جود:: قلتلك انت معندك دخل المهم كمل نهارك حنا غادين راه مقابلينا
جواد:: هههه مخابرات
سفيان:: واااه دابا تشوف للي ديتو نتوما كتر كااع هههه ..... ضحكو ربتو على كتفو كدعم ومشاو جود وصل باس راس جيداء وجلس حداها هي حست بشيحاجة ماشي حتى لهيه لكن محكرتش ابتاسمت ليه اما سفيان مشا عند رجاء جرها من ايدها ودخل ارقص معاها عاندت فالاول لكن غا خنزر كملت وسكتت
سفيان:: شحال من مرة فرقتي هيثم
رجاء:: !!! كيفاش مفهمتش
سفيان:: شحال من مرة مباتش معاك
رجاء:: 😥 غير الى بات مع مروات عمك ولا جداك علاش اسفيان
سفيان:: والو دابا تعرفي..... خطف بوسة دغيا خلاها كتبقلل فعينيها ومفاهمةة والو سالاو الرقص مشاو خلاها تجلس وشد تلفون تاصل باش اقادوليه شنو باغي ومشا عند عتيقة طلبها ترد البال لولدو وقالها شنو كين .... جواد جر علي وسط لقصر
علي:: مالك
جواد:: ديك لمسخا ديال بنت عمك
علي:: دارت شي مصيبة عوتاني
جواد:: اوووف مع جود و سفيان
علي:: شنوووو ناري بنت ق.... باغا تخرج علينا هادي
جواد:: صراحة كنت كنتسنا انوضو روينة على فعلتها عرفتي (عاودليه كلشي)
علي:: وايني قليلة الاصل هادي بفففف باشمن وجه غنشوفو فيهم
جواد:: والله حشمت ومعرفت فين ندير وجهي لكن غير ايدوز العرس وغادي نتوكض ليها
علي:: بصح (شاف الباب) يالله باش نمشيو وهاد الموضوع افوت غدا ونتكلفو بيه .......... هنا كانت جيداء دايزا غير بالصدفة وسمعاتهم ولات كلها كترعد بالفقصة رجعت وجها مبدل سولها جود لكن قالتلو والو ......
سالا الحفل سليمة الوحيدة للي غتمشي عند راجلها كيف قلت هبطولها حويجها للطوموبيل وخرجو معاها ودعاتهم ركبو ومشاو للاوطيل اما العرسان لوخرين فخداو عائلاتهم ومشاو العائلة يالله غيتفرقو حتى سفيان هز رجاء وتم غادي
مختار:: افين غادين
سفيان:: سول جدة تقوليك تصبحو على خير
رجاء:: ويلي حطني
سفيان:: غتسكتي ولا نبرقق مك
جود:: هههههههههه تكايس اصاحبي
سفيان:: تالغدا ونتفاهمو الله اعاون (خرجو)
سعاد:: وايني مابقيتوش كتحشمو
رضوان:: هههه ياك غا مرتو ههه طلعو تنعسو طلعو ..... طلعو كيضحكو من غير جيداء للي عقلها فعالم اخر متيقتش الوقاحة للي فديك البنت كانت كتبدل وعقلها غايب كتفكر شنو دير باش تبرد جنونها ولادها خلاتهم لكلثوم غتبات معاهم حيدت تكشيطتها ولبست شوميز موالفا كتبدل فالوش لكن دابا قدامو بدلات ومتصوقتش ليه هو تعجب بقا غير مقابلها باينا عقلها مشغول كان بدل لبس سروال بقا لفوق عريان قرب وعنقها من اللور
جود:: شنو شاغل بالك
جيداء:: (بعدت مننو ) والو انا ندخل نغسل
جود:: (جرها) 🤨 حبيبااا هضري
جيداء:: قلتلك والو غير عيت خليني نغسل باش نجي نرتاح
جود:: واخا على خاطرك ..... طلق ايدها ومشات دخلت غسلت وخرجت تكات حداه فالسرير مكانتش باغا تهضر حيت كتفكر وباغا تلقا حل للي اخليها تبرد كان هو متكي على ايدو وكيشوف فالصقف حتى قربت حطت راسها على صدرو وهو بلاما اهضر جبد ايدو من تحت راسو حاوطها باس راسها وبقا متكي ......
بقات جيداء فحضنو هي مكاعياش مننو على شنو وقع حيت معندو دخل فالموضوع وتعامل برجولة مع الموقف للي تحط فيه واحتارمها فغيابها لكن مابغاتوش اخبي عليها .... هو كان حاسس بللي كينا شيحاجة واقعة معاها حفظ تصرفاتها وكل تغيير كيوقع ليها الا وعندو سبب مابغاش احكر عليها خلاها على خاطرها بقاو كيتدابزو مع افكارهم حتى غفاو ...........سفيان و رجاء طريق كلها وهي تغوت عليك وتقولو ردني غير وصلو حدا لبحر فاش تاصل قبايلا خلا المسعد ديالو اشدلو كبانو تماك
سفيان::(خنزر فيها) اعلى صوتك برا نشوه مك قدام بنادم واهبطي وبلعي لسانك ...... معاودتهاش معاه هبطت هزت جلايلها جا شد ايدها وتحركو كلشي احسابلهم عرسان جداد مع هو بالكوستار وهي بتكشيطة كان الراجل واقف عطاه ساروت شكرو لاخر مشا وهما حلو لباب ودخلو وهي تنتر ايديها
رجاء:: اويلي فين مشا هدا اووووف ..... سفيان ماكيحملش للي اعلي صوتو عليه وحيت تعصب هادشي علاش خرج بغا ابرد عاد ارجع ليها بقا جالس شخال برا كيستنشق هواء البحر اما هي كانت دخلت للبيت لقات كين شوميز دونوي فوق السرير وبيجامة لسفيان وحلت لبلاكار لقات كسوة و لبسة لسفيان للي البسو فاش ايكونو راجعين عاد المملابس الداخليو ومايو وميك اب يعني كاع شنو تحتاج عرفاتو هو للي موصي علا هادشي دخلت طرفت حالتها لبست شوميز وخرجت شوي جا سفيان حل لباب بانتليه جالسة كتاكل فظفارها غا شافتو وقفت
رجاء:: فين كنتي
سفيان:: غير برا انا نبدل ونجي ..... دخل بدل كانت واقفا عند البالكو وكطل على لبحر وساهيا بقا مقابلها تنهد وقرب عنقها من اللور حاط راسو وفوق كتفها
سفيان:: حتى انا درت نفس الشئ انت مغتبغينيش نغوت عليه هكاك حيت غتقولي ضالندمو وانا داكشي للي درت حيت اول حاجة فكرت فيها من عائلة دراري حشومة نتعاملو معاهم هكاك
نهار جديد احداث جديدة كان الكل فايق بالنسبة لسفيان و رجاء غير فاقو جاو للقصر باش اوجدو راسهم للعرس اما سليمة فقررت تبقا فدارها مع راجلها حتى اوصل وقت العرس وايمشيو ليه نيشان فالقصر كان كلشي نايض لعروسات خرجو هما ومريم وميساء و نهيلة و اليكساندراللحمام بعد مافطرو مع العائلة جيداء غير فطرت طلعت تاخد وقت لخدمتها تكمل شنو فايدها حيت الاثنين خصها تقدمو رجاء طلعت نيشان خدات ولدها ومشات لبيتها عوماتو وبدلت ليه رضعاتو ونعساتو عاد ناضت دير ماسكات وتعتاني ببشرتها ... هاجر باقا ناعسا مع لحمالة باقا جابدة عليه ... رميساء جالسة فالكوزينة كتاكل فسالاد قالك تشهاتها 😒 ... كريمة حتى هي دوشت لريان بدلات ليه وخلات ربيعة تهبطو العب فالجردة وهي جلست تاتقاد فراسها ..... الرجال مشاو جميع عند الحلاق مع العرسان بقاو غير عمام جود وباه جالسين فالدار ........ داز الوقت جاو لعريسات وجاو الرجال تغداو جميع عاد مشاو عريساتنا للكوافور اوجدو راسهم ..... غزربو شوي ونمشيو لوقت العرس كانو المدعويين كيدخلو للقاعة وعند باب القاعة واقف عبد الرحيم وواليدين علي و جواد كيرحبو بالناس جود وسفيان ورضوان وايوب مفرقين فالقاعة كيشوفو واش كلشي هو هداك ... لؤي كان فلقصر جود وسفيان وصاوه على جيداء و رجاء هادا لاش بقا جالس كيساينهم اساليو كل مرة اصيفط ليهم وحدة من الخدامات تيقولو باقين باقين يالله غيطلع ليهم تمو هابطين بربعة هما و هاجر وكريمة قالهم على السلامة سبقهم وهما تبعوه اما لمراوات كانو خرجو قبلهم بشوي داهم الشيفور والخدامات غيتكلفو بالدراري احضيوهم ريان هيثم ياسين و ياسمين ...... علي و جواد وصلو لعند لكوافورة وبداو كيكلاكصونيو نعاهم خواتاتهم جوجات و وطوموبيل اخرى سايق جابر وراكب حداه هشام ولور ميساء و سليمة ورميساء خرجو عريساتنا للي كانو بحال الاميرات احلام لابسة قفطان خضر ملكي ومغطين ليها راسها ووجها بالشبكة ونفس الشئ دايرين ل سلوى غير هي لابسا قفطان فالكرونة تقدمو علي وجواد كل واحد شد مرتو وطلعو لطوموبيلات تحركو ولوخرين من وراهم غادين كلهم وكيكلاكصونيو .... فالقاعة كانو وصل لؤي ولبنات جود حيت كل شوي كيتاصل بجيداء عرفهم جايين وقف فالباب مرتاح حتى بانت قدامو ترسمت ابتسامة كبيرة على وجهو مللي شافها خصوصا كانت رائعة هاد الليلة فالقفطان الزرق حتى هي شافتو ابتاسمت لكن غير بانتلها بتينة خارجة من باب القاعة هي وشي بنات جمعت ضحكتها وخنزرت تقدم ليها وهو مستغرب وباش ميلاحظش هبطات عينيها
جود:: (سلم عليها من لوجه وستقر عند ودنها) اميرتي جات زوينة الليلة
جيداء::(شافت فعينيه) غير الليلة
جود:: تت كل نهار انت زوينة لكن الليلة رائعة حبيبتي (باسها ) ندخلو
جيداء:: (شافت فيه بحب)😍 عارفة احبيبي وعمري وكل ماليا
جود:: (باس ايدها) غ..(سمعو صوت الدقة المراكشية) امم جاو
لؤي:: يالله نخرجو ...... رجعو خرجو استقبلو العرسان جود ايدو فايد مرتو وسفيان ولؤي ورضوان نفس الشئ ايوب مشا حل طوموبيل على دبدوبتو شدها فايدو وبعد كيتفرجو بنات كيشطحو والكل كيصور فالعرسان هزو لعريسات فالعمارية شوي برا عاد كملو لداخل سالاو حطوهم ومشاو لبلايصهم جات نقاشة بدات فالنقيش وكلشي كان جالس جيداء عقلهة خداب بنسبة كبيرة باغا تدير شيحاجة للي تبرد جنونها كتشوف فبتينة كيفاش كتشطح بطريقة زنداقية وغير مؤدبة طريقة للي مع مراوات بوحدهم وحشومة كدير شطيح الشيخات جود كان مقابلها وكيشوف كيفاش كاعيا عرفها مامرتاحاش وعارف شنو بيها لكن للي معارفوش انها سمعت وعرفت شنو وقع ....
