محسيت براسي غير وانا مهزوزة ....كان نجييم حااملني ....حطني في بيتي غطااني وخرج ....من بعدها ما غلق الباب ....شوية حسيت بماما تخشات حداابا ....عنقتها ...ونعست بقفطاني .....مروا سااعات طواال .....بديت كنحل عيني كنلقى ماما مزاال حداايا ....دفنت وجهي في عنقها .....واجهشت في البكااء ...بدون صوت ....وانا كاتمة شهقااتي ....ميمكنش نتخيل حيااتي بدوونها ......من بعد ما بللت صدرها بدموعي .....تسللت من حداها بلاما ندير حس ......مااشي من عوايدها تبقى ناعسة.؟؟...كان هذا هو تسااؤل لي طرحت في دمااغي ......استنتجت انو يمكن من المرض .....هزيت حواايجي ودخلت الحمام ...غسلت وبدلت .......شفت سااعة ....كانت حوالي 2 .....مشيت حدااها ....نفيقها ......
انا : ( كنبووس فيها ) ماما ....وا لالة نعمة كااع هادشي نعااس ......لا رد ....هزيت ايدها .....كانت بحاال قطعة من الثلج ..... توثرت .....طولت النظر فيها .....باقا على نفس الوضعية ......ناعسة على ضهرها .... نزلت اذني نسمع نبضها .......لااا خفقاااان ......تصدمت ......معرفت مندير خرجت بجراا ......لقيتهم مجموعين ......
قبل منكملها ...كان وصل لعندها هو نوال وتبعووه العائلة .......تبعتهم ببطء....كنتمشى خطوة القداام .....ونرجع بعشرة للورااء ......فجأة خرجاات ...خالتي نواال ...لعنقاااتني .....وقاالت كلمة تمنيت ....نموت ومنسمعااش .....
نوال : (معنقااني وانا مصدوومة كنشوف في البيت ) نعمة مشاات وخلاتني .....اهئ اهئ نعمة ماتت ......مدرت ختى ردة فعل بقيت وااقفة ....حتى حسيت ...بنجييم جاا عندي ....كيسول فيا .....ولا مجيييب ......تعالات الصرخاات ......حسيت انني في بير غااامق .....مكيوصلنيش صوت مزياان ....بقيت على حالتي......جاالسة في صالا ....لي كانت غير لبارح ......طااغي عليها ضحكاات ....والوان الفرح .....ولكن داابا ......يسود صمت .....معرفتش شحال دالوقت وانا جاالسة .......لي فهمت انا مرااسم دفن وجدوو .....مغيفيقني ....من سبااتي غير ......عنااق ختي ليا ...وهي كتقوول
رهف : ( منهاارة )...لماار .....كيخصك تمشي تودعي ماما قبل ميخرجوها .....شفت فيها .....بعينين حزينين قبل متشد ايدي ......وديني معااها ...
كااانت بثوب ابيض ......كيعمي العين ...من قوة النظاارة ......وجه مبتسم ....كانت ناائمة بسلام ......
مغسلة : تواادعو ابنتي مع ماماكم وبلا بكاا .......رهف : كي غنديرو منبكييوش قطعة منا هاديك ......بقيت كنشوف فيها .......عنقتها وشمييت ريحتها المعطرة بالورد والحنااء ..........بقيت نااعسة على صدرها ...تمنيت تعنقني ...وتمسح ليا على رااسي كيف مواالفة .....لاكن ياا خسااارة ........غطاات المرأة ...وجهها مبقااش....كيباان .........وامرتنا باش نهبطو لتحت ....ماهي الا دقائق و نزلو هازينها في صندووق ......لسيارة نقل الأموات .....كااع القوة لمثلتها انعااكست ضعف .....حسيت بتياار كهرباائي ...صعقني في رجلي ......والمااس دياالو كيتنااشر مع دااتي .......لا شعووورياااا ......صرخت باعلى ماافيااااا.....
انا : (غاداكنجري لسيارة موتى ) الااااااااااااااا......ماما متمشييش وتخليني .....اااااااه 😭😭😭ماما ......اه .......شكون يبقاالي من بعدك .....(كنعنق في الكفن ) اهئ اهئ ....ماما جوبيني ........نجيم : ( عنقني و وكيهدن فيا مقاادر يقول تا كلمة ) ...صاافي متعذبيهاش ..........انا : اااه بعدومني .....علااش مشاات وخلاتني علاااش ......(كنضرب ليه في صدرو ).........تعاللات صرخااتي حتى...
