عشق النوارس الجزء 15

من تأليف Iman Ajalat وFadwa Nid-taleb
2019

محتوى القصة

رواية عشق النوارس

رجع من جديد لعند ريم وهو مكشر على حواجبوو وكايشوف فالجانب..مر من حدا أشقر وفاتي..غمزهوم وقال
-دياب:مرحباا بيكوم
بقاو كايشوفو فيه باستفهام وكيفاش دغيا جمع تخنزيرتوو وابتاسم..كعادتوو متقلب المزاج وبطريقة غريبة..حتى أنك ممكن تقول عليه مريض بانفصام فالشخصية!
شاف أشقر ففاتي باستفهام وقال
-أشقر:فهمتي شيحااجة؟
كاانت فاتي كاتشوف فديااب وساهية فمشيتو..وكاتفكر فالحوار اللي دار بينااتهوم..واخخ بالله فالله مااشي بإرادتها..هو فقط مشروب لعين اللي طير عقلها..فاقت من سهوتها على صوت أشقر وقالت
-فاتي:هاا؟قلتي شيحااجة؟
ماجاوبهاش أشقر..دور عينو ناحية أسامة ولقااه وااضع رااسو بين يدو وكايشوف فالأرض..ابتاسم ابتسامة جانبية وقال
-أشقر:دابا عاد فهمت
دور وجهو شااف ففاتي واللي كانت كاتشوف فيه باستفهام ومافاهماش كلامو..باس على أنفها بخفة وقال
-أشقر:كانبغيك
هبطات فاتي عينيها وقالت
-فاتي:أشقر..غاايشوفنا شيواحد
همهم أشقر وقال
-أشقر:على أساس كاتحشمي..نسيتي فااش..
قااطعاتو وهي واضعة يدهاا على فمو وقالت وهي كاتشووف فأدلر ولدهوم
-فاتي:شش غايسمعك شي واحد
بقى كاايشوف فيها بنظراتو المخذرة تلك..واللي رغم مرور سنوات بااقي عندها مفعول كبير عليهاا..عض على أصبعها حتى أنات بألم وبعداتو وقالت
-فاتي:متوحش!
بقى كايشوف فيها من جديد وماجااوبهاش..صمتات هي الأخرى لثواني وقالت
-فاتي:احمم..قولي..الا..زعما الا لبست الحجاب غايجي معايا؟
شاف فيها أشقر باستفهام..خرجات من فمو ضحكة وحاول يكتمها
-أشقر:ههه..يمكن ماسمعتش مزياان..فاتي والحجااب؟..ويااك ماكااتلبسي الطوييل وتخبي كرااعيك حتى كانزوقهووم ليك
-فاتي:بغيت نلبس الحجاب ونتستر..ولكن ماشي باش نخبي الضربات..بغيت نتغير..بغست نولي بحال رييم..شووف دياب كيف كايتعامل معاها ومحتارمها بزاف
-أشقر:علاش أنا مامحتاارمكش؟ياك خووك براسو فاش كايقول فيك العيب كااندمو..أنا عمري نكون فحال دياب..وحتى ديك حلاوة اللسان اللي عندوو وكلامو اللي يقدر يطيح بيه أي وحدة كيفما كانت أناا ماباغيهش..أناا هاكدا..وكانظن هاد الموضوع دأنو كل واحد يتقبل لاخر كيف هو تكلمنا عليه بزااف دالمرات
حسات فاتي أنو بدا كايتعصب..وعلاش ماتحسش وأظافر أصابع يديه تغرسو فيديها وعينيه ولاو حمراوتين..تنحنحات بتوتر وقالت
-فاتي:ماقصدتش هادشي أحبيبي..احمم نتا عاارف كيفما نتا بغيتيني بعيوبي حتى أنا باغاك بعيوبك..وكيفما نسيتي أخطائي حتى أنا نسيت ماضيك وكوولشي..ولكن..أنا بغيت نغيروو فريووسنا..حتى لإيمتاا غانبقاو هاكدا..العنف والعصا..ماانكرش أنو كايكون عاجبني الحال ولكن..ماعرفتش ماعرفتش..فاش شفت منظر هاد الجوج حسيت بإرادة فالداخل ديالي للتغير..علاش مانوليوش بحال أي زوجين عاادين..وعلاش ماانبعدوش من الحرام وحتى ماغاتبقاش تسمع عليا كلام خايب اللي يضرك فخاطرك..عارفاك ثاايق فياا ولكن ماكايعجبنيش الحاال..كولشي كايشوف فيا بحال اللي ماعنديش قيمة..حتى من اللي كايبتاسمو لياا فوجهي عارفاهوم كايتكلمو من وراا ظهري..زوااجي بفرااس وحملي وحتى اللي كايشككو فأنو أدلر ولد فراس..عييت بزااف..بغييت نتغير للأحسن ومنها نيت تتغير نظرة الناس ليا وليك حتى نتا..وحتى ولدنا يعيش بشكل طبيعي وفاش يكبر مايسمعش كللم خايب على واليديه
عض أشقر على شفتو السفلى..خطف نظرة من دياب وريم اللي جالسين حدا بعضهووم..وفدياب اللي مرة مرة كاايقبل فيد رييم ويشوف فعينيها بهيام..قلب علينو وقال
-أشقر:أنا عااجبني الحال هاكدا وماباغيش نكون فحال حتى واحد..راضي بذاتي كيفما أنا..أكيد باقي فيك مفعول الشراب وكاتخرفي
قرب لحدا وذنها..شد فشعرها بقوة وجرها وكأنو معنقها وقال بهمس
-أشقر:هاد الليلة غاندوزو ليلة زوينة وغااتنساي كاع هاد الخرافات اللي قلتي دابا..ثيقيني My angel
سدات فاتي عينيها بقوة وابتاسمات وهي كاتحسس الألم ففروة راسها..فتحات عينيها وأول حاجة طاحت فعينيها دياب اللي كان كايشوف فيهوم..واللي شااف فيها باحتقار..ضحك باستهزاء وقلب وجهو..حسات بالدموع تحجرو فعينيها وقالت بصوت مترجي
-فاتي:لا أنا مابااغاش..قررت..بغيت نكمل حياتي بشكل عادي بحال كاع البنات..مابقيتش باغة هاد الدل اللي عاايشة فيه وحتى لحني عياات من العصا لدرجة مابقيتش كانحس..صاافي براكة..برااكة اهئ
هبطات دمعة من عينيها..بعدها أشقر من عليه..مسح دمعتها وبقى كايشوف فيها وهو كايعوج فراسو..ضحك وقال
-أشقر:فاتي كاتبكي..وعلااش حيث مابقاتش باغة تحس بنفسها مدلوولة..نسيتي أيام مراهقتنا..نسيتي أول مرة نعسنا مع بعضنا وفاش اعتارفت ليك أني سادي وحتى ظنيت ماغاتكوونيش عاارفااها..صدقتي عارفة وكثر مني..وقلت عادي كولشي فإطار الثقافة الجنسية..نسيتي فاش اكتاشفت أنك مازوشية وكاتصرفي وكأنك محترفة فالميدان وماشي اللي ناعسة وبجانبها بقع ددم عذريتها..وعارفك منين غاتكوني تعلمتي هادشي..عادي الأنترنت سكين ذو حدين..ولكن أنا ماقادرش نثيقك دابا؟تتغيري بهاد السرعة؟

-فاتي:عافاااك أ أشقر..فهمني..حناا نقدروو نمشيو عند طبيب ولا شي..شي دكتوور مختص فهادشي دالعلاقات الأسرية ولا مااعرفتش..المهم يعااونا شي وااحد حتى نتغلبو على هاد الرغبات اللي كانحسو بيهوم..بغيت نتغير..قراري النهاائي
ضحك أشقر وقال
-أشقر:ههه قالت ليك باغاا تبدل..فااتي مابااغيش نغلط فيك خليني تروونكييل..ههه تتغير..ونسيتي فااش كاتجي تطيحي علياا وتقوليلي أنا ليك ودير فياا مابغيتيي..ضربني جرحني أناا كولي لييك؟
-فاتي:مابااقيش تقول هااكداا..هاادااك المااضي ديالي يااك نتااا كااتقول المااضي ماكايهمكش!
-أشقر:ااه ماكاايهمنييش..وماكايهمنيش حتى المستقبل..أناا عاايش النهاار بنهاارو الحااضر هو الأهم عندي(تحت سنانو)فهمتيني..اواا داباا سكتي وماتزيديش كلمة ولا غانسى فين أناا وغايبان وجهي لااخر..اتااقااي شري أفاااتي
تجااهلات فاتي تهديدااتو وقالت
-فاتي:بااغي تعيش النهاار بنهارو..شحال فعمرك همم..30 عااام يااك..أولا أكثر..حناا أ أشقر رااكبرناا على هاادشي صاافي..ماخصنااش نبقاو تابعين الدنياا ونتلهااو بيهاا..خاص نفكرو فالآخرة وشنو غانقولوو الا تلاقيناا مع ربناا..غانقولو ليه حنا ماكانفكروش فالمستقبل وعاايشين النهار بنهاارو؟
عض أشقر على شفتو بعصبية..تنفس بقوة وقال
-أشقر:من اييمتاا وليتي مفتية..يااك نتي اللي عاد كنتي كاتلااوحي من جهة لجهة وريحتك كااتقلب بالمشرووب..وحتى ماعطيتينيش قيمة لا أناا لا ولدك..كيفااش تبدلتي هااكداا وبهاد السرعة..هه حتى بديت كاانشك فديااب يكون قاليك شيحااجة ولكن لااا..أنا عاارفوو حتى القبلة ماكايعرفهااش فين جاات أركان الإسلام وموحاال حاافظهووم..مزبلهاا كثر مني ههه
جمع ضحكتو وهو كايشوف فيها وفملامحها الباردة وقال
-أشقر:دياب قاليك شيحااجة همم؟
-فاتي:هااء ديااب شنو غاايقول لياا..هو أصلا ماكايدخلش رااسو فأموور بحال هاادي..وحتى هو كثر منااا..أنا عاارفااه علاش قااد
شاف فيها أشقر بشك وقال
-أشقر:علاش نتي شنو كاتعرفي على دياب بالسلاامة؟..على شنو كنتوو كااتكلموو بجووج؟
شاافت فيه فاتي بتوتر وقالت
-فاتي:شنو غانقولو حتى نتاا..غي كان كايضحك معاياا فاش كنت داايخة بالمشروب وصافي..وزاايدون علاش كااتسول أنا شنو بيني وبينوو..خليناا من هاد الموضووع..شنوو قلتي فموضوووعناا همم؟حناا..ماغاانغيرووش من نفسناا..هانتاا شووف..مامااك وباباا دارو بزااف دالذنوب فحياتهووم وشنو استاافدوو..هوما راهوم ماتو داباا
بعد من عليهاا أشقر..طلع عينو شااف ناحية دياب وريم واللي كانو كايضحكو مع بعضهووم..دور وجهو للجهة الأخرى وبالضبط أسامة..هاد الأخيير اللي كان كاايشووف فيهوم وهو مغووبش..وحتى أنوو أشقر ماابخلش عليه بنظرااتو الحااقدة..
لاحظات فاتي نظرااتوو ودورات وجهها حتى لمحات أساامة..دورات وجهها بسرعة وشدات فيد أشقر..
-فاتي:أشقر صاافي..وااش ضرووري فااش تلاقاو تقربلووهاا..بغيت نفهم علااش بينااتكوم كااع هاد الحقد..عييت منكووم بجووج..كل وااحد من جهة..وكل وااحد كاايهبط من قيمتي..نتاا..خوياا..ماماا..دياا..
عضاات على شفتها السفلى فور ماحسات بشنو غاتقوول..وحتى بأشقر اللي دار كايشوف فيها باستفهام
-أشقر:كيفااش ديااب؟هو شنوو قااليك هاا؟(بصراخ)شنوو قاال؟
دورات فاتي عينيها كاتبتااسم ببلاهة لماماها والنساا لاخرين اللي دورو وجههوم كايشوفو فيهوم..وحتى أسامة..ودياب هو الآخر واللي رغم أنهم بعاد على بعضهووم رد الباال..طلع عينو شااف فيهوم وففاتي اللي كاتوسل فيه بعينيها..حرك راسو بمعنى شنوو؟..ماعرفاتش باش تجاوبو وهبطات عينيهاا للأسفل..
🌼🌼
-دياب:داباا بغيتي تقوولي باللي هاد معااذ هو راجل صااحبتك هند..ديك اللي قلتيلي دارت ليك داك البلان فعرسهاا وماثيقااتكش..يعني هاد معاذ هو اللي كان تبسل عليك؟
-ريم:لاا هادااك راجلها اللول حمزة..وااحد كنا كانعرفووه من أياام الصغر هو ولد خاالتهاا..وهوما منين تفاارقوو..بعد مدة هند تزوجات بمعاذ اللي هو أستاذي..وهو ماكاانش خطيبي ولا واالو..حناا غيكاانو بينااتنا بعض الأشياء..خطط برييئة وصافي
شااف فيها دياب بشك وكيفاش كاتقلب فعوينااتها..ثيق كلامها كولو ولكن حتى لديك برييئة..ماقدرش يدخلها لدماغو
-دياب:ههه بريئة..وكاتسناايني نثيق ياالنعجة..كااينة شي شيطاانة بحاالك علم الله شنو كنتو كااديرو وفشكوون كنتو حاالفينها نتي وهاد معااذ..غاتعااودي ليا كوولشي
ضحات ريم وحطات راسها على صدرو وقالت
-ريم:اوااا ضروري كيفما نتا ماخليتي ماادرتي حتى أنا درت مصاايب كثيييرة..ولكن غي فإطار الإنتقاام وصافي
-دياب:من حقك تنتااقمي..وحتى الا عندك شيوااحد دار ليك شيحاجة..ولا غي مادخلش ليك لخااطرك قوليها ليا ورجعي للوور
-ريم:ههههه عاارفة حبيبي مصيييبة وعندهاا 2 رجلين
قرب دياب حتى لحدا وذنهاا وقال بهمس وهوكايدوز يدوو على ظهرهاا بطريقة خلات جسمها كولو يرتااعش
-دياب:مصييبة اييه..ولكن..لا أحياتي أنا عندي 3 دالرجلين

ماتطلبش منها الفهم بزااف دالوقت..هي فقط بعض الأجزااء من الثانية..بعدات من عليه وقالت
-ريم:عمري شفت ساافل فحاالك..غي قوولي فين عندك هااد الدمااغ نتا؟
عاد قرب لوذنها باغي يجاوب من جديد وهي تبعدو وهي مخرجة عينيها
-ريم:صاافي عاارفة الجوااب غي سكت العاار
ضحك دياب ضحكتوو الجميلة تلك..واللي كاتخلي أسنانو البيضااء المترااصة تبرز بطريقة جذاابة..
-دياب:اواا عرفي شنو كاتخرجي من فمك أحوبي
-ريم:توووبة تووبة
ضحك دياب من جديد..جرها من نيفها وقال
-دياب:يخليلي التركية ديالي أناا..aşkim
شافت فيه ريم بابتسامة..حطات يدها على ذقنو وهي كاتشووف فيه بكل حب..كااتشوف فهاد الكتلة دالوساامة أمامها وكاتقول واش بصااح هو رااجلي على سنة الله ورسوله..كااتشوف فهاد الشخص المهضوووم واللي جالس أمامهاا..وحتى الأحلى من العسل
-ريم:رووحي انتاا
رجع دياب راسو على الفوتووي وتنفس بقوة وهو كايشوف فالسمااء..بلع ريقو حتى تحركات تفاحة آدم البارزة فعنقوو..رجع شاف فيها وقال
-دياب:مابقيتش قاادر نصبر..بالله فالله حتى غانمووت ليك هناا..يالااه نطلعوو وخليهوم هوما هنا حتى تخرج الشمس حنا مالناا
-ريم:أويلي نتاا مسطي..جلس شوية حشوومة..وزاايدوون عييب وماشي من الصوااب..نعيط على ماماا نزهة وماماا كريمة وخالتي زهرة يجيو يجلسو حدانا؟
عجبااتو "ماما كريمة" وكاان فودو يتكلم عليهاا ولكن سؤاالهاا حسسو بشعوور كبير فأنو ينووض يسلخ جلدها من على عظاامهاا
-دياب:هههه yok?..وااش أنا أعباد الله حتى قلت تفكيت من مرواان ومرتوو وجريت عليهووم باش نبقاو بجوج وتعيطيلي على الشاارفاات..هادو راعااشو حيااتهووم..ولدوو ولاادهووم وهزوو رجلييهوم..زعماا هزوو ديوورهوم..وبقاي مقابلاهوم نتي
ضحكات على كلامو وحتى تعاابير وجهوو وقالت
-ريم:اييه ماتقوولش عليهووم هااكداا هوما ماشي شاارفاات..علاش نتوماا الرجاال ماكاتحتاارموش النساا وغي كايبداو يبانو فيهوم التجااعيد كاتوليو تعيبوو فيهووم وتقولو عليهوم شرفو ومابقاوش قاداات؟
بقى دياب كايشوف فيهو بمعنى من نيتك؟..قلب عينوو بقلة حيلة وهو كايتسنى فالخطاب اللي غاتلقيه عليه هاد المخلوقة اللي بجانبو واللي فالغالب غاتولي فااعلة جمعوية كااتداافع على حقووق النسااء بمجرد أنو نعت النساا بالشاارفات..هااء ولكن راه هوما فعلا شاارفات!؟
-ريم:وااش ماكااتسمعنييش؟
-دياب:هاا..ااه كانسمع..دور المرأة فالمجتمع وفالمنزل مهم وقيمتهووم كبييرة اييه شي إضاافة أخرى؟
عوجات ريم فمها وقالت
-ريم:حقيير..النساء هن أعمدة المجتمع
جمع دياب شفايفوو للأمام وحرك راسو بمعنى ااه ثم قال
-دياب:ومااتنساايش..لولا أعمدة الرجال لما وجدت النساء!
واخخ علييك أدياب اخخ..واخخخ على دمااغك وتفكييرك المنحرف..
حساات ريم بالفقصة وهي كاتشوف فيه كيفاش كايشوف فيها ويحرك حواجبوو بطريقة شيطانية..حتى أنها كاتشووف قروون خارجين ليه من فوق رااسو..
-ريم:العييب فياا أناا اللي بااغاا نتنااقش معااك بعقلاانية..اييه مني أنا
-دياب:ااه بصااح منك نتي..وااش هادي ليلة عرسناا ولا مؤتمر؟هو صرااحة العيب مني حتى أنا اللي بغيت طبييبة..حياتك كولها ونتي مدخلة وجهك فالكتوووب 
-ريم:شنوو زعماا كاتعني..تزوجها ماقاريااش باش تدير فيها مابغيتي يااك..كااتستااغلو البناات اللي ماقااريااتش وتستقوااو عليهووم..وااش نتوماا..
قاااطعها دياب وقال
-دياب:العاار لامااسكتي العااار..أناا ماقلت والوو سمحيلي..وأصلا الرجال كاتعجبهوم المرأة الذكية والمثقة..وأصلا أنا كانبغييك..ششش سكتي
شافت فيه ريم بتخنزيرة وقالت
-ريم:الله يعميهاا ليك..غي باش تقول لداك الدماغ عندك مايحااولش يفرض عليا شيحاجة ماباغاهااش ولاا..
قاطعها من جديد وقال
-دياب:قلتها لييه وقاليك غيي رتااحي ألالة..وااسكتي أزمر ضريتيني فرااسي..خلي عندك شوية دالطااقة راابااقي الليلة طويلة
خرجات ريم عينيها وقالت
-ريم:ضرووري تفكرني زعمااا؟
-دياب:اييه ضروري أحياتي..قوليلي نتي..مرتااحة ياك..يعني مااعندك حتى مشكل فأنو هاد الليلة تكون..
قاطعاتو وقالت
-ريم:ديااب كاتحشمني
ضحك دياب وقال
-دياب:منااش غاتحشمي رااني راجلك..دابا نشوفوو واش غاتبقاي حشماانة فاش غانجرد جسمك من كل قطعة ثوب وغانقدر نسقي عيوني بتفااصيلوو هه
-ريم:دياااب..سكت غايسمعك شيوااحد!
جمع دياب ضحكتو وتحول للجدية وكالعادة بطريقة سريعة وكأنو كايغير فالأقنعة وقال
-دياب:ريم داوي بصاح..الا نتي ماباغاش أنا ماغاانبززش عليك..على حسب كلامك وحتى تصرفاتك..أنا فهمت باللي عمرك أقمتي شي علاقة جنسية..يعني أول مرة ماغاتكونش سااهلة وغاتكوني مستريسية..يااك بعدا أول مرة؟
مااعرفاتش بااش تجااوبوو..وحساات وكأنو هاانها بهاد السؤال..هو شنو كايقصد وشنو كااينسنى كجواب منها؟..وطالما هو خاايف تكون فايت دارت علاقة جنسية علاش ماسولهاش قبل زواجهووم وسكت حتاال دابا؟..ضحكات وقالت
-ريم:ههه مافهمتش..كيفاش زعماا؟..شنو كاتقصد بسؤالك؟

