشي انتي هو لي هلك رااسو هو سبب كان عارف ديك لمشرووب مكيتشربش وهو كان كل نهار مكيصحاش تا كيطييح هو سبب رااسو بغى متحملييش نفسك "شافت فيها " نوضي عند راجلك محتااجك اييه معصب لكن غير حاليا ومتخافيش عليييه دواء عاطي مفعوول ... والى تصالحتو حالتو غادي تزيد تحسن كتر ... نوضي سيري عند راجلك متخليهش بووحدو .... خصووصا فهاد اللحضة هو محتاجك ...
طلعات فالدرووج عازمة تخليه يسامح ليها واخا ماعرف شنو ندير ... عارفاك مجرووح وهي لي غادي تشافي جرحو بطريقتها ... جرحاتو وغادي داوييه ... مسحات دموع من عينيها لي تنفخوو وكتفكر شنو هو هاد لباتيت B هزات تيليفون طايرة تشوف شنو هو .... كتباتو وهو يطلع ليها ... بقات مدة كتقرا ... عرفات انو هو إرتهاب كيقيص الكبد ... والى طول كيرجع سرطان هو لي كيتسمى لباتيت C مولاه كيموت بسرعة ... خرجات عينيها ومشات كتقرا الوقاية والعلاج ... يديها كيرجفو .... وعينيها مضضبين بالدموع .... بقات غادى كتقرا وهي تلقى الأعراض ... كليكات كتقرا وحاطة يديها على فمها ...
"لا تظهر أية أعراض على معظم الناس خلال مرحلة العدوى الحادة. غير أن البعض يعاني من أعراض في هذه المرحلة تستمر عدة أسابيع، بما في ذلك اصفرار البشرة والعيون (اليرقان)، والبول الداكن، والإجهاد الشديد، والغثيان، والتقيؤ، والألم البطني. ويمكن لالتهاب الكبد الحاد أن يتطور لدى مجموعة فرعية صغيرة من المصابين به إلى فشل كبدي حاد قد يقود إلى الوفاة.
وعند بعض الناس فإن فيروس التهاب الكبد من النمط B قد يسبب أيضاً عدوى كبدية مزمنة تتطور لاحقاً إلى تليف في الكبد أو إلى سرطان الكبد."
طلعات نفس طوييلة كاين امل العلاج .... وكيف قالت ليها فرح... العلاج عاطيه مفعوول تنهدات ... ودخلات كتقلب كتر وتستفسر ... حتى طاحت على علاج طبيعي 100% ... تنفسات صعداء ودخلات لغرفتهم ... سمعات دوش عرفاتو فيه .... جلسات جنب سرير وطلقات رجليها لي ضارينها .... وحطات يديها على كريشتها كتلمس فيها وكتفكر فراجلها أسير قلبها كيف دير تنسيه ....
توجهات لدريسينغ روووم ... هزات سوميج دونوي عريض باش ترتاح فيه ... مشطات شعرها ومسحات وجها بقطن دالخزامة .... خلات فقط عكار ماط غامق فشفايفها ... هزات تصميييم ديالها حطاتو على طابل ديال زااج ... هزات قلم بدات فالتخطيط ... وعقلها كامل عندو بعد مقادات كل شي فلبيسي ديالها بدات كتكمل تصميم .... خرج من دوش لابس شوورط وكيمسح شعروو بفوووطة صغيرة ... هز تيليفون ديالو وخرج لبالكون صوونا على مهدي .....
أدهم ..... أفين العود مناوييش ترجع خلاص ولا كيفاش قصتك
قطع معاه ودخل مبتاسم كيفكر فولدو ومتحمس ليه كيتمنى غير يشوفو ويهزو بين يديه ... رمقها بنص نظرة بانت ليه مشغوولة ... وحانية راسها شعرها لي زاد طوال هابط على وجها وهي منغامسة فداكشي لي معرفوش شنو هو... تكى فسرير وهو بيسي حطو فوق فخاضو .... كيخدم فيه ويشوف فيها ساعة ساعة ..... مركزش فالخدمة كاااااع .... كان حاضيها بعينيه .... كل مرة كدير حركة كيتبسم عليها .... مرة كتحك شعرها ومرة كتحك وجها مرة كتقلب شعرها مرة تكسل .... بقى حاضيها تا عيا وهو يطفي لبيسي .... تكى على جنبو بقى حاضيها بعينيه .... دازو سوايع وهو يلووح الغطى وناض ... توجه ليها وقف حدى وجها وهمس ....
أدهم .... مغاديش تنعسي ؟
افنان .... "تبسمات وهزات راسها فيه شعرها مخربق بطريقة سيكسي " غانكمل ونعس غير سير رتاح الى بغيتي
أدهم .... "هز حاجب فيها " شنو غاتكملي ؟ " جر تصميم كيشوف فيه معجب " امتى بديتيه
افنان .... تقريبا دابا 5 شهور باش بديتو
أدهم .... "خرج عينيه " كيفاش ؟ واش متاكدة واش عارفة تصميم شحال كياخد من عام
افنان .... "حنات راسها تا هبط شعرها وهي تجمعو بقلم لي كان فيديها " كنت ليل كنخدم فيه ونهار كنعس داكشي باش علاين نكملو دابا
عطاها بضهرو معصب ومشى جيهت سرير تلاح على كرشو ... غمض عينيه صوورة وجها بين عينيه ...و كرز على يديه .... شافت فيه بدميعات فعينيها وقربات لبيسي هزادو برونشات سلك مع طاطاشو وعطات الإضاءة فالحيط مع بيض بانت صورة بالكامل ... تبسمات ومشات لفيديو لي صاوبات ليه ... شعلاتو وبانت صوورتها ... كليكات فيه وقفات جنب حاطة يديها على قلبها ....وكتشوف جيهت الحيط فين خدام انعكاس لفيديو .... كان مصمم مع أغنية هادءة حزينة وفالنفس الوقت رومانسية ...