¤¤اسفة الا فتحت جراح بدون قصد¤¤
انا : اااه بعدوو مني .....علاااش مشاات ...وخلاتني .....علااش ....(كنضرب ليه في صدرو ) ......تعاالات صرخااتي ...حتى كنحس فشي ايد كتحركني وكتخوي عليا لماا ......كاان نجيييم .....حلييت عيني لقيت رااسي ......في بيتي .....ومزاال بقفطااني.....ومجموعيين عليا ....معرفتش واش بصح لي طراا ....ولا غير حلم ......متأكدت انو حلم حتى جات عنقااتني .....انا : ( كنبكي ومعنقااها ومزيرة عليها خايفاها تهرب ) اهئ اهئ .....حلمت بيك مشيتي ...وخليتيني ...حلمت بيك متي اماما ....عفااك واعدني متخلينيش 😭😭😭......نعمة : ( كتقرا عليها القران ) ...بسم الله عليك ابنتي غير حلم هذا .....قولي اعوذ بالله من شيطان رحييم ...انا باقا حدااك ........نجييم : ( مسكني من ايدي وبااين عليه الخوف ) ..يالله معاايا تغسلي وجهك .....انا : ( زدت تخشيت فيها ) لا لا ....غتبرااي اماما يااك.. مغتموتيش ( قلتها بدوون شعووور كنبكي ) ........الحااج : اش كتقوولي الماار .....انا : ( تقبلت معاهم ) انا عارفاكم مخبين عليا ..عرفت كلشي من رهف ....في ليلة الخطبة ........ عندك سرطاان ......غتموتي يااك ......صدمة للجمييع ....شي كيشووف فشي .......نعمة حدراات رااسها .....نجييم كيطاالب بتفسير .....نجييم : ( موجه كلامو للحاج ) ممكن نفهم الموضوع .....شنو كتقصد لماار .....نعمة : مكنتش باغاك تعرفي ...( وهي مااسكة ايد بنتها ).....باااش منشووفكش بهااد الحاالة ....مولفة نشوفك قوية ....باش حتى انا نستمد قوتي منك .....ماشي منهاارة .......نجييم : نتوما غالطين مرض مكيتخباااش ......انا : (كنقبل رأسها ) ...انا قوية اماما وعلى قبلك ندير اي حااجة غير تبقااي فجنبي اهئ نتي لي بقيتيلي ....ترمات في حضنها......الكل تأثر ......نجييم خرج مستحملش المنظر ...وتبعو يوسف وجذوان ......
جذوان : ( جاالسين في حديقة ) ممصدقش هادشي ...نجييم 😞 منزل راسو الارض ) ... دااابا عاد فهمت ....استعجاال بابا على زواجناا ....يوسف : متسبقش الاحدااث سمع منو .......الحاج : ( لي نزل وسمع كلام الاخير ) ....كاع لي قلتيه اولدي صحييح ....ولكن موضوع زواج معندووش علاقة بالمرض انا فعلا بغيتك تطمني عليها ....خصووصا ملي شفت حاالة الصحية لنعمة .....وهي متعلقة فيها بزااف ....رااك شفتي كلشي على عينيك ....داكشي علاش خااص لي يوقف بجنبها .....جذوان : واااش معندهااش امل في نجااة حسستوني كتحتضر ( بأسى ) ........الحاج : لا لا ابدا اولدي ...غتصح وتولي حسن من لول مي راكم عارفين فترة العلاج صعيبة دااكشي علاش ....... نجيييم : ( مخلاهش يكمل وهو وااقف ) انا غنوجد ورااق ....غداا ان شااء الله نديرو عقد زواج .......قاال هاد الكلام ومشى ....الحااج فرح بتصرف ولدو .....وعرف بلي حسن الاختياار ...مكين ماحسن منو يوقف معاها .......علمو الكل بالخبر ..........نعمة مقداتها فرحة .....ولمار فرحاات لفرح ماماها .............على طااولة العشااء .....مجموع الكل .....حتى عائلة الحاج لي عرفو باش وقع ......
الحااج : مزياان ملي بقيتو ....غداا ان شااء الله نجبيم ولماار غيكتبو العقد .......عمة زهرة 😞 باستهزااء ) وا لعحب اخويا .....شفت لعرووسة مزاال هناا .....خااصها تكوون في داارهم هادو هما تقاليد ....ولا مسبقة الفرح بلية ........
