صورة مصغرة لـحبيبي الأصم الجزء 198

حبيبي الأصم الجزء 198

habibi 7abibi l2asam
رواية حبيبي الأصم الموسم الثالث

اريج : انا غانجي نعاااووونك الاماررر .. اااه يونس سير نتا دابا حط لي فالييز صغااارر فداار .. خلي غي داك جوج لي ورييتك فطموبيل صافي ؟ 
اسد : ماااشي صعييب عليك ونتياا حاملة ؟ 
اريج : لاا اخويااا بلعكس ربي كيعطي القوة منعدو .. غانأدي علاش قدييييت .. 
يونس : الى قدااات هو هداك مقداتش تبقا فلووطييل ... 
طلعو لاماارر و اريج ....و يونس مشاا لدارهم لي فالمغرب حط الحوايج وبدل هليه .. و سفيااان ناض خرج حتى يجي عندهم لدار رقية ولامار بدلات لقسسم والخدمات كيهطو فالحوايج ... لامار لبسااات حلااابة بيييج مخيطة بالاحمرر .. قصييرة وشاال حمر مطلووق على كتفها تحت القلب و صباط عااالي و صااك صغير حمر ... و تا اريج لبساات جلاابة بلو سياال ومخيطة بنفس لوونها وشال ازررق على كتافها بحكم يوم الجمعة ... ويونس جا ورا اريج ومشاااوو لعند رقييية كااملييسن غير سفيان لي معرفوه فين غبر سييرر فين يلحق عليهم .. وصصلوو قدااام ريسيدونص فين ساكنة رقييية ووباركاو 
اسد : لا الاماررر .. بعد مرات كالقاك كتفكري من شي بلاصة من غير مخك ... من الاحسن قوليهاليهم بعدا .. 
لامار : شنو زعما يكون عنهم مشكش ؟ مننضنش اريج قليها بيض ... مخلياها مفاجأة زعما 
اسد : لا بحال هاد الحوايج مافيهمش مفاجأة ... يقدر يفاجأوك نتي داك ساع ... كنفاجئو زس لي كنكون متيقنين غاتعجبهوم داك الحاجة ماشي فالشك ...
لامار : ولاك راااها تبدلاااات زعما ..
اسد : هادشي عارفاه نتي ..هوما لا ... سيري دوي معاهم وفهمييهم بلي تغيرات واعتدرات .. ماشي غي تجي و تلاقيهم مجاااتش ... حطي راسك ببلاصتهم .. جايبالسيد مراتو لقديمة لي مخلات مدارت فيه وهو مزوووج .. نو نو ... هادشي ماشي دسوبرايز ....راه غايديرو شي جسيت مايعجبك لا نتي ولا هي .. 
لامار : ممم بصح .. نهضر معاهم حسن هو لول.. خليك هنا نمشي عندهم لطموبيل نهضر معاهم 
اسد : سيري لاه 
نزلات ومشات ركبااات معاهم لورر 
يونس : علاش مانزلتوش 
لامار : صبرررووو بعدا بغيت ندوي معاكم شوية 
اريج : ( ضايرين عندها لور ) ياك لاباس 
لامار : مهم انا ديجا قلتليكم عندي ليكم سوبرااايز ياك... 
يونس : وي ... 
لامار : مهم ... المفاجأة هي ان سارة راه رجعات واعتدرات منا كاااااملين ... وبغات تعتدر منكم حتى نتوما وتبارك ليكم ... 
اريج : نووو ؟؟؟؟ 
يونس : برااات مسكينة ؟؟؟؟ 
لامار : اه راه خرجااات من المررركز الحمد الله تعالجات ولات دااايرة الحجاااب دابا تبدلاااااات بزااف ... وراه ورا رمضان عنها حفل توقيع ديال كتااابها مكرهتش تصفا القلوب ونحضرو معاها كاملين 
اريج : صبري صبري راك كولشي رونتيه عليا .... عاودلي من لوووول فهميني ... شمن توقيع وشمن حجاب ؟ ( بدااات تعاااود ليهم كولشي من لول ) 
يونس : مسكيينة ... ولله الى فرررحت ليها بالله ... وهادي هي سارة لي كنعرو ...
اريج : زعما تستاهل فرصة تانية !
لامار : لالا تيييقني تبدلااااات بزاااااف.... ويمكن ماشي تبدلات غي رجعات كيف كانت شحال هادي 
يونس : وييي راه غي رجعات لاصلها ... هاكاك كانت بسيييييطة وعندها طمووحاااات وعميييقة فتفيكرها غي الادمان والمرض خرج عليييها ... قوليلها حنا نسيييينا كوولشي ... حمد الله لي غي براات ... 
لامار : نتي ا اريج معندكش مشكل ؟
ارييج : لا اوييلي اشمن مشكل يكون عندي .. ارا غي تكون نبدلات وتعلمات من درسها .. انا راه مأداتني فوالو نتي لي آدااااتك 
يونس : ( عنقها عندو ) مرااااااتي انا قلبهااا بيض ..( باس على راسها )
اريج : ورا بصح انا فاش آداتني .. آداات لامار 
لامار : لااا انا نسييت كولشي انا ومكنفكرش فداكشي ... مهم كنت باغا تاندخلها عليكم ولاكن اسد مابغاش راك عارفو كيداير .. وجيت علمتكم ... 
اريج : ودابا حنا مسافرين فالعشية فوقتاش نشوفوها 
لامار : سيفطتليها مسج تغدا معانا ني عنهم خدمة بزاف فاامررركز جامعين الابااء واولياء الاومور ... مي غي نجيو من للعمرة نتلاقاو بيها 
يونس : تهدا نظر ...
لامار : يلاه نزلو منتعطلووووش
يونس : نزلو غي نتومااا . حنا مزال الحال تانصليو الظهرر وونجيو انا و اسد ..
لامار : لي عجبكم تاهو باليا منازلش .. يالاه اريج .
اريج : ووفين غاتمشي 
يونس : ضويرة وصافي احبيبة .. 
نزلو كاملين و يونس مشا ركب حدا اسد بلاصة لامار .. واسد مخلاهاش تهز قسم وطلعات غي هي و اريج وهوما زادو... 
فمكان اااخر ...
فواحد لاكاااااف مضضضضلم رااااابطين واحد على كككرسي كولو كيقفقف وحوايجو كاع مقطعين عليه بكثرة مااااكلا الشحط بواحد السوط ... خمسييينييي .. وهوما ضايرين بيه بحال الحلالف هازين سلاحهم وواحد دايرولو عند راسو كيهضرو غي الانجليزية ..
