با حمادی..."خداهم من عندها "....الله یجعل ایامکم کلها سعااده وفرح وماتشووفو شر
سهیله....امین یااربی..شرب شرب تبرد نیت راه صهد ..."بتاسمات لیه وبادلها ابتسامه ورجعات علی طریقها ،غادا وتلفت تا تاکدات انو کیشرب عاد طلعات لبیتها کیف غتحلو تم خارج عبد الرحمان من غرفتو مبدل علیه "....
عبد الرحمان.....فین داخله الاله ؟؟...سید راه جاا هاهو صوونا علیاا
عبد الرحماان...."حرک رااسو بمعنی لاحول ولا قوه الا بالله ومشی اما هی دخلات لبیتها بشوية عليها وقلبها كيضرب بقوة ... لكن لا لا ليوم مغايكونش قلبها لي متحكم نوو ليووم وقتت ضميرها لي تحرك... وقت كبريااااءها... وقت القييييييمة ديالها ...اليووم عازمة تدفن هاد القلب لي محشم بيها....ولي بسباابو كتقااسي عذاب فعذاب وكل نهار ديك العذاب كيتحول لجحيم متقدش تعيييش فيه.... ااااه كتبغيه لكن قيمتها وكبرياءها أولى لييها من داك الحب المستحيل... لي جاب ليها غير دموع والحزن .. ياريت لو كان عاطيها غير بصيص من الأمل ... يا ريت كن تبدلات غير معاملتوو الباردة... كانت غاتزووح بيه وهي مغمضة عينيها.... لكن متقدش متقدش تكون غير وسييلة لتصحيح غلط لي كتسميه هي اسعد نهار فحيااتها...صااطت باعلی صووتهاا طاره نار شااعله ملیاانه نفسهاا.. عاد قصدات بلاکار خدات صااك فيييه غير حوايج خفااف لي غتحتاج.... وشي فلووس كانو فالمجر ... اما حتى ورااقها معندهاش ... بالیها تيليفون ديالها خشااتو فصدرها وهزات برية صغيرة كانت کاتباها و حطاها حدى راسها ... مشاات باتجاه سلة لي فيها القطيطة ديالها... هزاتها وحطات بلاصتها رسالة ..کانت صغيرة عبارة على غلاف أبيض لووون... كتشووف فالقطييطة ديالها هبطات دمعة مسحاتها دغيا ... عازمة تكون سهيلة القوية اليوم ... مغتخليش ديك المشاعر والأحاسيس تخرج ... صافي بكات وتدلات وتالهنا و برااااكة مبغاااش شي حاجة سميتها صبري معاه يقد يبغيك... حيت صافي عرفااات انوو مستحييل يدير ليها بلاصة فقلبو... ماشی بحالها هي لي هذاتوو قلبها بلى متردد... هداتوولو بلى متعرف العوواااقب... معرفاااتش بلي اتبكيي مووور هاد الحب بزاااف... حيت الحب بووحدوو ماشي كافي خاص الإحترام وهو محترمش حبها أبدا .. والحب من طرف واحد ... هو الموت بدوون شعور... وهي بغاتو بلى قانوون بغاتو وحيدااات كاع الحوااجز... وشنو مقابل هاد الحب ؟؟ شنووو؟ لا شىء فقط البكاء ليل ونهار والحزن .. ورفض من اتجاهو... وحتى لهنا وکفی.. باش يحكم على حبها بغلطة... ويبغي يصححها فقط بالوراااق... فهاذا إهانة ليها ولحبها... حتى لهاد الدرجة عندو قيمتها وإحساسها ومشااعرها لا شيء ... الى كان هكا فهی مستعدة تحيد هاد القلب وتووضع بلاصتووو حجرة قاصحة مستحييل تهد... شافت فعييون مشيشتها وبااسها عاد نطقات بصوت مبحوووح ...
سهيلة .... سمحيلي حيت انخليييييك لكن معااااه غادي تكوووني فأمان.... وكيف كان حاميني غادي يحميك حتى انتي ویتهلی فیک
عبد الرحمان.... تحركي العدوول لتحت مغانبااتووش هنا "بنطرا حاده "
سهيلة ... انا هابطة غير سبقني..
"بلى ميشوف فيها هبط مع دروج وكل خلفى منوو كتحس بدقات قلبها كضعااف... ماشي بحال فقربووو ليها كيكوونو دقات قلبها متسارعين ... تبعاتلووو لعيين تا مبقااش يبان وهي تهز صاكها وخرجات غادة كتسرع بخطواتها لغرفة ديالو..
بلا تا نظرة منوو هبط مع درووج..وكل خلفة منوو كتحس بدقاات قلبهاا كيضعاافو عكس وهو جنبها كيكونو متساارعيين ...تبعاتلو لعيين تا مبقاش كيبان وهي تهز صااكهاا وخرجاات في اتجااه بيتوو ..
جراات لخامية لي فسرجم ديالو... ولاحت صاكها لتحت.. وتاكداات من وجود سلووم لي واضعو لعسااس على الحيط ولي واصل تال غرفة عبد الرحمان ... تسللات هابطة منودرجة درجة... تا وصلات لأرض خدات صااكها ..وعطات رجليها لريح
انفوا حلات لباب لفيلا ضارت شافت فيها أخر نضرة..وهي متحسرة على داع ذكريات لي عاشتهم فيهاا حلووه كانت او ومره...ولي جامي تنسااهم .. مسحات طرف عينيها وركبااب في طاكسي لي كان كيتسناها ونطاالقاات....
-عبدالرحمن؛
تعصب من استهتارها لعدول وشهود كيتسنااو وهي بشوية علييها ... استأذن وطلع مع دروج ناوي يربيها بجوج كليمات ... دق مرة وجووج... وفتح الباب ... قبل ميعيط سهيلة لقى غير لفرااغ... ورييييح كيضرب فالغرفة بنسمة عطرهاا.. قلبو وعقلووو كيقوولوو غير كلمة وحدة " صافي دارتها وهربات" ..دخل يشووف الحمام على امل يلقاها لكن للاسف وهو خاارج نتابه لقطة ديالها كتلعب في بلاصتهاا..طلع نفس براحه ظنا منو انهاا كاينةة لكن خاب ظنو ملي لمح جواا ولي زاد عصبوو وخلاا ناار تسرا في ذاتوو هو شنو مكتووب فيه ... . تشنجو عروق يديه وتفخووو بالأعصااب... وهبط كيجري فدرووج... وزاد لجردة كيقلب اقى با حمادى ناعس كيشخخخر... وميييت بالنعااس مكاينش فهاد العالم غوت باعلى صووتووو..."سهيلةةةةةةة "... خرج كيجري فنوااحي لي حدى لفيييلا... ملقاااش ليها الأتااار... زااااد صعر وعرووقوو خضاارو مشى هز لوطو ديالوو.... ساايق بسرعة غادي كيتنقل بين محطة الكييراان... محطة طرااان... ناس لي بانوولو يهز تصويييرتها ويسوولهم واش شاافووها.... داارت 3 دلييل وهو يقلب.... تقطع حسها حس لأول مرة فحياتو بشمتة.... عمر شي حد شمتووو تا جات هي ولعباات علييه ..... تقوول لأرض بلعاااتها.... لدرجة ممتييقش راااسو كيفاش درتها بيييييه وتبتاااتو مزيااان... مرة يتعصب منهاا..ومرة يخااف علييها فين تكوون مشاات في ليل وعارفها كتخااف ...في الاخير رجع من طرييييقو لفيلا... وقف مهزوووم هاد المرة .... حس بقلبوووو شاعلة فيييه لعافية وكتحررقوو... كررررز على يديييه جمعها على شكل بونية وعطاها مع الشجرة بقوة ... تا تشنجااات وتحبس دم فييها ...باالووو غير لبيسين تصووطا فيييه ... كيبرد ديييك نار لي كتحرقووو... ومقاادش يتحكم فييها .. طلع لبيتو فاازك كيقطر وعينييه نقطة دم ... مسح وجهوو وهز تليفوونو علم گااع رجاال يقلبو علييها مرااكش ومنهم لي يمشي لصوويرة وميطلع صبااح تا يجيبوولو خباارها
عبد الرحمان .... "ضرب تليفونو مع لحيط "..وعد مني اسهيييلة غادي لقااااااك وديييييك ساعة لحساااب عسيير غايكوون معااااااك ...حلفت حتى تكوني على ذمتي وباسمي.. وعدتك وغادي نوفي بكلمتي... وغانشووووفو شكون لي رااسو غايتهرس انا ولا نتي..😡😡😡
-سهيلة؛
فمكان أخر وبالضبط فمدييينة مرااكش... كانت كطل من سرجم كتشمم هواا هاد المدينة النقي... مغمضة عينيها ومستمتعة بالقمرة لي مضوية السماا بلونهاا البيض... تفكرات راسها تا هي كانت كتسنى بصيص امل صغير بيض منو ساعة كل شي تلاشى وتبخر.. حيييت بكل بساطة هي سلك بيض وهو سلك حمر بحال زائد وناقص... الى مشااو تلاقاوور كيوقع عطب ...تنهدااات وهي هازة فقلبها مايتم ولا يتنهى ... رخات راسها لور وعلى محياها ابتسامة باهتة وعينيها كانو كيقوولو بزااف..