" دمعو عيني وانا كنشووفك فحضن امراة اخرى ... تحرق قلبي وانا كنشوف امراة تانية كتشاركك معايا ... لزمت صمت وقررت نهرب ... ايييه مقدرتش نواجهك ... مقدرتش نشوف فيك وانا بين عيني غير نتما بجوج فديك الوضعية ... وصوتها فوذني بحال رنة مزعجة ... كرهاتني فيك وكرهتك ... قلبي كان مجرووح لدرجة مبقيتش كنقد نعس ... كنت الى نعست كنتفرك جنبي معنقني او كتبوسني ... حتى كنوض كنغوت ... او صووتك لي فوذني كينادي لي ... تا كنبقى نشدهم ونغوت .... اييه قاصيت وحشي ليك طغى على كبريائي .... لكن عمري قدرت رتاح وانا بعيدة عليك .... رجعت نعس بنهار ونفيق بليل باش منشووفكش ناعس حدايا ومعنقني بحال ديما ... منكرش نهار شفتك تمنيت نحضنك لكن ديك لمنظر عمرو غاب من عيني .... ايييه جرحتك لكن تيقني ماشي من قلبي ...... "حطات يديها على وجها كتبكي بحرقة "
ايييه جرحتك لكن تيقني ماشي من قلبي ...... "حطات يديها على وجها كتبكي بحرقة " كان فوق قلبي مقدرتش نسى مقدرتش نعطيك فرصة تشرح لي ولا خليت شي حد يشرح لي .... كنعتارف غلطت وبزاف فحقك ... لكن كل شي من حبي ليك كل شي من غيرتي ليك .. كل شي روحي لي كتنادي ليك ... من عجزي لحاد ... سمحلي ادهم سمحلي "كتبكي " حبي ليك طغى على كره لي كرهتك ... مقديتش نكرهك رغم لي شافو عيني ... عرفت قصحت معاك بزاف ... يمكن بصح منستاهلكش ... يمكن عندك الصح فكاع لي قلتيلي ... مبغيتش نبعد عليك مزال ... مبغيت نعيشو فصراع مزال .... مبغيتش نعيش دقيقة بعيدة عليك ... بغيت نكون جنبك .. بغييت نساو لي فات .. ياك لي فات مات .. وبجوجنا غلطنا ... وعارفة جرحتك .... اوك متسمحليش لكن متبعدنيش على حضنك مزال .... متحرمنيش منك مزال .... درتها مرة غلطت وندمت ... عفاك متعاودت نفس الغلط ... عطي فرصة لعلاقتنا من جديد .... عفاك ادهم ... كنبغيك.. كنبغيك موت ... منقدرش نعيش بعيدة عليك تانية وحدة .... منقدرش ... الى كنتي باقي عند كلامك غير خليني نمشي ... لهما نموت فخطرة ولانموت ألف مرة فنهار .... واش عارف نشوفك كل نهار ومنقدش نقرب ليك او نعنقك او نهضر معاك ... لا عفاك متعاقبنيش بهاد طريقة ... عطينا فرصة من جديد ... بلييييز ... "حطات يديها كتبكي والموسيقى غادة حتى كملات وهي غاتحماق وسط دموعها ... "
نزلات دمعة من عينيه وهو كيسمع كلامها ... كلام لي فرحو وفالنفس الوقت عصبو ... بجوج غلطو وبجوج كيعاقبو نفسهم .... مينكرش توحشها كتر من اي حاجة فهاد الدنيا ... تشعل ضو فاش سالى الفيديو ... بانت ليه واقفة ودموعها نازلين وحاطة يديها بجوج فوق كرشها ... ناض عندها قرب منها كيشوف فعينيها لي كيحمقوه وتوحشهم بزاااف
افنان ... "كتشوف نيشان فعينيه " مكنتش كنقد نعس بلى منكون فحضنك ونشم ريحتك "زادت قربات ليه " كنت مكنقدش نعس الى غمضدت عيني كنت كنشوفك حدايا واكل بلاصة "هزات ليه يديه حطاتها فوق صدرها لي زاد تنفخ مع الحمالة نيشان حطاتها جيهت لقلب " حيت كنبغيك ومنقدرش نعيش بلى بيييييييك سمحلي "نزلات دمعة سخونة طاحت فوق يديه "
هز ليها وجها بلى ميتكلم كيشوف فعينيها نيشان .... ويديه على قلبها لي كيضرب بقوة ... مسح ليها عويناتها بصباعو ... وقرب منها كتر قبل جبهتها وطول فيها ... كانت مغمضة عينيها ... هزات يدداتها صغار حطاتهم على صدرو بجووج .... كان قلبو كيضرب بقوة .... حط جبهتو على جبهتها وعينيه فعيينيها ... هايمين فبحر لووسنهم سووود .... تنهد مغمض عينيه ونطق ...
