آلاء دخلت للدوش مع صلاح لي كانو نصلو حوايجهم فلباب...غي دخلاتو تحت لما تفكر شنو دوز مع رؤيا..حس فشكل وماعرفش يفسر احساسو..جراتو وباستو وهو مسالم كيخليها دير لي بغات..ولكن مغمض عينيه..تا حس بيها قاستو فالمعلم وهو يفهمها..لصقها فالحيط وطلعو معاها تا بداو يتسمعو آهاتها بالجهد..ومين حس بيها غتسخف ليه فيديه هزها وخرجها علا برا...حطها علا الناموسية ومشى يمسح بالفوطة..
آلاء ترخات فوق الناموسية:حبيبي..اجي حدايا..
صلاح:رتاحي دبا ماشفتيش راسك كيوليتي لداخل..
آلاء بفشوش:ماتوحشتينيش؟.
صلاح:سييي توحشتك..ولكن ايام الله طويلة ماباغيش نضرك..
لبس دغيا عليه وتخشى حداها داير ليها خاطرها..وهي تخشات فيه نعست علا صدرو..اما هو بقى حال عينيه وكيشوف فالسقف تالف ماعارفش شنو باغي كثر..يااك هادي هي آلاء مرتو لي كيبغي..لي من المعجزات انها رجعت ليه..لي بسبابها عذب وعنف رؤيا..علاش ماقادرش يفرح من قلبو ويستمتع فهاد اللحظة وهي بين يديه..يمكن ولف علا سيسطيم جديد..وتا دبا خصة يرجع يولفها فحياتو..
حميد كيساين حسن يجاوبو:امدرا شنو داكشي؟؟
حسن عاقد حجبانو:منين هاد هاد الدوا؟؟
حميد:وا دبا قولي شنو تما؟؟
حسن:ماعندي مانخبي عليك..هادي حبوب مهلوسة..خطيرة جدا وكتأذي للادمان(حميد حل عينيه مصدوم)المشكل قليلة بزااف فالمغرب حيت كتهرب من أوربا نتا منين جاتك؟.
حميد بدا يتفتف:ش س شي صاحبي...عزيز عليا ل لقيتها عندو و وبغيت نطمن عليه وصاافي..
حسن حس بيه هو ومابغاش يقول:امم اوا قولو الا كان كياخد هادشي يحبسو حيت غيخرج علا راسو...
حميد:واش هادشي خطير تالهاد الدرجة؟؟
حسن:وكثر كااع ..لمهم لي كاين قلتولك ودبر راسك..
حميد:وانا مالي..نقولو وهو دبر راسو..
حسن:اممم اوك..
رؤيا دخلت للكوزينة كتسول فاش تعاون ولكن تقريبا كان لغدا واجد..دخل عندهم أمين كيحاول يتهاوظ ويضحك مع ختو ويخرجها من الحالة لي هي فيها..
جا وقت لغدا وكلشي تجمع فالطبلة..وتا صلاح وآلاء جلسو معاهم بعدما سلمت علا خالد وكريم لي تالدبا مامثيقينش..
ناضت من الغدا ودخلت لبيتها..بقات تقلب فتيلي وتلعب فالنمرة..كلما كتبغي تصوني علا أمين كتراجع..خايفة وحشمانة..ولكن مصممة انها تصوني عليه غي خصها تلقى الوقت المناسب..
سالا الغدا طلعت آلاء لبيتها ولكن صلاح بقى مجمع مع خوتو..
خالد:حمدلله رجعت ليك مرتك باش نتهناو..
كريم:اش غتهنى ههه..دبا ولاو عندو جوج عيالات ههه..
صلاح:طلع قولهالها..لا غي طلع...
كريم:هههه...
خالد:ماعوالش تقولهالها؟؟
صلاح:لبنت عاد رجعت..مابغيتش نقصحها بداك الهضرة..
خالد:و رؤيا؟؟
صلاح علا عينيه فيه:مالها؟؟
خالد:شنو غدير فالحريرة ديالها؟.
كريم ببرود:غيطلقها باينة..
صلاح خنزر فيه:ماسوقكش نتا...داكشي شغالي وندير فيه لي بغيت...(ناض)..
خالد:خليك جالس معانا!!(كريم كيشوفيه)..
صلاح:لاا ..
حسناء اخيرا تجرأت وصونات كتساين أمين يجاوبها وهي كتاكل ظفارها..
أمين هز تيلي لقى نمرة غريبة استغرب:ألووو..
حسناء:ء ألو..
أمين:شكون معايا!!
