دازت 3 اسابيع ...و صداقة ساهيل ب ميجو تطورااات ولا يتيق فيها كتر ... وهي الوحيدة لعندو صديقة .. لقاها بنت بلادو و قريبة لدموو ارتاح ليها .. ولاو يخرجو يديرو سبور بجوج و ياخدو كوفي بجوج ... من خلال عفويتها اكتشف انها العملة النادرة لبعيدة على لللغدر و البخ ... عملة بسيطة و بنت الشعب ... واحد ليلة فلحظة ضعععف و اشتياق للهوية لقا راسو كيعاودليها كوووولشي كييفاش رماتو ليام هنااا ... كيفاااش تعامل فبلد الام اشنو ححجر قلبووو .. و لاكن قصتو حبسات فين غدرو صاحبو مكملش ليها ... و قاليها انو لقا خدمة فشركة معينة .... دخل لقلبها و تربع فيه اكثر ملي عاود ليها على ماضيه و خا خبا عليها وجه الوحش .. ماهمهاش الامر ... وكل ليلة كتمشي لدار كتكتب باراكراف على حياتو .... ولا كلشي عندها ..كتشاورو فكلشي و كتحس انو الامان ديالها و خا انه اخطر وحش و مرعب اروبا ... الا انها كتحسوا آمانها .. وهو كيحسبها صديقة نقية و عملة نادرة ... بينما نيجو فاتت صداقة و دخلاتو متاهة حبو .....
خرجات وهو بقا مكمل خدمتو مبتسم حيت مجرد حضورها تيزرع فيه الحيوية ..
شوية جاه اتصال لقاه كريستوف
ساهيل : وي كريس
كريستوف : شحال هدا مابان الوحش ههه
ساهيل : ههه علاش باغيين تبينوه تاني
كريستوف : جاتنا مهمة جديدة .. من عند شريكنا شاغلي ..
ساهيل : شاغلي جاناندوز !؟ لي عندو اكبر نسبة فالاسهم
كريسوف : وي ... راه ديما هو لول فالعنوانين د جرائد ... راه كليان مهم ... ضروري نفدو مهمتو
ساهيل : غانتسنا لي ديطاي
قطع عليه و كمل خدمتوو .. سلاها حتا ضلام الحال و شد طموبيلتو ابتسم حيت تفكر ميجووو .. لي بروحها المرحة رجعات ليه حياتو زوينة ... و مشا لححي ديالها و قلبووو ب كلاكسون على عادتو باش تخرج ...
خرجات بزربة قبل لا يقربل الحي وركبات معاه .. مشاو لشارع برودواي .. كانو دايرين عرض مسرحي كيف العادة افريقي .. و مشاو كيتفرجو و هوما شادين الكوجاك العملاق .... الوحش خرج من قوققعتو ولا سااااهيل مع ميجووو الحمقة ..
تاوصلو ميساااج و جبد تيليفون وهو ضاحك من هزلية المسرحية ... كان ايمايل من كريستوف فتحوو هو يلقا صورة ميجو ...
فورااا تجمعات الضحكة ديااالو و تكلاشاااااا .
ورجع شاف ف تيلي ميقرا ميسج
كريس -- اول مرة ضحية بنت ... راه هادي هي لي بقاك تصفيها ليها ...
شاف فميجوو هي كضحك كيف شي حمامة طلقو سراحها .. وشعرها تيديه ريح ... اش دخلها هي !؟؟؟؟ وشكون غايبغي يقتل وحدة بسيطة بحالها !؟؟؟؟
ميجو : ( باستغراب ) ساهيل !؟؟ اش واقع مالك.
ساهيل : ( خبغ تيليفون ) لا والو .. م ميجو عييت .. غانطلع لدار نوصلك ولا تشدي تاكسي !
ميجو : سااهيل مالك عاد كنتي ناشط
ساهيل : صااافي راه قتلك غانطلعك غاتبقاي تناكري .. ( مشا حيت شارع برودواي ساكن فيه و طلع لموبل هي بقات مسستغربة معرفات اش واقع و مشات فحالها )
طلع لدارو و بقا كيرجع شعرو لور كيمشي ويجي و كيصوط ... يقتل صديقتو !؟ لي رجعات ليه ضحكة لوجهو؟؟؟؟ ...
عيط لكريستوف
كريستوف : سااهيل اش واقع
ساهيل : شكووون هايدك لي صيفطتلي كيفاش نقتلها
كريستوف : عااارف عااارف ... انا قتليه الوحش مغايبغيش يقتل بنت .. ولاكن أصر قال عليها دكية .. وميصلاحلها غي الوحش
ساهيل : ... ف فين كيعرفها ؟!؟؟ كيفاش دكية !؟؟ على شكون هي !؟
كريس : وانا باش غانعرف !؟؟ نتا لاش مهتم اصلا
ساهيل : كرييس ... انا مغانقدش نقتل بلا معلومات ... غاتعيط ليه وتقوليه لاش باغي يقتلها و شكون هي ..
