عشق النوارس الجزء 12

بقا يزيد وااقف هو والفرقة اللي معاه فالمخرج الخلفي دالغاابة..كايسمع للطلقاات الناارية ومابغااش يدخل..هو ماغايخالفش أوامر الشااف ديالو أكيد هوما ضابطين أوامرهم الداخل..

كايسمع حتى الانفجاارات..بقا كاهكدااك كايتسنى حتى عياا ودار كايشوف فالفرقة ديالو..

-يزيد:حناا غاندخلو ممكن يكونو محتاجينناا..نتوما غاتدوزو من اليمين ونتوما من اليساار..أنا غاندخل لجهة الشااف

داكشي اللي كان..تفرقو وكل واحد مشى فالاتجاه ديالو وبطريقة سلسة بدون مايصدرو حتى صوت..ويزيد تمشى للأمام..حتى لمح شخص وااقف وموجه سلاحو للأماام..

-يزيد:شكوون هادا؟..(فتح فمو بصدمة وقال)معتصم

كان صوت الرصااص مالي المكاان..بقا كايقرب منو ببطء وبدون مايصدر حتى صوت..وبووم أطلق رصااصة..

بقا يزيد وااقف وكايتساءل مع نفسو شكون ضرب؟..بعدما فاق من صدمتو انقض على معتصم..لوا ليه يديه حتى طاح السلاح ودفعو برجليه لبعيد..نعسو فالأرض ودار ليه لمينوط فيدو..وطول هاد المدة كان معتصم صاامت وكايشووف فالاتجااه الأخر..مااخلاهش يزيد يشوف وحتى هو ماقدرش يشووف..وماباغيش يعرف شكون تضرب..جرو بسرعة وخرجوو من الغاابة مخلي باقي الفرقة فعرااك مع رجاال معتصم..واللي فالأخير قدرو يتغلبو عليهوم واخا تصااب منهم عدد..

🌼🌼

بقا دياب واقف مصدووم..كايشوف فريم وجان تارة..وفروهاان تارة أخرى..

كايشوف أركان اللي انهاار بالبكااء والمكاان اللي عمر وباقي الفرقة اللي تحاوطو بيهوم وروهاان اللي كاتنزف بقوة وكاتشوف فيه..كايشوف يزيد اللي ألقى القبض على معتصم..

دور راسو مرة أخرى لجهة ريم ولقاها مغمى عليها لوحدهاا وجان لاوجوود له..باغي يقول ليهوم سيرو قلبو عليه ولكن لسانو مربووط..جثى على ركابو بجانب روهان وبقا كايشوف فيها وهو مصدوم..ابتاسمات وهي كاتنفس بقوة وقالت وهي كاتمرر نظراتهاا عليهوم..

-روهان:هه كنت عارفاك كاتمثل عليا..سمحلي..أنا اللي فضحتكم مع باباا..أناا..نيتي كانت حسنة..سمحولي كولكوم

شد أركان فيدهاا وقبلهاا بقوة..ووضع يدو الأخرى على صدرها وهو ضاغط عليها باش يتوقف النزيف وقال

-أركان:ماتقوليش هاكداا..الإسعااف فالطريق..صبري شوية

غلقات روهان عينيها وعاود فتحاتهوم وقالت

-روهان:غايجيكوم هاد الكلام غريب..أنا..كانبغيكوم كولكوم..نتا(شافت فأركان)..ونتاا(شافت فدياب)..ويزيد..وحتى باباا الأعمى..

قرب ليهاا ديااب وشد فوجهها وقال

-دياب:سمحيلياا حيث ضحكت عليك..نتي قوية أروهان صبري شوية..واخاا..

ابتاسماات فوجهو روهاان وعينيها مدمعين وقالت

-روهان:هذا جزاء الخونة..بقى ديما تبغيهاا وماتخليهااش

طلع دياب راسو فاتجاه ريم ولقى معاهاا جوج بنات من الفرقة..دور وجهو مرة أخرى لعندها..شاف فيهاا وهبط راسو بأسى

-روهان:أركان..سمحلي حيث عدبتك..سمحلي..وقولو حتى ليزيد يسمح لي..مبرووك خطوبتك

قرب ليهاا وعنقها وهو كاايبكي وقاال

-أركان:اهئ مسااامحك عافااك ماتقوليش هااكداا..هوما غايجيو ينقذووك..(بصرااخ)فينوو الإسعااااف..فينوو الإسعاااااف..اهئ اهئ صبري أحياااتي صبري عافااك اهئ

طاحت دمعة من عينيهاا مخلية كحل عينيهاا يفسد وقالت وهي كاتنهج وتتحمل ألم الرصااصة اللي وسط صدرها وقالت

-روهان:كاتوجعني هاكداا..عافاك نسااني..أنا وحدة سيئة وداباا أنا كانتعااقب..(غلقات عينيها بألم وقالت)أنا غانموت برصاصة من مسدس بابا اهئ..

زااد دخلها فيه أركاان ودخل راسو فعنقها كايبكي بحرارة وهو باقي ضااغط على صدرها وكايقول بصوت منخفض

-أركان:صبري أحياتي..عافااك صبري اهئ..عافااك صبري..

حطات روهان راسها على راسوو وهي ساادة عينيها بقوة والدموع كايخرجو من عينيهاا..فتحات عينيها كاتشوف فدياب اللي كان جالس بجانبها مصدوم وغيكايشووف..ابتاسمات وقالت..

-روهان:اكتشفت سرا..الموت أسهل من الحب

زاادت سداات عينيهاا بقوة كاتعتااصر الدموع اللي تبقااو فعينيهااا..ومااتت..

بقى أركان مخشي فعنقهاا وكايكرر كلمة "لا"

مامصدقش أنو حبيبتو مااتت..مامصدقش أنوو حضر لمشهد خروج روحهاا من جسدهاا..مامصدقش أنو حبيبتو مشاات ومابقاش غايسمع صوتهاا ولا يشوف ضحكتهاا المبهجة..حتى أنو كايكذب شعووروو ببرودة جسدها..

-أركان:لا لاا هي ماماااتش..مااشي بصااح..حيااتي نووضي..فيقي وبراكة من الضحك..يالااه فيقيي..(بصراخ)فيقيييييي اهئ اهئ اهئ..فيقي أحبيبتي وماتخلعينيش علييك..فيقييي..

بعد منها كايشوف فالنااس اللي محيطين بيه..دياب اللي مهبط عينو للأسفل بأسى..باقي الفرقة رجاال ونسااء واللي البعض منهوم تأثر بالمنظر وكاايبكي والباقي كايشوف بحزن وتحسر..وأخيرا يزيد اللي عاد التاحق بيهوم وواضع يدو على فمو بصدمة..ومامصدقش شنو كايشووف..واش فعلاا روهان ماتت؟واش ماتت ديك الحمقاء اللي دائما تصرفاتها غير متوقعة ؟ماتت اللي كانت كاتضيف بهجة على فرقتهم ودائما كاتدير فالمشااكل وكايتكفل هو وأركان فالتستر عليها أمام دياب؟مااتت وهو مخااصم معاهاا..مااتت وهي مقلقة منو..ماتت بدون مايتصاالحو..

جالس فكرسي..حاط يدو فوق رجلو ومتكي عليه راسو..كايلعب بشفتوو وكايشوف فيهاا..كايشوفها كيفااش ناعسة ومعلقين ليها السيروم..ماشااعرااش بشنو واقع

قرب ليهاا وبدا كايقيس فوجهها بأصبع سبابتو..ووسط حزنو تسللات ابتسامة وهو كايشوف فوجهها..فرمووشهاا..حواجبهاا..فمها

قرب ليها وقبل فوق جبهتها ورجع كايشوف فيها من جديد..ورغم أنها ماكاتسمعوش إلا أنو بدا كايخاطبها وهو كايلعب فأصابع يدها ويشوف فوجهها

-دياب:هه شفتي قلت ليك..دياب فاش كايوعد كايوفي بوعودوو..نتي دابا راك حرة ومابقات حتى حااجة تشكل عليك خطر..باستثناء جاان ولكن كوني هانية أروحي غانلقاه وغاندموو على القبل اللي سرق منك وحتى الشوفات اللي كان كايشوف فياا..أنا ماغانخليكش..غاانبقى معاك حتى لأخر نهااار فحياتي..حنا غانعيشوو مع بعضناا..أناا ونتي وبااسل..وعلااش لا شي خنفوس ولا خنفووسة أخرى

حط يدو على بطنها المسطح وبدا كايحرك يدو على شكل دوائر فوقوو

-دياب:غااتكبر ليك الكرييشة..وتبقااي تنوضيني بالليل نجيب ليك اللي تشهيتي ياك أحياتي هه

عوج فمو وقلب عينو..رجع شاف فيها وقال

-دياب:أكييد إلا تواضعتي وخليتيني نخدم على وليدااتي..ماغانديروهومش بالبلوثووت ولا نتيليشارجيوهوم هههه

جمع ضحكتو تدريجياا وهو كايشوف فيهااا..كايتكلم مع نفسو وحتى كاايضحك لوحدو كيف الأحمق..واخخ علاش ماقادرش يبكي ووحدة من فريقو..صديقتو وعزيزة عليه ماتت..

طلق من يدهاا ووقف كايشوف فيها..خرج من الغرفة ووصى الحراس يردو الباال ومشى فاتجااه غرفة دينيز..ااه هوما فمستشفى واحد

بعدما ورا الشاارة للحارسين اللي كانو عند بابو..دخل ولكن ماكانش حتى واحد فالغرفة..جمع حواجبو باستهجان ورجع لعند الحارسين

-دياب:احمم عافااك..دينيز فينوو؟

-الحارس:هو مااخرجش من الغرفة غاايكون فالحمام..وأصلا ماعندو كيف يدير حتى يخرج لوحدو

خنزر فيه ديااب حتى هبط عينو للأسفل..سد الباب بقوة ودخل فاتجااه الحمام

فتح الباب بشوية..وفور مادخل..فتح فمو بصدمة..كان دينيز جالس مربع فالأرض..محيد الضمادات ليدوو وكاتبان مشوهة بدون أصابع..وحاط سكين على شرايينو وكايشوف للأمام بدون مايرمش

مانطق بحتى كلمة وبقى كايقرب ليه ببطء وهو كايحاول مايصدر حتى صوت..حتى كايسمع ضحك دينيز

-دينيز:ههههه هاداا نتا أسي ديااب

وقف دياب كايشوف فيه بصدمة..هذا كيفاش حتى عرفو هو؟

-دينيز:كايقولو أنو مني كاتغيب حااسة كايحضرو الحواس الأخرى وبشكل أقوى من ذي قبل..دابا عاد تأكدت من المعلومة..رائحتك وحتى صوت خطواتك الخافت

-دياب:نتا شنو كادير..حط السكين راك غاتضر رااسك..واش باغي تموت

-دينيز:هه ااه باغي نمووت..أصلا شنو بقى فهاد الحيااة التافهة باش نبقى عايش..مااتحاولش تجي لعندي مااتحااولش..لأنك لو كنتي مكااني غاتدير نفس الشيء..كيفاش غانقدر نعييش وأنا ماكانشووفش ويدي بحال هااكدا..هادا هو الحل

-دياب:الحل هو الإنتحار؟فنظرك الإنتحار غاايحل المشكل.. ااه بصااح الحيااة كلها مشاكل وصعوباات..وكلنا كانمرو من لحظاات اللي كاتخلينا نلعنو هاد الحياة..بصاح هي كلهاا مشااق وجبال من الهموم والعقبات ولكن واخا هااكداك حنا كانبغيوها..لا بل حنا كانعشقوها وكانعشقو استمرارهاا..حتى أننا كانخاافو من الموت..وبلا ماتكذب وتظاهر بالشجاعة لأنك نتاا داباا خاايف..الموت غاايبقى واحد من مخااوف الإنسان الأزلية..ونتاا بغيتي تلوح نفسك بيدك فهااد الهااوية..مااكاتسولش نفسك شنو غاتقوول الا تلاقيتي مع ربك ها؟

ابتاسم دينيز باستهزاء وقال

-دينيز:فكلتا الحالتين أنا غانتعااقب..لأني رتاكبت ذنووب بزاااف فحياتي

-دياب:لاا ماتقولش هاكدا..الله غفور رحيم..كاع ارتاكبنا ذنوب كبيرة والله يساامحناا..

-دينيز:ااه ولكن نتاا مااشااركتيش فعمليات دسرقة الأعضاء

هبط عينو كايشوف فدينيز اللي كايضغط ببطء على يدو وقال

-دياب:دينيز..ماتسرعش عافااك..أنا غانبقى معاك حتى توقف على رجليك..بهادشي اللي غادير راك غاتخلي الناس اللي كايبغييوك يحزنوو بزاف

ضحك دينييز بقوة وتحولات ضحكتو لبكاء بطريقة جنونية وقال

-دينيز:مااعنديش اللي كايبغيني أسي ديااب..أنا ماشي بحاالك عشت وسط عائلتي..أناا يتيم..يتييم اهئ

واخخخ شنو قلتي أديااب..نتا داباا راك هدمتي كاع اللي بنيتي..وحتى أوشكتي على إقناعو وخربتي كولشي

-دياب:أناا

قاطعو دينيز وهو كايزيد يضغط على يدو بقوة والدموع كايسقطو من عينوو..

-دينيز:كاايقولوو يتم الأم يفقد الحب..ويتم الأب يفقد الأمان..وأنا لم أشعر يوما لا بالحب ولا الأمان

ضحك بانكسار وقال

-دينيز:شكراا بزاف على مساعدتك ليا أسي دياب..أخر طلب..ماتخليهومش ينقذوني..خليني نموت بسلاام

ضغط على شرايين يدو بقوة حتى تطوش الدم على وجهوو وطااح فالأرض مغمى عليه..

بقى دياب كايشووف فيه بصدمة وماعارفش شنو يدير..جرا بسرعة وخرج كايغوت ويناادي على الأطباء

جااو بسرعة لعندو كايفحصو نبضوو وبقى واقف كايشوف بخوف..شاف فيه الطبيب بأسى وقال

-الطبيب:الله يرحموو..

فغرفة الموتى فنفس المستشفى..

بعدماا ورى للحراس الشاارة ديالو..دخل للغرفة وبقاا واقف كايشوف فالمنظر قدامو..

كايشوف فأركان اللي طايح على رجليه..شااد يد روهاان ومعنقهاا ومرة مرة كاايبوس فيهاا وهو كايبكي..

كايشوف جثة روهاان المغطااة بإيزاار أبيض بإستثناء راسها..للحظة تسلل عذاب الضمير لداخلو..حس وكأنو هو السبب فموتها..لو أنها ماكانتش كاتبغيه وماعطاهااش أمل فعلاقتهوم كانت غاتبقى حية..وماكانتش غاتصدى للرصاصة اللي كانت من المفروض غاتضربو هو..وكان ممكن هو اللي يكون فمكانها الآن..

تلفت لعندو أركان وهو باقي كايبكي..شاف فيه كيفاش مربع يدو وكايشوف ببرود فيهوم ودور وجهو من جديد لجهة روهاان..

قرب ليهوم دياب وبقى واقف كايشوف فروهاان بحزن..طلع فيه أركان عينو وقال باستهزاء

-أركان:رتاحيتي داباا..نتا راك ضحكتي عليهاا وبسبابك هي داباا ميتة

شاف فيه دياب ببرود وقلب عينو لاتجاه الباب..

