صورة مصغرة لـحبيبي الأصم الجزء 204

حبيبي الأصم الجزء 204

habibi 7abibi l2asam
رواية حبيبي الأصم الموسم الثالث

كتبات ملاحظاتها وجرات كرسي وكلسات حداه كتشوف فيه وهو ناعس ... لا النعاس لا المرض لا الخيوط لي فيدو نقسو شي حاجة من رجولتو ... باقين شفاارو الكوحل الطوال طااحييين كيف ديما .. وتخنزيييرة واخا فنعاس راسمها على وجهو .. كتخيلو كيفاااش غايكون ضاحك ! عمرها شاافت منو ضححكة ... ابتسامة شافتها مي غي بالخف ... اما الضحكة كتخيلها كيفاش غاااتكون ؟ محساتش براسها تاهزات يديها وبدات كتعوج ليه فشفااايفو بحال شكل الضحكة و تبتسم ... وتعوج راسها كتخيل الضحكة كيف جات معاه .. الحماااق نزل عليها ... فللخر طلقاتو و كتشوف فيه 
رتاج : امتى غاتقدر تضحك امم ؟ شنوو لي غايخلي ضحتك تخرج ؟ يكونو عندك غمازات زعما ؟ و لا كيتشدو عينيك تانتا بحال خوك ؟ بغيت غي نشوف سنانك كيداايرين ... علاش متتضحكش اعدنان ! الضحك زوييييين .. و كيخلي اي وجه يبان زوين .. علاش كتخيب راسك بزز ؟
تنهدات وهزات عنها يدو شادة عليها بجوج يديها وكتلمس ملمسو ...وهبطات باااستها مطووووولة شادة على عينيهااا ... حبو فقلبها مكيقدرش يموت.. يدير لي يدير هي راه بغااتو .. و القلب ماعليه حتا قانون ... 
عند لامار ... 
مستلقية على سرير غير بالكسوة الطبية و سيروم فيدها و عينيها قليل فيين ميرمشو ... كتشوف غير فالسقف ... ملامحها عيااااانين .. كيعكسو الخرااااب لي فلدااااااخل ديالها ... على محياها حالة هدووء رهيييييييبة .... فعينيها غير اسد واخخخر لحظاتهم مع بعضهم .. 
🔙 لامار : واالو .... غاندخل ندوش 
اسد : ( ناااض هزززهااا عندوو فيدوو مطيرها ) غاااانووضو انااا و شنيولة دياااالي وغاااندوش لييييهااا ونسيح ليها شومبوان فعيينيها وتبدا تغوت وضضضرب فيا ونخليها تاتجمع شعرها ونطلقو ليييها ونعضضضهااا من عنننقهااا .. ونخوي عليها المااا باااارد ونرجع نسخنها بشي بوسة ههههه
لامار : ههههه حطني الحححمق 
اسد : لاااااا مغاااانحطكككش ( كيبوس فيها ) كنمووت فييييييك انا 
عنقاتو كضحك وهزها عندوو ودخلو لدووووش دوش ليهااا مزياااان ببسالتو وضحكهم كيتسمع.....

ضحكاااتهم فوديينييييهااا كيتسمعووو ويتعاااودو .. بواحد الصووووت زااااعجهااا ... ماااابغااش تسسمعوو و هزاات يديها شااادة على ودددنيييهاااا كتتعصصصصرررر مااحاملاش تسسمع داك الضحححك ... و اسبرو ناض مففزوع وقرب عنها 
اسبرو : لااماار .. لااااماررر ختي بشووووية علييييك لاااماررر كتتتسمعيني .. 
واالو مداتهاش فيه وخرج كيجري عيط عليهم ودخلو عندها عطاوها المهدئات ... تااافشللاات و تكاااات رااااخية يديها .. مفشلينا دوك الايباري .. واسبرو واقف كيتفرج فيها حالتها كاتقططعوو من داخل ... 
اسبرو : واش هاكا غاتبقا! مااموالفش نشوووف لامااار هاكدا .... شوووف كيييفاااااش مرررررخية .. اسد مكانش كييييحمل تضرب هاد الايباااااري . عمرو خلا شي حد يضربهم ليها باش تهدا ... 
