عشق النوارس الجزء 11

من تأليف Iman Ajalat وFadwa Nid-taleb
2019

محتوى القصة

رواية عشق النوارس

فمنزل أركان..كان جالس على الفوطووي دالصالون ديالو ببيجامة النوم..عينيه منفوخين بالنعاس وشعرو مخربق..كايتفرج ففيلم وكايااكل فالذرة
-يزيد:واااو غييبت عليك لسااعاات وجيت لقيتك متااخد هااد القراار المهم..كيف درتي ليهاا؟مااتسرعتييش؟
-أركان:همم أصلا كان خاصني نتاخدوو من زماااان بالعكس تعطلت بزاااف
-يزيد:وااو صدمتيني فيك صرااحة عند باالي غانجي غاانلقااك باقي حزناان وكاتبكي وتشكي..
-أركان:عااذرك خدمتنا اللي كاتخلينا ديماا نتوقعوو الأسوء
-يزيد:أكييد باش توضع احتياطاتك..ولكن عااود لياا كيفاش حتى وقع هاادشي
-أركان:من ديماا ماماا كانت كاتقولي نخطب لييك بنت خاالتك وكنت راافض الفكرة..تكلمات معاياا اليووم ومعناات لياا عليهاا..أكييد فهمتهاا..اواا وداباا قبلت
-يزيد:وهااد بنت خاالتك بااغة..يعني هي باغة هاد الزواج ولا مبززين عليهاا؟
-أركان:مااعرفتش..أصلا هي بنت باادية مانظنش تكون كاتبغي
-يزيد:هوو نتاا راك كاتحتااقر بنات الباادية بهاد الطريقة..اواا وهي زوينة هاا؟
-أركان:عاادية..يعني مقبولة...ولكن كاتجيني غبية وحمقااء..وكاتحشم بزااف
-يزيد:وشنو كاايصحاب ليك كولشي جريء بحال عاارضة الأزيااء روهاان تونش هاا؟
خنزر فيه أركان وقال
-أركان:مابااقيش تقوول سميتهاا أنا باغي نخرجها من باالي..
-يزيد:واخاا واخاا..وو نتا ماغاتظلمش هااد البنت..باش أنك تدير معاهاا علاقة باش تنسى بيهاا روهاان
-أركان:أنا رامااغاناخد منهاا والوو غانتلاقاو ونتكلموو..أكيد حتى نتخطبو عندهوم عاداات غبية..وفالغاالب ماغانكملووش هي ماشي من ذوقي
ابتااسم يزيد وقاال
-يزيد:كانحلف ليك حتى غااتكمل معاهاا..وغاتنسيك فروهاان ومايجي منهاا..أنا كانفهم فهاد الأمور
-أركان:شنو دخلك فمواضييع الحب..ونتاا ماكاظيرش علاقاات؟
-يزيد:المدرب ماكاايلعبش كرة أصااحبي..
ضحك أركان وهو كايحرك فراسو وقال
-أركان:أستغفر الله ههه
-يزيد:شفتي هاانتا ضحكتي هه
تنهد أركان بعمق وقال
-أركان:ااه ضروري نضحك..الدنياا داايزة وماكاتوقفش على شخص وااحد
-يزيد:ااه بصااح اللي مشى يسد معااه البااب وهانتا مهني
شاف فيه أركان وهو مطلع حواجبو وقاال
-أركان:إلا بقيتي هااكداا عمرك غااتزوج ولا تدير عاائلة هانا فين قلتها ليك
-يزيد:همم اواا بلااش حتى نتا غي صدااع الرااس..أنا الزوجة باش غانتزوج نبغيها تكون زوجة صاالحة وتفهمني وتفهم طبيعة عملي..وتكون ثقة ومااتفضحش أسراري..غاانوااعدك بواحد الحاجة
-أركان:لا ماكاين لااش
-يزيد:لاا لاا غانوااعدك..لنفترض نتاا تزوجتي بهاد بنت خاالتك أكيد غاديرو حفل الحنااء وعرس..وأكييد غانكون حااضر..احمم أناا غانمشي معااك للعرس وغاانشوف شيوحدة اللي تعجبني وتكون حتى هي بنت الضيعة..حسن لي من بناات إسطنبوول مافيهومش ثقة
-أركان:شنوو زعماا باني مشروع زواجك على زواجي أناا
-يزيد:ااه تماماا غانشووف وااش نتا فرحان فزواجك ولا لاا وديك السااعة غانتقدم حتى أنا ونتزوج..
-أركان:هييه أنا راني أركان ماشي فأر التجارب وزايدون شفتك كاتكلم بكل ثقة..أنا راني باقي حتى ماشفتهااش ودغيا رجعتيني تزوجت بيهاا ودرناا الحنااء والعرس بقاليك غي تسمي ولادناا
-يزيد:اييه داباا نفكرو فيها حتى هي راك غالي عندي أخويا أركان
طبطب أركان على كتفو وتنهد..شاف فيه يزيد وميل فمو..ثم قال
-يزيد:هووف وشحال فيك..صدق الشااف فاش قاالي غايبدا يبكي بحال الولية
-أركان:هو قال هاكداا؟
-يزيد:مم ماكانقوليكش هاكدا باش تعصب
-أركان:لا عاادي..أصلا واخا يدير اللي داار كايبقى عزيز علياا حيث ماكايخليش من جهتناا وواخاا صاارم فخدمتوو ضروري مايضحك ويفوج عليناا بكلامو..يعني عاادي..حتى اللي كايدير دابا فروهاان أنا عااذرو عليه..يعني عندو أسباب وجييهة..واخا ماشي لدرجة كسر قلب دوحدة بحال روهان ولكن..
قاطعوو يزيد بنظراات باردة وقال
-يزيد:نتا باقي كاتبغيهاا واخاا كولشي اللي دارت فييك..ثيقني هي ماتستاهلكش..هي اللي ختاارت دياب اوا خليها تحمل النتاائج داختياارها الغبي
-أركان:عندك الحق..
-يزيد:القدر غرييب بزاااف يااك؟!
تنهد أركان وهو كايشوف فالفراغ وقال
-أركان:"ااه من نصيب يأتي على غير هوانا..فيهبنا لمن لا نهوى..ويهب من نهوى لسوانا"

فتح حزاام السلامة وقال
-دياب:هبطي..
-ريم:فين غانهبط..طول الطريق ونتا سااكت وداباا غاتقولي فين غااديين
تجاهلها دياب..خرج من السيارة..شد فالباب وتكلم..
-دياب:مانعااودش كلامي..هبطي
بقات ريم كاتشوف فيه وهي مطلعة حواجبها بعدم تصديق..كاتشوف ملامحو البااردة وتجاهلوو ليهاا..ضحكات باستهزاء وقالت
-ريم:تبدلتي بزااف..فين مشاا الضحك دياالك وروح الدعابة اللي فيك
-دياب:كل حااجة بوقتهاا..مم أصلا نتي اللي باااغة تشوفي الوجه الاخر ديالي اواا تحملي ثمن العنااد دياالك وأفعالك الصبياانية..هبطي
بقاات ريم كاتشوف فيه بصدمة..واش هذا ديااب دالمغرب؟واش هذا دياب دالباارح..بقات ساهية فيه حتى قفزها بصوتو القوي
-دياب:واش ماكااتسمعيش..راني قلت لييك هبطي..
حلات الحزام دالسلامة بسرعة وهبطات وهي مخلوعة من صوتو وصراخو عليهاا..سبقهاا وتبعاتو بخطوات سريعين وهي كاتكتاشف المكاان..
غااابة بلجراد (Belgrad ormani)..غاابة كبيييرة ومسااحتها تصل لحوالي 5300 هكتار.. ملييئة بالأشجار المتنوعة..أشجار البلوط..أشجار الزان..أشجار الكستناء..
فعلاا منظر سااحر وأخااد
بقات تابعااه وكاتزرب فخطواتها باش تقدر تجاريه وعظاامها باقي كايدروها من الكومبا اللي دارو فالداار والعصا اللي كلاات من عندوو..فاتو البوابة دالغاابة وهي تقول
-ريم:اييو هاا البااب ياكما مابانليكش
أجابها دياب بدون مايشوف فيها..
-دياب:حناا رامااغاندوروش ونستكشفو المكاان بحاال السيااح..تبعيني وسكتي
بقااو كايتمشاااو لمساافة كبييرة..كااتوقف حتى تستاارح وترجع تبعو..وحتى هو ماكايوقفش يتسناهاا ولكن كايقلل من السرعة ديالو باش تقدر توصل ليه..
بقااو هاكداك لما يقاارب نصف سااعة بحكم الغاابة كبيييرة بزاااف..دخلو لمنطقة تماا..كانت فااارغة وكايملؤوها الأشجاار ومافيهااش طريق
-ريم:خليتي الطريق ومدخلناا فوسط الشجر
-دياب:الاا دخلنا من تماا غايتسجلو أسمااءناا عندهوم
بقااو هاكداك كايتمشااو حتى وصلو لواحد الكووخ تماا..وكان كايبان مهجور من هادي سنوااات
فتح البااب ديالو ودخل..وبقات هي واقفة فالخارج وكاتشوف..تلفت لعندهاا وقال
-دياب:نوو ماتقوليليش خايفة
-ريم:هه أنا نخااف ومن شنوو من كووخ بحاال هاداا اللي بااين مادخل ليه شي انساان من هادي سنواااات ويكونو سااكنينو دوك لااخرين تف تف باسم الله الرحمان الرحيم
ضحك ديااب عليهاا ومن بعد تفكر أنو مقلق منها زعماا وجمع ضحكتو وقال بصرامة
-دياب:دخلي دخلي نتي واش غايخاافو منك..كوني هاانية ألالة أنا كنت هناا غي شي 6 أشهر هاادي ودوزت فيه أسبووع كولوو وهاني قداامك ماواقع لي والوو
-ريم:وشنو جيتي تديير هناا؟
ماجاوبهااش وزاد دخل مخليها..دخلات هي الأخرى وجرات لحدااه وشدات فيدو وهي خايفة..شااف فيها بمعنى من نيتك..ابتاسم نصف ابتسامة وقال
-دياب:الخوااافة هه
-ريم:نااري كنت كانتفرج فأفلام الرعب وكايجيوني عاادي دابا حااسة براسي عاايشة فيه..
-دياب:واخاا أنا معااك نتي خاايفة؟يعني كانبان ليك مانقدرش نحمييك همم
ابتاسمات ليه ريم وقالت
-ريم:لاا أناا ثايقة فييك وعاارفاك ماغاتخلينيش..احمم سمحلي على الكلام اللي قلت ديك السااعة..كان..مم كان فلحظة غضب نتا عارفني ثاايقة فيك غي الشيطان الله ينعلوو دخلي الشك
ابتاسم دياب وهو كايشوف فعينيها وقال
-دياب:ديريها قد رااسك ولصقيها فالشيطاان مسكيين..اعتذاارك مقبوول ألالة رييم ولكن تعااودي تديري معايا شي خطأ ماغاانسمحش ليك وغاانعااقبك..والعقاااب ديالي صعيييب بزاااف ألنعجة
لاا ماغوتاتش عليه..وحتى ماخنزراتش فييه..بقاات مبتاسمة وكاتشوف تاارة فضحكتو وتارة أخرى فعينيه
-دياب:ماكنتش عارف رااسي وسييم لهاد الدرجة هه
بفات كاتشوف فيه وجاوباتو وهي كاترمش فعويناتهاا
-ريم:ااه بزااااف..
ابتاسم هو الأخر وهبط عينو لمستوى شفايفها..عوج فمو وبدا كاايقرب ليها
عاد حسات بشوفااتو والكلام اللي قالت وطلقات من يدو بسرعة ووقفاات بعييدة
سد عينيه بقلة صبر وجمع يدوو على شكل قبضة..بقاا هاكدااك لمدة ومن بعد فتح عينوو وعلى فمو ابتسامة صفراء..اعتدل فوقفتو وقال
-دياب:كااتكفري دينمي بهااد الفعاايل أرييم..حتى هادي قيديها عندك
بقات ريم واقفة وهي مكمشة حوااجبها..جامعة يدهاا عندها وعاضة على شفتها السفلى بخوف وكاتدور فعينيهاا..
دور راسو للجهة الأخرى وعااود رجع شاف فيها من جديد..تنهد وقال
-دياب:ماتديريش هاد الحركاات كاانحس براسي أول مرة نشوف شي وحدة..ماتشوفيش فيا هاكداا
-ريم:كيفاش؟أناا هااكداا
-دياب:ريم هاد السااعة غبري من قداامي..دخلي للداخل
بقا كايشوف فيها كيفاش واقفة وباقي ملامحها كيفما هوماا..حرك راسو بمعنى شنو؟ تنحنحاات ووضعات يدها وراء عنقها وقالت وهي مازال عاضة على شفتها السفلى
-ريم:اواا يالااه معايا..أنااا مم خاايفة