افنان ... "حاوطاتو بيديها وتكات على صدرو معنقاه بقوة " كنبغييك ادهم كنموت عليك
ادهم ... "عنقها بدورو كرز عليها بين صدرو تا مبقاتش تبان وسط عضلاتو حس بشي حاجة مزاحماه وهو يتبسم " كنبغيك اشيطانة ديالي
أفنان ... "رفرف قلبها وهي تشوف فيه بعويناتها كيضحكو " توحشتك اااه وشيطانة علاش تاني 🙄
ادهم .... "تبسم عاد رجعات ليه رووح من جديد " ههه شيطانة وكنموت عليها "كيشووف فشفايفها لي توحشهم "حط يديه مور ضهرها ودفعها عندو وقرب لشفاايفها وحط شفايفو عليهم غمضو عينيهم بجووج وترفعو فالبووس اححح "
كيبوس بشوية وكل شفى بووحدها ... بمص ولحس تا تهزات ودورات يديها على وجهو مزيراه عندها بقوة وكريشتها معنكشاهم بجووج ... دامت لقبلة لحارة وكلها شووق ... حتى تحولات لقبلة عنيفة من جيهتو ..
عن طريقها وصل ليها مدى شوقو ليها ... وتا هي بادلاتو نفسها تا تقطع نفس فيها ... عاد رخف عليها و رجع باسها بووسة خفييفة وتبسم ... جارها معاه لجيهت سريير ....
وتا هي بادلاتو نفسها تا تقطع نفس فيها ... عاد رخف عليها رجع باسها بووسة خفييفة وتبسم ... جارها معاه لجيهت سريير ....
ادهم ... "باس يديها بجووج " سمحييلي انتي لي قصحت معاك "حط يديه على كريشتها كيتلمسها " كيف بقى ولدي
ادهم ... "همس فوذنيها بكلام رديل تا حمارو حنيكاتها " فهمتي دابا يعني حاولي ما امكن تبعدي غاتاخدي ذنوبي ومنقدش نقيصك حاليا تا يصفى دم لا أجي نديرو واحد لبلان
افنان ... "طرطقو حنيكاتها وهي تخشي راسها فالغطى " منحرف
أدهم ... هههه "جرها عندو " مزال مشفتي والو
بعد حديث طويل كولو ضحك وحب ... فرغو فيه شوقهم لبعض .. واخيرا نعسو تا صبح صباح ... عاد لوااو بنعاس ..هي مخشية فيه وهو ملوي يديه عليها تا نعسو ....
🌸🌸🌸🌸🌸🌸🌸🌸🌸
فاقت بكري حييت عندها إجتماع هام ... لبسات كسيوة فوقها كاب طويل فالبيج ... حيت تحرك لبرد ... هزات لوطو ديالها وكسيرات لشركة .... بعد هاد المدة طويلة ولا مرة تلقى ليها خاليد ... وهادشي كان ديما معصبها ... كانو فقط الى تلاقاو كيبقاو يشوفو فبعض ويدوزو بحال الغرباء ... قررات تمحي هاد الحب بمرة وحدة ... وتعطي لمالتيس فرصة ... حيت ما مرة ما جووج تقدم ليها وكانت كتلفو بحجة الخدمة .... لكن دابا صافي قررات تعطيه فرصة.... وتبني حياتها من جدييد ... دخلات لشركة بكل كبرياء بحال خوها مخلية كل شي يوقف ليها ... توجهات لمكتبها طلبات قهوة .... شافت ساعة لقات هذا ةقت الإجتماع لي عندها ... حيت مهم وصفقة مربحة لشركتهم ... دخلات لقاعة حاملة بيسيها فيديها ... كتشووف لفووق .... كانو الموضفين مجموعيين ... جرات شلية وجلسات كتشوف فشريك جديد لي عندها معاه صفقة ... تا هضر احد من الموضفين بلي باقي ما بان ... شعلات لبسي وهي تشم شي ريحة مغريباش عليها .... تلفتات وإذا بيها صدمة عمرها ... كان جاي بطوولتو وقامتو لعريضة ...كيضحك كيف ديما ... وريحتو سابقاه.... وقلبها كتر كيتسابقو دقاتو ... وجها رجع حمر وهي مخرجة عينيها فيه ... تا قرب وهو يحني عندها همس حدى وذنيها ....
خاليد... جمعي فمك رااه لموت كدوور وقادي داك زبل لي لابسة وانتي فاضحة كرك على لمباشر جمعي بزازلك ولا عاجبينك "خنزز فيها "
بقات مشووكية وعينيها خارجين فيه ... وحناكها حمارو بالحشمة ... ضرباتو بتخنزييرة فاعلة تاركة وهي توقف ... ناوية على خزييييت
خديجة .... "ربعات يديها " شكون سيااادتكم
خاليد ... "جلس وخنزز فهادوك لي كيشوفو فيها " شريكك فصفقة جديدة خاليد براون ومن لا يعرفه
خديجة ... "خنززات فيه عصبها تايق فراسو وجاي تا لشركة " عرضك مرفووض تفضل "كتوريه لباب "
خاليد ... "تبسم و وقف تا غطاها بضلو كيشوف فصدرتها لي مبند بلق هز الملف ومدو ليها " قراااي امدااااااااام "طولها "
خديجة ... "خرجات عينيه من كلمة مدام وشافت فالموضفين لي كيوشوشو وهي تعصب كتهضر تحت سنيه معاه " شهاد الوقاحة والغروور خرج بحالك ولا مغايعجبك حال خرج برى
خاليد ... "تبسم وقرب ليها تا طرطقو عينيها وبدات تفتف" قراي لي فيديك ابيبي
خديجة .... "حلات الملف معصبة حداه وبدات تقرا مفهمات والو كتحاول تفهم وتسوعب واش بصح هذاك سينياتوور ديال ادهم يعني ديجا وافق لا لا بغات تحماق شدات راسها ولاحت عليه الملف هزات بيسيها وتمات غادة لمكتبها " تسالى الإجتماع كل واحد لخدمتو يا الله تحركو
خلفات وقلبها كيضرب بقوة ممتيقاش رجع تاني ... غادي يحمقها مفهمات فيه والو مرة كيغبر ومرة كيبان صافي لحماق هذا ... دخلات لمكتبها معصبة وشانتة مع لابسة كسيوة قصيرة مع ليبووط ... واحد مولاتي ترمة كتهز ... قبل ماتزدح لباب كان دفعها ودخل ....