ممرضة : راه ضروووري تضربهوم نخافو يجيها شي انهيار عصبي و تسوء حاالتها 
اسبرو : كان كيقولينا فامريكا .... هووو لي يههدنها ماااشي ليباري .... ( جاوه دموع ) دابا لي مكانش هو تاحاطا ماااتقدر تهددنها .. كااان كيعرف ليها ... الكودات ديالها كاملين عندو .. غي هليو يباريكم عندكم ... راه لاماار هي اسد .. ماخدو باقي لتحت كيصااارع هي راه مغااتهدااااش....
هبط راسو زير على عينبه بيدو ورجع كييسوووط .. وقرب عنها و هوما خرجو متحسرين ... وكلس على لكرسي شد يديها 
اسبرو: علاااااش كديري هادشي فراسك اختي علاش ... هوو غايبرا ونتي لي غايلقاك مريضة ... رااااه عندك بنت الامار بنت .... لمن غااتخليها.. نووضي ماتيتمووش البنت فيكم ونتوما حيييين ... والله تاحرراااام هادشي .. حراااام ...

عند سفيان .. 
وصل قدام لكلينيك و باركا طموبيل .. وبقا فيها لداااخل مدة كيتنهد تاسمع شي حد كيدق عليه فزاج وضار لقاه عادل و فتح لباب خرج عندو 
سفيان : كاين شي جديد ؟ 
عادل : فدخلة د القاعة لي كانت فيها الحفلة د الجمعية كانو الكاميرات .. ليلة كاملة و حنا كنتفرجو فيهم بتدقيق و لاحظنا واحد طموبيل كانت واقفة بصح مابانش شكون فيها صورة مواضحاش .. ومن بعد مادخل سي اسد طموبيل بعدات .. خدينا الماتريكول ديالها لقينها مكرية من واحد لوكازيون .. عطاونا تاهوما تسجيلات دناس لي دخلو عنهم و لي خرجو داك طموبيل و لقيناهم فعلا اجااانب ووجههم مشدود عندنا مزيان ... وعرفنا انهم من المانيا .. واحد فيهم ديجا عندنا الوجه ديالو مرصود ... كيخدمو مع واحد المافيا د القاتلين المأجورين ... يعني هادو غير مسيفطين كيديرو خدمتهم ..ماشي هوما لي عنهم الحساب مع سي اسد ...
سفيان : وشديتوهم ؟ هوما لي غايقلولكم شكون سيفطهم 
عادل : مشاو واحد الدفعة من رجالنا لالمانيا يقلبو عليهم من تحت الارض و لوخرين مشاو الامريكا .. فين مكانو غايجبدهم غير كون هاني ...
سفيان : غير تعرفهم علمني ... سلاح واجد ! 
عادل : خرجناااه اسيدي غير يتفيرفيا غااتلقاه فالكوفر ديالك .. ولاكن عفاك ماتسببش ليا شي مشكل مع سي اسد .. انا فقط كنفد اوامرك بحكم انك خوه ... ( سفيان حس بالاستغراب حتى وهو بين الحياة و الموت باقي زارع الرعب ) 
سفيان : لا كون هاني .... ماعندو مايدير ليك .. نتا غير وجد ليا اش قتليك .. غي تلقاو لي دارو فيه هادشي قولهالي .. اما لي ضربوووه هاااادوك بلاااانهم من بعد و غاياااكلووهااا بالمهل ... 
خلاه ودخل داير يدو فجيابو تاسمع شي صوت موراه 
حياة : سفيااااان 
ضار لقاها حياااة ... وجات عندو كتجري 
حياة : سممعت باشنوو طرااا .. تصدددمنااا رررربي يشااااافيه يشوف من حالو .. 
سفيان : امين .. 
خلاها وزاد دخل وهي تبعاتو....
عند اسبرو 
لامار مكديهاش فيه ويمكن مكتسمعوش كاع ... كتشوف غير فمنحى وااحد سااااهية ... وهو رجع ناااض مشا لدوش غسل وجهوو.. وخرج دايز على شومبر دعدنان و بانتليه رتاج كالسة تما حداه شادة يديه عندها ...وحل عليها لباب وهي تخخطف وطلقات يديه ...شلدة على قلبها طيرها منها 
اسبرو : لاااا لااااا ....نععععسي حداااه نتي ...
