-دياب:سمعتي شي هضرة ماعجباتكش ولا شي حد قاليك شيحاجة اللي رجعاتك كاتكلني هاكدا..شكون همم؟قوليلي شكون هادا اللي كلااه ك**؟
-ريم:لا هادشي ماكاينش..علااش أنا ضعيفة لدرجة يأثر فيا شي كلاام؟
عض دياب شفتو السفلى وهو كايحااول يتحكم فأعصابو وقال
-دياب:ااه شخصيتك ضعيفة وكاتأثري بأبسط الأشيااء فالوقت اللي خاصك تكوني قوية..ماشي على قبلك فقط..على قبلي حتى أنا وعلى قبل كاع الناس اللي كاايتسناو خبار تفرحهوم عليك وحتى على قبل اللي ماعارفينش بمرضك واللي إذا وقع كييف كاتخرفي وكانت نهاية هاد القصة غايتصدمو بزاف..خدمي عقلك أريم..ماباغيش نقسى عليك فوقت بحال هادا ولكن نتي ماكااتخدميش بالخااطر وضروري تسمعي كلام اللي مايعجبكش!
توقف عن الكلام وشاف فيها كيفاش مهبطة عينيها للأسفل وكاتلعب بإيديها..غلق عينو وتنهد بقوة..طلع ليها راسها حتى شافت فيه..بعينيها اللامعتين كحبتي لؤلؤ صاافي!ابتااسم وقال بحنية عكس اللي كان عليه قبل ثواني
-دياب:عارف غاتقولي هادا حتى ماكايصليش ولكن..خلي أملك فالله كبير وماغايكون إلا الخير..ياك الروح عند الله عزيزة؟اوا تشبتي بروحك وماتقبليش الموت ببساطة واخا أحياتي؟
طلعات ريم راسها وهبطاتو بمعنى ااه ثم قالت
-ريم:نتا غااتبقى معايا؟ماغاتخلينيش بووحدي؟
-دياب:مانقدرش ندخل لغرفة العمليات ولكن غاانبقى قرييب ليك ومااغانبعدش أبدا..غاانبقى معاك
-ريم:خاايفة بزاف أدياب..بزااف
جرها دياب لعندو وعنقها بقوة فحضنو..لو تعرف مدى خوفوو عليها..حتى أنوو أكثر من خوفها على نفسها!
قبلها فوق راسها وقال
-دياب:عادي تخافي أي واحد بلاصتك غايخاف
بقات فحضنو لدقائق وهوما صامتين..وكأنهوم كايشبعو بعضعهوم..ربماا يكون آخر عنااق ليهوم
بعدات من حضنو..شدات فيدو وقالت
-ريم:كولشي غاايدوز بيخير ياك؟
ابتااسم دياب ابتسامة صغييرة..قبل يديها وقال
-دياب:ااه كولشي غايدوز بيخير
وااش فعلا كوولشي غايدوز بيخيير؟هاد السؤال اللي كان كايدور فبال دياب..كايتذكر آخر كلام ليه مع الطبيب قبل دقائق..شحال تحدثو على مدى خطورة هاد العملية..وشحال غاتكون المدة طويلة ولازم عليه يتحلى بالصبر..تحدثو حتى على بعض الأشياء اللي ممكن يوقعو داخل غرفة العمليات..أشياء اللي غاتأدي بريم للهلاك!
🌼فلاش باك
زير على قبضة يدوو بقوة حتى برزوو عروقوو..شاف فالأرض لثوااني وهو شارد..طلع راسو شاف فالطبيب واللي كان كايشوف فحالتوو بشفقة وقال
-دياب:يعني..من الخطر عليهاا تدخل للعملية فهااد الوقت؟
وقف الطبيب من على كرسيه وقال
-الطبيب:فالأصل من الخطر عليهاا تدخل للعملية ولكن فحالتها الخطورة كاتزاد..الزوجة ديالك عندها فقر الدم ومؤشراتها الحيوية غير طبيعيين..وحتى ضغط الدم ديالها ماامستاقرش..العملية غاتطلب منا ساعات كثيرة وفهاد الساعاات مجرد انخفاض ضغط الدم ممكن يأدي لسكتة قلبية وإذا ماقدرنااش نخرجو منها سالمين قلب السيدة ريم غايتوقف وغااتموت..وماغايبقى حتى سبب اللي يخلينا نكملو فعملية استئصال الورم..للأسف
حك ديااب رااسو ورجع شعرو للوراء..وقال بتوتر
-دياب:ماافهمتش كلامك مزياان ولكن اللي فهمت هو أنوو مراتي مااخصهاش تدخل للعملية حتى تحلو هاد المشكل دضغط الدم و داكشي لاخر
قاال وقت مبكر قاال!هو راه بحالو..عاد عرف بمرض مرااتو..ولو أنو مافطنش لتصرفااتها كان ماغايعرف حتى تمووت..أخخ منك أريم ومن تفكييرك اللعين!
-دياب:ودابا شنو المعمول!
-الطبيب:حنا غانديرو العملية وغانديرو اللي فجهدنا باش نقذو الزوجة ديالك
-دياب:اللي بغيتي تقوول هو أنكووم غاتغاامرو بروح مراتي!
-الطبيب:فالأخير كاتبقى رووح مراتك غادا فطريق الهلاك ومااعندنا مانديرو غيير المغامرة..كااتبقى غير موافقة الزوجة ديالك بعدما تعرف هااد الخطوورة حيث هي ماعارفاش نتائج تحاليل الدم..وبدون موافقتها حنا مانقدرو نديرو والو
تمشى ديااب فاتجاهو ورجع كايتمشى فالاتجاه المعاكس وهو كايحك لحيتو بتوتر..توقف عن حركتو وقال
-دياب:نتا غااتدير هاد العملية وريم ماخصهاش تعرف حيث غاتراجع على العلاج
-الطبيب:لاا مايمكنش..قانونيا لازم تعرف
قرب ليه دياب ودفعو على الحيط بقوة حتى تأوه بألم..وقال وهو مخرج عينو بغضب وقال
شاف الطبيب فدياب بنظرات خائفة غمزو دياب وهو كايحدث نفسو
الظاهر وجهو الآخر خوف الطبيب!أكيد ماغايتبعش قوانينو التافهة حياة حبيبتو أهم وبكثير
حيد الكمامة الزرقاء من على وجهو ووقف وهو كاايشووف فمراتو..حبيبتو وروحو مستلقية على فراش أزرق..حتى تغلق البااب كلياا..
تمشى فاتجااه الكرسي..وجلس جلستوو المعتاادة وهو مفرق رجليه..وضع راسو بين يدييه وبقى سااهي..كاايفكر فهااد العملية وكاايتذكر كلاام الطبيب على خطووورتها..هي إذاا ماتت هو اللي غايكون السبب..لأنو هو اللي أصر عليهووم يديروو العملية رغم كل الخطوورة المخيمة عليهاا..
هااكدا كان كايقوول دياب فنفسوو..كاايهيأ نفسوو لعذاب الضميير واللي الظاهر غايزورو مرة أخرى فحياتو..لكن هاد المرة صعب يخرج منو..لا بل مستحيل!
كاايقول ليها كوني إيجابية وهو دااخلو يضج بالسلبية..وماكايفكر إلا فما هو سلبي..علاش؟ببسااطة لأنو عااش تجاارب فااشلة كثييرة وياماا حاول يبقى إيجابي لكن القدر كاايزيد يدفعوو ويغرقوو فبحر اليأس!
-طبيب التخذير:دكتوور..المريضة تم تخذيرها..حظ موفق
-الطبيب:شكرا ليك..
طلع دياب راسو فور ماسمع صوتو وجرا لعندو بسرعة حتى وقفو الطبيب بصراخ
-الطبيب:ماااتقيسنيش
وقف دياب وهو مطلع يدو وكايشوف فيه بتعجب..تنحنح الطبيب وقال
-الطبيب:احمم عااد عقمت يديي..إذا قستيني غانضطر نعااود نعقم من جدييد
-دياب:لا لاا أنا ماغانقيسكش..دكتور..مراتي أمانة عندك..ماابغيتش نخسرهاا..
-الطبيب:غااندير كل مافجهدي
-دياب:لاا نتا غادير كثر من جهدك..أنني نختاارك بين بزااف دالأطبااء ماكاانش عشوائياا..مااتخيبش ثقتي فييك..مااتخليهااش تمشي وتخليني..الله يخلييك
لحظة لحظة!ديااب كاايترجى شخص!بالله فالله عمروو تخيل نفسوو يديرهاا..هو حتى ماكانش كايترجى بابااه يتوقف عن ضربو..كان فقط كاايبكي..حتى عرف أنو البكااء لا يجدي بالنفع وولا كااايصبر للضرب وهو صاامت..أنو يترجى شخص حااجة غرييبة عليه..حتى أنو استغرب من نفسوو
رجع جلس على الكرسي وهو منكسر ومنهك..حيد القبعة من على شعرو وحتى اللباس اللي أصرو عليه يلبسوو قبل مايدخل لغرفة العملياات..ولااحهوم فالأرض
دخل يدو فجيب سروالو وجبد خااتمهاا..خااتم صغير يليق بأصابعها النحيفة
تذكر كلاام ريم لييه قبل قلييل وحس بغصة كبييرة فقلبو..
🌼فلاش باك
سد ليهاا اللبااس الأبيض من الورااء..عنقها بقوة ودخل وجهوو فعنقهاا..وهمس فأذنها
-دياب:كاانبغيك..وغاانكون ديما معاك..فكل زمان ومكان..غاانكون العون دياالك وحمايتك..حتى ونتي دااخل غرفة العملياات..غانكوون قلب كااينبض من أجلك
ابتااسمات ريم لكلامو وقاالت
-ريم:حتى أنا كانبغييك..حتى كثر من نفسي..ديااب
تلفتاات لعندوو وبقى كايشوف فيها باستفهام وفشنو كادير..
حيداات خااتمهاا وحطااتو فيديه ثم قالت وعلى فمها ابتسامة صغيرة..
-ريم:كناا تواعدنا وقلت أني مااغانحيدش هااد الخااتم من يدي ولكن..دابا بغيتو يبقى عندك..ووقتماا حسيتي بياا بدييت كانستاسلم وأنا دااخل غرفة العملياات ضغط علييه بين يدك مزياان..أنا غاانحس بيهاا..
مسح دمعة أخرى تسللات من عيونو وهو كايتذكر كلام حبيبتو..الظاهر الدموع لقات ممر للخارج وتحررات من سجنها واللي حتى قالت أنه مؤبد لكن جاء الفرج على يد ريم!..لعن نفسوو على هاد المشاعر الجديدة اللي كايشعر بيها..وطلع عينو كايشوف ربما يكون شافو شيواحد وهو كايبكي..لكن الممر كان فارغ
تنهد بقوة وهو كاايضغط على الخاتم فيدوو وقال
-دياب:بقااي قوية أحياتي..على قبلي
مرت سااعتين وماكااينة حتى أخباار..فقط بعض الممرضاات اللي كايخرجو مرة مرة وكاايمتانعو من أنهم يقولوو شيحااجة لدياب بدعوة أنهم زربااانين وماعندهوومش الوقت..وكاايخليوه تاالف..