داز الوقت سالاو نقيش وكلشي عاد نوضوهم ابدلو لبسة اخرى ... دوزو شي تلاتة اللبسات وجا وقت الاكل دخلو السرباية باطباق البسطيلة بالحوت فرقوهم على طبالي وبداو ناس كياكلو وجاو العرسان كيدورو ارحبو عاد جلسوهم فطبلتهم سالاو من الطبق الاول وجابو الطبق الثاني للي كان اللحم بالبرقوق و من وراه ديردسير والكلاص راكم عارفين سالات هاد المرحلة طلعو بدلو لعريسات وجا وقت للي جيداء مقدرتش مزال تصبر غا شافت بتينة داخلا لبلاصة فين كينين طواليطات وهي
جيداء:: انا جايا
جود:: (شدها) فين غادا
جيداء:: طواليط بب
جود:: همم اك ...... مشات بزربا بقات واقفا كان كولوار طويل فيه باب الكوزينا وفالاخير بلاصة طواليط وواحد البيت تماك دايرينو الناس ابدلو جيداء بقات كتسنا غا بانتليها خارجا جراتها لداك البيت
بتينة::!!!!! امالك
جيداء:: انت عارفة مالي
بتينة:: 😏 همم شنو باغا
جيداء:: محشمتيش للي كدوري على رجالة مزوجين
بتينة:: سوقي هداك وراجلك طوال زمان ولا قصار غنوز معاه ليلة ونجيبلك تصاور حتى لعندك
رجاء::(دخلت كانت شافتها مللي جراتها) هههه عمرك تحلمي بيها
بتينة:: باغين تحاماو
جيداء:: لاااا حاشة (غمزت رجاء) حضي
رجاء:: علم الى خصاتك شيحاجة قوليها (خرجت وسدت الباب)
بتينة:: ههههه دابا علاياش كتقلبي
جيداء:: للي مسخات بحالك خصهم بحال هكا ......... تلاحت عليها على الشعر نيشان ريش ياما تريش ورجليها على كرشها هادششي للي خلاها متقدش تدافع جيداء تاحد ميتوقع دير هكا حيت هي مسالمة لدرجة كبيرة لكن دابا كضرب وتقول مضربت ريشتها بالمعقول سالات من راسها دازت للعضان عضتها درعيها وايديها مخلات فيها حتى بلاصة مقادة عاد ناضت خلاتها كتأوه ومقاداش تتحرك
جيداء:: اوووف دابا مزيان(كتقاد فزيفها) نهار تبغي تمشي لشي راجل تأكدي ميكونش مزوج حيت هكا غيديرو وكثر لومكانش عرس لبنات والله حتى هادشي نديرولك وسط القاعة مي معليش بردت غدايدي ..... رجاء كانت واقفة للي بغات تدخل كتقولها عامر شويا ورجعي 😄 حتى خرج جيداء ورجعو لبلاصتهم
مشاو العرسان و جر جود جيداء طلعو للطوموبيل وخلاو لوخرين تفرقو حتى هما باشو
جود:: عجبك شنو وقع
جيداء:: شنو بغيتيني ندير من البارح وانا كنتحرق
جود:: ؟؟ لبارح ؟؟؟
جيداء:: ااااااه من لبارح سمعت جواد وعلي داوييين على الموضوع وعرفت شنو وقع بالتفصيل (شافت فيه) عرفتي شنايا وحدة باغا تنعس مع راجلي لا وتحتتو فالموضوع وانا كي لبهلة معارفا والو وباغيني نبقا ساكتا وهي كتواعدني غتنعس معاك
جود:: حبيبة انا معندي دخل فيها
جيداء:: انا مقلت لك والو جود واش هضرت ؟ تاهمتك بشيحاجة؟ لا عارفا معندك دخل عارفاك صديتيها لكن باش تبغيني نبقا ساكتا وتحاسبني على شنو درت لا وارجع لوقت ندير نفس شنو درت انت ديالي انا انااااا بوووحدييي اااااااا (فرانا بجهد ) مالك 😠
جود:: انا قلتلك ماشي ديالك ؟ انا قلتلك متديريش هكاك ديري للي بغيتي فهاد الموضوع لكن الوقت مامناسبش راه جواد كان باغي اهضر لبارح مع باها وحنا قلنالو حتى تساليو نهاركم مابغيناش اتشغلو فهادشي
جيداء:: 😔 تعصبت 😭😭😭😭 مقدرتش نزيد نصبر للي كان مصبرني هو انك مكتشوفش فيها لكن كانت كدير شي حركات مستفزين 😭😭😭 وزادت قالت غتنعس معاك
جود::(جرها ودخلو فقبلة بقا مورك عليها شحال عاد بعد وكيمسح ليها دموعها) العن مها هادي للي بكاتلي حبيبتي شوف كيفاش عارفاني مغنشوفش فيها ولاش معصبة
جيداء:: حيت باغاك
جود:: ومن بعد راه عمرها تصور منني شيحاجة
جيداء:: لكن كتبقا حاطاك فبالها هادشي كيعصبني
جود:: هههه شنو ندير باش متبقايش معصبة
جيداء:: ديني لبحر
جود:: دابا راه الستة الصباح هادي
جيداء:: عافاك
جود:: واخا بب نمشيو ...... خدا ايدها باسها وحرك طوموبيل مشاو للبحر كان غيعاتبها لكن فحالتها مقدر ايقول والو حيت عندها الحق 100% وبما ان الموضوع داز وللي عطا الله عطاه قرر ميعاتبها على والو وايخليها وصلو حطو الطوموبيل وهبطو للبحر جيداء حيدت صباطها شداتو فايدها وهزت جلايلها بقاو كيتمشاو فوق الرملة وقفت تقابلو مع لبحر هو محاوط خصرها وكانت جيداء مغمضة عينيها وكتحاول تسترخا بقات هكاك وجود كيتأمل فيها وفرحان لشنو وقع هو مكعاش فرح حيت بينت شحال كتغير وشنو ممكن تقد دير على قبل تاوحدة متقرب ليه وكيفاش تحولت من بنت درويشة لوحدة عيشورية وكيفاش متسوقت لحتا واحد وهو اول واحد كيقولها يالله كتقولو صبر باغا حتى تكمل المباراة ديالها 😅 .... جبد تلفونو ودار سيلفي بلاما تحس خشا تلفونو فجيبو وقرب طبع قبلة على شفايفها هي حلت عينيها بشوي وشافت فيه بابتسامة
جيداء:: ماباغا حتى حد وحتى حاجة تفرقنا
جود:: (شد وجها بين ايديه) من غير الموت ماكين للي افرقنا
جيداء:: مابغيتش تخبي عليا بححال هادشي للي وقع
جود:: ماباغيش تكوني فنفس الحالة
جيداء:: رغم هكاك متخبيش
جود:: واخا
جيداء:: (تنهدت) كنرتاح وانت حدايا
جود:: انا ديما حداك وانت اخر مرة تخبي شيحاجة كنسولك كتقوليلي والو
جيداء:: حيت عارفاك غتبقا تبرر ليا وانا كنت باغا وقت نفكر شنو ندير
جيداء:: (ايديها فوق صدرو) وندير كثر الى فكرت تقربليك مرة اخرى
جود:: اخليلي لي كتغير عليا (عنقها) مرتي حبيبتي مجاكش البرد
جيداء:: وي وعيت فيا نعاس يالله نمشيو
جود:: اوكي يالله ...... باسها وهزها بين ايديه رجعو لطوموبيل كيضحكو ركبو واتاجهو للقصر ماهي الا دقائق وكانو وصلو دخلو كان كلشي دخل لبيتو هما طلعو دخلو لبيتهم سدو وكل واحد مشا ابدل واغسل غير يالاو نعسو فحضن بعض......
نهار جديد سليمة وهشام شادين طريق لمراكش اقضيو شهر العسل .... احلام وجواد فالدار يالله فاقو اوجدو راسهم باش ايجيبو العائلة لفطور ..... سلوى و علي فطريق للمطار غادين لتركيا ...... اما فالقصر كان كلشي فاق وهبطو افطرو باش اتحركو عند احلام من فير جيداء وجود باقين الفوق كانو بدلو وصلاو وجيداءرضعت ولادها و يالله قادت زيفها حتى جرها جود جلسها
جيداء:: !!! مالك
جود:: نهضرو
جيداء:: هممم موضوع هاديك
جود:: (خدا ايديها باسهم) اخر مرة اوقع نفس التصرف
جيداء:: مغنقدش نواعدك
جود:: حبيبة باغا صداع ؟
جيداء::(حيدت ايديها من ايديه) ماباغا حتى صداع الى كان السبب هو انني حرجتك قدام عائلتها وعائلتك فسمح ليا
جود:: اوووف جيداءمتصعريش ديلمي قلت حتى ترتاحي وندويو بهداوة لكن انت مقصحا راسك
جيداء:: انا متأكدة لو انت جا شيحد وقالك باغي مرتك وبدا اتشها فيا قدامك غادي تخلي دار بوه
جود:: ونقتلو لكن كين فرق
جيداء:: ماكينش فرق كيف مغتستحملش انت واحد غير ايشوف فيا حتى انا بحالك الى هاد طيارة كلها باش منمشيش معاكم ليوم وتبقا على راحتك معاها ...
جود:: جيداااااء اوووف (حاول اتهدن) شوفي حبيبة انا مكنشوفش فيها نهائيا انت مامخليني نشوف فحتى شي مراة انت كافياني وموفيا غير انا ماباغيش المشكيل اتعاود حنا مكنضنوش ايكونو اصلا ليوم.... نتوما غتمشييو غير لبنات وغير بابا وعمامي للي غيمشوي انا ودراري غنبقاو هنا غير الى تلاقيتيها نساي الموضوع متحاكيش معاها متخلقوش مشاكيل واخا
جيداء:: هممم
جود:: داكشي للي دارت راك عطيتيها درس عليه متخليهاش تستفزك واخا حبيبي
جيداء:: واخخا 😒
جود:: راه ماباغيش نبقا مشطون لو عارف احلام متقلقش واللهلا مشيتيها
عبد الرحيم:: للي وقع وقع وتصرفك تاحد ملامك عليه هي دارت علاش وانا عارفك كون مادارتش شيحاجة مغتجرئيش تديري هكاك
اليكساندرا:: المرة جايا ردي البال للكاميرات لتكون شيوحدة واشدو عليك دليل
مختار:: 😳 كتسناي مرة اخرى
جود:: هههههه باغين تخرجو ليا على مرتي
رضوان:: ههههه بعدا احلام وسلوى فرحو لبارح عزيز عليهم بحال هاد لفراجات وكون قلتيليهم عاونوك كون داروها
رجاء(شافت فيها جيداء وهي توحل ليها ) كح كح كح كح
سفيان:: هههههه ها مشاركة فالجريمة
ايوب:: عصابة
لؤي:: هههه خصنا نخافو على راسنا اصاحبي
هاجر:: مديييرش متخااافش
عتيقة:: ايوا لمراة راه كتبغي تحافظ على دارها والتصرف للي دارت جيداء اي وحدة فبلاصتها غدير هكاك وكثر وهادي حطوها فراسكم ارجال ماشي بوحدكم كتغيرو غيرت لبنات كثر منكم وهما قبل حتى مدير ديك لمراة شيحاجة كيحسو بيها غير باش تكون هادي فبالكم وعمركم تجادلو مراواتكم على غيرتهم شنو وقع معاك اسفيان وجود خصو يعلمكم كيفاش تتعاملو مع الوضع بلاما تخسرو بعضياتكم ونتمناو تكون اخر سوسة نقيناها من طريقنا .......