تفكراات الرسالة لي خلات ليه..ولي كانت كاتبة فيهاا
《اصدق حاجة واحسن حاجة كانت نتا... ولكن نفسي فوق كلشي ...عزها تعزك....شانتی باماانتک حیث واثقه فیک غتهلی فیهاا کیف کنت مهلیا فیهاا ...ویاریتها تبقی ذکری زوینه منی لیک...متقلبش علياا مع حبی سووریاانا 》
تبسمات وهي مرتاحة نسبيا ملي ييلقى رسالتها غايعرف انو مستحييل ترضى تكون وسيييلة لتصحييح غلط .....وفرحات اكثر انهاا خلات كبرياائها یتغلب علی حبهاا ...وجعلات من جبرووت وغروور حبیبها وقوود لی تزودات بیه باش تباشر فی تحدییهاا ...وتختار بعدها عنوو
حیث ببساطه مقداتش تختاار او تغیرر المااضی دیالها....لکن دابا جا لوقت لی تحدد فیه مستقبلهاا کیف بغااتو یکوون...ولی غتبداا خطااویه فی کونهاا مغتقدمش تنازلات بعد الان ...
وانتی ایضا یاا عزیزتی...لا تنازلی رجلا فی الحب... علیک ان تغدی احسااسک بالآنفه وتواجهی من کان اقرب الناس لرووحک ....استمتعی بالانقطااع عنه ...لا تعیشی قطییعته عذااباا...عیشییهاا تمارین فی الکبریااء واعلاء شآنک.. ...
《فما اقوی من الحب سوی الکبریااء عند امنع النسااء....
#احلام_مستغانمی....》....
كيجي وقت كل واحد منا كيخصو یختاار بين حاجه وتانية...فلانة خاصها تختار بين خدمتهاا ولا زوااجها....وواحد بين الغربه ولا بلادو ....وتالی بین مرتو ولا مو....وبطلتناا وقع ليها الاختيار بين حبهااا ، عشقهاا ...مقابل عزة النفس وكراامتها...شحال كان قاصح هاد الاختیاار ...لكن في الاخير خلات قلبهاا يقدم شوية التضحياات ويتناازل لنفسهاا ولكبرياائها ...الشیء لی خلاها تردم حبها وتدفنو فی قلبهاا... تخطی خطوه ومتشووفش ورااهاا....واخا معارفاش کیغتکون عقیبه ریهاا ولا شواار راسهاااا بالحق الضربه لی مطیح تزید تقوی...والحیااه درووس ومحطاات کیخصنا ندوزو ولا بد منهاا
°•°•°••○•○•○•••••°○°•°•°•°•°•°
سهیله....."بدات کتحل عینیها علی صووت دقاان فی باب لبیت...تکلمات من تحت لحااف "...احم دخلی اخالتی ....
سهیله....."هزات المووس وبدات تعاون فیهاا "....بزز منی الحاجه لکن البرانی عگووبتو لبلادو ...وانا رجوعو لیها من هنا یوومین 😔😔
فاطنه...."لاحت لی فی ایدیها مقلقه "...صاافی وصل الوقت
سهیله...."باسی وحزن فعینیها"..اه وصل الوقت لی نمشی فیه لناظور، نقلب علی راسی ونعاود نبنی مستقبلی راک عارفه بلی جلست فی مراکش فوق لخاطر و غیر حیت هو کیقلب علیا
فاطنه...لهاد درجه مبقیتیش باغاا تذکری اسموو...
سهیله...."جمعاات الوقفه هاربه من لجواب "....انا غنصلی شی رکعات اخالتی قبل لجمعه ...
فاطنه....وتعالی بعدا غتفطری
سهیله ....."دوات من لبیت "...تا نتغدی فی خطره
تهربااات منها لبیت صلاة ودعات الله یکون معاها ویوفقها فشنو غدیر...ومن وراها خرجات کملات نهارها مع الحاجه فاطنه کیف مولفه
مر علی خرووجهاا من الفیلا اکثر من یومین...نهار علی خووه وهو کیجوول ویقلب وباغی یلمح غیر طیفهاا ...خصص رجال یحضیو قصر لباروون ورجال یقلبو معاه بالحق بلا فايدة ... بحال الى تبخراااات فالهوااااء ... ولا سرطتها لأرض معرف لا فيين يقلب ... تااااه ومعرف فيين يعطي راااس.... وبقوة ضغط لي ضاغط راسووو... ولا معصب بكترة تا الهضرة معاه ولات مستحييلة... وشكوون يقد حتى يهز صووتو.... وهو ملامييحو ولات كتخلع... وعرووقوو ديما متشنجة لدرجة عيوونو ولاو دييما حوومر... مكسيييين بهالات سودااء لتححت...وسبیل لی کان کیلجآ لیه باش یبرد هاد النار والغضب لی مالیه هو الملاکمه....
..........
واقف لتحت فی صال لی مخصص فی فیلا ...بلباس الشبه عاری..کان لابس شوورط کحل قصییر..فقط ولایح فوطه مدورها علی عنقوو کیمسح بیها العرق لی کیتصبب من وراا تداریب کانو عرووقو منفوخة وصدرو طالع ناازل... بنضرة كلها غضب ... توجه لكييس لي معلق ... ناوي يخرج العافية لي فقلبو ولي دييما كتحرقو مكتخلييهش ينعس ديما كيفكر فييها ... كرز يديه بقوة كيجمع النفس وجمع يديه على شكل قبضة... وبقوة نزل على الكيس تا مشى وجى زفر وبقى عليه كيضرب بكاع مكيملك من قوة و عيوونو نقطة دم مغلووقة وجهو كيقطررر عرق .. أما علقوووو مشى عندها كيفكر كيفاش قدرات ترفضو وكلماتها كيتكررو فراسووو... "عزها تعزک.."..."مغنتزوجکش ".. هز يديه بقوة ونزل على الكييس تا شقو ونزفاات يديه من قوة ضربة ... لكن فين هو الإحسااس باش يحس فيين شعوور باش يشعر برااسوو اش كيدير كان أكتر من إنساان تايه... وكأنه تاالف ومعرفش طرييقو... زاد تعصب ونار الغضب شااعلة فعينيه كيضرب ويعاود وبقوة أكتر من الأول ... نيرڤاه صوت موبايلو لي داار ليه القلق حبس كينهج وهز يديه لي كتقطر دم ومنفووخة وكاملة مجرووحة مسح جبهتوو لي كتقطر بالعرق وهز موبايلو شااف نمرة وجاوب ...
عبد الرحمان..."هز تلیفونو مبعدو علی وذنو وغوت باعلی صووت "...اش کاااین لاش مصدع لیا کری من صبااح 😡😡
الذییب...."بدا یزقزق من صووتو عرفو معصب "....بغییت نفکرک فی قتال لی عندک لیووم
عبد الرحمااان....مجاایش لدیلمو یالله تهتی وقوولها لدااک القواااد معااک.....