صونا تيليفوونو..هزوو وهو جاامع حوااجبو..شكون غايكون عرفوو خدم نمرتو القديمة؟
ابتاسم فور مالقى رقم أركان واللي حافظو عن ظهر قلب وقبل الإتصال
-أركان:ديااب..حااس براسي كانخوون حب روهان..حتى باقي مادازتش مدة على موتهاا وبديت كانكن بمشااعر لوحدة أخرى..كانحس بنفسي شخص سيء
بااغي يقوليخ أركاان عطي لنفسك فرصة أخرى..روهان مااتت ومن حقك تحب وتعييش سعييد وماتتعلقش بوحدة تحت الترااب ولكن..هو وضع نفسوو مكاانو..لو تمووت ريم ويجي شيوااحد ينصحوو هااكداا وبهاد الكلاام حتما غاينفااجر فوجهوو..قدر يتعاايش مع موت زينب ولكن ريم!
تنهد دياب بقوة وقال
-دياب:تبع قلبك ودير اللي كايمليه عليك..
حاول يغير الموضووع لأنو حس بنفسو تخنق وقال
-دياب:اوااا..شنو الجديد فالمشروع اللي غاديرو؟
تفهم أركان أنو بغا يغير الموضووع وقال
-أركان:هاحناا باقي كاانفكرو شنو غانديروو بالنسبة لياا أنا مااشي شيحاجة جديدة كييف كااتعرف هادا كان ميدااني..يزييد اللي متخوف شوية من وهو عااقل على رااسو وهو فالعسكر والسلااح
وااش بصاااح حبيبتوو فخطر؟..عندااك يكون وقع كييف قال الطبيب..يكوون قلبها توقف عن النبض ..تكوون داباا كاتعاااارك الموت لوحدهاا..فديك الغرفة الباردة..
حط راسوو على الحيط وهو منهك..ماقاادرش ينطق بكلمة..وعقلو مااكايتوقفش عن التفكيير فأشيااء مأسااوية..تسمع صوت ارتطام شيء معدني مع الأرض..
ااه كان خااتمها..خاتمها اللي لازم يزير علييه بقوة..مااحسش بييه حتى طااح من يدو..تكون هاادي علامة للي كاايدور فباالو؟
طااحت دمعة من عينوو وغلقهوم بقوة فمحاولة منو لقمع باقي الدموع..شد رااسو بين يديه بقوة وصرخ بصوت عالي
-دياب:اععععععع
بقايا ليلة باردة..رائحة المطر في الهواء..دم تجمد في عروقه..يأس لا يمل صحبته..وحياة انكمشت من شدة البرودة..
عقارب الساعة تزحف في ملل نحو الخامسة صباحا..وهاهو فجر اليوم الجديد يحل بخيوطه البيضاء الناعمة..
تنهييدة خااارجة من أعمااق قلبو كسراات الصمت المخيم..فتح عينو وهو كاايشووف فالسمااء واللي كانت مغيمة وعليهاا أشعة خفييفة..
غاتكونو كاتسااءلوو..دياب شنو كاايدير فالخارج؟وعلااش مابقاااش مع حبيبتو؟علااش ماابقااش بجانب باب غرفة العمليات؟..
يكوون خاان وعدوو ليهاا وخلاها؟أو ربما هي خاانت وعدها ليه وغاادرات لدار البقاء؟مشااات وخلاتو لوحدو؟خسراات فعرااكها أماام الموت؟
وقف من فوق الكرسي الحديدي البارد واللي كانو علييه بعض القطراات من المطر..تمشى بخطوات بطيئة فاتجااه داخل المستشفى..مااعندوش استعداد لمواجهة الدنيا المزدحمة بالناس..أصبح جبان؟ممكن!..
وجه جاامد وباارد كبرودة الطقس..ممحي من الملامح..وكأنو جسد بدون روح..وهو كذلك بدون ريم..
تمشى فوق بعض البرك الصغيرة من المااء وهو ماحاسش بيها..
دخل وبقى كاايتمشى فاتجااه غرفة العمليات..صونا تيليفونو..هزو من جيبو وتطالع عليه..حتى أنو توقعوو قبل مايقرا الاسم..يزيد..يزييد اللي ماتوقفش عن الإتصاال الليل كولوو..أكيد غايكون مشوش على دياب..فالأخير هو عارف وضع ريم ومن الطبيعي يتشوش على صااحبو..رفض الإتصال بحال باقي المراات اللي سبقو..وطفا التيليفوون..
كييف قلنا..ماعندووش استعدااد يتكلم مع حتى وااحد..كيفماا كان!
رجع جلس فووق الكرسي..الكرسي اللي شهد على لحظااتو..اللحظات اللي حزن فيهووم..خااف..وصرخ بأعلى صوت..
اللحظااات الكثيرة اللي خرجوو الممرضاات كايجريو..ويتكلمو..اللحظات اللي كايخليوه تاالف فيهوم وماكايعطيوه حتى رااس الخيط..ماكايجاوبووهش حتى لو صرخ فوجووههوم..فالأخيير استسلم ومابقااش كايتكلم..فقط كاايشوف وهو صاامت..بح حلقوو بدون جدوى شنوو عندو ماايدير..
بقى فقط كااايشووف..وكولشي كايدوز أمامو بالعرض البطيء..حتى حس بنفسو تخنق وماايقدرش يبقى لثاانية داخل هاد المستشفى..وخرج منو..لكن ماابعدش..هو بقى دااخل سوور المستشفى..هو وحبيبتوو كايتنفسو هواء واحد..هذا إذا كانت حبيبتو كاتنفس فهاد اللحظة!
وحتى جلس على الكرسي ورجع للجو الكئيب مرة أخرى وتذكر شيحااجة..وقف بسرعة وجرا فاتجااه الغرفة اللي كانت فيها ريم قبل ماتدخل لغرفة العمليات..
فتحو بقوة حتى قفزاات الممرضة اللي كاانت دااخلو..تجاهلها وتجااهل كلامها وتمشى فاتجاه الطاولة اللي كانت تما..مالقااش اللي كايقلب عليه ودار كايشووف فالممرضة بجنون..
-دياب:فينهااا..فينهااا؟
شاافت فيه الممرضة بخوف وقالت
-الممرضة:شش شنوو؟
رجع دياب شعرو المبلل للورء وقال وهو كايحاول يتحكم فأعصابو المتلفة
-دياب:الورقة اللي كانت هنا..ورقة كاان عليها رسم فينها؟
أشاارت ليه الممرضة بيديها لإتجاه السلة دالمهملات..مارجعش شاف فيها وجرا بسرعة للسلة..خوااها كلها وبقى كايقلب فيها وعقلوو غايب..ماعارفش شنو كايدير..وبعد بحث..لقاها مكمشة..فرشها فالأرض وبقى كايضغط عليهاا حتى تقادات وعلى فمو ابتساامة..تلفت لعند الممرضة ولقاها كاتشووف فيه بأسى..من تصرفااتو الظااهر هو عااشق ولهااان..عااشق اللي فقد معشووقتوو..بقى فيهاا بزااف..حتى أنو حرك مشاعرها..
قربات منو وحطات يدها على كتفو..شاف دياب فيديها ورجع شاف فيها باستفهام..تجرآت عليه!..تنحنحات بتوتر وقالت
-الممرضة:أناا اللي كنت جبت ليها الورقة والقلم باش ترسم..رسمها زوين
هي حتى ماشافتوش..وفور مالقاتو كمشاتو ولاحتو وهي كااتسب وتتذمر
طلع دياب حواجبو وقال
-دياب:ومني زوين علاش لحتييه؟شكون عطاك الحق؟
-الممرضة:سمحلياا..كان خاصني ننتابه..فالأخير أشياء بحال هادي كاتكون مهمة عند أقارب الموتى..ماايبقاش فيك الحال..نتا رجل وسيم وباينة فيك ضريف ومأدب وخلووق..غااتلقى حسن منها وغااتبغي من جديد..هاادي هي سنة الحيااة..الوقت فاش كايموتو نااس كاايتولدو ناس أخرين..
رمش دياب عينو بغضب..ناض من مكانو وفيدو الورقة..وقف حتى خوفها..بطولتو وجسمو العريض والرياضي..بنظراتو الغاضبة ليها والحاقدة على الوضع..علاش هي شنو قالت؟..كانت كاتحاول تواسيه فقط!
مرر دياب لسانو على شفايفو وقال
-دياب:فرااسك أنا كيفاش كانتعامل مع اللي كايتدخل فالأمور اللي ماكاتعنيهش؟
رجعات الممرضة خطوة للوراء بتوتر وقالت بصوت خائف
-الممرضة:سيدي..اا أناا..
قااطعها وهو كارز على سنانو
-دياب:كاندمو على النهاار اللي فكر يفتح فمو ويتكلم معايا..هي ماماااتتش وماغااتمووتش..وإذاا كايهمك تواازن العالم..ماكااين حتى مشكل عندي فأنك تكووني نتي التاالية فلائحة الموت..فالأخيير هادي سنة الحيااة والوقت فاش كايموتو نااس كايتولدو ناس أخريين..غبري من قدامي
🌼🌼بعد 6 أشهر..
المغرب..الرباط
فمنزل مروان..
-مروان:إلينااا عطيني نهز عليك عطينيي..
حيد ليهاا المزهرية من يديها وخلاها واقفة وواضعة يديها على خصرها
جمعات فمها بتدمر وقالت
-إلينا:أوووف وااخليني نجمع الدار على خاطري..راك عارف المهدي غي كايتعلق الا ماحيدتش هاادشي غايطيح علييه
قرب منها مروان..باس خدها بخفة..شد ليها أنفها بين أصابعو وقال
زير على خصرها وقرب باغي يبووسها..بعدات راسهاا وقالت
-فاتي:أشقر كاتزير عليا!
بعد منها أشقر خطوتين للوراء وهو رافع يدو للفوق وقال
-أشقر:سمحيليا..سمحيلياا
ماعندو مايقوليها من غير سمحيليا..لأنو إذا قال شيحاجة أخرى ودافع عن موقفو غاتجرو لعند الطبيب وتقول أنو رجع لتصرفاتو السادية..وهو مايقدرش يزيد يتحمل داك الطبيب..كفااية الشهور اللي دوزو مع بعضهووم!
مشات كاتطل على الطنجرة دالغدا وقالت
-فاتي:حبيبي..قوولي
خدا تفاحة من فوق الطبلة..عض منها قضمة كبيرة وحرك راسو بمعنى شنو؟
-فاتي:عمرك تكلمتي مع دياب فهاد المدة كوولها؟
بلع أشقر اللي ففمو وقال
-أشقر:لاا..جربت نصوني ليه ولكن كانلقااه طافي..غاايكون غير البطاقة ثااني كيف ديما..إذا بغاني هو غايصوني..أجي..علاش كاتسولي
-فاتي:وو والو غي سولت وصافي..ماعرفتي ممكن تكون واقعة ليهوم شي حاجة..دازت مدة طويلة وماعليهوم حتى خبار!