-أركان:مااتهربش..لأنو نتاا السبب وواخاا تزينها وتزوقها غاتبقى نتا هو السبااب فموتهاا..وهي بااقي شاابة فريعان شباابهاا..حتى أنك ماطيحتيش دمعة على قبلها..لهاد الدرجة ماكاتهمكش..هه تخيل أنا رجعت حيث كنت خاايف عليك..أنا اللي كنت غانحامي عليك لولا أنو روهان خرجاات من وسط الشجر بديك الطريقة..ولو أنا اللي أنقذتك كنتي ماغاتطيحش عليا حتى دمعة..وكانت تضحيتي غاتمشي بدون نتيجة..تماما كيف تضحية روهان

شاف فيه دياب للحظاات وحط يدو على كتفوو مزير علييه..جلس هو الأخر بجانبو وتكا راسو على السرير..طلع راسو فالسقف..تنهد بقوة وقال

-دياب:فاش كنت صغير..باباا كان رجل صعييب بزااف..كان كايتصرف معايا بطريقة غريبة لحذ الآن مافاهمهااش..كان قاسي لدرجة ماكاتصورش..كان كايضربني على أشياء تافهة..تخيل طفل فعمر 3 سنواات..4 سنوات لاح فتاات الأكل فالأرض..وكاينوض باباه كايبقى يضرب فيه بكل قوتوو..كان حزام سروالو ديما مصور فظهري..الأم ديالي ماكانت تقدر تدير والو قداموو وقدام جبروتو وعصبيتو..كان كايجيني مريض نفسياا لأنو كايبغي العنف بواحد الطريقة فشكل..كان كايعايرني ويهبط من قيمتي قدام أصحابي وكنت ديما كاانبكي حتى ولاو كايسميوني فالمدرسة البكااي..لدرجة الأستاذة كاتقرب مني كانطلع يدي ونحمي وجهي..مرضني فنفسيتي ومابقيتش كبااقي الأطفال الصغاار..كانت الأم ديالي كاتقولي..(بضحكة استهزاء)هه كاتقولي..هو بغاا يقوي شخصيتك ويرجعك رااجل..ولكن فنظرك العنف كاايرجل؟شنو كان كايعرف طفل صغيير فالرجولة..هههه لحد الآن مااعرفتش شنو اللي كان كايعصبو بديك الطرييقة مع العلم كان ميسوور وخدمتو ماشية مزياان..ماكانش كايعنف ماماا أبداا..لاا كان كايضربني أناا..وواخاا هاكدااك صبرت لكولشي..قرييت وتميزت فمجال دراستي..اللي هو المعلومياات..وواخاا كولشي كنت حيوي بزااف وغي كانضحك..بطريقة فحد ذااتها غريبة..لأنو واحد طول عمرو وهو كايتعنف من الأب ديالو بسبب أولا بدونو..وفالأخير كايضحك وفاش كايلقى ماماه كاتبكي كايقوليها ماتألمتش وهو كايوااسيها..كنت عاايش بجوج أوجه..وفور ماكانخرج من الدار كانلبس قناع الطفل المدلل والغني..فعلاا شخصيتي قوااات ووليت ماكانقدرش نطيح دمعة على قبل حتى وااحد..حتى وااحد..وليت كااندير فالمشااكل وكانعيش كيف أناا باغي باش مني نتضرب يكون عندو سبب..هه حتى شعري درت فيه شي تسريحاات غرييبة كانتفكر راسي وكانضحك ههه..كبرت شوية ووليت كانوقف فوجهوو..خليت ألمانياا وخليت الأم ديالي وجيت لهناا كملت قرايتي ودخلت للمخاابرات باش نزيد نقوي شخصيتي ونوقف فوجهوو..وقعو مشااكل مع زينب وماقدرتش نواجهو ونحااسبو على اللي دار فياا..ههه وقبل مانوصل للمبتغى ديالي ماات..كان ناعس حتى ماات..صرااحة غانكذب عليك الا قلت ليك بقى فياا..بالعكس تمنيت ليه يمووت وهو كاايتعذب ومايموتش وهو مرتاح هاكدااك..وكتب لي كااع ممتلكااتو أكيد باش يبان أنو الأب الحنوون قدام النااس وأنو كايفكر فياا..وحتى ماابكيتش فموتوو بالعكس كنت كانضحك هههه..كانو بزااف دالأصدقاء كايقولولي سعدااتك ببااباك..منهوم نتاا..وحتى صاحبي فالمغرب لأنو كايمثل الحنية أمامكووم..ولكن الحقيقة شيء أخر (تنهد بقوة وقال وهو كايشوف فيه)إذن بلا ماتقولي علاش ماكانقدرش نبكي..لأنك لو عشتي اللي عشتوو ماكنتيش غاتقدر تكمل حياتك بشكل طبيعي أبدا وحتى ماكنتيش غاتقدر تضحك بحالي هااكدا

بقى أركان كايشوف فيه ومن بعد عنقو بقوة..ابتاسم دياب وطبطب على ظهرو بقوة

-أركان:سمحلي ألشااف

طلع دياب حواجبو وقال مع ابتساامة

-دياب:هوهو شحال وليت كاانسمع هااد الكلمة منك ومن داك الحمار ديزيد

بعد منو أركان وقال

-أركان:من ديما كاناخد عليك نظرة خاايبة

وقف من بلاصتو وشد فكتف أركان وقال وهو كايشوف فروهان

-دياب:صراحة كانحسدك حيث كاتقدر تبكي هااكذا

دخل يزيد بسرعة..غمز ليه دياب وخرج مخليهوم لوحدهوم

-يزيد:خويا البركة فرااسك أنا كنت

تلفت عندو أركان..قاطعو وقال

-أركان:اصمت..هذا وقت البكاء

دخل لعندها للغرفة من جديد..ولقاها باقي نااعسة..هاد المرة مااجلسش فووق الكرسي..هبط حيد حذاؤو ودخل حداهاا فوق السرير..جر الايزاار ونعس حداها..حط راسو على صدرها وطلع عينو كايشووف فيهاا..وجهها كايبان شااحب وحتى فمهاا ازرق من الجوانب..

بقا كايشوف فيها بابتسامة وكايمرر يدو على وجههاا..قرب لعندهاا وباسهاا فخدهاا..بعد كايشووف فيهاا وقال بهمس

-دياب:همم واخاا كولشي الأحداث اللي وقعو..غانولي حقيير لدقاائق..وغانسرق منك بعض القبلااات..

زااد قرب ليهاا أكثر وباسها فخدهاا من جديد..أحااط خصرها بيدوو وقربهاا ليه..طلع راسو كايشووف فيها وقال

-دياب:أنك تكوني قرييية مني ونفس الوقت بعييدة وماكانقدرش حتى نقرب منك حااجة صعييبة..Bu kahreder

قرب منهاا وقبل شفايفها بخفة..بعد كايشوف فيهاا بهيام ورجع قبلها من جديد وهاد المرة وهو واخد رااحتو..كايقبل كل شفة على حدى بكل نهم ويعطيها حقها ومن بعد ينتاقل للشفة الأخرى ويعطيها هي الأخرى حقها وزياادة..بعد منها وهو كاينهج بقوة وقال

-دياب:بففف شنو كاديري فياا..كانحس بحال اللي عمري شفت شي بنت ولا قستها قبل منك..

رجع قبل فمها بخفة..بعد ورجع قبلها من جديد..بالله فالله ماكايقدرش يشبع منهاا أبدا..

-ظياب:أستغفر الله العظييم..نعس أدياب نعس

دور وجهو لجهة الناافذة..كانت الشمس مشرقة..تلك الأشعة الذهبية التي تشرق كل يوم من جديد..معلنة بداية يوم جديد كلها أمل وتفاؤل ونشاط وحيوية..واخخ حل الصبااح ولقااه باقي مانعسش

رجع حط راسو على صدر ريم وبداا كايفكر فاللي مااتو..روهان ودينيز اللي ماتو فنفس الليلة..وكأنهم عمرهم كانو..وولاو من الماضي..

حمد الله لكونو عطاه فرصة اخرى فالعيش..وأيام إضافية يقضيهوم مع اللي كايبغي وحتى مع اللي كايكره..فرصة فرؤية شرووق الشمس مرة اخرى..ففي النهاية الشمس لا تشرق في القبور

غمض عينو لثوااني كايتسنى فالنوم يدق بيباانو وينعس شوية يرتااح من كااع هاد المشااكل وهاد الأحداث اللي وقعوو..حتى كايسمع صوت فتح الباب ومن بعد سمع بعض الوشوشاات..غلق عينو متظااهر بالنوم وقلش وذنيه يسمع شنو كايقولو

كانو جوج ممرضاات واقفين أمامهوم وكايشوفو فيهوم

-الممرضة1:اخخخ أقلبي شووفي شحال جاو مع بعضيااتهوم

-الممرضة2:هو زوين عليهاا..وسييم بزااف

-الممرضة1:بالعكس هي زويينة..شوفيها مادايراش الماكياج وكاتبان زوينة جربي نتي تجي شي نهاار بلا ماكيااج للمستشفى المرضى غاايهربو ههه

خنزرات فيها الممرضة الأخرى وقالت

-الممرضة2:أناا زوينة عليهاا وحتى بلا ماكيااج كانباان زوينة..هااد الرجاال اللي كايكونوو وسيمين كاايكونوو شاابعين جماال وفالأخير كايتزوجو وحدة خااايبة باش ماتبعهوومش العييين..ماكرهتش نكوون بلاصتهاا..شووفي كيفااش معنقهاا تقول خاايفهاا تهرب..اخخخ تخيلي قبلة من الفم ديالوو..اااه يا رب

-الممرضة1:تووبة تووبة أستغفر الله

-الممرضة2:هااء مالي قلت شي حااجة عييب..سعداتهاا..بديت كاانحسدها صرااحة

-الممرضة1:ممكن يكون راجلهاا..عيب هاد الكلام اللي كاتقولي عييب

-الممرضة2:هههه رااجلهاا..لو أنوو راجلها كان استغل الفرصة دأنهاا مرييضة وهووو تلقاايه فحضن وحدة أخرى..هوما باقي ماتزوجووش..

-الممرضة1:عييب هاادشي اللي كااتقولي..وأصلا يكونو مزوجيين ولا لاا ne fark eder هااديك حياتهووم

-الممرضة2:طبعا ماغااتقبليش كلامي..أنا ديماا على حق..هوماا ماامزوجيينش..وماغايكملوش زواجهووم..أصلاا ماجاوش مع بعضهووم..أناا راني قاارئة فنجاان ممتاازة وهادشي كانتوقعوو

كان دياب سااد عينو وكايسمع لكلامهووم..ومع أخر جملة قالت حل عينو ودار جاالس وكايشوف فيهووم

-دياب:مم واذا كتاب لينا نتزوجوو غانولدوو بنية ولا وليد

شافت فيه الممرضة اللي كانت كاتكلم بصدمة وخرجات عينيها بخوف..بينما الممرضة الأخرى كاتمة ضحكتهاا وكااتشوف فشنو غايوقع

تمتماات الممرضة بين سنانها وقالت

-الممرضة2:مم ههه أنا غي كنت كاانضحك..ماشاء الله مواتيين بعضكوم بزااف..مزوجيين؟

طلع فيها دياب حواجبو وقال

-دياب:لاا باقي كانتسناوك تشهدي عليه

-الممرضة2:ههه بصااح..شرف لياا

غمزهاا وقال

-دياب:ولا شنو بان لييك نتزوجك نتي(عض شفتو السفلى)كايعجبوني الممرضاات بزاف

-الممرضة2:ببصااح

-دياب:ااه بصااح..أصلا كيف قلتي أنا وسيم واللي بحالي كايتزوجو بوحدة خايبة..وصراحة الا تزوجت بيك غانضمن أنو حتى عين ماتشوف فياا ولا تحسدني

احمر وجه الممرضة بحرج..بينما زميلتهاا كانت واضعة يدها على فمها وكاتمة ضحكتهاا

جمع دياب ابتسامتو وقال

-دياب:شنو باانليك نشكي بيك عند المدير ديالك همم

-الممرضة2:لا عافاك أسيدي سمحلي مابقيتش نعاود

-دياب:خرجي من هنا دابا(خرجات وقال بالداريجة)مزيان تبارك الله كاتقيس فيها وهي ماواصلة حتى لظفار رجليها..مازويناش قالت

تلفت عند الممرضة اللي واقفة ومافاهماهش..ناض من فوق السرير وقال

-دياب:ماخليتونا حتى ننعسو..أنا خارج ديري خدمتك

🌼فالمقر..

دخل كل من دياب ويزيد للمكتب..جلس دياب فكرسيه ويزيد أماموو وقال

-دياب:هادووك لتحت

-يزيد:ااه..كولشي لتحت..وحتى جان راه جااي فالطريق..قدرو يلقاوه

-دياب:أصلا ماعندوش فين يهرب..

وقف من كرسيه ومشى فاتجاه ألة عصر القهوة..عمر كوب ليه وتلفت عند يزيد اللي كان شاد فراسو وقال

-دياب:بغيتي؟

طلع يزيد راسو وهبطو بمعنى ااه وجاب ليه خو الأخر..حط ليه الكوب ديالو وجلس فكرسيه كايشرب هو الأخر وهو شاارد..بقى لمدة هاكداك وقال

-دياب:قدرتو توصلوو لكااع اللي مشاركين فهادشي يااك..حتى من الممرضين والممرضاات كولشي بغيتوو يتعااقب

-يزيد:كوون هااني صييفطناا اللي يجيبهووم..الملفات دالعمليات اللي تدارو كولهوم عندنا وهذا بفضل دينيز..احمم الله يرحمو..يعني غانشوفو اللي دخلو للعمليات ونلقيو عليهوم القبض..ماغانجيبوهومش للمقر غانخليو الشرطة تهتم بيهوم وتفتح تحقيق لكل وااحد منهوم على حدى..وحناا غانتكلفو بالرؤوس الكباار

طلع دياب راسو وهبطو بمعنى ااه وقال

-دياب:فنظرك..ممكن يكوون عندهم رئيس أكبر من معتصم..ويكون هاد معتصم بحد ذاتو غي واجهة؟

-يزيد:ممكن..ولكن حنا هناا سالاات المهمة ديالناا..وحتى سي رامز قال أنو خاصنا نسدو هاد القضية..ممكن يكون الرئيس الأكبر شخص مهم فالدولة وراك عاارف الصلااحياات ديولناا..يعني خاصنا نتستروو عليهوم..ولكن علاش شكيتي؟

-دياب:مم مااعرفتش ولكن..لو كاان معتصم هو الرئيس ماكاانش غااي يبين راسو ليناا هاكداا..فنظري القضية أكبر من ذلك..وممكن فرضيتك تكون على صح..صراحة هادشي بحد ذااتو مضحك..سي رامز قاال أنو الشخصيات المهمة فالبلاد ضاغطة علينا وكااتأكد أنو هاد العصاابة يتم الإنتهااء ديالها..بحال الشخص اللي كايقتل وكايحضر فالجناازة..أنا غانتكلم مع سي راامز وغانطلبو مايسدش هاد القضية..وغانبقاو نبحثو حتى نلقااو الرااس الكبير

-يزيد:نتا عارف أنوو سي رامز ماغايقبلش

-دياب:خااصو يقبل..روهان وحتى دينيز خسرو أرواحهوم فهاد القضية..يعني ماغاانسمحش تضيع أرواح أخرى..حتى أني وليت متأكد غااتدوز فترة وغايعاودو يرجعو يبانو من جديد..وسي رامز غايسرلنا من جديد..وشكون عرف نكون أنا ولا نتاا هوما التاليين..ونتبعو روهان ودينيز

تنهد يزيد وقال وهو كايدور أصبع يدو مع حاشية الكوب وقال

-يزيد:الله يدير اللي فيها الخير..أركان ماخليتوش يجي لهناا حيث غايشوف معتصم ويقدر يدير فيه شيحاجة

حرك دياب راسو بإيجاب وقال

-دياب:مافيكش الجووع؟

-يزيد:هااا..ااه فياا

-دياب:ماغاانفطروش داباا..(بغمزة)حتى نفطرو ضيوفنا هوما اللولين

ضحك يزيد ووقف من بلاصتو

-يزيد:اييه يالااه..

خرجو من المكتب..سدو دياب بالمفتاح ووضعو فجيبو..من طبعو ديماا كايقفل مكتبو من غير فرقتو اللي كايثيق فيهوم وعاطي لكل واحد منهم نسخة..

تمشااو فاتجااه الأسفل وقبل مايدخلو للمصعد لمحو صورة كبيرة موضوعة فالوسط ومحيط بيهاا إكليل من الورد..شافو فبعضهوم باستفهام وقربو ليها بخطوات ثابتة

وهاهوما واقفين أمام صورة روهان..كانت ضااحكة وكايبانو غمازاتها..

