سارة كتمات الصرخة ديالها رغم انها كتحس بالم كبير مايصبر عليه حتى واحد فاكيد راه صباعها لي طرطقو اما علي شدها من شعرها او لاحها فالارض هاد بدأت كتبكي
سارة: اهئ اهئ نتا مريض اهئ اهئ الله ياخد فييك الحق
علي: دموعك غالية اسارة ولا نقول تيريزا
سارة:(حلات عينيها بصدمة او ضارت عندو ) شششنو
علي:(هزها بقجة) شنوووو كيييصحاااابك مااااغاااادي نعرف حتىىىى حاجاااا هااا اللعبة ديالكم تكتاشفات نتي او نيار
سارة:(كضرب فيديه باش اطلقها ) طللقني اهئ اهئ
علي:(كان كيهزها قدامو حتى رجليها مابقاوش كيقيسو الارض منين شافها كتفركل او تزنكاات نفضها او جمع معاها بتصرفيقة ) درررتييييي هااااد لعبة كااااملها باش تاااخدي لفلووووس يااااك تافقتيييي نتي او نيار مور ظهري القحبة
سارة:(بقات كتبكي بهستيرية ماحيلتها لصبعانها لي كيضروها او شادة فيهم ماحيلتها لعنقها او تصرفيقة ) اش كنقووول اعلي اهئ اهئ
علي: انااااا عرفت كووووولشييييي نتي تيريييزا يااااك او درتي هادشي على لفلوس خنتيني مع صاحبي بدم بااااارد (بقا كيضور عليها او كيغوت) انااااا ماااااشي شغليييي فييييك نعسي حتى مع الف وااااااحد عاااارفك مسخة او ماتسوايش ليييي بقا فيااااا هو صاااااحبي لي درت فيه ثقة او غدرني
علي:(نزل عليها بتصرفيقة حتى ترش دم من نيفها) او ككتقووولييييها وجهك حمر سكتييييي
سارة:(طاحت فالارض كتشوف فيه بعينين دامعين ) انا كنبغيه لنيار او مندمتش على هادشي لي درت اهئ اهئ
….كانت سوسن كتسمع لهادشي كاملو او عرفات بلي خوها ايقتل سارة تسلتات او خرجات بلا مايلاحظ حتى واحد كدير بحال الكلب الغدار خرجات مسرعة او زدحات فشيماء او كملات طريقها متاجهة عند اسمر اما شيماء بقات كتساءل مالها او دخلات للقصر او كلما كتقرب كتسمع صوت الغوات د سارة او علي دخلات او شافت داك المنظر او بقات مصدومة كتشوف فيهم
علي: (شدها من شعرها طلعها عندو) انااااا غاااادي نقتلك او نشرب من دممك تشهدي على روووحك ماكااااين لي يعتقك مني
سارة: ماعنديش مشكل نموت اهئ اهئ (بقات كتشهد )
شيماء تصدمات بغات تعتق صاحبتها ولكن عارفة بلي الى مشات تفك ايخلطهم بجوج او هي ماعندهاش القوة ضورات نمرة د التيليفون لنيار او تخبعات
نيار: الو
شيماء: نياااار اهئ اهئ عتق سارة علي ايقتلها
نيار قطع الخط بلا ميستفسر مشا مسرع للقصر او طريق بعيدة كيطلب الله تكون حبيبتو بخير او كيتوعد ل علي راشد الانتقام الى لحقو
اما عندهم بقا علي كيضربها او يعايرها حتى جرها من شعرها او خرجها لجردة او بقا كيدخلها راسها فلابيسين او يخرجو او هي كتخنق او تبكي عارفة بلي هاديك اللخرة ليها شيماء منين شافت نيار تعطل ماقدراتش تبقا ساكتا مشات عندو كضرب فيه من لور
شيماء: اهئ اهئ عليييي طلق منهاااا
علي:(دفعها حتى طاحت على ظهرها) بعدييييي ماااااشي شغلك
شيماء: غاااادي تقتلها اهئ اهئ راك كتخنق (ناضت او بدأت كتجر سارة من بين يديه أو هو حلف مايطلقها كيطلعلها راس تنفس او يعاود ادخلها راسها فالماء او شيماء كيدفعها او ترجع عندو حتى خرجها او هاد المرة صرفقها او لاحها غير فالجردة او هي فشلانة مشات حداها شيماء كتبكي او تحاول تنوضها ولكن ماقدراتش او نيار تعطل مشا علي جاب ليصانص او وقف سارة بلا هواها او بدا كيفزكها بليصانص ناوي اشعل فيها العافية
شيماء: لا اعلي اهئ اهئ واااااع عتقوووووووو الرووووووح اهئ اهئ
شيماء كتغوت او ماقدراتش تقرب حيت شادها علي فيدها او ليد الاخرى شاد بيها القداحة او شاعلها سارة كتشوف فيه او كتبكي فصمت او تشهد على روحها
….فبلاصة لي فيها اسمر دخلات سوسن عند اسمر فرحانة
سوسن: تهنينا منهم كاااملييين ههههههههه
اسمر:(كيشوف فيها مغوبش ) شنو درتي
سوسن: قلت ل علي الحقيقة كون تشوف كيف ولا بقا كيضرب فسارة عذبها مزيان او باين ايقتلها
اسمر: (ابتاسم جانبيا او تحرك جيهتها ) دابا منين درتي هاد الخدمة مابقا عندك حتى فائدة
سوسن: كيفاش اش كتقصد
اسمر:(حط المسدس على راسها) نتلاقاو فجهنم (بوووم اختارقات الرصاصة راسها او طاحت على طولتها ميتا او غارقة فدمها اييه او سرك نتي لي كتبغي مجرم حركك كيف ما بغا او قتلك منبعد اما هو وجهو عامر بالدم جبد كلينيكس او مسح وجه او عيط لرجالو اغبرو الجثة او رجع للبيت لي مجموع فيها تصاور سارة او هضر بغضب ) دابا انلعبو على الواضح اسارة قريب انتجمعو (دار ابتسامة او نزل على الكاس د الشراب )
...وصل نيار للقصر لقا صقيل حتى واحد ماكاين او بقا كيعيط بصوت رجولي مخلط بالخوف
نيار: تيريييييزااااااا تيريييييزااااااا
سارة: (سمعات صوتو او غوتات باعلى صوتها) نيااااااااار
نيار:(خرج للجردة شافها او شاف علي فيديه قداحة او شيماء كتبكي )
علي:(دار ابتسامة جانبية ) تعطلتي انيار تيريزا اتموت (رما علي القداحة فالارض او العافية متاجهة لسارة لي بقات كتهرب فاتجاه نيار اما هاد الاخير حيد الكوستيم ديالو او بقا كيطفي العافية فيها او هي كتغوت من الخلعة قدر نيار اطفي العافية لي كانت اتحرق سارة ولكن واش اقدر اطفي العافية لي فقلب علي )
نيار:(نيار عنق سارة) نتي بيخيييير (باسها فراسها)
سارة: (ماقادراش تهضر فقط كتبكي اصلا باين كلشي الضرب على وجها او كان ايقتلها دابا شوية اذن اش اتقول )
نيار:(شاف فيه شوفة كتقتل او هضر ببرود او هو متحرك اتجاهو،) كيفاش قدرتي تآذيها او تقرب منها او انا فايتلي حذرتك (غوت بصوت رجولي) هاااااديييييي راااااه رووووووحيييي نقتل على قبلها (وصل عندو عطاه كروشية للوجه او تلاح علييه كيضربو) كديييير القوة دياااالك على بنت الحماااااار هاد ليديييين لي قاااسوووهااااا انااااا نقطعهم الزااامل الشمااتااااا (مازال كيضربو بهستيرية نيار تبدل ولا اكثر رعب او اكثر قساوة علي دفعوو من فوقوو او تلاح عليه كيضربو)
نيار:(بقا مصمم على انه يقتل علي ولكن منين شاف سارة كتبكي او مليوحة على رجليه تراجع هبط المسدس او طلعها عندو عنقها بيد وحدة او شاف ف علي ) لبنت لي كنتي اتقتل ليووووم عتقاااات رووووحك من بين يدي والله كنقسم ليييك برب الكعبة او تقرب منها مرة أخرى انمحيييك من الوجووود
علي: اصلا كلكم ماااتسوااااوش اتندموووو على هادشي كنوااااعدكم
سارة:(غوتات فوجهو) خرررررج ليييينااااا من حياااتنااااا اعلي اهئ اهئ بععععد منااااا عطيييناااا تيقاااااار حمد ربي او شكرو اتخرج من هاد الدار او نتا مازال حي ولكن كنواااعدك والله مانساها ليييك اهئ اهئ الله ياخد فييك الحق
علي: ليام بيناتنا (خرج علي كيعرج او وجهو مضروب اكيد راه كلا ماكلا طبل من عند نيار او حتى نيار كلا حقو من لعصا حتى بقا كيهدن ف سارة لي كانت كتالم او حابسة صوتها )
نيار: (هزها او دخل بيها لدار جلسها فالصالة او كيتفقدها بعينيه فيهم الخوف ) نتي بيخير
سارة:(ماقادراش دوي كتحرك راسها بلا او مخنوقة بالبكا ) اهئ اهئ
شيماء:(جالسة حداها كتواسيها ) خاص تكون حماية فالقصر انا خايفة ارجع ادخل
نيار:(معنق سارة ) الى كان ساخي بروحو او يدخل