-أشقر:لاا..دياب هاكدا داير..وهادو حركاتو..كايختاافي ويرجع يبان..غايكون بيخير مانخافش عليه
-فاتي:زعما!
-أشقر:ااه باقي عاقل هادي سنواات كان ديما داخل فالمشاكل..مايمكنش يعيش هاني ضروري يكون هارب من شيوااحد..هه كايدير غير اللي فراسو..
-فاتي:ااه بصاح..كنتو عاودتو ليا..
-أشقر:ااه..
صمت أشقر لثواني وهو ساهي ومبتاسم..رجع شاف فيها بشك وقال
-أشقر:علاش كاتسولي؟شنو جاك ثاني على دياب وريم؟..بلاتي بلاتي خليني نقلع..أسااامة
دارت فاتي كاتقطع فالخضر وقالت بتوتر
-فاتي:اا لاا أشمن أساامة..
رجع أشقر التفاحة مقضومة لمكانها وقال
-أشقر:باقي حاط عينو على ريم هه..اللي فبالو ماغاايكونش..وحتى إذا دياب تخلى على ريم واخاا مستبعدة..أنا ماغاانخليهاش لواحد بحالو
-دياب:هه ايه تمام تمام..نيتي حسنة كنت باغي نجاوبك على سؤالك..وحتى إذا عندك شي سؤال أخر مرحبا..والله بفضلهوم ماحسيتش بالملل..باقي صغار ومبتدئين قتلوني بالضحك ههههه
احمر وجه رامز من الخجل وقال وهو كايحك فراسو يتوتر
-رامز:وعلااش كاتقولي هاادشي الله الله
كتم دياب ضحكتو..تنحنح ورجع لجديتوو بطريقة خلات رامز يتعجب..شااف مباشرة فعينيه وقال
-دياب:كوولشي هو هادااك ياك؟
-رامز:ااه..كولشي تحت السيطرة..شوية غايجي ألتان إذاا بغيتي شي مسااعدة ياك ماكاين حتى مشكل؟
-دياب:حتى إذا كان..راك عيطي ليه واللي عطا الله عطاه
صغر دياب عينو وهو كايحاول يتذكر
-دياب:ألتان ألتاان..ااه باقي عاقل عليه
-رامز:ختاريتوو يسااعدك فالمهمة دياالك حيث كيف كاتعرف الفرقة ديالك كولها مشاات..و حيث ألتان ثقة وحتى علاقتك معاه على ماكايقولو مزياانة
-دياب:همم ااه مزيانة..خلينا من هادشي جبتيلي اللي طلبت منك
-رامز:أكيد..
وضع الحقيبة اللي كاان هاز فيدو فوق السيارة..فتحها وفور ماشاف دياب اللي فيها ابتاسم..
-رامز:ديااب..نتاا ماغاتستاخدمووش إلا للضرورة..قاانونياا ماخااصنيش نعطيه ليك و..
بقى رامز كايشوف فيه بخوف..وعلاش مايخاافش وديااب كايشووف فيه بطريقة جنونية نوعاا ما..حتى أكثر من جنونو المعتااد..يكون عاش شي حاجة اللي خلاتو يولي يتكلم هاكدا؟
عطاه يديه وطلع هو الآخر وهو متوتر وخايف..دخلو بين الأسلاك وقفزو لداخل المنزل..
-ألتان:كيفاش..وعلاش..اا مافهمتش!
-دياب:خدمت على نظاام الكهرباء تقريبا ل 3 أياام وبعد صعوبة قدرت نتمكن من التحكم فييه
-ألتان:واااو
-دياب:أجي مع هنا..تما كاينين الكلاب
تبعو ألتان وهو كايشوف فيه بإعجاب..سمع بيه بزااف وسمع كيفاش كايدوزو عملياتو لكن عمرو جرب
-ألتان:دابا عاد عرفت علاش أركان ويزيد وروهان ديما كايشكرو فيك ويقولو أنك أحسن شااف..مخطط لكوولشي..واو
ابتاسم دياب وهو كايتمشى وبقى صاامت..وأكمل ألتان
-ألتان:حتى أنا بغيت نولي معاكوم فالفريق..بغيت تكون نتا الشاف ديالي
عملية بسيطة بحال هادي ومافيهاش خطورة كبيرة ومدروسة لشهور عدييدة خلاتو يتعجب بمهارات دياب..ولو يحضر للعمليات الصعبة واللي كاتجي بشكل مفاجئ و بدون تخطيط..تما فاش كايحضر حس دياب الفني والإبداعي وحتى ذكاء فرقتو وثقتهوم بيه حتى لو كانو قراراتو فغالب الأحيان غريبة!
-ألتان:دياب..علاش ماكاتجاوبنيش..وعلاش فرقتك مامعاكش..اه عارف روهان ماتت ولكن يزيد وأركان فين مشاو؟
-دياب:ماشي وقت هاد الموضووع..نتاا غاتبقى هناا وأناا غااندخل للدار لداخل..عارف ماعندكش معلومات كثيرة على العملية داكشي لاش دورك غايكون هو الحماية..وتخبرني إذا جاا شيوااحد..واخا؟
-ألتان:واخا
فتح دياب الحقيبة..جبد منها الكلاشينكوف وعلى فمو ابتسامة..فرحان بملمسو بين يديه حتى أنو بدا كايخاطبو
-دياب:الحووب..توحشتك
-ألتان:بديت كانشك أنو فعلا ماعندكش حبيبة..
شاف فيه دياب وعلى فمو نصف ابتسامة..عطاه جهاز الإرسال وقال
-دياب:ماكاين لاش نعاود كلامي كولشي مفهوم يااك؟
-ألتان:ااه مفهوم..أنا غانقوم بالحماية..كون هاني
عطاه دياب الحقيبة وتمشى فاتجاه المنزل وهو متأهب ورافع سلاحو
بقى ألتان كايشوف فيه بفضوول وكايتساءل مع نفسو كيفاش غاايدير حتى يدخل للداخل دالدار؟
هااء..مفتااح!ولكن كيف دار ليها؟ومنين جابو وعندمن؟
فتح دياب الباب ورجع الساروت لجيبو..دفع الباب ببطء حتى قدر يدخل..أشاار لألتان بمعنى رد الباال..بلاصة مايحضي لاايجي شيوااحد حااضيه هو!
غلق البااب أيضا ببطء باش مايتسمعش صوتو ودخل وهو رافع سلاحو بتأهب..
وحتى طلع ثلاث درجات وهو باغي يطلع للفوق ..سمع صوت قهقهات وضحك ورجع بسرعة ثم تخبى وراء فوتوي وهو كايسترق السمع..
شاافو بجوج فقارورة النبيذ الأحمر واللي كانت من النوع الغالي..رجعو شافو فبعضهوم وعلى فمهوم ابتسامة
-ايجه:خاصنا الكيسان..أنا غانجيب غي من هاد الخزانة
-أليف:واخاا..
وقف ايجه وتمشى فاتجاه الخزانة وصدى صوت ارتطام حذاؤو مع الأرض الرخامية كايتسمع فالمكان..
بقى دياب كاايسب فنفسوو ويفكر كيف يدير حتى يتخبى..وفآخر لحظة قفز من فوق حائط قصير ودخل للصالون اللي حداه..لكن حاجة اللي شكلات عائق بالنسبة ليه هي السلاح..السلاح اللي تضرب مع الحائط وتسمع صوت الارتكام بقوة..
-ايجه:شكوون هنااا؟
زير دياب على قبضة يدو وهو كايلعن نفسوو ويلعن حتى السلاح..ولو أنو سلاحو المفضل لكن حجمو هاد المرة شكل ليه عاائق..
دخل ايجه للصالون وهو كاايشوف بحذر لكن ماكان حتى واحد..ااه ماكان حتى واحد لأنو دياب دخل لتحت المائدة وتخبى فيهاا..
رجع فحالو وهو كاايتكلم مع نفسوو وكاايقول أنو مجرد تهيؤات..جبد الكؤوس ورجع فطريقو وهو كايصفر ويدندن..
رجع دياب لمكانو ورجع كاايستارق السمع مرة أخرى..يقدر يلقي عليهوم من دابا ولكن هو ماباغيش..ماباغيش يضيع عليه المتعة!
صوت تضارب كؤوس الكريسطال خلا رنة فأذن دياب..بقى كايشوف فيهوم باشمئزااز..كيفاش جالسين وواضعين رجل على رجل..كيفاش كل واحد فيهوم كايستعرض ساعة يدو للآخر..وكيفاش كل واحد كايبغي يبان أحسن من الآخر..أشياء اللي كايلاحظها دياب ومايمكنش تدوز عليه
شرب ايجه من كأسو وهو كايتلذذ بمذاقو وفور ماشاف الجريدة على الطاولة..حط الكاس وخدا الجريدة وملامحو متسائلة
-ايجه:شنو كادير هاد الجريدة هنا؟
-أليف:علاش نتا ماكاتقراش الجرائد؟
تقاد فجلستو وقال
-ايجه:لا لاا..حيث مامولفش كانقرا فهاد الجريدة..
تنحنح وفتح الجريدة وهو كايتظاهر بالجدية..ماايبغيش قيمتو تنزل أمام شريكو..
مااقدرش ايجه يزيد يتكلم من هول الصدمة..لاح ليه الجريدة وشد راسو بين يديه
اكتافاا أليف بأنو يقرا بعينيه..لأنو ببساطة كل كلمة قراهاا كاتخلي صوتو يختفي ونبض قلبو يتساارع وحتى ضغط دمو يرتافع..
" اشتبااه الوزيرين الكبيرين السيدين إيجة **** و أليف **** بأعمال مشبوهة وكذا اتهامهم بالفساد..سؤال أصبح يطرح نفسه في أيامنا الراهنة حول مدى نزاهة أصحاب السلطة في بلادنا..هل يستحقون ثقتنا أم أن الشعب مازال نائما ووجب استيقاظه قبل فوات الأوان"
طلع ايجه راسو وهو كايشوف فأليف..وقف من مكانو وبقى غادي جااي..
