صاحبة العيون الزرقاء الجزء الثاني

من تأليف سلوى شتيوي
2019

محتوى القصة

رواية صاحبة العيون الزرقاء

فقت اليوما شفت فالمرايا لقيت راسي صفرة تخلعت دخلت توضيت وصليت خرجت مشيت دوزت الامتحان والحمد لله داز مزيان ساليت ومشيت للريسطو بديت الخدمة وانا حاسة بالعيا شوية دخل امين شافني وهو يجي عندي
امين: (كيشوف فوجهي) ماالك
انا: غير عيانة شوية
امين: (جرني وجلسني) باش واش مشيتي للطبيب
انا: لا ايكون غير السطريس دالامتحانات
امين: ممم اوكي صافي سيري للدار رتاحي حتى يساليو الامتحانات عاد اجي تخدمي
انا: لا بلاش انا مزيانة
امين: كوني تسمعي هدرة خوك
انا: واخة.. مشيت حيدت حوايج الخدمة وشديت طاكسي للدار دخلت نيشان نعست حتى فيقني دانييل
دانييل: نومي فيقي تراجعي شوية براكة من النعاس
انا: (بصوت عيان) اوكي.. غير وقفت شداتني الدوخة كون مكانش دانييل كون طحت
دانييل: (مخلوع) مالكي شوفي وجهك صفر
انا: والو غير عيانة شوية
دانييل: اجي جلسي فالصالون نوجدليك شي حاجة تاكليها عاد راجعي شوية
انا: اوكي.. شد فيديا داني جلسني فالصالون ومشا للكوزينة جا عندي جان
جان: حياتي مالك
انا: (حطيت راسي على رجليه) متخافش غير مريضة شوية
جان: (كيدوز يديه على راسي) رتاحي احبيبتي.. بقيت متكية حتى جا دانييل بززو عليا ناكل كملت نضت غسلت وجهي توضيت وصليت صلاتي كملت نضت راجعت داكشي لي عندي ونعست.. دازت سيمانة كلها امتحانات دوزت مزيان الحمد لله رغم العيا والدوخة لي فيا الدراري تخلعو عليا وبززو عليا باش نمشي ندير التحاليل نشوف شنو عندي.. ساليت ومشيت انا وسفيان عند ملاك للكلينيك شافتني تخلعات
ملاك: نوميديا ماالكي
انا: معرفتش فيا الدوخة والعيا جيت ندوز
ملاك: اوكي ختي اجي معايا نمشيو نديروليك التحاليل
انا: اوكيي
سفيان: نومي هانا نتسناك هنا
انا: وااخة.. مشيت مع ملاك درت التحاليل ورجعني سفيان للدار دخلت وانا نعس..... دازت يومين جا عندي امين 
امين: ختي خلعتيني عليك صفاريتي بزاف
انا: غيكون غير قلة الماكلة وصافي ماشي شي حاجة واليوم غادي يخرجو التحاليل
امين: اوكي ياله زيدي نمشيو انا وياك
انا: نو غير سير لخدمتك
امين: مكايناش شي حاجة اهم من ختي
انا: واخة مخليتيلي منقول
امين: ياله نوضي تلبسي انا كنتسناك فالصالون
انا: اوكيي.. وقفت لبست بالزربة وخرجت مشيت انا وامين وصلنا عند ملاك لي كانت شادة التحاليل فيديها لي كيترعدو
انا: (بخوف) ملاك ماالك شنو عندي.. نطرت من عندها الوراق وبديت كنقرا وياريتني ماقريت......

