صورة مصغرة لـالأم العازبة الجزء الثاني

الأم العازبة الجزء الثاني

tani
رواية الأم العازبة

خرجات لارا من المحل من بعد ما سمعات الغوات. . لقات الناس مجموعين و كايشوفو .. قلبات و هي تلقا عفت ماكايناش. .. مشات تخشات تطل حتى بانت ليها عفت مرمية فالأرض و حدا جبهتها مجروح. .يدان كاتغوت و تدفع فالناس ... و تقلب فيها تشرب ليها ف وجهها باش تفيق. .. هزوها شي دراري و لارا تابعاهم من اللور كاتكبي و مخلوعة عليها أما عفت ف غايبة .. كانت واحد اللوطو تما ديال واحد فيهم ركب .. و ركبو معاه و مشاو ل مشفى ديال الدولة .. حينت عفت باقي عندها الفيزا .... دخلوها و بقات لارا واقفة كاتسنا و تبكي ... شويا خرج الطبيب و مشات عندو 
الطبيب: ماعندك مناش تخافي ما عندهاش شي حاجة خطيرة 
لارا: و اش عندها 
الطبيب:ماكاتكلش مزيان و صحتها على قد الحال .. ناقصينها بزاف ديال الفيتامينات و عاد الضربة اللي ف راسها خلاوها تفقد الوعي . حنا عطيناها سيروم فيه شي مقويات و عقمنا ليعا الجرحة. . مللي تسالي السيروم تقدر تخرج .. ما يكون باس عندها .. 
مشا هو و دخلات لارا عندها .. و بقا كاتشوف فيها كيفاش ناعسة كي الجثة .. وجهها شاحب و فمها ابيض و شعرها على المخدة واخا قصير .. شافتو و عرفات باللي هداك اللي تخاسمات معاه هو السبب و ماعندهم ليه جهد .. تنهدات و جلسات حداها .. شادة ف يديها و كادوز على على شعرها و متأسفة على حالتها .. و بغات تعرف قصتها و اش رما ب بنت ف عمرها و معاه بنية ف بلاد الغربة ... و فين بات نعمة .. 
.... البوم دازت سيمانة باش وقع هادشي .. عفت من نهار خرجات من المشفى حسات راسها ف بيتها .. حدها مقابلة نعمة.. كل شوي كايجيو عندها لارا و سهيل و لكن ماكاتهدر مع حد .. كلشي تجمع عليها. . تفكرات اش وقع ليها فالمغرب و اش باقي كايتسناها. . كيف عادتها فهاد المدة جالسة قدام الشرجم و كاتشوف ف الواد اللي قدامهم و اللي فاصلهم على الجهة الأخرى اللي فيعا غي أغنياء المدينة .. واش يمكن يجي شي يوم حتى هي تولي من سكان ديك المنطقة ... تنهدات و هي تسمع الباب .. ناضت بتثاقل حلاتو و دخلات و تبعوها هما من اللور ... جلس سهيل حظا نعمة كايلعب معاها و لارا جات وقفات عليها 
لارا:واش نتي كل نهار غاتبقاي هاكا 
عفت : الصمت و ماكاتشوفش فيها 
لارا:اوووف ا عفت .. راه عصبيتيني. . واش كب نهار نجي نلقاك على هاد الحالة. . واش بنت قدك .. صافي فقدات الأمل فالحياة .. و هاد البنية حتى هي غاتمرضيها معاك هاكا ظ. الله يخليك نوضي يالاه معانا تبدلي الجو .. شويا ..شوفي اليوم خرجات الشمس .. 
عفت: عرفتي باش كانحس .. كانحس بالشمتة. . باللي انا ضعيفة . باللي ماعندي حتى سند و لا صدر حنين اللي
نتكا عليه .. عييت و بزاف .. قاسيت و تعذبت. . و هربت من بلادي باش نرتاح و طحت ف ما كفس ... حاجة وحدة اللي باقية مخلياني عايشة هي بنتي .. أما كون لقيتيني ودعت شحال هادي ... 
جا عندهم سهيل اللي كان هاز نعمة و كاتضحك معاه : شوفي ا عفت ... نتي راك ختي ... و بنت بلادي .. و هداك الكلب الشماتة اللي قطع ليك شعرك و ضربك. . راه انا اللي غانشوف حسابي معاه غي باقي ما لقيتو حينت من داك النهار غبر ... 
عفت:لا عافاك ا خويا .. ما بغيتش تدخل راسك ف المشاكل بسبابي .. 
سهيل: ماسوقكش الآلة .. نتي ظابا غي نوضي بدلي حوايجك .. و بدلي لهاد الأميرة و يالاه نخرجو .... 
استسلمت ليهم عفت و ناضت لبسات تريكو ديال الخيط كحل و دجين كحل لاصق عليها و كويرا و بوط قصير فالبوغدو. . و طلقات شعرها اللي ولا عند كتافها و كتفات بماكياج خفيف بزاف .... و لبسات ل نعمة اونسومبل سخون فالموف و جاكيت غوز و طاقية و هزات ساكها و داكشي اللي خسها و سهيل هز ليعا البوسيط و نزلو ... بقا سهيل جارها و هما وراه كايتمشاو بشويا و مستمتعين بالشمس اللي بانت اليوم من مور شهر ديال البرد و الشتا ... وصلو لواحد البارك ديال الالعاب. . و دغيا لارا و عفت حلو فمهم و عينيهم و خلاو ليه نعمة و مشاو جربو غاع اللعاب خصوصا اللي فيهم الغوات. . عفت غوتات فيهم حتى بحات و مشا ليها الصوت و خرجات غاع داكشي اللي فقلبها و رتاحت شويا .. كملو و مشاو لواحد الكافي كلاو ليكريب بنوتيلا و حليب بالشكلاط سخون حينت جاها البرد. . بدأ كايطيح الظلام و ناضو صافي ف حالهم .. راجعين و مخشيين فبعضياتهم من البرد حتى كايلمحو حظا الواد مجموعة ديال الدراري و بنات طالقين الاغاني و كايشطحو. . بقاو واقفين كايشوفو فيهم .. شويا و هي تبدأ اغنية rockabye .. غي سمعاتها عفت حسات بحال هي المعنية بالأمر .. حيدات الكويرة و لاحها على لارا و دخلت بيناتهم و عطاتها للشطيح خلات كلشي غي حال فمه فيها ... خرجات غاع ديك الطاقة السلبية اللي كانت فيها .... 
ما وقفات حتى ولات كاتنهج. ... لبسات كويرتها. . و سبقاتهم كاضحك. . تقولي هزيتي بنت و حطيت وحدة خرا بحال داك الشطيح نفعها و خلاها تسترجع عفت القديمة القوية ... و لارا و سهيل مصدومين فيها .. حتى وقفها واحد الشخص ... 
الشخص: اححم السلام. . 
سهيل: وي بغيتي شيحاجة .. (البنات غي كايشوفو فيه)
الشخص: انا شفت الآنسة كاترقص. . عجبني بزاف الرقص ديالها حينت معبر. .. و بغيت نقترح عليعا تجي تخدم عندي .. 
سهيل: كيفاش مافهمتش ...
الشخص:انا عندي صال ديال الرقص و بغيتها تجي تخدم عندي. ... عطاها كاخت فيزيت .. كانتمنا تقبلي و تجي تشرفيني. .. مشا و خلاها واقفة حالا فمها انا لارا فرحات و تلاحت عليها عنقاتها...

كيف كل يوم فهاد 4 شهور لي فاتت جالسة فبيت مظلم خايفة من لباب ليتحل عليها...ولكن مندماناش على لي دارت كتحس بلي ضميرها رتاح نسبيا وخا بالها مشطون على ديك ليتيمة بحالها لي قساة عليها دنيا وتكرفص عليها زن
مان وغذرو بيها حبابها وملقات لا ظهر تسند عليه ولا ذرع يحميها...بقات ناعسة كتشوف فنقطة وحدة فسقف نزلات دمعة حارة من عينيها كتتفكر طفولتها لي دوزاتها مع خالتها لي كلها عذاب حتى وصلات للباك كانت متأملة تنجح وتدخل للجامعة وتخرج من عند خالتها ولكن مكتابش وقدرها كان غير ... وتكتب على غصون ترجع بنت ليل مكان قدامها حتى حل من غير زنقة من بعد مجرات عليها خالتها ...كانت كتعرف قيس من الاعدادي كان كيجي عند شي بنات وعرفوها عليه حتى رجعات كتموت عليه وعلاقتو بيها كانت فشكل اخر هو كيحن فيها وكتبقى فيه ونقولو كيبغيها ولكن هي كان هو كلشي بنسبة ليها وكيف قالها متقول لحد بلي هي معاه غلطات معاه ورجعات عندها عادي كل مرة تمشي معاه حتى لباك طلباتو يتزوجو ورفض خدمها عندو كتخىج غير مع فلان وفلان عكس لبنات الاخرين لي كيخرجو مع كلشي ..غمضت عينيها وحطت يدها على فمها كتشهق وكتشوف فصباعها لي نصفهم مقطوعين وكتتحسر عليهم ..هذا هو عقابها لي حكم بيه قيس عليها ...هذا عقاب خيانتها ليه كيف سماها هو ..عاونات صاحبتها وكان جزاءها قطع طراف صباعها وحرق ليها لسانها ..وكيف قال هو شفع فيها حيتاش كيبغيها ..لو كان وحدة اخرى دارتها كان يمحيها من الوجود..وهي هكذاك سمعات لباب تفتح فزت قفزت وجمعات رجليها عندها وقف عليها قيس مربع يديه وكيشوف فيها مدة عاد قرب منها باس ليها جبهتها وحيد ليها شعر من على عينيها وكيتلمس حنكها وهي خايفة من لي جاي كيف كل ليلة كيكون مزيان حتى كيتقلب عليها
قيس:مزال منوياش تخرجي..(شد يديها وكيشوف فصباعها)مندمانش عليهم حيتاش درتي علاش ..والا رجعتي خنتيني ندير كتر (شافت فيه غصون بقلة حيلة حتى لهدرة رجعات عندها مكلوزة مبقاتش كتبغي تهدر ولا تخرج يشوفوها ناس هكذاك)ولو كان تعاودي ندير كتر ولكن منقدرش نقتلك
غصون هبطات راسها وناضت كتشوف من سرجم تنهدات وكتحاول تهدر:ميحتاش تعذب راسك ...فين عمرك شفت شي جثة مزال فالحياة (دارت عندو كتشوف فالبيت كولو)هذا لقبر لي حكمت عليا نعيش فيه..وانا راضية بحكامك 
قيس طلع فيها وهبط كيهدر كارز على سنانو:الا زدت معاك دقيقة غادي نغلط فيك ا غصون ..متحاوليش تختابري صبري
غصون جلسات فالارض وحطات راسها على الحيط كتشوف فيه:علاش مزال مخبيني من جساس...علاش مباغيهش يلقاني .. قيس جلس مقابل معاها:عارفة اش درتي ...واش عارفة بسباب داك لعقل لي مكيسوى والو فين وصلنا...(ضحكت استهزاء)شفتي لي درتو انا راه رحمة على لي يديرو فيك جساس..كتعرفي جساس شنو كيعني ...قلب ميرحمش انسان مكيفرق معاه حتى حاجة وبالاخض لي يتعدا حدودو معاه ..ونتي يا لمكلخة تآمرتي ضدو ..علاش تعاونيها (بلغوات) علاااااش
غصون ببرود:حيتاش ..بغيت
قيس ناض عندها معصب كتستافزو بتصرفاتها شدها من فكها وزير عليها:كنقول لز**بوك خدايم لق***مديريهمش معايا...(مخرج عينيه فيها) لي مخليني صابر عليك هذا(كيشير لقلبو) متخلينيش نوطا عليه..ديك ساعة ميفكك فكاك
غصون نزلو دموعها بلا خاطرها خرج وخلاها وقفات طلات من سرجم شافتو خارج طاير بطوموبيل طلعات راسها كيبان ليها شمس بدات تطلع وشروق زوين تنهدات وتمنات حتى هي شي نهار تشرق شمسها من جديد وتشوف عفت ونعمة فظروف حسن وتعيش حياة كيف كانت كتتمنى قبل متجري عليها خالتها بقات ساهية فلخضورة لي قبالتها ..من نهار مشات عفت وقيس مخليها فواحد لفيرما جات فبلاصة مقطوعة ميوصل ليها حد وكل ليلة كيجي عندها مرة منين يبغي حاجتو ومرة يجي غير يطل عليها ويمشي ...
دازت مدة حتى حد معارف طريق لعفت من غير هي خرجات على لبلاد ولكن فين بضبط مقدروش يعرفو وجساس معطاش اهمية لموضوع اختفاءها حيتاش عارف طوال زمان ولا قصار ترجع حتى لعندو ..