سارة كانت كتحس بالم كبير الخوف او ضرب هلكوها عييات بزااف او ولكن بقات كتسكت شوية بشوية حتى نطقات
سارة: علي عرف بعلاقتنا انيار عرف بلي انا تيريزا او بلي خنتو معاك ولكن ماشي هادشي لي خلاه ادير فيا هاكا حيت انا عندو زايد ناقص … لي بقا فيه كيصحابلو درنااا انا وياك هاد لعبة من مور ظهرو او طمعناليه ففلوسو باش اكتبهم ليا اهئ اهئ
نيار: بقالي غير فلووسووو شحاال مكلخ انا راه عندي فلوس تغرقو هو او طاسيلتوو منين كيفكر هادا
سارة: (شافت فيه) هو ماغاديش ابقا ساكت انيار اهئ اهئ
نيار: ماتخافيش كلشي ايتقاد (باسلها جبهتها ) واخا نعرف نقتلو او مانخليهش اقيس شعرة وحدة منك حيت نتي ديالي او اي آذى تعرضتي ليه كانني انا لي تعرضت ليه
شيماء: علي خوا لقصر انا انشوف واش وصل طبيب حيت ماكاين لي يستقبلو
نيار:(عطاها إشارة بعينيه )
مشات شيماء خرجات تلاقات بطبيب يالاه وصل دخلاتو معاها للصالة او جلس جنب سارة كيتفحص صباعها
طبيب: صباعك تگرضو خاص نردهم لبلاصتهم ولكن اتألمي بزاف
سارة:(كتشوف فيه بعينين دامعين او نطقات بصوت مبحوح) غير دير لي عليك انا انصبر
نيار: لا غادي توجعي خلي حتى نمشيو للكلينيك هاد الطريقة اتوجعي بيها
سارة: هو الم واحد منبعد انرتاح غير خليه
طبيب: عندها الحق
نيار:(شد فيد سارة لوخرى او كيشوف فعينيها اما هي غمضات عينيها بشدة او عضات شنايفها او عطات يديها لطبيب)
سارة: بدا
طبيب:(قال بسم الله او شد صبعانها بدا كيردهم ليها لقدام باش ارجع لعضام كيف كانووو اما هي كانت كتغوت لربي لي خلقهاااا لدرجة أن صوتها مشا بكثرة لبكا تجرح ليها لحلق﴿
سارة:(حطات راسها على صدرو او كتبكي بحرقة حتى حسات ان طبيب كيدير ليها فاصمة على يديها باش اتجمعو )
طبيب: كنفضل ماتحيديش ليها فاصمة او منهنا ل سيمانة رجعي عندي نشوف
(هي كانت سخفانة فحضن نيار اما نيار عطا إشارة لطبيب باش امشي بحالو او بقا معاها )
نيار: سارة
سارة:(كانت كدير انين حيت الصوت باش تدوي مابقاش ليها كتحس فمها فيه طعم الدم حيت حلقها تجرح تقطعولها الحبال الصوتية او تبدل ليها صوت هزها نيار بين يديه او دخلها لبيتو داها لدوش نيشان باش ادوشلها من ليصانص حيدلها حوايجها او هي سخفانة او بقا كيدوش ليها غير شوية بشوية لواها بفوطة او خرجها حطها فوق النموسية اوغطاها خلاها ترتاح اما هو خرج او جاب حماية للقصر او رد الخدم جديد للقصر كاملهم كيتحركو بالاوامر ديالو وصا شيماء تبقا معاها هاد الاخيرة كانت معاها فالبيت او تفكيرها كاملو مع قصي كتبكي او كتقول شي مابكاتو حتى هي كتآلم الم اخر كيتقطع قلبها او صابرة خصوصا ان فيها جوج او مابقاتش وحدها )
نيار مشا للخدمة او هو ساخط على الوضعية تفكيرو كامل مع سارة كيصوني لشيماء بين الفينة و الأخرى باش اطمن عليهم حتى دق قصي الباب
قصي:(كان شاحب او مأزم دق على نيار او دخل) ممكن ندخل
نيار: قصي دخل
قصي: جيت نقولك غدا انرجع لروسيا
نيار: علاش اترجع او شيماء؟؟
قصي: ختارت طريقها أو بغات لفراق ماعندي ماندير ليها
نيار: نتوما ماخصكم توصلو لهادشي كاع
قصي: هي لي بغات
نيار: معاياش اتمشي
قصي: غدا فالعشية
نيار: اوكي او تهلا ف الواليدة
قصي: انمشي على قبلها توحشتها بزاف او بغيت نشوفها
نيار: او شوف اخر الاخبار تماك حيت عيسى ماكايقولي حتى حاجا
قصي: باباك ماكايبغيش اشوشك
نيار: كيردني مازال برهوش او هادشي لي كيعصبني كثر
قصي: سلاك
نيار: (تنهد)
قصي: بنتيلي ماشي هو هاداك كاينة شيحاجا
نيار:(عاودلو كولشي او قصي بقا مصدوم)
قصي: واش علي مريييض كيييفاااش قدر ادير حاجا بحال هادي
نيار: كنت انقتلو كون ما سارة
قصي: كيبقات هي
نيار: خليتها ناعسة ولكن نفسيتها مضمرة بزاف
قصي: ولد القحبة خاصو لحبس
نيار: ماتشغلش راسك بهادشي انا انتكلف بيييه
قصي: اكون خير
نيار:(شاف فالسرجم ) انشاء الله
….اما عند علي بقا كيصوق بسرعة خيالية فاتجاه لفيلا حتى وصل او دخل للدار لقا زمرد جالسة فالدروج او حاطة يديها على حناكها طلعات راسها فيه منين شافتو دارت تعابير كتساءل فيهم مالووو حيت وجهو كاملووو مضرووب
علي: نيار او سارة كانو على علاااقة غدروني بجوووج او طعنوني فظهري او هادشي كاملو داروووه باش ياخدو املاكي دارو هاد اللعبة باش نكتب الاملاك ليها
زمرد:(بقات كتشوف في او طلقاتها بواحد الضحكة هيستيرية كتزلزل الفلا او مابغاتش تحبس)
علي: مااالك كضحكيييي
زمرد: هههههههههههه على سلامتك منين عرفتي العلاقة بين سارة او نيار كولشي كان عارف غير نتا يا مسكين مقلوبة عليك القفة هههههههههههه او لي زاد ضحكني الغباء ديالك لي لامثيل له هههههههههه منيتك سارة او نيار دارو هاكا باش ياخدو الاملاك ههههههه راك غالط او بزااااف حيت هوما ماحتاجينش لفلوووسك ابداااا هوما بصح كيبغيو بعضياتهم او نتا عقبة بنسبة ليهم
علي:(بقا كيشوف فيها بطريقة تساؤلية ) باش عرفتي نتي هادشي او شكون قالولك
زمرد:(ناضت فاتجاهو او عينيها باينة منهم الفرحة) حيت انا اعلي لي عاونت سارة باش تاخد املاكك نياااار ماعندو علاقة حتى بحاجة اناااا لي خططت مع سارة او هاكيت ليك البيانات او طلبت منها تخليك ثيق فيها 3 شهووور اعلي هادشي تطلب منا غير 3 شهووور باش نقضيو عليييك داك لعذاب كاملو لي درتيه ليها ف 3 سنيين رداتولك غير ف 3 شهووور ههههههههههه (بقات كضور فرحانة او كضحك )
مشات شيماء لبيتها او بقا نيار مع سارة تكا حداها كيلعب فشعرها او هي بدأت كتفيق شوية بشوية او كتشوف فيه
نيار: كيبقات حبيبتي
سارة:(صوتها مبحوح ) بخير
نيار: (باسها ف شنايفها ) انا معاك ديما
سارة:(تخشات فيه ) كنبغيك
نيار: او انا كنموت عليك
رجعات سارة نعسات فحضن نيار او حتى هو نعس اما شيماء او قصي حتى واحد فيهم ماقدر انعس قصي كيشرب او كيفكر فيها او هي كتبكي او تفكر فيه قلوبهم كتوجع ولكن الكرامة فوق كل شيء
اصبحنا و اصبح الملك لله
هبطات سارة فدروج بمساعدة نيار ليها او جلسات كتفطر او نيار مرة مرة اضحكها او يخليها تنسى حتى هبطات شيماء عندهم كانت لابسة او مقادة
شيماء:(عنقات سارة) كيبقيتي
سارة: انا مزيان
شيماء: صوتك تجرح حاولي على راسك
سارة: ههه دابا نبرا حيت نتوما معايا
نيار:(باس يدها) او انبقاو ديما معاك
سارة:(شافت ف شيماء) اتمشي لشي بلاصة؟
شيماء: وي عندي موعد مع طبيبة (شافت فالساعة) او انمشي دابا يالاه باي
نيار: تهلاي فراسك الشيفور ايوصلك
شيماء: شكرا
خرجات شيماء مبتاسمة فاكيد اتمشي تشوف نوع الجنين او تشوفو فالتلفازة متشوقة بزاف لهاد اللحظة وصلات للكلينيك عند طبيبة اخصائية دارتلها لايكو او بقات كتوريها الجنين او شيماء كتبكي
شيماء: ويينوو شحال صغير
طبيبة: (مبتاسمة) عندك ولد
شيماء:(شافت فيها) ههه بصح (تفكرات قصي شحال تمناتو اكون حداها ولكن الظروف دارتها )
طبيبة:(مسحاتلها كرشها او قالتلها تنوض تلبس حوايجها او تبعها للبيرو او داكشي لي دارت) مدام شيماء نتي فشهرك الرابع
شيماء: اه كملي كاينة شيحاجا
الطبيبة: مدام شيماء….
