صورة مصغرة لـأعطتني شمسا الجزء 30

أعطتني شمسا الجزء 30

chams a3tatni chamsan
أعطتني شمسا مصير عشق

دااازت كثر من خمسة السواايع ..وهما وسط العملية..مااهر مضغووووط بلا قيااااس...حالة صقر..حرجة..وشمس ماااشي حسن منه...دايرة عملية زرااع القلب..ومتبرعة..بززوج ديال النخااع ليه....كااانت عارفة بلي اتدخل مقمرة بحياااتها...ولكن شمن حياااة اتكووون بلا بييه..هااادشي علاش...قررات ياا إما يخرجو بزوج..او يتدفنو بززوج..يمكن ماااكااانتش كتعبر عن مقدار حبها ليه...يمكن ماااكااانش عارف ..بلي تااهي مهووسة بيه كيفو...ولكن برهنااااات ليه بتضحيتها...هدا هو الحب الحقيقي..لي ماااكينش في الوااقع ديالنا للاسف..كنقرااوه غي في قصص خيالية و كنتفرجوها على الشااشة..متل روميو وجولييت او فيلم تيطانيك..او مي بيفور يوو..او ريمامبر مي..قصص درااامية..كتورينا كيف الاحبة كيضحيو بنفسهم على قبال سعادة الطرف الاخر وخا يكون التمن حيااتهم...همااا ماكيهمهمش هاادشي...ماكيهمهمش..يتكتبو عليهم في القصص او يتغناو عليهم ..مااشي مهم..هادشي..يكفي انهم يكوونو عااايشين..بقلب واااحد كينبض في جسدين متوحدين...هدا هو العشق ..بدوورو..وهااادشي هي الجنة 
☀☀☀☀☀ 
خرج مااهر كيحيد الكماامة من على وجهه مزنك كيقطر بالعرق...عيااان...لقا ليان واقف كيتسنا بخوف :امضرا ..شنو كاااين?
تنهد ماهر كيرجع النفس عااد نطق:جسد مسيو صقر..تقبل الانسجة..الحمد لله و العملية كانت بالنسبة ليه نااجحة...
شااف فيه ليان بخوف:ولكن?
تنهد مااهر كيمسح جبينه:..جسد الدكتورة شمس..ضعيف شوية...حالتها شوية حرجة..
بلع ريقو بتوتر وجهه صفر:كيفاش?
ماهر:هي كانت عارفة بخطورة العملية وخدات مجازفة...جسدها مايقدش يتحمل ..زوج عمليات دقة وحدة..كان علينا..نديرو وحدة..وحتى يرجع جسدها حيويته من بعد أسبوع على الاقل عاد ندير لاخرا..ولكن من شاافت حالة سي صقر..خطيرة بزاااف...ويقدر مايتحملش ...ويمووت..قررات يلا بقا مستقر في العملية الاولة تدار التانية..يعني اتبرع بزوج انسجة نخاعية في دقة.وحدة...و هي خاص تبرع غا بوحدة..نت راك فاهم..يلا غي تبرعتي بالدم مايقدوش يفوتو راابعة..وحتى لا بغيتي تتبرع مرة خرا حتى يفووت شهرين بينما جسدك عوض ديك الكمية..
نطق ليااان تاالف:ماافهمتش..كتعني هي اتموووت...(مسح وجهو)صقر ايحمااااق ايحماااق 
قاطعو ماهر بهدوء:انا ماقلتش هكا...ماشي لديك الدرجة...قلت جسدها ضعيف حاليا..وماعرفش متى تقدر تفيق...بالمعنى دخلات في غيبوبة مؤقتة..تقدر تفيق ليوم ..او غدا ..يلا كثرات تلت ايام..على حسااب استجابة جسدها...وحنا انحقنوها في كل تلات سااعات بفيتامينات...نشااء الله اتفيق بالسلامة...ما سي صقر...تكتب ليه عمر جديد..ايفووتو البنج ايفييق..وغيحولوه لغرفة المراقبة...(تنهد)نخليك داابا...نشاء الله يكون خير..والدكتورة شمس را امرأة قوية...بحااال هادشي..قااعما..يهرسووها...اتفيق بالسلا مة 
طبطب على كتافو..وزااد مخليه كيشووف في الفراااغ تلف مابقا عارف مايدير...اش ايقول لصقر من يفيق..وهو مأكد اول وحدة ايسول عليها ..هي...كيفاش ايقول ليه..بلي هي لي تبرعات ليه وبااش تنقد حياااتك..غامرات بحياتها...ونت فقتي وهي نعسااات.شد في رااسو بارك فشلان:اش هاااد المصيبة ياااا ربي

كان متكي على السرير دياالو..حاااط يديه على درااعو كيخمم...أكيد فيها...اتغبر عليه تلت ايام حيت شمس عندها خدمة ومااغتقدش تجيبها معاها...زفر بغيض ..كيسب في شمس..مابانت ليها ..الخدمة غا هاااد الايام?..تنهد وداار على جنبو..شحال الشوق كيعدب موولاه...ماقدرش حتى تدزووز نهاار بلا ماايشوووفها...نااااض قااافز موسع عينيه الكووحل كيبريو...وناااض لايح ليزار..خاارج من الغرفة..لابس غا كسوة السبيطار معقودة من اللور واصلة حتى الركابيه..سيقان مزغبين شوية..و الكتاف رغم كاان ضعيف إلا وبااينة عراااض..الشعر بدا كينوض شوية..اسود...واللحية كتعمر...مشا في اتجاه غرفته القديمة ديال الزااج..تنهد ودخا ليها...هنا فين دااازت قااع معاناتو..هنا في.دوز تمن شهور ديال العداب...وصرااخ المو كيتردد بين ربعة الزاجات سميكة...هنااا فين شافها اول مرة...هنا فين طاااح في حبها...دخل كيكتاشف كل ركن بحال يلا اول مرة ايدخل ليها...مشا جهة البلاكار..الصغير لي حدا السرير...حله وهو يبتاااسم..بهدووء...مد يديه جااابد الطابليط دياالها لي عطاااتو...والشاارجوور عنقهم بحال يلا لقا كنز وتم خااارج رامي ماضيه وراااه..دخل لغرفته..ومشا تلاح فوق النامسية بطوولته...لقاها طاافية..تنهد وناض كيقلب على بريز خااوي..لقاه حدا الفوتوي..برونشا الشارجوه..وتمرح ..ناشر رجليه..تبسم من طلعات ليه صورتها من بغا يشعل ...دار يديه تحت راااسو وبقا كيبقشش..فيه..كيقلب على تصاورها..دخل الفيدوات..طاح في اول وااحد كانت صغيرة تكون عندها ديك عامين..مخشية في البانيو كتعووم..وشحاال كانت مطيبزة والحنيكات غلاض حمرين..يله نيضين شي سنينات كتلعب في الرغوة وتضحك...بقا اكيتفرج فيديو ورا فيديو..حتى طاحت عليه فكرة جهنمية..مهما هي نسات الطابليط ديالها..أكيد عندها شي بديل...دخل الريبيرطوار كيبقشش..حتى توسعو عينيه في كلمة :موااا.
هنااا قاااع بيبان الجنة تحلو في وجهه بحال شي إيبليس...دخل الواتساب..ماطالعااش واش مكونيكطيا..البرهوشة دايرة مووود انفي..ماكتباانش واش كتقرا مساجات ولا نو..(بحالي بكل تواضع 🤭)..هز حابو مصدوم من دكاء هاد البرهوشة..قدها كيلعبو لاستيك وهي كتطير باغا تكون ماعرف كلشي..تنهد وسيفط مسااج:هاااي
☀☀☀☀
كانت نااعسة على نامسيتها الوردية لابسة شورط قصير مخطط حريري...مع بيل إكس قصير..متكية على كرشها هازة رجليها كتلعب بيهم..مكالية وجهها بيديها..مقاابلة التلفاازة..العريضة لي في الحاائط ديالها..كتفرج في سالي...عايشة مع المخيات حتى تسمعات ترن ترن...شافت في تيليفونها..لي مليوح فوق الزربية المزغبة بالوردي لونها المفضل ..لقطااتو من الارض..مع اتحلو..وهي تصدم من مساج لي جاها من نمرتها...تدكرات بلي الطابليط خلاتها لعند دياب..تبسمات بحماس وجاوبات:دياب??
☀☀
كان متكي ..كيتسنا ردها...غااا سمع الهزة ..وهو يبرك..مقلش..شاف مسااجها بلهفة مبتاااسم حيت عرفاتو...قلبه ضحك تاهو :اااه..انا انعيط ليك ابيل فيديو..ونهضرو..
بقا كيتسنا ردها..من عطاتو 👍🏻 تبسم بعيون كتشع بوهج الحب....ماترددش وضغط متاصل بيها...تبسم من شاافها ..باركة مربعة رجليها...كتشوف في لاكام اشارت ليه بيديها:ديااااب
رووحووو رجعاااات ليه..بقااا اكيشوف فيها مبتاسم...شعرها جامعاه شفنجة معرية على رقبتها..والكتاف رقااق...والعنق طويل..علامة الجماال..من صغرها باينين...بوط عريان..والكرش واالو..السيقااان مع الفخاد موااتين والرجلين صغااار ..مع مربعة قدر يشووف هااادشي كاامل وخلاه يتساائل كيفاش اتكون من اتكبر...بلا شك ايقتل شي حد....بسباابها..ها هي صغيرة وظاايرة فيه حاالة علم الله من اتكبر...فيقااتو من سهوته:دياااب كتسمعني?
تنهد محرك رااسو.بإيجاب:اه..كنتي نااعسة?
حركات راسها بنفي مبتاسمة:لا..منت نتفرج في الرسووم...ونت
نطق بهمس:كنت كنفكر فيك 
إقبال:ها?
دياب بابتسامة عدبة:ماوريتينيش البيت دياالك..بان ليا كلشي غوووز
ضحكات بحماس وااقفة ..:عزيز علي الوردي و الابيض بزاااف..هه بلاتي انا انوريك..بيتي..
بدات كتوريه قنت بقنت .فرحاانة حيت قدرات توري شي حد غرفتها بحكم مااعندهاش الصحابات بحال ضحى لي كيجيو عندها الدار..كتدخلهم البيتها..وتبدا تعيق عليهم وتوريهم لعابها...لا بغاو يلعبو معاها مايقربوش لإقبال...فرحات حيت..شي حد ايكتاشف معاها...هادشي كتوريه حاجة بحااجة ..الدوش وكلشي..حتى من لعابها...و دميااتها..ودبدوبها المفضل لي كان بطوولها تقريبا بالابيض..سميتو هاري...تبع معااها دااكشي..كاااامل بدون مللل عاااجبو الحال تكشف ليه عالمها....ويعرف عليها المزيد متل...شغفها..انها كتعشق اي حاجة كتعلق بالابيض والوردي...والعطر الفراولي لي كتستعمل..اسمه فاني فريز....وكيعحبها..البيت مضوي..وكتخاف من الظلمة...عاد عرف علاش داك نهار من فااق كانت مخشية فيه...خايفة..قول عندها فووبيا..بقااات اكتدوي وتوريه وهو وااضع يديه على خدو...متبع حراكاتها وهي كتنقز من هنا وهنا..رونات قاااع البيت ..هاا معلوومة تزادتو..ترتارة و فوضوية..لا ترتارة عارفها..حيت من كتدوي ياا ويل ويقاطعها شي حد..كتحمقه وكتهبله وكتسطيه..ولا كيدعي الله يمتى تكبر خلاص...حيت ايحماق مافيهاش الشك