رتاج : لاابقيييتي تابعني هاكا راه بااانا غانشد حداه سرير كنتي غاتسكتلي قلبي ابنادم 
اسبرو :سيييري تخخخشااااي حدااااه كاع ... اش دارو فيكم هاد الخوت انا بغيت نفهم واش بلونطاوكم .. انا وليت متأكد ان شي فقييييه صحيييح كايضرب مايييزكل مشات عندو ماماهم .. شي فقيييه تيكنوولوجي دايرليهم الوييفي فجبتهم فاش يكونو مع البنت راه كونيكطي غي هوما كيمشيو كااديكونيكطا فخطرة كتولي مود افيون تغفل عينك شوية طييييررر ... شوووف حالتكم شووووف .. داك المخلوق لي كيطلعلي فكووكل فاش مكتكونش الكونكسيون كينقزز على الدرك🌵 .. كنشووفكم بحالو .. نوضي تكككعدي من تما ونتي مزيرا على يديه ماعرفنااااك طبيبة و لا نقاااااشة ...

رتاج : ( نااضت خرجات وجرااتو من قبو ) باااركا من تفلسيف كنت كنضبط غي النبض 
اسبرو : كضضبطي الباضاض .. جاي من ورا الشمس انا .. زايدون نتي ماااالك .. ياااك عطا الله الطبا د للقلب .. اش خشاك تما معاه .. حقا والواد كنعرف قلبو .. نلاقيتيه فالحمام حكلك ضهرك !! فين كتعرفي نتي قلبو ولد عمك .... 
رتاج : وسوقك ابنادم 
اسبرو : اه سوووقي .. مافيا لي يجي عاوتاني نوااااسيك فشي سرييييررر بحال لوخرا... مااااتتتتبغيييييووو حد اززممرر مااااتبغيو حد . 
رتاج : الككككبدة اسبروو الكبدة ومااحرها ..
اسبرو : الكبدة كنااااكلوها مكنربيوهاش .. عطا الله ماتربي .. ربي قطة .. رببي راااسك .. ربي مووووسطاج .. مابنتلك غا الكبدة 
رتاج : سكككتني .. سسكتني حسك مانسمعوش 
اسبرو : طبيبة د القلب .. طرررر .. كون كنت من وزارة الصحة غانعينك مختصة فالبواسر مالقلب ماتعرفيليهش ... القلب قاليك .... احي دابا نتي كتعرفي للقلب ؟ عندو رجليييين ... ؟ 
رتاج: (ماشيين فكلوار دايياه على قد عقلو ) لاااا 
اسبرو : اوا علااااش كتبعووه .. 
رتاج : دابا غاتسكتني حسك ولا لا .. حاي تكمل علينا ابنادم .. 
دخلو عند لامار وطلو عليها . باقا حالتها هي حالتها ... عياو يضحكو معاها وااالووو ...تابانتليهم تعساات ... وهي راه كتغمض عينيها غير باش تهرب منهم .... ونااضو خرجو كيتشماو فالكولوار تابنت ليهم ارييج هازة قسم ويونس حداها وواحدة داخلة معاهم دايرة الحجاااب رتاج كتشوف معاها معليا حاجبها شكون هادي واسبرو مضغرررر عينيه وقربو سلمو عليهم واريج مبتسمة نوعااا ماا ...ملي تلاقاو سارة فااباب الكلينيك وتصالحو معاها ... 
رتاج : ( هزات قسم عنها ويونس مشااا لفين كاين اسد يشوف واش عليه شي خبار ) زيييين دخااالتها .. تهللات فيك هاد اريج ولا والو مم ؟ اش هاد رويحة زوينة حيتي تشوفي بابا وماما ... فين بووسة ديالي علاش عمك سفياان كتبوسيه وانا لا مممم ( شافت عندهم ) شكون هاد البنت كاع ماعرفتها 
اسبرو : شششبهتيلياااا اختي غير فواحد الكاااااارثة طبيعية .. درركة ززركة ...دكررنا السمن والعععسل 
سارة : ( شادة ضحكتها بسيف معنظنا خاطر ) بصح ؟ شكون هي ؟ 
اسبرو : واحد خيتنا فالله ... كاع الاشكال الهندسية كتحول ليهم حسب الفصووول .. .. ... ( اريج كتغمز ليه بسكت ) وعلى حساب اش كتلبس .. الى لبسات سروال كتبان بحال مستطيل حاد الزوايا ... لالسات جيب كاتباان بحال شبه منحرف .. ما لالبسااااات كسوة طويلة... مخروط وصافي ... . 
اريج : ( تحت سناتها ) اسبروووو .. 