..اليوم كان اعلان ديال دمج شركتو مع شركة العمراني للاستراد وتصدير وفنفس الوقت اعلان خطوبتو على بنت سي العمراني رسيل لعمراني كانت بنت سمراء طويلة ..كان اجواء الحفل اسطورية اكيد ما هذا الجساس لحفيد الوحيد لعائلة بنيس مستحيل يقضي بلي كان خاصو يكون متميز فكلشي وخا هاد زوااج كولو طالع غير على المصلحة مجرد صفقة بين عائلة بنيس والعمراني..مننكروش بلي رسيل معجبة بيه وبشخصيتو لغامضة ومدة وهي كتسمع اخبارو ولكن جساس معندوش القلب لي يبغي شي حد من غير راسو اناني ومتملك ومعندوش حدود لسيطرة ديالو بنسبة ليه هاد زواج مجرد بند من بنود شراكة ورسيل كيعتابرها جزء من ارباح شركة ديال باباها ...كان الحفل عبارة عن بوفي كبير فيه انواع واشكال من المأكولات واخر كيجمع بين انواع من الحلويات العالمية والمغربية ومقبلات وساحة كيتوسطها طوابل صغار طوال وبعض من الخدم منتاشرين بصواني ديال المشروبات العادية والكحولية والمقبلات كيوزعوها على ضيوف كانت حفلة راقية بامتياز الموسيقى لكلاسيكية برعاية اركسترا عالمية وبما انو الحفل كان جامع غير شخاشخة شخصيات الكبرى ونخبة المجتمع اكيد كاينلي كيستغل هاد تجمعات باش يعقد صفقات واتفاقيات كبيرة ...فطبلة بعيدة على انظار الكل كان واقف بكل اناقة لابس كومبلي اسود مع شميز بيضاء بصداف سوداء وبابيون فالاسود داير يد فجيب و يد شاد بيها كاس فيه لويسكي وكيتمنظر فناس حتى عنقوه يدين من ظهرو غير شم ريحتها عرفها.... 

...... عنقوه يدين من ظهرو غير شم ريحتها عرفها
جساس:سلطانة بنيس شرفتنا (باستو فحنكو وهو شد ليها يدها بطريقة جنتلمانية باسها ليها) مدام روعة كيف عادتك جيتي روعة(غمز ليها حاوط خصرها بيد ووقف كيشوف فناس)
روعة لي كانت لابسة لباس ابيض مزير على طايتها وجاي حتى لسيقانها وداير شكل وردى منفوشة مع ميك اب سامبل ركزات على شفافها بلون بوردو وسباط وبوشيط فالبوردو:هذا من ذوق ديالك احبيبي (كتقاد ليه البابيون) مغاديش تطلع تهبط مع خطيبتك
جساس بعدم مبالات:تهبط بحدها ..مال انا لكاردكور ديالها 
روعة:جساس حشومة...خاسك تحافظ على بريستيجك بيبي ..طلع هبط معاها ومن بعد مياخذو ليكم صحافة تصاور رجع هنا وانا نتكلف بالباقي
جساس:اااووف الوليدة عارفاني معنديش مع داك نفاق الاجتماعي ...مكيهمنيش هاد تمرضين كولو 
روعة دارت راسها تقلقات:اممم كنضن حتى روعة ومكانتها مكتهمكش..اتس اوكي دارلنغ وليكن ظير فبالك بلي باباك وجدك غادي يتقلقو 
جساس قصد لباب لي يدخلو لفيلا ديال وليديه:ها هو غادي غير فكيها شوية ..بيوتي ليدي
طلع ممحاشيها لحد وكلشي عارف طبعو لقاسي والمتكبر لوحيدة لي كيدي ويجيب معاها فالهدرة هي ماماه روعة بنيس ..دخل بلا ميدق لقا رسيل مع المساعدة ديالها كتقاد ليها اخر لمسات غير شافتو ابتاسمات ليه عكس هو لي غير مغوبش
جساس:واجدة؟
رسيل بفرحة وكدور قدامو :اااه صافي ساليت ..نهبطو دبا ..امم قولي الاول كيف جيتك
جساس طلع وهبط فيها كانت لابسة غوب فلون نيود لون اللحم مبينة ليها نص من صدرها وجاية لاسقة على طايتها و طالقة شعرها و ميك اب برز جمالها الشرقي.. عيونها كبار كوحل كتفات ليم بايلينر وماسكارا وايشادو ترابي بارد مع عكر ماط كرونة وفاراجو برونز .. قرب منها طبع بوسة فعنقها وشدها من خصرها
جساس:سو سيكسي 
رسيل ابتاسمات حتى بانت ليها ضرس لعقل :نقدرو نهبطو دبا
جساس شدها من يدها ونزلو وقبل منهم نزلات المساعدة ديالها غير شافوهم صحافة هجمو عليهم بصور ولفلاش كيعمي لعينين وجساس صابر غير على خاطر ماماه وبريستيجها الاجتماعي اما لو كان جات عليه من تصويرة الاولى يخلي جد دار بوهم اما رسيل فشادة فيه شدة لعمى فظلمة شوية وطير عليه تغتاصبو حداهم ههههه....دازت ديك الخطبة من طراز رفيع لبشو لخواتم بحضور صحافة لي كتوثق لحظة اكتمال ادماج شراكة عمل لعلاقة اسرية بين 2 جوج من اكبر العائلات واعرقها ...جساس غير جاتو لفرصة انسحب وخلا رسيل وروعة مع المعازيم ....
بدا الجو كيبرد كتر وكتر وكندا معروفة على شتاء القاسي ...ليوم صبحات نعمة طالعة ليها سخانة ومروحة مع ضعف المناعة لي عندها دغيا كتمرض وعفت طول الوقت مشوشة عليها ..داز نهار كولو وهي معاها مرة تهبط ليها سخانة مرة تطلع حتى ليل زاد عليها لحال عطاتها شميعات لي يخفضو لحرارة حتى شافتها رجعات ل37 درجة العادية ناضت لابسة بيجامة مقطنة فالاحمر وفوق منها بينوار احمر وطالقة شعرها وهازة نعمة فيديها كتحاول تنعسها كتمشي وتجي فلبيت وهي غير كتبكي مبغاتش تسكت حتى كتسمع دقان فالباب...

فتحاتو كانت لارا وسهيل 
عفت:دخلو مرحبا..سمحولي مخلاتكمش نعمة تنعسو 
لارا:مالها يكما رجعات مرضات ولا محتاجة شي حاجة ؟
عفت:غير سخانة رجعات طلعات ليها عطيتها دوا لي تحتاح ولكن حلفات متنعس
سهيل هز عليها نعمة كيدور بيها ويقرا عليها بعض من سور القرآن بقا معاها قريب نصف ساعة عاد نعسات حطها فبلاصتها وباس ليها جبهتها
عفت:شكرا بزاف اخويا ...بلا بيك معرفتش شنو كنت نقدر ندير ...كل ليلة على نفس الموال 
سهيل:بلفرحات عليا نجي نزور لفنيكيشة ديالنا ...لارا ياله احبيبة نخليو عفت ترتاح صباح عندكم فيقة بكري لارا باست عفت:مهم حبوبتي غذا ندوز عليك...نعمة نخليوها مع سهيل بلا متشطني بالك من ناحيتها
عفت:معرفت كيف كنت غادي ندير بلا بيكم ..الله يكتر خيركم شكرا بزااف
سهيل جاي خارج:ميحتاش تشكرينا حنا ولاد لبلاد ماشي غراب عليك فهمتي اخر مرة نسمع كلمة شكر منك ... خرجو من عندها وهي دخلات لبلاصتها نعسات وكيف كل ليلة حلم واحد كتشوفو كتنوض مفزوعة من نهار سمعات الاوديو ديال غصون...كتشوف غصون فحفرة وقيس ماد ليها يدو وجساس حاط فردي فوق من راس قيس والحفرة فيها بزاف الافاعي وكيتسمع صوت صراخ غصون من بعيد وهي واقفة بعيد على مفترق طرق.. طريق كولو ورد ولكن كياخذها لحفرة ديال غصون وكتشوف منو الافاعي داخلة خارجة و طريق كولو شوك ونعمة جالسة كتلعب فنهاية طريق مع شخص غريب ماد ليها يديه...ناضا صباح كتقطر بلعرق ونعمة حداها كتلاغي وتلعب بسوسيت فيدها ناضت دوشات ودوشات لنعمة بدلات ليها لبساتها شالوبيط سخون فالمارون وجاكيط فوقو بيج وطاقية فالبيج بكاشنيها وميني بوط بيج وهي لبسات سروال دجين مع تريكو اسود خيط وجاكيط كحلا فوقو بكابيشو طلقات شعرها ودارت طاقية فالاحمر بكاشنيها صبيعات كوحل و فرجلها ميني بوط كحل ..هزات سكادو ديالها وهزات ساك نعمة دقات على يارا لقاتها واجدة خلاو نعمة لسهيل وخرجو يشوفو لبلايص لي محتاجين لخدامات وتافقو مع سهيل يمشيو غير للاماكن لي على قد لحال باش ميحكروش على لوراق والاقامة .... حينت من نهار خدمات ف ديك لاصال كاتعلمهم الرقص فالليل من 7 ل 9 ... عمرو ما خلصها و كل مرة كايتحجج ب شي حاجة و دابا غاع غبر غبرة وحدة ما عرفاتو فين صد .. حتى صافي ملات و عيات و الفلوس اللي عندها سالاو و مصاريف نعمة كل مرة كايتزادو... داكشي باش قالت اللهم تقلب على خدمة مرا ف النهار و هديك فالليل حتى يحن الله ... 
.خرجو وخلاوه مع نعمة وعفت كتوصي فيه وتعاود ... وقفو عند باب العمارة كيشوفو طريق لي يشدوها هاد صباح
لارا:بففف والله مليت كل صباح نفس شي ..رجليا.دبا منين نمشيو؟
عفت تنهدات :زيدي نطلعو من طريق لميطرو ومن تما نهبطو جيهت لمحلات نشوفو لي محتاج لفام دميناج ولا شي وحدة تقابل لاكيس...لارا سهيل نعرف خبار على خافيير مول لصال (كيهدرو وهما كيتمشاو كيقتاصدو على فلوس لمركوب)
لارا:من نهار لي غبر غبرو خبارو..نعرفت شنو لي مصبرك مزال كتمشي ونتي هادي شهرين مشفتي منو لا حتى دولار كتخدمي في سبيل الله
عفت :مبغيتش نتقلق وضيع من يدي الخدمة اللهم نصبر على رزقي منين يرجع يعطيني حسابي كامل لي كنتسالو 
لارا:وغير على الله يبان ..اما لي بحال داك لوجه شكيت ليكون ظاير شي نصيبة ومشدود فشي قنت ولا يكونو قتلوه شي عصابة ورماوه لكلاب يكلوه
عفت :عقل عندك ما شاء الله كيمشي غير للإجرام ...(شافت بلاكة فواحد ريسطو كيقلبو على 2 سربايات بدوام جزئي..بفرحة) لاارا ...لاااراااا شوفي شوفي لهيه...زيدي نمشيو نشوفو على الله غير تكون مزال باقية...