كريس : واخا تسنا ..
قطع عليه و بقا مدة ساهيل كيمشي ويجي .. تارجع صونا عليه
كريس: ماجدة لوكلي .. 24 سنة .. صحفية بجريدة بلوس وان .. ادكى وحدة فدومين .. كتستهدف رجال الاعمال و كاع القاضايا الغامضة .. كاع مقالتها استفزايزين وجريئين.. و مؤخرا استفزات شاغلي فواحد المقال و تدخلات فحياتو الشخصة و بغات تفضح شي امور مشبوهة كيقوم بيها .. هو خاف من جرأتها و بغاك تصفيها ليها ...
ساهيل كيستمع و الوحش فلداخل ديالو فااق .. ضرب تيليفون مع الحيط تاشخشخو و ضرب طبلة برجلو قلبها
ساهيل : كيييييفاش قدراااات دوزها عليااااااا كيييييييفاش ... ( ضرب فالحيط ) انا كييييفاش تقت فيها .... درررتها صديقة و عاودتلها كوووولشي ... وهي بغا تستهددفني ... كييييفاش قدرااااات تنساجم معايا ببسااااطة علاااااش استسلممممت( ضرب فيزان هرسهوم ) هي مولات المقااالات د بولوووس وان هي ....انااااا غااانوريك شنوووو هي ضضضصحكي علياااا .... قلت بنت بلااادي مغاتآدنيش نسيت بلي ناااس بلادي هوووما اكثر وحدين آداااااوني ... علاااااش تسطيت انا هاكا اش وقع لي ...... ( كلس شاد على راسو و يدو كتقطر بدم )
لكل رد عليها و كلسات فبوست ديالها من بعد مشاداتها مع ريشارد .. وفتحات المدونة تاني .. كتزيد لي باراكراف فكتاب سماتو " homeland crime " جريمة وطن ...
وهي مبتسمة و الحب نور فنيها .. احساس مكانتش دايرلو حساب .. جا فجأة بدون مايعلمها و لا يدق لباب .... هاكا بدون سابق اندار اختلس لقلبها و تربص ... شوية لقات مدير وقف عليها معصب و لاح عليها الجريدة
المدير : ( بنفاد صبر ) " لابقيتي متهاونة هاكا .. كووني اكيييييدة انني غانفصلك من الجريدة ...عندك 30 يوم ...الى مكتبتيش مقال جديد على الوحش ..فغانضطر نخرجك من الخدمة ... انا مامحتاجش كوااسل و متهاونين فجريدتي ( مشا وهي بقات كتشوف فيه و سدات روجيستر بببجهد وشدات على راسها)
ميجو : ( غارسة راسها بين يديها ) انا ميمكليش نغدرو ... لاااا مغانقدش نغدر بولد بلادي ....و الراجل لي كنبغي ... انا ماغانقولش لناس شكون هو الوحش ... مغانقولش ليهم الى هو ساهيل ( بعد مدة ابتسمات ) ساهيل ديالي بوحدي ... هوما عندهم الوحش ... انا عندي ساهيل ( ابتسمات هزات صاكها و الكاميرا ديالها و خرجات ) ....
يالاه غاتعلي راسها تشد تاكسي تابانت ليها طموبيل د ساهيل واقفة و زاج كحل ... بقا قلببببها يضرررب عندك يكون ساهيل و يشوفها خارجة من الجريدة ... شوية تايهبط زاج و راسو تايبان ليها شوية بشوية .....
ميجو : س س سااهيل!!!
هو بقا كيشوف فيها بدون ردة فعل مصوب نظرو مباشرة فعينيها وهي متوترة ... جات لعندو و ركبات غي سدات لباب وضارت عندو باش تسلم .. وهو يكسيري
ميجو : ساااهيل بشوووية عفففاااك كنخااااف من سرعة ...
عاد كيزيد يزطم على الكسيراااطووور و مزير على سنانو و شاد فالفولون بعصبية و عينيه مباشرة فطريق وكيقلب لفيطاس بعصبية قرب يطيرو من بلاصتو
ميجو : سااااهيل .. ساااهيل عفاااااك حححبس ... ساهيل نقص من سرعة غانديرو شي حادثة ساااهيل
ماسمعش ليها و مكسيري تاخرج على لمدينة ووصل حدا واحد تلة عاد حبس ... وهي ولات صفرة بالخلعة ماردات نفس تاحبس ... و قلبها كيزدددح ... عاد حسات بالمعنى ديال راها راكبة مع الوووحش ... ..