الكل:: امين..
كملو فطورهم وناضو نسا ورجال تلاتة باش امشيو ايديو لفطور كلشي طلع اوجد راسو ولمراوات غير وجدو وقفو على لبنات فالكوزينة كان قريب اكملل طياب لغدا بقاو واقفين حتى كمل عاد علمو لوخرين باش اهبطو وايمشيو .....جيداء تقادت وكانت بقات مع جود غير علمتها كلثوم ناضت تاخد صاكها
جيداء:: هانتا الى فاقو بلاما ابكيو لاعبهم شوي وعاد عيط لكلثوب تعطييهم البيبغون متنساش تهز هادي باش تسمعهم مللي ابكيو الى مفهمتيش شيحاجة قولها لكثوم
جود:: حبيبة راه عارف غير سيري وتهناي ومتعطليش الى غيتعططلو هما رجعي انت
جيداء:: واخا يالله انا غادا تعطلت عليه ...... رجعت باستو خدات صاكها وهبطت مشات معاهم وصلو دخلو بالزغاريت كانو عائلة جواد تماك استقبلوهم ناضت صليحة دخلت هي وسعاد للكوزينة باش ابداو اوجدو فلغدا للي جابو معاهم ولوخرين دخلو للصالون جات احلام وعلي سلمو عليهم جواد خدا محمد وعبد الرحيم ومختار للبيت لاخر فين كينين عمامو وخلاو نسا وحدهم كان بات بتينة كاين وجا خصيصا باش اعاود اعتاذر وهاد الاخير كان صباح غير وصل لدار شبع بنتو عصا ومرتو معيور حيت هي للي مضصراها وحبس عليها تماك وهو جا بوحدو بلا مرتو بلا بنتو غير دخلو رجال واعتاذر منهم وهو حشمان لكن تعاملو عائلة بناصر بلطف وحاولو ابينو ليه بللي عادي اخطاء كيوقعو اما عند نسا فام جواد وعلي حتى هي كانت دور وتقولهم سمحولينا وختهم تاهي اعتاذرت لجيداء وكملو وقيتهم فالضحك والشطيح جود كل شوي كيتاصل وهي عارفاه عقلو مشطون
جيداء:: بلاما تبقا تعيط راه مجاتش كين غير باها وراه مع الرجال حضي لولاد وارتاح من جيهت صاحبتك .... بغات غير تعصبو بديك صاحبتك 😂 ونجحت حيت غير قالتها وقطعت تعصب وفنفس الوقت خاف تكون فهمت بصح كيف قالت بللي خايف عليها خلاتو مشطون كثر من الاول اما هي فغير كلات اعتاذرت منهم وهبطت وصلها الشيفور للقصر كان جود مع الدراري فالجردة غا بانتليه قفز من بلاصتو ومشا ليها دغيا
جيداء:: واخا متعطلش باغاك.... حرك لها راسو باه ومشا هي طلعت بدلت طلقت شعرها قادت ميك اب ديالها وزادت عليه شيحاجات عاد بركت شدات تلفونها بقات كدور فالتصاور للي خداو لبارح لاحت شي وحدين فالانسطا ديالها وبقات كدور تشوف الجديد حتى دخل لقاها هكاك جالسا شعرها مع طويل مسرح على السرير ومع لابسة شوميز بيض بانت زوينة بقا كيحقق فيها هي مع كانت كتقرا فالتلفون محساتش بيه سد الباب بشوي وقرب ليها عاد علات عينيها فيه وهو اتلاح على شفايفها وهي تجاوبت معاه دخلو لعالمهم الخاص للي كيكونو فيه غير بزوج وكينساو كلشي فيه كيبقاو احسو غير بنبضات بعض بلمسات بعض دوزو ساعات .....حتى بعدت جيداء شوي
جود:: مالك
جيداء:: باراكا بب
جود:: (عنقها ليه) كتصطيني شنو دايرا ليا حتى كنبغيك هكا
جيداء:: والو 😋
جود:: هممم كل نهار كيتزاد حبي ليك
جيداء:: جود
جود:: وي
جيداء:: عارف وقتاش بغيتك
جود:: لا (شاف فيها) من ايمتا
جيداء:: من اول اتصال لينا كنت حسيت بقلبي غيخرج من بلاصتو لدرجة قلت دقاتو غتكون هاجر ودادا سمعوه حيت كانو حدايا كنت كنتسنا غير وقتاش تعاود تتاصل بيا نسمع صوتك
جود:: (قبلها) اححح عليك هانا حداك دابا صوت وصورة
بقاو ابطالنا كيتحتو حتى لشوي ناضو دوشو لبسو وبقاو مع ولادهم غير جاو العائلة وتجمعو حسسو بنقص كانو لبنات معمرين عليهم الدار وصل وقت لعشا تعشاو وكلشي طلع ارتاح ............... دازو شي ايامات على ابطالنا جيداء قدمت الخدمة للي عندها وكيف توقع عجباتو خدمتها وشنو دارت كانت فرحات داك النهار وتاصلت بجود للي فرح معاها وقالها كلمات للي زادو شجعوها واخا ماباغيهاش تبقا خدامة لكن ميمكنش احطمها بشي كلمة عارفها قادة على خدمتها وغتنجع فيها لكن مامرتاحش .... ومن هنا جيداء هضرت مرة اخرى مع المدير بللي الخدمة غتبقا الاغلبية ديرها فالدار واي اجتماع اعلموها وتجي ليه وهو وافق حيت بصح اول وحدة تعجبو خدمتها خصوصا كملت قبل الوقت للي محددين ليها معلماتش مزال جود حتى اخرج المنتوج للي صوباتلو داكشي عاد بغات تعلمو باش ميبقاش عليها فوقاش شفتهم تعطلو خلاتو هكاك ليوم جات للخدمة وهي مامرتاحاش تصرفات عبد العالي هاد الايام خلاوها مكتحملش تجي للشركة نهائيا كان كيحاول اتقب منها بأي طريقة لدرجو ولا كيجلس وسط لبنات للي كيتغداو معاها غير باش ابقا معاها وهادشي خالعها مابغاتش تهضر حيت مقاليها والو غير تصرفات وصافي خافت تتسرع هدا لاش ساكتة لكن ليوم غير قبل وقت لغدا بربع ساعة تاصلت بجود
جيداء:: ديزولي مي غادي نمشي انا ولبنت ماكين لاش تكون معانا معاك رجال هاهما خرج معاهم تغدا (شافت الوقت) سمحلي ..... ناضت هزت صاكها وتلفونها وخرج هبطت فللسانسور مع حطت رجلها برا دورهاليه عبد العالي
جيداء::(نترات ايدو) واش مصطي شكون عطاك الحق تقيصني
عبد العالي:: بغيت نعرف علاش وليتي كتجاهليني
جيداء::(معصبة وكتحاول تفك مننو قبل ميديرو شي شوهة) شوف امسيو من الاول حاطو حودود بيناتنا ماتجيش تتجاوزها باراكا غير شنو وقع حتى لدابا متحاول تهضر معاها حتى اكون موضوع خدمة ولا بلاش راه كين للي تخدم معاهم
عبد العالي:: جيداء انا معجب بيك وماباغيش تكون بيناتنا غير خدمة صافي
جيداء:: 😱وااااش حمق اويلي
عبد العالي:: شنو للي واش حمق فيها شي عيب الى عجبتيني ولا شنو
جيداء:: انا مزوجة وبولادي ولا عارف اشكتخرج من فمك باغي تخرج ليا على حياتي ولا مالك
ليلى(البنت للي خدامة معاها) :: مالكم على هاد الصداع وانت يالله راه تعطلنا.... حتى تمو غادين وعبد العالي حيت حطها فراسو واخا قالتلو مزوجة مشا تبعها وجرها ديجا من الاول كان شخص واقف وكيشوف فشنو كيوقع وكارز على ايدو وناوي على خزيت 😱
جود غير قطعت معاه بقا ضارو راسو ومامرتاحش هز سوارتو وقال نمشي منها نشوفها منها اتغدا وايشوف هاد البنت للي مغديا معاها خرج ركب طوموبيلتو وكسيرا وصل مع جيداء خارجة كان مبتاسم غاشافو فاش جرها جنون ركبوه شافها كيفاش دفعاتو وكيفاش غوتت عليه عرفها مراضياش على الوضع خرج من الطوموبيل وبقا كيشوف كيفاش لاخر كيدو وجات ليلى عرف هاديك هي للي غتغدا معاها بقا واقف وكارز ايدو مابغاش اغلط لكن اخر جرة جرها جعراتو اكثر مشا كيزرب وعطاه بكروش حتى طاح والدم ساللو من فمو جيداء تصدمت وعرفت بللي قفرتها حيت داكشي للي كان خايف مننو وقف ولات كترجف خايفة توقع شي مصيبة
ليلى:: شكون هدا
جيداء:: راجلي 😭
جود::(تكا عليه كيضرب) انا تقيصليا مرتي يا ولد طييييط 🤬 دوي يا ز... يا ولد ق....
كان لاخر كييبعدو وكيضربو لكن ضربات جود كاانت اقوى وخلاه كللو دمايات وجيداء غا كتبكي جاو السيكريتي بعدوهم
ع.ع:: كتضرب يا يا ولد ق...
جود:: قسما بالله حتى نسي ديلمك على نهار للي خلاقتي فيه بعاااد (مع السيكريتي)
ليلى:: صافي راه كلشي كيتفرج فيكم شوهتونا
جود::(شاف فجيداء ولاحليها سوات طوموبيل) غبري من قدامي (هزاتهم ومشات كتجري ) شنو قال لمك راسك حتى تابع مراة مزوجة
عبد العالي:: باش غنعرفها مزوجة انا مكتوبة ليها على جبهتها غندمك على شنو درتي (بغا اتلاح عليه جود لكن سيكريتي حابسينو )
السيكرتي:: اسي عبد العالي بردو السوق وبعدو من هنا راه بلاصة الخدمة هادي وانت اسي بناصر غير تهدن
عبد العالي:: بناصر!!!! (فايت خادمين معاهم وجود جا برجلو قبل متخدم جيداء وصا السيكريتي وخدا معلومات على للي خدامين تماك)
جود:: (شاف جيداء كيف كتبكي لداخل ) انا غادي لكن باقي عندي حساب معاك غتندم على النهار للي حاولتي ولا حتى فكرتي تقرب لمرتي يا ق.... ..... مشا جود معصب طلع للطوموبيل كسيرا وطريق كلها وهو كيعرعر
جود:: كنوصيك وكتقوليليا صافي متخافش عارفااااا شكندير كنقولك رجال تيقار وانت اه عارفااه مق... وللي فراسك كديريه قلت لديلمك معندك مديري بهاد الخدمة لكن انت للي فراسك كديريه ارتاحيتي دابا عجبك الحال واحد تابعك هكاك قدام عباد الله بنت كلون انا اه لاش كتبكي لااااش من الاول عارفا مشاااااكييييل غيبانو بهاد الخدمة وانت للي هامك تخدمي اه خدمتي شنووو باقي مزال غترجعي لعندووو ...... بقا كيغوت وعروقو خارجين مقادرش اقرب ليها حيت الى ضربها عارف غيقلب المشكل لصالحها كيضرب غير فالفولون وهي كترعد وكتبكي مابغاتش تتحط فهاد الموقف خصوصا حتى قادات كلشي وكانت غتفرحو باش غتكمل خدمتها فالدار لكن دابا فكرة الخدمة مايمكنش اقبلها وكتفكر فالشوهة للي دارت قدام الشركة حتى الى بغات ترجع راه شوهوها هو ولاخر وعاد خايفة مننو اخر مرة وقع هكا فاش كان دخل حمزة لدارهم وبغا اديها هو بقا كيعرعر حتى وصلو دار واحد لفران كلشي سمعو للي فلقصر وعرفوه يا جود يا سفيان جاي ومعصب كانو مجموعين فالصالون وكيتسناو ايشوفو شكون غيدوز جود مع وقف
جود:: طلعي لبيت نيشااااان ...... هي هبطت خبطت الباب بجهد وطلعات تبعها مقال لاسالام لا والو مريم غا شافتو هكاك طارت لعند لوخرين قالتلهم قفارت عارفينو فاش كيتعصب اشكيدير .... طلعت للبيت دخلت حطت صاكها دخل هو وردخ الباب
جود:: !