حسناء:أنا ح حسناء..
أمين عقد حجبانو:اهاه وشنو بغيتي؟؟
حسناء كتفتف:ص صراحة ب بغيت نطمن علا رؤيا...و ومالقيتش حل من غير ن نصوني عليك..
أمين:امم سايني انا نعطيها تيلي..
حسناء:ب بلاتي بلاتي..
أمين:شنو!!
حسناء:شكرا...
أمين:علاياش؟؟
حسناء:علا كلشي..مواقفك معايا كااع مانسيتهم..و...
أمين:مهم انا غنقطع وهي دبا تصوني عليك..
حسناء ماعجبهاش لحال:امم اوك..
أمين قطع تيلي وخلا حسناء معصبة وماعاجبهاش لحال..خرج من بيتو ومشى عند رؤيا لي كانت جالسة مع ماماها وخالتها..
صلاح طلع لقى آلاء ناعسة بقى كيشوف شحال فيها ودخل لبالكون..كيكمي السيجار ويحاول يتقبل هاد التغيير الخطير لي وقعلو بين يوم وليلة..كيشوف فالغورميط ويتفكر رؤيا فبلاصة مايتفكر آلاء...دبا كااع داكشي لي دار باش يعذب رؤيا كان غي علا الخاوي...ماخلا مادار فيها وهي عمرها مادارت فيه شي حاجة دالعيب..حس بلي غلط بزااف وكلما كيتفكر كفاش ضربها اول مرة وكفاش عنفها وعافها وقلل من قيمتها وكفاش اغتصبها بلا سبب مقنع...كيحس بلي احقر شخص...الحاجة الوحيدة لي ندم عليها من قبل ودبا مابقاش ندمان هي فاش مارس معاها بهدوء ورغبة مافهمش منين جاوه...تنهد وبخ الدخان لفوق كيتأفف غي بوحدو بلا صوت..
حميد النهار كامل وهو يدور ويحاول يبرد اعصابو..ماتهنى تا قرب لوقت ومشى عند يارا ولكن مالقاهاش..بقى يقلب ويسول عليها والو..تكره وبدا غي لي داز حداه يخبط فيه تا شدوه شبعو فيه ضرب ولاحوه علا برا..
شخص كيطلل من السرجم لفوق وكيكمي السيجار ديالو:اممم باراكة...مابغيتوش يموت دبا...
لفيدور:واخة ا سيدي..تا هما بغاو غي يربيوه..
كلا حميد الدق لدرجة ماقدرش يوقف علا رجليه..رجع لطوموبيلتو كيعرج..ركب فيها ومشى للدار..
رؤيا طلعت هي ومريم غسلو وجههم ولكن مريم ماتقدرش تجلس بلا اومبيونص..جلست حدا رؤيا وكتعاود ليها شنو دارت لكريم فالدروج فاش طاح وبداو يضحكو كيف الحماق ههه..
رؤيا:ههههه ناااري...تا نتي نضتي بلا شقا عليك تهرقي جافيل فالدروج..
مريم:ههه ضروري كان خصني نتاقم ..ساعا صدقت طحت انا وماما فوق منو ههههه وتشوفي الراجل خرجو عينيه هههه..
نجية:ينعم عليك الله بشي عروسة تكون ظريفة وبنت الناس ههه..
رحمة:امييين ماكرهناش هههه...
أمين:ماخصني زواج دبا...
نجية:علا مالك صغيور..نوض تكعد تزوج..
أمين:اه انا مازال صغيور هههه(عنق مو كيضحك)..
نجية:وا بااز.نوضي خرقيه ا ختي نوضي هههه...
أمين ورحمة:ههههههه...
آلاء فاقت من النعاس مدوخة كتقلب علا صلاح مالقاتوش..بدلت حوايجها..وهبطت ناشطة بعدما ميكجت وقادت راسها..
آلاء:مساء النور..
كريم هضر فوذن خالد:انا بعدا كيجيبلي الله ولينا عايشين مع الموتى هههه..
خالد خنزر فكريم واخة جاتو الضحكة:مساء النور ..
آلاء مشات عند حسناء:حبيبة توحشتك بزااف..شنو كديري دبا؟؟
حسناء:حمدلله..ربي يخليك..
آلاء:اجي اجي نجمعو شوية بحال شحال هادي..
حسناء شافت فماماها:امم واخة ياله..
حسناء واخة كانت عزيزة عليها آلاء..ولكن دبا جاتها فشكل تعاملها عادي...حست بلي غادي نخون رؤيا لي ولات عزيزة عليها بزااف..