قطعو طريق كيجريو بالفرحة دخلو قصدو واحد سرباي كيسولو فيه ونعت لسهم مول المحال من بعد مدار تحقيق8 معاهم وعرفهم مهاجرين مبغاش يخدمهم وخرجو بخيبة امل كيف حالتهم طول هاد شهرين من شهر 2 وهي كتقلب على خدمة ودبا هما فشهر 4 ومزال وفلوسها مبقاوش كافيينها بقالها نصيب قليل ميكملهاش 3 شهور .. 
لارا:بفففف مليت هاد روتين ..كل نهار نفس شي ...رجليا حفاو بتمشيا
عفت كملت تمشيا:زيدي بلا متكملي عليا بهاد تشاؤم ديالك عليا لي فيا كافيني الارا...هاد نهار بيا ولا بيهم والله منرجع حتى نلقا خدمة ..
قريب 3 سوايع وهما غير فتقلاب مخلاو قهاوي مخلاو مطاعم ...معامل ..عياو من تمشيا وجوع جلسو فواحد لبارك وخذاو هوت دوغ وجلسو كياكلو بحال عمرهم كلاو هلكهم جوع 
عفت:وخا ما فيه بنة بحال صوصيص لي فالمغرب ولكن على الاقل سد جوعنا شوية 
لارا:على نتي تبننتي فيه...انا راه كنت غير كنبلقز ونسيفط...(بيأس)توحشت دارنا وحياتي فاسبانيا 
عفت:واش ندمتي حيت هربتي مع سهيل وخليتي حياتك لي قبل
لارا:لااا ...لاااا ماشي هكذك
انا عمري ندمت على شي حاجة درتها مع سهيل ..هو احسن انسان واحن زوج.. ولكن مليت حياة الفقر وخا هو مكيخلي فخاطري حتى حاجة وكيدير لي فجهدو باش منحتاج حتى حاجة وميخلينيش نحس بالفرق ولكن صراحة فرق كبير بين حياتي لي قبل ودبا...عييت اعفت مليت من ذل وتمرميد
عفت:صبري دبا حياتكم ترجع حسن ..انا كنشوف سهيل ممخليش من جهدو نتي عاونيه غير بالكلمة طيبة وخليه يحس بلي نتي راضية بلي قسم الله ..وربي دبا يفرجها علينا كاملين الحمد لله 
ناضو بقاو كيقلبو حتى عيات لارا بالمعقول وحلفات متزيد ضرب ضربة عفت حتى هي عيات وطلبات من لارا يفوتو على شي مارشي ياخذو منو ليكوش لنعمة وشي تقضية ناقصاها ..دخلو وخذات لي بغات منين وصلات لاكيس شافت اعلان بلي محتاجين لعاملات تنظيف 
عفت:عفاك واش مزال الاعلان جاري؟
البنت:واه اختي راه عاد هاد صباح حطو مول شي 
عفت:شحال خاصكم من خدامة؟
البنت:خاصنا على الاقل 4 ديال لبنات 
عفت:اااه مزيان...و.واوقات العمل ؟
البنت:كاين دورية ديال صباح..وكاين دورية فلعشية 
لارا:واش ضروري يكونو عندهم الاقامة ولا كيتساعد هاد مول شي ويخدم المهاجري..(شافت فيها البنت بتشكيك)زعما غير بغيت نعرف واش كلشي هنا قانوني وصافي
البنت شافت يمين وشمال بصوت خافت:هنا اغلبية الموظفين مهاجرين ...كيتساعد معاهم ولكن كيعطيهم غير نصف الخلصة وممرسمينش يعني كيخدمو بلا حتى ورقة لي تثبت عليه بلي عندو شي علاقة بيهم..في حالة ما وقعات شي حاجة .. (ابتاسمات ليهم )
عفت:ممكن تقوليلنا فين نقدرة نلقاو هاد مول المحل
البنت كتنعت بيديها:شفتي غادي تمشي نيشان نع هاد لكوليدور تلقاي واحد لباب اخضر فيه جوج بيبان غادي دخلي منو ...وتزيدي تتمشاي على طول تلقاي دورة على يدك ليسر لباب الاول مكتوب فيهD.G دقي ودخلي عندو 
عفت ولارا :شكرا
مشاو لبنات وكيف قالت ليهم لبنت دقة ودخلو كان واحد رجل فالعقد الاربعين ولا الخمسين شهب وعينيه زرقين ولكن نزال شاد راسو وعندو كرش مدليا قدامو وظاك لبيرو مظلم ونربج فوق من طبلة بزااف ظيال لوراق وشي مراطن فقنت الغرفة وريحت شراب والدخان مالية لمكان شافو لبنات هكذاك عافو المنظر رحب بيهم وعينيه غادي تاكلهم ميطلع ويهبط فيهم 
الرجل:مرحبا ..مرحبا..باش نقدر نساعد الانسات زوينات
عفت خنزرات فيه ولكن لارا تداركات الموقف وشداتها من يدها بصوت حنين:جينا على وديت الاعلان لي برا
الرجل:الاعلان...تفظلو جلسو ونهدرو..(جلسو لبنات وعفت محملاش شوفاتو) شنو سميت لغزالات
لارا:انا لارا..وصاحبتي عفت
الرجل:اهاااا...سميات عرب ...انا جون ..جوناثان البيرتين...اول حاجة عندكم الاقامة ولا لا؟
عفت بصوت حازم:لاااا
لارا:لاا دبا حنا مزال مخرجات لينا ولكن دافعينها ..يعني واحد العام ولا وتخرج لينا
جون:عارفين لي كيخدم بلا اقامة ولي كيخدّم ناس لي بلا وراق راه صعيبة ونسبة قليلة لي كتخاطر وتختارق القانون
عفت باستهزاء:ولكن على ما سمعنا ..سيادتكم مختارق شلى وشلايل ديال لقوانين مجاتش علينا حنا بزوج...
لارا كتتمسكن:حنا مدة طويلة وحنا كنقلبو على خدمة ومكانش لي يبغي يخدمنا وحنا غير بنات مكانش لي يصرف علينا غادي نتشردو فزنقة..يرضيك هاد شي 
جون:اووه نو ميرضينيش اكيد..غزالات زوينات بحالكم يضيعو فزنقة...وجون موجود مستحيل ...مهم غذا ترجعو لعندي غادي تبداو الخدمة ولكن اي مشكل منعقلش عليكم 
عفت:شكرا..ولكن الكونطرا ديال لخدمة؟
جون طلق ضحكة من الاعماق:واش من نيتك مهاجرة بلا وراق كتقوليلي كونطرا نكتة هادي
لارا:اش بغينا بشي كونطرا مسيو حون اكيد مغاديش يضيع لينا حقنا ...جنتلمان بحالو كيعرف قيمة لمرأة وميضيعش ليها حقها
جون بابتسامة جانيبة:اكيد حقكم يوصل ليكم كل شهر ...
عفت:اوقات العمل لي نجيو فيها؟
جون:عندكم صباحات تجيو فيهم مع 5 تكونو هنا وتخرجو مع ل1 و منين تكون عندكم لعشيات دخلو مع 2 وتخرجو مع 8
عفت :مزياان ..وصالير 
جون:ليكم نتوما الغزالات 600 دولار 
عفت بابتسامة استهزاء:600 دولار كاع سخي بزاف .. ف العادة كتكون 1500 دولار 
جون:هادوك لي عندهم الاقامة مابلوند...ولكن نتوما ...
قاطعاتو لارا:600 دولار مزيانة ..مزيانة..هي تافقنا غذا مع 5 نجيو
جون:مرحبا بيكم عند جوناثان ماركت😏😏 ...

خرجو لبنات وهما كارهين شوفاتو شدو ترمواي وصلو حدا بارك قريب من الحي جلسو كيشوفو فبعضياتهم
عفت:تفووو على حماار شوية وياكلنا بعينيه...
لارا:صبري اختي راه مقلنا باش لقينا ديك الخدمة اللهم 600دولار ولا والو 
عفت:والله وما كنت محتاجة منخدم عند سلقوط بحالو...ويلي عيني عينك داك شي ..لارا نتفاهمو من دبا الا فكر مجرد تفكير يمد يدو نقطعها ليه
لارا:لااا.لااا منضنش يزعم غير حنا نخليو تيقار بينا وبينو منضسروهش
عفت:نضسرو ..وقولي نفصلو ماشي نضسرو..كنكره رجال الله ياخذ فيهم الحق ...
عفت بشوفاتو تفكرات شوفات جساس ليها وليلة لي لحد الان مزال كتتفكر كل تفاصيلها وكل كلمة قالها ليها...رجعو لبنات لقاو سهيل جالس بنعمة عند باب لعمارة ومعاه شي رجال من لحي خدام معاهم سلمو عليه ودوك رجال مشاو فحالهم ...هزت عفت نعمة من عندو كتبوس فيها 
سهيل:تعطلتو ...
لارا طارت عليه باستو وعنقاتو كتنقز:لقينا خدمة ..لقينا خدمة...
سهيل كيضحك على قلت عقلها:مبروك اصغيورة ديالي...وفين
لارا شافت فيه وهي مزال حاطة يديها على عنقو:فواحد لماركت بعيد من هنا بنصف ساعة ..وغادي نخدمو فيه بزوج شفت شحال زوينة
سهيل:وشنو غادي تخدمو؟
لارا:لاكيس غير نخلصو 
شافت فيها عفت معجبهاش علاش كذبت عليه ولكن مبغاتش تخرجها
سهيل :مبروك عليكم ..اهم شي تلقاو خدمة ميكونش فيها تمارة بزااف ..مهم حبيبة نتي طلعي مع عفت انا نقضي واحد شغل ونجي
توادع معاهم وطلعو لارا جلسات مع عفت ونعمة لي مدة مهدرتش معاها وحتى منين كتسولها مكتجاوبهاش
لارا:واش دبا مقلقة حيتاش كذبت عليه
عفت:اااه مقلقة وبزااف...معرفتش علاش درتي هكذك ولكن وخا يكون لي يكون متكذبيش قولي صراحة
لارا:لو كان قتلو فام دميناج مستحيل يقبل يخليني نمشي...وهو بحرا متكافي مع لكريا ولمصروف ومتطلباتي..اما حاجيلتو هو مكيجيب منهم حتى حاجة ...مبغيتش نشوفو محتاج كتر من هكذا وساكت ..بغيت نعاونو وخا غير بلقليل
عفت:فكري فالقدام منين يعرف اش كتخدمي لارا:ديك ساعة يحلها سيدي ربي....
دازت 4 اشهر نفس روتين غير هو الجو مبقاش بارد بزاف نعمة بدات كترني الخطوة وفمها غير كلمة وحدة ماه ماه لي منين كتسمعها عفت كتبغي طير بالفرحة كتحس بلي مبقاتش بحدها مبقاتش يايمة فنعمة لقات حنان الام والاب والاخ والزوج وملشي بنسبة ليها هي حياتها ..ليوم عندها دوام فليل وكيف موالفة سهيل كيشد ليها نعمة وهي كتمشي لمارشي ومن بعد ترجع لصال ومع 9 كيجي سهيل ياخذها هي ولارا..ناضت قادت دارها ووجظات ماكلتها بزايد باش تهلي لليل منين تحي غير تسخن قادت سوب ديال لخضرة لنعمة على حساب سنها وهي ماشي بخال الاطفال الاخرين عندها نظام غذائي خاص على حساب مرضها ..بقات جالسة كتلعب معاها حتى قرب لوقت ديال لخدمة ناضت لبسات سروال كحل عريض مع شميز فالاحمرخشاتها فيه وصندالة طالون بلونوي وساك بلونوي دارت ميك اب سامبل وضفرات شعرها لي طوال فهاد المدة دارتو سبولة خرجت عند لارا ولكن اليوم سهيل مشغول بقاو كيفكرو فين دير نعمة وهي تتفكر شافت واحد لحضانة قريبة منهم خذاتها لعندهم وتافقت معاها تجي حتى ليل وتاخذها والا تعطلات علماتهم بلي سهيل يقدر يجي ياخذها ..مشاو ضاحكين حتى لماركت دخلو بدلو عليهم لبسو لباس الموحد ديال لخدمة وخرجو هاد نهار عفت شدت وسط الماركت ولارا دخلات لديبو ديال سلعة ..بقات عفت كدور وتنقي وترد شلعة لي كيجبدوها ناس ومياهذوهاش لبلاصتها ..اما لارا فمشات كتسيق وتمسح الغبرة لي فديبو بقات حتى كملات وتهدات جلست ترتاح تنا وهو يطفى عليها ضوء كرمات فبلاصتها خافت تتحرك حتى كتشوف ضوء ظيال شي مصباح وصوت تمشيا..بقات فبلاصتها مبغاتش تتحرك حتى تشوف شكون وهي تسمع جون كيعيط بسميتها ..ارتاحت نسبيا وناضت عندو 
لارا:مشيو جون خوفتيني كان يسحابلي شي شفار
جون:سمحيلي الغزالة مقصدتش نخوفك...
لارا:معرفت مال ضوء تقطع ضربة وحدة ...ممكن درلي ضوء فطريق باش نرجع نعاون عفت راه كملت شغلي هنا
جون قرب ليها :زيدي ارتاحي شوية..واجي نجلسو انا وياك 
لارا بعدات عليه ودارت ابتسامة صفرة مبقاتش مرتاحة فداك الجو:لااا معليش انا مرتاحة...نمشي نكمل خدمتي 
جون شدها من يدها:اجي غير نهدرو 
لارا جبدات يدها وشافت فيه بخوف:امم..فاش نهدرو؟؟
جون :صراحة بقيتي فيا وبغيت نعاونك باش تشدي الاقامة ديالك باسرع وقت ..
لارا بفرحة:بصح تعاوني..
جون:ااو بصح..ولكن(كيقرب منها) خاصك تعطيني فالمقابل حاجات بساط...
لارا مفهماتش قصدو:ااه نعطيك لي بغيت ...شحال ما بغيت خوذو قطعو من خلصتي 
جون وقف وجبدها من خصرها لسقها معا:لااا الغزالة انا بغيتك نتي ..