اسبرو : ماالو اسبرو... مالي كدبت ماشي هاكاك داايرة ..سمحيلي شبهتك بيهااا .. ولاكن را والله تاكاتشاابهو .. غا نتي نور القمر فين يبان حدااك .. وهي سم اللفااااعي فين يباااان حداها ... دايرة كي البركااار بلا قلم رصاص .... كضور غي فبلاصتها بلا نتيجة .. مهم معاك سعيد الملقب باسبرو ( مد يدو يسلم عليها ) وسياادتكم ؟ 
سارة : ( مدات يديها تسلم عليه ) معاك اابرركار لي بقلا قلم شخصيا ... 
اسبرو : ( جمممع يدو وطررطق عييينيه ) عععععع؟؟؟؟؟؟؟
اريج : مككتسسسكتش يااا اسبرو مكككتسسسكتش ...

رتاج : فمهوني ؟ شكون هاد السيدة( اسبرو غي مطرطق عيينوو جامد فنفس وضعيتو مشعووط) 
اريج : هادي ساارة .. بنت عم بونس .. وطلييقتو ..
رتاج : اء!!!!! ا نووو ؟؟؟؟؟ 
سارة غي هبطات راسها كترمش فالارض محملاتش راسها فهاد اللحظة .. ورتااااج جراات اريج لبعيييد .... واسبرو كيططل عليها من تحت ...
اسبرو : تباركالله على وااحيدون دار الزيف .. اميرة بحجابي وهي معشعش فيها ارهاااابي ...
سارة : ( طلعات فيه راسها مبتسمة وصافي بزز داك الابتسامة صفرة ) كيف بقا اسد ! سلاو ليه العملية 
اسبرو : وعلاس كككتسسسولي فيييه ؟ و اش جااابك اصصصصلااا!!!! سيري قبل ماااتشوووفك تتببررررد فييييك مرررضهاااا سيري سيري ... سيدة مراهاش فعقلها ..
اريج شرحات لرتاج لبلان وجات جرات عندها اسبرو بعداتو عليها 
اريج: دير عقلك ابناااادم .. خلي عليك لبنت ...
اسبرو : هاء ؟؟؟؟؟ تي بعقلك ولا هربلك .... واش عارفة شكون هاااادي ...
لريج : عاااارفة .. صافي راه داكشي دااااز .. .
اسبرو : لا لا بانلي اناااا لي دازتني شي حححلقة .... 
رتاج : دازتك فيييلم بيه بالجنيريك ديالو يا عزيزي ... زيد زيد معايا زيد .. سااارة .. مشششرفين بيك .. ومرحبا بيك مرة اخرى ..
اسبرو : ععععععع
رتاج : زييييد
جراااتو تفهمو وخرجو لجردة معاهم قسم و اريج مشات هي و سارة لشومبر د لامار كااانت شادة عينيها ...
سارة : حاااسة بيها مسكينة ... ديجا مجررربة هاد النعسة ...
اريج : قلبي كيتتقطع عليييها .. تا بناها مواعياش بيها ... صدمة صعيبة كون غير سمعات كوولشي ووعات بيه ماشي مشكل هي سمعات غي حادثة وكاع اش كانت كتوقعو جا لبالها الى بصح ودخلات فهاد الحالة .. دابا كضنو ماات ولا منعرف ...بغيتها غير تبكي غير تغوووتظ.. تفش قلبها .. سكووتها كيخلعني 
سارة : لا اختي اريج لا ... شتي فهاد الحالة .. مكيبرد عليك وااالو .. واخا تعيا تغوتي غي غاضري حلاقمك بلا نتيجة .. الحالة لي فيها لامار راه مابقالهاش القوة لي تغغغوت فيها ... انا كااااسة بيييها مزيان .. 
اريج : كتحس بينا دابا حنا كاملين مغانفعوهاش ... 
سارة : لا ماااشي هاكاك .. هي ماشي كاتحس بينا مانافيعينهاش .. هي نيييت كتحس براسها مغااتنفع فوالو بلا بيه ... شفتي الى مابغاتش هي توقف على رجليها حنا والله لاقدرنا نوقفوها . ... من غير ااننا نحاولو نعطيوها عزيمة .. 
اريج : ( مشات كلسات كتنفس ) حنا كاملين الخاطر معندناش عساك هي 
سارة : شفتي احساسك دابا ونتي معاندكش الخاطر ... ضاااعفيه وضربيه ف 1000 غانحسي باش كتحس هي ... 