نزل من طموببيل و عنيه حوووومر و فتح لباب بجهد و جبدها لاحها تاجات فالارض
لاحها من جرررف وهي غوتااااات بجججهد ودغيا شدها من يدهااا و بقات كدلا من على الجرف وكتشوف لتحت غير الهاااااوية و الحجر لاطاحت غاتشتتت ... وهو شادها من يد وحدة
وصل لدار و خشا راسو تحت رشاااش ما بااارد كيحاول يووووعا .... و ميجو فوق واحد الكاميو د القش دارت اطو سطوب و جايا فيه كتفكر ..... ضاروري ماخصها تهضر معاه .....مشات ديريكت لدارو
باقي خاشي راسو تاسمع الدقان .. علا راسو من الما وهو باقي كيقطر عليه ردو لور و مشا فتح لقاها ميجو .. حنوكها حمرين و نيفها حمر بالبكاااا و عينيها فازكين
ميجو : خاصنا نهضرو
ساهيل : واش مكتخافيش على حياتك
ميجو : معاك لاء .
شاف فيها و تنهد
دخل و وهي تبعاتو و وقف قدام مرايا دصالون كينشف شعرو
سهيل : شنوو علاقتك بشاغلي جاناندوز
ميجو : ( تبدلات شوفات دديالها رد ليها لبال و تلفت )
ساهيل : مالك تلونتي فاش سمعتي سميتو
ميجو : فين كترفعو
ساهيل ؛ انا لي كنسول
ميجو : هذاك اوسخ ماشافت عيني
ساهيل : علااش ...
ميجو : قصة طويلة
ساهيل : مكاين مايدار
ميجو : . كنت خدامة عندو ... نهار باع با ارضو وسيفطني نقرا حيت تعطاتلي فرصة فالجامعة و تختاريت من المتفوقين لي غايسيفطو لامريكا.. جيت لهنا نكمل قرايتي ... وخا كنت محتاااااحة بزاف مكنتش نقول لبابا باركة غير يخلص مصاريف المدرسة .. اضطريت نخدم ... وخدمت فدارو ... كنت كنربي ولدو كيبقا معايا فصباح و فالعشية كتجي ماماه و انا كنمشي نقرا...ومراتو كنت عندها عزيزة.... و خدمت نعاهم فترة ديال 6 سنين وديك الولد تربا على يدي .. فاش بديت كنكبر و معالم انوثتي برزات .. ولا كيتحرش بيا ( عينيها كيتعمرو بدموع ) ماخلا مادار ليااا باش نعطيه راسي ولاكن انا مغربية ماشي كاورية .... راسي غالي ... شدني بالخاطر والو و بزز كنهرب ليه و نغوت ... وحدا مرتوو كيصرع التمثيل ... شكيت منو ليها و لاكن متيقاتنيش و جرات علياااا حلللفت تانتقم منووو ...ونفضح كاع خبياه .... كملت الخدمة فاش مكان باش نعيش شوية راسي و نهز الحمل على با.. تا نجحت و تخرجت ودابا هازا راسي ... بغيت نكرهو فحياااتو .. نتا اكتر واحد غايفهمني حيت
عارف بحرارة الانتقام .... ودابا انا باغيا نخرج على حياتو .. نخليه يتمشا فزنقة مخبع وجهو من نااااس ..... .
ساهيل : (مربع يدو ) اوا ... وشنو طرا منبعد
ميجو : ولا يسيفطلي بوكيه د الورد كل نهار للمكتب باش يقد يغويني و منكتبش عليه فلجرائد .. حاول بالفلوس يرشيني ولاكن مانجحاتش ليه .. ودابا باغي يستغل سداجتي ... وعاد هادي اسبوع سبفطلي طموبيل مع رجالو و لاكن مقبلتهاش
دخل الوحش من خدمتو .. كيفسخ فالكرافاط ودخل لكوزينة .. يالاه غايجبد مشروب وهو يسمع الباب ..
مشا حل لقاها ميجو كانت لابس مونطو طويل كحل
ساهيل : اااش جااابك تاني
فتحات المووونطو و وبقات غير بشوميز مفضووووح
شافها طلعا و هبطها ..ودار ضحكة مستهزأة بالوضع ودخل تبعاتو بعد ملاحت المونطو ديالها
ميجو : هنا كنسلم ليك راااااسي كامل ... غير تلفت لياااا اساهيل
ضار عندها بزربة و لسقها مع الحيط مجيفها بيدووو
ساهيل : ( كتخنق فيدو وهو كيدوي من تحت سنانو ) انا نهااار نبغي نفسد .. كانمشي عند الفاسدات ماشي نقيات ( لاحها من يدو تاكاحت بقات كتشوف فالارض ) متتترخصيش راسك كتر من هااااكا .... كيبانلي ضسرتك بلا قيااس
ميجو : كنبغييييييك اساهيل .. كنبغيييييك
ساهيل : انا مااااشي د الحب ....
