مكدبووش لي گالو ضربه بدمهاا ولا کلمه بسمهاا ، لکلام لی عبدو رماه طلق فی نفس سهیله سم لی معندهاش دواه...وخلاها تسول میه ومیه سؤال ...."يااه واش انا خايبة تال هاد درجه "......"واش بصح اذيت الراجل لي غرقني في خيرو وحماني من اذية غيرو ..".....اسئلتهاا لنفسهاا تحولت لعتااب وخصام ..وخلات نيران الندم شاعله فیهاا وعارفه مکین لی يخمدها ولا یطفیهاا...
جلساات فووق ناموسیه حاطه یدیها علی خدها وکتالم من لداخل وبراا...شهقااتها بالکاد قاده تخرجهم گاع الفرحه لی حسات بیها من ورا مسعات خبر وصولو ضربات فعرض الحائط ورجعاات قرحه....لکلام لی کانت موجده لیه ومصممه تخلیه بیه یلین ...تبخر فی سمی ...
سهيلة..."کتهز وتحط مزال حرقه لکلام طلع فیها وتنزل "...اش بان لیک فی ولد عمتک وکلامو ؟؟ هء هء 😭 گال لیک ندم لی عرفنی ولی حتی عونی...شحال وانا کنتسنی کلمه کنبغیک منو باش نطیر ونفرح کیف لبنات ونهار گالهاا لیا تمنیت الموت ولا هاد لحیااة ..
سوسن...."عارفة كلام دنيا كلو فهاد ساعة مغيرضيهاش .."...الا كنتي كتبغيه عمل نفسك مووطعو وعدروو...لي شافو وعاشو قليل قدام لي قالو....نتينا عارفاه كيف عامل ودماغ كيف مشكل...هو ما مرة ما زوج تقاتل مع يونس بمسبتك ونتينا مكنتي لا كتعرفو ولا ختو ديك ساع...محساك دابا لي عدتي مرتوو ..يعني لي دارو قليلة وبجهد
سهيلة ..."قاطعتها "...عار ربي لما سكتي...ومتندمنيش حيت جيت ولا عودت ليك ...علاش كتجي منوو ها ولا حيت هو كيجيك وانا غير سهيلة...سهيلة لي تكتاب عليها ولديها يموتو وتجي لبلاد ماهي بلادها و تعيش مع ناس ماهما ناسها ...سهيلة لي طفولتها عذاب وشبابها مرار..."كتهضر وتبكي بهستيريه "....لخروج من دار وخرجاتو ، ولا درووگ وشماتو...وسبيطار ودخلاتو اكفس الحوایج دازت عليا ونهار تكتب ليا الفرح تعزوه فياا ...."عينيها حمرين " ...ايوا اللهم المووت والراحة النفسية...ولا هاد لعیشه والعذاب دیال دنیا ."ناضت بنثرة ومشات لبيتهاا وسوسن وراها خايفة من لي غیملیه ري عقلها وشوارها
دخلات عليها لقاتها كتلبس في حوايجها
سوسن....فين مشى اسهيلة بهاد الحالة ..😫
سهيلة..."بالغواات"...لجاايحة الكحلة لي توضرني عليکم ونتهنى
سوسن ...."كتجلس فيها "...اوعدي نعل شيطان وحضري عقلك..
سهيلة....عنو محضر ولا تلعن اختي خليني تخنقت ولا بقيت هنا غندير شي موصيبة في راسي...
سهيلة....الا كان قليل زهر بحالي غا نموت انا وياه ونرتاحو بزوج بيناا.. هء هء..😭 "جراتها سوسن لعندها وخداتها في حضنها كترطب معاها وتطيب خاطرها بكليمة "..
سوسن....صافي متعملشي فراسك هايدا الهبيلة وهو الا قال هاد لكلام عند بالك مندمشي تلقايه لتحت كيسلخ فشي مخدة ولا کيهرس فشي شجرة راك عارفاه فزعي...
سهيلة...." بضحكة مخلطة بتنهيتة "...قاليا غيمشي لمراكش ويخليني ونهاار نولد يدي ولدي وعمري نشووفهم ولا نسمع تا صوووتهم...
سوسن.....غا كيقوول ياك قاليك كيبغيك..ايوا سماعني مزيان لي كيبغي عمرو يفرط واخا معرت شني يطرا كون بغى يسمح فيك يعملها قبل ياك شحال من خطرة مشى وعاود ولا ...
سهيلة..."هزات عينيها فيها مغووبشة "....متاكدة..؟؟
سوسن ....ومليون في المية ومتخافشي انا نعزز ليك صحة كلامي..دبا نزل عندو ونزند فيخرات ونلووح كذيبات وغتشووف الا ما ليوومة تخشاا هنا.."خبطات ناموسية "...حداك في الفراش
سهيلة..."مسحات دموعها "...وهاني غنشووف ونستنی ؟؟
نزلات سوسن ناویه تدوی مع عبدو وکیف گالت غي كدبة من هنا کدبه من لهیه مدات ولا جابت الاهم عندها هی الخاطر تصفی...لقاتو مکسل فی صاله تانی رجل ومسرح ختها هاز ریمود کنترول کیقلب ویشقلب تا حاجه معجباه وبجنبو کان مروان ولبنی مجمعین علی کاس دالقهوه ..
عبد الرحمان..." تقاد فی الجلسه کیلبس صندالتو منرفز "....نوض نوض تگعد نمشیو لقهوه ونتا مجمع لیا هناا..!!
کلامو کلو داز علی مسامع سوسن لی دارت راسها مشغوله بتلیفون غیر قصد غرفتو طلعات تلبس علیها وغیر حسات بیه نازل تبعاتو بلاما تبین ...امرات شیفور یتبع سیارتو وکانت طول طریق کترتب الهضره لی غتگول لیه ، صف سیارتو قدام مقهی راقی وجمیل حسات بیه دخل وجلس عاد مشات لعندو
سوسن.... خاي عبد الرحمان سمح ليا تبعتك... كان لازم نهضر معاك 😌
عبد الرحمان...."کان جالس برجولیه فی لاطیراس دایر رجل علی رجل وبین صبعانو گارو شاعل ومره مره ینتثر ویصووط ..."...طوالو رجلیک هااا !!
سوسن.....معندیشی حل اخور
عبد الرحمان..."شاف فيها مطول و تنهد "... جلسي .!!.. .."شاف فی مروان "....تلاح نتا وجد لینا جلسه بحال داک نهار انا نسالی ونتبعک ..."لاح لیه سوارت "...دیهم معاک نتبعکم فطاکسی ..."
مروان...." جر الکرسی ووقف "...تمام هاهو غادی ...
عبد الرحمان.... "دار عند سوسن كيتسناها تدخل في الموضوع". ....نباتو هناا ؟؟
سوسن.... شعندک مع سهیله ؟؟
عبد الرحمان... "طفی لگارو بعصبیه ".. شوفي ا سوسن نتي فمتابة ختي و الكلمة تجرحک منخرجهاش من فمی..."بانفعال "...ولكن تال هاد الموضووع وحبس نقد نگولیک شی هضره متعجبکش اللهم سدی فمک...
سوسن ... " حطات يديها فوق الطبلة "... سمعنی نقوولیک اخاي نتينا عارف الطبيبة شني قالت على وضع سهيلة وبنها ... و عاد هي اخاي مزال ستيوتة و تتحب تدلع و متنساشي اش داز عليهااا... بنت فحالهاا كيخصهاا الاهتمام و الحب و الخاطر ... الى مفهمتيهاش نتينا شكون غيفهمها من غيرك... خي الله اعبد الرحمان دير عقلك في راسك
عبد الرحمان..."رافع حواجبو "... سوسن كلامي ليها و قلتووو ومغنزيدش عليه ... انا راجع فحالي لمراكش نقابل خدمتي ... وهي غتبقى معاكم في القصر معززة مكرمة لی حلات علیها فمها توصل قبل متصدو..