- وداااابااااا غاااااتعيط ولا لاااا 
- ططططلقوووني اشبغيييتو عندي .. منقدرش ندير هاااااادشي .. واشباغين تخرجو عليا واش عارفين شكون هو هدا
- هي كتقووولي نخوي هاد السلاح فدمااغ .. ختااار .. ياااا غاااااتعيط ودير اش قلنا ليك وتنوض تمشي بحالك .... ولا هنا تمووووت

-والله تاااحرام عليييكم هادشي لي كدييرو .... انا منقدرش ندير بحال هادشي ... ميمكنش نكدب
- شكوووون قالك غاتكدب .. واش نتا معندكش حفل ليوم ؟ 
- ع ع عندي
- وجمعيتك ماشي ديال الصم ؟
- د ديالهم اسيدي 
-ونتاا غاتبغي غي الرووكان يكون ضيييف شررف وصافي ... حيت دوك الوليدااات مسااااااكن بغاوو يشوفووه وهو قلبووو كبييييير غايجي .... طلبنا منك شي مستحيل ؟
- ولاكن منبغيش ليه الضرر
- لا لل نتااا باااااغي تعععصبني ليووما ( ضرب فواحد كررسي تاجابو مشخشخ ) عييييط وطلبووووو يجي عندك .. انا متأكد مغايبغيش ( قلل صوتو وبدا يتبعكك ) يخسر رغبة الاطفاااال الصغاااارر مساكن ..
- غادي يشك فشي حاجة ... معمر تجرأت شي جمعيبيية ديرليه دعوة لشي حفل هو معندوش علاقة بيه .. 
- دابااااا بلا متعصبنننني وخليني ضرررريف ....شكووو بحالك جايبين ليك الروكان تاالعندك يششششرفك وعاد زايدها بالرفض ... حنا هنا مكنشاوروكش كنآمروووك ...
- منقدددرش اسيدي نتسبب لشي حد فضرر
- شكون قالك غانضوروه حتا بغيناه غير يحضر معاك ويفرح لوليدات .. تاحنا عزيز علينا نديرو الخير ... 
داك ااراجل غي كيقفقف لانو كيعرف اسد شكون لامشاو دارو ليه شي حاجة اكيييد غايجيدوه من تحت الارض ...تااانزل عليه واحد بالسوط لضضهرو تققطع بحريق وغووت بجهد
- عيييييييييط صبري كيتقاضا 
- ص ص صافي صااافي واااخا وااخا ... 
- (لاح عليه تيليفون ) يلاااه سربي 
- م مكيهضر م معاه حد مباشرة ...خ خاص ضروري نهضر مع واحد اخور.... هو لي مكلف ليه بكولشي 
- دابا انا مكيهمنيش اش غادير لي كيهمني هوووو تجيب الروكان للجمعية ليووووووم ... اتصل بيمن مابغيتي 
داك السيد فكو ليه يديه والسلاح عند راااسسسو كيشوف راسو موحال يرجع عند ولادو سالم وهادو ماشي تامغاربا ولا مسلمين لي يتفاهم معاهم كولهم اجاانب ... عارف الى باغين يدرو ليه شي اغتيااال ... ولاكن حياتو اهم ... مشا لدليل الارقام جبد رقم دالبيرو دعادل وعيط ليه 
- ا الو .. ا الو سي عادل ( هداك زير يسلاح على راسو باش مايبقاش كيقفقف ويهضر عادي ) 
عادل : وي الو ..
- اا ا انا .. انا محمد البناني ... رئيس جمعية اطفال الصم والبكم وصاحب مجموعة شركات اور افريك ...
عادل : عرفتك .. شنو المطلوب 
- ك ك نتشرف بدعوة ديال سي اسد الاسماعيلي يلبي .... رغبة الدراري صغارر لي طلبهم هو يفرحهم فالحفل لي دايرين بحضورو ( واحد مطرجم كيطرجم لهداك لي واقف عليه اش كيقول) 
عادل : مرحبا اسيدي .. غير هو سي اسد ليوما غايساافررر مكااينش ... كنعتدرووو منكم و من الاطفال الصغار مرة اخرى يزورهم 
- اا ه غابسافر واخا سمحليا ... ش شكرا .. ( قطع عليه عاد رد النفس ) غااايساافر مكاااينش صافي طلقووني 
- يااك عاااااد غايسافر .. ماشي سااااافر .... 
- ا اه 
- رجع عيط .. قول بلي ضرووري باااااغيه ... وقول بلي مغاتديش من وقتو بزاف ومغاتعطلوش .... وقولو الوليدات الصغاؤ كيبكيو مساكن ياااا حراااام .... يلاه دغياا راه الى مجااااش اعتبر الروحك ارتفعات لسماء السابعة 
داك السيد موكل امرو الله وعاود عيط 
- سمحلي على ديرنجومون استاذ عادل .. ولاكن دراري صغاار بااغييينو و و .. وكلهم كيبكيو باغينو يجي و ولا مغايقيموش الحفل ... ش شوف كدير اسي عادل هضر ليا معاه م مغانديوش من وقتو بزاف و مغانعطلوهش على سفرو غير يفرحهم ويمشي
- عادل : هذا رقمك ؟
- اه اسيدي
- غادي نهضر معاه و دبا نرد علييك الى وافق ... 
- شكراا ا اسيدي شكرااا ... ( قطع عاد اتنفس ) ر راه غايتشاور معاه
- ودااباااا مزياااان ظابا عجبتييينا 
ناض بعد عليه وعيط فتيليوفون 
- ليون ... كولشي غادي مزيان .. حسب الروكان بين يدينا 
ليون : ردو بالكم مزيان راه مسااهلش عنداكم سميتي تدكر ماباغي عداوة معاه ..ملي تشدوه بغيت تصاورو و لي فيديو يوصلوني .. عندكم ديرو شي حاجة تندمو عليه بغييت غير تصوروه وتهربو من تمااا فخطرة وحدة متخليوش موراكم شي اثثر وحضييو وجهكم مايبانش ... وعنداكم تمشي ديرو شي حاحة وهو صاحي ... حتا يغيب 
- ل الا كون هاني اسي ليون حنا عارفين خدمتنا..و هادشي مولفين بيه ... 
ليون : مزياااان ... معول غليكم..
قطع عليه وشاف عند داك السيد كيررجف وهوما كيمشيو وجييو حداه بسلاحهم كيتسناو عادل يرد .... 
عند لامار .... 
