أسيرة جبروته الجزء الثامن

صلاح بدا يفكر:بلاتي تيلي ديال رؤيا بقى هنا..انا غنشوف نمرتو وناخدها منو..

خالد:مزيان..ديرو فحسابكم هاد الليلة نهضرو معاه بالحق مايسيق لينا حد الخبار..

فالعشية خرج أمين من الدار..كان مطمن علا الارض مامشاش ليها..وهو يفكر يجلس فشي كافي..وتما تلاقا بعمر ولد سلام..

عمر:اهلا...لاباس؟؟

أمين:حمدلله..جلس معايا...

عمر:اهاه مرحبا..

طلبو شنو يشربو وبقاو يهضرو..

أمين:اوا واحد باا سلام نسانا ولا كفاش؟؟

عمر ضحك جنب:ههه لا غي انا فاش جيت بغيتهم يرتاحو شوية ويجلسو معايا..

أمين:اه من حقك..ونتا ناوي تستاقر هنا؟؟

عمر:ماعرفتش..مازال ماقررت..

أمين:اوا الله يسهل لأمور..

عمر:آميييننن..

ترن ترن..

أمين جبد تيلي ديالو وجاوب حيت ماعرفش النمرة:ألو..

خالد:ألو امين يااك..

أمين:هو انا..شكون معايا..

عمر كيشرب قهوتو ويشوف بعيد..

خالد:انا خالد الحسناوي..

أمين ناض من لبلاصة وبدا يهضر:ماين مانقضيو..

خالد:الصراحة بغيت نشوفك هاد الليلة..نهضرو فموضوع مهم كيهمك نتا كثر..

أمين:شنو لموضوع؟؟

خالد:مايصلاحش فتيلي..لمهم انا غيكونو معايل خوتي ولكن الا ماثقتيش تقدر تجيب رجالك..حنا نيتنا خالصة وبغينا غي نهضرو معاك..

أمين بعنفوان:انا ماكنخافش..والا بغيتو نتلاقاو نجي بوحدي مايهمنيش..

خالد:لي بغيتي...ولكن من فضلك خليها بيناتنا..

أمين:علاش؟؟شنو كاين؟؟

خالد:حيت الثقة مابقاتش ومين تجي غتفهم مزيااان..

أمين تنهد:واخة..صافطلي فين وانا غنكون فالموعد..

خالد:واخة نتشاوفو..(قطع)صاافي..الامور هي هاديك..

كريم:لمهم تكمل معانا بيخير..

صلاح بهدوء:انشاءلله..

أمين رجع للطبلة:سمحليا تعطلت عليك..

عمر ببرود:لا خود راحتك..

أمين:اوا فين خليناها...ههه..

رؤيا فاقت من نومها العميق مرتاحة هبطت لتحت لقاتهم مجمعين طلست وسطهم كتصنت ليهم باش تفيق مزيان..اما مريم مازالة شاخرة مع راسها..

أمين عيط للدار يقولهم بلي غيتعطل..ومشى باتجاه العنوان لي صافطوه ليه الدراري...

وصل أمين بكل ثقة لحدا الغابة..فبلاصة قليل الناس يعرفوها ونزل من طوموبيلتو وهو شايفهم كلهم قبالتوو..

أمين وقف كيشوفيهم:اراو ماعندكم..

خالد خدا لملف من عند صلاح وعطاهلو:هنا كاين تقرير كيتبت بلي الفردي لي خرجت منو الرصاصة ماشي ديال كريم..حيت مامطابقينش..

أمين بدا يقرا وبسم:وشنو يضمناي بلي التقرير صحيح..وباش عرفت بلي خوك ماعندوش جوج مسدسات واحد مبينو وواحد مخبعو؟!!

كريم:الا كانو عاودولك..الصداع ماناضش غي هكاك..بالعكس..راه باك الله يرحمو جا هاجم علا ارضنا بلا علم وبغى كاع يحرقها ولكن المشكل انا بلا تفكير مشيت هزيت من الطابلو ديال الفردي وصوبت للسما باش نخوفهم ونحبس الصداع لي نايض...دونك ماكانش عندي فكرة مسبقة من قبل باش نجيب فردي اخور...زايدون التقرير تقدر تأكد منو..غي بغيت نقولك..بلي تسلسل الاحدات فيه الشك...كفاش ارضكم تحرقات!!وبعدما مات باك..وبعدها حاولو يقتلو صلاح وجات فمرتو ونجات منها باعجوبة..هادشي ماكيثيرش الشكوك؟؟

أمين عقد حجبانو:حنا اصلا ماحاولنا نقتلو تا شي حد..بالعكس من ديما خويا كيقولي بلي ماشي هو وانا مثيقو..

صلاح مربع يديه:متأكد من خوك؟؟

أمين بندية:كيفما نتا متأكد من خوك..

خالد:لمهم هادشي ماشي طبيعي...انا كنشك بلي شي حد كيحاول يزرع العداوة بيناتنا كثر لسبب من الاسباب..وهاداك هو عدونا الحقيقي..هادشي علاش عيطنا عليك..حيت هو لي قتل باك واكيد الامر كيهمك..والا كان صعيب عليك تتاحد معانا باش نعرفوه شكون..علا خاطرك..لمهم حنا غلقاوه غلقاوه صوا تجمعنا ولا كنا مفرقين..

أمين دور الهضرة فدماغو وحس بلي هاظشي فري..شي حاجة ماشي طبيعية واقعة واكيد مولاها مخبي...الشي لي وقع لخوه خلاه يحاول يفكر قبل مايدير اي حاحة..

خالد قرب لعندو:شنو تكون معانا ولا لا؟؟

أمين مازال كيفكر ويشوفيهم:واخة موافق ولكن الا عرلت بلي خوك هو لي قتل باا غيكون انتقامي منكم عسي..

صلاح:ماشي صعيبة نقدرو نعاودو التقرير فينما بغيتي وداك الساع غتأكد من صحة كلامنا..

خالد مد يديه لأمين وغي جا يسلم عليه تسمع تخرشيش وخالد انتابه مور واحد الشجرة وبلا تفكير حاول يدفع أمين وهي تجي القرطاسة فيه هو..

صلاح وكريم تصدمو وأمين كان طايح فالأرض تلف وخالد طاح علا ركابيه واكل قرطاسة فصدرو...كلهم تصدمو...

وصلاح مشى كيجري عندو:خاااالللدددد...

ناض كيجري يتبع هاداك لي مور الشجرة حيت صوت الجري كيتسمع وبدا يغوت ويوصيهم يعيطو للاسعاف...

كريم وأمين تلفو..فهاد الموقف...

أمين هز تلي كيصوني وهو كيقلب نبض خالد وكريم معنقو عندو كيحاول يفيقو..

كريم بغوات:خااالد خووويااااا...

أمين بعصبية:ي ياله ياله جاوبو..

كريم بعصبية:تأكدتي..هاهو عدونا الحقيقي..حاولو يقتلوك باش يزيدو الفتنة بيناتنا..وجاات فخوياااا ...

أمين تزير وعرف بلي اه لهضرة لي تقالت كلها كاينة...بصعوبة باش جاوبوه الاسعاف وعلمهم يجيو للدخلة ديال الفيلاج يعاونو خالد لي كينزف وسخفان حداهم...

صلاح كيجري بكل جهدو ومتبع الظل...لي سابقو..باغي يعرف شكون هادا لي دايرهم فبالو...بقى غادي موراه شوية وهو يشوف شي حاجة طاحت بزربة بدا يخفف السرعة..تا وقف وهز داكشي لقاه بزطام...حلو لقا فيه فلوس ولاكارط ناسيونال...ارتاح شوية ودارها قبالت الضو شاف السمية"علي التازي"..انتابه بلي بعد عليه بزااف تأفف..خلاه يمشي ورجع دغيا عند خوه لي ماعارفش شنو غيكون طرا ليه..لقى لومبيلونص جات...

أمين بتوتر:ش شنو عرفتيه شكون؟؟

صلاح:ياله لحقو علا خويا ونهضرو..

أمين:واخة...انا نتبعك بالطوموبيل..

صلاح هز راسو ودخل لطوموبيل..اما كريم ركب حدا خوه فلومبيلونص..

أمين سايق وكيفكر..كان ممكن تجي فيه الضربة..بقى يحمد الله لي خرج منها علا خير...ولكن فنفس لوقت بقى فيه خالد..لي ضحى بحياتو باش يبين ليه بلي ماشي هما لي دارو هاد الصدااع كامل..

صلاح غادي فالطريق كيشوف فلاكارط وحاس بلي بدا يوصل لخيط مهم فالقضية..ولكن تفكر عائلتو وخصو يعلمهم ضروري..هز تيلي وصونا علا باه..

طاهر:ألو ولدي؟؟

صلاح:لواليد...ءءء شوف راه خالد دايينو لسبيطار..

طاهر وقف مخلوع:مال خالد اش بيه؟؟

لطيفة تخلعت:مال ولدي؟؟

حسناء صفارت كتساين باها يسالي لمكالمة باش تفهم..

طاهر بصدمة:ق قرطاسة؟؟(حسناء ولطيفة دارو يديهم علا فمهم)..ص صافي اولدي هاحنا جايين دبا..ياك باقي حي..ماتكذبش عليا..خوك مازال عايش؟؟

لطيفة كتبكي وقلبها غيسكت:اهئ ولدي اهئ اهئ..

حسناء كتحاول تهدنها والدموع فعينيها..

صلاح:اه راه عايش..غي سربيو اجيو لهنا..ؤاحنا تقريبا وصلنا.

طاهر بخوف:و واخة واخة اولدي...هاحنا جايين..

قطع طاهر بزربة:ياله خصنا نمشيو...

حسناء ولطيفة مشاو موراه كيجريو باتجاه الطوموبيل وببيجامتهم..

وصلو خالد لوبيطال...

كريم خارج كيجري معاهم:بالشوية عليه...ياله سربيو..

صلاح وأمين صطالاو حدا بعضياتهم..وخرجو كيجريو موراه..وأمين شوميزتو فيها الدم..طلعو كيجريو حيت دخلو خالد الاسونسور باش يديوه لبلوك نيشان..

صلاح:كرررريم..شنو فاق ولا لا؟؟

كريم:طريق كلها وهما يحاولو معاه ولكن هو سخفان والنزيف زاد..

أمين:لمهم يولي لاباس...ربي دبا يوقف معاه انشاءلله كيفما هو نقد حياتي..

صلاح كيمسح علا وجهو:انشاءلله..

بقاو شحال غاديين جايين كيساينو شي حد يخرج عندهم..تا خرج واحد مزروب..تقبطو بيه ولكن قبل مايهضرو سبقهم..

الطبيب:محتاجين للدم ضروري!!

صلاح:انا نعطيه..

كريم:تا انا..

أمين:بعدا اينا فصيلة عندو باش نعرفو واش نقدرو نعطيوه..

الطبيب:فصيلة O-..

صلا تنهد:أنا B- ..

كريم:تا انا ماشي هادي الفصيلة ديالي.

الطبيب:اوا خصنا نقلبو علا شي حد تكون عندو يعطيه الدم.

أمين:أنا AB-..مايمكنش نعطيه؟؟

صلاح وكريم شافو فالطبيب:لا..خصها تكون غي O ..انا نمشي نشوف واش كاين فالمخزن د الدم هاد الفصيلة..

مشى الطبيب وأمين دار هز تيلي...

رؤيا هبطت بالشوية عند ماماها:أمين تعطل ياااك؟؟

رحمة:لقيتيني كنتسناه اول مرة يديرها..

ترن ترررن..

رحمة:عمرو طويل ها هو كيصوني...

رؤيا:جاوبيه...

رحمة:الو ولدي فينك تعطلتي..

أمين:لواليدة سمعيني مزيااان..(رحمة عقدت حجبانها)..كاين واحد فالطبيب دبا محتاج للدم وانا بغيت نعرف واش تقدرو تعطيوه..

رحمة:ش شكون اولدي لي محتاج للدم ماتخلعنيش؟؟

رؤيا تشوكات وبدات تصنت..

أمين بهدوء:خالد..

رحمة باستغراب:خالد!!

رؤيا حلت عينيها علا الجهد:م ماما عطيني تيلي(خداتو من عندها بلهفة).أمين خويا واش خالد الحسناوي لي محتاج الدم؟؟شنو واقع؟؟

أمين:أه ا رؤيا هو لي محتاجو..والفصيلة ديالو O+..

رؤيا:انا...انا عندي O مي ماعقلتش واش - ولا + ...صافي حنا غنجيو ضروري نعاونوه مسكين...مايستاهلش..

أمين:واخة..انا كنساينكم..

رؤيا:واخة..تييط تييييط..

رحمة:ياله وجدي راسك نمشيو ابنتي...

رؤيا:واخة لبس جلابتي ونمشيو..

مريم سمعت لهضرة كانت هابطة وتلاقات رؤيا:مالكم!!

رؤيا غادية كتجري ومريم تابعاها:خالد الحسناوي محتاج للدم فالسبيطار خصنا نعاونوه..