حرك دياب أكتافو وقال
-دياب:ماقصدتش والو..فقط باغي نعرف
طلعات ريم حاجب واحد وقالت وعلى فمها ابتسامة
-ريم:اوا أنا غانقوليك ونجاوبك على سؤالك..ديجا أقمت علاقة جنسية فأيام مراهقتي..راك عارف أيام المراهقة كانكونو طايشين وأنا غلطت..هادشي غايشكل ليك شي مشكل همم؟
شااف فيها دياب ببرود لمدة..ضحك وقال
-دياب:هه غي قوليلي شنو كاتحاولي تديري..كاتطيحي الباطل على راسك..قالت ليك واش غايشكلي مشكل
جمع ضحكتو وقال
-دياب:شوفي أريم..أنا الغرض من طرحي للسؤال هو أني نفتح معاك بحال هاد النقاشات وتزيدي تعرفي عليا أكثر..عارف كلامك ماامنوش وعارفك باقا عذراء وحتى لو مااكنتيش هادشي ماغايشكلش فارق فحبي ليك..أكيد كان غايبقى فيا الحاال ولكن..أناا الإنسان فاش كانبغيه كانتغاضى على أخطاؤو وواخا كولشي كانبقى نبغيه..وحتى لو كلامك صحييح وكان هاد الغلط نتيجة طيش المرااهقة غانتقبلو..كايبقى مااضي ولا أنا لا نتي ممكن نغيروه..أنا كانبغيك لروحك أرييم..مااشي لجسدك..لأني مااشي وااحد محروم ولا مكبوث..ممكن مايعجبكش كلامي ولكن أنا هاكدا صريح..تقريبا كاع العارضاات اللي كنت كانصورهووم ماافلت منهووم حتى وحدة وحتى اللي خدامات فالمركز..أضعف الإيمان قبلة..عارف هادشي ماخاصش نفتاخر بيه ولكن أنا كانقولو بااش تزيدي تعرفيني أكثر وتعرفي كيفاش كاانفكر ممكن يجيك تفكيري كاينقص من رجوولتي ولكن..الا كانت الرجولة هي أنك تكون أناني ماتخلي ماتدير وتفرض على البنت اللي كاتبغي تكوون عذرااء وعمرها تقااست اعتابريني مااشي راجل
شاافها كيفاش سكتات ومن ملامحها ظاهر أنها اقتانعات بكلامو وعجبها..كاينة أنثى فالوجوود اللي مااتعشقش رجل بحال ديااب؟رجل اللي يبغييهاا كيفما هي بحسنااتها وعيووبها حتى لو كاان الموضووع موضوع شرف!
هااكداا هو ديااب مااكايحكمش بالمظاهر على العكس كايهتم بجوهر ورووح الإنسان..واش بقع الدم هي اللي كااتبرهن على شرف البنت؟وشحاال من وحدة شرييفة وطاهرة ومحترمة وفقداات ذاك الفشاء الرقيق فليلة مظلمة اغتصبت فيها أو حتى ضحك عليها شيوااحد بدافع الحب..وشحال من وحدة ماداازش عليهاا القليل وأياادي كثييرة اللي لمسات جسدها ولو يتكلم هااد الجسد لصرخ بأعلى صوت وطلب النجدة ولكن مازالت محتفظة بهااد الغشااء اللعين!هااكدا دياب كاايفكر وماكايتسرعش فأفكارو
-دياب:مااتقدريش تكذبي عليا..وليت حافظك مزياان أروحي
هي بشنو غاتجاوبو دابا؟هي كااتحس..كاتحس أنو..
-ريم:أنت مختلف..مختلف بزاف
حرك دياب راسو وقال
-دياب:ممكن نبان ليك مختلف وممكن حتى تقولي متشبع بأفكاار غربية فقط لأني ماكانداافعش على أفكار اللي ولات حااجة طبيعية فمجتمعاتنا..شفتي بسؤالي قدرتي تعرفي عليا بزااف ألنعجة
ابتااسمات ريم وقالت
-ريم:ااه أنا باغة..بااغة هاد الليلة تكون ليلة حبناا..وتشهد على حبنا حتى لأخر يووم لينا مع بعضناا..

"الليلة أشعر أن حبّي لك أكثر قوّة حتّى مني أنا: كما لو أنّ هذا الحبّ يمكن أن يستمرّ من بعدي،يحيط بك و يحضنك."

طلع دياب يدو هو الأخر لمستوى يدها ومرر أصبعوو على خدودهاا الناعمة وهو كايشوف فعينيهاا بكل هياام..قرب وقبل خدها بكل حناان..بعد ورجع كايشووف فيهاا مرة أخرى..
بالله فالله ماكايشبعش من شووفة هاد المخلوقة أمامو..هاد النعجة العنيدة اللي خطفات قلبو من سنوات ورجعات تغرقو فبحر حبهاا..
وعاد كانو مبتااسمين وكايشوفو فبعضهوم وهوما ناسيين المحيط الخارجي اللي هوما فيه وحتى ماعاروش الاهتمام للأعين اللي عليهوم..أعين اللي فرحانة ليهوم..وأخرى على العكس..وحتى للمصور واللي خدا ليهوم صور جمييلة جدا ومن أول نظرة ليك عليهوم غااتحس بالحب يتدفق لعندك..موااتيين بعضهووم بزااف..وكاتخس بينهووم راابط كبيير وقوي وحتى صعب تقطعوو وتفرقهووم..نظرااتهوم كفيلة بالبرهنة وهي خير دليل..
شهقات ريم بقوة حتى قفزات دياب وقالت
-ريم:ويلي ويلي ويلي..
-دياب:ماالك ألمووصيبة..اوا قولي دياب كايخسر اللحظات
-ريم:ناري
-دياب:ومالك أزمر؟
-ريم:احم..داباا..فاش هادو اللي هنا غاايمشيو وغايخليونا بوحدناا..أنا وياك..و..المهم راك عارف..واش..احمم..واش هوما غايعرفونا غانديرو داكشي الخايب؟
ضحك دياب بقوة على كلامها وعلى نظراتها الطفولية حتى أنو حس بالدمووع غايخرجو ليه من عينو..الوحيدة اللي قدرات تخرج دموعو فالحالتين..الحزن والفرح!
-دياب:هههه داكشي الخاايب اش هاد الهضرة دأطفال الإبتدائي راك طبيبة زعما..اه ألنعجة أكيد ماغايقولوش هادو غايديرو قيام الليل..ماكااين غيي ل*** 
خرجات ريم عينيها بصدمة على الكلمة اللي قال..حتى أنها ماقدرااتش تجاوبو..هادا خرج ليها نيشان وقالها بالداريجة..وكون غي قالها باللغة العربية ولا التركية ولا أي لغة أخرى يكون أحسن..على الأقل غاينقص المفعول ديالها!
ضحك دياب من جديد على ملامح ريم ودور وجهو للجهة الأخرى..لمح فاتي كاتشوف فيه بنظرات ترجي..حرك راسو بمعنى شنو وبدون مايثير انتباه ريم..ولكن ماكان حتى رد منها!

شداات فاتي فيد أشقر بقوة وقالت بصوت منخفض وبنبرة ضعييفة ومترجية
-فاتي:أشقر كاالم..عافااك ماديرش شيحاجة اللي تندم عليهاا من بعد ونتكلموو..هاداا رااعرس صااحبك وخووك واللي عااد تصاالحتوو..عافااك أ أشقر ماااتديرش شي حماااقة من بعد ونتكلموو..عافاااك..يالااه نرجعوو للداار
كاان أشقر كاايشووف فيهاا بغضب ومرة مرة كاايدور يشووف فديااب بنظراات توعد..هااد الآخر اللي مااهبطش عينيه..لا والاكثر مبتاااسم وكأنو باغي توقع شيحااجة..بااغي يضرب..بااغي يخوي كااع هاد الطااقة السلبية اللي فالداخل ديالو..حتى لو فصديق عمروو واللي عااد تصاالحو بعد سنوااات..مااعندووش أدنى مشكل فأنهم يعااودو يتخااصمو من جدييد..
وقف أشقر من مكاانو وهو كاايتنفس بقوة وعينااه حمرااوتين وتمشى فاتجااه البااب بدون أي كلمة تحت نظراات استفهاام الاخرين..وقفات فاتي هي الأخرى بتوتر ورجعات شعرها للوراء وجراات ولدهاا
-فاتي:أدلر يالااه أولدي حناا غانمشييو
امتاانع أدلر وقال
-أدلر:لااا ماابغييتش..بغييت نلعب مع ألباان
-فاتي:يالااه أولدي..يالااه
جراتو من يدهاا وتمشاات بخطوات مسرعة حتى فلت أدلر يدو من يدها وقال
-أدلر:لااا بغييت نبقى مع ألباان
رجعات فاتي شعرها للوراء بتوتر وقالت
-فاتي:غاانشريو ليك ألباان ديالك يالااه
جرااتو من جديد وفلت منها مرة ثانية..وهاد المرة ماتكلمااتش..بل مااحسااتش حتى صفعااتو فوجهوو بقوة وطاح للخلف فوق العشب تحت نظراات الصدمة من الآخرين..حطات يدها على فمها بصدمة ومشات فاتجااهو ولكن وقفهاا خوها أسامة واللي قال من تحت أسنانو
-أسامة:سيريي تبعيه..أدلر عندي
-فاتي:بعد..أدلر ولدي..
-أسامة:ماانزيدش كلمة وحدة..سيري تبعي رااجلك
التااحقات بيهوم زهرة هي الأخرى وقالت
-زهرة:شنوو وااقع هنا..فاتي ماالك..ومال راجلك
شاافت فيها فاتي دورات وجهها شافت فأسامة واللي كايشوف فيها بغضب وفأدلر اللي جاالس فوق العشب وكايبكي وحداه باسل كايسكت فيه..شافت فالاتجااه الأخر..وريم اللي كانت جااية فاتجاههوم ودياب اللي واقف..واضع يدو فجيابو وكايشووف فبرود..كايشووف فيها وفنظراتها المتوترة وحتى المترجية ليه..عوج فمو وطلع حواجبو وأكتافو فنفس الوقت بمعنى ماعندي ماندير ليك
-زهرة:بنتي..راني كاانتكلم معاك..ياك عاد كنتو ناشطين..شنو وااقع؟
شاافت فيها فاتي من جديد وقالت
-فاتي:أ أ أناا..
مااقدراتش تزيد كلمة وجراات بسرعة فاتجاه الباب الخارجي..مخلية ولدها وكولشي وتاابعة رااجلها..واللي كان جالس فالسيارة وكاايكمي..طلعات بجانبو بسرعة وهي كاتنهج وقالت
-فاتي:عافاك بعد من هنا..عافااك
تلفت لعندها أشقر بنظرااات باردة لا تعبر أبداا على الغضب اللي فداخلو وحتى الأسئلة والأفكار اللي كايدورو فبالو..أفكار اللي كايتمنى يكونو خاطئين
حيد السيجاارة من شفايفو ونفث دخانها بقوة ثم قال
-أشقر:ااه حنا غانمشيو..غاانمشيو
تلفتات فاتي تقاد حزام السلاامة بيد واليد الأخرى مرجعة بيها شعرها للورااء..حتى كاتحس بيدو كااتبعد الفستان من على رجليها..وعاد كانت غاتدوور لعندو تستفسر على شنو كايدير حتى كاتحس بحرارة ففخضها غوتات على إثرها بصوت عالي ماتسمعش منو الكثير..أكيد مااهي يدوو خباات وجهها كولو ماشي غي فمها..وخلاتها كاتأن بألم وتبكي..
وعلااش ماتبكيش وهو عاد دابا طفى ناار سيجاارتو فلحمهاا..ولكن علاش؟هل هي طريقة فتفريغ غضبو أو عقاب ليها؟هااء ولكن هو بااقي حتى ماعاارفش شنوو وقع فقط شك خلاه يدير هاكدا..هو شنوو غايدير لو عرف أنهاا خانتو مع صااحبو وخوه وسنوات وهي مخبية علييه..واخخ يااك القصة تنسات وجات فتحاتها من جدييد..ومئات اللعنات عليك يا فاتي وعلى خفة رجليك!
كاانو عينيه حمراوتين وكايتطااير منهوم الشر..مقرب ليها بزاف وأنفاسو الساخنة كاتضرب فوجهها واللي ولاا الماكيااج اللي عليه كولوو مخربق بسبااب الدموع
-أشقر:بااغة تفيقي هاد أشقر دالمااضي من جدييد همم؟شحاال هادا ماتعااملت معاك هاكداا هاا؟شنوو بينك وبين دياب؟(بصرااخ)شنوو بينك وبينووو
كانت كاتنفس بقوة وصدرهاا كاايطلع ويهبط بسرعة..حااسة بخوف كبيير..لاا بل هي حااسة برعب..ااه صحيح هي متعودة على معاملتو القااسية ليها..ولكن فقط فعلااقتهم الجنسية..سنواات طوييلة وهو كاايكبح هاد الرغباات فيه وكايتصرف معاهاا عاادي لا بل وبكل رومنسية فالأوقات الباقية فاليوم وأمام الناس..أكيد باستثناء الليل!
هي شنوو غاتقول ليه دابا..تكذب ولا تعتاارف!ولكن لو اعتاارفاات غااتقضي على زوااجها وحتى على زواج دياب وريم..هو فقط خطأ مرت علييه سنواات..ماغاايرجعش من جديد يفسد حيااتهوم..كولوو بسبااب المشرووب اللي أذهب عقلهاا وخلاها تقول كلام اللي مالازمش يتقال..كولوو بسباب زلة لسان
"يارب نتا عارف نيتي..أنا باغية نتغير للأحسن..يارب خرجني من هادي سالمة ومابقيتش نعاود..يارب أنا غانرجع لطريقك.."
هااكداا كانت كاتدعي فاتي فنفسها..ولكن لا!الظاهر الليلة سوداء كلونها المفضل تماما!