طلعات هي و اريج لابارطمون ديال رقية .. كانت بارطما واخدة دوزيام ايطاج كااامل .. رااااقية و مأثثة بلدية من داكشي ... حلات ليهم حيااة لباااب كانت فرحانة كتسنى فسفيان .. لابسة قفيطين غوز بيبي مخدوم بالراندة و بليغة وشادة شعرها لور
حياة : خاااالتي ها فاااطمزهرا و اريييج جاااو ... زييدووو دخلو .. ختي اريج على سلااامتك توحشناااكي ( عنقاااتها ) 
اريج : ررربي يسلللمك احبيبة .. خليلي زيييييين طاااااالق شعوورات ههههه 
طلات رقية كتمسح يديها فواحد سربيتة 
رقية : زييييدووو زييييدووو مررحباااااا ببنااااااتي .. زيييدو دخلو ..

وصل قدام واحد الاويطيل وطلع فالمصعد تاوصل لطابق لي بغا ماشي فالكلوار جار لافاليز ديالو .. بسروال كحل .. وبروطكااار كحل طالع على سروال وسيور و من لفوق مغتوحين قصار .. و تيشووورت كري و فييست كحلة وكاسكيط ... لحيتو قوية ومخربقة و عينيه ديماااا هااايمين ومخنزريييين .. توحشوو يجربوو الضحكة غي مرة فحيااتهم ومالقاووهاش ... تاوصل لشومبررر ودخل لاح الفااليز ... وتلاح على الفوطوي من العيااا دالسفرررر .. كيشوف لسسسقف مدددة مسسسترخي ... اخيييرااا رجع لمسقط رأسو .. وبلااادو ... جبد تيليفونو شعلو .. شهووراا هو منقطع على شي حاحة سميتها تيكنولجيا دقرن21 .. شعل تيل و بدا يأنسطالي فليزابليكسون .. خلاههم كيطيليشارجاو وناض دخل ياخد دوش .. وتيليفونووو كيصووني هو مكيسمعوووش .. و لي ميسج دبواط فوكال تايدخلو ... وهو مسسترخي فالبينوار طالق يدوو على جنااااب و معلي راسو مغمض عيييينيييه ... ممددددة عاد خرج بشورط .. رجليييه مفتوووولين وفيهم شعرر رجوولي خفيييف و سمريين .. و كتاافووو تاهوما مخدووووومييين جسمو بحال الحجرر .. وكرشو مططرااسيااااا خدااام على جسدووو بالبيااااان .. بينتو رياااضية ... وفكتفوو اسم رتاااج موشوم .. وشعروو بدا يطوال شووية مع فاازك كيبان فعنقو ... وتكا على سرير .. شاد تيليفون عندو .. ودخل الانستكرام .. غير تفتح ليه اول حاجة دار .. يمارس عادددتوو لي انقطع علييها ولا يحس بالقطعة .. الادماااان صعيييب .. ومشا دخل لانستقرام د رتاااج لاقااها يلاه دااايرة لااايف تاااني .. فشي بلوووك فاش كتكون شي عمليية مسموح التصوير كتطلق فيها لايف وهي خدااامة وكتشرح هي و الطاقم .. تععععصب ملي مكاينش وجهها يشووفها كيف ولات . واش تبدلات ...كاين صوتها كتهضر وصافي .. وخرج يشوف لي ميساج بانتليه لابوااط فووكال عامرة و وبدا يسمع ليهم ... . 
ليون : اخييييرا .... اخيرا شععععلتي داك تيليفووون .... واش عارف بلي هاد مدة كاملة و نا حاضي ؟ عارف راسك شنو داير ولا معارفش ..
عدنان قطع دلك المسج مابغاش يكملو ... ولاح تيليلون مابقا كيهمو والو ... وهو يسمع كيصوني ماكترثش خارج لبالكون كيكمي وكتفرررج للتحت فلابيسين ناس كيعوومووو تقريببا غي الاجاااانب .. و كيسمع تاني لي ميسااج كيدخلو ... مداهش فيهم ... سلا الكارو ديالو ودخل طلب الغدا لشومبر و كلس كيفكر كيفاش غايدوز تاني هاد رمضااان فالمغرب ... وهز تيليفون تاني يشوف واش بينات وجهها ولا مزال .. لقا باقااا خدامة فلخر دوز الوقت كتفرج فتصاااورررها الجداااد ... كيشوفها مصورة مع داك الكانيش عاد مكيزيد يتجنن و يتفكر الى سماتو بسميتو .. وملي كيلاقا فليفيدو مع وينسطوون كيييسعر مكرهشيمشي يخنقو بيدو ... تادخلو مسج و بدا يتقرا ليه غي من فوق بلا مايحلو
- عدناان نهار لول قتليك كتلعب بالعافية . وداك العافية مغاتحرقك غي نتا .. مابغيتش تجاووبيني ؟ واخا دابا انا لي غاااانديير ... فعلا كنت كنخاااف منك .. وكنخاااف نتحداك ... حيت عارف معندك ما تخسر .. ولاكن دابا لا .. ولييييت عارف نقطة ضعفك وليت عرف حتى اعزززز الناااااس ليك شكوووون ... عندك ليووووم .. ليووم .. 12 ساعة ... الى مارجعتيش لالماااانيا .. منقدرش نضمن ليك اش نديير ... 
عدنان : ( لاح تيليفون ) نووووض تقووود .. بقيتي غي نتتااا فالحساااب ....
مكترثش حيت لي كتهموو هاهي طالقة لايف مواقع ليها والو و خوه معارفو حد الى خوووه والا كيجيه ... عارفو الى غي كيهدد خاوي ... وناض حل لبااب لسيرفيس روم دخلو لغدا ودوك لبنات كيشوفو معااااه ويطلعو ويهبطو غي من تحت لتحت ... ديما فاش كيشوفو شي كليان باين ملعق وغي بوحدو كيبغييييو يضبرو على راسهم بشي ليلة يتخلصو فيها ... 
- احم ... ت تبغي شس حاجة خرا مني ؟ 
عدنان : وي 
- تتتتفضل اسيدي ( كتحلون ) 
- شدي معاك داك لباب 
- اء ؟ ا اه واخا سمحليا .... 
جمعات راسها ومشااات خرجات وهو بقا غي كيتهند صدعو تيليفون هو يدير ليه سيلووونص .. و كلس تغدااا وناض لبس حوايجو ويخرج يشوف فين يوضر الوقت تاني ...

عند لامار ... 