-جان:مرحباا بسي دينيز عندنا..كيف جاتك ضياافتنا همم؟
بقا دينيز كايشوف فيه بغضب..باغي ينووض يضربو ولكن كيفاش؟كيفاش وهو كولو مربوط بسلاسل حديدية ومن كثرة مازيرو علييه كايحس بيهوم دخلو مع لحمو..لحمو اللي ولا كولو عبارة عن بقع زرقااء اللون وكولو دمااء..فمو اللي عليه جرحة كبييرة وماقادرش يحلو ويتكلم..وأنفو هو الأخر اللي عمر بالدم وقصاااح حتى غلق فتحات أنفو و استصعب عليه يتنفس..
-جان:همم وصلات بيك الشجااعة لدرجة أنك تخوناا أسي دينيز..ياك حناا مهليين فيك بالفلوس والعملية الوااعرة واللي فيها فلوس بزااف كانعطيوها ليك نتاا..وحتى كانتكلمو حدااك ونتاا الطبيب الوحيد اللي عاارفني وكاتشوفني وتتكلم معاياا..كاع هادشي وخنتيناا أسي دينيز..على أساس هوما مني غايشدونا ماغايشدوكش نتاا ويسمحو ليك ويقولوليك كمل المهنة دياالك بكل راحة..شحال عطاوك همم؟
بقا دينيز كايشوف فيه بدون مايرمش..تحمل الألم اللي كايحس بيه فالفك السفلي ديالو والشفة اللي تقطعات قطعة كبييرة وقال..
-دينيز:ماشي ضروري يعطييوني فلووس..حيت مم ماشي كولشي كايفكر فالفلوس بحاالكوم..أنا ندمت على اللي درت وبغيت نصحح خطئي ودابا ماكايهمنيش واش غاتقتلوني ولا لاا
-جان:هه أكييد غانقتلووك أسي دينيز علاش نتا شااك فيهاا..عرفتي شنو غانديرو بأعضااءك..ههههه ااه ااه تماماا غانبيعووهووم منهاا تخلص ثمن خياانتك ليناا..وداباا ماتخلينيش نعيط على دووك اللي واقفين حدا الباااب ويجيو يكملو علييك وقوليناا شكون هااد سيباستياان وكيفاش عرفتييه وشنو الحركة الجديدة اللي غايديرو
-دينيز:ماعاارفش..هوما ماكايقولوش لياا..عرفتي علاش؟حيث هوما أذكياااء عليكوم أسي جاان
ابتاسم ليه جان للحظة وضربو بقبضة يدوو بقوة حتى خلاه يرجع راسو للوراء ويتضرب مع الحيط..رجع جمع أنفاسو وتكلم من جديد
-دينيز:فكني ألشمااتة فك..فك وغاتشوفني شنو غاندير فييك..رابطني وكاتبين علياا قوتك
تجااهل جان كلامو وقال
-جان:شكون هااد سيبااستياان وعلااش فاش بحثنا عليه طلعو معلوماات قلييلة..شنو سميتو الحقييقية..وشكون خدام معااه؟شنو غااايديروو؟وفينوو هو داباا..(بصرااخ)تكللللم
ابتااسم دينيز باستهزاء وقاال
-دينيز:راني قلت ليك هوما أذكيااء عليكووم بزااف وداكشي علاش وليت فجهتهووم..حيث مابغيتش نكون مع أغبيااء بحاالكووم..وحيث عاارف طال الزمان ولا قصاار نهايتكوم غاتكون على يد دد
حس براسو شنو كان غايقول وسكت 
-جان:كمل شنو سميتوو..كمممل..ماباغيش تتكلم..واخاا 
وقف مشى لغرفة صغييرة مليئة بأدوات التعذيب وجاب منهاا كاسر الأصابع..ووضعو أمام دينيز..هاد الأخير اللي فتح عينيه حتى شافها ورجع سدهوم مزير عليهووم بأسى كبيير
عيط جان على جوج من رجالو فتحو السلاسل..ووضعو أصابع يدو عليهوم..ودارو مايشوفو فيه كايتسنااوه يعطيهوم الإشارة..كانت مرسومة على فمو ضحكة شرييرة وهو كايشووف فدينيز وكيفاش استسلم ليهوم ومادار حتى ردة فعل..
-جان:عندك ماتقول قبل مانبداو؟
-دينيز:هوما غايجيو ويعتقوني منكووم..أنا ثايق فيهوم
-جان:ههه أياياااي.. لنفترض هوما جااو فغايجيو حيث خايفين تفضحهوم ماشي محبة فوااحد خائن بحالك..هوما دابا راكايقولو كيفما خنتيناا غاتخونهوم حتى هوما..الخائن كايبقى خائن كيفما كانت الأسباب..
طلع فيه دينيز عينيه بأسى ورجع سدهوم بدون مايتكلم وهو كايتسنى الشعور بالألم..
ووماا جان لرجالو بأنهوم يبدااو وداكشي اللي كان..سدو على أصابع يديه ببطء وتعااالت صرخااتو اللي كاتعبر على شدة ألمو..
علاش مايتألمش وأصابع يدو اللي طالماا قامو بعمليات جراحية ناجحة وطالما افتخر بيهوم هوما داباا وسط آلة لعيينة غاتنهي مساارهوم ببساطة.. علاش مايتألمش وهو كايسمع صوت تهشم عظام أصابعو وكايحس بتفتت لحمها..
ومن كثرة شعوورو بالألم صرخ بقوة كبييرة وقال
-دينيز:اعععع أنا ماغاانقول ليكوووم والوووووو..ماغانرتاكبش نفس الخطأ
شاف فيه جان بتشفي وقال وهو كايتصنع الرأفة
-جان:صرااحة بقيتي فياا حتى العائلة ماعندكش اللي غاتطل على قبرك..
اخخ وتشوفو بشنو حس دينيز فهاد اللحظة..بالله فالله التعذيب اللي دارت ليه هاد الجملة أشد من العذاب والألم اللي كايشعر بيه فأصابع يدوو..ماشعرش حتى نزلو دمووع وسط صراخو..دمووع كاتعبر على حصرتو على النهاار اللي فكر يقبل عرضهوم..ااه كانو ضاغطين عليه..لكن لو أنو انتااحر أنذاك كان أرحم ليه من هااد الشعور..

"إن أصدق الدموع دموع الرجال لأنها نادرة.. فندرتها سر صدقها وقوتها فى ضعفها.."
شكوون قال أنو الرجل مني كايبكي هذا كايدل على ضعفو وكايمس فرجولتو..على العكس فالرجل لايبكي إلا قهراا

لو كانو عندي والدين كانو غايوريوني الصح من الغلط وكنت غانستاشر معاهوم..شنو ذنبي فكوني يتيم؟

واش هادي هي نهاية مسيرتو كطبيب جراح؟أو ربما نهااية حياتو؟واش هوما بصاح غايجيو ينقدوه ولا كيف قال جان هوما غايخليوه؟واس هاداا عقااب الله لييه على أفعالو رغم أنها كانت خارج إرادتو؟

-دياب:فيين وصلتي؟قربتي ليهووم
-يزيد:ااه أنا قربت بقالي شوية..داوه لبنااية قديمة خارج إسطنبوول..وحتى الطريق هناا صعيبة
-دياب:نتا ديتي معااك المسااعدة ياك؟
-يزيد:3 دالسياارات حاملة ل 15 شرطي من القاعدة ديالنا وكولهوم مسلحين..
-دياب:حااولو تسرعوو يقدر يآذييه ولاا يقتلوو داك **** دجان
-يزيد:احمم الشااف علاش مهتم بيه لهااد الدرجة؟
-دياب:بغيتيني نخليييه ولاا..هو رااه عااوني وسهل عليا المأمورية فبزااف دالأشياء..ااه هو دار أخطاء وكوولنا كانخطؤو وهو رااندم داباا..نبغييك تدير اللي قدرتي علييه..وتشد حتى دااك جان..هوما دابا راعرفو أنو القضية وصلات لينا يعني ماكااين مانخبييو..مفهوم؟
-يزيد:وي الشاف..غاندير كثر من جهدي كون هااني
-دياب:دير كثر من جهدك أيزييد كثر من جهدك..هو مايستاهلش يموت على يد ديك العصاابة..وأركان شنو دار؟
-يزيد:أنا خليتو مشى يديير خدمتو حتى هو..كون هاني واعتابرها ناجحة..هو مابقاش مقلق منك ورجع ليه عقلو
-دياب:أصلا خاااص يرجع لييه بخاطرو ولا بزز منوو..
-يزيد:احمم سي دياب..روهان قالولي ماكايناش فالمركز..نخاف تدير لينا شي مشكل..
-دياب:أنا شفت مكانها..هي دابا فدارهووم..ماغاتديرش لينا حتى مشكل 
-يزيد:كاانتمنى ماتشكش فوالو..
🌼🌼كان واقف أمام المستشفى..لابس دجاكيط وداير القب ديالهاا ولابس نظارات شمسية وكايصوط فيدو على البرد..كايتظااهر بالألم فبطنو..لاحظ سيارة سودااء اللون وهبط منها رجل قوي البنية ولابس بدلة سوداء..وفيدو ملف أسود هو الآخر..
شاف فيه أركاان مزيان وفالملف اللي بين يديه وتقدم لناحيتو وهو مازال يتظاهر الألم..حتى طاح على كتفو
-أركان:عااوني أسيدي عااوني..الله يخليك عااوني
شااف فيه الرجل باستفهام وقال
-الرجل:ماالك شنو باغيني؟
-أركان:عاوني أسيدي..مراتي مرااتي فخلف المستشفى سخفاانة وماقادرش نهزهاا..نتا تبارك الله صحييح..الله يخليك يالااه معاياا..أناا فيا الوجع فكرشي وماقاادرش نهزهاا..اهئ الله يخليك عااوني..هي حااملة
شااف فيه الرجل كيفاش كايبكي وشاد فبطنو وكايتألم بقوة..شاف فالملف وقال بينو وبين نفسو
الرجل:الملف غايتسنى(لأركان)يالااه وريني هاد مرتك فينهاا
-أركان:أجي معاياا أسيدي..شكراا بزااف شكرااا..
-الرجل:شنو خرجهاا للحديقة وفهاد البرد
-أركان:أنا ماخلصتش للمستشفى التكلفة حيث ماعنديش وأنا غي بناااي وعاد درت عملية للكلي فهاد المستشفى ومني خرجت منها عاد كانحس براسي كثر من اللي كنت اواا وهوما خرجوها للحديقة فهاد البرد الله ياخد فيهوم الحق اهئ..
وقف الرجل فالحديقة اللي كانت فارغة..وهو كايشوف فأركان باستفهاام وقال
-الرجل:فينهاا هاد مراتك؟
-أركان:علاش أنا مزوج بعدا
-الرجل:نتا شنوو
طاح الرجل فالأرض مغمى عليه إثر ضربة جاتو فراسو من شرطي معاهووم..
ابتاسم أركان ..حيد نظاراتو وحتى القب ديالو وضحك وهو كايشوف فيه ممدد فالأرض..خدا الملف من يدو ..
حيد الجاكييط وخداا البدلة ديالو..ودار مخاطب الشرطي..
-أركان:خودوو علياا هاداا..وضايفووه مزياااان
-الشرطي:أمرك سيدي..
بقى واقف حتى دااه الشرطي..صور الملف وأرسل الصور لدياب..
-أركان:الخطوة الأولى دازت بسلااام
طلع شعرو للأعلى ولبس نظاراتوو وتمشى فاتجاه باب المستشفى وبالضبط مكتب محمود..
دق فالباب وبقا واقف حتى سمع اذن ليه محمود بالدخوول..
دخل وهو مهبط راسو وحط ليه الملف فوق الطاولة وقال
-أركان:هاداا ملف صيفطو ليك سي جان
طلع محمود عينيه فيه وقال
-محمود:ماشي نتا اللي كنتي كاتجي لعندي
-أركان:ااه أنا البديل ديالو..وقع ليه مشكل مع سي جاان..
-محمود:همم هااكداك..قول نتا جديد
-أركان:ااه أسيدي..سي جان الله يرحم والدييه قبل يخدمني عندو
-محمود:اااه بصااح..جان عندوو مع الخيير بزااف..
-أركان:تماماا أسيدي..الا مابقيتيش باغيني يكمن نمشي؟
خدا محمود الملف بين يدو وقال..
-محمود:ااه يمكن ليك تمشي..ااه شنو سميتك؟
جاوبو أركان وبكل ثقة وقال..
-أركان:سميتي محمد 
-محمود:همم محمد مرحبا بيك معاناا
-أركان:شكرا أسيدي..
خرج أركان من مكتب محمود وعلى فمو ابتسامة وقال بينو وبين نفسو..
-أركان:هاكداا ماغايشكوش مني وصلهووم الملف..الخطوة الثانية تمت بنجااح..إذا العملية غدا
🌼🌼
-دياب:إذا العملية غدا..وفهاد الغاابة..وااو على صدفة..
خرجات ريم من الغرفة وقاالت
-ريم:اشمن صدفة هاادي
طلع فيها دياب عينيه ورجع شااف فهاتفو وقال
-دياب:رجعي دخلي للغرفة
تجاهلات ريم كلامو وجات جلسات حداه فالفوتوي الوحيد اللي كان تما وبقات كاتشوف فالحاسوب والكتبة الكثييرة اللي كانت فالشاشة ديالو واللي كاتدوز بسرعة
-ريم:وانااري كيفاش كاتفهم هاادشي
جاوبها دياب وهو باقي كايشوف فصور الملف فالهاتف ديالو
-دياب:كيفما نتي كاتفهمي فالطب..رجعي فحالك للغرفة وماتديرونجينيش
-ريم:والله مانتكلم وعد..
بقات صامتة لأقل من 3 ثواني وقالت
-ريم:ديالاش هاد الموقع اللي بالأحمر؟
-دياب:تما فين غاندفنك..غبري من قداامي

