صورة مصغرة لـقصة العشق المتمرد

قصة العشق المتمرد

qisat 9isat 3ichq 3ich9 al3ich9 almotamarid
رواية العشق المتمرد

في ليلة صااخبة تنغست جنون العشق.... وتعاطيت الغرام....وارتشفت حبك حتى الثماالة...اقترب وانصت الى همسي ...
على يساري برد ؛ منحدرات....
بداخلي طفلة عابسة......
الأمطار الرقيقة في السماء تبكي من أجلي ...
الغيووم سرقت شمسي ...
قلبي مجنون واحترق في عقبة عشق متمرد....
اي كلمات لا تطيع قلبي ان يتخلى عن اعتزازه ...
حياتي اسيرة في عينيك ...بدوونك تشبه الممات 

( 🎧🎧 تيك ... تاك...توك ...تيك ... تاك توك ..💃💃�💃�💃�💃�.)
نعمة : ( طفات السيدي ) واديك الشيخة ساليتي ريبيتيسيون ولا مزال ..
انا : كيجيتك اماما فين تبان شيريهان ولا صافيناز قدامي هههه ...
نعمة : صافي من غدا نحل ليك كباريه نتي شطحي وانا نجمع لغرامة .... واسيري ابنتي الله يمسخك هادشي لي بقا ليك حنا قلنا ليك غير هواية ماشي تشديها gرجا 
انا : والعمر والحب خليني راك عارفة الغنا وشطيح نموت عليهم وايلا ماجبها القلم تجيبها هز يا وز 
نعمة : صاافي خرجتيليها نيشاان ابنت نعمة
سيري الله يعطيك العز اما دل راك فيه وطلقينا خلاص خالتك نوال من صباح وهي تعيط وديري بحسابك غنباتو بحال ديما ...
انا : اوكي مام اصلا دايرة انا وجدوان نخرجو نسهرو يالاه انا طالعا ندوش ونبدل ( رسلات ليها بوسة في الهواء ومشات ).....

《 لمهم هادي لمار (اي البريق واللمعان ) شابة في عقدها الثاني وجهها داير ومضوي بحال القمر وخدودها ممتلئة بحال تفاح ... سنان مستفين وبيضين كبياض الثلج .شفتان بلون دم الغزال ... عيون كتحاكي عيون الغزلان شعر متعدد الالوان..... . عنق طويل وهو رمز من رموز الجمال طويلة ومقادة ولي لبساتها تواتيها ....شخصية قوية وصعيب تعرف نقطة ضعفها عزة النفس عندها بدنيا مكترضاش وعمرها تبين الالام ديالها ديما كتخبيه بابتسامة من الهوااايات.. غناء وشطيح عشقها السفر وشي حاجة سميتها مغامرات لي شافها كتبان ليه بنت متحررة...مي هي لي كتبغي تعكس هاد صورة لناس لاكن نتونا لي غتحكمو ملي غتعرفو عليها عن قرب 
لماار : هي الا خليتينيي نكمل تعرييف عن نفسي بنفسي باش نكسر الحوااجز مع القراء......

قصة العشق المتمرد

(بلسان لماار) كندرس في الجامعة شعبة اقتصاد صراحة بيني وبين لقرايا الخير والاحسان ماشي كسولة فكريا هههه لا مي جسديا معكازة وخصوصا فشي حاجة اسمها قرايا مي بغيت نكمل قرايتي وناخد الماستر لانا حلمي ندير مشروع عزيزة عليا تجارة....
الاسرة ديالي كتكون من الاخت ديالي رهف متزوجة وعندها ولد (اويس)....

ختي كتشبهني من حيت الجمال بحكم وارتينو من ماما لاكن شخصياتنا لا علاقة ببعض كتخدم موظفة مع زوج ديالها في شركة بابا الحاج مصطغى ( انا غنقولكم من بعد شكون) الام ديالي #لالة_نعمة سيدة طيبة فقدات عائلتها في حادث سير كافحات وكانت مرأة ب 100 راجل حيت كتلعب دور الاب والام من بعد ما فقدنا الاب ديالي في حادت سير ... باقا عاقلة على داك نهار بحال دابا كان عندي 15 سنة الاب ديالي كان خدام او دراع ليمن لصديق ديالو الحاج مصطفى التازي صاحب مجموعة شركات التازي للاستراد والتصدير لمهم بحال كاع ليام كانت عندهم خدمة برا المدينة وهوما جايين دارو حادثة الاب ديالي توفى وبابا حاج كانت حالتو حرجة خاصو عملية زراعة القلب بحكم كان مريض بيه والحادثة اثرات عليه جاتو ازمة قلبية الام ديالي قررات تبرع بالقلب ديال بابا للحاج على امل يبقى لينا من ريحتو ولو عضو من اعضاءو ينبض باسمانا ......
عائلة الحاج مصطفة التازي كتكون من 
الحاج مصطفة التازي : رجل عظيم عوضنا انا وختي على فقدان الاب ديالنا معضم وقتو كيدوزو في البيت بحكم كبر سنو والمرض ...
نوال : زوجة الحاج مرأة طيبة بمثابة الام 2 ليا تكون في اواخر الخمسينات مي تعطيها قل من عمرها مهليا فراسها ....
نجيم : الابن الأكبر من بعد الحادثة سافر لامريكا يكمل دراستو في القانون الانجليزي ومن بعد دخل لسلك شرطة خدم كعميد في قسم مكافحة الجريمة كان مزوج ببنت عمتو مي من بعد مدة قليلة ديال زواج وبالضبط ملي داها معاه طلقو ومبغاش يقول علاش بينو وبينكم شخصية غامضة ........
نزار : الابن المتوسط هو لي مترأس مجموعة شركات الحاج خاطب واحد البنت موظفة عندو في شركة .......
جدوان: اخر العنقود في نفس سني انا وياه مكنتفارقوش بحكم اننا من مات الاب ديالي ومن بعد ما الكل تخلا علينا وخدا نصيب ديالو في الورث بابا الحاج وولادو كانو عائلتنا 2 دخلني قريت مع جدوان في مدارس خصوصية و ختي كملات تعليمها على حسابو وتوظفات في شركة عندو ومن بعد فترة تزوجات واسسات حياتها 
ومن تما وحنا علاقتنا بيهم توطدات ولينا كل اسبوع عندهم والعطل واعياد واخا الحاج اصر علينا نعيشو معاه في الفيلا لكن الام ديالي اصرات انا نبقاو في دار ديالنا لي من حسن الحظ كانت باسم الام ديالي ...من بعد معودت ليكم شوية على الماضي كندعيكم تعيشو معايا مستقبلي ...

من بعد مدوشت خرجت جلست قدام المرايا (انا بحال كاع لبنات عزيز عليا نهتم بالمظهر ديالي ) نشفت شعري وسرحتو وعملتو بوكلي من لتحت ومن بعد درت ماكياج خفيف💄 وزوين في نفس الوقت لبست سروال كحل مع قميجة صغراء دخلتها في سروال صبيبط بنمر هزيت بوشيطة بحال صباط ونزلت لتحت من بعد مرشيت ريحة المفظلة عند posses 
لمار : نعنع .نعنع .. فينك انا واجدة 
نعمة : واش دابا انا مك ولا صاحبتك واقفة معاك في راس الدرب ...ما بقا حيا 😣.
لمار : راني مكنبغيكش نشرفك داكشي علاش كندلعك لمهم انا (كندور ) كيجيتاك كلشي هو هداك ..
نعمة : زيدي قدامي لي يشوفك يقول غادا توقعي شراكة عمل ولا عندك ندوى صحفية ......
لمار : ان شاء الله الميمة من فمك لربي وتشوفيني في تلفزة وتفتاخري بيا 
نعمة : انا بغيت غير امتى نشوفك في دارك ونشوف ولادك ونتهنى عليك وديك ساعة الا جات الموت مرحبا بيها 
لمار :الله ينجيك اماما انا دابا غنبدا نبكي ونخسر الماكياج ونطلع ثاني نعو...
نعمة : زيدي زيدي قدامي شيفور كيتسنانا كلشي عندك بضحك عمرك ديري عقلك اصلا شكون يقبل عليك مطيحا وراقك ..
لمار : هههه لواليدة لي لقا راحتو في لهبال معندو ميدير بشي عقل ويالله زيدي الحبيبة ..ونتي.ديما معطلانا ... ههههههه 