كان ملقى على السرير...دايرين ليه ماسك على فمه مع بوووني ديال الشعر..صدرو عريان دايرين ليه الصماطات ديال القلب..مع سيروم في اليد وضابط ديال القلب في سبابة صبععووو..حرك يديه الليمنية ..بشوية هاز صبعو ..ململ رااسو ..بشوية كيستاعد باااش يفيييق..بدااا كيضعط على عينيه بقوة..حلهم وعاود سدهم..حرقووه بسباب البولة لي على راسو...رمشهم بسرعة وعاااود حلهم...كيكتاشف غرقة المرااقبة...مص شنايفو كيلهت عطشان...داار براااسو كيقلب عليها..حبيبته لي وااعداااته من يحل عينيه يلقااها جنبه ..حتى تصدم بليان هو لي نااعس على الفوتاي معدب...مااقدرش يصدق..بدا كينهج..لي خاف منه طاح فيه ..صافي ادار العملية ونجحات ليه..وهي تخلا عليه..كانت غي كاتساايس فيه...قلبه وقف...بالخلعة لا تكون هربات تاني...مد يديه كينتر في الخيوطة مخلي دمو ناازل مع يديه كيقطر..تهز ليااان على إثر صوت الالة لي كتصووني..حتى تفزع بيه وهو كينتر الخيووطة من صدرو كيحاااول ينوووض..ناض كيجري ..شدو من درااعو:صقر اش كتدييير?
هز رااسو فيه وجهه حمر وعينيه كيخلعو:هرباااات...يااك..قالت ليا..انلقااااها...كدباااات علي..
رطابو عيون ليان بحزن:صقققر
دخلو الممرضات كيتجاراو...تابعهم مااهر اشافو كيتنتر باش ينوووض ..شدو من كتتفو:مسيو السليماني...اش كتدير..را يله فقتي من العملية
دفعو بكره على إترها كان يطيح كون ماشدو ليان:صقر راا بااقي عيااان
هز رااسو فيه كيلهت وعروقتو نازلة:بعد مني....(شاااف في مااهر )فين هيييييي
شاف في ليان بخوف وعاود شااف في صقر ..وحناااا رااااسو...بحزن...دفع ليان عليه ومشا كيترنح عند مااهر شانق عليه..بشوية باقي ماعندوش الجهد:فين هييييي شممممممممس
نطق ليان :تهدن اصققر...غااا رتااااح وحنا انقوولو ليك
وقف كيشووف فيهم بريبة عرف بلي مخبين عليه شي حاااجة بلع ريقو ..وعينيه كيدورو بيناتهم :شنوووو كاااااين?
ليان:صقققر 
قاااطعو بهمس:فين هي شمممممس
مااهر شاف في ليان:كنظن خااصنا نخبروه بالحقيقة
برد ليه المااء في الركااابي..دور رااسو بشوية..كيشوف جهتو مابقاش قادر يهضر:ششششنو كااين?
قاطعاتهم الممرضة دااااخلة كتجري مخلووعة:دكتوووور...ماااهر...دكتوورة شمس تزاااد عليها الحاااال
حس بالدنيا دااارت بيه وودنيه كيصفرو..ماعرف غي باااارك فاااشل الارض...لابس غا شوورط قصير...عريض..بان ليه مااهر خاارج كيجري..ماعرف غي الله عطاه قوة..يتبعو...الدووخة والخلعو والرؤية بين الضباااب...والنوور...و الاصواات كتردد في ودنيه بتضخيم...وهكاااك..مركز على ماااهر..مامسوقش..بلي خارج عريان..وصدرو مصفح..وااخا ضعاف.إلا والطرااساج بااايننين...الفخااااد عامرين ..والكرش واالو..بااقة مفركة...والكتاف عراااض مع الرقبة متلتة...من التحت..قاااع الممرضات حلو فاااامهم...فيييه...بااان ليه نزلةالبلووك بلع ريقو كيطلب ربي..داكشي لي كيدور في باالو مايكونش صحيح...نزل تاابعو كيشد في الحيط..وقلبه كيزدح...مع دخل الغرفة..باانو ليه داايرين بشي سرير وصوت الالة ديال القلب مجهدة...تحركات ممرضة باش تهز مولد الصدمااات ااااجاااات عينيه عليها....ممدة على السرير دايرين ليها تيو على نيفها...والصماطات في صدرها...مع صمطة على درااعها ديال الضغط و خيط في صبعها...حط يديه على فمه شاااهق ودموووعووو نزلوووو....مااامصدقش عينيه مااصصدقش هااادشي لي كيشوووف...وقف ليان كيلهت..دار عندو بوجه مخطووف من اللوون ودموعو نازلة اشار جهة السرير بصبعو كيترعد:قوووول ليااا ماااشي..هي....قوول ليااا بلي ماااشي حبيبتي لي مغطة تم...قوول ليا بلس..مااكيناااش..وهرباااات...وبلي ماجاتش.لهنا...قوول ليا اليان...
تنهد ليان بحزن :صقر..ع
قاالطعوووو بغوتة حتى زعزع الغرفة كاااملة:لاااااااااااا شمممممممممممممممممس

مشا كيجري لعندها...كااانو كيشارجيو المولد..شد في يديها كيبكي:اهىء اهىي ..لا لت لا ماايمكنش ماايمكنش...لا ماااتخلايش علي..لا لا انا يله لقييتك...بااقي تا معشنا حيااااتنا...اشمس...بااقي...حتى ماارويت شوقي.منك...بااقي ماشبعتش...منك...ولا حضنتك...بااقي...ما حققناش احلامنا....بااقي..مازوجناش ولادنا...لا اشمس...ماتديريهاااااش....عاااافااااااك عاااااافاااااك..ماتخلايش علي...(كيهضر يخرج ويدخل في الهضرة..مصدوووزم...مااهر كيوضع المولد على صدرها كتهز وتحط واااالو..بدااو كيفقدو الامل....صااافي هناااا حماااااق...ولا وااااحد خرررر ...مايمكنش يفقدها...ماااايمكنش..يعيش بلا بيها....ناااض بحااال المجنوون خطف مولد الصدمات من عند ماهر وطوعو....زفر بغضب وحركو مع بعضياته عينيه حمرين مع الدموع وجهه عاافية وعرووقو منفووخين مع العرق...ولا كييييخلعع..ديال بصح شااف فيها :ماايمكنش تخليني....تااااااحااااااجة ماغتفرقني..معااااااك وخاااا تكووووووون الموووووت متفهميييي?
ضغط علة صدرها بقوة بداك المولد حتى تهزات وعاود ترضخاااات...زفر بغيض..والخلعة رااااكباااه....عااااود ضغط عليها...بكتر...حتى ترفعااات شااااهقة مخرجة عينيها..وعاااود ترضخااات مغمضة عينيها..خطووط قلبها بشوية بشوية كنتاضمو....لاح المولد الارض ومشا عندها كيجري شاد خدها:قلت ليك عمرك اتفرقي مني لا طاااالما انااااا حي...
ماهر والممرضين حالين فمهم في هاد المخلووق وهو كيضحك ويبكي كيلمس خدوودها...بحال المسطي...شااف في ليان..لي بدورو بااقي مافهمش كيفاش..تاداار هادشي تبسم كيمسح دمووعو:مااخلاتنيييش...مااااخلاتنييش ههههه
ناااض بغا يمشي يعنقو..حس بالدنيا داارت بيه...مع العملية والجهد والخلعة والعصاب ...حس برااسو فاااشل..يله ايمي الخطوة وهو يطيح مغمى عليه..خلا كلشي يمشي عندو كيجري...هزوون محامين عليه وحطوووه فووق السرير لي حدااها فارغ...دقو ليه برا...وعلقو ليه الخيووطة والسيروم...وخرجو مخلينو معاها...حتى يفيق ويشرحو ليه..هادشي يلا ماريبش على الزااامل بووهم الكلينيك 