حااول ايجه يجبد المسدس من وراء ظهرو..لاحظ دياب حركتو وصوب عليه الكلاشينكوف مباشرة ليدو..رصاصو اللي مشات بسرعة عالية جدا وكيفما دخلات من يدو خرجات من الجهة الأخرى مخلية الدم من وراءهاا وحتى صراخ الألم ونظرات الخوف من أليف
-ايجه:اعع أنا غانقتلك..غانقتل ليك الناس اللي عزاز عليك
-دياب:(باستهزاء)ههه هذا إذا لقيتيهوم بعد
-دياب:وصلتوو لنهااية طريقكوم على يد الشخص اللي ظنيتو استسلم ببسااطة وخاف منكوم هه..بغيت نعرف شنو ستاافدتو بأفعالكوم؟شنوو ستاافدتو ونتوما كاتلعبو بأعضااء الناس وتلعبو بحياتهوم على كيفكووم؟ماافكرتوش فالعائلات اللي شردتو وفالناس اللي ماتو بسبابكووم واللي راهوم مازاال فالسبيطارات؟لاا والأكثر باش تخفيو أعمالكووم وليتو وزرااء ههه..وزراء اللي كايداعيو الطهاارة وكلامهووم كولوو على محاربة الفساد صدقو هوما الفسااد بعينو..والله حتى كاانتعجب لكيفاش عاايشين عاادي وكااتحتافلو بإنجازاتكووم!
-أليف:شكوون نتاا باش تكلم معانا بهاد الطرييقة؟هاادشي اللي كاتقول مامنوش وحنا غانعاقبكووم على هاد التهم الباطلة اللي لحتي علينا
رفع دياب حوااجبو بمعنى بصاااح..دور الكلاشينكوف لجهتوو وقال
-ايجه:ماغانمشي لحتى بلاصة حتى يجي المحامي ديالي..مااعندك حتى دليل عليناا
-دياب:متأكد من كلامك؟
شااف فيه ايجه بخوف..يكونو عندو أدلة عليهوم بجوج؟فهاد الحالة هوما غايكونو مشااو فيها!
تكلم دياب فجهاز الإرسال مع ألتان ورجع شاف فايجه اللي مازال شارد وكاايشوف فأليف اللي استسلم لأمر الواقع بسهولة..تنهد باصطناع وقال
-دياب:اوا هادي هي الدنيا..مرة ليك ومرة علييك..مشينا أعمو
تسمع صوت البااب وصوت خطواات جاية لجهتهوم..صافي وصلات نهايتهوم؟
قربو منهوم عناصر الشرطة واللي كانو لابسين لباس أسود موحد مكتوب عليه الشرطة وسروال أسود هو الآخر ذو جيوب كثيرة ثم حزام فالخصر فيه سلاح يدوي
خداوهوم بجوج وهوما فحالة صدمة..ملامحهوم لاتفسر فقط الصدمة!بقى دياب واقف وهو مربع يدو وكايشوف فيهوم وعلى فمو ابتسامة انتصار..وأخيرا وصل للي كان خدام عليه هادي شهور..ودابا مستحيل يخرجو منها سالمين لأنو جمع عليهوم من الدلائل مايكفي بمساعدة رامز..على ذكر رامز
-دياب:سي رامز واش فخبارك أني جامع عليك بزاف دالحوايج اللي ممكن يزعزعو المركز كولو وحتى يخليوني أنا ناخد المنصب ديالك..ماكاين لاش نقوليك عقاب الخونة فخدمتنا!
صمت دياب لثواني وهو كايسمع صوت أنفاس رامز المضطربة من سماعة الهاتف وأكمل
-دياب:شنو بان ليك نخلف بوعدي لييك ونفضحك..هاكدا أنا غانولي بلاصتك..دياب..رئيس المخابرات التركية عن جدارة واستحقاق..على الأقل أنا ماغانكونش جبان بحالك ونكون طعم سهل لعصابات بحال هادي وماغانعرضش أعضاء من فرقي واللي تحت مسؤوليتي للموت
-رامز:دياب
قاطعو دياب وهو كايفتح فقارورة النبيذ الأحمر واللي كان مازال فيها القليل
-دياب:روهان ماتت بسبابك..وحتى دينيز..فنظرك أنا غاندوزها ليك دغيا!
شرب من القارورة فدقة وحدة وهو غالق عينوو وكايستامع لكلام رامز فالهاتف
-دياب:علاش ماغانديرهاش!ياك كنتي قلتي ليا بفمك أني إنسان شغوف..علاش أنا هاد الأشهر كاع اللي عايش كيف الفار وواخا كولشي اللي وقع ليا فحياتي الشخصية كملت المهمة ديالي وخدمت صباح وعشية وفالأخير مانتجازاش؟
-رامز:أنا غانعطيك اللي بغيتي ولكن ماتفضحنييش..ياك أنا عاونتك؟ياك كذبت وقلت أنك استاقلتي من الخدمة واخا نتا باقي خدام..عااونتك بزاف باش توصل للأدلة وقبلت تكون وردة الوسيط بيناتنا وتوصل ليك كاع المعلومات
خرج دياب من المنزل وهو كاايصفر ويشووف فالديكورات المعلقين وحتى اللي فالأرض..أشيااء أثرية قدييمة..
غلق الباب ووقف كاايشووف فسيارات الشرطة واللي خداو أليف وايجه فيهووم للمركز تما غايتم التحقيق معاهوم بسرية تاامة بعيدا عن الصحافة..
ماكانش عليه يخرج الأخبار للصحافة لأنو ماشي من حقو ولكن شنو يدير؟هو بغى النااس يعرفو..يعرفو أنو اللي كايصوتو ليهوم ويوثقو فيهوم مااهوما إلا مجرمين متخفيين..بغاهوم يفيقو ومايبقااوش نااعسين على وذنهوم!
-دياب:حنا هنا فالخدمة والحياة الشخصية بعييدة..هناا خاص قلبك يكوون حجر وتنسى كوولشي..تفكر فخدمتك وفالمجرم اللي خاصك تقبض عليه..خااصك تفكر فالعملية اللي خصها تكون ناجحة وبدون خسائر..هااكداا كانخدم أنا وفرقتي
-ألتان:سمحلي..مااقصدتش
شااف فيه دياب بجمود لثواني ثم ابتسم..ضربو على كتفو وقال
-دياب:ماشي مشكل أصااحبي..تهلااا فيها مزياان
-ألتان:شكون؟ اا ااه خطيبتي
-دياب:حميهاا وبغيهاا حتى لأخر نهاار فحيااتك..وحتى لو كان القدر واقف ضد علاقتكووم..واجهو بكل قوتك..عييش على قبل حبك ليهاا..ومااتفكرش تخوونها..كوون رااجل
بقى ألتان كاايشوف فيه باستفهام وكاايسمع لنصائحو..اللي شافو كايتحدث هاكدا مايقولش هو اللي كاان كايتحدث بصرامة قبل قليل وكان كل هموو العمل!
-ألتان:اا ااه..أنا كانبغيها بزااف..حبنا كان من الطفولة..كبرنا مع بعضنا..مانقدروش نتخيلو نفسنا بعاد على بعضنا..
بقى دياب صامت وكايسمع ليه وعلى فمو ابتساامة..
-ألتان:ااه نسيت ماقلتش ليك..قبييلة تكلمت مع..
🎶صوت رنين هاتف ديااب..
جمع دياب حواجبو باستهجان..وفور ماشاف المتصل..فتح فمو وقال
-دياب:yok?!
-ألتان:صونيت ليه بااش نسولو على طريقة العمل معاك ولكن..صدق ماعاارفش
-دياب:سبقني للمركز ودخل حقق معااهوم أنا عندي واحد الغرض
-ألتان:شنو هو!
شااف فيه دياب بمعنى من نيتك..تنحنح ألتان بحرج وقال
-ألتان:صافي أنا غانحقق معاهووم..واش بصاح نتا غاتستاقل
-دياب:ااه بصاح
-ألتان:وعلاش؟
شاف فيه دياب بنفس النظرات وقال
-دياب:بسلاامة
🌼🌼فسيارتو..
جالس فسيارتو الكلاسيكية..سيارة اللي كانت بدون رقم..
شد راسو بين يديه وتنهد بقوة..وكأنو كايطرد كل تعب اليوم وكل الضغوطات اللي عااشها من صباح اليوم..وحتى كل مجهوداتو كل هاد الشهور..دابا عاد قاادر يتنفس بأريحية بعدماا أنهى العملية بنجاح وداز كولشي كيف بغى..
طلع رااسو ودوز يدو على وجهوو..وعاد كان غايديماري حتى لمح كتااب واضعو فالأمام..ابتااسم ابتسامة خلات وجهو يبان منور..وكأنو النور رجع ليه..
مذكرات حياتي..ريم..الجملة اللي كانت مكتوبة فغلاف هاد الكتاب..حملو بين يدييه ومازالت الإبتسامة على محياه..وعاد كان غاايفتحوو حتى سمع صوت رنين هاتفو من جدييد..غلق الكتاب وهو كايتأفف..خدا التيليفون من جيب الدجاكيط ديالو وقبل الإتصال
-مروان:ااه ااه بيخير هوما فالكوزينة أنا فالصالون..ندوزهوم ليك
-دياب:لا غايكثرو علياا الأسئلة وأنا مامستاعدش نجاوب..خليهوم حتى نصوني ليهوم
-مروان:دياب..كولشي بيخير؟
-دياب:ااه ااه بيخير..عادي بحال كاع الأيام
تنحنح مروان وهو كايحاول يبدل الموضوع وقال
-مروان:عندي ليك واحد الخبر اللي ممكن يفرحك..
-دياب:بصااح..شنو هو؟
-مروان:ولد لالة نزهة رجع للمغرب
-دياب:بصاااح..هادي خبار زوينة..كاين حداك
-مروان:ااه ااه حدايا..بغيتي تكلم معاه؟
-دياب:دوزو ليا..
بقى دياب كاايضرب بأصابعو ويطبل فغلاف الكتاب واللي كان صلب وفنفس الوقت كاايسمع لكلام مروان وولد لالة نزهة..هاد الأخير اللي كايتسااءل شكون هادا اللي باغي يتكلم معاه..(مابقيتش عاقلة واش ديجا ذكرت سميتو😑)
-كريم:ألو السلام عليكم
-دياب:وعليكم السلام كيداير أخويا صافا؟
-كريم:بخير الحمد لله
-دياب:صاافي عييتي من الغربة
-كريم:أش غانقوليك أخوياا..جاابتني غي ميمتي اما كوون جات عليا كاع مانرجع..لقيت الخير فبلااد الناس ومالقيتهاش فبلادي..واخا غاامرت ومشيت فطريق ماعرفتش راسي غانخرج منها حي ولا ميت..غاايلوحوني الامواج لاسبانيا ولا يرجعوني للمغرب من جديد..غاياكلني الحووت ولاا غانخرج صحييح فصييح..ولكن الحمد لله كوولشي داز بيخير..كانت تجربة زوينة
-دياب:ماكانش علييك تغامر أخووياا بديك الطريقة
-كريم:وشنوو غاندير فبلاد ماعطااتنيش..ماابقى عندي حتى سبب اللي يخليني فيهاا
-دياب:كااين أخويا كااين..كااينة مييمتك..مااتخيلش كيفااش كاايلمعو عينيهاا مني كاتفكرك..أي موضوع خااصها تدخلك فيه..حتى من عرسي كانت كاتقوول كون كاان ولدي كون راه عرييس دابا
-كريم:ماتفكرنيش فالزواج..باقي حتى مااكملتش سااعة معاها وكاتقلب ليا على عروسة
-دياب:هه هادي هي الدنيا..حتى واحد ماكايبغي ليك الخير..حتى من مك باغة تزوجك
-كريم:هادي عنك اخوويا ههه
-دياب:ههه اواا مزياان..على سلامتك اللي وصلتي على خير ورجعتي شفتي ميمتك..مااتفرطش فيها
-كريم:غاانديرها فعيني أخويا..الحمد لله على كل حال
ابتااسم دياب وقال
-دياب:حمدا لله على النعم التي أعطانا..على الشخص أن يكون دائم الشكر للخالق يا أخي فأكثر من الحمد والإستغفاار يستجب لك الله ويغفر ذنوبك وخطايااك..أستغفر الله أستغفر الله أستغفر الله..