(من بعد مركبنا في السيارة ماهي الا نصف ساعة ووصلنا للفيلا بابا مصطفى )
لمار : سرسرسرسرسر (بقات موركة على الصونطيت )
نوال : خديجة (الخدامة ) سيري ابنتي حلي متكون غير ديك الصكعة مغتحيدش يديها من صونيط ....
خديجة :(حلات الباب) سلام ختي لمار....لمار:اهلا خديجة لاباس عليك كاين شي حد ...
نعمة : دخلي خليني نسلم وندخل شحال فيك دالهدرة ...
لمار:مشات كتجﻻي تلاحت على نوال ...ماما نوال توحشتك 
نوال : وهي غضبانة يالله طفات عليكم شمعة ياك انعمة قلت ليك غاتسالي لمار امتحان جيو راك عارفة كنقنط راسي 
نعمة :( سلمات على نوال) هاحنا جينا دابا راك عارفة صيف هادا جمعت دار وخملتها محد هادي جالسة عاوناتني .....
لمار : غا سكتي خرجاتها مني بشقا تقولي كدوز ليا سطاج (وهي كتقلب بعينيها ) اجي فين هو بابا مابانلياش توحشتو ..
نوال : توحشتي غا باك انا لا ...لمار:والله حتى توحشتك على شحال عندي منك غا وحيدة 
نوال :كوليني كوليني بديك الهدرة راه الحاج كيصلي العصر..مزال مكملتها..وهو يتم نازل ....
الحاج محمد : وانا نقول مال الفيلا عاد شعل فيها الضو هي بنتي جات ....
لمار تلاحت عليه عنقاتو .... با لاباس عليك كيبقيتي خلعتيني عليك لبارح في تليفون 
نوال : غاسكتي ..ماشي لبا..(.قاطعها الحاج وغمزها) ....والو ابنتي غير ملي كنت كنهدر معاك وحلات ليا حيت كنت كتشرب القهوة داك شي علاش ...
لمار : حاول ابابا تحيد القهوة اش قالت ليك طبيب نتا مريض وهي تزيد تهلكك ..باغي تقتل راسك براسك ...
محمد : خلينا من هادشي امتى غيعلقو ليكم باش نسافرو راه كنتسناوكم غير نتي وجدوان ..
لمار : سيمانة جاية يعلقو لينا ونتهنى ونسافرو الله اجي بعدا فيناهو جدوان مشفتوش...... 
الحاج : صيفطو يجيب رهف وولدها دوز معانا حتا هي الويكاند.......
نوال : عيط ليها انا تا عييت والله ما بغات تسمع مني قالت عيانة وهادي غير دوا معاها الحاج وافقات 😕😕😕😕
الحاج : هه غرتي ههه على الا مسمعت من باها من شكون غتسمع 😆😆😆😆
نعمة : الله يخليك ليهم ....ويطول في عمرك 
لمار : امين انا غنوض نوجد مع خديجة كاسكروط فيا جوع ...
من بعد نصف ساعة جات ختي وجدوان ودوزنا وقت زوين لا يخلو من الضحك والمرح 

كيكيقولو ربي مكيسد باب حتى كيحل بيبان خدا ربي الاب ديالي لاكن في مقابل عطاني اب وام و3 خوت اويلي قالاك 3 خوت غير 2 لاخور فين عمري شفتو حتا انا ديما مدخلاه في لحساااب ...
جدوان : لمار شفتك سهيتي واقيلة نسيتي بلي دايرين مع qliqa راهم سبقونا ..
لمار :اوكي انا نود نعود مكياجي ونمشيو 
الحاج : متعطلوش بليل ورد البال لختك بلا ما نوصي 
جدوان :في عينيا الواليد غا نتعشاو ونجيو ...
{من بعد مقاديت حالتي ونزلت خرجنا انا وجدوان وتلاقيت بنزار في الباب }
نزار : هاي هاي فين غادا بديك الحالة ...لمار :عنقاتو خويا حبيبي خطيبتك حداك تحكم فيها كيف بغيتي 
زينب :(بنت زوينة شكلا ومضمونا ) ههه عطيه وزيديه هادشي مكافيهش . فين غادين ولا ادا حظرت هادو غابت هادي 
جدوان : وهو جار لمار حاشة غير معروضين وتعطلنا يالاه تهلاو ...
(من بعد مركبنا في طوموبيل مشينا لمطعم فين درنا نتلاقاو مع اصدقاء ديالنا من ايام ثانوي 
ناصر :دري انيق مابيهش زيادة على ذلك ضحوكي عزيز عليه نشاط وتعقيب على اي حاجة وعزيز عليه يغني كثر مني ملي نتلقاو انا وياه نقلبوها طوب طرب حالتو مادية على قد الحال...
شيماء:(شوشيتااا) ماطويلة ما قصيرة شعرها طويل ومارو عينيها كبار وعندها خالة في وجها صديقتي المقربة واختي 2 مستشارة ديالي هههه كتعيش معا الخالة ديالها بحكم معندهاش لبنات رزقها الله غا بلولاد وحتا شيماء عائلة ديالها حالتهم مادية ضعيفة داكشي علاش قررات الام ديالها تخلي خالتها تربيها ولي معتابراها هي وولادها وحدة منهم وممخسرينش ليها خاطرها لي بغاتها تحضر .....
مصعب : شاب جداب لدرجة العذاب ههه اكثر من اخ بالنسبة ليا وكنلقاه وقت الشدة كنعرو من يامات ليسي وتوطدات علاقتنا في الكلية ولي شافنا يقول كنعرفو بعضياتنا من الصغر 
لحالة المادية ديالو ميسورة اب دبالو كيبيع ويشري في سيارات وهو تابع باه كي كيقولو تبع حرفت بوك ليغلبوك ههه
(لمهم هادي هي لqliqa سعيدة ديالنا انا وجدوان) 
لمار وجدوان: hello evry body 
ناصر : مفهامناكم تا بدارجة بقات ليكم غا لونجلي درجو درجو 
لمار : ناري ياخويا رتقي شوية هاد المطعم فيه غير ناس هاي كلاس اويلي هادا فين لقيتوه ....اشمن جايحة لي ضربو 
شيماء : قوليها ليه من صباح وهو يشوه فينا ..هههه ....ولا بغااا يسكت 
جدوان : فيناهو واحد مصعب مزال ماجا..
ناصر : كيهدر في تليفون برا متلتقيتوش بيه من كنتو داخلين ...ولا كنتو هازين قنانفكم سما مكتشوفوس لي حداكم 
لمار : على كيدار كيداير ...سكت سكت ..طلبو لmenu انا نخرج نشوفو ونجيو .. 
(يالله خارجة وانا نتلاقى بيه ساخط) 
لمار: مال خويا مقلق ياكما حبيبة القلب تاني ..طالعاتهم ليك 
مصعب : (من بعد مسلم عليها ) بحالا علمك الله دايرا ليا بحال مخابرات عاسة عليا خانقاتني 
لمار : هاديك عندك مغيارة سمها قنلها خصوصا نلي كتعرفك غتلاقا معانا واش مابغاتش تفهم بلي انا وياك بحال لخوت 
مصعب : اصلا معندهاش لعقل كي غدير حتى تفهم ماعلينا يالاه نمشيو انا جاي نفوج ونبدل الجو منعكرش مزاجي على والو 
(من بعد ما دخلنا طلبنا الاكل وتعشينا كيف العادة بالضحك الدغمة مكدوز غا بزز هههه شوية نقز صاحب الافكار الجهنمية

ناصر : عرفتو مكرهتش نوض نغني جاتني الحالة على الغنا واصلا هداك لي في بيانو جاب ليا نعاس ...لمار : هههه اجلس الارض باغي ضحك فينا لعدو اجي بعدا داير شي ريبيتيسيون ..
شيماء : ههههه وراه واخا يكون دايرها غير يسمعو صوتو يجريو علينا من المطعم بالحجر ...
جدوان ومصعب : ههه مديوش عليه راه غير تقل في ماكلة ...شوية 
ناصر : دابا مضوربني دايريني ضحكة اوك انا نوريكم "ناض وتقدم بكل جدية باتجاه عازف البيانو قاليه شي حاجة وخدا الميكرو وتم جاي جهتي وكيقول .."
¥ بونسوار تولموند شهية طيبة صراحة صديقة ديالي حبات تدندن لينا وليكم واحد الاغنية وكنتمنا تنبسطو ..¥
لمار : شفت فيه بمكر حطني قدااام الامر الوااقع واكيد مغنحشموش من بعد ماشفت تصفيقات ناس لي كيشجعوني نغني خديت لميكرو ولقيت راسي كنغني الاغنية لي من نهار تفارقنا وانا كنغنيها مع واحد الابتسامة لي كنحاول نخبي بيها دمعتي 
نتفكر الباصي ونسهر انا ونحكي للييييييل
لي دوزناه ياعمري ماشي قلييييييييييييل *****************************
نصبر روحي ونقول عمري غدوة تولي 
تفرح قلبي وتهنيني من المشاااااااكل 
***************************
بلابيك حياتي كلها سوفرااانص 
مشيتي ومشات معاك لامبيااانص 
*****************************
غير ولي عمري ونوعدك avance عمر 
دمعاااااا من عمرك تسييييل 😢😢😢