جود:: (ربع ايدو وكيشوف فيها ) عجبك الحال دابا ؟
جيداء:: شكون للي عجبو الحال انا ولا انت بقيتي حتى درتيلي شوهة عاد بردتي
جيداء:: واخا انا باقا فالموضوع لبارح كنتي كديرليا هنا محاضرة على شنو درت لديك خيتي ياك وانا فموضوعها مقلتلك والو وملمتك على حتى حاجة علاااااش حيت انت معندك دخل هي للي جات تاتقرب منك وانتااااااا جااااي كتغوت عليا وشوهتيني قدام بنادم
جود:: داكشي للي هامك مهمكش نار للي شعلت فيا هنا (ضرب على قلبو) فاش شفتو قاصك اه كتفكري غير لراسك المهم من اليوم ديك الخدمة اخر مرة تحطي فيها رجلك ونساي شيحاجة اصلا سميتها الخدمة
جيداء:: انت اصلا كنتي كتسنا غير سبا باش تخرجني من الخدمة مللي خدمت وانت كتدور وتنفخ دايرا ليك الخاطر فوق لقياس باش متقولش ليا جلسي من الخدمة كنجي عيانة غموت بلعيا ونرضع دراري ونتقاد باش تجي تلقاني واجدة ليك وليت يوميا نفس الحال صحتي غاديا وترجع والمهم عندك انت انك تبقا مرتاح انا لا انا عاجباني خدمتي وبسباب هاد لحمار كلشي مشا لكن للي ب٤ا فيا هو طريقة للي تعاملتي معايا بيها شنووووووو درت انا
جود:: متغوتييييييش صوووووتك ميترفعش اجيداء علاش تبدلتي علااااش اه فين عمر صوتك علا كيوقع للي واقع كتديري بحسابي ودابا شنو غا لبارح دايرا شوهة وليوم شوها لبارح سكت على كيفاش غوتي لكن ليوم لا او ملللي خدمتي وانا كنقلب على الراحة مكنلقاهاش طلعلي هادشي فراسيييي عييييت
جيداء:: طلعتلك فراسك صافي
جود:: اوووف لا حول ولا قوة الا بالله جيداااء
جيداء:: هانا غنريحك ويلي مطلبتي غير الموجود .... . جيداء كانت جامعا ليه ودابا جا باش تفيض وهضرتو زادت كملت على شنو دار خلاتو كيهضر ودارت حلت الباب طلت من دروج وكتغوت اصلا العائلة كانو يمعو كلشي غواتهم وكانو مشطونين
اليكس:: هي معصبة خليها تمشي ترتاح ومن بعد هضرو ونت ما دايرين حالا وصوتكم لقصر كللو سمعو لاش هاد لفضيحة كلها
جود::(عاود ليها على عبد العالي) همم وجايا تااتغوت من الفوق
اليكس:: صافي غير حاول تبرد شوي وهي خليها على خاطرها انا غناخد حويحي نمشي معاها ...... لتحت كان كلشي واقف شافوها هابطة وعيونها كلهم دموع كانت كلثوم هازة ياسمين وربيعة هازة ياسين واقفين كيتسناوها حيت جمعو وسالاو وكانت كلثوم تاصلت بيارينا علمتها بكلشي باش اوجدو راسهم بلاما اهضرو ويارينا بدورها خبرت توفيق .... هي هبطت وحست بالرضة حطت الفاليز وطارت لطواليط للي تم رجعت كلشي غسلت وخرجت
عتيقة:: جيداء بنتي
جيداء:: سمحو ليا لكن خصني نمشي وطبعا وقتما بغيتو تشوفو وياسين وياسمين مرحبا بيكم ..... خلاتهم وخرجت ركبو فالطوموبيل كان جود لفوق كيشوف فيها من البالكو ديال الطبقة الفوقانية شافها ركبت هي وكلثوم وتمت اليكساندرا تابعاهم تاهي دخلت شيفور خشا شناطي وركب وتحركو ......
ركبو وحتى حد محل فمو اما جيداء فطريق كلها وراسها على جاج وكتفكر فشنو وقع كاع داكشي للي دارت باش تبقا خدامة تضرب ليها فالزيرو تقالت كلششي تقاد ورجع كلشي عواج مرة اخرى كانت معصبة من غواتو ومن اتهامو ليها وهي معندها ايد فالموضوع ومعصبة من شوهة للي دارو حدا الشركة قبل ميوصلو بشوي تاصلت ليلى قالتليها راه دوات مع المدير وقالتلو المشكل وراه عطاها ليوم مابغاتش جيداء تشرحليها قالت لها شكرا وصافي قطعت وصلو هبط عطات ولدها لاليكساندرا ودخلت نيشان لبيتها شافت خيال واليديها حيت كانت حادرا راسها وحجبانها معقودين دخلت لبيتها وتلاحت فوق السرير
توفيق:: شرحو شنو واقع (خدات الخدامة ياسين من عند اليكس ومشاو داوهم للبيت )
اليكس:: اجيو (جلسو) متخافوش غير نيقاش بيناتهم وجيداء هاد المدة ولات معصبة بزاف هدا لاش جات هنا ترتاح
يارينا:: شنو خلاهم اوصلو لهنا
اليكس:: شي حد فالخدمة تبسل عليها وجود شافو
توفيق:: من حقو لاش هي جات كاعيا هنا خصها تبقا وتعتاذر
اليكساندرا:: دابا تبرد ندوي معاها راه هو ضربو وفهم حدا الشركة غتكون تحرجات شي حاجة عادية غير هي مخصهاش تخلي رالها لكن قرارها وهي تتحمل مسؤوليتو
توفيق:: نتمناو كلشي اتحل مكنبغيش نششةفها هاكا
يارينا:: نتمناو .......
جيداء ناضت بدلات وتخشات فبلاصتها اما جود فغير مشات جيداء هبط مدوا مع تاحد ومشا للشركة لؤي عرفو معصب مسولوش كملو خدمتهم ورجعو للدار وصل وقت لعشا تجمعو كلهم
مختار:: فين جيداء
سفيان:: اه دزت على دراري تاهما مابانوليش
مختار::(كيشوف فجود هو والكل) شنو مغتجاوبش
جود:: مشات لدارهم
سفيان::!!!! غتبات تماك
عتيقة:: نوضوها قبايلا هزات حويجها ودراري ومشات هي وكلثوم و اليكساندرا
مريم:: والله اعمي الى سمعنا غا لغوات اصلا هو كان جاي معصب عرفنا القيامة غتنوض وزيد بدات تاهي صوتها كيعلا معرفنا شكون الفونتيف
رضوان:: 😒 فونتيف كولي كولي
مريم:: 👀 هانا ......... كملو عشاهم وجود طلع للبيت وتلاح فوق سرير كيحاول ارتاح دار جبد مخدتها خشا وجهو فيها وبقا كيحاول انعس .... اما هي فخرج وقت لعشا سلمت على واليديها وجلست كلات معاهم
توفيق :: بنتي واش لاباس شوف وجهك كيكيبان
جيداء:: غير عيانة شوي ... وناضت مرة اخرى للطواليط رجعت كلشي يارينا تبعتها عاونتها غسلت ورجعو جلسو
يارينا:: واش كضرك شيحاجة
جيداء:: اه معدتي
توفيق:: واش بزاف نمشيو للطبيب
جيداء:: معرت مدة وهي هكا مرات كضرني مرات كتبرا المهم انا غنمشي ننعس ماما
يارينا:: غا رتاحي انا غنرضعهم وغيبقاو معايا
جيداء:: واخا تصبحو على خير .......