مريم تصدمت:خو كريم...و صلاح؟؟(رؤيا هزت راسها بزربة)لا تا انا نمشي معاكم..يقدر يصدق الدم ديالي بحالو..

رؤيا:شنو الفصيلة ديال الدم ديالك؟؟

مريم:دم وصااافي بحالكم..

رؤيا كتفسر ليها وهي كتلبس:لا راه كل دم عندو سمية...واالا كانو بحال بحال عاد تقدري تبرعي..

مريم:اه اوا نمشي ونشوف..

رؤيا:اوك لبسي هاد الجلابة وياله ..

رحمة لبست جلابتها وبدات تعيط ليهم هبطو بزربة ونجية مين فهمت شجعتهم وبقات فالدار تساينهم تا يرجعو..

وصلو عائلة الحسناوي لوبيطال...كلشي كيجري ومخلوعين..

أمين فاش شاف حالة لطيفة وحسناء بقاو فيه وتخيل ان مو ورؤيا كانو غيكونو فبلاصتهم..

طاهر:و ولدي امدرا؟؟

صلاح:محتاجين الدم.(كيقلب فيهم)فين آلاء؟؟

لطيفة:نعطيه اهئ اهئ خودو دمي كامل لمهم يعيش..

حسناء كتمسح عينيها:ناعسة فالدار..مافيقناهاش جينا بزربة..

كريم:ماتبكيش ا ميمتي..غيولي بيخير ..الطبيب قال غيمشي يشوف فالمخزن الا لقى الفصيلة كاينة غيعطيوه الدم..

طاهر:وعلاش مانتبرعوش ليه حنا؟؟

صلاح:حنا مانصلاحوش بعدا..بثلاثة بينا تا واحد ماعندو فصيلة الدم ديال خالد..

طاهر ومرتو وبنتو عاد انتابهو لأمين حداهم ولكن خوفهم علا ولدهم مخليهم تالفين..

رجع الطبيب بزربة:الصراحة مالقيناش الدم المطلوب...اصلا فصيلة الدم ديالو نادرة بزااف..

حسناء:ومايمكنش شي فصيلة خرا تعطيه؟؟

الطبيب:O- هي الفصيلة الوحيدة لي كتعطي كلشي ولكن كتاخد غي من O-...

كلهم تصدمو وقدرو الوضع مزيان..

أمين هضر بزربة:الا كتعرفو شي حد ولا عائلة يجي يتبرع..

صلاح:داكشي لي غندير..نعيط للرجال لي معانا فالخدمة وماغيترددوش..

طاهر:سربي اولدي عااافاك..

الطبيب:بسرعة عافااكم..انا ندخل نشوف وضع الرصاصة؟؟

كريم:حقى فين جاتو؟؟

الطبيب:زكلت لقلب علا شوية..(كلهم تنهدو)انشاءلله ربي ينجيه..

لطيفة كتبكي:ياربي 😭😭😭..

أمين وقف حدا حسناء:ونتي ماتقدريش تبرعيلو؟؟

حسناء:انا AB..

أمين تصدم:تا انا..

حسناء حدرت راسها ومشات تشد فماماها..

صلاح كيدير اتصالاتو وهو متوتر بزااف...عيط لآلاء ماجاوباتوش كااع تعصب ورجع صونا علا نسيم لي ماتأخرش يجي يعاون..

أمين علا عينيه علا غفلة وانتابه لختو ومو ومريم جايين بزربة..

رحمة بخوف وهي كتشوف فالدم لي فشوميزتو:و ولدي اش واقع؟؟تا نتا فيك شي حاجة؟؟ماتخبيش عليا؟؟

أمين:ماتخافيش انا بيخير..هادا الدم ديال خالد..

رؤيا:مافهمتش؟؟

أمين:من بعد ونهضرو فهادشي..اجيو معايا..

رؤيا مشات عند لطيفة:خالتي...الله يزيد فراحتو!!

صلاح غي سمع صوتها دار بزربة وهو يتصدم..كان كلشي تما من داك العائلة جايين يوقفو معاهم..

كريم بسم لا اراديا وهو كيشوف فمريم لي جات واخة كلشي دارو فيها ..

مريم عنقت حسناء:نشاءلله يولي لاباس..

حسناء:ياربي امين..

الطبيب خرج:شنو مازال ماتوصلتو للدم؟؟

رؤيا:انا(كلهم شافو فيها)عندي O ولكن نسيت واش سلبي ولا ايجابي..

الطبيب:اوك ياله معايا دبا..

مريم:تا انا غنمشي..

الطبيب:واخة..

كريم وصلاح وقفو مصدومين من الموقف..صلاح كيخبع تيلي بالعد البطيئ بقوة لي ماتوقعهاش فيهم مي ديما كيغلبوهم بهاد المواقف..

لطيفة كتبكي:الله ينور طريقكم اهئ اهئ الله يديم شبابكم ويطول فعمركم ابنيتاتي اهئ اهئ..

رحمة جلست حداها:هادا واجب اختي...مافيها والو الا تعاونا شي مرة..(شدتلها يديها)دعي معاه..دعوتك ماغيكونش ماحسن منها فهاد اللحظة..

لطيفة كتشوف فالسما:ياااربي اهئ اهئ نجيه ورجعولي بالسلامة..

كلش:آمييييين..

رؤيا جلست علا لباياص خداو ابرة صغيرة ومشاو:هااء هادشي لي غتاخدو؟؟

الطبيب:لا..تا نشوفوك واش مامريضة ماوالو بشي حاجة وعاد ناخدو الدم الكافي..

رؤيا عاد فهمت:اه واخة..

مريم نفس الشي ولكن كتخاف من الابرة غي دارهالها دورت وجهها وشادة فرؤيا تا سالاو وماحساتش ههه..

مريم:ص صافي؟؟

لممرضة:صاافي..تقدرو تمشيو ومن دبا شوية نشوفو واش كاين تطابق ولا لا..

رؤيا:اوك..ياله امريم..

رجعو لبنات وخبروهم بلي من دبا شوية يعرفو واش يقدو يتبرعو ولا لا..

صلاح شاف فرؤيا لي معلية لكم وبلاصة الشوكة فيها ضمادة كتقادها عليها..بقى مركز فيها وناسي راسو..

اما كريم فيه الدودة ماكرهش يعنق مريم ويطلب من السماحة حدا كلشي حيت بانت بلي بنت الناس وحسساتو قداش كان حقير فاش سمح فيها..

شوية والطبيب جاي..كلهم وقفو مخلوعين..

كريم:د دكتور..شنو؟؟

الطبيب بابتسامة:مريم...انتي عندك نفس الفصيلة...

كلشي فرح وتا مريم نسات بلي كتخاف من الشوكة لي كيضربو:الحمدلله..

كريم بقى مبتسم كيشوف فمريم بحب وفرحة..

رؤيا:وانا؟؟

الطبيب:نتي عندك O+ يعني ماتقديش..ولكن واخة كون كانت عندك نفس الفصيلة مايمكنش تبرعي..

رؤيا تبدلو ملامحها وتوترات..وكلهم ركزو معاه وكيشوفي فيها..

اما صلاح هضر والخوف باين عليه:علاش ادكتور...ياك لاباس؟؟

الطبيب شافيها وهضر:مايمكنش تبرعي....حيت نتي حاملة!!..

كلهم حلو عينيهم علا الجهد..

صلاح نطق مشوكي:ح حاملة؟؟

الطبيب:اه..داخلة فالاسبوع الرابع...مبروك...

رؤيا غي سمعت الهضرة ماقداتش تصبر وهي تسخف ليهم تما شدها غي أمين لي كان قريب ليها..

رحمة بخوف:بنتيييي...رؤيااا...

الطبيب مشى كيعيط علا الطاقم..

أمين كيحاول ينوضها وصلاح جا مزروب غيموت بالخوف عليها هزها فلحظة بين يديه وبدا غادي بيها لبيت خاوي وكيغوت علا لممرضين..

صلاح:عتقونا...مرتي سخفت..

أمين سمع ولكن ماعلقش عرف بلي صلاح خاف عليها..

لطيفة ورحمة خافو عليها وهي مسكينة غايبة حداهم..

الطبيب:دكتور تكلف بالسيدة حاملة وسخفت هنا..

دكتور:اه واخة..جيبها لهنا!!

دخلها صلاح لبيت قريب وحطها فوق الفراش..وعائلتها تابعينها تا حبسهم الدكتور وبغى يخرج تا صلاح..

صلاح:انا بغيت نبقى معاها..

أمين شافيه:صلاح...خرج خلي الدكتور يدير خدمتو..

صلاح هنا تزير وعرف بلي أمين ماقصدش الدكتور ولكن قصد أنه مابقاش مزوجها..

صلاح حدر راسو كيشوف فرؤيا فوق الفراش..خرج وتنهد واقف حدا لباب..

مريم مخلوعة:غتكون مزيان ياك؟.

رحمة:اه انشاءلله..ابنتي..

الطبيب:اجي معايا ا مريم راه الراجل محتاج الدم..

كريم:تا انا غنمشي معاكم..

شافت فيه وحنات راسها وهو بسم وتبعهم..

طاهر حط يديه علا صلاح:مبروك ليك اولدي..ماتخافش غتولي لاباس..

صلاح هز راسو تالف..

لطيفة كتبكي:الله يجعلو بشرة خير علينا اهئ اهئ..

حسناء بابتسامة:انشاءلله...

كريم دخل هو ومريم لغرفة التبرع..جلسوها وهو واقف مربع يديه خايف عليها..

وهي غي شافت الحقنة غدخل ليديها تجبد الدم غمضت عينيها ودورت وجهها وهو يمشي قبالتها..شد ليها يديها وهي تشوفو بسم وزير عليها وهي حست باحساس زوين أول مرة تحس بلي شي حد مساندها فشي لحظة خايفة وجاياها صعيبة..بقات كتشوفيه ومخليا الدم غادي غيعمر الساشي..

الدكتور فحص رؤيا وخرج عندهم...

صلاح:امدرا؟؟فاقت!!

الدكتور:لا مازال..خصها ترتاح..بلاتي وغتنوض..

رحمة:نقدر نشوفها؟؟

الدكتور:اه ولكن من الافضل تخليوها مرتاحة..

رحمة:واخة اولدي...

دخلت رحمة عندها وصلاح كيشوف من علا برا ماكرهش يدخل تا هو ولكن الظروف مانعاه...تحسر وبعد من حدا لباب حيت الا بقى تما غيدخل واخة مامحقوش يدخل عندها دباا..

رحمة مشات باست بنتها وبقات حداهت كتفمر مع بالها"الله الله ابنتي..شنو كتاب عليك..الله يسر ليك الامور وصاافي"..

طاهر حط يديه علا كتف ولدو ورجع عند لطيفة لي تالفة مع ولدها لي فالعمليات...وفلحظات جا الدم ودخلوه ليه..

حسناء واقفة مقنتة بوحدها وأمين مقابلها كيشوفيها وبدا يشوف بلي فري العلاقات بين هاد جوج عائلات بدات توطد بلا مايحسو...

كريم بقى جالس حدا مريم كيساينها ترتاح باش ترجع لعندهم..

كريم:سمحيلي!!

مريم حدرت راسها:علاياش؟؟

كريم:حيت سمحت فيك بداك الطريقة ولكن كنت ماباغيش نجرحك..كنت باغيك تكرهيني حيت بالنسبة ليا زواجي بيك مستحيل مع المشاكيل لي كانت بين عائلاتنا..واصلا مافخباريش بلي خويا تزوج بنت خالتك..كانو مخبيين عليا...

مريم بهدوء:وشنو لفايدة...نتا اصلا لي قتلتي راجل خالتي..

كريم عينيه حمارو:لاااا والله ماقتلتو..وتا أمين دبا عارف..كاين شي حد لي بغى ينوض الصداع بينا وبينهم..انا ماقتلتوش غي حاولو يلصقولي التهمة..دبا بيني وبينك انا نقدر نقتل؟؟

مريم ببرائة:تا انا ماثقتش والله و ولكن...

كريم بابتسامة:حيت كتبغيني(تلفت)وعارفاني مزيااان..اكيد غتكوني متأكدة بلي ماشي انا لي درتها..

مريم:والله ماعرفت..تلفت..

كريم شدلها يديها:ثيقي فيا..انا راه عمرني بغيت من غيرك ولا كنت باغي نخليك غي الظروف..سمحيلي وكنواعدك ندير المستحيل باش نكونو بجوج..

مريم بفرحة ودموع فعينيها:بصااح؟.

كريم:والله هههه..

دازت مدة ماقصيراش تا خرج الطبيب:الحمدلله..دبا ولدكم تعدى مرحلة الخطر..

لطيفة بفرحة:حمدتك ياربي وشكرتك..

حسناء عنقتها فرحانة وطاهر شاد يد ولدو مبسم...

كريم رجع مع مريم باين فيهم الفرحة وناسيين شنو واقع كاااع هههه..