حميد دخل للدار كيمشي برجل وحدة ووطهو مضروب حاول مايبانش ليهم ولكن شافتو مو.
رحمة:اويلي اولدي مالك..
حميد:ماماليش..
رؤيا وأمين جاو دغيا:مالك اخويا؟؟
حميد:و وااالو...ماكاين والو غي واحد تغانينا انا وياه وضاربنا..
أمين تأفف:واش كتزيد تصغار ولا شنو..هادشي لي كدير فيه كيديروه غي لي ماعندهم عقل ا صاحبي..
حميد بعصبية:واا صاافي..لي وقع وقع..مرضتونا..فهاد ليل اووف...
سمح فيهم ودخل كيعرج..
رؤيا:حالتو مابقاتش عاجباني...مافهمتش شنو بيه...
أمين:هاداك راه ياله بدا المراهقة ديالو...والمشاكيل عاد غتبدا دبا..
دخلت حميد كيحاول ينعس ويرتاح ماقدرش...حس بلي ذاتو وراسو كياكلوه وشي حاجة ناقصاه..عيى يعافر باش ينسى سخن عليه راسو وبدا يجهاد عليه حريق الراس ودمو سخن..غطى راسو بالخدية ووالو...ناض جعر وبدا يقلب علا داك الدوا..وفينما كيبغي يشربو كيحطو..زعما راه يقدر يصبر ولكن لااا عينيه حمارو وداتو كترجفتا شدو وشربو عاد بدات تدخل عليه الراحة..وهنا تأكد من ادمانو...
طلع صلاح لبيتو لقى آلاء لابسة شوميز دونوي كحل وكتلعب برجيلاتها فوق الفراش...غي دخل علا حاجبو ودار ضحكة جنب..
صلاح:مازال مانعستي؟؟
آلاء مدت يديه وهي ناعسة:كنساينك..
صلاح:اممم..انا غندخل ندير دوش ونجي..
آلاء:ماتعطلش عليا..
صلاح هز راسو ليها ومشى للدوش..كان مامرتاحش وبحالا كيدير شي حاجة غلط..فينما يدور وجهو فشي بلاصة يتفكر رؤيا وبقوة لي تعصب من راسو فهاد الحالة دغيا دوش وخرج بالفوطة..مسح وقرب حداها ونثر لفوطة وطفى الضو...
رؤيا متكية فبلاصتها بدات تبكي وهي كتخيل بلي صلاح موحش مراتو وغيكون كيدير معاها داكشي..حست بالحكرة..كلما كتمسح دمعة كتهبط خرا..تا عياات وملات من حالتها..باراكة عليها من البكى والعذاب..
صلاح متكي فوق الفراش وآلاء فوق منو ناعسة عريانة..شافيها لقاها مغمضة عينيها حيدها بالشوية وقادها وناض...لبس شورط وتيشورط عليه وخرج من لبيت..هبط لتحت حيت مابغاش يمشي لبيت رؤيا...تسارا فالجردة تا عيى حاس بالخنقة واخة لهوا دالله كاين والجو زوين...علاش ماقادرش يكون مرتاح..شنو لي تبدل فيه..واش ضميرو لي معذبو ولا غي بقات فيه...طلع لبيت كيتمشى بالشوية وه يدخل لبيت رؤيا..شد عليه لباب ومشى هز خديتها كيشم فيها وقال بعفوية..
صلاح بصوت مجروح:توحشتك....بزاااف ا رؤيا...
تصدم تاهو فراسو ولكن ماقادرش مازال يكابر..عقلو هنا ولهيه..اه آلاء هي حب حياتو ولكن تا رؤيا ولات شاغلة بالو مافهمش علاش...
أصبحنا وأصبح الملك لله...
صلاح مكرشخ فوق الفراش وماحسش براسو فوقاش نعس...معنق لخدية...
آلاء فاقت كتكسل..لقات راسها بوحدها..ناضت لبست لبينوار..وشافت الساعة لقات مزال لحال شوية...دخلت دوشت بزربة ولبست شوميز حد الركبة ومشات تقلب علا صلاح..هبطت لتحت مالقاتوش استغربت رجعت للبيت مع بداو يفيقو..هي راجعة وبانت ليها باب محلولة ديال بيت قريب كانت عارفاه د كريم..طلت وهي تفاجئ..بان ليها صلاح ناعس فوق فراش اخور مافهمتش مالو...مشات عندو كتفيقو...
آلاء:صلاح..حبيبي فيق..
صلاح:اممم...رؤيااا...