سوسن.... "خبطات وجها "... اوعدي شكتقول ... و مفكرتيشي فيها و فحملهاا و كيف غتعيش هاد تسعشهور .. اييه وكرشها لي غتبان... شني غنقولو لبا و لعمتي...وعاد طبیبه کتوصی متحرکشی ...وملی یسقسیو ویقولو شعندها وعلاش المرض طول فیهاا ...شنی غتعمل مسکینه....وعاد نخافها تعمل شي حاجة في روحهاا... راه الوحم كيكون في شي شكل تقدر تبغيك تكون جنبهاا واا تشهى علیک .. شكون لي غيلبي ليها طلبها و يكون بيها وليها ا عبد الرحمان .." بترجی ".... فكر مزيان ماشي نتا لي تخلي حاجتك ولا تخلى على مرتك وولدك ... صحيح نتينا مقلق و هي عملت غلط لي نتا في عينيك لا يغتفر ... و مغنلومكش بالعكس نعذرك ... و لكن في نفس الوقت لازمني نبهك ... سهيلة من ورا مخرجتي حالتها مكانتش حتى لتم ... غير تتبكي و سيرتها كل دقيقة غا الموت و انا خايفة تعمل في روحها شي حاجة و نوليو نقولو يا ريت لي جرا عمرو کان ولا صرا ... نعل الشيطان أعبد الرحمان ودير عين ميكة يوونس وراه في المشفى و غضبك و بردتيه بالحق سهيلة شنو ذنبها ما هي دارت لا بيدها ولا برجلهااا ... طيشها وقلة عقلهااا لي دارهاا ليها و متنساش تا صغر سنها ولوحم لاعب فیها. متجيش وتکون نتا و الزمان عليها اخاي ...یرحم باباک
عبد اارحمان....." کلامها کلو سمعو وبقی کیشووف غیر فی فراغ ..خلاها حتی کملات ودار لعندها "...کتعرفی طریق دارکم...
" اش غتسنی من واحد راسو صخره ...رجعات منین جات وملی سولتها سولها ضربات طم وسکتات اما هو کیف عادتو مشی لقرعه ولکاس والا كانو ناس كيسكرو باش ينساو هو ملي كيسكر عاد كيسحى ...
کیف عادتو مشی لقرعه ولکاس ولکانو ناس تسکر وتنسی فعبدو ملی کیسکر عاد کیسحی...
الوقت لی هو ساهی مخلی کاسیطه سوسن تعاود فی دماغو وتحفر فیه.. کانت سهیله جالسه فی بیتهاا عایمه فی بحر ذکریاتهم مفکره لحظاتهم بزوج مع واهاتهم....اما البارون ولبنی فکانو فی غرفه هاد الاخیره کیفکرو لحل لمشکیلتهم ....
لبارون...وعلااش؟؟ محشووماشی...شفتینی کیف تعدبت انا ویمااه وفارقوونا لکلاب وجیتی تتینا غدرتینی وبعدتینی علیها وهلب بنی لی ولا راجل تحرمت انی نشووفو ویعمر لی کتافی نشووب فیه مو ونعوضنو علی لی تحرمات منو.. ...وباش تکفر علی خطئک کتقوولی منقدرشی نقولها لو ...تقولو حبیبک کیف کیتعیطلو راه بااک وانا خبیت علیک ..."هز صبعو قدام وجها ".. لاء غتقدر کتفهم غتقدر...
لبنی.... کانک کتقوولی مشی لحبل مشنقه بیدک...😟
لبارون...."کیشووف فی فراغ "...هاداک شغلک حلیها نتینا یا من وحلتیها
لبنی......"بحزن "....
خایفه نقولهالو وصدمتو ترجع علیا بتانیه ومتنیه ....ومتنساش هو غیرجع لوما لیا ویقول بلی انا انانیا وکنفکر غیر لراسی وفیا
البارون... "جمع الوقفه وقصد الباب بصراخ" ...هاد لکلام معندی منعمل بیه لی کنعرف .في اقرب وقت صارحيه بالحقيقة ولا انا نقوولهه لو ونکشف لمخبی ... مبقيتشي قادر نسکت ولا نزید نصبر
خلاها تفصل وتخیط وتفکر فی الوقت لی تصاارحو فیه وتگوول لعبدو سمعنی اولدی نتا لا ولد لحرام ولا ولد لخیریه نتا باک فلان بن فلان طول عمرک لا تشمو ولا تحمل طیفی....بالفم الهضره کتجی ساهله تقال ولکن تقبلها صعیب خاصه مع توالی مشاکل وصدمات لی تعرض لیها الوقت لی فاات
فوسط النايت كلوب وفمكان vip فيه الشخصيات واغلبهم اجانب ....جالس عبد الرحمان ومروان عاصرين على طابلة مشكلة من مالذا وطاب من الطابا والقطعة المتنوعة وشراب مختالف اللوان والاشكال فان غوج تيكيلا ...ويسكي وحتا شي كويسات فودكا يختمو بيهم ويطلعو الكتابة عبد الرحمان تيتنشوى على كاسو ومرة مرة يقطع بكاجو ولا طريفات فروماج غوج ...وتيمدغ بشوية وتيتمعن ......شعل كاروو وخدا نفس عميق وزفرو فالهوا......حتا ستهواتو وفيقاتو من حبل الدكريات اغنية طلقها الديدجي بطلب من شي واحد سهران ...وقف عبد الرحمان وهز كاسو وكاروه فاليد ومشا تيطل على الشباب لي تيشطحو على ديسك ديال الشاب الهندي "صغيرة فالاج "بدا يدندن مع الموسيقى واي كلمة تقالت تتطابق ليه مع دكرياتو هو وسهيلة تفكر اول نهار ...اول نظرة ،بوسة، اول لحظة حميمية بيناتهم واكثر حاجة نهار فتاتح اسوار انوثها واحتل اراضي ذاتها ...تفكر الرغبة لي تيحسها واللذة لي تتوصل لدرجة السكر وهو معاها تيتقاسم فراشها وجسمها ،تفكر كيف شعرها تيسدل على كثافها وتيرسم منها لوحة عجز لسان يوصفها ....تفكر ضحكاتها وابتسمتها وتفكر حتا دموعها ورغيبها ليه باش ميخليهاش فمصحة الادمان ....ضحك وتبسم منين تفكر نهار شافتو بعد غيبة وكيفاش فجئها وخلاعها منين خطفها .....وكفر وجهل منين تفكر لحظة رفضها ليه ....وطيشها ولسانها لي فزعي وعسري تنطق بلافرانات وتقصح بلامتحس ....تخيل كيف غادي يكون شكلها منين تكبر كريشتها وكيف غادي تسلك مع الحبالة ....حاول يتخيل شكل البيبي ولمن غادي يشبه ...تبسم وهو تيحك راسو على بحر الدكريات لي عصفات بيه وهيجات بيه بين مد حبو ليها جزر طيشها وهبالها لي كان غادي يدير كارثة فحياتهم بزوج كن ما ربي لطف ووصل فالوقت المناسب...رجع لبلاصتو وبدا يفكر فهدرة سوسن على سهيلة.. صغيرة وعندها عقل وكفاية لي داز عليها وكيف مكان الحال تتبغيه وعاشقاه وخا رافضة تعتارف حثى يعتارف هو ...حس بلي مورا كلام سوسن الم وشدة تدوز منها سهيلة لي جنات البعد والفراق على راسها مورى اخر زبلة دارتها ....افاف ورسات سفينة تفكيرو على مرسى الدكريات ...
دار عند مروان
عبد الرحمان..."قرب حدا وذنو بلش يسمعو "....فيين وصلات الخدمة...