كريم مشى عندهم بزربة:شنووو قال الطبيب؟؟

صلاح بابتسامة:حمدلله ولا بيخير...(شاف فمريم)شكرا اختي...

مريم بابتسامة:درت غي لواجب..

كريم:لا درتي كثر الله يخليك ليا...ءءء زعما لينا ...

مريم تزنكت وحنات راسها حشمانة وكلهم شكو فيهم من نظراتهم المفروشة خخخخ..

أمين خرج من بيت ختو رؤيا وخلا رحمة معاها..شافهم فرحانين..

أمين:اوا خبار لخير!!

صلاحف:تعدى مرحلة الخطر..

أمين بفرحة:بصاااح؟؟(صلاح هز راسو وهو يعنقو بيدو)علا سلامتووو..

صلاح بسم وكريم عجبو لحال بدات الامور تحل بين العائلات باش تا طريقو مع مريم تقاد ههه..

طاهر:كيف بقات رؤيا؟؟

صلاح شاف فأمين كيساينو يجاوب..

أمين:مازالة ناعسة..خليها حسن باش ترتاح..

صلاح حدر راسو:انا غنمشي نشم الهوا ونرجع..

كريم عرف خوه مقصح:نمشي معاك؟؟

صلاح بهدوء:لأ...

مشى قدامهم وتا أمين حس بيه ولكن فات لفوت..الزواج تسالا وماعندهم مايديرولو..

أمين قرب عند لطيفة وحسناء قدامها:الحمدلله علا سلامتو(كيشوف فحسناء بلا عياقة)ء خالتي...

حسناء تزنكت وحدرت راسها مرة مرة طلعو فيه حشمانة..

لطيفة:شكرا اولدي...شكرا لوقفتكم معانا..

أمين بابتسامة:ماتقوليش هكا...حنا انشاءلله من دبا لفوق عائلة وحدة..وراك شفتي الروابط غادية وكتكثر..(غمز حسماء بلا عياقة وهي دور وطهها كضحك مع الجنب بحشمة)..

لطيفة:اهاه اولدي نتشرفو...

كريم خصو غي لفرصة..يدور ويقرب من مريم ولكن هي هربتلو ودخلت تطل علا رؤيا..

صلاح خرج علا برا كيتنفس بزز...شحال صعيب تحس بحبيبك محتاجك ونتا ماقادرش تكون قدامو..

مريم حطت يديها علا كتف خالتها كتهضر بالحس:خالتي...مافاقتش؟؟

رحمة بهدوء:لا..ولكن غي خليها مسكينة(عينيها دمعو)ماعندها زهر بنتي..الله يسر ليها الامور..

مريم كتهدنها:ماتقوليش هكا..ماعرفتي هاد لبيبي لي جاي يصلح الامور بيناتهم..

رحمة:ماعرفتش...

خرجو خالد من لبلوك مسكين مبنج دوزوه من حداهم بقاو غاديين معاه تاوصلوه للعناية المركزة..وبقاو علا برا كيطلو من السرجم...

أصبحنا وأصبح الملك لله..

صلاح متمي راسو علا الحيط وكريم جاب فيديه قهوة كحلا فيديه..

كريم:هاااك..

صلاح:شكرا..

كريم:مازال مافاقت رؤيا؟؟

صلاح:والله ماعرفت..

كريم:اوا سير شوفها..

صلاح بحسرة:شكون انا باش نشوفها..راك عارف لي كاين..

كريم:عارف ولكن نتا بابات لبيبي لي جاي..يعني من حقك تشوفها..

صلاح بسم:زعماااا..

كريم بابتسامة:ء غير سير..أمين ولا ديالنا ههه..

صلاح عطاه لقهوة:اوك..نديرو هاد لمرة رايك..شنو خاسرين خخخخ..

كريم:ياااك ياااك ههه اوا نستاهل ههه..

مشى صلاح كيضحك وداير فبالو يشوفها بأي طريقة..

حسناء خرجت من لبيت لي خداو وخلات ماماها ناعسة..مشات جيهت الطواليط وهي تلاقا أمين..

حسناء بدات تقاد شعرها بزربة وتمسح عينيها:ص صباح لخير..

أمين:صباح نور..كيصبحتي؟؟

حسناء:حمدلله..حقى فاقت رؤيا؟؟

أمين:لا مازال..وخالد؟؟

حسناء:تاهو..ياله انا ن ندخل نغسل وجهي..

أمين شدها من يديها وهي توترت شافت فيديه وفيه:انا فرحان(شاف فعينيها)برغم كلشي..تقاربنا من بعضياتنا مخليني فرحان بزااف...

حسناء تصدمت بهضرتو وفنفس لوقت فرحت بزااف:تا انا..

أمين بسم:ياله دخلي غسلي وجهك..راه عامرين عينيك بالعماش ههههه..

حسناء تزيرت هو خلاها ومشى..دخلت كتجري للحمام مالقات والو ضحكت علا راسها لي ثاقت فيه ههه..

صلاح وصل تما دق ودخل بهدوء:صباح لخير..

مريم:صباح النور..

صلاح:عافااك ممكن تخليني معاها..

مريم حست بيه:اممم اكيد..

خرجت بزربة وهو غي شدت لباب مشى حداه جلس فكرسي حدا لفراش وهز يديها عندو باسها..بين يديه بجوج...وبعد تأمل طويل فيها وابتسامة نابعة من القلب وهو قدامها..نطق..

صلاح بصوت حنين:توحشتك بزااف...

آلاء فاقت مدوخة..مع كانت شربت دوا دالنعاس...دخلت للدوش باش تصحصح..لبست عليها وهبطت...وهنا تفاجئت بلي تا واحد ماكاين..

آلاء:فاطنة...فاااااطنةةة..

فاطنة:نعام ا لالة..

آلاء:فين كلشي..

فاطنة باستغراب:علا مافخباركش؟؟

آلاء:لا شنو كاين؟؟هضري..

فاطنة:ولدي خالد ضربوه بالقرطاش ومشاو عندو للسبيطار..

آلاء غوتت:اويليييي...وعلاش مافيقتونيش وعلاش ماقالوهاش ليا؟؟

فاطنة:تا انا مين جيت الصبح عرفت...والله..ماعرفتش ابنتي..

آلاء ماتصنتتش وطلعت كتجري لبيتها كتلبس وحيدت صيلونص لتيلي ولقات اتصالات بزاااف من صلاح عضت شنافتها وعرفت بلي كفساتها بالبيان..هبطت دغيا وعيطت للشيفور يوصلها عندهم..

علي فاق كيتكسل..ناض من بلاصتو غسل وجهو ومشى عند طارق..

علي:آهيااا..نوض وجد لفطور..

طارق:خليني نعس..صباحاتو لله..

علي:ا تااا نوض..واش ديما انا نوجدلك..تحرك شوية..نمشي لبس نجي لقاه واجد..

طارق تأفف:ينعل بووو السكنى معاك...

ناض كيتأفف وعلي جبد سروال وشوميز وفيست يلبسهم..مشى لسروال لي كان لابسو باش ياخد وراقو وبزطامو وهنا عقد حجبانو مين مالقاهش..

علي:هاء فين مشى هادشي..

بدا يقلب ويعاود ويدور بعينيه ووالو ماكاينش ليه الأثر...

صلاح حط يد رؤيا تحت فمو وهو شادها بين يديه..بين كبمة وكلمة كياخد وقت..

صلاح:خلتعيني عليك بزاااف..فيقي...تشهيت نشوف....عويناتك...

رحمة رجعت لجيهة لبيت لقات مريم علا برا..

رحمة:شكاديري هنا..خليتيها بوحدها؟؟

مريم توترت:ءءء لاااا..غ غي ...

رحمة:غي شنوووو؟؟

مريم:لااا راه ص صلاح معاها..

رحمة خنزرت فيها:واش بصااح؟؟و

...علاش خليتيه معاها؟؟انا ندخل عندهم..

مريم:ا لاااا..هو بغى يهضر معاها شوية..خليهم ا خالتي شوية..يقدرو يتصالحو..

رحمة:والا ماتصالحوش..يفقصها ويعصبها ياااك...

مريم:اوا نتمناو خير...

أمين جا:مالكم؟؟

بجوج بيهم تلفو:ءءء ..

أمين:علاش مخليين رؤيا بوحدها؟

رحمة ومريم كيشوفو فبعضياتهم..

صلاح:رؤيااا...فيققييي..

رؤيا بدات تحل عينيها وهو بسم...

رؤيا غي شافت لقاتو قدامها شاد فيديها:ص صلاح؟.

صلاح بسم:كيصبحتي؟؟

رؤيا بتوتر كتشوف فيديها لي شادها بين يديه:ءء حمدلله(بدات كتحيد يديها منو وهو ماضغطش عليها)..

صلاح:خوفتينا عليك..بزااف..

أمين دفع لباب ودخل وصلاح شافيه عاقد حجبانو..

أمين مين ختو فاقت وتخلعت فاش حل لباب برد:ختي علا سلامتك..

رؤيا:ا الله يسلمك..

صلاح:انا جيت نطمن عليها وصاافي..نيت خصنا نهضرو..

أمين:وفاش غتهضرو؟؟ياك طلقتو ا صلاح!!

صلاح وقف كيهضر بهدوء:ولكن دبا كاين شي حاجة جديدة تزادت..خصنا نفكرو فيها..

رؤيا غي كتشوفيهم ومريم ورحمة واقفين حدا لباب..

أمين:عاارف..ولكن ماشي دبا..راك كتشوفها عيانة وخصها ترتاح..

صلاح حدر راسو:واخة ..انا كنعذرك ومن حقك...(شاف فرؤيا)انا غنمشي دبا..ولكن ضروري خصنا نهضرو..وهادشي ماغادي يضر تاواحد كنظن..ومن حقي...

رحمة:اه اولدي من حقك..غي خليها تولي لاباس وهضرو..

صلاح شافيها:الله يزيد فراحتك..

رؤيا:ش شكرا..

خرج صلاح من حداهم بخطوات متباطئة..حاس بلي زادو الحواجز بزااف.ماكانش خصو يطلقها..يمكن كون صبر لنهار الجلسة الحقيقي..كان عرف بحملها وكون رجعها ليه...

آلاء وصل لوبيطال كتسول تا طلعت عندهم...لقات صلاح مجمع معاهم كلهم حيت فاقو..

آلاء بخوف وتوتر:سلام...(كلهم شافو فيها)

صلاح وقف مخنزر:نتي فين كنتي تالدبا؟؟.

خرج علي جاعر من بيتو:طااارق طااااااارق..

طارق كان كيطيب أتاي:ء مالك تاني؟؟

علي:ماشفتيش بزطامي؟.

طارق:لااا..

علي بعصبية:شوف الا كتفلا ولا باغي تقشب راه مافيا لي يضحك دبا..

طارق:شبيني وبينك نقشب معاك علا الصبح...بزطامك ماشتوش..شوف نتا فين حطيتيه!!

رجع طارق لكوزينة يكمل لفطور وعلي يدور ويقلب غيتسطى بوحدو...

أمين ورحمة قربو حدا رؤيا..

رحمة:كيصبحتي ابنتي!!

رؤيا مقهورة تفكرت كلشي لي داز لبارح:حمدلله..

أمين جلس حداها:شوفي كلشي غيتقاد..ماتزيريش علا راسك..

مريم:اه أمين عندو الحق..ومابعد الضيق الا الفرج..

رؤيا:ونعم بالله..

صلاح واقف داير يديه فجيابو وكيهضر بحدة:هضري!!

آلاء بدات تفتف:ع علاش ماقلتوهاش ليا...كون فيقتوني من النعاس و...

صلاح:علا مالك ناعسة فبير..الصداع كان فالدار ونتي لا منتمي وزايداها نصونيلك ونتي والو واش تجاوبي...مالك ميتة؟؟

آلاء بتوتر:ل لا والله شربت دوا النعاس حيت راسي كان ضارني..وماحسيت بوالو..

صلاح طلع فيها وهبط ودار يرجع لبلاصتو..

آلاء جلست حدا لطيفة:امدرا...شنو وقع؟؟ياك بعدا ولا لاباس؟؟

لطيفة جاوبتها بثقالة:حمدلله دبا..

آلاء حست بلطيفة ماعاملاتهاش مزيان تركنت وسكتت...

حسناء جات عندهم:مازال مافاق؟؟

طاهر:مازال ء بنتي..ولكن الطبيب قال شوية ويفيق..

حسناء شافت فآلاء لي ياله جاية:و رؤيا!!طليتو عليها؟؟

آلاء علات راسها مشوكيا:رؤيا؟؟؟علا ت تاهي هنا؟؟

حسناء طلعت عينيها لفوق ورجعت هبطتهم فيها:آه كاينة..و...

لطيفة حبستها:حسناااء....

حسناء سكتت وجلست..

كريم بالحس:لسانك كياكلك..

حسناء:اوا هي لي ياله جاية..

كريم:هنينا من الصداع علا الصبح..