بغيتك نتي ..
لارا بقات كتدفع فيه تطلب فيه باش يطلقها وهو حاكمها مزيان وميحاول يبوسها بزز منها مطلقها حتى سمع صوت شي حد كيدفع فشاريوات قريب منهم هي استغلات الوضع وهرجات كتحري لطواليطات جلست كتبكي حتى بردات وخرجات لقات عفت فلفيستيير كتبدل
عفت:فين كنتي عييت منقلب عليك
لارا بصوت مبحوح:فطواليط...مبغاتش تقوليها شنو وقع باش ميخسروش لخدمة 
عفت شافت فيها لقات عينيها متفوخين :اويلي مالكي ..اش وقعلك؟كنتي كتبكي؟؟ واش شي حد هدر معاك ولا دار ليك شي حاجة
لارا:لااا ..لاااا.راه..راه طحت فديبو كان تقطع ضوء ..و.وو.وكنت بوحدي وخفت داك شي علاش ..ههه مديريش عليا عارفة عقلي على قدي..
عفت بتشكيك:متأكدة هادشي لي وقع ... 
لارا:واش دبا رجعتيني كذابة ..الله يسمح ليك 
عفت:ماشي هكذا احبيبتي سمحيلي ...دبا نتي مزيانة متقسحتيش
لارا كتضحك باش متبينش ليها:ههه لااا راه انا قدامك كيف لعودة سايبة ههه.... 

بقاو كيضحكو ولا نقولو عفت لي كتضحك ولارا غير كتتصنع باش متفيقش بيها خرجو ومشاو لصال كملات عفت سوايعها ورجعات مشهورة فالحي بين نساء وكل حصة كتجي مجموعة تدخل وهذا كل بفضل عفت لي رقصها لا يعلا عليه وكتعرف تتعامل مع لكليان مزيان وكدير الخاطر لكلشي وهذا خلق ليها شعبية زايدة فالحي رجعو لدار برفقة سهيل لي ديك ليلة غير وصلهم ورجع لخدمتو مباتش فدار وهذا كات لصالح لارا باش ميشوفش طبايع لي فيديها ..سهيل كيخدم فاش ما لقا مهم يجيب قوت نهارو بلحلال .. باتت لارا تحاجي وتفك كيف دير تتعامل مع داك لحمار ديال جون الا رجع قرب ليها اما عفت فبقات كتلعب مع نعمة لي حلفات متنعس ليها ..بقات معاها مدة عاد نعسات ...فاقت صباح بكري مودها خاسر منعساش مزيان دوشات ليها ولنعمة باش تصحصح مزيان ولبسات لباس طويل بلكمام مزير على طايتها رمادي مع سبادرين طالعة بيضاء وسكادو فالالوان مخلطة وطلقات شعرها مع ميك اب خفيف ونعمة لبساتها ليبا بيضاء مع جوب قصيرة فاللحمر وتريكو فالاسود وزادت ليها جاكيط فالاسود بالكابيشو دارتها فلبوسيط ديالها وخرجات لقات لارا كتسد فالباب ديالها تسالمو وخرجو دازو لحضانة لي كتفتح صباح بكري حطات نعمة ومشاو يخدمو كيف عادتهم ولكن اليوم قلبو سيستيم عفت هي لي دورها فديبو ولارا تشد وسط الماركت وهما كيبدلو كسوتهم نطقات 
بارا:عفت حظي راسك الا يتقطع ضوء..الا شفتيه تقطع دغيا خرجي متبقايش تما
عفت كتضحك عليها:علاه مالي هبيلة نجلس تما حتى يخرجلي شي جن ..غير نشوفها ظلمات نعلق هههه
لارا بيأس:ياريت لو كان كنت بحالك (تنهدات ومدات ليها امبول) هاكي خليها معاك تحسبا لاي حاجة وخا
عفت بتشكيك:لارا اجيني صراحة واش وقعات ليك شي حاجة؟؟؟!!!علاش هاد لوصاية كلها وجايبة معاك لامبول وهاد روينة ملها راه ماشي لله في سبيل الله 
لارا بعصبية:شدي اضاحبتي وباركة من هاد الاسئلة لي من لبارح ونتي مرضاني بيهم ..اووووف الله ينعل لي يهدر معاكم (خرجات وخلاتها )
عفت بقات متبعاها بعينيها:نقطع ذراعي ونشهد مع ليهود الا وقعات ليك شي حاجة لبارح...بصح بربي ويكون داك بوبريص سباب حتى نريب عليه هاد لمحل ...خرجت وتاجهات لديبو بقات كتستف سلعة وتحيد لي دايزا ليها تاريخ صلاحية وتشوف لي مهرس ولي فيه شي عيب تحيدو حتى شافت خيال واقف ليها عند راس طلعات راسها فيه
عفت وقفت مخنزرت:كاين منقضيو وا سعادت المدير 
جون كيطلع ويهبط فيها وعينيه غير على صدرها:صراحة ..هي..(كيبلع ريقو)جيت باش نشوف حالك مع الخدمة
عفت:بخير والحمد لله ..دبا شفت ياك..تقدر تمشي تخليني نكمل شغالي ..مكنرتاحش منين يكونو وافين عليا ناس بحال عضام راس لخاسر 
جون:قطيطة مع راسك...(قرب منها) ولكن كيعجبني العنف...احح اقلبي على ساديات شحال بنان
عفت بعدت عليه:غادي تحتارم راسك ..مغاديش يعجبك الحال(هزت صبعها فوجهو) غادي ننسى بانك المدير وندير لي ميطيحش فبالك
جون كيزيد بالخطوات وعفت كترجع لور حتى لسقات مع لكراطن من موراها:ديري لي بغيتي ..انا كلي ليك الغزالة (وهو كيقرب وجهو منها )
هي هنا تبنجات جا فبالها غير جساس وبقات كتتخيلو هو لي حداها 
جون كيشم فريحتها :ريحتك كتهبل (كيقيس فوجها وهابط مع عنقها) كلك ...كلك ...بحركنغرق فيه
عفت فاقت من غيبوبتها وعطاتو بين رجليه يبساتو وهبط الارض شاد فيه بلوجع وكيغوت عليها وهي كتضرب وتقمش وتركل كتحاول تطفي داك البركان لي فيها وتعاير فيه لهدرة لي مقلتهاش لجساس 
عفت كتهدر بالعربية:اناا ماشي ق*** فهمت ماشي بنت زنقة ..انا شرف منك يا لمسخ ...بسبااابك ضاعت حياتي..بسبااابك كرهت راسي..يا لحمار يا عفت رجاال ...كنكرهك ...كنكرهك اجساااس اهيء اهيء الله ياخذ فيك الحق(دارت لقات عمود ديال زعافة بدات كتجبد معاه وتقول مجبداتش ) انا بزاااف عليكم يا لكلاااب ..بزااف عليكم خلاتو مليوح وخرجات دازت من حدا لارا كتنهج دخلات لبسات كسوتها ولحقات عليها لارا فهمات الموضوع حتى هي بدلات كسوتها وخرجات معاها بلا متهدر معاها غير وصلو لباب لماركت لكبير وهما يسمعو لغوات ديال جون من وراهم كيطلب المساعدة وكيقولهم يتاصلو بالبوليس..كلشي تقلب تما ولارا استغلات الوضع وجبدات عفت بقاو كيجريو من تما حتى نفس تقطع منهم 
بعدو ووقفو فواحد الميترو مدسوسين من مورا واحد الكابين 
لارا بخوف:شنو درتي اصاحبتي ...
عفت بعصبية:لي خاصو يدااار ..هو ..هو كان ناوي يتعدى عليا نسكتلو ..اكيد لااا..قتهالك من قبل ونعاود نقولهالك اي واحد يحاول يتعدى حدودو معايا منسكتش ليه...(سكتت شويا وشافت فيها) واش حاول معاك نتي ؟؟
لارا: مكيهمش واش حاول ولا لا ...عفت حرام عليك مقدرتيش تصبري ..دبا ها حنا خرجنا من تما لا خلاص ولا خدمة ...شكون لي يخدمنا دبا فين نلقاو لي يبغي يخدم 2 مهاجرات 
عفت:ينعل بوها هاد الخدمة لي دلني ...والا نتي عاجبك الحال سيري رجعي عند داك ز***يخدمك ..وبيعي لي راسك نتي كاع ...خلاتها وركبات فلميترو لحقات عليها لارا مبغاتش تزيد تهدر معاها بقاو مدة فلميترو ساكتين وكل وحدة فين كتخمم حتى سمعو بلي وصلو لمحطة ديالهم نزلو عفت تاجهات لجيهة ديال لواد لي كيطل على الجزيرة جلسات مدة كتتفرج فالمنظر ولارا حداها مرة كتشوف فيها ..حتي بدات عفت كتهدر وتبكي..... 