-ريم:متأكديين ماوااقع والو..ياكما شيحاجة خطيرة؟
-أسامة:لاا لاا أشقر تعصب شوية مع الخدمة وأكيد عارفاه كيف كايكون فاش كاايتعصب..احمم رااك كنتي مراتو ههه
قلبات ريم عينيها وسمعات لالة نزهة حداها واللي قالت
-لالة نزهة:رييم عمرها كانت مزوجة بأشقر..هاداا أول زوااج ليها وداكشي غي كذووب
شاافت فيهاا ريم بمعنى سكتي وطلعات حواجبهاا..خنزرات لالة نزهة فأسامة وقالت
-لالة نزهة:أنا غانمشي لدااري باقي ماشفتهاش من الطيارة لعندكووم..(شاافت فالآخرين)من الأحسن نخليو العرساان لوحدهووم يااك؟
تنحنحاات زهرة بتوتر وقالت
-زهرة:ااه بصااح..عجبنا الجو هناا وولفناا هيهي..أساامة يالااه أولدي نمشيو أنا غانسبقك للطونوبيل..(شافت فريم وقالت)مبروك عليكووم أبنتي
ابتاسمات ليها ريم وبقات صامتة وهي كاتشووف فيها غادية هي وأدلر واللي باقي كايبكي..وبزااف دالأسئلة كايدورو فبالها..الخدمة غاتدير فيهوم هاد الحالة كوولها؟وغاتخلي فاتي تتوتر لدرجة تضرب ولدهاا؟
دورات وجهها لجهة أسامة ولقاتو واضع يدو فجيوب سروالو..مبتااسم وكايطلعها ويهبطها..
-أسامة:ريماا..زوينة بزااف
شافت فيه ريم بصدمة وماعرفاتش شنو تجاوبو..لا أكيد هي ماسمعااتش مزياان..بانت ليها بنية ضخمة الحجم واللي وقفات بينها وبين أسامة حتى غطات عليها الرؤيا..طلعات راسها وهي كاتطلب ربي مايكونش دياب..
الحمد لله مروان..ولكن حتى مرواان ماغايبقااش سااكت..أكيد الا سمع كلااموو ليها
-مروان:عااود شنو قلتي ليهاا ماسمعتش مزيان!
جراتو ريم من كتفو وقالت بهمس
-ريم:مرواان تهدن ماتدييش عليه يقول اللي بغا يقوول..عافااك بعد منو دياب غاايشوف وغاينوض شي مشكل
تلفت لعندها مروان وهو مخرج عينو وقال
-مروان:وااش ماسمعتيهش شنو قاال..هو رااه..
قاطعاتو ريم وقالت بترجي
-ريم:سمعتو وماكايهمنيش..خوياا مروان هادي را ليلة عرسي..عافااك
تنفس مرواان بقوة وشاافها كيفاش كاتشوف فيه بتوسل وعيونها بداو كايتملؤو بالدمووع..واخخ لو بدات كاتبكي شكون غايسكتهاا ويرطعها لحالتها الطبيعية..مااهي عااشقة للدرااماة والبكااء!أو ربما الدراما هي اللي كاتعشق فيها
شد وجهها بين يديه بجووج..قبل جبهتها بحنية وقال
-مروان:ختي الحبيبة..صافي سمحيلي ماغانتعصبش..يالااه سيري عند رااجلك غاايكون طلع للفووق..يالااه(قرب لحدا وذنها وقال بهمس)نسااي المشااكل ونساي الورم..نسااي كولشي وماتفكري فوالو باسل ولالة كريمة غايباتو عندناا وحتى خالتي نزهة ماغانخليوهااش تباات بوحدها بلا ماتخممي..فكري فحبك لدياب وحدوو واخاا؟
طلعات ريم راسها وهبطاتو بإطاعة وعنقاتو..عنقها هو الآخر وباس على راسها..بعدها وقال
-مروان:يالااه سيري أحبيبتي..وعنداك تديري شي حمااقة خدمي عقلك..ومااتخليش الشؤم يقضي عليك..نتي بااقي غااتعيشي بزااف هادوك غي أوهاام..يالااه سيري ألقردة عند راجلك غايكون كايتسنى مسكين عياا من الصبر ههه
احمرو خدودها بالخجل ومشاات مخليااه وااقف فالحديقة لوحدو..وأسامة؟اختفى ومابقااش حداهوم..يكون مشى فحالو؟أحسن ليه أنو يهرب بجلدو وينقذ نفسو من هاد الكتلة الضخمة دالعضلاات واللي كانت غاتهرس ليه عظاامو
طلعات مع الدرووج وهي جاارة فستانها الأبيض الطويل..ماعارفااش تفرح ولا تحزن ولا تتوتر..مشااعرها تخربقو..تلاقات مع إلينا واللي هازة المهدي فيدهاا وهابطة فالدروج ببطء باش مايفيقش..ابتاسمات ليها وقالت بهمس
-ريم:صافي غاتمشييو
ضحكات إلينا وقالت هي الأخرى بهمس
-إلينا:هه وبغيتيناا نبقااو معاكووم ولا نباتو معاكوم فالبيت حنا كااع ههه..ماالك متوترة وقعات شيحاجة لتحت؟
تنهدات ريم وقالت
-ريم:مرواان يعاود ليك رااه كايتسناك لتحت هو وماما نزهة وباسل وماما كريمة ماعرفتش فينهووم يمكن مشاو مع خالتي زهرة يوصلوها للطونوبيل المهم حتى هوما غايمشيو معاكوم..راهوم أمانة عندكوم..شكرا بزاف
ضحكات إلينا وقالت
-إلينا:أويلي ماتوصينيش ألحمقة مايمكنش نخليوهووم فالأوطيل وحنا فشنو غانفعوو..المهم..البيت راهاا فالأخيير دالكولوالر وراها مقاادة..الذوق دراجلك زويين..اواا خااصك تجازيه هه
ضحكات ريم وتظاهرات عدم الفهم لربما تاخذ منها معلوومة أو شيء ممكن ينفعها فهاد الليلة
-ريم:كيفاش مافهمتش..شنو غانجاازيه
شافت فيها إلينا وهي معوجة ملامحها وقالت
-إلينا:عاارفااك كاتبووهلي..طلعي طلعي راغايكون كايتسنااك راكان بقى ليه شوية ويجري عليناا..هاانتي رااكولشي فالدووش وحتى داكشي هو اللي ختارو ههه..تقاادي وكووني مرتااحة..ومااتحشمييش هادااك راحلاالك..تطلقي ونتي هااكداا حابسة النفس
تنفساات ريم بقوة وقالت
-ريم:ااه أنا مرتاحة مرتااحة
ضحكات إلينا وقالت
-إلينا:اللي شاافك يقوول هادي غاداا يذبحوهاا..وارااك طبيبة زعما وعارفة هادشي طبيعي ودغيا كايدووز مامحتاجااش نوعييك..وزاايدون دياب رومنسي وبااينة حنين..يعني ماعندك منااش تخافي غاايراعي ليك..بسلاامة علييك حتال غدا ونتشاوفو..حظ موفق ههه

🌼🌼فحديقة المنزل..
كاان أسامة كايتمشى وهو واضع يدو فجيابو وأكتافو كاايتحركو..مخنزر ومرة مرة كايدور يشوف فمروان وريم اللي معانقين ويقلب عينو..ماقدرش يشوف داك المنظر الأخوي أمامو..مشااعر بحال هادي ماعندهاش مكاان فقلبو..الأخوة!وياك هو اللي نكر ختوو ومااهمووش شنو كانت كاتدير..واخا كانو كايوصلوه أخبارها وبداكشي اللي كادير مع أشقر ماكانت كاتحرك فيه ولو شعرة..بالنسبة ليه هي تماما بحال فتاة كاتمر بجانبو فالشاارع..ولولا الأم ديالو ماكانش حتى يتساالم معاها..كاايكرها بسباب الكلام اللي كايتقال عليه بسبابها..وكايكرهاا حيت تزوجاات بأكبر أعدااؤو..أشقر ولد خاالتوو..من صغرهووم وهوما كايكنو لبعضهووم بكره شديييد..وزاد كبر هاد الكره فااش خداا ليه حبيبتو واللي كان كايحمااق على الترااب اللي كاتمشى عليه..ملااك..اسم على مسمى..البنت اللي عشقها بكل ماتحمل الكلمة من معنى واللي كان باغي يكمل معاها حياتو..حملات من أشقر!..من أكبر أعداؤو..وحتى مادارتش ليه اعتباار وطيحات بقيمتوو..كايكرههوم كوولهووم..كايكره حتى دياب واللي كانت صدااقتهووم بدات فاليابان ولولا أنو صديق أشقر كانو كملو فصدااقتهووم..ولولا أنو تزوج بريم واللي طوول هاد السنواات اللي مراات كاان كايتذكرهاا..وكل مرة يتذكرها كان كايبتااسم..كايتذكرها حتى فساعات عملو..حتى أنو ماقدرش يبغي حتى وحدة..اييه صحيح هي تطلقاات من داك الحقيير دأشقر ولكن هي مخطوبة بأستااذهاا..واخخ واش هو ماعندووش الزهر لهاد الدرجة..أو ربماا أشقر لعنة وتابعااه..ملاك..وختوو..وريم..
وعاد كان باغي يخرج مع الباب حتى كايحس بيد على كتفوو..تلفت يشوف شكون حتى كايطيح للخلف بضربة جاتو لوجهوو..وحتى حركات فكوو من مكانو..
طلع راسو يشوف شكون صااحب هاد الضربة؟..وشكوون من غيرو ديااب واللي كان واقف..جامع يدوو لصدرو وكايشوف فيه بنصف ابتساامة..
قرب لحداه وجلس القرفصااء ثم قال
-دياب:صديقيي..كنتي غاتمشي بلا ماتشووفني ونتكلموو..رااك كرمتيني فالياباان وضروري حتى أنا نكرمك فدااري
عاد كان غاايتقاد فجلستو وضربو دياب من جديد لوجهو بقبضة يدوو ورجع طاح فالأرض من جديد وهو كايتنفس بقوة..
-دياب:غي قولي وااش اللي سخن عليه رااسو كاايشووف هاد دياب كاايضحك كايقول نركب ليه على رااسو هاداا راامافيدووش..غااتجمع ك*** علياا وأخر مرة نسمع سمية مرااتي على فمك ومابااقيش نشووف كماارتك وإلا غاانمحييك من الدنياا وثيقني مااشي غي كلاام أنا كاانطبق كلاامي والرااجل هو الكلمة..كاانقسم ليك بالرب وماادرتيش اللي قلت ليك علييه غاانصييفطك لجهنم تسخن عظيمااتك حتى نتلاقااو تماا ونتحااسبوو..ااه ورد لباال لختك..وقوليهاا حتى هي تفووتني أنا ومرااتي عليهاا على الأقل ترجل شوية وحضيهاا..دير فيك النفس شوية أقلييل النفس..غي قد هااكداا(مقرب أصبعو السبابة والإبهاام مع بعضهوم)
-أسامة:كوكاانت فيك النفس كااع ماتزوج بيهاا..وحدة فاايت مزوجة بصااحبك ومخطووبة وعلم الله شنوو باقي
ضحك دياب باستهزاء ودور راسو للجهة الأخرى..جمع ابتسامتو بسرعة وضربو مرة أخرو ولكن هاد المرة للعظمة المحيطة بعينو..الشي اللي خلااه يبقى سااد عينو وماقادرش يفتحهوم..
-دياب:قلتها وغانعااود نقوولها..رييم أنقى منك ومن ختك ومن أشقر ومني حتى أناا..قبل مااتكلم عليهاا خاصك تغسل فمك بالماا القااطع..ماامسااليش ليك وماغانكترش معااك الكلام بزاف حيت حبيبتي غاتكون كاتسنى فيا ونتا غاتنووض ت*** من هنا ولا نعيط للعساس يهزك لاماقادش تتمشى..طرك معاك الحانوت(بغمزة) وشري ليك صاابوونة
وقف من مكانو..حرك راسو يمين وشمال حتى تسمع صوت الفرقعة..وفرقع حتى أصابع يدو..كل هذا وهو كاايشووف فأساامة واللي ساد عينو وفمو كولو دم..دار وهو راجع حتى سمع كلامو مرة أخرى..
-أسامة:عند باالك راك فاايق وعاايق..ونتا مقلووبة علييك القفة..
وقف مكاانو وهو كايفكر..شنو عنى هاد الأخ بكلامو؟وكيفاش مقلوبة عليه القفة؟هو شنو اللي ماعاارفش؟تكون بصاح شيحااجة مخبية عليه ولا فقط كلاام زاايد قالو أسامة باش يرجع الاعتبار لنفسوو بعد هاد اللكمات
دار لعندو وهو مكمش حواجبو..كايشوف فيه كيف جلس فمكاانو وكايمسح الدم اللي فجوانب فمو ويشووف فيه بحقد
حرك رااسو باستفهام وقال
-دياب:نتا شنوو كاتعني بكلاامك؟وضح!
ضحك أسامة باستهزاء وقال
-أسامة:وياك داير فيهاا م*** اواا ضبر مخك لاش كاتسولني أنا
كلمات قليلة التقطاتها أذنو من حوار مروان وريم..الشؤم وشيء من هاد القبيل خلاه يؤول من عندو..الأهم مايبقاش صامت
كااتعرفو الإنسان اللي واخا يوقع اللي يوقع..وواخاا يقطعووه أطرااف مايمكنش يسكت ولازموو ينكدهاا على عدوو حتى لو يزييد يضربو مرة أخرى..لاازم يماارس هواية الإستفزااز رغم أنو ماغايربحش من وراها حتى شي غير بعض اللكماات أكييد..لاازم يتقاابح ولو فأموور هو عاةرف نفسوو خااطئ فيها..باارد لأقصى الدرحاات وماكايهموو حتى وااحد غير نفسوو أكيد..هااد الإنساان هو أساامة

-باسل:رااهو فين واقف
تمشااو بجوج لعندو..
-كريمة:ولدي شنوو كادير هناا من قبيلة وأنا كانقلب..
ماكملاتش كلامها ووقفات كاتشوف فأسامة بصدمة..تلفتات كاتشووف فدياب واللي ماشافش فيهوم قط!..فقط كاايشووف فأسامة وكايتسنى منو إجاابة!بااقي باغي يعرف كيفااش القفة مقلووبة عليه؟
-كريمة:أويلي نتا شنوو درتي..كااتضرب فييه ومخلي موو كاتسنااه براا..أويلي عمرك تدير عقلك حتى فليلة عرسك ماتقدرش تبقى بعقلك
مااعاارش لكلامها ولو ذرة اهتماام مااهو عااطي كل حوااسو لهااد الأخ اللي جاالس أمامو
ضحك أسامة وقال
-أسامة:هي شنوو كاتقوول..كااتعاايرني ولا؟
باغي يغير الموضووع..باغي يخرج نفسو من هاد المأزق فااش طااح..هو مااعندووش إجاابة لأسئلة ديااب..وكراامتوو ماكاتسمحش ليه يقوول راني غي تكلمت بدوون دلائل..حتماا غاايولي أضحووكة..
ماااتبدلووش ملامح ديااب الغااضبة أبداا..جاامع قبضة يدوو بقوة وكايبان ليه وجه أسامة بحال شي كييس ملاكمة كاايناديه ويقوليه ضربني!
قرب ليه بااسل ونغزوو بيديه مرة أولى وماكانت حتى رد..ثاانية وهي الأخرى ماكان من وراءها حتى رد..وكيف كاايقولو الثاالثة ثابتة..
هبط ديااب عينو لبااسل وحرك راسو بمعنى شنو؟غمزوو بااسل بمعنى أجي نقووليك..
مااشي وقتوو أبدا..هو كايشوفوو معصب وعااد مابااغي يتكلم معااه!أكيد غاايزيد يعصبو أكثر
قلب عينوو بقلة صبر وهبط رااسو..قرب باسل لوذنيه وقال
-باسل:ماماا ريم وااجدة وكااتسنى فيك وقالت رااك تعطلتي عليهاا بزااف..واانسى علياا هااد الزمر الوالييد الليلة ليلتك..واااسيير
شااف فيه دياب بعدم تصدييق..وقاابلااتو نظراات باسل البريئة..ماافكرش بزاااف..وحتى كلام بااسل ماخلااهش يشكك فصحة الكلام أولا..
"ماما ريم وااجدة وكااتسنى فيك.."
اخخخ وشحال عجباتو هااد الجملة..أولا بااسل واللي نطق ب "ماما ريم" وثانيا الخبر اللي سمع وباللي حبيبتو كاتسنى فيه..واجدة وكاتسنى فيه..مراتو وحلالوو كاتسنى فيه..وهو شنو كايدير؟معمر دمااغو بتفاهة بحال أساامة!
"هاادي ليلتي وماخااصش نفكر فحاجة أخرى من غير حبي لريم"
هاكدا كان كايقول دياب فنفسوو..تلفت لعند ماماه وقال
-دياب:الواليدة..نتي قلتي غاتباتي عند مروان؟
تنهدات كريمة بقوة على سؤال دياب وسط هادشي اللي هوماا فيه وعلى قصووحية رااسو وقالت
-كريمة:ااه غانبااتو معاهوم أنا وباسل
-دياب:ااه واخا..اوا بسلامة حتى نتلاقاو غدا إن شاء الله
شافت فيه كريمة بتعجب وكيفاش غاادر الغضب من ملامحوو وحلت محلوو ابتساامة..شنو يكون قال ليه بااسل حتى خلااه يتغير وبهاد السرعة!أكيد ماغاداش تعرف..ماهي سنواات وهي كااتحاول تفهم ولدهاا وماقدراتش..وهاهو حتى حفييدها خرج نسخة طبق الأصل عن الأب ديالو..وولات مهمتها أصعب بمرتين..حركات راسها وقالت
-كريمة:ايه..إن شاء الله
تلفت دياب لعند أسامة واللي وقف من مكانو وتمشى وهو خارج حتى استوقفو كلام دياب
-دياب:دير اللي أناا قلت لييك عليه وإلا..
كمل طريقو بدون مايتلفت ولا حتى بدون ماينطق بكلمة..وعلاش غااينطق وهو عاارف نفسو فآخر المطااف خااسر..اييه صحيح مااقضاش وقت طوييل مع دياب..ولكن هاد اللحظاات القليلة كفييلة بأنها تعطييه انطبااع على شخصية ديااب..وحواارهوم مع بعضهووم وحتى الألم اللي كايحس بيه فوجهوو كاافي بااش يفهم أنو خااسر فهاد المعركة..من الأحسن أنو ينساحب
-باسل:الواليد تهلا..وغي بشوية عليها هههه
ضربو دياب على راسو بقوة وهو كايضحك وقال
-دياب:ههه غي قولي يااهااد الشيطان منين كااتعرف نتاا هادشي..فااش كنت قدك كاان كايصحاابلي الرجل والمرا كايتبااوسو ويولدو
ضحك باسل وقال
-باسل:ههه كنتي قديم فعقلك ألوااليد..هاادشي را ضروري نعرفووه..داباا غي قوولي اللي كاايقريوه أستاذات تيتيزات ماغاايعرفش لهاادشي..را أمبوووسيبل
ضحك ديااب من جدييد وقاال
-دياب:هههه هادي عندك..هااه شووف دااكشي دالأستاذات نسااه وعنداك تنطق بشي حااجة قدام ريم وتغرق ليا الضوااساا..كنت كاانضيع شرفي على قبلك وعلى قبل نقطك ههه
-باسل:هههه واييه اوا الله يرضي علييك
ضحك ديااب من جديد ومااحس إلا بدقة جاتو لراسو..وصرخ على إثرها بألم..ماشي هو فقط..حتى باسل
كاانت كريمة اللي ضربااتهوم بجوج وقالت بغضب
-كريمة:ماكااتحتاارمونيش..علاش ماكاتكلموش بالتركية ها؟كااتعيبو فياا! بالله حتى غانقطع ليكوم ريووسكوم
-دياب:أي الوااليدة..وااكااضربيني فليلة عرسي عييب..وحتى ظاالمااني بكلامك بالله فالله عييب..
-باسل:ديماا ظالمااناا..Bu kahreder والله
طلقاات منهوم كريمة وبقاات كااتشوف فيهوم حتى عنقووها بجوج وفدقة وحدة وابتاسمات
-دياب:Annem..دعي معاياا كولشي يدووز بيخير..خاايف بزااف ههه
-باسل:هههه
دفعاتهووم كريمة بجووج وقالت
-كريمة:أستغفر الله
التااحق بيهوم مروان وإلينا..ونطقات إلينا
-إلينا:هاء..خوياا دياب نتاا هنا..ريم عند بالها راك الفوق
شاف فيهوم دياب وقال
-دياب:الإخوان واحد السلام وعليكووم
-مروان:ههههه سير سير 

