يونس : سير اسفيان عند لامار ... راه من حقها تعرف مغايعجبهاش الحال لاخبينا عليها .. بغيت نقوليها تالصباح بعدا غي تانشوفو حالة اسد ... ولاكن خايف توقع ليه شي حاجة اصاااحبي وماتشوفش مغاتسمحش لينا طول حياتها .. وحتى هي مغااتقتنعش حيت اسد مكيباتش برا دارو ...
سفيان : وكيغندير نقولها ليها انا
يونس : غير شوف شي طريقة ماتخلعشهاش بيها .. اريج مابغيت نقوليها والو هاديك على سبة يمشي يوقع ليها شي اجهااض والله مقاد نخسر تا ولادي لي شحال فرحنا بيهم ... سير جيييبها اسفيان .. من حقها تكون هنا ...
سفيان تنهد و هز سوارت ... ومشا كيفكر كيفاش يقولها للامار ...اصعب مسؤولية تحطات عليه
عند لامار
رقية : اوا هااااانتوما غي كتشوشو على والو
لامار : انا غي ما زادو شوشوني كتر .. هضرة يونس ماعجبتنيش .. اسد رااه خوا لاجوندا فخطططرة مايمكنش يرجع لشركة معندو تما والو ...
اريج : ( كتلبس جلابتها كانت غي بشورط و ديباردور بحكم الصهد) حتى اناا غانمشي معاك يونس معجبتنيش هضرتو .. خصني نشوفووو عااد نهدا
لامار : مفهمتش والله مافهمت.. اسد من وسط الاجتماع لاعيطلتيه كيخرج يجاوبني .. ودابا شنو شادو ؟؟؟ بااالي مااامهنيش .. مييييمكنش .. شتي من سااابع المستحيلات .. اااسد يكون تما ويخلي سفيااان يجي يجيبني و لا يونس لي يعيط علينا .. تلقاه يتقاتل ويهضر معايا يعلمني ويبرد قلبي عارفني كيفاش دايرة ودغيا كنتخلع على والو ...مكيمكنش ماايهضرش معايا...
اريح : داكشي لي قلت حتى انا .. شي حاجة تما .. شي حاجة واقعة ليهم ...
لامار غير كتغزز فشفايها وضارت لصاك دقسم كتجمعو
رقية : تي كوني تسمعي خلي لبنت فين غاتديها
لامار : لا امامااا اسد غايبغي يشوفها والله تايردني تالهنا .. منقدرش نخليها ... نتي عارفاه كيداير . غاايبغي بنتو ... تاهي ماتسكتلكش هنا بلا بينا وهي من قبيلة وهي تعيط عليه ...غايكون توحشهها غانديها ليه ونشوفو علاش ماباغيش يهضر معايا وشنو هادشي لي يشدو يطمني ....
رقية: اوا نتووما تعرفو والله يسمعكم خبار الخير ...
سفيان :هانتي الامارر . تهدني .. ا اسد ... ر راه .. اسد راه غي ..
لامار : ( مكترممشش غي مطرطقة عينيها فيييه عاامرين بدمووووع لي منزلوش وقلبها كيضررررررررب صافي كتسناااااا غي تسمع شي حاجة خااايبة ولات متأكدة ان اسد واقعة ليه شي حاجة بدات غي كتمتم ) مم ..م مالو .. م مال اسد
سفيان : د دار غير واحد الاكسيدون .. ( طرطقااااااات عينيها دوخة جاتها ) م ماشي شي حاجة ... هانتي غانمشيو وغاتشوفيه... ر . راه بيخيييرر .. غي شي حاجة بسيطة ....
لامار كضور راسها غي بلا ... مصدومة.. حيت حالة سفيان و لا تاهضرة يونس لي قاليها راه فشركة ... ماشي ديال شي حاحة بسييييطة .. فللحظة مابقاتش كتحس بدنياااا تااااشددددها سفياااااان و اريج غوتات
اريج : لاااماااااااااااار
سفيان : لاامارررر ( كيضرب فوججهااا وهي سخفانة على يدو ) لاامارر ..اريج غاتكون غي سخفااااااانة .. شظي راسك حتى نتي الله يحن علييييك .. ططططلعي لطمووووبيل دغياااا .. طططططلعي ..