انا ( سمعت كلامها لي خرج من لوذن اخرا متسوقتش ليه ) ...........نجيييم : ( خبط طاابلة ) عندك شي مشكيل .....داارها هادي دااك تنوعير دياالك نتي وبنتك مبغيتوووش .....(لاح لمعلقة وناض) ....عمة عائشة : عندو الصح دخلي لساانك لفمك شوية .........عمة زهرة : ( كتبرد ) انا مقصدتش رااه غير على حساااب عادات وتقااليد ....نعمة : غير حيت عياانة شوية جاالسين هنا ......نقزاات هند ......هند : وي سمعت درااما لي درتوو صبااح ...نتي وبنتك .صوااتكم فيقونا من نعاس ....( طلعات في نعمة وهبطات ) .....انا : ( تعصبت ) ماما يالله طلعي رتاحي ....رااه الجو بداا يتلوث وواعر عليييك .....هند : (وقفااات) شنو كتقصدي ........انا : ( بتحدي ) لي قصدتوو رااك فهمتيه والا جاات قدك الهضرة لبسيها ......دخل بيناتنا الحااج وهدأ الاجوواء .....طلعت لبيتي وخليتهم ......بقيت جاالسة كنشووف من شرجم حتى سمعت صوت الباب ....
انا : دخلي اماما رااه محلول.....نجييم : (بابتساامة ) وانا مسموح ندخل .......شفتو وقفت ......انا : اه نجييم يصحاابلي ماما ....بغيتي شي حااجة .......نجيم : مواافقة انه غدا نتزوجو ........انا : ديرو لي كاايبان ليكم صحيح ......نجييييم : ( شدني من ايدي وعنقني ) ......ان شااء الله تولي بخير ...انا : ( كنبكي في صمت ) داااكشي لي كنتمنى ......شحاال رتااحيت وانا في حضنو وحسيت ...بلي كاين في ظهري لي يوقف معاايا..... بغض النظر على المشااكل لي واجهناها ولي مزاال كنتعرضوو ليها
¤¤¤¤¤صباح يوم جديد ¤¤¤¤¤¤
ليوووم اخر نهار ليا في حيااة العزوبية ....... من انسة لمار اسلي ......لمدام لمار نجييم تازي .....خطوة كبيرة في حيااتي .......وتحول جذري ........مقدرااش نتيق رااسي.....وااش بصح غنتزوج .......كنشووف رااسي في المراايا ونعاود .....واش هادي انا يالسخرية الحيااة .....ولكين بيني وبينكم عاجبني لحاال .....نضت تجهزت ولبس احسن معندي ......سرواال جيينز مع جباادور قصيرة بالبيج مع خياطة بيج وكتحزم من جهة الصدر ....معب عالي بالبوردو .....مكيااج غزال ......من ايلاينر ....حتال قلم شفااه .......رشيت عطري ....وهزيت صااكي ...وهبطت لتحت بعد منادتني ماما...... لي غتمشي معايا هي وبابا الحاج ...ويوسف وجذوان كشهوود على عقد القران .....لي تافقنا اننا نديروه عند عدول ......مبغيتش نباالغو في الامر .......حتى العرس ان شاء الله لي باقي متفقنا عليه .....نزلنا لقيتهم كيتسناوني...غير شاافوني بدااو بصلاة وسلام على رسوول الله ...
عمة عائشة : (عنقااتني وبادلتها العناق ) مشااء الله عليك ابنتي ....كتحنقي الله يحجبك من العين .....نجييم ختاريتي وعرفتي اش دييتي.....ضرت عندوو ...لقيتو دااير ابتساامة جاانبية .....كان بأروع اطلالة .......قلبت بعيني على مرتو لولى مبانتليش لا هي لا مها ...يمكن خرجو متحملوش الصدمة .....
الحاج : حتى واحد منكم .....انا حجزت من داابا للعائلة كااملة ......نجيييم : (كيشووف في سااعتو زربان ) مشييناا ....ولا نبقااو مزاال .......نوال : ( كدفع فينا ) ....اويلي على تبقااو ...يالله توصلو .....ركبت انا وماما مع نجييم في سيارتو .......وعمي ويوسف مع جذواان ........مساافة طريق وكنا عند العدوول .....بعد التحية والسلام .......
العدول : نجييم تازي ولد مصطفى تازي قاابل تزوج بلماار اسلي بنت احمد اسلي على سنة الله ورسوولو .........نجيم : (هز عينو فيا ) قاابل ........العدوول : لمار اسلي بنت محمد اسلي قاابلة تزوجي بنجيم تازي ولد مصطفى تاوي علة سنة الله ورسووولو ..........انا : (بدوون تردد وانا كتشوف في الأم ديالي لي كانت عينيها كترقص من الفرح ) قاااابلة .......وقعنا على كتاب ووقعو شهوود وبهذااا ...وليت زوجة نجييم على سنة الله ورسوولو .....