مروان....كلشي هو هدااك...'رجع كيشرب في كاسو حتى تفكر شي كلام خاصو يعرفو "...حگا صحاب الارض لي كنا مناقشسن على ثمن لي عطاو ..قبلو بعطيوها بسعر لي بغينا عيطلي محامي ليووم..
عبد الرحمان..."بتاسم جنب "...مزياان هي خصنا نقلعوو...
مروان..."غمزو"...وايه العشيير..
كملو سهرتهم حتى سكرو المخ والمخيخ والله واعلم البصلة السيسائية ...وقفوا وهبطو لباركينغ مروان خدا طاكسي يوصلو الاوطيل لي جالس فيه وعبدو ركب سيارتو فاتجاه خربتو .....
وصل لقصر دخل كلشي ناعس من غير بيتو هو سهيلة لي فيه ضو خفيف ...عرفها باقا فايقة ....
سهيلة لي كانت لابسة شوميز دو نوي كلاسيك فالموف سميطات و هابطة منحوتة على قوامها وطالقةشعرها ومتكية فراشها تتفكر وتعاود فعبودي ديالها وكيفاش قدر يغضب منها ويقصح معاها الهضرة وحتا يهددها يهجرها ...سمعات صوت الطموبيل ركزات معاه ....زادت تاكدات من انو و لي وصل تخشات تحت فراشها .....نسات الفيوز غير وصل حدا الباب تفكراتو طفات
عبد الرحمان غير حل الباب بانت ليه تتحرك...دخل ومشى بدل حويجو لبس غير شورط غسل فمو طفا الضو ودخل لفراشو حس بيها باقة فايقة تكا على ظهرو ويد تحت رقبتو ويد فوق سدرو ....حس بيها تقلبات وتتشوف فيه كانها تتوسل ليه فبالها تقرب منو ولا غير تشم ريحتو لي ولات المورفين لي تيهدن الالامها ...تقلب لجيهة الاخرى ....وخلاها مصدومة تاني طلقات دموعها تحت اهاتها المكتومة وشهقاتها لي تيهزوه جسمها كامل ....حس بيها وضعف ورق قلبو بالخصوص انو تيكره دموعها ولا غبينتها ....تلفت لعندها ...ومد يديه لعويناتها مسح دموعها وسرح دراعو كانو تيعطيها الضوء توسدها هزات رسها فيه وهيا تتبكي بطريقة طفولية ....تخشات فيه وبقات تتحك فنيفها مع صدرو شي لي خلاه يتبسم فصمت .....حبسات من البكا وباستو فصدرو وتنهدات وقلبات على الوضعية لي ترتاح فيها حتى لقاتها وغفات هو اكتفى انو يبوس راسها ويلعب فخصلات شعرها وتيفكر فهاد قليلة العقل لي عطاه الله ...حتى غفا....
🌷 اصبحنا واصبح الملك لله 🌷..
حلات عینیها قبل منو کتحقق الشوفه فيه....البشره سمره ...والعينين ضايرين بحال الگمره ...هزات ایدها کتحسس لحیتو الخفیفه....مرورا من فمو حتی لکماله وجهو....تگعدات ودارت ایدها علی خدها...وکتضحک علی هااد الوجه لی حتی فی نعاسو باغی یضارب....حجبانو مجموعین ومقوسین...وعضلاتو متشنجین وبارزین....حتی وعی بیها و حل عینو علیها وطلعها من راسها لرجلیهااا..
عبد الرحمان..."حل عین وساد اخری "....کتفرجی فی مسرحیه...
سهیله....لا فی لوحه تشکییلیه ...🤗🤗
عبد اارحمان...." طرطق عنقو ودوا بصووت خشن "....جمعی حوایج لی عندک هنا راجعین بحالناا..
سهیله...."خرجات عینیها " ...لفاااااین ؟؟ ...
عبد الرحمان....."خنزر فیها "...لدار نحطک فیها..عندی منقدی ومغادیش نخلیک هنا فی دار باک ولا نسیتی اش مخبی
سوسن..." باین علیها الحزن "...وغا سمااعنی..نتینا عارف شنو کان طاری....مجاتشی نجی لناظوور بمره....اصلا با کان علی اخر دیالو ...
مراد..."بالغواات"....انا عییت اسوسن عییت....ستنیت شحال وملیت....کل نهار حجه وحکایه....واش نتی معندک لا قرار لا كلمة لا تفكير لا والوو ... معامن كنضهر و نعيي راسي ... تنهضر مع وحدة تتعرف غا اراسي اراسي و واحد الحمار الكيدار راه كيتسنى فيهاا متخممش في هادشي... انا هادشي ديالك ا سوسن طلع لياا في راسي
سوسن.... " عينيها خرجو من هضرتو"... اوعدي امراد منيتك تتكلم ... على اساس انا كنت مساليا مراد... حتى داباا راك ممسالياش ... سيري تلنهار تعرفي راسك من رجليك راه نمرتي تتعرفيها "قطع عليها وخلا فمها محلول مع عينيها لي دغيا عمرو بالدموووع ... مشات تتجر رجليها لعند سهيلة و جلسات حداها متتحركش بالصدمة
سهيلة... "كتحرك فيها "... اوعدي سوسن شني وقع ليك ... اوعدي على البنت كيفاش عاملة بحال الصنم
سهيلة... ومالك حمقة لي ضيعيه... الى ضيعتيه راك ماشي بنت البارون اختي ... ياااء كوني في شكل وانا نعونک فیه ..
سوسن.... "هزات راسها فيهاا و ضحكات" ....هههههه مسخوطة صافي ... " ناضت مسحات و جهاا و صيبات شالها وشافت فی سهیله باغا ضحکها "...صافی من دابا عمل ایدک فی ایدی وتعالا نروورکو علی عاد رجال لی عطیانا الله..."قلبوها ضحک وجمعو حوایجهم ونزلو لتحت توادهو مع لبارون ولبنی وقصدو سیاره
عبد الرحمان... " موجه كلامو لسهيلة بلا ميشوف فيها "... طلعي اللور و تكاي بلا مدوخي..
سهیله...."عیبات فیه وهو عاطیها بظهر ".....👊👊.
"طلعات سهيلة اللور وسوسن رکبات حدا عبدو وتحركو لوجهتهم ... كيف وصلو طلعات سهيلة الغرفة ديالهم باش تكى ترتاح حتى دخل عبد الرحمان مزروب..
عبد الرحمان... " هاز حاجب و منزل لا خور"... اي حاجة بغيتيها غتوصلك قبل متخلي عليها فمك ،الباب متعتبيهش !! ... و متحركيش بزاف باش ولدي متوقعش ليه شي حاجة .!!.. "كمل كلامو و هز باليزتو وقصد الباب هابط التحت".. تبعاتو شاده فقلبها و مخلية الايام تصلح لي تهرس بيناتهم... خلاتوو على خاطرو و بقات متبعا ليه العين... حس بيها حاضيااه و تلفت عندها ....منزلتش عینیها بالعکس شافت فیه وطولات شوفه مبغاتش تفلت حتى نضرة في وجهو ... مكرهاتش تشدو و تعنقووو و تخشى ليه فحضنوو...
عبد الرحمان..."تدارک راسو وشاف فی سوسن عاقد تغوبشتو المعهوده "سوسن سهيلة امانة في رقبتك هي وولدي و يااا ويلكم طرا شي حاجة نحرقك نتي وياها "رفع حاجبو وبتاسم جنب "
سوسن....کون هانی اخای
عبد الرحمان..."طبطب علی کتافها "..وتا نتی تهلای فی راسک...... خرج مع الباب حط باليزتو في الكوفر ورجع يركب في مكان القيادة حتى سمع صوتها لي كيفشل ليه الركابي ...