"لاح تلیفوون تاا تهرس ورجع کمل علی مبدااه محااسش براسو ولا بایدیه لی کتنزف ولا بالوقت لی کیمر تا سمع وراه تحنحین ..دور وجهو وهو یلقااه جا برجلیه لعندو ..شاافیه بشووفه معناها اترحم علی رووحک "
عبد الرحمان..."غادی مقرب منو "...لااش جاای هااا لااااااش ؟؟؟؟
عبد الرحمان...."ضرب قرعه لما برجلیه تا تهرقاات ودار هز صبعو جهه وجهو بتهدید "....اخر مرره تفرض شی ق** ...دابا انا جای معاک نشووف هاد لخراا.. وقوول لداک لخرای لی مخدمک هاد النم مبقاش عااجب دیلمی کتسمع 😡
رفع صبعووو فوجهو كيسب ونفسوووو حارة كتحرق ... وغير كمل خلى ذييب بلاكة وزاد هز حوایجو ورکب طوموبیلتوو ودیرکت لمکان فین غیتقاتل...... لی دخل لیه هاد المرة بملامح ممحية ماشي على طبيعتو... ماشي بحال فالأول كان كيدخل وهو كيقرا ملامح الخصم ديالوو... وعينيه فعينيه كيقرأ افكاارو.. وذنييه على صوت الجمهوور...لی کنادی باسموو.. هاد المرة غير .. غير كل المرات... دخل حاني رااسو وعقلوو مرفووع كيفكر غير فيها .... تسمع صوت إعلان انطلاقه .. وبعد دقائق تصدم الجمهووور من لي شاافووو كان كيلعب بدون وعي أو إدرااك شعووري... كان فقط كيتحرك فجهة فارغة...الشیء لی خلاه ینهاازم لاول مره من نهار بداا فی قتال الشواارع...ینهازم من دقایق الاولی...وبضربه وحده.. مسح فمو من دم وخرج معصب وفكووو متشنج... غير خرج سمع صووت البوص ديالو .. تلفت كارز على يدييه
البوووص.... "بصدمة كيغوت" عبد الرحمان اش هادشي درتي شنو وقعليك
عبد الرحمان ... "ضغط على سنييه وعيينيه يحرقووو قبييلة ودوار ".. ماشي وقتك غبر من حدايااااا حسك منسمعوش ولا غاتشوف حد أخر غير عبد الرحمان لي كتعرف
عطاه بالضهر وزاااد معصب ... ركب فلووطو ديالو وزااد مكسيييري كيتساااابق مع الهواااء ... وعينيه فلا نهاية .... جمع نفس سخوونة وطلقها... ويديه كارز بيهم على المقود ... وما هي مسافة وقت وكان حدى الفييلا ديالو ... طلق نيشان لغرفتو دووش وبدل حوايجووو... هز صاك صغير دار فيهم غير لي غايحتاج.... وخرج ركب فلوطو.... وزفر بسرعة تا تحكوووو روايض فالأرض... غادي لوجهة غير معلومة ولطريييق ممعروفااااش...
لباارون...."ولا عصبیه علی غیر العاده الشخصیه الهادئه والحنینه ختافات ولا کیغوت علی ابسط الاشیااء ویهرس علی اسخفهاا".....شووف هاد الجرده کیف ولاتت ...مفهمتشی یانا کنخلصووکم باش تجلس وتعمل لیا رجل علی رجل وتکمی ....اسیدی دیر خدمتک ولا مشی الله یعرضک سلامه..
الجاردینیی....."کان عاد کمل ..جرده مزبووره ومسقیه...وعرف راسو غا جا فی طریق لبارون بغی یبرد عصابو فیه وصافی"....میکون غا خاطرک اسیدی سمح لی...
لبنی...."کتشووف من ورا لباب خووهاا لی ولات حالتوو کتصعاب علیها بزااف ....شویه بان لیها داخل ستقبلاتو بتنهیده"...علی سلامتک اخای...شعندک رجعتی بکری ..
لبارون...."کیدوی ومکمل علی طریقوو "....شنی غنتشااور معااک البنی الا بغیت نجی لداری ولا شنووو..."قالها بالغوات ووقف تلفت لیها"..
لبنی....شعندک اخای...ولیتی لی لقیتی قدامک تصووط فیه ..راه الله یحسن لعوان کلنا مدمرین وقلووبنا محاس بیها غا ربی لحبیب...
" کملات علی طریقهه وهو طلع لبیتوو...تلاح علی کرسی وایدیه کیحلو صدااف القمیجه حاس براسو مخنووق ومزموووت وکلشی مجموع علیه وفوق راسو...محلتو لخدمه لی ترونات..ولا حیاتی لی تقلبات...ولا لصحتو لی تسااست وذبلات....فی الاخییر کمی علی هموو گاارو لعلوو یمحیه ومن بالو یلهیه
{فی مکاان اخر وبمدینه اخراا..... }
°•°•°•°•°•°•°•°•°•°•°•°•°•°•°•°•••
کلاکصوونا علی لعساس هاد الاخیر لی مبقاش قاد یعطیه لوجه...دخل لفیلا بلاصه یالله غیخطی خطوتو الاولی وهی توقف علیه ..
نیینا...."شوق عمااها وعند باب دارو رماها "....فااین غبرتی علیا ااسمر فیین ؟؟
عبد الرحمان...."لاح صاک من ایدو فی ارض بنفااخه ولعندها ضار بشووفاتو لی کانو کیناار "....ونتی مال قح*** واصیا علیا ولا ولی امری..لدیلمک لوالیده ومکانتش تسولنی لافین غبرت ولا زمرت "شدها من ایدها مزیر علیها تا بدات تاوه "...ونتی شفتک سریتی لیا مع دم....واش مکتفهمییییش تقودی بعدی منییییییی 😡😡...
البووص...."تعصب کیشووف راسو علی محک "...واسي هدا راه ماشي مسؤولية. بان ليا بحال لطحتي على زنافرك وصلیتی بلا وضو
عبد الرحمان...."عاود خنز فيه وقاليه "..اش تتخور هاديك بحال اختي ولوكان ما......"حبس ومسح على وجهو وبقا شاد بيديه على فمو تيسوط تيفكر فيها.....شویه عاود زفر ونطق ...."اخر كلام عندي باش نلخص لیک ومنبقاش نزیگزاگی معاک ..لقاها ليا نكمل معاك ونمشی تااال اخر دینا... بغينتي مرحبا مبغيتيش نتا تعرف لي صلاح ليك ....حیت کیف عرفتی هادشی کامل وبلی کنقلب وانو مشاات وکیف کتوصلک صغییره ولکبیره...اکید میصعابش علیک تعرفهاا فین انا عاارف یدیک واصله وعینیک کاینین فگاع لبلایص داکشی علاش بین لیاا وکون فشکل ..ونکون معاک
البووص..."جمع الوقفه "..اوك عطيني شهراين ...شارك فهاد البطولة ليغادي تكون فسنغفورة سير درب هاد الشهر الجاي ولي موراه اتبدا لبطولة ربح وكمل ...وملی تجی اتلقا خبارها عندك فالمطار ....اش قلتي؟؟
"عبد الرحمان فكر ورد بنفس النبرة جاوب"
عبد الرحمان...دير فبالك اخر ماتش معاك هو ديال الفوز فالبطولة ....يعني غادي نسمح فالخرا كامل ونكمل حياتي ونزییدک دير حسابك كل ماتش وتمنو والفوز راه معروف قيمتو .... الله يهنيك
"هبط لاصال وخلاه واقف ورااه کیشووف "....
#في_المساء
🌻 سهیله 🌻
كانت سهيلة جالسة كتخمم وعقلها نتاااقل عند درغام ... لكن زاطمة على قلبها ...هاد الاخیر لی صعييب صعييب نتحكمووو فيه كييف بغييينا... لوكان كنقدروو نتحكمووو فقلبنا كون شحال من وحدة بخییر وعلی خییر... سمعات امينة جايا بصينية دأثاي وكتبسم ... ناضت قادات ليها طبلة وجلسات ....
أميينة.... "هزات منديل حطاتو على يدين البريق وكبات اثاي ومداتو لیهاا "...هاکی من ورا لعشی کیخص المزاج یتقاد بهاد الکویس..
سهيلة ... "قاطعاتها "....باش تحلی لیا باب دارک...وتجلسینی معاک وتشاارکی معایا طعاامک راک درتی ووفیتی وکلمه شکرا قلیله فی حقک...
أميينة... عادي انتي صاحبه سوسن ودیک البنت کنعزهاا...وعاد نتی من عائلتو دمرااد لی خییروو ساابق علييييا بزاف عاونی فالوقت لي كنت واقفة ومسدودین فی وجهی لبیبان ... وأقل حاجة ندييرها هي رجع ليه واخا غير شوية من لی دار على قبلي
سهيلة ... "دوراات وجهاا فی الشقه لی کانت راقیه ومرتبه بطریقه جمییله...وفزاویه منهاا معزوولین مانکااه علیهم فساااتین "......خدمه ولا هواایه ."شیرات لیهاا علی مکان فین کتشووف "...