جات عيييشة و عنقااتها فلباب مااابغااات لاطلق كتتبكي و تعععنق بقوة ماتوحشااااتها و رحبو تا بأريج ودخلو كلسووو فصالون .... مرة عيشة تبكي مرة يضحكوو تاطلقتها رقية زغروووتة ملي شافت اريج نااااضت تررررد ... كولشي فرح لييها وكلسوو مجمعين 
لامار : علاش ماجبتيش بناااتك توحشتهم 
عيشة : وراك عارفة خليتهم فالمحال مكنبغيش نخوي خيييمتي .. جيت عا مزروووبة نشوف بينتي حياة و خويتي رقية 
اريج : تباااركالله كنقول شيماء و حياة منين جابو الزين .. هي قوووول من مامااااهم مممممم 
عيشة : يححفظك لياااا يا بنيتي فيييين هوا هاد زييين .. حنا كبررررنا و تكمشناااا 
اريج : لا لاا لا الى مشا الزين كيبقااوو حرفووو 
رقية : اوا ابنتي اريج مكتقوليشاي فاطمة زهرا منين جاايبة الزيين هههه ( بداو كيضحكو ) 
اريج : على هي زويييينة بعدااا ههههه
لامار : يااااااك القررررردة 
اريج : هههه غي كنضحك لا تباركالله زيييين سلاالة من العمة لللخاااااالة 
رقية : يااالعيااااادو بالله غاا من خالة .....العمة مكينشااااااي دكرنا سمن والعسل كانو ريوسهم كي قاع الكانون معيبنا خلق الله 
اريج : وهذا عليا مااشفتهاش ..شفت غا الخالة هههه انا غي قولولي كيدار هاد الراجل خلااااا هاد زيين كامل وتززووج
عيشة : اييييه ابنتي كيقلب على العزارا 
اريج : هاء ؟ ونتي لاش ؟يمشي يفيرفييي حيواانتووو 
حياة : هادوك اختي اريييج باقين متتتخلفين كيضنو ان الولد ولا البنت راه من المرا ... مكيعرفوش الى كولشي ديال ربي .... 
رقية : اوا الله يخليبييها سلعة الى هذاك رااااجل خليوني ساكتة لاتجببدونيشاي الجمعة هادي و العواااشششررر 
لامار : وانوضي عاودي لوضو الحاجة نوضي ههههه 
رقية : تي علاش ماااجبتيش قوييييسم راني موحشاها 
لامار : دابااا يجيبها .. حسن بحرا نكلس شوية مع خاااالتي فخاااطري .. والله تاتوحشتك اخااالتي نااااري شحال كان كيعجبنا الحال نجيو عندك لعروووبية 
عيشة : وتااااداباااا محااالي مفتوووح فوجهك وفقتاش مابغيتي مرحباااا على الراس و العييييين تالبنات غايفرحووو
لامار : وعلااااش لاااا حسابتك مانجيش تا اسد عزييييزة عليه الطيييعة 
حياة : ههههاوا ديه .. تماااا يتجمعو ليك عليه ههههههه مي انا زعماااا راني من صباح ونا نرغب فيها ورا العيد تجي سكن معايا باش يقربو لبنات لمدرسة وهي كالسة تعارض وباااز 
عيشة : ومااااالي لاجيت لمديييييينة غانسمح فمحاااالي وبكيرااااااتي .. 
اريج : ايهايهاي غاااتجي ونقلبو لييييك فشي رااااجل نعاماااس وسيري ديري جنوون فهاداك لي خلا الزيييين ههه يولي تابعك كي القفل عوييييييشتي هههههه 
عيشة : لاواااااااه ابنتي لااااوااه هههههه 
لامار : وماااالهاااا صحااااب اس. ويونس مجووودييين تديييه عززري نتي كاع ..وطلقي شعوراات رااني عارفة ساالفك كيححنت العدوو .. وصايبيي و قادي وتشوفي الى ماجيتيش عروسة فنة 
رقية : يعطييك الججججهل .. توما تفرقو على المراة ... جييييييلكم كاااع مايصلاح لينا حنا .. فييييييناهوما الرجال ديال زمااااانا اييييه ..
اريج : وا دابا ضيعتي ضيعتي العواشر هه عاودي لينا كيفاش كانو الرجال فزمانكم .. زعما حسن من رجالنا 
رقية : ياااااو فيييييين يبانو .... الراجل كان عندنا بجلاااااابيييتووو وسلهااامووو و الخننججرررر مدلي ... و شلااااغم مفتووووليييين كانو شلاغمووو يوصلو لودنو 
لامار : هه هذا لتاااام هدا ماشي شلاغم .. اوا مكننتوش كتبووسوو ههه فيم غاتلحقو الفم وهوما كانو شلاغمهم ديري فيهم بيكنيك هعهههه 
رقية : كاان الفم فبلاصتو والشلااغم فبلااااصتهم والمنخااااررر مقااااد ... وتحنيحييييينة تووووقف دجااااجة على بيييضها ... وهاو البببلغة فالرررررجل و الرررزة على الرااااس 
لامار : ههه شتك دويتي غا على البلغة وجلابة ...مكانوش كيلبسو سرااول ههه
حياة : ههههه كانو ديكاابوطاابل هههه
اريج : ههههه عليييها كنتو تولدو غا من تمنية لفووووق ههه

رقية : ( ضرباتهم بسربيتة ) يعطيييييكم ججهل 
لامار: ههههههه حسابتك علاش كتششكرررر فرجالة دزمانهم ههه مكانش فيهم العداب مكاين لا حيد سوارل لا حيد شورط لا حيد البوكسر كانو كيلقاو داكشي مفيني مدلي .. طلااع و طلعي ههههه تلقااا داك جلابة علاش كدوي تححمممل 3 دالعزبااااات وبكرة و 4 دالقناين هههه يالاااه احياة نوضو نقلبوو على خوووتنا و خواتاتنا فين دايعين عالله
حياة : علله مالقاهاش غالبغلة لي كان كيركب عليها الواليد هههههههههه
لامار : هههههه كيركب عليها ؟ لا لا هاديك غاتلقايها مرااات باك ثااالثة ههههه مالك اخالتي كتشوفي فيا الشرع عطاه ربعة مااال لبغلة ماشي مرا .. تاهي بفخااادها وتررررمتهااا و سوالفهااا ههههههه
رقية : جدااااااام يعطيييييك جدااااام يااا صوييبييصة ومااطوال لساااانك ( عيشة كافقص بضحك ) 
اريج : وااامي كرشي حرام عليك الامااررر ههههه 
عيشة : الله يمممسخكم ... حسابتكم بحال الرجالة د دابا غاماشيين ويقطروو رجالناا كانو كيييحزموه وييحبسوووه 
لامار : اولي باااااش هههههه كيخشيوه فميييكة 
اريج : حيت مكان عندهم علاش يقططررر ... كولشي كيمشي مستووررر 
رقية : اوا واخا ساااترين عارفين ااااش ساااترين ... كانت البوووويضة وكولشي رططب وكولشي طبيعي 
حياة : علاش حنا كيف بنا ليكم تاحنا رطيططبين 
رقية : اوا بقوة ما كضلو طلسوووو فين مكاين شي بوووماضاااا عندددكم .. حنااا كنا غاسواك والحنة والغاسول تامن الحسانة مكانتش .. كنا نشوطوه 
لامار : اويبييييلي ومكتوش كتفوروه وكتسربيوه للعشاااا 
اريج : نوووض الحاااج تااكل كرعييييين الحشييشيين هههه 
تلاحت اريج على السداري كتمووووت بضحك
رقية : تووومااا سكتو غاتولدو البنت بلا ميعااااد .... 
