رتاج : حبيتي .. والحب ديما كيكون جريمة ... ديما كنتعاقبو عليه ... يا اما كيمشيو بخاطرهم و اما كتجبرهم الظروف يمشيو وفكل الحوال حنا لي مضرورين ....كنبقاو كنخلصو فالضريبة د حبنا لعمى ... ماحنا قد الصبر ماحنا قد الثبااااات .... .
اسبرو : اييييه سررررري .. ضهري عواج بنعسة على داك الكرسي معاك فللخر تجري عليا بالعلالي بحالا شكرا لانطقتيها غاتحيك لقوة .. لفم لي يقول زمر يقول تمر ....
لامار : نتا هو نتا ... تووووحشتك اتتتمر ....
اسبرو : تااالدابا عاد بنا ليييييك
ل لامار : عددددرني ... غير عدرني ( شافت فسفيان لي هاز قسم عندو ورجعات شافت فيهم وهبطات راسها ) مابغيتش نقوليكم شكرا حيت مكافياكمش ... لقيت فناس البارنيين ... شي حاجة كبررر من العائلة ....
رتاج : حنا ماااشي برانين عليك الامار ...
لامار : ( وقفات ) بوون ... بغيت هاد الكآبة مانشوفهاش فوجوهكم .. وديرو فراسكم ان اسد الاسمااعيلي ..غي ناااااعس و غايفيق نهار يبغي. دابا نخليوه يررتاح شوية من صداعنا وياخد اجااازة .. مااال وجهك اسفيان ( كان كامل مضروب )
بدااات كتننخصص قسم و دميعااات فينيهاااا سكتااات عندو هو حاضنها نفس حضن اسد ورتاج معرفت منين جاوها داك دموووع ... ولامار بنفس وضعيييتها مزيرة على يدهااا وعينيها حووومر .....وسفيان ضرررب برررركلة فوااااحد الحييط لواااهم من اليد لي كتحرقهم .. ورجع ضار عندو
عدنان : لااااماررر سمممعني ( بغا يشدها ) انا عارف راسي غلطت و كنتاعاقب ... ااااه غلطت معاكم بزاف و آديتك حتى نتي ... ولاكن تيقني مكنت عارف وااالو ... مكنتش عارف اش مر منو اسد كككنت غاالط بزااااف ... مكنتش عااارف ان خويا تعدب كتر مني .
لامار :اها ؟ دابا نتا تاعرفتيه تعدب عاد بغيتييييه ؟ كون كان متعدبش تحححسدو ؟؟؟؟؟ كون راك باقي كتحارب فيه وتشتت فرززق هاديك لي قااااتليك بااااابااا وماعرفاكش على حقيييقتك ...
رتاج : للااامار .. صاافي اختي باركا .... راه مريض عدنان : ااااه غغغغغلطت ... كنعتررف اني كنت اناني وفكرت غي فراسي .. طول حياتي ونا باغي ندفعو ثمن شي حاجة مدارهاش .. طول حياتي و انا كنفكر كي ندير نغرقو وعمرني فكرت انو لاغرق واش نصبر ؟ ...انا واسد رباونا واليدينا اننا منحشموش من الاعتدار .. لاغلطنا كنطلبوه..وكنأصرووو حتاا كناااخدووه .. كنقدرو نديرو كولشي .. باااش نصفيو الخاطر .. ( بقات كتشوف فيه وهبط على ركابيه مهبط راسو ورتاج شدات على فمها ولامار طرطقات عينيها) سمحولي على كل مااادرت فيكم .. سمحيلي الى شي نهار قلقت راااحتك نتي وخويا .. سمحيلي الى خليت فترة حممملك دوز صعيييبة .. سمخلي لاكان بسبابي اسد كوما ... سمحووو ليااا
لامار بقات غي كترمش وهو عند رجليها مقدارت دير ولاو بدات تسرط فريقها محملاتش الوضع وحشمات منو ووقفاتو
لامارر : خرج من هاد الباب ومتورينيش وجهك ... وماااحدك غايب .. قلبي مسامح ليك حيت غاانكون برهنتي ليا بلي مستعد دير كولشي على قبل نسااامحوك ..