وقفو بجوج أمامهاا..يزيد اللي واضع يدو فجيوبو وكايشووف فيهااا ودياب اللي مربع يديه وجامعهوم لعند صدرو وكايشوف فيها هو الأخر..بقاو هاكداك لمدة حتى نطق يزيد وهو مبتسم

-يزيد:هاد الصورة نتاا اللي التقطتيها

ابتاسم دياب هو الأخر وحرك راسو بإيجاب..ونطق يزيد من جديد

-يزيد:عاارف غاتكون كاتلوم راسك على موتهاا..هذا قدرها ونتا ماليك حتى دخل فييه

ابتاسم دياب من جديد..شاف فيه وقال

-دياب:لاا أناا السبااب..هي راه كانت كاتبغيني وأنا شنو درت..تفليت عليها ولعبت بمشاعرها

-يزيد:لاا هي راه كانت عاارفة كولشي وعاجبها الحاال..ثيقني هي راه ماكاتبغيكش..هي كانت..احمم الله يرحمها متملكة وفيها صفة النرجسية..كاتبغي كولشي يكون ليهاا هي لوحدهاا..هي ماكانتش كاتبغييك كانت باغة تتملكك حيث كنتي بالنسبة ليها حاجة صعبة المناال..نتا شفتي بنفسك أركان اللي كان ديماا معاهاا وعاطيها وقت كانت كاتجااهلو.ونتا اللي كنتي كاتجاهلها وتقمعها تاابعااك

-دياب:كنت كاندير هاكدااك باش تمل مني وتشوف أركان..حيث كنت عارفو شحال كايتعذب

-يزيد:نتا عاد ماكنتي كاتزيد تربطها بيك..ثيقني هي راه ماكانتش كاتبغيك..حتى أنا كانت كاتت(سد عينو بقوة ورجع فتحهوم)كذباات كذبة وثيقااتها وكونهاا ضحات على قبلك فهاذا أمر عادي..لأنو لا أنا لاا أركان مستاعدين نضحيو على قبلك خيث حتى نتاا يااماا دافعتي عليناا وضحيتي وتستااهل أكثر..ماشي بصفتك الشااف إنماا صديقناا

شاف فيه دياب بابتساامة كبيرة قرب لعندو وعنقو عنااق رجولي..طبطب على ظهرو وقال

-دياب:الموت دروهان أثر فيكوم..وليتوو حساسين بزااف

ضربو فصدرو بقبضة يدو وقال

-دياب:ماتبقاش تقول بحال هاد الكلاام..مابيناتنااش الشكر حنا ماشي صحااب..حناا راخوت

وقفو قدام المصعد كايتسناوع يتفتح حتى سمعو ندااء من بعيد

-رامز:ديااب

عوج دياب فمو وقال

-دياب:فطرهوم وأنا نغديهوم

جالسين فمكتب رامز وكايشوفو فبعضهوم بصمت..حتى قال رامز

-رامز:احمم مشكور على مجهووداتك أديااب..والبركة فراسك من جهة روهان

شاف فيه دياب ببرود وقال

-دياب:نتا اللي درتي صوورتهاا تما

-رامز:ااه أنا اللي آمرتهووم يديروها..عجباتك

همهم دياب وقال

-دياب:همم زوينة..حتى نعطيكوم شي صورة زوينة ديالي ربما تحتاجوها

شاف فيه رامز باستفهام وقال

-رامز:ماافهمتش..فشنو غاانحتاجوهاا؟

-دياب:مم شكون عرف نكون أنا التاالي

-رامز:علاش كاتقول هاد الكلام؟المهمة داازت بيخير وحتى واحد ماغايتضرر بسباابهاا

-دياب:متأكد؟

طلع رامز حواجبو..حنحن وقال

-رامز:ماافهمتش شنو كااتقصد بهااد الكلاام؟

قرب دياب للمكتب وحط يدو عليه..طلع فيه عينو وشااف فيه بجيدة ثم قال

-دياب:احمم غانجيك نيشاان أسي راامز..أنا دخلني شوية دالشك فهااد القضية وكانظن أنهاا ماااسالاتش فهاد الحد..غاتكون عاارفني علاش كانتكلم

-رامز:لاا مافهمتش..القضية سالاات هناا..وبعدما يتم التحقيق مع المتهميين غانغلق الكلف بصفة نهائية

-دياب:همم نهاائية..سي راامز واش كانبان ليك غبي همم؟

-رامز:لااا بالعكس نتا شخص ذكي وهادشي اللي خلاني نديرك رقم وااحد فالمخبرين عندي

-دياب:ماغانقوليكش شكراا لأنو الشكر للفرقة ديالي والمجهوداات اللي كايديرو معاياا..الفرقة ديالي اللي عزيزة علياا بزاااف..والفرقة ديالي اللي عاد ليلة الباارح ماتت وحدة منهوم..وحدة اللي قدماات الكثيير من هاذي سنوااات وكانت عنصر أنثوي فعااال..وأنا مامستااعدش نخسر شخص أخر من فرقتي وحتى روحي مارخيصااش علياا

تكاا على الكرسي وقال

-دياب:معتصم ماشي هو الرئيس دهاد العصاابة..ونتاا أسي راامز كااتعرف هاد الرئيس والظااهر كاتستر عليه وعلى أفعالو..شكون هاداا همم؟

-رامز:نتاا شنو كااتحااول تقول؟كاتااهمني بأنني كانخبي عليكووم رئيس العصاابة؟

جاوبو دياب بملامح مستفزة وقال

-دياب:تمااماا

وقف رامز من على كرسيه وصرخ بقوة

-رامز:أنك أحسن مخبر هناا ماكايعطييكش الحق بأنك تتهم رئيسك احتاارم رااسك

كان دياب عاض على شفتو السفلى وكايشوف غضبو..وقف من مكانو..قرب ليه وتقابل معاه ثم قال

-دياب:أياياااي..فراسك أسي راامز..دابا عاد زدتي أكدتي لياا شكووكي..غضبك دابااا دليل قااطع على صحة كلامي..عاارف غايكون ضااغط عليك أولا ضااغطين..عارف هاد الرئيس ولا حتى الرؤسااء غايكونو من رجاال الدولة اللي مكلفين بحمايتهوم..ماتغلقش القضية وأناا غانقدر نلقااهوم ونفضح أفعاالهوم وبدون ماتدخل نتاا..ياك نتا كاتقول ثاايق فقدرااتي..اواا عطيني فرصة

بعد منو رامز ورجع جلس فكرسيه..بقى لمدة صاامت كايفكر ورجع شاف فيه وقال

-رامز:هادشي اللي كاتقول ماامنووش..والرئيس دالعصاابة رااه التحت وهو غايتعااقب أشد عقااب..هادشي اللي كاتقول مامنووش..وأنا ماكانعرف حتى وااحد وماكاانحمي حتى وااحد

-دياب:متأكد من كلامك..نتا مامخبي علياا والو..أناا مامستااعدش نتوااجه مع هاد العصاابة من جدييد..شكون عرف ممكن يكون هادا غي فرع منهاا..أنا ماشي خايف منهوم..لااا الخوف ماشي من صفااتي..ولكن ماباغيش شي وااحد من النااس اللي كانبغي يتضررو..

-رامز:دياااب..مااعندك منااش تخاااف..راني قلت لييك..هاادشي اللي كاتقوول راك غي كلتخاايلو وصافي..ومامنووش..نتاا عارف معزتك عندي..من أول نهاار دخلتي لهنااا كأي مخبر عاادي..وكيفاش عطييتك قيمة وخلييتك تبين على قدرااتك وفظرف وجييز تولي الأحسن هناا ويتضرب ليك ألف حسااب..وحتى تعطااك أحسن المهماات اللي كايتمناها أي واحد هناا

سكت كايتسنى دياب يتكلم..ربما ينطق بكلمة "شكرا"..شاف فيه دياب وحرك راسو بمعنى شنو..قلب رامز عينيه بقلة صبر وقال

-رامز:واخاا كولشي هاادشي..أنا ماغاانسمحش لييك تقلل احترامك علياا مرة أخرى وتتهمني بأشياء خطيرة بحال هادشي

-دياب:علاش!أنا لحد الآن محترمك ايمتاا قللت احترامي عليك؟

تنهد رامز بقلة صبر وقال

-رامز:أخر مرة تكلم على هااد القضية..هناا غاتسد ومن بعد غااتمشي تدوز عطلة ديالك منهاا تريح أعصاابك وترااجع أموورك كايبانلي هادشي أثر فيك بزاااف

-دياب:نتاا عاارف وكاتستتر عليهوم..كانحلف ليك برب الكعبة..نتااا عاارف..حتى اعتابرو اتهاام ماكايهمنييش..نتاا كاتعرف أشيااء ومخبيهوم عليناا..مااتلعب بينااا ونتاا واللي معاك كاتشوفو من بعييد!

-رامز:ديااب..كيف قلت ليك نتاا عزيز علياا..وكونك معاناا هاداا أمر مهم بالنسبة ليناا وكايزيد بزاف دالإضافات ليناا..وغانقولها ليك وبكل صراحة..ماتلعبش مع اللي كبر منك..وإلاااا

قرب منو دياب وقال

-دياب:وإلاا..

-رامز:وإلاا غاتخسر خدمتك..وشكون عرف حتى النالس اللي كاتبغي..

شاف فيه دياب بغضب وقال

-دياب:صافي طااح القنااع..من بعد ونتكلموو مزياان أسي راامز..ماغانكونش طعم سااهل ليكوم..وصلهاا ليهووم

خرج دياب من مكتب رامز وضرب بابوو بقوة وخو كايتمتم بمسباات وشتائم بينو وبين نفسوو

-دياب:الخونة الصغاار كايتعاقبو بينما الكبار عايشين حياتهووم عاادي..الله يلعنكوم

فتحاات عينيهاا ببطء على أشعة الشمس اللي كاتدغدغ عوينااتهاا مناشدة إياهاا بالنهوووض..

بقات كاتشوف فسقف الغرفة لمدة..حتى قدرت تسترجع ذاكرتها وحتى الأحدلث الأخيرة اللي وقعو ليها..

صوت الرصاص اللي باقي لحد الآن كايتسمع صدااه فأذنيها..وحتى خوفها من أنو توقع ليهاا شيحااجة..روهان اللي مرات بجنبهاا متسللة فاجاه دياب وحتى ماشاافتهااش..كانت فقط كاتشوف فاتجاه دياب

هزات يدها للأعلى وبدات كاتحرك فيهوم وتقيس قبضتهم..

تفكرات فاش فتحاات الحبل بقوة حتى جرحهاا..وفاش بغاات تتحرك فاتجااه دياب وهي خاايفة عليه..ضااربة لكلامو ووصايااه عرض الحاائط..وأخيراا جاان اللي تسلط عليها من حيث لا تدري..وسد ليها فمهاا بقوة..باقي كاتحس بقبضة يدو على فمهاا..وحتى كلماتو اللي كان كايهمس بيهوم فأذنهاا بصوتو المقزز بالنسبة ليهاا..كاان كايتكلم ويضحك بطريقة جنوونية وهو متجااهل أنينهاا وخوفهاا منوو

"هههه ها أنا لقيتك ألغزاالة..دابا الا بغات تجي الموت مرحبااا بهاا"

كاان كايكرر هاد الجملة فأذنها وهو كاايجرهاا وسط الشجيراات..جملة اللي بثت الرعب فقلبهاا..بقات كاتأن باسم ديااب وتطلب النجدة..ولكن أكييد صوتها ماكانش كايتسمع..ماهو كاانت قبضة يد كبيرة مانعة خروجوو من فمها..بقاات هاكدااك حتى حسات بدواار شديد..وفقداات وعيهاا بين يديه..

سمعات صوت فتح الباب وصوت خطواات كايقربو ليها..وبدون ماتشعر نادات باسمو..شكون من غيرو؟آسر قلبهاا وحبيبها دياب

-ريم:ديااااب

قربات ليها الممرضة بابتسامة وحطات يدها على كتف ريم وقالت

-الممرضة:لاا ماشي هو..

تقادات ريم فمكانهاا بمساعدة الممرضة وقالت

-ريم:شكون اللي جابني لهناا ومن ايمتا وأنا هناا؟

-الممرضة:من ليلة الباارح..جابك حبيبك وقال فقدتي الوعي

-ريم:شكون؟دياب؟

-الممرضة:الاا كان هو الشخص اللي كان ناعس بجانبك بطريقة رومنسية وخاايفك تهربي وحتى داير ليك حرااس قدام الغرفة هو ديااب..ااه هو

ابتاسمات ريم بدون ماتشعر وقالت

-ريم:ااه هو ديااب

-الممرضة:سعدااتك بيه..تمنيت واحد بحالو

جمعات ريم حواجبها بغضب وقالت

-ريم:دياب ماكاينش فحالو..وماامنوش جووج..ولو تدوري الكون كولو ماتلقايش فحالو

ضحكات الممرضة وقالت

-ممرضة:ااه ااه عندك الصح..أنك تلقاي وااحد كايشكر فييك ونتي فااقدة الوعي ومايرضااش فيك العيب صعييبة بزااف..وخصوصاا فهاد الزمن

-ريم:اه اه بصاح..عطيني عافاك الملف ديالي

-الممرضة:علاش؟الطبيب دابا يجي

-ريم:غي عطيني نشوف واحد الحاجة

امثتلت الممرضة لطلبهاا وعطاتها الملف..خداتو بين يديها..فتحاتو وبدات كاتقرا فيه..سداتو وحطاتو بجانبهاا وقالت بتدمر

-ريم:(بالداريجةنقص الحديد..اللي عااش هادشي اللي عشتو ماشي غي الحديد اللي غااينقصوو

-الممرضة:احمم سمحيلي ولكن هاد اللغة باش كاتكلمو ماكاانفهمهااش..

-ريم:والوو والوو..ماكاين لاش يجي الطبيب أنا طبيبة وتطلعت على حاالتي

جرات الإبرة دالسيروم من يدها ووقفاات من فوق السرير..شعرات بالدواار ورجعات جلسات فوق السرير

-الممرضة:خاصك ترتااحي..على الأقل بقااي حتى تكملي السيروم ديالك

وقفات ريم من جديد..قادات حواايجها اللي خاسرين وحتى الحجاب ديالهاا وقالت

-ريم:لا لااا أنا بيخير ماعندك مناش تخافي..احمم عندي ليك طلب ونتمنى ماترديهش فوجهي

-الممرضة:غاانحاول..شنو هو؟

قاست ريم وراء عنقهاا وقالت بضحكة صفراء

-ريم:شحاال من واحد واقف حدا البااب؟

-الممرضة:جوووج أختي

-ريم:احمم واخاا..مم زعماا..تقدري تبعديهوم من باب الغرفة حتى نخرج؟

شافت فيها الممرضة وقالت

-الممرضة:لااا أختي لاا..نخااف من حبيبك..أنا اللي شفت تعاملو مع الممرضة الأخرى..وكون تسمعي أش قال ليهاا فاش قالت..

قاطعاتها ريم وقالت

-ريم:وامااعندك مناش تخافي مالو شكون هو فملك الله..وأصلاا هو ماغاايعرفش

شافت فيها بتردد وقالت

-الممرضة:لاا أختي خاايفة

قلبات ريم عينيها بعدم صبر وقالت

-ريم:واراا قلت ليك ماعندك منااش تخاافي..وأصلا هو غي كااايبالغ هاد الخراس مامنهووم فاايدة أنا قاادة نحمي نفسي ونحميهةم هوماا براسهووم..غي سمعيليااا..أجي نقوليك أش غااديري ليهووم أجيي..

جراتهاا لعندها كاتوشوش فأذنها والممرضة كاتطلع راسها وتهبطوو بفهم..

🌼🌼بعدماا تفكات من الحراس خرجات من المستشفى ووقفات عند بابو

-ريم:اشنوو سمية هااد الحي..اااه كنت دزت منوو واحد المرة

دورات وجهها فالمكاان مزياان وتمشاات فالشاارع اليساار..مرت من سياارة ذاات زجاح أسود وكملات طريقها بدون ماشووف الأعين اللي كانو كايشوفو فيها من دااخل ديك السيارة واللي بعد ثواني تبعااتهااا

المكان:تركياا وبالضبط اوسكودار

وااقفة حداا البحر وحالاا يديهاا لسماا..سادة عينيهاا وكاتستنشق الهوااء النقي..ربماا يقدر يطرد الأوجااع من داخلها..اصواات طائر النورس ماالية المكاان..فعلاا جو زوين كايخليك تحس بالطمأنيينة..ماكدبوش مني قالو باللي البحر كايريح ..سبحان الله..بقااات واقفة بطريقة ابطال التيتانيك لوقت طوييل..كاتفكر فحياتهاا..وحياة الناس القراب ليهاا..

رائحتو الرجولية ملاات الرئتين ديولها وغطات على هوااء البحر..حساات بيديه فوق كتاافهاا وتململات من بلاصتهاا..

-دياب:(مسند فكو على كتفها وكايشوف فالقدام)شش هادا غي انااا..

-ريم:من ايمتا ونتا هنا؟!

-دياب:مني عاد جيتي..