اريج : والله تاجااتني الردة ههههه ناري كرشي تلوات لي يكلس مع لامار ماشي غي يولد راه يرد مصارنو 
لامار : والله الى قالك رجاال زماااان ... توما سكتو سكككتو .... 
ناضت رقية وعيشة يشوفو لبرمة فين وصلات ... واريج وحياة كالسين كيتجمعو 
حياة : ختي لامار ... ي ياك غايجي 
لامار : شووفليك النملة مابقات تحشم .... ناس دالقفااااطن اسيدي ... غايجي الالة غايجي 
ارييج : شكون ؟؟؟؟؟ 
لامار : ( غمزاات حياة بمعنى واش نقوليها ) 
حياة : وغي قولي اخخختي .. عارفة ارييييج مغاتخرجش النضرة حسن مانبقا كنتعصر بوحدي 
لامار : باغا الرأي لعام هههه اوا الالة هاد الزين طايح فسفيان .
اريج : اويلي وحدي ؟؟؟؟؟ مالقيتي فيمن طيحي 
لامار : قلتها ليها ..
اريج : هذاك لامشا تابغاك غايمنع عليك الاوكسيجين تششششميييه بقوة ماعاشر لبنات ماعندو تيقة فحد هانا فين كنقولهاليك نووضي ضبري علر راسك هذاااك صعيب .. والطيحة فهاد التريكة صعيبة كيمرمدو البنت 
حياة : واالووووو بغيييييييتو .. يقطع عليا تالهوا ...
لامار : راه قتليك زغيبة طاايحة عوووورة 
اريج : والمشكل المسخووط بوكووص .. ولاكن عقليتووو صعييبة ماايغركش ضحك دياالو ... انا لي عاودلي يونس عليه .. لامشااا تاجججهل مكيعقل على حد .. يمكن هو الصعيييب فيهم 
حياة : وختي هذاك هو الراجل كسن من بابا عجينة 
لامار : هداااك احنينتي بابا الفقااااص .... قاش يهرس لمك شي رجل ويعطططبك قولي راجل 
حياة : بحالا غي مسوووق ليا .. هاااا رجلي غايجي يهرسها الكبص موجود 
اريج : دابا نتي هو هووو صااافي 
حياة : وااالو منو نخلااااااق 
اريج : تراااا والله تا لحب مووصيية كحلة .. كنشوفو راسنا غادين للعافية ولاااسقين ....
حياة : شغاندير راه وليت كنحلم بيه وندوي مع راسي ونرد عليا بحالا هو لي كيهضر معايا ..
اريج : لا لا نتي وصلتي لمراحل متأخرة مايصلاحش ليك العلاج ..... اوا وهو ؟
حياة : مكيديهاش فياااا ماانسوقش تااليا كاع 
اريج : اااه بهاد التنووووونيخ .. نتي تاابعاه .. خلي هو يتبعك ... عرفتي شنو تسنااي علياااا تانجي من العمرة ... نغسل بعدا دنوب لي فاتو عاد نديرو وحدين اخرين 
لامار : ااعووود يالله هعع نتي ناوية تووبي ولا دوشي وصافي ؟ سيري غاا لمولاي عقوب لاش تالعمرة ... 
اريط : سككتي راه هذا فيه تالاجر شوفي لبنت كي واكلة عليه الجوانط .. شوفي عندي اانجي ونبقا مع ختي تانخليه يطيح .. مانفرقكم تاتركبو الخاتم ..
لامى : صافي ملي دارتكم هادي فعقلها غي سيري ختاري لاغوووووب ... 
حياة : يييي زعما 
اريج : ( فيها العطططسة ) ناااري كيتجيني شي عطسة مكتبغي لاتخرج ... 
لامار : يمكن هاد الريحة لي طالقة لماما دالعود .... عطططسي ازمرررر 
اريج غي عطسااتها وهي تحزق 
حياة : رباااح ...
لامار : صاافي تبوشاو للفرانات بديتي من دابا .
اريج : اختي شغاندير لي مابلت ماتقوليها لحد ... 
حياة : ناري الحمالة كتخليك غي تعطسي تحزقي ؟
لامار : هادي ماشي عطسة هادي سكرين شووووت .... ديري الحباااسات حسن مايمشي ليك البريستيج حداه شي نهار .. بلاصة ماتولدي ولادك غاتولدي سكريناتنا .. خصني نولي نهضر و ونقيس معاك لا تحطني بوجهي .. حياة لغلة د باباك حسبيها وصلات لجنيكو سكرين

بقاووو مهاودين كيضحكو تاودن الظهرر وتوضاو صلاو وكلسو كيتسناو فرجالهم يجيو ... تاسمعو دقااان وحياة قلبهاا تهززز ... قالت صافي جا.. واريج ولامار كيضحكو عليها ... وناضت رقية فتحات لباااب لقات اسد ويونس ... اسد كان هاز قسم عندو ناااعسة على كتفو داها نعاس ... و يونس هاز الحلوة ودي كادو ليهم والورد 
رقية : يااااااومممرحبااااا بنساااااابي الف مرحبااا زيدو دخلو .. مرحبا بوليييدي يوووونس فداري وعلى سلااامتك اوليدي ومبرووووك عليييك ( عنقاااتو) علاش محنييييين راااااسكم اوليدي والله تاحشوومة هادشي 
يونس : لا مكاين تا عداب حاجة 
رقية : زيد اولدي اسد مببيرووووك عوااااشرك تصوومو وتععااودو ... قويسييييم نعسات 
اسد : الله يبارك فيك ....وووي نعسات ... 
رقية: زييدو تفضلووو مرحبا بيييييكم .... اولي والله تاتخلي صباااطك فررررررجلك .... وليدي اسد علاش نتا برااااني ... خليييو صباابطكم وزيدو . .