آلاء حلت عينيها علا الجهد:شنووو...صلاااااح...
صلاح فاق حيت غوتت:ءء اممم صباح لخير...حبيبة..
آلاء:شنو كدير هنا؟؟وشكون هاد رؤيا؟؟
صلاح تصدم ماعرفش منين جابت السمية بقى عاقد حجبانو ومعنكش:🙄🙄...
صلاح كيمسح علا وجهو:وا جلسي لأرض ونقولك شنو كاين..راه ماشي غي جيت وتزوجت ولا نسيتك..
آلاء:لا كيتمسى زواج زواج...ماكاينش شي سبب يخليك تزوج بعد موتي فنظرك اهئ..
صلاح بدا يبركم بوحدو:شنو غتسمعي ولا مانهضرش كاااع...
آلاء مسحت دموعها:ياله هضر..
صلاح تأفف وبدا يعاود ليها:بعدما متي..زعما سحابلينا متي..
آلاء:الله ينجيني..
صلاح خنزر:خليني نكمل...لمهم تأكدنا بلي عائلة الطراشن هما السبب فداك لاكسيدو...(آلاء عقدت حجبانها)اهه حيت الفرانات كانو مقطعين..لمهم..كنت باغي نتاقم وكانو هما هدفي..كيفما عارفة كريم لي بدا بهاد العداوة..وهما كملوو ولكن كاينين ظروف منعوني والحمدلله لي ماتبعتش غضبي...(تنهد)العمدة ديال الفيلاج والناس المهمين مع اليوليس..تافقو باش يلقاو لينا حل...باش مايبقاش الصداع..حيت كثرو المشاكيل بسبابنا حنا الريوس لكبار و ولاو شكاوي بزايد شي من عندنا كيدابز من عندهم وبحال هكا...صاافي لقاو بلي خصنا نتناسبو ونساو لي داز..فلول تاواحد ماتقبل وفالتالي مين قتانعنا انا ختاريت نتزوج..
آلاء:هااا وعلاش غي نتا من دون خوتك؟؟
صلاح:اولا كريم كان غابر ونتي كنتي عارفة..وكان من المستحيل نقبل بلي ختي تمشي عندهم ويدوزو عليها الكرفي...صاافي قررت انا نتزوج باش انا نخرج فيها القديم والجديد وندمهم علا النهار لي قتلوك فيه(آلاء كتشوفيه وهو حنى راسو)وداكشي لي وقع...
آلاء:و انتاقمتي منها؟؟
صلاح حدر عينيه للأرض وتنهد:اممم..اشد انتقام..
آلاء:وعلاش كتقولها ونتا ندمان؟؟مالك حنيتي ليهم ولا كفاش؟؟
صلاح علا عينيه فيها بشوفة جدية:لااا غي حسيت بلي ظلمت..خصوصا فاش صدقتي عايشة..
آلاء:اوا ودبا شنو...
صلاح:كفاش؟؟
آلاء:كانت كتنعس هنا؟؟
صلاح هز راسو:اممم..
آلاء ناضت كتقلب وهو كيشوفيها..حلت لبلاكار كتتمنظر فالحوايج..
آلاء باستهزاء:اووو بلدية مع راسها..
صلاح:لاا كانت كتلبس الحجاب ودايرة بقوامو..
آلاء:اممم كتحامي عليها!!قوولي علاش مشات قبل مانجي؟؟
آلاء:تزوج اعمي اهئ اهئ..وانا مازال تا ماكملت لعام...واخة كون مت مايديرهاش اهئ اهئ..وزايدها كيدافع عليها ويغوت عليا واخة هو لي فيه الغلط..اهئ اهئ هادا ماشي ظلم..
هبط كريم وخالد كيشوفو فيها وحسناء ولطيفة كيتفرجو..
طاهر:ابنتي..الله يهديك..هو ماتزوجش باش يتزوج موراك..هو تزوج حيت تفرض علينا داكشي..
آلاءكتبكي:واخة هكاك اعمي...بقى فيا الحال بزااف 😭😭..
صلاح هبط وهو يبان ليه طاهر معنقها كيسكتها:صاافي ابنتي..باراكة من لبكى...راك عارفة صلاح كيبغيك نتي وصاافي..وداكشي غي ظروف ودازت..
آلاء:اهئ اهئ..اوا دبا شنو غيوقع؟.انا مانقدرش نعيش مع ضرة..
صلاح مشى جلس فالطبلة..وخالد وكريم كيشوفو فيه معصب..
جلسو يفطرو وآلاء مازال مارتاحت..خصها تخرج رؤيا من حياتهم..