سهيلة ... " و الدموع في عينيها "... عبد الرحمان ..." ووقف و ضار شافها وجها حمر و باغا تبكي ، تنهد وتمشی بخطوات ثقالیت عندها رافع راسو لسما ماباغیش یضعف قدام عینیها "... صافي غتمشي ؟؟
عبد الرحمان ... " بلا ميتكلم هبط عینو بقی شحال كيشووف في عينيها لي ڤغيمون توحشهم بزااف... تحنى عند جبهتهه طبع علیها قبله "
عبد الرحمان.....احسن لینا برووج هاد ساعه...
"قال کلامو ورکب طموبيلتو مکسیری قاصد المطار
داز يومين على سفر عبد الرحمان ومروان سهيلة بدات تتحس بالتعب والملل بحكم النهار ومطال وهي غير الفيلا ممنوع تخرج ولا تمشي شي بلاصة منغير الطبيب ومع سوسن الحدت الاخير خلا عبد الرحمان ميتيقش فيها مزال ولا يخلي ليها حتا متنفس فين تروج على نفسها حتا من قصر نوح منعها تمشي وهو مكينش وبموافقة نوح لي بدورو خاف عليها وساندو فقرارو جالسة فصالون وتتسمع لفيروز وتتقلب وتشقلب فالمجلات من موضة لآمومة ....ملات وهزات الطابليط ديالها تتقلب فالمواقع وتتشوف شنو الجديد ...عاود ملات وحطات داك الشي وقفات وبدات تتمشى وسط الفيلا وتدور وتبرم حتا شمات ريحة الطياب بقات تابعاها وصلات لكوزينة ليكان فيها مراءة متوسطة العمر ومعاها بنت تكون فالسن ديال سهيلة تبسمات ليهم ودخلات غير شافوها تبهطو فيها خصوصا انها لابسة tring بتيشورط ديالو نص كم ولون ممزوج بين الكري والغوز و الشعر مشدود غير خفيف ومليوح على ظهرها بلا عويناتها لي كبار ومشفرين والفيم المجموع على شكل بوسة وحدة من حور العين هبطت من الجنة تنشر الود وتصحح مفهوم الجمال عند بنو البشر استدركو الخدامات راسهم منين نطقات بسلام وسولاتهم على ريحة الطياب ..
" تخلعات مشات تتجري عندها لقاتها بدات تتغفا مبغاتش تدیرونجبها حدها غطاتها وطلعات تبدل.....صونا تلفونها و مسمعاتوش كان عبد الرحمان لي تيتاصل مرة وزوج وتلاتة وربعة تاصل فالفيكس وسول الخدامة على سهيلة عرف انها ستفرغات الله الله الخبر وصل لمراکش هه طلب منها تعيط لسوسن لي جات تتجري وعارفة اتسمع لهدرة ...
عبد الرحمان...."مکرهش یخرج من تلیفون یهرسو علیها ویرجع "..لاش دايرة داك اازمر منين متجاوبيش ؟
-سوسن...راه كنت تنتوضى ومنبعد صليت ومسمعتوشي ..
-عبد الرحمان..مال سهيلة اش عندهاا ؟؟
-سوسن...وغير الوحم راه ضروري تقيا وعاد ولات فاشلة وغير تتنعس تتكون تتهدر معايا حتا تتنعس
عبد الرحمان...وتتاكل وتتشرب دواها .لي عطاتها الطبيبة ..؟
- سهیله.....ههاء هاء بغيت عبد الرحمان ..تنشم ريحتو ...بغيت التيشورط ديالو لي كان لابسو بغيت نشم ريحتو وهو مشا وخلاني هايدا مفكرشي فيا ولا حتا حن عليا ....يعلم ربي واش يرجع ولا لا
-سوسن...اوعدي على الملعوقة الهبيلة كل نهار تيسول عليك ١٠٠ مرة ويسولني على تفاصيلك نعل الشيطان واجي تاخد دوا ديالك نتي عارفة راسك صحيححتك قليلة وتزيدي بهاد الغبينة تكمل لداك البيبي مسكين ..
"خدات سهيلة فيتامينات والدوا لي خرجات لیها الطبيبة وطلبات من سوسن تجيب ليها تيشورط عبد الرحمان من الدريسينغ لبساتو لخدية حداها وعنقاتها وطلبات منها تسد الريدوات ويخليوها تنعس ....سوسن صوراتها منبعد مانعسات وسيفطاتها لعبد الرحمان لي بقی مقابل تلیفونو وکیضحک على حماقها
هكا دازت ايام وايام على عبد الرحمان لي مسافر ولقى مشاكيل كان خاصو يحلهم بنفسو هو ومروان ومن جهة اخرى جاتو من الجنة والناس انو ميتحاكش مع سهيلة ويضعاف ......هاد الاخیره لي نهار على نهار تدبال وتتسخسخ كثر بقا فيها غير الراس ضعافت من قلة الاكل اي حاجة دارتها فمها تقياها حتا حرمات تاكل واخا تيبزو عليها والو وحتا من دواها ولات تتغفلهم ومتاخدوش زادت حالتها النفسية تأزمات بالخصوص ملي هو مجاش عندها وفكرات انو فطريق الهجران ليها ، كرهات تغسل ولا تشوف المراية كرهات حتى تنوض من فراشها ولا يحلو عليها الشراجم ولا حتا يشعلو الضو، غير مجبدة فراشها وكل مرة تتنوض كلها تترعد وتترجف تقيا نقص الفيتامينات ولاكل حد من طاقتها، وحتا غيابو هدها وطيح بروج صحتها ....ولاعندها تفكير سلبي فكل مرة تحط ليها سوسن ولا الخدامة دوا تخزنو ولا تخبعو تحت لسانها حتا يمشيو وتلوحو حتى نهار لي لقت الخدامة الكينات مليوحين تحت الفراش وفكلينكس وراالفوتوي لي مرا مرا تكلس ولاتجبد فيه سوسن لاحظات صحتها تترجع باللور و سولات الخدامة على الماكلة والشراب وعرفات بلي هيا مبقاتش تتاخدو وزيادة على انها ولات تترفض تنوض وحتا تشوف الضو .تفكرات شنو عودات ليها على الاكتئاب وفضلات تخبر عبد الرحمان منين يتاصل بيها وفعلا عيط ليها کیف عادتو
- عبد اارحمان...سوسن صافا كيف دايرة سهيلة ليوم ..خدات دواها .مكلتها مزيانة؟
-سوسن...عبد الرحمان مكاين منخبي عليك العايلة غادة وتتضعاف وحتى الماكلة مبقاتش تتاكل وكثر كاع منين متبغيشي دوش ولا تنوض من موطعها غير ناعسة ومليوحة كاع الوقت.. غير النعاس والظلام لي حل الشرجم تغوت ولا تبدا تبكي منكدبشي عليك هاد الشي ولا تيخلعني واقيلة نجيب لیها الطبيبة لدار ...
-عبد الرحمان..."بقلق وقف کیمسح علی راسو".. من وقتاش هاد الشي ؟
سوسن...تقريبا شي سيمانة .
-عبد الرحمان..... وعاد تتقولها ...شني عندك فعقلك انتي عارفاها حامله ومخلياها بلا ماكلة ...سير قطع ليل انا معاك ...تفو
"قطع عليها وخلاها مشوكية وعرفاتو غادي يخلي دار بوها ....