يونس : لا لا حششووومة 
رقية : ياوالله ماااتحيدوهم زيييدو مرحبا ( بدات كترش عليهم بالمريشة د الزهررر ودخلو .. و عيشة وقفااات سلمااات عليييييهم ... 
عيشة : زييدو مرحبااااا بيكم ... انا هي خت رقية
اسد : مشششرفييين بييك .. 
عيشة : افررررررحي اسعدي بالعزززززبة نااااعسة مسييييكنة 
لامار : ( ناضت هزاتها عليه باش ماتفيق ) نعسااات البااسلة ... 
هزاتها دخلاتها لداخل فبيت سماعيل ... حيت خوتها مراهمش فدار كيقراو بعيييد وكيتغداو غي تما كيرجعو غي بليل ... ورجعات كلسات حداهم كانو كيتعرفو على عيشة ... ورقية واقفة 
رقية : نهااررررر كبييييير هذاا لي تجمعو علياا وليييدااااتي ( حياة غي كتشوف فين هو سفياان وحشمات تسول ) 
اسد : اوا كاين شي كسكس ولا غاتوكلينا مرحبا الحاجة ؟ 
رقية : ههههه موووجووود اولييييدي ..على انااا وليدي اسد لي الله يحححفظوو ليا كاااامل جاي لعندي ومانوجدوش ليه ... ويووونس واريييج تاهووومااا وفرحتتتي لييييهم بوليدااتهم اللهم يثثبتهم ويجعلهم من الدرية الصالحة .. لي تشهيتوها نوجدها على الراااس والعيييين .. تووما فاين داك الجدر لاخورر كنتسالي سمييتو ( حياة طرطقات عينيها ) 
اريج : ههه سفيااان... 
رقية : وماااعزيز عليااااا داك الولد غاشوفة فوجهوو كنتفاااجااا الله يحفظووو ويحجبوووو 
حياة : ( مع راسها ) كون تشوفي بنت ختك اخالتي ماشي غي كتفاجا كتنسا الدنيا 
لامار : صوني عليه اسد تعططل ...
يونس : هاانا هاانا كنصوني ليه .... .. واافين اصاحبي !؟
سفيان : هاني وصلت ... شحال رقم الابارطمون ؟ 
يونس : غي طلع دوزيام ايطاج فيه باب واحدة ( قطع عليه ) هاوا جا ... 
حياة ناضت بززربة لبيييت قدام المرايا بدات تقاد فششعرها وضضحكك فرحانة تاسمعات لبااااب ومشات هي بززززربة تحل مقااادة مززيييزة كتخيلو كيفاش غيشوفها بالبلدي ... حلات ليه لبااب لقاتو متكككي و تيلفونو شااعل فيدو وداير نظاظرو فوق راسو 
سفيان : عموو رااك هنا الفااارة .. ( خربق ليها فشعرها ودخل خلاها غي كتشوف مصدوومة كتستوعب ماخسرش عليها تاكيدارة لاباس و شدات داك لباب بغيت نقول لتخاتها ) 
رقيو : هااااا وليدي سفيااااان جااا 
سفيان : رييييحة الحراااااق ... واااقلة الحاااجة نعييييط لماااكدوو ... مااامغدينش ليوووماااا ههه 
رقية :دااااخل بعجاااتتك يااا الجدررر .. فاااين هي ريحة الحرااااق 
سفيان : تتتتبتي معايا الحاجة .. قتليك ريحة الحراااق .. ماافيدكش واالووو كون غي علمتيني نحيب معايا البيييتزاا... 
رقية : على بداك يييزاااا باااش كتعمرو مصاااارنكم ... دابا نحطليك الكصصصعة ونشوف واش تفكر شي يزا
سفيان : شكون يزا شكون ؟ ها كااين شي يزاا لدااخل زوينة زوينة الحاجة ؟ ( كيقاد فشعرو ) صغيرة ولا كبيرة ( حياة كتغزز فشفايفها ) 
رقية : طبييعتك هي طبيعييييتك يالاطيف
( عنقاااااتو ) دددخل اوللدي دددخل ... خخخخلي سبرديييييلتك فررررجلك 
سفيان : هي لولا ..تانا غي فايشت ( دخل )
رقية : ههههههه صصصكع ..

كلسوو مجموعين و سفياان سلم على عيشة بقا عاقل عليها نهار مشا لعندها وكلسو مجموعين غير قسم لي ناعسا و حياة حطات صينية د اتاي و الحلوة ... وكلسات كتشوف غي من تحت لتحت فسفياااان لي كيهضر هو ولاماارر ويضحكو ..
اريج : ( قرصاااتها ) غاانتقب لمك داك العينين .. ميكي على الزززمررر غاتزاد فيه ضلعة .. 
حياة : مااااذي لخاطري كون تشوفي على قمعة دارلي فلباب .. عموو قالك .. واش كنبان صغيرة 
اريج : غا هو عينيه مزاكلين معرفت مالو .. ماتشوفيش لعندوو.. عطييييني كااااااسي ...وخشي فوجهك الحلوة و تبتي 
مدات ليها كاسها داتاي ورقية كتكب فرحانة ... 
رقية : نهاااااار كبيييير هدا ... زيييد اولدي يوونس قرب لاتحشمشاااااي حسب راااسك فداااااركم 
يونس : لااا الحاجة عارف لي كااااين ...
رقية : عمررررة مقبوووولة نشااااعالله ماتصوروووش فرحتي قداااش لي غاتشوفو داك المقاااام الله يوصل ليه كل مسلم 
عيشة : ررررربي يقببل لييكم اولدييااتي . وخا نتوما ماتحتااجوشاااي للحج باركا غي الخيييير ليكاديرو مع ولااد ناااااس بحالا حجيتوو وعاودتووو ... عمرني لا نسييييييت اش درتو مع بناااتي ( جاوها دموووع و هزات فورنتها كتسمح ) 
لامار : واايلي اخالتي عيششة حرااام عليييك ... هادي هضرة تقااااال
عيشة : ( صوتها تغنغن ) كندعي معااااكم بليل وبنهااررر على مادرتو مع بنتي شااايما وبنتي حيااااة .. ربي يطول ليكم فالعمرر ويخلي ليكم صحيييحتكم وييزيييدكم من رزززقووو ياااارب ...
اسد : حشومة تقولي هاد الهضرة حنا مدرنا والو .. بناااتك لي عنهم عزييمة .. يقراو ويكونو مستقبلهم ... حنا غير طريق 
عيشة : لهلا يخطيييك اولدي .. رررربي لي غاااااادي يجااااازيك على هاد الخيير لي كديرو مع ناااااس ... 