جا صباح جديد لكن ماكين حتى جديد جود فاق مخربق ديجا منعسش مرتاح ولفها حداه ولف ريحتها وريحة ولادو لكن اكثر هي مكتنعسش غير على صدرو وهو العب فشعرها بقا كيشوف فصقف وكيتنهد وكيقول كون غير سكتت ومابقاتش كتجادل معاه كيف كانت كدير كان هو واخا المشكل منها كيبرد وكيهضر معاها واعنقها واحاول ابرد سوق كيفما كان الوضع لكن دارت شنو ماكيحمش غوتت وبدات فجدالات وللي زاد عصبو هو فاش قالت كان جي من الخدمة عيانة وكنديرلك خاطرك يعني كانت غا كتسايرو على ود الخدمة هادشي فاش فكر تفكر كيفاش خاف عليها منني سمعها غتركب مع بنت اخرى وعندها طوموبيل جود كيخاف عليها لدرجة كبيرة غير سمعها مقدرش اتسنا قال امشي هو اوصلهم واردهم اصلا هو راه مخدم احسن سائق وكل نهار كيوصيه باش ارد البال فطريق على قبلها ماكيرتاح حتى كتعيطليه تقولو هانا وصلت تنهد نفض افكارو وناض دخل غسل تتوضا خرج صلى بدل حويجو وهبط مابغاش اتفتح الموضوع هادشي علاش هبط نيشان خرج مشا لكافي فطر عاد طلع للشركة اما جيداء فصبحت عيانة وفيها وجع ناضت بتثاقل دخلت دوشت باش تفيق مع تاهي منعستش مزيان توضات خرجت لبست صلاة وخرجت فطرت معاهم ودخلت عند ولادها فبيت وليديها رضعاتهم بدلت ليهم حتى دخلت اليكساندرا وهاجر
جيداء:: هاجر ؟
هاجر:: صباح الخير
جيداء:: صباح النور صافا
هاجر:: الحمد لله و انت كيف بقيتي
جيداء:: كيف باغاني نكون
هاجر:: ماشي كبرتي الموضوع
جيداء:: 😳 حتى انت اهاجار شنوووو دخلني انا فداك لحمار وعلاش اديرليا شوهة فخدمتي انا على ود باش ابقا كلشي محتارمني كنت خالقة شخصيتي فالشركة حتى حد ماكيتبسل ولا كيهضر معايا غير فالخدمة غير مع لبنات للي كنجمعو وصافي الشركة مكنعتبهاش على قبلو عارفاه كيخاف وانا مقلت والو غير ميخنقنيش غا قلت ليه انا خارجا بعدا لبارح فوقت لغدا حتى لقيتو حدايا فربع ساعة دغيا جا معرفتو كيخاف ولا كيشك
اليكس:: مايمكنش اشك فيك وانت قلتيها راه خايف عليك
هاجر:: انت مرتو وام ولادو واشك فيك صافا با لا انت عارفا راجلك كثر منا كلنا وكلشي عارف جود فاش كيتعصب وهادي هي نقطتكم المشتركة سبحان الله كتعصبو كتسيفو كيف انت درتي حالة لبتينة هو دار حالة لهادا
جيداء:: لا كين فرق انا مدرتش ليه الشوهة فخدمتو
اليكس:: لكن درتي شوهة قدام العائلة وهو منطق بحتى حرف حيت عارف معنى الغيرة متبقايش شادة الضد معاه
هاجر:: من الاول قالتلك ميساء كيفاش تعاملي اقولك لحاجة ديريها وغير ابرد وكان غيجي اعتاذر
جيداء:: واخا ...... ثافي خداو شنو عطاتهم دازو للفرماسيان ورجعو للدار وهي دخلت لبيتها للي ولا هو ملجأها وتم فين كترتاح هي تاصلت بمديرها وشرحاتليه الوضع وتفهمها وكان عيد لعبد العالي وصبنو حيت ضيعليه بنت خدمتها متقونا وزيد اهلاق عاليا ومن عائلة معروفا .... كانت ديما كتسها وتشوف فتلفونها كتسناه وقتاش اعيط لكن والو وفينما تفكر بللي هو باغي هاد الوضع كتخلي دموعها ايسيلو اما جود فكان بحث على عبد العالي وعرف كلشي عليه بلاما اتدخل ولا امشي ايشوف كمارتو تاصل بمول الشركة شخصيا وقالو غير فلان اخرج من الشركة وهو مسول محتى حاجة قالو واخا حيت زبون مهم بالنسبة ليهم ميقدرش اخسر معاه والى جاتو غير فعامل معندوش مشكيل تاصل بالمدير فلبلاصة عطاه الاوامر وهاد الاخير واخا عارف عبد العالي كيخدم مزيان لكن معندو كيف ايدير حيت هو للي جابها لراسو علمو قدام الكل ولاخر محملش راسو اصلا بشنو وقع تاحد مابقا حاملو حيت تبع امراة مزوجة وخصوصا جيداء للي خلات بصمتها فالشركة عند كل واحد واخا شنو وقع مشافوش فيها بنضرة خايبة فالعكس عرفو هي معليها والو وليلى كان عندها نسبة فهادشي اي وحدة بغات تغلط فيها كتقولهم راه ديما تابعها وكتبعدو وهو لي حيوان 😂 وتبقا تجمعليه الدعاوي وهكا برد جود غليلو واخا غير شويا دابا كيفكر غير فكيفاش غيحل المشكل مع جيداء للي راسها قاصح..... هاكا داز اسبوع على ابطالنا العائلات بزوج متدخلوش مزال حتى ايشوفو فين غيوصل هادشي توفيق مقادرش ايشوف بنتو هكاك هو موالفها الضحك والحيوية للي فيها دابا رجعت كيف فاش خسرت ولدها ..... ليوم جيداء فاقت دارت كل صباح تفطر كترضع ولادها تبدل ليهم ومشات لبيتها تبقا متكيا قبل لغدا بشوي هزات تلفونها وكدور فالانسطا حتى وصلتها انفيت غير شافت مولاتها خرجو عينيها
جيداء:: هادي لاش مصيفطا دوموند ماكفاهاش ديك التريييشة واخا الالة هاااااااء 😨 ججج جود ......... كانت صورة لجود مع بتينة هي للي شادة السيلفي وهو وراها كيشوف فلكام وهما فالبيرو ديالو حست بالسخانة فكل جسدها وعينيها حمارو ووجها كثر ولات كترعد وكتبكي كتبكي بجهد من الفقصة وميات سؤال فراسها علاش دار هادشي صافي مبقاش باغيني ؟ بدلني بيها هي ؟ ولا باغي افقصني ولا شنو قصدو بهاد التصويرة كانت جالسة فالارض وجامعا رجليها عندها وراسها مخشي فرجليها وكتبكي حتى دخل توفيق عندها تخلع مللي شافها هكاك جا كيجري
غمشي للوقت للي مشافيه جود للشركة بدا خدمتو حتى جا جواد وبتينة دخلت السكرتيرا علماتو وخلاها تدخلهم غاشاف بتينة خنزر سلم عليه جواد وجلسو
جود:: ياكماكين باس؟
جواد:: كين غير الخير شوف جود حنا دابا عائلة انا دويت مع هاد الخلقة هي ندمت وطلبت سماحة من العائلة كلها (بغا اهضر وحبسو) غا سمعني عارف للي فيه شي بلية صعيب تحيد منننو انا غنديرليها كيف ظلها لا انا لا العائلة
جود:: جواد انا معندي حتى مشكيل معاكم المهم هادي منسوفهاش
بتينة:: والله اخويا الى غير غلط وكنواعدك عمرك تشوف منني شيحاجا غير تيق فيا عطيني غير فؤصة ونبين ليك
بتينة:: شوف راه غير مراهقة جاتني هكا ودابا عرفت غلاطي خصوصا بعد مكعاو واليديا منني
جود:: داكشي ماكيديروهش بنات الناس
بتينة:: عارفا غير سمحليا وكنواعد مغتشوف غير الخير
جود:: هممم
بتينة:: !!! صافي مسامحة؟
جود:: واخا نشوفو غير نكونو متافقين من هنا مرتي متدوريش ساحتها حيت مغاديش تسمحلك بحالي حنا سدينا الموضوع لكن متسنايش ايكون شي تواصل ولا شيحاجة انت شخص بعيد نهائيا على العائلة
بتينة:: عارفا لكن عندي طلب
جود::🤨 شنو هو
بتينة:: ناخد سيلفي معاك
جود::شنووو
بتينة:: انت مشهور فعالم البزنز وكنت متبعا اخبارك انت ولؤي ماشي غير بوحدي راه بزاف دلبنات بحالي مطالباش بزاف غير سيلفي باش نوريه لصحاباتي وصافي
جود:: ياك هو للي غيفكني منك زيدي .... هنا فين خداو سيلفي وهي غير لعبت عليه بغات تبين لجيداء بللي الوعد للي عطاتها نفداتو والغبية تيقاتو بتينة فلبلاصة شكراتو جا جواد تأكد بللي كلشي تصلح وناضو مشاو هي تلوحو فالانسطا ورسلت دوموند ايكسبري باش تتاكد بللي غتشوفو ....... حاليا ::
جود:: يالله دخلات....(قاطعاتو
جيداء:: خرج اجود خرج ماباغا نسمع والو خرج
جود:: جيداء😠
جيداء:: جود الله ارحم ليك لواليدين خرج من عنديييييي باغي ولاااادك سير عند ماما انا متجيييييش عنديييي صافييييي ........ خرج ردخ الباب وهي طاحت الارض كملت بكاها هو سول اليكساندرا داتو شاف ولادو غير باسهم واحد خمسة دقايق وخرج من تماااك اما جيداء ناضت غسلت وجها جلست دخلت هاجر
هاجر:: شنو وقع
جيداء::(عطاتها التلفون) شوفي
هاجر:: 😳 ويلي
جيداء:: هانتي تشوفي انا دارلي الشوها وانا مدايراها لا بايدي لا برجلي وهو ماشي اتصور معاها وعاجبو الحال
هاجر:: بفففف
جيداء:: لا وراسلا ليا دوموند
هاجر:: جيداء زدتي فيه واش لهاد الدرجة عينيك مسدودين راه باين هادي خطة منها باش طيح بيناتكم
جيداء:: واش البنت كنت غنخلي فيها شي سيكاتريس وكتقولي هي للي دايرا هادشي
هاجر:: علاه للي كتخاف غتمشي مرة اخرى بعد شنو درتيليها لراجلك (جيداء بدات كتاكل فظفارها) جيداء هداك غا قالب دارتو ليك وانا اكيدة من هدشي
هاجر:: انت سمعتي ليه ؟ خليتيه ادوي ؟ ياك جريتي على سيد قدامنا راك غير مغادا وكتغرقي فراسك انا قلتهاليك الى كتبغي راجلك شوفي كيديري تصالحيه ورجعي لدارك انا كنعلمك اجيداء غتندمي حيت غالطا هما جنس مغيار شتي كون فاش جيتو من بعد داك لحمار وسكتي كان غايغوت حتى اعيا وارتاح وتهضرو وتحلو المشكيل وتكونو دابا راكم فبيتكم وضاحكين لكن بعصاب للي ولا فيك وصلتو لهاد المرحلة والى زدتو مشكيل اخر انا متأكدة راجلك غيمشي وانت جلسي دمعي ليا هنايا انا مغيارا كثر منكم كلكم لكن قدام لؤي كنسكت نخليه ابرر واخا نغوت نسمع ليه المهم نعرف شنو واقع وشنو خلا الامور تطور هكاك باش منضلموش وباش نبقاو مقادين
جيداء:: 😔 عارفا عارفا غالطة تانا لكن اختي لو تحطيتي فداك الموقف راه خايب كان بنادم كيششوفيا وزاد كمل لاحلي سوارت وغوت عليا اوووف اوووف
هاجر:: صافي بردي وارتاحي يالله نتغداو اختي راه معدتي خوات نوضي ........ناضو خرجو تغداو هاجر مشات وصلها توفيق فطريقو ولوخرين تفرقو جيداء مشات جابت ولادها لبيتها وبقات مقابلاهمداز نهارها هكا حتى للغد فاقت كانت حاسة بوجع خفيف لكن شوي كتار بقات شادة على كرشها وكتغوت بشوي كان قوي حتى غوتت وسمعتها كلثوم .....
جود خرج من تماك معصب على الجهد من كيفاش تعاملت معاه كان موحشها لدرجة مقدرش اشد راسو باش ايشوفها وايشوف ولادو لكن دخل مع هضرة للي صدماتو وزاد كملت مللي جرات عليه هكاك خرج حاقد نيشان لشركة ابرد جنونو فلوراق ..........