-ريم:علااش كاتقمعني هااكداا..راكانحاول نتعلم أشياء جدااد زعماا..
-دياب:من الأحسن تبقااي صاامتة..كثرة الكلام تدل على ضعف العقل 
شافت فيه ريم بإنزعااج وكيفاش كايتكلم وهو ماكايشووفش فجهتها وكأنها ماكاينااش..تنهدات بعمق..طلعات راسها للأعلى وقالت
-ريم:اواا غي قلت..على الأقل بعداا نستاافد منك فحااجة وحدة..
طلع دياب عينو فيهاا بعدم تصديق وقال
-دياب:على أسااس نتي داباا مامستافدااش مني..راني حااميك يمكن لا؟
-ريم:مابااانليش..باقي ماعارفااش واش معااياا ولا ضدي..
حط دياب تيليفونو ودار عندها وهو كايحرك راسو ومصغر عينو
-دياب:بلاتي بلااتي..نتي دابا كاتحااولي تزلي لياا لسااني يااك؟
خرجات ريم عينيهاا وطلعات حجبانهاا وعاود هبطااتهوم
-ريم:أويلي بالعمااا..(بابتسامة)غي زعما الا بغيتي نتا تقوول على خااطرك..باش مانبقاش مشطوونة وصافي
-دياب:(بغمزة)همم اواا خليك مشطوونة
-ريم:عافااك عاافااك وااقوول بليييز
بقى دياب كايشوف فيهاا كيفاش كاتطلب فيه..جامعة شفايفها الوردية ومكمشة حواجبهاا..قرباات لعندو وحطات يدها على رجلو وزيرات عليه..هبط عينو ليديها وعاود طلع راسو فيها وهو داايخ..حطات راسها على يدو وبقات كاتطلب فيه
-ريم:واعااافاااك مايكونش راسك قااصح..قولي نتا فاش خدااام
-دياب:احمم واخاا واخاا غانقول ولكن بعدي حيث مانضمنش ليك شنو غاندير وحنا هناا بوحدنا فهاد الغاابة
بعدات منو ريم بسرعة وهي مخرجة عينيها بخوف..ابتاسم وقاال
-دياب:نتي بصااح ماكاثيقيش فيا كيف قلتي فالدار هاا؟
حركات ريم راسها بنفي وقال
-دياب:يعني ماكاثيقيش فياا
حركات ريم راسها بنفي..شوية حركاتو بإيجاب..بقا كايشوف فيها باستفهام ونطقات بسرعة
-ريم:ااه..زعماا لاا كانثييق فييك..هاديك غي فلحظة غضب..(رمشات عينيهاا وقالت)سمحلي
شاف فيها دياب وظهرت ابتسامة كبيرة على شفايفو وقال
-دياب:اعتذارك مقبوول ألالة واخا عارفك كاتقولي هاكذاا غي بااش نقوول ليك
حركاات ريم راسهاا من جديد بالنفي وقالت
-ريم:لاا لاا والله حتى كاانثييق فيك..عارفااك رااجل ونص ولكن باقي عندي شوية دالشك فطبيعة عملك..من حقي أولا
-دياب:ااه من حقك..كايقولو الشك إذا دخل العلاقة يهدمها..ولكن فموقفك نتي الشك مزياان..خاصك تشكي فكوولشي حيث ماشي كاع الناس طيبيين وقلبهوم بيض..حتى أنا ماثيقيش فيا بزاااف
شافت فيه ريم بخوف وقالت
-ريم:كك كيفاش ماثيقش فيك؟
ضحك دياب وقال
-دياب:غي كاانضحك..خاصك تعودي على نوعية الضحك ديالي..المهم أنا غانقوليك..أناا أ أنسة رييم خدام ف..
طن طن طن..
تلف بسرعة لهاتفو اللي كايرن وفور مالقى المكالمة من يزيد قال
-دياب:ريم دخلي للبيت شوية ونعيط عليك
-ريم:هي يااك..ديك عارضة الأزياء
شاف دياب فهاتفو ودار شاف فيها وهو مخنزر
-دياب:ريم مانعاودش كلامي دخليي للغرفة
وقفات ريم وهي مخنزرة ودخلات للغرفة..
جاوب فهاتفوو وفور ماسمعات صوتو حطات أذنها على الباب وهي كاتستارق السمع
-دياب:وي شنوو وااقع لقيتوه؟
-يزيد:ااه لقينااه..ولكن للأسف لقينااه..مم
-دياب:كيفااش لقيتووه تكلم..شنو وااقع لدينيز..
كمشات ريم حواجبها وزادت فتحات الباب بشوية باش تسمع..شنو غايكون وقع لدينيز؟
-يزيد:احمم حناا فاش جيناا لهاد المبنى لقيني غي دينيز..لاخرين هربوو قبل مانوصلو لهناا
-دياب:يزييد مااتطولش فالكلاام..دينيز ماات؟
خرجات ريم عينيها بصدمة فور مااسمعات كلامو..يكون دينيز بصاح مات؟
-يزيد:لاا لاا هو ماماتش..نتمنى يكون مامااتش داباا
صرخ دياب بقوة وقال
-دياب:يزييد مااتعصبنييش..تكلم مزياان ونتاا كاتنطق جوج كلماات وتسكت
-يزيد:سمحلي ألشااف غي مصدوم من ااحالة اللي لقينا فيها دينيز..أصابع يدوو كولهوم مقطعين ومبجوغين..وو كانوو كايديرو ليه عملية استئصااال دالقلب وبدوون مخدر..لقينااهوم عااد دارو فتحة فصدروو..حتى كاايبان قلبو كاايتحرك كانتعجب كيفاش قدر يتحمل الألم ومامااتش والله حتى ضرني خااطري ألشااف مني شفت حالتو
-دياب:ماااسولتكش بشنوو كاتحس زيد كمل
-يزيد:احمم كنا جايبين معاناا سيارة الإسعاااف وهوماا داباا راهوم دارو ليه الإسعاافاات ودااوه للمستشفى وأنا دابا كانتسنى فالشرطة العلمية تجيي للمكاان باش تااخد البصماات فالمكاان..أكيد غايكونو بصمات هاد الطبيب اللي بغا يدير ليه العملية بدون مخدر وبغاا يعذبوو وأكيد حتى بصماات دااك **** دجاان
-دياب:ااه صافي بقى تماا حتى تجي الشرطة العلمية وبقاا حااضر لكولشي حتى حااجة ماتدوز علييك ممكن يكونوو عندوو مصادرو حتى داخل الشرطة العلمية خااص نااخدو احتياطااتناا
-يزيد:واخا ألشااف..أركاان دار اللي قلتي ليه
-دياب:ااه وصلوني المعلومات..هوماا غايديرو العملية ديالهوم هناا..فالغاابة فاش كااين..غايستالمو الأعضااء وفالغالب ماغايديوهومش للمستشفى الخااص..أكيد غاايديوها لشي مستشفى أخر وفالغاالب فالقسم الأوربي لتركياا..
-يزيد:الشااف دينيز فاش شافناا كان كايتمتم باسمك وكايقول شكرا
تنهد دياب وقال
-دياب:غايتشافى

بقاات ريم كاتدور فالغرفة وتعض فأظافرهاا بخوف..مشاات بسرعة فاتجااه الناافذة وخرجات راسهاا كاتنفس بعمق وتدخل الأكسيجين لرئتيهاا..حااسة براسهاا مجلية وماعاارفااش شنو دير..دينيز بصااح ماات ولا باقي حي؟وشكون أذااه؟يكونوو ديك العصاابة؟ولكن هو معاهوم؟ديااب شنو قصد بكلاامو؟؟وأشمن عملية علاش كان كايتكلم؟وأشمن أعضااء؟هو معاهوم ولا ضدهوم؟وواش هي فمأمن بصااح مع دياب؟واش أنها تبقى فهاد الغابة ماغايشكلش خطر على حياتهاا؟شنو مصيرها؟واش غاتنجى من هاد المصيبة وتكمل حياتها عادي؟غاتخرج من هادشي بدون خسائر؟
بعدات من النافذة وحسات بألم كبير فرأسها..شداتو بين يديهاا وبقات مغمضة عينيها وكاتسنى فالألم يمشي..فتحات عينيها بعدما راح الألم وكانت رؤيتها ضبابية..سدات عينيها من جديد وهي كاتحس بالدوران..جلسات فالأرض وتكات راسهاا على الحاائط وهي كاتنفس بقوة
-ريم:شنو وااقع لياا ااه ياربي
سمعات صوت فتح الباب ومع ذلك ماقدراتش تفتح عينيها..جرى لعندها دياب بسرعة وشد فوجهها..وقال ليها بخوف
-دياب:ريم..شنو وااقع ليك..ماالك؟
فتحات ريم عينيهاا فيه..كانت رؤيتها ضبابية فالأول وبعدما بدات كاترمش بزااف رجع كيفما كان بشكل تدريجي..
-ريم:أنا بيخيير..غي شدااتني الدووخة وصافي غايكون غي ضغط الضغط عندي انخافض
شااف فيها دياب وقال ليها بعتاب
-دياب:حيتااش مافااطرااش..رااك دكتورة زعماا وعاارفة الجسم كاايحتااج للأكل..بااغة توقفي ونتي ماوااكلااش..ولاا كاتعرفي غي تنصحي ف..
حطات ريم يدها على فمو وقالت وهي كاتشوف فعينيه
-ريم:شش عافااك ماتكلمش..رااسي كايضرني
بقا دياب كايشوف هو الأخر فعينيها وكايشوف كيف ماترمش..وضع يدو تحت رجليهاويد أخرى تحت راسهاا وهزهااا..بقات كاتشوف فيه..ابتاسم ليها وابتاسمات هي الأخرى..
وضعهاا فوق السرير وتحنى يحيد ليهاا سبرديلة..بعدات رجليها وقالت
-ريم:ماكاين لااش أنا وليت بيخير..غي سير..كمل خدمتك
ماعارش لكلامها إهتماام وحيدهوم ليهاا..
وقف وخرج من الغرفة بدون مايقول ليها كلمة..وبعد دقاائق رجع بحسااء خضر ساخن وتفاحة..
-دياب:غي قبلي علياا..هادشي جبتو معاياا من الداار..(عمر ملعقة ومدها ليها)كولي باش تمشي منك السخفة يالااه كولي
بعدات ريم فمها وهي مخسرة سيفتها وقالت 
-ريم:لااا لاا مابغيتش
-دياب:رااك عارفاني ماكانبغيش نعااود كلامي..يالااه أحبيبة..حلي فمك..أووب هااهي الطياارة دخلااات ههه..
صرطات ريم وهي باقي مخسرة سيفتها..جابت ليه الضحكة وحاول يحبسها
-دياب:ههه براافوو شطوورة..يالاااه هااكي وحدة أخرى
-ريم:لا لاا أناا بيخيير راقلت ليك غي شوية دالسخفة وأصلاا كاتجيني مرة مرة عاادي
-دياب:ماشي سووقي ألاالة هاادي حلي فمك 
حلات فمها وشربها مرة أخرى
-دياب:هاهي الطياارة الثانية دخلااات هه
-ريم:ماتعااملش معاياا بحال بنية صغييرة
-دياب:ربي عطااني وليد وهاتي داباا عندي بنيتة زويونة حتى هي..شربي قبل مايبرد
-ريم:كيفاش حتى بقى سخوون
-دياب:(وضع ملعقة ففمها)هاكدا كاندير فالأياام فاش كاتكون الخدمة كثييرة..عندي واحد اللعيبة كاتخلي الماكلة سخوونة..كنت معول نديهاا معاياا للغداا حتى درتي ليناا ديك الفضيحة
-ريم:ديااب نتاا فشنو خد..مم
وضع معلقة ففمها ووماا بعينو بمعنى ولاا كلمة
-دياب:من بعد ونقولك مااشي داباا..كولي بااش ترجع ليك الطااقة دياالك (بغمزة)بااقي بااغيك صحيحة
خرجات ريم عينيها فيه وضرباتو لكتفو
-ريم:حقيير ماكاتحشمش
-دياب:مااقلت والو نتي اللي ماعرفتش شنو قااليك داك العقل الموسخ عندك
-ريم:همم على أسااس نتا عقلك نقيي..عمري شفت شيواحد سافل بحاالك
شربها دياب اللي بقى فالإناء فدقة وحدة حتى خرج من جوانب فمها وتكلم وهو مطلع حاجبو
-دياب:هوو هادا اتهام كبير فحقي دكتورة..عيب تقولي هااكدا ونتي باقي ماشفتي مني حتى حااجة ساافلة بالله فالله عييب..وأناا اللي عطيتك مااكلتي وبقيت داباا بلااش..بشنو غاانتغدا أنا داباا همم
طلعات ريم أكتافها بعدم مبالاة وقالت
-ريم:ماقاليك حد عطيني..راني قلت ليك غاتمشي الدوخة غي بوحدها..وحتى مذاقهاا مر ومسووسة
شاف دياب فعينيها وهبط شاف فجانب شفايفهاا..انتابهات لشوفااتو وقالت
-ريم:دياب ماتشوفش فياا هاكدا
ماعارش اهتمام لكلامها كالعاادة وقرب من شفايفها ببطء..وهاهي ذي من جدييد مخذرة من قربو ورائحتو الرجولية..غلقات عينيهاا بخضوع..شاف فيها وكيفاش سدات عينيها وظهرات ابتسامة جانبية على فموو..قالت ماتقربش مني قالت..فين هي اللي عطاتو درس فالأخلااق والتربية والدين قبل ساعاات..قرب وقبل جوانب فمها اللي كان عليهوم الباقي من الحسااء..بعد منها وخلاهاا باقي سادة عينيهاا..فتحاتهوم ببطء ولقاتو كايمصمص فشفايفو
-دياب:همم علاش كاتكذبي الحسااء لذييذ..
بقات ريم كاتشوف فيه بصدمة وكاترمش فعينيهاا بعدم تصديق..
وقف وهز البلاطو بين يديه..وقبل مايخرج من الغرفة شاف فيهاا وقال
-دياب:ماتبقاايش تقولي أشياء ماقاداش عليها ألنعجة..نخليك ترتاحي أحووبي