أميينة... "جغمات من الكأس"....فی واحد الوقت کانت غا هواایه مکنتش مدخلاها لراس کحرفه....اما دابا بديت واحد کولیکسیون خفييفه خدامه علیهاا..عاد وإنشاء الله ناويه نحل محل فی موول غیحل هناا قریبب ..
سهيلة ... "بدهشه"....برافو لیک..یعنی اول تصامیم لیک هما هادو
أميينة ... وی ازيين هادي اول مرة وأول تجربة ليا فهاد العالم الازیااء ... يعني عاد بديييت شوية بشوية
سهيلة ... "رمقات لحوایج لي معلقيييين و مستفييين عجبووها وطولات شووفة عاد هضراات ".. واش كتخيييطي ولا كديري غير تصمييييم بووحدو ...
أميينة ... انا مصصمة وفی نفس الوقت کنخیط ..وعندي هواية من صغر ديال هادشي وکنت نتمنی نعرض شی مجموعه بسمیتی
سهيلة ... .علاش لا إنشاء الله توفقی وتنجحی وتکون هادی بدایتک...حيت الإنسان لي كيكون عندو عزيييمة وإيمان كيوصل دغيا لداكشي لي باغي "حنات راسها بحزن "..صرااحة حتى انا تمنیت نکون بحاالک عندی شی هواایه لی نتلاها فیها ومنبقااش غير جالسة بغیت نخدم ونشغل راسی بشی حاجه
أميينة.... "حکات حاجبهاا "..علاش لخدمة صعييبة رااكي من دابا الا بغیتی تخدمی مزالک صغییره
سهيلة .... " رفعات حواجبهاا ".... انا معنديييش شي نييفوووو عالي لي نخدم بيييييه دغيا ونتقبل...
أميينة .... غير قلبي متفقدييش الأمل بزاااف د نااس معندهم لا نييفو لا والو وخدامييين على راسهم متمليييش ومتیآسیش العزیمه هی کلشی
سهيلة .... وي انشاء الله صراحة محتاجة الخدمة ضرووري
أميينة.... "تأملات فييها مزيان عاد نطقاات"... سهيلة وقفي "شافت فييها باستغراااب ووقفات"..صرااحة فوومتك غزاالة وطوولتك ديال العارضااات "سولاتها كتشوف فييها"...واش تقبلي تخدمي معايا كموديييل غادي تلبسي لبسات ديالي ونزیدک دیال محجباات .. ناخد ليک تصااور ونخلصك علیهم بما لقيييتي خدمة حسين من هادي...
سهيلة ... "سكتات دقائق عاد هضرات"..ولكن انا عمري جربت هادشي معندي عليييه حتى فكرة ...
أميينة ... "طمناتها بعيينيها ".... عادي حتى حاجة مسااهلة غادي تكوون غير كامييرا كتصوورك فقط هانتي غذا نديييييك معايا وشووفي داكشي كيف داير ...یعنی تعرفی علی المجال عن قرب...
بتاسمو لبعض وهكا كملو لیلتهم کیتعاودو ویتعرفو علی بعض وحده تسقسی ولوخرا تجاوب...
سهیله تعرفات علی امیینه وبانهاا یتیمه الاب والام .....فی حین کتافات سهیله تخبرها انو ظرووف خاصه هی لی جبراتها تنتاقل من مراکش
🌻 الذرغاام 🌻
نرجعوو لعبد الرحمان وبالضبط لوقت لی کمل حدیتوو مع البووص وخلاه واقف منشوور وهبط لاصال کیگمگم...
"واخا اسي بغيتي غي اللعب هو لي لعبوه ....."
بدل حوايجو و بقا تيشوف فالمراية لي قدامو شحال ورجع بیه الوقت لور وتفكر نهار كان تيتريني وسهيلة حضياه من الدروج وتتضحك غير راسها..
🔙
عبد الرحمان... "حصلها "....هبطي الحاجه هبطی راه شفتک...
سهیله ..." هبطات وهيا حشمانة من الحصلة لي حصلات ،دارت يديها فجيابها وبقات تتدور وتستكشف وتسول وتجاوب غير بوحدها على المتريال ديالوو ولاش تيصلاح وكيفاش تيخدم ....."......وهادی لاش کتلییق 🙄
عبد الرحمان...."فرعات ليه مخو بقوة الأسئلة، ..وعيا بالاجوبة ناض وهو مكمش عويناتو وقاصدها "....کتصلاح لتهراش راس بناادم...🤨...."وقف عليها وشاف مطول ..هزات عينيها فيه مع ابتسامتها لي تتدير فاش تتحصل "
سهیله.....مالك سليتي، صافي عيتي اطلع 😑
"طبعا مجوبهاش هبط حتا لمستوى ديالها وزاد قرب حداها حتا وترها ...وهزها على كتافو وطلع بيها فالدروج خرج بيها لجردة ونيشان لابسين لاحها فيه وتم راجع بحال ايلاموقع والو".....تبردی لیک شویه علاما سالیت ...
"سد عليه الباب و رجع كمل تمارينو....."
°•°•°•°•..
"ترن.. ترن ..ترن.. كان رنات تلفونو لي رجعوه من بحر دكريات سهيلة الي ولات هايجة عليه ومعرف منين يضبط راسو وسطهم ..
عبد الرحمان..."جاوب"... الو ..
_الو فين العشير
عبد الرحمان...هنا امدرا كين شي ولاوالو..؟؟
_عندي ليك خبار...باليل نتلاقو فالبليصة و هاك لي عندي ..صافي ؟؟
"حط تلفونو وبدا تيتريني وهو مخنزر و عاقد غوباشتو...
سالا وطلع دوش ولبس عليه تأنق كيف عادتو هز ريحتو رشها ..وسرح تاني فديك الليلة هو سهيلة وتفكرها منين ترفعات معاه وقالت ليه ريحت تتحمقني وتتمشي ليا مع عروقي ...حط البارفان شاف راسو مرة أخرى فالمراية و وخرج ،،،ركب فالسيارة ومشى....
موسيقى صاخبة وشباب تيشطح وشي تيتمايل والاضواء تتشع و وبنات تتراقص وتنشط دخل مروان نيشان تيسلم على صحابو لي كان خدام معاههم وتيعانقو حتا سمع صوت دكرى
دکری...." سلمات علیه "..ميمو على سلامتنا منين تفكرتينا ااو من دفنوه مزاروه....مالك اخاي معانا ولا مبقيناش عاجبينك 🙁
مروان..."سلم عليها ودرعا بيديه وهو تيخنزو فواحد القمقوم مكانش تيحملو"....حاشا الزين والله غير تمارة والسفر راك عارفة الدرغام فين ما كان خاصني نكون معاه و زيادة على هو متيتيقش فحد و خاص ديما نحضيي ليه جنابو ...
دكرى... بعدا منساش الخير ولاد الناس قلال بحالو .،،
مروان...وياه غير تهز فكر فيا وهزني معاه ...اجي كيف بقات الوليدة نسيت مسولتكش ؟
دكرى...حمد الله راك عارف باقا كيف هيا،الحمدالله على كلشيي .."دارت شافت شاف دیالها کیشووف فیها "... نخليك داك القرد تيحنزز وانامقادة على مشاكيل وباقا باغاخدمتي راك عارف الأحوال. ..منبعد ونجي عندك.،..
مرواان....اوك سيري الله يسهل .."قالها وتبسم وتفكرر اول نهار ليها فالمحل وكيف كانت خايفة و متوترة والقرد ديال عادل تيضور بيها وتيتعنب عليها وكيفاش لقاها تتبكي وهيا خايفة يجرييو عليها ايلا مدارتش زوين معااه "
《هئ هئ هئ
_مالك اختي ياك لباس؟
_والو سمح ليا بغيت ندوز
_وغير قولي مالك واش شيحد غوت عليك ولا داك القرد دعادل تزلل عليك حيث هو قعيدتو تيدير هكاك مع البنات الجداد..
مروان...."تقاد فی الجلسه " بون...سهيلة كاينة غير فالمغرب وقبل كانت غير فمراكش عند واحد السيدة ام واحد الاستاد فجهة العرصة ...الاستاد خدام فی ناظوور کیقری فی الجامعه والله واعلم یمکن هو وسوسن مرافقين بعضياتهم ..،.مهم کانت مع مو ودابا مشاات معاه ناظوور...