اريج : بغيت غي نعرف اش غانديرو ليها باش تفيييق ... غير ترد الوعي ديالها قبل مايبرا اسد ويلقاها هاكا ...
سارة : راه اصللا الى برا وقف على رجلييه وشمات غي يييحتووو رااه غااااتنوض وقفة وحدة .. هي راه مابغا والو من غيرو .. (تنهدات ) مهم غانمشي نشوووف واااش عليه شي خبااار علاما تفيق نحاول نهضر معاها شوية تقدر تسمع مني ونفهمها ...
اريج : انا جاايا معااك ...
سارة : غير كلسي ترتاحي .. وجهك مخطووف ...
اريج : لا لاا لابقيت نشوف فيها هاكا غاااانحماق .. زيدي نشوفو واش سلاو ليه ... 
مشاااوو يلحقو على يونس لي كالسين هو سفيان تما حدا لبيبان لي كيدخلو للبلوك ... سفيااان تأزم بزاف حيت هو شافو فاش دخلوه للبلوك فصباح كان بحال زرررق ممممثثلللججج بسباب لفيريكو لي بيتوه فيه .. وجهووو زررراااق و شفايفو بووووويض بحالا مييييت وتيوات فنييفووو و ففمو و اباري كبيرة زجاجية فراسو كتحميه من الجراثيم .. واحد الحالة لي منقدوش نشوفو فيها شي عزيز علينا .. كل مكتفكرو كيزيد يحقد على هادو لي دارو هادشي فاسد ويحححك فسناااانووو يصيفها ليهم واحد واحد ..... ومياة تاهي كالسة معاه تما ملي جات مقدات تقول ليه كلمة وحدة ماموالفاش تشوفو فهاد الحاااالة .. غي كالسة وكتشوف فيه ... 
عند رتاج 
ركككب فيها اسبرو الجنون ولا بغا يفهم غي كيينقززز ماتاقش فيها كاع .. 
رتاج : وصااااافي دابا وش حنا فسارة .... 
اسبرو : وعلاش لامار مقاتلي عليها والو 
رتاج : كانت بااغا تخليها ليكم مفاجأة على مقاتلي اريج 
اسبرو : يشويني فلاماااار و فمفااااجأتهاااا 
رتاج : سكتنا دابا وعطي تيقار لللبنت فيين حنا و فين نتا .. قسووووم اجي ابنتي نمشيوو عند ماما اجججي ( هزاتها كتنت كتلعب فالكازون ) 
اسبرو : عاالله هاد الفكرة ديالك تعطي شي نتيييجة 
رتاح : نتا غي سككككت وتبعني ...

مشاو لشومبر ديال لامار ودخلو كانت مغمضة عينيها ماعرفوها لا ناعسة لا فايقة ... و فرشو رتاااج و اسبرو المخاد فالارض باذ تايلا طاحت قسم مايوقع ليها والو .. و حطات قسم على ماماها فسرير 
رتاج : ( بالحس ) بووووسي ماماااا و فييقييها ياللااه ... يالاه اقسووووم عليك عوالين احبيبة .. نتي لي غاتفيقي لينا ماما نتي ...
حطاتها تما وحيداتليها السكاتة باش تسمعها .. و جرات اسبرو وخرجو وقفو فزاج واقفين كيتفرجو على حر من الجمر كيفركو فيديهم ... 
قسم بدات كتخبش فيها وتشد فششعرها و تعععععننننكش و ضرب فيها ...رداتها عامرة ريووووك وهي كالسة على كرشها وكتححننقززز عليها وليكوش كيتخرخش من تحتها وكتممص فييييديهااا 
قسم : غغغغغغغييي غغغييررر 
بداات للامار كتفتح عينيها بشوية وشافت بتثاااااااقل لقسم ..لي غي حلات ماماها عينبها ضحكات ليها وكتصفق بيديها و تبووومباااا فرحانة و لامار غي كتشوووووف ... وهوما كيتسناو واش تههزززها .. واش تهههضررر معاها .. كيتمنااااو غيييير تحرك ذووية ودير رد فعل مع المخيط الخارجي ...ساعة وااالووو رجعات كتشوف لمنحى اااخوووررر .. ماحاساش بقسم كاااع .. صدمة كانت قوية عليها بزاااااف ..خربات عقلها خراب ... يعني فاش كانت كتقول لاسد منقدرش نعيش تانهار بلا بيك ... رله مكانتش كتكدب .. راه فعلا مغاتقدرش .. بقوة ماتوسوسات فالايام الاخيرة و جاوها تهيؤات بزاف تخسرو .. غي سمعات حااادثة قالت صااافي خسرتو .....كيف قال دكتور كانت متوقعة ومكانتش مستعدة ..