أأحبك كثيرا وأعرف أني أعيش في منفى وأنت بمنفى وبيني وبينك,ريح,غيم برق,رعد ثلج ونار
وأعرف أن الوصول لعينيك وهم وأعرف أن الوصول إليك إنتحار 
ويسعدني أن أمزف نفسي لأجلك أيتها الغالية ولو خيروني..لأحببتك للمرة الألف دون إحتيار 
☀☀☀☀☀
حل عينيه من بعد مدة...مسهوك..واتااار الدوووخة باااقة فيه..برك شاااد في رااااسو بألم...والأحدااااث كيترااااكمو في دماااغو حتى تهز مفزووع كيقلب بعينيه..دور راااسو...حتى كيشووفها مستلقية في السرير جنبه..لا حياااة لمن تنااادي من غير صوت الالة الدااالة عن انها باقة حية...بلع ريقو بخووف ونثر السيروم مع الخيووطة...وناااض راامي تقلو على الارض..كيتمشى بشوية وعينيه الداامعين فيها...وصل حدااها..وبرك على ركاابيه تنهد بضعف ودمووعو شلال.مد يديه بشوية كيترعدو لخدودها:بنت في حياااتك تاااني باااش ندمرها..?...شووفي رااااسك تااني مغطة في الانعاش..وكيف كل مرة بسبااابي(شهق بحسرة)ماااانستاااهلكش...ماااانستااااهلش تكووون مراااا كيفك في حيااااتي...طول عمري بحال الدرقة لي قاسني ولا قرب لي ندقو بالشووك...ونتي وردة نبتات حداايا...هانا مزقتك تاااني....شنووو دنبك تباااني في حيااااتي...شنو دنبك...?..بسبااابي تدمرتي سطاااش العاااام...وسبع سنين ونتي كتدااوي راااسك...وهااانااا تاااني رجعت نهلكك ونهلك صحتك...مااانستاااهلكش..الحبيبة...كنقسم لييك..اهىء اهىء...اهىء...كنبغييييك...كنبغييييييك بلا قياااااس...هااااادشي علاش انخلييييك...خااااصني نبعد عليك..باش تعيشي..تاني بييخيير...انا نحس في حيااااتك اهىء اهىء...ماااغنقدش نعيش بلا بيييك...مااااغنقدش...ولكن مااعرفتش...يمكن من انعرفك عايشة مزيان نصبر...واخا من نقدش نشوفك فرحانة بلا بيا..(كيتنخصص ويشهق)ولكن انصبر..انصبر..على قبلك...اهىء...(هز رااسو السقف)ياااااا ربي تصبرني....ياااااااا ربي اهىء...ماااااانقدش..اهىء اهى (نزل رااسو كيشووف فيها ..ويديه كيلمسو خدوووودها)كنبغيييييييك ارووووووووحي...كنبغيييييييييك.....(تحنا عندها مقبل رااسها ويديه كيترعدو فووق صدرها بااغي يضمها...باااسها بوووسة طوييييلة مخلي ..كيتنفس عطر شعرها..وبعد ببطىء مخلي ريقو ودموعو لاصقين...وقف كيشووف فيها مااسااخيش..ودموعو نااازلة...كيشهق وقلبه كيتقطع....عااود رجع مقبل خدها..بلهفة ويديها وتاني راااسها...وعااود بعد ببطىء كينهج...عااااود شااااف فيها..وتم عاطيها بالظهر مكسوووور...الموت راكباااه..حتى كيحس بنووووعمة يديها في كفو..

داار حس بقلبه دااار زدف زظف زدف..داار بشوية مصعووووق كيطلب ربي..ماايخيبوووش...لقاااها حااالة عينيها كترمشهم بتعب ويديها..ماسكة يديه ماتيقش..لا مااتيقش...تمتماات بهمس :صصصصصقر
ماااشعر غا هو رااجع لعندا مسرع ..جاااتي على ركابيه كيبووس خدوودها وجبينها بلهفة وفرحة وشوق...لاغي كل كلمة قااال قبل...واخاااا يحاااااول ملايين المرات يبعد....قلبو كيرجعو بملايير..الخطوات عندها..متمرد وطاااغي...متلهف ..وعاااشق وولهان ومهوووس وعطشااان ومجنوووون..بيها...قلبه أصبح سلطااان عليه وهي إمبراااطوورة متربعة فوووق عرشو ..كيعشقها قد الدنيا..لدرجة قلبه مابقاش يتحمل اكثر ..هو لي نطاابق عليه شعر قيس...*لو كان عندي قلبان ,لعشت بواحد وأفردت قلبا في هواك يفرد...لكن عندي قلب تملكه الهوى .لا العيش يحلو له ولا الموت يقرب*..هاد القصيدة تغناها قيس علة محبووبته ليلى..ولكن ماكاانش عاارف بلي كااااين مااااكثر منه في فن العشق والهوس..فإدا كان هو مجنوون ليلى..فصقر..مجنوون ومهوووس #شمس
كيبووس في خدوودها وفي يديها..في راااسها واللعنة لو ماكانتش دايرة المااسك في فمها يغرق في شفااايفها...كيبكي ويضحك..مامصدقش فرحته ..هز رااسوو كيشووف فيها .كااانت كتنظر ليه بهدوء وعينيها مدمعة ..مدااات يديها تهزها..خطفها وحطها على خدو..كيتحسس بيها لحيتو الخفيفة بهيام:اهىء اهىء سمحي ليا..اهىء اهىء..علاش درتي هكااا..اعىء...وااش بغيتي تقتليني..هاااا ..بغيتي تحمقيني...بااغاني نهبل...?واااش كيعجبك تشووفيني هكا...حرااام عليك وحق الرب حتى حراااام عليك هاىء اهىء حراااام عليك اشمس 
مااجااوبااتووش ومعندهاش القدرة تدوي كتافات تروي شووقها منه..وتعرفو بلي نجحااات ليه العملية ..تبسمااات بحناان وعيونها دااامعة حااامدة الله وشاكراه..من ناض بالسلامة..مايهمش..تتبرع ليه بأخر عضو عندها..المهم يكون هو بيخير...بغات تقرب ..فهمها...وزاااد قرب عندها حاااط جبهتو علة جبهتها يبكي ويتنخصص...كيفاش قدر يقووول ديك الهضرة..قباااايلة..وهو ..مااازااالووو طااااامع في حبها وسماحها وحضنها...يمكن امنيته الاخرى تحققات..من هزات يديها لاخرا بتتاقل..وحطاتها على لحيتو..شادة وجهه بين يديها..حلات عينيها كتشوف فيه محركة رااسها بنفي...مد يديه مسح دموووعو بطاااعة..وعاااود غمضهم كينهج:مانقدرش نعيش بلا بييييك...مانقدرش أعمري ...مانقدرش...والله مااانقدر.ش
حركااات راسها مأيداه..بدورها متتقدرش تكوون في دنيا هو مافيهاش...يديها كيمسحو خدوودو بشوق وحنية...وهو متبعها..بشفاايفو..على كفها...تنهد وحل عينيه كيشوف فيها..كانت مبتاسمة..أكيد فرحانة من شااافتو بيخير...مسح وجهها بيديه..كيتحسس طراوتهم ونعوومتهم...عينيه هايمين في كريستال عيونها...امتنان ..وعشق..راسلهم على خطووووط العرض..:كنبغييييك.كلمة قليلة فحقك...
تبسمااات موردة خدوودها بخجل نزلات عينيها...حرجانة..تنهد وحط يديخ على دقنها راافعو:عمرك تحاااولي تبعديهم علي ..نموووووت بلا بيييهم...
بقات اكتشووف فيه مبتاسمة وعينيها كيبريو...براااسو فرحاااان من فااااقت ...لا..وكتبتاسم ليه من الفوووق...:حلم ولا علم...يلا كان حلم مابغيتش نفيييق..ولا كانت حقيييقة..مابغيتش هاد اللحظة تفوووت..خاص الوقت يوقف والكورة توقف..والناس يحبسو...خااااص يشهد العالم كاااامل..بلي صقر كيبغيييييييك...ياااا روووووحي...(تبسم مبين غمااازاااتو...كيشوف في ملاميحها المبهجة ..لا والخجل زاااادها جمااال على جمااال...اللعنة عليها كبرااات باااش تزيد تزياااان وتزييييد تحمقو كتر...نزل طااابع قبلة اسفل خدها..حدا الماااااسك...ماكارهوش كون مااكااانش ..كووون كلا شفاااايفها أكل...اكيييد ايكوووونو تاااهما زياااانو:انا انعيط لداااك خينة يفحصك...من شفتك فايقة تلفت هههه (عاود ليها البوووسة في نفس البلاصة وشااف فيها)ناااااري...ناااري...ياااا ربي يلطف بيا وخلاااص (ناااض.خاااارج مخليها كتبتاااسم فرحاااانة...)