عفت:مقدرتش نصبر مستحيل نصبر ..انا هربت من بلادي بسباب راجل بسباب جساس واحد من امثال جون ...خذا مني اغلى ما كنملك .. مقدرتش ندافع على راسي مقدرتش نجاوبو على احتقارو ليا ..كلشي درتو على خاطر نعمة ..على خاطر بنتي
قاطعاتها لارا:واش هو راجلك.. بابات نعمة ؟
عفت شافت فيها مسحات دموعها واسترجعات قوتها تنهدات:لاااا مستحيل داك شيطان يكون عندو علاقة بملاك بحالها...كنت محتاجة فلوس باش نجيب نعمة تتعالج وهو كان متشهيني كيف قال(دارت ضحكة استهزاء) كلهم كلااب ..واستغل الفرصة مقابل ليلة معاه عطاني فلوس علاجها وجيت هنا من بعد عرفت بلي كيقلب عليا وقررت منرجعش ..الا مشا حتى وصلي عارفة حياتي غادي ترجع جحيم كتر من هكذا هربت من كلشي وحاولت ننسا لي وقع ونبدا حياة جديدة انا وبنتي ..ولكن اليوم منين حاول داك لحمار يتهجم عليا تخيلتو هو مقدرتش نستحمل كتر وخرجت فيه ضغط ديال شهور..درت لي كنت كنتمنى نديرو نهار لي خذا مني داك شيطان كلشي ...تعرفي دبا داك جون من هادي غادي يحرم يقرب لشي وحدة..
لارا بصدمة:كاع هاد شي فايت عليك..
عفت :هذا غير نبدة من داك شي لي شفت من هاد دنيا ..
ناضت لارا كتمشي وتجي حداها:دبا لو كان يعلم لبوليس ...ويوريهم تصاورنا ..غادي نمشيو فيها 
عفت:ميقدرش يعلم بينا حيتاش غادي يتفرش بلي مخدم مهاجرين تما...
لارا:كضني هكذا
عفت :متأكدة منها ..نوضي نمشي نجيب بنتي راه هملتها هاد الايام 
رجعو لبنات لدار من بعد مخذاو نعمة دخلو وكلها شدت قنت كيشوفو فبعضهم ..حتى بداو كيضحكو غير بحدهم
عفت:تعرفي ارتاااحيت منين خرجتها منو ..بفف كنت حالفة نديرها من اول مرة شفتو 
لارا:مينخافش عليك ..لحمار لبارح دارها ليا انا ومقدرت ندير ليه والو لو كان ماجا داك الولد لسمر دخل صنادق لخاويين كان لعالم الله شنو يديرلي 
عفت:نتي حمارة علاش مقلتيليش كنت نغزو بسناني نوريه يمد يدو كيف دايرة ..ولكن ميبقاش فيا الحال عدمت ليه صحة هههه...ناضت عفت كتوجد راسها باش تمشي لصال وخلات لارا مع نعمة وصلات لمبنى لي فيه لصال لقات لبوليس محاوطين دنيا ولمتريال كولو برا و كيقلبو فيه وكيجبدو من وسطهم لغبرة ولحشيش بقات واقفة مصدومة حتى حست بيدين جبدوها ودخلوها لواحد درب مظلم مجات فين تغوت سد ليها فمها
سهيل:شششش هذا انا ..سهيل 
عفت تنهدات بصوت خافت:شنو واقع ..اش داك شي كيجبدو
سهيل:خافيير هارب هادي 4 شهور وشي حد باعو بلي عندو سلعة فلصال وكان دخلتي كنتي غادي تمشي فرجلين 
عفت:خلينا نرجعو لدار قبل ميشوفونا هنا
سهيل:اجي من هنا (خذاها من واحد لباب كيخرج فعمارة اخرى مقابلة مع عمارتهم ) 
عفت:منبن كتعرف هاد طرقان؟
سهيل:منين تكون مهاجر خاصك تقلب على اسهل طرق باش تهرب من لبوليس(غمز ليها) فهمتي يا لمكلخة 
عفت ببلاهة:ااه عندك صح 
رجعو لدار وجلسات كتندب على حظها لي طول هاد المدة كتخدم وخرجت لا دورو لا زوج ..دازت سيمانة ولبنات لقاو خدمة غير فالحي فواحد لمخبزة وحدة شادة لكيس وحدة كتسربي ناس وبعض المرات كيترايحو بيناتهم اليوم صبحو مع 8 فالمخبزة وعفت كتاخذ نعمة معاها رجعات محبوبة الكل ..كلشي كيحماق عليها ..طلقاتها كتحبو حداها ولارا كتجري ونعمة كتحاول تلحقها وعفت كتضحك على تصرفاتهم وفرحانة بنتها حتى كيسمعو لغوات فزنقة خرجو كيشوفو اش واقع حتى كيبالهم لغبابر وتراكسات وناس هاربة ولغوات ولبوليس دنيا مقلوبة هزت عفت نعمة وخرجات هي ولارا كيجريو باش ميشدوهمش مشاو لواحد لميترو وجلسو اتاصلو بسهيل لي كان قالب دنيا عليهم ..علموه فين هما وجا لعندهم غير شافتو لارا طارت عنقاتو وبدات كتبكي ...اما عفت غير مكمشة وشادة نعمة خايفاها تمرض من لبرد .... 
عفت:سهيل شنو وقع فالحي ؟؟؟
سهيل:الحكومة هدمات شي عمارات لي فيهم لاجئين الغير القانونيين..ومنهم عمارتنا
عفت غوتت:اويلي ..فين تمشيو ..اويلي بقينا فزنقة وصوالحنا ..
لارا جلست من طولها مصدومة رجعو متشردين 
سهيل بقا كيشوفيعم مبغاش يزيد يكمل عليهم وخا هو كتر بيهم وحاس بدنيا ضاقت بيه ولكن هو راجل وهما مسؤوليتو :شوفو توكضوو معايا..كلشي عندو حل وكيف جينا هنا ومكان عندنا حتى حاجة ...حتر ظبا غادي نرجعو من ويرو والحمد لله ربي يفرجها على عبادو شاف ...(شاف عفت مكمشة على نعمة حيد جاكيط ديالو ولواها عليها وهزها هو) ..نوضو نمشيو لواحد لمسجد راه كاين فهاد المنطقة نجلسو فيه هاد ليلة وغذا نطلعو لجويرة نقلبو تما فين نجلسو راه عندي واحد صاحبي تما 
ناضو وقصدو داك المسجد ولكن للاسف لقاوو مسدود مبقاش كيخدموه لي فديك المنطقة وتلغات الرخصة ديالو وهذا خلى الحكومة تقفلو ...رجعو لميترو وفوتو ظيك ليلة ..ونا اقساها من ليلة لبرد كينهش فلعظام ليالي كندية جامدة ..صقيع وزادتهم شتا لي بدات كتصب كأنو كلشي رجع ضدهم ...وما هذا الا امتحان من الله كيختابر صبرهم ..وربي ما كيبتلي غير العبد لي كيبغيه ..دازت ديك ليلة بمشقت الانفس..... 

أصبح صباح جديد ... ما نقدرش نقول فاقو حينت هما اصلا مانعسوش. . الليل كامل و هما فالزنقا. . و عاد زيد البرد .. راه كندا معروفة بالبرد القاسح اللي فيها .. و نعمة صغيرة و عاد دايرة العملية ... ناض سهيل هو الأول و قاليهم يمشيو لواحد البارك يبقاو فيه على ما يقضي شي غرض من بعد ما جب ليهم باش يفطرو. .. 
عفت و لارا جالسين و حاطين الريوس على بعضياتهم و خاشيين نعمة اللي كاتغزز فواحد بيمو بيناتهم و حنيكاتها حمرين بالبرد 
عفت: تنهدات:و صوتها مخنوق لحال باتبكي: اووووف عييت ا لارا ... عييت بزاف .. كل نهار مشكل كبر من اللي قبل منه .. انا ما بقيتش قادا. . و كانشوف نعمة مجرجرة معايا ... يمكن انا ماشي أم صالحة ... ماغاديش تسامح ليا إلى كبرات .. كون خليتها ف شي خيرية حسن .. بعدا تما فامان و مخبية من البرد و الشتا و واكلة مزيان ... 
لارا: ماتقوليش هاكاك الهبيلة .. نتي ماشي غي أم مزيانة شيحاجة كثر .. راه كايولدوهم من كرشهم و كايتخلاو عليهم و ها نعمة خير مثال .. أما نتي كاتحيدي اللقمة من سنان السبع و تعطيها ليها... ضحيتي ب بزاف على قبلها . هي بالعكس غاتفتاخر بيك ... 
عفت : أودي .. انا عييت و تقادا جهدي ... مابقات عندي حتى حاجة لا قرايا لا طموح .. لا والو عايشة غي على قبل نعمة ... 
لارا: مالكي فاقدة الأمل هاكا.. دابا حتى نتي ربي يلاقيك ل شي ولد الناس اللي يعوضك على هادشي كامل ... 
ضحكات باستهزاء:ههههه من نيتك .. شكون غايقبل على وحدة بحالي .. 
لارا:راه غانوض نضرب مك ... على مالكي اش خاسك .. ألف واحد يتمناك. . شوفي تبارك الله شحال زوينة واخا غاع هاد المحاين و تمارا و مابقيتي كاتديها فراسك .. باقي غزالة ... و زيد عليها قلبك الكبير و الأبيض. . فين باقي كاين شي حد بحالك ... و رآه كايقولها الزين زين الفعل أما العين غي غدارة و نتي تبارك الله فيك كلشي .. كاملة مكمولة. . و ربي ماغاديش ينساك. .هادي غي سحابة و غادي دوز و عقلي على كلامي. . (شافت فيها بنص عين) غي عنداك تنساينا مللي ديري لاباس و تلقاي مع شي بوكوص. .. 
عفت:هههههه ضحكتيني واخا ما فيا اللي يضحك. .. قالت ليك بوكوص. . على انا نقدر ننساك. . نتي و سهيل هما عائلتي هما اللي لقيت ف جنبي وقت الشدة و عاونتوني بلا مقابل. ... ههه و الله هيلا قالت ليك ندير لاباس و بوكوص أودي كثرة الهم كاضحك ... 
خنزرات فيها لارا:اوا سيري تخراي انا اللي حمارة جالسة كاندوي معاك .. و كانحفي فالحجرات و الكاسيطة على والو .. تفو على بنادم كيداير عزيز عليه الفقر .... 
عفت كاترطب معاها: وا صافي .. راه غي ضحكت معاك .. اجي تلهينا فالكلام و نسينا واحد سهيل .. ماعرت فين غبر .. باينة تلوات عليه شي وحدة ... 
لارا:كاتميق: تلوا عليه لفعة انشاء الله. .. 
حتى قفزهم صوت من وراهم : شكون هادا اللي تلوا عليه لفعة. .. 
عفت:نتا ههههه 
سهيل: كيفاااش 
لارا كاتضحك ضحكة صفرا و كاتخنزر ف عفت:ويلي .... ههه لا ا حبيبي غي هاد الخرية كاتخربق. . اوا قوليا اش درتي مازال ... 
سهيل: جلس حداهم و حتى هو باين فيه العيا: صافي لقينا واحد الدار صغيرة .. اباخطومون فيها بيت و صالون و كوزينة. . و كاينة ف الجهة الأخرى فالجزيرة ... 
لارا حلات عينيها: omg .. و لكن تنا غالي و كايسكن فيه غي شكون و شكون ... 
سهيل: و على حنا سهلتينا. . تاحنا رآه غي شكون و شكون .... 
لارا: باراك من الطنز و قوليا منين جاوك الفلوس ... 
سهيل:والو غي شي بركة كنت مخبيها و هاهيا نفعاتنا. .. 
قاطعاتو عفت: و لكن ا خويا حنا كلنا غانسكنو فيها يعني حتى انا خسني نعطي حقي من الفلوس .. أولا 
سهيل: إلى باقي سمعتك قلتي بحال هاكاك نتخاصم معاك ... انا اللي غانتكلف بالسكنة. .. نتي باراك عليك غي هاد الكتكوتة. .. 
عفت:ربي هو اللي غادي يجازيك. .. 
سهيل : ااه غي هو كاين واحد المشكل ... 
لارا كاضحك:و ضروري من شي مشكل باش تكمل الجلسة 
سهيل: هما قبلو يكريو لينا .. و لكن بالاوراق ديالك ا عفت حينت نتي باقي عندك الفيزا .. شحال بعدا باقي عندك فيها؟؟ 
عفت:يمكن شي 3 أشهر و لا 4 
سهيل: اوا اللهم و لا والو .. صافي مزيان .. نعديو دابا و من هنا لتما ربي تما .. يقدر انا و لارا يخرجو لينا الأوراق رآه دافعين ليهم من شحال هادا ... 
عفت: انشاء الله يا ربي .. 
سهيل: يالاه نوضو. . نمشيو نتغداو ف شي قنت ..باش نمشيو بحالنا للدار ... 
عفت:و غدا انشاء الله خسني نبدأ نقلب على خدمة ... 
لارا: انا بعدا غانبقا غي فالمخبزة هنا ... 
عفت: اوا اللي بان ليك .. انا إلى لقيت شي خدمة خرا تما حسن ليا.. راك عارفة نعمة خسني نشوف فين نبدأ نخليها و المخبزة كاينة ف الجهة الأخرى .. و حنا دابا غانكونو ف الجزيرة ... 
لارا: اووف باراك تلفتيني بالهضرة. . نوضي نوضي .. نمشيو نعالجو رآه عصافير بطني تزقزق. ... 
عفت: وا ناااري يا ربي السلامة فيك السينتة. . النهار و ماطال و نتي كاتسرطي. . و ماكايبانش فيك .. 
لارا: هديك رآه سميتها الرشاقة ... 
عفت: لواه البعابع.😑. .. 
كملو طريقهم و هما مرة مصالحين مرة كايتناكرو و سهيل و سهيل هاز نعمة و كايضحك معاها على هبالهم. . عمرهم ماغايديرو عقلهم. .... 