ناصر : واقيلة جيت نكحلها عمييتهاا ...😏
جذوان : اوووف ضروري خاصك تنكد علينا ودير لينا ختامها مسك امالك اصاحبي 
مصعب : هو مدار والو غير خليها راه ممزيانش تهرب من واقع خاصها تبقى مفكراه باش تمحيه من بالها مع الوقت 
شيماء : اصلا لمار منسااا والو غير كتحاول تعاما ومتبينش انا لي عارفاها 
(من بعد مكملت الاغنية حطيت ميكرو ومشيت لحمام تحت تصفيقات الحظور لي عجبهم ووصلهم الاحساس ديالي )
شيماء : [ وهي نايضة ] انا نلحق عليها الحمام ...
قاطعها مصعب : لا غير خليها دابا تجي وبدلو الموضوع .اوك 
(من بعد مغسلت وجهي وتنفست الصعداء التحقت بالمكان ديالي )
لمار : ايوا كيجيتكم حمد لله باقين ناس مهربوش هههه
مصعب : على لي سمع هاد الصوت من وحدة بحالك غيهرب اكيد لا وايلا دارها يكون اطرش ولا عما ههه
ناصر : اه فكرتوني كاينة رحلة مع الجمعية لي كنمشيو معاهم لاكادير ونواحي هاد سيمانة من تنين في ليل حتا الخميس اش بان ليكم ...
جدوان : ومكرهناش نمشيو نيت نبدلو الجو ولكن راه غيعلقو لينا mardi ولا mercredi 
لمار : مكايناش شي حاجة سميتها مكرهت مكاين غير موافقين ناري كنموت على سفر وخصوصا معاكم دوز طوب 
شيماء : اوك انا معاكم اصلا الا علقو غيوصلنا اش درنا حسن منجلسو هنا على اعصابنا ..
مصعب : لي سمعنا يقول عندنا لعام لخر راه باقي لعام جاي اوكي ناصر باس نيم نعيط نريزيرفي لا ميبقاوش بلايص 
ناصر : جذوان بقيتي غا نتا اش قلتي 
جذوان : اكيد معاكم اصلا منقدرش نخليكم تمشيو بلا بيا مي لمار نتي عليك دار قنعيهم راك عارفانا باغين نسافرو 
لمار : صافي متخممش كلشي عليا انا نقنعهم ... وايلا كان على نتيجة نقولو ليهم اجلو affichage وملي نمشيو يشوف لينا نيزار اش درنا وحنا غنجيو الخميس سبت نسافرو معا دار ساهلة 
جدوان : ناري يختي كلشي عندك ليه الحل 
مصعب : اوكي الخوت انا صيفط لخونا مسج يخلي ليا بلاصينا قالي موجودين 
لمار وناصر : yeees والحفلة نديروها وليلة نربلوها واييه ماما ميااااا هههههه

[من بعد مكملنا سهرتنا كل واحد فينا مشا ، مصعب ركب معاه ناصر وشيماء باش يوصلهم في طريقو وانا رجعت مع جذوان بطبيعة الحال ، وحنا في طريق وانا متكية على زاج وساهية في دوامة الماضي.. ]
جذوان : مزال منسيتيه ...مزال كتفكري فيه ...
لمار : بلامبالاة.... شكون هادا ..😏
جذوان : مبغاش يحكر على الموضوع اوكي صافي والو . .
لمار : في نفسها " كيفاش ننسى .... كيفاش نمحي من بالي... الشخص اللي عرفت معاه شناهية المراهقة .... لحسيت معاه بالحب ...لتذوقت معاه طعم الحياة من جديد... بعد ممرارت بعد موت الاب ديالي ...أكيد كلكم باغين تعرفوني علامن كنهدر ... انا هي لي كتبو عليها قصة كاد الاستاذ ان يكون حبيبا .... غير الاختلاف هو .... ان الاستاذ أصبح حبيبا ...قريت عندو في الثانوي عشقت حركاتو... طريقتو في الشرح .... عصبيتو.... حببني في اللغة الفرنسية لي كنت كنكرها ....فتحت ليه عقلي وقلبي ....وعالج ليا جروحي....عوضني حنان الأب.. وكان ليا الأخ لي معنديش...تعلقت بيه ...بغيتو وبغاني ولكن ماشي عائلتو لذوقاتني لمرار (تحية لأسية وروميساء وأمين ) للأسف هو لذوقني لمرار . من بعد منجحت في الباك ودخلت الكلية بالضبط في العام الأول ليا جاتو فرصة انه يخدم في فرنسا ...طلب مني نتزوجو ونمشي معاه ......لكن ظروفي مساعداتنيش كيندير حتا نخلي الام ديالي خصوصا انه في داك الوقت ختي كانت يالاه تزوجت .....حطني بين نارين .. اما نختارو هو وحبي ليه ..... ولا حبي لعائلتي ...اكيد اخترت هاد الأخيرة وانا متأكدة الاغلبية كون كانو في بلاصتي يختاروها .... في مقابل هو اش دار .. .عاند وتزوج بسرعة البرق وسافر هو وزوجة ديالو ونساني ونسا حبي ليه وأنا بدوري هادشي لي كنحاول ندير هادي أكثر من سنتين لأنه ببساطة 

جذوان : هيهو لمار هاحنا وصلنا ....
لمار : يالله هبط ... غير بشوية انا غنحيد صباطي باش منقرقبش هههه دغيا دغيا ههه
جذوان : غا سكتي من ضحك راه هو لي غيفيقهم ....واخيرا نفذنا يالله بونوي 
لمار : ههه باقي شي بونوي قول بونجور هه يالاه تلاح 
[دخلت لبيتي لمخصصة ليا خالتي نوال فيه حوايجي وماع لي غنحتاج بحكم كنجلس بزاف هنا غسلت وجهي من ماكياج ولبست بيجامة وتكيت وكنفكر ..أكيد كلكم كتقولو أنني عندي انفصام في الشخصية لأنني كنكون حزينة شوية ......كنولي نضحك ...هههه لالا هادي انا وهادي شخصيتي لمار كنحاول نبين انني قوية خاصة لناس لي دايرين بيا باش منخليهومش يتعذبو خصوصا أنني شفت الخوف في عيون الأم ديالي نهار تفارقت معاه مي حمد لله ربي عطاني أم وأصدقاء لي توطدات علاقتنا من داك الوقت حيت ببساطة وقفو معايا وساندوني معنويا حتى تجاوزت محنتي واخا ماشي 100 % مي على للاقل قدرت انني نوقف على رجلي من ثاني حيث الحياة مجرد عقبات واختبارات كنمروا منهم وخاصنا يا إما نجحو ولا نفشلو ولا تعرضنا لهاد الاخيرة فهادي ماشي نهاية العالم خاصنا نتعلمو من الفشل وانا حمد لله تعلمت الدرس وفوق من المزيان وقلبي حطيت فيه حجرة ولا عرفتو شنو ماشي حجرة لحجرة تحيد قلبي سديتو بساروت ورميتو في البحر لا أدري لمادا يمكن نسمي نفسي مريضة ام مريضة هي نفسي لأني لا ارى رجل يخطئ بحق إمرأة الا ودت كرها وحقدا اتجاه معشر الرجال حيت بالنسبة ليا كلهم بحال بحال الا نسبة قليلة بحال بابا وباباك لي على وشك الانقراض ....... شفتو ناضي ديالي شحال حزين.... لكن الى متى غنبقى ساكنة فيه ..خلاص جا الوقت لي نعيش يومي كأنه اخر يوم في حياتي ونستمتع بحلاوة الحياة ونضرب دنيا بطالون كيكنقولو #وداعا

وداعا أيها الماضي الأليم 
انتهت رحلة الالام 
وودعت دنيا الأحزان 
ورميت حب الأمس في بحور نسيان
لن اندم على ماض مضى
ولن ابكي بعد اليوم على حب مات

من هاد نهار مغاداش نبكي على passer وخا كان فيه عبر وخلا اثر غنحطو على جنب وغنعيش الحاضر باش نبني المستقبل