ناض صلاح هو وخوتو للخدمة وهي طلع نيشان..دخلت لبيت رؤيا وجبدت لفاليز وبدات تجمع ليها حوايجها كلهم ماخلات تا حاجة وشدت لفاليز وهبطت كتجري عند كارد علا برا..
آلاء:اجي معايا عاافاك..
لكارد:واخة ا لالة..
طلعت لفوق وهو تابعها:هاك..وصل هاد الفاليز لدار الطراشن..واخة..
رجعت آلاء لبيتها حاسة بلي دارت لي خصو يدااار ونافخة ريشها كتفكر وتخطط لأي حاجة خصها ديرها...صلاح من المستحيل يكوم لبنت خرا...صلاح ديالها غيهي..وواخة دخلت بنت جديدة فالخط هي متأكدة ماغتقدرش هاد لبنت عليها..حيت صلاح عمرو بغى ولا غيبغي بنت من غيرها..بسمت ورجعت الثقة فنفسها...
حسناء كتقاد الغدا مع ماماها:زادونا تا بهاد صدقة..من جا وجد كلشي بففف..
لطيفة:نعلي الشيطان ابنتي..صدقة ماتهضريش عليها هكا..الله يجعل النية نية..
حسناء:الله يسمح عليا ولكن شنو لفايدة..هاد الزمرة ماباغياش تحشم..
مريم دخلت بالشوية لبيت رؤيا لقاتها واقفة حدا السرجم..
مريم:نقدر ندخل؟؟
رؤيا مسحت عينيها:دخلي..
مريم:ماتقلقيش احبيبة..هو لي مايستاهلكش..
رؤيا:بقى فيا الحال لي فكرت فيه زوين وعذرتو و...😭
مريم:و بغيتيه ياك؟؟
رؤيا دموعها هابطين:اه..اهئ ماعرفتش كفاش ولا فوقاش؟؟ماخلا مادار فيا..عذبني وسبني وكاع الحوايج القباح دارهم..وواخة هكاك سمحت ليه..قلبي فكل مرة كان كينسيني اي حاجة جرحني بيها..ولكن شوفي هو..دغيا نسى كلشي وغي جات مرتو صافطلي حوايجي...(تنفست ومسحت عينيها)ولكن دبا..ماغاديش نبقى نساين فيه..ولا نديرلو اعذار..
مريم:شنو غديري؟؟
رؤيا:غادي نطلب الطلاق...
مريم:ءءءءء!!
صلاح خدام فالمكتب ديالو وتا واحد ماقادر يهضر معاه...
دخلو عندو الدراري حاولو يهضرو علا الخدمة ولكن هو كيجاوب علا قد السؤال ويسكت..فالتالي خلاوه علا خاطرو..
أمين كيدور من جيهة لجيهة ويشوف شنو محتاجين الخداما..كيحاول يعوض النقص لي خلاه خوه..فالوقت لي كان حميد كيقلب علا يارا ويسول ويبحث وكل مرة كيشوف فالطابلو ديال الدوا بقاو فيه غي 3حبات..كيخمم الا تسالا اش غيوقع فيه...
جا الليل..تجمعو كلهم فالدار..والدنيا بدات تعمر..
صلاح مازال منفخ هو علا آلاء لي زعما لبسات عباية خضرا وكدور مع العيالات وتعاونهم..
هبط صلاح لابس دراعية فالبلوغوا مخيكة بالبيض وبلغة فلونها..بكل تبات ورزانة واقف كيسلم علا الرجال ويستقبلهم..
العمدة دخل ومعاه ولدو علاء:السلام..
صلاح حدو شاف علاء طلعت عليه السخانة وخنزر فيه...
طاهر:وعليكم السلام..مرحباااا دخلو..
عبد الجبار:الله يبارك فيك..ولدي صلاح مزيان؟؟
صلاح:حمدلله..دخلو(حمر ف علاء).
علاء ببرود:شكرا خويا صلاح...
صلاح زاد تعصب..زير علا يديه وسكت..
رؤيا جالسة تشرب آتاي هي وماماها تا دخل عندهم حميد جاعر..
رحمة ورؤيا تخلعو وهو امين يقولهم:خرجو شوية خليوني معاه..
رؤيا جرت ماماها وخرجو علا برا...
وصل صلاح لبيتو غي دخل لقى آلاء لابسة شوميز دونوي فالحمر..وواقفة قبالت لبالكون كتساينو غي سمعاتو دخل دارت..اما هو استغرب منها ياله كانت كتغوت ودابز ودبا مقادة الحالة وكتساينو..بقى واقف حدا لباب معلي حاجبو..