سفيان : ( عنقها عندو ) وهانتوما بكيتولينا الميييييمة .. ماااتبنااينيييش اخالتي .. 
عيشة : ههههه ( ضحكها وسط دموعها وحياة ساهية فيه كيفاش معنق ماماها ) انا راه قتلك داك نهار حسبني بحال مييمتك ... حسبوني كااااملين ميمتكم على الخير لي دار فيا سي اسد يديرو ليا ولدي ! 
رقية : اواااا هز يديك يدييييك اعييشة ... وهزو دعييو مع ولييييدي .. ربي يخليييييه لبببنتووو وخوتوو ولمراتو ويزييدو من نعاميه ويحفظو وفين ماحط رجلوووو ربي يسسسهل ليه ... والله يجعل هاد العمرررة يارب مفتااااح الخييير على ولدي ويجيني من السعودية كييسمع هضضضضرتي ياااااااربي لاااااا متفرررررحني ويسمع وليدي مابقيت باغا والو من دنيااااا غاولدي اسد يسمع هضضضرتي ويفررحني ويقولي خااالتي كنننسمعك .... ويلا بغات الموت غااااااتجي
لامار : يااربي اميييين 
اسد : (تووشاتووو ومابغاش يبين خلا راسو غي مبسم ) امين ..
يونس : اللهم امين كولشي عند الله قرييب ... 
سفيان : اودي بالله تاحسدتك ... الله يعطينا شي نسسيييبة بحالك الحاجة لي دعي معانا تاحنا ... 
حياة : ( مع راسها ) دععي اماما معااه دعي ...جاتك اللقوة تالدابا ... دددعي مع الولد وحمريلي وجهي 
رقية : على هاد طيران اي فيك مغاطيح غي فشي نسيبة مسموووومة تهبطك على جخيمة دالما لقاع لبير 
سفيان : اعووووود بالله من شيطااااان الرجيييم ... 
يونس : هههههه هي لي تصلاح ليه يرررصااا شوية الارض ... 
اسد بدا يصوني ليه تيليون وشاف نمرة و استأدن منهم وناض لبيت لي فيه قسم

اسد : وي عادل .. 
عادل : سي اسد سمح ليااا لاديرونجيتك ... غير هو اتصل بيا سي البناني .. صاحب مجموعة اوردافريك ..
اسد : اي الوغ .. 
عادل : كيقول عندو شي حفل ف الجنعية ديال الصم والبكم .. و والاولاد بغاااوك تشررفهم .. قتليه راه مسافرر مي قاليا يفررح غي الوليدات مياخدش الامر منك بزاف و مايعطلوكش
اسد : عرفت داك الجمعية ... معاش هادشي! 
عادل : ليوم فلعشية .. راه كيرغب ويعاود باش تفرح دوك الوليدات
اسد : (رد شعرو لور وتنهد ) داكوغ .. مي قوليه غي 10 دقايق ومكتونش صحافة ..منقدرش نرفض طلب بحال هدا ..
عادل : حاضر اسيدي انا دابا غانرد عليه ...
قطع عليه و عيط لداك السيد غي سمعو تيليفووون كولشي ضارو بيه تاني بسلاحهم 
- الو سي عاااادل 
عادل : هضرت مع سي اسد وراه موافق غير كيطلب مايفوتش دي مينيط .. وماتكونش الصحافة عفاك...
- لا لا كون هاني اسيدي مغايكونوش شكرااا ليه بزاف 
عادل : راه غي مابغاش يضيع خاطر الوليدات وجيتيه لنطقة ضعفو ماهو لقيتيه مساافر ... دعيو معاه بعمرة مقبولة 
- ( قلبووووو تححححسسرررر و تزيير ليه ماحملش راسو فهاد اللحظة وصوووووتو تنغنغ ) ع ععع ع عمرة مقبولة اسييييدي مقبووووولة ( قطع علييه ولاول مرة فحياتو غاينزلو دموعو تحححسرر) 
- اش قاليك 
- غايجي ... س سيد ماااشي للعمرة ... ملشي لماقام النبي صلى الله عليه وسلم .. مقام مقدس عندنا حنا المسلميييييين رررربي عمرو غااايسمح ليا على هادشي .. عفااااااكم ... عفاااااااكم لامخلييييييوه يمشي ... ماديييروليه والو .. عندوووو بنييييتة .. و معمروو ضرررر شي حد .... اشبغيييتو عندو ...على قبل ولاد صغااااررر أجل سفرووو وغايجي عنهم .. ماتخليوش ضميري ييعدبني خلييووه يمشي نبووووووس يديييييكم لا مخلييييوه ... عنداكم ديروليه شي حااااااجة نبوووووووس يديكم 
- مزيااااااااان ... ودابا نوض زيد قدامي نقووليك اش غادير .. مزال ماسالينا معاك .... 
عند اسد .. 
رجع لعنهم وهوما جابدين مواضيع كيتهاودو 
لامار : شكون عيطليك احبيبي 
اسد : غير عادل 
رقية : ولييييدي هززز كااااسك . 
اسد : هي لوولااا ..
رقية: راااه حياااة مولات هاد البراااااد 
يونس : تبااااااركالله عليييها من داكشي 
سفيان : مسووووس شوية لا ...
اريج : نااااري ... راه غي كيييعصبك هههه
سفيان : شووف كيف حمرات شوف ههههه البنت عندك اخاالتي غا نية د الله تعااااالى وصافي 
عيشة : لا لا تباااركالله علييها فالشغال معندي مانقول كتحمرر ليا وجهي ..طويييجنات ديالهااا انا ميمتها و الله مااااندير بحااالهم ... واحد طاجين د الكفتة فاش كدييييرووو تااااكل وراه صباااعنك .. و تا الفقطبااااان كتجييها لذيييييذة ... كتتتعرررف تككككفت 
حياة بزقااااات داك اتاي كااامل و بدات كتكككح واريج عطاتها كاس دالما ولامار طرطقات عينيها اما اسد دار راسو كاع ماشاف و يونس و واريج شادين ضحكة بسيييييف وحياة و لات حمممررررة كتتتكح
رقية : تي بشوووية عليك .... صلاه عانبي .... لا لاااا حياة شبهااات فخاالتها يدها بنييييينة داايقاااا الكفتة ديالها فالعيياد .. كفااااااايتة مكاينش لي يعرف يكفت بحالها 
سفيان : ههههههه تباركاللن تباااااركالله.. 
لامار : ( ناضت تعتق الموقف حيت كولشي ولا حايبس ضحكتو ) ااحم ا انوضو نجمعو طططبلة بااااش نتغداوو 
حياة : ااه اختي نووضووو ااه نووضووووو ....