عدنان : الى مشيت غاتسمحي ليا بقلبك خالص ؟؟؟ .
لامار : اه .. وحتا نهار يفيق خوك .. غانقوليه ان عدنان يستاهل السماحة .. حيت على قبل نسمحو ليه .. تحرم منك و من بنتك ... قادر على هاد تحدي ؟ مستعد تضحي بشوفة خوك على قبل تكفر على غللطك!!!!!
رتاج : لامار ماديريش هاكا هو راه محتاجو
لامار : شششش بغيت نشوف واش فعلا بااغينا نسمحو ليه ... الى طلع قد التحدي .. غانعرفو الى بصح ندماااان .. وقادر يدير كولشي ... اش قلتي ؟؟؟
عدنان : قادر ..... على قبل تسمحو ليا قادر ... واخا طلبتي اصعب حاجة .. مكنتش باغي نبعد على خويا من بعد هاد سنين تا دقيقة ....واكن فسبيل نكفر على غلطي قادر .... كوون طلبتي مني دابا نقتل راسي هدية ليكم .. والله حتى ندبحو من الوريد للوريد .... اه انا اخ ... والاخ ماشي هو نكون حداه ... موهيم ندير كولشي باش يكون راضي عليا وراضي عليه ... ملي جات غي ب نغبر وجهي كنواعدك عمرك مغاتشوفيه... ولاكن لاطرات شي حاجة لخووويا ... غاتكون هضرة اخرى ... بغيتني نمشي نمشي تانتي خصك تواعدني انك تحااافظي عليه وتوقفي معاه .. و تبغيه ...وماااتخلايش عليه ... يقدر ماااايفيقش .. بغيتك ماتخلايش على داك الخاتم لي فصبعك حيت انا عارف خويا شحال متعلق بيك ... انا غااااانمشي كوني هانية
عدناان : ششششش.... قبل مانمشي ... بغيت منك طلب ...
لامار : ططططلب
عدنان : بغيت خويا نهار يفيق نعرفها ... غير باش نطمن ..... و بغيت نشوف بنت خويا لاخر مرة قبل مانمشي ..
لامار : (تنهدات ) واخا ..
عدنان : والى فااااق .. قوليليه رااني مشيت غير باش يسمح ليا ..... ماتكرهيهش فيا ... هو لي عندي ....( لامار زيراااات على عينيها كتقسح فقلبها )
لامار : خرج شوووفها راه برا ... انا مسماحاك الى كنتي قد الوعد ....
عدنان ابتسم بررضى وانكسار فنفس الوقت .. وشاف فرتاج ورجع تنهد وخرج وهي كلسلت على لكرسي شاادة راسها غااااايطرطق ... وهو خرج لقا سفيان كالس ....و قسم كتلعب فالربيع ... باغا يمشي يعععنقها ولاكن مابغاش يقرب عندها باش ماتبكي تاني ....وبقا يشوف فيها غي من بعيد وقلبو كيتقطططع ...كتشبه لباباها بزااااف ... بقا كيبتسم من بعييييد وكيشوف فيها حركات اسد فاش كان قدها .... تاسمع من موراه
رتاج : عدنااااااان
عدنان : ( ضار عندها كيحاول يبان عادي واخا باقي ليه شوووووية و ييغوووووت باعلى صوتو ) مم!
... وفهينيه دمعتوووو لي حابسها تطلقات .... وهي بقات تما كتتتبكي تاجات عنها لامار كتوقفها ودفعاتها تاكانت غاطيح .....
رتاج : بعععددددي ممنننني بعععععععدي ...
ناضت وقفات وشافت فلامار
رتاج : شنوووو دنبووووووو ؟؟؟..