خارج كيتمشى..ماااعلابالوش ببنادم ..وبلي لابس غا شوورط السيقان مصفحين وعاامرين مزغبين شوية ..علامة الحرووشة بااااينة..مع الصدر والكتاااف..في عز ضعفه كيبان وسيم...مخلي قاااع الطبيبات والممرضات يتغامزو عليه لا وصبحات كل وحدة كتحلم تدير علاقة معاه...مشا في اتجاه المكتب ديال مااهر ..حتى بان ليه ليان جااي وقف مبسم..وعينيه كيلمعو فهمو ليان غا من ملامحو المبهجة..حيت عارف لوكان بقات مغيبة كون رااه ريب الكلينيك:فااااقت?
حك جبهتو بمرح:تبسماااات...ضحكااات..ليا..(هز يديه )شداااتني...منها..وقالت ليا مااااتمشيش...هي بااااقة بااغاااني الياااان..باااقة كتبغيني
وقف ليان..قدااامو:عاااارف..وكتمووووت عليك قااااع
توسعو عينيه بصدمة وقلبه ومعدتو تكمشو:ااااش بببباش عرفتي?
تبسم ليان من ملاميحو..تقول عليه باقي مراهق...اول مرة يجرب الحب حط يديه على كتفو:دوزتي عليها العدااب...واخا هربات...عاود تلاقيتو...مالاحتكش وماتشفاتش فيك...بالعكس وقفات معااااك...ومن عرفات بلي خاااصك النخاااع...ضحااات براسها على قبلك...هي عاارفة بلي فايتة دايرة عملية زراعة القلب...وبلي هاد العملية تقدر تقتلها..واخا هكاك خدات مجااازفة واخا عارفة بلي خطر على حياتها وتقد تشلل او تمووت..وهي ضحاات بكلشي ..وكااانت مستاعدة تتبرع ليك بأخر عضو عندها...كتبغيك لدرجة ..ختااارتك نت على حياااتها...واش كينة شي بنت اتدير هااادشي عاى شي حد كاارهااه (حرك رااسو بنفي)لا...وااخااا عدبتيها..وجرحتيها..وتكرفستي عليها ماتخلاتش عليك..ختك برااسها..ختارت ليل عليك حتى من مها...خلاتها وهي في الفرااش..في نظرك اتقبل تبرع ليك بشي حاااجة لااا..محنات حتى في مها عاد تشوف فيك...نقوول ليك حاااجة ديك البنت(اشار جهة غرفتها)شاافت منك الوييييييل الكحل..وهكاك بقااات جنبك يلا هاااد المرة درتي شي حاجة انا انهز يدي عليك...وضبر لراااااسك...
بقااا واااقف مدهوووش من كلام ليان..لهاااد الدرجة شموستو كتبغيه..لدرجة عرفااات راااسها تقدر تموووت ..وختارتو يعيش ..ختااارت جلادها وسجاانها..داك الراااجل لي عدبها وخانها وقتلها..داك الرااجل لي شافت منه غا السواد من غير حبه ليها..لي حتى هو مخرنن...مسح على وجهه كينهج..كيزيد يعشقها كل مرة..لفظ إسمها او جاااب سيرتها...او شافها او لمسها..كيعشقها في جميع الاحوااال...تبسم وعينيه متوهجة:كنبغيييييها..كنبغيييييها..بلا قياااااااس...كننموووت فيها أليااااان...ومن بعد هاااادشي لي سرا...(حرك راسو يمين شمال)عمرني..نقلقها..ولا نزعلها...هي..تبرعاااات لي بجزء منها...غا جزء منها..خلاني نعييييش...وانا انتبرع بحياااااتي كاااااملة..بااااش تكون معااياااا فرحااااانة ..نجوم السماء يكونو عند رجليها...(تبسم بحب وعااود رجع ..هااادشي لي قال ليه لياان نساااه فشي طبيب ولا سيدي زكري...وجووودها معاااه كيتخليه ينسااا الععععاااالم عاد يتفكر طبيب ملعوون حمااااااق هدا )

..كان راااجع في الكوولواار حتى شاااف شي رااجل خااارج من عندها...تفزززع مااعرف باااش تبلا...تم غااادي يجري باااش يشدو..حتى دخل في واحد الرااجل شااارف غادي بعكازو:سمح لي يا إبني
شااااف فيه بغضب كون ماحشم كون طووعو..زفر بغيض من هز رااسو مالقا تا شي حد...وتم راااجع يجرييي..دخل عليها..كيقلب..باااانت ليه مغمضة عينيها....وسع عينيه مخلوووع وقلبه وقف بالخوف..مشا عندها كيجري كيحرك في وجهها ..:حبيبة حبييبة (عينيه دمعوو شدها كيغوت)وااااااافينكم الزوااااااااااااااااامل.....فيييينكم
حلات عينيها مفزووعة على إثر غوااتو..:هاااااا
بعدها عليها كينهج...حط يديها على حنااكها كيتفحصها بعينيه..وبيديه:كتضرك شي حاااجة قولي..
ماجات تهضر حتى دخل ماهر كيجري..شااف فيه بغضب :ساااعة اولاد القحاااااب..سااااعة باش تجيو?
ماجاوبوش..شااف في شمس..لي باقة مافاهمة واالو:علة سلامتك ادكتورة
قااطعو بغيض:لاااا...بووووسها نت حسن..اشووووف شغلك ورووووح تقود ...
شافت فيه بصدمة:صصصقر
ماجاوبهاش..حط يديه علة يديها:باااش كتحسي دااابا..هااا..?قوولي ليا...وااش كتوعتي...(حط يديه على دقنها كيقلب..بعينيه ماخلا ماااهر مايدير...وهي كتشووف غير مستوعبة مدوخة..بالنعااس بااغة غي ترجع تغمض عينيها...وقف ماهر كيحيد السماطات مبتاسم):لا الحمد لله صحتك عال العال..قدرتي تجاوزي مرحلة الخطر...شوية ينقلوك للغرفة عادية..غا هي هاد يومين...الراااحة تم الرااحة راه كتبت ليك شهادة طبية فيها عشر ايام رتاحي فيها
شاافت فيه بصدمة:ولكن عن
تبسم بهدوء:يلا كان على سب دياب انا انتكلف بعمليته...را المرحلة الخطيرة دوزها..وشي لاخر سااهل وحتى جسدو..بدا كيرجع الحيوية ديالو ..مابقاش بغا يبرك في الغرفة بمرة..نخليك داابا..رتاااحي..من بعد ونرجع نعاينك...
حركات راسها بايجاب.خجلانة من لمسات صقر علة خدودها هي تبعد وهو كيتبعها..مايحشمش شاافت فيه بغضب:حشومة عليك..علاش قلتي الدكتور ماهر داك كلام
كااان يدور فيها..حيت داافعات عليه..وهو مسكين لي كااان ايموت بالخلعة خااف شي.حد دخل عليها وأدااها..ما من شافها ماكتجاوبش قال ماتت...تنهدبراحة يمكن..شي حد غلط في الغرفة..تبسم وهو كيمسح علة جبينها..وهي هازة حاجب وحاطة حااجب قالبة وجهها عليه..وااااح وشحال جا معاها التعفاااار...كيشوف في المااسك ماكرهش يقلعووو ويخشي فمها في فمه في المقابل..تنفس من رأتيه...اصلا نفسه حساااان من شي أكسيجين...مد يديه تحت البوني بغا يلمس شعرها...وهي تحبسو شااف فيها باستغراب:ماالك?
بعدات يديه وتكااتت هربانة من عينيه بخجل تبسم وتبعها:ماااكين تاحد غيرنا احبيبة...خليني نشووفو رااا توحشتو...نشووفو غااا قداااش وصل..ايكووون طوااال ياااك..(وسع عينيه مخنزر)عندااااك تكووووني قطعتيه
حركااات راااسها بنفي داايبة في عيوونو كتبتاسم بخجل...تنهد بضعف كيحقق في لون عينيها بهيام:..ايوا خليني ..نشووف الشعر قداااش ولا...نشمو اشوية راااني توحشتو بلا قياااس احبيبة
حركات رااسها بنفي كتضحك على وجهو كيف ولا بحال شي طلاب...شااف فيها :كتضحكي عليا لمك..يااااك...كتصحاابيني اتغلبيني...هك..ولكن..كلشي في وقته حلو...اصلا الشعر ديالي وحتى مولاتو...نهار انشدك اتخلصي قااااع لي فاااات احبيبة ..انجمع ليك حب وتبن...
شاافت فيه بصدمة..قلبها كيدير زدف زدف...وجهاا تصبغ بالاحمر...تبسم كتحمقو وكتهبلوو كتسطيييييه..وكاتسالي معااااه...:بغيت نتخشااا حدااااك...
هاااا واااش هدااا حمااااق ولت شنو..لا صاااافي ايقتلها ديال بصح...اويلي..حي..ماكيحشمش..دغيا..داار بلاصة جنبها..وتكا جنب كيشووف فيها...ماكرهش يحط رااسو على صدرها..ولكن ينعل دين الخيوطة لي لاصقين فيها..مايهمش يكفي انه يشارك معاااها نفس الغرفة ونفس السرير...حط راسو على كتفها..ويد شاد يديها..بحزن:ماتخايليش كيف داااز الوقت بلا بيييك ...كنت كنموووت كل ثانية بلا بيك الحبيبة

كانت باركة في الجردة لابسة كسيوية بيتية بالغوز مرسومة فيها دورا...طالقة شعرها...كتزعلل بالأرجوووحة...الكبيرة وشااادة تيلي ..باينة معامن...من نهار عرف نمرتها...وهو كل مرة يصووني يدوي معاها بالسااعات ..حتى كتنعس ويبقا يبحلق فيها شحااال عاد يغمض عينيه..يلا قالو شي حد حماااق بالحب فدياب تبت ليه صحة المقووولة...كيحماااق عليها بفصيح العبارة...ولا حااافض روووتينها كااامل معاش كتفيق ..معاش كتمشي..شحال من ساعة كتبقا في المعهد..وقت الاكل..وقت اللعب..كلشي كلشي حفضو...تبسمات وهي كتزعلل مخلية البرد يلعب بشعرها كيف بغا حوورية قليلة في حقها وهو متكي على الفوطوي ..لي ولا ساكن فيه..علة قبل البريز...سااهي في لمعاان عيوونها...:اوااا من جيتي..شنو درتي..
هزات كتافها:وااالو...جيت من المعهد ..درت كاسكروط.ودوشت ..وخرجت الجردة..حتى عيطتي عليا
تبسم بحب:..مزيااان...مزياان تعلمتي تعزفي يااك..حيت البارح من سمعتك ..تحسنتي بلا قياااس..مابقا واالو وتولي عازفة ماهرة 
توسعو ملامحها بحماااس:بصصصح
حرك راسو بايجاب مبتاسم لفرحها:والله عجبني العزف ديالك اصلا انا اي حااااجة منك كتعجبني 
ضحكااات بمرح مبينة غمازاتها و مغمضة عيووونها...:ههههههههه
بقااا كيشووف وقلبو كيضرب...بقوووة..وسع عينيه بصدمة مغوت :إقبااااااااااال عنداااااااك
ماجات تفهم حتى حسات بشي حد دفعها تلاحت من فوق الزعلولة مردوووخة الارض كون ما الربيع كووون تهرسات غوتات ربي لي خلقها:مااااااااامااااااااااااا
جات مكالية على يديها كتبكي..وتغوت بركات حاسة بركبتها كتحرقها...شافتها لقاتها محرووودة..بدات تبكي وتهرنن..شااافت قداامها وهي تلقاا ضحى باركة في بلاصتها كتزعلل ببرووود الجنوووووون ركبو ليها...وجهها تزنك ناضت بلهلا يطريه ليها...كتعرج برجليها...وبلا ماتردد دفعاتها بدورها حتى جات طايحة على طرماااحتها:علااااااااش دفعتيني?
وقفات بكره دفعاتها من صدرها:..اش دااااك تبركي لي في زعلوووولتي
كرزااات على سنانها بغيض:انااااا لي كنت باااااركة فيها اللولة ...
داارت يديها علة جنبها كتبوومبا:هاااادي دااااارنا...اي حاجة دياااالي....نبرك فينماااا بغيييت...حتى تكوووون عندكم.دااااركم بعدااااا وديري فيها ما بغيتي....
بقاااات اكتشوووف.فيها عينيها موسعين ومدمعيييين...صدرها كيتهز ويتحط...يله بغااات تجاوبها وهو يقاطعهم صوت ليل :ضححححححححىىىىىىىىى
داارت مفزوووووعة من صووتو..كاااان دااخل مع الباااب..حتى سمع غوتهم واكيد سمع كلام ضحى ..وجهه تزنك ...بالعصب...ماجات تدوي حتى جاااتها صفعة الكماااارة جات مليووحة الارض مصدووومة كتبكي اشار ليها بصبعو :اخخخخخخخر مررررةةة اخرر مرة ..تعااااااااودي هااااااد الهضرة
ماااادوااااتش ناااضت كتشوووف في إقبال بكره ومشات كتجري ..كتبكي وتعيط لمها