🌼خرج دياب من الغرفة ديالها وعلى فمو ابتسامة كبيرة..وهو باقي كايمرر لسانو على شفايفوو..حاس بفرحة كبيرة وهو هاكدا قريب من ريم..فرحان لأنه كايقدر يأثر فيهاا ويخليهاا تنسى كااع اللي قاالت وكاع اللي وااعداات راسهاا بيه..كونهاا كاتأثر بقربو فهذاا كايعني أنهاا كاتحس بشي حااجة اتجااهو..شكون عرف ربماا يكون حب؟
"تكون كاتبغيني؟"
همس بيها دياب بينو وبين نفسو بعدما جلس أمام حاسوبوو..نفض هاد الأفكاار من عقلو ورجع كشر من جديد وهو كايشوف فشاشة خاسوبو..دخل لموقع جاان ولقااه فنفس البنااية..
-دياب:بفف إذاا خلااا هااتفو فالبناااية..ااخخ أكييد رد الباال
خدا هاتفو واتصل بيزيد وبعد ثواني جاوبو
-يزيد:وي شااف
-دياب:وصلاتك الأخبار على دينيز؟
-يزيد:ااه وصلاتني..حالتو مستقرة نسبياا..هو دابا راه فالإنعااش
تنهد دياب بقوة وقال
-دياب:درتو عليه حراسة يااك؟
-يزيد:وي ضرووري..صيفط اللي يبقى حاارسو كون هااني
-دياب:مزياان مزياان..يزيد لقيتوو الهاتف دجان تماا ؟
-يزيد:كنت بااغي نقولها لييك..لقينااه ولكن مافيهش بطاقة الإتصال..
ضحك دياب باستهزاء وقال
-دياب:أياياااي..واش هااد النوع الغبي وااثق فراسو بزااف لدرجة يدخل فعصابة بحال هاادي..
-يزيد:ماافهمتش..يااك جهاز التتبع غرساتو روهان فالهاتف
-دياب:أنا فكرت فهاد القضية..هو أكيد غايركب البطاقة فهاتف أخر باش يقدر يتواصل مع الرئيس ديالو..وأناا قاادر نوصل حتى لهااد الهاتف..انطلاقاا من البطااقة
-يزيد:وااو..انت تحفة أسي دياب..بالله فالله تحفة
ابتاسم دياب وقال بتكبر
-دياب:احمم عارفني ماغاانتوااضعش حيث فعلاا أنا تحفة 
-يزيد:ههه ااه من حقك من حقك..لو ماكنتش عاارفك كنت غاانثيق أنك كاتكلم بصااح 
ابتاسم دياب من جديد وقال
-دياب:اواا شفتي خاصك تحمد الله اللي عندك رئيس متوااضع وضريف بحالي هه..
-يزيد:ديماا كانحمد الله ونشكروو خيث لاقاني الله بيك وكنت من الأوائل ففريقك وثقتي فقدراتي
بقى دياب صامت وهو مبتاسم..وفالجهة الأخرى كان حتى يزيد مبتاسم وكايتسنى منو يثني عليه ويجاملو..حتى سمع
-دياب:يزيد بغيتك فواحد القضية
تنحنح يزيد بإحراج وجمع ابتسامتو وقال
-يزيد:احم ااه شنو ألشااف
-دياب:روهاان..هي خرجات من المقر بعد ما دوزات فيه سااعة ورجعات لدارهاا..وبقاات تماا..وماصونااتش لياا..أكيد غاتكون لاحظات الإختفاء دبالناا كلنا فنفس الوقت..خفتها تكون شااكة فشي حاجة..فالأخيير روهاان بنت ذكية بزااف وأكيد غاتشك فشي حااجة..بغيتك تبقى حااضيهاا والاا خرجات تبعها فينماا مشات..مابااغيش تخرجلي مشكلة وأنا قربت نسالي من هاد القضية د ****
-يزيد:وي أناا غاانمشي داباا..أصلا الشرطة العلمية كملاات وغانخرجو مجموعين
-دياب:ااه صافي..رد الباال وماثيرش الشبهاات
-يزيد:كوون هااني ألشااف..
-دياب:بسلاامة..بلاتي ماتقطعش..هضر مع أركاان وقول ليه يمشي للمقر ويوجد الوحدة اللي غاتكون معاناا غداا وغاتدخل فالعملية..ويرااقب كولشي..واللي سولو يقوليه محتاجينو فشي قضية أخرى غيير هااد القضية..نااخذو الإحتيااط أحسن مانوقعو فمشااكل..الخونة موجوودين بكثرة
-يزيد:تماام الشااف غانقولها ليه..ولكن علاش ماقلتيهاش ليه نتاا؟مم ماديرهاش مني قلة الصوااب غي فضول وصافي
-دياب:الفضوول من الميزاات اللي كايعجبووني فييك..ولكن ماتحااولش معاياا..
قطع عليه ولاح تيليفونو بجانبو ..ضحك باستهزاء وقال
-دياب:يزييد الفضولي
رجع خداام فحاسوبوو وكايدرس الخطة من جديد..ومرة مرة كايشوف فباب غرفة ريم وكايقول مع راسو شنو تكون كادير..تكون نعساات؟
🌼🌼
بقات ريم مكمشة ففراشهاا وكاتفكر..شنو داارت عااود؟هي رااه استسلماات ليه من جديد..علاش وكيفاش وإيمتا؟ماعاارفااش..اللي عارفة هي أنها ولات مسحورة من طرف ديااب..مسحوورة من ضحكتو..كلامو..عينيه..كلامو..ذكاؤو..وحتى غباؤو..ااه حتى غباؤو..باش تكون غبي فهذاا كايحتاج بحد ذاتو لأنك تكون ذكي..هااكذاا هو ديااب..وهاكذا هي قرااتو..ذكي ويجيد التظاهر بالغباء..ماهر فالتهرب من أسئلتها..ويجيد استخدام وسامتو وجمالو وحتى الغزل..باختصاار شخصية اللي عمرها كانت تظن تميل لصااحبها..من طبعها كاتبغي الإنسان يكون وااضح ومافيهش جانب من الغمووض..ولكن علاش هي داباا كاتحس بهاد الإحساس الغريب اللي عمرها حسات بيه فحيااتهاا اتجاه دياب..اتجاه شخص هو كلو غمووض شخص مراااوغ وبطريقة عجيبة..هو كايعرف عليهاا بزااف دالأشياء..على عكسها هي بالكااد كاتعرف عليه أشيااء قليلة..
"ااخ منك أديااب اخخ"
همسات بيها ريم وهي كاتشوف فباب غرفتهاا وعلى فمها ابتساامة

🌼🌼لابسة فستاان خفيف وقصير وفوقو بينوار..طالقة شعرهاا اللي كايتحرك مع الريح وجالسة فالبالكون..وأمامهاا كأس من النبيذ..
خدات الهاتف من جيب بينوارها وطلات عليه..وكيف كاع المراات اللي قبل ماكان حتى اتصال..تأففاات وقالت
-روهان:بفف ماصونااش..وختى يزيد وأركان ماصونااوش لياا..شنو نصوني ليه أناا ولا نعطي قييمة لراسي كيف قاال يزيد؟
وقفات وحطات يدها على حاشية البالكون وبقاات كاتشووف فالحديقة وكايبانو ليها حتى السيارات اللي كايمرة فالشارع اللي أمامهووم..بقات كاتشوف لمدة ورجعات خظات التيليفون من فوق الطبلة..وصونات ليه..
-روهان:ألوو حبيبي..
وقف دياب وخرج من الكوخ وقال
-دياب:ألوو حبيبة صافا؟
-روهان:شوية..قولي فيينك؟نجي عندك للدار
-دياب:لا أنا ماكاينش فالداار داباا..ومانقدرش نقوليك فين كااين..بلا ماتمشي للدار ماغاتلقاينيش
-روهان:بفف توحشتك بزااف وحتى ماسولتيش فيا
-دياب:راك فبالي أحياتي..غي عندي واحد الشغل خااص نقضييه..قالولي كنتي فالمقر
-روهان:أووف ااه ماتفكرنيش..خلاوني دوك الحمير د يزيد وأركاان بوحدي خدامة فالقضاياا وغبروو ماعرفتش فين مشااو
-دياب:ااه قالولي أركان مرض وكان عندو يزيد..مامشيتيش نتي عندو؟
-روهان:الاا مامشيتش..مافراسيش
بعد دياب الهاتف من أذنو فور ماسمع رنين آتي من الحاسوب..رجعو من جديد وقال ليها
-دياب:حبيبة ماما كاتصوني غاانقطع..(دخل للكوخ)بقااي فالداار رتاحي اليوم وغذاا اعتابريهاا عطلة
-روهان:بصااح أحياتي
-دياب:ااه كادو مني أروحي..بسلاامة
قطع عليهاا وركب الكااصك فوذنوو ودخل للاتصال بسرعة
🌼🌼حيداات الهااتف من أذنها ولقاتو قاطع عليها..شافت فيه بحزن ورجعاات وقفات كاتطل ..لمحاتو من بعيد جاالس فسيارتو وكايطل من نافذتو..شيرات ليه وعلى وجهها ابتسامة..خرج يزيد هو الأخر من السياارة وشير ليهاا..أشارت ليه باللي هاابطة وخرجات من البالكون..زيرات حزام بينوارهاا على خصرها بقوة وملامحها غاضبة..ضحكات باستهزاء وقالت
-روهان:هه عند باالكووم أنا غبية لهااد الدرجة..
🌼🌼
-معتصم:بدلتي التيليفون يااك
-جان:ااه بدلتوو أسيدي..ولكن نتا كيفاش عرفتي؟
-معتصم:ماكايهمش كيفاش المهم عرفت..كون هاني أجاان غااتعاااقب على هادشي وحتى على كونك باغي تقضي ليلة مع بنتي بلا حشمة بلا حياا..غي حتى تدووز هاد العملية عقابك شديد
بلع جان ريقو بخوف وقال وهو كايترعد
-جان:سس سمحلي سيدي كنت سكران..
-معتصم:نسى علياا هاد الموضوع من بعد ونهضروو عليه..حنا غانديرو العملية غذاا واخاا وصلات للشرطة الدولية..نبغي كولشي يكون هو هادااك..نبغيكووم تقتلوهوم كلهووم طالماا القضية وصلاات لبنتي ووليت كانتغدر من دااخل دااري وتجرؤو أنهم يقربوو مني غانااخد حقي بيدي..غانقتلهووم كولهووم والعملية غااتدووز على أحسن وجه..
-جان:ممكن مايوصلووش ليناا..ومايكونوش عاارفين البلاصة فين غاتم العملية
قهقه معتصم بقوة وقال
-معتصم:فعلاا نت غبي..هوماا راه توصلوو للمكاان..وعاارفهووم كايوجدو داباا باش يتعرضو ليناا غداا ههههه..والأكثر عااارف أنوو سيبااستيان كاايسمع لكلامناا داباا..أولاا نقول ديااب أحسن
-جان:مافهمتش..كيفاش؟
-معتصم:سي ديااب باقي ماغاتجيبش مامااك تخطب بنتي..ههه عاد تأكدت أن الشرطة أغبياااء..
قطع الإتصال وخلا دياب حال فمو مصدووم..وماعاارفش شنو يديير..هاد معتصم ذكي لهاذ الدرجة؟حتى أنه عارف كل تحركااتو وكايراقب من بعييد؟شكون يكون قااليه على هاادشي؟تكون روهان؟لا لاا روهان مستحيل تخوونوو..روهاان كاتبغي المهنة ديالهاا مستحيل تديرهاا..
شنو غاايدير دابا باش يقدر يهزمهووم؟أكيد هاد معتصم عندوو خطة وإلا علاش غايعرض أوراقو قدام دياب هاكداا؟!
هو خاصو يفكر مزياان ومايتسرعش فالخطوة المواالية..ويخطط من أول وجديد..
ااه فمقدوروو يلقي القبض على معتصم وحتى على جاان..تسجيلاات الاتصالات ديالهووم كولهاا عندو..ولكن ومن بعد؟والأعضااء اللي تمت السرقة ديالهاا فين غااتمشي..هو رااه حسسو بأنو غبي..ضحك عليه واستهزأ بييه..ديااب ولاا أضحووكة..مايمكنش يتقبلهاا

شااف فكأس قهوة قدامو وضرب بيه للأرض بقوة وصرخ بصوت عالي
-دياب:اعععععع غااندمك..غاندمك..كانقسم ليك حتى ندمك
وعلى إثر صوت كسر الكأس وصراخ دياب فاقت ريم من نومهاا وهي قاافزة وشداات فقلبهاا 
-ريم:(بخوف)اشنو وااقع؟دياااب
وقفات بسرعة من فوق السرير وحسات بالدوخة من جديد..حساات أنو الأرض كادوور بيهاا بسرعة خيااالية..شداات فراسهاا بكلتا يديهاا وبقات واقفة كاتنتاظر فيها تزوول وتمشي تشوف حاالة دياب..ولكن لاا.. هاد المرة الألم كان أقوى من الأول وبكثيير..وحتى حااسة برجليها منمليين عليهاا وماقاادراش توقف عليهوم..
مااحسااتش براسها حتى طااحت فوق السرير وهي مازاالت شادة فراسهاا بقوة وكاتألم وتحااول تكبث صراااخهاا فالدااخل ديالهاا..بالله فالله ألم فظيييع ولا يطااق!

بقاات شادة راسها بقوة من شدة الألم اللي كااتشعر بيه فرأسها كولوو..لدرجة تمناات لو تفصلو عن جسدها ربما ترتااح..بااغا توقف ولكن هي حتى ماكاتحسش برجليها..وكأنهم غير موجودين..دخلات راسها تحت المخدة وزيراات عليه أكثر وأكثر..وهي كاتسمع لصوت الكسر آتي من الخارج..وأخيرا صوت الباب اللي تضرب بقوة حتى حسات بقلبها تحرك من بلاصتو..بقات هااكداك لمدة صاابرة للألم وبدوون حتى ماتصدر منها صرخة..فقط أنين..
هكذا هي ريم..قوية وصبورة
وقفات أخيرا على رجليهاا اللي باقي كاتحسهوم منملين وقربات للحائط..شدات فيه وبقاات كاتمشى بمحاداتو..فتحات باب الغرفة وتمشات..حساات بوخز صغير فرجليها وماعارتوش الإهتماام..كان زجاج الكأس اللي دخل فرجليها اللي كانو باقي منملين لدرجة ماحساتش بالألم..اخخ حتى أنهاا نسات تلبس حذاءها..
كملات طريقهاا وخرجات من الكووخ..شافت المكان وكانت رؤيتها نوعا ما ضبابية..
بقات كاتمشى وتبحث علييه بخوف..وهي ماحاساش بالأغصان وحتى الحجر اللي كايدخل فرجليها الحافيتين..
🌼🌼كان جالس أمام الوااد وكايلوح الحصى فيه..سااهي وكايفكر فالأحداث الأخيرة..وحتى فالمكالمة دجان ومعتصم..كايربط بين الأحدااث ويحلل..هناا فين خاصو يبين ذكاؤو وحتى كونو جدير بأنوو أحسن مخابر ومايخونش ثقة السي رامز فيه..
بقى كايتأمل الطبيعة..كايتأمل هاد البساط الأخضر المليء بالأزهار الملونة المختلفة..كايتأمل السماء الصافية والأشجار العالية ويسمع ألحان الطيور الهادئة..وخرير الأنهاار..فعلا طبيعة زاخرة..كايحس بنفسو وكأنو فأحضان هااد الغابة..
دور وجهو بسرعة فور ماحس بيد على كتفو..