لامار : رتاااج كااالم
رتاج : اش دااار ؟؟ غلط ؟ كلللناااااا كنغلطو نتي برااااسك واحد نهار جيتي عندو غي بااااااش تسرقييييه .... اوا نتي عندك قلب لي يبغيه وعدنان لاااااا .....
لامار : ( مززيرة على سنانها ) رتاااااج
رتاج : شنو كدبت ؟؟؟؟؟؟ ماشي جيتي نهار لول عندو باش تغدريه ؟؟؟ مجابكش عندووووو طططمع ؟؟؟؟ ماجيتيش تسرقي فلوسو وتعطيهم للي تقب ودنيه ؟؟؟؟ ها!!!!! ( لاماررر مزيرة على عينيييييها كتحاول تضبط راسها) اوا على هاد الحساااااب تاااانتي مااااخصش يسمح ليك لي كنتي غاديري فخوووه دااااكشي ..... بلا متحاااسبووووو لوخرين وتنساوووو راااااسكم ... ( محسااااات تاجمعات معاها بتتتصرفيقة ورتاج شدات على حنننهكها ولامار كتشوف فيها )
لامار : ااااخخخر مرة نسمح ليك تجبدي علاقتي انا و اسد بهاد الشكل ... ااااخر مرة ارتاج... وماتخلطيييش الاومور اما ماشي هي عدنان ... انا عمرييييني آديييت اسد .. ولا غانديييرها ....
رتاج : مالو هو لي ضربوووو ؟؟؟ هووو لي سيفطهم ليه ؟؟ مالك ديما انانية ؟ غي نتي تححرمتي من اسد تحرمييييني تانا منووو ولا شنو ؟
لامار : للزمي حدودك مغانبقاش صااابرة ليك ولي فيا كااافيني ... ماسوووقيش فيك .. وماحرمتتتك من حد سيررري تبعيييييييه شكون حيد ليك ... مهم انا منشوفوش قدامي ونتي دبر راسك معاه .... الى بغاك راه مغايتخلاش عليك .. مانحمليش دنب فراقكم ..... اه انا اناااانية .... وووعلى قبل راجلي نولي تا قتالة مكيهههمنيييش .. انا شيطانة ونتومااا ملاااائكة ... غير بعدو مني وخليوني نعيش انا ورتجلي و بنتي مرتاااااحين ....
رتاج : غاااتندمي الامارررر غاتندمي على هادشي لي درتي وبعدتيه على خوتو ..فالوقت لي نتي لي كان خاصك تجمعيهم يا حسرة ... نتي مغاتعرفيش عدنان قدي ... هو كيبغي اسد كتر ما انت كتبغييييه وعلى قبل تسامحوو ليه قرر يمشي فخطرة ومايشوفوش .... ديريها نتي ؟؟ تقدري ماتشووفيش اسد حياتك كاملة باش غي يسمح ليك ؟ ( بالغوات )حررمتيني منو للمرة الثاااانية للاماررر ... مغاااانسمحش لييك ...