عند عبد الرحمان لي طلب من مروان يبقى وهو غادي يطلع الحسيمة يشوف حاله موصيبتو ....هدرمعاه رصی الامور وشد الطريق وصل لحسيمة ساعات الصباح الاولى .....دخل ومعلم حد مشا لبيتو وتكى فاقت سوسن هيا الاولى وجدات فطور سهيلة وطلعاتو ليها ورفضاتو كيف العادة فهاد الوقت صاحب دعوتها سمعها شنو قالت ...خلاتها سوسن على خاطرها خرجات وتلاقات معاه واقف ومربع يديه
عبد اارحمان..."قرب منها بلاما ینطق خدا من عندها الماكلة ...ودخل على سهيلة لي غير سمعات الباب تحل غوتات "
سهیله...سدو عليا الباب مبغيتش ومغاداش ناكل خرجو ...."مهدرهاش حط البلاطو ومشا لريدوات حلهم الشي لي خلاها تحيد الغطا على راسها وتحل نص عينها يالاه بغات تسب حتا لقاتو قدامها بقات تتشوف ونترات الغطا بجهد وتقلبات لجهة الاخرى ..
وقفات وقادات ديباردو لی كان طالع على كريشتها مدات رجليها لبانطوفتها واختل توازنها مالت وشدات فراسها تخلع ومد يدو لخصرها شدها خاف عليها وتدهش منين شافها ضعافت وفشلات وحتا باش توقف مقدراتش عرفها بصح مريضة جرها عندو وبغا يطبط على ظهرها فجأتو دفعاتو عليها
سهیله..."مخنزره فیه "..حید يديك عليا وبعد عليا ومتمسنيش ....
عبد اارحمان...."بملامح قلق سولها " مالك دايرة هاد الحالة شنو عندك...شنو تيضرك ؟
-سهیله...ماشي شغلك فيا ومتيهمكش شنو ضارني ونتا اخر واحد يهدر على الخوف عليا !! "رفعات حواجبها فیه ".. حيث كن كنت بصح تنهمك ولا تتخاف عليا متخلينيش وتنازل عليا من اول غلط لیا ."بدات تتبكي وتترعد "كن كنتي بصح باغيني غادي تعاتب وتخاصم وترجع تصالحني وتشوف من حالي ....ايه انا غالطة نهار رفضت الزواج بيك ...ولكن انت محاولتيش تعرف علاش وشنو انا ؟؟مقلتيش راه تحرمات من حنان الاب وتتقلب على حنان الحبيب ،مقلتيش راه تتفشش عليا وندير ليها خاطرها ونعوضها على مداز... عارفة راسي غلطت منين قلت نطيح للبيبي ومفكرتيش اني بغيتك غير تدور بيا وتسول فيا وتعيشني الرومانسية لعل وعسا طفا العافية الخامدة فقلبي من جهة الدنيا ومامرمدات فيا ...ونزيدك اكبر غلط هو منين عصيت هضرتك ومشيت نشوف شامة ...ولكن كان خاصك تفهمني وتعدر لحقد لي ربات فيا من جهة الصحبة ولي جي من جهتها مقلتيش مع راسك راه ظلماتني والماتني وكان خاصني نتشفا فيها ونلومها على متسببات فيه ليا ...بلعكس نوضتي الدنيا ومكلستيهاش ومن اول موقف واعر بيناتنا تخليتي عليا وقطعتي لغايا حرمتيني من سماحة وهددتيني بالهجران وسافرتي مخليني بين حر الوحم وحر غيبتك .....مسحات دموعها وكملات
تخيل كن انتا لي غلطتي واش كنت انقسي عليك هكا؟؟ واش كنت انخليك فعز قهرتك ونقلب وجهي بحال معامرك كنتي؟؟ .....لا والف لا عرفتي علاش حيث انا عيني فيك واخا كيفما كنتي... "حطات ایدها علی قلبها "..حیت تنبغيك وغادي نعاود هدرة فايت قلتها ليك مندمتش على لي دوزت معاك ولكن ندمت حيت سايرت قلبي ودليت كبريائي ....تمات غادة لجهة الحمام وخا مقدراش تتمشى والنخصة ديال البكا تتطلع ليها وشهقاتها تيهزو داتها ..عبد الرحمان شفق عليها وبقات فيه وعرف راسو رد ليها صرفها وبالوفي كاع... تمشى جهتها وبغا يشدها ....
عبد الرحمان.....اجي غير بشوية عليك ..
"تنترات تاني منو ودفعاتو "
سهيلة....قلت ليك بعد مني "هزات صبعها قدام وجهو ".. كنت وباقى وغادي نبقى بوحدي غير سير شوف مشاريعك ورزقك لايضيع ليك ...
"حلات باب التواليت ودخلات زدحاتو عليه ...وقفات حدا المغسل ويديها على جنابو تتشوف راسها فالمراية حسات بدوخة شداتها .....غمضات عينها وزيرات بيديها ...حلات تاني ونفس المشكل غير هاد المرة طنين فودنها ..و برودة ركباتها من يديها ورجليها ....هزات يدها تقيس وجها باقي ملحقاتهاش اختل توازنها وجات مردوخة بجهد على جنبها حتا تسمع الزديح برى بجهد
عند عبد الرحمان لي من ورا صووت لی زعزعو .. تخلع وفرع الباب برجلو .....تبهض وخاف كثر منين لقاها طايحة وملوية على جنبها....زااد لعندها هزها بين يديه وتيعيط ليها والو متتجاوبش سخفات وغيبات على الوعي ديالها .
عبد الرحمان..."حطها فوق الناموسية وبدا يضرب على خدها ويفيقها ."...سهيلة سهيلة فيقی ....اش درت اعبد الرحمااان اش درت الله یلعن دیلم **....
حل باب البيت وبدا يعيط لسوسن. لی جات مخلوعة وتتجري...
سوسن... اوعدي مالك اشنو عندك خلعتيني...
" دخلات البيت بانت ليها سهیله صفره وشاحبه..."وولات غير تويل وتعاود .."شنی عندها اوعدی مالها شني عملتيلها ....
عبد الرحمان...." ناض شدهه من ایدها "...شوووت هادشی تما لی غنسولو لیک....حالتها ولات هاکدا وسااکته....ههدی هی وصاایتی اسوسن هااا بالحق ماشي وقت الهدرة عيطي لطبيبة تجي لعندها...
🌹 فی قصر البارون🌹
رجع من برا لقی لبنی جالسه هازه قدامها مجله ولکن عینیها کانو سااهیین موعات براسها حتی جلس نوح قداامهاا..
لبارون..."تقاد فی الجلسه ودوا وملامحو کانت ماثره کانها کتکلم معاه " ....سمعینی اختی انا هاد دنیا مباغیش ومن اولها بگفاها عاطیاانی...."حدر راسو تنهد ورجع شافیها "...لیوم کنت عند طبیبه دیالی...ولقیت بلی المرض رجع لی اختی...من بعد مکنتش تشافیت نسبیاا......
لبنی..."محسات تا دموعها دازو "...شنی کتقوول اخای ؟؟
لبارون.....کیف سمعتی...!! مبقی لی قد ما فاات ...والا کنت خووک ولیا عندک شی معزه دوی مع عبد الرحمان . بغیت نعیش معاه هاد شویش دلیلم لی بقاولی بغییت نعوضو عن کلشی باش نموت مرتااح ...
"زاد وخلاها متالمه ومقاده تکلم ...كتساائل وتحصر .صافی هادا هو المکتوب هادا زهرو حتی لقی ولدو وعرفو ومغیشبعش من شووفتوو...ایه وخلاوها ناس زمان منین کتزیان الفتله عاد کیتقاده لووقید
جرات سوسن هابطة فالدروج جوج خطوات فخطوة تتجري وتعاود خايفة على سهيلة عيطات لطبيبه لی متبعه معاها سهیله كانت فالعيادة ديالها طمناتها بلي ربع ساعة تكون عندها ...جات طبيبة تتزرب و طلعات تشوف سهيلة لقات سوسن شدا ليها راسها وعبدالرحمان غادي جاي تزاد معاه الزايد ولاتالف
عبد الرحمان..."جا عندهاتيسولها ، کان علی اعصابو وعلی سبه ".. شنو تسبب لیها فهاد الشي واش عندها شي حاجة ومگيلاهاش لينا ....