شافيها لقاااها..كتنهج وجهها حمر..وعروقها بارزين دموووعها هوادة كتمسحهم بعنف...تنهد بحزن ونزل على ركابيه مد يديه كيمسح شعرها :ماتديش عليها...هااادي داااركم حتى نتي
دفعاااتو بغضب كتبكي وتشهق:لاااااااااااا هااادي مااااااااشي داااااارنا.....اناااا بغيييييت بااااااااابااااااا نمشي معاااااه...
وسع عينيه بحزن...ياك هو الاول مسكها..هو لي كان معاها في الصغيرة والكبيرة واالغالية ديالها...حتى من بنتو مسبقها غاااا باش متحسش بالنقص..وشووو دااابا حس بجنوي تغرس في شرايينو..مد يديه يلمس خدها وهي تبعد :واااش انا ماااشي بحال باباك?
شاافت فيه بغضب ماكتشووفش بكترة الدموووع:لااااااااا....نت باااابااها ....انااااااا بغيت بااااباااااياااااا...ماااابقيتش بغيييييت نبقاااااا في هااااد الداااار (شهقاااات كتنخصص)..اهىء اهىؤ...ديما كتبدا تعايرني في المدرسة وكتاخد ليا لعابي...وكتقول لي بلي ماعنديش بابا...اهىء وحنا غي داير فينا خييير...اهىء ماااابقيتش بغيتك دير خييير...انا بغييييييت بااااابااااااا...يديني معااااه ..مابقيتش بغيت نبقا معاكم.....ماااابقيتش بغيت نبقا معاكم كنكرهكم ...اهىء اهىء كنكرهكم..(نتافضات منه ومشات كتجري هربانة كتبكي وتنخصص..مخلياه مصدوم حال فمه مااقدرش يرمش عينيه...كلامها تغرس فيه بحال المووووس...وقف فاااااشل رجليه ماااقدرش يحركهم بزز كيتمشى...للدااااخل كيمسح وجهه...دخل سمع صوت البكا والتهرنين...كانت اروى حاضنة ضحى لعندها كتسكتها...ماداهاش فيهم..دخل مرفوووع حتى وقفاااتو بصوتها..غضباااانة :لييييل
ماشافش فيها:من بعد..من بعد
بعدات ضحى عليها ووقفات:لاااا خااااااصنا نهضروووووو حيييييت بزاااااااف هااااااادشي....عيت نششششوف ونسكت....وندييير عين ميكة...ولكن بااااش تمد يديك عليها وتضربها...لا...اش كتعرف هي...راها صغيييييرة....علاش ماضربتيهاش تاهي..دفعاااااتها 
قاااااطعها بغضب وعينيه حمرين:ليييييي توصل الدغمة لفمها تهز ماااااهزاااااات مهااااا

شاااقت مصعووووقة من كلامو..حيت هادي سنيييين باش تغير واصبح الاحترام منهجهم وهاهو تاااني رجع لعااادتو :لييييل?اش هااااااد الكلااااام....هاااااادي رااااا بنتك واااقيلة.....را مااااجايباهاش من الزنقة....يلا عند شي وحدة حق عليييييك...فراااااه بنتك اووووولى...ونت دييييما كتفضل إقبااااال عليها....تجيييب ليها الكادوات ..مفششها...حتى من بنتك مااااا كتبركش معاها قدها...بسيييف ماتعقد 
زمجر بغييييض:...يلا هاااادي بنتي...فرا شمس اللييييييل ختيييييييييييي....وماااااجيبهااااااااش من الزنقة....وهي اولى علييييييكم كااااااامليييين...واااااش مقدكمش داااااكشي لي درتو فيها...ويلا كنت كنبرك مع إقبااااال...بااااش مانحسسهاش بالنقص...يلا كنت نشري ليها كاااادو...فراااه بنتك مغرقها كاااادواااات....بااااش تقول ليها هاااادي دااااارنا وبااااا دااااير فيييييك خييييير لااااااااااا...هاااااد الداااااااار والتروة كااااااااااملة عندها فيها النصصصص.(هز مخدة بالنتير وطوعها)هااااااادي عندها النص....وكييييف قلتي البنت اصغييييرة (شااااف فيها بحقد)مااااكتعرف واااااالو...هادي هضرة الكباااااااااار....ماااايمكنش تجيييييب هاد الهضرة من رااااسها
بلعات ريقها بخوف:كتقصد ان
قااااطعهم ياااسر لي دااخل كيمسح في جبينو بحزن:مااااكفااااكمش سطاش العام ديال تلعداااب قتلوووووها عاد تهناو
دار عندو ليل بغضب:ياااااسر خليك بعيييييد انا ومراااااااتي...نت ماااادخلكش
تبسم يااااسر بعيون مدمعة:ههه عندك الحق...بغيت نسولك فين هي شمس?

وسع عينيه باستغراااب:عندها ندوة...علاااش?
مسح لحيتو ..حتى نزلات دمعة :عيطتي ليها?واااش جااااوباااااتك
تقدم عندو بسرعة شاااانق علييييه:شنوووووو كاااااين مااااالها شمس
شاااف في اروى لي مربعة يديها كترعد بغيض زفر وعااااود شاااف فيه:شممممممممس رااااه مغطة في السبيطاااااار يله فااااااقت من غيبووووووبة....ختك شمممممس...متبرعة بزوج اجزااااء من النخااااااع ديااااااالها
طلق منه بصدمة فشلاااان حس بالدنيااات دارت بيه:اش اش كتقووول?
تبسم بغضب ودموووعو ناااازلة:تبرعاااات ولي عطا الله عطاااااه...السؤال الاهم...هو لمن تبرعاااااات ?علامن خاااااطراااات بحياااااااتها...وكااااانت اتموووووت بااااااش يعيييييييش?
هز فيه رااسو وجههو صفر....:شكككووون
اشاار جهة اروى بكرررره:لخووووووووووها....تبرعات بالنخااااااع دياااالها لسي صقر 
صدمة تلاتية الابعااااد لا ليل لا اروى..ماقدرو يستوعبو.....مسح لحيتو كيزفر :تصدمتو...ياااااكوووو بحاااالي....قبيلة...رااجع من الخدمة...قلت نطرقها نطمن عليها..من سولت سولت الممرضة قالت ليا بلي ..را يله فااقت من الغيبوبة وبلي حالتها بدات تحسن ..تصدمت ماااافهمت تاوزة..حتى باااان لي داااك خاينة ديال الدكتور...شنقت عليه..عااااد سرسب ليا...قالي بلي سي صقر مريض بكونصير ديال الدم و ريته فيها شي حاجة ماااعرت لديلمها...وكاااااان ايموووووووت لدرجة قاااع الاطبة هزو يديهم بقا كيتلاوح من طبيب لطبيب حتى جا هنا ..ماكانوش عارفينو راجلها...حتى لهاد الاسبوع..وتماك قررات لالة شمس..تضحي برااااسها..وحياتها..وتبرع ليه..هو بااااش يعيش...لا وماشي جزء وااحد زوووووج اجزااااااء ديال النخاع دقة وحدة...
حس بالدنيا.دااارت بيه...برك فوووق الفوووتوووي فاااااشل مصدووووم شأنه شأن اروى..لي مااعرفااات باااش تبلات...ماحسات غي دمووعها نازلين:اهىء اهىء خووويا...
تبسم يااااسر وسط غضبو...وشاااف في ليل لي وجهه صفااااار كيدور في الهضرة...ويدي ويجيب تااااالف...حتى نااااض بسرعة كيتمتم :انقتلووووووو انقتلووووووووووو
شدو يااسر بسرعة :اش كتدير?
دفعو بغضب:وااااااااش نسيتييييي...داااكشي لي دااااار فيها...?يله تهنينا منه...وعاااااود رججججع تااااااااااني..يدمرها ماااغنسمحش ليه...انقتله هاااااد المرة 
وقفات اروى كتبكي:اعىي اهىي ليل
اشار ليها بغضب:نتي بالدااااااااات سكتيييييييي...
دفع ياااسر وخرج كيجري..حتى قاااطعو بهدوووء:وهاااديك لي كتبكي الفووووق بااااغا باااها اش غتقووول ليها?