ميجو : علاااااش .. ها!!! .. علاااش
ساهيل : حيت معنديش قلب لي كيحب ... ونت ااااخر مرة ديري هاد التصرف ولا را مغاايعحبك الحال ... راني صاااابر غي حيت دمنا واحد ... ومكنرفعش يدي على العيالات
ميجو : و انا ؟!؟؟ نبقا هاكدا عالقة فحبك مانتا قابل مانتا رافض
ساهيل : ( شاف لجنب تنهد و رجع شاف فيها و هبط لمستواها ) ماجدة.... انا ماشي د الحب .. وحتا الى فكرت نبغي شي وحدة .. بغيتها تكون صعيييبة .. تخرج فيا القوق عاد تقولي كنبغيك و خا تكون كتموت عليا .... نت هاكا راك صغرتي رااااسك بزاف ... وزايدون مغانقدش نعلق وحدة فعنقي وديما نخليها فخطر ... الوحش الى بغا كيبغي بكل صدق و الى مغانوفرش الامان لحبيبتي ... مغانقلبش عليها من الاساس.... ونوضي تحركي .. كنكره البنت الرخيصة السااااهلة
كريستوف : ( معرف مايقول حيت هو بداتو كيخاف من شرو و شر الوحش )
ساهيل : كووود نايت ..
قطع عليه و لتخ تيلي نعس ...
دازت 5 ايام و ميجو مكتبانش ليه تاهو تشغل مع خدمتو و صفقاتو وفكر انو حسن يبعد شي فترة باش تنساه عيط لشركة الطيران و حجز تدكرة سفر للمغرب ... و خرج يتقضا لي كادو لي يدي معاه تاقاطعو تيليفون
ساهيل : ااام تنوووع جيد مرة جيبلي بنت مرة ضابط غدا فقيه دجامع
كريستوف : اوا الكليان اش كيطلب
ساهيل : غانتستا لي ديطاي ....
مشا لدارو جمع كاع حوااايجو و علم الكاتبة انو غايغيب واحد الشهر ديال راحة ... وركب طائرتو الخاصة مشا لميامي ... وصل فنهار تالي نازل ففندق خمس نجووم .. جناح ملكي ...
فاق على واحد كيجبليه اخبار المغاربا لي جاين رحلة للامريكا كيصوني ليه
قاليه كاين واحد من شفارين اابلاد سرق نهب ف فلوس السدشعب ودابا جاي يقضي بيهم عطلة و نازل حتا هو ف ميامي .. طلب منو الوحش يوجدليه ملف شامل عليه ...
ساهيل : هممممم ضحيتين فنهار واحد و فمدينة وحدة ...... مشوق
هز تيليفون و تكلم مع اكبر تاجر اسلحة فمدينة و طلب يوجدليه اخطر الاسلحة الرشاشة بغا يوجد استقبال لسي العمراني فاعل تارك .... هز مسدس كان جا ليه كادو منعند زبون ديالو فتهريب مسدس دهبي ....
لبس حوايج الوحش من جديد دار المسدس ورا الجاكيت لبس قبعتو وهودها على عينيه وديمارا سيارتو شاف فعينو فمرايا .
ساهيل : غانقتل و فوسطكوووم... يالاه شدوني ههههههه
و تاجه للمخفر .. سول على ضحية و قال بلي بغا يتلاقاه .. وراوه المكتب ديالو و دخل كلس و دار رجل على رجل و القبعة مغطيا عينيه كيبان غير فمو و نص من نيفو و داير ضحكة مستفزة
الضابط :" قالولي سولتي فيا !؟ عندك شي مشكل !؟
الوحش : Yes exactly " ايييه تماماااا "
الضابط : Who are you? (حاني راسو كيخدم ) " شكون نتا بعدا "
الوحش : The monster " الوحش "
الضابط : ( طلع راااسو بزربة مخنزر ) .. " شنووو !!!!! واش كضحك علينا و لا شنو
الوحش : ." هههههه بنتلك كنضحك " ( الضابط هز دغيا تيليفون وهو يشدو من يدو وهز مقص صغير على لمكتب و قطع الخيط وخشاااه غرسو فيدو عندو خفة يد خطيرة) " بلاااا متحاول " (جا مور الكرسي وشدو من عنقو )
الضابط : ( بهلع) ... " اشنوووو بغيتي عندي ... بعد مني واش معارفش راسك معامن كدوي !! راه هذا الضاااابط
الوحش : ( جا قدامو و قاجو )" التنوع زوييين ..... فاااش كنبغي نرتاكب شي جريمة ... مكيهمنيش فين .. حيت مكنخاف من حتا شي واحد .. كون ضابط ولا وزير ... نتا قدام الوحش غير حشرة صفيييييرة
ولا مبتزهم و متحكم فيه تالقا الفرصة وهز رجلو بركلة هرس زاج دسرجم لي موراه و يد لي فيها مسدس فرشخات راس د ضابط وتلاح من سرجم هارب و تبعاتو الشرطة بجميع سيااارتها و هو مكسيري وكيدخل فسيارات وكل سيارة كيفرشخها فالوسط باش يبلع طريييق تاولا ديك الشارع كلووو خراب و دخاخن و عوافي وهو سلك كيشوف من موراه ويضحك تاخرج مدييينة ودخل لواحد باحة الاستراحة كيتكسل بحالا مدار والو و دخل للمرحاض كتب مسج لكريس بلي مهمة تمت ... شوية جاااه اتصال من عند مول الاسلحة ....