خرجات شيماء من عند الطبيبة منبعد ماسمعات منها الهضرة لي اتسمع كانت كتشوف فالارض او ديك الخضرة مابغاتش تخرج من دماغها ركبات فالطوموبيل او قالت للشيفور اتاجه للقصر او داكشي لي كان اتاجه الشيفور للقصر و دخلات بسرعة لقات نيار او سارة فالجردة
شيماء: نيار قصي فين كاين
نيار: قصي ايمشي لروسيا
شيماء:(غمضات عينيها بيأس) شيييت
نيار: تقدري تلحقييه الى مشيتي للمطار (شاف ف ساعتو) سربي
شيماء:( ابتاسمات ليه ) او مشات بسرعة
سارة: مالها
نيار: هه توحشات قصي
نرجعو عند شيماء لي طبخات راس الشيفور ب سربي سربي حتى وصلات للمطار او مايمكنش ليها دخل
شيماء: عافاك اسيدي خليني ندخل راه ضروري خاصني ندخل
المسؤول: ميمكنش الآلة راه المطار هادا مايمكنش نخليك دخلي
شيماء: عافاااك خليني ندخل
المسؤول : ميمكنش امدام
شيماء: (غفلاتو او دخلات كتجري او الامن من وراها كيجري كدوز من وسط ناس بالخف حتى وصلات للداخل او بقات كتعيط قصي قصي مشات بسرعة او كتشوف فاللوحة الإلكترونية لقات بلي الطائرة د روسيا مازال مامشات ولكن شدوها الامن من يديها او كتغوت ليهم حطولها لمينوط فيديها حتى زلزلهم واحد صوت)
قصي: طلقوووووهاااا
الامن منين شافوه طلقوها او هي مشات فاتجاهو عينيها دامعين او بقات كتفتف
شيماء: كيصحابني امممشيتي اهئ اهئ (عنقاتو بحرقة او هو مابادلهاش العناق كيشوف فيها بتساءل)
قصي: شنو بغيتي
شيماء: خاصنا نهضرو اقصي اهئ اهئ
قصي: ماعندنا فاش نهضرو اشيماء سيري للدار
شيماء: قصي سمعنييي
قصي عطاها بالظهر ماشي اتجاه الطائرة ديالو حتى وقفاتو الكلمة
قصي:(تعصب) من دييييك ساااعة ماكنتي ناوية تقوليلي حتى حاجااا
شيماء: اهئ اهئ سمحلي انا غلطت ولكن خصك تعرف فالاخير هادا كيبقا ولدك اقصي اهئ اهئ (هبطات راسها )
قصي:(عنقها )
شيماء: عافاك ماتمشيش اقصي اهئ اهئ ماتمشييش
قصي: كاين شيواحد كيبعد على روحو نتي راك روحي كنحمااق عليك او كنبغيك
شيماء: (حطات يديه على كرشها) نرجعو كيف كنا ؟
قصي:(كيتحسس كرشها فكرة انه ايولي اب فرحاتو بزاف نسا كاع المشاكيل او ابتاسم او هزها كيضور بيها) كنحماااااق عليييك او نسيت كولشي
شيماء: كنبغيك
قصي:(باسها ف راسها) انا دابا خاص نمشي لروسيا
شيماء: علاش نتا قلتيلي ماغاديش تخليني
قصي: سمعيني انا انمشي نجيب الواليدة الام د نيار او الاب ديالو باش نجيو نخطبوك رسميا او نديك معايا نديرو لعرس فروسيا
شيماء:(كتشوف فيه بفرح) كدوي بصح
قصي: وي احبيبة
شيماء:(عنقاتو ) طريق السلامة او انا غادي نتسناك باش تجي
قصي:(باسها فحنكها ) غادي نجي احبيبة صبري عليا
مشا قصي اتجاه الطائرة ديالو دارلها باي باي بيدو او قلبو ايطير بالفرحة اما شيماء كانت كتشوف فيه او تبكي مشاعر مختلطة جاتها شنو هاد سر تغيير لي وقع حتى رجعات عندو اشنو مخبية يا شيماء
عند زمرد كانت فالصالة كتلوم راسها على داكشي لي قالت ل علي بقا فيها خصوصا انه مغوتش عليها او متعصبش فقط ماباتش فالدار بقات كضور او ضور حتى دخل بهدوء او سد لباب
علي: (كيشوف فيها) مالك
زمرد:(بقات كتشوف فيه كانه ماواقعة حتى حاجا ) مالك نتا
علي: انا بيخير فالاخير كولشي مزيان (ابتاسم ليها )
زمرد:(تمشات اتجاه ديالو) علي لبارح..
علي:(قاطعها) ماوقع والو ازمرد نستاهل (خلاها واقفة او مشا لبيتو دوش او رجع هبط خرج تحت انظار زمرد مشا عند المحامي باش ارفع قضية على سارة )
….اما فالقصر رجعات شيماء كضحك دخلات عندهم
نيار: اوووه بنادم فرحان اشتما ههه
شيماء: هههه تصالحنا انا او قصي او قلتلو بلي حاملة او ايمشي اجيب ماماك او باباك او ايخطبني رسمي
سارة:(عنقاتها) مبرووووك حبيبتي
نيار: (عنقها حتى هو ) تستاهلي كل خير
شيماء : شكرااا
جات الخدامة
الخدامة: مدام سارة المحامي بغا اشوفك
سارة: (بقات كتشوف ف نيار او مشاو كلهم عند المحامي ) شنو كاين
المحامي: مدام سارة انا جيت بطلب من سي علي لي قرر ارفع عليك قضية على الخيانة الزوجية
سارة: كنت عارفة مغاديش اسكت (شافت فالمحامي ) اوا كمل
المحامي: عندو شرط الى مابغيتيش ارفع عليك دعوة خاص توقعي هاد الاوراق
سارة: ديالاش هادو
المحامي: د الاملاك
سارة:(قطعات لوراك فوجهو) هاااادشي مايمكنش
نيار: سارة تهدني
سارة: كيييفاااش انتهدن
نيار: صافي اسارة وقعي لوراق او خلينا نمشيو منهنا
سارة: لااااااااا ميمكنش هادشي كاملو لي دار فيا علي ماغاديش نتنازل بهاد السهولة ايقول غير غلبني
نيار: الله اهديييك اسارة صافي تنازلي انا انعاونك طلقي منووو
سارة: اناااا اصلا خديت املاكو باش اطلقني واش كيصحابلك ايستسلم بهاد السهولة لا نتا راك غالط (شافت فالمحامي) سير قول ل علي اعلى مافخيلو اركبو الاملاك او ماغاديش نعطيهم ليه نتلاقاو فالمحكمة
سارة: لاااا انيااار ماشي هاكاك الى تنازلت ايقول بلي غير خفت منو
نيار: خليييه رديلو فلوسو خلينا نمشيو منهنا
سارة: لاااا ميمكنش هادشي او الى جينا نشوفو من وجهة نظر اخرى هاد لفلوس من حقي كاع داك العذاب خلصهم علي باملاكو
نيار: وااااش نتي حمقة كترخصي راسك لهاد الدرجة
سارة:(زدحات فيه او طلعات فالدرووج مشات لبيتها او تكات اما نيار بقا كيضور فبلاصتو مافاهم حتى حاجا خايف عليها بزاف او هي ماعارفاش خطورة د هادشي مشا عندها حل لباب بشوية او جلس جنب ديالها)
نيار:تيريزا انا خايف عليك
سارة: مايمكنش نستسلم انيار
نيار: واخا صاف لي عجبك ديريه انا انكلف ليك المحاميين اشدو القضية او يكون خير (باسها ف راسها ) تصبحي على خير
سارة: و انت من اهلو
اصبحنا و اصبح الملك لله
كانت فاقت شيماء هي لولة هبطات لتحت كتفطر حتى شعلات تلفازة يالاه حطات دغمة اولى فلمها او هي تيبس بقات كتشوف فالتلفازة او كترمش عاد ضرباتها الفيقة او بدأت كتعيط لخدامة
نيار:(بقا كيشوف فيها خايف عليها بزاف او عارفها كدير ديك الابتسامة بزز عليها باش ماتخليهومش اتشطنو جبدها عندو او ضمها ليه ) انا معاك ديما احياتي
داز وقت كان كلشي على اعصابو الصحافة كتحاول تلاقا بكل من سارة او علي باش ياخدو تصريحات ديالهم او نيار هو او شيماء خايفين بزاف عليها اما هي واعدات راسها تكون قوية بحال عمرها ماكانت واعدات نفسها انها ماتحنيش راسها او اتقاتل لاخر رمق فيها ناضت لبسات حوايج عبارة كسوة قصيرة بالاسود مع ليبا او ماكياج خفيف طلقات شعرها او دارت نظاظر هبطات لتحت لقات شيماء لابسة حوايجها او كتسنى فيها
شيماء : بلا ماتشوفي فيا هاكداك انا انمشي معاك
سارة: (عنقاتها ) انا محتاجاك بزاف
نيار: حتى انا انمشي
سارة: لا انيار ماخصكش تمشي انا مابغيتش نقحمك فهادشي خصوصا ملي عرفنا ان علي ماجبدش سميتك
خرجو ابطالنا من القصر متاجهين للمحكمة غير قربو اوصلو كيبانو ليهم الصحافة مجمعة على الطوموبيل كاميرات كيصورو او لفلاش ديالهم كيعمي او سارة كتهز رجليها بتوتر حتى شدهالها نيار
نيار: تهدني كولشي ايدوز بيخير
شيماء:(شافت فيها ) يالاه نهبطو
هبطو ابطالنا من من الطوموبيل الصحافة تجمعات عليهم الأسئلة كتشاير من كل مكان او ليكاردكور كيحاولو ابعدوهم دخلو بثلاثة بيهم للمحكمة لقاو علي واقف قدام الباب معاه محامية كاملهم كيتصافطو شوفات بحال لقرطاس دخلو لعند القاضي منبعد ماعيطلهم كاملين شدو بلايصهم او دخلات الصحافة من بعد ماخلصات لفلوس باش تصور هاد الحدث اما سارة كانت كتهضر مع المحاميين ديالها او قالولها الى داز كلشي هو هاداك غادي اتطلق الحكم هاد النهار بقاو شحال كيهضرو حتى حضر القاضي او كلشي وقف حتى عطاهم الأذن باش اجلسو او بدا كيعيط ل علي او المحامية ديالو
المحامية: سيدي القاضي موكلي رفع قضية على الزوجة ديالو منبعد ماتعرف انها خانتو (عطاتو واحد الملف ) او هادو جميع الدلائل موجودة باش مادام سارة ماتنكرش هادشي
سارة تزيرات بقات غير كتشوف فيها او ضارت شافت نيار او شيماء طمنوها بعينيهم او رجعات تقادات فالجلسة
القاضي: سيد علي عندك ماضيف
علي: نعم سيدي القاضي انا تعرضت للخيانة من طرف الزوجة ديالي او هادشي اكيد كيخدش السمعة ديالي او كيخليني نغطي وجهي قدام الناس او ماشي غير هادشي هي ايضا شاركات فالنصب او الاحتيال عليا او خلاتني نعطيها جميع املاكي غدراتني او طعنات الرباط المقدس لي كيجمعنا الا وهو الزواج او انا كنطالب من سعادتكم انكم تاخدو الحكم المناسب فجيهتها شكرا سيدي القاضي (جلس )
المحامي :(المحامي د سارة) اعارض سيدي الرئيس
القاضي:(شاف ف المحاميين د سارة) عندكم ماتقولو
المحامي : سيدي الرئيس السيد علي اخنوش كان هو اكثر واحد كيطعن فالرباط المقدس كيما نعتو فالخيانات المتوالية لي كان كيقدمها لسارة الزوجة ديالو تعدات الحدود او ايضا كان كيضربها او يعذبها نفسيا او جسديا
المحامية:(دعلي) عندك شي دليل على الخيانة د السيد علي لمراتو