عبد الرحمان...."تعصب "..كيفاش كانت معاه ودبا مشات معاه واش تتسط عليا ولا اش ؟؟اش بينهم حتا تمشي معاه وتكلس معاه وفين عرفاتو ،،،وكيفاش تلاقاتو 😡
مروان ....غير بشوية انا طلبتي مني نقلب قلبت و قلت لي كاين ...رانی کلفت رجال کانو مراقبین سوسن وشاافوها جالسه فی کافی کتسنی فشی حد تا تمات نازله سهیله مع هاد خاینه...ومن وراها داها لشی دار هو وسوسن نزلو وهی بقات..ودیک دار تاع شی وحده اسمهاا امیینه شی حاجه... وعاد قلبت علی سجل دیال خونا ولقیت بلی عندو مو هنا...جیت فین کتسکن زرقالاف خلات لعساس یگر لیا بلی سهیله کانت جالسه مع لمراا وهی مت دری وجا داها....
عبد الرحمان . .."کیحک ذقنو " ....ایااااااااااااه ..
مرواان......تسنی بلاتی سمع هادی واعرة
عبد الرحمان....."کفض کمایمو "....زيد كرهني فدين موك ....زيد اش باقي ؟؟
مروان.... الباقي والواعر هو البوص ..عارف فين كاينة وموصي عليها لي قابلها ومبغاش يقولها ليك حتا تربح الماتشات ....حيث خايف تمشي ومتكملش للبطولة
عبد الرحمان...."رفع حواجبوو "...ياك اسي.....ايه واش باقي ؟
لباقي هو انو رجال لی نتا کلفتی یقلبو علیها راک عارف شکوون جایبهم لیک لبوص کانو کیگوولو لیک لی بغی هوو ماشی لی باغی نتااا..
عبد اارحمان. .. "ضربو لرجلیه ضریبات خفاف "...واخا مزیاااان .....خلي دابا ديك خينا حاضيها وحتا نسالي ونرجع عاد نشوف معاها .....سكت وعاود نطق ...خبارها وتصاورها يوصلوني صباح وعشية وياويلك يامروان تقيصها شي حاجة ولا يقرب ليها شي زلال ندفنو ونعلق موك حداه ...متافقين
مرواان...اوك صافي ميكون غير خاطرك...اجی ولبوص اش دیر معااه....
عبد الرحمان...."خدا شرابو لی نزلو لیه سیرفوور "....هاداک انا محتاجو دابا کثر منی دیک البطووله غتکون الختام معاه...مهم خاصنی فلووسهاا ولفلووس لی عندی نستثمرهم فشی حاجه شنو درتی لیا فاش وصیتک...
مروان.....کتقصد لکلووب..."حرک لیه راسو بالایجاب "...ایوا اسیدی لقینااه کیف بغییتی خاصک غاا تشووفو وتوافق علیه ،..باش نسینیو مع سید ومنها ندخلو لیه لعماال راه کبیر وغیطلب وقت ....
عبد الرحمان...."عض فکو من لداخل "...مهن غدا نمشیو نقضییو لغرض...وغنکلفک تشووف لیا تا شیخاجه فی ناظوور شوف البورصه شی حاجه نازله اسهم ولا شی لعبه باغی نستثمر فدیک لمدینه .
مرواان...."شقلب عینیه "...طاح حبک علیها فجآه ولا کیبفاش....
عبد الرحمان ....."جرو من لکول "...غنطیح قح**...من دوزیام ایطااج الا مدرایش اش قلت لیک هااا ؟؟
مروان....وااا غاا ضاحکیین..."بدا یبتاسم تا طلق منو "
عبد الرحمان..."افاف "...شرب شرب...وسکتناا
نزل عبد الرحمان على كاسو دقة وحده وبقا ساهي فبنادم تيتركل وتيشطح ....وبالو کان معااه وحالف فیهاا لبقاات
صبح یوم جدید ناضت سهيلة مشات فیه مع أميينة ... شافت مکان العمل وطریقه لی کیتصورو بیها العارضاات..لحسن حضهاا جات نيشان مع عرض بروفا ... عجبها داكشي يعني خاص غير بنادم يكوون كيتقن الحاجة وعندو رغبه فیهاا..أما داكشي بديهي بلا قيااس....رفع الرآس للاعلی...ابتساامه خفیفه...نظراات معبره...شکون میعرفش لیهم.. فقط علیک تزول الخوف والحشمة باش تکون إنسان ناجح فحياتك .. شافتها امييينة كتبتاسم وهي تقوولها ....
سوسن.... "عضات شفایفها"...بالحق عبد اارحمان شنی غتعمل فیه
سهيلة ... "صاطت نفس كتحاول تنسااه "انا مسوقييييش فيه وزايدوون خرجت من حياتوووو دابا غانشووف حياتي هو عاوني والله يجازيه بيخیر متبقایش کل مره تگولی لیا عبد الرحمان...ولا قدوور ..
سوسن...."مصدومه من رد الفعل "...اجی شعندک العایله معاه...واش دابزتوو کیفاش یخلیک تجی هنا بسهوله کلامک مدخلیشی لراسی ..
سهيلة ..."بنرفزه" ...سوسن متحکریش علیا ومتندمینیش حیت قصدتک نتی دون ناس...قلت لیک لی کاین وسدی هاد الموضوع
بالضبط فواحد دار صغيرة ....کتکون من الغرف لي بسيطة وعلی قدهاا وهی کتالی جوج بيووووت وصالون صغير وحمام ومطبخ ....ضمن غرفهاا كان واحد شخص جالس فوق سرير رامي لعكااز لي كان يتوسد علیه ... وقف وتمشى بشوية لجهة سرجم كيشووف بضييق وغل ... ناس غادة جاية وصوت الكلاكصوون كيفرع رااس.... وسبحان مبدل الأحوان من عييشة الأغنياء لعييشة لفقراااء.... كانت طوموبيل لفاخرة يجلس علييها.... وغير غرفتوو كانت قد هاد دار كاملة لي عايش فيها ... والخدم والحشم داير بيه...یآامر وینهی کیف بغی...وها هو دابا كيقاصي فصمت بالزلط.. حتى من فرااشوو كيضرو فضهرو... هادشي كامل جامعة فقلبوو ونهار على نهار نار الحقد والإنتقام كیکبر وکیقتلو ... سمع صوت دقان تلفت بانت لييه الأم ديالووو داخلة فرحانة وكتبتاااسم....
تیلیلا ... "عنقاتو وغاطيير بالفرحة"...اربی الخبیب حمد وشکر لیک...لی خلیتینی نشووف بنی واقف من جدید علی رجلوو...کیف نتینا بخیر یااک ...حمد لله فرحت لیلک ابنی
يووونس.... "معصب رد بقسوة وغل كبيير ساكن قلبو" عاااااام الوالييدة.... عاام ضاااااع كامل من حياااتي... عام الواليدة وانا كنحس براااااسي إنسااااااان عااجز... إنسااان بلى قييمة ... بلى هبة تا من طوالييييط كانووو کنت عاجز ندخل لیها... لبااسي يلبسووهملي.. ضيعوووووني حتى فهييبتي كررجل قاادر... عاااام كولو الولييييدة شنو دررت فيه غير قوليلي ؟؟؟ ....هااء کنت شااد رکنه یااک لا نخرج کی ناس لا نضحک بحالهم..."شااف فييها عينیه عامرين حقد ورجع هضر بتهديد وكيتوعد بأشد أنتقاام ".. لكن والله تم والله منسمح فحقي... وغاندفعهمممممم ثمن غاالي دهاااد العااام...... لكل واحد أذااني وكان السببب فلي وقع لي غنرد لیه صاع صاعین
الأم .... "هضرات بصووت شرانی کثر منو "....وانا دیما غتجبرنی مشبراک من یدک ومعااک ...بالحق تینا مزاال مرییط ..
يونس.... "قاطعها مكشكش وجهوو رجع حمر وعيينيه كيبرييو بالدمووع"...اهه مرییض حیت مخدیتش حقي...حقي لی بیدي قاومت باش نرجع نديه الواليدة بديي غاناخدو.... وأول واحد باش غانبدى داك البااارون
الأم...... شنی غتعمل ..؟؟ مخاصکشی تغلط
يونس.... "تنفس حييت تخنق وهو يغووت وكمل كيهضر بناار الحقد لي عمى لووو عينيه " ديك البااارون الوااليدة حياااتي كاملة .... فنیتها على قبلو درت المستحييل عليه وأكتر .... ونهار عرفني ماشي ولدووووووو..... رماني لشااريييع بحال الجرثوومة لي مكتسوى والو.... محس بحتى شي تأنيييب او قال انا ربيييتووووو ... ولا اي ذنب شعر بييه لاحني بحال خنشة دزبل... وتهنى مني بسهوولة ....وغنجی تا التالی ونغلط ..