خلاتها ومشااات بززربة كتجججري و لامار بقات واقفة صدرها كيطلع ويهبط جاتها دوخة وتكات على على لباب كتلتقط اننفاسها ... تاسمعات من موراها
ممرضة : مدام نتي بيخير ؟
اشارت ليها غير بيديها وبدات كطلع النفس بشوية عليها وتقوا مزيان ومشات ديريكت لي لWC كاتلوح الما على وجهها تستسفق ... ورجعات طلعات راسها فالمراايااا .... وجهها شااحب كيقطر بالما ... شفايفها بويض وعينيها تغورووو ولاو محاطين بالسواد ... زيرات على عينيها مدة كارزة على شفايفهاااا وصوت رتاج كيتعاود فودنيها "نتي برااااسك واحد نهار جيتي عندو غي بااااااش تسرقييييه".." مالك ديما انانية ؟ غي نتي تححرمتي من اسد تحرمييييني تانا منووو ولا شنو " " غاااتندمي الامارررر غاتندمي على هادشي لي درتي وبعدتيه على خوتو ..فالوقت لي نتي لي كان خاصك تجمعيهم يا حسرة "
غوتات لاماااارررررر بجججججهد بكل حرررررقة ... وبدات تضرب راسها مع الحيط
لامار : رجاااع اسد رجاااااااااع منقدش انا على هادشي كااامل بوووووحدي رررررجاااااع... رجااع هزز حملك لي تلااح عليا رجااااع
بدات كتبكي وتغوت وهبطات الارض كلسات وكلها كتقطر بالما خاشية راسها بين يديهااااا كتتبكي عاضة على شفتها
لامار : وانا كنحاااول مانآدي حد كلقا راسي غي مكنآدي كووولشي ... اااااش نديييرررر ... حرموووووني منك كيفاش نسااااامح ... حرمووووني ا اسد منك كيفاش انا غاندوزها ليهم؟ مننقدرش .. كنكرههم كااااااملين كاااااملين ... ( علات راسها فالسما ) ماباغيا نآدي حد اربي عاااوني .... ماباغا نحرم تاااحد من لاخور ... ماباغا نشتت حد .... واش انا كرهت بنتي تكبر بين عماامهاااا ؟ واش انا كرهت فرحة اسد تكمل .... ولاكن هوو سباااااب كاع عدااابنا .... الى بقاااا عمرنا غانتهنااااو .... عمممرنا .... هداااك ماشي اخ .. حااشااااا واش يكون اخ .... لي يحسد خوه على الفرحة ماااااشي اخ .. ماايستاهلش يكون بيناتنااا مايستااااهلش .... يااربي قويني وريني طريق الصحيح .. ياربي انا غير عبدة ضعيفة من عبادك ... ونقدر نميييييل على طريقك .. ورييييني طريق الصحيح ... خيليني نشد اللجاااام لي طلق اسد ... خليني نكمل موراه طريييق بلا مانححرف ... عاوني ياااربي عاوني ... عاوني تبقااا العائلة مجموعة كيف خلاها ومايتشتت حد .... عاوني اربي ... هادا غي نهار لول وها وحدة غانخسرها ولاخور مشا... اش كيتسناني غدا .. هادشي صعيييييب عليا ولاكن مادام ربي العالمين معايا غااااايسر ليا كولشي .. عليك متوكلة يااااربي .... عاوني نحافظ على شمل هاد العائلة حتا يرجع ....
ناااضت ومسحات وجهها ومزيان واستغفرات الله ورجعات لقوتها من جديد... وخرجات لقاات سفياان فالكولوار هاز قسم كان كيتسناها وجات هزاتها عليه
سفيان : هزو اسد فالكوبطير غي دابا عاد ...
لامار : ( صوتها باقي منغنغ ) مزيان
سفيان : لامار مادريش هاد الحالة .... كوني قوية
لامار : دايرة حهدي كامل باش نصطنعها .. اما باش نكونها .... منقدرش ... ( شافت فيه وتنهدات) سفيان ..... غانقد نهزز كاع الحمل لي كان هاز هو ؟ كتافي قدو ؟ ممم
سفيان : غاتقدي اختي .. وحتا الى مقديتيش حنا معاااك كاملين ... مجموعين هنا على قبلكم ومغانتخلاوش عليكم .... وفاش ماحتاجيتنيا على راسنا وعينيا ...