المحامي:(تزير ) لا
القاضي : اذن اعتراضك مرفوض (شاف فالمحامية) تفضلي
المحامية: (مشات عند سارة) مدام اخنوش نتي كتوافقينا الرأي كاملين بلي خنتي زوج ديالك او ايضا كنتي على علاقة مع غيرو او يمكن رجال بزاااف مارستي معاهم علاقة اعتارفي او خلينا نسدو هاد القضية حيت كلشي باين او الأدلة موجودة اذن ماعندك فين تهربي
سارة كانت مزنكة او تزيرات بقات مهبطة راسها او كتلعب فصبعانها او كتعض شنايفها تلفات ليها لهضرة قلبها كيضرب فالتسعين او نيار كيشوف فيها
نيار:(بينو او بين نفسو) يالاااه اسارة يالاه دافعي على راسك قولي شيحاجا نتي قوية
سارة:(كانت كتسمع لقلبها تفكرات يوم قالها نيار بلي انا معاك فكل دقيقة أو خصها تكون قوية على قبلو)
المحامية: مادام الى ماكنتيش اتهضري غادي نعتابرو السكوت ديالك علامة الرضى
المحامي: اعارض سيدي القاضي المحامية كضغط على الموكلة ديالي
المحامية: هادشي راه فاطار الخدمة اسي المحامي او الموكلة ديالك خصها تهضر
كان الجو ساكت او علي كيشوف ف سارة كوحدة مغلوب على امرها حس بالنصر او قال مابقا قد مافات او اياخد كلشي منها
المحامية: (شافت فالقاضي ) سيدي القاضي مدام اخنوش مابغاتش تدوي او كنظن اننا نتاخدو الإجراءات اللازمة
سارة:(نطقات بصوت حاد او طلعات راسها فيهم ) انا مكنسى حتى وحدة من العاهرات لي كيجيب علي للدار او نتي احضرة المحامية وحدة منهم صورتك مازال فدماغي اذن بلا ماتحاولي تبيني العفة فهاد الاثناء
المحامية:(ضارت عندها ) مكنهضروش عليا دابا …
سارة: (طلعات يدها كتسكتها) ماتقااااطعينيييش منين نكون كندوي حيت من صباح او نتي طابخة ليا راسي اوا خليني نتكلم (شافت فالقاضي ) اولا اسيدي القاضي
القاضي: تكلمي
سارة:(شافت فالمحاميين واحد واحد) سيد علامي نتا ديجا كنتي خنتي مراتك او رفعات عليك دعوة ولكن منبعد تضمسات القضية حيت يدك ثقيلة فهاد الميدان او قدرتي تسكتها (شافت ف محامي اخر ) او نتا اسي رجاوي كانو لبوليس حصلوك فاحد الاماكن المشبوهة كتخون مراتك ولكن ماقدر حتى شيواحد ادوي معاك حيت بكل بساطة مايقدروش (ضحكات منين شافت الالوان ديالهم كيتبدلو او دوات بصوت مرتافع ) سيدي القااااضي هادو كاع لي كتشوف هنا او ماشي بعيد حتى نتا تكون واحد منهم خنتو عيالاتكم دوك المسكينات ليكانو كيحاولو اديرو اي حاجا باش نتوما تفرحو كنتو كتخونوهم بدم بااارد او مامسوقينش او انا ايضا ضحية معاهم حيت ثلاث سنوات هادي او انا عايشة فجو الخيانة او المشكلة هاد الوضع ماكانش كيتمارس من مور ظهري لا لا لا كان كيتمارس قدام وجهي فاش علي اخنوووش كان كيجيبلي العاهرات للدار او كينعس معاهم او الاكثر من هادشي كان كيضربني او يعذبني او انا كنبقا ساكتا او حانية راسي حيت ماعندي حتى حل اخر عائلتي لي كانت ممكن تكون السند ديالي لاحتني ليه او نقولو لاحتني فهاد الزواج الفاشل 3 سنيين او انا صابرة على كلشي (دموع تحجرو ليها فعينيها ) سيدي القاضي انا خنتووو او ماندمانااااش حيت على الاقل لقيت راجل يبغيني او طلع راجل معايا بكل معنى الكلمة انا خنت راجلي او كنقولها او نعاودها انا خنتو بدم بارد او فرحانة لهادشي انا تيريزا لي مافكرات لا فعادات لا فتقاليد او انصاعت امام الشهوات ديالها او الحب ديالها لي كان قوي انا تيريزا لي اللعوب لي قدرات تخلي راجلها اثيق فيها او يكتبلها الاملاك ديالووو … قصتي ابدا مكانتش كتشجع على الخيانة او مكتعطيش صورة حقيرة على المرأة باش كل وحدة تنوض تخون راجلها ولكن قصتي هي عبرة لكل وحدة فالموقف ديالي فالعالم كاين أزيد من 10000 امرأة كتعرض الضرب او الخيانة من طرف راجلها او الى سمعنا شي مرة أن المرأة هي لي خانت راجلها كنتعجبو او نلحقو ليها العار او الفضيحة علااااش المجتمع ديالنا نمطي كينساق ديما من جيهت الراجل علاش المجتمع الشرقي كيقدس الراجل كانه هو الألهة او علاش المرأة هي لي خصها تصبر او تحني راسهاااا سيدي القاضي انا كنلوم قانون كينصف الراجل عن المرأة كنكره القمع او الظلم او الحرمان لي كتعاني منو المرأة كنكره هادشي كاملو او ايضا كنكره العائلات لي كيلوحو بناتهم بلا مايعرفو فين حاطينهم لذلك من هاد المنبر كنتوجه لكاع العائلات يقولي ليهم تهلاو فبناتكم او عرفو فين كتحطوهم حيت فورما كيتسد عليها الباب هي او راجلها حتى واحد مكيعرف شنو كيضور بيناتهم من غيرها هي (سكتات من بعد ماكانو الدموع كيطيحو من عينيها او شافت ف علي ) كتدوي على الرباط المقدس لي كان كيجمعنا الا وهو الزواج ؟؟؟ فيين عمرك نتا اصلا احتارمتي زواجنا فين عمرك احتارمتيني ولا قدرتيني لو كان فيك الخير ولو غير شوي عمرني كنت نخونك ولا نشوف واحد اخر من غيرك ولكن ماتستاهلش او انا ماغاديش نصبر ليك حيت لبنت لي عذبتي او خنتي او كرهتيها فحياتها ليوووم واقفة قدام هاو كاملين او كتهضر بصوت مرتاااافع اه خنتك اسي علي اخنوووش خنتك منبعد مارفضتي طلقني انا خنتك ولكن دعيتك لله هو لي اياخد حقي من يديك (رجعات شافت فالقاضي ) انا دويت بزاف اسي القاضي ولكن ثق بيا هادشي لي قلتلو كاملووو كان بلساني ولكن هو بقلب جميع المعنفات او المقهورات فمجتمعنا الشرقي …او داابا منين ساليت لهضرة بغيت نوريك شريط فيديو كيلخص معاناتي ف 3 سنيين هاد اليوسبي فيها جميع خيانات علي ليا او الضرب لي كان كيعطيني كنت كنتسنى الفرصة المناسبة باش اتفضح كولشي
(خدا المحامي منها اليوسبي او الصحافة صورات كاع الهضرة لي قالت شيماء او نيار كيسمعو ليها او ابتاسمو حيت قدرات دافع على راسها او ايضا شخص آخر كان كيتفرج فيها فالتلفازة او كيبكي او لي هي زمرد فرحات بزااف ليها او كطلب من ربي اشوف من حالها .. تعرض الفيديو قدام القاضي او علي غمض عينيه بأسى او المحامية سكتات )
القاضي: الحكم منهنا ل ساعة (ضرب فالمطرقة او كولشي خرج او نيار عنق سارة بشدة)
نيار: هادي هي القوية ديالي
شيماء : انشاء الله اكون خير
سارة: انشاء الله ...
لا فرق بين خيانتي و خيانتك …
الا باسلوب التنفيذ ...
….دازت ديك ساعة بلكشايف على ابطالنا دخلو مرة أخرى لعند القاضي لي دخل او هوما وقفو باش اسمعو الحكم ديالو
القاضي: بعد استماعنا لكلا الطرفين و رؤيتنا للادلة الكافية حكمت المحكمة على اسقاط التهمة على سارة اخنوش ولكن بتأديتها فدية قدرها 5 مليون درهم وايضا تعويضها من طرف زوجها على السنوات الثلاث الماضية التي عاشت فيها التعذيب و ايضا ان كل النقود التي كتبت لها من طرف زوجها ستبقى حقا لها و ليس من حق زوجها المطالبة بها و اذا تم التعرض لها من طرفه و تمت مهاجمتها سنلحق اشد العقاب ب علي اخنوش رفعت الجلسة طق طق طق
هاد الهضرة كاملها فرحات قلب سارة اما علي بقا مصدوم تماك كان اينفاجر مشا نيار كيجري عند سارة عنقها قاعة د المحكمة خوات بقاو غير الصحفيين و الامن او علي بقا كيتعصب بوحدووو او مشا فاتجاههم
علي : نتاااا مامنحقكش تدوي حييت كنتي صاحبي او خويا او غدرتيني عمرني نساها ليييك انيااار
سارة: اعلى مافخيلك ركبو دابا اعلي (شدات نيار من يديه او جراتو لبرا او شيماء تابعاهم من لور فرحانة خرجو ابطالنا من المحكمة او كاع الصحفيين كيباركو ليها هضرتهم اثرات فيهم مشاو ابطالنا احتافلو فشي بلاصة بالنصر د سارة كانو كياكلو او يضحكو حتى جاها اتصال ل سارة )
سارة: الو
زمرد:(كتبكي) سارة اهى اهئ
سارة: زمرد زمرد فينك نتي
زمرد:(مسحات دموعها ) ماشي مهم اسارة انا فرحانة ليك مبروووك الانتصار ديالك فرحت ليك بزااف كوني ديما قوية
سارة: زمرد قلبي مامطمنش علييك فينك
زمرد: نساي اسارة قريب انتلاقاو انشاء الله تهلاي فراسك او عيشي حياتك دابا
سارة: كنتمنى تكوني بيخير اختي
زمرد: تهلاي (قطعات زمرد او ردات تيليفون للخدامة منبعد مارغباتها او واعداتها ان هاد الامر ابقا سر بيناتهم مابغات تقول لسارة حتى حاجا حيت مابغاتش تجبد المشاكل ليها عاوتاني يكفي داكشي لي عاشت خاصها تنسا الماضي او تكمل حياتها اما زمرد هادي الحرب ديالها او خصها تواجهها بوحدها …)
منين قطعات زمرد بداو الاتصالات كيجيو لسارة من جمعيات حقوق المرأة و جمعيات ضد العنف ولات سارة قدوة للمرأة المعنفة او لي كتعاني من الخيانة دارت شهرة واسعة كلشي دعمها او كلشي تبنى القضية ديالها اما هي مع نيار فرحانة او كتحتافل كابوس او تهنات منو
...فروسيا كان قصي فدار مع عبير او عيسى كيشربو قهوة او كيتذكرو الايام الماضية او الذكريات لي عمرها تنسى حتى تشجع قصي او دخل معاهم فالموضوع
قصي: خالتي عبير بغيت نطلب منك واحد الطلب إلى جات على خاطرك
عبير : الله اسمعنا خبار الخير
قصي:(متوتر او كيلعب فصبعانو) انا بصراحة كنبغي واحد البنت او بغيت نخطبها او الى جات على خاطركم نتي او سي عيسى تجيو معايا للمغرب نخطبوها