الأم .... " حسات بتآنیب ضمیر "...سماحلي ابنیي سماحلي خای الله. انا لي عملت کلشی.. أنا لي كان عليا من الأول نقولیک شکونتینا ... ومنخبعش علييك .. حييت فكلتى الحالات الحقييقة فتالي كتبااان... وكيبان المكشووف... كل شي مني سماحلي ابني 😟😟
يونس .... "طبطب على كثفها"... لا الولييدة معليش و متحمليش المسؤوولية لراسك... حييت كل شي غادي يدفع الثمن فالنهاية "سكت مهلة كيشووف فطرييق وعيينيه نار كتحرق بالسم "... وبینهم عبد الرحمان .. "كمل كيشووف بعييد".. انا ليييك بالمرصاااااد اسي عبد الرحمان غادفع ثمن مدووبل انت والباارون...الا نتا خلیتینی عاجز عام انا غنهنیک من نیا اعواام "ضحك بالشر" ونتا انووح ..غتحسر علیه ونتا داخل الحبس...حیت كاع ضوسيااتك عندي.. تسنااوني قريب انجي لقي عليكم السلام .... وغادی نحرمک من وپسلطة لي واخد بفلووس الأبرياء ...ومنسااش سبابی فی هادشی کنضن جاا لوقت لی تعرف الشرطه انها لاجئه دخلات بطریقه غیر شرعیه ...
"جمع نفس كتحرق وطلقها سخوونة فسرجم حتى ضبب زاااج.... عاد صااط بسخط وكمل كيتوعد لكل واحد فييهم بشر... وعينييه الحقد والغل والكره عماااااااه... ودخل فدواامة انتقااام مستحييل يخرج من منها.... حيت بكل بساطة دخلات لفكرة ومستحييل تخرج من عقلووووووو حتى يكمل انتقاموووووو عاد يبررد دييك العافية لي كتحرقوووو كل نهار..
عبد الرحمان مكان مهتم لتاحاجة من هادشي ... كان باغي يلعببب لأخر مرة فقط ....أخر معركة ليييه وطبعا ماشي بلى مقابل ... غاياخد الحصة لي يستاهل ولي يستحقها... رغم أنه مباغييش فی دااخلو يمشي ...لبلاد تانیه هی مافیهاش...واخا لمده قلیله ولکن بنسبه لیه غتکون طوییله ....قرب وقت السفر وتوالت أيام لي كانت بالنسبة لييه صعييبة ... كييف ولا .. وهو طوول الوقت كيفكر فييها كيفكر بتبسيمتها... فشقاوتها فكاع تفاصيل صغيرة والكبيرة ديالها ... وكأنها باقة عايشة معاه .. لدرجة كيشووفها حتى فالخلفييية دالمراايا.. زااادت نفسووو ضيااقت كتر وهي بعييدة علييه .. بحال الى نفس كاملة داتها وخلاتووو كيمووت شوية بشوية ... وفعلا ذوقاتو من نفس الكأس لي ذوقووولها وبلى ميحس... او يشعر برااسوووو شنو هادشي لي جديييييد فيييه... ولا علاش گاع کیحس بیه .. حيييت بنسبه لیه عبد الرحمان شخص باارد الإحساس ...دیک الشخصیه المتکبره الصعیبه ...لا کتعرف لا تحب ولا مستااعده تتحب....
جا الوقت فيين يغاذر ويمشي لمدة شهرييين خرج من لفييلا كيتووعد بلي هاد البعد قريب يرجع ذكرى.. ركب فسيارتوو ونيييشان شد طريييق المطاار... كسيرااا بسرعة .. وريييح كيطيير شعروو لووور ومنيم عوييناتووو لي بحال صقر ... وحاجة وحدة كتكرر وتعاود فرااسوو
مداق شفايفها ولقطات من الليلة لي دازت بيناتهم ومنظر ديق النقيطات ديال الدم دعذريتها لي نال شرف افتتاحها تبسم وسط همو وهو تيتفكر كيف قدر انو يطلق دوي اهاتها وهيا تتهتف باسمو ...تفكر انها الوحيدة لي تتعيطلو عبدو ومتيتقلقش تفكر سؤالها على احوالو ولفطور لي وجدات ليه...تنهد وهو تيقول علاش مشییتی وعلاش بسهووله فیا سمحتی ...تنهد وهو تیمسح دمعه وحیده ویتیمه ....تعجب ليها معرفها دمعة فراق ولا حزن ولا اخيرا قلبو حن ورق وبدا يدق باسم سهيلة.....
فجهة اخرى كانت سهيلة شادة الحديث مع سوسن لي تتسولها على احوالها كيف صبحات وقتاش اتبدا الخدمة ...هاد الخيرة لي ولات عندها عادة توقف جنب الشرجم وتشرب قهوتها وهيا تتحدت مع سوسن محساات براسهاا تاا غلبها شوقهاا لیه الشئ لی خلاها تعاود علیه وتشارک معاها تفاصيل العام والشهورة لي دازو مع عبدو بحلاوتهم ومرتهم بشقاهم وفرحتهم وكيف اكتسبات ثقتها فنفسها وقوة شخصيتها لي ولات تتفرضها وشعارها انا ومن بعدي الطوفان ..... حتا وقفات وبدات تتمتم منين سولاتها من جدید ..." وشنو وقع تا خلاک تخلیه وتبعدی علیه "...وکیف دیما صحکات علی راسها وعلیها بجواب قالت فیه بانها ولات قادة براسها وكفاية انها كانت عالة عليه مدة طويلة وضروري خاصها تخوي الساحة باش ياخد راحتو فدارو ويشوف حياتو ....جوابها كان عقيم بالنسبة لسوسن ومكفاهاش ومقنعهاش ....وزادت اكدات ليها بانها حاسة بيها متغيرة بزاف وبحال ايلا تتغطي وتتخبي حالتها ولها عليه بقناع اللامبالاه وانو كان شخص بحالو بحال بزاف دازو وغادي يدوزو فحياتها وعادييييي جدا سالات مكالمتها ورجعات تتفكر اخر حوار بيناتهم وكيف حطم كبريائها وهز ابراج انوثها.. هزم الجيش العرمرم ديال عواطفها من حب وعشق وهيام ....تفكرات كيف صنف ليلتهم بانها غلط وخاصو يتصلح ..واعتابر لحظاتهم رجس من عمل الشيطان وذنب لازم يكفر عليه بزواجهم ....الشيء لي جعلها تصوط وتأفأف وطمن نفسها وقلبها بانو ماضي او غادي يولي ماضي يوم ما ...
تحركات جهة الباب وعازمة انها تكمل لي بدات وانها ترسم مسيرتها وتحبك خيوط نجاحها وتنسج تفاصيل تألقها وعلاش لا تخيط مسار تتويجها .
🌹بعد مرور ایام ،بالضبط شهرین متتالیین 🌹
جو مضغوط ومشغول بالمول ، الكل تيتفقد اللمسات الاخيرة... وجميع المحالات عندها اليوم الاطلالة االاولى بمافيهم محل "بروج الأناقة" .هاد الاخير لي تشهر مؤخرا بستايلات المحجبات ولباس العرائس بيد مية فالمية مغربية ...ولكان ليه حصة الاسد من الظهور فالافتتاح وتعريف فالمول الجديد .....
جالسة تیقادو لیها المكياج ف الغرفة الخاصة بيها ودلك تحت طلب منها انها تتجهز فموضع خاص....
منى....سوريانا الله يرحم ببابك حيد ديك السبنية باش نعرف نعدل ليك مزيان هيا حيشاني مخلتنيشي نخدم مرتاحة 😟
سوريانا...."تآفافاات بنرفزه "....اففففف شحال من مرة تنقولك غطا راسي متقربش ليه بغيتي تصایبی مرحبا مبغيتيشي نوض انا كاع ...
منى...لاء لاء لاء مقداشي على صداع مع الباطرونة غير كلس انا انشوف كيف نعمل لها ..