تأففت حسناء وربعت يديها منفخة..

آلاء ناضت عند صلاح:قولييي علاش رؤيا تاهي هنا؟؟

صلاح:آلاء سيري جلسي مافيا لي يدي ويجيب فالهضرة..

آلاء:هاااء ولكن ا انا بغيت نفهم قولييي..

صلاح تعصب جرها من يديها جرا قاصحة ومخرجها معاه وهي مافاهماش علاش داير ليها هكا ومقصحة فيديها..

كلهم تهناو حيت ماخلاهاش حداهم لادير شي شوهة..

علي كيقلب بحال شي حمق:لاا مايمكنش..فين غيكون مشى..

طارق:ء مالك كتهضر بوحدك..حماقيتي هههه..

علي جلس كيتنفض ويحك فراسو كيحاول يتفكر ولكن غي عقل بلي جرى فالغابة ليلة لي قبل قفز من بلاصتو..تخيل بلي ممكن يكون طااح ليه البزطام تما..تعصب بزااف ولا حمار فوجهو..ناض كيجري ومشى لعند الشاف ديالو يعلمو..

صلاح نثر يد آلاء تا وصل علا برا..

آلاء غوتت:مالك..علاش كديرلي هكا...شنو درتلك..غي حيت سولتك تعصبتي عليا!!

صلاح بعصبية:حيت لسانك ماكيدخلش لحلقك..حيت كلامي عندك زايد ناقص..(زاد عندها محمر فيها)علاش فاش كنقولك سكتي ماكتسكتيش..خصك تا نتعصب ونغوت عاد تسمعي هضرتي؟؟!ءءءءء...

آلاء تخلعت منو:غ غيرتي علبك ء صلاح كدير فيا هكا والله..ماقديتش نصبر فاش عرفت رؤيا تاهي كاينة هنا..وماقلت والو بغيت غي نع...

قاطعها:رؤيا حاملة..(آلاء تبلوكات فبلاصتها)حاملة مني...صافي تهنيتي دبا!!

آلاء عينيها تعمرو بالدموع:ك كفاااش حاملة منك؟؟ي ياك نتا طلقتيها!!

صلاح كيمسح علا وجهو:طلقتها ولكن هي دبا حاملة..ماتنسايش بلي كانت مرتي..

آلاء بصدمة:و ولكن مايمكنش..اذن خ خصها طيحو...

صلاح تزير:ءءء..شنو كتخرفي...ولدي انشاءلله غيجي للدنيا..فهمتي؟؟اخر مرة تقولي هاد لهضرة..

آلاءوالدموع فعينيها:و انا وزواجنا...واش باغي تقتلني بالفقصة اهئ اهئ مانقدرش نتحمل..

صلاح:وانا مانقدرش نضيع ولدي ونقتلو وهو صغير..زايدون ماغاديش نحاول نزيد العداوة بينا وبينهم...انا باغي نحيدو الصدااع ماشي نزيدوه..

آلاء كتغوت:اه قووولهااا..قول بلي خصك غي السبة باش تبقى تشوفها(كتمسح عينيها وكترجف)وباش تبقى بيناتنا طول حياتنا...قولها!!

صلاح غوت:باركة من المرض..اوووووفف مرضتيني علا الصبح..ودبا الا ماسديتيهش وتقبلتي لي كاين..نتي لي غتجيبيها فراسك..

سمح فيها وخلاها غتحماق بوحدها..وتحلف بلي غتنتاقم من رؤيا باي طريقة..ولكن نسات بلي هي كتزيد تكحل صورتها قدام صلاح وكتخليه ينفر منها كثر وكثر..

طلع صلاح وهو يلقى لبوليس واقفين مع باه وخوه كيسولو علا لي وقع..

صلاح:سلام..

لبوليسي:سلام...لمهم حنا جينا ناخدو أقوال سي خالد..مي لقيناه مازال مافاق..

صلاح:اه ولكن انا كنت حاضر علا الحادثة انا وخويا وعندي ليك دليل زوين..

لبوليسي:اهاه قول..

صلاح جبد لبزطام من جيبو:هادا لقيتو فاش بقيت تابع خيال الشخص لي ضرب خويا بالقرطاس...وفتحتو ولقيت تا لاكارط ناسيونال ديالو..

لبوليسي:اهااا اوك مزيان..وخالد عارف هادشي؟؟

صلاح:خالد كيف تضرب كيف تبعت لاخور...ماعرفتش مي يمكن هو يكون شاف الشخص..حيت الضربة كانت مقصودة لشخص اخور وهو طاكاها عليه..

طاهر تصدم:ءء شكون؟؟

كريم:من بعد ونعاودولك كلشي..

صلاح:اه الضربة كانت مقصودة لأمين الطراشن...كلن معانا كنهضرو وبغاو يقتلوه(حك بين عينيه)وراك سامع اكيد بالعداوة بينا وبينهم..داكشي علاش خاولو يزيدو يشعلوها..وتالدبا ماعارفينش فين باغيين يوصلو..ولكن كنظن فيدينا خيط قوي يقدر يوصلنا ليهم..

لبوليسي:اه اكيد..لمهم حنا غنديرو لبحث ديالنا..وشكرا علا الصراحة ديالك..واكيد فاش يفيق خالد ويرتاح علمونا ناخدو أقوالو..

صلاح:اه اكيد(تسالمو)بسلامة..

علي دخل لمكتب لبوص كيجري..

علي:الشاف...وقع غلط كبير خصك تعرفو..

الشاف عاطي بالجنب ووجهو ماكايبانش:شنو تاني؟؟

علي حنى راسو:بزطامي طااح فلبلاصة لي ضربت فيها خالد..

الشاف وقف وغوت بأعلا جهدو:كفاش؟؟؟واش كتهضر من نبتك ولا كتفلا؟؟

علي بتوتر:ا اه..ياله انتابهت بلي ماكاينش وتفكرت بلي لبارح تبعني واحد فيهم هربت ليه غي بزز ولكن لمشكل فبزطامي لي طاح داك الساع وماحسيتش بيه..

الشاف ضرب فوق الطبلة ورجع لاح الكرسي:ولاش جلي عندي انا دبا!!الا كانو ساقولك لخبار تبيني تا انا فالصورة؟ءءء شنو هاد الغباء!!

علي:هادشي لي هامك دبا..ماهامكش نمشي فيها انا كفتة؟.

الشاف:وانا مالي؟؟انا قلتلك تطيح بزطامك نتا عطيتيهم دليل قاطع بالسمية بالمكان..وجاي لعندي...

علي بخوف:و ودبا شنو لحل عتقني عاافاك..

الشاف حل لمجر وجبد منو رزمة دالفلوس:عااك هادو وغبر فمرة فهاد الساعة...تا يجي لوقت المناسب ونعيط ليك فتيلي لاخور..

علي هز لفلوس:واخة...ماشتيني ماشتك..ولكن ماتنسانيش راه هاد لفلوس ماغيبقاوش ديما..

الشاف تعصب:وا صاافي تقلع وحاول مايشوفك حد هنا...ياللله سير...

خرج علي كيجري والشاف جلس معصب:باش محزم انا...ياااودي...

هز تيلي بلا تفكير وعيط لواحد منهم:شوففف هنيني من علي...نبغي نسمع خبار موتو من هنا لعشية.....راه غتلقاه فالخرجة..مشى من عندي ياله دبا...تيييط تيييط..

حط تيلي وتنهد كيدور فالكرسي بالشوية باش يتكالما..

آلاء مشات لريسيبشن كتسول علا بيت رؤيا تا عرفاتو وطلعت عندها..

دق دق..حلت لباب:ممكن ندخل؟؟

رحمة ورؤيا تشوكاو..اما مريم خنزرت فيها ماحملاتهاش..

رؤيا:دخلي..

آلاء بهدوء:عرفتك مريضة قلت نجي نشوفك..

رؤيا بهدوء:ش شكرا..

آلاء شافت فيهم:ممكن تخليوني معاها شوية؟؟

مريم:لا مايمكنش حيت هي مريضة ومابغيناهاش تزيد تمرض..

رؤيا بحدة:مريم!!(شافا فيها)خرجو عافااكم..

رحمة ناضت:واخة ولكن انتابهي لراسك..

رؤيا هزت راسها بالايجاب:واخة..

خرجو وآلاء متبعاهم بعينيها:عرفت بلي نتي حاملة من راجلي..

رؤيا:تا انا مان راجلي غي طلقنا..

آلاء حدرت راسها وقربت عندها:رؤياا..انا جيت نرغبك(عينيها دمعو)عاافااك ماتفارقينيش عليه...صلاح كل ماعندي..مانقدرش نعيش بلا بيه...اهئ اهئ من صغري(رؤيا عقدت حجبانها وتأثرت)ماتو واليديا...كنت وحيدة ولكن فاش تلاقيت بصلاح..خلاني نسى اليتم ديالي..وعرفت بلي الله عوضني بيه...عاافاك ماتقتليش اخر امل مخليني عايشة..

رؤيا تقصحت فقلبها:و وشكون قالك انا غندير هادشي؟.

آلاء:حيت نتي حاملة...وتقدري ترجعيلو...وانا والله مانقدر نعيش مع راجل مزوج من غيري..نموت اهئ اهئ..

رؤيا بحكرة:ماتخافيش تا انا مانقدرش نعيش مع راجل انا ماشي مرتو الوحيدة..

آلاء بصدمة:ش شنو يعني ماغترجعيلوش؟؟

رؤيا بحزم:لأ غي رتاحي...صلاح ماشي ليا وانا تقبلت هاد لفكرة شحال هادي..وولدي ولا بنتي..غنربيهم بوحدي..وباهم يشوفهم مرة مرة..ماعنديش مشكل..

آلاء فرحت:ب بصااح ولا كتفلاي عليا؟؟

رؤيا:غي رتاحي...راجلك غيبقى ليك..حيت تا انا مايرضينيش نرجع لراجل علا حساب ولدي ولا نبني سعادتي علا تعاستك نتي وياه..

آلاء عنقتها بالفرحة:الصراحة فاجئتيني!!الله يعمر ليك الدار ويعوضك بماحسن من صلاح..

رؤيا:ماخصني حد هاد الساعة شكرا..

آلاء:اوك مي هاد الهضرة خصها ماتبدلش شن ماقالك صلاح..

رؤيا تنهدت:راه قلتلك لي كاين..وصلاح ماغيقدرش يفرض عليا نرجعلو وانا ماباغياش..

آلاء:اممم عندك الحق...ياله..نخليك دبا..ولكن يبقى بيناتنا هادشي..

رؤيا:اممم كوني هانية...

خرجت آلاء من لبيت بابتسامة ومشات كتمسح دموع التماسيح لي اصطانعاتهم قدام رؤيا.وكتهضر بوحدها..

آلاء كتعوج فمها:نربي ولدي ويشوفو فوقما بغى...غي بلاتييي عليك(كتحلف فيها)تا يبقى عندك لولد عاد يجي يشوفو صلاح...لمهم دبا نضمن انك ماترجعيلوش والولد..حااالووو ساااهل خخخخخ...

أمين مشى عند حميد..عاودلو كااع المستجدات باش يكون فالصورة وباش مايخليهش بعيد علا الاحداث...

حميد حاط يد علا يد كيعقد حجبانو كلما كيسمع شي حاجة كتصدمو..

حميد:هادشي كلو دايز من تحتنا وحنا ماسايقين خبار..اووف..

أمين:اوا هادشي لي عطى الله..

حميد:لا حول وقوة الا بالله..شووف حمدلله لي مادرت والو فداك العائلة..كل تأني من خير..

أمين بهدوء:داكشي..ولكن بغيت نهضر شكون هاد ولد الحرام لي باغي يشقلب حياتنا ؟؟وشنو غيستافد؟.

حميد:ماعرفت..اووف حاس براسي خويت بيكم فاش حتاجيتوني تفووو..

أمين:ماتقولش هكا..لمهم حنا دبا اتاحدنا وكنحاولو لقاو اي حاجة تقدر توصلنا للعدو..

حميد دارت فدماغو وهو يهضر:بلاتي بلاتي..كنت لقيت واحد الحاجة فالارض بعدما تحرقت..ولكن ماعرفتش واش تقدر تفيدنا ولا لا؟؟

أمين بلهفة:ش شنو؟؟

حميد:بونتا ديال سيجاار..لقيتها فالارض..

أمين حل عينيه:لااااا ماتقولهاش...

حميد:اه والله..راها عندي فبيتي..

أمين بدا يدور الاحداث فدماغو:و ولكن انا فايت سمعت بلي صلاح كيكمي السيجار تا هو...

حميد:ماعرفتش...لمهم انا ماقستهاش بيدي..هزيتها بمنديل وحطيتها فبلاستيكة...

أمين بسم:اوا مايتسالكش هههه..برافو عليك..

حميد ترخى ورجع لور:اوا باش مايسحابلكش راني ساهل ههه الافلام ومايديرو..