عبير:(وسعات عينيها بفرحة ) هااادااا نهااار كبييير اقصي بالفرحات عليا نخطب لييك هه الله اكمل كولشي مبارك او مسعود
قصي:امين نتوما لي عندي داكشي علاش طلبتها منكم
عبير: ششت ماتقولش هاكا نتا راك ولدي او بطبيعة الحال فرحتيني منين بغيتي تعطيني هاد الشرف لكبير
عيسى: الله اكمل كولشي مبارك او مسعود او حنا اولدي غدا انمشيو للمغرب او نخطبوها ليك
قصي: انشاء الله هه انمشي نوجد لافاليز ديالي
عبير:(عيطات للخدامات اوجدو ليها لافاليز او تاصلات باشخاص فالمغرب باش اوجدو ليها دفوع لي ايجيبو لشيماء او هي ماقاداها فرحة كتقول غير فوقاش تمشي للمغرب )
….فالقصر
شيماء: حلف بالله الى غدا جايين
قصي: والله حتى جايين غدا غير وجدي راسك
شيماء:(كتنقز بالفرحة) يااااي فرحتيني ههههه
قصي: باراكا من تنقاز عنداك ولدي توقعلو شيحاجا
شيماء: هههه ولدك بيخير ماتخافش عليه
قصي: كتهلاي فيه ياك
شيماء: وي بزااف
قصي: حبيبة انا غدا انجي او نخطبك او نديك معايا مابقا قد مافات
شيماء: انشاء الله كنبغيييك
قصي: كنحماق عليك
شيماء: يالاه باي دابا (قطعات شيماء الخط او مشات لبيت سارة كتجري بالفرحة خرجاتها او قالت للخدامة تعيط لنيار او هبطو للصالة)
نيار: اش وااقع
شيماء:(كضور فرحانة) غدا قصي ايجي يخطبني قالي وجدي راسك او وجدي الدار ههههه
سارة:(عنقاتها ) مبرووووك احبيييبة الله اكمل كولشي مبارك او مسعود
نيار:(عنقها ) تستاهلي كل خير مبرووك
سارة: (عيطات للخدامات ) شوفووو بغيييتكم غدا ديرو كاع الشهيوات او توجدو لقصر مزيااان او تقادوه بغيت انا غدا هاد لقصر ارجع جنة راه الفرحة جاياناا ههه
نيار:(جلس فوق الطبلة او جر سارة عندو ) شنو بغات تشري حبيبتي
سارة:اممم بغيت نشري حوايج
نيار:(خنزر فيها) لحوايج ديال شبر او نص
سارة:(ضحكات ) لا هههه انشريو قفاطن او تكاشط او غوب سواري او نجيبو الكوافورة
نيار: صااافي غير هادشي
سارة:او شوميز دونوي (غمزاتو)
نيار: هاححح اناكلك شي نهار نتي
(هبطات شيماء)
شيماء:هاني جيت
سارة: يالاه نخرجوو ههه
خرجو لبنات فليل معاهم ليكاردكور دازو على محلات كيبيعو داكشي تقليدي خداو كولشي او رجعو عند لكوافورة دارو معاها غدا صباح تجي عندهم او عطاوها العنوان او دازو لمحلات العصرية خداو حوايج كلاس او ايضا غوب صواري او ليشوميز دونوي او رجعو للقصر مع 12 د ليل او طول هاد المدة نيار كيهضر مع سارة او كيعرف اخر الاخبار عليهم حتى دخلو للقصر مسخسخين
شيماء: فيا لمووت د نعاس
سارة: سيري احبيبة دوشي او رتاحي غدا راه نهارك
شيماء:(عنقاتها) تصبحي على خير
نيار:(هبط مع دروج مسح على راس شيماء او هي طلعات ) واخيرا جيتو
سارة: وي عيينا ياه شحال شرينا
نيار:(شاف فيها شوفاتو المزمولين) شريتي داكشي لي قلتيلي
سارة: اه
نيار: سيري لبسي او اجي عندي للبيت (باسها فخدها او طلع لبيتواما سارة مشات دوشات او دهنات بشي كريمات او لبسات شوميز دونوي فالحمر او مشات عندو دقات فالبيت اما هو كان غير غادي جاي كيتسناها فوقاش تجي عندو ايطرطق غير دقات حل لباب بجهد او شافها من لتحت لفوق حمقاااتو جرها عندو سد الباب او لصقها معاه )
نيار: علاش نتي زوينة بزاف
سارة: حيت كنبغيك ههه
نيار: (باسها فعنقها او همسلها) ليلتنا باينة اتكون طويلة
سارة: لا انيار نتا كتسخسخني او غدا عندما مناسبة(نعم ياختشي او لاش جايا عندو من الاساس )
نيار: انا نفيق حبيبتي (هزها عندو او دخلو فقبلة طويلة على ضوء خافت كيميل للظلام او عاشو ليلة رومانسية بكل المقاييس )
عند علي كان ساد عليه يوماين هادي معصب ماكاياكل ماكايشرب فقط كيكمي او يرجع انعس يوماين بدلوهكليا اما زمرد كتشوفو فديك الحالة او الكبرياء ديالها ماخلاهاش تمشي عندو حتى استسلمات او قررات تمشي عندو تشوفو
زمرد:(دخلات بلا مادق فالباب) علي يوماين هادي ماكليتي خصك تاكل
علي : خرجي عليا
زمرد: شوف انا ماشي شغلي فيك ولكن على قبل صحتك باش متمرضش
علي: اصلا هادشي لي بغيتو كاملين نتوما باغيين تقتلوني
زمرد:(جلسات فالكرسي مقابلة معاه ) علي سمع نقوليك سارة من حقها داكشي كاملو لي كان عندك حيت داكشي لي دوزتي عليها ماشي قليل
علي: دابا كتقوليلي خصني ندوق من نفس الكاس ياك
زمرد: اه خاصك تحس بهادشي كاملو
علي: زمرد عفاك خرجي عليا مابغيت نسمع حتى حاجا
زمرد: (ناضت مشات حتى لباب او ضارت عندو) ياريت اعلي كون قدرت نخرج من حياتك فمرة (حلات الباب او خرجات )
اصبحنا واصبح الملك لله
...الورد فكل بلاصة فالقصر دنيا عامرة بالخدم كل واحد او باش مكلف القصر رجع منتهى الروعه زينوه بالورد من برا او الداخل جابو فرقة الاستقبال لابسين لبسة وحدة او الطباخة وجدو افضل المأكولات القصر تفرش باجود السجادات و بعض التماثيل من الطراز الروماني مع موسيقى أندلسية و بخور منتاشر فجميع الارجاء ...نمشيو لبيت شيماء لي كانو الكوافورات ضايرين بيها هي او سارة دخلوهم للحمام داروليهم مساج و صبا خرجوهم كيشعلو و برضو ليهم ظفارهم او غسلولهم شعرهم بليبرودوي رجعلهم حرير منين صايبوه و ايضا دارولهم ميكياج رائع بين الجمال ديالهم و اخيرا لبسو ليهم قفاطن ...شيماء لبسات قفطان جوهرة فالابيض مع المضمة د الذهب او طالون او مجوهرات رائعة جات كتحمق اما سارة لبسات قفطان وزير عليها عزل المفاتن ديالها او طالون عالي جات لوز ...اما نيار كان فبيتو لبس جبادور منبعد ماعيات فيه سارة او مابغاش اخصرلها الخاطر رش ريحتو المعتادة صافاج او لبلغة او هبط للتحت كيشوف التحضيرات لي كانو غاية فالروعة حتى سمع صوت من وراه
سارة: نيار
نيار:(ضار عندها او عينيه تحلو من الجمال ديالها ) مشاء الله جيتي كتحمقي(قرب عندها او باسليها يدها)
سارة: حتى نتا جيتي زوين بزاف
نيار:(عنقها ) ههه اخليك ليا
سارة: (شافت فالقصر)لقصر رجع واعر
نيار: اكيييد راه حبيبتي هي لي شرفات عليه
جا لكاردكور
لكاردكور: سي نيار وصلات هيليكوبتر او اتحط فالجردة د القصر
خرجو ابطالنا من لقصر او كيشوفو فالسماء لهيليكوبتر اتوقف فالجردة دارت ريح بزاف لدرجة أن سارة غطات وجها فكتف نيار بقات كتهبط شوية بشوية حتى هبطات فمرة او وقفات على الارضية او بدأت الفرفارة كتوقف حتى مابقاش ريح حيدات سارة وجهها كتشوف او كيتسناو بجوج حتى هبط قصي من لهيليكوبتر فكامل اناقتو لابس كوستيم فالازرق او سروالو هبط بديك الابتسامة الواسعة او بقا غادي فاتجاههم حتى وصل عندهم عنق نيار بحرارة او سلم على سارة غير بليد منبعد ماقالو ماتعنقهاش احححح لغيرة هههه
قصي: واااو هادشي زوين بزاااف
نيار: خصك تشكر سارة هي لي دارت هاد التحضيرات كاملين
قصي: (شاف ف سارة) شكرا بزاااف
سارة: لا متشكرنيش نتا او شيماء خوتي او لقيت شيحاجا نديرها كثر من هاكا منقصرش
نيار:(شاف جيهت الهيليكوبتير امرأة هابطة بكل اناقتها لابسة سروال كحل او قميجة بيضة او شعرها البني او وجها لي فيه القليل من التجاعيد عينيها بحال عينيه نفس النظرة نفس العيون البنية بقات كتشوف فيه او هي كتحرك ببطئ الدموع كينهامرو او الابتسامة فوجهها اما نيار بقا غير حال فمو او عينيه عمرو بالدموع توحشها بزاااف بزاااف او كان كيتسنى هاد اللحظة بفارغ الصبر غوت باعلى صوتو او مشا كيجري عندها عنقها او كيقبل راسها بشوق فواحد اللحظة هبط عند رجليها او هي كتحاول تنوضو او كتبكي ) توحشتك الحنينة
عبير:اهئ اهنئ ولدي نيار (هبطات للمستوى ديالو او تحنات على ركابيها كتعنق فيه او تبوسو )
سارةكانت بعيدة او دموعها على خدها فرحات بزاف حيت شافت نيار فرحان اول مرة تشوف دموعو اول مرة تشوفو هاكا ضعيف قدام الام ديالو بقات كتشوف فيهم اما نيار ناض هو و الام ديالو او جا عيسى حداهم
عيسى: ولدي
نيار:(عنقو) لباس عليك
عيسى: حمد لله او نتا
نيار: حتى انا حمد لله يالاه ندخلو
كانت دخلات سارة هي لولة بلا ماتسلم على واليديه طلبات من الخدامة اجيبو لحليب او تمر او ماء الزهر منبعد ماعمروه فالمريشات او تعرضو ليهم فالباب عطاوهم الصواب او دخلو بالزغاريت او تعشاق على النبي دخلوهم لصالون او تاصلات عبير باش اجيبولها داكشي علاش وصات ماهي الى دقائق جاو رجال لونهم اسود لابسين جلالب بيضين او طرابش حومر هازين طيافر عامرين بدهاز لعروسة ها لحوايج ها لكمامس دالحناء ها القفاطن او التكاشط او سوتيانات او ليشوميز دونوي جابولها ربعة ربعة من الحاجة كبرو بيها
نيار: واخا (عيط للخدامة او قالها تاخد عبير تبدل حوايجها اما هو جر قصي او الوليد ديالو لبيتو باش اعطيهم جابادور البسوه او داكشي ليكان لبسات عبير تكشيطة فاللخضر الملكي او ضارو بيها لكوافورات قادولها شعرها او ماكياج او خرجات كتحمق نحلف عليها يالاه عندها 20 عام ماشي 55 عام. ههه اما سي العريس لبسلو نيار جابادور فالابيض جا كيحمق اما عيسى لبس جبادور فالازرق مطرزة بالابيض داكشي ناضي اوا او خرجو كاملين للصالة شوية هبطات شيماء لفوال على وجها او تاج مزين راسها هابطة بحال الأميرة او النكافات هبطوها بالتعشاق على النبي. او الزغاريت او هي حشمانة اما قصي ناض مبهوط قلبو كيضرب حمقاااتووو بقا ساهي فيها حتى وصلات عندهم او جلسات حدا قصي