{الحوار مترجم }
< في بقاع اخرى من العالم وبالضبط مدينة نيويورك > 
نجيم : كون غير نزلتي معايا اصاحبي المغرب بدل الجو والوجوه اصاحبي ..
جوزيف : مكاين لاش اصاحبي نتا غادي عند عائلتك لي شحال مشفتيهم وانا عندمن غنمشي وزايدون راك عارف الخدمةوزايدون خاصني ناخد بلاصتك بيما جيتي ....
نجيم : حشومة اصاحبي متقولش هاكدا عائلتي هي عائلتك ياك نتا وداركم عتابرتوني واحد منكم ولقيت فيكم حضن العائلة لي خليت في المغرب ويالاه حتا نتا تعرف على عائلتك ثانية الا كنتي كتعتبرها عائلتك .......
جوزيف : راك عارف بلي نتا خويا لي معنديش كنواعدك نقاد امور هنايا ونلحق عليك 15 يوم الاخيرة اجي بعدا علمتيهم .
نجيم : لا مقلت ليهم والو بغيت نديرها ليهم مفاجئة عرفتي شحال داز ديال الوقت 8 سنين اصاحبي بحالا غا لبارح وقت داز دغيا توحشت لبلاد والعائلة راك عارف خوك معندوش معا مواقع تواصل قليل فين كنهدر معاهم ..صافي جا الوقت لي نهبط فيه المغرب واخا كنت حالف منضرب فيه ضربة ممستعدش نجوب على اسئلة الواليد راك فهمتيني علاش كندوي ....
جوزيف : صافي اصاحبي نسا ماشي على ود خانزة غدراتك تسمح في بلادك وانا متأكد غيكونو نساو .....
نجيم : ههههه ينساو كلهم ينساو حتال الواليد وديك المسخة انا مكنفكرش فيها حيت متستاهلش مي بقات فيا شمتة اما نقتلها وميسيقو ليها خبار ونتا عارفتي منرضاش بالحق مبغيتش نسوخ يدي فيها خصوصا بنت عمتي ياخويا الجنس اللطيف كلهم بحال بحال تابعين غا لفلوس والمظاهر ..
جوزيف : صافي اصاحبي نسا خلينا نسهرو ليلا راه بقا ليك غا يومين وتوحش تشوف هاد الفواكه الطرية ومتلقاهاش هههه تما 
نجيم : لالا اخويا انا خطيني هادشي خليتو ليك (وهو نايض ) نمشي عند وليام نكمل معاه شي خدمة (مجا فين يكمل الهدرة حتا بانت ليه واحد البنت كيعرفها خدامة تما في ديسكو جايا جيهتو ) ناري صبحنا على الله هادي اش بغات ثاني ...
ناتاشا : [بنت زوينة تكون عندها شي 25 عام ] هاي نجيم لاباس عليك فين غابار توحشتك ...
جوزيف : تسلمي غير على نجيم ولا انا فيا شوك ...
ناتاشا : ههه دمك خفيف اسفة ولكين غير راك عارف لي شاف نجيم ميبقاش ليه لعقل .......
جوزيف : معليناش الالة نعرفم براسي 
نجيم : نخليكم تعارفو وانا نمشي نكمل خدمتي ناتاشا خودي راحتك جو بحالي بحالو راه حنا نسخة واحدة يالاه good time ...
جوزيف : وهو كيقبل في يديها نعرفك براسي يوسف او جوزيف 28 سنة مغربي الاصل انا ونجيم بحال بحال ولي تقالت عليه خفافت عليا هههه وفي اي حاجة نعجبك ....
ناتاشا : (بإغراء )هههههه فهمتك وانا ناتاشا امريكية خدامة هنا وفي نفس الوقت كنبدل الجو ونتعرف على ناس زوينين بحالك ..
جوزيف : شرف ليا ناتاشا في صراحة درني راسي من صخب موسيقى منمشيوش نكنلو سهرة وفواحد دار عندي كنديرها خصيصيا لناس زوينة بحالك
ناتاشا : ههه بعاد سرعة اوكي منردهاش في وجهك حيت ميعجبوني ناس لي مكيضيعوش الوقت والفرصة خاصك غا متخونش الثقة ( وغمزاتوو)....
جوزيف : وهو غادي بيها لسيارة ديالو ههه لالا هانتي غتجربي وتحكمي ....

《المغرب؛ كازابلانكا》
☆صباح مليئ بالتفائل والأمل ؛ صباح يغمره الفرح والسعادة ؛صباح جديد ليوم جديد وارواح كتبت لها الحياة من جديد ☆

فقت معطلة أكيد شيء عادي بعد ليلة طويلة في تصالح مع نفسي ..... نضت توضيت وصليت صلاتي و هبطت لتحت وانا في طريقي ....تلاقيت بنصفي ثاني ....ههه... 
جذوان : مالكي اختي كنتي عاسة عليا ولا شنو ..... لمار : كنحس بيك هه داكشي علاش... هبط هبط باش حتالا تبهدلنا بزوج ميبقاش فيا الحال ادا عمت هانت 
لمهم بقينا غادين وكنتناكرو أكيد حتى وصلنا لصالون فين جالسة العائلة السعيدة ...
أنا : صباح الخير على أحلى عائلة في دنيا 
نعمة : صبغينا راه ماشي حيوطا حنا( أكيك كأغلب الأمهات المغربيات معندهمش مع الرومانسية هه ) شفتكم يالاه فايقين غرجعو كملو حلمكم باقي الحال ...
نوال : تلقايهم مدخلين حتال الصباح داكشي علاش ...
لمار وجذوان : كيشوفو في بعضياتهم ويضحكو 
جذوان : صافي ساليتو احنا انمشيو نفطرو ونجيو 
نوال :هربوا هربوا وزايدون اشمن فطور لغدا قرب خودو شي حاجة خفيفة حتى تغداو ..
نعمة : هانتي تشوفي لافطور يفطروه كي ناس لا غدا كي ناس وحدة عندي ولات صفرة نفخي عليها طير بسهير وقلة الماكلة 
لمار : وهي كدور على راسها انا اويلي انعنع(ي خاطر صووفي ) هادي راه سميتها طاي مانكاه اش تعرفي 
رهف : طاي مونيكاه ماشي مانكاه ونتي لي قاسك دوgيه بعضومتك 
لمار : بففف بلاما نصدع راسي معاكم مغتفهمونيش فينهوا بابا هو لي كيفهمني 
رهف : راه هو واويس في جردة قاليه اويس باغي يغرس النباتات 
اوكي انا نصايب لينا شي حاجة ونخرج عندهم جذوان سبقني باش نهدرو مع بابا وغمزاتو 😉
من بعد مصايبت لبنا شي حاجة خفيفة خرجت لجردة لقيت جذوان كيضحك على حالة بابا واويس لي عامرة تراب 
لمار : مشيت بستو في راسو صباح الخير بابا سعداتك ابابا عندك الخاطر لدراري صغار انا منقدرش 
الحاج : غا كتقولي ابنتي نهار تولدي لولاد غيولي عندك الخاطر بزز منك 
لمار : ان شاء الله حتال العام لي معندو بوه ههه
الحاج :(نفض ايديه من ثراب وجلس مقابل معاها هي وجذوان ) علاش كتقولي هاكدة ابنتي شحال قدك ترفضي لعرسان راه الانسان غادي ويكبر ماشي غادي وبصغار وايلا بقيتي مكبرة دماغك غتندمي ملي تلقاي الوقت فاتك وانا ابنتي مدايمش ليك باغي نمشي مرتاح عليه ونفد اخر وصية المرحوم انني نشوفك مع شخص المناسب 
لمار : ودموع في عينيها من جهة تفكرات باباها لي عمرو مشلا من بالها ومن جهة اخرى شافت عندو الصح ..
متقولش هاكدا ابابا ان شاء الله ربي يطول في عمرك وتشوف ولاد ولادي وهي تضرب جدوان لرجليه باش يبدل الموضوع وأكيد هو فهمها طاير ...
جذوان : لمهم الواليد انا ولمار بغينا ندويو معاك ...