طلعات لقدام كتتترعد وتبكي شادة على كرشها لي حساتها تقلبات بالخلعة ... هو ركب لامار لوررر حدا قسم لي كككتبكي ..
سفيان : صاااافي اقسم... هااماما . غي نااعسة وصافي هاهي غااتفيق متخلعيش ابنتي ... اش هاااااااد الموصيبة ( يديه كاع كترعدو هو كيصااايب لامار لور وقسم كتبكي وكتخخبش فيها تفيق وهي غاااااايبة .. محضراش تما . او بالاخرى مجرد انها تحس ان اسد ممكن يخطاها ماقدريش تعيش حتى لحظة ... ومذا كيجري رركب فبلاصتو وديماارا كيتمنى تكون غي سخفانة و ماتوقعش ليها تاهي شي حاجة ...واريج كتبكي قلبها غايخرج من بلاصتو )
يونس : اوووووووف لاوقعات ليها شي حاجة وهو فاق غاايرجع ديييريكت ...
دخلو موراها كيجرييو لواحد شومبر ولاكن جراو عليهم تاشافو دكتورة الخاصة د لامار جايا كتجري ودخلات عندها لشومبر و اريج عينيها على يد يووونس وزجهو كتشوف فيه
على لامار لي دخلوها لنفس شومبر لي كانو سعفو فيها عدنان ...كيشوفهم ضايرين بيها ووحدة كدير ليها السييرووم ... وكيفحصو فيها وقسم كضرب ليه فزاج باغا دخل عنهاا ..
سفيان : ( حط راسو على راسها ) ماما وبابا غاايرجعو عندك ... دابااا يخرجووو ويهزووك ويلعبو معاك .. راه مايقدوش يخليوك .. ... غير صببري احبيبتي ... تايلا كانت ماما و بابا مراض ها عموو سفيان معاك .. معاك عمااامك كاملين .. غايبقاو هازينك فعييييينيهم حتا يوقفو على رجلييييهم ( باسهااا ممطططوووول هي لي عطات ليه شوية د القوة يصبر على هاد المصايب كاملة لي جات وحدة ورا لوخرا )
عند يونس لي عاود لاريج كولشي
اريج : وشكووون هادو لي غايديرو فيه هاد الحالة معندوش اعداااء هو محايد .. زشكون بعدا يتجرأ يقرب ليه اذن شي حد معارفوش شنو كيسوى وشكون اهو
يونس : حتا الى مكانش عارف دابا راه غايعرف .... هادشي لي قالي سفيان ... مي غاانعرفوه.. و غاااانخلييييوه يندم على نهار لي دارو بين عينيه ...اما لاخور نوبتووو عاد جايا
اريج : منيين خرج هدا عاوووووتاااااني ندمت على نهار لي دخلتو فيه لحياااااااتي ...تفووووو.. اللع ياااااربي على ختي مسكييييينة .. سمعات غير اكسيدون وشوف اش دارت .ظ. ماكون عارفاات هادشي كامل اش غااادير ....
يونس : حنا رجال اريج ومقديناش نصبرو .. مقااديناش ... حالة سفيان قطعاتني من داخل فاش طلعو لينا شعر اسد ... عاساك لامار لي مراتو ونتي عارفة اش كيعني ليها ...
اريج : فففففففف .... ( كتكبي ) يااااربي تشاااافيه ياربي و ترجعو لبتو ومراتو .. شووف مسكييينة كييف كتلعب مع سفيان ماعارفة والو .. ولاكن واخا هاكاك حسااات عرفتتني بقات كتتتبكي وكتعيط بااه لاول مرة .... سبحاااان الله ..