اما جيداء فكانت كتغوت ربي للي خلقها وكلثوم معارفا مدير حتى جاو يارينا واليكساندرا تاصلو بتوفيق للي جا دغيا هزها نيشان لاقرب كلينيك دخلوها للداخل وبقاو كيتسناو كلثوم كل شوي كتتاصل باش تطمن ... بعد مكمل طبيب فحصها وخداو باش ايديرو التحاليل خرج عندهم
توفيق:: دكتور شنو عندها
طبيب:: متخافوش حنا غنتسناو نتائج التحاليل غير باش نحيد نسبة الشك ومنغلطش لكن باين بنتك عندها حجر فالمرارة وغنديروليها عمرية بعد ميخرجو التحاليل
يارينا:: شنووو وواش صعيبة
طبيب:: لا لا معندكم مناش تخافو راه الاغلبية كيعاني منها وكيحيدها وعادي المهم تعتقوها قبل متفرقع الله استر
اليكس:: وهي مريضة بالمعدة هادشي ميدير
طبيب:: لا لا ماكين حتى علاقة انا درتليها التحاليل ديال كلشي باش نشوفو السكر الطونسيو وكلشي المهم نص ساعة غنجي نشوف التحاليل الى كان كلشي مزيان غنديرو العملية
توفيق:: صافي واخا شكرا بزاف نقدرو ندخلو عندها
طبيب:: وي غير دخلو متخليوها تاكل والو حتى لورا العملية
توفيق :: واخا ........ دخلو عندها كان طبيب عطاها ابرا للي تهدن لوجع للي جاها وشرح ليها الوضع كانت خايفة واحد كيججي غير باش اخيط ضربة صغيرة وكيتخلع بقا غير عملية غيتحيد فيها حاجة من داتك بقاو معاها داز الوقت وجا طبيب اكد ليهم كلشي مزيان وغيهبطوها دابا باش دير العملية باسوها وجاو الممرضات داوها
اليكساندرا:: (معنقا يارينا) راه عادي هاد العملية ماشي شيحاجة خطيرة لاش خايفا
يارينا:: بنتي هاديك واخا تكون غدير غير فحص كنخلع عليها مابغيت اوقع ليها والو
جود كان باقي فبلاصتو متكي واخا فايق من لفجر وعينيه محلولين وهو متكي سمع تلفونو كيصوني هززو بتقالة غير شاف المتصل عينيه خرجو وحس بشيحاجة ماشي حتى لهيه حيت مع نبوري لاش غيتاصل
جود:: الو ؟؟؟
توفيق:: السلام ديزولي الى ديرونجيتك على صباح
جود:: لا لا غير قول واش واقعة شيحاجة
توفيق:: اه جيداء داخلا غتدير عملية
جود:: 😯🙁 شنوووو كك ك كيفاش عملية لاش ديالاش وعلاش
توفيق ::: غا تهدن اولدي جي لكلينيك ***** ونتعرف كلشي
جود:: واخا انا دابا عندك ....... قطع معاه ناض غسل دغيا بدل هز سوارتو وخرج دغيا كانت جداه دايزا
طبيب:: وي وراه دكتورة ديالك كينا هنا نيت ديال المعدة وعطاتني تقرير عليك العصاب الزايد والتوتر راه غير كيمرض الصحة وانت قلتي عندك ولادك خاصك تحافظي على صحتك على قبلهم وعلى قبل راجلك وواليديك راه اخيب حاجة هي العصاب ممكن اتقطع عرق بسباب انفعال بسيط راه احسابلك لعروقة عندنا غلاض وشادين لا راه بحال لخيوطة شوف دابا حاجة بسيطة كيف كتخلي الواحد ففراش المرض
الينا:: سمعي مزيان سمعتي راه كنظل نهضر ولي نقولو نعاودو
طبيب:: ارتاحيليك وكنفضل ايكون الجو للي هي فيه مزيان بلا توتر بلا والو متستاهينوش بالعملية حيت صغيرة ودغيا دازت راه كلشي ممكن اوقع بسبب تهور غتجلسي ترتاحي انا غنطل عليك قبل منخرج وغدا ان شاء الله نشوفك دوا راه غنعطيكم تجيبوه ليها باش غير اوصل الوقت للي خصها تاكل فيه تعطيوه ليها
جود:: شكرا
طبيب:: هدا واجب (خرج)
جود:: سمعتي شنو قال
جيداء :: 😒 امم
جود:: وقتاش مشيتي عند طبيبة
جيداء(شافت فيه وااااه شحال توحشت عينيه صوتو لمستو ضحكتو تخنزيرتو كلشي فيه ممكن 8 ايام مدة قليلة لكن هاد الكوبل دازت عليه اطول مدة بقات كتشوف فيه وجاوبت) بعد يومين مللي جيت لدارنا
يارينا:: بنتي من هنا غتخرجي لدار راجلك (😳) بقاي مقلقة خليه احزرك ولا تصالحي معاه ولا ضبرو راسكم لكن متخليش فرصة لشيحد ادخل بيناتكم مشاكلكم حليها بلاما تخلي سريرك خاوي انا عرفت كلشي من هاجر بجوجكم غالطين لكن النسبة لكببيرة عندك انت هو غلط غير فشنو دار مع ديك خيتي لكن انت غلطتي فاش غوتي وخليتي دارك متقوليش ماباغانيش ماما انت عارفة راه انت لعوينة الوحيدة للي عندي وباك
جيداء:: عارفا اماما وتانا عرفت راسي زدت فيه لكن ولاو فيا اعصاب ومابقيتش كنتحكم فراسي كيف الاول ممكن بكترت الضغط للي كان عليا فاش خدمت ولا معرت المهم اناباغا نصلح الامور لكن مابغيتش البادرة تجي منني حيت حرقني مللي قرب لهديك وتصور معاها
يارينا:: عارفا واكيد هوو غيجي عندك وغيقوليك يالله لدار مشفتيش ابنتي فاش جا وجهو كيكان كنت معصبة مننو لكن غير شفتو بردت وعرفتو خايف كيفي وكثر كاااع مضيعيهش من ايدك الله ارضي عليك
اليكس(دخلت):: تيرارا هاهو لقيت شيحاجة شريتليكك حتى شنو غتحتاجي هاد دو جوغ هنا
جود:: ( دخل و خدا من عندها داكشي ) انا نحطهم فبلاكار (حطهم جبد زيف ودخل داكشي قرب قادوليها فوق راسها تحت نظرات وابتسامت مها وخالتها ) دار شوي جايين
يارينا:: الله ارضي عليك اولدي
جود:: امين ........ ماهي الا دقائق حتى هجمت العائلة طمنو عليها وخلقو جو زوين باش تخرج من المود للي هي فيه مشاو جود مشا قضا شغلو باش اخلي لؤي اكمل ورجع فلعشيو و خلا عائلتها امشيو قرر هو ابات معاها اما هي فداتها عينيها اتاحت وريحتو حداها هو بقا كيتأمل فيها حتى داتو عينو ...... الغد داز بنفس الروتين صباح شافها طبيب وفلعشيا جاو خالاتها طمنو عليها ومشاو من بعد مساو وجا جود باش ابات معاها وواليديها مشاو .................
وصل صباح جديد فاقرجود قبل بقا مقابلها هيحداه ومقادش امشي عندها ماباغيش اجبد معاها صداع وفنفس الوقت ماباغيش اتنازل المهم عندو هي بيخير وحداه وهو كيفكر ومقابلها حلات عينيها بقاو هكاك شوفيا نشوفيك حتى دخل عليهم توفيق
توفيق:: السلام عيكم
جود وجيداء:: وعليكم السلام
توفيق:: جا طبيب
جود:: باقي (ناض ان انغسل ونمشي نشوفو
توفيق:: غير غسل انا غنشوفو (دخل جود اغسل واوفيق مشا بعدد شوي جا هو والطبيب دخلو )
طبيب:: كيف صبحتي ليوم
جيداء:: مزييانة الحمد لله
طبيب:: هممم المهم غتبعي ماكلة معينة راه كتبتليك شنو ممنوع هنا الحركة لكثيرة لا واحد كانز جوغ ونقزي كيف بغيتي واهم حاجة الرااااااحة والتعصاب بعدي مننو
جيداء:: حتى انت.... مشا توفيق وجود عطا ليارينا الولد وخدات هاجر البنت وداها طلعها دخلو خلاها تجلس
جود:: نجبدلك تبدلي
جيداء:: خلي حتى نتغدا
جود: نتغداو هنا لا غتهبطي
جيداء:: كين سانسور مغنعياش
جود:: غير باش تبقاي متكيا مرتاحا
جيداء: :غير خليني مليت ديجا
جود:: واخا على خاطرك تكاي دابا انا ندوش ونجي
جيداء:: واخا ..... جيداء حيدت شالها وتكات وهو ابانليها تلفونو حداها هزاتو مكان فيه لا كود لا والو دخلت اول حاجة نيشان الميساجات دارت على كلشي عاد طلعت للواتساب عوتاني ملقات والو مشات للميسنجر ضارت كيبانوليها بنات كتدخل كتلقاه مبلوكيهم دخلت للميساجات للي كيكونو من بنادم للي معندكش ولقات عراااام ديال لبنات راسلين ليه مشات دارت غوفيزي لبزاااف سمعت لماء تحبس وهي تخرج من كلشي ورجعاتو لبلاصتو هزت تلفونها كدور فيه خرج جود لاوي على نصو فوطة وكيمسح فشعرو باخرى شاف فيها ابتاسم ليها وبادلاتو نفس الابتسامة توجه لبلاكار جبد حويجو بدل عليه عاد مشا هو تلفونو وتكا حداها جود بانتليه ضارت وتكات حط تلفونو وقرب ليها حط ايدو على جنبها وطل عليها
جود:: صافا ؟ كضرك شيحاجة
جيداء:: لا مزيانة علاش
جود:: بنتيلي ضرتي هك
جيداء:: ملقيت ميدار (دارت على ظهرها وتقابلت معاه ) الملال
جود:: (ابتاسم وشد دقنها) غير صبري تبراي وديري للي عجبك
جيداء:: 😔 للي عاجبني ماباغيهش
جود:: 🤨 الخدمة عوتاني
جيداء:: كنت صافي تافقت مع المدير باش نبقا خدامة غير فالدار ونحضر غير الاجتماعات ونمشي نسلمو خدمتي فاش تسالي لكن كلشي مشا دابا
جود:: اوك جبدتي الموضوع خلينا نهضرو (ناض جلس تقابل معاها مربع رجليه وهي تقادت فالبركة ) فاش كنت كنشطح جيتي جريتيني من وسط دراري وختي ولبنات حيت بتينة جايا تشطح حدانا ياك قلت لا ؟ بعدت وسكت تفهمت غيرتك واخا كنت باغي نفرح معاهم وندوز وقت معاهم فاش شديتيها نهار العرس ودرتي ليها ديك الحالة هضرت ؟ قلتلك لا تغاوت معاك حيت هضرتي قدام العائلات كلهم ؟ لا خليتك انت تتكلفي تحرجت اه لكن ماشي منك انت من الوضع للي حطاتني فيه لوخرا لكن انت درتي عكس هادشي للي درت انا متقبلتيش شنو درت وفبلاصة متحاولي تقادي الوضع مشيتي من الدار
جيداء:: لكن...
جود:: خليني نكمل غير سمعيني حتى اللخر اجيداء انت من الاول عارفا الى تعصبت خصك تسكتي وتبعدي وكديريها لا انت لا العائلة لكن فهاد المشكل بزوج بقينا كنتغاوتو واحد متنازل للاخر فحين عصابيتي كانت فمحلها وعندها سبب انت تعصبتي على شنو درت انا
جيداء:: لكن انت بديتي تاتاهمني تقولي عجبك هادشي
جود:: متاهمتكش انا عارف بحال هاد الحيوانات كينين فكاع الشركات هادشي علاش ماباغيكش تخدمي خليتك حيت انت باغا وعاجبك الحال فهمتك شحال من مرا الرجال التيقار عارف عارف حاطة حواجز لكن رجال لا ماكيحطوش حواجز ممكن انت نيتك صافيا لكن هو افهم تعاملك بالمقلوب انا باش واحد اقيص مرتي قدام عيني واردني شماتة مغنتقبلهاش ومغنسكتش عليها ضربتو حتى خليت لمو وجهو معوق وزدت صيفطت ممو من الشركة
جيداء:: 😳 احم اهاه 😏 ولاش جيتي فداك الوقت ولا حيت عرفتيني خارجة برا الشركة ضرك راسك
جود:: انا كنبغيك وكنخاف عليك كثر ما كنخاف على راسي اي حاجة تضرك نبعدك عليها(شد ايدها)
جيداء:: 😢 عارفا وعارفا غلطت فشحالمن حاجة لكن بقا فيا الحال وفكرت غير فنظرت للي خدامين معايا صافي مشفتش الموضوع من جيهتك كنت كنتسناك غير وقتاش تجي نشوفك ونهضرو (تفكرت موضوع صورة دغعت ايديه وعقدت حواجبها) وديك التصويرة مظويتيش عليها
جود:: ههههه يالله كنتي زوينة داك نهار جات هي وجواد باش تعتاذر جواد خرج على ود اتصال جاه وهي بقات كطلب سماحة لكن دارتها بيا بنت اللدينا قالتلك باغا نتصورو باش توريها لصحاباتها حيت متبعين اخباري انا ولؤي وقلت صورة غتفكني منها معليش لكن ميحسابليش نيتها هكا كنت غنمشي ليها لكن اجلتها حتى للغد باش منشخشخش ليها راسها ساعة على صباح تاصل باباك وعرفت راك فالكلينيك
جود:: شنو للي حشم قلت شيحاجة عيب ولا حرام انت مرتي حبيبتي ام ولادي
جيداء:: جاني جوع
جود:: هههه دابا هدا وقت جوع باراكا غير مغنقربش ليك حيت مرضة
جيداء:: 😊 والله جاني جوع ماكلة السبيطارات خايبة وكتشبعنيش
جود:: واخا بلاتي نعيطو نشوفو واش وجد باش نهبطو ......تاصل علموه بللي كيوجدو الطبلة وهي تنوض قادت زيفها وشد فيها وهبطو وغير شافوهم العائلة عرفوهم تصالحو تجمعو على الطبلة وبداو موضوع عرس ميساء للي باقيلو كانز جوغ بالحساب سالاو غداهم وطلعو الكوبل ديالنا ارتاحو غا دخلو تخشاو فسريرهم جيداء غا شربت دواها و تكات على صدرو ونعسو ارتاحو ..... كانت فرحة فقلوبهم بحال اول مرة نعسو هكا كانو ناعسين وهما مبتاسمين وفرحانين " العشق جميل والاجمل ان يكون نابع من قلب كلى الطرفين " ...........غزلان برنون .....