لامار رتحها شوية ووماتلو براسها ومشاو لدارر ..صاك هو عليها و عيط على يونس لقاه فدار وعلمو بلي اسد تنقل لدارو ... وصلو لمنطقة كانت الكوبطير الطبية باقا تما والطاقم كولو فدارر كانو كايمونطيو ليزاباري فالجناح وكيعقمووه .. مخلاوهمش يدخلو تايكملو ... و هي كلسات فصالون كتوكل فقسم شافت لسعتها لقات مابقا والو ويودن المغرب ... وهي فيها الصلاه دنهار كاااامل ... هادشي خلخلهم ... وكلات قسم وخلاتها عند سفيان ودخلات لبيت اخر توضااات ولبسااات مستووررر و طلقات السجادة وصلات وطلبات المغفرة على الايام لي مصلاتش فيهم ... مدة وهي رافعة كفوفها السماااا كدعي الله يقويها ... وحيدات حوايجها وخرجات بانليها يونس واريج جاو هازين معاهم الفطورر فلي ساشي وكايحطو على الطبلة ... وقسم كتتلعب مع اااييس فااارض لي ولاو فيه عشرة ملي شافهم جاو حيت كان غير مع المروض ... لامار بقات كتشوف جيهة اريج ... لي صفففرررة بالوحم ... وكتحرك غي بسيف وكتعاون يونس كيحطو على صال امونجي ... و سفيان غي كالس وكتنهد كيشوف لسقف ... وممرضين طالعين هباطين باقين مشغولين لفوق ... ضارت اريج عندها لقاتها كتشووووف فيها وعينيها دمعانين... اريج ابتسمات ليها غير بشفايف.. وبدات كتقرب عندها ولامار ساهية فيها ...
اريج : ختي كيف بقيتي ؟؟؟؟؟
لامار : ( غير واقفة وكتتتززير على شفايفها حابسة البكية ) صاافاااا
اريج : اوا ماتقولي والو .... حنا عائلة وحدة ماشي برااانين ... وانا ختك ... ضااافي شوفي كيرديتي عينيك .. اجي ترتاحي الحمد الله غي لي وقفتي على رجليك ...
لامار جراتها وكلساتها هي
لامار : راه نتي لي خصك ترتاحي ... راكي حاملة و باينة الوحم معدبك راني مجرباه ... سمحيلي لاعدبتك معايا هاد اليوماين ... باينا منعساش مزيان .. الفترة لي خصك تفرحي بحملك وتشهاي على راجلك شوفي اش خرج لينا ..
ارييج : لامار غااانتقلق منك ...
يونس قررب وشد على كتف لامار
يونس : لاماررر اخر مرة نسمعك كتقولي هاد الهضرة اريج ربي لي عالم شحال كتبغيك ... راكي عندها بحال رتاج ... بهاد الهضرة راه كتحسسيها برانية عليك .... وتاهي راه اسد عندها عزيز ... على قليل مدار علينا انا وياها باش جمعنا ؟؟؟
شوية هبطو الطاقم الطبي كيهضضرو و جاو لعنها و تا سفيان وقف
دكتور : صاافي جهزناااه فالجناح ديالو ... وخدينا عيينات من الدم خصنا نديرو شي تحاليل ضرورية لسلامتو كل ربعة وعشرين ساعة بلا متخافي الى شفتيهم كيجيو ياخدو من دمو .. مسائل عادية ... غير هو نوصيكم فهاد الاسبوع قللووو عليه الزيارة ولا من الاحسن يدخل غير واحد ولا جوج متكتروش النفووس .. لانو مناعتوو ضعيييييفة بزااف ... الى شي شخص كيعاااني من شي مرض او فيروووس او زكاام بلا ماايدخل كاع فهاد لاسبوع على ما تقاد منااعتوو حيت دابا ناقصة بزاااف ... وخا نتي ولخا بنتو لاكنتو مراض لااا ... ومادخلوش بلا اللباس الواقي عندو ... بعدا على الاقل حتا يفوت هاد الاسبوع ... الجناح راه عقمنااااه وكل نهاررر غاتكون نظاافة و كولشي راه حرييييص هنا على سلامتو حتا يفيق بحول الله ... ولي دخل عندو يبقا بعيييد عليييه من الاحسن مايقربش ... كنقولو هادشي لصااالحو .. الى كان كيهمهم امروو ديريو بهضرتنا
لامار : صافي كون هاني .. عطلناكم على الفطور .. صياام مقبوول ..