يونس : كلنا كنا حاااااسين .. مكنااااش على راحتنا معرفتش نهار كامل كنت مقبوط راك شفتني فطيارة .. ( تنهد ) المشكل ماشي غي هو ... دابا واحد اخور راه فالانعاش كنتسناو نعرفو حالتو تاهو.. كواارث وصافي ماعرفينش منين نزلو علينا
اريج : شكووووون
يونس : خوونا لاخور .. لكبير . كنت كنعاود ليك عليه وقتليك شقيق اسد وكانو داوه لواليدة وهو باقي صغيرر
اريج : هاء ؟؟؟؟ ررررجع ..
يونس : واش عرفتيه شكون هو ...
اريج : شكون ؟
يونس : لي كان جااا فالانفيغسيغ ديال ختك رتاج ..سولتك عليه وقلتيلي شريك اسد الجديد ... واضح يمكن كانت بينة وبين رتاج شي حاجة راه سميتها موشومة فدراعو
اريج : ( شدات على فمها ) اوييييلي عدناااااااان ؟؟؟؟؟؟؟؟
اريج : هاا؟؟؟؟؟ كيفاش ؟ هو خوكم ! خوو اسد ؟؟؟؟؟؟؟ متأكد من هاد الهضرة
يونس : علاش تصدمتي هاكا ؟
اريج :ولاكن ياك هو كاااان عدوه ؟؟؟ وامخلا مدار ليييه ودار فلامار ...
سفيان قرب عندها
سفيان : نعاااام ؟؟؟؟؟؟ عاودي اش قلتي ..
اريج : ياك سمر وطويييل وكيشبه لاسد بزاف
يونس : اااه هو ... اش كتعرفي عليه
اريج : وراه كان بيناتهم الصداااع ... وهو مكانش كيبغي ختي غي كان كيستغلها .... وهو واسد مكانتش علاقتهم زوينة ....نااااااااااااري صدق خوووووكم ؟؟؟؟؟
يونس : ارييج بلا الغاز فهميني من لول ... اشنو كتعرفي
اريج : ( بدات غي كتسرط فريقها ) شوف .. خليو تاتفيق لامار و تعاود ليكم يقدر ماتبغيش نقول شي حاجة .. ولا اسد يتقلق .... انا راه غي تفاجأت وصافي ...خرجاتلي بلا منحس
يونس : وااااااش باغيا نوض لسق دينمك مع الحييط باغياني نرد عليك الخر ولا شنو ... ههضضضري ماتعصبينيش ... شنو كتععرفي عليه .... ههضرررري مابقا مااااايتخبااا ...
سفيان : ههضري اريج.. . اش دار عدنان لخوه ؟
اريج : صااافي واااااخا .. انا غانعاود ليكم ولاكن غي لي كنعرف .. حيت انا غي انا كيعاودو ليا رتاج ولامار واسبرو .. لي عارفة هو ان عدنان كان تلاقاتو رتاج فطيارة و كااانت بغاتو ... ومن بعد مدددة فعلاقتهم اكتشفات ان كان غي كيستعملها باش يعرف اخبار لامار و اسد حيت عرفها صاحبتها .. داك ساع لامار كانت يلاه جات من لاميغييييك فاش كان طراليها داكشي مع سارة .... وسيفط ليها شي واحد سميتو فهد باش يبقا يضورر بيها .. باش يفرقها على اسد ... سعا راكم عارفين اسد مكابنش لي يديرها بيه... دغيا طلعو وقال لختي ترد بالها منو ... وكان كيغرق ليه تالباطويات .. وراهم كانو تواجهو هو وياااه فواحد الباطو وكانت معاهم تاختي .. ولاكن معاودتيليش اش طرا فالباطو قاتلي غي دابزو و رجال اسد تيراو فعدنان لجيهة قلبو ونقلوه لاسبااانيااا وختي لي دارت ليه العملية ...واش اسد زعما معارفوووش خوه !!!!!!
اريج : اودي لهلا يركبك ... اشنو غايدير فيه اصلا السيد نقتل ... والغريب فالامر ان عدنان لي قتلو
سفيان : شنو هاد تخخخربيق ؟
اريج : كان خطف لامار ... وملي مشا اسد ردها ناض هو باش يهرب حط سلاح على راس ختي باش مايقربوش ليه .. حتا كيتقتل ...ماعرفوش منين جاتو رصاصة ... منبعد اسد عرفو ان عدنان ... دونك يا ايماااا كان خايف يتفضح ويتشد فهد ويفضحو ...يا اما هاد عدنان راه بصح طايح فختي ...