هاهو الآن وااقف أمام باب غرفتو..أو الأصح غرفتهوم..هو وحبيبتوو ريم..هو ومرااتو وحلالو..
"حلالو"فعلاا كلمة زويينة..كلمة اللي كاتخلي وقع كبير على قلبو..وعااد تأكد من صحة الكلاام اللي كاايقول أن "الحلاال أجمل"..وحس بكل العلاقاات اللي أقاام وكااع البنات اللي مرو فحيااتو لا شيء..علااش تكووني من البناات اللي كاايوليو فحياة الرجل بعد الزواج لا شيء ومجرد قطعة خردة؟علاش مااتكوونيش بحال رييم؟تصووني نفسك وتحفظي شرفك حتى لموعد لقاء الحلال؟اسأءلواا دياب الآن وبشعوروو..اسألو ريم وبشنو كااتحس وهي دااخل الغرفة وكاتسنا فزوجها وحبيب قلبها بفرحة وتوتر كبيرين..
حتى قبل ماايشووفها وقبل مايوقع بينهوم والوو حااس بفرحة كبييرة..حااس بنفسوو غاايطيير من كثرة السعادة..
وضع يدوو على قبضة الباب وفتح ببطء..وتفتح الباب هو الآخر ببطء..
وهاهي ذي..بفستاانها الأبيض..جالسة فوق السرير..كاتفرك فأصابع يديها بتوتر وهي كاتحس بنظراتو ليها..ماقاادرااش تطلع عينيها وتشووف..كااع الزعاامة اللي فيهاا والسنطييحة اللي كااتدفع رااحت فالكلاام الفاحش..
سد الباب وتمشى بخطواات بطيئة فاتجااهها..وقف أمامها وحط يدو على كتفها..لمسة اللي خلاتها ترتعش وكأنها أول لمسة ليهووم..ولكن ماطلعاتش راسها..باقي مهبطااه وكاتفرك فيدهاا بتوتر..
ابتاسم ابتسامة جانبية وهبط لمستواها وطل عليها
-دياب:السلام النعجة..ألوو النعجة وااش معاياا؟
ضحكات ريم وعضات شفتها السفلى وبقات مهبطة عينيها للأسفل..
وقف واعتدل فوقتو وبقى كايشوف فيها..واش هادي عاد جاتها الحشمة؟عوج فمو وجلس حداها جلستو العجيبة..مفرق رجليه عن بعضهووم وعنقها من جنب
-دياب:تي ماالك تزيزنتي؟
ضحكات ريم وأخيرا قدرات تطرد الخجل.."عادي هو رااجلي"هااكدا كانت كاتقول فنفسها
-ريم:لاا ماتزيزنتش
-دياب:قاالي باسل قلتي لييه تعطلت علييك..سمحيلي حيااتي
شافت فيه ريم باستفهام وقالت
-ريم:بااسل!أنا ماشفتووش لا هو لا ماما كريمة..وأصلا عاد طلعت دابا ماتعطلتييش بزااف
حرك دياب راسو يمين وشماال على سدااجتو..جاا ولدوو ودارها بيه..هادي هي علمنااك ووحلنا فيك..ولا كايمارس معاه تقنيااتو..واللهيلا العجب!
-دياب:ااه بصاح ماشفتيهش هه..يمكن ماسمعتش مزياان..اوااا
شافت فيه ريم وقالت
-ريم:اواا يواا
-دياب:شنوو دابا غانبقاو مجمعين هاكداا!..ماتناازلتيش على كلامك اللي قلتيلي قبيلة فلتحت؟
شاافت فيه ريم بابتساامة وهبطات عينيها للأسفل..ضحك حتى بانت ضرسة العقل وعنقها بقوة وقال بهمس
-دياب:seni seviyurum
وقف من مكاانو مخليها مبتااسمة بووحدها كيف الحمقة وقال
-دياب:اواا راعيينا بالشفااوي وريناا التطبيقي!
جمعات ريم ابتسامتها وشافت فيه بعدم فهم..قلب عينو بقلة حيلة وتنهد بقوة ثم قال
-دياب:شكون يدوش اللول أنا ولا نتي
-ريم:هاا؟غي دوش نتا اللول
-دياب:أوكي..
قرب ليها وباسها فخدها..عض شفتو السفلى ثم قال
-دياب:حلوة حلوة..غاانااكلك أبب غاانااكلك
دفعاتو ريم وقالت
-ريم:دياااااب..وااسير دوش سيير
غمزها وقال
-دياب:واخاا أحياتي ماغاانتعطلش بزااف..
عض شفتو السفلى من جدييد وقال
-دياب:مااتصورييش شنوو غاندير فيك ألنعجة..
تلفتات بسرعة للسرير..هزاات مخدة وضرياتو بيها..ولكن هو فينوو؟هي فقط كااتسمع صوت المااء وحتى صوتوو وهو كاايدندن ويصفر..فرحان؟..شي حااجة أكثر
ابتاسمات ريم وهي كاتشوف فباب الحمام وقالت
-ريم:هه حميمق
جمعات ابتسامتها ببطء وتنهداات بقوة ثم قاالت
-ريم:للأسف لحظاتنا مع بعضناا قليلة..لو أننا تجمعنا من أول لقااء لينا..لو أننا تجمعنا قبل كنا غانكونو دابا بوليداتنا وحتى لو متت ماكانش غايبقى فياا الحاال..لو ولو ولو ..ااخخخ أقلبي ربي اللي عاالم بدااخلك..يااربي مااتمحييش هاد الابتساامة ففمو وخليه فرحاان بعد مووتي..ياربي عطييه الصبر..زينب ودابااا أنا!..اخخ ياا ربي اخخ
-دياب:ريييييم..
فااقت من سهوتها ووقفات فاتجااه الحمام ثم قالت
-ريم: Ne aşkım?
-دياب:مديلي الفووطة أحيااتي
هااء أويلي هو دوش بهااد السرعة؟كييف داار ليها؟
-ريم:دغياا دوشتي!
-دياب:وااعطيني الفووطة سربي أزمر ونتي باغاني نباات فالدووش
ضحكاات ريم على كلامو وعرفااتو علاش زرباان..
تمشات فاتجاه البلاكار وهي كاتحيد فالدبابيس دالحجاب ديالهاا..فكاتو ولاحتو على عنقها..خدات الفوطة ودقات عليه
-ريم:هاااك الفووطة
حل دياب البااب ومد يدوو ثم قاال
-دياب:حطيهاا فيدي كاانحشم
ضحكات ريم من جدييد وحركات راسها بمعنى لاحول ولا قوة إلا بالله..واخخ منك أديااب شحاال حلوو اخخخ
مدات ليه الفووطة وماحسات إلا وهي دااخل للحمام معاه..صرخاات فااش شافتو كيفاش واقف وشعروو مبلل وطاايح على عينيه..عضلااتو السدااسية وصدرو الباارز وجسمو المثيير واللي عليه بعض الوشووم..غلقات عينيها بسرعة فمحاولة منها فمنع عينيها فرؤية أشيااء أخرى..وقالت
-ريم:ديااب واش نتاا حمق
خدا دياب الفوطة من يدها وهو كايضحك عليهاا ودورها على خصروو..

-دياب:ااه حمق بييك..أنا غانخرج دوشي على خااطرك
قرب وبااسهاا فخدهاا وقال بهمس
-دياب:مااتعطلييش أحياتي..ماغانقدرش نصبر بزااف
خرج وسد البااب مخليها واقفة وباقي سادة عينيها..وااش تفتحوو ولا لا؟ممكن يكوون بااقي حداهاا وشكوون عرف تشووف حاجة تدخلها فصدمة..ديااب وهي عاارفااه..ساافل لأقصى الدرجااات وبيموووت فقلة الأدب
وأخيراا تشجعات وفتحاات عينيها..وحمدا لله كاانت هي الوحيدة فالحمام..على الأقل ماكاينش واحد من الإنس معاهاا..اواا ولاخرين الله أعلم😂
حيدات الحجاب ديالهاا من على عنقها وعلقااتو فالعلاقة..بقات مداابزة مع الفستاان وبصعووبة قدرات تفتحوو..مااعيطااتش لديااب حيث عارفاه قطعاا غايستااغل الفرصة
جمعات شعرهاا واللي كانت قاداتو ليها إلينا ساامبل ولبساات بووني باش مايدخلش الماا..وغسلاات غي جسمها فقط..نشفااات جلدهاا ودهنااتو بالكريم اللي لقااتو موضووع تما واللي كان براائحة كماا رائحة عطرها تماماا..وعلى ذكر عطرهاا وهي كاتجمع فحوايج دياب فاش كانو جايين للمغرب كانت لقات عينة منو فمعطفو..يكوون خداه منهاا باش يبقى يشموو ويتذكرها بحال داكشي دالأفلام؟أولا عندااك يكون ديال شيوحدة أخرى!
حركاات راسها وهي كااتطرد هااد الأفكاار اللي جااوها فبالها..من بعد هادشي اللي كايدير دياب معاهاا وتصرفاتو معاها وحتى حبو ليها..مستحييل تشك فييه ولو يوقف العاالم كولو أمامهاا هي غاتصدقو هو..اييه نعم لهاد الدرجة هي ولات عااشقة ليه
نقصاات شوية من المااكيااج اللي داايرة بالطريقة اللي قالت ليها إليناا وعاودات عليه شوية باش يباان خفيف..طلقاات شعرهاا وزادتوو الفوليم بأصابع يديها..لبساات الفستاان اللي كان محطووط هو الآخر فعلبة تماا..واللي كاان كولوو عبارة عن ثقووب في ثقووب..كشبكة الصيد..هي هاكدا كاتشووفو
ووقفات كاتشووف فالمرآة أمامهاا وتضحك لانعكااسهاا..وتدور تشووف فجسمهاا وواش كاتبان زوينة
لوات فمهاا بطفوولية وقالت
-ريم:أويلي غانخرج عندوو هاكداا حشوومة..أشهااد قلة الأدب ولاات فياا
ضربات راسها بيديها وقالت وهي تخاطب نفسها
-ريم:رييم رجووع الله هاداك را رااجلك..وأصلاا هادي هي سنة الحيااة..على الأقل مانمووت حتى نجرب حتى أناا..ونشووفوو هادشي اللي كايشكرولينا فيه وااش نيت زيين ولا لاا..تشجعي..هو رااجلك..مااتحشمييش الا حشمتي هو غايمشي عند اللي ماكااتحشمش ونتي بقااي تحسبي فالذباان..هاكدااك نفخي صدرك..ابتااسمي..وتمشااي خطوة خطوة
تنفساات بقوة وخرجاات من البااب وهي كاتمشى على أصاابع رجليها..وكااع داك الكلام اللي قالت لنفسهاا والنصاائح الموجهة ليهاا نسااتهوم فور ماشاافتو متكي فووق السرير بشوورط قصيير والفووق عاري..واللي فور ماشاافها هاكدااك بفستاان أحمر واللي عااكس لونها الأسمر وشعرهاا الأسود الطوييل والنااعم..وكيفااش مهبطة رااسها للأسفل بخجل وواقفة فمكاانها..بالله فالله هي فتنة..هو ماشي موضووع جسم فقط!..واخخ شحاال ديال الأجساام ممشووقة صور..شااف..لمس..وحتى أشياء أخرى لادااعي لذكرها ولكن هي حااجة أخرى..هي مميزة..هي مختلفة عليهوم كولهوم..بخجلها وابتساامتها وغمازااتها..بطفوليتهاا..هي راها
-دياب:Güzel..güzel
قرب ليها أكثر ووقف كايتمعن فجسمها النحيف والممشوق..قربها بيدو حتى تساطح صدرو مع صدرها وأشياء مع أشياء هي الأخرى لا داعي لذكرها😂..دخل راسو فعنقها وقال فأذنها بهمس

" ماذا جنيت حتى تذيبني عيناك؟
أوقعتني بهواك؟
ألا تخاف ربا يسلب ما أعطاك؟
فهل أرتوي من جداويل ينبوع شفتاك؟
قمر أنت وأنا أعشق الأفلاك.."
*خربشاتي المتواضعة Imane Ajalat*

-دياب:شنو ندير فيك أناا همم؟نغرق فبحر عيوونك أولا نغرقك فبحر قبلااتي؟شنو ندير فهاد الشفايف؟..شنو نديير فهاد العنق ها؟
ماخلاهااش تجاوب وقبل عنقها بكل حنية وبطريقة خلاتها تنسى خجلها وتبتاسم..وحتى تحيطو بيديها..قربات هي الأخرى لحدا وذنو وقالت بصوت أنثوي وهي عاضة على شفتها السفلى
-ريم:دير اللي بغيتي..كولي ليك
واخخخ شنو داار فيه صوتها اخخخ..بالله فالله هي غااتسطيه وهاد شوية دالعقل اللي عندو غااتطيروو..مع طيوور النورس...
"كاااتسنااو فالسفاالة يا ساافلاات😂مااصدقتووش😑"

🌼🌼الصباح..فالسرير واللي فراشو مبعثر
فااق ديااب على أشعة الشمس اللي ضرباات فعينوو..كولو عرياان ولايح على نصفو لتحتاني إيزار..لااح يدو فجهة رييم ولكن ماقدرش يقييسها..جمع حواجبو وفتح عيونو بصعوبة..مااشاابعش نعاس والسبب الظاهر عارفينو..
جلس فبلاصتو وهو كايتفكر أحداث ليلة البارحة..كيفاش كانو جسم واحد..كيفاش فرح فاش شاف دماء عذريتها..
ابتاسم ودور عينو فالغرفة كايقلب عليها ولكن ماكانتش
-دياب:ريم
توجه للحمام وهو عريان..فتحو ولكن ماكانتش..لبس عليه شورط دغياا وهبط بسرعة فاتجاه السفلي كايبحث عليها وينادي باسمها..ولكن لا هي ماكايناش وكأنو الأرض تشقاات وبلعتها..خرج للحديقة وهي الأخرى كانت فارغة فقط أثاث ليلة البارحة
-دياب:فينك أريم فينك؟!