دكنور : امييين امادم على الجميع ...
لامار : تفضلو
مشاااوو وهي بقات كتشوف
لامار : نحاولو هاد السيمانة نصبرو وصافي
يونس : ماشي مشكل اختي ارا غير يكون هو مزياان
لامار : غانطلع نشوفو على مايودن المغرب .
سفيان : غانطلع معاك ....
طلعووو لامار وسفيان عطاتهم ممرضة اش يلبسوو . كمامة عل فمهم وطربوووش و بلاستيك فرجلهم و طابيلية مشدودة لور زرقة وليكات .. و دخلو عندو كانو نفس ليزاياري جابوهم لتماااا.. وباقي كيف كاااان .. جسدد هااااامد ... سفيان غي شافو عينيه حمااااارو تبدل بزاااااف واخا داك تخنزيرة باقا هي هي وحاجبو وااخا غيبوبة كيبان طالع .. وراسو بااقي مخشي فداك الزجاج ... و جرات لامار لسفيان كرسي من صالون كلس عليه كيشوف فيه وهي قربات عندو لسريرهم كلسات حداه وشداات يدو باستها وغكاتو مزيان ...
لامار : بااارد بزاااف .. هنا حسن ليك احبيبي .. ماحدي كزشوفك فبيتك كنزيد نرتاااح كنحس بلي راااك معايا .. كيف ديما .... منقدرش نشوف فهاد البيت بلا متكون نتا فيه .. هنااا حسن بزاف من داك شومبر الباردة ... بيتك داااافي .... وهو البلاصة الوحيدة لي نتا كاترتاح فيها .... غانبقاو على امل ترجع لينااا و غانتسناوك تالنهار لخر فحياتنا .. وكل نهار غانقول فيه عينيك غايتحلو ومغانملش ... ماطولش علينا ... نتاا عارف ان ايامنا مكيسوااااو والو بلا بيييك ...
بدات كاتشوف فيه وتنهد لااااا حركة منوو من غير التنفس لي كيطلع ويهبط فتيو وكيتسمع للامار .. شافت عند سفيان بانوليها عينيه حووومر دمعانين وبقات كتشوف فيه ....
لامار : جيتي غير لبارح .. وشوف اش درتي عليه .. هه! ....اش نقول انا .. الواحد يقدر يتعرف عليه غي ربعة وعشرين ساعة .. يولي ليه هو دنيا ومافيها ... حيت كيييعطي بلا ماايااخد ... عمرو تسنا المقابل ...عمرو بخخخل على شي حد .. ظيما ماد يدو لكووولشي ... كييهز لهم لكولشي وعمرو هز الهم لراسو .. كيبغي يشوف كاع حبابو مرتاحين واخا يكون هوو مامرتاحش ... ديما مسبق حب الغير على نفسو .. عمرو آدا شي حد ولا تعدا و لا بغا الشرر لي شي واحد .. كيتقاتل باش يخلي كولشي على خااااطرو .... هدااا هو اسد ... لي على قبلو قادرين نوضو حرب على قدها ....