دااار عندو بشوية مصدووووم..تقدم ياااسر ببطىء:يلا بغيتي تقتلو ..خاصك تعرف باااااش تجااااوبها
هز رااااسو فيه بغيض ...:إقباااااال اناااااا هو بااااااها...انا لي كبرتها ..وغسلت ليها من كاااانت صغييييرة..انا لي علمتها تهضر...وديتها المدرسة ..من كااانت خااايفة..ولا دواااا معااااها شي حد انااا لي كنمشي نزلزل قحبة مه
تنهد يااااسر بحرقة...عارف شعور ليل بددورو عاش هادشي مع شمس..حتى حسبها بنتو...و عاشو حتى مع إقبال لدرجة ولات عندها معزة خاصة...كيف ولدو وائل:ولكن للاسف نت مااااشي بااااهااااا 
رجع بسرعة شنق عليه:وااااش.عااااارف راااااسك شنو كتقوووووول
وقفات اناستازيا شادة في وااائل مصدووومة ...نطق يااااسر بهدوء وعينيه دامعة :بغينا ولا كرهنا...كتبقى هادي هي الحقييقة..وكيبقا دااااك القوااااد بااااها..وكييييبقا ..راااااجل شمس..الليييل..وكتبقى ختك بااااااقاااااا باغااااااااااه
طلق منه موسع عينيه:اش كتخربق
تبسم ياااسر:ههه لااا زعمااا..طيرتيني...في نظركك علاااااش طوووول هاد السنين ..عمرها جبداااات سيرة الطلاااااق...علااااااش بغااااات تحط البنت في سمية باااااها....علااااش رجعات نمرتها القديمة ..انا ونت عاااارفين شكووون عطااااها ليها....علاااش خبات علينا بلي تلاقااات بيه...علاش ضحات برااااسها باااش تعتقو...اتقول ليا ضغط عليها..نت عااااارف مزيااااان صقر...عمرووووووو يديرها...واخا يعرف يمووووت...حتى انه مكااانش عارف بلي هي لي تبرعات ليه..ومن عرف كاااان ايقتلهم...اتقوووليا تاني شفقااات عليه كووون بصح...اتجي عندنا وغتقولها لينا...وخته ولا نت متلا....علااااش اتضحي...برااااسها ...هي باااااقة كتبغيييه...تقبلها ولا نوووو...ونت عاااارفه كيبغيها...مااااانكدبوووووش على بعضنا....اليل...وندرقو السماء بليقا.. كييييبغييييها... ومرض بسبااااابها... وكاااان رااااافض يتداااااواااا حتى شاااافها...ومن لقااااااها ...بلا ماتحلمو يفاااارقها....

حط يديه على كتافه مكمل كلامو :ليل...شمس كبراااات...مااابقاااتش ديك البنت ديال سطاش العام تبارك الله را ولات دكتورة ناجحة...ومديرة ديال كلينيك...و نشاء الله يجيو سلاسل ديال كلينيكات...وأم...ولات عاارفة شنو كتدير...قاااااع يلا كنا نكرهو صقر...هادشي ماكيمحيش حقيقة ديال كيبقى رااااجلها...و مااااتنسااااش إقباااال...هي أكثر وحدة متضررة فينا...واااخا نديييرو لي درنا...كنبقاو خواالها...عمرنا نعمرو بلاصة بااااها...ا ليل...عمرنااا...اتبقا ديما تحس بالنقص...ونت عااارف هاااادشي...البنت كبرااااات...وولات تعرف...وجوووود باااااها...ايسعدها
مسح على وجهه بريبة:مااانقدش نسمح ليه...ماايستهلهووومش اياسر 
تنهد بحزن:...عااارف ولكن الوقت كيدااااوي الجروووح...مااتعرف يكووون تببدل....و السنين لي كااانت بعيدة عليه..اكيد عرف بحقها..ودااابا..مابقااااوش بووحدهم..را عندهم بننننت...بزز منه يدير عقله...و حنا كاااينين...اش كنديييرو...غي هو مايجيش العيب منا حنا....خليه هو يغلط...ليل...انا كنعرف شمس مزيااااان وحتى نت...وااااخا قرات وخدماااات بااااقة محتاجة ليه..وهاد الفراغ معنعمرووهش حنا...كنا نصحاابو بلي تقدر.تنسااااه ولكن لا...هي بغاااااتو...عارف بلي عدبها وجرحها وتعدى عليها...ولكن..لا جينا نشوووفو كنا تكرفصنا عليها..نبدا مني انا لي كنت نشوف مي اش كتدير ليها وكنبقى ساااكت..واخا كنجي عندها..ولكن كان علي نهزها ونزيد بيها في الاول...ونت براااسك..كنتي مخبي عليها علاقتك بأروى...حتى سرا لي سرا...اروى.براااسها عندها يد في هااادشي
نطقاااات اروى منداافعة:شنووو.درت
مااشاافش فيها :من عرف صقر بعلاقتك مع ليل....علاش ماقلتيش ليه بلي هي ماكانتش عارفة شكووون..بقيتي ساااكتة...و دييك النهار سمعتك كتهضري مع ضحى..قلتي بلي..هاد الداار مااا ديال تاحد وبلي دياال بااها تدييير لي بغات...حيت هي لي من حقها...عااارف بلي...انا و اناستازيا وولدي غاااا زيدين في هاااد الداار اما حتى شمس را حقها هدا...هااادشي علاش...بديييت نقلب على دااار لي غنسكن فيها انا وعائلتي
حل ليل فمه بصدمة كيشوف في اروى لي كتخضاااار وتصفاااار ..وكيعاود يشوووف فيه :اش كتخربق نت?
تنهد ياااسر :هااادشي كاااان علي نديروووو شحاااال هادي...اليل..نت درتي خيير..وخدمتيني معاااك..وسكنتيني...صاافي..جاا الوقت لي نقد بيه تانا على رااسي ونتحمل مسؤوليتي
شنق عليه بغضب من الكووول:وااااااش عااااارف اش كتقوووووول ولا لا ...اش كتخربق..اشمن خير ولا زبييييي...نت خداااام بكرك ودمااااااغك لي مخدمك....و زيدووووون اشمن عائلة كتهضر عليها...حنااااا همااااا عاائلتك...كتفهم....اناااا وشمس خوووووووتك....(تنهد كيرخف منه)سمع ايااااسر...هاد الهضرة اخر مرة نسمعها....انا درت هااااد الداااار بااااش نتجمعو فيها كااااملين...من (شاااف في لروى بحققققد)عائلتنا كلها غدرااااتنا...لقينا راااسنا بوووووحدنا...وجينا بلاد ماكنعرفو ليها تااااحد...كان بإمكاني...الشركة تعطيك بتي فيلا فحال الموظفين ....حيت هداك حقك...ولكن..(حط يديه على كتفو)عتااابرتك خووويا لي مولداااتوش لي مي..خووويا لي وقف معاايا في الحزة...خوويا..لي .لي واخا صغر مني ..كنتعلم منه....هاااااد الداااااار...مااااااديااالي ..ماديالك مااااديال تااااحد...ديااااالنااااا كااااااااملين...كتفهم...وغتبقا فيها....طووول مااااحنا عاايشين..ويتزوجو ولادنا فيها...ولي ماااعجبوووش الحااااال(خنزر في اروى)...يدبر الكروووووو...نت وشمس واناستااازيا وإقبااااال ووااائل....عاااااااائلتي....وانا نضحي على عااااائلتي كتفهممممم?
نزل ياااسر راااسو محركو بايجااااب تنهد ليل....حاااس براسو ايناافجر:اخر مرة تعاود تجبد هااااد الهضرة

حرك ليه راااسو بإيجااب :اووك
ليل:ودااابا اش انديرو مع هاااد القواااد
دار ياااسر كيشووف لقا اناستازيا وولدو واروى :جمع راااسك..اصااحبي
تبسم.ليل:ونت من كنتي تزبزب علينا شوية دااابا فين كااان الاحترام
حك ورا رااسو بحرج:كاااان طااالع ليا الدم...
ليل:ايوا شنو المعمووول دااابا?
تنهد بحيرة:مااااعرفش والله 
تدخلات اناستازيا بحرج:سمحو ليا انتدخل...ولكن..انا كيبان ليا..تااحد مايتدخل ...خليهم...هما يشوووفو شنو الانسب ليهم.....المدة لي تفااارقو على بعض...اكيد خلاتهم ينضجو..والمشاااكل لي كااانو ماابقااااوش..والاسرااار تكشفو...هما لي خاااص يقررو اش يديرو...يلا تدخلتو..غاتأزمو الوضع أكثر...وماااتنساااوش...دااابا القضية فيها بنت عندها سبع سنين وهو مااااكيعرف عليها واااالو...وحتى هي من غير السمية والكنية لي حاملة...بلا ماتعقدو الامور.بتدخلكم..هما را كبااار دااابا وكيعرفو اش كيديرو
نطق ليل :ولكن ..يلا عرف ب
قاطعو ياسر:عندها الحق..خليهم هما...يصلحو امورهم راااسهم..كيف مكنحملوش لي يتدخل بينا وبين عيالاتنا...تاهما..عندهم حياتهم الشخصية..شمس رااا كبرااات...اليل..من هنا سيمانة اتكمل ربعة وعشرين عااام...نضجاااات ..ولا كاااان شي حد يقدر..يحبس صقر ...ماااكينة تاوحدة غيرها..مناسبة لهاد المهمة...وعاااد هو محتااااج ليها...من عااود لي مااهر حااالته..غضبت وكعييييت..حيت تبرعات ليه وزدت من سمعت هضرتكم..ولكن من عاااود فكرت...وكيف قلتي...حناااا عاااائلة ..والللحم لا خناز كيهزوووه مااليه...وصقر كيف مااا كااان..كيبقا ولد عمك وخااالتك...و راااجل ختك..حاااولو تصلحو الامور بيناتكم..وتصفا الخوااااطر...
وقفات اناستازيا مبتاسمة:يااسر ..محق..ايكووون تربى...على داااكشي لي دااار...وزيدون..انا كنت معاهم..من كااان خاطفها..وشفتو..شحااال كاااان متعلق بيها...خاااصنا نوقفو معاهم ماااشي ضدهم...قاااع لا ماكانش على قبلهم...على قبل إقباااال...خاصها تعيش مع باها ومها...سمح ليا حيت تطاولت..ولكن..انا كنشووف لمصلاحتهم و إقبااال..وانا كنأيد ..يرجعو لبعضهم 
تنهد ليل..بحرااارة:مااعرفتش....حتى نشووووف بعيني ونحكم..المهم انا انمشي نشووفها
شدو من كتافو:خليها حتى الغدا...خليتهل ناااعسة..ماتخاافش را ولات مزيانة