🌼🌼فالحديقة..
كاايجمعو فالأثاث دالبارحة ويوشوشوو بصوت منخفض
-مريم:تي ماال هاد العسااس حااضينا
-آية:غاايكون تزعط فييك ههههه
قلبات مريم عينيها وجمعات لينااب دالطبلة
-مريم:هاانتي ياختي على الزهر..سعدااتها
-آية:شووفي الداار قدااش ولابيسين تشهااي غي تعومي فيه..علم الله هااد راجلها كيف غايكوون
-مريم:كييف غايكون فملك الله حتى نتي مهند..غاايكون شي سدااري بووكريشة مزوج بوحدة قد بنتوو..وااحد صغير وزوين ويكونو عندو الفلووس صعييب تلقاايه
-آية:وامااكاينش أصلا باش تلقاايه..بفف سربي سربي نجمعو هادشي دابا يصونيلينا المديير ويبقى يهلل عليناا عاود
-مريم:الناس كايتزوجوو وحنا كانظمو ليهوم فالأعرااس بقيناا بايراات
-آية:سمحيلي أختي والله وماكاان زيين لااديتوو ماعندي ماندير بشي شويرف تلا بيا الأيااام نبدل ليه فليكووش..
جاا دياب لجهتهووم كاايقلب على ريم..بشعروو المبعثر وصدرو العاري..ولابس شورط قصيير..
فتحات مريم فمها عند حدوو وهي كاتشوف فيه ومامصدقااش عينيهاا..واش هادا حقيقي؟
-آية:الشعر يكون رطب كيف شعر العااود..ويكوون طويل كيف السلووم..ويكونو كتاافو عرااض ماايدخلووش داك البااب..هااه ويكوونو عندو دوك العضلاات فالكرش كييف الفرااكة تشهااي غي تفركي فووقهووم..هااححح ياختي ذبت وأناا كانعاود لييك
-مريم:ويكوون وااشم؟
-آية:يكوون دفتر وسخ كااع..وااغي نلقااه هاكداا يكوون وااشم حتى ***..تي مالك فاش حالة فمك هانااري؟
تلفتاات آية هي الأخرى وفتحات فمها بصدمة كااتشوف فهاد المخلووق اللي جاي لجهتهووم ومخنزر
-آية:يمكن الشمس دوخااتناا
-مريم:بصااح أختي بصااح..الله يرحمني
-آية:سكتي نتي عندك بووركاابيك أنا اللي باايرة
وقف دياب أمامهووم وقال
-دياب:صباح الخير
عاد كانت غاتنطق مريم وهي تقفز آية وقالت
-آية:صبااح الورد للنااس الورد..الله يسعد صبااحك وأوقااتك
شااف فيها دياب لبرهة وقلب عينو لعند مريم
-دياب:احمم..قولولي..ماا..
حك ورااء عنقو بخجل وهو كاايحاول يطرح عليهوم السؤال واش شافو ريم..ولكن ماقدرش..هوما شنو غايقولو..عروستو هرباات فصباحهاا
بقاو بجوجات كايشوفو فيه وكايتسنااو منو السؤاال..تنهد بقوة وقال
-دياب:نسااو..كملوو خدمتكووم..نبغي الجردة تبقى نقية وترجع كيف كاانت..الا محتاجين لشيحااجة راهو العساس
-آية:كيفااش..دابا نتا..هو مول الدار
ابتاسم ليها دياب ابتسامة صفراء وقال
-دياب:لا أنا الجاارديني
-آية:ااااه قوول هااكداااك
شااف فيها دياب لثواني وقال
-دياب:شنو سميتك ألغزالة؟..ولا عرفتي شنوو والوو..
ومشى مخليهوم وااقفين مصدومين
-آية:قالي الغزااالة..سمعتيه ولا غي تخيالت يمكن
عوجات مريم فمها وقالت
-مريم:رااه غي جااردينيي..بفف المديير كاايصووني..عيطي للدراري يجيو يهزو هادشي
-آية:نعيطو للجاردينيي يعاونا بلاش من الدراري غير غانعذبوهوم معانا
-مريم:عيطي للدراري بلا هضرة زاايدة
تمشى دياب فاتجااه العساس وقال
-دياب:صباح الخير
-العساس:صباح النور سيدي
-دياب:احمم..بغيت نسولك..مراتي كان عندها واحد الغرض برا الدار..ايمتا خرجات
-العساس:ااه أسيدي عي خرجاات ساعة ونص تقريباا..ركبات فطاكسي ومشاات
-دياب:ااه طااكسي..واخاا..شكرا
تمشى خطوات ودار بسرعة ولقى العساس كايشوف ليه فظهرو ومتبع عضلاتو وحركتو
-دياب:ااه..شووف دووك البناات عااونهووم يخويو الجردة دغيا..مانبغيش نلقاهوم هنا
-العساس:احمم واخا سيدي
تمشى دياب وهو داخل للدار ومعصب..فين تكون مشات هادي بالطااكسي؟وعلاش ماعلمااتوش؟هو ماكانش غايمنعها تمشي فينما بغات..علاااش حطاتو فهاد الموقف وولا كاايسول النااس على مراتو وفين مشاات؟هي راها حطاتو فموقف خاايب بزااف وهبطات من رجولتو بفعلتها..كيفما كان السبب كان خااصها تعلمو..هو كان صارم معاها فأمور بحال هادي..هو تمنى يفيق ويلقاها ناعسة بجانبو..يلعب بشعرهاا ويفيقهاا بقبلااتو وعلاش لا ينووض يدير ليها الفطوور!..ولكن لا..هي راها خلاتو لوحدوو ففراشهوم..فصبااحهووم واللي كاان لازم يكونو مع بعضهوم..
-دياب:أشنوو كاديري أريم أشنو؟..فينك فيينك؟..حساابي معااك هو اللخر ماغانسااهاش ليه..
طلع لغرفتوو ولبس علييه بسرعة وهو معصب..لدرجة أنو فقد أعصابو ومااقدرش حتى يغلق الساعة اليدوية ديالو..
هبط بسرعة مخلي بااب غرفتهووم مفتوح..غرفتهوم اللي شااهدة على اللحظات اللي عااشو ليلة الباارحة..لحظاات كلها رومنسية وحب

"كيف أصبحنا جسدا واحدا..قلبا واحدا..روحا واحدة..أنفاسا واحدة..نبضات واحدة..ومشاعر ترتجف في آن واحد..
كيف تخرج آهات حبنا معا..كيف تنطق ألسنتنا عبارات واحدة.."
*خربشاتي المتواضعة Imane Ajalat*

غلق حاسوبو بقوة ولاحو فالكرسي الخلفي للسيارة وصرخ بقوة
-دياب:علاش مخلية تيليفونك فالدار علاش؟..اعععععع

الأخوة شيء جميل جدا..نعمة كبيرة من عند الله وكل واحد فيناا عندو أخ أو أخت خااص يشكر الله علييه..ايييه ضرووري مرة مرة من الكوومباات والعرااك ولكن فااش غاايخطااوك غااتحس بغياابهووم..
شي حااجة ثميينة بزااف..تلقى الصدر علاامن تسند فأوقاات الشدة ولحظاات الحزن..وتلقى اللي يقفز معااك من كثرة الفرح ويسعد معااك لإنجازااتك بدووون غيرة أو حسد..هي علااقة زوينة ولكن للأسف فزمااننا وليناا كانشووفوو خوت فالمحاكم مخااصمين..خووت مقااتلين بسبب الغييرة والحسد..أخت كاتغدر ختها مع زوجهاا أو العكس..
فااتي وأساامة..نمووذج سلبي كااايعبر على هااد العلااقة..أخت وأخ واللي من صغرهووم وعلاااقتهوم مكهربة..شخصية أسااامة الباردة والمستفزة وشخصية فاطمة الزهراء المتمردة واللي كاااتبغي تخرق القواانين خلاااتهوم ماايعيشووش هااد الأخوة..
أساامة كاان كايشووفهاا فوضعياات اللي كاان لازم عليه يتعصب ويجرها من شعرهاا وحتى يحبسهاا فالداار عقاابا ليهاا..هذاا هو دور الأخ الكبيير ولكن لاا..هو ماكانش كاايعيرها أدنى اهتمام ومازال..عاارف عليهاا كولشي حتى عاارف أنها مازوخية وعاارف أنو أشقر ساادي ومن بعد!هاادشي ماكاايهمووش..هو كاايهموو نفسو وفقط..ولو أنوو كلام النااس دائماا مطااردوو وكاايعصبو..
تذكر كلاام دياب ليه..فاش قاليه حضي ختك ودير فيك النفس..وحتى فااش قال أنها لذيذة..تذكر تصرف أشقر معاهاا..لو أنو كاان عاطيهاا قيمة حتى أشقر غاايعطيهاا ليها..
دور وجهو وهو كاايشووف فأدلر كاايفطر..أدلر اللي فور ماكايقوليه خالي كايحس بقلبو كايفرفر..وحتى كايتذكر أنو عندو أخت..أخت للأسف اللي هاملها
-أسامة:الواليدة نتي غاتدي أدلر للمدرسة ياك
-زهرة:ااه عييت من الدار بغيت نتحرك شوية..ونتا شنو غاتدير اليوم
-أسامة:غانمشي عند فاتي وراجلها
بلعات زهرة طعامها وقالت
-زهرة:ولدي حنا ماقادين على مشاكل شوف وجهك كيف ولاا الباارح..خلي هاد الأيام اللي بفات لينا فالمغرب تدوز بيخير
قلب أسامة عينو بعدم صبر..هي كاتكلم معاه بحال شي طفل صغير وكأنو ماقادرش يدافع عن نفسو
-أسامة:غانمشي باش..نصلح الأمور بيني وبين ختي..أشقر ماكايهمنيش
ابتاسمات زهرة وشافت فيه بعدم تصديق وقالت
-زهرة:هه بصاااح أولدي..الله يرضي علييك..تصالح مع ختك..حنا كاع كانرتاكبو الأخطاء ولازم نتجاوزوهوم ونكملو حياتنا عادي..فاتي كاتبغيك بزااف وديما المبادرة منها هي ونتا ديما كاتصدها وتحرجها..دابا جاات نوبتك
-أسامة:ااه بصاح..
🌼🌼فمنزل أشقر..
خارج أشقر بستايلو الكلاسيكي..مرجع شعرو للوراء ولابس نظارات شمسية..وعاد كان غايفتح سيارتو حتى كايبان ليه أسامة جاي ناحيتو بسرعة قوية وكأنو باغي يدخل فيه..وعلى بعد أمتار قليلة توقف وخرح من السيارة وهو كايضحك
-أسامة:هه خاصك تشوف ملامحك كيف كانو..كنتي مخلوع ههه
شاف فيه أشقر بتخنزيرة وهو ماطايقش ضحكو..ايه فعلا خاف حاجة طبيعية زيد على ذلك أسامة أحمق ويقدر يديرها بصح ضروري يخاف
-أشقر:شنو بغيتي مامساليش ليك عندي مايدا..
-فاتي:خوياا..نتاا هنا
دور أسامة راسو ناحية الصوت ولقاها..فاتي أختو..ولكن بلاتي هي مختالفة..هاء أكيد هو فقد البصر..فاتي لابسة الحجاب..واخخ كيف جااها زوين اخخ..واخخ شحال حس بفخر كبير وهو كايشوفها مبتاسمة وكاتقرب ليه..ولو على فمها ضربة صغيرة وظاهر صاحبها ولكن كاتبان جميلة..من ديما وملامحها بريئة ولو تشوفها تحلف أنها ماكاتديرش هاد الفعايل
-أسامة:ختي!
ضحكات فاتي وقربات أكثر حتى عنقاتو..عجباتها بزااف كلمة"ختي"هاد الكلمة اللي نسات أخر مرة سمعاتها..حتى أنها محتاجة لحضن بعد ماعاشتو ليلة البارحة مع أشقر..وفات بوعدها لنفسها وبدات فالتغير..
قيل أن حب الأخ كما الجبل الذي عندما تميل بك الدنيا..تسند نفسك عليه عند الشدائد..رب الكون قال سنشد عضدك بأخاك فكيف لا أحبه؟
-أسامة:ختي..أنا بغيت..نكونو خوت
ضحكات فاتي وقالت
-فاتي:هه حنا أصلا خوت
حك أسامة راسو بحرج وقال
-أسامة:زعما..ترجع معاملتنا كيف أي أخ وأخت..وأي حاجة محتاجاها أنا غانعاونك فيها..وماغانبقاوش كيف الغرباء(شاف فأشقر)وأي واحد أذاك أنا غاندفعو الثمن
لاحظات فاتي شوفاتهوم وقالت
-فاتي:لا أنا وأشقر مابيناتنا حتى مشكل..حنا لقينا الحل..وغانغيرو فنفسنا بجوج للأحسن أكيد..فرحت بزاف لكلامك أخويا
-أشقر:ضروري تقولي ليه شنو غانديرو زعما؟
شافت فيه فاتي بمعنى سكت وعنقات خوها من جديد..قلب عينو للجهة الأخرى وهو ماطايقهومش وماطايقش الكم دهاد المشاعر مع الصباح
ضحك أسامة وقال
-أسامة:كايقولو فتنة الإخوان عرس الشيطان..اوا الشيطان الله ينعلو
قلب أشقر عينو وهو متجاهلو..الصباح هادا وهو ماشابعش نعاس..طبيعي ماهوما مانعسو حتى لقاو الحل كيف قالت فاتي..ولو أنو مالقاوش إلا بعدما تعذبات فاتي شوية لكن الأهم لقاوه
تمشى مرة أخرى فاتجاه سيارتو حتى كايشوف سيارة أخرى جاية لجهتهوم..حيد نظاراتو الشمسية و وصغر عينو..بقى هاكداك حتى وضاحت الصورة وقال بتعجب
-أشقر:ديااب!

وقف دياب السيارة وخرج وهو مخنزر ونافخ صدرو..حيد نظاراتو الشمسية وقال
-دياب:السلام
شافو فيه بتعجب..هذا شنو كايدير عندهووم؟هاداا عااد الصبااح خاصو يكون مع مراتو وماشي هنا..
-أشقر:السلاام
حك دياب تحت أنفو بحرج..بااغي يسولو ولكن ماقاادرش..رجولتو ماكاتسمحش ليه يسول رجل على مراتو..دور عينو شااف فأسامة وفاتي..هاد الأخيرة اللي كاتشوف فيه بترجي..عند بالها هو غاادي يفضحها..كااتطلبوو بنظرااتها باش مايفضحهااش..وحتى قالت كولشي تقاد..غاتعاالج هي وراجلها ويعيشو بشكل عادي..وحتى تصالحات مع خوها..ماامستاعدااش لمشكل بحال هذا وفهاد الوقت..هي بغات هاد السر يبقى بينها وبين دياب فقط!..وشكون عرف ماايتفضحش حتى يوصلو لعمر باباها وخالتها سمية الأهم مايتفضحش دابا!
قلب دياب عينو وهو متجاهلها..عارفها فاش غاتكون كاتفكر وهو مامستااعدش لموضوع بحال هاداا فالصبااح..عندو أشياء أهم..
تنحنح بحرج وأخير قال لأشقر
-دياب:احمم..بغيت نسولك..ريم ماجاتش لهنا..هي قالت غااتجي..تاخد الحوايح اللي بقاو ليها هنا باش ماتبرزطكومش وتيليفونها طافي..احمم المهم وتشوشت عليها..هي عندكووم
شااف فيه أشقر باستفهام وقال
-أشقر:لاا هي ماجااتش لهناا كاع..فين تكون مشات؟
تنفسات فاتي الصعداء خصوصا أنو موضووع دياب بعيد عليها وقالت وهي كاتحاول تخفي توترها
-فاتي:غاتكون غي خرجات تدور شوية وتشم لهواا
ضحك أسامة باستهزاء وقال
-أسامة:هه تشم لهواا فصبااحها..علم الله شنو شاافت حتى فااقت فالصبااح وغبراات هههههه
شاف فيه دياب بغضب كبيير وقرب لعندو ثم قال
-دياب:نتا شنو كاتقصد..هي شنو غااتشووف ها؟أناا راقااد بيك نتا وبعشرة بحاالك ألز***..(شاف فأشقر ورجع شاف فيه باستهزاء ثم قال)ولاا يااكمااا بااقي فيك العقدة دملاااك..حبيبة قلبك ههههه
خنزر فيه أساامة وقرب ليه هو الآخر بغضب..كانت كاتفصلهوم بعض السنتمتراات وبجووج فوضعية هجووم..
شاافت فاتي فأشقر وغمزو بعضهوم وكل واحد جر لاخر لعندو
-فاتي:خوياا صاافي الصبااح هاداا..ديااب بدل سااعة بأخرى
دفع دياب أشقر بقوة وقال
-دياب:طلق مني أ***(شاف فأسامة وقال)باانلياا مااقدكش الكرم اللي كرمتك الباارح فدااري ولكن كوون هاني..أناا غانكرمك مزيااان لدرجة ماغاتقدرش تمشى..ولكن ماشي داباا..عندي ماايداار ومامسااليش لرويجل فحاالك
-أسامة:أنا غانتسنااك وواجد الوقت اللي بغيتي..داباا سير قلب على ريماا هي اللولاا راهاا عزيزة بزاااف 
زير دياب على يدوو بقوة حتى برزو الأعصاب فيديه..باغي يضربوو ويمسح بوجهو فالأرض ولكن لا!هو عاارفو غي كايحاول يستافزو وماغايخليهش يوصل للي بغا..ضحك باستهزاء..غمزو وقال
-دياب:قيد عند حتى هادي ألخويينز..قيد
تمشى فاتجاه سيارتو وتبعوو أشقر بسرعة
-أشقر:خوياا واقع شي مشكل..أنا نقدر نعاونك الا بغيتي
لو كااان جااا هاد الكلام قبل سنواات كان ممكن يقول ليه..باللي فاق ولقااا نفسو لوحدوففراشو..حبيبتو وزوجتو ماعارفهااش فينهاا وبحال اللي الأرض تشقات وبلعااتهاا..ولكن دابا مايقدرش..اييه واخا سامحو ولكن مايمكنش يرحع معاه كيف كاان..وماايمكنش صدااقتهووم وعلاقتهوم واللي كانت كاتتعدا الأخوة ترجع كيف كانت..الحاجة مني كاتكسر كاايصعاب ترجع كيف كاانت..
قلب دياب عينو وقال
-دياب:لا ماوااقع والوو كيف قالت فاتي غااتكون خرجات تشم الهواا
لبس نظاراتو الشمسية وطلع فالسيارة ثم كسيراا بقوة كبيرة مخلي كل من أشقر..فاتي وأسامة متبعينو بعينيهوم
خنزر أشقر فأسامة وقال
-أشقر:هااد المرة أناا اللي غاانزوق ليك الجهة الأخرى دوجهك ونكمل على اللي داار دياب..بقااو ليك أياام قليلة اواا خلينا مزياانين أ***
-أسامة:جرب وتشوووف!
-فاتي:أشقر نتا شنو كااتقول..هو شنو داار ليك كااع
خنزر فيها أشقر هي الأخرى وقال
-أشقر:لاا ماادر والوو غي كاايدخل راسو فأشياااء ماسوقووش فيهاا..ديهاا فك** أسي ز** ودير شيحاجة زينة فحيااتك..هانتاا راعطاا الله البناات فهااد العاالم ديليك شي شينوية وهنيناا..كوون هااني ماغااناخدهااش منك براكة علياا غي ختك منوضة فياا الشييب..
فتح باب سيارتو وقال
-أشقر:أنا غانجيب أدلر غي بقاي نتي ونسيبي العزيز وعيشو الأخوة
لبس نظاراتو الشمسية وركب فالسيارة وكسيرا هو الآخر بسرعة
-أسامة:هادا هو الحمااق أناا شنو قلت كااع؟..اللي كايقول الحق ديما كايكون خاايب..يخخ على قوم
شاافت فيه فااتي بنظرات متعجبة..هو ماقال والوو غي لمح بأشيااء واللي هي عاارفة أنها ماكااينااش..عارفة دياب وعارفة مؤهلاتو مزياان..عمرها تنسى ديك الليلة معاه..أبدا
-فاتي:خليناا منهووم..كييف جاني الحجاب زوين؟
عنقها أسامة من الجانب ودخلو للداخل ثم قال
-أسامة:اييه اييه زويين..ولكن ماابقااتش فالمظهر خااصك تبدلي حتى فالدااخل ديالك..وتبدااي تصلي
شاافت فيه فاتي بصدمة وقالت
-فاتي:ونتا كاتصلي؟
-أسامة:لا ههه
-فاتي:هههه ولاش كاتنصحني أناا..بفف هادشي ماخصنااش نضحكوو فيهوم..الله يهدينا
-أسامة:همم أمين