صمت دياب وهو كاايحاول يحبس ضحكتو الوقت اللي كاايسمع لكلام كريماللي اصدم من هاد التغيير المفاجئ..اللغة العربية نعاماااس..والإيماان كايتقطر
-كريم:توحشتهاا بزاااف خصوصاا من يدين الشريفية..الله يخلي ليها صحيحتها
-مروان:أميين ياربي..اواا كيف دايرين الأحوال فإسبانيا؟
🌼🌼عند دياب..
اللي من بعدما قطع مع مروان وكريم رجع هز المذكرة بين يدييه وفتحها..كاايقلب صفحااتها بعنااية وكأنو خايف الأوراق يتقطعو..كايقراا بعينييه الكلمات والأحرف اللي كتباتهوم أنامل حبيبتو وأبدعت فيهووم..لحسن الحظ أنو ماهملش اللغة العربية وأنوو متمكن منهاا وقاادر يقراهاا وحتى يكتب ويعبر بيهاا وبأسلوب جميل..
"كيف انتقلت بليلة واحدة من إعجاب لحب؟فتحت على قلبي هذا الجحيم حتى انقلبت حياتي..أعلم..لن أعود كما كنت أبدا..
تغيرت كليا..كل شيء في حياتي اختلف معناه..حتى أبسط الأشياء..الليل..الأغاني..الرقص..صرت أستمع لأم كلثوم..عبد الحليم..وحتى فيروز..
باختصار أصبحت أنثى جديدة تنكر وجود الأنثى السابقة"
قلب دياب الصفحة بعدما قرا هااد الكلمات..هاد الكلمات اللي مرت عليهوم سنواات..اييه نعم..كتبااتهوم ريم بعد أول لقااء ليهوم بجوج..
دور الصفحاات وهو كاايقرا كتابات ريم..كتابات اللي غاالبهوم عليه هو..إذاا حتى هي طوول السنواات اللي مرت كانت متذكراه..لا والأكثر كانت كااتبغيه..حب اللي كانت كاتظنو حب من طرف واحد..حب مستحيل..أسماء كثييرة سماات بيهاا حبها ليه..ماكانتش عارفة أنه هو الآخر كايبغيها..وأنوو قبل مااينعس كايتذكر لحظاتهوم واللي واخا كانت قليلة إلا أنها كانت كاتعني ليه الكثير والكثير..
الإثنين حااولو يقمعو مشااعرهوم لكن ماقدروش..ماقدروش أمام قوة وجبروت عضلة تسمى القلب..صدق من قال أن من السهل أن تطرد جيشا استعمر وطنك..لكن من الصعب أن تطرد حبا استعمر قلبك..
وهو كاايقرا كلماتهاا تذكر أول لقاء ليهوم..قربهوم من بعضهوم..شفاايفو واللي كادت تلامس شفايفها..نظرااتهوم لبعضهوم
"واخخخ من مواصفات فارس أحلامي..بفضلك اكتشفت أننا نحن البشر لا نختار من نعشقهم..ولكن القدر يقودنا لأشخاص قد نجن بعشقهم"
فور ماا قراا هاد الكلماات تذكر كلامها ليه على فارس أحلامها..عاارف أنو ماكاايملكش المواصفات اللي كانت باغااهوم ريم فزوجها..عاارفها وعلى غير البنات اللي عرف ماكاتهتمش بالجمال ولا حتى المال..عارف أنها كانت باغا زوج صاالح ومايكونش مقصر جهة خالقو كيفما هو كاايدير للأسف..ولكن على الأقل هي شكراات مرحو وروحو الطيبة..حنانو واحترامو ليها كأنثى وكزوجة..أمر اللي كايخليه يفتخر بنفسو..هو ماشي من النوع اللي كايبغي يتجبر ويطغى وحتى يبين رجولتو ويتمرد او يغرو مالو وجمالو..هو ممن النوع اللي رغم كولشي متواضع..اللي ماكايغيرش من شخصيتو باش يعجب الناس ويبان هو القوي..ومع ذلك هو عندو هيبة غريبة وكاع الناس كايحتارموه..كيف كاايقولو اللي عندو عندو..
وهو كاايقرا فكل الكلمات اللي نثرهوم قلم حبيبتو عليه..كان كايحس بإحساس غريب!وكأن ثلوجو بدأت فالذوبان والإنصهار..من شذة العشق الذي هو فيه
وهو كايقرا كايشوف صورتها وهي ضاحكة..صورتها المحفورة بين جفونو..كايشوفها وهي مادة يدها ليه وكاتسنى منو الإحتضان..كايسمع لهمساتها اللي كاتطرب أذنيه..
قلب الصفحات بسرعة حتى وصل للصفحات الأخيرة..
"يكفي أن يحبك قلب واحد..فإذا حبك المئات فحتما أنا منهم..وإذا لم يحبك أحد فاعلم أنني مت.."
عض شفتو السفلى وهو كايقرى..لهاد الدرجة حباتو وتعلقات بيه؟..أكيد ماغاتكونش بقدرو..
لو كان يقدر يهديها عينيه كان غايوضعهوم بين يديها..لو كان يقدر ينزع قلبو من صدرو ويعطيه ليها لأعطاه بدون أدنى تفكير..لو كاان يقدر يسجل أيامو باسمها لفعل بدون شك..لو ولو ولو..
"أيام سوداء قاتلة لا ترى الشمس..فراغ..صمت..عذاب وظلمة الليل..أيام تحتضر..كالأشباح..أيام أتقنت فيها لغة البكاء..قمري أنت فلا تغب الليلة..لا تتركني وحيدة..بدونك أتكلم بلا صوت..أحيى كي أنتظر الموت..ويسودني إحساس بالندم على ذنب لم أقترفه!..وجهي بين الدموع غريق..وأملي في البقاء أصبح بريق..عذرا لخذلاني المسبق لك.."
وهو كاايقرا فكلماتها كان كايمرر يدو على الورق..الورق اللي عواج بفعل الدموع..أكيد الدموع اللي كانت كاتبكي وهي وحيدة فتلك الليلة..تلك الليلة اللي عرف فيها بمرضها وخرج مخليها لوحدها فالمنزل..كان قاسي معاها فتصرفاتو لكن كان كايقول أنو كولشي فصالحها وصالح مرضها..بسبابو كانت كاتحس باليأس والضياع فديك الليلة..لو أنو بقى معاها وضمها بين يديه بقوة كان أحسن..لو أنوو خلاها تبكي على صدرو..يقبلها بحنان..ومايلومهااش ولا يسولها..فقط يبقى صاامت..هي هااكذا دارت معاه فالليلة اللي كان فيها منكسر..فالليلة اللي عرف حقيقة باباه وتذكر طفولتو المريرة..ماسولاتوش وماستفسرااتش..فقط عنقاتو
مقبرة من بين مئات المقاابر اللي فمدينة إسطنبول..ذات ممراات كثييرة وأشجار شاامخة عااطية ظل وحااجبة ضوء الشمس السااطع..
مقابر مترااصة وذات أشكال مختلفة..كلها من الرخاام حتى أنو البعض منها مبني على شكل قلعة..وكااينيين قبور واللي بالإضافة لإسم ونسب صاحب القبر..تاريخ ازديادو ووفاتو كانلقاو حتى صورة فوتوغرافية ليه
أمور اللي كانلقاوها فملايين القبور اللي فإسطنبول..أهالي هاد المدينة اللي كايصرفو من أموالهوم ملايير الليرات من أجل تهيئة القبور..متجااهلين أنو الزينة مامنهاش وماغاتنفع اللي داخل القبر بحتى حاجة...كيف كايقولو تتعدد القبور والموت واحد
بطلناا كايشوف أن لهاد المقبرة جمال..ايه نعم جمال..كيف كانعرفوو هو مصور وأكيد نظرتو مختلفة..لكن على غرار هادشي..إحساسو مخليه يحس بهاد الجمال..كيفاش مزينها المرمر اللي فووقها..الشجرة الكبيرة اللي وسطها..المروج المحيطة بيها..كيفاش كاتصد وهج الشمس وكاتسوي بين الظلال والأنوار..مكان يغمره الحزن وهو بهيج!..نعم هو كايشووفو جمال..جمال ذابل وحزين..كيفماا كانت ماماه فاش مات بابااه كيفما كانت روهان ودينيز..كيفماا كانت حبيبتو قبل شهوور وهي كاتعاني مع المرض..وردة ذاابلة لكن رغم ذلك كانت بااقي فنظرو جميلة..لا بل أميرة الأميرات
تمشى وهو دااخل مع ممر من الممرات..وهو كايتخطى القبور الرخامية الكثيرة..حتى وصل لقبرين بجانب بعضهوم..وشكون من غيرهوم..روهان ودينيز..هاد الجوج اللي مازال كايحمل نفسو ذنب وفاتهوم وهوما مازال صغاار وفشبابهوم..الإثنين رتااكبو أخطاء لكن هو عارف..عارف أنو قلوبهوم طيبة وإلا ماكانش وثق فيهوم..كلنا خطائين حتى هو خطأ ومازال كايخطأ..فالأخير ماهو إلا بشر
ندمان لأنو خلا روهان تتعلق بيه وتوقع فحبو ولو بدون مايقصد..حتى ندمان لأنو استغل حبها ليه باش يقبض على باباها..وحتى دينيز..ندماان اللي ماحمااهش من جاان..وكايأنب نفسو لأنو دينيز عااش معاناة كبيرة..تأنيب الضمير..أصابع يدو اللي تقطعو ومسيرتو المهنية اللي سالات..طفولتو هو الآخر القاسية واللي كان عنوانها اللقيط وفقدانو لبصرو..وأخيرا انتحاارو..