-ريم:وعلاش ماجيتيش عندي من اللول

-دياب:ماكنتش مسالي ليك

شافت فييه بنظرة د😞😞

-دياب:غيضااحك ازمر خليتك على راحتك مابغيتش نصدعك 

-ريم:احسن مادرتي في حياتك 

-دياب:ياك الاالاا وانا غادي فحالي 

كان ماشي حتى جراتو وجلسوو فالرملة

-ريم:واا اجي هههه غاضاحكة ازمر..تقلقتي

-دياب:شوية 

-ريم:نعل*** استغفرت الله العظيم عمرك تخلي شي لقطة تدوز زوينة زعمااا..

شااف فيها بجدية وقال

-دياب:رييم فشنو كنتي كاتفكري 

-ريم:فكيفاش نتهنا منك

-دياب:(بجدية اكثر)ريم داوي من نيتي

-ريم:(تنهدااات بعمق)كانفكر فحياتي كيفاش دازت وكيفاش غادوووز من بعد مابغيتش نرتكب نفس الاخطااء مابغيتش بغيت نعيش على قبل سعاادتي نفكر فيا اناا شنو باغا شنو احلامي مابقيتش باغاا نفكر فالنااس عرفتي علااش؟

-دياب:الصمت

-ريم:هه حيت فاش حتاجيتهووم مالقيتهومش حداياا فاش كنت كانترجاهوم يتيقووني عاد ماكدبووني ارتكبت اخطااء بزااف 

دارت شافت فيه بعيوون مدمعة فيها بريق غريب.. 

-ريم:ولكن داباا ماغانعاودش نطيح فنفس الاخطااء غانولي انانية اه انانية فتحقيق احلامي (شدات فيديه)و انانية فحبي ليك وربي ماغايخيبنييش اه ماغايخيبنيش 

بقاا ساكت شحاال كايشوف فيهاا وكيفاش دغيا رسمات على فمهاا ابتساامة امل وكاتشوف فالبعييد كان قرب غروب الشمس ديكسااعة جرهاا عندوو معنقهاا بيدييه وكايبوس على راسهاا 

-دياب:دغيا قلبتيهاا دراااما نعل** ندمتينااا كااع -ريم:بفف كانتسناا منك شي كلمة زينة عولت على الخلا 

-دياب:(بااس فحنكهاا اليميين) كانبغييك (وفحنكها اليساار)كانموت علييك ..اووف منك هه 

-ريم:وهاا ليمابغينااش درنا الاولااد بكري تريكة ادوومة 

-دياب:هههه جربيني وماغاتندميش احوباااااي -ريم:صنداالة نتا ههه (وجات تمخششاات فيه بحال المشييشة )

-دياب:(بجدية) شفتي داك النورس بحالك تمااما اريم شوفيه كيفاش كايحااول يطير واخا باقي صغيير ومافاقدش الامل خااصك حتى نتي ماتفقدييهش طالماا انا معااك ماعندك مناش تخاافي 

-ريم:فراسك وليت كانحسك ماماا 

دياب:😒😒

-ريم:ماتشوفش فياا هاكاا نتاا هو بطلي نتاا بحال الام ديال داك الطاائر شفتيه 

-دياب:مم

-ريم:شفتييهاا كيفاش کادفع ولدهاا باش يقوى ويزيد يصبر يمكن تبان ليه قااسية مي كاتبقاا باغا ليه الخير فقط هاداا هو نتاا واخا مرة مرة كاتكون قاسي معايا ولكن عارفاك حوبي يضربني ومايخليش اللي يضربني❤

-دياب:حبيبتي المشرملة هضرتك كووولها عجباتني خسرتيهاا غي بديك الأم 

-ريم:مرة وحدة كمل اللقطة مزيان اعباد الله..aşkum(شاافت فيه)عشق النوارس هادا هو عنوان قصتنا زوين ياك 

-دياب:زوين احبيبتي بحالك..أجي بعداا شفت الحشمة طاارت 

طلعات ريم عينيها فيه وقالت

-ريم:ااه من اليوم ماغاانمنعش نفسي ونخبي مشااعري..البارح بالليل أنا كنت خاايفة نفقذك..كنت

قاطعهاا ديااب وقال

-دياب:شش نسااي ديك الليلة من بعد ونتكلموو..شنو قلتي لياا ديك السااعة؟

-ريم:شنو قلت ليك؟

-دياب:شي حااجة على الولااد يمكن؟

عوجات ريم عينيها فيه وقالت

-ريم:واغير جاات هاكدا وسط الكلام وصافي..فإطاار الضحك

-دياب:وشنو باان ليك نخرجوها من إطار الضحك لإطاار أوسع..زعماا فالواقع

بعدات منو ريم وشافت فيه بتخنزيرة..ضربات على كتفو وقالت

-ريم:ماكااتحشمش..شنوو ياكما غي قلت ليك حياتي وليتي كااتفكر فالأولااد..سافل

كان دياب مطلع يدو باستسلاام وكاتم الضحكة..بقا كايشوف فيها وقال

-دياب:وشنو فيهاا..نولدوو وديك السااعة نتزوجو..باش ولدنا ولا بنتناا يحضرو لعرسناا..أصلا كاايبقى فيا الحاال حيث ماحضرتش لعرس الواليد والواليدة ههه

شافت فيه بغيض وكيفااش كايضحك..دفعاتو على الرملة وطلعاات فوقوو..دخلات وجهها فعنقو وعضاتو بقوة حتى صرخ بألم

-دياب:وااااااع..طيرتيلياا الجلدة..واااطلقي منييي

طلقاات منو وهي كاتنهج بقوة..بدات كاتشوف فيه كيف شااد عنقو بألم وكايشوف فيها بعدم تصديق وقاالت

-ريم:بااش تتعلم تقلل حياك عليا..يحضروو لعرسنا قاليك وجهك هاداك ولا قفاك

بقى دياب كايشوف فيها وهو ماواعيش باللي عاد دارت..هي راه عضااتو فعنقوو بقوة..حتى أنو كايتلمس أثاار أسنانها وكاايحس بسائل فيدو..فالغاالب دماؤو

-دياب:أنا كانبغي ريم الإنسانة ماشي مصاصة الدماء..أخرجي أيتها الروح الشريرة أخرجي

بقات ريم كاتشوف فيه بغيض وهي مخنزرة ومتجاعلة كلامو وضحكو..هبطات راسها وعاد لاحظات أنها جالسة عليه..حاولات توقف بتوتر وجرها لعندو حتى تقاربو وولات كاتفصلهوم فقط بعض الميليمترات..بقا دياب كايشوف فيها ومازالت على فمو الابتسامة..كايشوف توترها وحتى شفتيها اللي كايرجفو

قلبها بسرعة وولات هي الأسفل وهو الأعلى وقال

-دياب:أنا غانخرج هااد الروح الشريرة اللي دخلات لحبيبتي

خرجات ريم عينيهاا فاش شاافت فين كايشوف وقالت بتوتر

-ريم:ديااب لاا لاا مم

كان انقض على شفتيها بقوة كايلتااهم فيهووم ويقبل فيهوم..وكايتوقف للحظات حتى تاخذ نفس وعاد كاتبغي تنطق ويرجع يسكتها من جدييد 

بقاو هاكداك لدقائق حتى أنها تجاوبات معاه وأحاطت عنقو بيديها 

بقاو هاكدااك كايتمرغدو فالرمال حتى حسات ريم بشنو كادير ودفعاتو من عليها وهي كاتنهج وقالت

-ريم:ديااب..الناس كايشوفو

طلع دياب عينو اللي كانو معسلين وهو الأخر كاينهج..شاف فالمكان وكانوا فعلاا بعض الناس اللي كايشوفو فيهوم..ابتاا

سم ليهوم ولوح بيدو

-دياب:السلااام

رجع شاف فيها من جديد وهو كايقرب لفمهاا ببطء وكايتكلم بهمس

-دياب:ماكايهموونيش

قبلها بخفة وبعد كايشوف فيها..طلع شالهاا وقبلها فعنقها..غلقات عينيها بقوة وهي كاتدفع فيه وقالت

-ريم:ديااب..وابعد..رااك كاتحشمني..ديااب بفف الناس كايشوفو

طلع فيها عينو من جديد وقال

-دياب:على أسااس فاش كانكونو بوحدناا كاتخليني..ماعرفتش واش ديجاا كاتعرفي عليا هاد المعلومة..ولكن أناا إنساان ماكاايضيعش أي فرصة جااتو فالحيااة..وهااد الفرصة ماكاتعااودش بزااف دالمرات

رجع دهل راسو فعنقها كايقبل فيه ويتكلم فنفس الوقت

-دياب:شش خليني خداام..نخرجو هاد الروح الشريرة

شدات ريم فراسو وقرباتو ليها..قابلات عينيها مع عينو وقالت بحزم

-ريم:ديااااب..الروح الشريرة خرجااات..أناا ريم رييم..وااراك حرجتيني النااس كايشوفوو وعلم الله شنو كايقولو علينا

بقى دياب كايشوف فعينيها تارة وففمها تارة وبعد صمت وتفكييير وقال

-دياب:ماكاايهمنيش..(باس فمها بخفة)ماغانوقف حتى تخرج هااد الروح الشريرة

بعدات ريم وجهها وقالت بصراخ

-ريم:ديااااب الا بقيتي هاكداا غاتخرج رووحي..واابعد..نووض من فوقي..كانحس بأعين النااس كولهوم عليناا..علاش ديما كاتحرجني..ديك المرة فالمغرب ودااباا هناا..نوص من فوقي يالااه يالااه

-دياب:نتي قلتي حشمانة من النااس..اواا حتى نكونو بوحدناا حتى عذر ماغايكون عندك

-ريم:اييه اييه واخاا..وانوض من فوقي

-دياب:وعد..فاش نكونو بجووج ماغاتمنعينيش من أني..

قاطعاتو ريم بحرج وقالت

-ريم:ايه اييه وانووض

وقف من فوقها كايسوس حوايجهو اللي عمرو بالرمال..مد ليها يدو باش توقف..شافت فيه بغضب ضربات يدو ووقفات لوحدها..بدات كاتسوس فحوايجها وهي مهبطة راسها..ماقاادرااش تطلع عينيهاا وتشوف فالنااس اللي كايشوفو فيهوم..وعلاش مايشوفوش فيهوم وهوماا دارو اللي بغاو وفممان عمومي وعاامر بالنااس بحال البحر

وقف كايشوف فيها وعلى وجهو ابتساامة..كايشوفها كيفااش خجلانة وماقادراش تطلع عينيهاا 

و اخخخ عمرو قاابل وحدة خجولة هاكداا..وحدة مهضوومة بهااد الطريقة..

واخخخ مرة ثاانية على فعلتو..وحتى ولات جريئة معاه نوعاا ماا..وهاهو ذاا رجعهاا خجوولة من جديد..ورجع اللون الأحمر يزور وجنتيهاا..ولكن رغم ذلك كااتعجبو حتى وهي خجلاانة وماقادرااش تطلع عينيها فيه..كايعجبوه الحركات اللي كاتدير بأصاابها وحتى شفتهاا اللي طاابت من كثرة ماكاتعض فيها..

قرب ليها وشد وجهها بين يديه..قبل جبهتهاا وقرب لحدى وذنها ثم قال بهمس

-دياب: خجولة وجريئة..بريئة وماكرة..جميلة وساحرة..

بالله فالله نظراتك تقتلني..تقتلني

بعد منها كايشوفها كيفاش ساادة عينيها وعلى سفتها ابتسامة صغيرة كاتحاول تخفيها..فتحات عينيها وشافت فيه بغضب..وتمشات لخطوات ساابقاه..طلعات راسها وشافت جماعة من الشباب والشابات كايشوفو فيهوم..دارت شافت فيه ولقاتو مدخل يدو فجياب سروالو وكايشوف فيها بابتسامة..عضات شفتها السفلى وقالت بصوت ضعيف

-ريم:احمم..ماغاتجيش معايا

ضحك على حركتها وحتى خجلها وشعورها بالإحراج..تمشى حداها وشدات فيدو وهي مهبطة راسها للأسفل..دازو بجانب ديك الجماعة..وقبل مايدورو شاف فيهوم دياب وقال

-دياب:هييه الأصدقاااء..الحب زوييين كانصحكوم بييه..(شاف فريم اللي مهبطة راسها وكاتحاول تجرو وأكمل)وحتى الأطباء كاينصحو بيه..هوهووووه بالله فالله مفيد للصحة

سبقاتو ريم..غمز ليهوم وتبعهاا بسرعة مخليهوم كاايضحكو عليهووم وكايشوفو فيهوم بإعجااب

عنقها من الجانب وجرها فاتجاه سيارتو..فتح ليها الباب ودخلات جلسات..جلس هو الأخر وشااف فيها..حتى قالت

-ريم:عرفتي شنوو..غانولي نعتاابرك عدوي بهاد الأفعال اللي كادير معاياا

-دياب: كاايقولوو حتى مع العدو ينبغي للمرء أن يفي بوعده..(بوبليليوس سيروس)مااتنساايش وعدك أحوبي(ماجاوباتوش وقال)غانمشيو لدارك

-ريم:هاا..بصاااح؟

هبطو من السيارة بجووج..سبقها ديااب ومشى تسالم مع الرجل اللي كان تما..خدا منو كيس بلاستيكي..تسالم معاه ومشى لعند ريم..

فتح البااب وقبل مايدخل سبقاتو هي..

-ريم:ياااااه توحشت داااري بزاااااف

غلق دياب الباب برجليه وقال وهو كايشوف فالمنزل

-دياب:داارك زوينة

-ريم:بصااح..شكراا

دخلات للداخل مخلياه واقف لوحدو فوسط الصالون..لا لاا ماوقفش ودار فيها حشومي..

دخل للكوزينة كايبقشش..لقى علبة فوق الطبلة فتحهاا وكان فيهاا بعض الحلويات المغربية..خذاا وحدة من كل نوع وحطهوم فطبسييل وخرج للصالون..فرش رجليه على الطبلة وبدا كاايااكل فيهوم..قلب على التيريكوموند ولقاها بجانبو..شعل التلفااز وصدر منو صوت قويي بزااف..بقى كايضغط بقوة على الزر حتى نقص الصوت..

كانت قنااة للرقص الشرقي..بقى كايتفرج فالرااقصات حتى خرجات عندو..وقفات كاتشوفو كيفااش جاالس..كايااكل وكايتفرج..دورات وجهها للتلفااز ولقات ديك القناة..خرجات عينيها بصدمة..وضعات يدها على خصرها وبقات كاتشوف فيها كيفاش مركز فالتلفاز ومتجاهل وجودها..

مشات بسرعة للتلفاز وطفااتو

-دياب:علاش طفيتي..خليني نتفرج..حيدي من قدامي نشعلهاا

-ريم:اييه باش تفرج فيهووم..ماكااتحشمش

-دياب:وشنوو فيها الرقص رااه فن..وأنا انساان ذواق للفن 

-ريم:هبط رجلك من فوق الطبلة..(من تحت سنانها)هبط رجلك

شافها كيفاش واقفة ومن ملامحها ظاهر الغضب وهبط رجلو بطااعة

-ريم:كوول بشوية وماتفرتتش فالأرض..أراا لهنا التيليكومووند أراا(خداتها)اواا داباا تفرج فالحيووط حتى هوما راافن أمووسيو الذوااق..جلس هنا أنا جااية

مشات وهي كاتضرب برجليهاا ودخلات لغرفتها..

بقا جالس لثواني وهو كاتم الضحكة ومن بعد وقف وتبعها للغرفة..