عبير: تبارك الله ماشاء الله على عروست ولدي
عيسى: قصي حيد ليها لفوال نشوفوها ههه
قصي: بسم الله (حيد ليها لفوال او طلع ليها راسها بصباعو شوية بشوية حتى شافت فيه او دموع فعينيها او باسها فراسها ) جيتي فنة مشاء الله
شيماء: (هبطات راسها كضحك)
عبير: ولدي ختار او عرف اش اختار هههه
عيسى: تبارك الله عليكم او الله اكمل كولشي مبارك او مسعود
عبير: هههه الله اخليكم ليا كاملين (لمحات سارة بعيدة كتشوف فيهم او حاطة راسها على الباب او عينيها عمرو بالدموع د الفرحة بقات كتشوف فيها ) نيار شكون هاديك زعيروشة
نيار:(ضور راسو كيشوف ف سارة ) سارة قربي
عبير: اجي ابنتي دخلي
سارة:(كانت حشمانة او مزنكة دخلات بخطوات بطيئة او راسها فالارض او كل الاعين عليها حتى وصلات عندهم سلمات على عبير او باستخدام ليها يدها او على عيسى و كذلك باست ليه يدو او رجعات لور بغات تمشي او شدها نيار فيدها
شيماء:(دارت القوة فراسها او شافت ف قصي) انا موافقة
قصي:(شاف فيها كيضحك او ماقداتو فرحة) حتى انا موافق
نيار: اوا دابا الله اكمل كولشي مبارك او مسعود
زغرتو النكافات او بدات لمباركة بيناتهم جلسو شيماء او دارولها جلسة د الحناء او جاو النقاشات كينقشو ليها رجليها او يديها اما قصي دارولو نقطة د الحناء فيدو العادات و التقاليد اما هو كاع مامسوق راه كيهضرو هو او شيماء او يضحكو جلسات حداهم عبير كتقول لنقاشات شنو يديرو او هزات زلافة د الحناء او مشات عند نيار
عبير: بسط يديك نديرلك نقطة د الحناء
نيار: الوليدة راك عارفاني مكنحملش لحناء بلاش عفاك
عبير: باش اسهل عليك الله حتى نتا او نشوف مراتك او ولادك
نيار: بغيتي غير تشوفي مراتي (جبدها او جلسها حدا سارة ) هاهي
عبير: واش هادي هي لبنت لي دويت معاها داك نهار
نيار: اييه هي سميتها سارة
عبير: (عنقاتها) مشاء الله واخيرا شفتك من داك النهار فاش هضرتي معايا او انا متشوقة نشوفك
فالجيهة الاخرى كانت جالسة شيماء او كتسنى لحناء تنشف ليها او قصي كيسوط على يديها اما عبير مشات حدا راجلها كيشوفو الفرحة دولادهم
سارة: (ناضت من حدا نيار او طلقات الموسيقى على جهدها او ناضو النكافات كيصليو على النبي مرة أخرى او جابت حتى لعباديات اسخنو الطرح بدأت الحايحا عبير نوضات شيماء او قصي اشطحو او سارة من موراها نيار حاط يديه على خصرها
نيار: وايااك تشطحي تبتي
سارة:(ضارت عندو ) حرام عليك انيار راه حتى واحد ماغريب هنا خليني نشطح عفاك
نيار:(خنزر فيها) راني دويت امكن
سارة: اوووف
نيار:(كرز على سنانو ) تيريزااا
سارة:(حيداتلو يديه أو يالاه كانت اتمشي تخرج من الصالة او هو اشد ليها يدها او جرها عندو بنثرة او غوت بالجهد لدرجة ضار عندهم كولشي او ديجي وقف الموسيقى ) ماتخلييينييييش نتعصبب بقااااي حدايا
عبير:(جات عندهم) نيار مالكم اشواقع
سارة:(كتشوف يد نيار كتزير ليها على يدها ) نيااار طلقني وجعتيني
عبير: طلق لبنت فصلتيلها يدها
نيار: تحركي(جرها من يدها او خرجو من تماك )
قصي: طلقونا ديك الموسيقى نشطحو راه دوك جوج هاكاك دايرين
عيسى: الليمسخك هههه
رجعو طلقو الموسيقى او كيشطحو واخا كان داكشي قليل الا انه رائع اما نيار خرج هو او سارة لجردة او زدحها مع الحيط او لصق عليها
سارة: نيار علاش تعصبتي بحال هاكا
نيار: قلتلك ماااابغيييتكش تشطحي لاش كتناقشي او لاش باغيا تقلقي
سارة: صافي قلتيلي مانشطحش تقلقت ولكن عادي
نيار: (دخل يدو فشعرها او جبدها عندو كيبوس فيها بقوة او كيتلذذ او يديه حاطهم فالفرقة د صدرها حتى بعد عليها كينهج ) مازال حتى لدابا مكتفهميش بلي كنغير عليك
سارة: عارفة هادشي ولكن راه منين كنكون معاك حتى واحد مكيتجرأ اقرب مني
نيار: (حط راسو على راسها ) كنبغيك والله او خايف شي نهار ماتكونيش حدايا
سارة: داكشي عمرو مايكون تيريزا لنيار او نيار لتيريزا(شداتلو فيديه) يالاه نجلسو حداهم
جراتو سارة لداخل رجعو عندهم او تجمعو كاملين ركب قصي الخاتم ل شيماء او هي كذلك او تاجهو لطبلة باش ياكلو لقاو جميع المأكولات داكشي فخم و رائع تعارفو مزيان او تشاركو الحديث منبعد ماسالاو قالت سارة لخدامات اوصلوهم لبيتهم شيماء او قصي فبيت او عبير او عيسى فبيت اما هي شافت ف نيار او تنهدات
سارة: تصبح على خير
نيار: فين اتمشي
سارة: لبيتي
نيار: علاش انا وياك كنعسو فبيت وحدة
سارة: نيار انا مابغيتش عائلتك افهموني بطريقة غلاط من الاحسن هاد الفترة كل واحد اجلس فبيتو
نيار: هاد الهضرة كوليييهااا (هزها بين يديه ) نتي بلاصتك معايا او عائلتي ماشي شغلهم فيك اوكي بب
دازت نهار رائع على ابطالنا كلشي فرح او كولشي عجبو الحال و صبح صباح جديد
اصبحنا واصبح الملك لله
سارة: صباح الخير عليكم (جرات الكرسي او جلسات فالمائدة د لفطور )
كلهم: صباح النور
سارة:(شافت ف عبير او عيسى ) رتاحيتو شوية ؟
عبير: رتاحينا ابنتي لهلا اخطيك
سارة: الى كنتو محتاجين شيحاجا غير قولوهالي الدار داركم
عيسى: كلشي متوفر ابنتي شكرا
نيار:(هابط من دروج لابس سروال كيطمة او تيشورط او شعرو مخربق ) صباح الخير
سارة: (حسات بالخنقة او دموع محجرين ليها فعينيها هبطات راسها او استأذنات باش تنوض ) سمحولي (ناضت بخطوات سريعة فاتجاه غرفتها سدات على راسها الباب او هي كتبكي ختها اتمشي او حبيبها ايمشي او لقصر ايبقا خاوي غير هي لي فيه هاد الفكرة مرعبة بزاف تخشات ففراشها او غطات راسها او هي كتبكي او تخنصص حتى بدا وجع بسيط فكرشها عرفات راسها ريغلي ناضت ببطء خدات دوش دغيا او دارت فوطة صحية او لبسات بيجامة مقطنة او رجعات نعسات و الوجع بدا كيشتد اكثر فاكثر و هي عاضة شنايفها من كثرت الالم حتى بدأت كتسمع الدقان فالباب او ماقادراش تجاوب ولا تحل
نيار: تيريزا انا عارف بلي نتي هنا حلي لباب (بقا كيدق هو كيصحابلو مقلقة منو او كيزيد يدق ) والله او متحلي هاد الباب حتى نفرعوووو (رجع كيدق منين مابغاتش تحلو بقا كيدفع فالباب حتى هرس الساقطة أو حلو او دخل عندها ) اش هاد تبرهييش داباااا (جر عليها لمانطة لقاها كتلوى فبلاصتها دايرة وضعية الجنين او دموع ف عينيها جلس حداها ) تيريزا مالك
سارة: (بصوت خافت)كنتقطع انياار اهئ اهئ
نيار:(حط يدو على جبهتها لقاها سخونة او بدا الخوف كيتملكو اتاصل بسرعة بطبيبة باش اوصل) شنو كيضرك الحبيبة ديالي
سارة: كرشي او ظهري اهئ اهئ
نيار: نتي ريغلي ؟؟
سارة:(حركاتلو راسها ب اه )
نيار:(مشا لبلاكار جاب مانطات او زادهم عليها او يديه كيلعبو فشعرها او كيبوسها فيديها) صبري احياتي ها طبيب قرب اوصل
سارة: مابقيتش قادرة انيار اهئ اهئ
الخدامة:(دخلات ) سي نيار الطبيبة وصل
الطبيبة: سي نيار شنو واقع
نيار:فحصيها دغيا
الطبيبة:(بقات كتفحصها او كتسولها شنو كيضرها عرفات بلي غير العادة الشهرية ) واش دوشتي ؟؟
سارة:(حركات ليها راسها ب اه)
طبيبة: او علاااش دوشي منين كتكوني ريغلي ماخصكش دوشي راه اتمرضي (حطاتها حقنة او دوايات او شافت ف نيار ) الم ديال الدورة الشهرية او زادت عليه الدوش هادشي لي تسبب ليها فسخانة او اشتد الالم انا عطيتها حقنة او هاد الدوايات او اتكون بيخير انشاء الله
نيار:(كيخنزر ف سارة او كيهضر مع طبيبة ) اوك شكرا امكنلك تمشي
خرجات الطبيبة او رجع نيار حدا سارة كيدوز يديه على شعرها او ضمها ليه تخشى حداها او هو حاط راسو على ظهرها اما هي كدير انين ..دازت عبير من حدا الغرفة او حيت لباب مهرس بانولها بجوج حطات راسها على الباب او ابتاسمات بفرح او تحركات من حداهم ...داز شوية د الوقت ضارت سارة عند نيار منبعد ماخفاف عليها الالم بقات ساهية فتعابير وجهو حتى او هو ناعس مخنزر بقات كتلعب فاللحية ديالو او تحركات شوية لفمو كتلعب فشنايفو بصبعها لكبير او هي تقرب منو شوية بشوية حتى باستو او بدأت كتفلورطي بحنان حتى وقفها صوتو
نيار: هداي راك ريغلي
سارة:(بعدات عليه كتشوف ف عينيه ) فقتي
نيار: منعستش
سارة: علاه
نيار: باش الى حتاجيتي شيحاجا تلقايني
سارة: شكرا
نيار:(فتح عينيه حومر ) منيتك شكراا (سكت شوية او هضر) علاااش دوشتي او نتي ريغلي ماخفتيش على راسك
سارة: كنت عرقانة قلت ندوش ماكيصحابنيش ايزيد الوجع
نيار: الى شينهار غفلت عليك القاك متي
سارة: (سكتات او خبعات وجهها فالمانطة او هضرات بصوت مبحوح بالبكا ) اذن ماتمشيش ماترجعش معاهم لروسيا
نيار:(بقا كيشوف فيها مطولا ) واش نتي حمقة منقدرش نمشي بلا بيك...