قسم غي كتبومبا فوف كرشها و تعلب بيييديييها ... و للمار غي ساااهية كترمش ثقيييييييييلة مكتحررركش كاع .. وهي كتحرررك فوقها تلفت انتباهها ... لقات مداتهاش فيها و بغات تنزززل و سرير عاااالي ... و بدات تبببكي فاش قلباات الشوومبر بالغوات مع عندها الححلق حااااااد بدات تغوت تاتبحبحاااات ولات حمرة ودموع نازلين مكتتحملش يتجاهلووهاا ولا مايلعب معهاها حد ... وبغات تتنننزل 
اسبرو : نااااااري عنداك تقصح لاطاحات .. باها غايسيفطنا بلاصتو لبلوك ابنت الهم ...
رتاج : راااه تما المخاد مغادي يوقع ليها واااابو ... مغاااتخليهاش اصلاااا ...دماغ الى نعس قلب الام مكااااينعسش ....
عيااات قسم تبببكي و ضرب فيها وللامار ضورات عينيها بشوية عندها وقسم كتنخصص .. و تخبي وججهاا بيديها فاش تكون كتتتتتتبببكي وهوومااا برا كيتجنوو بقات فيهم اسبرو مكرهش يدخل يعنقها عندو ويسكتها .... وهي كتخبي دميعاتها و تتشهههق .. ولامار كتحاااول تسرط فرييييقها ... وبغاات قسم تقرررب عندهااا وهي تميل ليها رجلها مع الاييزاااررر كانت غاطيح لاارض تااامداااات يدددهاا بززززززربة شداااااتها من رججججلها مزززيرة عليييها ...ورتاااج شهقاااااات 
اسبرو : نااااااااااااري والله تاااااردااااات ليها لبااااااااال .. تحركاااات ارتاااااج تحركااااات 
بقات شااادااها من رجججلها و طلعاتها عندها بشوووية و قسم بالخلعة غي مزادت فاابكا ... وبدات كتتككعددد تكات وقرباتها عندها 
رتاج : ( هبطو دموعها ) والله تاااااااااااكنت عاااااارفها ... حبييييييبة ديااااالي ينعس فيها كوووولشي الا قللبببهاااا ...... امك ثم امك ثم امك ...

نعساتها لامار على صدرها وبدات دوز يدها على شعرها كتسكتها وحركاتها ثقااااااال ومحلامح وجهها مكيتحركووش ... غير كتشوف فبنتها وكتحاول تسكتها 
اسبرو : ادن وااااعية بشنو طاااري قدامها .. غي ماامسوقا لوالو وصافي ... ولايني حراايمية مامنها 
رتاج غي كتشوف من زاج كيفاش حااضنها عنندهااا وكتسكت فيها تابقات قسم غي كتنننخصص .. 
رتاج : هادي هي لامار لي كنعرف .... 
شوية جاو جوج فرمليات 
- دكتورة ... سي عدنان فاق .. 
رتاج : ااه واخا شكرا ..
مشاااو وهي ضارت لزاج فرحانة كتمسح فدموعها 
رتاج : خليييها بوحدها شوية مدخلش عندها ...وماتخلي حد يدخل ... خليها غي هي وبنتها ... تقدر تحسن .. 
اسبرو : صافي غانبقا واقف غي هنا 
بقا واقف تما كيتفرج فعلاقة الام مع بنتها ... ورتاج مشاااات عند عدنان لشومبر ديالو .. غي دخلات وهي تققفز .. لقاااتووو نترر سيروم من يدو . وكيحاول ينوض ومشات شداتو 
رتاج : عدناااان رجع لبلاصتك حماقيتي اش كدير را يلاه نجيتي من ازمة
عدنان : ( دفعها ) بعدددي لهيه ... فييين حوايجي ؟ 
رتاج : كااينين .. نتا غي رتاااح دابا .. سمع مني وخليك فبلاصتك 
عدنان : عطيني تيييليفووون سسسربي ... ( بزعاف تاقفزات ) رااااه قتليك جيبيلي تيليفوووني
رتاج : صاافي واخا غانجيبلوووك .. غير ررجع لبلاصتك والله تانجيبوليك ... 