سفيان : ياك قلنا ليك ابندام هادوك مامخطينش يقتلوه ....راه كانو باغيييين يغيبوه وماعرفت اش يديرو لو ...يعني كاع الى كان خطط راه مغاتجيش على بالو ان غايعيق بيهم و غايتضرب ...هادشي لي وااقع ليه غايكون غي ندامة حييت عرف خوه اشنو قاسا.. حنا كااملين خوتو علاش مطحناش بحالو ؟ كون كنت بلاصتوو درت هادشي كامل فخويا فلخر نكتشف انوو مكيسمعش و قاسا فصغرو تانا يحيني لهبال ماشي غي كخييز .. دونك راه باين لبلاااااااان .... رررااااااا بررررربي القاااااساااام ويكون هووووو مور هااادشي برررررربي نهارو لاطلعاات فيه الشممممس غاااااانخنقووووو بداك السييييروم .. واش اصاحبي واحد بعقلو يسيفط راجل براني لمرات خوه ! مدخليش انا هادي لعقلي .. معرفتشكيفاش وقع لاسد انا بلاصتو بربي تانصيفطو لروووضة ديريكت ويكون تا بااا ماشي غي خويا
يونس : كاالم اصاحبي لبنت فيديك .. انا مكنضنش هادشي ... اه الواحد يدير كولشي ولاكن تانجرب نقتل خويا لاااا ... هادشي مغانفهموه الا لافاق هو ولا اسد ....
يلاه كيهضرو وهي تخرج دكتورة من شومبر دلامار و قربو عنها
يونس : كيف بقااات
دكتورة : درنا الازم معاها اسي يونس ... فيزيكمون راها بيخير ... ولاكن نفسيااا .. راه عنها صدمة .... صراحة كولشي تصدمنا بهادشي لي وقع لي سي اسد .. اما هي اثرات عليها كتر ( اريج بدات كتبكي ويونس عنفها عندو )
سفيان : واش فاقت
دكتور : نقولو فااايقة ... عايجي دكتور النفسي من دابا شوية ... صدمة كانت صعييبة عليها ... راه فايقة بصح مكتجاوبش معانا .. اكيد صدمة غاتكون عزلاتها على المحيط الخارجي ..
مشاو حدا شومبر دلامار لي ضربو ليها المنوم فسيروم ونعسات ودخلات اريج تاهي كلسات على واحد الكنااابي حداها كتشوف فيها ويونس طلع لانعاش فين كاين عدنان و مشا كيطل عليه من واحد زاجة صغيرة فلباب .. لقاه ضايرين بيه الخيووط والالات وهو مسسستلقي ولاوكسيجين فنيفو ..