خرجنا من عند لعدوول لفيلا .......احسااسي وانا غادا نتكااتب ....ماشي هو وانا راجعة ......حااسة بفرحة عاارمة .......من دييما كنت كنفتقد لدااك السند لي يحميني ........ولكن داابا تبدلوو الاوضااع.........احسااس انك في جناابك لي يحميك .......احسااس لا يووصف .......رغم مجووعة من الاشيااء ..........وصلنا الفيلا .......واستقبلوونا بالحليب وتمر ..........جات ختي رهف ورجلها .....وتغدينا كلنا في جردة ........الكل فرحان بينا ولينا .....من غير هند ومها للقيناهم جاااو ......حاولت نتفااداهم ......ونتفاادى لساانهم لي كنقط سم ........طلعت لبيتي نرتااح ....باش نوجدو للعشااء لي كااين في ليل .......يالله حيدت لفووق ....بقييت ببودي سميطة .....وانا نسمع دقان في لباب ...قبل منقوول دخل ......تحل لباب
نجيم :(بنضرة اعجاب قرب لجيهتي)...كنت بغيت نقدم ليك هدية بمناسبة عقد قران ديالنا.... انا اكتافيت بأبتسامة .....جا وراية..... ركب واحد سنسلة د يال دهب .......هزيت شعري وسدها كنحس بانفاسو سخونة فضهري....... بدون سابق إنذار طبع قبلة فالعنق ديالي لي حسيت بعدها برجلي فشلو عليا شعرت احساس غريب....... مشاعري تخربقو ......ولهضرة هربات ليا....نجيم:(بابتسامة جرني جيهت لمرايا نشوف سنسلة)بصحتك نتمني يعجبك ذوقي.......
انا:ماعرفت مانقول تلفت حتي فقت من سوهتي لقيتو كيهضر وانا ودني كيصفرو ماعرفتش باش حسيت)شكرا ........من بعد هاد لكلمة سكت هو خلاني وخرج وانا بقيت واقفة قدام لمرايا كنشوف فراسي اشنو وقع ليا كنتلمس فالسنسلة لي كانت غزالة دوقو كيحمق
خرجنا كلنا نتعشااو براا.....بمناسبة عقد القراان ......حتى ختي رهف وراجلها .......ناصر ومصعب وشيماااء ....جاو مشيينا مطعم .....غزاال فيه مدييينة ملاهي .....كااين خاارج كاازا ....لبست في هاد المناسبة .....سرواال دجين ....مع بودي.... وفووق منهم سلهااام ....لي كان كادو من عند خاالتي نواال .....وكعب عاالي ...تزينت كيف العاادة ......وعملت الحلي وأهم حااجة خااتم زوااج .......طلبنا اكل متنوع لكن طاغي عليه ....االمأكولات المصرية ...ورغيف المصري .....مدوزين وقت زوين واخا كل مرة عمتو وبنتها كيحشيو في الهضرة ....
نااصر : ( كيهضر بيني وبينو )لمااار ...اش هاد الاوبااش ...واش هادي هي مرتو لولة..... انا : ويي هي هاجي كجااتك ......ناصر : ( كيعيب ) كي لكسيدة جااتني ......اش داك لمعري كثر ملي مغطي .......شيمااء : سد فمك دابا تسمعك راه هضراتك مسموعة من دخلة ديال مطعم .... ......مصعب : وحتى نتي راه انا وسمعتها ......ناصر : ايوا صاافي مالكم جبتو ليا لملل نوضو نتساراو .......شيماء : ميرووو كااين بارك يالله نلعبو ....انا ( بفرح ) وااش خداام (قلتها بجهد ).....نجيييم : ( كيشووف فيا ) شنوو لي خداام .....انا : كندوي على باارك باغا لعب .....جذوان : اه يالله كنت تما خدام ...يالله نلعبو .....انا : ( وقفت هزيت صااكي ) اكييد يالله يالله .......عمة عائشة : ( كتعيب ) من صغيراتك ابنتي زعمة رااك عرووسة ....والله ايلا مابقاات حشمة ......الحاج : وشنو فيها الا لعبات راه كبار وكيلعبو ......نعمة : (كتحلف بعينيها ) جلسي الماار مااشي وقت داكشي .....سكينة : ماالها شنو فيها يالله لعبو .......مشينا لعبو متسوقتش الهضرة ....حسيت بنجييم متقبلهاش خصوصا انه ملي جريت مصعب من ايدو ....بقا غير كيخنزر وجاامع ايدو ....وصلنا لألعاب بديينا بطنوبيلا تسااطيح .....كل واحد ركب في وحدة ايوا وارااك لحيحة ....معاا اغااني كنتخيل رااسي راكباها تاع بصح ....خبطني نخبطك حتى ضهري تقسم .....من ورااها مشينا لرااقصة .....غوااتو كورااه سمعووه لدااخل ....كنهبط عيني كيبانليا نجييم متكي وحاضيني مكرهش يتلاح عليا خصوصا كنت وسط مصعب وجذوان ....نزلت منها داايخة ولا انا بردت ......