ساايق بسرعة عاالية..حوااجبو مجمووعين وغاايتفركع من كثرة ماهو معصب..
هي شنو كااتحاول تدير؟شنو بغاات تعني بهاد التصرف؟هي كاانت فرحاانة معاه..لا بل كاانت طاائرة نورس كااتطييير فالسمااء من كثرة سعاادتها..كيفااش كان حنين معاهاا وحتى رومنسي خلاتهاا ترفرف وأي أنثى كانت غاتحسدهاا عليه..شخص فحال دياب ناادر وربما أكثر من الجواهر الثمينة!شخص اللي يحتاارمك كأنثى ويعطييك قيمة ويحتارمك أمام الناس وحتى ونتوما بجوج لوحدكوم..يتجااوز عن أخطااءك ويتحكم فأعصاابو ويضعف أمام دمووعك..يديير المستحييل على قبلك وحتى يقدر يفدي روحو..شخص اللي ماكايهمووش كلام النااس وثاايق فييك ثقة عميااء..
كيفااش كاايخلييها تخرج من حالة حزنهاا ويضحكهاا..حتى أنو ماشي حبيبها فقط..هو فكااهي..طبيب نفسي..حااجة أكثر..فدقائق قليلة كااينسيها فكل همومها كيفما كانت كبيرة أو صغييرة ويرسم الابتساامة على فمها..كاايخليهاا تتصرف بكل عفوية أمامو وكاايزيل كل الحدوود اللي ممكن تبعدهوم عن بعضهوم..شخص اللي ماكايكذبش عليها ويبين أنو ملاك..بل على العكس كايعتارف بأخطاؤو ليها..باختصاار شخص كااايعشقها بكل ماتحمل الكلمة من معنى بحسناتها وعيوبها..حتى أنو كاايعشق التراب اللي كاتمشى عليه..فنظركوم هاد الشخص ماشي ناادر؟فنظركوم هااد الشخص شنو يكوون دار بااش تتصرف معاه هااكداا وتخليه يهبط برجولتو وحتى كبرياؤو ويسمع لكلام يضرو فقط يلقاها هادا الأهم؟
هو هاكداا كاايفكر..كايقول أنا ماقصرتش من جهتها أبداا وتصرفت معاها لحال شي أميرة..هو مادار معاها حتى حاجة خاايبة وواخاا كاع اللي وقف فعرسهووم هو فور ماادخل لغرفتهوم نسا كااع اللي فالخاارج وخلا قنااع الغاضب والمعصب فالخاارج..ولبس قناع الرومنسي المرح..يعطي كل ماكاايملك فقط يعرفها فين مشاات فالصبااح الباكر وبدون علمو..وحتى ساعات دازو وهو كايبحث عليها وباقي مابانتش..هو غاايتسطى من كثرة التفكير..وحتى من الوسواس اللي بدا كاايلعب فدمااغو..اييه صحيح هو كاايثيق فيها ولكن كاايبقى رجل وتفكيرو تفكير رجل شرقي نوعاا ماا..وحااجة طبيعية عقلو يهيأ لو قصص
-دياب:رييم ماغااتديرش حاجة اللي تضرني..هي غااتجي داباا..أنا متأكد
سمع صوت هاتفو وخداه بسرعة..عند بالو هي حبيبتو وسارقة قلبو..زوحتو وعروستو..
-دياب:وي مروان
-مروان:شنو الجديد..لقيتيها
تنهد دياب بقوة وقال
-دياب:لا..نتا ماعندك حتى فكرة فين تقدر تكوون..مااعندك حتى فكرة على السبب اللي خلاها تدير هاكدا وتختافي فجأة ها؟
بلع مروان ريقو بتوتر..ماعارفهااش فين مشاات وحتى قاال هي بيهير وغاتقول لدياب على مرضها..تتعالج وترجع الحياة لطبيعتها وخرج ليه اختفاءها من الجنب..يكون اللي فبالو بصاح؟تكون هربات؟
هو شنو غايقول؟يقول باللي ممكن تكون هرباات..هربات هي وورمها الخبيث باش تموت فسلام بعيدة عليهوم كلهوم!
-مروان:اا لاا أنا ماعندي حتى فكرة..احمم قولي نتا ماقدرتيش تعرف فينها..نتاا هادا هو ميدانك الإعلاميات وداكشي
صغر دياب عينو بشك ونقص فالسرعة دسيارتو بعدما لاحظ أنو غادي بسرعة عالية..ثم قال
-دياب:ماقدرتش نتتبعها..تيليفونها خلاتو فالدار..بحال اللي مابغاتناش نوصلو ليها..ومابغاتش نتكلمو معاها..بصاح نتا ماعندك حتى فكرة؟مامخبي عليا والو يااك أمروان؟
عض مروان شفتو بتوتر..دياب شخص ذكي ومايمكنش تداار بيه..حتى أنو رد البال لنبرة صوتو ولاحظ توترو..وخلاه يشك بسرعة
-مروان:اا لاا أنا ماعارف والو..مني نتفكر شيحااجة غانقولها ليك
تنهد دياب وقلب عينو ثم رجع شاف فالطريق مرة أخرى ثم قال
-دياب:فينك نتا دابا؟
-مروان:اا أنا فطريقي للعيادة..بغيتينا نتلاقاو؟
-دياب:لا لاا ماكاين لاش أنا قاد بشغالي..الواليدة وباسل بيخير
-مروان:اااه بيخير كوون هاني..كانو بااغيين يجييو لعندكوم وأنا منعتهووم..قلت ليهوم خليهوم يبقاو بووحدهوم
-دياب:أحسن مادرتي..أصلا ماكاين لاش نشغلوهوم على والو هي غااترجع مااعندها فين تمشي
-مروان:ااه..عندك الصح..هي غااترجع..أصلا علاش غااتهرب
جمع دياب حواجبو بشك وقال
-دياب:مروان غانعاود نسولك نتا عارف شيحااجة وأنا ماعارفهااش؟
-مروان:لاا لا أنا مامخبي والو..وصلت للعيادة والمرضى كايتسناو بسلاامة..مني يكون الجديد قولهالي غايبقى بالي مشطون
-دياب:ااه بصاح غايبقى بالك مشطون..غانعلم بالجديد..عمل موقف
-مروان:حتى نتا..
قطع معاه دياب ولاح تيليفونو فالكري اللي حدااه وضرب الفولون بقوة وصرخ
-دياب:اععععع..فيينك أرييم فيييينك
وقف السياارة فجاانب الطريق فور مااحس بنفسوو بدا كايفقد التحكم فالسيارة بفعل أعصاابو المتدمرة..لاح نظاراتو بجانب هاتفو..شد راسو بين يديه حتى طاح عليه شعروو على عينيه وبقا كاايفكر
ماعاارفش شنوو غايدير..وحتى ماكايعرفش الأحيااء دالمدينة وماعارفش الأماكن اللي ممكن تكون فيهوم والظاهر مروان عارف وكايتستر عليها..
حس بنفسو ماافيدووش وكيفما ماقدرش يحمي زينب من الليخلاوها تتعاطى ماقدرش يحمي ريم

🌼🌼مدينة سلا..المقبرة
نااعسة على قبر الأم ديالها وكاتبكي..
-ريم:خوديني معااك أماماا خووديني اهئ..أنا بغيت نمشي عندك نتي وباباا..توحشتكووم بزااف..هاانتي..بنتك ولااات امرأة مزوجة وولات عندها أسرة برهووشتك كبراات أماما ههه(تحولات ضحكتها لبكاء)اهئ جااوبيني أمااما جااوبي..نتي كاتسمعيني يااك هاا؟نتي رااضية عليا أماماا..أناا درت باللي ربيتيني عليه نتي وباباا..حفظت شرفي حتى لقيت الزوج المناسب لياا واللي أي وحدة فهاد الدنياا تتمناه زوج ليها..عقلتي فاش كنتي كاتقوليلياا أغلى حااجة عند البنت هي شرفها..وأحسن ليهاا تمووت على أنها تفقد شرفها..أحسن ترجع لعند بارئها وهي طااهرة من أنها تعيش أيام إضاافية بصفة وحدة وسخة..
نااضت من فوق قبر ماماهاا..مسحات دمووعها بأكمام ملابسها..ابتاسمات وهي كااتقيس فتراب القبر وحتى وهي كااتشووف فالورد اللي وضعاات فووقوو..الورد الكثير اللي شراات ووزعاتو على قبر بابااها واللي هو الآخر ماسلمش من بكااؤهاا وشكايااتها..وحتى على القبور المجااورة ليهووم..
-ريم:هه مااقلتش ليك أماماا..بنتك مرييضة..حتى أنا غانمووت بنفس المرض دياالك..نفس الورم اللي خدااك مناا حتى أنا غاياخاادني من هااد الدنيا..عارفااك غاتكوني مقلقة..وغاتكوني فاهمة باللي هاادشي ورااثي وومكن تحملي نفسك الذنب..ولكن هذاا قدر وخااصنا نرضااو بيه..وو أناا راضية بيه..ومامقلقااش..وماكاانفكرش فديااب وكيفااش غايحس من بعد موتي اهئ..ماكاانفكرش فيه شنو غاايدير وكيفاش غاايعيش ثيقيني أمااماا اهئ..أنا عارفااه قوي وغاايتخطى حبي..هو غااينساني..أصلا ماعشنااش مع بعضنا بزااف ومابقاش لينا مع بعضنا بزااف..وماغايكوونش تعلق بياا بزااف..زينب عااشت معاه أكثر مني وهو الظااهر نساها..وغاتجي شي وحدة اللي تنسيه فيا حتى أناا..شي وحدة اللي تكون كااتستحق شخص بحال دياب..يمكن نجيك حمااقيت..كاانفكر فيه شنو غاايدير من بعد مووتي ههه..ولكن شنوو ندير..أناا كاانبغيه بزااف أمااماا بزااااف..لا بل كاانعشقوو..ولو يجيبو لياا أوسم الرجاال فهاد العاالم ماغايباانووش قداام دياب فعيني..ولو كاان كايبانلي نسونجي وعينو زاايغة وضحكوو بااسل وساافل ولكن..على الأقل هو ماكاايخبيش والا كايديير الحاجة أماام أعين النااس أحسن من اللي كاايدير بالسر وفالأخير فاش كايتفضح كاايصدمك..لو أنك بقيتي حية حتى تشووفيه غاايعجبك..(بابتسامة منكسرة)كاايدخل للخااطر دغيااا..وحتى بدون مايااخد الإذن..حلوو بزاااف وروحوو مرحة..رجل تعولي علييه..فاش كايكون معايا كانحس بأماان كبيير..مغياار ودمو سخوون كييف كنتي كاتعاوديلي على بابا هه..فيه شي حااجة مميزة عن بااقي الرجاال..هو ..هو بطلي..هو نورسي..ههه عرفتي أماما شنو سمينا قصتناا..عشق النوارس زوينة يااك؟(جمعات ابتسامتها وقالت)للأسف هااد القصة نهاايتها حزيينة وماشي كيف مسلسلاات وقصص الحب..للأسف النورسة..وبعدماا تشجعاات وقدرات تهاجر من بلاادها وتبحث على حبيبها النورس..وحتى بعدما لقااتو وعاشو أيام سعيدة وكلها حب..اكتااشفاات أنو الوقت فااات وبزااف..اكتااشفاات أنها ماغاتقدرش تعييش معاه أكثر..أنوو عنااء السفر وعنااء السنواات اللي مرت مشاا بدون نتيجة..اكتااشفاات أنها غااتمووت وتخليه لوحدو..حتى يلقى طائرة نورس جدييدة واللي يبغيها..حتى لو يبغيها أكثر منها ماكايهمش..الأهم أنه يكوون سعييد..اكتااشفات أن حياتها وصلاات للنهااية..وأنهاا واخا قدراات تنجى من النسوور اللي كانو كايترصدو ليها ويحاولو يصيدووهاا ويلتااهموووهاا..واخاا قدرات تنجوو من الريااح المعااكسة لحركتها واللي كاتخلي أجنحتهاا تعوج..هي غااتمووت موتة ماكانتش متوقعااها..غااتموت غاارقة فالبحر بين أمواجوو..هاد الأموااج واللي شحال لعبات فووقهوم وشحاال كلاات من سمكهووم..غااتمووت بمرض واللي بسبابو هي قررات تولي طبيبة وياماا عاالجات نااس منوو وكاانت فخوورة..وكأنوو القدر كااينااشدهاا وكايقوليهاا نتي ماقاادرااش تقضي على هااد المرض كيف كنتي كااتقولي..أنت عبد ضعييفة لا غير..كاايضحك فوجهها وكاايقوول..حتى لو نتي طبيبة وسنواات ونتي كااتقرااي..غااتمووتي بالمرض اللي قريتي عليه..فعلاا قدر لعين..قدر كاايلعب بيك كييف هو بااغي..ولو تضحك كن أكييد هو غاايبكيك من جديد مااتفرحش!
تذكرات أغنية كانت سمعاتها فراديو سيارتها وهي فإسطنبول..أغنية جميلة عن الأم..ولو أنها حافظة مقطع صغير فوسطها..
استنشقات الهوااء بقوة حتى خرجو منها بعض الشهقات واللي كانو منحصرين فصدرها وكايتسناو منها العفو..وشرعات فالغنااء بصوتها الضعيف..الحنين وحتى الباكي

" Annem

Annem annem

Sen üzülme

Sözlerin hep yüreğimde

Annem annem

Gel üzülme

Ben hâlâ senin

I'm still on your knees

Uzayan sohbet gecelerinde

Rolleri unutup dost oluruz"

كم من سااعة مرت؟سااعة..اثنين..ثلاثة..أو ربما أربعة؟
هااد السااعاات اللي دوزااتهوم ريم فالمقبرة كاتنقل من قبر باباها لقبر ماماها..مرات تقرا القرآن على روحهوم وتدعي ومراات تتذكر أعنية وتغنيها ليهوم..عند بالها هي كاتفوج عليهوم..ومن يعلم!
ساعاات مرت والعساس دالمقبرة كاايشووف فيها بحزن على حاالتها..فملابسها اللي ولات كلهاا ترااب..فوجهها الشاحب..عينيها المنتفختين..وفمها الجااف والأزرق..مااهي مافااطراش والنعمة ماداازتش فحلقها..كايشوف حتى فمشيتها الغريبة وهي كااتعرج..عند بالو هي مضروبة فرجلها..هو ماعارفش أنها عاد عروسة جديدة..والمفروض تقضي يومها فالمنزل مع زوجها ومااشي تدوور فالمقبرة لساعاات كيف الحمقاء..
قرب ليها العساس وهو حامل العصا اللي كايحرس بيها وقال
-العساس:بنتي برااكة عليك..البكاا مور الميت خساارة..بااينة فيك مرييضة
شاافت فيه ريم وقالت
-ريم:لاا أعمي أنا بيخير غي توحشت ماما وباباا..توحشتهوم بزااف
ابتاسم الرجل وقال
-العساس:هاادشي عاادي أبنتي ضرووري ماتوحشيهوم..مااعليك غيي بالصبر..العصر دااز ونتي من الصبااح ونتي هنا فالشمس وحتى ماكليتيش باغا تعذبي راسك وتبعيهوم
-ريم:أصلا أنا غانتبعهوم
شاف فيها الرجل باستفهام وقال
-العساس:كااع غانتبعوهووم الموت علينا حق أبنتي
هو الظاهر مافهمهااش..
-ريم:عمي..كنتي قلتي ليا قبل 3 شهوور تقريبا فاج جيت لهناا باللي هااد المقبرة ماابقااوش كاايدفنو فيها يااك
-العساس:ااه كااينة مقبرة أخرى وحنى هي قربات تعمر كولها..المووت ماكاتوقفش وديما خدامة كاتحصد فالأروااح..وهاد المقبرة الكبيرة كل نهاار كاايتدفنو فيها نااس ويبكيو عليهووم نااس..هاادي هي سنة الحيااة..وحدين كايموتو ولاخرين عاد كاايتولدو
-ريم:ااه بصااح..يعني أنا مانقدرش نتدفن حدا القبورة دواليديا
شااف فيها العساس بريبة وبدا كاايشوف فيها بشك..تكون شي حمقة؟هي شنو كاتقول ؟
ابتاسمات ريم ببلاهة فور مااشاافت نظرات العساس ليها وقالت
-ريم:مااتديش علياا غي تأثرت شوية ههه..المهم خللييت ليك الراحة أعمي..حتى نتشااوفوو مرة أخرى..غير هو وااش غاانحي على رجلي ولا غاانجي هاازيني الله وأعلم ههه
بقى العساس كاايشوف فيهاا وماجاوبهاش ابتاسمات فور ماحسات بنفسها شنو كاتقول وقالت
-ريم:مرة مرة دعي معااهووم
-العساس:ضرووري أبنتي ماكانساهوومش كاندوز عليهوم كولهووم
ابتاسمات ليه ريم مرة أخرى وتمشات فاتجاه الباب الخارجي للمقبرة وهي كاتجر رجليها فالترااب..وكاتخطى كااع القبورة اللي فالطريق..قبووور كثييرة بزااف..وحتى قبور جديدة وباقي ماءها ماجفش..شيء اللي هدأها نوعاا ماا..على الأقل ماشي بوحدها اللي غاتمووت..وكاينين اللي ماتوو بأشياء أكفس منهاا..هي غاتمووت غي بورم خبيث لاا غير!
🌼🌼بااقي جاالس فسيااارتوو أمام المنزل..شحاال جال فأحيااء هاد المدينة الكبيرة بأمل أنو يلقاها..وكأنو كايبحث عن إبرة في كومة قش حس وكأنو عملو مانفعوو فوالو..هو شنو غايدير آخر مرة جاا لهاد المدينة قبل سنوااات..كاايتسنااهاا وعارفها غاتجي..الآن..بعد دقائق..أو ربما بعد ساعات المهم أنها غاتجي..والأهم أنو غاايبقى يتسناها..
هز تيليفونو وشااف فساعتو..ماابقى لغروب الشمس إلا ساعات قليلة..من الصبااح وهي مختفية..واخخ فينك أريم فيينك
صوناا تيليفونوو من جديد وخطفو بسرعة..ونفس خيبة الأمل الأولى جاتو من جديد..ماشي حبيبتو
-مروان:شي جديد؟
-دياب:لاا والوو..عييت مانقلب وشحاال من مرة تجلييت..واالو ماكاينااش
-مروان:هي غااتحي غي بقى تتسناتها..فينك نتا دابا
شااف دياب فالنافذة الجانبية للسيارة وقال
-دياب:أناا حداا الداار..قلت ممكن تجي لهناا ديريكت
-مروان:ااه بصااح..نجي لعندك
-دياب:لا لاا..نتاا غي سير لعند الواليدة وباسل وو قوليهوم أناا..احمم خرجت مع ريم لشي بلاصة وبغينا نبقاو بجووج بوحدنا..من قبيلة وهوما كايصونيو ومابغيتش نجاوب
شفتي أريم شنو كايدير على قبلك..هو كاايطلب شخص على قبلك..حاط نفسو فموقف محرج بالنسبة ليه على قبلك وحتى كاايكذب أيضا على قبلك
-مروان:ااه صاافي أنا غانخرجهووم يدورو فالمديينة شوية
-دياب:شكراا..من قبيلة وأنا باغي نسولك وقلت غاتكون خداام..اا ريم..كانت قالت مدينتها الأصلية هي سلاا..هاد سلا بعييدة؟..يعني ممكن تمشي ليها غي بطاكسي..ممكن تكون مشاات لدارهوم القديمة ولا شيحاجة هاكدا كاتفكرها فطفولتهاا..تفكر نتا عشتي معاها كثر مني
-مروان:سلاا مابعيدااش على الربااط..وبالنسبة لدارهوم هوما كانو غي كااريين يعني ماغاتمشييش ليهاا حيث أكيد ساكنين فيها ناس أخرين
صمت دياب لمدة وهو كاايفكر ويحك فلحيتو..حيد مروان التيليفون من على وذنو عند بالو الإتصال تقطع ورجعو لوذنو مرة أخرى
-مروان:دياااب؟
-دياب:والمقبرة فاش كاينة ماماها وباباها فين؟
-مروان:هوماا بجوج فمقبرة وحدة فسلاا..شنو زعما ممكن تكون مشاات لتماا؟
-دياب:مااعرفتش..ممكن أنا هاكدا فكرت..ريم إنسانة حساسة ممكن تكون توحشاتهوم!