سفيان خرج لبرااا هو وقسم لجردة .. وكلس موقفها على ركاريه شادها كيشوف فيها وهي كضحك معاه حيت غي كتشوفو كتضحك حيت كتعرفوو كيلعب معاها بزاف
سفيان : نتي هي لي مصبرانا فهااااادشي كامل فخبارك ؟
قسم : ( كتلعب بدييها وتمص فيهم ) غغغااي يييررغي
سفيان : ( باسها ) دعي مع بابا .. نتي صغيرة وربي منك غايسمع ... دعي معاه يرجع لينا كيف عرفناه .... باباك ابنتي ماشي غي اخ .. باباك هو با ... عطاني لي معطانيش الواليد طول حياتي .. فضرف عام والصرف حفر بلاصتو عندي هنا ( اشار لقلبو وهي كتشزف معاه وتجاوب معاه بيديييهاا ) هاد بلاصة عمر دخل ليها شي حد ...هو حفر فيها بلاصتو ... مكنتش كنعرفو ... كنت واخد عليه فكرة غاااالطة ... ملي تقربت منو .. لقيتو هو كولشي لي كان خاصني ... فيه اب فيه ام فيه اسرة ... كنحس بيه ملي كنجي معطل كيجي فليل يحل عليا لباب يشوفني ويرجع ..... شحال من مرة ضاااربت وتهزيت لكوميساريا حتى كلقا راسي خرجوني باتصال واحد منو .. هو لييكيحس بيا .. لاكنت عيااان كيشوف فيا شي شووفات لي كيقولولي هانا معاك فاش ماحتاجيتيني .. واخا هو مكيقولهاش ...ولاكن عارفو ان لاوقعاتلي شي حاجة غايقلب دنيا ... قالي طموبيل جاتو كادو ومكيستعملهاش ... لقيتو انو خداها ليا من نهار لول ومابغاش يعطيهالي تايوهمني انها ديالو ... قاليا الارض لي خديت دايرة غير 50 مليون وهي فالاصل 200 وهو لي خلص كولشي ... كيحسابتو مكنفهمش ... باباك ابنتي ماشي غي ديالك بوحدك ... هو اب ديال كل واحد ... ديال كل اصم ... ديال كل محتاج ....ديال كاع الناس لي خداامين عندو ... ديال كاع ناس دالجمعيات ديالو ... ماش غي نتي بوحدك لي كتعيطليه بابا ... حنا كلنا يتامى بلا بيه ... نتي و ماماك و حنااا .. كولشي ... هو لي كيحل لينا كاع المشاكيل .. هو لي كتحلا لينا بيه الكلسة ... هو لاكان وسطنا كينزل الامان ... باباك ضل لي حنا تحتو ... كنحس بشمش كتحرقني اقسم ( دموعو سالين ) ماكينش لي يدرق علينا ... شعا غايعمينا لازاد طول باباك ومارجعش .. خصو يرجع اقسم .. خصووو يرجع . . غاانتعماو بلا بيه....
سفيان : مغانبقاش انا هنا معلق راااه بزاف هااادشي ... وخا يكونو هيكلوه من جديد غايكونو سالاو
وصلو ...ونزلو كيمشي سفيان بززربة كيشوف مع القاعااااات و يونس تاهو كيقلب تادخلو لواحد لازون وهوما يلقاو رجال داسد كاع معرميييين تما ووحبسوهم
سفيان : ( دفعوو ) قوووود لهيه راه خويا هداك لي داااخل .....
الكارد : ميمكنش دخول اسيدي ... سي اسد راه سلاو ليه العملية شوية وغايطلعوه ... ميمكنش تشوفوه ..
سفيان: واااش مريض نتا ولا مااااالك ....(داخل فيه براسو باغي يتناطح ) شكووون تكوووون لي تمنعني نشووووفووو!!!!
يونس : سفيااان .... سفيااان صافي اصاحبي
سفيان : ( داخل فيه نيشان مححمر فيه واخا الكارد ولاكن سفيان طويل هليه ) بعععددد من الطريق
الكارد: راه تعليمات د الطاقم .. للسلامة دسي اسد مايمكنش شي واحد يقرب ليه .. راه غايطلعوه ويعطيوكم خبارو ... ولاكن ميمكنش دخلو .. انا عارفكم خووتو ولاكن راه ميمكنش يدخل هاد لازون شي حد
سفيااان رررجع ضررررب يدو مع الحييييط لي هلللكها قرب يهرسها
خرج واحد دكتور كيحد فليكات ديالو وكاع الطاقم خارجين بحال شي محاربين نجاو من حرب ... البدلات ديالهم الزورق ولاو حووومر بالدم وليكات ديالهم خلاص ....
جراح : ميمكنش شي حد يدخل .. المناعة د المريض ضعيييفة ... ماشي حنا كنمنعوكم ولاكن راه خطر عليه ...
يونس : بعدد لهييه ( دفع سفيان وقرب ) قوليا كيف دااايرة حالتو
دكتور : حاولنا ... والكمال على الله ....