فاق جود ناض بشوي دخل غسل وتوضى صلى العصر ومشا حداها تكا وهز تلفونو كيدور دخل لي ميساج للي فميسنجر🤨 وهو اطلع حاجبو حيت عاقل شحال من واحد كان دخل لايستوريك وشاف الوقت عرف مول الفعلة حط تلفونو وقرب ليها كيبوسليها فوجها وهي كتحرك وكتمسح فين باسها حتى شد ليها ايديها وباسها ففمها بهد عاد حلت عينيها
جيداء::(بعدت وشافت ) شنوو لاش تدخل شي فشي حنا كنا مدابزين وانا خارجا من الدار معرت فلحضة غضب تفكيري مشا لهادشي لكن فاش خرجتي وبركت تهدنت ودوات معايا هاجر بردت وفكرت فالمنطق عرفت هي دارت شي سبة باش تخرج بديك التصويرة
جود:: اممم وشنو نسميو تقلابك للتلفون
جيداء:: 😳 احم ام انا ام
جود:: هههه راه مكنقبلش بحال هادوك غا تهناي
جيداء :: عارفا راه شفت غير انت لاش مكتحيدهمش وكتخليهم
جود:: مرتي مغيارة
جيداء:: وانت كثر منني 🙄
جود:: ههههه اه هادي معاك فيها .....متبقايش ديري شيحاجة هكا راه كتبينيلي راه متايقاش فيا
جيداء:: علاش شنو فيها الى قلبت تلفونك ودخلت للفيس ديالك اه وباقي مشفتش الانسطا
جود:: ههه مافيها والو لكن مع جيتي مع كتقلبي راه بحالا كتكي داير شيحاجة وراك
جيداء:: غير بغيت نعرف معامن كتدوي وشنو كثر بنات ولا ولاد
احلام:: والله كنت جالسة بعد مرجعنا من عندك وكندور فالانسطا وهي تبانليا تصويرة شوي وهي تدخل هي وختها مسخرين لباهم عند جواد ناري فلبلاصة تلاحيت عليها نتف يماتنتف حتى جرني جواد يالله غيبدا اعاير وانا نجبد ليه تصويرة عاد سكت وبدا كيعاير فسها هو وختها وبقيت كتفقص فيها من اللور
سلوى:: ههههه عبرتي عليها خليها تربا ناري مكتحسمش
جيداء:: واييه انا فقصتني بسبابها واقع هادشي كللو هي وداك لحمار
رميساء:: دابا شنو مابقاتش الخدمة ؟ (كان جود جاي غير سمع ختو سولت وقف بغا اسمع )
جيداء:: لا مابقاتش
هاجر:: جود للي مامخليكش
جيداء:: جود وحتى انا صافي منكدبش ونقولكم ماباغاش لكن هكا حسن كنت متوترا بزاف فاش كنت خدامة حتى صحتي ضاعت واخا انا كنت دايرا مجهود غير باش اوافق المدير نخدم من الدار لكن وقع للي وقع
مريم:: لكن هاهو خلاك تخدمي فالدار علاش جود رفض
جيداء:: قلتلو قبايلا موضوع نخدم من دار لكن مسولتوش واش اخليني وبلاش خليني دابا غير نرتاح ونقابل راجلي وولادي
جود:: احم احم (شافوفيه) جيداء
جيداء:: نعام
جود:: اجي شوي
جيداء::(ناضت عندو)وي بب
جود:: حبيبة ماباغا والو
جيداء:: لا علاش
جود:: والو غير خارج الى بغيتي شيحاجة تاصلي بيا ونقد نتعطل
جيداء:: فين غادي
جود:: غير مع لؤي خارجين بجوج
جيداء:: اه واخا 😊 رد البال لراسك
جود(باس جنهتها):: الى بغيتي شيحاجة تاصلي بيا
جيداء:: واخا حبيبي (باسها فحنكها وخرج وهي رجعت جلست)
لؤي:: واااه حاس بيك انا هاجر بالوحم غاتكتعيط كتبكي وكنتخلع كنمشي طاير عندها بقا غير اقولو راه فسبيطار
جود:: مقلتشلك القالب للي دارت بتينة
لؤي:: ايييه قالتليا هاجر شنو وقع ناري ديك البنت نعرفت منين مصنوعة يا صحبي رغم كلشي تهديدات ولعصا للي كلات لا من عند جيداء لا باها وباقا كطير
جود:: غا خليها تقلب عليا تلقاني راه شديت راسي غا بزز اما نمشي نريب عليهم ديك الدار منعقل على حد دابا كلشي رجع مزيان اما كون كنت غنتفرق مع جيداء وبسباب والله لا خليتها عايشا هانيا
جود:: كنحاول او اشندير فخبارك دوا معايا طبيب نهيلة
لؤي:: ايناهو
جود:: فاش كان عندها مشكل فوجها كانت متبعة عندو مصعب اصاحبي
لؤي:: اه اه مالو اشبغا
جود:: باغي نهيلة
لؤي:: هههه الحرقة عطات نتيجة
جود:: وايييه (تنهد) دار خوات
لؤي:: وي صعيبة صراحة
جود:: ميساء كنت مطمن غتبقا حدايا لكن تحولنا
لؤي:: لكن جابر ولد الناس وشفتي شحال من مرة عاونا وشحال وقف معانا وكيفاش كيعاملها وانت عارف التريكة للي عندنا مكيسكتوش على حقهم
جود:: لكن الوليدة الله ارحمها كانت باغانا نبقاو مجموعين مي ميمكنش هو ابغي
لؤي:: حيت عندو ممو وختو ميمكنش اخليهم
جود:: وي عرفت
لؤي :: غير طمن كلشي غيدوز هو هداك
جود:: ان شاء الله ......... كملو هضرتهم حتى قرب الوقت للي كيتعشاو فيه فالقصر وناضو رجعو دخلو كانت العائلة مجموعة وكاين حتى بات جيداء جي ادي يارينا وشدوه اتعشا دخلو قالو السلام وكادل واحد مشا عند مرتو جيداء كانت شادة ياسمين جود جلس دار ايدو وراها وايد لوخرا كيلعب مع ياسمين
جود:: ههه كتضحك
جيداء:: وي شوف كيكتشوف فيك
جود:: عينيها بحال عينيك
جيداء:: بصح
جود:: وي ياسين للي جا بحالي
جيداء:: (شافت فيه وهضرت بشوي) خصو ميجيش غير عصبي بحالك
دازو ايام جيداء غير الراحة جود راد ليها البال مزيان هو والعائلة كلها.... مصعب مشا لمراكش ودوا مع عبد العاطي وهاد الاخير فرح وقالو نعار للي عجبك علمني وجيو طلبوها كلشي فرح ليها وعلمات نهيلة مصعب بللي حتى افوت العرس حيت مشغولين معاه وديك ساعة تقوليه نهار للي اطلعوو المراكش وايديرو خطبة...... بداو لبنات كيشريو حويج مع ميساء وكيقادو معاها دهازها كانت كتمشي لدار عائلة جابر كتقاد لحويج فبيتهم للس كانت بدلتليه ديكور كيف بغات هي جابر كان فرحان ومقاداه فرحة شخصيتو قريبة لجود حتى هو عصبي ومغيار لكن مع ميساء حنين خصوصا عارف دابا مع غتبعد على عائلتها غتجيخا صعيبة وداير معاها لخاطر مرات تاتغوت على ابسط حاجة وهو ماكيقول والو ........ دازت 15 يوم جيداء رجعت لطبيب طمنها كلشي مزيان لكن خلاها متبعا الماكلة للي قاليها ......ليوم نهار العرس جابر مشافش ميساء سيمانة دابا بيناتهم غير التلفون وتاتاخد موافقتو الى بغات تخرج لبارح كانت الحنة وفاتن دارت ابيل فيديو وخلاتو احضر لكلشي 😍 ..... اول عرس غيتقام فالقصر كانو غيديروه فالجردة للي مسؤول على ديكوغاسيو كان مقاد كلشي بلاصة لعروسة ولعريس كلها ورد وضواو مغطيا من الفوق كان كرسي العرسان فجنبو كوتبات فين اجلسو للي بغاو اتصورو نعاهم عاد دريجات منين اهبطو بلاصة ديدجي بعيدة مدرقة عاد طوابل فسن اجليو الناس مفرقين وكينين طوابل دالناس للي ابقاو واقفين كان لقصر كلو مضوي والباب ديالو كلو ورد وكينا صورة للعرسان كبيرة كيسنيو فيها المعويين وكينين جوج من الخدم واقفين كيضايفوهم لحليب والتمر كادشي كللو واجد خاص غير العرس ابدا لعروسة ولبنات فالكوافورا ولادهم عند الخدامة رجال طبعا واقفين على شغل فالقصر وجود وجابر واقفين على ابطوموبيل اقادوها بالورد وداك الزواق ومرة مرة جود اتاصل بجيداء كيف العادة .............. وصل الليل وكانو فلقصر كيستقبلو الضياف واقفة ام جابر و وعمام ميساء وجاداها عند لباب كيرحبو بالناس جاو عائلة هشام راجل سليمة و جاو عائلة جواد وعلي وطبعا عائلة لعريس ديالنا جابر .... هاد الاخير كان واقف هو وجود و رضوان عند باب لكوافور وهما واقفين خرجت مريم وفاتن و رجاء احلام سليمة سلوى نهيلةسلمو عليهم وطلعو فالطوموبيل عاد خرجت كريمة شادة رميساء تاهما سلمو وطلعو عاد خرجت هاجر و جيداء هاد الاخيرة تقدم باست جود فحنكو
جود:: هممم معرفت منقوليك 😍 كطيري لعقل
جيداء:: ههه حتى انت جاك الكوستار زوين شيغي
جود:: باقا ميساء معطلة
جيداء:: لا هاهي خارجا
جود:: اوك طلعي حدايا فالطوموبيل تخرج ونمشيو
جيداء:: واخا ...... خدا ايدها باسها ومشات وهي تخرج ميساء معاوناها لكوافورا كانت بالتكشيطة البيضة طلعت كتهبل تقدم جابر شد ايدها باسها عاد شدها عاونها فتكشيطتها وخلاها تركب كان شيفور للي سايق ركبو اللور وجود ركب فسيارتو كانت حداه مرتو وللور رجاء وهاجر و رميساء ونهيلة ....... تحركو طريق كلها كيكلاكصونيو ولبنات دايرين الشعبي فالطوموبيلات ومحيحين وصلو عند لقصر فتحو الباب لكبير حتى دخلو كانو العائلة كلهم واقفين برا كيساينو فيهم الدقة تاهما واقفين لكن مابداوش حيت قبل كانو دراري وبنات للي كضربو على الطبول هما للي تقدمو بيهم من باب لكبير لجردة دلقصر حتى لباب للي ايدخلهم لقصر لداخل وغير حبسو هادوك بداو الدقة المراكشية شطحو معاهم وركزو مزيان عاد دخلو للداخل دخلوهم النكافات بالصلاة والسلام غير وصلو كانو الرجال للي كيهزو العماريا كيساينو ميساء غا دخلت قادوها فالعمارية والديدجي طلق اغنية الف هنية وهنيا يا لالة لعروسة فوق العمارية ويا لالة 💃💃💃💃 روي روي روي 😄 المهم شطحو بيها مزيان عاد حطوها كان الكل فرحان والكل ناشط الحمد لله موقعت تاحاجة للي تخرب هاد اللليلة هبطوها من العمارية داوها لبلاصتها برزت هي وجابر داز شوي وناضو ابدلو ليها لبست تكشيطة فالفلخضيضر بااااارد مع التاج وكاع الاكسيسوارات وخرجت مرة تانية بالصلاة والسلام جلست هي وجابر وبداو الناس كيجيو اتصورو معاهم جود واقف مع الرجال وعينو على جيداء للي واقفا مع لبنات وكتضحك كانت مرتاحة وفرحانة هزت عينها فيه بانليها كيشوف فيها اشارت ليه بايدها استئدن من لوخرين وجا جرها من خصرها بعدو شوي على لبنات
جود:: وي حبيبي
جيداء:: بغيت نشطح
جود::🤨 شناوا
جيداء:: معاك
جود:: حبيبة ايديرو موسيقى هاديا وانا معاك لكن شعبي لا
جيداء:: راه معاك حبيبي ماشي بوحدي بليييز شزف شزف كلشي كيشطح وانت عاصرني هنا
جود:: 😐🤔🤨 هممم
جيداء:: لكن الى غتعبس هكا بلاش
جود:: اححح انا دابا كيغندير نصبر الى شيحد شافيك (قرب عند ودنها) غير كتمشاي وكنغي ناكل للي شاف فيك بقا غير كتشطحي
جيداء:: حبيبييييي
جود:: واخا واخا زيدي
جيداء:: اخليك ليلي ههههه......