اما صلاح تكى فبلاصتو داير ذراعو علا جبهتو وكيتأفف..طر لغطى عليه وعطا لجيهة آلاء بالظهر باش ينعس...
آلاء بقات تبكي تا شبعت فالحمام..من بعد غسلت وجهها وخرجت لقاتو نعس مشات كتزدح ونعست فلبلاصة لي حداه بالجهالة تا فيقاتو ومابغاش ينوض معاهتدا الصدااع فداك ليل..
رؤيا ورحمة كيساينو فأمين شحال وصافطو نجية ومريم للدار يرتاحو..بقاو شحال علا اعصابهم تا خرج عندهم..وهما مترقبين...
أمين:صاافي وافق..
رحمة ورؤيا فرحو بزااف..
رحمة:كيدرتي قنعتيه اولدي..
أمين:غي بينت ليه بلي الا تعالج غيولي حسن وغيقدر يكمل حياتو عادي..واصلا تا واحد ماغيسيق لخبار..غنقولو لي سافر وانشاءلله يرطع لينا دغيا باش نيت نصلحو كااع لي داز..صاافي وافق ..
رؤيا ورحمة كيعاونو فحميد ياكل وهو كيغوت عليهم ماكيحملش هاد التصرفات..ولكن هما كيضحكو ويغمزو عليه أمين..شوية وبداو يعاونوه ينوض باش يخرج..
فاقت آلاء لقات صلاح ماكاينش عقدت حجبانها وبدات تحك عينيها..وناضت باش تفطر ..فاش هبطت مالقاتوش..سولت عليه لطيفة قالتلها مشى لخدمتو..جلست تفطر وهي كتخطط من جديد..
الطراشن خرجز من السبيطار ونيشان مشاو للمصحة..وصلو حميد ولكن هو ماخلاهمش يدخلو من غير أمين...بقاو كيساينوه فالطوموبيل وكيدعيو ليه بالشفاء العاجل...
دخل حميد كلو أمل يخرج نقي فدمو من داك السم..عارف بلي الطريق صعيبة غتجيه فلول ولكن بزز منو خصو يبرا ويرجع كيف كان...سلم علا أمين ووصاه يصافطلو حوايجت ودخل لبيت لي غيجلس فيه...
خرج أمين عندهم لقاهم كيبكيو هدنهم وساق بيهم للدار..كان الموقف قاصح شوية..ولكن بزز منهم يصبرو ويدعيو ليه..
آلاء النهار كامل وهي فالدار كتساين يبان صلاح وتشوف شنو يدير معاها ولكن هو ماجاش..ختار يتغدى فالخدمة ولا يرجع للدار والاع لي طلع ليه فالراس...من قبل كان هو لي عزيز عليه المشاكيل..كان كيبغي غي ايمتا يوصل للبيت ويعذب رؤيا أشد تعذيب ولكن دبا لا...الدار ولا كتبان ليه بحال الجحيم..مشى يزور الكلب ديالو كان توحشو بزااف..بثى كيلعب معاه ويتفكر نهار خلاه يجري علا رؤيا فالجردة..تبدلو ملامحو فاش عقل بلي سخفت مسكينة بالخلعة وبدا شادو كيهضر معاه..
صلاح:شتيييي..عذبتها وطيحت من قيمتها وماخليت مادرت فيها..ولكن النار لي كانت شاعلة فقلبي مابردتش مين رجعت آلاء...بالعكس زادت شخدت خلاتو مايعرف لايعيش حياتو ولا يفكر للي جاي...
طااح الظلام..مريم كيف العادة كتلطف الجو وتضحك كلشي واخة تا هي مقهورة ملداخل وتوحشت كريم...ولكن كتحاول تناسى خصوصا فاش تأكدت بلي هو لي قتل بابات رؤيا...
رؤيا جالسة حاطة يديها علا خدها وكتفكر...تا جلس حداهم أمين لي النهار كامل وهو كيحاول يسد فراغ حميد..
أمين:شنو!!..باغية طلقي؟؟(رؤيا هزت راسها بالايجاب وكلهم سكتو)..اكيد (شدلنا يديها بابتسامة)غنوقف معاك اختي وغنجيبلك حريتك..مادمتي باغية تاخديها...اصلا هدا هو القرار الصحيح..
رحمة:و ولكن اولدي الا طلقت ماغاد...