سفيان : ( نقققززز عليه جيييفووو ويونس كيفرق ) كييفااش حاااولتوو .. واش اسد بيييخير ولا لااااا انا معنديش مع تلاوي هضر معايا نيشااااان
يونس : ( دفعووو وعطاه ببونية حتا ضار شاد على فمو هبط ليه راسو الارض يديه بحال الرموك مخننزززررر فيه يككلس ...ورجع شاف عند دكتور ) غير طمننا ادكتور .. راه شحال من ساعة وحنا كنتسناو ...واش راه بيخييير ؟ راه من حقنا نعرفو راه خونا .. اه حنا عارفين ان ملفو الصحي مكتقولوهش و كيكون سري وخاص بيه هو والوكالة ولاكن حنا خوتو ... من حقنا نطمونو عليه ا دكتور ...
الجراح بقا غي كتنهد
الجراح : واخا ..عنددنا دابا اجتماع على الحالة ديالو والتشخييص ... ومنبعد غانهضرو فالبيرو ديالي ونقربكم من حالتو .. اما دابا مغانقوليكم والو .... كتر من انكم دعيو معاه .... نتيجة العملية مامكنش تبان دابا باش نطمنكم .. حنا ماشي انااانيين عارفين محبتو عندكم ولاكن مابيدينا مانديرو .. ميت بحالنا بحالكم كنترجاو الله .. الطاقم الجراحي الامريكي كان هو لي لازم يقوم بالعملية... ولاكن كان ضروري من التدخل السريع ماقديناش نتسناوهم ..... دابا راه قريب يوصل غانعقدو معاهم اجتماع ندرسو حالتو ونرد عليكم ...
سفيان : دابا من هادشي كامل امتى غاااانعرفو حنا نتيجة
دكتور : نتسناو تحاليل ..و نتسناو التجاوب ديالو مع العلاج ... ومنبعد غااانخبروكم
دكتور : ( شد عل كتفو ) دايرين كتر من جهدنا .. سي اسد ماشي شي واحد عادي ...
خلاهم وطلع وسفياان شد راسو متكي على الحييييط .. واسد خرجوه من بلاصة اخخخرى طلعوه لجناح الخاص بيه لي كلو بالحراااسة المشددة ومايمكنش شي حد يعتب عندو من غير الطاااقم .... رااسووو مغغعللللف كلو فقعر زجاجي مخلين غي بلاصة تيو د الاوكسيجين.... ودخلوه لواحد الغرفة صغيرة بحال القبر وبااااااااردة بحال فريكو راش يتجمد فيه الدم ومايتحركش ليه فالراس وتوقع ليه جلطة ...
طلعو سفيان و يونس كالسين فوق كرسي غي كتنهدو .. بانليهم الاطباء د امريكا وصلوو وماشووو دخلو مزروووبين لاصااال د الاجتماعات وكانت معاهم حتا رتاج ...
من بعد سااااعة سالاو الاجتماع ... جا عندهم واحد الفرملي علمهم يمشيو عند دكتور لبيرو دخلو لقاو تا رتاج تما لي وقفات عنقااااهم مواسياهم كانو عنيها منفوخين وكتحاول تبان قوية .... وكلسو ...
يونس : شنو توصلتو ليه ؟ .
دكتور : حاليا غي شخصنا حالتو ... الطاقم الامريكي راه طلع عندو .. باقي غانقومو ب جوج دالعمليات .. كيف سبق وقلت الكسر فالجمجمة ماشي بالامر السههل لي يمكن الحل ديالو فأوبيراسيون وحدة ...
رتاج : يونس ... اسد تضرب بشكل قوووووي بزااااف و Skull fracture كيف كنعرفو هو كسر ديال واحد من العضام الثمانية لي عندنا فالجزء القحفي من الجمجمة ... ( كتوريهم بديها فين ) وسبب ليه ضرر على التراكيب د الاغشية و لاوعية ...
وهاد نوع لي عند خويا اسد هو الكسر المنخسف ...
سفيان : يعععني !...