.... اليوم دازت شهر رحيلهم للجزيرة .. سكتو ف اباخطومون صغيرة و لكن زوينة .. كيف كل صباح ... فاقت عفت على تنغنيغ نعمة اللي البارح ماخلاتهاش تنعس مزيان .. السنينات دايرين فيها حالة .. ها السخانة ها الخاطر ما بقا عندها . حتى الماكلة مابقات كادوقها ليها. . ناضت عفت و عينها منفوخين. . مشات صايبات البيبرون و دارت فيها سيريلاك و عطاتها ل نعمة و خلاتها قدام التلفازة كاتفرج و ترضع راسها حينت كبرات شويا و قربات تكمل العام .. أما هي مشات دارت روتينها الصباحي و دارت الثلج على عينيها باش يتفشو و دخلات فطرات. . حينت لارا و سهيل خدامين بجوج ف الجهة الأخرى و كايمشيو بكري أما عفت ماعندها الخدمة حتى ل 10 ديال الصباح ... فطرات و غسلات دوك الماعن و جمعات شويا الدار و مشات دوشات و لبسات تريكو شويا خفيف فالكحل و سروال ف الزيتي و كويرا كحلة و باسكيت اديداس بيضا. . و سرحات شعرها بالبلاك و جمعاتو كودشوفال. . و دارت غي شويا ديال الماكياج درقات بيه العيا اللي باين فوجهها ... و مشات لبسات ل نعمة حتى هي و دارت ليها مقيبطات ف شعرها اللي طوال شويا .. و هزات داكشي اللي كاتحتاج و خرجات ف اتجاه واحد من أرقى ليكافي اللي ف تما. . خدامة فيه هي سرباية و كاتدي معاها نعمة تخليها فغرفة ديال تبديل الملابس و هادشي بلا خبار المدير غي واحد البنت خدامة معاها كاتبقا فيها و كاتخليها تجيبها معاها تما .. و حينت كاتسنا تشد اول خلصة ليعا عاد تدخلها 
ل شي حضانة ... 
♤♤♤ فبلاصة خرا و بالضبط فالجزيرة النيت ... ف فيلا كبيرة و راقية ... غالب عليها الطابع الغربي .. كاملها من الخشب و جات وسط جردة فيها بيسين كبير ... ف أحد الغرف .. اللي كاينين الفوق .. بيت كبير غالب عليه اللون البيج و الماغون. . سرير كبير الوسط و ديكور غربي بامتياز. .. واقف و كايلبس لافيست ديالو .. اللي كانت فالاسود فوق الشوميز اللي بيضا .. قاد شعرو اللي كان خصلاته لونهم ذهبي بحال لحيته .. أما عينيه كان لونهم عسلي ... شر البارفان الغالي ديالو و هز سوارت اللوطو بورش آخر ما خرج ... و نزل كايدندن فالدروج و ابتسامة على وجهو كي ديما ... هذا هو طبعه هادئ و بشوش. . يضحك و يعاون الكبير و الصغير .. كلامه قليل عكس المعنى ديال سميته اللي هي رعاد ... رعاد هنري ... كندي الأصل من أم مغربية. . خدا منها صفات الكرم و حب الناس و اهم حاجة الطيبة و قليل فين كايتعصب. . حتى صافي كتوصل فيه العظم ديك الساع ماباقيش كايقدر يسيطر على الغضب ديالو ... خرج للجردة باش يفطر حينت الجو ولا شويا زوين مللي دخلو لفصل الربيع. .. جلس و هز كأس ديال العصير حتى سمع الحس من وراه .. دار و لقا امرأة. . باقي زوينة واخا المرض عياها رآه كايقولها مللي كايمشي الزين كايبقاو حروفه. . بيضا و دايرة فولار على راسها و شي خصلات من شعرها الأسود و اللي فيه شويا بيض باين و وجهها قلال فيه التجاعيد. .. و لابسة بيجاما و فوقها بينوار سخون فالبيج و جاراها الخدامة ف كرسي متحرك و باينة فيها امرأة قارية و واعية و من عائلة عريقة ... 
شافها و ناض عندها مبتاسم. . تحنا عند رجليها و باس ليها يديها و هي حطاتهم فوق شعره و كادوز عليع بحنان و وجهها منور .. 
رعاد: الحاجة .. صباح النور .. الله على صباح شحال زوين .. مللي صبحت عليك فيه غادي يدوز نهاري زوين بحالك. . 
الحاجة فوزية: راه انا اللي نهاري كايدوز غزال مللي كانشوفك. . 
رعاد: جر بيها الكرسي و جلسها حداه ف الطبلة و ماخلاش الخدامة هي اللي تحط ليها الماكلة .. هو بيديه كايوكلها: اوا كي طرا و جرا فقتي بكري اليوم .. 
الحاجة فوزية: والو ا ولدي .. غي جنابي ضروني بالنعاس و قلت ننزل نفطر معاك ... 
رعاد: اوا الوالدة. . باقي ما بغيتيني نعيط ليك على السيدة اللي مكلفة بالترويض 
الحاجة فوزية:لا ا ولدي بلاش .. ياك ديما كاتجيبهم و فاللخر والو .. انا رآه راضية بقدري. . صافي باراك عليا غي نشوفك فرحان و ب صحيحتك. . نتا هو رجليا و عينيا و روحي و كلشي .. 
رعاد: أودي الحاجة ماعرفتش لكن خارجة بهاد الرأس القاسح اللي عندك .. الوالد حسن عوانو مسكين ماعرت كي كان كايدير معاك ... 
الحاجة فوزية : الله يرحمه و يوسع عليه فهاد النهار ...

رعاد: يالاه نخليك .. خسني نوض تابعني واحد الاجتماع. .. 
باس ليها راسها و ناض مشا و هي بقات متبعاه بعينيها و كادعي معاه .. كملات فطورها و دخلوها للداخل و بقات كاتقرا فواحد الكتاب ملهية فيه .... 
♤♤♤ عند عفت .. اللي وصلات للكافي و بدات خدمتها .. واخا باين فيها العيا .. ابتسامتها و لطافتها مع الكليان ماكايخطاوهاش. ... غي هي بالها مشطون مع نعمة كل شويا تمشي تطل عليها حينت خلاتها مريضة و طلعات ليها السخانة ... و من سوء حظها المدير شافها كل شوي كاتغبر و حط عليها العين .. بغا يعرف اش كاتمشي دير كل شويا و تخلي الكليان. .. 
وصلا 2 ديال النهار و الكافي عمرات .. و عفت عقلها مشطون مع نعمة ... وقفات على واحد الكليان فطبلة و عقلها مشغول و عينيها ذابلين .. و هو بقا كايشوفها. .. 
عفت: احححم .. اشنو كاطلب ا سيدي .. 
الشخص: بغيت كافي كخيم. . 
عفت: مشطونة: اا .. واخا ا سيدي ... مشات و هي كاتلفت موراها ياكما شافها شي حد و الشخص اللي جالس متبعها ب عينيه. . شي حاجة فيها جبداتو. . أما هي دخلت دغيا ل فين كاينة نعمة و لقاتها كاتبكي و سخونة. . بقات كاتراري بيها و حلفات ما تسكت حتى سمعات الحس و هي تدور و لقات المدير و مخنزر و شكله ماكايبشرش بالخير ... بلعات ريقها و وجهها تخطف منه اللون. . كاتسنا منه شي ردة فعل .. و هو يشدها جرها من تريكوها و نعمة مخشية فيها خايفة و هو جارها حتى للباب و كايغوت و يكشكش و الناس كلشي كايتفرجو. .. 
المدير:بصوت عالي: انا قبل و خدمتك عنظي و بلا وراق .. و نتي غي مهاجرة غير شرعية .. حينت بقيتي فيا .. و نتي رجعتي ليا هنا حضانة .. ماعرفت هديك البنت خاطفاها و لا منين جايباها. . بغيتي تلصقي فيا شي تهمة هاااا غوت حتى قفزات نعمة ف يدها .. 
عفت كاتبكي و تطلب فيه: هادي بنتي ... سمح ليا ماباقيش نجيبها معايا .. غي خليني نبقا خدامة .. راني محتاجة لهاد الخدمة بزاف ... 
ماداهاش ف ترجيها ليه و دفعها حتى جات طايحة و نعمة مخبياها بين يديها و رما عليها حوايجها. . 
المدير:آخر مرة نشوفك عندي هنا .. و لا غادي نعلم بيك لبوليس. .. 
دخل بحاله ول التاس كلشي كايتفرجو فيها .. وقفات و هزات جاكيتها و نعمة و مشات كاتجر ف رجليها و تبكي ... حتى وصلات لواحد الجردة قريبة .. جلسات و معنقة نعمة اللي مللي شافتها كاتبكي حماتها غوات. .. و ماباقي عرفات واش تسكتها و لا تسكت راسها ... حتى حسات ب شي يد فوق كتفها. . دورات راسها و لقات داك اللي كان جالس ف القهوة و ماد ليها كلينيكس. ... 

طلعات راسها فيه وعينيها حومر بلبكا ونعمة فيديها مفكوعة بلغوات شافت كلينيكس فيديه ومع هازة نعمة مقدرتش تشدو عليه مسح ليها دموعها وجلس حداها كيشوف فملامحها طفولية
رعاد :نتي ولبنوتة صافا؟
عفت كتفات غير هزات راسها بالإيجاب ودموعها نازلين 
رعاد:ممكن بلا دموع ...تحكيلي شنو لي وقع ليك لداخل ..شنو لي خلا واحد بحال مسيو ألفريد يتعامل معاك بديك طريقة ؟
عفت بصوت مخنوق:مدرت حتى حاجة من غير اني جبت بنتي لي مريضة معايا للخدمة ..واش هذا جرم فنظركم؟
رعاد:كان ممكن تخليها فالحضانة..ولا عند شي معارف دياولك هنا يقابلوها ليك
عفت تنهدات:معندي حد هنا ..ومعنديش فلوس الحضانة باش نخليها ليهم ..ودبا والحمد لله مبقالي حتى شغل لي نقدر نصرف عليا وعليها بيه(ناضت باغية تمشي) فرصة سعيدة 
رعاد وقف شدها من يدها بصوت حازم :وقفي ..(دارت مخنزرة فيه تدارك الموقف وطلق منها) سمحيلي الا تجاوزت حدودي ..ولكن مزال مكملت هدرتي معاك...احمم..ممكن تجلسي (جلست عفت كتشوف فيه مستغربة) ممكن هاد المشكل جا فصالح ديالك وصالح ديالي ..نتي خسرتي خدمتك وانا كنقلب على وحدة لي تجلس مع الوليدة ..مرافقة ليها.. 
عفت كدوز يديها على نعمة لي مكمشة فيها خايفة عليها من البرد:مرافقة؟؟؟!!
رعاد شافها حيظ لفيست وحطها فوق نعمة بابتسامة:الله يحفظها ليك زوينة تبارك الله...مهم نفهمك شنو كتعني مرافقة ..هي واحد شخص لي غير تجلس معها وتشوف غير الحاجيات الخاصة بيها مواعد الادوية توقيت ديال دوش ديالها ..وقت الاكل ديالها ..يعني تنظم ليها وقتها وتونسها 
عفت:كتقصد خدامة؟
رعاد:لاا ..فرق بين الخدامة والمرافقة ..نتي معندك حتى علاقة بالمطبخ وتنظيف ..مجرد مساعدة خاصة ..وتجي تسكني معانا بيك بنتك ..منها خدامة ومنها بنتك معاك 
عفت بلا متتردد ومفكرة فحتى شي حاجة منبن سمعت بلي بنتها معاها:موااافقة .. اكيد موافقة ..و..وفوقاش نقدر نبدا الخدمة..(سكتات شوية ) ولكن ..كاينة مشكلة 
رعاد:الا كتقصدي الإقامة..ساهل حلها 
عفت بخوف:هادشي بزااف ..انا معندي منعطيك مقابل هاد شي كامل 
رعاد جابتلو ضحك:وانا مكنطلب حتى مقابل يكفي انك غادي تقابلي اهم شخص فحياتي ..
عفت:ممكن تخليني نفكر ونرد عليك
رعاد ناض هز جاكيط ديالو جبد منها كارط فيزي ورجع جاكيط فوق نعمة مد ليها لكارط:فكري على راحتك وعرضي مزال قائم فوقما اتاخذتي قرارك انا فالانتظار 
عفت:شكرا...(شافتو غادي) اييه مسيو جاكيط ديالك..
.. رعاد مشا وهو مبتاسم بلا ميدور عندها وخا سمعها كتعيط ليه خلا عفت كتشوف فيه وهو غادي خلاها منباهرة بلطفو والجنتلمانية ديالو والاكثر ريحتو لي سكراتها وخا مبغاتش تبين ليه ولكن عجبها كشخص ناضت هزات بنتها ورجعات لدار جلست كتخمم وتبني وتهدم غير بحدها حتى فيقها صوت ضحك مجهد كانت لارا داخلة وهازة نعمة فيديها لي لقاتها عند لباب كتحبو بقات كتعليها حتى لسما وترجع تشدها 
لارا:ها حنا جينا...رجعتو بكري اليوم
عفت بصوت خافت:اصلا مخدمتش
لارا:روبو اليوم ولا؟؟؟
عفت:لاا ..طردني من الخدمة منين شاف نعمة
لارا بصدمة:اويييلييي وحدي ..لحمار طردك
سهيل لي مان داخل وفيديه سخرة:اش واقع هنا ..مالك كتغوتي
لارا:ناري يا صكعة معندك زهر واش يا ميخلصوكش يا يطردوك...سهيل لجي تسمع داك لحمار ديال مول المطعم طرد عفت
سهيل خنزر فيها:معليش اختي ربي يعوضك بما حسن
عفت بجدية:خويا سهيل ممكن نهدر معاك
سهيل جلس مقابل معاها من بعد مباس نعمة وهزها حطها فوق ركبتو كيهزز بيها:ااه اختي كنسمعك
عفت:دبا انا منين جرا عليا من المطعم كان تما واحد سيد باينة فيه ميسر عليه الله مزيان لحق عليا انا ونعمة وطلب مني نمشي نقابل مو لمريضة كمرافقة خاصة...زعمة نخدم عندهم ...سكتات شوية 
سهيل:اواا زيدي كملي شنو اخر ؟
عفت:قالي بلي يقدر يظمن ليا الإقامة ..ولكن خاصني نعيش معاهم انا ونعمة ..وعطاني لكارط ديالو باش ندر عليه ..وانا نبغيت ندير حتى حاجة حتى نستاشرك اخويا
سهيل :ممكن تعطيني لكارط ديالو
مداتها ليه عفت غير قرا سمية وابتاسم:لو كان انا فبلاصتك كنت نمشي ديك ساعة...بعض الاحيان كيكون مصلحة من كل مصيبة...(شاف فنعمة) شفتي هاد البنت هي نيشان نعمة ليك.. (عفت مستغربة) تعرفي رعاد هنري راه من انجح رجال الاعمال هنا وعندو سلسلة شركات للإستراد وتصدير ديال الفواكه والخضر . ومعروفة عليه الكرم وكيعاون المهاجرين جداد... 