الحاج : (تقابل معاهم وكلو اذان صاغية ) اش كاين .. اشمن مصيبة درتو ثاني ....
لمار : ههه بابا بعد الشر مدرنا والو غير بغينا نقولو ليك بلي نتيجة ديالنا معطلة شوية وصراحة انا على اعصاابي ومكرهنااش نسافرو انا وجدوان هاد اليومين بما تعلقاات ..(قاطعها الحاج .)
الحاج : (بالاستفسار ) ياك غنسافرو جميع ولا غيرتو رأيكم 
جدوان : لا الحاج غنسافرو معاكم اكيد الخرجة متحلا غير معاكم اصلا هاد رحلة فيها غا 4 ايام يعني غنجيو نهار النتيجة ومن بعد نسافرو كاملين 
لمار : وهي معنقااه ايوا اش قلتي انور عينيااا .....
الحاج : احيااني عليك واخا لي تشوفيه اصلا انا منخسر ليك نيت بلاما تبقااو تسناو غي نتيجة ولاكن (توجه بهدرتو لجذوان ) سير شوف صحابك ونسا ختك ولا طراليها شي حاجة هي طايشة ونتا مول لعقل ..لمار : هههههههه باك ابابا 
جذوان : متخافش الواليد .....ناضو عتقوه بزووج الله يخليك لينااااا 
الحاج : انا نمسي نغسل ونصلي الظهر باش نتغداو ...ملي دخلو دخلو معاكم اويس ...
لمار : واخا ابابا كون هاني ....من بعد مدخل لمار مشات هزات اويس كتلعب معاه هي وجذوان ويضحكو 

《على طاولة الغذاء مجموعة العائلة كاملة من عير نزار وخطيبتو لي خارجين على براا حيت عندهم شلا شغال على ود زواجهم 》
نوال : ( بعينين مدمعة ) خاصنا غا نجييم في هاد الجلسة .....اووف شحال توحشتو 
الحاج : اش غنديرو ليه عارفاه راسو قاااسح عيينا معاه جي حول خدمتك لبلادك مبغااش هادا جهدي عليه معرفت علاش خايف من مجية هنا ولا من مواجهتي من صغرو باغي الاستقلالية 
نعمة : 8 سنين فترة طويلة ولكين انا متأكدة طال زمان ولا قصاار غيجي 
نوال : ياربي امين اختي نعمة منقوليكش شحال توحشتو حتى الهدرة في تليفون مكيهضر حتا تصاورو ممشبعني بيهم معرت لمن خرج راسو قااصح ..
جذوان : ميكون غير ليك الواليدة ... الكل : ههههههههتت
نوال : ياك المك كتعاير فيااا محاسينش بيااا هانتي الواليدة هاهي تصويرتو يالاه دارها جديدة في واتستب شوفي كي كيبان ههه واخا مباينش وجهو مزياان .. ( من بعد مواراها لينا ضورها علينا كاملين وصل عندي درت راسي غير مهتمة وانا منبركك بنص عين حيت الفضول قاتلني نشوفو كيداير حيت شايفا ليه شي تصويرة ولا 2 ولكين مكيكونش باين مزيناش مواضحينش بحال شخصيتو )
لمار : ماما راه نهار تنين مسافرين انا وجدوان ولكليكة غنجيو نهار لخميس انا علمتك 
نعمة : اش نفهم كتشاوري معايا ولا كتعلميني 
نوال : ههههههه واقيلة بزوج 
رهف : هادشي شفتها زادت فيه مبقات تديها في حد غا كتقرر
حاج : بعدو ليا من بنتي راه تشاورت معايا وعطيتها موافقتي اش بغيتو كثر نن هاكدا ..
رهف : والله ابابا مكاين لي خارج عليهم قدك لي بغاتها كتوفرها ليها حتا نشوفو هاد نتيجة اش غديري فيها ..
لمار : ههه غير كوني هانيا ناجحة غير وجدي الكادو هه بابا باقي عند وعدك ليا في داكشي لي غتشري لياا 
نعمة : اش طلبتي يا هاد صكعة كوني تحشمي 
الحاج : خلي عليك البنت ...اه ابنتي باقؤ عند الوعد غير عطيني شكل ديالو كيداير نهار يتعلقو نايجة تلقايه يتسناا فيك
رهف : ههه ياكما شي عريس هادا ...
جدوان : ههه شي حاجة كثر هادي ناوية طير 
لمار : طيارة طيرك قو ل امين هاهي فيك ...
نوال : الله يهديكم علينااااا ...هي دابا مبقيتوش غادين معانا لشمال ونواخي 
لمار : اويلي لا اكيد غادين وزيدون هادي مغنجيو قبل ميعلقو غير مبغيناش نبقااو دايرين بالنا 
رهف : تيقتكم...... تيقتكم.....
لمار : ضربتها لرجلها وهمست ليها في وذنها ديها في راسك شوية وفي ولدك وراجلك وقابليني انا تربحي دار هاهاهاهاها
رهف : الله يمسخك 

الحاج : بالله بصحتكم الله يدومها سفرة وجماعة ياربي جذوان الا ساليتي يالله معايا نقضيو واحد الغرض 
لمار : وهي كاعية ) وانا ابابا منمشيش معاكم .....الحاج : (وهو كيغمز جذواان) رااه غير على شي شغل وغادي بجذواان بعني غير غتملي يالله ترتاحي ابنتي وتوجدي حواايجك للسفر ..... لماار : (بالاقتناع ) وخا ابابا هي لي متعود ...
الحاج وجدوان : يالله بسلامة عليكم ...
من بعد مكملنا الغدا اا ومشا الحاج وجذوان بقينا جالسين مجمعين كنهضرووو في مواضييع مختلفة وضاحكين حتى جبدت مامت موضوع نجيم لخالتي نواال ....
نعمة : معارفينش سبب علاش نجيم طلق مرتو وهما في اصل مجلسوش بزااف 
نوال : والو ياختي مقال لينا والو اصلا انا وباه مكاناش موافقين ليه عليها وهو دار لي في راسو من صغرو كيدير لي في راسو عنيييد ياختي ...
رهف : زعماا يا حسرة بنت عمتووو ...
نوال : ناري يا بنتي ديك عمتو لفعة سااامة هي لي لصقتها ليه ومع نجيم عندي انا عزاز عليه عماتو كتبر معاهم مرفضش ليها طلب .... شوفي داباااا شنووو طرااا
لمار : ايوا يا خبر بيفلوس بمرة يبقا ببلاش ....
نوال : احياااني الا نجيييم متدي منو باش تنقي سنانك هو عزيز عليه استقلالية ومشاكلو ميدخل حد فيهم ماشي بحال لوخرين عندي ..شحال دابا وهو غابر عمرووو كلف راسو انه يجي يشوفني واخا غير سيمانة حيت عارفنااا غنجبدوو معاه هاد الموضووع ..توحشتووو 😏
لمار : ان شاء الله دابا يجي وتشوفيه وتشبعي منو لمهيم نخليكم نطلع نعس مكاين ميداار ...
نعمة : سيري سيري وجودك زي عدمو 
نوال : نعمة اثرو عليك افلام مصرية 
رهف ولمار : هههههههههه ههههههههههه

ضربتها بنعسة مفقت حتال ضلام لحال نزلت التحت لقبتهم مجمعين كيف العادة بقينا ضاحكين شوية عييت في جذواان يقووليااا فين مشاااو مبغااش كيقلب لي الهدرة لمهم متسوقتش تعشييت وطلعت البيت ..... خديت الايباد ديالي بقيت طالعة نازلة في فايسبوك وفي كروباات دخلت شفت صوفي واش حطاات شي جزء جديد من العشيقة ملقيت والو جمعت شوية ما لكليكة في كروب لي دايرين كنخططو للرحلة مانعست حتاااا فاات منتصف الليل ..
《 أصبحنا وأصبح الملك لله 》

فقت كلي حيوية لما لا وانا غدا مسافراا لمهم غسلت صليت ولبست حوايجي وعملت شوية ماكياااج حيت دايرا انا وشوشيتا نديرو شوبينغ عشقي شي حاجة اسمها لبااس كاي انثى .. مشيت الكافي فين دايرا نتلاقا مع شيماء .

شوشو : بغيت ياختي غير شي نهار نلقااك ساابقاني وكتسنااي واالو ديما انا لي نتسنى 
لمار : كون كنت ياختي فيدارنا تلقايني انا لولة هنا راك عارفة لفيلا فين جات الا بغيت نشد طاكسي خاصني ماهي ومالونها راه وصلني غا نزار 
شيمااء : ايوا نصبرو معاك في 3 ايام لي كدوزي تما معندي بديل 
لمار : انا غادا لدارنا في لعشية انا نايضة نغسل ايدي طلبي لينا لفطور 

بعد 10 دقائق ⏪⏪⏪ كنرجع كنلقااا السيدة جالسة تهضر وتضحك مع واحد السيد من ظهرو باينين ليا كثاافو عراض غير ديال تعنااق( خلاها داودي ) تمشيت ناحيتهم بمهل وانا عيوني كلها تساؤلات ..
شيماء : لمار جيتي جلسي ..نعرفك هادا ليث ..ليث هادي لمااار صاحبتي 