"هل يعرفها؟ ربما لا يعرفها..
وقع في عشقها؟..
اسألوه عن وصوفها قطعا سيصفها!
ملكة في عصرها تملكت قلبه..
لو فتحت عيناها أضاءت الكون من نورها..
إن مشت تمنى نفسه خيالا خلفها..
إن تنفست تمنى نفسه هواءا في صدرها..
إن تكلمت صوتها كما الموسيقى يروق له
غزال كالريم في مشيتها..
لؤلؤة الشتاء..وهدية السماء..
أهو يحبها؟..لا بل وقع في عشقها"
*من خربشاتي المتواضعة Imane Ajalat*
-ريم:شنو واقع ليك؟
ابتاسم ليها دياب ورجع شاف فالماء
-دياب:مشاكل دالخدمة ماكاين لاش نديرونجيك
جلسات ريم حداه وبقات كاتشوف هي الأخرى فالواد وكاتنفس بعمق..دارت شافت فيه وقالت
-ريم:دياب أنا فخطر ياك؟
دار دياب شاف فيها وهاكداا كانوو قراب بزاف من بعضهوم..ابتسم وشد فوجهها بين يديه وقال
-دياب:ماعندك مناش تخافي أحياتي..طالما أنا معاك ماتخافيش واخا؟..ماانقدرش نتفاارق معاك مرة أخرى..الدنيا ماشي ديماا غاتكون سخية هااكدا..أنا غاندير كثر من جهدي..نعطي روحي على قبلك سمعتي؟
ابتاسمات ريم هي الأخرى ودمعو عينيهاا..رغم أنها باقي كاتشك فعملو..إلا أنها واثقة منو..إلا أنها كاتحسو ملاااكهاا..اخخ منك أديااب وكيفاش كاتقدر تحرك مشاعرهاا هاكداا 
-ريم:غدا..إلا كان تواجدي معاك غايشكل عليك خطر نبغيك تخليني..ثيقني غاانكون سعيدة..مابااغاكش تعطي رووحك على قبلي..روحك أغلى مني..على الأقل نتا عندك نااس اللي محتاجينك..ولدك وحتى مامااك فحاجتك..عكسي أناا..مامستاعدااش نضيف شخص أخر ماات بسبابي فاللائحة..خصووصاا نتاا..خصوصاا نتا أدياب اهئ اهئ
وهاهوماا دموعها كايخرجو من جديد..ضمها لصدرو وخلاهاا كاتبكي على رااحتها..كيفاش عرفاات أنو غداا غاتكون العملية..ماكانش خااصهاا تعرف..
-دياب:شكون قالك ماكااينش اللي فحاجتك؟ثيقيني أنا محتاجك وبزااف..نتي..نتي راك وليتي سندي..وليتي رووحي..والاا كانت روحي مهمة عندك ماخصكش تقولي هاد الكلام مرة أخرى..أنا متحكم فكولشي كوني هانية واخا؟
بعدات منو ومسحات دموعهاا..ابتااسمات من جديد وقالت
-ريم:تطفلت عليك كيف العاادة..نخليك تبقى وحدك..
وقفات من بلاصتها ومشات..ماقال حتى كلمة وبقا كايشوف فالماء..لحظة لحظة..هاد اللون الأحمر فالماء شنو مصدرو؟
وهو باقي كايتساءل سمع صوت تراطم شيء مع الأرض..حس بقلبو خفق بصوت عالي حتى أنو سمع نبضتو فأذنو..تلفت بسرعة وهو كاينفي الأفكار اللي كايجولو فباالو..
وفور ماتلفت صرخ بصوت عالي تعاود الصدى ديالوو فالمكاان..
-دياب:رييييييم..حيااااتي

جرا بسرعة فاتجااههاا..جثى على ركابيه وبدا كايقيس فوجهها وينادي باسمها بخوف
-دياب:ريم..حيااتي..نووضي يالااه..بالله فالله حياتي بدونك ولا شي
ماكاان منها حتى رد..كاانت فاقدة للوعي كلياا ومنقاطعة على العاالم الخارجي..هزهاا بين يديه بسرعة وجرى بيها فاتجاه الكوخ..
دخلها للغرفة وحطها فوق السرير وقف وبقا كايشوف فيها وكايفكر شنو غاايدير..تخربق كولوو وتلف ومابقا عاارف والوو..لمح الدم فرجليهاا وقرب ليهوم..كان داخل فيهوم بعض القطع من الزجاج ومخدوشين وباقي لاصق فيهوم بعض الحصى الصغيير..
زااد توتر كثر وجرى فاتجاه هاتفو..هزو بسرعة ودخل لسجل الأرقاام..بقى كايفكر علامن غايصووني..
-دياب:الطبيب العسكري ..ااه هو..
بحث على رقمو واتاااصل بيه
-الطبيب:ألوو سي دياب كيدااير؟
-دياب:ألوو..محتااجك ضروري
-الطبيب:اييه أنا نيت داباا فالمقر شي قضية؟
-دياب:محتاجك فأمر شخصي..همم خطيبتي فقداات الوعي وبغيتك تجي عندي ضروري..ونبغي حتى واحد ماايعرف المكان ديالناا واخا؟
-الطبيب:ااه كون هااني أسي ديااب خيرك ساابق علياا..صيفطلي الموقع وأناا معاك
-دياب:ااه أنا غانصيفطو ليك..عافااك سربي راني خاايف عليهاا..وماثيرش الانتبااه حتى وااحد ماعيعرف
-الطبيب:كوون هااني أسي دياب
قطع معااه وصيفط ليه الموقع ورجع عند ريم بسرعة..
حركها من جديد ولكن ماكان منها حتى رد..حط راسو على صدرهاا كايستامع لنبضات قلبهاا..اللي كانو بطيئين على العاادة..
وقف كايشوف فيها من جديد بأسى وكايشوف فساعة يدو حتى لمح الدم فحجابهاا..جلس على السرير بجانبهاا وحيدو ليهاا..دورها بشوية وكان أسفل رأسهاا مجروح وكاينزف..طلع خصلات شعرها اللي كانو مليوحين على الجرحة ولاصقين مع الدم..وزاد وضاحت الجرحة..على الأرجح طاحت على حجرة
رجع كايقيس فخدودها وكايناديها بهمس
-دياب:هاادي حياتي فيقي..ماتخلعينيش عليك..فيقي ونقولك فشنو خداام فيقي أروحي..
هبط لجبهتها وبااسها فجبهتهاا بكل حنية وهو مغمض عينو..لحظة لحظة شنو هااد الحااجة اللي كايحس بيها مثقلة عينو..أكيد ماشي دمعة..لاا مستحيل..ديااب يبكي..هو مابكاش حتى فموت بابااه..طلع عينو للأعلى فمحاولة منو لإرجاع هاد الدمعة اللعينة اللي كانت على وشك الخروج..وكانت فنظرو أيضا على وشك كسر كبرياؤو وهيبتو..
-دياب:منين جااوك هاد الأحااسيس دزمر أديااب
طل على ساعتو وتنهد بقلة صبر
-دياب:بفف فينو هااد ز*** تعطل
سمع صوت الطرقات على الباب وناض واقف بسرعة..خرج من الغرفة ووقف حدا بابها..دار شاف فريم ورجع عندها بسرعة لبس ليها حجابها بشكل عشوائي خبا شعرها وهبط التريكو اللي كان طلع ليها..عاد جرى فاتجاه الباب..
فتح البااب وبدون مايعير الاهتماام للطبيب اللي كان كاينهج ولا حتى للتحية اللي ألقاها عليه رجع للغرفة وقال
-دياب:سد معاك الباب وتبعني..
دار الطبيب اللي قاليه وتبعو..دخل للغرفة ولقاه واقف حدا راس ريم ومربع يدو..شاف فيه الطبيب وشاف فيه دياب هو الأخر بمعنى مالك؟
-دياب:ماشي أنا اللي مريض هي..وافيقهااا دغياا
-الطبيب:احمم سي ديااب خاصك توصفلي حاالتها
-دياب:كانباان ليك لاابس طاابلية..وارانتا هو الطبيب ماشي أنا
-الطبيب:سي دياب ماغانقدرش نتحمل طريقة كلامك معاياا
قرب منو دياب وهو مخنزر وحرك راسو بمعنى شنو
-دياب:شنو غاتدير ليا مثلاا؟
ماقدرش الطبيب يزيد يشوف فعينيه اللي كانو بدؤوا فالاحمرار..هبط عينو وقال بتوتر
-الطبيب:مااقصدتش هااكداا..أنا قلت واش شفتي منها شي حاجة..زعما واش سخفات فالصباح ولا..
قاطعو دياب وهو راجع للوراء
-دياب:ااه شداتها الدوخة فالصباح..وفقدات الوعي ديالها
-الطبيب:أوكي
قرب منها الطبيب وفتح عينيها..سلط عليهوم الضوء وهو كايراقب بؤبؤ عينيها..همهم وقال
-الطبيب:شحاال باش فاقدة الوعي
-دياب:ماعرفتش..يمكن نصف سااعة هاكدااك
-الطبيب:همم ااه
حط يدو على فخد ريم..خرج دياب عينو وقال بصراخ
-دياب:ألشرييف أشنو كاادير..واجمع يدك لانهرسهوم ليك
-الطبيب:سي دياب خليني ندير خدمتي..أنا دابا غانشوف ردة فعلها الا تعرضات للألم
-دياب:حيد يدك من عليها..أنا غانألمها أسيدي
حيد الطبيب يدو عليها وحطها دياب على فخدها
-الطبيب:زير عليها بشكل بطيء
امتثل دياب لأمرو وزير عليها حتى تملكلات من فراشها وصدر منها ألم بسيط
-الطبيب:صافي طلق منها..هي راها داباا ف Semicoma
-دياب:شنو هي هاادي؟
-الطبيب:يعني شبه الغيبوبة..ممكن يكون سببها نقص التغذية..أنا غانعلق ليها السيروم وبعد شوية غااتفيق.. (وهو كايشوف فجسمها)وعاد هي ضعيفة 
-دياب:ااه زيد شووف زيد خود راحتك 
-الطبيب:(بإحراج)احمم المهم..ضروري مااتمشي للمستشفى تفحص..ممكن يكون عندها شيحااجة خطيرة..
قاد ليها السيروم ودار كايشوف فدياب اللي كان ساهي لريم وكايشوف فيها بهيام..
-الطبيب:(بابتسامة)كاتبغيها ياك؟
طلع فيه دياب راسو وقال
-دياب:(بابتسامة صفراء)ونتا ماالك؟
تنحنح الطبيب بإحراج وقال
-الطبيب:احمم أنا غانكتب ليهاا شي دواء غاتحتاجو

فتحات ريم عينيها بصعوبة وقالت
-ريم:همم فين أنا؟
قرب منها دياب بسرعة..شد فيديهاا وقال بلهفة..
-دياب:ريم..حياتي..نتي بيخيير ياك؟
حركات ريم راسها بالإيجاب وشافت فالطبيب اللي بدورو قال
-الطبيب:أنسة رييم..غانسولك بعض الأسئلة وجاوبيني..شنو سميتك؟
-ريم:راك عاد قلتيهاا..ريم
تنحنح الطبيب بإحراج من جديد خصوصاا وهو حاس بنظرات دياب ليه والضحكة اللي كاتمها..
مد يدوو قدام عينيها وقال
-الطبيب:شحاال هادو؟
تأففاات ريم بعدم صبر وقالت..
-ريم:خمسة
-الطبيب:كااتحسي برااسك فيك النعااس وعظاامك ثقال عليك؟
-ريم:بفف سيدي ماكاين لاش من هااد الأسئلة الروتينية أنا فكاامل الوعي ديالي..ممكن تعطيني ورقة وستيلو..
عطاها الطبيب اللي بغات وهو كايشوف فيها بتعجب
تقاداات فجلستها..شافت السيروم فيدهاا وقلبات عينيها بملل..هزات الستيلو وكتبااات فالورقة..كنلات ومدات ليه الورقة
-ريم:جيبو ليا هاد الدواا وغانكون بيخير..
شد الدكتور الورقة منها وبقا كايقرى فاسم الدواء..رجع طلع عينو فيها وقال باستفهام
-الطبيب:كيفاش عرفتي؟
-ريم:فنظرك؟
-الطبيب:نتي طبيبة؟
-ريم:داكشي اللي ماايقولوو لياا
-الطبيب:أنسة ريم نتي عاارفة هاد الدواء غي مسكن للألم..وضروري من أنك تمشي للمستشفى لأنو ممكن يكون
قاطعاتو ريم وقالت
-ريم:عاارفة عااارفة..أنا مافياا والو غي العياا..هاد الأيام كان عليا ضغط كبير وماكنتش كاناكل مزياان وحتى ماكانعسش مدة كاافية..
-الطبيب:نتي عاارفة حكم الطبيب اللي كايفحص راسو أدكتوورة
-ريم:ااه عاارفة..ماكااين لااش تقول شيحاجة اللي ماكاينااش راقلت ليك غي العياا وصافي
دارت شافت فدياب وقالت
-ريم:دياب..اذا ممكن خرجو بغيت نرتاح
طول كلامهووم كان دياب حال فمو وكايشوف فيهوم ببلاهة..حتى ماعارفش علاش مايتكلمو هاد الجوج ..سمع طلبهاا وقال
-دياب:هاا؟ ااه ااه واااخاا
وقف ووما للطبيب يتبعو وهو يقول
-الطبيب:والجروح اللي فيها شمون غايداويهوم
-دياب:أناا..تبعني الله يخليك..
خرجو لبرا الكوخ ووقف الطبيب بقامتو القصيرة حامل حقيبتو الثقيلة فيدو واللي خلاتو يميل نوعاا ماا لجانبها..وأمامو واقف دياب بقاامتو الطويلة وجسمو الضخم
-الطبيب:سي ديااب غاانعاود نقولهاا..تصرفك معايا ماكانش مزياان..وعاد أنا اللي جيت طاير وحتى كنت غاانتجلى فهااد الغاابة وشحال من مرة كانقفز فاش كايبانلي غصن وكايصحاابلي ثعبان
ابتسم ديااب ابتسامتو المعهودة وقال
-دياب:سمحلي اسيدي درت غلط..ولكن خااصك تعذرني انا كنت خاايف عليهاا..رااك عاارف الحب ومعاناتو..نسيتي شنو درت معااك باش ترجع ليك مراتك ها؟هه
ضحك الطبيب باحراج وقال
-الطبيب:لا مانسيتش وماغانساش..كون مااا ديك اللعبة اللي درتي كنت غانشتت شمل عائلتي..صراحة بهااد الذكاء اللي عندك تقدر تخون انسة ريم وماتردش الباال عكسي انا هه
جمع دياب ضحكتو وقال
-دياب:الخيانة ليست من شيم الرجال..غاانتسناك تجيبلي الدواا..والفلوس حتى نعطيهوم ليك
-الطبيب:مابيناتناش اسي ديااب..
مشى الطبيب وبقى مرااقبو دياب ومراقب مشيتو المائلة حتى اختفى من انظارو..دخل للكوخ وخدا علبة الاسعافات الاولية اللي كان وضع فيهاا اخر مرة ودخل لعندها..وحتى قارورة كولونيا 
كانت جلسة وطاوية رجليها كاتقيس فالزجاج وترجع تبعد يدها بألم..
طلعات عينيها فيه وشافت علبة الإسعافات بين يديه..
-ريم:ماكاين لاش من هادشي كاامل
قرب دياب وجلس بجانبها..طلع راسهاا بيديه وقال
-دياب؛غي قولي لياا علاش ديماا كاتبخسي رااسك..قيمتك عندي كبيرة أريم وبزااف كااع فهمتي..
بعدات ريم وجهها من يديه ورجعات شافت فرجلها..
-ريم:غي عطيني أنا غاانداويهوم بوحدي..
ماسمعش ليهاا دياب وجر رجليها لعندو وحطها فوق فخضو..زاد طوا السروال حيد الحصى عليهوم وجبد ملقط خوا عليه كولونيا وحتى على رجلها أكيد للتعقيم..
-ريم:كاتعرف للاسعاف؟
-دياب:تحملي الالم شوية 
تجاهلات ريم تجاهلو ليها وحتى الم الزجاج اللي كايخرجو من رجلها وسألتو من جديد
-ريم:(وهي عاضة على شفتها السفلى بألم)مم فين تعلمتي؟
طلع فيها دياب راسو وشافها كيفاش كاتألم..رجع هبط راسو مكمل..وبعد ثواني قال
-دياب:فخدمتي كايعلمونا هادشي..
باغة تسولو فشنو خدام ولكن الألم ماخلاهاش وحتى عاارفااه غايتماطل ويتهرب كيف العاادة..
طلع راسو فيها وكانت سادة عينيها بألم..ماحسش براسو حتى باس رجلها..حلات عينيها بصدمة ولقاتو كايشوف فيها بنظراتوو المخذرة تلك
-دياب:غي صبري أحياتي كولشي غايدوز..
هبط راسو يكمل العمل ديالو وهو كايخاطب نفسو..كيفااش قدر يبوس رجلها هااكدا..عمر طاحت فبالو أنو يبوس رجل شي وحدة كيفماا كاانت..شنو داارت فيه هااد النعجة..كاتخليه يدير أشياء عمرو فكر يديرهاا..حتى أنهاا قدرات تخرج دموعوو اللي ماكايخرجو الا ضحكا
الحقيير قدر يخدرهاا..حتى أنها مابقاتش كاتحس بالألم ولات فقط مبتاسمة وكاتشوف فيه..
-ريم:شكرا
-دياب:الحمارة مابيناتناش.. I'll be with you for better or worse