نجييم : (شاادني من ايدي كارز عليا ) صاافي سااليتي ممكن نمشيو ......انا : ( شفت فيه ) لا مزاال ليا وحدة ....شيرت ليه لهمالايا .......نجييم : وااش بعقلك ولا شنو واش داويا بصح .....انا : وي شنوو فيها باغا نركب فيها يالله طلقني خليني نمشي ......فكني منو غا مصعب ...ركبنا فيها ايوا وبقاات نص سااعة وهي لفووق كااع لمديينا كتباان .....عحبني الحال .....وزدت في وثيرة ضحك ديالي.....تنفخت برد خصوصاا ...ملبسااش مزياان ....ومع عاد كليت مساارني تقلبو .....نزلنا ركبنا في طونوبيل وتمينا راجعين ....طريق كلها مدوااش معاايا ...كنحس بيه بركان وغينفاااجر في وجهي مديتهاش فيه ...لي فيا يكفيني ندمت حتى لعبت ....كنحس براسي داايخة وباغا نعس .....وصلنا لصطووب ....كنت متكية على زااج ...وسااهية حتى كنشووف فيه تخلعناااا........مقاال والو غميسب في خااطروو .....كسيرااااا حتى كنت غندخل في زااجة ....سرعتو تضااعفااات .....وصلنا في رمشة عين ...نزلت ماما ونوال وعمتو وبنتها ...يالله باغا نزل وهو يزيد ....
صقلت وتخلعت .....كاع الافكاار العوجة ...طاحو في بالي .....فين غادي بيا .....يااكما داكشي لي في باالي ........كل ماكيطيحو ليا هاد الافكار ...كنزييد نتوثر ....مزاال سياارة غاادة في عتمة الليل .....خلينااااضوااء المديينة ورااانا .....دزنا من منعطفاات وعرة ......ايديه حااجها فووق المقود متشنجة ...........طاال صمت وكل ماااحنااا غااديين وهو كيطغى .......مكتسمع حتى شي حاجة ....من غيرر صوت .....فمي لي كيرتعش ...من شدة البرد واخا الحال سخوون ........والخووف من المجهوول .....فجأة وقف سياارة في منحدر ....ونزل .....حلي لباب واشاار لي بااش ننزل .......درت كيما قاالي ومهضرت ......
دخلت لحمام بقيت نبكي ...ونخوي عليا في للمااء ....شوية سمعت صوت ماما كتنادي عليا ......حليت عليها ....شفت الحزن في عينيها ومخبياه......تجااهلتها وبديت كنحط في باليزات .......وانا كنجمع .....حواايجي ......حسيت بقوة غريبة .....وفي نفس الوقت .....بضعف ....كنجمع فيهم وهي كتشوفيا ....حتى خانوني دموعي جلست الارض وبقيت كنبكي .....دموعي تحولو لشهقات ......وصرخاات ......ومن بعدها انهياار عصبي ..... كنت غير متحكمة في افعالي ....كنحس بخنقة ......في كل مرة كتعنقني ........كنغوت وندفع فيها......الكل طلع لبيت عندي كيجري ........تقطع صوتي ....وترخيت لاكن فااتحة عيني ......