ليث : (بنظرة اعجااب ) سمحيلي تطفلت عليكم غير مولف نفطر هنا ولقيت دنيا عامرة واقتارحت عليا صديقتك نجلس معاكم في طبلة بعد اذنك اكيد 
انا : ( اصلا شيماء معزيزش عليها تفلت هاد الفرص) لا عادي مرحبااا اسي ليث 
شيماء : ايوا مكملناش تعارف انا ولمار اسيدي كتقرااو هاد سااعة قريب نتخرجو بقا لينا عام ونتا شنو كدير..من اشمن مدينة ؟؟
انا : ويلي نعلي شيطان سيد جاي يفطر ولا جالس في كوميسارية دايرا ليه لونكيط .
ليث : (بابتسامة) غير خليها على خاطرها 
)خدا رشفة من قهوة ديالو وتكلم ) انا الالة مفتش شرطة وكنسكن هنا في كازا مع الوليدة والاخت ديالي ..
شوشو: نفهم من كلامك انك عزابي...ههه
انا : شيماء زدتي فيه (قبل منكملها شافيا ) ليث : انسة لمار خليها على خاطرها (جاوب شيماء ) هاد سااعة مزاال ...
شيماء : مزيان ايوا الله يجيب ليك شي بنت الناس ..
بقاو في الاخد والرد الكلام وانا كنلعب في تليفوتي درت راسي ممسوقااش واتا كتشووف فيه بنص عين صرااحة غزال ملامحو رجووولية 100% ومثقف وواعي فطرنا وملي سالا خلص الفطور علينا كاملين بعد اصرار منو واستاذن حيت عندو خدمة ..وحنا بدورنا خرجنا من مقهى وتوجهنا الا مركز التسوق 
شيماء : امالك ملي خرجتي من قهوة ونتي ساهية 
لمار : والو غير كتفكر ...شيماء : ياكما في ليث سيد كانت عينو عليك ملي جلستي وهو خاضيك ولكين نتي دايرا فيها معفرة 
انا : لا باينة عجبتو وهو خرج ومقال حتى كلمة ديك ساعة يدير غا مبادرة ياخد نمرة قاطعاتني... شيماء : واباز هادي هي عيني فيه ويخ منو سيد صدق ماشي من نوع لي كيلصق شافك ممعبراهش حتى هو معبركش 
انا : بنزرة حادة زيدي ويدي خلينا نقضيو شغالنا علاش جايين راه خاصني نرجع بري لدارنااا .
《 هكدا داز نهارنا شري هادي وقيس هادي قولها وضحك عليها ومن بعج دزنا لمركز التجميل قادينا حالتنا 》

{ يوم الرحلة }
☆☆☆ اصبحنا وأصبح الملك لله ☆☆☆
6 صباحا 
نعمة : امالك على هاد الحواايج كاملين لي شاافك يقول غادا تجلسي شهر راه غير 4 ايام 
لمار : وراه هادشي وجاني قليل اماما واقيلة خلصني ندي لباليزة لكبيرة ...
نعمة : شافت فيا بغضب واش كتهضري من نيتك تي مالك غادا ديري عرض الازيااء وزيدوون اش هاد شراوط هادو خيوط ماشي حوايج ..
لماار : واشنوو بغيتيني ندي لهراادل وزيدون اماما من امتى كدخلي ليا في لبسي 
نعمة : الله يشافيك ابنتي ..لمهم راني درت ليك شي حاجة راها في بوشيط هزيها ماتاكلو في طريق 
لهلا يخطيك عليا انور العين درتي بحساب رباعة ديال جيعانة لي معايا .. نعمة : درت بحساابهم يالله طلقي راسك ونزلي تفطري قبل ميوصل نزار راه عرفااه ماعزيزش عليه يتسنى 
انا : ماما غتمشي معانا باش يديك معاه لفيلا... نعمة : اه راه الحاج لبارح يوصي ويعاود منبقااش راسي . انا : احسن نيت

بعد نصف ساعة جا نزار هو وجدوان ووصلنا لبلاصا فين غنلقااو لكار لقينا كلشي كاين مليكتنا حاضرة وطالعين شادين ليا بلاصة طلعنا لكار من بعد مودعتهم وماما توصي وتعاود مسكينة الله يخليها لياا ...جلسنا كاملين مصافين في بلايص لور وانطلقت الحافلة نحو مدينة اكادير 
نااصر : لماار شفت بحاالا فيك نعاس حنا جاايين نعسوو وفيقي معانا بغينا نشطوو 
انا : خليني نهرس نعاس او فقنا بكري وزيدون طريق طويلة ارا مانشطو 
جذوان : غيبقااو فيا غا ناس لي قدامنا مشااو فيها مساكن 
شيماء : ايوا هادو هما رحلات النشااط من اولاويات الرحلة اولا امصعب 
مصعب : متافق معاك..
بقينا طريق كاملة وحنا نغنيو هاشعبي ها شرقي ها طربي ناصر دا معااه نواقص ولقينا واحد الكليكا خرا غادا بمطيريال لمهم غاديين بدفووع صاافي 

☆☆فرااق☆☆اشتيااق☆☆حنين☆ ☆عودة ☆☆
¤¤¤¤ في مدينة نيويورك وبالضبط مطار جون كينيدي الدولي ¤¤¤¤¤¤
Last call : Passengers pillow on flight number 738 flying to Morocco go to gate number 3 and get ready for the ride on the plane
على سادة المسافرين على الرحلة رقم 738 المتوجهة الى المغرب التوحه الى البوابة رقم 3 والاستعدااد للركوب على متن الطائرة ..

《 بخطوات تابثة ...كلها ثقة ....وهو واضع نظاراتو الشسية التي تخفي ملامح وجهو داخل للبواابة وهو كلو شوق وحنين ولهفة لرؤية عائلة ديالو الي اشتااق ليهم بعد غيام دام سنوووات 

نجيم : يالله نخليك اصاحبي تهلا في راسك وفي الوااليدة وكنتسنى الزيارة ديالك متعطلش عليا واي جديد في الخدمة علمني بيه ..
جوووو : غير كةن هااني اصااحبي واستمتع ليا بالعطلة ملي نقرب نزل غادي نتاصل بيك .. ( عنقو بعضهم برجولية ) ملي توصل تاصل بيا ...
نجيم : يالله في امان الله 
كمل اجراءات ديال السفر وركب على نحو الطائرة التي حلقت عاليا وصولا للمغرب البلد الاصلي 

¤¤¤ في وقت اخر ..بمدينة اكادير ¤¤¤

مسؤول عن الرحلة : الاخوان على سلامتكم ...تفضلو التحقو بالاوطيل باش ترتاحو ...ومن بعد سااعتين نتلقااو حدا كااار باش نبداو جولتناا 
ناصر : وهو مخرج راسو من نافذة ....وهاحنااا جيينا لا تقوولو ما جيناااا بشاااخ على توت البري 
انا : الله يعطيك لعما هاد الفريز لي حداك كامل مشفتيهش 
شيماء : واللهيلا واقيلة عور كيضرب على برا بحال لبحر 
جذوان : شوفو غا وجهكم وهضرو كتباانو داابلين ههه مصعب : ايه مالكم عليهم غير مع لعياا دابا يتقاجو ويعجبووكم 
انا : الله يجيب من يقول الحق يالله اخويا نتى لي معاك لخرجا صاافي 

《 هاكدااا بدينا رحلتنا بجو كلو مرح ونشااااط 》

☆☆☆☆ عند نجيم ☆☆☆☆

مدة طويلة وانا في طيارة كنحس بالوقت كيدووز بطيء .....يمكن غير من شوقي كنحس بالوقت مكيحركش ......وأخيرااااا ...وبعد طوول انتظار ..حطت الطائرة ...في بلدي الحبيب ...بعد سنين من الهجرة ....والغربة ....وضعت قدمي على ثراب بلدي......اشتنشق هواءه ....كنحس براسي كأنني عصفوور طلييق ...اتاجهت برا لمطار وركب في طاكسي من بعد معطيتو العنوان ...كانت لهفتي كتساابق مع زمااان باغي امتى نوصل الى منزل نبع الامومة والحنان ..... لي خرجت منو وانا باغي نحقق طموحي ونكون عمل مستقل بيا وحمد لله ...رجعت من بعد محقق جميع احلامي..رجعت وانا عميد شرطة كبير يضرب بيه المثل ...
سائق الطاكسي : هادا هو العنوان لي قلتي ليا اسيدي .
خلص مول طاكسي ورسم ملامحو المعتادة المتسمة في الجدية والعصبية وفي نظراات عيونو الحادة 

☆☆☆☆ في اكاادير ☆☆☆☆

من بعد مرتاحينا نضنا كلينا شركنا غدا وعشااا وخرجنا نسهرو اكيد شيء طبيعي وحنا في اكادير حيت كتواجد احسن لي كلوب ختارينا zanzipar فين غنكملو سهرتنا لمهم خرجناااا مقاادين الحاالة دراري مصاافين بلبس كاجواال اما انا واحد شيماء لي شاافنا يحلف علينا حتى ماشي منها ..تقزدرت بالمزياان اصلا لبسي كلو نوافذ الاغاثة وكملات دابا ملي القضية فيها نايت كلوب

نااصر : نااااري غير الله يخرج هاد ليلة على خير وصافي واش نتي يصحاابليك رااسك في لاس فيغاااش 
انا (لمار ) : شوكيدااير...سكت سكت قاليك لاس فيغااااس 
شيماء : شفتك حاضينا يكما يصحابليك غادين لزاوية راه غادين لنايت كلوب داير لينا فيها فقيه ....ناصر شافينا شوفاات لقتيلة وشاف في جذوان لي قال 
جذوان : زيدو زيدو انا وليت حاس براسي بوديكااارد دياالكم ..
لمهم طريق كلها وحنا نتناكرو حتى وصلنا مصعب غير كيضحك اصلا مصعب كووول ماشي بحال نااصر كنوحل معاه كثر من ماما وبدااا يعادي ليا جدوان ..