ارا بفرحة:واش دبا صافي يعني تفتحات ليك بيبان سعد يالك..(بحزن) الا قبلتي غادي تمشي وتنساينا ياكي ..مغاديش نسخا بيك نتي ونعمة ..غادي تخليوني بوحدي
عفت ناضت عنقاتها:مستحيل ننساكم ..نتونا هما عائلتي وانا مغاديا فين مزال معاك حتى تجري عليا
سهيل:براكة من تبرهيش..عفت فكري فنعمة شحال قدرك تبقاي من المهاجرين ودبا وراقيك سلاة مدتهم ورجعتي مهاجرة غير شرعية ..الا مرضات منا مستشفى لي يقبلهالك....حنا نبقاو ديما على تواصل ونجيو نزوروك منين نلقاو الفرصة 
لارا:سهيل عندو صح ..حنا نبقاو نجيو عندك وحتى نتي 
سهيل جبد تيليفونو ومدو لعفت:خوذي تاصلي بسيد وعلميه بالموافقة ديالك ...لارا لبسي لنعمة وياله نخرجو ندورو بيها شوية 
خرجو وخلاو عفت كتمشي وتجي حتى تشجعات واتاصلات بيه
عفت:سلام عليكم..مسيو رعاد هذا
المساعد ديالو:لااا امدام ..مسيو رعاد فاجتماع..ممكن نعرف شكون باش نعلمو باتصالك
عفت:ممكن تقولي فوقاش يسالي ؟
المساعد :معرفتش امدام ولكن..(طلع راسو لقا رعاد مبتاسم كيف عادتو وكيسلم على العملاء لي كانو معاه) ممكن تبثاي على الخط واحد 5 دقائق
عفت:وها ممكن شكرا....
المساعد:مسيو عندك اتصال وكيف قلتلي كنضن الاتصال لي كتستناه
رعاد شد تيليفون بلهفة:سلام 
عفت تزعزع خاطرها وتلفات ليها الهدرة:هيلو..هاي...سلام مسيو ..انا
رعاد ابتاسم ودخل لمكتب ديالو:كاااالم ...تنفسي مزيان ومكان علاش تتوتري
عفت تنفسات مزيان :سمحلي يمكن اتاصلت فوقت ممناسبش
رعاد:مرحبا فاي وقت ..كنضن ما تاصلتي حتى فكرتي فالعرض ديالي؟
عفت:موافقة...ولكن ممكن بشرط
رعاد طلع حاحب ونزل حاجب:نقدر نعرفو؟
عفت بحدية:عندي واحد 2 ديال الاشخاص بحال عائلتي ..وانا سمعت بلي نتا كتساعد المهاجرين..ممكن تساعدهم حتى هما
رعاد تنهد:ممكن نخليو هاد الموضوع حتى نتلقاو ونهدرو فيه..مهم غذا مع ل 10 غادي نسيفط ليك شيفور يدوز فين ساكنة ..ممكن تعطيني العنوان
عفت:شكرا يزاااف (عطاتو العنوان) مسيو رعاد مرة اخرى كنعتاذر على الازعاج 
رعاد:ممكن طلب ؟
عفت بلعت ريقها هي اصلا كتخاف من لي لباس عليهم ..بحزم :لي هو
رعاد:ممكن تبوسيلي صغيورة 
عفت:اكيد ..مع سلام
جلسات بفرحة وكأنها تولدات من جديد...دخلت لارا هازة نعمة وسهيل جلس مع صاحبو فالقهوى
لارا:اممم ..ناس فرحانة 
عفت :ممصدقاش الارا واش اخيرا غادي نخدم خدمة زوينة بحال ناس
لارا:ربي كيفتحها فوجه عبادو ...ونتي صبرتي وحمدتي الله اكيد ربي مغاديش يخيبك..فوجه هاد البنت ربي يعاونك ...امم مقلتيليش هاد مسيو رعاد قداش؟
عفت من نيتها:صغير ..قريب قد سهيل هكذاك
لارا:اممم قد سهيل ..يعني يكون غير ف ثلاتينات 
عفت:ااه هكذاك
لارا:وشكلو كيف داير ..زعمة تيتيز
عفت :زوين ..هو طويل وجسمو زوين وشكلو زوين (سهات) هدرتو زوينة وضريف...(ابتاسمات) قالي بوسيلي صغيورة
لارا كتشوف فيها وحابسة ضحكة مستغلية سهوتها:عجبك؟
عفت:ااه عجبني(فاقت براسها) اش يعجبني فيه..احمم احمم ...هو كتجمعني بيه الخدمة ..انا غادية نقابل ماماه عمل انساني لا غير 
لارا انفاجرات بضحك:😂😂😂😂 يخليلي الانسانية تيتيزية ...
ضرباتها عفت بصندالة وهزت نعمة بدلات ليها ليكوش ووجدات ليها الكرعة الخضرة مع لفرماج مطحونة جلست كتوكل فيها ...من بعد دوزات ليلة هي ولارا وسهيل كيهدرو ويوصيو فيها ..حتى عياو ودعاتهم بحكم هما يكونو فالخدمة فالوقت لي تمشي فيه هي وكلها وشد بلاصتو ...جا صباح فاقت مع 8 على لمسات نعمة لي كتحاول تعضها بسنيناتها لقداميين وكتضحك معاها فاقت كتعنكش فيها عفت وتدغدغها بفمها فكرشها ونعمة كتموت بضحك ناضت دوشات هي وياها جلسو كيلعبو فالماء وخرجاتها لبسات ليها ليبا كحلا ولباس فالبوردو بيديه حد ركبة ودارت ليها كرينات صغار ..وهي لبسات لباس مزير على طايتها بلكمام فالبوردو وبروتكان كحل وساكادو كحل ودارت كرينات حتى هي بحالها بحال بنتها جاو كيوت سمعات لكلاكسون وخرجات فاليزتها المشتركة ديالها وديال نعمة ويا ريتها مخرجات لقات كاط كاط هامر كحلا كتتسناها فالباب شافت فيها ووساعو عينيها عاونها شيفور وطلعات طول طريق وهي متوترة وصلها لبلاصة خارج لمدينة غير طبيعة والجو رائع والمناضر كتهبل حتى كتشوف فيلا كبيرة فوسط ديك طبيعة بابها كبير من لحديد منقوش وسور كبير داير بيها كولو ورد واعشاب على طول وعرض سور ...دخلت ونزلت من طوموبيل لقات جردة حكاية اخرى منوعة بالازهار والاشجار وبيسين فالوسط وجلسة زوينة فالبيج والازرق..وارجوحة على طرف واحد زوج شجرات انتابهات لواحد المرأة جالسة فكرسي متحرك وهازة كتاب شاف فيها شيفور لي كان نزل لفاليزة ديالها وعطاها لخدامة.. وشاف فالخدامة الاخرى لي جات قاصدة عفت ابتاسمات ليها وطلبات منها تتبعها متاجها بيها لعند ديك لمرأة.... 

وصلاتها الخدامة عند الحاجة فوزية اللي كانت جالسة و كاتقرا كتاب و غي شافتها حطاتو و حيدات نظاظر ها و ابتاسمات ليعا و النور نابع من وجهها. ... وقفات حداها عفت متوترة و نعمة فيديها كتلاغي. . 
الحاجة فوزية : جلسي ا بنتي 
عفت: حشمانة و خايفة ف نفس الوقت: احححم .. سمحي ليا ... (جلسات)
الحاجة فوزية : مبتاسمة: علاش غانسمح ليك 
عفت جالسة و حادرة راسها و باينة فيها متوترة: اححم.. انا انا ماعرفتش فين غاندير وجهي .. جايا باش نخدم و جايبة معايا بنتي بحال انا ضيفة عندكم ماشي غادي نخدم ... 
الحاجة فوزية : لواه ا بنتي .. ماتقوليش هاكا .. انا ولدي رعاد شكرك ليا و وصاني عليك ... و هو ماكايدير هاكا على شيحد حتى كايعرفو مزيان و كايرتاح ليه .. و نتي تبارك الله عليك باينة فيك بنت الناس. . هو عاود ليا عليك .. حاسة بيك ا بنتي و عارفة الغربة شحال صعيبة و مرة و غدارة. . و عاد نتي بوحدك و عندك بنيتة و ماعندك ا فلوس لا والو .. سوليني انا .. نهار جيت لهنا .. واخا راجلي اللع يرحمه كان ميسور و كايبغيني و لكن جاتني قاسحة .. واسعاك نتي .... 
عفت حشمانة: .... ربي يخليك ا لالة .. إنشاء الله نكون عندك حسن ظنك نتي و السي رعاد و مانخيبكمش. .. 
الحاجة فوزية : قولي ليا غي الحاجة هاكا كلشي كايعيط ليا .. بلا ديك لالة ... (مدات ليها يديها).. أري ليا الكتكوتة 
نبوسها و نشوفها ... 
عطاتها ليها عفت و نعمة سكتات ف حجرها و بدات كاتشوف فيها بعويناتها. .. 
باستها ف حنكها: ااااح على ريحة شحال فنة.. غزالة الله يحفظها بحال ماماها. . تنهدات .. لوكان تعرفي ا بنتي .. هاد الدار شحال هادي ما دخلات ليعا البسمة و الفرحة .. حتى ولدي رعاد عييت معاه يتزوج و يدير وليداتو باش يعمرو عليا .. انا وحدانية و عييت بوحدي هو ديما فالخدمة و كايسافر. . و لكن دابا نتوما غاتعيشو معانا و تعمرو علينا .. 
عفت: ارتاحت ليها: كانتمنا نكون سبب فهادشي اللي قلتي ... 
الحاجة فوزية: كتعيط للخدامة: ليزا .. ليزا .. اجي ا بنتي وري ل عفت بيتها .. 
ناضت عفت : الحاجة انا غي نحط نعمة و نجي عندك ... 
الحاجة فوزية : لا لا ا بنتي غي سيري ارتاحي حتى لوقت الغدا .. انا غانمشي نشوفهم اش دارو فالكوزينة. . و نصلي شويا ... 
مشات الحاجة حينت كرسيها أوتوماتيكي و كايتحرك راسو ... أما عفت تبعات ليزا و دخلو للدار اللي كانت كي القصر غالب عليها الطابع الغربي ... عفت بقات غي خالة فمها .. عمرها دخلات لبحال هاكا .. طلعو للفوق و حلات ليها بيت كان ف الأزرق و الأبيض. . ألوان كاتخليك تفرحي و تعطيك أمل فالحياة. .. كان بيت ماكبيرش بزاف .. و فيه ناموسية كبيرة و بلاكار و تلفازة و حمام .. كلشي مرتب 
و مقاد ف بلاصتو و ريحة زوينة مالية المكان ... مشات الخدامة و بقات عفت بوحدها هي و نعمة اللي حتى هي فرحات لفرحة ماماها... ستفات عفت حوايجهم و نعمة حداها كاتحبو و تحاول توقف و تعاود تطيح ... سمعو الباب و كانت الخدامة علماتهم باللي الغدا وجد .. هزات نعمة ف يدها و نزلات لابسة غي بانطوفة. .. لقات الحاجة جالسة ف رأس الطبلة اللي عامرة بكل ما لذ و طاب ... وقفات عليها عفت و هي حشمانة ... 
الحاجة : قربي ا بنتي .. جلسي ونسيني. . هانتي كاتشوفي ديما بوحدي ... 
عفت: ماتقوليش هاكا .. نتي عندك ولدك .. و هادشي كافيك. . راني حتى انا بوحدي و لكن مللي كانشوف نعمة بنتي كانحمد الله و نشكرو. .. 
الحاجة : تبارك الله عليك كلامك كله مزوزون. . الله يكملك بعقلك ... 
جلسات عفت و جلسات نعمة فوق رجليها و بجغات ليعا شي حاجات و وكلاتهم ليها .. كملو و ناضت نعسات نعمة دغيا و نزلات عند الحاجة ... بقات جالسة معاها مقصرين و جبدو بزاف ديال المواضيع و نع عفت قارية كانت متفوقة ف دراستها عندها ما تقول. . أي موضوع كانت كاتدوي فيه مزيان .. و مع الحاجة مبلية بالكتوبا. . لقات عفت كثر منها و بقاو هاكاك العشية كاملة .. وصل وقت العشا و ناضو كلاو و عاونتاها حتى طلعات و دوشات ليها و بدلات ليها و تكاتها فبلاصتها و مسدات ليها رجليها حينت كايعطيوها الصداع و قرأت معاها سورة الملك عاد نعسات .. طفات عليها الضو و خرجات .. مشات لبيتها و لقات نعمة حتى هي ناعسة كاتشخر. . باستها و غطاتها و دورات عليها المخاد. . و دخلات دوشات مزيان ... و خرجات حناكها حمرين و مع البرد زادت كملات ... لبسات بيجاما حمرا سخونة و لاحت عليها عباية و دارت فولار على شعرها من بعد ما نشفاتو و ذهناتو بزيت الكوكو و دارت شويا من الريحة و نزلات ... لقات الحس مقطوع فالدار و عرفات باللي كلشي نعس .. مشات ل فين كاتصلي الحاجة و صلات حتى هي العشا بخشوع و الشفع و الوتر و زاد ركعات شكرات فيهم و حمدات الله على حياتها اللي تبدلات .. و عرفات باللي من مور المحنة كايجي الفرج خسنا غي نصبرو و نخليو يقينا و إيمانا بالله قوي .. و ربي عمرو كاينسا عباده بالعكس هو ديما مغرقنا نعم اللي ماحاسينش بيهم حتى كانتحرمو منهم .. داكشي علاش خسنا ديما نشكروه و نحمدوه على ما عطانا. .. كملات و ناضت .. حيدات العباية و الشال و تطلق شعرها اللي زاد طوال شويا على قبل ولا ف نص ظهرها .. كان لونه مفتوح و زوين .. زادها جمال على جمال ... مشات بخطوات ثابتة و كلها انوثة و دخلات الكوزينة. . وبدأت كاتصايب كأس ديال الحليب بالشكلاط. .. و هادشي كامل بلا ما ترد البال لعينين مقابلينها منين نزلات من الفوق .. عينين فيهم حنين و إعجاب و فخر .... معاني كثيرة ..غاتبان كثر مع الوقت...