سارة: (انفاجرات بالبكى) اهئ اهئ لا نتا او شيماء اتمشيو او تخليوني بوحدي
نيار: (عنقها عندو) شيماء اتمشي مع راجلها او حتى نتي اتمشي معايا ماعندك ماديري هنا
سارة: لا مابغيتش نمشي اهئ اهئ او حتى نتا ماغاديش تمشي بقا معايا
نيار:(نترها من يدها قربها ليه ) كنحماق على شيحاجا كتبغيها نتي او كتعتاقدي بلي مكنبغيكش ؟؟
سارة:(هزات معلقة د الشكلاط او دوزاتها على شنايفو او كذوبو بالشوفات ) عرفتي شنايفك ايكونو واعرين بالشكلاط (انقضات عليه كتبوسو او حتى هو ممقصرش من جهدو كيبوسها او يتلذذو بجوج بنكهة الشكلاط حتى سمعو شي صوت حداهم)
عبير:(خرجات عندهم بغات تجلس معاهم و اذا بها كتصدم من داك المنظر ) احم احم
سارة:(حلات عينيها دفعات نيار حتى رجع باللور او بقات كتمسح فمها او مهبطة راسها اما نيار بقا كيشوف فيها مبهوط)
نيار: القوة كتجيك غير فوقما بغيتي لعجب هههه
سارة:(شافت فيه ) كون تحشم شوية
نيار:(شاف فالام ديالو ) واشوفي الوليدة كتعدا عليا
سارة: سكت سكت نتا لي من صباح كتهددني بالقتل و الجرح مع سبق الاصرار و الترصد
نيار: ولينا فالمحكمة الجنائية دابا هههه
عبير: (بقات كتشوف فيهم او ضحك او جلسات بيناتهم) هههه نيار بعد عليها
سارة: اه اخالتي كون تشوفي اش كيدير لي
نيار: (غمزها ) اشكندير ليك ياك كنشر الحب بيناتنا ههه
عبير:(ضرباتو ضربة خفيفة لكتفو ) حشوومة ههه
سارة: والله مكتحشم راه ماماك حدانا زعما
نيار:(عنق عبير ) راه كنعاود ليها كولشي ههه
سارة:(جبدات فيه حجبانها ) اييييه (شافت ف عبير ) قوليلي اخالتي شحال من بنت كان كيعرفها نيار
عبير: اشنقوليك ابنتي ماكان كيهضرلي على حتى وحدة ولكن انا كنت كنحصلو ههه بحال واحد المرة دخلت عندو للمكتب لقيتو مع واحد البنت كتخدم معاه فوضعية مخلة للحياء هههه
سارة: (كتخنزر ف نيار) اييه كملي اخالتي
عبير: او واحد المرة كانت هابطة واحد البنت من بيتو فصباح بكري
نيار: صافي سكتي سكتي هاهي اتنوض تقلق
سارة: لا لا خليها تفضحك
نيار: داكشي كان قبل منعرفك يعني الماضي اما دابا نتي لي كاينة
سارة: اوا الله اعميها ليك او تكون شيوحدة فحياتك من غيري
نيار: واخا نبغي انا قلبي ميقدرش ابغي من غيرك (جاه اتصال) سمحولي انجاوب (ناض او خلاهم بجوج)
عبير: شكرا بزاف
سارة: علاش
عبير: حيت خليتي ولدي فرحان عمرني شفت هاد الفرحة فعينيه او فهضرتو نحلف عليه بلي نيار واحد اخر هادا تبدل كليااا او انا فرحانة لهاد التغيير هادشي كاملو بفضلك نتي شكرا بزاف
سارة: انا كنبغيه بزاف او كيما انا بدلت حياتو حتى هو بدل حياتي
عبير: نتي سميتك سارة علاش كيعيط ليك تيريزا
سارة: قصتنا طويلة ههه
عبير: اييه فكرتيني فايامي انا او عيسى عشنا قصة حب طويلة دوزنا بزاف ديال الصعاب فالعلاقة ديالنا ولكن فالاخير تزوجنا
سارة: عمي باين كيبغيك بزاف
عبير: واخا بعض الاحيان كيوقع الحاجز مكيخليش العلاقة تكمل (شافت فالسماء) كانت عندي بنتي فنفس عمرك نتي او شيماء كانت زوينة بزاف او علاقتها مع نيار متينة ماكانوش خوت كانو اصدقاء كان نهار مشؤوم فاش تلاقات مع اسمر او بغاتو كلا ليها عقلها خلاها تكون عدوة لينا او تبدلات على نيار فخطرة هاد الغلط لي دارت كلفلها حياتها اسمر اغتاصبها او قتلها او حرق لينا قلبنا كاملين عليها عشنا ايام خايبة من تماك الفرحة مابقاتش كدخل لقلبنا
سارة: (شافت ف نيار لي كان بعيد او كيهضر فالتيليفون) انشاء الله قريب انجيو
عبير: انشاء الله
….عند علي لي كان فنفس الحالة السيد دخل فاكتئاب البيت مظلمها او قراعي د الشراب او الكارو مشتتين فكل بلاصة كان ناعس حتى كضرب فيه أشعة الشمس في عينيه كانت زمرد لي كتحل الستائر
زمرد: نوض من هاد الحالة
علي: (كيغوت)ردي الخاميات خليني نعس
زمرد: نوض تجمع من تماك شحال اتبقا هاكا
علي: خرجيييي علياااا
زمرد: حلي الباب او ماتعاودش تشووف كمااارتي ولكن مادام مابغيتيش تخليني نمشي او داير حراسة مشددة فالدار غادي تعود على وجودي فحياتك او انكدها عليك
علي:(ناض من النموسية متاجه للحمام ) غير حلمي تخرجي منهنا (دخل للدوش)
زمرد:(بقات كتجمع قراعي د الشراب او ترتب لفراش او خرجات للكوزينة قالت للخدامات غير امشيو هي لي خصها توجد لفطور أو بغات تقاد كيكة حطات الماء كيسخن هو الاول باش تعمر اتاي او دارت حتى لحليب او حطات فوق البوطاجي شنو اتحتاج باش تصايب كيكة يالاه اتحل الخنشة ديال طحين او هي طيرها على وجها عمرات كاملها بالطحين بقات كتحل عينيها شوية بشوية او هي تشوف علي قدامها كان حابس الضحكة )
علي:(قرب منها ) او علاش اصلا باغيا ديريلي لفطور ولا بغيتي تقوليلي راك ندمانة على داكشي لي درتيلي
زمرد:(بقات كتشوف فيه ) لا بغيت ندير كيكة باش نحتافلو بالخسارة ديالك
علي: (ضحك باستهزاء ) كدابة (بقا غادي فالكوزينة او هي تابعاه )
زمرد: شوف نقوليه انا راه ماعجبنيش حالي معاك هنا اذن خوي راسك من دوك الافكار حيت…(وقف علي او هي تزدحات مع ظهرو او رجعات بلور كانت اطيح او شدها من الخصر ديالها كانو قراب من بعضياتهم فمهم قريب انفاسهم تخالطو لدرجة بدأت كترجف ف يدو تفكرات فاش قاليها كنبغيك قلبها بدا كيضرب اش هاد المشاعر لمخربقة )
علي: زمرد…(بقا كيقرب ليها او هي غمضات عينيها او هو اهمس ليها فوذنها ) جري طفي البوطة راه لحليب كيفيض
زمرد:(حلات عينيها دفعاتو ) ويلي ويلي لحليييب(طفات لبوطة او ضربات راسها ضربه خفيفة او كضحك كتلعن افكارها الوسخة اما علي بقا كيضحك عليها )
علي: سيري غسلي حالتك انا انطلب لفطور من برا او مرة أخرى ماتعاوديش تجري على لخدامات حتى تكوني كتعرفي طيبي(كان غادي)
زمرد: علي(ضار عندها او هي تخوي عليه طحين عمراتو كاملو ) دابا سير غسل حالتك حتى نتا
علي: غاااادي نقتلك (بقا غادي اتجاهها او هي عطات رجليها للريح هي كتجري او هو كيجري ديك للكوزينة ردوها ساحة قتال بالاطعمة زلعات عليه البيض او هو زلع عليها زيت او كيتراشو بالماء رجعو حالتهم حالة )
زمرد: ههههههه لا صافي عفاااك مابقيتش قادرة(جلسات فالكرسي)
الخدامة: مدام سارة سي نيار صافطنا نهبطو لافاليز لتحت
شيماء: امكن انمشيو دابا
سارة:(شافت فيها ) يالاه نهبطو
هبطو لبنات لقاوهم مجمعين او لافاليز ديالهم كيدخلوهم ليكاردكور فالهيليكوبتر
عبير:(عنقات سارة ) تهلاي فراسك او انتسناك تجي عندنا
سارة: انشاء الله اخالتي
عبير:(عنقات نيار) تهلا فراسك حتى نتا او تهلا فيها
نيار: (باسلها راسها ) انشاء الله
عيسى:(جبد نيار عندو بعدو عليهم ) نيار الاسمر او سيزار راهم فروسيا
نيار: فخباري او قريب انجي
عيسى:(عنقو ) بسلامة
شيماء:اهئ اهئ تهلاي فراسك اسارة (معنقاها او قصي كيطبطب عليها )
قصي: شيماء باراكا راكم اتلاقاو مرة أخرى
سارة: اهئ اهئ بسلامة