محاااامين عليه ربعة الممرضين ..وهو كيتنتر سااااعر...قااااع الدنيا مقلوووبة والزاااااج مهرس :سي دياااااب تهدن
كيتركل وجهه مزنك وعينيه مضلمين كحلييين...مكشكش:طلقووووو مني اولااااااد القحاااااااب...وااااا بغييييت نخخخخخخرج....وااااااطلقووووووو
الممرض:راااا ممنوووع عليك تخرج...تهدن...رااا حااالتك باااقة حرجة
دفعو بيديه...وتم بااااغي يخرج...اللقطة لي شاااااف ضحى دفعااااتها مااابغاااااتش تحيد ليه من عينيه...ليوووووم يقتلها...يدوز عليها من الودن لودن..كيبغيو غي يحكمووووه باش يدقو ليه البرا..واااالو..كيتنتر ليه بحال الحنش...ماكيرساااااش....ومع عرقااااان ماااالقاااااو منين يشدووووووه...قااااااطعهم صوووت..رنين الطااابليط لي مرمية في الارض...غا سمع الرنة..ودنيه تقلشو...دفعهم دغيا...ومشا كيجري زاااطم على الزاااج هااازو...غاااا شاااف نمرتها...جااوب بسرعة...كاااانت باااركة فوووق النامسية.وجهها مزنك وعينيها منفوووخين:ديااااب
ولا كيترعد....:شنوووووو سراا ليييك...علاش مابقيتيش تجااااااوبي...توعتي....فين..توعتي...فين تجرحتي...قوولي ليا
نزلات لاكام لركبتها دايرة ليها سبارادرا:تضربت في ركبتي...جرحة صغيرة...ولكن مااااتخاااافش تانا طيحتها...
برك فاااااشل فووووق الفووتووووي...قدااامو ساايلين بالدم...مامسوقش ليهم مسح على وجهه كيزفر مفرق.رجليه تقووول ماااشي هدا لي مريب البيت وسااالخ الممرضين..بقاااااو مساااكن اكيبقلووووو...ماافااهمين واااالو...شاافو رجليه السايلة وهو مامسوقش..تنهد واااحد فيهم:انا انمشي نجيب معقم والادوات..صافي اسيرو..
نطق واحد خر:هدااا مابقاااش كلينيك لامرااض السرطان..هدا را سبيطااار الحماااق..واحد كيدور بشووورط عريان..وهدا مقربل الدنيا
قاااطعهم ببرود:اش بااااقين كتديرو..يله براااااا.....
وسعو عينيهم بصدمة..وخرجو كيضربو اسداد فاخمااس..تنهد وهو كيشووفها مضاربة مع قصتها :كيبقيتي...
تنهدااات من اعمااق قلبها:ايجي بابا انعاااود ليه كلشي...وغنقوليه يديني معااااه...
رطب عينيه بحزن حاااس بقلبه كيتقطع:صاااافي...غا صبري....واااش موعتة بزاااااااف
حركات رااسها بنفي:لاااااااا...حتى انا طيحتها..بااااش تعلم تقرب ليا..ومشيت لبيتها..شعككت ليها منيكتها...يللله
فلتات منه ابتسامة..عارفها مسيميمة..وماتخليش دقتها وااخا يبقى فيها غااااا عرق...:مزيااااان...هكااااك...اتسنااااي نخرج...وغنوريييها...
تبسمااات ببريق:اتخرج?
حرك رااسو بايجاااب ودار على كرشوو نااسي حريق رجليه..را هي الدواء والمهدء ...قاااال لبراااا قاااال..كوووون خشاها ليهم في طرمتهم:اااااه..بقاو ليا زووج عمليات انديرهم هاد السيمانة..ومن ورااها زوح جلسات ديال الكيماوي ونخرج..
حنات رااسها بحزن:عاااوتاني اتنعس في داك البيت المظلم
تنهد بحزن..كيتدكر من جاات عندو البلووك وخااافت..وبقااات تمخشش فيه..تماااك عرف بلي عندها فووبيا من الظلام..حتى من بيتها كيبقى شاااعل فيه الضوء بالليل...:كنظن لا....حيت عمليات ساااهلين...اصلا مابقا والو..ونخرج...
صفقات بحمااس:ويييي..وغتجي تعيش معاااانااااااا 
وسع عينيه بصدمة:علااااش
إقبااال:....سمعت ماااما كتدوي مع خااالو ..ليل عليك...وقااالت ليه..بلي..عائلتك...مابقاوش بااغينك....ولا خرجتي..ماعندكش فين تمشي...قاليها...من يبرا..يقدر يعيش معااانا
كرررز.على يديه بغضضضب...عندها الحق..من قااااالت عائلته لااااحوووووه ولا خرج مااااعندووووش فين يمشي..ويقدرو يشوفوه يقتلووووه..بالخصوووص عمه...حيت دياب هو الوريييث الشرعي لقاااااع ممتلكااات عائلة مرتجي....واكييييد عمه ماغيسمحش لهادشي...وبالخصووص داابا بلي باااقي..عيااان...كرز على سناااانه كيتوعد..ليهم بالويييييل الكحل....انتقاااااااام شدييييييييييد.....يهدم دييك العاااائلة وغيقلبها رأسا على عقب...ايمحيها بتقااااليدها...وأعرااافها ...غااااا تسنااااو علي...اندمركم وااااااخد بوااااحد هااااادشي لي كان يقول في.دماااغو...قبل ماتقاطعو إقبااال:اتولي عاااايش معااايا...وغنلعبو بزوج...ونمشيو بااارك بزززوج...اتولي تديني المدرسة....ههه اتولي خووووويا 
وسع عينيه بصدمة عااااااارمة...ماابقاااااش قااادر يشد فمه...صدمااااتو صدمة العمر:واااا دياااااب
حرك راااسو فااايق من القلبة:اااه..داابا راااني خووووك..علاش حنا ماشي خووت..اصلا بااقة صغيرة خلينا نتخاواو حسن نتاااخااواو.داابا..باااش نتحااابو من بعد..قااليك شحال من خااوة رجعات محبة..اه خووووت..خووووت
بقاااات اكتشوووف مافاهمة تااوزة وهو كيدخل ويخرج في الهضرة (😱😱😱😱😱 اويلي ديابي تخوووووووشع)

🌞🌞🌞🌞
كان متكي جنب كيشوف فيها...يد ماسك يدها ويد كيلمس بيها خدها...غااااارق في لؤلؤ عينيها:..كيف قلت ليك ماتخايليش..كيف دااازو عندي هاااااد الاعوااااام بلا بييييك
بغات تحل فمها تدوي ..وهو يقرب حاااط جبهتو على جبهتها:..بقيت بحااال الحمق...نغالقت على الدنيا والعاااالم..سمحت في كلشي..خدمتي مي رااااسي..كلشي...كووون مااا ليان مكنتش انحضر لكناااازتها...ماااقدرتش نسااااامح ليها اشمس...(عينيه غرغرو)نتي ...عشتي في الحرمان على الاقل ماكانوووش عائلتك....انا عشت فيه وسطهم.....الوليد..كان كيبغي مااامااااك بلا قياااااس...واااخاا مااقدرش نتقبلها ولكن.الصراااحة...الوليدة دخلات بيناتهم ...يمكن كووون تزوجو..كنتي اتعيشي مزياااان...ويمكن انا نكووون في الكفة لاخراااا...ولكن...القدر هو هداا...تبليت عندي خمسطاااش او قل...كنتدروووكا كندييير...كلشي...حتى من ليل انا لي جريييتو...للبلية...كنت متأكد بلي لا صحيت انقتل شي حد ولا غنقتل راااسي...يمكن موووت الوليد...خففات..علي...كنت كنقووول هو السبااب و من مااات مابقا ت سبااب...حيدت لا درووك..وشديت بلاصتو...باااقي صغير تعطاااتني...مسؤوليية خااااصني نكوووون قدها.....حتى عرفت بوجوودك..والحرقة تااني رجعاااات..ورجعت نتدرووكا...المسؤولية لي دفنت مع الوليد...حطيتها عليك...شفت راااسي كنضيع...خاااصني حاااجة خراااا...هو الانتقااااام..(طلع تنهييدة وخرجها)....قلبت عليك..ولقيتك...تماك كلفت واحد من رجاالي يحرد ديك خديجة..عمرني عرفتك ولا شفتك...ولكن كيف ماماك كاانت سباب عداابنا..وليت سباااب.عداابك..ماكنتش عاارف الحقيقة..هي كدبات على كلشي...كلشي تيقها...ولكن(زير على راسها بجبهتو كينهج)نهااار شفتك....حسيت بالارض دااارت...والوقت وقف..والزلزال والطووفان هاااجو في قلبي...عشقتك من اول نظرة سكنتي في بااالي...لدرجة من قااالت لي نتزوجك مااارفضتش...كدبت على راااسي باااش نتاقم منك بنفسي...لاا كنت بغيتك تبقااااي جنبي....نغرق في عيووونك...كنبكيك ونعايرك ونننضربك....بااااااش نوقف قلبي لي حرقني من جهتك....حاااااولت وحاااااولت ولكن حبك سكني...ولقيت راااسي مشدووود بيييك...بغييييتك...وعشقتك...هي فاااش قلت ليك نبداو صفحة جديدة.بغيت نتقرب منك بأي وجه كااان بغيت نلووح الماااضي ونعييش المستقبل معااااك..علمتيني شناهو الحب علمتني الإخلاص والوفاااء...علمتيني الابتسااامة..والسعااادة..علمتيني نفيييق معاااك الفجر نشووفك كتصلي..واخا مكنصليش وماااحفضش القران بزاف كان يعجبني نشووفك كتصلي ..كنت نقوول رغم الدنووووب والمعاااصي لي درت ربي جزااااني بيييك...مكنتش عااارف انخلص من بعد...من طاااح ولدنا..ظلامت الدنيا في عيني...حيت شحااال وانا نحلم بييه..وبالنهار لي نشدو بيدي...نشووفو كيكيبر قداااام عيني...ولكن قاااومت ومخليتش الحزن يتملكني...فقدت ولدنا..ولكن ماابغيتش نفقدك...نهار على نهار كتدباالي قداام عيني وانا معندي جهد...من لقيت المتبرع...قلت قاااع بيبان الرحمة تحلوو...وصااافي انرجعو لحياتنا...حتى سرا لي سراااا...تكرفصت عليك..وغتاااصبتك..ونتي مريييضة ..ماااااحنيتش فيييك...ولكن انا كنت جاااي الصباااح نصاااالحك...حتى سمعتك كتهضري مع داااك ياااسر..كيقنعك...تمشي معاه تماك كفرت مااعقلتش شحااال شربت...عاااقل على صراااخك ورغيييبك...وانا بحااال الوحش بغييت نتملكك(نزلات دمعة من عينيه)...حتى عرفت الحقيقة من بعد...تمنييييت تبقاااي مع خووووك..ومااتجيش..ولكن الزهر بحال ديما كوز وعطااني بطرمتو..كنت انقتل مي..قجيييتها...حيت بسباااابها تعدبت وعدبتك معاايا..حتى سمعت الغوااات ولقيتك...مغيبة كلك دم...تبعتك...كنت تااالف وحااااير...لقيت راااسي مقلووب انا والطوموبيل...سيمااانة وانا كووومة بين الحياة والموت..اول مافقت خرجت عندك...لقيتك باقة مغيبة..وليل داير الحرااسة..دوا ليا ليان مع شي طبيب و ممرضين يهربوك وهادشي لي سرا خدييتك وبعدتك...بغيت نعيييش انا ويااااك...نخليو كلشي وراااانا...لا عائلة توقف جنبنا..ولا تاحد حيت ماابقيت نتيق فتاشي حد غيييرك...كلشي كدب علي وكلشي.خدعني ...كل نهار كنبقا جنبك..نمشط ليك ونعومك...على أمل تفيقي...بااقي عاقل..نهار فقتي وشفتيني..بحال يلت شفتي قباااط روووحك...قتلتيني..فديك اللحظة..وفي كل لحظة كنقرب منك كتغوتي وتبكي....كنت داااير مدة وغنتاصلحو...قصر فين كتبغي لاس كاباس..الطبيعة والبحر...كنت مستاااعد نتخلى على اي حااااجة..مدرتش بحسااب ايجي شي نهار تخلاي عليا.....علمتيني شناهي الحياااة..ونسيتي..بلي الحيااااة هي نتي..وبلا بييك ماكتسوى وااالو....خيليتيني ميت في ديك الداااار...قلبت وقلبت وااالو ...بقيت عاطيها السكرة..والشراب..حتى لقيت رااسي في سبيطار وعرفت فيا الكونصير و ولصيصة في الرية...كااان بإمكاني نتاااعلج..ولكن علامن..مي خلاتني..ختي..حتى نتيي علامن انعيييش...ختاااريت نموووووت ونموووووت بشوية..بغيت نتعدب بااااش نعرف بحقك...نعرف بالسنين لي ظوزتيهم في العدااااب بسبااابي...كااانت امنيتي نشوووفك قبل ماااانموووووت..مكنتش عااارف تاااني بشووووفتك انعييييش...شمس...نتي رووووحي....كتعرفي روووووحي...نتي هي حيااااتي...قااااومت بسباااابك...ماتخلايش علي عوتاني...عااااافاااااك