سوريانا ...."تتخنزر فيها "...وانتا مالك مع شعري شني عندك معاه ...غير قولی الصراحة انا تنعرفك هبيلة ولي گالولك تدیریه بهنانة .....گولی گول متخافیش؟
منى ...يرحم ببابك ويماك كاع متقولش اش غادي نعاود ليلك ...امال كنت تنعدل لهم المكياج النهار لي فايت وقالت قدام العايلات لي خدامين معنا ...بلي انتينا قرعا و عاملة البيروكا ...وتتغطي شعرك قدامهم ومباغاشي لي شوفك باش ميعايروكشي بيه.....وصافي ولكن انا بقيت نفكر ومتقتشي بيها وحق ربي ..وقلت نتاكد باش نحشمها ومنخليهاشي تبقى ضحك فيك لعباد ..وصافي هادا مكان
سوريانا ...."ضحك حتا تغمضو عينيها و بانو سراير وجها غزالين وفتانين "...ايو الالة قولها غير بردي انا مشي قرعة ...ویجي الوقت ونوريها صلعتي كيف عاملة ...وحيث انتي بهلولة وبهنانة غادي نوريك شعري غير حيث عارفه بلی انا عزيزة عليك وتتشكريني فغيبتي ....بلاتي شبر عليا هاد الفطا وزول هادي علييا....
"وقفات وحيدات البوني لي تتدير الوقت دلمكياج ،وحيدات المقبط لي كان جامع شعرها دارت عند منى لي بقات حالة فمها من الصدمة وتتشوف حتا نغزتها سوريانا وهيا تتجمع شعرها "..اش عندك صلي علی الحبيب رسول الله اماالک شتيش ها علاش متنعریهش قدام البشار...وتهنا دابا ..
منى....اللهم صلي وسلم وبارك على سيدنا محمد. ...غزال وطويل ولونو زوين تبارك الله. ..ههههه غادي يحماقو نهار يشوفوه ههههههه صافي رد البوني ردو ردو...
امیینه...."بکلمات تشجیعیه "...عادي هاد الشي ..كل مرة غادي تحس ولكن غير الدخل بوديوم عيش دورك ونساي النااس وشوفی فی بلاصه وحده باش متوضرییش...
سهیله... .. انشاء الله وقتاش انبداو .....
امینه....مبقاشي بزاف تنتسناو غير صاحب المول يجي ونبداو من بعد ميدور يشوف المحلات ويدشن معايا وتالي العرض فالاخير حفل الكوكتيل لي غادي يكون خاص بالمدعوين....فالباطو ديالو لي غادي يكون سياحي حتاهو .....
سهیله.....اوك يعني باقي عندنا الوقت
امیینه....ماشي بزايف راه قريب يوصل یالله کملی وانا نمشی نصرب دوره ونشووف لبنات لوخریین
《مطار العروي بالناظور 》
مروان ..."واقف فی باب المطار وکیدوی فی تلیفوون "...اوك الوقت لي غادي نقربو نعلمك ،..قطع قطع هاهو جاي !!
"جاي بمشية كلها رجولة تلفون فيديه ونظارات رايبن ،كالعادة أنيق ...سوميج بالابيض كول شينوى... و الكمايم مكفظين سرول كري وموكسان بيض... وريحتو لي متيبدلهاش Tom Ford تقدم جهة مروان تسالمو وتعانقوا ....
مروان ...العشير فين توحشناك اصاحبي ،ومبروك عليك الفوز اسي درغام...
مروان ...ليوم نيت تنتسناوك غير انتا ها البروكرام كيف غادي يكون وسوريانا كاينة ف العرض کیف خبرتک وسيفطت لها دعوة باش تكون فالحفل ...یعنی الخطه مقاده ...
عبدو ...."سبقو "...اوكي مشينا...
"خرجو من المطار لسيارة ونطالقو لمول مباشرة، کان کلشی تالف....شی یغوت هنا وشی یقاد لهیه....حيد نتا من تم.. اجي سير ليه کلشی وااجد... .."...کانو هادو اوامر مدیر لمول لی مقاداه تا بلاصه...فجآه جا شی حد دوا فی وذنییه...
_صافی واخا...اجی نتا محمد سير علم صحاب المحلات مول الشي وصل وغادي يبدا الجولة دابا .....
"فنفس الوقت عبدو وصل هو مروان نزل من سيارتو الفاخرة مرسيديس بينز وقف هز راسو فالواجهة ديال المول لي مكتوب عليها لبنى مول ولي سماه على اسم ام لي رباتو تبسم و تقدم تيسلم على مدير المول والجهاز الاداري لي تعجبو من صغر سنو وجمال شكلو وهيبة حضورو ..بعد السلام بداو الجولة لي انطالقات بالطابق التحت الارضي ودازو على جميع محلات وطوابق الاخرى وهو تيفرق ابتسامتو الصفراء و سلام لكاع الناس لي خدامين تم حتا وصلو لطاج التاني وهو لي مخصص كلو لبروج الاناقة ،،ضحك وهو تيشوف فالبوسطيرات ديال سهيلة وهيا تتعرض ملابس المحجبات ووقف عند وحدة لابسة فيها تجين وشوميز وفوقهم عباية من نفس اللون وضاحكة وعينها مغمضة غمزاتها باينين....حقق فيها وتفكر نهار كانت فرحانة وتتضحك بالفوز ديالو وعاود تفكر ردةفعلها منين عنق نينا هز راسو فمروان و تمشا داخل الرواق تيقلب بعينيه عليها وتيدور وسط تصاورها .،،حتا قرب ليه مروان وقال
_ راه مكيناش هنا فقاعة العرض تيتسناوك باش یبداو
_عبد الرحمان.... اوك يلاه نهبطو ....
"مشاو لقاعة العرض ودخل كلس مكان لمخصص ليه وعلى جنبو الايمن مروان وليسر لمدير جات المصممة سلمات عليه ورحبات بيه مشات تعطي الانطلاقة دیفیلی...
فهاد الوقت سهيلة دارة اللمسات الاخيرة وخرجات تتستعد دخل لبوديوم طفاو الاضواء على الحضور وبقا غير ديال ممر العرض طلقو موسيقى وطلعات سوريانا بخطوات حرصة واتقة فنفسها وهازة راسها لفوق ومركزة فنقطة وحدة تتمشى وهيا تستعرض جمال ديك اللباس محتاشم وطويل والانيق فنفس الوقت حسات بشيحاجة فشكل قلبها تيضرب و عينيها تتقلب على شي حاحة معرفاتش شنو هيا وقفات وسط الممر منين شمات ريحتو ورجعات تمشات....
وقفات وسط الممر منین شمات ریحتو ..ورجعات تمشات بكل بأنوثة وساست من راسها شي حاجة تفكرها بيه وتوترها وقالت غير الوحش لي دارها .....كملات ورجعات دخلات بحالها وهيا مخربقة وتالفة ...
اما سي عبد الرحمان باقي مدخلش لراسو بأنو هادي لي كانت قدامو راها سهيلة لي ولات لهو ليتينفسو... المصل لي تيقويه زادت زيانت وانوثها زادت طغات واكيد شخصيتها زادت تحربات ...ضحك على راسو وفين تلات بيه مع الغرام و العشق . ...ورجع عقد غووباشتو ملی کیفکر بلی طلقت زینهاا وخلات الکل یتفرج فیهاا...قرب يكمل العرض وهو یرجع یسهی فليلتهم كيف دازت وتيدقق فتفاصيل السنة لي عاشت معاه فيها حتا تينغزو مروان وعلمو بدخولها مرة تانية ولكن هاد المرة غير ....داخله بثوب خلاب لباس العروس الطويل وضاير عليها وهيا تتقدم بشوية وهازة فيدها بوكي ورد وطرحة وراها ...کانت کتخطوی على موسيقى بارك الله لكما وبارك عليكما ....سهيلة تخيلات فاخر لممر اتلقا عبد الرحمان تيتسناها و هو تيضحك ضحکه لی قلیل فین شافتها منو....تبسمات وتقدمات لقدام المنصة وقفات قدام طيفو .....وعودت رجعات وهيا مبتاسمة وقالت " انتمنى ونتسنى".. .....كملات وقفات فی اخر المنصه تتسنى المصممة تدخل والحضور تيصفق ودخلات وشعلو الضو وتقدمات سوريانا والمصممة تيسلمو وعلى الناس وفرحانين وضحكة الصافية خارجة من القلب اعتراف بالفرح بالنجاح.. غادين وتيسلمو حتا وقفو قدام عبد الرحمان ....اوباااااا.....لي بدورو تيصفق ومعلی حوااجبو لفووق ومركز فسهيلة لي مع دورات وجها مع لقاتو قدامها تعجبات وخرجات عينيها حتا نطقات... سهیله.......هاااااا 😳😳😳 " اخر حاجه کانت توقعها ولا تکون لیها علی لبال "..
مروان....واصحبی حضیناها شهرین جات علی دابا.. كون هاني ،حاضيها والحفلة غادي تجي ليها متخممش وراک رجال ..