"خلاتو وبدات تقلب فسهيلة"
- الضغط هابط بزاف ودقات قلبها طالعين .."حلات ليها عينيها بانو ليها بويض وغير عريقات صغار ورقاق تيبانو مرهقين عاود حسبات ليها مستوى التنفس لقاتو ناقص ..."...عندها فقر الدم هو سبابها کیخصنا ندیوها دابا لكلينيك بزربه باش نعرف الكريات الحمراء ديالها والصفائح واش باقين فنفس الرقم لي خلیتهم ولا زادو نقصو واخا متاكدة بلي نقصو مع هاد الحالة دیالها ...
عبد الرحمان..."توتر عبد الرحمان وتخلع باقي مكملاتش الطبيبة نطق "....سوسن جمع لیها شعرها "مشا تيقلب يجبد ليها شي حاجة ميلبسها باش يديوها دخل الدريسينغ وجبد عبايتها ديال الصلاة واسعة وبشالها لبسوها وهزها فيديه وتيشوف فيها وکیدوی بینو وبین نفسو "....زعمه تکوون زدتی فیه اعبد الرحمان...نکون قسیت علیها...نکون انا سباب فشنو وصلات لیه...عمری نسمح لراسی الا وقعات لیک شی حاجه ..." شافیها بنظرات ندم حرک راسو وصاطت باعلی صوتو.. ركبها اللور والطبيبة معاها سوسن حداه وديريكت مشاو لكلينيك ....غير وصل هزها تاني وتم داخل وهاد المرة طبيبة لي تتغوت على لكيب لي كاينة باش يوجدو صال ديشوكاج ...دخلوها لصال وبلا ميهدر عبد الرحمان خرجو الفرملي لي كان راجل وعيطو لوحدة اخرى ....مشات الطبيبة عندو وطلبات منو هو و سوسن يتسناو على برى هداه الله ووافق ولكن کان عندو طلب
عبد الرحمان..."بتعب "..دقیقه وانا خارج .."دخلاتو الطبيبة لصال ديشوكاج لقات الفرمليات دارين بيها حيدو ليها اللباس وخلاوها غير بالشورط وديباردور ...وقف حداها بشرتها شاحفة وحس بيها دابلة ويقدر يخسرها بلأخص منين لقا هم دايرين ليها ماسك الاوكسيجين عالي التركيز ...قرب منها ومد يديه لحناكها تيقيص فيهم وتيحقق ويشوف فيها ..تحنا على راسها وباسها وطول البوسة حيد ليها الماسك من جهة فمها ونيفها وعاةد باسها بسات متبعات فوق شفايفها .....رد الماسك ومشا لجهة ودنيها وقال"...کنبغیک و غنستنااک "عض علی شفافو...باس يديها وزير بشفايفو عليها تبسم تاني ليها حط يديها ..وخرج خلا كاع ليكيب لي مع سهيلة شي يبكي من الرومانسية وشي يبكي على قلة زهرو وشي وحدين تيبكيبو من غلهم وحسدهم لسهيلة لي عطاها ربي خبزة كاملة مكمولة ...مفراسهمش ديك الخبزة هيا سباب هاد الحريرة لي هيا فيها ...المهم خرج برى لقا سوسن واقفة تتبكي طمنها بلي سهيلة قوية وغادي تدوزها ولو انو خايف كثر منها ...
طلبات الطبيبة من ليكيب يديرو ليكوغراف لبيبي يشوفو حالتو و تحاليل الدم باس يعرفو فين وصل فقر الدم و عناصر الاساسية شحال شوية ديال الوقت وبان بلي السيدة تتعاني من فقر الدم ااحاد ولي خصها تزيد الدم ومن تم ضروري خصها الدم تاصلات بمركز تحاقن الدم وطلبات منهم الدم لحالة مستعجلة .....صيفطات الطلب ورجعان عند سهيلة لي علقو ليها السيورم مالح مع البوتاسيوم والكالسيوم والصديوم ليلقاوهم ناقصين وتماك فسرو طلوع دقات القلب .....دازة ساعة بالضبط وبدات سهيلة تتسترجع الوعي ديالها بشوية ...خرجات الطبيبةلعبد الرحمان وسوسن
سوسن..." بدات تتحك صباع يديها ".. هاد الفتره منين سافر عبد الرحمان ...كانت تتاكل دوا بعد سيمانة الخدامة قالت ليا بلي تتلقا الدوى مرمي فسلة دزبل وفطواليط وبعد المرات فكلينيكس ...وليت تنعملو لها فالصوبا ولا لعصير ...وعرفت بلي تتكب كلشي فالحمام ....وتتبغي غير الظلام والسهات وحتى الهدرة مبغاتشي تهدر ....
"تهز عبد الرحمان بالغوات"..
عبد الرحمان..."ناض من فوق کرسیه جااعر ".. سوسن واش باغا تحمقيني واش باغني ندفنك تنقول ليك حظيها ونتي ساكتة.. عارفها فايتة مريضة و....."ضرب بدو فی کف ید لوخرا..
"نقزات الطبيب "
-باش كانت مريضة ؟
عبد الرحمان..."دوز لسانو على شفايفو "...واحد خيتي كانت تتعطيها شي زبل بلا متعیق ولات ايلا مخداتش تيضرها راسها وتتنمل عليها داتها حتى عرفت بلي كانت تيخلطو ليها لادروگ ولات مدمنة عليه...دخلات لمصحة بقات فيها عام ...ايلا كان ضروري تعرفي الحالة نعيط لطبيب لي كان مقابلها ويشرح ليك ....
-يكون احسن حيث بعض المرات المرى الحاملة تتكون مزاجية ولا تتبغي الظلام ..ولكن باش تكون مزاجية وتتبغي الوحدة و متخدش داواها يعني عندها اكتئاب ..والمشكل اكتئاب الحوامل ماشي هو امر عادي حييث صعيب تاخد الدوى وصعيب تسيطر على التقلبات ديالها...اهم حاجة دابا يجينا الدم وتستقر الحالة وعاد نتاصل بطبيب ديالها نستاشرو .....
...دازت ساعتين اخرى عاد جا الدم ودوزوه ليها اطمئنو على حالة البيبي وعرفو انو بخير ..مده قلیله عاد بدات سهيلة تتوعى راسها فين طلبات يغطيوها مزيان من البرد طلبات الما تشربو وعطاوه ليها خرجات الطبيب عندهم تفرحهم لقاتهم صافي وصلو لحدهم .
- حمد لله علی سلامتهاا فاقت ...فرح عبد الرحمان وحمد الله فسرو طلبو يشوفوها دخلات سوسن عندها هيا الاولى تبوس وتعنق فيها وتسولها كيف بقات سهيلة تتحرك ليها غير راسها وتتطمأنها انها بخير ...فنفس الوقت طلبات الطبيبة من عبد الرحمان يرافقها باش يهدرو مع الطبيب وداك الشي ليكان هدرو معاه وشرح ليها الحالة وعطها حتى الادوية لي كانت تتاخد وفهمها بلي من بعد الادمان ولات عندها فوبيا الاغراب والوحدة بمعنى اخر انها ممتيقش فحد ومتقدرش تامن لحد والشخص لي واساها هو لي تعلقات بيه ويلا مشا ترجع منين بدات ...... فسر ليها كثر بلي هيا متعلقة بعبد الرحمان وکيخصهم يتفهمو طبيعة شخصيتها لي تتبان عادية ولكن هي متضررة من بزاف والاكثر من الصغر ...كمل الهدرة مع الطبيبة لي شكراتو على مساعدة قطعات معاه ورجعات للهدرة مع عبد الرحمان
"بدات تتهدن وتتغفا اثر کلامو ولمساتو سدات عويناتها بغات تنعس ...خلاها وخرج عاود تلاقى مع الطبيبة لي قالت ليه بلي غدا تقدر تخرج ...