-دياب:أناا غانمشي داباا لسلاا ونقلب عليها
-مروان:نتاا حمق راك ماكاتعرفش ديك المديينة وغي غااتجلى ويخصنا نقلبو عليك حتى نتاا
-دياب:وشنوو باغيني ندير نبقى جاامع يدي وكاانتسنى فيها..ماايمكنش لياا نزيد نصبر أمرواان حط رااسك بلاصتي..مراتي ماعارفهااش هي فين..معاامن..واش هي بيخيير ولا واقعة ليها شيحااجة..النهار كولو وأنا على أعصاابي وماطاحتش النعمة فكرشي..ماشي كانتشكى عليك ولكن رااخاصك تفهمني عااد تتكلم
تنهد مروان وقال
-مروان:أنا متفهمك أدياب وحتى أنا النهار كولو وأنا كاانفكر فيهاا ولكن راا ريم شخصية صعييب تفهمهاا وعلم الله فشنوو كاتفكر داباا..نتا مادرتي ليها حتى حاجة خلاتها تتأثر ولا
-دياب:شنووو غاندير ليهاا كاااع داكشي اللي كايدير الراجل لمرااتو مالها غاتتأثر بهااكدااا حتى نتا
-مروان:واخاا تهدن..نتا معصب وماغااتقدرش تسووق ونتا فهاد الحاالة..وحتى الطريق ماعارفهااش وماغاتعرفش فين تقلب..تسناني أنا غانجي عندك داباا
-دياب:لاا أنا غانتكلف..بسلامة
قطع عليه وضرب سطح السيارة بقوة وهو كااينفث نفس سااخن كما الدم اللي كايمر فعروقو فهاد اللحظاات..وكاايتوعد ليها بالعقااب فور مايلقاها
فتح باب السيارة ودخل ركب فيها..ديمارا الطونوبيل ودار كايقاد فحزام السلامة حتى كايسمع صوت سيارة وقفات مباشرة وراء سيارتو..سيارة أجرة!
🌼🌼بعدما خرجات من المقبرة تمشاات أمتار على رجليها وهي متحملة الألم الخفيف اللي باقي كاتحس بيه بين رجليها حتى قدراات تلقى طااكسي واللي غايااخدها مباشرة لدارهاا الجديدة..أو الأصح داارهوووم..داار اللي شهدات و غااتشهد على لحظات جديدة..غاتشهد على حياتهاا الجدييدة بعيدا عن الوحدانية..حياة زوجية..واللي للأسف غاتنتاهي قبل حتى ماتبدا!
وقفات سيارة الأجرة أمام المنزل..عطااتو الفلووس ودورات وجهها كاتشووف أمامها..لحظة لحظة هاادي سيارة دياب!علاش حاطها فالخارج؟يكون فيها؟
تنفسااات بقوة وهي كاتشووف مباشرة فالسياارة..هبطاات بخطوات بطيئة فاتجاه السيارة وهي جامعة يديها لعندهاا بخوف وكاتدعي فنفسهاا مايكوونش فالسياارة..أكييد غايقتلها..اختفت وبدوون علمو والنهاار كولوو وهي غابرة وماعليها حتى خبار..وشنو ذنبها الا توحشاات واليديهاا..شنو ذنبها الا ماكانتش كاتحس بالوقت وهي معاهووم والساعات كاتمر كيف الثواني..
تفتح بااب سيارة ديااب وخرج منها بكل هيبة..كاايشووف فيهاا بنظراات ماقاادرااش تفسرهووم..وكالعاادة جاانبو الغاامض كاايظهر وماكاتبقااش تقدر تعرف ردة فعلو..نظراات اللي مزيج بين الغضب..الحب..الخوف..فعلا عجيب أمرك يا دياب!
تقدم لناحيتها بخطوات هي الأخرى بطيئة..وفكل خطوة كاايتزير قلب ريم..فكل خطوة كاااتفكر فرد فعل ديااب على اللي داارت
قرب حتى توااجه معااهاا وبقاا كايفصلهووم بعض السنتيميتراات..مرر نظرااتو على كل شبر من وجهها..عيوونها المنفووخين..فمهاا اللي ولا أزرق..ووجها الشااحب واللي عليه آثاار الدمووع والترااب
هبطاات عينيهاا وسدااتهوم بخوف..عاارفة رااسها شنو دارت..وعارفاه غايكون غااضب عليها وبزاااف..عارفة راسها مذنبة وكان خاصها تقول ليه فين غاتمشي..ولكن هي بغات تبقى بوحدها..بغاات تبقى هي وماماها وباباهاا وتشكي همومهاا عليهووم
لحظة لحظة..وااش هي الآن فحضنوو..واش هااد الحضن الكبيير والداافي حضن زوجها واللي من المفرووض يكون غااضب عليها وينفاجر فوجهها..وااش هاد اليد اللي مزيرة على خصرهاا بقوة هي يد حبيبهاا..وااش هااد الشفاايف اللي كاتحس بيهم فووق رااسهاا وكاايقبلو فيها هوماا شفاايف ماالك قلبها...بالله فالله هي ماقاادراش تفهمو..هو كيفماا قال تماماا..أمو اللي حملات بيه..ولداتو ورباتو وكبرااتو وماقادرااش تفهموو وتفهمو هي؟..شخص متميز بزااف..
هو شنو كايدير دابا؟علاش ماقدرش يتملك نفسو فأنوو يعنقهاا ويحتويها فحضنو..فين مشاا كااع اللي كان كايقوول وكاع اللي توعد ليهاا بيه من عقاب..
وكيفما ماقدراتش تفهم ردة فعلو ماقدراتش تمنع دموعها من الإنتحار من جفون عيونها المنفوخة..وانهارت بالبكاء فوسط حضنو وعنقاتو هي الأخرى بقوة..وكأنها كاتحاول تقوليه ماتخلينيش..أنقذني من هاد الوحش اللي تربص على حياتي بين ليلة وضحاها..أنقذني من الموت!
بقا معنقها هو الأخر وكايسكت فيها حتى قدرات تحبس دموعها وسكتات ثم قالت وسط شهقاتها
-ريم:اهئ..دياب أناا
قاطعها بابتسامة صغيرة على فمو وقال
-دياب:شش ماتقولي والو داباا..يالااه ندخلو للدار هادي..
عنقاتو مرة أخرى بقوة وهي كاتحمد الله فسرها على أكبر النعم اللي نعمهوم الله عليها..زوجها!
حس أنها فحااجة لحضن أكثر مااهي فحااجة للكلاام وحتى الصراخ!حااس أنو حبيبتوو حزينة..حااس أنو نورستوو محطمة وجناحها مكسر..فهااد اللحظة ماباغيش يعرف السبب..الأهم هي أنها تكون بيخير والسبب غاايعرفو منها أو من غيرهاا..
صدقًا لا أعلم هل يوجد عشقٌ لهذة الدرجة ؟

دخلو للدار لداخل وجلسوو بجوج فوق الفوطووي..بقا دياب كايشووف فيهاا بتسااؤل..طول يدوو حتى حل ليهاا الحجااب وحيدو ولاحوو فالفوطوي اللي حداهوم..شد وجهها بين يديه بجوج وبقا كايمسح ليهاا فالبااقي دالدموع اللي على وجهها وفجوانب عينيهاا..قرب ليها أكثر وباس فمها بخفة وبعد ثم قال
-دياب:كيف حاسة براسك؟لوونك ماعاجبنيش..نديك لعند الطبيب ها؟
حركات ريم راسها بنفي وقالت
-ريم:لا أنا بيخير..بغيت نبقى معاك نتا..نتا هو طبيبي
ابتاسم دياب نصف ابتساامة على كلاامهاا وقال
-دياب:يالااه نووضي خااصك تدوشي وترخي عظامك..ماعاارفش فين كنتي ولكن نتي عيانة..هاادي
وقفهاا وشد فيدها وهو مطلعهاا مع الدروج
-ريم:دياب أنا كنت ف..
قاطعها دياب بابتسامة وقال
-دياب:فالمقبرة..عاارف
شاافت فيه ريم بصدمة..هو كيفاش حتى عرف..أكيد الترااب اللي على وجهها وملابسها هو الدليل..
دخلو لغرفتهووم واللي باقي فرااشها مخربق..دارت عندو ريم وقالت بصوت ضعيف وكأنها كاتحاول تأثر فيه
-ريم:ديااب خليني نتكلم عافااك..نتا شنو كادير معايا وأنا شنو درت.. تعااملك كايخليني نحس بالذنب
شاف فيها دياب ببرود وقال
-دياب:إذا حسي بييه فين المشكل
بالله فالله غاايحمقها..كيفاش كاايتقلب دغياا..عجيب أمرك يا دياب!
تجاهلات كلامو وحتى نظراتو الباردة ليها..يديه اللي جامعهوم على صدرو وابتسامتو المستهزئة..فعلا أفلح فأنو يعاقبها..وحتى بدون صرااخ وضرب وتعنييف..حبيبتو وهو عارفها راسها أقصح من الصخوور
-ريم:احمم..سمحلي عافااك..عاارفة ماكانش عليا ندير هااكداا..نفيق بكري ونخرج بلا خباارك ومانقوليكش فين..توحشت واليدياا بزااف وحسيت براسي مخنووقة..كان خاصني نشكي عليهوم
-دياب:تشكي عليهوم!علاش نتي شنو بيك بالسلامة هاا؟حيااتك كايتمنااها أي وااحد..خدمتك تقدري ترجعيليها فالوقت اللي بغيتي..عرسك عااد كان الباارح..راجلك كايتصرف معاك مزياان وقلتي نرجعو للمغرب ودرت بخااطرك..شنوو شكيتي عليهوم بالسلامة؟
ماااشي شيحااجة..هي فقط أخبرتهووم بقصة الورم واللي الظاهر غاايسرق دور البطوولة من قصتهوم بجووج..ورم لا غير
قربات ليه وهي عاضة على شفتها السفلى..وقفات على أصابع رجليها وأحاطت عنقو بيديها..شاافت مبااشرة فعينيه وقالت
-ريم:سمحلي أحبيبي..ماابقيتش نعااود..وغانولي نعلم بكااع اللي كااندير وفين غانمشي ومعامن
ماتغيروش نظرات دياب وكان باقي طاغي عليهووم طابع البرود
-دياب:ماتطلبتش منك هادشي..كيفما أنا ماكانبغيش اللي يضغط عليا ويسولني فين ومعامن حتى أنا ماغاانضغطش عليك حيث ثاايق فيك..ولكن أمور بحال هادي ماكاتخبااش ماتخليش ثقتي فيك تضيع..أعدى حاجة عندي هي الكذب..كانبغي الصرااحة ولا شيء إلا الصراحة..كانظن ماطلبتش منك شيحاجة صعبة!
واخخخ هو شنو غايدير فاش غايعرفهاا كذبات عليه وخبات موضووع مرضها؟أكييد الحب اللي كايكنو ليها غايتحول لكره وماغاتقضي أيامها الأخيرة بعيدة على حبيبها..لا هو ماخاصووش يعرف لا منها لا من غيرها..
بلعات ريقها بتوتر وابتاسماات ليه..قرباات ليه أكثر حتى لمس أنفها أنفو..هبطات عينيها كاتشوف فشفايفوو ورجعات مرة أخرى كاتشوف فعينيها..حركة اللي خذرااتو ولكن لا..هو غايتسنى تكون البادرة منها..معلومة أخرى على دياب..هو من أعند النااس على هاد الكوكب!ولو يديرو مساابقة حول العناد أكيد غايكون الفائز
عضات شفتها بخجل وهي كاتسنى البادرة منو..اييه باقي خجلانة منو نوعاا ما..ولكن هي داارت غلطة..ولازم تصححهاا
قربات وقبلات شفتو السفلى بخفة وطلعات قبلات شفتو العليا هي الأخرى..ولكن هو باقي جامد..الله الله وكأنوو جداار صلب!
رجعات قبلاات مرة أخرى شفتو السفلى وهاد المرة لمدة أطول وبعداات وهي كااتجرها معاها بلطف..ابتاسمات ابتسامة انتصار فور ماحساات بيديه ورااء خصرهاا..هاد اليد اللي جراتها بقوة حتى ارتطموو أجسادهوم مع بعضهووم..وخلات ليه مهمة القياادة..ماشي فقط فموضووع القبلة..معلوومة أخرى على دياب..إنسان طمووح وماكايرضاش بالقليل..وقبلة بسيطة ماغااتخليهش يساامحهاا بسرعة..هو شنو كان قال ليها فالصالون..ااه الدووش..
شد أسفل مؤخرتها بقوة حتى تأوهات فوسط فموو..وطلعها لعندوو..وولا هو اللي حاملها..ولكن هو ماخداهاش للسرير..كانت وجهتو الجديدة هي الحمام..أحسن مكاان ليه فهااد الأموور وضرووري يجرب مع حبييبتو وزوجتوو أكيد غايكوون أحلى..اييه واخاا ماوااكلش النهاار كولوو ولكن..معلومة أخرى على دياب..هو عندو فجسموو خزاان للطاقة خااص بالأموور السافلة..وحتى لو أنو مايااكلش لأياام هادشي ماغايمنعوش فأنو يلبي ندااء الطبيعة..
نسى أنها عيانة..وحتى نسى كلامو ليها على الراحة والمستشفى وحتى لونها اللي كان كاايبانليه شااحب..ولكن نقول الحقيقة..هااد اللون اختفى تمااما من على وجهها وحتى رجعات الحيوية لوجهها..ولكنن للأسف طبيبتنا ماعندهااش خزان احتياطي دالطااقة..هو غااايعااقبها وبطريقة عاجباه..معلومة أخرى على بطلنا..ماكاينش من هو أخبث منو..