وقف دياب ومشى جلس فالجهة الأخرى من السرير..حط يدو على شالها وحيدو ليها..كانت باقي سااهية حتى حساات بيديه على شعرها وقفزات
-ريم:نتاا شنو كاادير تسطيتي؟
-دياب:دوري رااسك وبلا هضرة زاايدة
-ريم: علااش حيدتي لياا الشاال واش نتا حمق؟
-دياب:بغيت ندااوي ليك الجرحة مااتزيديش فيه أريم..راماشي أول مرة نشوف الشعر
ماعجبهاش كلامو..خنزرات فيه..ماخلاهاش تكلم ودور ليها راسها..جبد الكولونيا وكب عليها شوية حتى حرقها وغوتات بألم
-ريم:شنو هاادشي
-دياب:طحتي على رااسك وتجرحتي..
-ريم:كاع ماحسيت بيه..(تأوهات بألم)ااه بشوية
-دياب:غي صبري قربت نكمل..أنا غاانضمدها ليك داباا
دار اللصااق على الضماادة وبقى كايشوف فعنقها وشعرهاا وعلى فمو ابتسامة..حط يدو على شعرهاا وحلو حتى تطلق..وبقى كايمرر أصابعو بين خصلااتو وكأنو كايمشطهم..
-ريم:ديااب..
-دياب:(مقاطعها)شش ولا كلمة..
شد فكتافها..قرب لشعرها ودخل أنفو فشعرهاا..كايتنفس رائحتوو ويستنشقوو..وتكلم وهو باقي ساد عينو باستمتاع
-دياب:اخخ وشحال كايعجبني عطرك..وشعرك..عينيك..فمك..كاتعجبيني كوولك كولك
كانت هي الأخرى ساادة عينيهاا باستمتااع وهي كاتحس بأصابع يدو على أكتافها وحتى بحركتو على شعرهاا..ومستمتعة أكثر بالكلام اللي كايقول ليهاا..
وهل في الوجود أنثى لا تهوى الغزل؟
تنهد بقوة وبعد راسو من على شعرها..جمعوو للجاانب ودخل وجهو فعنقها..الشيء اللي خلاها تحس بقشعريرة وتقول بصوت ضعيف..صوت كايعبر على ضعفها فهاد اللحظة
-ريم:مم ديااب..
زاد تقاد فوق السرير وقرب شفايفو لحدا وذنها وقال بهمس رجولي..
-دياب:شش..شنو قلنا..ولا كلمة
كانت كاتسمع لصوت أنفاسو فأذنها..وكاتحس بحرارتهوم على عنقها..وكاتحس حتى بالقبل الخفيفة اللي كان كايوزعهوم على عنقها..وماكان منها حتى رد من غير الإستسلاام التاام ليه
ممكن أن تقولوا أنها غبية؟
لكن منذ متى كان الحب ذكيا؟

"تحتاج إليه..
تحتاج لرجل يحكم السيطرة عليها..
رجل يروض تلك الرغبات المتتالية داخلها..
هي الآن تشعر أن جسدها حمم بركانية..
هي الآن تحتاج لمن يخبرها بأنه لن يرحل عنها
حقا هي تحتاج إليه.."
*خربشاتي المتواضعة Imane Ajalat*

كان باقي كايقبل فعنقهاا..وأسفل أذنها..ومرة مرة كايقول بعض الكلاام اللي خارج عن إرادتو
-دياب:نتي ملكي..بالله فالله اللي قاس شعرة منك غانمحيه من الوجود..ماغانتخلاش عليك..لن أرحل أبداا..
كان كلامو كما البلسم على قلبهاا..وقبلاتو كما الدوااء على جروحهاا..باغة توقفو ولكن ماقادرااش!
دورها برقة وهو مازال يوزع في قبلو..فعلا ليست من صفاته البخل..
دخل يدو تحت تريكو ديالهاا حتى لامست يداه الباردتين جلدها..عاد كان باغي يقبل شفتيها وبعداتهوم بسرعة مخيلة القبلة تستقر فخدها..بعد منها قليلاا وحيد يدو من على خصرها وشاف فيها باستفهام..
بقات هاكداك لمدة مهبطة راسها للأسفل..كاتنفس وصاامتة..ومن بعد قالت
-ريم:ديااب ماتعااودش هادشي..الله يخليك
بقى دياب كايشوف فيها وكيفاش مهبطة عينيها للأسفل..كيفاش خدودها تلونوا باللون الأحمر من جديد..لون اللي كايعبر على خجلها..ابتاسم وقال
-دياب:راني قلت ليك صعيب علياا..ولكن غانحاول..
طلعات ريم عينيها فيه..نظراتها كانوا نظرات قوية..وعينيها كانت عليهوم لمعة..
-ريم:دياب أنا ماكانضحكش..واش كايصحاب ليك أناا من دوك البناات اللي كاتكون معاهوم..قلتها وغانعاود نقولهاا ماتستغلش سدااجتي وكوني ماعنديش تجربة فهاد الأمور بحال سيادتك..وتستاغل حتى مرضي وكوني وحييدة لصالحك..الله يخليك
كان باقي مبتاسم وكايشوف فيهاا..الشيء اللي خلاها تتوتر وتغضب فنفس الوقت
-ريم:وااش أناا كانهضر بالمعقوول ونتا كاتضحك هاكداا
حط دياب يدو على وجهها وبعداتو بسرعة..طلع حواجبو للأعلى وهو باقي مبتاسم
-ريم:دياااب..ماتنساش حبيبتك روهاان الا شافتك هاكداا معايا فهاد الوضع غاتقلق منك..وبزااف
تجاهل دياب سيرة روهاان وكلامهاا وقال
-دياب:همم صراحة هادي ماشي نفس البنت اللي عاد قبيلة (وهو عاض على شفتو السفلى)رسمت خرييطة بالقبل ديالي فعنقهاا..ديك البنت كانت قطييطة صغييرة ومطييعة وماكااديرش الصدااع..غي قوليلي بااقي ماعرفتينيش مزيان ألنعجة همم..واش كاتظني أنا حقير لهاد الدرجة..(ميل فمو وقال)همم ااه أنا كانكون حقير بعض المرات ولكن ماشي لدرجة نستغل ضعفك وغريزتك وحتى مرضك لصالحي؟(شد أنفها وسط أصبع السبابة والإبهام ديالو وقال)مم اعتابري هادشي غي مقبلاات وصاافي..ولنا في الحلال لقاء
غمزها ووقف من الفراش ثم وضع يدو فجياب الجينز ديالو مخلي الجملة الأخيرة كاتعاود فذهنهاا
"ولنا في الحلال لقاء"
جملة خلاات كاع الغضب ديالها على دياب وحتى عليها هي اللي كانت غااتفرغو عليه يتبخر..خلات الفراشات كايلعبو فبطنهاا..يكون بصاح كايبغيها؟
بقات ساهية حتى حسات بشفايفو على شفايفهاا..قبلهاا قبلة عنيفة دالغدااايد ورجع وقف كايشوف فيها كيف ولات حمرة..ابتاسم وقال
-دياب:ههه النعجة..
-ريم:سافل..

كانوا جالسين فالسيارة والصمت سيد المكاان..حتى نطقات
-روهان:ماعرفتيش تتخبى مزياان أسي يزيد..
قلب يزيد عينيه بقلة حيلة وماجاوبهاش..
-روهان:دياب اللي صيفطك يااك؟علاش مراقبني؟
شاف فيها يزيد لثواني وقال
-يزيد:حيث كايخااف عليك
حركات روهان راسها بالإيجاب وقالت
-روهان:اااه هااكدااك مزيااان..
بقات لمدة صامتة وكاتشوف فالأمام وهو كذلك..حتى دارت عندو بسرعة وقالت
-روهان:غي قولي واش كانبان ليكوم مكلخة تديروها بياا..أناا راه روهاان..روهاان اللي ماكايديرها بيهاا حتى وااحد
ضحك يزيد باستهزاء وقال
-يزيد:ااه بصااح متشرفين
-روهان:نتا غاتقولي شنو مخبيين علياا وداباا..
-يزيد:هوو وليتي كاتآمريني..بصفتك شكون؟يااكما بصفتك حبيبة الشااف؟
رجعات روهان شعرها وراء أذنها وقالت
-روهان:حبيبتو وزوجتوو فالمستقبل..ودابا قولي شنو مخبيين علياا..علاش غبرتو كولكوم هاكداا..ودياب فينو؟
شاف فيها يزيد وقال بأسلوب مستفز
-يزيد:اواا سيري سولي حبيبك وزوجك فالمستقبل هو يجااوبك أنا مالي..
عوجات روهان فمهاا وهي كاتحاول تحبس غضبها..تنفسات بعمق وابتاسمات..دارت كاتشوف فيه وهو يقول
-يزيد:علاش كاتشوفي فياا هاكدا؟
حطات يدها على الكول ديالو وجراتو لعندها حتى فصلات بينهوم بعض الميليمتراات..
شاف فيها باستفهام وقال
-يزيد:روهان نتي شنو كات
قاطعاتو بقبلة على فمو..قبلة خلاتو يبقى مصدووم وماعارفش شنو يدير..ماكان من حتى ردة فعل..بعدات منو ببطء وبقات كاتشوف فيه كيف مخرج عينو..
احتاج لثواني يستوعب فيهوم وصرخ فوجهها بقوة
-يزيد:وااش نتي حمقة..شنو درتي؟
ابتاسمات روهان بإغراء وقالت
-روهان:مابدلتيش رأيك؟شنو اللي مخبيين عليا همم؟
رمش يزيد عينو وقال باستهزاء
-يزيد:صرااحة مزياان اللي وقع هادشي وقرر أركان يخطب..حيث نتي ماتستاهليهش..نتي حتى ماكاتبغيش دياب..نتي باغا تمتالكييه..
تجاهلات كلامو وقالت
-روهان:أركان خطب؟
-يزيد:اااه ياكما بغيتيه يربط حياتو بيك ويبقى تاابعك..باغا كولشي يولي كايبغيك؟
قلبات روهان عينيها وقالت
-روهان:ااه أسيدي..وحتى نتاا..ماتنكرش ضروري تكون حسيتي بشي حااجة من جهتي
-يزيد:همم عندك الحق..أناا حسيت بالإشمئزااز..وليت كانعيف منك..ايمتا وليتي هاكداا همم؟يااك كنا أصدقاء وخووت كااع..كيفاش تجرأتي ودرتي هااكدا بهاد الوقاحة؟
-روهان:بغيت نعرف شنو مخبيين علياا..واش ماشي من حقي..ياك حتى أناا معاكوم فالفرفة علاش مخبيين علياا؟
تجاهل يزيد أسئلتها..فتح ليها الباب وقال..
-يزيد:هبطي فحالك..(بصراخ)خرجي من سياارتي
شافت فيه بحقد وعينيها مدمعين وقالت
-روهان:غاندمكووم
خرجات من سيارتوو وجرات للداار وهي كاتبكي..بقا كايشوف فيها فالمرآة حتى دهلات ومسح فمو بغضب..
طلعات مع الدرووج بجري وقبل ماتدهل لبيتها دقات على مكتب باباها..
دخلات ولقاتو كايطل على الخارج..كان واقف فبلاصة اللي تخليه يشوف كل ماجرا بينها وبين يزيد ولكن لحسن الحظ هو أعمى!
-روهان:اهئ اهئ بابااا..
جرات لعندو بسرعة وعنقاتو من ظهرو وهي كاتبكي..دار لعندها وقال
-معتصم:علاش كاتبكي؟
-روهان:باباا اهئ..نتا ماخبي عليا والو يااك..قلتي أنك غااتوقف من هااد المجاال..نتا ماغاتآديش ديااب؟
-معتصم:حنا راتكلمناا على هاادشي..دياب غايتزوج بيك..أخر عملية وغاانعتازل هاد الميداان..ماغانخيبش ثقتك فياا وغاندير اللي قلتي..
-روهان:نتاا غاتصيفط جاان باش يشدووه هو وبقاا نتا بعيد واخاا؟مااتمشيش تحضر معاهوم
-معتصم:لا أنا ماغانحضرش ونخااطر براسي..بشرط حتى نتي مااتحضرييش..ومني تسالي هااد العملية..كيفما أنا غانعتازل هادشي نبغيك حتى نتي تعتاازلي هااد المهنة حيث راهاا خطاار علييك أبنتي..كانشرك بزااف اللي ماجيتيش ضدي ودخلتيني للحبس وجيتي قلتيلي على اللي كاتعرفي..كون مانتي كنت غانمشي فيهاا أناا ندمت وغانتووب..الله يرضي عليك
-روهان:أميين..بابااا أناا كانبغيك بزااف
عنقااتو بقوة وبقى هو ساكن..بعد ثواني حط يدو على ظهرها وقال
-معتصم:حتى أنا..كاتفكريني فمامااك الله يرحمهاا
بعدات منو وعي كاتمسح دموعها وقالت
-روهان:هي غااتكون راضية علياا ياك؟
-معتصم:أكييد أبنتي..أكييد..هي راه كانت كاتبغيني بزااف
ابتاسمات ليه وخرجات مخلياه مبتاسم بشر
-معتصم:كانت كاتبغيني..وحتى أنا كنت كانبغيها..ولكن الحب ماخلانيش نمتانع بااش نقتلهاا..همم هي اللي بغاات تطبق العدالة وتدخلني للسجن..وحتى أناا طبقت العداالة بيدي وسكتهاا للأبد هههههههه
ضحك بشر ورجع واقف فالشرفة وكاايفكر ويخطط..ومرة مرة كاتخرج منو ضحكة شيطاانية..واللي شافو وشاف حركاتو يحلف أنو شخص مختل عقيا..
دخلات لغرفتهاا وتلاحت فوق السرير كااتبكي وتشنق..
هي شنو دارت ليهوم؟علاش ماكايبغيوهاش؟وعلاش ديما كايحسسوها بأنها مرفوضة ؟شنو ذنبها الا هي هاكدا؟كيفاش بغاوها تعيش وهي كابرة وسط المربياات؟ماماها اللي ماتت وهي باقي صغيرة ولا باباها اللي طول الوقت وهو فالخدمة؟
-روهان:اهئ Why no one loves me؟؟