☆☆☆☆ في فيلا ☆☆☆☆☆
مجمعة عائلة على مائدة العشاء ( الحاج ...نزااار ..نادية ...نعمة ..)
نادية : خديجة شووفي ابنتي شكووون كيدق او شحاال ساعة واش كتسناو شي حد 
الكل : لاااا 
مشاااا خدامة حلاات الباب ...
خديجة : سلام وعليكم اسيدي علامن كتسول .....بقاا ميشوف شحااال ودخل بلاما يهضر معاااها اكيد هي معرفتووش حيت باقا جديدة مشااا ديريكت غادي داخل لوسط داار بحالا عالم بلي مجموعين تما وخديجة تابعاااه 
خديجة : اشريييف فين غااادي اش هاد ا
قلة لحيااا بقاات كتغوت حتا سمع كلشي صدااع وجااو .. 

عم صمت في ارجاااء الفيلا الكل في صدمة ..ونظراات دهشة ...وعيون تتكلم ...كسر هاد صمت صوت ...
نادية : نجيييييييييييييييييييييييييم ولددددددددددددددددددددي 

☆☆☆عند لمار في اكادير☆☆☆
وأخيراااا وصلناااا ....دنيااا عامرررة .....غير طبقااات الراقية ....المعريات كثر من المغطيات ....انا محسوبة على لوالة ههه.....اصواات مرتفعة موسيقى صااخبة ....شي كيشطح ...شي كيغني ....جلسنا في طبلة في الوسط من بعد ماختارينا مشروبات بدون كحول ...انا ختاريت مشروب فيروز حيت هاداك هو شرابي الا بغيت نوصل لقمة نشااط كنشربو ....كنسكر ههه. ....
جذوان : (كيغمز واحد ختنا ) انا نوض شوية نمشي هنا ونجي . لماار : ياك لاباس يكما درااتك عينيك بزاااف شفتك من صبااح وانت ترمش 😉 جذوان : حظيني الا تبعتك نتي مغنطفروش (ناض مشاا عند البنت كانت مقبلا معاه دغيا زرب عليها وزربات عليه وبدااو يهضرو انا خليت شيماء وناصر كيضحكو عليه وجريت مصعب ونضنا نشطحو ونهضرو هه مصعب : ( وهو كيغوت باش تسمعو ) كتبااني ليا نااشطة شنوووو سر
لمار : ههههه حيت معااك شنو مننشطش ...مصعب : احياني عليك نتي كنشوفو منك غا شفوي لماار : بغييت نخدم اش بان ليك ( وهي مصعب : علاش محتااجة شي حاجة ..لمار : ماشي بضرورة مي شحااال قدنا نبقااو معولين على بابا لحااج راه كبرت صاافي جا لوقت وصلني حتى كملت قرايتي بغيت نعتمد على نفسي ونعمر جيب راك عارف ولفت قاعدة خايبة مصعب : اش بان ليك تجي تسطاجي معانا منها تدربي حتى تعلمي ومن بعد الي عجبك الحال خدمي لمااار : ههه بالحق حتى يفووت الكونجي ¤¤ في الجهة الاخرى من النايت كلوب كان جالس ليث ( رجل لي تلاقاو بيه في مقهى ) هو وصحاابو ملي شااف شيمااء شير ليها ومشاات عندوو شيمااء :( سلمات عليه ) اهلااااا سي ليث شرطة كاملة كاينة هنا صدفة زوينة هادي ليث : غير كانت عندنا شي خدمة هنا وكملناها وقلنا نسهرو شوية نبعدو من ستريس ديال لخدمة ونتي اش كديري هنااا وااش بوحدك شيمااء : لا كاينة انا ولمااار ولكليكا ديالنا راهي لمار ( اشارت لمكانها فين كتشطح مع مصعب ) ليث : اممم هادي هي لي كانت معاك في قهوة لي يشوفها دابا ميقولش هي ديال داك نهار شيمااء : هه لا لماار كووول بالعكس تعالا تعالا نعرفكوم على كليكتنا ) عرضات عليه هو وصحاابو باش يجلسو معاهم واكيد هو واافق من بعد الحاااحها مشاا جلسو شوية شاافتو لماار ومشاات سلماات عليه وعرفاتو على مصعب وناصر وجذوان لي لتاحق بيهم هو والبنت لي تعرف عليها بقااو ناشطين كيتعرفوو على بعضياتهم فجو ديال ضحك ونشاط من بعد شوية كل كوبل ناض يشطح على اغنية رومانسية طلقوها ليث : انسة لمااار تسمحيلي بهاد الرقصة لمااار : اكيييد نضت شطحت معااه معرفتش علاش مي رتاحيت ليه وجدبتني شخصيتو ومبغيتش نفلتو لذالك قررت منكونش فضة معاه في تعامل واش هادي انا نيت ولا غير مشرووب فيروز لي دايرها هههه

...بقيت كنشطح انا وياه حسيت بإحساس غريب حتي هو كان واخد راحتو بحال الي كنعرفو بعضنا من شحال هدا
ليث:(كيهمس فودني)كتعرفي تشطحي بخفة تبارك لله عليك
لمار:(بابتسامة)مغسي غير شوية وصافي
ليث:فراسك واش ابتسامتك جدابة بحالك
لمار:(بخجل)مغسي صارحة اول مرة نشوف بوليسي مأدب ومصواب بحالك
ليث:ههه واخدة صورة خايبة علي لبوليس
لمار:لا غير داكشي لي كنشوف وكنسمع بلي كيكونو معقدين و..ولا بلاش
ليث:ههه ماشي كلشي بحال بحال كاينة واحد لفئة بهاد لمواصفات والكن خاصنا نعاشرو بنادم عاد نحكمو عليه
لمار:وي بصح كنعتادر الي قلت شي كلام ماشي هو هداك
ليث:نونو ماشي موشكيل عرفتي انتي انسانة عندك شخصية غريبة عمرني ماشفت فحالك اول مرة شفتك كانت شخصيتك فشكل ودابا فشكل اخر مختالف تماما
لمار:(بابتسامة)وهادشي خايب ولا زوين
ليث:لا بالعكس زوين مزيان تكون عندك شخصيية مستقلة انا كتعجبني لبنت تكون شخصيتها قوية بحالك وتكوون غامضة ونتي شخصيتك غامضة بحاال لون الفستاان لي لابسااا 
لمار؛مغسي بزاف حتى نتى انسااان مخلق ورتلحيت معااك في الهضرة 
ليث:ادن حنا مفاهمين دابا داك نهار كنت بغيت ناخد رقم ديالك والكن مازعمتش خصوصا بنتي ليا محاملانيش ولكن دابا غنزعم ونطلبو من عندك.....
لمااار : بكل سرووووور ..
صارحة عجباتني شخصيتو وجاديبيتو وكلامو الموزون ومتقف هضرتو وابتسامتو رجولية بقينااا منشطحو ونهضرووو لي شاافنا يحكم علينا بلي كووبل غزاال بقيينا حتى يااعات متأخرة من الليل عاد تفاارقناا ليث كانت عندو شي خدمة غيهبط لكازا داكشي علاش تبادلنا الارقااام باش نبقااو على اتصااال ملي ننزل 