خلاها وخرج عاود تلاقی مع الطبیبه لی قالت لیه بلی تقدر غدا تخرج...وعندها غير ساعة ويطلعوها لشامبر ...
اختار ليها سويت vip gold باش يقدر يبقا ويطمن عليها دازت ساعة ووطلعوها لسويت ..لقاتو واقف داير يديه فجيابو وتيتسناها يقادوها فبلاصتها .....فداك الوقت كانت سوسن جابت ليها حوايجها وديك الشي لي تحتاج من الدار ...رساوها فبلاصتها وخلاو ليها السيروم معلق وفيه البوتاسيوم والصوديوم دايز ليها ...دخلات عندها سوسن لبساتها بيجامة شورط بتيشورط قطن وجمعات ليها شعرها مسحات ليها وجها بكريم ...عبد الرحمان كان سلا تلفون مع مروان وعلمو بلي كاين ...غير دخل مع الباب وشمات ريحتو بدا قلبها يضرب بجهد وحسات بالتوريشة وحمها جا عليه وخلاها دایبا فیه...قرب ليها باسها فراسها وسولها
عبد الرحمان..."کیمرر صباعو علی وجها ".. واش بخير ؟؟واش محتاجة شي حاجة ؟؟
"كتفات انها طمنو براسها عاود باسها فشفايها محشم مراعا لسوسن لغير شافتو قرب لفمها ناضت خرجات طول فالبوسة حتى غمضات سهيلة عويناتها بغا يفصلها وعزات عليه بقا مكمل حتا صدقو فقبلة فرنسية النوع مقطعها حتى تقطع فيها النفس وسخفات حلات عينيها فيه لقاتو تيتبسم ليها تزنكات وحشمات شاف فیها وحط شفایفو علی شفایفها ودوا فوق منهم ....
عبد الرحمان..."فمو علی فمها وکیهضر ".....بغیتیها قولا انا نگولها لیک .كنبغييييك وکنتسطی علی ملتک اسهيلة ...وهادشي ميحتاجش نگولو ولا نعیدو بووحدک تعرفیه وتحسی بیه واخا...."معامن هو وفینها هی کانت حاله فمها وکتحاول تستوعب شنو سمعات...بتاسم جنب و بعد عليها وورجع شد فيديها وبدا يلعب بخصلات شعرها سمع الدقان فالباب وقالهم يتفضلو كانت سوسن ومعها الفرملية والمساعدة جايبن الماكلة والدوا ديالها قربو ليها وكلسوها وبدات المساعدة تتعطيها تاكل بشوية مفاتش خمسة ديال لمعالق دصوبا ..مبغاتش تكمل الباقي ....حاولو معاها والو عبد الرحمان وسوسن غير تيشوفو ..غير جبدات ليها الفرملية الدوا كحلات بالعمى ومبغاتش تاخدو حتى قرب ليها عبد الرحمان ...
عبد الرحمان.."جلس بجنبها وبدا يلطف ويزوق ويقاد "..اری دوا... "خدا من عند الفرملية وطلب م تعطيه دانون باش تدوزو قرب ليها سهيلة تلفات تاني ولات غير ترمش فعينيها وتحقق فعينيه مد ليها الحبة لفمها خداتها عطاها معلقة ديال دانون صرطاتها زادها التانية والثالتة .والرابعة كاع وكمل دانون وهيا باقا غير ترمش وتشوف فيه ختمها ليها تاني بتشلقيمة قدام البشار ممسوق لالسوسن ولافرملية وطز فالمساعدة وفیکم ابنات حوااء ههه ...ردوها لبلاصتها وبقا جالس حداها ويلعب ليها فشعرها حتى غفات ومشات ...خرج هو وسوسن لصالون لي كاين فسويت عيط لشيفور باش يوصل سوسن لي بغات تبات ومخلاهاش سيفطها ترتاح ...دخل طل عليها تاني وباسها فراسها وخرج الفوتويات لي كانو مرتاحين حط كانيط ديال البيبسي حيد التيشورت والسبرديلة بقا غير بالشورط شعل التلفازة وكلس تيتفرج حتا داتو عينو سيرتو النهار كامل من صباح وهما واقفين ومخلوعين عليها ....نعس وهو متكي حتى وصلات الزوج ديال الليل سمع صوت البكا وشهقات ...ناض مخلوع وتالف دخل شعل الضو على سهيلة لقاها متكية وتتبكي غادي تحماق مشا تيجري عندها.
-عبد اارحمان..."شعرو مخربق وعینیه ناعسین "...سهيلة مالك ببسم الله عليك ..مالك شنو عندك ..."خداها فحضنو ..وهو تيطبطب على ظهرها .."
-سهيلة عاد مزادت فيه وشهقات كثر ...شدات بيد وحدا فيه لاخرى فيها السيروم ..وتتنخصص وتبكي
-عبد الرحمان.."عاود سولها وخايف عليها "... مالك شنو عندك واش حلمتي شي حاجة ...مالك شنو تيضرك حبیبتی وهدري "وهو تيبوس فراسها "
-سهيلة ...."بزز باش تطلع الهدرة"... نضت وملقيتكش حدايا ....اهء اهء وخفت تكون مشيتي تاني وخليتيني ...حيث قلتي اتمشي وتخليني .....وخفت خفت تمشي ونبقا بلا بيك اهء اهء
-عبد اارحمان..."تنهد علی فعایلو وسخونیت دمو وفین وصلوها ".. "...انا معاك مغادي فين غير مبغيتش نبقا مبرزطك داك الشي علاش خرجت لصالون ...وعمرني نمشي ونخليك وديك الهدرة كنت زعفان منك ...واش عمرك شفتي العينين تيتفرقو على شفارهم انتي عيني وانا شفارك لي حاميك وحاضينك..." عاود باس راسها وطمنها"... انا معاك وليك غير تهناي مغادي فين ...
عبد الرحمان....هاداک شغلی اولاا ...تانیا..."جرها عندو وشدها من خصرها تا لاصقها معاه وساحت بین ایدها "...منحشم لا من باک لا من می...مرتی بشرع والقانون.. وجالسین فی دارنا ...ومگلت تا حاجه من دماغی واش کذبت...
سهیله ..."حدرات راسها کتبتاسم "....
عبد الرحمان...."هز وجها لعندو "...یالله جوبی الحاجه کذبینی وقولی کلامک غا تخریف...ما حاملاک ما قابلاک ...
عبد الرحمان...."هز لیها ایدها لفووق وبدا یمرر بوسات متفرقه علی وجهاا وبین بوسه وتانیه کینطق "....عندی مع تطبیقی شفوي كيجيب جووع....
سهيلة....." كل قبلة منو كتحس بقلبها بغا يسكت وراها ...كل لمسة منو كتاكد بلي هو بووحدو....طبيب قلبها ودواها....
هو منقذها المغواار ...الدرغام الاسمر...رجوولة مخملية وساامة طااغية ...تحييطها هالة من الكبريااء القاتل ،شجااعة وتمرد ......وعناد يقسم الجبال...عناد رجل شرقي عربي بامتيااز....
مفاقت من سهوتها فيه.. غير على لباسها لي كتجرد منو قطع تلو الاخرى ...