بااقي كايتذكر كل التفااصيل..وحتى تفاصيل كل تفصيل بحد ذااتو
قرا عليهوم ما تيسر من القرآن ووضع بعض بعد من الزهور على قبرهوم
ودعهوم وتمشى وهو خاارج
خاارج من الممر وليس من المقبرة..بااقي عندو فيها مايداار..وبااقي كاينة وحدة اللي كااتسالو الزيارة..واللي من الأكيد والمؤكد مايمكنش ينسااها
لحظة لحظة هاد الممر كايذكرو بشيحااجة..وهو كايشووف فهاد الممر كان كايشووف وجه باباه..باباه واللي مجرد تذكر اسمو كايخلي كااع اللي مر منو فطفولتو يرجع يدور فبالو..كاع اللي قاال نسيتو كايرجع ويقوليه لاا..نتا مانسيتيش..وعمرك غااتنسى..عمرك غاتنسى طفوولتك..شحال كنتي مثير للشفقة..كيفاش كاتمثل السعاادة ونتا عكسهاا..فقط باش النااس ماايتكلموش عليك بالسوء..فقط بااش يبقى دياب فنظرهوم هو الشااب الوحيد لعائلتو..المدلل واللي منوض الشييب فباباه..باباه الرجل الطيب واللي كاع أصدقاؤو كانوا كايحسدوه علييه..شخص تحلف أنو ماايقدرش يآدي حتى نملة..شكوون يقول أنو كان كاايعنف ولدو الوحيد ويعذبو..شكون يصدق أنو أطفال أبرياء تغتاصبو وماتوا من طرفو..وكان ممكن حتى ولدو يكون منهووم لولا لطف الله ولولا مامااه!أب كايغتااصب ابنو ويقتلو!جملة كااتخلي لحمك يبوورش فور ماكااتسمعها..وكاتقول مع نفسك وااش كاينين نااس حقيرين لهاد الدرجة؟..وكاايجي الواقع وكايجاوبك بكل صرامة..ايه نعم كااينين..كاينين اللي كايخليو غرائزهوم يتحكمو فيهوم..ورغباتهوم واللي شحال كبثوها فداخلهوم اللحظة اللي كايخرجوها للواقع..كاتوقع كرائث بحال هادي..
شكر دياب الله فنفسوو كثيراا اللي ربي نجااه من شر والدو..وقاال فنفسو اللهم المعاناة اللي عشتها ولاا اللي عاشوها دوك الأطفال وهوما كايتغتاصبو حتى للموت..ماعارفينش شنو كايوقع ليهوم بالضبط؟علاش هوما؟شنو دارو؟..علاش مايشوفش بإيجابية..على الأقل المعاناة اللي عاشها خلات شخصيتو تقوى وخلاتو ينضج فسن مبكرة حتى لو ماكانش كايبان عليه..
طلع راسو للأعلى حتى برزات تفاحة آدم فعنقو..شاف فالسماء..السماء اللي اختفت منها الشمس وخباوها الغيوم..جو متقلب تعود عليه..ماهو سنوات وهو فهاد المدينة..تنهد بقوة ورمش عينيه بسرعة وهو كايحاول يرجع هااد الشيء اللي بدا كايثقل ليه على عينيه..واخخ على حبيبتو هي سبابو حتى ولا كايتأثر ببساطة هي اللي فيقات دموعوو اخخ منك أريم اخخ
هبط راسو وشااف فالممر من جديد بنظرات باردة..ضحك باستهزاء وقال
المركز اللي كولو هرج وكااع اللي فيه ماليهوم الفضوول..واش الكلام اللي تقال بصااح؟وااش ديااب المخبر اللي كان معاهوم قبل 6 أشهر واللي حتى ماقاالو استقل ويمكن ليهوم يكونوو الأحسن من بعدو..تصدمو دابا بخبر أنو ألقى القبض على رؤساء عصابة التجارة بالأعضااء..ويزيدو يتصدموو أنو هاد الرؤسااء هوما فالأصل وزرااء!..كولهاا هادي جرؤة فديااب!وعلااش رامز ماكايمنعووش واخا عارف أنو إلقاء القبض على وزراء ماشي ضمن صلاحيتهوم!
خرج ألتان من الغرفة السفلية..واللي كان فيها ايجه وأليف..تلقااو ليه بعض المخبرين والمخبرات كاايطرحو عليه فالأسئلة..حتى هوما باغيين يعرفو..علاش هادشي سري لهاد الدرجة؟خرج من وسطهوم بمشقة الأنفس وطلع فاتجاه مكتب رامز..
دق الباب وبعدما أذن ليه دخل..
-ألتان:سي رامز..سي دياب باقي ماجاش..وو أنا مابغيتش نبقى فهاد القضية..ماشي كانعاارض قراراتكوم أسيدي ولكن..أنا اا..
قاطعو رامز بصوت صارم وقال
-رامز:نتا معفي..من حقك تخاف على نفسك
شاف فيه ألتان بفرحة وقال
-ألتان:بصااح أسيدي..شكرا بزااف..أنا..
وقف رامز من مكانو ورفع يدو بمعنى سكت..
-رامز:ولكن غاتبقى معايا حتى يجي دياب...(بهمس)هادا إذا جا بعدا..
خرجو من المكتب وتمشااو فاتجاه المصعد..وعاد كانو غايدخلو ليه حتى كايلمحو دياب جاي بمشيتو الرجولية..معلي راسو بتفااخر ومتجاهل كاع الأعين اللي عليه..وحتى قرب يوصل ليهوم ووقفو مخبر..مخبر اللي من ديما وهو كايحاول ينافسو..آواز
-رامز:أمور بحال هادي غاتطلب وقت طويل..وحنا غايتمارس عليناا ضغط ديبلوماسي وممكن نتعااقبو
-دياب:عاارف ماكاين لاش تقولياا..ماكايخوفنيش هادشي..والاا حتى الحق كايتعاقب عليه مستعد نتعاقب..ماافهمتش واش الشعب كايختاار اللي يدافع على حقوقو ويكون وكيلو في التشريع وفي مراقبة أداء الحكومة..ولا كايختارو باش يشرع لنفسو اللي كايميزو ويستثنيه ويحصنو ضد تنفيد اللي كايشرعو القانون..هادا هو التخربييق بعينو
رجع دياب مربع يدو وكاايخمم مخلي ألتان كايشوف فيهوم بتعجب..علااش رئيسهوم مطيع لدياب ولهاد الدرجة..ومخلي رامز واللي ولاناا لونو مخطوف..كايأنب نفسوو ونادم على النهار اللي قرر يعاون ديااب وحتى النهاار اللي عطااه هاد المهمة..لو أنو عطاها لمخبر آخر ماكانش غايتجرأ لهاد الدرجة وكان كولشي غاايدوز بيخيير..هوماا كشرطة ممنووع عليهوم يستجوبو رجل من رجال الدولة حتى لو عندهوم الدلائل..أكييد غايتعااقبو لأنهوم تماطااو وعقابهوم غايكوون الطرد من العمل..وفهاد الحالة هو الوحيد اللي خااسر..لأنو دياب مابقاتش عندو إرادة فاأنو يكمل فهاد العمل ونااوي يخرج بإرادتو..
صوت رنين هاتف رامز..خلا دياب يرجع يشوف فرامز مرة أخرى..
-رامز:اا..هاداا..اا
-دياب:شكون؟
-رامز: اا قاضي من محكمة الوزراء العليا..هو..كيفاش عرف بهادشي؟
شاف فيه دياب لثواني وهو صامت..ابتاسم وضربو لكتفو ثم قال
-دياب:تهلا فراسك..(بغمزة)وماتنساش نصائحي ليك..
توتر ألتان من هاد الانقلاب المفااجئ لدياب وقال بابتسامة
-ألتان:ماغانساش..بسلامة..
رجع تمشى فاتجاه المصعد وضغط على الزر ودار كايشوف فيهوم وهوما غاديين فاتجاه الغرفة اللي فيها ايجة وأليف..
فتح الباب ودخل..تبعو رامز هو الآخر..
تمشى فاتجاه دوك الجوج واللي كانوا سادين ليهوم فمهوم ورابطينهوم..الشي اللي خلا رامز يزيد يتوتر
-رامز:دياب..نتا شنو درتي..علاش ربطتيهوم
جاوبو دياب وعلى فمو ابتسامة جانبية
-دياب:فجميع الحالات حنا غانتعاقبو..نديرو علااش بعداا..
قرب لعندهوم وحيد لكل واحد منهوم اللصااق بقوة حتى صرخو بألم..
-دياب:مرحباا بيكوم عندنا
بقى ايجه كايدور عينو فالمكان وهو مازال كا
ينهج بقوة وحر اللصاق مازاال كايحس بيه..لاحظ دياب نظراتو وقال
-دياب:ماتخافش ماكاينينش كاميرات وحتى واحد ماكايتنصنت علينا..كانحتارموو القانون أسي ايجه
-ايجه:هادشي اللي كاديرووه ماشي قانوني..ماشي من حقك تدير معانا هااكداا..واش ماكاتعرفناش شكوون حناا؟..غاتندم على اللي درتي فينا وعلى هاد التعامل اللي خليتيهوم يتعاملو معانا..(شاف فرامز)وحتى نتا غااتندم..غااتندم اللي خنتينا وحتى نتا غاتعااقب..
بقى رامز كايشوف بخوف وكاع ديك الهيبة اللي كانت عندو اختفت..ولا كايبان بحال الفاار..هو اللي دارها بيديه وتعاون مع دياب وفاللخر نكرو..كوون غير بقا خاايف وستر على الجرائم دهاد الجوج اللي قدامو..
-أليف:نسيتي أننا عندناا بزاف دالأدلة باللي كنتي معاوننا..وباللي كنتي حااضر لقتل معتصم..حااضر لجريمة قتل فالمركز ديالك..الا مشينا فيها غانجرووك معانا..من الأحسن تخلينا نخرجو من هناا..ثيقنا غاتكوون فأمان ماغاانديرو ليك والو..خرجناا وحتى واحد ماغايتآدى
-دياب:ااه حتى واحد ماغايتآدى من غير الناس اللي كاتسرقو منهوم أعضاءهووم بالنسبة ليكوم هاادووك بحال الحشرات..ماابقى عندكوم فين تمشيو وحتى لو سي رامز أطلق سراحكووم أنا ماغانخليكوومش..وغانبقى وراكوم كيف خيالكووم حتى تعاقبو..قضيتكوم وصلات للقانون..وقاضي محكمة الوزراء العليا قريب يجي..وحتى ممثلي لجنة الشعب..الأدلة ضدكووم حااضرة من أصغر عملية ليكوم حتى لأكبرها وبكل التفاصيل..وماايمكنش تستخدمو نفوذكوم وتغيرو مجرى القانون حيت كوولشي مدروس..كل الأطراف اللي داخلين لهاد القضية كانثيق فيهوم..وكولهوم مدينين ليا..وحتى ممتلكاتكوم وأموالكوم غايتم تجميدهاا بعد ساعات..يعني باختصاار هادي نهايتكوم..وماعليكوم إلا تستسلمو للأمر الواقع..