🌼🌼حط الفوطووي قداامهاا والحاسوب ديالو وجلس
-ريم:علاش جيتي لهناا بغيت ننعس
-دياب:وعلاش أنا شنو درت ليك..نعسي
-ريم:واكون غي بقيتي برا ماغاناخدش راحتي فالنعاس
-دياب:النعجة راديجا نعسنا بجوج أش كاتخرفي..نعسي نعسي وخليني نخدم
-ريم:اوا خرج برا وخدم
-دياب:الاا غانبقى حدااك لاتوقع ليك شيحاجة..نعسي دابا..
نعساات ففراشها وتغطات بإيزار وبقى هو كايشوف فيها بابتسامة..طلعات راسها فيه ولقاتو كايشوف فيها ورجعات خبات راسها تحت الإيزار
-دياب:ههه حمقة
رجع لخدمتو فحاسوبو ومن بعد خدا تيليفونو واتصل بيزيد
-دياب:ألو يزيد
-يزيد:ألو الشاف..احمم بالنسبة لروهاان هي..
قاطعو دياب وهو كايشوف فاتجاه ريم وقال
-دياب:خلينا منها..صيفطلي النمرة دواحد من اللي مقابلين..
-يزيد:شكوون مقابلين؟
شاف دياب فريم وخافها تسمع وقال بصوت منخفض
-دياب:دينيز
-يزيد:ااه واخاا..ولكن علاش كاتكلم بصوت منخفض
-دياب:يزييد تزيد كلمة غاانجي نن..بفف أستغفر الله
ضحك يزيد وقال
-دياب:هه سمحلي ألشااف..أنا نصيفطو ليك دابا
🌼🌼
فتح عينو فمكاان مظلم لدرجة ولا نقطة ضوء كاتبان..
حاول يحرك يدو وقدر بعد عنااء طويل..تحسس ملمس السرير..تنفس بعمق حتى حس بغصة وألم كبيير فصدرو..
وهاهي ذي الأحدااث كاترجع ليه واحدة تلو الأخرى..من المعانااة اللي دوزو عليه والألم اللي شعر بيه فيدو وكسر أصاابعو بديك الطريقة..شق صدرو وحتى بدون مخذر..وأخيرا صوت سيارات الشرطة اللي بثت فقلبو المفتووح أمل جدييد..
حرك لسانو بصعوبة وهو كايحس بأل ففمو وكايحس بشفايفو جافين ومشققين وقال بصوت ضعيف
-دينيز:فين أنا؟شكون هنا؟
كانت ممرضة فالغرفة وفور ماسمعاتو فااق قربات كاتسمع ليه
-الممرضة:أنا غانعيط على الطبيب نسنى
-دينيز:بغيت المااا..الماا
هزات الماء بسرعة ..جلساتو وشرباتو..حتى كاتسمعو كايقول
-دينيز:شعلو الضوو علاش هنا مظلم..
-الممرضة:(بتعجب)ولكن حناا..اا(شهقات بقوة وخرجات بالجرا فاتجاه الدكتور)..
جات هي والطبيب وممرضة أخرى ودخلو لعندوو..
-دينيز:شكون هناا؟أنا علااش ماكايبانش ليا والو..شعلو الضوو راني قلت ليكوم شعلووووو..ااه ااه 
-الطبيب:سي دينيز بشوية علييك الجرح بااقي ماابرااش..كاالم أنا غانفحصك واخاا
ماكان حتى ردة فعل من دينيز سوى أنو كايشوف فالأماام وبدون مايرمش..
قرب ليه الطبيب وفحص بؤبؤ عينينه..رجع للوراء بأسى وقال
-الطبيب:للأسف نتا أسي دينيز فقدتي البصر ديالك..مم عارف غاتقول شنو علاقة قلبك بالعينين ولكن نتا الواضح تعرضتي لبزااف دالضغوطات النفسية فالأواخر..وفقدان البصر كان ردة فعل دماغك..ولكن ماتخاافش البصر ديالك ممكن يرجع خاص غي..
بدا دينيز كايضحك بقوة وبطريقة مخييفة خلاتهوم يبقاو غي يشوفو فيه بصدمة..
-دينيز:هههه دكتوور..أنا راني صديقك فالمهنة..حتى أنا طبيب..هااد الكلاام اللي كانقولووه للمرضى ديالناا ماغايقضي فياا والو..عاارف هادشي كولوو غي آمال زائفة كاانعلقو مرضانا بيهاا..هه عاارف نسبة رجووع بصري قلييلة بزااف..يعني وفر كلامك عندك..بغيت نبقى بووحديي
-الطبيب:كولشي مرتبط بحالتك النفسية اذاا تحسناات نتاا ..
قاطعو دينيز وقال
-دينيز:خرجو علياا بغيت نبقى بووحدي
وداكشي اللي كاان خرجو مخليينو لوحدو كايتحسس يدو اامضمدة ومكان أصابعو الفارغة..
🌼🌼
-دياب:شنوووو..نتا متأكد من هااد الكلاام..دخل التيليفون نهضر معااه
-الرجل:اللي دخل عندو كايجري عليه
-دياب:راني قلت ليك دخل ليه التيليفون..
دخل الرجل التيليفوون لدينيز اللي كان متكي وحال عينو فالسقف..
-الرجل:احمم سي دياب بغا يتكلم معاك..
وضع ليه التيليفون فيدو المعافاة وخرج مخليه..
وضع السماعة على وذنو وضحك باستهزاء..
-دينيز:ههه سي ديااب..اواا هاني تعااقبت على أعمالي..والدعاوي دالأسر اللي ضيعت تقبلاات..مابقيتش كانشووف..وولات عندي يد وحدة سليمة والأخرى لاا..فنظرك نقدر نبقى طبيب وندير عملياتي الجراحية ولا ماغاتسمحش ليا وتلوحني للحبس؟
-دياب:بفف دينيز ماتقولش هااكداا..نتا غاتشافى..ماتفقدش الأمل ربي كبيير..أنا عارفك ندمتي وأناا معااك..نتا غاترجع كيف كنتي
ضحك دينيز باستهزاء وقال
-دينيز:ههه لن أعود لنفسي السابقة أبدا

🌼🌼واقف بين الأشجاار فمكان عالي..وكايتأمل منظر الغروب اللي واضح من هاد البلاصة حتى سمع صوتو.. 
-أركان:احمم السلام الشاف
شااف فيه دياب ببرود وقال
-دياب:تواضعتي وتكلمتي معانا أسي أركان
ابتسم أركان وقال..
-أركان:سمحلي راك عارف شنو كاين 
ابتسم دياب وطبطب على ظهر أركان وقال
-دياب:أنا عارفك وكانظن حتى نتا عارفني..عارف أني ماكاندير الحاجة الاا وعندي سبب..وماكاندير الحاجة حتى كانخطط ليها
-أركان:ااه عارف..أسف على الكلام اللي كنت قلت عليك وحتى التصرف اللي درت معاك
-دياب:اعتذارك مقبوول أسيدي..عطيني علاش وصيتك..
حط الحقيبة اللي فيدو فالأرض..فتحها حتى شافها دياب ورجع سدها ومدها ليه
-أركان:كيفماا وصيتيني AK-47
-دياب:(بابتسامة)سلااحي المفضل..الكلااشينكووف
-أركان:احمم سي دياب نتا عارف أنو هاد السلاح خطير..يعني 600 طلقة فالدقيقة..لو أنك تاخد سلاح عادي أحسن..وحنا غانحميو ظهرك يعني ماعندك مناش تخااف
جا يزيد لجهتهوم وقال
-يزيد:ديااب يخااف..غير معقوول هه
شااف فيه دياب بابتسامة وقال وهو مدخل يدو فجيوب الجينز ديالو
-دياب:ماعندنا منااش نخاافو..غي بغيت هاد السلاح وصافي..همم كايعجبني..شكون عرف نفجر حتى رؤوسكووم بعدماا كملت منهووم..ونعاقبكووم على الأخطاء اللي وليتو كااترتااكبو (بغمزة متسائلة)شبانليكوم
شافو أركان ويزيد فبعضهوم باستفهام ورجعو شافو فيه بطاعة..
-دياب:كاتخاافو وماكاتحشموش..كولشي مقااد ياك كل وااحد فمكاانو
-يزيد:كولشي هو هادااك..وكولشي مخبي..بين الشجر وفووقهووم وتحت الصخر..كولشي منظم كيفما أمرتينا
-أركان:كاانتسناو غي الظلام يطيح ويجيو باش نبدااو
-دياب:مزياان..نتسناوهوم
-يزيد:نتا قلتي هوما عارفينا عاارفين بالعملية إذا علاش غايجيو ويخاطرو بنفسهوم
-دياب:إحساسي قالها لياا..هوما غايجيو..سي معتصم باغي يلعب بأعصابي ويشككني فقدرااتي ولكن ماغايقدرش..ااه وروهان ماعندكوم عليها حتى خبر؟
بقاو الاثنين صامتين وحتى وااحد مانطق بكلمة..شاف فيهوم باستفهام وقال..
-دياب:بجوج شادين فقلبكوم من جهة حبيبتي هه..
ضحك الاثنين وقال يزيد..
-يزيد:الباارح كانت شاكة..وكانت كاتحااول تاخد مني شي معلوومة
-دياب:حاجة متوقعة..
-يزيد:ولكن هي ماعندهاش معلومات على العملية..وحتى عطيتيها كونجي..غاالبا غااتكون فشي مركز تجمييل
-أركان:احمم..واخاا هي بنت المجرم اللي باغيين نلقيو عليه القبض..ولكن كاتبقى وحدة منا..وصديقتنا..اكيد مانسيتوش الاياام فاش كنا كانخرجو مجمووعين ونضحكوو ونشطوو..ماتحقدوش عليهاا
-يزيد:فرااسك أناا شااك فيها هي اللي قالت لبابااها عليك ألشاف..هي ماكاتحكمش فأحاسيسها وكادير أشياء بلييدة
شاافيهوم دياب بجووج وهو مصغر عينو وقاال
-دياب:لاا عاد زدت اقتنعت..كاع الرصاص اللي بقالي غانخوييه فريووسكووم..كاتكلمو على حبيبتي هااكداا..
ضحك كل من يزيد وأركان وقال هذا الأخير..
-أركان:أنا كانتكلم بجدية ماتحقدوش عليهاا..واخاا كاع العيوب اللي فيهاا قلبها أبيض
شاف فيه دياب وحرك راسو بمعنى ااه..وبقا يزيد كايشوف فيه بشك
-يزيد:صااحبي نتاا باقي كاتبغييهاا 
-أركان:اواا العيب في الحب..داباا تجرب وتشوف
-يزيد:هاهاا العيب ليس في الحب..العيب فينا نحن ماشي ماكانعرفوش نحبو ولكن كانحبو اللي ماكايستاحقش حبنا
-أركان:ااه عندك الصح 
بقى دياب كايشوف فيهوم كيفاش مناقشين..قلب عينو بعدم صبر وقال
-دياب:أيايااي كول وااحد يمشي لمكانوو..الظلام قرب يطيح..وخلينا من هاد المواضيع التافهة
تنحنحو بجوج بإحراج وقال يزيد..
-يزيد:احمم وأنسة ريم شنو غانديرو معاها؟
تنهد دياب وقال
-دياب:هي سمعااتني فاش كنت كاندوي معااك وأكيد غاتكون عارفة باللي كاينة شي عملية اليووم..وو لاحظت حتى توترهاا وخوفها وحتى مريضة..كنت باغي نخليها فالكووخ حتى نكملو هاادشي حيث اذا خليتها فبلاصة أخرى يقدرو يوصلوو ليهاا ولكن هي ماكاتزكااش وأكيد غاتخرج..ودابا صرااحة مااعرفش فيين نحطها
بقى كل من يزيد وأركان كايشوفو فيه ويفكروو حتى نطق يزيد من جديد
-يزيد:ربطها فشي بلااصة..هاكداا ماغاتقدرش تتحرك من بلاصتها وتبقى فمأمن..ومن الأحسن ماتخليهاش فالكووخ..الدنياا غاتخلط وممكن شي واحد يتسسل لتما..
-أركان:هه يربطها مالها نعجة؟
شاف فيهوم دياب وهو كايحرك فراسو ويحك فلحيتو وقال
-دياب:ااه بصاح هي نعجة..
غمزهوم وقال
-دياب:فكرة زوينة
هبط للأرض هز الحقيبة ومشى خاارج من وسط الشجر فاتجاه الكوخ اللي ماكانش بعيد عليهوم بزااف مخليهوم كايشوفو فيه بتعجب وكايوشوشو بيناتهوم كيف النساا اللي كايكونو شادين النميمة فالحومة..
-أركان:هي نعجة؟
-يزيد:صراحة عمري شفتها..ولكن هي طبيبة مانظنش تكون نعجة ههه
-أركان:هاد الشااف ماعندووش عقل...
-يزيد:واييه هههه يالااه نشدو بلايصناا دغياا قبل مايرجع ليناا وهاد المرة كاع رصاصاات الكلاشينكوف غايفرغههوم فأدمغتناا