أمين:ههه مزياننن..ياله قولي فين حاط السيجار..اصلا كاينة واحد الحاجة سميتها الحمض النووي ديال الشخص لي كان كيكميها..نقدرو نعرفو مول لفعلة..

حميد:واخة..انا غنقولك فينن....

آلاء رجعت جداهم كتسلمس بحالا مادايرة والو:شنو فاق خالد؟؟

حسناء:مازاال..

شوية وتسمع الصوني فتيلي ديالها..شافت شكون وهي تزير..

حسناء خنزرت فيها:جاوبييي..

صلاح انتابه وداير فيها نص شوفة..

آلاء بتوتر:ل لأ ماشي مهم..

خرج الطبيب من عند خالد:راه فاق علا سلامتو..

لطيفة:حمدلله ياربي..

طاهر:ندخلو نشوفوه ؟؟

الطبيب:اه ولكن من الافضل ماتعبوهش بزااف..

كريم بابتسامة:لا كون هاني..مانخليهش يهضر ههه..

حسناء فرحتها واصلة لهيه..

آلاء رجع يصوني ليها تيلي وصلاح حاط عليها العين..

دخلو كاملين وهو يهضر:نتي ماداخلاش؟؟

آلاء تلفت:ءء ل لا..ها انا جاية...

قطعت فوجه طارق ودخلت مع صلاح خايفة..ماعرفة شنو دير...

خالد شافهم بسم لواليديه وهما كيبوسولو فيديه وراسو فرحانين لي ولا بيخير وربي زرع فيه الروح من جديد..

مريم:مازال ماباغية تقولي شنو قالتك داك سفريطة؟؟

رؤيا كتشوف بعيد مصدومة:ماعندها ماتقول..لي كاين عارفينو...

مريم:ولكن نتي دبا حاملة..والوضع غيتبدل بز منك ومنو..

رؤيا:ولكن ماشي غي ولدنا لي غيحكم فينا..نتي عارفة بلي الظروف ماشي فصالحنا من ديما..اذن ماكاين لاش نزرع الامل فقلبي ونتصدم..

مريم حدرت راسها:سممت ليك افكارك..خلاتك تولي سلبية كيف لول!!

رؤيا:لااا ولكن فري انا ماغنقبلش نعيش مع ضرة واخة يكون صلاح موافق ...صعيب عليا بزاااف مانقدرش نصبر..

مريم:اممم يمكن عندك لحق..

آلاء رجع صونا ليها تيلي وهي تسلت منهم ولكن معامن..صلاح كان دايرها فبالو..

آلاء:سمحولي نمشي نشرب..

لطيفة:سيري ابنتي..

صلاح خلاها غي خرجت وتبعها..لقاها فواحد لقنت كتغوت:صافي صافي انا جاية..والله ماغنتعطل..شوية ونجي غي ظروفي صعيبة دبا..

صلاح عقد حجبانو وكيفكر شكون داير فيها هاد الحالة..خلاها سالات ورجع للبيت بلا فرشة..

دخلت عندهم كتقلب علا كذبة:س سمحولي عاوتاني..خصني نمشي..نقضي شي غرض..

حسناء جات تهضر صلاح علا حاجبو فيها سكتت..

صلاح:اوك سيري غي ماتعطليش..

آلاء دخلت عليها راحة عجيبة:اهه اوكك...

خرجت آلاء وهو يقول:هانا جاي...

خرج بزربة وتبعها فين غادية بلا عياقة..

أمين وصل للدار دخل كيقلب بزربة فبيت خوه فالبلاصة لي قالو..وجبد السيجار بنظرة غريبة..حس بلي فايت شايف هاد السيجار..ولكن عندمن مازال ماقدر يتفكر...

آلاء خدات طاكسي وصلاح تبعها ومشى موراها..باغي يعرف معامن غتلاقا...

أمين هزو ودارو فجيبو ورجع للسبيطار عند ختو وعند خالد..

علي غادي فالطريق بالطوموبيل دغيا تا وصل لواحد لبلاصة خاوية وهو ينتابه لطوموبيل كتعافر معاه..بقى غادي كيحاول يهرب منو..

علي:درتيها اولد الكلب..

بدا يحاول يبعد والموت كتبان ليه قدامو وهما كيدفعوه باش يخرجوه علا الطريق ولكن هو جاتو فكرة..تا تقادو معاه فالطريق وخهو يحبس ورجع باللور..تلفهم وولا هو موراهم وضربهم بالطوموبيل ضربة خطيرة تا قلبهم هو...خرج من الطوموبيل كيشوفيهم مخنزر..ويساين تفركع الطوموبيل قدامو..ولأول مرة كيحس بلي القتل ماشي حرااام..

آلاء حبست الطاكسي وخرجت..وصلاح اسطالا قريب وخرج بالشوية..بقى تابعها..

رؤيا ناضت من فراشها:صافي اماما وليت بيخير..بغيت نمشي لدارنا..شنو مازال غنديرو هنا..

رحمة:ولكن خصنا تا نطمنو عليك مزيااان..ابنتي..الله يهديك..

رؤيا:والله حتى وليت بيخير..حمدلله ماكاين والو...نمشي نطل علا خالد ونرتاح فدارنا..ماكاين علاش من هاد النعسة عييت..

مريم:صاافي اخالتي خليها..نتي عارفة رؤيا راسها قاصح..زايدون من الافضل ماتبقاش هنا...

رحمة:واخة ابنتي...

نجية كانت كتشرب ودخلت عندهم:شنو..مازال ماغتمشي ترتاحي شوية ارحمة..من قبيلا نقولك خليني انا معاهم..

رحمة:لا راه تا رؤيا بغات تخرج..قالت ولات صافا هضري معاها..

نجية:برافو عليك ابنتي الخدية ماعندها باش تنفعك..نمشيو للدار ورتاحي..

رحمة:اممم اوا صاافي لي بغيتو..

خرجو من لبيت ومشاو لعند خالد اما مريم عاجبها لحال غتشوف حبيب القلب..

آلاء دازت للبنك جبدت لفلوس علا نظر صلاح وعاد بدات تدخل فالدروبا..

صلاح وقف علا غفلة فاش شاف واحد واقف بالظهر متكي علا شي طوموبيل وآلاء وقفت موراه..

صلاح تصدم وهو كيشوفو كيدور تا انتابه بلي هو طارق لي تعرفو عليه علا أنو ولد جيرانها..عقد حجبانو وقرب بالشوية كيحاول يسمع شنو كيقولو...

آلاء:ها انا جييت...صدعتيني ونتا عارف ظروفي صعيبة..

طارق:اوا شنو..غنبقى مقابل غي مشاكلك..وانا؟؟

آلاء بعصبية:نتا شنو؟؟..نتا باغي تخرج عليا..ياك ياله عطيتك لفلوس..

طارق:وصاافي سكتينا..دبا شنو جبتي الامانة؟؟

آلاء:ها انا جبتلك لي طلبتي..ومايسحابلكش كنطبعهم..تبقى كل نهار تطلب..

طارق كيستهزء:اوا ماعرفت...اصلا واخة نعيى نطلب ماغاديش توفيني حقي...

صلاح خرج قبالت آلاء تا شهقت وهجم علا طارق ببونية طيحو لأرض وهي جرها من شعرها..

صلاح تحت سنانو:شنو كتخططي من مورايا هضري(دار رجليه علا عنق طارق)..هضريييي..

آلاء كتغوت:اهئ اهئ والو اهئ والله..

طارق دفعلو رجليه بزز وناض زعما وهو يشنق عليه صلاح ونثر آلاء من يديه..بقاو يضاربو..ضربة فصلاح وعشرة ضربات فطارق..هاااك بالاك بيناتهم تا بدا يسيل الدم فوجههم خصوصا طارق لي تاهو ماساهلش..وصلاح كيزنفر فيه بنيتو...تا دوخو وشدو من الكول دالشوميز..

صلاح معصب وكينهج:شكون نتا!!هضضضر..(بوناه)قوول شبينك وبينها..

آلاء واقفة مع الجنب كتبكي ودايرة يديها علا فمها..

طارق:س سولها هي..ياك مرتك خخخ..

صلاح ضربو بروسية علا جهدو تا طيحو لأرض كيشد فراسو ومشى عندها زيرها من يديها:قولي شنو واقع ولا ندفن مك هنااا...(غوت)ياااااله...

أمين صونا علا مو عرفهم ماشيين يشوفو خالد..صافي مشى موراهم يرجعهم للدار..

رؤيا ورحمة دقو فلباب ودخلو وموراهم مريم ونجية..

رحمة:سلام...

لطيفة بابتسامة:سلام..

خالد مافهمش غي كيشوف بعينيه..كيدارو تفاهمو هاد الناس مع بعضياتهم ههه..

رؤيا قربت:علا سلامتك ا خيي..

خالد بسم:ش شكرا رؤيا..

مريم:الله يزيد فراحتك..

خالد هز راسو ليها وهو كريم ينطق:مريم لي تبرعت ليك بالدم لبارح..

خالد حل عينيه مزيان:شكرا اختي الله يكثر خيرك..

مريم:بلا ماتشقي راسك بالهضرة..انا درت غي لواجب ماشي شي حاجة كبيرة..

كريم:لا كبيرة وبزااف..

نجية خنزرت فيه وهو يسكت ههه..

رحمة:لمهم حنا مانطولوش..حمدلله لي شفناك علا خير(شافت فلطيفة)الله يزيد فراحتو..

نجية:الله يشافيك اولدي..

لطيفة:والله ماعرفت شنو نقوليكم..خيركم عمرني نساه..

رحمة:ماتقوليش هكا...كلشي ديال الله..حمدلله غي لي ولا لاباس ..

صلاح زير علا آلاء وهي كتبكي وتشهق:أ أنا غنقولك كلشي اهئ اهئ..

صلاح:ياله هضري..

آلاء:ش شحال هادي..ماتو واليديا ووانا صغيرة بزاف لدرجة اني مابقيتش عاقلة..رباتني جارتنا..مامات طارق نيت..تا كبرت حد 7سنين وقالتلي لي كاين..وعرفت بلي طارق ماشي خويا واخة انا طول عمري كنت كنخيبو خويا(طارق واخة طايح عصباتو هاد الكلمة)..وفيوم..كملت 12عام وكنت كنقرا مزيان وطارق كان عندو 16عام..بديت نحس بيه كيبغيني ولكن انا كان عزيز عليا ماقديتش نقولو كنحسبك بحال خويا..خليتها هكاك..تالنهار لمنحوس..كنت راجعة من المدرسة وانا نصادف واحد الراجل كبير كان زهواني وموسخ وحاط عليا من ديما وداك النهار جاتو لفرصة وباينة فيه كان محشش..كانت الطريق خاوية وهو يشدني بغى يدخلني لدارو بقيت نتعافر ووالو دخلني..وطارق وصلو شي ولد صغير لخبار بلي داك الراجل باغي يتكرفص عليا اهئ اهئ..(صلاح عاقد حجبانو كيتصنت)اوا وانا بقيت كنحاول نهربلو..وفاش بدا كيحاول يقطعلي حوايجي بديت نغوت وضربتو لحجرو تلفتو ومشيت هزيت عصى عندو دالحديد وهو بقى يضحك عليا زعما ماغنضربش ولكن فاش زاد عندي ضربتو ليديه وفاش تقصح زدت لعندو غي كنضرب فيه وبدا يطيح قدامي تا هبطت غلا راسو وبقيت نضرب معصبة بزااف ومامنتابهاش بلي الدم كيطوش من راسو..اهئ اهئ ماحسيت تا لقيت راسي قتلتو وعمرتو دمايات..عاد لحت العصى وبديت نغوت ونبكي..تا تدفع عليا لباب ودخل طارق مصدوم كيشوف..كنعقل مزيان علا شوفتو..كان خايف عليا بزااف ومصدوم من شنو قدامو..وهضرتو بقات فوذني تالدبا...

""طارق بخوف:ش شنو..دارلك شي حاجة؟.نتي بيخير؟؟

آلاء بصدمة:ق قتلتوووو..اهئ اهئ...قتلتو..ا طارق..ضاعت حياتي اهئ اهئ صافي غنعيش ونموت فالحبس..

طارق:ش شوت شوتت..ماتبكيش...نتي مادرتي والو فهمتي..

آلاء:و ولكن انا اهئ اهئ انا قتلتو..

طارق بعصبية:سكتييي..ماعندناش لوقت..نتي مادرتي والو..نتي كان غيتكرفص عليك وانا لي ضربتو ودافعت عليك..

آلاء تسمرات فبلاصتها:ش شنو؟.

طارق:اه..نتي مادرتي والوووو..نتي بحال ختي وزعما انا فاش شفت شنو دار ضربتو باش نعاونك...(كيقلب)ف فين العصى؟؟(هزها وبقى يحط صبعانو عليها وكيزيد يضرب فداك الراجل)..

آلاء كتبكي:ل لا..ماغنخليكش تدخل فبلاصتي اهئ اهئ..لا مانقبلش ضيع حياتك علا ودي..