والباقي راكم عارفينو من قبل الفلاش باك فاول القصة ..... لاح طموبيل من على جرف حيت بوليس عااارف ماطريكول .. تهنا منها وشد طريق لللمغرررب ..........................وماهي الا ساااااعااااات تا علنات المظيفة ان طائرة نزلات بمطار الدار البيضااااااء ..........
كي نزل للمغرب .... لقا واحد من رجالو سيفطو نهار قبل... باش ياخد ليه طموبيل لقاه كيتسنا ... خشا حوايجو فطموبيل رنج روفر سوداء .. وبقا ديك راجل من موراه باش لاكن شي جديد يجيبو ليه ... وشد طريق لدارهم وهو دايرها لميمتو مفاجأة .. دارهم ولات دابا فحي رااااقي بكازا وهاديك طلقو الكرا ديالها .. هو سبق بحومتو بغا يشوفها .....
7 سنيييييين د الفراق بينو و بين حومتو ... خرج منها مدلووول .. ودابا جاااي مممممعلي رااااس و الخنافر و طموبيل اخر موضيل .... كيشوف مع درب .. كاين لي بدل صباغة لدار و كاين لي دار سراجم الالمينيوم كاين لي فتح حانوت و كلشي تبدل .. طلع عينو مع دار نووورا و بقا يشوف مع سرجم لي كانت كطل منو .. 7 سنييييين بدلات سااااهيل بالوووحش ولا واحد اخووور و قتل اي حاجة متعلقة بساهيل الا حب نووورا بقا هاكاك .. الحب لحقيقي ماتيبدلوه لا فلوس لا لسيارة لا كوستار .... رجع مارشاريير و خرج من تما و تاجه لفين سكنو جديد ... ومشا ديريكت عرف دار من طموبيل لي سيفط لعصام واقفة حدا لباب ختار هاد الوقت حيت عارفو عطلة عند ايمان و عصام .. وقف طموبيل وهو واااحد اخور .. ساهيل لقدييييم رررجع ... يالاه نزل و شي جيران كيشوفو ويقولو واقلة ولدها رجع و كلشي معجب بيه وكيقولو واش مغربي ... قرب حدا لباب و قلبووو كيضرب كيفاش غايشوف ميمتووو ... هز صبعو و صونا فالانترفون وهو يسمع صوت ايمان
تلاح عليه و عنقووو وهي تهود ايمان بالهاراج ديالها و عنقاااتو مزيرين عليه تاكانو غايطيحوه و فاطمة كتزغرت بالفرحة و حسن كيمسح دموعووو
طلقو منو خوتو وهو كيشوف فمييمتو لي الفلوس ماغيرو فيها واااالو باقا بنفس طابلية د شغل على نصها و الشدة ديالها و ملامحا الحنااااان...
غي شافها هودو دمووووع وتلاح عليها كي شي صبي فسن 7 سنوات .. ودمعو هودو على كتافها وهي كتبكي بحالا راه ماشي ماشي جااي و حسن تاهو كيعنق فيه ساعة هوما عند لباب كيتعانقو ... عاد دخلوو ..
ساهيل : توووووحشتكوم بلا قياس
فاطمة : علاااش اولدي لي معلمتيناش كنا نتلاقاوك بالحلييييب و التمر الحبيب ديالي .. الله على ولدي الله شحاااال توحشناك ... سيري يااا الغربة الله يحرققققك كيفما حرقتي قلبي على ولدي
حسن : ولدي كون نعستي شوية ترتاح غاتكون عيان . قرب يوذن الضهر و نمشيو نصليو جماعة كيف يام زمان
ساهيل قلبوووو تزير و تحصر على صلااااااتو لي سمح فيهاا و حياتو لي وسخهاااا دم اااخ وتعرفو كيف ولا ولدكم ... خسارة تربيتكم ...
تبسم لباه و نيران لداخل شاعلة ...
دخل لدوش و كيشوف فراسو وكيغسل بالما بارد بحالا كيغسل الددددم من على جبييييينو ... ومتيغسلوووش لما ... دار سطل و استغفر مولاه و بدا يتوضى .....