خديجة ... "تعصبات وهي طير عليه عطاتو دقة لكن غوتات فبلاصتو " احح اييييي يعطيك طيار يطيرك عليا واش انت بحال لحلقوووم واش باغي تحمقني واخرج عليا كمارتك مباغا نشووفها ولبسي هذا ماشي سووقك فيه وانت اخر واحد تهضر عليه اصلا ماشي من حقك فهمتي
خاليد .... "جرها من خصرها وحاصرها مع الحيط " من ليوووم غادي نبقى ندخل فأبسط حاجة ديالك حييييييت من ليووووم انتي ديالي والى شاف فيك شي زامل نتقب لمو عينو ... ونزك هاد لبس باقي شفتك بيه غانقطو عليك ونصيفط كيف ولداتك مك ... وهاد تقحبين مديريهش معايا ... "باسها فعنقها" فهمتي دابا ابيبي
خديجة .... "قلبها رجع يضرب بقوة لكن سرعان متفكرات حب حياتو وهي دفعو ولكن بحل جبل متحركش " طلقني ازمر اش كتخور انت وانت سمحات فيك الحبيبة وبنتلك فلبلان ولا كيفاش طلق ازمر مني انا مديالكش ديال راسي وقريب نولي ديال مالتيس فهمتي وحيط زمر ديدك عليا .....
خديجة .... "قلبها رجع يضرب بقوة لكن سرعان متفكرات حب حياتو وهي دفعو ولكن بحل جبل متحركش " طلقني ازمر اش كتخور انت وانت سمحات فيك الحبيبة وبنتلك فلبلان ولا كيفاش طلق ازمر مني انا مديالكش ديال راسي وقريب نولي ديال مالتيس فهمتي وحيط زمر ديدك
خاليد ... "سمع مالتيس وهو يغرس يديه فخصرها تا تأوهات " ديك لمخنت نهار نشووف دييلمك معاه غاتكون هضرة اخرى والله تا تنعطي لملتك علاياش كتقلبي ... ديك تجرعين ديالك غانحدهمليك غير بلاتي "رمق صاحب دعوتو وهو يزيرها عندو تا تلاصقو اجسادهم وهو يطير على شفايفها بقوة كيمصهم ويديه كيتساراو فضهرها ... عيات تدفع والو هي براسها كتبغيه وعمرها تنكر هادشي .. حسات بقلبو لي كيضرب ... نسات راسها وفين ... وتعلات عندو مسايراه ... وهو كيعذب فشفايفها بقوة مغمض عينيه ويديه على ثرمتها كيعجن فيها ... تا تأوهات وهو يدخل لسانو ... كلاها ماكلة تا ساحت فيديه ...وهو يتبسم طالع لجيهت صدرها .... قرصها فراس ديال بزولتها تا نقزات وهي تغوت ....عاد طلعات معاها بقاو عينيها خارجين ويديها على فمعا شاهقة .. اما هو تكرشخ عليها بالضحك ومن منضرها قرب ليها قاد ليها لكسوة وباسها فخذها ....
خاليد ... مكنكذبش عليك ... بصح معرفتش قيمتك فالاول ولكن من بعد عرفت راسي باغيك بلى مانعرف رجعت نتبعك ونحضييك فاي بلاصة كتمشي ليها ... رجلي كلقاهم كيقوودوني عندك ... عمري بغيت ولا عرفت بصح بلي الحب هاكا ... لدرجة وليت كنحلم بيك شي مرات ... سمحيلي جرحتك "عنقها كيضحك عليها حيت مصدوومة "
معرفات راسها واش تيق ولا لا ... لمهم قلبها ربي عالم بدقاتو .... فرحات حيت فعلا اول مرة كيهضر بعقل ... حسات بييه فعلا باغيها ... لكن هي مقدراش تعطيه فرصة مرة اخرى ... غمضات عينيها وبعدات عليه ...
خاليد ... "خنزز فيها " تيقي ولا متيقيش داكشي كيرجع ليك لمهم انتي ديالي كتسمعي ويلى درتي هاه ولا هاه نفرشخ ديلمك حقا ماشي لغتا
خديجة ... "قلبها كيضرب من كلامو " برهن لي هادشي ديالك
خاليد ... اممم بحالاش هاد نبرهن ليك عاود
خديجة.... باغيني اوى جي لدارنا سي نو ها الباب كبيرة
خاليد .. "خنزز فيها " على شنو حسابليك غادي نمنعك راك غالطة ابيبي حيت باغيك اليوم قبل غذا 🤪
خديجة .... "حلات فمها ممتيقاش لي كتسمع واش بصح هو ولا كتخايل " هااااا
خاليد .... لي بغاه باغيه ولا زيدي قدامي نتغذاو بجووج
مخلاهاش فين تهضر هز ليها صاكها لاحلها ... وشدها فيديها جرها موراه بحال البنيتة صغيرة ... وهو قد صخط وعريض ...خلى كل شي كيشوف فيهم .. وهو ممهتمش شابك يديه مع يديها ... عيات تفلتها والو ... وحشمانة من الموضفين لي كيتفرجو ....فيهم ... غير خرجو وهي تسلت يديها
خديجة ... علاش درتي هاكا ؟
خاليد .... "حمر فيها " مشفتيش راسك اش لابسة وكل شي كيتفرج فيك صدرها خارج وثرمتك بارزة وعينيهم حوالو وانتي فين ولا هامك.. دابا غايعرفو مزيان انتي ديالمن اصلا هاد الخرى مغاتبقايش فيه
خديجة ... "هزات صاكها معصبة وشافت فيه شوفت القتيلة " اوى الى كان هاكا تا انا والله لا زدت معك خلفة دغيا ولينا فالحكام ملبسش منخدمش لا انت لي جات معاك حطني كاضر حسن وسير راك غير مقبووووووووول
خلاتو كيضحك على هبالها .... وهي كتخنزز فيه محسات غير براسها مجبودة عندو ...