لقاهاا جاالسة وكاتجمع فحوايجها فليفاليز..طلعات عينيها فيه وقبل ماتكلم نطق

-دياب:حتى الغرفة دياالك زوينة..عندهاا طابع مغربي تقليدي..ذوقك زويين

-ريم:همم شكراا

تكا فوق السرير بحذاؤو وقال

-دياب:دارنا إن شااء الله غااتفرش بذوقك نتي

خرجات ابتسامة صغيرة من فمها وكتمااتها ثم قالت

-ريم:همم إن شاء الله

دارت شافت فيه وقالت

-ريم:هبط رجليك من فوق الفرااش

قلب دياب عينو بقلة صبر ووقف كايبقشش فأشياءهاا..قرب للعطوور ديالها وبدا كايستنشق منهوم..وفأخر قارورة عطر نطق

-دياب:ااه هو هاداا

-ريم:ديااب حط من يدك غااتهرسهاا لياا وهاديك هي المفضلة عندي

قلب دياب عينو من جديد وحط العطر ثم جمع يدو لعندو

لمح حقييبة تحت طااولة المايك اب دياالها..هبط وفتحهاا وخرج منها مجموعة الكاميرات ديالها

-دياب:وااو هاد الكاميرات ديالك

طلعات ريم راسهاا كاتشوف فيه..هبطاتو مكملة جميع الحوايج وقالت

-ريم:ااه ديولي..شراهوملي مرواان كادو

شاف فيها دياب وهو مطلع حاجبو وقال

-دياب:شكوون هاداا؟

-ريم:صدييق

-دياب:همم صديق مزيااان

رجع الكاميرات للحقيبة ووقف واضع يدو فجيابو وكايشوف فيها

جمعات الحواايج وحطات الحقيبة حدا الباب دارت شالت فيه وقالت

-ريم:خرج باغاا نبدل

-دياب:بدلي علاش أنا شاد ليك يدييك

-ريم:ديااااب باقي مانستش الفضيحة اللي درتي فالبحر..وااخرج

-دياب:هااهو خاارج..ااه لبسي شي حااجة كحلة

-ريم:علااش؟

-دياب:من بعد ونقوليك..لبسي دغياا غايخصنا نخرجو داباا

-ريم:علاااش؟

غلق البااب بدون مايجااوبهاا وخرج مخليها فالغرفة لوحدها..طلعات ونزلات أكتافها بعدم مبالاة وفتحات الخزاانة اللي كان فيها القلييل من الملابس كاتقلب فيهوم على شي حااجة سودااء اللون

🌼🌼فالسيارة

-ريم:شنو فهاد البلاستيكة

شاف فيها دياب ورجع شاف فالطريق وقال

-دياب:الأوراق وداكشي ديالك

خداات البلاستيكة وبدات كاتقلب فيها..كانت البطاقة الوطنية دياالها..جواز السفر..رخصة السيااقة...وحتى تيليفونهاا

خدات التيليفون وعنقااتو 

-ريم:اخخ شحال توحشتك أحياتي..حتى نتا توحشتيني يااك ياااك؟

شاف فيها دياب وقلب عينو للطريق وهو كايحرك راسو بمعنى لا حول ولا قوة إلا بالله

شعلات التيليفون ديالهاا وكانت بطاريتو مليئة..وكاانت ليه عشراات الإتصالات غالبهوم من عند مروان..صوناات ليه بسرعة وحطات سماعة الهاتف على أذنها

-مروان:رييم هاادي نتي؟

-ريم:لاا جنووني

-مروان:ريم كاايراا؟فين كنتي؟وعلااش فاش كانصوني ليك كاانلقى التيليفوون طاافي وحتى المستشفى ماكايعطيونيش عليك حتى معلومة..خلعتيناا عليك بزاااف

-ريم:مااعندكوم مناش تخاافو أنا بيخيير..من بعد ونعااود ليك شنو وقعلي كااين شلاا مايتقاال

-مروان:عااودي ليا دابا..حداك شي واحد؟

دورات ريم عينيها فدياب اللي كان ساايق وهو مخنزر..كاايسترق السمع وهو متظاهر باللامبالاة..دورات وجهها من جديد وقالت

-ريم:الاا أنا بوحدي..غي ماباغاش نتكلم على هاد الموضوع وصافي

دار شاف فيها دياب بتعجب..قالت هي بوحدهاا قاالت..ودور وجهو مرة أخرى فالطريق

-ريم:اواا كيف داايرة الأحواال

-مروان:بيخيير تهنيت من صدااعك البقرة..ولكن واخاا هاكداك توحشتك

-ريم:هاحح تانحبك أناا ألحمااار

دور دياب وجهو للجهة الأخرى وهو كايحاول يكتم غضبو..عض شفتو السفلى وتنهد بقوة ورجع شاف فالطريق من جديد

-مروان:ماسولتينيش على إلينا

-ريم:ااه شنو خباارها؟

-مروان:هي بيخيير وحتى حاالتها تحسناات..وحناا..ربيناا ولد 

-ريم:كااتكلم بصااح..حااجة مزياانة بزااف والله

-مروان:ااه وحتى إليناا فرحاانة وكااتعاامل معااه بحال اللي ولدهاا الحقيقي..كنت خاايف من أنها ماتبغيهش وتنفرو ولكن الحمد لله كولشي داز بيخيير

-ريم:الحمد لله على كل حاال..أجركم عند الله..اواا وشنو خباار ماماا نزهة..وصلاتني الخبار باللي مشاات للحج..ولكن باقي ماوصلات وقت الحج؟

-مروان:ااه هي مشاات للعمرة وغااترجع فهاد الأيام عااد هضرت معاها..منين وصلااتك الخباار؟

-ريم:وصلاات وصافي راقلت ليك من بعد ونعااود لييك

-مروان:ااه صاافي..ايمتا غاتجي للمغرب

-ريم:بااقي ماعاارفااش ايمتا..مي غاالبا فالقريب..توحشتيني ألخوينز ها هاا ههه؟

-مروان:اييه توحشتك وتوحشت صداااعك ألخنفووسة

-ريم:ههه قريب نجي إن شااء الله..يالااه باي بااي 

-مروان:بسلاامة ألحوب..تهلاي فراسك وماطفيش تيليفوون شوية ونصوني ليك

-ريم:أوكي..بيزوو

قطعات وهي باقي مبتاسمة..وفرحاانة اللي كولشي هو هادااك وحتى واحد ماتآذى بسبابها وبسباب مشاكلها..وهي باقي مبتااسمة وكاتشوف فالطريق نطق دياب

-دياب:شنو اللي قاليك حتى فرحك هااكدا؟

شافت فيه ريم باستفهام وقالت

-ريم:حتى حااجة غي سولت فيهوم وصافي علاش كاتسول؟

-دياب:مامنحقيش؟

-ريم:مرواان رااه ماشي كيفماا فبالك

-دياب:وكيفااش بالسلاامة؟

-ريم:بلاتي بلاتي..نتاا كاتغير من مروان

ضحك دياب باستهزاء وقال

-دياب:من نيتك نغير من وااحد عمري شفتوو..الا كنتي نتي ماثاايقااش فنفسك فأناا عندي ثقة كبييرة..

دارت عندو ريم كاتشوف فيه باستفهاام وكاتشوف كيفاش كايتكلم ببرود ومركز فالطريق

-ريم:شنوو كاتقصد بأني ماكانثيقش فراسي..على قبل ديك روهاان يااك؟..أصلاا ماعرفتش علااش اعطيتك فرصة بدون مانفكر..أكيد أثرو فيا الأحداث دالباارح..هه وحتى أني ماعاارفاش واش باقي فعلااقة معاها ولا لا

-دياب:رييم بدلي الموضوع..نتي ماافااهمة والووو..كاتشكي فياا بااطل

-ريم:علااش نبدلو..ديماا كاتسكتني وكانتكلمو فالموااضيع للي نتاا باغيهوم..كانحس براسي فقدت الشخصية ديالي معااك..أنااا بااغاا نفهم..والاا كنتي نتاا كااتنكر غييرتك فأناا مااغاانكرش..ااه أناا كانغير منك من دييك الجمييلة الفاتنة..والغيرة عمرها ماكانت كانتعبر على قلة الثقة فالنفس..الغيرة من أكبر براهين العشق..وليست شك كما تعتقد

و اخخ واش هاداا وقت التعبير على أشيااء بحاال هادي..واخخ منك أريم علاش ديما كاتختارس الوقت الغير المناسب..لو أنك قلتي هاد الكلام فالداار كان أحسن ليه..

زير دياب على الفولون دالسيارة وقال من تحت سنانو

-دياب:وغااتغيري من وحدة ميتة وبعد دقائق غاايحطوهاا فالترااب وحتى أنك غااتحضري للدفن دياالها؟

بقات ريم ساكتة بصدمة ومامثيقااش شنو كاتسمع..واش بصااح هاد روهاان ماتت..هاد روهان اللي أول مرة وأخر مرة تشوفها كانت ليلة البارحة..ممكن تكون ماتت الباارح نييت؟

عاد كانت بغات تنطق وهو يقول ديااب ببرود والظاهر أنو تحكم فغضبو

-دياب:وحتى دينيز ماات

حطات يدها على فمها بصدمة وهي مامتيقااش اللي عاد سمعاات..ومامثيقااش هاد الأخبار اللي كاتسمع دابا..دينيز مات؟أستااذهاا مات؟

-ريم:كك كيفاش؟ياك حالتو كانت مستقرة

بقا دياب صامت لمدة ونطق

-دياب:هو نتااحر

شهقااات ريم بقوة..بقات مصدومة لمدة وقالت

-ريم:علااش نتااحر؟هو شخص قوي علااش دار هاكدا..ممكن يكونوو هوما اللي قتلووه ولا..

قاطعها دياب وقال

-دياب:أنا حضرت للانتحار ديالو..قطع شرايين يدو

-ريم:الله يرحموو ويسامح ليه

همهم ديااب..بقى صامت لثواني وقال

-دياب:وروهان ماغاتطلبيش ليها الرحمة..ولا ياكما باقي كاتغيري منها

بقات ريم صامتة هي الأخرى لثواني وقالت

-ريم:الله يرحمها..البركة فرااسك من جهة حبيبت

وقف دياب سيارتوو قدام المقبرة وهبط بدون مايجاوبها..هبطات هي الأخرى ووقفات كاتشوف فالمقبرة واللي من بابهاا كايبانو القبوور مترااصة..حسات بغصة فقلبهاا ودواار ووقفات شادة فالسيارة..كان دياب ساابقها بخطواات..دار كايشوف فيها وفاش لقاها هاكدااك نسى غضبو عليها وعلى كلامهاا وجرى بسرعة لعندها ثم قال بخوف

-دياب:حيااتي..نتي بيخير؟

-ريم:ااه بيخير بيخيير..

-دياب:نرجعك للدار

حركات ريم راسها بالنفي وقالت

-ريم:لا لاا غي تفكرت واليدياا وصافي ماديرش فباالك..يالااه ندخلو

-دياب:واخاا..وماتعييش رااسك رااك باقي عياانة

حركات ريم راسها بالإيجاب وشدات فيدوو..حط يدو على ظهرهاا ودخلو بجوج فاتجااه الجمااعة

تمشاات بخطوات بطيئة فاتجاه الجماعة وبجانبها دياب..طلعات عينيها كاتشوف فالقبور المحفورة..زاد ضيااق عليها صدرها أكثر ودورات راسها مبعدة عينيها من عليهوم..لمحات أصلي وأصلان والبعض من الأطباء والممرضين اللي كانو أصدقاء ليه..لمحاتها أصلي وجات كاتجري لعندهاا..عنقاتها بقوة حتى كانت غاتطيح لولا دياب اللي شدها..وبدات كاتبكي 

-أصلي:رييم اهئ اهئ..دينيز مااات..أخر مرة تكلمناا..كنا تكلمنا عليك اهئ اهئ

انهارت ريم هي الأخرى كاتبكي وعنقااتهاا كاتسكت فيهاا

-أصلي:اهئ مااتبكيش..البكاء وراء الميت ماهو إلا خساارة

بعدات من حضنها ومسحات دموعها..دورات وجهها للجهة الأخرى ولمحات أصلان اللي جاي لجهتها وهو الأخر ظاهر عليه أنو كان كايبكي..وقف أمامها وبقاو كايشوفو فبعضهوم بصمت..وعنقها هو الأخر بقوة..ابتاسمات وعنقاتو هي الأخرى

-أصلان:أستاذنا ماات أريم..أستاذنا اللي كناا ديماا مصدعينو بصراعاتناا ماات

-ريم:الله يرحموو..الله يرحموو

بعد منها هو الأخر..ثم قال

-أصلان:سمحيلي على كااع اللي كنت كاتقول علييك

ابتاسمات ريم وضرباتو على كتفو

-ريم:عاادي..أصلا واخا كولشي كنتي عزيز عليا..وكانعتابرك خويا

ابتاسم أصلان وقال

-أصلان:ااه خوك..بصااح..خوك هه

دورات وجهها كاتبحث على دياب وأشاار ليها بابتسامة..كان مع الرجال..ابتاسمات ومشات وقفات على أصلي

جابو روهان هي الأولى ودفنوها..رفعو يديهوم كايقراو عليها الفااتحة..دورات وجههاا كاتشوف فدياب اللي كان هاز كفوفو للسماء ومن ملامحو ظاهر حزنو..دور وجهو هو الأخر ولقاها كاتشوف فيه..هبطات عينيها بسرعة وقلب عينيه هو الأخر

جابو حتى دينيز ودفنوه بجانبها هو الأخر وبنفس الطريقة..قراو عليه الفاتحة ودعاو ليه هو الأخر

بدات المقبرة كاتخوى..

-أصلي:نتي مابقيتيش غاتخدمي فالمستشفى

-ريم:لاا غانرجع لبلاادي..

-أصلان:حتى أناا ماغانكملوش فيها بعد كااع داكشي اللي وقع

-أصلي:وحتى أناا

-ريم:من الأحسن ليكوم..كانظن وصلاتكووم الأخباار وعارفين شكون سباب دينيز حتى..(شافت فالقبر وتنهدات)حتى مات

طلعو راسهوم وهبطوه بإيجاب ونطق أصلان

-أصلي:وااش سبب غياابك المستمر كاان هو هاد القضية

صمتات ريم لمدة وقالت

-ريم:ااه كانو كايهددوني..خليونا من هااد الموضوووع..نتوماا بدلو المستشفى وردو البال لبعضيااتكوم..وماتخليو حتى واحد يستاغلكوم..خدمو بضميير واخاا...أجييو عندي أجييو

قربو ليهاا وعنقااتهوم بجووج

-ريم:واخاا كولشي غاانتوحشكووم..أرقام هواتفكوم عندي..فاش نوصل للمغرب غانتاصل بيكوم ونبقاو على اتصال..والا بغيتو جيو للمغرب مرحبا بيكوم

-أصلان:غانتوحشك ونتوحش الصدااع معاك

ضرباتو ريم على راسو وقالت

-ريم:حتى أنا

شافت فأصلي اللي بدات كاتبكي من جديد وقالت بتدمر

-ريم:والااا لاا أصلي ماتبكيش غاتبكيني معااك..صاافي صاافي..غاتجي عندي للمغرب إن شااء الله واخاا

طلعات أصلي راسها بإيجاب ومسحات دموعها

توادعوو ومشاات أصلي هي وأصلان بجوج

بقات واقفة كاتشوف فيهوم وكيفاش أصلي كاتبكي وأصلان كايسكت فيهاا

تمشات فاتجاه دياب..اللي كان مع أركان ويزيد

وقفات بجانبو وهي كاتشوف فأركان اللي كاايبكي بحرقة ويزيد اللي مسند يدو على اللوحة البيضاء المكتوب عليها اسم روهان..وكايمسح دموعو ويمنعهوم من أنهم يخرجو..قربات لحدى ودنو وقالت بهمس

-ريم:شكوون هادو؟

جاوبها دياب هو الأخر بهمس وقال

-دياب:(شاف فيزيد)يزيد و(شاف فأركان)أركان..أعضاء من الفرقة ديالي وأصدقائي..

شافت ريم فأركان بحزن وقالت

-ريم:ناري جاابلي البكية..علاش كايبكي عليها بهاد الطريقة؟

شاف فيها دياب ببرود وقال

-دياب:حيث كايبغيها

عضات على شفتها السفلى بحزن وبقات كاتشوف فيه هو الأخرى..وهاهي ذي ولاات بحال يزيد..كاتبكي وفنفس الوقت تحاول تمنع دموعها من الخرووج..فعلاا منظر جد مؤثر..ولكن اخخ علاش دياب ماقادرش يبكي بحالهوم..

-أركان:صاافي أحياتي..مشيتي وخليتيني اهئ اهئ..صاافي دغيا استسلمتي..رجعي ليا عافااك اهئ..نتي راك هي حياتي..حياتي بلا بيك بدون طعم..كيفاش غانقدر نبغي وحدة أخرى من بعدك هاا؟..كيفااش غانقدر نجيب منها ولد ولا بنت هاا؟..

طلع راسو كايشوف فدينيز اللي انهار هو الآخر بالبكاء..دور راسو ولقا ريم هي الأخرى حاطة يدها على وجها وكاتشهق..ودياب اللي كايشوف فاللوحة اللي عليها اسمها بشرود

رجع كايقيس فتراب قبرها وقال

-أركان: ولا تبكوا ولكن انقذوا قلبي الحزين فما يشعر إلا بحبيبتي..وما يحس إلا بتلك التي بالسماء

فور ماسمعات ريم كلامو شهقات بقوة..تنفسات بعمق..ورغم أنها ماكاتعرفووش..قربات وجلسات بجانبو..طلع راسو فيها ولقاها مبتاسمة ليه..وعينيها منفوخين بالدمووع..حطات يدها على يدو اللي فوق التراب وقالت

-ريم:نتا غااتكمل حياتك..غاتزوج وغاتولد وليداات..ولكن عطي لنفسك فرصة..هي دابا راه عند بارئها..ماتوقفش حياتك عند هااد الحد..حتى أنا قبل سنوات فقدت الأم ديالي وقبل كنت فقدت الأب ديالي وعشت حزن كبير بحالك..ولكن كملت حياتي..