طارق بغوات:سكتيييي..غيجيو دبا..ماخصناش نخربقو فالهضرة..دبا قولي داكشي وربي معانا..

آلاء:اهئ اهئ..

دخل صاحب طارق كيجري معاه شي رجال وتصدمو بالموقف..

طارق بغوات:اههه قتلتووو كان غيتكرفص عليها...وانا قتلتوووو..""

آلاء كتكمل هضرتها:تصدمو الرجال وعيطو للبوليس جاو داوه وآلاء غي ساكتة ومصدومة..مامات طارق غي سمعت الخبار مسكينة جاتها سكتة قلبية وماتت..وطارق زاد تصدم..وفري قالت آلاء داكشي لي طلب منها طارق..وتشد وحيت مازال ماكمل 18 عطاوه 14عام..عاماين فالاصلاحية و12عام فالحبس مع المجرمين..ولكن مع لوقت..بديت نساه وكملت قرايتي بمساعدة محسنين..تخرجت من الجامعة وخدمت مع مستشار قانوني..تعلمت منو كااع داكشي وبديت نخدم علا بىا تا قديت نشري دار ونستاقر ونسيت بلي كاين واحد ضحى بحياتو علا ودي.انانيتي خلاتني عمري مازرتو ولا ماسولت فيه تا تلاقيتك...عرفت بلي ربي عوضني علا محايني..وقررت نخلي كلشي فقلبي..اهئ اهئ عارفة راسي غلطت..(صلاح تصدم وكيشوفيها مامثيقش)و ولكن خ خفت اهئ اهئ خفت نخسرك...ا انا اكثر وحدة حست بكريم نهار ضرب داك الراجل وقتلو..حيت الانسان مين كيتسالا بيه الامر وكتحد الدنيا فعينيه كيتعمى ويقدر يغلط ويقتل بلا مايشعر..اهئ اهئ(شافت فيه)ص صلاح..قو قول شي كلمة!!!

صلاح بعد مدة طويلة من سكوتو طلق ضحكة علا احر من جهدو..

صلاح:هههههههههههه زوين هاد لفيلم عندك..هههه الصراحة جاوني الدموع ا بب..(كيستهزء)شحال عانيتييي وتعذبتي باش تخرجي كذبة بحال هكا ههه..(قلب ملامحو للجدية)شوفي لدينمك(شدها من يديها)دبا عرفت بلي فيك التخرويض وماصافياش..وانا الصراحة جاتني هاد لفرصة علا طبق من فضة...(آلاء كتبكي ومصدومة)كنت كنظن غنظلمك الا خليتك ولكن الله خلاني نشوفك علا حقيقتك..(شافيهم بجوج)شوفو ا رباعة النصابة...نشوفكم مرة خرا كدورو بساحتي بيميني تا نصفيها لدينمكم..ونتي اييي نتلاقاو فالمحكمة..حيت مايشرفنيش نعيش مع كذابة بحالك..تفوووو(دفل عليهم ومشى بحالو)..

طارق جالس فالارض كيضحك:ه هه ههه ههههههه...زعما خييي فيك..تا نتي هادي كذبة تكذبيها ههههه..

آلاء طاحت علا ركابيها كتبكي وتنوح بوحدها:اهئ اهئ نتا السبب..خرجتي عليا اهئ اهئ..

طارق:ههه ا تييي نوووضي لمك..قالك قتلت وانا دخلت فبلاصتها ههههه حمدي الله ماضحكتش فوسط كلامك هههه..

وصل أمين لوبيطال لقاهم هابطين ركبو معاه يوصلهم للدار..

أمين كيطقص:رؤيا!!

رؤيا:شنو اخويا؟؟

أمين:صلاح كيكمي السيجار ياك؟؟

رؤيا استغربت:اه...علاش؟؟

كلهم كيتصنتو عليه مركزين..

أمين:الا وريتك سيجار..تقدري تعرفي واش كيكمي صلاح بحال هاد النوع؟؟

رؤيا بتردد:م ماعرفتش؟؟علاش كتسول؟؟

أمين:هاكي وشوفي من لبلاستيكة..

خدات رؤيا داكشي كتشوفيه وتمعن:ل لا ماكنظنش هاد للنوع..هو كان كيكمي سيجار طويل مارو وغليض ماشي رقيق هاكا ومافيهش بلاكة حمرا بحال هادي..

أمين تنهد:اوك حمدلله..

رحمة:ياك لاباس اولدي؟؟

أمين:عن قريب غنتعرفة كلشي...

علي هز تيلي كيصوني علا لبوص ديالو..لي غي شاف النمرة تخلع وحس بالخطر..

علي:ألو بب ههههه(لبوص تصدم)صدمتك ياك ههه اوا لمرة جاية فاش تبغي طبق افلام كحل وبيض ديالك طيب رجال قادين بشغالهم بعدا..

لبوص:آش بغيتي دبا؟؟

علي:بغيت حقي..فهمتي!!

لبوص:شحال خصك؟؟

علي:لبينكاااا... لفلوس علا الجهد حق سكوتي..ولا نفرش كلشي اولد بااااا سلام...

عمر تزير:ص صافي صافي..انا غنوجد ليك لفلوس وفاش تكون نتا واجد..قولهالي..

علي:مزيااان...دبا هضرتي..

طارق ناض كيعرج ومشى شد فآلاء:زيدي...ياله تحركي..كنت جاي نستنجد بيك صدقتي تا نتي خصك لي يعاونك خخخخ...شوفي كيدار فيا داك الكيدار ولكن بربي تا نخرجها منو..

آلاء غوتت:لااااا...

طارق:سكتينا يعطيك الطروشا..غنضر مو هي غنضروووو...

آلاء مسحت دموعها:انا غنقولك كفاش ضرو بلا ماتقيسو..(طارق مخنزر فيها كيحك عينو المضروبة)..رؤيااااا(نظرة شر)هي الهدف ديالنا...سيغطو وهي حاملة بولد صلاح..

طارق:شكون هاظ رؤيا؟؟

آلاء:مرتو لي طلق..و ولا كيبغيها...دبا هي حاملة..وهنا غنضربو ضربتنااااا...

طارق علا حاجبو:ونجمعو تا فلوس هههه...

آلاء:لمهم فالتالي نتاقمو من هاديك لي كانت سباب انو ينساني ويبيعني فدقيقة..

وصل أمين لبنات للدار ودور الطوموبيل كيصوني علا كريم وصلاح يتلاقاو..وداكشي لي وقع ولكن هاد لمرة تجمعو فبلاصة ودخلو طوموبيلت صلاح كيهضرو...

صلاح مازال معصب من شنو حصل علا آلاء..

كريم جالس لور كيطل عليه:اوا شنو سبب هاد التجمع؟؟

أمين:لقيت دليل جديد..يقدر يوصلنا للعدو الحقيقي..

صلاح بانتباه جديد:شنو قول!!

أمين جبد من جيبو السيجار:هادا..

كريم عقد حجبانو:شنو هادشي؟؟

أمين:سيجااار..(صلاح مافاهمش)لقاه خويا حميد فالارض بعد حرقها..ماعرفناش واش غيكون سبب فالحريق ولا لا..مي حاس بلي غيفيدنا شوية..

كريم:وباش نقدرو نعرفو؟؟

صلاح:نقدرو نعرفو من البصمات..ولا الحمض النووي..

أمين:بالضبط..

صلاح ديمارا الطوموبيل..

كريم:فين غادي؟؟

صلاح:عند نسيم..هو لي غيقدر يفيدنا..

أمين باستغراب:شكون نسيم؟؟

صلاح:صاحبي فلبوليس..

أمين فهم وعحبو لحال:مزيااان نيت...

رؤيا طلعت جلست فبيتها بناءا علا قرار رحمة ونجية..لمهم خصها ترتاح لاقصى حد حيت الحمل عاد فالبداية..اما هي ومريم كيعيبو وجههم خخخخ..

طاهر:ولدي..دبا شوية؟؟

خالد:حمدلله...سمحولي شطنتكم..

لطيفة:ماتقولش هكا اولدي حمدلله لي وليتي بيخير..

حسناء رجعت من الدار ودخلت عندهم..

حسناء بابتسامة:خويا...دبا شوية؟؟

خالد هز راسو بابتسامة..

حسناء:اوا حمدلله..غين الدراري؟؟

لطيفة:جاهم شي شغال ومشاو..تا رؤيا جات هنا وخرجت من السبيطار مسكينة..

حسناء بصدمة:مشاااو؟؟

لطيفة:اه شنو غيبقاو يديرو..

حسناء منفخة:اممم..اوك..

مشات جلست ماعاجبهاش لحال ماغتوليش تشوف أمين بحال لول...

عمر حس براسو غيطرطق..خصو يلقى الحل بزربة لشنو وقع قبل مايتفرش...بزز منو جبد رزمات من الخزنة كيحسبهم وعوال يعطيهم لعلي باش يسكتو علا الاقل علاما يرجع يخطط ليه..

با سلام دخل عندو:ولدي!!مالك؟

عمر بعصبية:م ماماليش...غي لخدمة..

با سلام:خوي دماغك اولدي من داكشي وياله نمشيو قبل ماتجي الفاس فالراس..

عمر:اينا فاس وانا راس؟؟انا هادشي كلو درتو علا ودك..علا ود خدمتك ليهم بحال العبد..كفاش بغيتيني نسا شنو دارو فيك وفيا!!..قولييي..نتا نسيتي؟(سلاام حاني راسو)نسيتي خوك لي حتاقرك وكلاك فحقك حيت هو ولد المرا لي لاباس عليها ونتا ولد لخدامة..ءءءء نسيتي شنو دار محمد الطراشن لي ضيعك فرزقك واخة عارفك خوه...(عينيه عمرو شر)الا نتا قدرتي تسمح..انا مانسمحش...كل مرة كنت كنشوف ولادو متعين بالرزق كامل بوحدهم..كنت كنكرههم..كنكره راسي لي ساكت وقابل بالقليل...هادشي كلو وفالتالي جراو عليااا...وشكون داك السخط د ولدو..علاش علا ود خيل مادا ماجاب..وكتقولي نسى..اش نسى..بلي تغربت عليكم وعلا بلادي بمسبتهم..تا لقيت راسي غادي فالغلط والحرام فالغربة.....ولكن مين وصلت لهنا ماغنتراجعش غنزيد مابيهم وكنأكد ليك..غندمهم كلهم..الا كان سحابلهم ملكو العالم انا غنحيها لباباهم واحد واحد باش يعرفو معامن داروها...ومرة خرا يعطيو كل واحد حقو بلا ظلم ولا استبداد..

با سلام:ولدي..انا خايف عليك..الطريق لي دخلتي ليها صعيبة بزااف..خايف نخسرك...

عمر:انا خسرت راسي من نهار عرفت الحقيقة..وفري الا ماجبتش حقنا منهم ماعمري غرتاح ولاتبرد النار لي شاعلة فيا...

با سلام تنهد:الله يهديك اولدي..الله يهديك هادا مانقول..

عمر:ماتدعيليش دبا...دعيلي تا ناخد حقنا كامل مكمول..وتولي نتا سلااام اليازامي هو الكبير فهاد الفيلاج بقيمتك ورزقك وهيبتك...فهمتييي؟؟

صلاح تلاقا بنسيم ودخل معاهم فالطوموبيل سلم علا الدراري..

نسيم:شي جديد واقيلا؟؟

صلاح:اه..أمين عندو شي حاجة بغى يشوف واش تقدر تفيدنا..

أمين جبد السيجار وفسر ليه كلشي..

نسيم:واخة انا نحاول نشوف شنو نقدر ندير..وبرافو علا خوك لي نتابه لهاد البونتا..

أمين بسم:شكراا..

صلاح شاف فلمراية باش يبان ليه نسيم:شنو..درتي لي قلتلك؟؟

نسيم:اممم كون هاني...

كريم عقد حجبانو:شنو تاني؟؟

صلاح:شي حاجة خاصة وصافي..

كريم:اممم..

نسيم:كاين واحد النقطة ماتفهمتش ليا!!

صلاح:شنو؟؟

نسيم:الا كنتو نهار الحادثة تلاقيتو بربعة..ونتوما ماقلتو لتاواحد بلي غتلاقاو أمين...كيدار العدو ديالكم عرف بلقائكم؟؟؟

شافو فبعضياتهم بثلاثة..

صلاح:كريم.قولتيها لشي حد؟؟

كريم:لا...غي تافقنا مشيت معاكم..

صلاح:ونتا ء أمين؟!!

أمين:لا ماقلتها لحد..

نسيم:شي إن تما...مافهمتش..

كريم:بلاتي..عرفتي شي حاجة علا داك علي؟؟

نسيم:مازال كنقلبو عليه..وقريب نوصلولو..

صلاح:لمهم ها حنا تافقنا..ودبا اي واحد فينا وصل لشي حاجة..يعلم الثاني..

أمين:اه واخة..

حرك صلاح الطوموبيل ورجع بيهم لفين تلاقاو اول مرة..