خاليد .... زيدي من بعد ونتفاهمو فهادشي
خديجة .... لا مغاداش حتى دابا نفهم بلانك انت اكيد محرشينك عليا مافيهاش مشكووك من امرك
خاليد .. "ليعها بقرصة تا نقزات " طلعي ولا نطلعك بيدي تحركي قدامي
طلعات كتنفخ وهو كيضحك عليها ... ديمارا لووطو لمطعم فين غادي يتغداو ... كانت غافلة على مالتيس لي شاف كل شي .... من غير خاليد لي كان حاضيه وممبينش ... تمناه يهضر باش يزويه ساعة كيف توقع جبان ومغارضووش فالمعقول ابدا .......
فاقت بكري جمعات شانطة ديالها وقاداتها حيت واخيرا سالى تصويير وغادي تمشي ترتاح ... حيت الخدمة مبقاتش حاليا ... كانت فرحانة حيت غاتمشي تشوف واليديها وختها صغيوة ... رجعات شعرها لوور برااحة ... ودخلات دوشات خفاات راسها ... وخرجات نشفات ذاتها لبسات دوبياس وجلسات كتنشف شعرها بسيشوار .... كتشووف راسها فالمرايا وتفكر أخر ما وقع بينها وبين مهدي ... متنكرش كتعجبها شخصيتو بزاف .... لكن كيفاش كيتعامل معاها وكيفاش كيحاول يتقرب منها ... خلاتها ضرب ستاتي فالخماسي مع راسها ... خصووصا المصور لي ضربو فاش لقاه كيتلمس فيها ... هي بالنسبة ليها امر عادي يقيصها لمصور ويوريها كيف تبوووزا ... لكن لي شغل بالها هو قربو منها بزااف ... ابسط حوايج كديرهم كيعصبووه ... عيات تحلل وتناقش ... فتالي وصلات لمفهووم واحد .... هو بغاها ويمكن حسابو من دوك العارضات لي كيعطيو راسهم بسهوولة ... تبسمات وهي ضرب شعرها لووور .... قبل متلفت بانلها واقف فالباب كيشووف فيها ... بطريقة سيكسي خلاتها تلف ....
مهدي ... "بالأنجليزية " واش دييما لباب كتخليها هاكا محلوولة كون شي حد دخل ولقاك هاكا مسفحة
سوسن ... "ضربات فشعرها وهزات عكار قاداتو حداه " وإذا فين كاين المشكييييل اصلا العالم شايفني هاكا
مهدي ... "كرز على يديه وتبسم وسط عصبيتو " هبطي تفطري بقات ساعة ونتحركو وهزي معاك جاكيط سخوونة "زدح لباب وخرج كيفوور "
سوسن .... الهرس انشاء الله "هزات كسيوة خفييفة لبساتها مع سندالة طالعة ... رشات ريحتها وهبطات هازة فيديها صاكها .. مشات لبووفيط خطات عصير مع بيسكوي وجلسات فلاطيغاس "
بقاو مني منك مني منك.... مجمعين مرة يضحكو مرة يتغانو حتى جا وقت طيارة ... طاقم رجع فطيارة مع المسافرين ... سوسن حسابها تا هي تا كتشوف حوايجها غادين لطيارة أخرى... طلعات بلى متكلم ... تكات وجمعات شعرها ... باغا غير توصل قنطات من الخدمة بووحدها ... بلى أصدقائها ولا واليديها 6 شهور مشافتهم ... كان بيناتهم غير تيليفون ... غمضات عينيها وتكات .... دقائق عديدة وطارت طيارة بيهم ... جلس مهدي هاز بيسيه كيشووف الأسعار لي رتافعو ... ومبتاسم بإنجازاتو ... اكيد قاسم غايكون فرحان ... وتا هو توحشو ... واخا نزل شحال من مرة مجلسش حدو حضر لجلسة ديال ادهم وافنان ورجع فالنفس النهار ... طفى لبيسي وشاف فيها بنص عين كانت مغمضة عينيها ... تا هو تكى بحالو ...
بقاو مجمعين كيهضرو ... عيطات فرح لجوج ديال لكارد هبطو سعيدة لجردة ولبساتها كاب سخون فوق قتافها ... شدات فرح فافنان وهبطو بشوية فالدرووج ... تا الجردة وتجمعو تما ... شوية وهي دخل خديجة ... فرحانة وضحكة على وجها مزيناها ... وكدندن بصوتها رشيق ولما لا وهو عطاها وعد يجي لدارهم لكن قبل يهضر مع ادهم فهاد الموضوع ... باش متوقعش شي كومبا فالقصر خصوصا هي عارفة علاقتهم واخا تودطات فالأخير لكن باقي عندها شكوووك اتجاه هذا الأمر ... شافتهم مجمعين وهي تنقز على فرح من لوور معنقاها وكضحك ....