نيار:(جا حداهم او عنق شيماء) ههه بلا متبكي دابا نجيو عندكم
شيماء:شكرا بزاف نتا افضل اخ فهاد الدنيا
نيار: تستاهلي كل خير (عنق سارة عندو كتبكي او تسالم هو او قصي باليد او ركبو فالهيليكوبتر كيديرو ليهم باي باي حتى قلعات الطائرة او مشات بعيد او دخلو هوما لدار نيار كيسكت فسارة او هي حلفات ماتسكت حتى نعسات فيدو )
اصبحنا واصبح الملك لله
زمرد: (فاقت كتغوت ) واااالخراااا اش هاد اللعب
علي:(هاز كاس د الماء او لاحو عليها ) نوضي راه 2 هادي
زمرد:(ناضت على سعدها او وعدها غسلات وجهها او ناضت للكوزينة كتحط لفطور فوق الطبلة او علي كياكل حتى جلسات معاه ) انردها ليك
علي: باش نگرض ليك يدك
زمرد: علاش نتا وحش
علي: حيت نتي أميرة (غمزها)
زمرد: اوووه لقد اثلجت قلبي بكلماتك واتاااا نووض جمع راسك اوا قابلني انا
علي: شششت فيك صداع بزاف او هادشي كيضرني فراسي
زمرد: هاهي ساكتا
….اما فالقصر ناضت سارة لبسات حوايجها او فرحانة هبطات لتحت لقات نيار كياكل باستو فحنكو او جلسات
نيار: راشقا ليك هاد صباح
سارة: وي حيت واحد الشركة د الاعلانات بغاتني نكون الوجه الاعلاني ديالها او نتبنى قضية العنف ضد المرأة
نيار: (رشف رشفة من القهوة) او شنو الجديد فهادشي ياك كيعيطو عليك ماكاتبغيش تمشي
سارة: نبدل الروتين او صاف نتا ديما كتمشي لخدمة او كنبقى بوحدي
نيار: اوك سيري او تيليفون بيناتنا
سارة:(باستو او خرجات من لقصر ركبات فالطوموبيل اتجاه شركة الاعلان دخلات او استقبلوها صورات الفيديو لي كان فيه رسالة للعنف لي كتعرض ليه المرأة و قالولها ايخرج هاد نهار شكروها او خرجات من تماك او رجعات للقصر اما نيار كان فالخدمة حتى عيا او رجع للقصر.. الفيديو الاعلاني خرج لليوتيوب شافو كل واحد و بالخصوص و بمحض الصدفة شافو علي لي فتح التلفازة باش افوج على راسو صدق زاد تعصب منين شافو كانت حداه زمرد كتشوف فيه كيفاش تبدلو لون )
علي: حقيييرة شوهااااتنيييي كنكرههااااا (هرس التلفازة بيديه او بدا كيضرب فيها حتى شتت الزاج او جرح يدو)
زمرد:(كتحاول تشدو) علييي صااافي باااراكااا
علي:(عطاها تصرفيقة او شدها من الفك ديالها لاحها فالارض ) كووووولشييييي بسبااااابك نتيييي كنكرههك ماتستاااهلييش الحب ديااالي ضمرتينيييي كنكرهك
زمرد:(بقات كترجع باللور كتشوفو كيفاش تحول لوحش حطات يديها على راسها مابغات تسمع والووو فقط كتبكي بحرقة اما هو هز سوارت طوموبيل او خرج شافتو كسيرا بسرعة او رجعات جلسات فالارض كتبكي ) علي …
...اتاجه علي مباشرة للقصر بقا كيغوت قدام الباب او ليكاردكور شادينو
سارة: نتا متقدر دير حتى حاجااا نتا كتبغيها او حتى الوحش منين كيبغي كيلين قلبو
علي: من غييير علييي
سارة: كنقسم لييك او يكون واقعلها شيحاجا انقتلك بيدي
علي: ماغادي ندير والوو جيت ندير حاجا وحدة غادي نطلقك
سارة: طلقني ههههههههههههه
علي: علاش كضحكي
سارة: هههههههه منين عرفتي راسك خاسر كولشي جيتي باش طلقني او انا انردليك فلوسك ياك
علي: اه هادشي لي خاصو اكون
سارة : هادشي كاان ايكون شحااال هادي قبل ماترفع عليا دعوة او قبل منربح انا القضية
علي: اذن ماغاديش تاخدي طلاقك
سارة: انا اناخدو حيت دابا منين ولا كولشي ضدك او وليت انا صاحبة النفوذ او كنلعب بالفلوس لعب غادي نقدر نطلق منك او نتا يامسكين اتخسر كولشي ههههههه كنت كنعقل فاش فكل مرة كنتي كتفكرني بلي نتا الكل في الكل هنا او فاش كنتي كتجيب ليا الموسخات او كتذوقني طعم مر فكل مرة كدير هاكااا (غوتات ) امااااا دااااباااا اعلي انا هناااا لي كنحكم انا لي كندير اي حاجا بغيتها او نيااار معاياااا يعني انتاقمت منك او كنت واعدتك بهادشي او حلفتليك حتى ندمك كولشي كان جزء من المخطط انقلب السحر على الساحر او شربتك من نفس الكاس
علي:(ضار كيتنهد سمع بيما فيه الكفاية ) ديك الطريق لي كنت فيها خسراتني بزاف ا سارة او اتخسرك حتى نتي
سارة: لا اعلي انا لي رابحة دابا
علي: كنتمنى ماتندميش كيما ندمت (ضار عندها ) ربحي بالفلوس او ربحي بالاملاك (خرج علي من القصر ركب طوموبيلتو او تاجه للدار دخل او شاف شنو دار طلع لبيت زمرد لقاها كتبكي دخل عندها او جلس حداها )
علي: كنتي كتقوليلي بلي خاصني نحس بشنو درت او انا حسيت او بزاف كاع (مسحلها دموع ) تصبحي على خير (خرج علي او خلاها مافاهمة والو بالها مشطون شنو دار او شنو لي تغير )
...اما فالقصر غير خرج علي بقات سارة كتشوف فالباب او ساهية حتى هضر نيار
نيار:(عينيه حومر بالغضب او صدرو كينهج ) شيطانة
سارة:(ضارت عندو ) نيار مالك
نيار: (تحرك فاتجاهها) كيفاش قدرت نسمح لنفسي انني نبغي وحدة بحالك طماعة أنانية حقودة
سارة: (رجعات لور) نيار علاش كتقولي هاكا
نيار: كان كيصحابني بريئة او نتي ضحية كنتي كتباني ليا اطهر وحدة او كنت غالط
سارة:نياااار
نيار:(حط صبعووو على فمهااا ) ششش ماتنطقيييييش سميتيييي على فممممك نتي مووووسخة وسختيني معاااك دخلتيني فلعبة د الحرام اناااا سمعتتت اي حاجاااا قلتيهاااا ل علي طلعتي بصح ماتسواااايش فاش جا بغا اطلقك او ترديلو فلوسو نتي رفضتييي كان همك الوحيييد انك تنتاقمي درتينيي لعبة حركتيني كيمااا بغيتي
سارة: (شداتلو فيديه) لا انيار تيق بيا والله حتى كنبغيك انا تعصبت قبيلة او قلت شيحاجا ماخصهاش تقال ماتاخدش داكشي لي قلت بعين الاعتبار
نيار: مغرووورة (رجع بللور كيشوف فيها بعينين حزينين ) ماشي هاد المرة اتيريزا انا شفت مزيان شنو خاصني نشوف نتي شيطانة نتي خطر على كل واحد كيقرب ليك ضمرتيني
سارة: اهئ اهئ ماتقولش هاكااا
نيار: (غمض عينيه ) ماغاديش نبقا هاكا معاااك (سكت شوية او هضر) كنكرهك او كنكره راسي مابقات حتى حاجا كتجمعنا شبعي الفلوس شبعي النصر لي وصلتي ليه نتيييي خسرتيني للابد اتيريزاا حنا سالينا
سارة:نتا كضحك معايا نتا ماغاديش تخليني
نيار: (خلاها تماك او طلع للبيت جمع حوايجو كاملين او قلبو مهرس او معصب لاقصى درجة هز لافاليز ديالو او تم هابط فالدرووج او هي تابعاه من لور )
سارة: نيار اهئ اهئ اهئ سمعني عفااااك غير نوضح لييك
نيار: (ضار عندهااا غوت فوجهها) خرجيييي من حيااااااتي كيييمااا انخرج اناااا من حياااااتك كنكرهك كنكره الساعة لي لاقاتني بييك صااااافي ساااليناااا فمرة سااالييينا (دفعها او كمل طريقو ركب فطوموبيلتو كيضرب فالبولة او كيغوت باقصى صوتو متاجه للمطار باغي اهرب منها او بالاحرى ذكرياتهااا باغي اتفك من شيحاجااااا سميتهااا تيريزااا اما هي بقات مازال مصدومة مازال كتستوعب شنو دارت شنو خرجات من فمها خسراتو فمرة اش هادشي دارت طاحت للارض بقات كتبكي بحرقة كتغوت بسميتو صافي كلشي سالا دابااا تعاقبات اقسى عقاب او ندمات أشد الندم
تيريزا الجزء العاشر
محتوى القصة
التنقل بين الأجزاء