☆☆☆ الدار البيضاء : بالضبظ فيلا الحاج التازي ☆☆☆

من بعد عنااق حاار بين نجيم وكل العائلة لإطفااء نار الشوق والبعد ....انتقلو لغرفة للجلووس مستفسرين عن احواله ....
نوال :( وهي معنقة نجيم وهو بدورو كيقبل يديها بحب ) الله اولدي شحاال توحشتك ...8 سنين وانا كنسمع غير صوتك (وهي كتبكي ) .... بحااال البصيرة كون مكانو دوك تصااور لكتصيفط لينا مرة مرة كورااني مت شحاال هادي (نجيم متأثر كيمسح دموع للأم دياالو ..وكيقبل يديهااا بحب وفي عينيه لمعان وبريق مخبي ورااه دمووع ولكن محاافظ على كبريااائوو )
الحااج : دابا صاافي مكااين لاش نعاتبوه على المااضي الحمد لله ملي ولدنا رجع ليناااا هاديك هي دنيااا غيعوضنا على لياام لي فااتو 
نجيم : انا الواليد جااي غير ندوز معااكم الكوونجي يعني شي يامات ونمشي اما فكرة الاستقلال لاغيها ...حيااتي كونتها لهييه ...
نوال : لا اولدي مديرش فياا هاكدااا ...نقل خدمتك هناااا نشبع شوفاان فيك مبغيتش تجيك خباري ولا تجيني خبارك ونتا بعيد (قااطعاتها نعمة )
نعمة : دباا انواال مااشي وقت هاد الهضرة هاانتي شفتيه لولد جااي عياان خليه يرتااح ومن بعد تناقشو في هاد الأمور 
نجيم :( وهو معنق الأم دياالو بايد ونعمة بايد الاخرى وكيقبل في راسها حيت كيعتربها بمثاابة الأم ديالو واخا متعرفش عليها بزاف بحال خوتو ولكين ديما كيهضر معاها كيعودوليه عليها ) الله شحااااال توحشت هاد الدفئ وهاد اللمة وتوحشت المغرب وتنهد تنهيدة طويييلة على اثرهااااا تلاااح عليه خوه نزار يعنق ويعااود 
كملوووو حديتهم على طاولة العشااء للمرة 2 ومن بعد طلع نزار ونجيم لبيت هاد الاخير لي وجداتو ليه خديجة باش يرتاح وبقاااو هضرة تجبد هضرة ....

نجيم : شحاال توحشت بيتي وااخا بدلتو ليه فراش مي كنحس بحالا كنت فيه غا لباارح 8 سنين طاارت دغيااااااا
نزاار : حتى نتا اصااحبي مشيتي غبرتي هادشي كااع خدمة ...اجي بنتي لياا كاعما سولتي على جذواان 
نجييم : رااه عرفتو مساافر هو وبنت نعمة شفتو لايحهااا في صفحة دياالو 
نزااار : اه سافر هو ولماار غير هاد صباح لاكادير منها يومين يجيو ..
نجيم : كنشووفو بزااف معاها يكماااا خطبتو ليه ومفراسيش ...
نزاار : ..شكون لمار وجدوان مستحيل هادوك راه بحاال تووااام متجيش معاهم ..
نجيم : بعدم تصدييق .. لمهم متقولش ليه بلي جيت خليت يتفااجئ

¤¤¤¤¤¤ بعد يومين ¤¤¤¤¤¤

الشااائع اننا نسير في درووب الحياااة...... ومتاااهتهاا.... وطرقهاااا ....ولا نعلم ....متى؟؟؟....كيف؟؟؟؟....اين؟؟؟؟....ومن نحب؟؟؟؟ ...البعض يحب بعقله .......والاخرووون بقلبهم.......والكثيروون ...تقودهم النظرة الأولى للحبيب ......

《 مروووا اليومين ولا أروع ...زرت مدينة اكادير ونواحيها .....وتعرفت على اصدقاااء جدد .....وتقربت اكثر من اصدقاائي....تعرفت كثر على ليث ...عبر الهاتف ..ملي رجع لخدمتو وانا وياه على اتصااال ...باغا امتى نرجع الكازاا ..ونتلاقا بيه مرة اخرى ....كنحس برلسي وليت انساانة اخرى ...يمكن حيت ليث ...عمر ليا الفرااغ ...لي كنت كنحس بيه ....ولقاااا مفتاااح لقلبي .......أو يمكن لا غير كنتهيأ .....غنخلي الوقت هو لي يحدد مكانتووو في حيااتي ....

لماار: جذواان ...عيطتي لنزار باش يتلقااا ليناااا....راه دنياا خاوية وظلمة وراك عارف مصعب طريقو ماشي هي طريقنا عاد خاصو يوصل ...شيمااء وناصر 
ناصر : يتلقااا ليك جاااايا من العمرة ...وبااز الله يعطيناا وجهك قالت ليك ظلام نتي تخاافي ..؟؟
جذوان : وهو كيضحك عليهم بزوج كيف كيتناكرو ...اه عيطت ليه ورااه واقف تماا كيتسنى ...
مسؤوول عن الرحلة : حمد لله على سلامتكم نتمنى تكونو دوزتو اوقاات جميلة برفقتنااا...تأكدو انكم منسيتو والو ...الى الملتقى ان شاء الله 
وأخيراااا وصلناااا لمكان منين ركبنا ..جذواان سلم على لكليكا ومشاا عند نزاار باش ميبقااش يتسنى ويزعف عليناا وانا مشيت نودع ناس جداد لي تلاقينا بيهم ورافقت شيمااء وناصر لسياارة مصعب ...

جذواان مع نفسوو ( شكون هدااك لي جاالس حداا نزار مشاا بخطوات متساارعة ودق الزااااج على نزاار فجأة كيتحل الباب الاخر وكينزل نجييم لابس سروااال كحل مع تريكووو بيض ولايح عليهم قوبية حيت البرد مع كاسكيط شييك مغطية شعروو الكثيف ..... فاااتح ذراااعو لخوه صغيير )
جذوان : ممصدق عينيه تلاح عليه وتعلق فيه وهو كيبكي هادشي كامل مشاافتوش لماار 😢😢😢 خوياااا نجيم توحشتك مشااعر متباادلة مبقاااش قاادر يتكلم صوت.. شهقااتو هو لي كيتسمع 
نجيم : وهو كيضرب على كتفوو ...كبرتي العفريت وزياانيتي وليتي تساافر ..(وهوكيضحك )انااا جيت ليك نعاود ليك ترابي من جديد (عنقو بعض اكثر من بعد مالتاحق بيهم حتى نزاار ) 

من بعد اطفاء شعله الاشتیاق بالعناق ...وهو معنقین بعض 
نزار : جذوان فین هی لمار شفتها گاعما جات معاک 
جذوان : راک عارفهاا رحیلها ثقیل...بقات تما ( وهو کینعت لیهم مکانها " راها مع مصعب ..فی دووک الاثناء کانت لمار توادعات مع الکل بقا لیعا غیر مصعب عنقاتو .هادشی دار علی اعین نجیم لی معجبووش الحال لانفتاحها الزائد ..
نجیم : (بنرفزه ) عیط علیهات مغدینش نباتو هنا...باقی مکمل کلامو وهاهي سيدة الحسن والجمال جاية..تقدم عندها نزار وجذوان اما نجييم بقى متكي على سيارة ..
نزااار : اهلا اهلا ماالك اختي مسخيتيش بيهم....متوحشتيينااش..
لمار : معنقااه ..الله ياخويا شحال توحشتكم..بلاصتكم بقات كبيرة ملي مشيت وانا باغا غير امتى نرجع
مشيت و انا باغا غير ايمتى نرجع
جذوان:عندااااك تيقهااااا....راه جايا و تبكي مسخااااتش 
لمار:ناري لا عندااااك تيقووو....(عاد ردات البال لنجيم و مع الظلام و مهبط راسو مشفتوش مزيان)اويلي يا خووويا شفتك درتي بوديكااارد ياكما خايف على راسك من لييييل ولا وليتي من الشخصيان المهمة في المجتمع كتمشى حتى نتي بحارس شخصي مع كملاتها مع طلع راسووو نجيم لي سمع اش قااالت و ظرب ليها واحد التخنزييييرة شوية و يسكت ليها القلب كون كانت متهمة كون اعتارفااات .... بجرائم لي دارت
نزار وجدوان عرفو القضية غتحمااض و خوهم قليل صبر و غيخرج شي حاجة من فمو زرب عليها جدوان لعندو 
جدوان: متقولييش لياا معرفتييهش شوفي مزيااان هادااا خوووويااا نجييييم جاااا... 
لمار:(من صدمة بقات غكتشووف واش ديال الخلعة ولا ديال اللقاء بقات غكتشووف ... شوية مدات ايديها تسلم عليه) اه يتلعثم..ع على سدامتك ...
نجيم:(بلا مبالاة خلاها شحااال مادااا ايديهااا حتى عفط عليه نزاار عاد سلم)و هو مكيشووفش فيها ... الله يسلمك( و توجه السيارة)... يا الله نمشيووو اسي نيزار راه هنا خطر على سيادتكم واناا كحارسك الشخصي حياتك مسؤووليتيي

يتبع ...