يالاه كملات و هزات الكأس ف يديها و سخون فيه الحليب و خارجة من الكوزينة و خايفة لا دير الحس حينت الليل حتى كاتلمح شي خيال جاي كايقرب .. مع الظلام و ماكايبانش مزيان خافت.. و بالدعقة و حينت داكشي قرب ليها طلقات الكأس و طاح فالأرض تهرس و حرقها ف يدها. . غوتات غوتة وحدة ... تخلع رعاد اللي كان جاي عندها و ماعرف راسو باش تبلا. . مشا شعل الضو دغيا و لقاها واقفة شادا يديها كاتبرد فيها و تبكي و كاترجف. .. شافتو عاد رتاحت شويا و لكن يديها عاطياها الحريق .. هو قرب ليها دغيا و مخلوع.. قبط يديها دغيا و بدا كايسوط عليها .. 
رعاد بخوف: مالكي .. واش كاتضرك بزاف ... 
عفت غي ريحتو و قربه منها خلاوها تنسا حريق يديها و تبقا كاتشوف فيه .. كان لابس سروال ديال كيطما فالبلو ماغين و تيشورت بيض و عضلاته بارزين. . و أول مرة كاتشوفو هاكا .. 
رعاد جرها دغيا و جلسها فواحد الكرسي كان تما و مشا جاب طاسة فيها الما بارد و خشا ليها فيها يديها عاد هي حسات بيه و فاقت من سهوتها و غوتات بشويا حينت كاضرها. .. 
رعاد:فين كان عقلك واش ماكاتشوفيش. . كون تحرقتي كثر من هاكا .. 
فين عفت.. عفت كلا ليها الفار لسانها. . الدعقة ديال الحرقة مع الخوف و الحشمة و الإعجاب كلشي تجمع عليها . يديها كايرجفو و قلبها كايضرب .. هادي عفت اللي حرمات الرجال من نهار قاسها جساس .. اليوم جالسة حدا راجل و خالياه يشد ف يديها ...
ناض و نشأ جاب بومادا و ذهن ليها بيها .. أما هي غي حادرة راسها حشمانة و ماقادراش تشوف فيه و يفضحوها عينيها ... 
عفت:س.. سمح ليا عذبتك معايا ... 
رعاد: اش هاد الكلام .. كنتي بغيتي تشربي حليب بالشكلاط ياك ... انا نصايبو ليك ... 
عفت شهقات: اويلي .. لا صافي بلاش بلاش انا غانمشي نعس ..عذبتك معايا بما فيه الكفاية 
رعاد:لا حتى انا بغيتو .. و غانصايب جوج و نمشيو نجلسو ندويو و قولي ليا كي جاتك الخدمة و الوالدة. . 
عفت ما بقا عندها ما تقول ... بقات كاتسناه حتى كمل و متبعا معاه بعينها غاع حركاته و قلبها حاسة بيه بايخرج. .. ما وعات براسها حتى سمعاتو كايعيط باش تبعه. . خرج و مشات من موراه و جلس فكنابي حظا الشوميني و هي قدامه و بيناتهم الشرجم اللي كان كابين الشتا كاطيح و الزاج مغطيه البخار اللي جاي من الشوميني. .. بقاو ساكتين .. رعاد كايشوف ليعا و هي حادرة راسها متوترة ... 

رعاد: اححم باقي ماتعارفناش مزيان .. المهم انا رعاد هنري .. عندي 28 سنة مقاول .. و عندي شركات عايش انا و الوالدة ديالي ... 
عفت بصوت خافت: الله يخليها ليك و يطلع ف عمرها .. 
رعاد:اوا و نتي ما عرفتيناش براسك .. 
عفت و ماقادراش تشوف فيه:انا .. انا سميتي عفت .. عفت القحطاني. .. انا من المغرب بالضبط مراكش عندي قريب 20 عام .. و الظروف رمات بيا انا وبنتي ف بلاد الغربة ... 
رعاد:كنتي كاتقراي ؟؟ 
عفت: ااه كنت قبل ف معهد ديال هندسة الإلكترونيات. و لكن حبست. . على قبل بنتي .. 
رعاد باسف: اممم خسارة .. كون كملتي كان غايكون عندك مستقبل مهني زوين بزاف .. حينت هاد الضومين مطلوب .. و لكن الخير فيما اختاره الله ... 
عفت: الحمدلله 
رعاد: ما قلتي ليا كي جاتك الوالدة. .. 
عفت:غزالة تبارك الله الله يخليها ليك 
رعاد: اميين يا ربي ... 
بقا كايدي و يجيب معاها فالهضرة و هو اللي كايدوي بزاف و لاحظ توترها و الحشمة ديالها .. بقاو هاكاك حتى حس بيها رتاحت ليه و بقا معاها حتى عاودات ليه على نعمة و تصدم مللي عرف باللي ماشي بنتها و ضحات على قبلها و زادت كبرات ف عينيه ... و حس بالفخر و إعجابه بيها زاد كبر.. و لكن هي طبعا ماقالت ليه والو على جساس و لا على باللي هي ماشي بنت ... 
فات الحال و كل واحد فيهم توجه ل بيته و خلا عقله عند لآخر ... كيفاش فكرة قصيرة رتاحو ل بعضياتهم و كل واحد شغل بال لآخر .... 
◇◇◇ دازت مدة ماشي كثيرة بزاف ... باش خدمات عفت عندهم ... تحسنات صحتها و وجهها رجعات فيه الاشراقة من جديد .. حينت لقات الأمان و راحة البال .. و حتى الحلقة دايراها كي بنتها ... و عاد رعاد اللي ولات هي وياه ضروري ما يشربو حليب بالشكلاط فالليل و علاقتهم زادت قوات و عيونهم بان فيهم للإعجاب .. رعاد ولا كايتسنا بفارغ الصبر يوصل الليل باش يجلس معاها و حتى هي كاتسنا غي امت تسمع اللوطو دياله وقفات قدام الباب .... و الحاجة عرفات بقصتها و حتى هي زادت كبرات ف عينيها ... و لكن حتى حد معارف باللي ولكنه مع جساس ... أما سهيل ولكنه لارا خداو الأوراق ديالهم كيفما واعدهم. و لمن عفت عمرو جبد معاها حس الأوراق ... 
كيف كي صباح جالس رعاد مع أمه ف بيتها و كايتكلمو. 
الحاجة: فرحانة حينت ولدها فهاد اللخر ولا بزاف كايرجع للدار بكري و يجلس معاهم و الفرحة باتخرج ليه من عينيه : ولدي رعاد 

رعاد:نعام ا الحاجة ... 
الحاجة : نتا عارفني من دابا يومين حسن نزل للمغرب .. 
رعاد: اييه .. 
الحاجة: اوا و عفت ...؟؟ 
غي سمع سميتها تهز ليه قلبو .. ما بغاهاش تمشي مع امه: مالها ... 

الحاجة حسات بيه: واش وراقها وجدو .. باش تمشي معايا رآه مانقدرش نمشي بوحدي . 

رعاد: متوتر: احححم مازال .... 
الحاجة: اوا لواه زدي فيه ... دير شيحاجة باش يطلعو ليعا خلاص ... راه خسها تمشي معايا ... 
رعاد: راه مايمكنش يوجدو ف يومين .. غي خليها و سيري نتي ...
بدأت كاضحك: ههه أحيانا عليك .. راني عاجناك و حافظاك. . من نهار دخلت لهاد الدار و نتا تبدلتي .. مابقيتيش تابع غي الخدمة و المشاريع وليتي كاترجع بكري و تجلس بزاف معانا. . راني عايقة بيك .. 
رعاد تنهد : اش غانقول ليك الوالدة. . كلامك كله صحيح .. من نهار شفتها حسيت بشي حاجة تحركات فيا .. يمكن إعجاب يمكن حب... يمكن شيحاجة ماعرفتش اشناهيا .. المهم ولأن مهمة بالنسبة ليا و مانقدرش نكمل النهار بلا ما نشوفها و لا نسمع صوتها ... 
الحاجة:هاي هاي .. هادشي كامل مخبيه عليا و ساكت .. و لايني نتا غديدير. ... 
رعاد: أودي الحاجة ... هي رآه باقي حاسباني الباطرون ديالها .. و من كلامها كانحس باللي هي خاوية راسها من هادشي و باغيا غي تعيش و تكبر بنتها ... 
الحاجة: اوا لواه ا ولدي .. كلنا عارفين باللي نعمة ماشي بنتها .. و هي عمرها تزوجت .. و كانت كاتقرا و يتيمة و غي الظروف اللي رمات ليها لهنا ... خس اللي يوقف معاها و يعاونها. .. 
رعاد: اااه عندك الصح ... هي باقي بنت ... و انا ماكرهتش نكمل معاها حياتي .. البنت اللي ضحات بكلشي على ود بنت ماشي بنتها راه غاتكون خير زوجة و أم صالحة و هادشي انا اللي باغي .. و عاد زيد زوينة و كلشي فيعا هو هداك .. مأدبة و مصوابة. . كاملة مكمولة. . 
الحاجة:اوا الله يدير ليكم اللي فيها الخير ا ولدي ... نتا حاول تقرب منها و شوف اش تحت راسها و كايقوليك ضرب الحديد ما حدو سخون ... يعني خسك تلقا شي سبب باش تقربها منك و حتى هي تولي كاتبادلك نفس الشعور .. 
رعاد: اممممم صافي لقيتها .. 
الحاجة: عارفك .. قدها و قدود. . الله ينور طريقك و يسر ليك كل ما صعب .. و انا غا نزل المغرب غي بوحدي و بقا معاها نتا و حاول تقرب منها و يكون خير ... 
رعاد:صافي .. و إلى ما قبلاتش غانقوليها باللي إلى بغات الأوراق خسها تزوج بيا .. و تما يحن الله و نعتارف ليها ... 
الحاجة : انشاء الله يكون خير. . يالاه خليني نمشي نفطر .. باش نشرب دوايا. ... 

...
واش عفت غاتقبل تزوج بيه على ود الأوراق ... واخا هو ماعارفش باللي هي فايت ليها دارت علاقة مع جساس .. و واش غاتخبي عليه و لا تعاود ليه .. و واش فنظركم غايتقبل هادشي و لا غايخلق ليها مشكل إلى عرفها ماشي بنت ؟؟؟ 
يتبع..