🌼🌼فالسيارة

كان ساايق فصمت وهي الأخرى واضعة راسها على الزجاج..كاتشوف الخارج ومرة مرة كاتخرج منها شهقة..حتى نطق

-دياب:شكرا

دارت شافت فيه باستفهام..هي شنو اللي دارت اللي تستحق عليه كلمة الشكر

-ريم:علاش؟

جاوبها دياب وهو باقي كايشوف فالطريق وقال

-دياب:على قبل أركاان..حيث قدرتي تهدئيه بكلامك وتزرعي فيه ولو بصيص أمل صغير

ابتاسمات ريم وقالت

-ريم:عاادي..حتى أنا فداك الوقت كنت محتاجة اللي يقولي بحال داك الكلاام..والحمد لله كاان معايا مروان

واخخ شكوون هاد مروان..واش أي حواار غاتولي تدخل فيه مرواان..أكيد هو ماغايقدرش يصبر..

-ريم:دوزني على هاد المسجد عافااك

-دياب:علاش باغاا تصلي؟

-ريم:لاا..كاينة واحد السيدة هناا كانعطيها حوايجي تصدقهوم

ابتاسم دياب..شد فخدودها وقاال

-دياب:وكون تعرفي شحال كاانبغييك

ابتاسمات هي الأخرى وهبطاات عينيها بخجل

-دياب:يخليلي الحشووومي أناا

-ريم:دياب الطرييق

-دياب:هاا؟..ااه الطريق

دور راسو للطريق من جديد..وقالت

-ريم:دووور مع هناا ألحمق

دار دياب وقال

-دياب:حمق بييك

-ريم:احمم وقف هناا..

حلات الحزام ودارت كاتشوف فيه وكيفاش كايشوف فيها وقالت

-ريم:محلوول الكوفر؟

-دياب:ااه محلول بلاتي نهبط نهز معااك

-ريم:لا لاا غي بقى أنا غانهزهوم

-دياب:الاا أنا غانهزهووم..باغي شوية دالحسنااات

-ريم:وماالك نتا اللي شاريهوم ليا باش تقااسم معايا الحسناات هه

-دياب:اهاااه كاتحااسبي ألنعجة

-ريم:ههه هبط هز معاياا هبط

دخلو الحقاائب حتى لحدى باب المسجد وتلقات ليهوم امرأة كبيرة في السن..هي اللي كاتقابل مسجد النساء

-ريم:سلاام خاالتي عائشة..هاهي الأماانة

-عائشة:شكراا أبنتي الله يجعلهوم فميزاان حسنااتك

-ريم:أميين

-عائشة:الله يدير ليك اللي فيهاا كل خير

-ريم:أميين

نغزها دياب بيدو وقال بهمس

-دياب:و أناا؟

جاتهاا الضحكة وكتماتها..شافتهوم عائشة وضحكات هي الأخرى..ثم قالت ريم

-ريم:خالتي واخاا تدعي على هاداا..زعماا ليه

-عائشة:ههه اييه..الله يعطيك كل مااتمنيتي

-دياب:أمييين

-عائشة:ويخليليك كل مااعزيز عليك والنااس اللي كاتبغي

شاف فريم وقال

-دياب:أمين

غمز عائشة ووراها يدو بمعنى الخاتم..بقات كاتشوف فيه ببلاهة حتى فهمات وهي تقول

-عائشة:ااااه ههه الله يزوجكووم ويجمعكوم فالحلال

-دياب:أمييييييين

شافت فيه ريم بابتسامة وهبطات عينيها بخجل

-عائشة:والدرية الصالحة ان شاء الله

-دياب:عشرة أخاالتي

ضحكاات عائشة وقالت

-عائشة:ههه تماام..عشرة

-دياب:اميييين

خنزرات فيه ريم وقالت

-ريم:لاا عشرييين..احم خاالتي عندي مانقولييك

-عائشة:شنوو؟

-ريم:أنا غانمشي من هناا..غانرجع لبلادي ان شاء الله

-عائشة:بصاااح..ولكن نتي باقي ماكملتيش حتى 3 أشهر..دغيا سخيتي بيناا

-ريم:لااا أبداا..غي هو خدمتي كملات هناا وغايخصني نرجع..

قربات ليهاا وعنقااتها بقوة..باست على راسها وقالت..

-ريم:الله يعااونك أخالتي عائشة..ماتنساينيش بدعوااتك

-عائشة:لاا ماغاانساكش أبنتي..اهئ ولفتك دغياا

-ريم:الاا ماتبكيش حتى نتي أخااالتي..غاتبكيني معااك

-عائشة:غاانتوحشك

-ريم:حتى أناا..شووفي..نمرتك عندي..كاانوااعدك غانبقى معاك على اتصاال..وشي مرة غانصيفط ليك تجي للمغرب..غاايعجبك..وحتى ناسو طيبين بحاال تركياا..واخا؟

-عائشة:إن شاء الله

قرب ليهاا دياب وباس على راسها وقال

-دياب:هي غيكااتباالغ..حناا غانرجعوو لهناا ياك أريم؟

شافت فيه ريم ببرود وتنحنح ثم قال

-دياب:وحتى الاا ماتااصلاتش بييك أناا نتااصل بيك ونااخد منك الدعواات ههه

-عائشة:ههه حفظكم الله

🌼🌼فالسيارة

-ريم:جابوليا طونوبيلتي؟

-دياب:ااه

-ريم:أوكي..باغا نقضي شي اغرااض

-دياب:ريم..نتي بصااح مابقيتيش باغاا تعيشي فتركيا

-ريم:اااه بصااح..نقدر نعيش فأي بقعة فالأرض من غيير هناا..عشت فيه أحداث خااايبة بزااف

-دياب:حتى المغرب عشتي فيه أشياء خاايبين علاش باغة ترجعي ليه؟

-ريم:نتا شنو كااتقصد بكلاامك؟علاش فنظرك غاانبغي نرجع للمغرب..واخاا كولشي اللي طرالي فييه كاايبقى بلاادي وأرضي وأرض واليدياا..وفيه كاينين حبابي..فين عندك المشكل

-دياب:يمكن فأخر حاجة دويتي عليها

عاد كانت غاتكلم وهو يقااطعها

-دياب:شنو غاديري فالعشية؟

تنهدات بقوة وقالت

-ريم:غانتكلم مع مول الداار ونعطييه سواارتو..غاانجمع الأشياء الضرورية ديالي..نمشي ناخد الأشياء ديولي من المكتب فالمستشفى صاافي

-دياب:ماغااتغدايش..راك حتى مافاطرااش

-ريم:ااه نسيت غانتغدى بشيحاجة خفيفة ونمشي نااخد تذكرة للمغرب

-دياب:علاش شنو غاديري بهاد التذكرة؟

ضحكات ريم باستهزاء وقالت

-ريم:دياااب واش كاتحاول تضحك علياا..شنو كايديرو النااس بالتذااكر..غانرجع لبلاادي

وقف دياب الطونوبيل وقال ببرود

-دياب:هبطي راك وصلتي

شافت فيه ريم بعدم فهم وقالت

-ريم:كانحااول نفهم شخصيتك وماقاادرااش..كاتكون كاتضحك ودغياا كاتقلب..مافهمتش أنا شنو درت حتى تعصب هاكدا

-دياب:علاش فنظرك أنا داباا معصب؟

-ريم:(بصوت عالي)دياب رد البال حيت راك كاتستخدم معايا أسلوب اللي ماكايعجبنيش..أعدى حاجة عندي هي الاستفزاز

عض شفتو وقال وهو باقي كايشوف فيها بنظرات باردة

-دياب:وحتى أنا أعدى حااجة عندي هي أنو الوااحد يتكلم بصوت عالي..خفضي صوتك

-ريم:علااش نتا هااكدا..وعلاش كاتشوف فيا بهاد البرود كولو

كفااية هادشي..حاول يتحكم فأعصابو ولكن الصبر ليه حدوود..صرخ فوجها بقوة وقال

-دياب:وكيفاش فنظرك باغاني نتصرف ها؟خااصك تحمدي الله اللي عمرك تلاقيتي معايا وأناا فقة الغضب ديالي..بغيت غي نعرف نتوماا النساا كيفااش كاتفكروو..كون غوت غااتقوليلي علاش كاتغوت علياا ودابا اللي مبرد ومكااالمي علااش كاتشوف فياا ببروود..

-ريم:(بصرااخ هي الأخرى)مااشي من حقك تغوت علياا..ومااشي من حقك تعاامل معاياا ببروود..شنوو بغيتيني نديير..راااه أني نبقى نهاار واحد أخر فهااد البلااد فوق طااقتي..الا كانت نتا خدمتك كلها مخااطر وكايجيك عادشي عاادي أنا لاااا..أناا هادشي كانشوفو غي فأفلاام الأكشن..وماتقوليش علااش باغاا نرجع للمغرب

وقفات من كلامها وهي كاتنهج بقوة..بقى ساكت كايشوف فيها..فتحات حزام الأماان وبغات تخرج وهو يشد فيديها

-دياب:بلااتي بلااتي..صاافي تهدني..خليناا نتكلموو بهدووء..أعصاابنااا تاالفة داباا..صاافي؟

بقات ريم كاتشوف فيه حتى كمل كلامو..رمشات عينيها ودفعات يدو باغا تخرج

-ريم:لاا بعد أناا غانمشي فحااالي..طلق..طلق مني ولاا غانعيط ليك للبوليس

وسط هااد كمية الغضب اللي محيطة بيهوم جاتو الضحكة على كلاامها..قالت البوليس قالت..جرها لعندو بقوة حتى ارتطم رأسها مع صدروو..زيرها بين يديه حتى مابقاتش قاادة تتحرك وبدا كايهمس فوذنهاا بصوتوو اللي باقي لحد الآن ماعارفااش اشمن نوع من المخدراات هو

-دياب:شش صافي صافي..غانديرو اللي بغيتي ألالة غي ماتعضبيش..سمحيلي

كانت صامتة وكاتسمع ليه..هبط راسو فيها بتعجب حتى لقاها بدات كاتبكي

-دياب:لا لاا..والا أريم لا..واناري شحال فيكوم دالبكاا..واصاافي برااكة عينيك نفختيهوم

-ريم:اهئ نتاا غوتي عليااا اهئ..فاش كاتكون معصب كاتولي تخولني

حس بالضحة من جدييد وكتمها ثم قاال

-دياب:صاافي مابقيتش نخوف حبيبتي وماابقيتش نغوت علييك..

-ريم:واعدني!

-دياب:هه كانوااعدك ولكن بشرط حتى نتي مااتغوتيش علياا وماتديريش اللي يعصبني..صرااحة النعجة نتي رااك نعجة نييت دبصاااح..كاتخليني خرووف بين يدييك..شنوو السر همم؟

ابتااسماات ودخلات وجهها فصدرو كاتمسح دموعها مع تريكو ديالو..باس على راسهاا وقال

-دياب:غاانتكلمو على هاد الموضووع من بعد..وعاارف وحااس باللي دوزتيه..المهم..أنا شديت جوج تذااكر لألمانيا..ماباغاش تشوفي باسل ونعرفك على الواليدة..بغيت نقول عجووزتك المستقبلية..مابااغاش تشووفي شكوون اللي ولد هااد الزيين كولو ها ههه

ضحكاات وزادت مزيرة عليه..واخخ عليك أدياب وكيفااش كاتعرف تقنعهاا

بعدها من حضنو واخاا هو عمرو يشبع من حضنها..ولكن شنو يدير خااصو يشوف عينيهاا

-دياب:واخاا عينيك منفووخين وكلك مخربقة ومخننة وحمرة بحال شي مااطيشة كاانبغيك ألنعجة

شافت فيه ريم وقالت وهي باقي الشهقة كاتخرج منها مرة مرة

-ريم:همم زيد صبغ فياا..كانبان بحال شي زوومبي وزايدااهاا بالكحل..(وهي كاتلعب فالكول ديالو)احمم قولي..ماماك ضريفة؟

-دياب:همم يعني..بحال أي أم..فيها أشياء زوينة وأشياء خاايبة

-ريم:بحالاش هاد الأشياء الخايبة؟

-دياب:وعلاش ماتسوليش على الزوينة هه..هي إنسانة صرييحة يعني الحاجة اللي غاتقولها ليك غاتقولها فوجهك..وصرااحتها نوعاا ما جارحة..وكون تسمعي شنو كاتقوليا..وفيها النكيير بزااف أي حااجة كاتنكر عليهاا وكاتبغي الدار تبقى نقية..مانحطش رجلي على الطبلة مانفرتتش الأكل فالأرض ومانعسش بصبااطي..احمم بحال شي نااس

-ريم:ههه إذاا عجوزتي كاتشبه لياا..

-دياب:شكوون هي؟

جاوباتو ريم بابتسامة وهي كاتشوف فعينيه

-ريم:احمم عجوزتي..

شافت القضية بدات كاتحمااض وهو كايقرب ليها وهي تدور فتحات باب السيارة

-ريم:بسلامة..سير راك تعطلتي

-دياب:بلااتي..ماغااتعطيني والوو؟

-ريم:غانعطيك التيساع..بسلامة

لبسات نظاراتهاا الشمسية تخبي عينيها وتمشات فاتجاه دارهاا..وبقا هو كاايشوف فيها بابتساامة..حتى دخلات للدار..جمع ابتسامتو فاش تفكر الخدمة وقال بينو وبين نفسو

-دياب:باقي حتى ماطااحتش النعمة فكرشي

خدا التيليفون واتصل بيزيد

-دياب:ألوو نتا فينك؟

-يزيد:أنا مع أركان..باقي فالمقبرة

تنهد دياب بقوة وقال

-دياب:دوزو ليا ألو أركان

-أركان:ألوو

-دياب:ماباغيش نكون معاك قاسي ونقوليك حاجة ماتعجبكش..عارف كنتي كاتبغي روهان وحتى حناا كلنا كانبغيوها..الحيااة دايزا..نووض وسير لدارك رتاح بكاك ماغايرجعهااش

-أركان:نتا ماحااسش بيا..ريم..تخيلهاا ماتت تخيل رااسك دفنتيها غاتكمل حياتك عادي؟

-دياب:سبقلي دفنت مامات ولدي..وفالغد خدمت عادي..خاصك تفرق بين الخدمة والأحاسيس..أنك ترجع لخدمتك ماكاينقصش من حزنك عليها

-دياب:ماانزيدش كلمة أخرى..سير للداار ترتااح وخدم عقلك..دوزلي يزيد

-يزيد:وي الشاف

-دياب:دييه للداار باش يرتااح وبقا حتى نتاا رتااح معااه

-يزيد:لاا أنا غانجي نعااونك فهاادوك..مااقدرتش نفطرهوم مزيان..راك عاارف على حساب الدفن دروهان ودينيز

-ديااب:مم..لاا نتا غاتبقى مع أركاان ترتااحو..تفرجو ليكووم فشي فييلم ورتااحو..أصلاا عييتك معاياا فهاد الأخير وضغطت علييك بزااف..أناا غانمشي نستجوب هاادوك ونتكلم مع سي راامز

-يزيد:هو مااقاليك والو على الرئيس ولا شيحاجة من داكشي

بقا دياب صامت لمدة وقال

-دياب:لاا أصلا ماتكلمناش على هااد الموضوع..بسلاامة حتى العشية ونتكلمو..ممكن ندووز عندكوم

-يزيد:مرحباا بيك الشااف

-دياب:ماكاانتسنااش الترحيب ديالك الحماار

-يزيد:ههه ااه بصااح أكبيرهووم

-دياب:تلااح حتى نتشاوفوو

قطع عليه دياب وهو كاايضحك..واخاا هو الشااف ديالهووم وواخاا صارم معاهووم فوقت الخدمة ولكن خاارج العمل كايكوونوو أصدقااء وعشراان..مولف هو ويااهوم الضحك البااسل وشحال من مرة كاايديروها ببعضيااتهوم..بخلااصة كاايتعامل معااهوم بعييد عن العبوودية اللي كاايتعاملو بيها ليشااف الأخرين وحتى هوماا كايعرفوو ايمتا يضحكو وايمتاا لااا..عاارفين شخصيتوو مزياان كيفما هوما عارفينها

🌼🌼فالطبقة تحت أرضية فالمقر

جاالس على كرسييه وكاايشووفو فبعضيااتهوم بكره

-دياب:كيف جااتك ضياافتنااا أسي معتصم؟

ماجااوبوش وبقا كاايخنزر فيه..