-ايجه:الا كاانت هادي نهايتنا غاتكون حتى نهايتك..يااكما كاتظن نفسك غاايديرو ليك تكريم ويشكروك على العمل اللي درتي..هاد الخبر ممكن يزعزع أمن الوطن..نتا غاتعااقب..ورخصة العمل ديالك غاتسلب منك
-دياب:همم مزيان..عقاب مناسب لياا..على الأقل ماغانخسرش بقدركوم نتوما..ااه..أنا ماكانتسنااش اللي يشكرني ويديرليا تكريم ولا حتى يخليني نعلا فمنصبي..اللي كانديرو كانديرو حيث عندي ضمير (وهو كايشوف فرامز)وحييث ماكانبيعش نفسي بالرخييص..(تنهد وهو كايشوف فساعة يدو وقال)على أي..ماكاين لاش نكثرو فالكلاام كولشي بااين..داباا غانقوليكووم بسلاامة..ماكاين مشكل فأنك تبقى معاهوم أسي رامز..ونسهوم شوية وتكلم معاهوم..ماتخليش ضيافنا يحسو بالملل..ااه غانستخدم المكتب ديالك شوية..
خرج من الغرفة ووصى الحراس اللي حدا الباب من جديد..مخلي رامز وأمامو ايجه وأليف كايشوفو فبعضهوم لثواني وهووما صامتين..هاد الصمت اللي مابقااش وبسرعة تحول لهرج وصرااخ وتهديداات..
🌼🌼بعد نصف ساعة..فمكتب رامز
وقف دياب من كرسيه وتسالم مع الرحال اللي أمامو وعلى وجهو ملامح صارمة وابتسامة صغيرة بالكاد تلمح..فرحان اللي كولشي داز كيف خطط ليه واللي توفق فمهمتو وأداها على كل وجه..
خرجو ضيوفو من المكتب واللي كانو 6 من ممثلي لجنة الشعب وقاضي محكمة الوزراء العليا..
جلس فكرسيه..قام بجركات رياضية حتىتسمع صوت فرقعة عظام رقبتو..قرب أكثر للمكتب وبقى كايطبل فيه وهو سااهي..لمح وردة حمراء فوق المكتب..مد يدو حتى حملها بين يديه وبقى كايشوف فيها بتعجب..شكون هادي ولا هادا اللي جاب وردة لرامز؟
حملها بين يدو وبدا كايقطع فأوراقها وهو كايتمتم بين شفايفو..
تذكر كلمات كان قراهوم قبل قليل فمذكرة ريم وزااد ابتااسم..حبيبتو ذكية وهي الأخرى كاتقرى أفكاروو..
"أغار من تلك الوردة التي تلامس يديك..أغار من حديثك معها..وسؤالك عني..تسألها وتقطف أوراقها..ورقة تحبني وأخرى لا..أرجوك يا وردة أخبريه أني أحبه..لا بل أعشقه..أخبريه عن كل نبضة ورعشة شعرتها بحبه..أخبريه أني سأعيش على حبه وسأموت على حبه..حب حتى الموت..لماذا مازلت صامتة يا أيتها الوردة؟"
-دياب:ماكاتبغينيش..كاتبغيني..
هااهي الوردة مابقااتش صاامتة..حتى أنها عطات أورااقهاا وخلات آخر ورقة تقطع منها متبوعة بكلمة كاتبغيني..وكأنها كاتقوليها ماتغيريش مني..لا دااعي للغيرة..ها أنا برهنت لحبيبك عن حبك ليه..
على ذكر الغيرة..مازاال كايتذكر كلاام آخر كتبااتو بخصوص هاد الموضووع
"أغار عليك إذا ضحكت ضحكة لم أراها..أغار عليك إذا شعرت بلهفة لم أكن سببها..أغار عليك من كلام تتكلمه..هواء تستنشقه..ومن كل ما تفكر به وتتخيله..أغار من كلامهم عنك..وإعجابهم بك..حتى أني أغار عنك من حبي وإخلاصي وجنوني..حب هو أم هوس؟"
قاالت هوس قاالت..لو تعرف شحال هو مهووس بيها ماتجرأش وتقول عن غيرتها هوس..هو أكثر منها وبكثير..هاد الأشياء اللي كاتقول أشياء صغييرة فنظرو..لأنو تخطى هادشي بكثير..ولو أنو ماكايظهرش فقط باش مايبانش أنو كثير الشكوك
رجع شاف فالساعة من جديد..اخخ الوقت دغيا دااز..وعقارب الساعة جراو بسرعة فاتجاه الساعة الساادسة مساءا
وهو كايشوف ساعة يدوو عينيه مشاو مبااشرة لخاتم زواجو..برهاان حبو ليها..مستحييل يحيدو من أصابعو..مستحييل
بااقي كايتذكر الإحساس اللي حس بيه فور مانطقاات بكلمة مواافقة وعلى فمها ابتسامة..ولو أنها كانت مقلقة منو إلا أنها ماكانتش قادرة تخفي سعادتها..سعاادتهاا ماكانتش كاتضااهي سعادتو وهو كايشوف حبيبتو أمامو..لكن هاد المرة بنظرة مختلفة..كايشوفها حلالو..شحااال زوين الحلال!
كاان رجل لأنوو مافكرش بزااف وتوجه للزواج..أحبها حتى انتهت قصة حبهم بعقد زواج..ليبدؤوا قصة أكبر وأعظم!أحبها أن تكون لطفله (أم)..أحبها لتكون له عونا وسندا..ليكمل حياته معها..هي فقط..ليحبها أكثر..
تزوجها ليقول عذرا لكل من ظنوا أن حبهم تسلية لقلوبهم..بل هي في الحقيقة أجمل قصة..فكيف للحلال أن يكون سيئا؟
فتح الباب بدون مايطلب الإذن ووقف وهو كاينهج..شاف فيه دياب باستفهام وهو مطلع عينو فيه..حرك راسو بمعنى شنو وفاش ماجاهش حتى رد نطق بعدم صبر
-دياب:شي أمر واحد آخر أسي ألتان..شكون قاليك محتااج لنصائحك؟
بقى ألتان غي كايرمش عيونو بعدم فهم..حتى أنو بداو كايراودوه شكووك بخصوص أنو دياب عندو انفصام فالشخصية..شنو هاد التغيير المفاجئ..كاايسولو وفالأخير كايقوليه علاش تجااوب..كيفااش كان كايقدر يزيد وأركان وروهان يخدمو معاه..وكيفاش قدرو يتعايشو مع طبعو المعقد..أمر اللي محيرو ولكن ماغايفكرش فيه داباا
-دياب:راامعااك كانتكلم
-ألتان:هاا..اا نعاام أسي دياب
تنهد دياب بعدم صبر وقال
-دياب:أشمن مستشفى لاش دااو سي رامز؟
-ألتان:اا..للمستشفى الخاص اللي فمركز المدينة حدا
قاطعو دياب وهو كايلبس فالدجاكيط ديالو..
-دياب:عااارف وحافظ المدينة كثر منك..حتى من داك المستشفى حاافظو بكل تفااصيلو..وعاارف الإبرة فين محطووطة
-ألتان:هاا..اا كيفاش
صوت رنين هاتف دياب..
فور ماشاف الاسم ابتااسم بطريقة خلات ألتان غي كايشووف فيه..فرمشة عين كاايتقلب..جاوب على الإتصال ووضع سماعة الهاتف على أذنو..وبقى كاايسمع ومازالت على فمو ابتسامة..ونطق
-دياب:داباا مشغول..شوية ونصوني ليك
قطع ووضع الهاتف فجيب الدجاكيط ديالو..رجع شااف فألتان باستفهام..هاد الأخير اللي كانو ملامحو متساائلة وكلها تعجب وفضوول
شافت فالساعة وتنهدات..لحد الآن باقي ماصوناش ليها..لو يعرف أنها جات لإسطنبول بلا خبارو غايقطع ليها رجليها
شاافت فأمواج البحر واللي بدأت فالصعوود لعندها..دورات راسها كاتشوف فالمكان..كان شبه فارغ..أكيد ماشي كولشي بحالهاا غايستحمل هاد البرد..
-ريم:يااترى شنو غاايكون رد فعلو فاش يعرف اللي مخبية عليه..
فتحات هاتفها من جديد ورسلات رسالة لمروان..هاد الأخير اللي فور ماقرا رسالتها صونا ليها.ترددات فالأول من أنها ترد..ومن بعد رفعات أكتافها بعدم مبالاة وجاوبات..
-مروان:ااه..إذاا نتي طول هاد المدة ماكنتيش معاه..فين كنتي أريم..شنو واقع ليك همم..صحتك بيخير يااك..دياب ماكذبش عليا..العملية نجحات؟
-ريم:ولو أنها مانجحاتش كنت غانكون كانتكلم معااك أدكتور مروان هه..أنا كنت فأنقرة..دياب هاكدا طلب مني..قال أمور متعلقة بعملو..وحذرني من أني نتكلم مع شيوااحد..
قطعات الإتصال ورجعات الهاتف من جديد لحقيبتها..وفور مافتحاتها لمحات ورقة بيضااء مطوية..ابتاسمات ابتسامة كبيرة وهي كاتفكر النهاار اللي فااقت من التخذيير..
🌼🌼فلاش باك..
ناعسة على سرير أبيض..حاولات تفتح عينيها..لكنها كانت كاتشعر بثقل كبير فجفونها..وكاتحس بأطرافها كولهووم منملين وماكانتش كاتشعر لا بيديها ولا رجليها..أكيد من تأثير التخذير..
بدأ ثقل جفونها كايخف تدريجيا..وبعد مجهود قدرات تفتح عينيها..فالأول ماكانش كايبان ليها والو..فقط البياض بفعل ضوء المصابيح..وحتى كاتحس بحال اللي كاينة طبقة من الدموع على عينيها..