نعمة : كتبكي .....لمااار بنتي لماار ماالك .....نجيم : تخلع ملي شاافها في ديك الحاالة ....قرب منهاا .....خدااها من عند نعمة وكيحااول يهضر معاها.....لكن لامجيييب ....كنت في عالم تاني .....باغا نجااوب لكين مقادرااش نتكلم ......حملني بين ذرااعو ......وهبط بسرعة .....ركب في سيارتو .....ماما ونوال حدايا .....بابا الحاج حدااه ......طريق كلها وهو يغوت .....مرة مرة ......كيدور يطمن عليا .....حتى وصلنا لوبيتاال ......عطااوني ابرة ومن بعدها غفيت ....مابقيتش عارفة شنو كيدوور حدايا........ نوااال : فين كاان مخبي لينا هاادشي....عمري شفت لماار بهاد الحالة........الحاج : غير رتاحو يخرج طبيب ويطمنا ....... ......نعمة : جلساات فوق الكرسي ....ومنطقاات بحتى كلمة بقاات فيها بنتها ... بقاات كتدوي مع نفسها .....شعوةر بندم تخللها ......واش غلطت حيت فرضت عليها تزوج ؟؟.....واش قسينا عليها ؟؟.......في المقاابل نجيييم طول مدة انتظار .....كيمشي ويجي .....مثوتر لدرجة كبيرة ......خرج طبيبو مشااو عندو ......طبيب : المرريضة جاها انهياار عصبي ......نتمنى تبعدووها على اي حااحة تقدرر تسبب ليها الضغط ....عطيناها ابرة غير سيرو رتااحو مغتفيق حتتال الغد ......قال كلامو وانصرف ........امر نجييم الكل يمشي وانه هو لي غيبقا .....تحت اصرارو واافقو .....خدا قهوة ودخل لغرفتها....بقا شحاال كيتأمل فيها ....عااقد حجباانو ....مهمووم .....ملامحو ممحية .......لحقو عليه نزار وجذوان ......خرجو برااا في جردة يهضرو ......نزاار : شنو وقع للماار جينا لفيلا خبراتنا خديجة بلي جييتو لسبيطاار ......نجييم : متسولني على حتى حااجة ....قولولي شنو درتو .....جذوان : تنازلو على دعوة وحتى حنا ......وكل وااحد طلقووه فحاالو ......نجييم : كوون ما مصعب نخليه يتربى تما مي مبغيتش دري يمشي في رجلين حيت هو لول ضاااربو ......ودري كلا لعصى .....نزاار : دابا لي عطا الله عطاه .....لماار مكانتش قااصدة طبعها هداك ....كتصرف بعفوية ....انا متأكد كون كانت عارفة هادشي غيطرا كون بقات في دار ........نجييم : كرز على ايد جذوان .....كلشي من هادا ميخي ....خليت معاها شماتة هي لي مشيااه ......جذوان حذر رااسو .....عارف راسو خطأ حيت ساايرها .....وداار بكلامهاا .....نزار : دابا تهدن فااش كتفكر .........نجييم : بضحكة بااردة ....الا قلت ليك اول مرة منعرفش كيفااش نتصرف ......عينيا كانوو مغمضين عليها شديت رااسي بزز باش منضربهااش ......بغيتك انزار غدا في صبااح تمشي تسحب وراقها من كلية غير تولي شوية غنرجع فحاالي .........جذوان : وهي مواافقة ......شااف فيه بشوفة دلقتيلة .... نجييم : مغاديش نتشااور معاها ...سير لداار وخبرهم يجمعو ليها كاع حوايجها ولي غتحتاج .....وديجا انا صاايبت ليها لورااق ملي كنت تما .....مكاين لاعرس .....لاهم يحزنون
شرقاات شمس يووم جديد .....حليت عيني كنلقى رااسي باقا في نفس الغرفة لي جيت ليها البارح .......نوعا ما كنشعر براحة .....واخا مسيطر عليا الحزن......لكن غنتعاايش معااه .....حيت ولا جزء من قدري .......بقيت جاالسة شحاال وهو يدخل عندي ......مصعب هو وناصر وشيمااء .....حاولو يضحكووني.....وينسيوني احزاني .....عرفت بلي نهااو المشكل دلبارح .....وتحذف الفيديو .... خبرتهم بلي غنمشي لامريكا ......بلاما ندير لعرس