وكل واحد شد طريقو..

كريم بقى مع صلاح فالطوموبيل:شنو..فين مشات آلاء؟؟

صلاح خنزر:ماتهضرليش علا داك الموسخة..

كريم تخلع:علاش مالك؟؟

صلاح:من بعد ونقولك..لمهم كلفهم يجمعو حوايجها باش يتبعوها..

كريم عقد حجبانو:خلعتيني اصاحبي شنو كاين؟؟

صلاح دور وجهو علا غفلة وهو سايق ووقف بابتسامة..كريم غي كيشوفيه وساكت..خرج من تما..ودخل لمحل..اما كريم غي جالس ومربع يديه يساينو يجي..

رجع صلاح فيديه الشكلاط عطى وحدة لخوه وكيضحك..

كريم جاه غريب تبدل دغيا فدقيقة:امالك واش غتحمقني هاد النهار هههه..

صلاح:علاش مالي؟؟

كريم:اوا شنو خارج تشري الشكلاط وحنا ياله كنهضرو فحاجة خرا..

صلاح بهدوء:علاش مامحقيش نتهلا فولدي ههه..

كريم بسم:اهههه وانا نفهم..كون غي قلتيها نخرج تا انا نصافط لداك الزغبية باش تعوض الدم لي تبرعت بيه..

صلاح:مانقولك مانقولي..نتا خمم لراسك ولا كتعرف غي من عندكم هههه..

كريم:هههه ايييه اوا بصحتها..نيت مريم ماغاديش تحشم ودبا تاكلولها كلو هههه انا لي عارفها خخخخ...

صلاح باستهزاء:الا كان هكا الله يكون فعوانك خخخخ..

مشاو الدراري لوبيطال وطمنو علا خالد ومنهم تا أمين لي وصل بعد منهم..لبنات خرجو واخة حسناء ماسخاتش بأمين خرجت بزز منها ههه..

أمين:شكرا بزااف علا لخير لي درتيه معايا..

خالد:هانية مادرت غي لواجب...زايدون انا لي عيطت ليك وانا لي خصني نتحمل المسؤولية..حسن مانتسمى انا لي مخطط ليك..

أمين بسم:اوا الله يشافيك..(ناض)انا خصني نمشي..

صلاح:واخة تهلا فراسك..والا وقعت شي حاجة علمني..و..(أمين كيشوفيه زعما كمل)وتهلاو فرؤيا..

أمين ضحك:واش من نيتك..غتوصيني علا ختي ههه الله يهديك...

صلاح بسم:عارف لي كاين غي...

أمين:فاهم فاهم..ياله خليت ليكم الراحة..

خرج أمين وكريم موصلو:ياله تصبحو علا خير..

حسناء بسمت ووقفت:س سلم علا رؤيا..

أمين شافيها جنب:مبلغ..بسلامة..

لطيفة:بسلامة اولدي..

بقات حسناء متبعة ليه لعين وتالفة معاه..وتا لطيفة حست بيها وجاتها الضحكة..

رؤيا ومريم جالسين فالجردة..قدما يقادولها رجليها..قدما يغطيوها لمهم حمقوها ههه..شوية وخدام دخل لعندهم..

الخدام:هادا جاكم دبا..

مريم حلت عينيها:ااااوووه الشكلااااط...

رؤيا بسمت:لمن؟؟

الخدام:ليك ا بنتي رؤيا..

رؤيا فرحت وخداتو لقات فيه كارط..

مريم:اييييه هههه الناس دالشكلاط خخخخ..

رؤيا:واصافي جلسي لأرض خليني نشوف شكون...

مريم:يااا علا الايااام لما الايااام تضحك للواحد مرة وحدة هههه..

رؤيا:اعوذ بالله..تبعيني عاوتاني..(حلت لكارط لقات فيه "قلت اكيد غتشهاي الشكلاط..حيت عارفك كتبغيه..ياربي يعجبك..وتكوني علا خير..فالقريب نتشاوفو ونهضرو حيت توحشتك بزااف...صلاح")..

رؤيا فاش قرات لكارط تزيرت وتزنكت لأول مرة يقول توحشتك..واخة تكون غي بالكتابة..فرحت بزااف وماكرهتش يكون حداها دبا تعنقو وتبرد شوقها منو..

آلاء:فين غادي بيا؟؟

طارق:غنديك لبلاصة غتعجبك بزااف وغتلقاي فيها كااع لي بغيتي..

آلاء خنزرت فيه:شووف انا راه ماعنديش مع المفاجئات..قولي ولا حبس هنا..

طارق:غنمشيو عند لبوص ديالي...وغيعجبك لحال عندو..

آلاء:وعلاش بالسلامة؟؟

طارق:حيت تاهو ماكيحمل لا عائلة راجلك ولا عائلة خرا مضادين معاها..

آلاء حلت عينيها:حلف!!

في المستشفى..

صلاح:سيرو رتاحو انا غنبات معاه..

لطيفة:لا اولدي..غي سير نتا ودي معاك ختك وخوك..انا وباك نبقاو هنا..

صلاح:ولكن نتوما عييتو بزااف..خصكم ترتاحو شوية..

طاهر:راحتنا معاه..ومين ينعس غناخدو لبيت ديال لبارح ونعسو فيه..

كريم:صافي اصلاح ياله نمشيو حنا..خليهم يباتو هنا معاه حسن مايمشيو للدار ويندمو..

صلاح تنهد:اوك..ياله نمشيو حنا..

حسناء:واخة نيت تعطل لوقت..

أمين دخل للدار بعد يوماين صعاب مانعسش فيهم مزيان..تعشى معاهم فهدوء ومشى يرتاح فبيتو...ولكن الغريب ان النعاس مازال ماجاه..خيت دماغو مشغول بحاجة جديدة..دخلت لحياتو بلا مايحس..هز تيلي وفتح لواتس وصافط"فينك دبا ؟؟"..

حسناء كانت فالطريق للدار وفاتحة الكونيكسيو تا سمعت صوت مساج فتحت وهي تحمار فوجهها فاش لقات أمين لي مفكرها..قلبها بقى يضرب بالجهد وردات عليه وهي كترجف"راجعة للدار مع خوتي..ونتا؟؟"..جاوبها بابتسامة.."فبيتي كرتاح..ساعا ماجانيش النعاس 🤕".."هههه وعلاش؟؟"..

"كنفكر فواحظ لبنت مين دخلت لحياتي وهي متلفاني.."..حسناء ضحكت وقلبها كيشطح علا انغام العلوة خخخخ"وشكون هادي؟؟"..أمين ضحك"واحد لبنت ماكتعرفيهاش"..تبدلو ملامحها وطلع ليها الدم..دارت لvu لمساج وحطت تيلي فوق رجليها معصبة..وهو يجيها مساج آخور"بغيتي تعرفيها!!..فاش توصلي للدار شوفي فلمراية 😍"..حسناء هزت تيلي متوقعة شي موصيبة ولكن مين قرات لمساج عينيها دمعو وبان فيهم بريق مختلف يقدر يضوي دوار فالليل ههه..تنهدت وماعرفت باش تجاوب وهو يجيها مساج"نعصبك ماتجاوبي...نفرحك ماتجاوبي..فوقاش غتجاوبيني لمك هههه؟؟"..حسناء ضحكت تا نتابه ليها كريم..

كريم:مالك كضحكي بوحدك؟؟

حسناء قلبت تيلي متوترة وخايفة:ءءء ل لا والو غي ف فيس شفت شي حاجة..

صلاح:رخف عليها..نتا مالك بيها!!

كريم:ها انا راخف..

حسناء تا تهدنت الاوضاع عاد جاوبت"اوك...تانوصل للدار الا بقيتي فايق ونهضرو..دبا مع خوتي فالطريق".."اوك..هانا كنساينك.."....حطت تيلي فرحانة مسكينة واخيرا قلبو حن عليها..

طارق:ياله هبطي...وصلنا..

آلاء هبطت كتشوف فالمنطقة خاوية..والفيلا لي قبالتها عامرة اضواء..

طارق شير ليها ومشات موراه..

طارق دق فلباب وتحلت:سلام..لبوص لفوق..

لفيدور:اه دخل..

دخلو وآلاء حاسة بلي غي كتزيد ترونها علا راسها..ولكن مابقى فيديها مادير..

دخلو للمكتب بجوج..

طارق:لبوص صافا؟؟

عمر:دار بالكرسي..صافا حمدلله..(شاف فآلاء)جاي وجايب معاك تيتيييز..

طارق عنقها بيد:هادي آلاء..صاحبتي ديال شحال هادا ودبا مزوجة من صلاح الحسناوي وغيطلقو ههه..

آلاء حيدتلو يديه:حيد يديك ازمر..وماشي سوقك فحياتي..نيت نتا لي جيتي وخربتيها..

عمر بسم:اممم قوية مع راسك..

طارق:ههه هانتا كتشوف..انا قلت نجيبها..غتفيدنا بزااف كنظن. 

آلاء:شتي الا عوالين نبيع ليكم صلاح وعائلتو غي نساو..مي الا بغيتو نعاونكم بشكل آخور مرحبا..

عمر وقف وقرب عندها:ب اينا شكل مثلا ا زين ههه(غمز طارق)..

آلاء:انا عندي خطة زوينة..تقدر تخليكم تجمعو فلوس وتنتاقمو من جوج عائلات..

عمر ربع يديه:اما هي ههه!!

آلاء:بلا استهزاء..الا باغي تسمعني..احتارمو هضرتي فلول بعدا..

عمر:طاارق..ا صاحبي..باراكة ماتهضر خلينا نسمعوها ههه..

طارق:ههه انا ساكت..

آلاء تعصبت:صافي غنمشي بحالي(دارت وهو يشدها عمر من يديها بقوة)..

عمر:هضري..

آلاء تأففت:لمهم..انا فكرت نخطفو رؤيا!!

عمر علا حاجبو:كتهضري علا رؤيا الطراشن!!

آلاء:وكاينة شي موصيبة من غيرها؟؟

عمر:علاش موصيبة..رؤيا من ديما اضرف وحدة فالدنيا وعمرها ضرت شي حد..كفاش ضراتك..

آلاء:خطفت ليا راجلي..(عمر عقد حجبانو)..ودبا حاملة منو بعدما طلقها(كتهضر معصبة وتشوف بعيد)..ولكن والله لا رتاحت..بربي تانبقى موراها تا نخرج منها كلشي..سيغطو الا حطفناها..

عمر خنزر فيها:وانا شنو غنستافد فهادشي..شنو دارت ليا رؤيا باش نخطفها اصلا!!

آلاء:رؤيا دبا عندها علاقة بجوج عائلات..والا ضريناها غنتاقمو منهم بجوج..

طارق بابتسامة شر:والا طلبنا فدية وسط الخطف..غيعطيونا بجوج بيهم هههه ارا برع..

عمر غوبش ودور وجهو ومشى جلس:مامقتانعش الصراحة..

طارق:مالك ا سي عمر..عاد غتفكر..ولد صلاح غيكون ثمنو غالي اكيد غيعطي لي طلبتيه باش مايفقدوش..اما الطراشن يقدرو يبيعو لي قدامهم ولي موراهم باش يرجعو بنتهم...

عمر كيشوف بعيد ويلعب بستيلو:ماعرفت..خليني ندورها فدماغي ونشوف..

آلاء:وداك الساع ناخدو لفلوس ونقتلوها ونهربو..وتا حد مايعرف لينا طريق..ونكونو دمرناهم كلهم..

طارق:انا بعدا مع الفكرة..ولكن كفاش نديرو نخطفوها والحراسة مشددة علا العائلات بجوج؟؟

آلاء بشر:انا عندي خطة زوينة واكيد غتعجبكم خخخ...

طارق:ههه وليتي تخوفيني..ياكما فاقت فيك آلاء النصاية ديال زمان...لي كان تنصب علا الرجال وتخطط ليهم مزيان تا يطيحو بين يديها وتجيب باش نعيشو ونتساراو الصيف كامل !!

آلاء بحسرة:علا نتا تخلي شي واحد يتوب!!!

صلاح طلع لبيتو دوش ولبس حوايجو ومشى لبيت رؤيا..مابقاش حامل يجلس فبلاصة خان حبو ليها فيها..تكى معنق خديتها كيسترجع ذكرياتو معاها..وباغي غي ايمتا يتهنى من الصدااع ويرجعو لبعضياتهم..

اما حسناء دخلت وهي تصافط لأمين مساج"ها انا وصلت".."علا سلامتك..شنو كديري دبا؟؟".."غنبدل عليا ونعس..ونتا؟؟"..."تا تنعسي ونعس ههه".....لمهم الليل كامل وهما يصافطو ويضحكو فرحانين تا داهم النعاس..

أصبحنا وأصبح الملك لله..

فاق الجميع ولكن صباح رؤيا كان مختلف غي هبطت لقات بوكي دالورد جاي بسميتها وزادت فرحتها فاش لقاتو صلاح..حطاتو حداها كتفطر وتشوفيه مرة مرة..