لابسة بينواارهاا ومدورة على شعرهاا فوطة..وقفات أمام المرآة واللي كاان عليها بخار الماااء وكلها مضببة..مسحات منها جزء بيديها حتى قدرات تشووف انعكااسهاا وبقات كاتشووف فوجهها وكيفاش رجع لطبيعتو ونوروو..وقف من ورااءهاا وحط فكوو على كتفهاا..بصدرو العااري واللي عليه قطراات من الماء..وشعرو المبلل واللي هابط على عينو..وخصروو اللي مضور عليه فووطة..كل هااد العواامل خلاتو يباان مثير وبطرييقة خطيرة..
شااف فانعكاسها على المرآة وقال
-دياب: Güzel karım .. hayatım .. ruhum .. seni çok seviyorum inanıyorum bana (مراتي الزوينة..حياتي..روحي..كانبغيك بزااف..ثيقيني)
ابتااسماات ريم لكلاامو واللي حساتو دخل لأعمااق قلبهاا..واخخخ شحال كايعجبهاا فاااش كايتكلم بالتركية..واخخخ والله كاايفتنهاا..وكاايزيد يخليها تعشق هاد اللغة الجميلة..
-ريم: Güzel bir martı .. Seni seviyorum (طائر نورس جميل..كانبغيك)
دورها لعندو بسرعة حتى تضرب صدرها مع صدرو بقوة وتأوهات بألم وهي كاتأفف
-ريم:أيي..أوووف أديااب..
تجااهل تأففهاا وقبل شفايفها بخفة ثم قال
-دياب:Yok?ماتقوليلييش عييتيي دغيااا..بالله فالله حتى غاانفقد فيك الأمل..
-ريم:بااقي عندك الوجه تقوول هااد الكلاام..أنا حتى ماوااكلااش
-دياب:على أسااس أناا خليتيني نفكر فالمااكلة..اعتاابرييه عقااب ليك ألااالة..يعني واخاا عجبك ولكن مااعندي مااندير
-ريم:نتاا بحاال شي ثعلب خبيييث..ساافل
-دياب:الله الله وشنوو بغيتيني ندير راك مرااتي تووبة تووبة..(قلب عينو وقال)اييه تماام عاارف بالغت شوية ولكن..فكري فحبيبك شوية وحني فييه..من نهاار تلاقييتك فتركيااا عمري درت شي علااقة جنسية مع شيي وحدة..اواا حمدي الله اللي قدرت نصبر هااد المدة كوولهاا..ولااا هووهووو كوون رااك لقيتييني مع شي وحدة..
خنزراات فيه ريم وقالت بغضب
-ريم:نتاا شنوو كااتعني هممم..نتاا مزوج بياا غي على قبل هاادشي..فين مشااا الكلام دنتاا باغيني لروحي مااشي لجسدي..أصلا ماكاانش علياا نثييق من اللول كاان خاصني نعرف أنو الرجاال مافيهوومش ثقة..أبداا..ههه قاالك غاانلقااه مع شي وحدة..سير من دابااا..(شاافت فصااحب المهمات ورجعات شافت فعينو وقالت بتهديد)غاانقطعو ليك..وو ونرجع نخيطوو وبدوون مخدر...وحتى غاانخيطوو ليك عوج بااش تبقى ديماا تتفكرني..طلق مني طلق..أناا اللي حمقة اللي خليتك تدوش معايا وتخلييت على مبادئي على قبلك بعد مني..
دفعاتو من عليهاا وخرجاات من الحمام بسرعة مخلياه وااقف لوحدوو..واضع يدو على خصرو..كاايضحك على كلامهاا وكايتكلم لوحدو
-دياب:الله الله أشمن مباادئ راهاا مراااتي..غااتخيطوو بلاا مخدر..هااداا هو مصيير اللي كاايتزوج بطبييبة هه عند بالها راهاا كاتهددني çok komik والله
تلفت كاايشووف فالمرآة..قرب ليهاا وعلى فمو ابتساامة..رسم قلب كبير وكتب فيه اسمهم بجووج..ديااب وريم..ورسم بجووانبو أشكاال أشبه بطيوور..طيور نورس..هو هااكداا صورهووم فدمااغو..
مرر لساانو على شفايفوو وضحك من جديد وهو كاايتذكر كلامها..حمقة..وعفوية وحتى عندهاا روح الدعاابة كيفما هو تمااماا اييه صحييح هو أكثر منها لكن..الأهم هي كاتأنسبيراا منو وقدر يأثر فيهاا وفوقت قلييل
خرج من الحماام ولقااها لبساات بيجاامة بسروالهااا وكااتنشف فشعرها..شاافت فيه وقلباات عينيهاا وعي متجاهلاه..ضحك عليهاا ومشى للبلاكاار وجبد منو بيجامة دالدار هو الآخر ..حيد الفووطة ولبس أماامها وهو كاايلاحظ شووفااتها..وحتى لو هي مابااغاش تشووف فيه عيوونهاا كاايهربو وكاايتحدااو إراادتهاا ويشوفو فيه..كاتنعثوو بالساافل وهي أكثر منو فهاد الموضووع
-دياب:جمعي عينيك ماتشوفيش فياا ماامستااعدش نتخلا على مباادئي على قبلك
شاافت فيه ريم وقلبات عينيها من جديد وهي مفقوصة..بااغي يعصبها ويرجع ليها الصرف..
شاافها كيفاش سكتات وكاتمسح فشعرها بالجهالة..باينة فيها معصبة..ضحك وقال
-دياب:صاافي ألنجعة ماتقلقيش..غي كنت كاانضحك خاصك تولفي على ضحكي..أنا نمشي نديير مانااكلو ونحيبو للبيت الا ماقدرتيش تهبطي للتحت ولكن بشرط!
شاافت فيه ريم باستفهام وهي كاتسنى شرطو..وقلبات عينيها مرة أخرى وهي كاتظاهر بعدم الإكترااث
لبس تيشوورتوو ورجع شعرو للورااء بعشواائية..قرب ليها حتى تقابل معاها..شااف فيها بنظرات جدية وقال
-دياب:نسااي فكرة أنك تقطعييه ليا وترجعي تخيطيه ومااعرفت شنوو..قتليني ومااديريهااش..سمع كلاامك وتكمش مسكين عيب والله
شاافت فيه ريم وهي كااتحاول تكبح ضحكتها..مخلوق عجييب أنت يا ديااب..وهي اللب كاتسنى هاد الشرط وعندبالها عندو علاقة باللي داارت اليوم..صدقات غي نكتة من نكت دياب الباايخة والمضحكة فنفس الوقت
رجعات شعرها الطويل والمبلل للوراء وقرلات ليه أكثر..شداات دقنو الملتحي بين يديها وقالت
-ريم:شيطان أنت..ملاك أم مجرد بني آدم؟
ابتاسم دياب ابتسامة مبهمة وقال
-دياب:حتى أنا ماعارفش..ممكن زعما جني ولا كائن فضائي؟!

🌼🌼وقت شروق الشمس
شعرها طالع للسمااء وعيوونهاا ملصقيين بالنعااس..كاتحركوو وتناديه
-ريم:دياااب فييق..دياااب..أووف ديااااب واافيق سمعت شيحااجة كااتحرك
تجااهل دياب كلمهاا وغطا وجهو بالإيزاار..هو عااد قدر ينعس وفيقاتو من دااك النعااس الحلوو
حيداات الإيزار من على وجهو وقالت
-ريم:ديااااب..واانوض شووف شنو كايتحرك راني خاايفة
حرك دياب فمو وكأنوو كايمضغ شيحاجة وقال
-دياب:همم..نووضي نتي
شاافت فيه ريم بصدمة وقالت بتدمر
-ريم:أويلي على نووض نشووف..أويلي على الرااجل..اهئ ديااااب وانوووض كانسمع التقرقييب فلتحت
فتح ديااب عينو بصعوبة وهو كاايحك فيهوم وفور ماشاافها صرخ بقوة وصرخاات هي الأخرى
-دياب:اعععع
-ريم:اعععععع
صمت دياب للحظة وهو كاايشووفها..واش هادي مراتو ولا شي كاائن من العالم الآخر..
طلع أسنان فكو العلوي بأصبعوو الإبهام وقال
-دياب:كااين شي وااحد اللي كاايخلع كثر منك..الله الله
شاافت فيه ريم لثوااني وبدؤو ملامحها كايتحولو لملامح طفلة حزينة..قلب عينو بقلة حيلة وقرب ليهاا وعنقهاا
-دياب:yok aşkım yok!..وااغي كاانضحك وصاافي رااك عاارفة حبيبك رجل بغييض وضحكو بااسل..واصااافي
بعدات منو ريم وقالت
-ريم:اواا نووض شووف شكوون لتحت..شكوون غاايجي فهااد الوقت 
-دياب:رجعي تنعسي أحياااتي هاادي..
-ريم:دياااب أنا كانقوولك شيوااحد داخل علينا للدار وصوت حركاتو وااصل لعندناا ونتاا دمك باارد
رجع دياب نعس وقال
-دياب:ااه دمي باارد..واااريم..حيااتي..نعسي غي شوية..غي 5 دقاايق ونوضوو..مانااعسش مزياان أريم رحميني شوية
-ريم:وفيين مشى هادااك اللي كاان هاز السلااح وكاايقتل فبناادم هااا..خاايف من شفاار..فينو ديااب البطل
سد دياب عينوو وقال
-دياب:نااعس باغي يرتااح من البطوولة
صمتات لمدة وعي كااتسناه ينوض ولا يتحرك حتى فقدات الأمل فيه..وعاد كانت غااتنوض وهو يجرهاا لحضنو ودخلها فصدرو العااري..بااس فوق راسها وهو سااد عينو وقال
-دياب:شش فين غادة..نعسي ألنعجة..نعسي
-ريم:اهئ..ديااب والله حتى غاتحمقني
-دياب:هاديك غي الوااليدة هي قاالت غااتجي بكري..بغاات تدير الفطور وشي تخربيق دالعاداات والتقاليد
-ريم:هااء وعلاش ماقلتيهاش من اللول وخليتيني مخلوعة
-دياب:حيث بغيت..ششش..مانسمعش حسك..نعسي
طلعات ريم راسها كاتشووف فيه وكيفاش سااد عينو والظاهر رجع لنومو..شفايفوو الحلوين ولحيتو وشعرو المخربقين واللي كايبينووه فمنظر طفولي..طلعات يدها وبقات كااتلمس فلحيتوو وتتطلع فيه..لوحة فنية مرسوومة بدقة..وشحاال وهي كاتقلب على عيب صغير فيه ولكن ماكااينش!طلعات أصبعها السبابة وبدات كاتمررو على شفاايفو وهي مبتااسمة..كااتروي عطشهاا فرؤيتوو..وكأنها كاتفكر فأياامها تحت التراب..من يعلم ممكن تتوحش رؤية وجهو..هي هاكدا كاتفكر
حسات بعضة فأصبعها وبعداتو بسرعة
-ريم:أيي..صحابلي نااعس
فتح دياب عينو فيها وقال
-دياب:وعلااش خليتيني ننعس ألنعجة هاا..النااس كايصبحوو على قبلااات..وكلاام حلو..وهي قاالت ليك شفاار..تووبة تووبة
بعدات ريم يدها من ذقنو ورجعها من جديد 
-ريم:ولو سياادتك قلتيلي البارح بالليل باللي ماماا كريمة غااتجي مااكنتش غاانتخلع
خدا دياب يدها وحطها على فمو وهو كايقبل فيهاا قبلات متقطعة 
-دياب:ماكانتش عندي الوقت..كنت خداام..وحتى دابا ماكرهتش نخدم صراحة..يعني..الاا بغاات سيادتك أكييد
ضحكات ريم وقالت
-ريم:الله يعطييك عقل
-دياب:شوية دالعقل اللي عندي خديتيه..أصلا أنا شنو غاندير بهاد العقل..علاش نتي البارح باللي كنتي كاتفكري فشي عقل؟
ضرباتو ريم على جبهتو وقالت
-ريم:سافل..طلق مني غاانمشي نعااون حمااتي ماغانخليهاش بوحدها
طلق منها دياب وقال
-دياب:اييه والله..سيري عاوني ماماك كريمة أصلا غاتفاهمو بزااف..بالنسبة ليها نتي عرووس مثالية 
-ريم:اييه عارفة مامحتااجش تقولي
جرات منو الإيزار وتغطات بيه مخلياه باقي ناعس..تمشات فاتجاه الفوطوي..هزات مخدة وضرباتو لوجهو بقوة حتى ناض قافز
-ريم:صباااحوو حبيبي
هز المخدة وضربها بسرعة قبل مااتدخل للحمام وقال
-دياب:مااتخليوش اللي بغا ينعس على خااطرو(قلب عينو وقال)ياا أستغفر الله
🌼🌼
-كريمة:هااكدااك لفهووم مزياان..براافوو برافوو
حط بااسل ورق العنب الملفوف فالصحن..تفوه بقوة وقال بتأفف
-باسل:أوف..فكل مرة كاتقوليلي زيد لف أخر وحدة..والله عييت والله
خنزراات فيه كريمة وقالت
-كريمة:خدم وبرااكة من التدمر..هادي ورينيي علاش قااد
-باسل:مفيقااني فهاد الساعة وجايباني لهناا باش نعاونك فشغل الكوزينة..والله عيب 
-كريمة:شووف فيا..تزيد كلمة وحدة غاانلوحك فلابيسين باش تفيق مزيان..كمل خدمتك باقي تابعنا بزاف مايتدار..سكت باباك ومراتو ناعسين مابغيناش نفيقوهوم
قلب باسل عينو بملل وقال بالداريجة
-باسل:هوو مبرع مع رااسو وأناا كاانبرم فورااق العنب..هادا هو الظلم
-كريمة:شنو كاتقول؟
-باسل:غانقولها للواليد..باغا ترجعيني ربة بيت..والله غانشكي بيك عندو

-ريم:صبااح الخييير
تلفتاات كريمة فور ماسمعات صوتها.وقفات وتمشات لجهتهاا وشداات وجهها بين يديها
-كريمة:صبااح الخير..ماشاء الله على على مرات ولدي شحال زوينة ماشااء الله
ابتااسمات ليها ريم وقالت
-ريم:شكرا ماما كريمة
-كريمة:اخخخ على ماما كريمة ما شااء الله عليك يا طبيبتناا ماشااء الله
ابتاسمات ريم مرة أخرى وقالت
-ريم:جييت نعااونك الا كنتي محتاجة
-كريمة:لاا لاا..بااسل قااضي الغرض هو معاوني
تلفتو بجوج كايشوفو فيه ولقاوه هاز تيليفوونوو ومخبي..ضحكات ريم وقالت
-ريم:ههه اييه معاونك
مشاات غسلات يديها وتوجهات لعند باسل..رشات عليه الما حتى تلفت لعندها..جلسات حداه ثم قالت
-ريم:صباح الخيير
-باسل:صباح الخيير
كانت كريمة كااتقاد فالشااي التركي وقالت
-كريمة:سمحيليناا أبنتي فيقنااك والله كولشي من باسل
ضحكات ريم وقالت
-ريم:لا لاا ماشي مشكل
عوج باسل فمو وقال بهمس
-باسل:أصلا ماكانتش ناعسة
ضحكات ريم فور ماسمعاتو شنو قال وهمسات هي الأخرى
-باسل:هه عفريت..سكت غااتسمعك
-كريمة:اوااا كييف صبحتي مزياان؟
-ريم:سووبر الشكر لله
-كريمة:اييه ومالك لابسة الحجااب حنا غي بيناتنا ياكما كاتحشمي منا
-ريم:اا لاا ههه علاش غانحشم..أناا خفت يضربني البرد..حيث..عاد دوشت
-كريمة:اااه هااكدااك..بالصحة
-باسل:التدويشة ولاااا
خرجات ريم عينيها فيه وقالت بهمس
-ريم:لاااا..والله نسخة طبق الأصل على بابااك..عقلكوم ساافل..مايمكنش تفكرو بحال الناس العاديين..ضروري تربطو أي كلام بأشياء ساافلة
-باسل:الواليد بحال شي وبااء هه
-ريم:ااه أحسن وبااء ممكن تصااب بيه
شااف فيها باسل وهو معوح فمو وقال
-باسل:اييه..اواا هادي 10 سنواات وأنا عايش مع ديااب هادي هي النتيجة..نعطيك شهرين أو ثلاثة غااتولي بحالنا..
ابتاسمات ليه ريم وبقات صامتة..قال شهرين أو ثلااثة..ولكن واش هي غاتعيش هاد المدة كولها..ممكن بقى ليها فهاد الحياة شهر وااحد..أو ربما أسبووع..أو ممكن تموت حتى اليووم بنفسوو..اييه أكيد حتى من قبل ماكانتش عاارفة ايمتا غاتموت..وكانت عارفة أنو روحها فيد الرحماان ولكن مرضهاا خلاها تحس أكثر بالموت..كاتقول لو أني مااعرفتش بيه وماتبعتش مروان وأكدت شكوكي على الأقل غانعيش أيامي الأخيرة فسعاادة وبدون مانفكر فهاد الورم اللعين..لو..
دخل دياب وهو لابس ملابس الرياضة وحامل فيدو ألبان..توجه لعند ماماه..باس على راسها وقال
-دياب:صباح الخير يا أحسن أم فالكون
-كريمة:صباح الخير ولدي الحبيب..كيف صبحتي
-دياب:شنو بان ليك ههه
ضرباتو فصدرو وقالت
-كريمة:قليل التربية..
بااس ولدو باسل وريم وجلس حداهوم وهو كايلعب مع ألبان
-دياب:أش خباارك أسااط..كيف دوزتي البارح 
-باسل:عاادي..الخرجة بلا بيك مملة..ولكن..المهم نتا دوزتي نهاارك حسن مني
شااف دياب فريم واللي كانت شااردة وملامحها حزينة وقال بتنهيدة
-دياب:ااه بصاح..دوزتيه حسن مني
-باسل:اوااا أدياب..ماتعااودش ليا شنوو درتو زعماا ههه
ضربو دياب على راسو وقال
-دياب:شوية دالإحترام ألحمار راني بابااك زعماا
-باسل:اييه ماكانش فخبااري شكرا على المعلوومة..وزاايدون ياككنتي كاتعااود ليا شنو تبدل داباا
-دياب:تبدلو بزااف دالحوايج دابا راني مزوج خااصني ندير عقلي ومايمكنش نعاود ليك أسراري الزوجية أصلاا حرام على ماكايقولوو..وزاايدون نتاا راك ولدي حشوومة يكون بيناتنا هاد الكلاام ونتاا..باقي برهووش مازال حتى ماحق عليك الصياام وكاتطيير مع الطيوور..وهادشي كبير عليك وأناا أصلا علاش كانبرر ليك..مايمكنش نعاود ليك نقطة نهاية
-باسل:اييه تمام تماام ماتعاوش لياا (شاف فريم واللي مازالت شاردة وقال)أصلاا باينة من وجهها شنو وقع
شاف فيه دياب باستفهام وقال
-دياب:كيفاش شنو اللي باين من وجهها
-باسل:مني جاات وهي ضااحكة وحتى كاتشكر فيك وهاهي داباا سااهية..اوا راك عطيتي مفعوولك
ضحك دياب وخربق ليه شعرو ثم قال
-دياب:ههه خايبة بزااف يكون باباك حمق وكايتكلم معاك هاكدا بطلاقة ياك..كان عليا نكون أب قاسي..ندخل للدار كوولشي يسكت الذباانة ماتزنزنش
-باسل:لااا بالعكس..نتا أحسن أب فالدنيااا..وحتى عاطيني حرية ومخليني نعيش الحياة كيف أنا باغي..صحابي كولهوم كايحسدووني علييك
-دياب:حتى نجوة كااتحسدني عليك همم ؟
شاف فيه باسل بصدمة وقال
-باسل:Hayer!نتاا منين عرفتي؟
-دياب:اوااا خااصك تعرف باللي حتى حاجة ماكاتخفى على بابااك..زوينة؟
-باسل:تيتييزة ألوااليد..حتى أنهاا ممكن تكوون ملكة جماال..زويينة بزاااف
-دياب:هاايهااي ومخبي علياا يا البغل..أناا غااندير تحريااتي ونشووف هااد نجوة وعلاش لا نتلاقى معاهاا
(ديديكااس نجوة هاانتي غي صبري على بااسل من صغروو رجوولة يكبر ويزيد يعجبك بضمانتي😂)
حطات كؤؤوس الشااي أمامهوم وقالت
-كريمة:ايواا ماتشااركووناش فكلامكووم..بنتي ريم..رييم
-ريم:ها؟قلتي شيحاجة
-كريمة:فين شاردة؟ماغاتشربيش الشاي
-ريم:الاا..أنا غانشرب الشاي المغربي..ماتقلقيش ولكن..ماكايعجبنيش هادا

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.