دكتور : كيف قالت دكتورة رتاج .. الكسور المنخسفة كطرا غالبا لناس لكيضربوو بقوة كبيرة لراس ... كيتمزق فيها الجلد وكتبقا الجمجمة معرضة لكاع التلوثااات لي كان طايح وسطهم... يعني هزات عدددوى من المحيط ...حيت الكسور المخسفة كيخصها تدخل جراحي دقييييق ... والا كتسببب فنزيف دمااغي و كتسحق الانسجة الحساسة ...ولي صعيب عندنا ومستعصي فالحالة د سي اسد ...لاسف تمزقات dura mater
يونس : اشنو هي هادي
رتاج : الام الجافية ...هي واحد الغشااا غليييض كيلف الجمجمة و كيحميها من العدوى والجراثيم حيت حساااااسة بزااااف لاتقاست بشي حاجة لله يجعلها تكون مجهرية راه غاتسبب تلف للحواس .. يعني الجمجمة لا تعرات كتلوث دغيا خصوصي ان اسد كان طايح فالارض ...والغبررررة وكاع اش يقدر يطيح على بالك قاسها وراسو تفتح ... تمزق داك الغشا لي كيحمي الجمجمة ...وهو لي خصو يترمم ..
دكتور: هادا هو التشخيص لي توصلنا بلاظافة لكسور لي عندو فالرجل اليمنى و الرقبة ... ولاكن امرهم ساهل .. عندنا المشكل دابا فالراس .. خصنا نصلحو الكسور و نررممو dura mater باش تحمي لينا الجمجمة عاد نخيطو رأس بشكل نهائي ... ونخيطو الجلد و نفتحو البوصلات لي يمكنو للشعر ينبت من جديد ... قمنا بالعملية و الاولى ديال التنظيف.. من بعد استراحة لطاقم غانعاود العملية التاانية ....
سفيان :اذن كااين علاج ... يعني غايرجع لينا كيف كان
رتاج : غااااايرجع حسن من لول .. كووون هاني ... الطاقم كولو تباركالله عليه ... خص غي التدخل السريع ماشي تايفوت لفوت ..
رتاج : لا لاا الامر مستعبد ... الدقة بعيدة على دماغ .. يعني الى نجحات العملية .. غايرجع كيف كنعرفوووه وحسن ..
دكتور: كتمنى نكون وصلت ليكم الفكرة .. الزيارة ديالو هاد الاسبوع ممنوعة .. من الافضل حتا نكملووو كاع ليزوبيراسيون ونخرجوه لغرفة عادية .. يمكلكم تشوفوه مي دابا مناعتو ضعيييييفة اي تنفس اي بيئة مزعجة تقدر تكون خطررر عليه ...
يونس : لا لااااااا مغايكون والو .. صافي حتاااا تكملو ليه ... ديرووو خدمتكم .. دييرو لي فجهدكم ادكتووور ... لي فجهدكم ...
نااضو خرجو ورتاج معاهم ...
سفيان : غادخلي معاهم
رتاج : مكرهتش ولاكن ماشي اختصاصي مغايخليونيش .. انا مختصة فالقلب و الشرااايين ... دخلت غير فالاجتماع بحكم شريكة فكلينيك .. دخلني وينسطون ... فين شومبر دلامار بغيت نشوووفها ...
مشاو داوها لعندها .. وباتو كلهم عند راسها كل ولحد فاش مهمووم تاواحد مشاف نعااااس ......
#صباح 10:30min
بدا كيحل عينيه بشوية وصوت الاجهزة زاااااعجو قااالب ليه راسو تييييت تييييت تييييت ... كيحاااول ييحيد داك ضباب من قدام عينيه ويوضح الروئية من بعد ممممدة توضحات ليه .. وبقا يرمش مع جنابو لقا راسو فالانعاش ... وراسو ثفييييييل و قلبو كيدق بدقاااات كيحرقو ... تاكيلمح شي حاجة واقفة عاطية بظهر وكتشرب فقهوتها ... لابسة طابلية طويلة بيييضة طبية وشعرها مجموع ديل حصاااان ...
حبيبي الأصم الجزء 202
محتوى القصة
التنقل بين الأجزاء