خرج و هز سجادة مع باه و تاجهو لجاااامع ... غير دخل وريحة المصاحف و المسك جاو لنيفو ... شمهم و استنشقهم و تفكر شكون هووووو ... هو مسسسلم ... هبط الارض و سجد سجددددة طويييييلة و هو كيبكي و كيترجى الله يغفر ليه .. اختلس لباه بين ما كيصلي تحية المسجد و مشا عند فقيه .. وقالي باغي يتوووب على غلاط اش دير ...
قالي اجي صلي معايا بالجماعة .. وقف و صلا بيهم هو والفقيه وهز معاه المعروف باش ربي يسمح ليه باه قال يمكن الخارج خرجو على طريق و شرب شي مرة او فسد كيف كاع شباب
مجاتش على بالو انه راه ولا وحش القرن التاني عشر ... مشا باه وهو بغا يبقا تمااا ...
كلس فواحد قنيتة شاد المصحف كيقرااا و كيييبكي حيت نحرف عى طريق المستقيم بسباب الحقد لي جامع فقلبوووو .....ووصل عند الاية ديال " ان الله غفووور رحيم ." وبدا يقولها ويعاوها و يبكي معاها
عند ميجو ..
كتقرا الجرائد فالمكتب ديالها كانو كاتبين على قتل ضابط و شحال من واحد فطريق بسباب الوحش ..... ولاحتها معصبية
ميجو : بااااركاااا اساهيل باركا .. واااش باغي تخرج على راااسك .... اش دارولك هاد ناااس ... واش هذا كلا حقك !؟؟؟ لاش كدفعووو ثمن غلاط دواحد اخوور علاش ...علاش خليتي هاد الوحش يسيطر عليك هاكا .. مامخليك فاتح قلبك لا للحب و لا للانسااانية ... انا خصني نوقف هاد الوحش عند حدووو بااااركة باااركة .... غير سمحلي اساهيل ... الى مدرتش هاكا غاتندم حياتك كولها على هاد الوحش لي سمحتي ليه يلعب بيك كيف شي دمية د الكراكيز ... وميتعدة نتسناك حياااااتي كاملة ....
هزات الكاميرا ديالها و خرجات كاع صور و كتبات عليه .. وتاجهات للمخفر ...... قدمات ليهم عنوانو و شكون هو و فين خداااام ... وهجمو عليه لقااو غير الهواء مكاااينش ... وهي سادة غليها فدارها جامعة رجليها عندها كتبكي
عند ساهيل
دوز العشية فجامع و خرج نور فوجهو وحاس براااسو خفيف من دنوب لي كانو متقلين عليه ... وقال ان الله غفور رحيم ...
تاجه لدار و بدا يعطي ليهم اش جاااب من هدايا .. سمع تيليفونو كيصوني لقاه كريس و بلوكا نمرتووو ... وكمل سهرتو مع دااارهم لي عندهم نهار عيييد .. ناض بكري و بدا يجمع مع ماه اش يخصهم وهودو لبحر دوزو صباح زويييييين مجاو حتا العاصر مشا جامع وتضرع الله من جديد ....
ورجع لدار
ساهيل : الواليدة ... غانخرح شوية نتمشا
فاطمة سير اولدي و متعطلش راه قرب يطيح ليل
ساهيل : كتخافي عليا وانا قد هاكا ههه
هز تجاكيت ديالو وخرج كيتمشا على رجليه لي داوه لواحد جردة كيكلسو فيها وكيلعبو فيهها دراري صغار دخل مع واحد جماعة د دراري صغارين و بدا يلعب معاهم كوورة . .. لعب معاهم تاسخفوه و شرا ليهم كلاص لكل واحد وبقا ماشي تاشاااف لي خلات يقلبو ينبض 90 دقة فلحظة... شاف فيهاااا ووفوزنها لي زاااد ووجها الشاحب لي كيبان عياان ولباسها المبعثر ... واش هادي هي ديك الشابة لي كانت فسن الورود عينيها ميلمعو و خدودها حوووومر ... علاش ولات هاكا .. قدامها بوسيط فيها بنيتة ووليد كبير عندو 6 سنين حداها ..
بقا واقف مشوكي كيشوف فيها و فحالتها وهي ضاارت ... لمحاتوووو و توقف زمااااان ....
لي بغاااا قلبهااااا و كانت تبات تحلم انهم بجوج فالعمارية ... كتقول هو لي غانكون حلالو .. كل ما داز من درب كطل عليه وغي شوفة فيه كتكمل نهارهاااا ناشطة .... كتشوفو كيفاش ولااااا زاد زياااان و تفتلو عضلاتووو .. عينيهم على بعض كلهم شوووق و حنيييين .. قرب ليها بخطوااات بطيئين و هرب لكلام .....