مرت ثواني وأخيرا توضحات الرؤية عندها..وحمدات الله بزااف على أول حاجة شافتها عينيها..حبيبها وزوجها..كان كايشووف فيها وملامحو بادي عليهوم الفرح..وحتى بدات كاتحس بقبلاتو على يديها..فتحات فمها وحركات لسانها واللي كان ثقيل..ونطقات
-دياب:لا أحياتي مامتيش..باقي ماغاتقديش تفكي مني..حنا غانبقااو مع بعضنا وغانشرفو مع بعضنا..تحسبيليا الشعر اللي فيه الشيب ونحسبوليك حتى أنا..غاتولدي ليا بنية زوينة بحالك..تولدي ليا شي جنية اللي تحمقني هي وماماها..بنية اللي غاتكبر مع خوها باسل وغايحميها ويدافع عليها وسط صحابها وصحاباتها..ياك أحياتي؟
ابتاسمات ريم وهي كاتشووف فيه..طلعات يدها بصعوبة ووضعاتها على وجهو الملتحي..وبقاات كاتشوف فيه..وكاتحمد الله فسرها على هاد الفرصة الجديدة اللي عطاها..فأنها تعيش مع أحبابها..حاسة وكأنها تولدات من جديد..شكرات خالقها اللي ماكانش مصيرها بحال واليديها..واللي قدرات تتغلب على هاد المرض وماخداش حياتها هي الأخرى
قرب منها ديااب وقبلها فشفايها بكل حنان..ماكانش كايتسنا منها التجاوب لأنو عارفها مازالت مخذرة..لكنها رغم هذا..كانت كاتحرك فشفايفهاا فمحاولة منها للتجاوب..ولإشباع رغبتها فزوجها..زوجها اللي ماخلاهاش وبقى معاها..وخلاها تتعالج رغما عنها ومافارقهاش..برهن ليها على حبو الكبير اتجاهها..فرحانة بزاف اللي تعرفات عليه فحياتها..شخص مميز بحال دياب..حنين وقاسي فنفس الوقت..ضحوكي وروحو حلوة..بغض النظر على وسامتو..كاتشووفو رجل بما تحمله الكلمة من معنى..الحمد لله اللي قلبها مانبضش لشخص آخر غيرو..مانبضش لأشقر..مروان..معاذ..أسامة..وبزاف دالرجال آخرين اللي كانو فحياتها..نبض ليه هو فقط..وبمجرد لحظات قلييلة سرق قلبها وخداه معاها..وخلا حبو يمنعها من أنها تبغي شخص آخر
بعد من شفايفها ببطء وشد وجهها بين يديه وعلى وجهو ضحكة جانبية وقال بهمس رجولي
-ريم:حتى أنا..كانموت فيك وفعيونك..فشفايفك..فقلبك الأبيض..فحنانك معايا وحتى قساوتك..فغضبك عليا وضعفك أمام دموعي..فخوفك عليا..الرجل اللي تتمناه أي وحدة واللي كانحس بنفسي محظوظة لأنو تلاقيتو..علاقتك مع معايا..مع ماماك..مع باسل..كانبغيك بزاف..بزاف
قرب منها ودياب وخطف قبلة أخرى من شفايغها..شفايفها الحلوة اللي كاتقطر العسل..واخخ شحال كايعجبو كلامها..اخخ
-دياب:كلامك زوين بزاف..وحتى كتاباتك زوينة
جمعات ريم ابتسامتها وقالت
-ريم:yok?..ماتقوليش قريتي مذكراتي
حرك دياب حواجبو بطريقة مضحكة وقال
-دياب:أنا غانهرب..نمشي نجيب الطبيب ونجي..
-ريم:دياب..أجي لهنا..دياااب..هه..حمييمق
🌼🌼نهاية الفلاش باك
خرجات الورقة من حقيبتها وفتحاتهاا..وقبل ماتقراها قرباتها لأنفها واستنشقاات رائحتها..كانت فيها رائحتو الرجولية..رائحتو اللي كاتعشقها وبجنوون..اخخ شحال توحشاات تعنقوو وتنعس على صدرو وحتى تسمع لنبضات قلبو السريعة اخخ
فتحاتها وبداات كاتقرا فيها بصوت خافت..ووراء كل كلمة كاتزيد ابتسامتها توسااع وعيونها يلمعو..اييه نعم دموع..شنو تدير حسااسة فكل الأمور المتعلقة بييه..وكايأثر فيها بطريقة خطيرة
"دائما كنت أقول..أن كل امرأة ينقصها شيء ما..لكن أنت يا حبيبتي..لا ينقصك شيء..يالك من أنثى كاملة..معجزة لم يحدث مثلها في الأرض
عن ماذا أتحدث؟..هل أتحدث عن عينيك الجميلتين؟أم أكتب دواوين شعرية عن شفتيك الورديتين؟من أين أحضرتي كل هذه الرقة؟..
بصوتك تصنعين ألف شاعر..وبجمالك تصنعين ألف رسام..رفقا بي يافتنتي..فتنة ستؤدي بي للإدمان ثم الهلاك
لم يكن صوتك هو الجميل فقط..حتى كلامك..فلسفتك..هدوؤك كان يشبه صوت أمواج البحر وهي تداعب صخور الشاطئ..لا أستطيع المقاومة..كلما تحدثتي أكثر كلما استسلمت لك أكثر
أخبريني كيف لا يكون شعري جميلا وأنا أكتب لأجمل أنثى قابلتها في حياتي..لؤلؤة الشتاء..وهدية السماء
أي شعر أو نثر أكتب؟وبأي لغة؟..حتى الفصحى خجلت من مقامك وجمالك..
يروقني تخبطي بين السطور..ونسياني للكلمات..وحتى خلطي في الإملاء
يروقني أن أقبل شفتيك..حلالا كان أو حرام..يروقني أنني لا أستطيع منع نفسي من هذا الخب والهذيان..اخخ كم أنا أحبك..وكم أحبك أنا
أخبريني كيف تذوب الشموع وأنت تمرين جانبها؟كيف تغلي البحور حين تضحكين أمامها..وكيف أموت أنا عندما تصمتين؟
معك شعرت أني محظوظ..وأيقنت أن الله يحبني
أعلم..أعلم أنك منتشية لأني وقعت في بحر حبك الدافئ..حيث تعيش طيور النورس..وتشدو النوارس
فرفقا بي يا نورستي.."
تنهداات بقوة ومسحات الدموع من عيونها..تأثرات كيف جميع المرات اللي قرات فيهوم رسالتوو..رسالتوو اللي عطاها بعد الشهر اللي دوزوه مع بعضهوم لوحدهم فعزلة عن كل العالم..بعد الحب اللي عااشووه مع بعضهوم طيلة هاد الشهر..بعد عنايتو بيها حتى تشافى جرح العملية..بعد الليالي اللي نعسات فحضنو ومارحمش جسدها من آثار رجولتو..بعدما خلاهاا وواعدها أنو غايرجع ليها سالم وغايرجعو يعيشو مع بعض من جديد..وخلا معاها هاد الرسالة
قبلة فخدها خلاتها تفيق من سهوتها وتشهق بقوة..وفور ماشافتو ابتاسمات..شكون من غيرو..بطل قصتنا..دياب
-ريم:دياب!
قرب لحداها وجلس بجانبها..وبقى كايشوف فالبحر وأمواجو
-ريم:كك..كيفاش عرفتيني هنا؟
شاف فيها وهو رافع حواجبو..هادي راها كاتستاهن بقدراتو
-ريم:عندك الوقت تتكلم معاهووم وأناا هاظي شهوور عمرك تكلمتي معايا
جرها دياب من جديد لعندو وقال
-دياب:ااه ماتكلمتش معاك حيث باغي نحمييك..وااش كاتظني أني ماتوحشتكش..نتي كنتي فبالي فكل يااعة وكل دقيقة وكل ثانيى..عمر صورتك مشات من بالي..فالمركز فالفندق فالطونوبيل فالمقبرة..فينما مشيت..
بلاتي بلاتي..هو قال مقبرة!
-ريم:شنو كنتي كاادير فالمقبرة؟
-دياب:زرت النااس اللي عزاز عليا
-ريم:روهان ودينيز يااك
طلع دياب راسو وهبطو بمعنى ااه
-ريم:قولي..باباك فين مدفون؟فألمانيا ياك؟
-دياب:لا هنا فإسطنبول..حيث هو كان مات هنا..الوقت فاش كنت راجع لألمانيا نتحاسب معاه على اللي دار فيا..هو كان فتركيا وأنا مافخباريش
-ريم:ااه هاكداك..ونتا زرتيه؟
شاف فيها دياب بملامح باردة..باقي صلمت لمدة وقال
-دياب:زرت زينب
عرفات ريم أنو باغي يبدل الموضوع وقالت
-ريم:بصااح..مزياان اللي مانسيتيهاش
-دياب:أصلا مانقدرش ننساها..كاتبقى مامات ولدي
-ريم:همم بصااح..الله يرحمهوم كولهوم
دورات ريم وجهها ورجعات كاتشووف فالبحر من جديد وكاتراقب أمواجو..وحتى كاتراقب طيور النورس اللي البعض منهوم كايحلق فالسماء والبعض الآخر على الرمال وبين الحجر الكبير اللي كان على الشاطئ
وفالوقت اللي كانت كاتراقب فيه هادشي هو كان كايراقبها..وكاايشوف فملامحها ووجها بكل عشق..نظراتو فااضحينو وفاضحين مدى حبو ليها
بغى يكسر هاد الجو دالصمت وقال بصوت مرح
-دياب:أووف..بالله فالله غانولي نغير من طيور النورس
تلفتات لعندو ريم وهي ضاحكة وقالت
-ريم:هه ماعندك علاش تغير..نتا هو نورسي واللي محمقني..نورسي اللي كانتمنى نبقى تحت جنااحو طيلة حيااتي..
شد دياب أنفها بين أصابعو وهو مبتسم..وقف من مكانو ومد ليها يدو
-دياب:يالااه معايا
-ريم:هاا؟..فين
-دياب:يالاه
عطاتو ريم يدها وهي مستسلمة..عارفااه عنييد..عنقها من الجانب وتمشى معاها فاتجاه يخت صغير وقال
-دياب:شنو بانليك فرحلة صغييرة داخل البحر أ أميرتي
-ريم:هه كيفاش..بهاد اليخت؟..ومولااه شنو غايقول؟
-دياب:على حد علمي بنفسي ماعندي حتى مانع هه
-ريم:هاا..كيفاش..هادا ديالك..ايمتا شريتيه؟وعلاش أنا مافخباريش؟
جرها دياب فاتجاهو وقال
-دياب:الله الله المهم ديالي..شحال فيك دالأسئلة..تووبة تووبة
-ريم:بفضلك أنا غانولي أم..ونتا غاتولي أب للمرة الثانية..أب لبنيتة هاد المرة
-دياب:بصاح؟(عنقها بقوة وقال بصراخ)الللللللله..خاصنا نرجعو للمغرب..باسل غايفرح بزاف مني غايعرف غاتولي عندو أخت..سمحيليا حيث خليتك لوحدك..سمحيليا
-ريم:معذور أروحي معذور
-دياب:واش سمعتو أطيور النورس أنا غانولي أب مرة أخرى ههه..شهدو على حبي ليها..وعلى أني عمري غاتخليها ولا نقلقها..على أني غانديرها فعيوني ونحميها من الهواا..غانعيشو مع بعضنا حتاال النهااية..وغاندلل بنتي ونربيها على يدي
-ريم:متافقة معاك فكولشي ولكن تربي بنتك على يديك لاا..كفااية جوج شياطين اللي عندي..براكة غي نتا وباسل مانزيدوش شيطانة أخرى هه
-دياب:شفتي كنتي كاتقولي أنو نهاية قصتنا غاتكون حزيينة..كنتي متشائمة بزااف..وهاحنا دابا فرحاانين..وهاهو القدر رجع ضحك لينا من جديد..
صرخة خلات دياب يزيد يعنقها أكثر وهو واضع يدو على بطنها وعلى فمو ضحكة كبييرة خلات غمازاتو يبانو من وراء لحيتو الخفيفة..صرخة خلات طيور النوارس يحلقو لبعييد وبعد ثواني يرجعو يحومو حولهم من جديد..وكأنهوم عارفين أنو هاد الجوج كايتحدثو عليهوم..وكأنهوم عاارفين أنو هاد الجووج هوما أبطال لقصة تسمى عشق النوارس..وربما عارفين..
عشق النوارس الجزء 18 والأخير
محتوى القصة
التنقل بين الأجزاء