قاطعتها رؤيا:لا اماما ..انا ماغاديش نبقى مازال معاه..هانتي شفتي..رجعت مرتو وهما يصافطولي حوايجي...ماغاديش نساين تا يرفعو دعوى ويسبقوني..حيت تا انا مابقاش عندي الغرض بيهم..
أمين:رؤيا عندها لحق...وانا ماحدي عايش عمرني غنخلي ختي معذبة هكاك ولا معلقة...طلق وغادي تكمل حياتها نشاءلله وتبداها كااع من جديد..
رؤيا بسمت ولكن فنفس لوقت تنغزت فقلبها..حست بلي صاافي عمرها غتولي تشوف صلاح مرا خرا...واا تشم ريحتو..وتقدر تقيسو..صعيبة بزااف عليها ولكن خصها تنساه حيت ماكاينش شي سبب يخليها تبقى معاه ولا تفكرو..
جا الليل وكلشي فبلاصتو..رؤيا مخشية فبلاصتها كتخيل فاش باس ليها يديها واعتاذر منها...قداش كان ضريف..واخة كان سبب باش تهرست ليها يديها مي داك اللحظة حست بلي كيحس بشي حاجة اتجاهها..خلاتها تفرح وتنسى اشنو دوز عليها..شوية وهي تفيق راسها ودازو كااع الاحداث القباح لي دوز عليها وبلي ياله رجع ليها حوايجها للدار صاافي فهمت بلي قيمة آلاء وحبو ليها خلاه ينسى كلشي داز...
صلاح نعس بكري ..فنظرو النعاس احسن حل باش يهرب من حيرتو ومن الصداع لي واقع فالداخل ديالو بين قلبو وعقلو...
رؤيا علات عينيها فيه بزربة وبسمت..تفكرت فاش تشهاه صلاح..وهنا عرفت بلي صعيب تنساه حست اي حاجة كتفكرها بيه..لمهم انها تعايش مع هاد الوضع حيت خصها تكمل حياتها..
رؤيا:انا نقادو ولكن خصني لي يعاوني...عندي يد وحدة هههه..
مريم نقزت:انا نعاونك ههه ولكن بشرط..
رؤيا:شنو!!
مريم:نخرجو شوية..قنطت فالدار..
رحمة:اهاه..كاينة كافي عائلية فالدخلة ديال الفيلاج..فالعشية يدينا أمين ليها..
فالحبس وراء السبع ابواب كاين مجموعة من حرس الامن لي مقابلين ليسطات طوال بسبب الزيارات للسجناء..
دخل راجل متوسط العمر وعطى الاسم ديالو باش يشوف مسجون طالت مدة حبسو...مع انو مازال فالثلاثينات...
الامن:واخة دخل هاهو غيخرج..
الرجل:شكراا..
دخل بكل ثقة كيشوف فالبلاصة لي تاهو كان كيساين شي حد يجي يزورو فيها قبل سنة تقريبا...ودبا هاهو خرج وجا يزور صاحبو العزيز او زميلو فالغرفة..حيت تاهو مابقالو والو ويخرج...جلس كيساين فالمقعد..
داخل زنزانة عامرة بالمحباسية..
كارديان:طارق...عندك زيارة..
طارق حيد الجورنال علا وجهو داير عود ففمو كيخور بيه سنانو مرة مرة..وباين فوجهو القاصح لي ديما عاقد غوباشة بلي صعيب وتا واحد مايقدر يتجرأ عليه..
طارق باستغراب:ههه أنا...
لكارديان:اه نوض ..
طارق باستهزاء:نهار كبير هدا...تا بقالي ايام قليلة عاد جاتني الزيارة هههه...
كلشي:هههه بصحتك..
طارق:الله يعطيكم الزيارة خخخخ..
خرج طارق كيتهكم وغادي مع الكارديان كيقشب مولفين بيه..
وصل لمكان الزيارة وهو يضحك علا جهدو:علي هههه اهلا اهلا...عطاتك للايام وليتي تجي تزور ماشي تزار ههه..
علي:مازال حمق كيف خليتك ههه..
طارق:علا مالي غنتبدل ههه جلس جلس..
علي:اوا مزيان..جيت عندك باش نقولك خدمتك كاينة..راه هضرت مع الشاف وقالي مرحبا بيك معانا..
حسناء ناضت سمحت فيهم وهزت تيلي صافطت مساج لأمين"عافاك بغبت نهضر مع رؤيا...قولها تعيطلي"..
وصل لمساج لأمين ولكن ماداهاش فيها..حيت مابغاش شي حاجة تقلق رؤيا فهاد النهار لي باغي يخرجهم ويبعدهم علا الصداع...اللهم يخليها بعيدة علا الماضي ومشاكيلو...