وقف دياب من كرسيه وقرب ليه ببطء وعلى فمو ابتسامة..وقف وراه وشد عنقو..بقى هاكداك لثواني وطلعو بقوة حتى تسمعت فرقعة قوية وصرخة مدوية فالمكان..

طلق من راسو مخليه مدليه وهو باقي كايأن بألم..جاب الكرسي لحداه وجلس كايشوف فيه كيفاش كايأن بألم..ثم قال وعلى فمو ابتسامة شريرة

-دياب:رئيس غبي لوضعو فالواجهة..شكون هو الرئيس الكبير ديالكوم همم؟

طلع معتصم راسو ببطء وهو صابر للألم وقال وعلى فمو ابتسامة استهزاء

-معتصم:هااد الساعة نتا هو الغبي حيث تداارت بيك ولعبو علييك هه..وأناا ماغانزيد حتى كلمة أخرى فهاد الموضوع

-دياب:همم واخاا طالما نتا راضي بنفسك طعم ليهوم غاانسكت..فرااسك باللي نتاا قتلتي بنتك..هي داباا راهاا تحت الترااب بسباابك نتاا

-معتصم:ااه عاارف..ومن بعد؟

-دياب:وااو..لهاد الدرجة بنتك حااجة رخيصة عندك وهي اللي خانتنا على قبلك..

-معتصم:ديك الرصاصة كاانت غااتجي فييك نتااا

-دياب:فرااسك كنت شاك غااتجي تحضر للعملية..وكنت عاارفك ماشي أعمى..وحتى خوااف ومااعندكش ثقة فنفسك..كنت كانشوف ليك فبؤبؤ عينييك هااكدا..ونتا كنتي كااترمش..مااعرفتش كيفاش درتيهاا بروهاان..يمكن حبها ليك غطاا عليك ولا كاانت عاارفة وتاابعااك..حيث راك ماكااتعرفش تمثل أسي معتصم..همم علااش كنتي بااغي تضربني أنا بالضبط ومااتقوليش حيث بست بنتك حيث غااتضحكني هه

-معتصم:ااه بصااح ماشي على قبل بوسة..همم ولكن خفت نقوليك السبب وتتأزم نفسيتك..وترجع تفكر أشيااء فالمااضي ديااالك..ونتاا عزييز عليااا بزااف وماانقدرش نمرضك

ضحك دياب باستهزااء وقال

-دياب:هه الوحيد اللي غاايمرض هناا هو نتاا..تكلم ومااتعصبنيش

ضحك معتصم بقوة وقاال

-معتصم:كاانتخاايل وجهك من داباا ههههه..ااه أنا غاقول مااتقلقش وتلف أعصااابك..غاانسولك هو الأول..همم فاش كنتي صغيير..فايت ليك تعرضتي لإغتصااب..زعمااا ههه..من بابااااك

وقف دياب بقوة حتى طااح الكرسي..عينيه كاانو حمريين والأعصااب كايباانو بارزين فجبهتو وحتى عضلات يدوو وعنقو..لكمو بقوة فوجهو حتى طااح للوراء بكرسييه..وقرب ليه من جديد كاايضرب فييه بكل قوتوو..ماكاايبان ليه والو..فقط رووحو اللي غااتخرج على يدوو

-دياب:نتا شنو كااتقول هااا؟رووحك سخات عليك..الاا نتاا مولف تغتااصب الدرااري الصغاار ماشي كولشي بحاالك..سمعتي..الأب ديالي بزااااف عليك

كان فمو كولو دم وعينيه مقلووبين..زاد طلع فيه عينييه وقال باستهزاء

-معتصم:كااتداافع عليه..إذاا كان عااجبك الحاال معااه ههههه اعععع

ضربو منو جديد بقبضة يدو لأنفوو بقوة حتى كسر ليه أنفوو..وقف كايشوف فيه ويرجع شعرو للورااء بعصبية وكاايتنفس بقوة حتى كايطلع صدرو ويهبط..ركلو لكرشوو حتى غوت بألم..هبط شدوو من فكوو وقال

-دياب:نتاا غي بااغي تعصبني بهااد الكلاام..هو حسن منك وبألف درجة

ضحك معتصم وقال

-معتصم:مم متأكد..سي أحمد ماشي إنسان ظريف لهاد الدرجة

-دياب:نتاا فين كااتعرفوو..قول فين كاااتعرفوو

ضحك معتصم وقال

-معتصم:ماايمكنش نسى صااحبي..مستحييل

زير على قبضة يدو بقوة وقال

-دياب:كيفااش صاحبك..فين كنتو كاتعرفو بعضياتكوم؟

-معتصم:ههههه..بابااك كان بيدوفييل ههههههههههه..كان هههه..كاان كايغتااصب الدراري الصغاار وكنت أنا اللي كانجيبهوم ليه ههه..وفالمقاابل هو اللي مول لياا العصاابة ديالي دالمخدراات..وبسباابو ولاو عندي هااد الشركااات هههههه..صعيبة بزاااف يكون بابااك بيدوفيل يااك؟إحسااس صعيب

طلق منو دياب وملامحو باردة..وقف وبعد منوو..بقى معتصم طاايح فالأرض..مربووط كولو مع الكرسي وملامح وجهو كولهاا خااسرة ومخمجة بالدم..وكايتنفس بقوة

-معتصم:هيهوو..هه فين مشيتي؟كااتفكر فباباااك هههههههه

بقى دياب كايمشي وكاايجي فديك الغرفة وهو ماامثيقش اللي عااد سمع..كايحك لحيتو بتوتر وهو كاايتفكر أياام طفوولتو..بدااو ذكرياتو مع الأب ديالو كايجيوه وحدة ورااء الأخرى..مراات كان كايشوف فيه نظراات غريبة..ومرات بعدماا كايضربو كايجي عندو للغرفة بالليل..كان دياب كايتظااهر بالنوم لأنو خاايف يضربوو من جديد..وكاان كايقيس فيه بطريقة هي الأخرى غريبة..وأخيرا تفكر الأم ديالو اللي كااتجي وتغوت عليه بهمس بااش ماايسمعش وتخرجو من الغرفة..

مااتتعجبووش لأنو الأطفال الصغاار عندهم دقة ملااحظة يمكن أكثر من الكباار..

شد رااسو بين يديه بقوة وهو كايحااول يطرد هااد الأفكاار والذكرياات اللي دقو بابوو من جدييد..وحتى قاال نسااهووم..كاايسمع ضحك معتصم بقوة والكلاام المستفز اللي كاايقووليه..وبدا كايخااطب نفسو بهمس

-دياب:هاادشي ماكاااينش..لاا لاا هو غي بغاا يدخلي الشك وصاافي..هاادشي ماكااينش..تهدن أديااب تهدن..تهدن..تهدن

تنفس بقوة..شهييق وزفيير وطلع عينو من جديد كايشوف فمعتصم اللي كايتحرك ويضحك..شااف فيه بعينين حمرااوتين..وقرب ليه..جلس القرفصااء وقال

-دياب:فين تعرفتي عليه؟

-معتصم:إذاا ثيقتي كلامي هههه..صافي صاافي أنا غانقوول ماضربش..تعرفت عليه فألمانياا..تصدقني الاا قلت ليك أنا كاانبغي مامااك

لاا هاداا تخطى حدودوو وزياادة..إلا أموو..إلا أموو خط أحمر..صرخ بقوة حتى دوى صراخو فالمكان ويمكن وصل للأعلى وشنق علييه..بقى كاايشوف فيه كيفاش كايضرب برجليه ويتركل..مايمكنش نوصف لون وجهو لأنوو كان ملطخ كولوو بالدمااء..عينيه خرجوو عن حدهوم..بقى كايشووف فيه بشر وغضب وهو كااستسنى روحوو تخرج..ولكن لا لاا..هو باقي باغي يعرف أكثر..طلق منو بقوة حتى ارتطم راسو مع الأرض وبداا كايسعل بقوة..بقى دياب كايشوف فيه حتى رجع كايتنفس بدون سعال وقال وهو كايضغط على حروف الكلمات

-دياب:فين..كااتعرف..الأم..دياالي؟

-معتصم:كح كح..هي..كانت صدييقة ديالناا بجووج..كناا كاتقراو فنفس الكلية فبرلين..وكنا بجوج كاانبغيوهاا..ولكن هي كانت كاتبغي بابااك..أنا كنت عاارف حقيقة بابااك وعاارف أنو بيدوفيل..قلتها ليها ومااصدقااتش..خااصمااتني وحتى هو فاش عرفني فضحتوو خااصمني ونكر كوولشي..من بعد فاش تزوجات بيه كشفاات حقيقتو..كانو وصلو حتاال الطلااق وتما عرفات مامااك باللي حااملة بيك..ومااطلقووش..كنت كانمشي عندها وكانتعرض ليها ونطلبها تكون معايا..ولو حتى بالسر..ولكن هي كانت ديماا كاتغوت علياا وتشوهني فالزنقة..ههه كاانت ديك الساعة دخلاات للإسلاام..راك عارف هي كانت مسيحية..ماكانظنش بابااك هو اللي دخلها ليه حيث هو براسوو كان مسلم غي بالسمية...ههه وحتى أناا..اواا وولات كاتفاادى تتكلم مع الجنس الذكووري..تبدلاات بزااف..حتى لوااحد النهاار جاا عندي كايطلبني..قال أنو مابقاش قاادر يصبر ومحتااج لطفل صغيير وهااد الليلة..وباللي مامااك ماكااتقدرش توصلو للنشوة اللي كايحس بيها مع الأطفاال الصغاار..مشيت دااك النهاار لحدى لمدرسة وخطفت وااحد الولد صغيير..بااقي عااقل كاان أسمر البشرة..غالباا إفريقي..النوع المفضل عند بابااك..من بعد شرطت عليه يدخل معاياا فالعصابة اللي كنت عااد بديت فيهاا هناا فتركياا..واافق وبداا كايمول لياا..وحتى أناا ماكنتش كانبخل علييه..وكنت كااتجيب ليه أطفاال بناات وولااد بيضين سمريين كوولشي..ماكنتش كانسرقهوم..كنت ديك السااعة كانجيبهوم من عند عصاابة كااتااجر بيهوم..

-دياب:وشنو كان كايوقع لهااد الأطفال

ضحك معتصم وقال

-معتصم:كاايماارس عليهوم حتى يموتوو بين يديه..ومرات حتى بعد مايموتوو كاايكمل..ومن بعد أنا كانتكلف وتخلص من الجثة

تنهد دياب بقوة وهو مامصدقش اللي كايسم..ثم أكمل معتصم

-معتصم:داازو سنووات وكبرتي..وكنتي جيتي لهناا لتركياا..ولكن أنا عمري شفتك..كنت كاانظن أنك غااتولي شااد جنسي لأنو ماشي ساهلة تتعرض للإغتصاب فصغرك ههههه

شاف فيه دياب ببرود وهو كاايحاول يتحكم فأعصابو وقال

-دياب:كمل شنو وقع

-معتصم:قاال هو تاااب وكولوو بسبااب مامااك..ماعرفتش كيفااش قدراات تخلييه يقتاانع..ولكن عاادي..(بابتسامة)كريمة حتى حاجة مااصعيبة عليها

زير دياب على قبضة يدو وقال

-دياب:كمل

-معتصم:قال أنوو غايخرج من هااد العصاابة..وديك السااعة كانت وصلاات العصابة لأوج الازدهار ديالهاا وحتى شركااتي..وأكيد مااقبلتش..ولكن هو تجااهلني..وصافي أنا خليتوو 

بقى دياب كايشوف فيه بشك..وبعد ثواني قاال

-دياب:نتاا..مم ماعندك حتى ظخل فموتو همم؟

بلع معتصم ريقو بتوتر وقال

-معتصم:عع علاش..هو مات؟

ماحسش دياب حتى خرجات منو ضحكة وقال

-دياب:هههه راقلت ليك نتاا ماكاتعرفش تمثل أسي معتصم..نتاا اللي قتلتيه

بقى معتصم صاامت لمدة وهو كايشوف فابتسامة دياب وقال

-معتصم:ااه أنا اللي قتلتوو..درت ليه سم بعييد المدى..يعني حتى كاتدوز ساعاات عاد كايبان المفعول ديالو..ومن بعد كاايختاافي من الدم بحال اللي عمروو ماكاان..كااتظن شخص بحال الأب ديالك يمووت ببسااطة وهو نااعس هههه..حتى أني درت بصداقتناا وقتلتو بأسهل طرييقة باش مايتعدبش

همهم دياب بتفهم وقال

-دياب:همم بصاح كان خااصك تعذبوو عااد تقتلوو..العجب فيك بصيص رحمة..كاانحييك

-معتصم:نتا كاتقول هادشي باش تبرد على رااسك..

ضحك دياب بقوة حتى خوف معتصم وقال

-دياب:هههه لاا لاا كون كان باقي حي أناا اللي غاانقتلوو بيدي ونحضر لخرووج روحوو..ومنها نرجع حق دوك الأطفال الأبريااء اللي مشاو ضحية شهوة لعيينة..(لوا فمو)ولكن ماشي مشكل..حتى داباا باقي ماافااتش الوقت..وباقي نقدر نرجع ولو شوية من حقهووم

سرط معتصم ريقو بخوف وقال

-معتصم:نتوماا كاتسااهلوو مع اللي كاايعتاارف..أكيد غايكون عندي جزااء..وغاتشكرني على الاعترافاات ديولي

ضحك ديااب بقوة..عض على شفتو السفلى وهو كايحرك راسو يمين وشماال وكايشوف فمعتصم باحتقار

-دياب:بصااح غاانشكرك..وبطرييييقتي كون هااني

سد معتصم عينو وهو كاايتسنى الضربة منين غااتجي..

حط دياب رجلو على حجر معتصم ووقف عليه بقوة حتى صرخ معتصم بألم..كان كايشوف فيه كيفاش كاايغوت حتى خرجو عينوو..حس بلذة غرييبة واستمتااع بألموو..

دخل يزييد ووقف حدا البااب كايشوف..طلع فيه دياب عينو وهو باقي ضااغط لمعتصم فمنطقتو الحساسة..زالت الابتسامة من فموو وحلت مكانها تخنزييرة وقال من تحت أسنانو

-دياب:أناا شنو قلت ليك أيزييد هاا؟كاتخاالف أوامري

-يزيد:أنا كنت بغيت نن

قااطعو دياب بلهجة آمرة وقال

-دياب:خرج من هناا

طأطأ راسو للأسفل..عاد كان غايخرج حتى سمع كلاام معتصم واللي واخاا الألم وكولشي مازاال مابغاش يسالي من شرو

-معتصم:ااه خرج..هه حسن مااتعرف حقيقة الشاف دياالك وباباه اللي كان بيدووووفييل اااااعععع

ركلو دياب بقوة فكرشو فور مااسمع كلاامو وزير على قبضة يدوو وهو كاايشوف فالأرض..بقى هاكداك لثواني كايحاول ينظم تنفسوو اللي اضطرب بفعل عصبيتو وحتى يديه اللي كايحس بيهوم كايترعدو..دور وجهو فجهة البااب ومالقاش يزيد

هبط لمستوى معتصم وقاال

-دياب:كاانحلف ليك حتى غااتندم على كااع اللي درتييه..وتندم على كااع النااس اللي آديتي فحياااتك من صغيرهوم لكبيرهووم..وحتى نتاا غاتتبع صااحبك لجهنم..غاانخليك تتمنى المووت وماتلقاهااش صدقني..همم حتى هاد اللسان باش تكلمتي وقدرتي تتطااول على أسياادك غاانقطعو ونلوحو لشي قطة على الأقل ينتفع منك شي مخلووق..غاااندمك

وقف من حدااه وبقى واقف كايشوف فيه وهو كايتنفس بقوة..دفل عليه وخرج مخليه..تلقاو ليه الحرااس حدا الباب..عطاهوم أوامرو ودخل للغرفة اللي بجاانبهاا..كان تماا جاان وحتى يزيد اللي جالس حداه..شافو يزيد ووقف ثم قال

-يزيد:الشاف سمحلي أنا بغيت غي نعاونك و..