مصعب : كييفااش مغنسمحش بهااد شي .....انا غندوي معااه يصحااب ليه معندكش لي يوقف في ظهرهك ......على اقل حتى ديري حفلة صغيرة .انا : فرحني بكلامو ....وحسيت بلي كااين لي يداافع عليا ........لا غير خليني امصعب انا محتااجة نبعد نييت ... عيييت من صدااع ومشااكيل .....مبقيتش قاادرة .....اكتفييت .....غنحااول نتعاايش مع وضعي جديد .....هكدا حسن ......وبالنسبة للحفلة انا مبغيت واالو .......ناصر : ديري لي في مصلاحتك ورااه غنبقااو على توااصل اكييد .......شفت في شيمااء لقيتها منزلة رااسها خليتها مخبية دمووعها ....حيت غنضعف قداامهم .......لبساات ليا حواايجي ....لي جا نجيييم وحاابهم ليا ......خرجت من مصحة ودعتهم .....وعرضهم لعشااء لعندنا لداار حيت غنمشيو في صبااح بكري ........طوول طريق وكاان الصمت سيد الموقف ......دخلت لبيتي لقيتو عاامر حواايج شرااتهم ماما ونوال .....دخلت ناخد دووش وخلييتهم يجمعوهم في شنطاات .......ملي خرجت عيااو يقنعوني انني ندير في لعشية حفلة ونلبس شي قفطاان .......منمشيش بلا واالو .......لكن كاان جواابي هو النفي ......ثم نفي ........بقا فيهم لحاال خلاوني بووحدني وخرجو ......... غفييت مفقت حتال المغرب ......حليت لباب سمعت هضراا كثييرة لتحت .......كانو .....احبابي واقااربي مجموعين ......جلست وسطهم .....وطولت شووفة فيهم .....بحال ايلا كنحفظهم ........ساالات لعرااضا لي كنا اغلب الوقت غير سااكتة فيها .......ودودعت ختي رهف ورااجلها حييت مغتمشيش معاايا لمطاار .......عكس كليكتي لي اصروو .....انني لقااهم تما ........طلعت لبيت تفقدت واش كلشي هو هدااك ......ووجدت حواايجي لي غنلبس ......وهو يدخل جذوان .....جذوان : باسى وحزن عمييق ......صاافي سخيتي بينا .......انا : بابتساامة ....سالي لعطلة وجي عندي نديرو شي كاارثة لهيه .......جذواان : مسح دمعتو مباغيهاش تنزل ......غنتوحشك ....قالها وخرج وخلاني ...
اودعك ياا وطني ....اودعك يا أرضي .....اودعكي بكلماتي وألحاني ......اودعك من كل قلبي وأنفااسي .....فييك صباااي ....وفيك اجمل ذكرااي ....فيك سعااداي وفيك عزتي .....هانا ....اودعك ....فليس في بقاائي ....سوى مزييدا من الالم ....وصلناا لمطااار .....مكاان لغنطلق منو .......لحيااة جديدة .....معرفتش شنو مخبيا لي .......اسرتي الصغيرة جاايا تودعني .......رفقااء دربي كانو في انتظااري .......حاانا وقت الوداااع ......نصف سااعة وتحلق الطاائرة .....قتربات مني ماما .....مدات ايدها كتتحسس شعري الطويل الأشقر .....بتمااسك ...قرباات مني كتخفي دمعها وحزنها ....بابتساامة .....عنقاااتني وهمساات في وذني ......نعمة : غنتوحشك ابنتي .....تهلاي في رااسك ........ضمييتها لعندي ......وشميت ريحتها بااش تبقااالي في انفي .....وتوجهت لجهة خاالتي نواال ....عنااقي ليها مقلش على ماما ......وبعدها بست لبابا الحاج ايدو ورااسو ....وهو بدورو عتقني .....ودعت نزاار وزينب ......ناااصر لي حااول يبان قداامي متمااسك ......ناصر : شكون يقول غتركبي طيارة دبصح ....كيتنا حنا مجربين ركبة طياارة غا في الالعااب ........فلتات مني ابتساامة في عز حزني .........وانتقلت لمصعب ....ضميتي لعندو وزيرت عليه وكنحس بدمعة ......كتشق طريها على جفووني .......انا : متنساانيش سول فيا ........مصعب : على نقدر نساا ختي ......تهلى فيها ....ومتخصر ليها الخاطر ...وجه كلماتو لنجييم ......شفت في جذواان لقيتوو ......كيبكي اول مرة نشووف دموووعو .النقيين وصاافيين ......ضميتو ليا وبقيت معانقاااه بلاما .....نهضر ....جذوان توأم رووحي .....محبتو عندي كبيرة .......سلمت على الكل ....بقا لي غير شيمااء.....مقجراش نودعهااا .......ضميتها بلاما نشووف في عينييها .....ودخلت .....وانا كنبكي ......ملي وصلت لبواابة ....تلفت وراايا .....ولقيتها كتبمي وتمسح دمعتهاا ....بينما الاخروون كيلوحو بايدييهم ....رجعت بسرعة البرق ........وعنقتها ....وانهرنا بزووج ......هي صديقتي ....هي نصفي تاني .....هي كل شيء حلو في حيااتي ....متفرقنا حتى جاا نجييم جرني من اييدي ......وصعدنا في مدرجاات الطاائرة.......خدييت مقعدي وجلست فيه ........لحضاات قليلة وقلعاات طاائرة ..........تكيت على ناافذة......ودااعا يا بلادي ......لا ادري متى لقيااك .....لكن متأكدة ان العين ستشتاق لرؤيااك