رحمة ونجية كيتغامزو عليها اما مريم خطفت وردة كتشم فيها وتفقص لي كريم تالدبا مازال ماسول فيها..

صلاح جلس يفطر هو وكريم وحسناء لي مدوخة بالنعاس ولكن عندها طاقة كأنها نعست يوماين..الفرحة بحبها الاول مخليا الدنيا زوينة فوجهها ومنورة..

الخدام دخل:سي صلاح..هادي دعوى دعراضة ليك نتا والعائلة..

صلاح بلع لماكلة:اممم من عند شكون؟.

الخدام:قالولي من عند عمر اليازامي..داير ليلة وبغى يعرض علا كااع ناس الفيلاج..ومنهم عائلتكم ا سيدي..

صلاح عقد حجبانو:فشكل..صاافي خلي تالبلاتي ونشوفو..

كريم:مافهمتش علاش عارض علينا..

حسناء:يمكن حيت باغي يدير بلاصتو فالفيلاج وصاافي..

صلاح سالا ماكلتو:الا ساليتو ياله نمشيو للسبيطار..

كريم:اه ياله...

نفس الشي وقع فدار الطراشن ولكن هما رحبو بالفكرة واكيد غيمشيو حيت عمر بالنسبة ليهم واحد من العائلة..

مريم فلبيت مع رؤيا:انا فالصراحة..هاد عمر ماعجبنيش..

رؤيا بابتسامة:نتي اصلا كيعجبك غي كريم ههه..

مريم:لااا ماشي هكا والله كنعضر بصااح..مارتاحيتش ليه..

رؤيا:اوا انا لي كنعرفو عليه ضريف ومربي معانا..بحال خويا..زعما ماعندك علاش تقولي هاد الهضرة..

مريم:اوا الله اعلم..

رؤيا:نوضي نوضي سيري شوفي شنو غتلبسي..انا سمعت بلي عارض علا كلشي..يقدر يكون تا ك كريم هههه معروض..

مريم حلت عينيها علا الجهد:ل لاااا..ماتقووليهاششش ههههه..

رؤيا:اوا نوضي وخليني رتاح بلاتي واجي شوفي معايا..

مريم:اوووك ههه..

صلاح عيط لأمين كيسول علا عمر ونو يطمنو واكدلو بلي هاد الراجل مزيان...يعني مافيها والو الا مشاو عندو...

جا الليل كلشي وجدو راسهم..رؤيت لبست اونسومبل حمرااا..ودارت شال كحل ومريم لبسات سروال كحل مع شوميز غرونا وطلقت شعرها..جاو زوينات...اما الرجال ماخلاوش جهدهم ومعاهم حسناء لي لبست سروال جينز مع شوميز طويلة فلباج مع صباطها وصاكها وطلقت شعرها..

مشاو باتجاه دار عمر لي وسط المدينة والجردة ديالها كبيرة..غي دخلو كيقادو ليهم بلايصهم..داكشي كان علا اعلى مستوى...

وصل صلاح هو وخوتو ضارب فيست زرق مغلوق مع شوميز كحلا وسروال كحل..اما كريم فيست كحلا مع شوميز بيضة وسروال جينز مغلوق...خرجت حسناء معاهم ودخلو سلمو عليه..

عمر:مرحبا بيكم..فين الواليدين؟؟

صلاح:الله يبارك فيك..خويا مريض وهما معاه دبا..مي سلمو عليك..

عمر:يسلم عليهم الخير..تفضلو..دخلووو..

كريم بسم ودخلو..

صلاح:واش هادشي مخلط ولا جاب ليا الله!!

كريم:واييه..شفت العيالات والرجال فنفس الجيه..

صلاح:بففف مال هادا باغي يدخل العصرنة للدوار..هادشي ماعاجبنيش..

جلسو فطبلة بوحدهم كيشوفو مع جنابهم وماعاجبهمش الحال..

وصل أمين ومعاه عائلتو ومن الصدفة جا علاء وعائتو قد قد معاهم..تسالمو ودخلو مجموعين..

علاء:رؤيا..لاباس؟؟

أمين حيدها من قدامو:لاباس عليها غي تهنى..

رؤيا عجبها لحال هناها منو..

صلاح غي شافهم داخلين بجوج تزير وحس براسو غيطرطق..

أمين مشى لطبلة حداهم ورجع سلم علا صلاح وكريم..وحسناء حدو شافيها ومايبينش حدا الدراري..

أمين:صافا؟؟مزيااان!!

صلاح:حمدلله...(خنزر)شنو كيدير معاكم هاداك؟؟

أمين:غي تلاقيناه فلباب..

كريم كيطلل علا مريم وهي قابلاتو بلعاني وكتخطف فيه الشوفة خخخ..

اما حسناء ساهية فأمين وكتشوفو كفاش كيهضر مع خوها..

صلاح شاف فرؤيا:شوف رؤيا انا غنرجعها وغنطلق آلاء..داكشي علاش كنهضر هكا..

أمين:اوا مين تقاد امورك مرحبا..ودبا نمشي نجري علا هاداك لي لاصق..

مشى أمين وزرب علا علاء بالخف تا خوا الطبلة...

بدات الحفلة...موسيقى هادئة وعمر حاس براسو هو عنتر زمانو...بقى يدور ويسلم عليهم....

رؤيا حادرة راسها وساكتة ماداياها فتاواحد..كتشوف غي قدامها..اما صلاح ماعاجبوش لحال ماجالسش حداها..سيغطو القضية مخلطة..

جا عندهم عمر وهنا كملات..جلس حداهم وبقى يتهاود معاهم..

عمر:كيبقيتو توحشتكم بزااف..

أمين:تا حنا توحشناك..خصوصا حميد..(عمر تزير)والله ياله داك النهار هضر معايا عليك..قالي بلي غلط معاك شي مرة وندم..

عمر بلا مبالاة:لاا عادي حميد خويا(معصب ملداخل)وانا عمرني نتقلق من شي حد فيكم خصوصا رؤيا..الضريفة ديالكم..

رؤيا بسمت:لهلا يخطيك اخيي..والله خليتي بلاصتك..تا غبرتي فمرة..

صلاح من بعيد كيشوفيها عروقو خرجو ومزير علا لكاس لي عندو..

عمر:نتي عزيزة عليا بزااف الصراحة..كنت كنحسك كتعامليني بحال خوك وقلبك كبير..

رؤيا:اوا علاش التكبر كلنا ولاد 9شهور..

عمر بسم:داكشي لي كاين..

صلاح طرطق ليه لكاس فيديه وهو كريم وحسناء يتخلعو..

رؤيا دورت وجهها مع غوات حسناء..وأمين وعمر ناضو من الطبلة..

أمين:صلااح مالك؟؟كيوقعلك..

صلاح مخنزر واخة الدم نازل ليه من يديه..

عمر عيط لخدامين:جيبو ليه الدوا ونتا اصاحبي دخل غسل يديك لداخل..

صلاح بحدة:لأ..دبا تنشف..

أمين:الله يهديك..دخل تغسل يديك غتعفن..

صلاح دخل وكيخنزر فرؤيا لي عينيها معاه..

مريم:ماعرفا مالو..شو يديه كيولات..

رؤيا حدرت راسها مابغاتش تعلق..

خرج صلاح فساعتو مابغاش يتعطل..دار عليه منديل من جيبو ومزير عليها..

مشى عمر عند ناس خرين..وأمين ناض شاف شي صحابو يهضر معاهم...

رؤيا:تزيرت بغيت الطواليط..

مريم:نمشي تا انا معاك..

رؤيا:واخة ياله..

ناضو بجوج علا عينين كريم وصلاح..مشاو قضاو حاجتهم ورجعو..كريم عيى صابر وناض يهضر مع مريم فاش ترجع واخة غي كلمة..

رؤيا كانت راجعة تا وقفلها فالطريق علاء..

علاء:رؤياا..بغيت نهضر معاك..

رؤيا:ماكاين فاش نهضرو عافااك خليني عليك مابغيت صدااع..

علاء:ياك طلقتي دبا صافي..

رؤيا:صافي غي طلقت نوقف ونهضر معاك عادي..

علاء:اه علاش لا بغيت نه...(وقف عليهم صلاح وهو علاء يتأفف)..

صلاح كيهضر تحت سنانو ومخنزر فعلاء:انا مافايتش هضرت معاك؟؟

علاء ببرود:ماعقلتش؟؟

صلاح زاد عندو مخنزر غيبدا بالضرب وهي رؤيا توقفو:صلاح عاافاك بلا صداع..علاء مادار والو..هضرنا وصافي انا غادية..بلا شوهة حدا الناس ..

صلاح بحدة:نتي ماتدخليش...هاد الضرافة ديالك لي مخليا كلشي يضحك عليك..

رؤيا تعصيت:كفاش يضحكو عليا؟؟مالك شفتيني مكلخة ولا واكلة فم الضبع..صاافي نتا لي باراكة..فينما مشيت تابعني وحاضيني تغوت وتهضر..مالك شكاين..شنو بيني وبينك اصلا..ياك طلقنا اوا صاافي سير عند مرتك وفرقني انا..(صلاح تصدم وعينيه حمارو امل رؤيا غي كتخرج شنو فقلبها)اووف فينما مشيت تجي ديرلي شوهة..وتحاول تعاود فيا الترابي..(هزت صبعها)شووف انا مربية فهمتي..مربية قبل ما تانتا ماتجي..وعلاء كنعرفوه فالعائلة...بحال خويا..مافنيتي والو(شافت فعلاء)وانا ماشي سوقي فنيتو هو..ماتجيش وتبقى تحاسبني تا علا هادشي..(علاء تاهو تصدم بالهضرة)تشهيت غي شي نهار نكملو فراحتي...والله تا عييت مرضت فصحتي..رخفو عليا..مابغيت نشوف تا واحد فيكم من دبا لفوق...اوووف...

سمحت فيهم وخلات علاء معلي حاجبو وواخة هكاك فرحان فصلاح...اما صلاح مارضاش تزير وغي شاف الشوفة ديال علاء فيه قرب عندو عطاه بروسية دوخو ومشى بحال شي ثور هايج..لأول مرة يحس بالرفض..كان كيسحابلو غي يشوف فرؤيا غدوب وترجع ليه..ولكن دبا عرف بلي كارهة العيشة معاه..تصدم وهزها فقلبو..رجع لطبلتو ومشى عند حسناء..

صلاح معصب:نوضي نمشيو..

حسناء:ءء بلاتي شوية ياله ..

قاطعها بغوات:تحركي...

ناضت كتفتف وبغاو يمشيو...

غي دارو لقاو كريم فوجههم:ماشفتوش رؤيا؟؟

صلاح خنزر:ياله رجعت لطبلتها..

كريم دار شاف:لاا تا مريم استغربت وقالت بلي خصها تكون تما ياله جاو من الطواليط..

حسناء:اويلي عانداك تكون سخفت ولا شي حاجة!!

صلاح معصب ولكن دخلت معاه:قلبتو عليها فهاد الجوايه!!

كريم:ماعرفتش تا أمين كيقلب عليها..

صلاح علا حاجبو:ولكن ياله كانت هنا..دغيا تلفت..

سمح فيهم ومشى كيقلب ومريم ورحمة نفس الشي..خافو عليها بزااف خصوصا انو دازت مدة وهما يقلبو ومالقاوهاش..

أمين كيحك فراسو:مايمكنش..لبنت ياله كانت هنا..وكون مشات كون قالتها..

صلاح تزير مزير علا يديه وحس بالخطر..والمشكلة مشى شنق علا علاء:فين عي رؤيااا هضر!!

علاء بخوف:والله ماعرفت علاش رديتيها فيا؟؟انا مين مشات وانا معاك ماشفتها..

أمين خنزر:علاش شنو وقع؟؟

صلاح:غي هضرنا معاها وهي تقلقت شوية ومشات..كانت غادية للطبلة..مافهمتش فين غتكون مشات..

مريم:لااا انا قلبي مامرتاحش..

عمر:ساينو نسول الكارد..حيت مستحيل مايكونوش شافوها..

عيط عليهم كيغوت وهما فهموه بلي كانو لداخل للحظة..تعصب عليهم وصافطهم يقلبو علا رؤيا..وهنا حس الجميع بالخطر وحسو بلي اختفاء رؤيا ماشي طبيعي..

رحمة بدات ترجف:جيبولي بنتي..بنتي اش بيها اهئ اهئ...

نجية:تهدني اختي..قلبو اوليداتي لاتكون غي هنا..

عمر بصدمة:دبا تأكدت بلي ماكاينة لا فالدار ولا فالنواحي..مافهمتششش فين تمكون مشات..

أمين وصلاح وكريم تصدمو وشافو فبعضياتهم..

أمين:هادشي ماشي طبيعي!!

كريم بصدمة:اذن تخطفات....

صلاح تعماو عينيه وشعل ملداخل كيهضر مغزف:بربييي تا نصفيها لدينمهم!!!

يتبع ..