ناضو وحدة كتعتر فلوخرا حيااااة غاااطرطق بالحشمة ودخلو لكوزينة عاد لامار طلقات داك ضحكة ...
لامار : لي خلاتو مك كملاتو ماما هههههههههعه كككككرررشي 
حياو : ويلي ويلي ويلي نتي لي جا معاك ضحك .... وااااااااناري فين ندير وجهي ....
لامار : كفااااايتة مع راسك هههههههه 
حياة : سككككتي الامار حراااااام علييييك 
دخلات اريج كضحك
اريج : لكفاااااايتة صافا هههههههه 
حياة : والله تاحرااااام عليكم جااتني اابكية تفوووو على حششششمة ... تفوووو 
اريج : من قبيلة وهي تععنكككر قدامو ..جات مها وخالتها ضيعو كولشي ههههههه يااااختي موقف لا يحسد عليه هههههه 
شوية دخلو رقية وعيشة 
رقية : تووماااا مااالكم تابعتو غي فرااخ البط ... 
لامار : ( كتحاول تجمع ضحكة ) ل لااا لا وااالو .. غ غي .. غي كنضحكو 
عيشة : توما شتكم كاااملين تبسمتو قبيلة مالكم 
حياة : يااااك امي يااااك حاطاني بوووجهي 
عيشة : علاش هاناري ؟ 
حياة : كفايتية ياك امي كفاااااايتة اويييلي اوووجهي و فييين نديرك ( بدات تندب ) 
عيشة : هاولي وحدي ... سسري انا لي كالسة نشكر ليك ونكبر بييييييك 
حياة : امتتتتكبريش بياااااا متتتكببرييييش 
اريج : هههههه ( شادة على كرشها كتحرقها بقوة الضحك ) لا لا تباركالله كبرتي منها من داكشي ههههههههه 
رقية : توما مالكم 
لامار : هههههه لا غا مالقيتو ماديرو وقلتو اراووو نخليو دار بوها هههعه هاك الكفايتة هاك سيري مسحي طبلة لله يخليها تريكة هههه 
حياة : لا اختي ولله مانمشي بقالي شي وجه انا 
عيشة : توما قوليلي اش كاين 
اريج : لا والو اخالتي نتي غي كبرتي بيها هي لي مافيهاش الخير ههههه ارا نمسح انا هه شدي الارض عرفتي شنو سااافري تنساي شوية هههه 
لامار : نفقدليك الداكرة ابب هههه .
حياة : فقديها لييييييهم 
مشات ارييج كتضحك مسحات الطبلة و رجعات 
اريج : صافي غي جمعي شلاكمك .. مكيهضروش فداك الموضوع مداو ماجابو عادي غي هضرة هوما غايكونو فهمو القصد شنو هو .. ( ضارت بااانتليها رقية كتسقي الكككصعة كبيييرررررررة و الخضرة داييرة بيها وهي يقطرو ريوكها ) ااااااالله 
لامار : عنداك تخشي يديك سخون 
اريج : مممم سسسربي اخالتي سسسسسسربي ... عطيني ندووق 
رقية : خليك تاكلسي وكولي تاتتشبعي 
عيشة : سير ابنتي ماتبقايشاي واقفة فالكوزينة .. سيروو افاطمة زهرا كلسو حدا رجالكم انا غانسخر مع رقية 
لامار : يلاه اريج انا غاانطل على قسم .. خرجي احياااااة عادي كتوقع عنداك دفني راسك هنا ههه 
مشات لامار طلات على قسم بانليها نااااعسة ناشرة يديييهاا نااعسة وباستها وخرجات تقنتاات حدا اسد و اريج كتحنقز فبلاصتها وتمص فشفايفها شادة معقلتها عندها تاجابت رقية القصرييية ... وحطااتها 
رقية : مرحيااا بييييييكم .. قلبوو علينا
سفيان : ارااااا برع ... 
يونس : تبااااركالله عليكم... الله يعطيكم الصحة 
اريج لا حذمة لاحياا مدات يديها دغيا كتااااكل ويونس بقا غي كيشوف معاها باستغراب على ماكلة كدير وبداو كيتغداااووو فالجو ديالهم ديال الضحك 
اريج : همممممم . ممممم ( كتاكل وتلدد ويونس كيشوف معاها وكولشي كيضحك عليها هي مارهاش فداك العالم ) 
يونس : ( بااحس حدا ودنيها ) ششش لي سمعك يقول غي خاشيك تحتي ابنت الحرام كولي بالسكات 
اريج : ( كتهضر فمها عامر ) لذييذ لذييييييذذذ
رقية : ههههه كولبي ابنتي حتى تششششششبعي 
لاماى : شششفتي جججرببتي دابا .. شتي شحال ضحكتي عليا فاش كنت ناكل الكونفيتير هه يلاه عمممري وسييري خوي هههههه 
رقية : خلي البنت تاكل طلعي ليها قلبها من دابا .... 
لامار : ماجابت الخبار غااا عليااا .... 
اسد : ( بينو وبين لامار ) طليتي على قسم ؟! 
لامار : ووي باااقا ناعسة جبدات عليها نيشان .. خلاتنا نتغداو بعدا فخاطرنا ... 
عيشة : كوولي ابنتي مزيان لي مفتوحة ليك الشششهية ... واحد البنيتة عندي حملات ومكنتش تاكل وقاسها فقر الدم وبوصفييييررر وراه كتعاني 
رقية : كللثوم مسكيينة ؟؟؟ كون غاجببتيها لهنااا فلحومة لي كنت ساكنة فيها شحال هادي تما واحظ الكوااااي كان كييكوي بنتي فاطمزهرااا .. كواااااي وكويتو دقة ببطلة 
لامى : ( بزقات داك طعام وححححل ليها و سفيان صافي هنا مقدش يححبس راااااسو و خشا راسو بييين يديييييييه وبدا يضحك و اسد لي مافهمش لموضوع مكانش كيشوف عندها غي كيشرب لاماررر لما لي ساخ ليها طعاااام واريج طاحت من ورااا يووونس كضضحك وحياة كتششفى عجبها لحال لي تالامار جاتها دقة ههههه ) 
عيشة : اوا نجيييبهااا عندو كلثووم شحااال هادي ماااتكوات تااهي يكوييييها 
رقية : لا لا غاااجيبيها ..ها بنتي تقوليك من تهار كواها ماضار بيها بوصفيررر .. كيعرف يكوي ..

يتبع 😂

أحدث القصص
قصة صرخة ملائكة من تأليف هاجر ايسو
قصة صرخة ملائكة هاجر ايسو