ساااعات السفر داازو طواال ......نعست وفقت .......جلست ووقفت .......وبااقي موصلنا .......وقت توقف .....خصوصا الا كنتي مع شي جثة متحركة ......بحاال هذا لي حداايا .......وقت كاامل وهو على نفس gريمااس .....مدوااا متحرك .....فاال خير على لي كيتسنااني ......حسيت بالملل لكن وقع العكس ملي نزلنا من طيارة .....وقصدنا الدار .......منهااتن من ديما كنسمع عليها ......لكن فرق كبير الا شفتي بعينك ......مشتعلة بحاال نيراان البركاان .....اصوااتها لا تخمد ......صعيب تميز ليلها من نهارها......صدق من لقبها بالمدينة التي لا تنام .....انبهااري بالمدينة .....منطبق على انبهاري بالمنزل لي غنمكث فيه ....كان عبارة عن دوبليكس ....من النوع العصري .......حمام سباحة وسط الحديقة ......كلشي متول ومرتب ......الالون الداكنة طااغيا على الفراش.....خدا نجييم الفااليز وطلعهم لبيت نعااس .....خرجني من اكتشافي للمكان نجيم ....نجييم : بصوت خشن ......تبعيني باااش تعرفي لبيت الا بغيتي ترتاحي ....درت كيف قاالي ....كانت غرفة كبيرة وكتوسطها غرفة ملابس ......عامرة بحواايجو واكسسواراتو .....الخ ....ناموسية عريضة على شكل داائري .........بخلاصة ذوقو غزاال ....هز فوطة ودخل لدووش لي كان وسط البيت ......وانا جلست على سرير مستوعبة هادشي لي انا فيه .....بقيت شحاال وتم خاارج لابس بنوار .....ووكيمسح شعرو المتقااطر ......نجيم : لقااني في نفس بوزيسيون لي خلاني فيها .....هز حاجبو ......مدخليش تحيدي عليك لعيا باش ترتاحي ......انا : وقفت وخديت شاانطة جبدت بيجاامة صيفية ....حيت لحال سخون ....دخلت لحمام عمرت لبانيو وتكيت فيه .......نسيت راسي حتى دق .....نجيم : لماار ....واش كلشي هو هداك .....انا : وي انا خارجة .........لبست حواايجي ونشفت شعري ......وخرجت كان لابس حواايجو .....نجييم : انا غنمشي لخدمتي ....رتاحي شوية رااه كلشي عندك لتحت .....مرة مرة نعيط ليك ديري باالك مع تليفون ....حط واحد الكارطا .....خدميها وشعلي تليفونك طمنيهم ........من بعد مخرج خديت تليفوني عيطت لدار طمنتهم .....وختمتها بشيماء بقيت كندوي معاها شحاال وكملنا جماعة في اييمو......معرفتش كيفاش داز الوقت .....ودعتها ونزلت نشوفلي ماناكل .....صيبت شي حااجة خفيفة .....ومن بعدها نعست .......حتى فيقني نجييم .......كان ظلام لحاال .....نجيم : وهو عاطيني بظهرو ......رتاحيتي مزياان ......انا : باقا في بلاصتي .....حمد لله ........نجييم : دااخل لدووش .....وجدي رااسك عارضا عليا مامات يوسف لعشاا ....نخرج نلقااك واجدة .........نضت حليت ديك لباليزة نشوف اش نلبس ......ضروري خااصني نباان انييقة رااه مانهااتن هاادي .......لبست فستاان لابس حد ركبة بالأسود .....وكعب عالي بنفس اللون ......طلقت شعري .....عملت مااكيااجي.....ماحيت فين نساالي حتى خرج نجييم مبدل ومأنتك بقى شحاال كبشووف فيا .....اشرت ليه برااسي زعمة شنو........وهو يقرب حداايا وهمس في وذني ......نجيييم : كنظن وليتي مستعدة .....انا : وي انا واجدة يالله نخرجو ......نجييم : مكندويش على دااكشي .....رااه خديتي وقت الكاافي بااش تهيأي انك تولي زوجة دبصح .....
العشق المتمرد الجزء الرابع
محتوى القصة
التنقل بين الأجزاء