وكدندن بصوتها رشيق ... شافتهم مجمعين وهي تنقز على فرح من لوور معنقاها وكضحك ....
خديجة .... الغالية ديالي
فرح ... هههه هاي هاي ناس فرحانة شي حاجة هادي
خديجة ... هههه دابا الى عنقت الحبيبة ديالي غاتكون شي حاجة زعمة
هربات من شوفات الام ديالها وغمزات افنان ... عاد طلعات كتجري غاطير بالفرحة وفالنفس الوقت ممبيناش لخاليد باش توووبوو شوية ... وكتفكر فرد ادهم كيف غايكوون ... نصلات حوايجها ودخلات دوش باش ترخي نفسها ....من هاد التوتر لي فيها
🌸🌸🌸🌸🌸🌸🌸
بعد ما تفارق مع خديجة فرحان ... ومتاكد بلي خدى القرار صائب هاد المرة ... هز تيليفون صونا على ادهم ... ودار معايا جييهت لبحر ... كان واقف داير يديه فجيابو ... لابس جاكيط وجينز مع سبرديلة .... وداير يديه فجيابو كيتسناه يوصل عندو.... داكشي لي كان وصل ادهم لي كان طريق كاملة كيفكر فاش بغاه وإنا موضوع هذا لي مهم ... سطالى لووطو ونزل كيشوف فيه من بعييد جالس فوق صوور ... قرب منو ونطق مثقل بصوتو ...
خاليد .... "مسح جنب فمو وتبسم " حيت كنبغييها وهادشي عاد كتاشفتو ختك حق رب ادهم يا ليا يا برب تا نوض شياط انا وياك عارفني الى بغيت الحاجة كنبغييها بقلبي ماشي تفلية .. وزايدون بغيت نجمع راسي علاين نوصل 35 باقي مدرت حياتي وخديجة هي المثل الاعلى ليا ... هي وربي كبير "كيشووف فيه معصب "
ادهم ... "طول شووفة فيه " اش كتقول هي
خاليد ... "تبسم" موافقة الى وافقتي انت
ادهم ... امممم والى مبغيتش اش غادير
خاليد ... "كرز على يديه " عمرها تكون لشي حد اخر غيري بلى مدخل مشاكلنا دشحال مع علاقتي بيها الله يخلييك كنبغييها وغانديرها فعيني وفوق راسي ولي بغاتو موافق علييه
ادهم ... "تبسم من لداخل حيت اصلا عارف كل شي تا حاجة مخافية عليه قرب منو ونزل عليه لوجه " هادي ديال ديك لملاقية دبزز "عطاه بالضهر " غاندوي معاها لول وإلى وافقات غادي تعلمك جييب خالتي سوزي شحال هادي مشفتها ولبس النم مزيان
خاليد ... "كيضحك " عرفتك عود ناضي "مسح فمو "
حسات بنغز فكرشها .... تسندات فرح لي وقفات شدات فيها ... خرجو لجردة شادة فيها وهي كتمشى بالشوية تا حسات بدييك نغزات فاتوها عاد تنفسات براحة و ترخات ....
أفنان ... "عاضة على شفايفها " ماما واش غانولد ولا كيفاش كنحس بنغزات فكرشي بحال ضو
فرح ... متخافي من والو ابنتي هادشي عادي مزال وقتك ولكن ضرووري تحسي بعد لمرات بهاد نغزات فكرشك ... رخفي غير ذاتك ابنتي
افنان ... اممم واخا اماما دعي معايا يدوز كل شي على خير مخايفاش ولكن كنتمنى اماما نولد بشكل عادي
فرح ... مغايكون غير الخير انشاء الله "شالت لوجو د ادهم داخلة " ها راجلك جاء "رجعات سولاتها" ياك كل شي على خير
ادهم ... "عبا صابر وهو يزرب حل لغرفة وحطها فسريير وكالاها بيديه بجووج كيشووف فعوييناتها لي مبتاسميين " شنو ندير فييك دابا
افنان .... "كضحك " لي بغيتي انا ليك دير لي عجبك فيا "باستو فمو "
ادهم ... "بلى ميهضر تلاح على شفايفها بهمجية هو موحشها وباغي غير امتى يجيه الفرج وهي كتعذبو مقدرش يصبر " كنقسم ليك حتى كنجمع لييك نهار نشدك ديك ساعة خرجي عينيك بحال دابا
مخلاهاش فين تجاوب ونقض عليها ... كيمص فشفايفها ويعضهم حتى كتاوه وسط فمو ... معارفش غريزتها تحركات اتجاهو وبغاه وهو كتر منها .... نزل بيديه كيتلمس صدرها ... وفمو فمها كيعصروو بقوة تا كتزييد تاوه ... مشعلاه حط يديه على لخيط ديال ريدو نزلو وتخشى تحت رجلييها ... شاد صدرها بين يديه كيعجنو وكيزيد يمص فشفايفها ... مخليها متجاوبة معاه .... فكل مرة كيبدل ريتم لقبلة كيزيد يجننها ......
شاد صدرها بين يديه كيعجنو وكيزيد يمص فشفايفها ... مخليها متجاوبة معاه .... فكل مرة كيبدل ريتم لقبلة كيزيد يجننها .... بسرعة حيد ليها ترييكو ... وهبط مع عنقها كيفرق قبلات متاليين عليييه ....وفالنفس الوقت كيتلمس فذاتها لي توحش ... طير سووتيام ونزل عليهم كيقبلهم بشهوة ... وهي غير كتغووت ضرها ... مع مصييصة مع عضييضة تا غوتات .....