ساهيل : نوورا .. ل لاباس
نورا : ( كتشوف فللارض على عادتها ) ل لاباس
ساهيل : ولادك !؟
نورا : ا ااه
ساهيل : ( طل على لبينيتة لي فلوبيسيت و تبسم منكسر ) كتتتشبهليك فاش كنت صغيرة .. ع عرفتي ( تغنغن صوتو ) باقي كنعقل عليك فاش كنت صغيرة .. ك ككنت حلوووة و كنت كنهزك فاش كلقاك كتلعبي حدا باب داركم وفاش كنجي من مدرسة كنت كنجيبلك معايا شي حاجة .. كبرتي حدا عيني .. و ووكنت ناوي تكوني ديما حدا عيني ولاكن )
فاطمة : وليدي ... دابا عندك 32 عااام تباركالله ... و الحمد الله هانتا خدمتي و برزززقك وربي عطاك من خيرو .. ودير الخاطر لميمتك ودير داااارك وديواااانك ونشوف حفادي كيلعبو قدامي... انا نقلب لوليدي على لاااااااالة لبنات
ساهيل : لا لاا ... لااا الوالدة نهار نبغي نتزوج انا غانقلب عليها و نبغيها و تبغيني ... اما لي غاتقلبيلي نت .. غاتكوني غي حيدتيها لشي واحد كان كيواعدها فاش يجمع صداقها غايخطبها ... غاتحيدها لواحد مشا يخطبها و مزال مجامع راسو و رفضو باها ... غي غاتحيديهالو تعدبيه و تعدبيها و تعدبيني معاهم
فاطمة : ( تنهدات ) منسيتسهاااش
ساهيل : هي لي بغا قلبي امي ... مابغا تاوحدا من غيرها ... شفتها لبارح .. سمحااااات فراسها .. و حالتها كتقطع فالقلب
فاطمة : ايييييه يا ولدي داوها لواحد فعمرو 40 عام ...سرقليها شبااابها كانت وردة منوورة .... كنتلاقاها فسوق مكنبغيش نشوف عندها .. قلبي كيتقطع وهيا واغلة مع ولادها ... بنت كي الوردة كلها الشارف ...بهدلها
ساهيل : ( زير على عينيه ) عندو الفلووووس امي ... بفلوسو رزاها فشباباها ... كو كانت بلادي عطاتني حقي و خدماتني نهار طلبت خدمة كوراه نقدت شباباها و بقات وردة منورة معايا ... ولاكن المكتاااب كيتصرررررف .......
وهاكا كمل 30 يووم و ماه غير كتراري بيه مخلات شكون وراااتو باش تخطبها ليه و والو ... ... هو فكر فميجو .. وقال علاش منعطيهاش فرصة ....اهد وخا مكيبغيهاش ...واعد راسو غير يوصل يخاول يتقرب منها ... ويفتح قلبو ليها وهي لي تكون مراتو ويرجعو للمغرب ... واعد ماه بلي غاااايرجع و فيدو عروستها ... غير بغا يمشي يقضي شي شغول مهههم .... ويطيب عروستو فيدوووو فرحات ميمتووو و ودعااااتو بالبكااااا واعدها ميطولش ...
سلم عليها وهو كيوصي ... خاف ميرجعش ......
شد طائرة لفرانسا اول حاجة دار هي قتل كرييييستووف .... باش اي شاب يجي لفرانسا باش يخدم مايتلاقاش معاه و مل يتولدش وحش اخوور بحال ساهيل .... وشد طائرة لامريكااا فرحاااان ...وهو ساهيل جديد ... او بالاحرى ساهيل لقدييييييييييم ......
الشرطة فهاد الايام مشات هجمات على شقتووو لقاوه مكاينش و دارو عليها حصااار ... و ميجو ماعرفتوش فين مشا ... كتبات مقااال فجرائد ونشرات صورتو ....
كاتبة عليها كلمات لقاتها مكتوبة عندو فمدكرتوووو ..
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
انا غي شاب مغربي قبالتو البحر و الفقر واقف موراه ...
انا لي النار كتاكل فيا ملي كنفكر حقي شحال من واحد كلاه ...
البلاد ماتقوليش نتا شنو عاطيها هي لي خاصها تعطيني ..
لاكنت امي هي تقريني ..
لاكنت جاهل هي توعيني ..
لاكنت شفار هي تربيني ..
اكنت عريان هي تكسيني ..
لاكنت متمرد ماشي تهرويني ..
توريني الصح تحل حظانها و تسمع مني ...
قريتونا فصغرنا حب الوطن من الايمان ..
كبرنا لقينا زرواطة وحدة كتفرشخ فالشعب كي الفيران ...
انا غي شاب مغربي لاطلب حقو كيشوفوه سعاي...
هو طالب غي شوية د الكرامة سواء كان وزير ولا بناي ...
منكدبش عليك كنشوف المستقبل كلو كحل ..