شد من ايدها ودخلو الوسط بداو كيشطحو وهما تجمعو عليهم لوخرين كلهم سلوى سليمة احلام رميساء مريم رجاء هاجر نهيلة وجاو دراري سفيان رضوان ايوب جواد علي هشام وبقاو كيشطحو ميساء مقدرتش تشوفهم ومتنوضش شدت جابر للي عاونها فالتكشيطة وناضو دخلو الوسط وشطحو معاهم كانو ناشطين نيييت ومامسوقين لحتى حد شطح ياما تشطح حتى عياو عاد تفرقو والنكافة دات لعروسة تبدل ليها ...... لبست لبسا اخرى وهي اللبسة للي غيتعشاو بيها خرجت ضارت على الكل كترحب بيهم ومشاو بركو فطبلتهم .... تعشاو وسالاو زادت لبسة دالشلحة حيت كتعبها ومن وراها لبست الغوب جات كتحمق هي وجابر كوبل جد رائع تقدمو للمنصة جاو العائلة تصورو معاهم خداوليهم صور بوحدهم عاد قطعو الكاطو ودارو اخر رقصة من بعدها توجهو للباب باش اودعو العائلة ميساء شدت كيوتها تمت خارجة وراسها فالارض باغا تخبي دموعها لكن مقدرتش غير وقفت فالباب وشافت رميساء بداك كتبكي كتبكي حتى جات عنقتها
رميساء:: ششششت حبيبتي راك مابعيداش عليا يوميا جي الى مابجيتيش نجي انا
ميساء:: مقادراس نبعد
رميياء:: ششششت ضروري كان غيجي نهار للي نبعدو فيه هادي هي سنة الحياة حبيبتي ردي لبال لراسك وللي وقعت قوليهالي غتلقايني حداك
سفيان::(جرها ليه وعنقها) غتبقاي هكا تلكي
ميساء:: 😭😭😭😭 هعععععع
سفيان:: ماباغيش نشوف دموعك حبيبة راه بحال هنا بحال لهيه ها جابر ابقا يوميا ايجيبك واصلا غتخدمي معانا فالشركة ديما غنشوفوك
جيداء:: ان شاء الله حبيبي .... بقا كيلعب فشعرها حتى داتهم عينهم
دازو ايام وشهور رميساء وهاجر بما انهم حاملين فنفء الوقت ولدو فنفس الاسبوع غير ولدت رميساء بعد يومين خرجت من سبيطار ولدت هاجر وبزوج ولدو ولاد 😊 اما كريمة فهي حاملة فشهرها الرابع كانو تجظعو ودارو سبوع واحد لرائد ولد رميساء و كريم ولد هاجر فاش ولدو كانو التوؤم ديالنا فعمرهم سبع شهور و وهيثم ولد سفيان تسع شهور وريان خمسنين نهيلة بعد اسبوع خطبها مصعب وبعد شهرين من عرس ميساء دارو العقد ومابغات لا عرس لوالو بدات الخدمة فشركة العائلة وساكنة مع مصعب بوحدهم ومرتاحين والجديد ان جود سمح لجيداء تخدم وكيف كانت متافقة مع مديرها كلشي فالدار تسالي تجيبلو الخدمة وكتحضر للاجتماعات 😍 ...........
داز وقت على عائلة بناصر لكن باقين كلهم شادبن فبعضياتهم اوقع مشكل كلهم اوقفو مع الفرد للي منهم وعاونوه وللي خطأ اتعاقب مابقات فلكبر حيت كين لل كيكبر عاد كيخرف كيف دار مختار واليكساندرا 😍 ورا سبوع للي دارو رميساء وهاجر مختار تقدم ل اليكساندرا وهي بعد طول تفكير وبعد متشاورت مع مها وخوتتاتها قررت تعطي لراسها فرصة كلشي تصدم مللي قالوليهم لخبار لطن فرحو ليهم جتى هما عاناو من فقدان اول حب فحياتهم ومختار داز من تجربة فاشلة ... كانت جدة جيداء جات للمغرب وبزز باش قبلت تستقر عاد يارينا وتوفيق ...... دابا عام داز والمفاجأة للي وقعت فاخر شهر فهاد العام 😅 اليكساندرا حاملة كانت فرحة بالنسبة ليها كانت ديما كتتمنى ايكون عندها ولد او بنت المهم شيحد اقولها ماما وربي حقق ليها مرادها ربي عمرو اخيبك فقط دعي وطلبو وربي احقق ليك كل مكتمنى غير تسنا حيت كل حاجة كتشي فوقتها .... دابا هي حاملة فشهرها الثاني اما كريمة فولدت هادي سبع شهور باش ولدت بنيتة فنيونة سماتها لَماَ 😍😍 ونزيدو عند الفتيات ميساء حاملة فشهرها الرابع عندها ولد ومقررة تسميه سعد ، سليمة ولدات دابا 15 يوم بنيتة سماتها وفاء ، احلام حاملة فشهرها الاخير ، سلوى باقي مأجلة موضوع الحمل ، طبعا رائد و كريم فععمرهم عام بالنسبة لمريم تخطبت ل واحد المحامي تعرفت عليخ غير بالصدفة وعجباتو وجا طلبها من عائلتها وهي وافقت .... نهيلة كتوحم حتى هي 🙈 عندنا عراضات بزاف من هنا للقدام ارا متشريو فالكادوات 😋......اممم ياسين وياسمين عندهم عام وسبعشهور كيجريو وايغوتو ونوضو الشيب فجيداء بالمدابزة مع هيثم للي فعمرو عام وتسع شهور كينتعاندو وكيغيرو .......
ليوم كانو دايرين باش اتعشاو جميع جاو الرجال من الخدمة وطلعو ارتاحو بيما جاو لوخرين جيداء كانت فبيتها تاتبدل الكوشة لولادها حتى دخل جود
جود:: السلام (باسها)
جيداء:: السلام حبيبي جابك الله شد عليا ولدك ماخلانييش نلبسها
جيداء(سالات وحطات ياسمين فالارض) والو غير تعصبت معاهم كنبدل لواحد تي جي انقز لاخر اعنكشو صطاوني
جود:: صبري حبيبة راهم باقين صغار
جيداء:: هانا صابرا قلت شيحاجة ياااه اووف (ناضت دخلت لطواليط)
جود:: (مع ولدو) شفتي اشدرتي كعيتي ماما
ياسين:: ماما 😋
جود:: اييه ماما اجي حدا ختك جلس ولعبو بليجوي انا جاي .... حطو ومشا بدل اما جيداء فكانت دخلت وبدات تبرد فراسها
جيداء:: اوووف عادي بردي جيداء مخصش تعصبي خصك تفرحي باش تخرجي تقوليلو انا حاملة بردي بردي اوووف ناري على عصاب ولاو فيا وغير منوضاها معرت كيفاش تاصابر عليا 🙄 بفففف........ ☺ كانت جيداء ليوم مشات لعند طبيبة وعرفت بحملها فرحت بزاف حيت جود ديما جابد عليها الموضوع وكتقولو واخا واخا .... سالا جود لبسو وجلس حتى خرجت جيداء جرها عندو بركت حداه ايدو محاوطا خصرها و ايد فدقنها
جود:: حبيبة ديالي ولا مزاجك كيتغير داغي
جيداء:: اه
جود:: (باسها ) اممم توحشتك
جيداء:: تانا حبيبي (كتبوس فعنقو وهو مغمض عينو حتى قربت باست ودنو بورشاتو ونطقت بصوت خافت) انا حاملة
جود:: 😳 (بعد وشاف فيها) شنو
جيداء:: (هزت ايدها وحطاتها فكرشها) حاملة حبيبي غيجينا ولد تالت
جود:: ههههه لا لا واللهما تيقت لكن وقتاش حبستي الدوا
جيداء:: مدة وكنتسنا غير وقتاش نحمل
جود:: ههه (عنقها) الله شحال فرحتيني
جيداء:: شوف ولادك حالين فينا فمهم
جود:: هههه اجيو عند بابا اجيو (هزهم جلس كل واحد فوق رجل) دابا نتوما غيتزاد عليكم فنكوش اخر غتوليو تلاتة (كيضحكو ) ههه تايتزاد ونشوفو واش غتضحكو
جيداء:: وايييه غير بجوج ومنوضين فوضى
جود:: ايكون خير المهم تكوني انت بيخير وتفكي على خير
جيداء:: ان شاء الله ......... هزو ولادهم وهبطو لقاو لوخرين جاو زفو ليهم الخبار وفرحو معاهم تجمعو تعشاو
عتيقة:: الحمد لله ربي طول فعمري حتى نشوفكم هكا مجموعين وفرحانين الله اكمل ليكم اولادي كولكم بالخير وللي حاملة الله افكها على خير وان شاء الله اترباو فعزكم ............
تزوجت غريب الجزء العاشر والأخير
محتوى القصة
التنقل بين الأجزاء