أفنان ...... أاااااي اااااااحححححح ادهم "نتفاتووو من شعرو "
ادهم ... "هز وجهووو حمر مسكيين وصل " باش تعلمي تجبدييني "رجع كيعذبها شاد كل وحدة فيد كيمض بحال دري صغير وهمة كيضرووها مع جراتو من شعروو بقوة مع عطاتها بركلة تا ضحكات ...."
أفنان.... ههههه ولدك كيحامي عليييك
ادهم .... "خرج عينيه فاش حس بركلة حط راسو على كريشتها ويدييه عليها كيدوز عليها ... حس بركلة أخرى وهو يضحك " هههه كيضرررب
أدهم... "شافها غادي تبدأ وجا مسكتها وهو ياخدو هبط عليه " صافي دابا مزيان "كيخنزز "
افنان ... ههه مزيان
مشى لدريسينغ لبس كيطمة سخوونة .... نشف شعرووو ... تلفت عندها لقاها كلات ديك شوارما ...و داتها عينيها ... تبسم وغطاها قبل راسها عاد خرج ... غادي عند خديجة باش يحسم الأمر .... هاد الأخيرة لي كانت جالسة فوق سريير كضحك فتيليفون ... و كتقلب فعويناتها بدلال ...
خديجة ... امممم دابا خوية قالك هاكا
خاليد... اييه الالة دابا عطييه الموافقة ديالك باش نجي فلييل
خديجة ... اممم وتايق فرااسك "باغا ترد لييه صااع صعيين " اسيدي انا مكزعرفكش ومموافقاش هي مليون
خاليد ... انا لي غنحويك شحال مبقى غانفرعك غير وجديلي راسك دابا باغا تغلغليني ولا شنو
خديجة .... سير فحالك صدعتيلي راسي "شادة ضحكة " سير تلاح من شي سطاح حسن ليك
خاليد ... طوالك لسان دابا نقطعو لديلمك من جدر
خديجة .... "قطعات عليه وتكرشخات بالضحك " ههههه غانوريييك ثمن البكى لي بكييتو عليك غير بلاتي ...."شافت أدهم وهي تقاد وجها حمر بالحشمة " خوووية
ادهم ... "جر شلية كيشووف فييها " من إمتى
خديجة... هاااا مفهمتش اخوية
أدهم ... "صغر عينيه فيها " من امتى وليتي تخبي علييييا
خديجة ... هاا كيفاش اخوية
أدهم ... غادي نسوولك والى مجوبتيييش متلوومي غير راسك "سكت كيشوف فيها بعينيه مكمشهم " كتبغييييييييييه
خديجة ... "شافت فيه مطولة وحنات راسها عاد نطقات " سمحلي اخووية اييه كنبغييه ولكن عمري طيحت بكرامتك حتافظت بكل فالداخل ديالي باش نبقى عند وعدي لييييك
ادهم ... "تبسم لكن مبينش حيت اصلا كل شي كان عارفو وكان يوصلو " كبرتي اخدييجة مبقييتيش ديك لبنييتة صغيوة لي كانت تشبط فيا "قرب منها وشد فيديها " موافقة عليييه
خديجة ... اممم صوني عليه قوولي ليه مبغيييتش ومقابلاش
أفنان... "خرجات عينيها " واش من نيتك اويلي
خديجة ... وغير لعب معاه شوية ومن بعد نقولو يجي
افنان.... "شافت فيها مطولة " انا مامعاكش سيري لعبي بوحدك ان غادة نوجد راسي تهلاي هادشي غير لحماق لي كديري فيه اويلي والله تا يخليك راه مصعوور هداك انا لي كنعرفو
خديجة ... اوى ها هي فيييك البووطة
افنان... "غادة وكتلعب بصباعها وتقلب فعينيها بحال المشة " لبووطة هي ديك ثرمة لي عندك اما انا لالاك احححح عليا وخلاص
تكات كتلعب بصباعها بتوتر وتفكر زعمة يدييرها ... هزات كثافها بلا مبالاة ... بالها تيليفون كيصووني ... وهي ضحك ..
خديجة ... احم شكاين عاود
خاليد ... هضري مقاد ولا نهرس ليك فمك مباغاش ديري عقلك ولا شنو
خديجة ... مالي بنت ليك حمقة
خاليد .... كنقسم ليك حتى غانخرجها منك دابا تشوفي
خديجة ... اوى تا انا غانعلمك من دابا راني قلت لخووية مموافقاش بيك يا الله
خاليد .... اوى مزيان تا انا نمشي نضبر على راسي بشي بنت ناس لي تستاهلني تهلاي "قطع عليها"
خديجة ... "خرجو عينيها وقلبها بدا يضرب " ويلي ويلي انا اش درت اش درت اناري ولهيلا قطع عليا "هزات تيليفون بدات تصووني عليه كيقطع عليها وهي تزف بيه " اففففف اش درت انا
جلسات مربعة رجليها وكتفكر وتاكل فظفارها ... عقلها سافر فالحوايج لخايبين ... بقات من هادي لهادي وفتالي ناضت تخشات فالغطة وخشات راسها تحت الخدية كتغبن مرساتش بصونيط والو .... طفى تيليفون وهي تعاود تلوووحو ... وكتسب بين سنيها فيه ... مخلات حتى كلمة
فالغرفة عند أفنان كان جالسة وحاطة يديها على كريشتها .... كتمرر عليها وكتصووط حاسة بالسخفة... فهاد الأثناء دخل أدهم من الخدمة ... قرب باسها فخذها بانتليه ماشي على طبيعتها وهو يجلس حداها كيسولها بخوف ....