عبد الرحمان...." مشغوول فيها وذايب في رحيق نهديهاا كيقبل فيهم بشغف ..."......كنترجم لييك ....ونبين قداش ذايب فييك..."كان هادا جوابو لي قالو بصووت خشن ..جات ترد عليه قااطعهاا بقبلة تلفها فيها على لحرووف وخلاها مسايراه وفما متبع فمو كيتعلم منو.....شوقها ليه عماها وخلاها باغاه كثر منو .... وقف للحظات كيشوف جسمها الرطب ... هز يديه كيدوز فوق كرشها ... بعيون مغمضة وصدر مزين بقطعة سوتيام فالأسود ... مع لون جسمها بحال قلب لحليب... حط يديه على جنابها وبقى طالع بشوية حتى رتاعشات من لمسة يديه .... ذابت من لمساتو سخووونة.... رووحها باغاه وكتنادي بإسمو... عضات على شفايفها بقوة ... كرز على يديه ونزل قابط شفايفها بين شفايفو من جديد ... كيحركهم مع بعض... وهي منسجمة معاه ... باغاه وباغاه بقوة..غير. حس براسو شهوتو طغات عليه وقف ... كيشوف فوجها الملائكي طبع قبلة فعويناتها بجووج... ونزل لكريشتها قبلها ....وتقلب على ظهرو ضامها لصدرو بقوة ... كيهمس فوذنيها بصوتو رجولي ...
عبد الرحمان ... منقدش نبدا اسهيلة الى بديت مغانحبسش ولكن على قبلك غانصبر
"باسها فراسها وخشاها فيه كيدوز على شعرها بحب ... عارفها عاد خرجات من مصحة وباقة عيانة ... زيادة على جسمها ضعيف وهو الى بدأ غايسخسها ... قرر تا دير لباس وميفكو منها فكاك... لكن فهاد المدة باغيلها غير راحتها...ناض خدا سیرفیت لبسها لیهاا.. تنهد وزيرها لقلبووو كيسمع دقات قلبها الممزوجة مع دقاتو.... كأنو قلبها كيفرفر فرحة ... ولما لا وأوسم شخص حبيبها وراجلها مخشية بين يديه. ... تبسمات وحاوطات ضهرو بيديها كتشم ريحتووو... عاد غمضات عويناتها....بقى مدة وغفى وراها مودعين ليلتهم
صباح يوم شتوي تسلل نسيمه لغرفة ابطاالناا كانت سهيلة مخشية في درغام ومدفيا بيه وهو ناعس دراع تحت راس سهيلة ولوخري تحت راسو....كسر نعاسو صوت تليفونو لي بدا يصووني....بدا يحرك راسو شويه شويه...درو وجهو ليه ومد ايدو شدو ..لقاه مروان....تسلل من جنبها بلاما تحس...خرج لبالكون عاد جاوب
عبد الرحمان..."كيتاوب "...امالك طاحت بيك طيارة ولا وقفات في سماا...
مروان.....گول غا صباح لخير اصحبي...امالك متصبح متمسي...شاعل بووحدك .
مروان.....گول غا صباح لخير اصحبي...امالك متصبح متمسي...شاعل بووحدك ...
عبد الرحمان...."كيشوف في سما وكيتحسس قطرات المطر رقاق لي كينزلو...".....تحل ليك فم هاااا....
مرواان.....غا ضاحكين العود مهم نص ساعة وانا عندك عاد خرجت من اوطيل رتاحيت لبارح كنت عيان...
عبد الرحمان....معليش انا نستناك..."دخل بحالو لقى سهيلة فايقة كتكسل "..
سهيلة.....صباح لخير اشكييم 😍😍
عبد الرحمان...."بوسة في لهواا "....صبااح لخيير ....."تمشی تال عندها وهزها بین ایدیه .."
سهیله...اویلی فین غادی بیا
عبد الرحمان....غادی نغسل ..
سهیله....ایوا وانا ...
عبد الرحمان...."بلسها جنب فمها "...نغسل لیک معایا...."دخلو لحمام ووقفها حدا لاشاس ...."..تکملی ولا نتکلف بالباقی ..
سهیله...."غرقات فی ارضها "....تفلستی ..وسبتی ...
عبد الرحمان...."بدا کیحل فی سیوور سیرفییت " .....یااک غا فلحلال...
عبد الرحمان.....فکرتینی نیت.."مدو لیها " ...هاکی باش تبقای تبووزای وتسیلفای ..."حطات مشه فوق ناموسیه وحلات لبواطه کان تلیفون من نوع ایفوون گوولد اخر مکاین فی سووق ..."....واااااااااو ذووقک غزاااال
عبد الرحمان...."عندو گود کی تران"...نکدب علیک لا گلت لیک ختاریتو....انا امرت مروان وهو تکلف...هادشی ممدخلوش لمخی...کان شی اله دیال سبووغ...شی طابی غوولان نمفهم ایااه شی لاخوور خاطینی...
سهیله...."شدات وجهو بایدیها وباستو "...ویخلیلی لی کیفکر فیااااا ....
عبد الرحمان...."حنحن "...یالله شبعی من مشتک باش ندیها لقصر..." سهیله دغیا جمعات ابتسامتها وتشکلات فبلاصتها تغبینه "....وعلااااااش ..
عبد الرحمان .."حط ایدو علی کرشو "...علی ود هاادا...ممزیانش لیک....ندیوها تبقی مع سوسن تا تولدی ونجیبوها وونزوجها لیک تاهی گاع وتجیب معاها ولادهاااا
سهیله....."بزز منها ضحکات "...واخا وانا مواافقه وقاابله...ولکن راه مکتولدش...دایره لیها عملیه
عبد الرحمان...."رفع حاجب ونزل خووه "...وعلاش بسلامه ؟؟ محشوماش...
سهیله....ایوا راک عارف یکبرو کیسیبوو....وتبغی تخرج ....
عبد الرحمان....."بغی یعاتبهه وهو یصوونی تلیفونو ولولا المتصل مو کان قطع "
عبدو.....لبنىىىىى توحشتيني..
لبنى....."تنهدات ".....بزااف
عبدو .....مالك الواليدة صووتك مهوااش ...
لبنى.....تشوو اعبد الرحمان....جي عندي دابا بغيتك تمشي معايا واحد محتاجاك...
عبد الرحمان...."دغيا تبدلو ملامحوو "...واقوليلي اش كاين مالك واش طاارية ليك شي حاجه...😡😡
لبنى.....تا تجي وتعرف...."قطعات عليه..وخلات لمسامر يضربو ليه في رااس...معقلش لا على راسو كي دار تا لبس ولا على سهيلة لي تابعاه وتسول...
عبد الرحمان....من بعد اسهيلة انا بروحي معارف والو رتاحي نتي انا نصيفط الخدامة تحيدها من هنا "كيقصد المشة "...وويااك طلعيها عندك ولا تعتبي نتي كاع برا بيتك...."مستناهاش ترد عليه هز سوارتو وتليفونو ونطالق لقصر باقصى سرعتو...بالفعل لقى لبني واقفة في لباب...لابسة وقادة مستنیاه وقف حدا رجلیها حلات لباب وطلعات ...
عبد الرحمان..." كيقرا ملامحها وكيتفقدها "...شكاين..
لبنى.....بغيت نزوور وخاصني لي يونسني ...."كان كلامهاا متقعطع شيء ماا...ستاجاب ولبی ليها طلبهاا وتحركوو...مدة قليلة وكانو تما....نعتاتلو الوجهة ووقرب ليها بسيارتو عاد نزلوو هي لقدام وهو وراها بانتلو وقفات قدام قبر قديم لكن مزاالو مقاد ....نزااحت من قدامو وباان لييه الاسم بالخط العريض....
《 المرحوومة سهيلة الغريب...
مزدادة بتاريخ...... 5/ 5 /1960
والمتوفية بتاريخ.....13 / 8 / 1984 ... 》....بقى شحال وااقف كيحقق في تاريخ الوفاة لي كيتزاامن مع ولادتووو.....
عبد الرحمان...." جمع على ايديه مشکل قبضه ".....اش كااااين البنى...فين حناا وشكووون هادي ؟؟ ..."قالها معصب وعرووقو بارزین فی وجهووو
منقذي الأسمر الجزء 11
محتوى القصة
التنقل بين الأجزاء