ماااعرفاااات بااااش تجااااوبو...تعدب مافيه الكفاااية وكيف كتشووف حااالتووو كااان على شفير الموت...دمووعها كيعبرو على حزنها واسفها...ولكن تااهي تعدبااات كيفو...وتحرمات كيفو..ودااقت الارق كيفو...وزااااد عشقها كيفو...وتضاااعف شووقها..وحنينها كيفو...ودقااااتها رتااافعو ..وحياااهاا كيف ما حياتو كيفو..هزااات يديها كيترعدو للحيته الخفيفة كتلمسها...بحنية..شي لي خلاه يزيد يتمخشش فيها كثر عمرها.داارت هاااد الحركاااات ولا هزات عينيها فيه..هك..والله وكووون مااالمااسك والخيووطة يقلبها هناااا...ويعسرها في حضنو حتى يدخلو عضومتها يسلمو على بعضياااتهم...نزل وجهه دفنو جهة عنقها يتنفس منه..جاب ليه رعشة بسباااب انفاااااسو....حط يديه على كرشها..ولاح رجل فوووق رجليها...واااخا يديرو لي دااارو...هو مخشي فيها مخشي.ويديهم في الصاالحين (بحااالي وبحااال القحباااات لي كيقراااااو...انخشيو صبعنا في طرمتنا ونعيطو للصالحين...عاش الملك عااااش..😭😭😭)..
🌞🌞🌞🌞🌞
كااان بااقي مسرح على كرشو حاااط طاابلييط قداااامو وااضع يديه على خدو كيحنزز فيها..شااادة الكمان وباااركة تعزف وهو بارك يلعب برجليه لي الدم مكبد فيهم..كيسمع عزفها...تحسن بزااااف على كيف كااان ولات كتعرف الوقفاااات...و الشدة ديال الكمان..مقاااادة...مغمضة عينيها..مع ابتساااامة عدبة وحنيييينة...اكيييد اتسرق القلووووب بيها...اكيييد اتولي مشهووورة..وغيكونو عندها معجبين...حرك رااسو كينفض الغيرة لي تملكاااتو تاااني...ايكووون ظلها..وقسما عظما...يلا شاااااف فيها اشي حد..يحيد ليه عينيه من بلاصتهم..هي دياالووووو...#ملكو...ولا شي حد...سخات عليه حيااااتو..يقرب منها... تبسم من شااافها كترمقو بدوووك النظرااات لي كتساااالي معااااه..كتبدا ترمش عويناتها بحااال شي منيكة...كتسنا رأيه..تنهد من وسط صدرو:واااااعرة...
تبسمااات بحماااس :دياال بتهوووفن...زوييينة ياااك
حرك راااسو بايجاب كيقول في خاااطرو والله مااااحلات غا بلمستك...:اااه تعلمتي تعزفي 
تبسمات وهي شادة تيلي غاتكا في بلاصتها..دارت على جنبها واضعة يد تحت حنااااكها :حتى المعلمات قاااالو ليا نفس الشيء...ماابقا وااالو وغنولي عازفة ماااهرة...(تفوهاااات واضعة كفها على شفااايفها)...حتى انا انولي نعزف في صالة تلاوبيرا....(ضحكات مغمضة عينيها)كيضحكوني هادوك لي كيغنيو الاوبيرا..بيكالو بيكااالو بيكالو هههههههههه
بتاااسم بدوورو على طريقة تقليدها....بقااا كيدردش معاااها...عاارفها فيها النعااااس...كل مرة تفوه ولا تكسل حتى غمضااات عينيها..ونعساااات...بقا...حااااديها...حادي شغرها لي غطا وجهها مخلي اشفاايفها يباااانو بحال حبة كرز...ماااكرهش يخشي يديه في ليكرون...ويبظا يلمس شعرها..وخدوودها..يشم ريحة الفرولة نااابعة من رقبتها...وطعم الفاني من شعرها..حلوة...ايحتافض بيها تنضج...باااش ياااكلها...

داازت يومين .....
من بعد ما صحة شمس تحسنات وماسراو تا مضاااعفااات فصار بإمكااانها تمشي..خرجاات من الطواليط كانت لابسة كسوة حجابية بالباااج باااارد مع شااال بالغووز باارد وسبيبيط في نفس اللون...
لقاااتو بارك يتسناااها...فوووق الفوووتووي ديال مكتبها لابس سروال السرفيط..بالزرق مع بيل نص كم بالبيض وسندالة الصبع..تبسمات في وجهه باستغراب:اش نوضك من بلاصتك ?
وقف كيطلعها وينزلها بعينيه...باااين دااااكشي كبر وتعزل..وااااخا الكسوة حجاااابية إلا مفااتنها كتنفتن...وجحها كيجدب...وقف قداااامها جارها من اسفل ظهرها حتى زوااات شااهقة حط يديه علي خدها كيلمسو بلور ديال يديه:مااابااانتش هادشي شوية مزييرة ?
نزلات عينيها باستغراااب كشووف اش لابسة ..الكسوة مفخفخة من التحت شنو اتبين نطق بهدوووء :وااخا دايرة شاال طويل...صدرك كيبااان واااقف..وعااازلة الكرش كتبااان داااخلة ..والسلسووول هاابط وجااا تالتحت ودخل ..باااااينة الفووورمة اتكووووون مقنبلة...
بلعات ريقها بتوتر:عرييضة
حرك رااسو بنفي وزاااد قرب منها...قلبها كيضرب...وهي كتحس بانفااااسو:تت تتت تت..عندك نتي عرييضة..انا بااانت لي مكرزة بزاااف...بدليها...
هزاااات فيه عينيها بتلعتم:مااعنديييش هنااا
تنهد ونزل عينيهولشفاايفها لي كيترعدو:انا نصييفط على شي حاااجة تلبسيها....هاادي كتبينك مطراااسية
نطقااات بضعف اتسخف ليه بين يديه:رااا لابسة شاال طويل مدرق الفوووق والكسوة عريضة
تبسم بشهوة...وجهه مزنك كيشووف في شفاايفها:انا لي كنشووف ولا نتي...نتي لابسة وكنتخااايلك عرياااانة...علم الله هما كيف كيتخاايلو...
بغااات تدوي وهي تبلع ريييقها...من شافتو كيقرب...حساااات بشفتو على خدها الليمني خااااطف قلبها بيها وعاااود خطف قبلة من خدها الليسري...بكل نعووومة...بااااس نيفها ونزل لعند شفااايفها متلهف...خلاها تغمض عينيها بدون شعووور:ماااااامااااتيييي انا جيت

قواااااادت
يتبع ...