مريم لبست سروال جينز مع شوميز بالكارويات فالالوان وصباط بلا..وطلقت شعرها جاها زوين..اما رؤيا لبست شوميز صفرا طويلة مع سروال مارو ديال الثوب واسع وخشات الشوميز من القدام ولبست صباط عالي شوية مع شال مارو خلاتو مرخي علا عنقها وشعرها جامعاه لور سفينجة ماباينش..هزت صاك فيه اصفر صغير وهبطت هي ومريم كيضحكو..وعاجبهم الحال من شحال ماخرجو...
أمين تلاقاهم بابتسامة:تباركلله علا تيتيز العائلة هههه..
نجية ورحمة:تباركلله..
امين شد فلبنات بجوج كيضحك معاهم وداهم للطوموبيل..ركبت حداه رؤيا ولوخرين لور..بقاو غاديين كيتهاودو ويضحكو مجموعين..اخيرا حاولو يخرجو من حالة قبيحة دخلو فيها...
صلاح سايق والدراري معاه ساكتين...كان ماحاملهمش يركبو معاه ولكن أصرو!!
خالد:صلاح..فين نمشيو!!
صلاح:الصمت..
كريم:خليوني انا نسوق...نديكم لبلاصة تبردو فيها..
صلاح:مافيا لي يمشي لتا بلاصة...علاش ركبتو معايا اصلا..
خالد بهدوء:حيت نت خونا..وعزيز علينا..مابغيناكش تبقى بوحدك فهاد الموقف...
صلاح حبس الطوموبيل علا غفلة:ياله اجي سوق..
كريم بسم...هبط ركب وساق بيهم اما صلاح جلس قدامو ساكت وكيشوف فالطريق...
كريم:مافهمتش مالك ا خويا...تالف وماعارفش شنو باغي...كل مرة بحال وماقادرش تختار معامن تكون..
صلاح:كنبغيها...
خالد بتوتر:ء آلاء!!
صلاح كيشوف بعيد:لأ...رؤياا..
كريم وخالد تصدمو شي كيشوف فشي..
كريم:كنت حاس...تصرفاتك كتقول هادشي..
صلاح كيحك فراسو:مافهمتش..فوقاش وكفاش..لمهم بغيتها من قلبي..وتأكدت من هادشي فاش رجعت آلاء..حسيت بلي بردت من جيهتها ومابقيتش باغيها..
خالد:لا تكون كتقول هكا حيت مشات رؤيا وبقات فيك..ويكون وجود آلاء قدامك خلاك تنسى شحال كتعاني فغيابها...
صلاح:لااا..احساسي متأكد منو..فكل لحظة كتجي رؤيا فبالي..كنتمنى تكون حدايا..ونشوفها ...وليت نزور بيتها بلا مانحس...ونكره وجود آلاء قدامي شي مرات..كان صعيب عليا نفهم ولا نعرف ولكن دبا ..فاش حسيت بلي غنفقدها مابقيتش قادر نصبر..زعما تخرج من حياتي بهاد السهولة!!مايكونوش ضغطو عليها باش طلب الطلاق مني؟؟
خالد:ماكنظنش...نتا شفتي نهار جا خوها موراها...بين بلي كانو رافضين زواجها منك ولكن هي وافقت وقدرت تحقق داكشي...يعني شخصيتها قوية والا بغات شي حاجة كديرها والا مابغاتهاش ماديرهاش..
صلاح حدر راسو:اممم زعما هي طلبت الطلاق بارادتها؟
كريم:انا ماحضرتش علا كااع الاحداث ولكن غي فاش صافطتو ليها حوايجها..صاافي..راها ماتحملش تبقى مازال مزوجة بيك...
صلاح تنهد:انا آذيتها بزاااف..حررت عليها العيشة..ماخليت مادرت فيها...ولكن فينما كنتفكر هادشي كنمرض..كنحس قداش كنت قبيح معاها..وهي فالمقابل عمرها دارتلي شي حاجة..والمشكل فالتالي صدق كلشي علا الخاوي..والمرا لي درت عليها هادشي عايشة..يعني ضيعت ليها حياتها غي هكاك..اوووف....من حقها تكرهني وتحاول تحرر مني...
كريم:صاافي ا صاحبي..برد...ماكاين علاش تبقى محمق راسك..لي دارها الله هي لي غادي تكون..
أسيرة جبروته الجزء السادس
محتوى القصة
التنقل بين الأجزاء