عبد الرحمان...."ضرب علی کتفو".. يلاه هنا مشيت ندوش ونبدل ليل نتلاقاو لهيه تهلا ...
خرج وهو تيتمشى وتيفكر فسهيلة ونظرة التعجب على وجها منين شافتو...ركب طموبيلتو ومشا....
سهيلة لي غير دخلات لبلاصتها سدات الباب ولصقات عليه تتفكر فيه توحشاتو وشفتو وتراتها ونوضات عليها الراكد وحيات روح الغرام فيها ...تفكرات بوساتو وتفكرات منين طمنها كلشي يدوز بخير تفكرات منين قاليها انتي ديالي ....
رجعات راسها بسيف من مواج الدكريات ..ورجعات تتفكر تهرب ومنين الدوز وفين تمشي بقات غادة مجيا فداك البيت حتا داخت استغفرات الله و قررات تواجهو والحفل اتمشي ليه اصلا مابينها وبينو والو علاش غادي تهرب ياك هو بحال خوها ايو عادي ...هادشي لي كانت تتفكر فيه بصوت عالي حتا فيقاتها منى ..
_بسم الله عليك مالك شني عندك وليتي تهدر بوحدك يلطيف .....هااا ضربتك بالعين ناري اوعدي غادا تسطا
سهیله...."حاطا ایدها علی قلبها وکتنهج "...اشمن عين ولا رجل شوف اجي عوننیي نحيد هاد الشي عليا ..باش نرتاح وليل وجدینی لحفلة خاصني نكون هيا هاديك ....
من بعد مابدلات عليها وحيدات عليها مكياج مشات هيا ومنى للورشة تختار اش غادي تلبس ومن تماك ترتاح فدار حتا توصل لوقيتة دلحفل ارتاحو وخدات سهيلة زهوراتها وهيا تطل من الشرجم على الحديقة ديال الاقامة لي كرات فيها مؤخرا بوحدها وجا فبالها عبدو منين ضحك وبانو سنيناتو ...وملامح وجهو لي زادو قصاحو وزيانو وبان ليها حتا اتار ضربة فيديه منين كان تيصفق ..عرفات راسها حبو تمكن منها وعشقو تملكها ...ولكن تفكرات معاملتو ليها ووعدات قلبها وهيا تطبطب عليه تنساه وتعامل معاه عادي كيفو كيف غيرو ....
دخلات عند منى لي تنشرات وسرحات غنمها وعجولها فالاخرة وبدات تتشخر
سهيله..."كتحرك فيها "...منى امنى ايوا نوض خلاص يلاه نوجدو راه قرب الحال ونتي شوفتي شحال اكدو علينا منتعطلوش نوض خيلاه العايلة نوض ...."متقلدها بشمالية "..
"مشات غسلات وجها وجات عند سهيلة لي جلسات مقابلة مع المرايا وخلات بهبني تصايب ليها وجها ...
دارت ليها مكياج خفيف برز عويناتها الكبار وركزات على خط بقلم ازرق تحت شفارها وعكر نود هزات راسها فالمراية وهيا راضية تمام على راسها ...شافت فمنى وقالت
سهيله..."قرصاتها من حناكها " كتفهميني بزاف ..وخا بهلولة لكن يديك يقطرو الشهد يلاه انا نلبس بينما وجدتي راسك ..
مشات لبيتها ..لبسات سروال بوفون بلو مارين وقميجة بيضاء وكول في وتتسد اللور زادت فوقهم فيست ايفازي فلون السروال ومزينة بستراس على الكتاف و الظهر.. صيبات الفولار ودخلاتو وسط القميجة ولبسات سباط عالي مزين حتا هو بالازرق والبيج ...جات غزالة وانيقة دقات على منى لي حتا هي جات زوينة بكسوة دونتيل كحلة وتحت الركبة لبسات معاها طالون حمر ومكياج خفيف شعر مجموع ديل حصان بتاسمو بزوج لبعضهم خرجو لعند الشيفور ديال المحل لي سيفطاتو ليهم المصممة امينة
ركبو معاه ومشاو فاتجاه مرينا .......وصلو ولقاو الفريق كامل تيتسناهم باش يدخلو كلهم باسم 🌻بروج الاناقة🌻 تسالمو وتبادلو الاعجاب بلباسهم وتقدمات المصممة لعند سهيلة وجراتها باش يدخلو ،...
استقبلوهم المضيفات وقدمو لهم المشروبات. .كلشي عجبو اليخت وعجبو شكل ديالو ،...
سهيلة قربات لواحد الاسم محفور فاليخت قاصتو بيدها بحال ايلا تتفكرو وتطمان عليه ....ابتاسمات تاني ونطقاتو سفينة نوح... اه يانوح وشحال توحشتك اه غيبتك ومدارت فيا قلبات حياتي سفاها على علاها
تلفتات ورجعات لحفل وعينيها تيقلبو عليه بدون شعور حتا جراتها لمصممة وقالت ليها اجي نعرفك على شي ناس بتاسمات ليها ومشاو فتجاه طابلة فيها مروان ..عبد الرحمان.. و مدير المول هو و مرتو وشي ناس خرين عندهم محلات فالمول سلمات عليهم وقدمات ليهم الموديل ديالها ..
اميينة...."بابتساامة على وجها "..سي عبد الرحمان تنقدم ليك الانسة سوريانا العارضة الرئيسية ديالنا ....
بتاسم وتمشى جهتها ..
عبد الرحمام..."بصوت غليض وثقيل "..انسة سوريانا مرحبا ....تفضلي اانسة گلسي معانا.." غمز مروان لي بدل البلاصة وزرعها حداه كمل الهدرة مع الكروب لي معاه ومرة مرة تيلوح الهضرة لسهيلة الانسة يا الانسة نسولو الانسة والانسة سهيلة ربي لي عالم بيها باغا طرطق وتتبسم غير بزز حتا لوحد الوقيتة بغات تنوض جرها غير بالفن بلا ميشوفهم حد ورجعها حداه وهمس ليها"
عبد الرحمان...."تحت سنانو ".. متحاوليیییش بربی الا حرت فشی واحد ...لحد الان مبغیتش ندیر واالو تاا نفرزک ...داکشی علاش ثبتی 😡
بقات تتاكد عليها تبقا غيريقطعو الكاطو تمشي .... و فعلا ديك الشي ليكان كلسات سهيلة وجبدات تلفونها تتهدر مع سوسن لی مقدرات تجی طمنات على حوال الدار حتا بان لبها عبد الرحمان ناض غفلاتو وناضت حتا هيا باغا تسلت حتا لقات اليخت تحرك شوية على المرسى عاود شتفات بيديها ورجليها ومشات تتقلب على منى لقاتها دخلات طول وعرض فالبوفي ودازت على الاخضر واليابس ...حرتاتو مخلات فيه لا طايب ولامحروق ضحكات سهيلة على منظرها ومشات عندها
"خلاتها وتقدمات جهة المقدمة داليخت وجلسات على كرسي هزاز وهيا تتشوف فالسما ونجومها مشا بيها لاخر ليلة ليها مع البارون لي كان عزيز عليه قبل مابنعس يسهر هو معاها يناقش ويهضر ويشكي عليها همو ..تنهدات ودعات ربي يشافيه ويكحل عينها بشوفتو ....
سوريانا سوریانا ..کان صوت منى تتعيط ليها تجي باش يقطعو الكاطو و يتصورو صورة جماعية ...نزلات عندهم قطعو الكاطو وبغاو يتصورو وقفات على يمين لمصممة لي جات بينها وبين عبد الرحمان حتا تيقولها مروان ترجع على ليسر ديالو وسهيلة على اليمين سهيلة لي بغات طرطق حيت عوتاني اتقرب ليه ضحك هو بينو وبين نفسو وحط یديه على خصرها وقربها كتر ليه ملقات مدير من غير تبتاسم لصورة وسي عبد الرحمان خدام تيطلع يدو ويهبطها مع جنابها ...محد كلشي ملهي مع التصاور متهنات حتا قالهم المصور صافي دفعات يديه وخنزرات فيه
ومشات جهة الحمام تغسل يدها ليقصها فيها صوص شوكولا ....دخلات تتنكر وتسب وتعاير وجها قرب يطرطق
فهاد الوقت الذرغاام سيفط مروان باش يتبعها ويسد عليها الباب وداکشی لی کان
منقذي الأسمر الجزء السابع
محتوى القصة
التنقل بين الأجزاء