سفيان : ( تنهد ) اه فعلا جيت غي لبارح ... ولكن مكانتو فقلبي كبر من مكانة هادوك لي تزاديت معاهم ... مكنتش كنعرفوظ. كنت كنضنو شي واحد حااااسب فراسو بقوة مكنت نسمع عليه فالدار بالخايب ... كنت صغيييير بزاف فاش كان معانا ماعقلتش ...عليه يوووونس لي عقل عليه .. كان كيحاسبتي هرب من الدار غي حيت مكانش كيدير بكلام الواليد ولا معرفت... مكنتش كندخل راسي كاع فهادشي ... تااااكبرت وماتت الوالدة وشفتو فالكنازة عاد يونس عاودليا عليه وشنو قاسا ظعانا .... غي مزدت حححقدت على جد والدين داك الدار ... انا هاكا داير دغيا كنحكم على الواحد ولاكن مكننننبغيش الضضضضلم ويكون الواحد براني عليا ... بقوة ماوليت نسمع عليه من يونس غي المدح ... وليت متشوق امتى نتلاقا معاه .. وفعلا نهار تلاقيييتوو تبدلات حيااااااتي كاملة ... ولا هو الاب و النسب و كولشي ... عمرني تخيلت اانني غانبغي اسد لهاد الدرجة بعد مكنت كنعتبرو غي عدو للعائلة ....ولا ليا هو العائلة كلها ... نتي وبنتوو ... كلكم ... وليت كنشوف فيكم حياتي ... شفت فيعينيه لخوف الحنااان . كاع الحوايج لي كنت محرووووم منهم ... حتا جاو وحرمونا منو فنهاااررر .. كيفاش غااانسماحو ليهم.؟؟
لامار : فعلا .... مغانقدوش نسامحو ... حنا كلناااا بحال بحال اسفيان ... كلنا عشنا الحرمان ماشي غي نتا ... شوف سبحان الله ... شوف تنا منين تهزيتي .. وانا منين تهزيت .. واريج ورتاج ...واسبرووو .. وحياة وشيمااء ...وسااارة ... وتلاقيينا كولنا تحت جناااحو .. ودار لينا ربي رزقنا معاه .....باش نعوضو بعضياتنا على كولشي .. ربي قصداا .. لاقانا .. كلنااا محرومين من العائلة .. اريج ورتاج تاهوما عمرهم عرفو الكلسة على طبلة ام و اب و واخوة .. طول حياتهم وهوما باباهم كيحاول يعوضهم غير بالماديات ... عمرهم عاشو حنان الام و لا الاسرة ... اسبرو كتتتترر .. فين عمرو مسكين عرف الحناااان .. طول حياتو هو غير فالشارع .. وبنات خالتي ؟ و انا ؟ و نتوووما ... و اسد ... منهار لي جمعنا ربي ... عوضنا بعضيتاانا على كووووولشي .. تاحد فينا مابقا يحس بالنقص ... كولشي حقق احلامو ... .. اسد وانا متلاقيناش بالصدفة .. و تا اريج مابغاتش يونس بصدفة ... كولشي هادشي كان مخطط باش نتجمعو و نكملو بعضياتنا فحاجة وحدة نسميوها دفئء اسري ... يد اسد كانت ممدودة لينا كاااااااملين .. هو الاب والجد والاستاذ و الامان ديااالنا كاملين ... داكشي علاش ماقادرينش نصبرووو عليه تا دقيقة .... حيت فالضل د جناحو حنا كنا مخبييين ... ودابا كنحسو بالشعاااا كييعميينا ... صعييييبة اسفيااااان نكملو بلا بيه صعييييييبة ( مسحات دموعها )
سفيان : صعيبة ولاكن غانقدرو ماشي لخااااطرنا اختي ... حييت هو هادشي لي باغي يشوفنا مجموعين حتا فغيابو ... حنا قادرين نرطعو نبسطو جناااحووو واخا هو مقادش ... نتقااااتلو جنح بجنح .. حتااا نرجعو الضل ويفيق تحت ضلو ....
لامار : اكييد .. غاانبقا واقفة تايعيا اخر عرق فيا ونكلس نرتاح ونعاود نوض .. وهاد العائلة لي جمعها رررربي ... عمرها اشتت ...
بدا المغرب تيوذن و غمضات عينيها دعات معاه فااسر بقلب صادق وبكل خشوع لله سبحانه ... وناااضت قربات لحنكو لي عريان شوية من لبواط زجاجية
لامار : ( صوت خاااافت ) اللهم لك صمت .. وعلى رزقك افطرت ...
حبيبي الأصم الجزء 209
محتوى القصة
التنقل بين الأجزاء