أدهم ... كضرك شي حاجة
أفنان ... فيا سخفة أدهم ورجلي ضاريني
أدهم ... نديك لطبيب "بخوف "
أفنان ... لا هادشي عادي يجيني غير معرفتش اففف مكنقدش نمشي بزاف
ادهم ... "هز رجييلاتها حطهم على فخاضو كيدوز عليهم " فين الحريق هنا
افنان ... اااااه تم تما
أدهم ... "تبسم وبدا يدوز عليهم فعلا لقاهم مفووخين مع بيبضيين وصباغة حمراء فضفيرات ومبيطزين حمقوووه " قوليهالي اش كندير انا هنا
أفنان ... "حسات براسها ترخات وهي تبسم " شكرا عاد حسيت براحة
أدهم ... "هرها تا تهزات " كل ليلة ندلكهم ليه ميبقاوش يحرقوووك
أفنان ... "تبسمات " امممم امتى غايجي ولدنا أمير معذبني
أدهم .... مبقاش بزاف سيمانة ننزووه بين يدينا "برقو عينيه " غايدوز كل شي مزيان احبيبة
أفنان.... "سمعات حبيبة وهي طرطق عينيها " شنو قلتي دابا
أدهم ... وينو على لي كيحشم "زيرها مع الحيط وحتى عليها بقبلة انساجمو فيها بجووج ونساو راسهم قبلى فرنسية بامتياز " اح سيري لبسي وقادي راسك ذنووب كلهم ديتيهم فحقي والله صابر على خزيت ابنت ناس
افنان ... "حاطة يديها على فمها وكضحك "
ادهم .... "دخل لدريسينغ لبس كومبلي اسود لون وقاد شعروو بانتليه جالسة قرب منها وجلس حدى رجليها " غير رتاحي انا نبدل لمراتي الغزالة
أفنان ... غانبدل راسي
ادهم ... "حنزز فيها " انا لي غالبسك بلى منعاود هضرتي
قرب ليها كيحيد ليها حوايجها خلاها غير بالدوبياس وهي حشمانة ... لبس ليها لكسوة طوويلة بالكمام ومجموعة من جيهة صدر ..... تبع ليها بليغة فرجليها صحية حيت مخصهاش العالي ... وقف كيشوف فيها وكيضحك .. جا معاها الحمل بينها إمرأة تانية وعاقلة قبلها فراسها وتبسم
أفنان ..." كتشوف راسها فالمرايا فرحانة من لووك جديد " شكرا اراجلي لعزيز "قبلاتو فخدو وجلسات كتقاد وجها وشعرها وهو يوقفها "
أدهم ... "كيخنزز " والله وديري شي وييل فووجهك تا نمسحوولك هاني علمتك هاكا جيتي زوينة بلى زبل اصلا طبيعية كتباني حسن من ديك تخربيق... انا مكرهتش ديري درى مبغيت يشوفك حد من غيري عاد كتزيدي بتزيين ... زيني راسك ليا بعدا ... اما باش يشوفوك ناس لا تم لا هاني علمتك غانمسحولك لا درتي شي حاجة
أفنان.... "فرحات من كلامو لكن فالنفس الوقت تقلقات هي بغات تقاد راسها وهو حرمها " اففف صافي بلى ماتبدا مغاندير والو
ادهم .... "باسها فراسها " هاكا نبغيك كوني مرضية دراجلك "شابك يديه مع يديها " نوصلك عند خديجة باش نهبط نشوف لتحت واش قادو كل شي
جر ادهم افنان معاه... ودخلو جلسو دراري فصالة لكبيرة ... بقات كتفرك افنان يديها بتوتر وكتشوف خديجة كتصيفط المساجات ليها ... مرتاحتش وخافت توقع شي حاجة... واحد شوية وهي تصمع صوت لوطو .... وشوية وهما يتمو داخلين خاليد وسوزي شاد فيها لابس كومبلي كحل ومقاد الحالة وسوزي غاطير بالفرحة ... تقدم أدهم عندهم ... سلم عليه وسلم على سوزي لي عنقاتو فرحانة ... رحب بيهم ودخلو لصالة سلمو على دراري ... وقفات افنان فرحانة بدورها سلمات على سووزي ... بان ليها خاليد واقف كيشوف فيها وفكريشتها وهو يتبسم .... حضنها بقوة كيبووس راسها وهي كدمع على صدرو ... وتعنق فيه وهو كيضحك عليها ... هز راسو باسو وشد فيديها ...
جلسو كيتحدثو وادهم مقرنص حداهم حتى هبطات فرح سلمات عليهم وجلسات حداهم كترحب فيهم وتعاود ... كانت طابل مزوووقة بجميع انواع الماكووولات ... عيط أدهم على خديجة هبطات حشمانة وكتحلف فافنان .. حيت بقات تصيفط ومجاوباتهاش ... سلمات عليهم وعلى سوزي لي عنقاتها ... جلساتها حداها كتشوف فيها وتعاود وخاليد غير بنص عين كيحلف وعجباتو بهاد ستيييل ... تجمعو على طايل ديال العشاء تعشاو ... وغير كملو خرجو لصالة لي على برى كانت طابل تاني كلها موجدة بالحلويات والفاكهة المجففة العصير بأشتى انواعو ... بقات غير خديجة وافنان لي بعاد شوية عليهم ... حنحنات سوزي وبادرات فالموضوع بفرحة كبيرة .....
اللؤلؤة السوداء الجزء 12
محتوى القصة
التنقل بين الأجزاء