-ريم:دياااب نتاا حمق..مخرجني لهناا باش تقولي هاد الكلام..أويلي على تربطني
-دياب:رييم..واهادشي كولوو فسبيل الأماان ديالك..غانربطك فهاد الشجرة وأنا غانكون كانشوفك كوني هاانية
-ريم:دياااب..ههه لا نتا تسطيتي مافيهااش
حطات يدها على جبهتوو وقالت
-ريم:غاتكون غي السخاانة اللي طلعات ليك..أويلي حط الحبل..ماتقوليش باغي تربطني بهاداا
-دياب:ااه..ثيقي فياا أريم..لمرة وحدة فحيااتك ماتسولييش..أناا عارفك كنتي كاتصنطي ليا وعارفك سمعتي حتى الحالة اللي وصل ليهاا دينيز..فقد بصرو وحتى أصاابعو..يعني الطب بااي بااي وحتى حيااتو مابقى عندهاا معنى..بغيتي يكون مصيرك بحالو همم؟الليلة غاتكون نهااية هااد العصابة ونهاية مشاكلك وغااترجعي لحياتك الطبيعية ونتي ماخاايفة من والوو..
شد وجهها بين يدو وأكمل
-دياب:ثيقي فياا..قلتها وغانعاود نقولهاا نفدي روحي على قبلك..عافااك ماتعكسيش ويالاااه نربطك..الوقت قرباات..أنا عارف شنو كاندير..وغانكون بعيد عليك ب 5 دالشجراات..هاانتي غانكون تماا(شير ليها)غانكون الفووق وغانحميك..حنا بعااد بمسافة على البلاصة اللي غاتم فيها العملية
-ريم:هاد العملية د الأعضاء المسرووقة؟
تنفس دياب بعمق وقال
-دياب:لاا أعضاء دناس ماتو..وحتى دأطفال صغاار
فتحات ريم فمها بصدمة وقالت..
-ريم:أطفال صغاار؟
-دياب:ااه راك شفتيني النهار كولو وأنا خدام كانبحث..قدرت ندخل للأنترنت المظلمة وتما لقيت بعد صعووبة باللي هاد العصابة كايتاجرو حتى بأعضاء دأطفال صغاار..فالغالب غايكونو دارو ليهوم فيديوات وهوما كاياخدو أعضاءهوم..باش يربحوو الفلوس حتى من دوك المختلين عقلياا اللي كايعجبوهوم هاد الفيديواات..
ماحساتش ريم حتى عنقاتو بقوة..تصدم من تصرفها وطبطب على ظهرها وقال بصوت حنين
-دياب:مالك أحياتي؟
-ريم:ديااب..أناا خايفة بزااف..خفت يآديوك
قبل فوق راسها وقال بتنهيدة
-دياب:ماغاايوقع والوو..ماتخاافيش حبيبك ماسااهلش ليهوم..ياك بعدا أنا حبيبك؟
بعدات ريم من حضنو وشافت كيف مترقب إيجابتها بابتسامة..وطلعات راسها وهبطاتو بإيجاب ورجعات تحشات فحضنو من جديد..ضحك على خجلها وقال
-دياب:يالااه خاص نربطك..هاادي روحي هاادي
بعدات منو وجلسات بجانب الشجرة كاتسنااه يربطها وكاتشوف فيه وهي مدلية فمها بطفولية..ربطها مع الشجرة وجلس القرفصاء قدامها
-دياب:غانخلي دينمك هنااا فهاد الليل ههه
شاافت فيه ريم بتخنزيرة وقالت تحت سنانها
-ريم:ديااااب ..
شد فوجها وقرب يبوسها ففمها حتى كايسمع صوت من وراؤو
-أركان:احمم الشااف الشرطة اللي على الطريق قالو باللي لاحظو سياراات سوداء جاية لهناا..
جاوبو دياب وهو باقي شاد فريم ومقرب ليهاا 
-دياب:واخاا أنا جااي..
تنحنح أركان بإحراج ومشى بسرعة فاتجاه مكانو المتخفي بين الشجيرات..
رجع قبلهاا بقوة ففمهاا وبعد منهاا كايشوف فيهاا كيف ولاات حمرة بالخجل..ابتاسم وقال
-دياب:بقااي هنا وماتصدريش حتى صوت..يطرى اللي طراا ماتحركيش من بلاصتك..ماتخاافيش أنا معاك
مشى فاتجاه المكان ديالو وهي تقول..
-ريم:إذا نتاا خدام مع الشرطة..
ابتسم وهو عاطيها بالظهر ودخل وسط الشجر..مخليها ماعارفة باش تحس..تفرح لأنوو هو ماشي معاهوم..ولاا تخااف من اللي غاايوقع..
بقات هاكدااك لمدة فالظلاام..فقط أصوات بعض الطيور وصوت المااء..بقات مكمشة على جسمها وكاتدعي بينها وبين نفسها كولشي يدوز بيخير ومايتأدااش حبيبها..ااه حبيبهاا..كلمة دخييلة على حياتها ولكن قطعاا غاتولفها..
كانت سادة عينيها وكاتمتم بالأدعية حتى كاتسمع صوت خطواات كايتمشاو حداهاا..حطات يدها على فمها باش مايصدرش منها حتى صوت حتى أنها حبسات النفس اللي فيها..وبقات حالة عينيها ومخرجاهوم بخوف..
بقات الخطواات كاتبتااعد حتى اختفى الصوت ورجعات تنفسات من جديد
-ريم:ياربي لطفك يا رب..
وقف جان ووراؤو 6 أشخاص ذوي بنية ضخمة وكل واحد منهوم حامل لحقيبة سوداء و ثلاثة أطباء دايرين على فمهوم كمامة ولابسين بدلتهم البيضاء..وفنفس الوقت كان شخص أخر آتي من الجهة الأخرى ووراؤو 6 رجال كل واحد منهم حاامل لحقييبة كبييرة وغريبة الشكل..حقيبة بيضااء اللون ومحاطة من الجانبين ببلاستيك أزرق اللون..تصافح الرجل وجان بدون مايقولو حتى كلمة..
حط كل واحد منهم الحقيبة اللي هااز..مشاو الأطبااء فاتجاه الحقائب البيضاء وكل طبيب لكل فحقيبتين..والعكس الرجاال لاخرين مشاو كايتفحصوو حقيبتي النقووذ والباقي تتطوق بيهوم على شكل داائرة..
تلفتو الأطباء بعدما سدو الحقاائب لعند جان ووماو ليه أنو كولشي بيخير
-الرجل:الفلووس هوما هادوك؟
تلفتو لعندو رجالو ووماو ليه هو الأخر أنو كولشي مقااد..ابتسم لجان وقال
-الرجل:تباارك الله عليك جبتيهوم كيف قلنا ليك بالدولار الأمريكي..تشرفت بمعرفتك
-جان:حتى أنا تشرفت بمعرفتك..بلغ سلامي لمدير المستشفى..وشكرو نيابة عني على الشروط اللي وفر للأعضاء باش مايتلفووش وعلى ثقتو فينا

تصافحو من جديد ورجعو فطريقهوم وهوما فرحانين..وهاد المرة وهوما مبادلين الحقائب..
شااف أركان فديااب..قاد سلاحو وغمزوو بمعنى بدااو
دار أركان عند اللي موراه ووما ليه وبقاو هاكداك كل واحد كايومي للااخر..طلعو كلهوم أسلحتهوم للسماء وأطلقو الرصاص فالسماء وفنفس الوقت الشيء اللي خلا المكاان يتهز بالصوت
وقف جاان فمكانو بخوف هو والأطباء وأحاطو بيهةم رجاالو على شكل دائرة لحماايتوو وهوما هازين أسلحتهم بين يدهوم..ونفس الشيء بالنسبة للشخص الأخر..وبعد مرور ثواني عاودو نفس الشيء وكأنهم كايقومو بعرض مسرحي..ولكن ليس لإضحااك المشااهدين إنما لبث الرعب فقلوبهوم
دور دياب وجهو فاتجاه ريم..صغر عينو باش يقدر يشوفها..كانت حاطة يدها على أذنيهاا وساادة عينيها بخوف
دور وجهو كايشوف فجان واللي معااه كايتحركو حتى قدرو يتخباو وراء بعض الشجيراات..ابتاسم باستهزاء ودار شاف فأركان..عاد كانو غايعاودو يطلقو طلقات نارية ولكن هاد المرة فاتجاههوم..ووما ليه بمعنى لاا
خدا الكلاشينكوف ديالو ووجهو فاتجاههوم..صغر عينو كايشوف فالرجال اللي تصافو وراء الشجيرات بأسلحتهوم وورااءهوم جان مخبي هو والشخص الأخر وحتى الأطبااء..بقاا كايشووف مزياان وكايفكر شكون أول واحد غاايضربو..حتى بان ليه طبيب خرج راسو من وراء الحراس كايطل..وبووم استقرت الرصااصة فراسو وطاااح مندفع بقوة للوراء وهو كاينزف بزااف دالدم..
-دياب:أووبس..سمحلي دكتوور..فضوولك هو السبب
دار شاف من جديد فريم وكانت فنفس وضعيتهاا الأولى..غمز لأركان وحرك يدو وتحرك كل من أركان واللي معااه من ورااء الأشجار وهوما داخلين
صغر عينو من جديد كايقلب على هدف أخر..بقا لثواني كايحرك سلاحو بين الحرااس حتى بان ليه رأس طبيب أخر كايبان من ورااؤهوم..وبووم طااح هو الأخر..مخلي الحراس متوترين..ماهي الرصاصة مرت من بينهووم
-جاان:فاااك..تحركوو..ضربوو هاداا اللي كايضربناا..كاتسناوه يقتلنا
-واحد من الرجال:ماعرفنااش فينو أسيدي..الرصااص كايجي من بلاصة بعيدة..
ضرب جان رجلو مع الأرض بقوة وتكلم تحت أسنانو
-جان:معتصم هو السبب قلت لييه مانديروش العملية دابا باغي يقتلنا
دار كايشوف فالغابة والظلام الحالك..دور وجهو كايشوف فالاتجاه الأخر وبان ليه الرجل الأخر معنق الحقائب دالمال ومخبي رااسو..ضحك باستهزاء وقال
-جان:هه الماال هو الأهم
دار كايشوف فالأرجااء وكايفكر كيفاش يدير حتى يخرج من هناا..بان ليه شخص كايتسلل فاتجااههوم بشوية ودار بسرعة وهو كايشوف فالجثة دالطبيب الأخر وفالدماء اللي وصلات لملابسو..بدا كايسب ويشتم فنفسو وقال
-جان:الله يلعنكووم..ماعارفينش بشحال شريت هااد الحذااء
وقف رجل من رجالو إطلاق الرصاص ودار عندو ثم قال
-الرجل:سيدي مانقدروش نزيدو نصبرو..الرصاص قرب يكمل وحناا باقي ماا..
طاح هو الأخر أمامو جثة هاامدة..ولكن هاد المرة الرصاصة جات من مكاان أخر..بلاصة قريبة ليهوم..ولكن شكوون وهو كايشوف غي الأشجار ..جثى على ركاابيه ولاحظ بعض الأحذية اللي كاتقرب ليهوم..دخل وسط شجيرة تما وبقى كايجر فرجليه حتى قدر يبعد عليهوم وهو كايسمع فصوت الرصاص..دور وجهو وبانو ليه شاادين الرجل محب الماال وبعضهم فعراك مع رجالو ورجال الأخر..وكمل طريقوو وهو كايزحف على ركابيه وكايقلب على مهرب من هاد المجزرة اللي ممكن تدي روحوو الغالية
ومى لأركان بمعنى أحسنت وهو عند بالو جان حتى هو ألقي عليه القبض..تسمع صوت رصااص من ورااؤو وغادي وكايقرب لعندوو..دور وجهو بسرعة كايقلب على مصدرو ولكن ماعاارفش..يزيد ماعطاهش أوامر بأنو يدير شيء بحال هاكدا..عض على شفتو السفلى بغضب وقال
-دياب:معتصم اللعين..غانقتلك
ولكن لحظة فينهاا ريم؟صغر عينو كايبحث عليهاا حتى بانت ليه..كان جاان كايجر فيهاا فاتجاه مخرج الغابة...خفق قلبو بقوة وبدأ كايشتم فجاان..خدا الكلاشينكوف ووجهو فاتجااه جان ولكن لا هو يقدر يصيب ريم وحتى يدو كايترعدو..شنو السبب؟
تسمع صوت انفجار فمكان قريب ليه..كانت قنبلة يدوية..تلفت كايقلب على أركان واللي معاه ولكن ماكانوش..و اخخخخ هادو كانو أوامرو هو..دور وجهو فالمكان وكان لوحدو وصوت الرصاص كايقرب فاتجااهو..
اخخ وحتى يزيد آمرو يبقى فمخرج الغاابة من الجهة الخلفية ومايتحركش..يعني هو الآن محااصر لوحدو..تسمع صوت انفجار أخر وهاد المرة أقرب..بغا يركب رصاص أخر فسلاحو وطاح فالأسفل
نقز للأسفل حتى طاح فبعض الشجيرات وجرحو الشوك اللي فيه..دور وجهو فالمكان وبانت ليه ريم فأحضان جان..هادا شنو كايدير..أكيد هو ماكايبوسش فيها داباا؟لاا هو باغي يمووت على يدو مافيهااش شك..
بقى واقف مصدوم حتى أنو نسى الرصااص وماعارش الاهتمام فالقنبلة الثالثة اللي انفاجرات فمكان قريب ليه ولا للرصاص اللي كايتطاير فالسماء..حتى سمع صرخة أنثوية قوية
-روهاان:ديااااب
دار بسرعة وكاتبان ليه روهان غارقة فدمها..طلع عينو وبان ليه معتصم موجه سلاحو ليه..بقى كايشوف بصدمة حتى بان ليه أركان خارج وسط الشجر كايتمتم والدموع فعينو
-أركان:لا لن تموتي..لن تموتي

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.