الصبر ضبر والدوام غايتقب الرخام لامدرتوش الحل ..
انا ديك الشاب لي غمقتو عليه بشعاراتكم ..
لي كليتو عرق واليديه باش يلقاو مايورثو فيكم ولادكم و بناتكم ...
انا ديك الشاب لي قطع البحر باش ننقد راسي و والديا ..
قبلت بالدل فبلاد البراني على عيشة الغزالة فالغابة بسمية حفنة د تراب و الوطنية ...."تمعن"
انا ديك الشاب لي بعتو ليه الوهم بسمية الدين فالساسية ..
انا ديك الشاب لي خنقتو عيشتو باش تعمرو على ضهرو صندوق المقاصة ...
دقيت فكاع البيبان و حفيت صباطي وليت كي شي دلال ..
طالب غي خدمة ب ربع فرنك مااشي جوج فرنك د افيلال ...
انا ديك الشاب لي قلتلو فصغرو قف اللمعلم و فه التبجيلا ..
كاد المعلم ان يكون رسولا ..
وأنا كنشوفهوم بالهراوة كيهردو فيهم كيما كيطبل الطبال فطبولا ...
هداك لي كان فيه نفس وحرررش ..
هداك لي هز كروسة و فالارض فررش
هداك لي جاب لقمة لحال ... ماتهنيتو حتا رديتوه وحش
دارو معها جلسات فالاداعة و عاودات عليه .....
هووو الوحش ... هو لي قلبووو تحرق ووقتل ... هو لي حفا سباطو كيقلب على خدمة ملقاهاش ... هوووو لي طلب غي حقو و ملقاهاش .. هو لي ترزااا فابسط احتياجتو و تغتصب فوطنيتووو... هو الحقد عمر قلبووو .. هو لي غدرووو صاحبووو ... هادشي لي خلاه وحش
ويلا بقات لبلاد على هاد الحال غانشوفو وحوووش بزاف بحال ساهيل ....
هادي ماشي جريمتو .... هادي راها من جراااائم الوطن
بزااااف لي بقاااا فيهم و دارو شعااارات عليه و صورو فكل مكان هو مجايب خبار كولشي كيقول كونو بحال وحش وهضرو على حقكم فين مااااااا كنتو ... نشرات ميجو كتاب سيرتو داتية سماتها جريمة وطن و كلشي قراها ... وكلشي سمع قصة الووووحش ....... بحالكم
نزل ساهيل فمطار ميامي يالاه غايخرج ... هو يشوف صف من رجال شرطة متعرضين بسياراتهم مايقرب 50 سيااارة و مصوبين اسلحتهم مباشرة ليه ...
اكثر من 70 سلاح ... علااش !....؟ لمن .. لسااعيل !.؟؟ ه.اك لي كيلعب مع دراري صغاري كورة !؟؟؟؟ هداك لي ضربو ليه كروسة برجليهم وحنا راسو جمعها ... هداك لي حمل وديع فحضن مو ... هدا لي باغين تقتلو !؟ راه الوخش مااات !!؟ هداااا ساهيل ... حرااام علييييكم ..
ساهيل اول وحدة جات لبالو هي ميمتووو لمن غايخليها و شكون غايصرف عليها .... لا اساااهيل لا نتا كول حياتك عايش باش متقيصكش رصاصة الكافر ...... لا اساهيل هرررب اسااهيل ههههههرب نتاااا بريء الوحش مااات نتاااا مداير والو ... نتا غي حيتي تجيب لميمتك عروسة .. هاديك لي بلغات بيك .... هرررب اساهيل ... هههههرب....
لاح امتعتو من يديه و دموع جامدين فعينيه و عطااا رجليه لريييييح ... هرباااان ... اول مرة يخاااف .... حيت هو ساهيل ماااشي الوحش ...
بقاااا تيجري و تايبكي .... كان غايحيب عروسة لميمتو .. كااان غايتخلا على هاد العمل ... كااان غايرجع لبلادو ... كان غايحارب الفسااااد .... متقتلوووهش ... متخبسوووووهش ....
هو هربان وهوما تابعينو تاوصل لواااحد جرف ووقف .... قدامو الهاوية و موراه رصاص . بطوجهم نهايتهم الموووت .... كيشوف موراه ويرجع يشوف قدامو و شرطة كتقول ليه فالبوق يسلم راسو و صحافة كتصووور ... اخر لحظات الوحش .. و نهاااايتوووو سد عينيه وتقلب لجيهة الهااااوية ........ علا يديه لفووووق وطلب من الله يساااامحوووو ..... يموت حر .. ولا عيش محبووووس
وتلاااااااااح ... خلا كلشي مصدوووووم وعاحز .... وهو مليووووح و ابتسامة على شفتيييه .....
الوحش جريمة وطن الجزء الثالث والأخير
محتوى القصة
التنقل بين الأجزاء