طلع دياب يدو بمعنى سكت..وتمشى ناحية جان اللي كان هو الأخر مربوط فكرسي ومغمى عليه..شاف فيزيد وفهم شوفاتو ثم قال

-يزيد:احمم أناا ضربتو فالصبااح..والحراس قالو من ديك السااعة باقي مافااق

طلع دياب راسو ونزلو بالفهم..مشى لركن الغرفة وتما كاان صنبوور ودلو حديدي عليه بعض الصدأ من الجوانب..عمرو عن حدو وهزو بيد وحدة فقط..قرب لأمام جان وبشاااخ

كب عليه المااء كولو..حل جان عينوو وهو مفزووع وماعاارفش شنو طاري..توضحااات الرؤية ديالو وياريتها ماتوضحااتش..شنو غاايشووف..هو راكاايشوف قاابضي روحوو أماموو..

-دياب:صباااح الخيير جااان الغبي

دور جان عينيه فيهوم بجووج وهبطهوم للأسفل

-دياب:لاا ماشي لهاد الدرجة..جاان مهبط رااسو للأسفل وهو مدلوول..اشهد ياا تااريخ

ضحك يزيد هو الأخر ثم نطق جان

-جان:شنو بغيتو مني..الا كان على أني نعتاارف بشي حااجة فمااتحلموش..أناا..ماغاانتكلم حتى يجي المحامي ديالي 

-دياب:ههههههه سمعتيه شنو قال..قاليك محاامي..شووف أسي جاان..حناا هناا ماكانجيبوش محامي لأمثاالك..هناا نتا اللي غاتحامي على راسك..وطالماا فضلتي السكات مزياان..حاجة مزيانة لينا ومنهاا نخدموو على راااحتناا

-جان:ياك نتوما اعتقلتوني..اوا ديوني للسجن لااش حابسيني هناا

-دياب:السجن!وااش نتاا حمق..بهااد البسااطة..الله الله

-جان:نتوماا غاتندموو..أنا غانخرج من هنا وغاندمكووم..غااندمك حتى نتاا (شاف فيزيد)على الضرب اللي ضربتيني والفلوس اللي خديتي مني فالكازينو..غاندمكوم كولكوم

ضحك يزيد وقال

-يزيد:ااه ضرووري غايخصك تندمناا..ولكن الاا خرجتي من هناا بعداا

ابتسام ديااب وقرب ليه كايشوف فوجهو والقاميجة البيضاء اللي لابس واللي تغير لونها للأحمر الدموي وكوولهاا مقطعة..وكايشوف حتى الوشووم اللي على يديه ويتمعن فيهوم

-دياب:نتاا اللي درتي ديك الحاالة فدينيز يااك؟

ماجااوبووش جان وبقا صامت..وكايشوف ببروود

حرك دياب راسو وقال

-دياب:ونتاا اللي عيشتي رييم فالرعب وحتى تقربتي منهااا..ونتاا اللي هربتي وعند باالك ماغانوصلوش ليك ههه والله حتى كاتثيرو اشمئزاازي..عند بالكووم نتوماا أذكياء..ولكن نتوما ماكاتكسابو حتى ذرة ذكاااء ولو صغييرة..أدمغتكوم مخيم عليهاا الغبااء..وراضيين بنفسكووم تكونوو دمى دشخص كاايحرككم من بعيد ويستمتع بمشااهدتكوم ومشااهدة غباااءكوم

شاف فجاان وكما العاادة كان متجااهلو وكايشوف فالجهة الأخرى..همهم دياب وضربو بقوة لوجهو حتى ولا كايشوف فيه

-دياب:منين نكون كانتكلم شووف فياا..سمعتي؟

ماجاوبوش جان وبقى فقط كايشوف فيه ببروود..واخخ نظرااتوو كايولدو فيه من جدييد الغضب..هبط عينو ليدين جاان ولقاا أصبع السبابة ديالو مديورة ليه جبييرة ومحاط بضمادة بيضااء وفيها هي الأخرى قطرات دم

-دياب:ههه شكون هرس ليك صبعك؟غااايكون غي شي وااحد حاالفها فيك

ابتاسم جان وقال بدون مايشعر

-دياب:ااه..هرسااتو البنت اللي أسرات قلبي من أول نظرة..الملااك اللي نقذااتني من الموت..كتلة الأنووثة وحتى القوة..ريييم

عض دياب على شفتو بعصبية..هو راه كاايتغزل ليه فحبيبتو وأماام عينووو

خدا الأصبع بين يديه وعوجووو ليه ببطء حتى تسمعات فرقعة وتبعااتها صرخة جااان..طلع عينو ناحية يزيد وهو كايطلب النجدة بعينيه..كان يزيد جامع يدو لعندو..شاف فيه بابتسامة وطلع أكتافو بعدم مبالااة..وهااهي ذي ثااني صرخة كاتصدر من جااان..وثااني أصبع يتكسر من أصاابع يدوو

-دياب:بهااد الأصااابع كنتي كااتقييس فرييم يااك؟

وثاالث أصبع يتكسر وحتى كاانت الصرخة الثاانية على وشك الإنتهااء وارتفعاات من جدييد

-دياب:خديتي أصاابع دينيز..أصاابعوو اللي كاانو سر مهنتووو..نتاا راك ماخديتيش غي أصابعو..خديتي أحلاامو والأمل اللي كان عندوو فإكمال حياتو بشكل طبيعي..كنتي مستمتع ياااك؟

-جان:اعععععععع

وهااهو أصبع آخر إنضم للائحة الأصابع المكسووورة

ابتااسم ديااب وهو كايسمع صرختو وكايشوف الدمووع اللي كااتخرج من عينوو

-دياب:هههه قصحتك..سمحلي أسي جااان 

دور وجهوو وشاف فيزيد اللي كان وااضع يدو على كتفوو وقال

-يزيد:الشااف..خليه ليا أنا غانتكلف بيه..وغانتكلف حتى بمحموود ولاخرين..نتا راك عياان وبااين ماوااكلش

وقف دياب وعلى فمو ابتسامة وقال

-دياب:نتا كااتشفق علياا..على قبل الكلام اللي قاال معتصم يااك؟

حرك يزيد راسو بنفي وقال

-يزيد:لاا لاا ألشااف..أصلا ماثيقتووش

تمشى دياب خطوات فاتجااه الباب وقال

-دياب:اواا غي ثيق حيث راه بصاااح

خرج وسد الباب مخلي يزيد حال فمو بصدمة..وااش بصااح هادشي اللي سمع..يعني بصااح باباات دياب كان بيدوفيل..ولكن كيفااش وهو فاايت تلاقاا معاه وتكلموو وكان كايباان طبيعي..حتى أنو كايباان حنيين بزااف..ميل فمو بتعجب ورجع كاايشووف فجاان اللي أغمي عليه من جدييد وأصاابعو المكسوورة مدلية

-يزيد:لااا نعستي ثااني

ضربو بقوة لوجهوو حتى فااق مخلوع من جديد وبدا كايبكي

-جان:عاافااك..إلاا أصاابعي اهئ..عافااك لاا

ضحك يزيد بقوة وقال

-يزيد:هههههه لاا كاتبكي..وحتى الشاااف خرج كاان غايموت عليك بالضحك..فرااسك الفلوس اللي ربحت منك ماادرت بيهوم والوو..أصلاا حتى مااشفتهوومش..بفف خدااتهوم الدولة كيفماا غاتكون خداات ممتلكااتكووم كووولهااا..

-جان:لاا ماشي بصااح..ماشي من حقهووم يااخدوهووم..هوماا را ديااالي أناا أنااا..باشمن حق يااخذوهووم

-يزيد:ماكاانعرفش فهادشي دالحقووق والقانون ولكن هوماا خداااوهوم..مااتنسااش القضية فاش مورط

جلس القرفصاء أمامو وهو كايشوف مرة فأصابعو ومرة فراسو اللي كايحركو بنفي

-جان:اهئ لا لاا لاا..الاا أصاابعي..لا لاااا اهئ

ضحك يزييد وقال

-يزيد:هههه همم طلبنيي

🌼🌼خرج ديااب وطلع للطبق الثااني فين كايتواجد مكتبوو..وقبل ماايدخل لمكتبو وقف عند السكريتيرة

-دياب:كااين ملفاات جديدة

-السكريتيرة:لاا ماكاينينش..سي راامز آمرني نحول كاع القضاياا للي شااف لاخرين..وقال أنك غاتااخد عطلة نتا والفرقة ديالك

تنهد دياب وقال

-دياب:ااه بصااح عطلة..تقدري تجيبي لياا الغذاا للمكتب ديالي

كانت السكريتيرة كاتشوف فعنقو والعضة اللي فيه واللي تحول لونها للأزرق وبسرعة جااوباات 

-السكريتيرة:هاا؟سمحلي ماسمعتكش أسي ديااب

شاف دياب فعينيها اللي كايتحركوو ويدوروو فبلاصتهوم وحتى عنقو فاش كاتشوف وفمهمهاا طاايرة..قرب منها وعلى فمو ابتسامة جانبية..حط يدو على المكتب وقاال بغمزة

-دياب:قلت لييك علاش كااتشوفي فعنقي

شاافت السكريتيرة قربو ليهاا وقالت بتوتر 

-السكريتيرة:الاا أسي ديااب ماكاانشووفش فالعضة

ضحك دياب ضحكة جانبية وعض شفتو السفلى..قرب لحدى وذنها ثم قال بهمس

-دياب:علااش كاتكذبي همم؟

الله يرحمهااا مسكينة ماتت بالصدمة..وعلااش ماتصدمش ودياب مقرب ليهاا هاكاا..وبعد سنواات من العمل والتقزاب وخيطي بيطي فالمكتب وأخييرا رد البال لوجودها

-السكريتيرة:باش..نداويهاا ليك

-دياب:نو هادي ذكرى وماكرهتهاش تبقى ديماا

جمعات السكريتيرة ضحكتها وقالت

-السكريتيرة:ااه بصاح..ذكرى

قرب دياب أكثر وشد خصلة من شعرهاا وبقى كايشوف فعينيها وفمها بطريقة خلااتها تذوب وقال وعلى فمو ابتسامة

-دياب:مازال ماعييتيش؟

مافهماتش سؤالو وقالت

-السكريتيرة:منااش؟

-دياب:من العنووسة..احم العزووبة

ضحكات السكريتيرة بحرج وعضات على شفتها السفلى..وهي كااتخطط وتبني..حتى هي غاتعيش قصة حب بين الموظفة ومدييرهاا..كان كايتجاهلها ومن بعد يولي كاايبغيهاا..وحتى روهاان حبيبتوو راها مااتت..ضحكات ببلاهة وقالت

-السكريتيرة:اااه عييت

قرب دياب نيفو حتى قاس خدها ورجع بعد وقال 

-دياب:وماعييتيش؟

ضحكات من جديد وباالهاا مشى بعيييد ثم قالت

-السكريتيرة:ههه مناااش؟

بعد منهاا دياب وهو كاايشوفهاا كيفاش فرحاانة وعينيها مرسومين على شكل قلب..جمع ابتسامتو بسرعة وبطريقة خوفااتها وفاجآتها وقال بحزم

-دياب:من أنك تبقااي تدووري علياا..تعري على صدرك..فخااضك..وتعااودي لصحااباتك قصص علياا وعليك اللي ماكاااينيينش..أنني ابتااسمت ليك هادشي ماكايعنيش أني كانبغييك..أنا هاكدا دااير مع كوولشي..احتاارمي نفسك وماانسمعكش مرة أخرى كاتقوولي كلاام هاكدااا..صبرت لسنواات وماتخلينيش ننفاجر عليك ونشكي بيك للسي راامز حيث..أناا قريب نتزوج بمولاات هااد الذكرى(قاس فعنقو)..فهمتي ألكتكوتة

قاسها فحنكها وتمشى فاتجااه مكتبو وهو كايحرك راسو يمين وشمال..دخل للمكتب وقبل مايسد البااب بداا كايسمع

-بنت:شنوو قااليك؟عااودي لينااا

-السكريتيرة:ماقاادااانيش فرحة ههه...هو اعتاارف لياا بحبووو ههههه

بدا كايتسمع صرااخ البناات..وااو..لاا مامصدقيينش..مبرووك أحبيبة..المهم الخباار فراسكووم

طلع عينو للأعلى بقلة صبر سد الباب بقوة حتى دارو كولهوم كايشوفوو..

-دياب:تووبة توووبة..أستغفر الله

مشى نعس فووق الفوطووي وهو كاايتمتم بكلااام تحت أسنانو وكااايلعن فيهووم كووولهووم..سد عينوو وهو كايحااول يطرد كلاام معتصم اللي جا يزوروو..وفعلاا بعد ثوااني نعس..وسمح فماااكلتوو..علاش ماينعسش وهو الليل كولوو باات سهراان ومن مصيبة لوحدة أكفس منهااا..

ناااعس وكايبااان كيف الملاااك..فموو مجمووع وكايتنفس بانتظاام وكايتحرك صدرو معااه باتزاان..بدا تيليفونو كايصووني ولكن لا حيااة لمن تناادي..فهاد الحالة مستحيل لا بل ألف مستحيل يفيق حتى لو دقو الطبوول حدا راسو

🌼🌼جاالسة فداار دياب وهاازة دفتر الأرقاام حداهاا كاتدخل فالأرقاام اللي مكتوب عليهوم Dad أكيد مكتوبين بخط باسل..يمكن 10 أو ربما 20 رقم..واخخ واش هااد دياب مااعندو مايدار غير تغيير الأرقام..قطعاات بعدماا صونات لأخر رقم ولاحت لاباراي دالفاكس حداها..حطاات راسها على حافة الفوتووي وبدات كاتأفف

-ريم:بفف حتى رقم مااكايجااوب فييه..كملت كوولشي الأغراض ديالي وهو بااقي ماجاااش جاب الله عطاني السوارت ددارو..يكوون تغداا ولا باقي؟

بقاات كاتفكر فيه وهي كاتشوف فسقف الغرفة حتى سمعات الرنة دالفااكس..نااضت قاافزة وعند بالها دياب حتى كاتلقى رقم كاايبدا برمز +49

بقاات كاتشوف فيه حتى شهقاات

-ريم:رقم دألماانيا..أويلي عنداك تكون مامااه

بقاات شاداه فيدها..كاتحطو فوق الطبلة وتجمع يدها لعندها وترجع تشدوو من جديد..وبعد مشاداااة مع دمااغها جااوباات

-كريمة:فيين كنتي ألحماار كاانصوني ليك وماكااتجااوبش..مخلي ولدك وماكااتسولش فييه..هو رااه مقلق منك داباا وقلب كيف غادير حتى ترااضيه..ألوو..ديااب

كاانت ريم عااضة على شفتها وهي كااتسمع لكلامهاا وجاوبات

-ريم:أ ألو..هاداا ماشي دياب

-كريمة:ماشي ديااب..وشكون نتي

-ريم:أ أناا..أناا..أناا طبيبة ديالو

-كريمة:علاش ماال ديااب..شنوو وااقع لييه؟

حطات ريم يدها على جبهتها وقالت

-ريم:الاا لاا ماواقع ليه والو.. غير شي فحوصات وصافي..اا المهم يجي ونقوليه يهضر معاك..احم زعماا أنا أكيد ماغانبقاش معاه حتال الليل هو غايدخل دابا ونقولها ليه..هو مشى اا يشري الدواا

-كريمة:الله الله..وياك عااد قلتي غي فحوصاات الدواا ديالاش..ماتكدبييش علياا أبنتي ولدي بييه شيحااجة هاا؟تضاارب يااك..أناا اللي عاارفااه وااخا كبر وشرف باقي مادااارش عقلوو..فين ضربووه هاا؟

-ريم:لاا أخاالتي..الدواا ديالي أناا..حييث أناا طلعاات لياا السخانة فاش كنت كاانفحصوو...المهم بسلاامة وسلمي على بااسل..

-كريمة:هاااء باااسل؟منين كاتعرفو

لوات فمها بتعجب ودارت كاتشوف فباسل اللي واقف وراءها..مخنزر وجامع يدو

-كريمة:ولدي..علاش خليتي ألبان بوحدو؟

تجاهل سؤالها وقال

-باسل:هو مع شي وحدة ياااك..صيفطني لعند باش يبقى هو وياها مرتاحين

-كريمة:عيب اللي كاتقول والله عييب أستغفر الله..هاديك راهاا الطبييبة دارت ليه فحووصات وصافي

قطعات معاها وعضات على شفتهاا وبدات كاتضرب فحنوكها

-ريم:أويليي ندب هك ولاا هك..أويليي قلت ليهاا بااسل..هااويلي كحااالت أش غاايقوليهه راااسهاااا..اهئ واافينك أدياااب فيينك..

يتبع ...