رجعات تكاتو ومشات لبلاكارر لي تما وهو كييفرررك فيديه مزير على سنانوووو وكيييتتحححلف ويتغددد على داااكشي لي فباااالووو الى طلع بببببصصصصصح ااااااش غاايديير فيهم .... عينيه حماااارووو وعروقو غايطرطقو ... تاجابتو ليه ونترو من يدييها 
عدنان : شدي داك لباب وخرجي ... 
عند سفيان ويونس وحياة واريج وسارة ... 
كااالسييين بخمسة بيهم والكآبة سادستهم ... كلهم حاااسين و كيتسناو شي خبر خاااايب .. من مور هاد تعطية كاملة موحال واش يشوفو الخير .... غيير كيتنهدووو .. كل واحد غاطس فدكرياااتووو وكيتفكرو وجه اسد وكيفاش ولاو ايامهم بلا بيه ...وكيفاش كان الاب ليهم كامليييين ... يونس ميتفمر انو واقف معاااه فكولشي وديما بغاه يكون راجل كيتفكر كيييفاش زوجو باريج وكيفاش عتقو من الغلاط لي كان غايرتكب ... كيفاش كل مرة كيردو للرشد ديالو .. عارفو حنين بزاف ولاكن كيبغي ييان قاسح وتصرفاتو كيفضحوه .. سفيااان تاهو كيفكر كيفاش ديما واقف من موراه بحال الظل .. وديما كيسرح ليه طريق عاد كيدوز وكيشوف عللاقتو ببنتو كيف دايرة اش غايوقع لقسم لامرجعش خرج عندها .... وعلاقتو بلامار ..... اريج متكية على كتف يووونس لي شاد فيديها و عقلوووو مسااافررر تاهي كتففكر كاع اش جمعها به ...وسااارة متكية على الحيط جامعة يديها عندها كتدعي معاه فقللللبهااا ودموعها كيهبطو على شنو دارت فيه وفتح ليها باب دارو من جديد ..... تاكتفتح لباااب و نقزوووو كاملين وقفو وقفة وحدة وواحد دكتورر خرج ... 
يونس : سااليتوو ؟؟؟؟؟؟ اش خبارو ؟ كيف دازت العملية ؟ صافي يقدر يفيق ؟ 
غير كيشوفو مع داك دكتور لي ملامحوووو حزاااان ومتأسفين وحيد طربوش الطبيي و راسو فالارض بلا تاكلمة ... وتبعوه الطاقم تاهوما خارجين حالتهم حالة وكئييبين ..خلعووهم بداك المنظر ولاو غي كيتردعو وكيتسناو شي خبر خايب 
سفيان : قولو شي حاجة ؟؟؟؟؟ نحجااات العملية ؟ اسد بيخير ؟ 
اريج : هضر ادكتور راحنا على اعصاااابنا ... اسد مطرا ليه والو ياك ؟ كولشي داز مزياااان 
داك الدكتور طلع راسو فيهم باااسف وعينيه حمرين 
دكتور : حااااولنا .... درنا لي فجهدنا ....وولاكن .. 
سفيااان دنيا ضارت بيييه وحياااة شدات على فمها ... بغاا يههرب بغاا يمشي غي ميسمعش شنو مور ديد" ولااااكن "... جا هارب وشدو يونس 
سفيان : ططططلق مني .. مغاانسمعش ... وماااتقولوليش كااااع اش طرا ليه ... خليوني نعيش حياتي كاملة كنضنو باقي فداك لبلوك .... ططططلق خليني نمشي ...
يونس : ههضر ادكتور ... هضر ... اسد بييخير ؟ نتا غي كتلعب على اعصابنا ياك ؟ العميلية نجحات ؟ مطرا والو .... ؟ اسد بييييخيير ؟ 
داك دكتور غي كيشوف فطاقم لي تاهوما مقادين ينطقو تاكلمة ونسااحبووو كاع وبقا هو وسطهم وهوما كيشوفو معاااه كيتسناو على ناااااار ودموع جامدين فعينيهم 
يونس : ممم ... م مال ... مال خوويا ادكتووررررر ؟..؟؟؟؟؟؟مااااااال خويااااا 
اريج : يووونس تهدن .... هضر ادكتوررر قلوبنا كيتحرقو .... ططمننا 
دكتور : لاسف ... سي اسد م .. ماكنش قوي هاد المرة كيف عرفناه ... و.........

يتبع ...