ملاك: (ناضت من بلاصتها وجات لعندي) نوميديا سمعيني احبيبة راه دبا الطب تقدم والحمد لله مزال ياله فالمرحلة لولة
امين: علياش كتهدرو شنو عند نوميديا
ملاك: (بتردد) السرطان مي راه فالمرحلة الاولى دونك كاين علاج... امين تصدم وشد راسو اما نوميديا بقات غير ساكتة ودموعها نازلين شوية وقفات بقاو كيشوفو فيها...... تصدمت فاش عرفت راسي مريضة بالسرطان اخر حاجة نتوقعها هي هادي ملاك جلسات كتهدر مي انا ماسمعت والو ودنيا تسدو.. وقفت خرجت من الكلينيك شديت طاكسي للدار دخلت نيشان لبيتي وسديت عليا جلست فالارض وبديت كنبكي.. داز شريط حياتي قدامي كاامل مي لي ضراتني فقلبي عمري ماعشت شي حاجة زوينة ديما العنف من طرف بابا وخويا... حيدت حوايجي ولبست بيجامتي تلاحيت فوق الناموسية دموعي على خدي حتى نعست.. صبح الصباح فقت على الدقان فالباب مبغيتش نحل ومباغا نشوف حتى واحد.. تفكرت ماما مهدرتش معاها البارح هزيت تليفوني خبعت النمرة وصونيت
ماما: الو
انا: (حابسة البكية) الو ماماتي
ماما: اهلا بنتي تخلعت عليك فاش معيطتليش البارح
انا: راه غير مع الخدمة جيت عيانة طحت نعست
ماما: الله على بنتي نتي خاصك غير تقراي وحنا نصيفطوليك الفلوس مي للاسف..
انا: (قاطعتها) هادا القدر وانا فرحانة وكيفما قتليك امين وملاك ممخليني محتاجة والو وديما معايا
ماما: الله يرضي عليهم
انا: ياله نخليك دبا
ماما: الله يعاونك ابنتي... قطعت مع ماما تكيت وكنفكر واش صافي وقتي فالدنيا سالا الى مت واش خويا وبابا غادي يبقا فيهوم الحال ولا عادي... بقيت بلاصتي متحركتش اصلا فيا الدوخة معرفتش شحال دالوقت وانا هكاك لي عارفاه هو الحال بدا كيضلام وانا مزال فبلاصتي سمعت الدقان عوتاني مي مقدراش نجاوب مافيا لي يهدر.. هاد المرة الدقان زاد جهاد شوية تفرع الباب مدرت حتى حركة شفت لقيت امين وملاك وسفيان ونضال واكرم ونهيلة وزينب ودانييل وجان... قرب عندي امين والبنات كيبكيو
امين: ختي الزوينة هادو ماشي فعايل مخلياني كندق ماشي حشومة عليك
انا: الصمت
سفيان: (كيحاول يضحكها) الزين ديال بلادي توحشتك.. بداو دموعي كينزلو
امين: (كيمسح دموعي) هاد العينين الزوينين مخاصهومش يبكيو... طلعت راسي وبقيت كنشوف فيه تفكرت ادم راجلي لي غيكون طلقني.. زعما كون بقيت معاه ومرضت غادي يبقا بجنبي ولا غادي يتخلا عليا....
ملاك: حبيبتي خاصنا نبداو العلاج كلما بدينا بكري كلما كان احسن
امين: اه ملاك عندها الحق ياله نوضي.. جا ينوضني تنترت من يديه وعطيتهوم بالظهر بقاو كيشوفو فيها حتى عياو وهما يمشيو اما نومي بقات هكاك حتى نعسات...

بقاو كيشوفو وكيتأسفو على حالتها ناضو مشاو وبقات بطلتنا كتشوف فالفراغ حتى نعسات... دازت يومين ونوميديا على نفس الحالة حتى من الماكلة مكتاكلش بزاف.. اليوم فالليل شديت تليفوني وبديت كنخربق فيه حتى قريت جملة غيرات نظرتي《عندما تمر بمواقف صعبة، ابحث عن طرق يمكنك من خلالها ان تنمو وتتعلم بدلا من الاستمرار في البكاء على معاناتك》صبح الصباح فقت وانا نوض دخلت للدوش مبغيتش نشوف فالمراية دوشت وتوضيت خرجت صليت وبديت كندعي ونبكي ساليت صلاتي وانا نلقا سفيان قدامي وقفت ومشيت عنقتو وبديت كنبكي
سفيان: (زير عليها) ششش براكة من البكا نتي غادي تبراي وحنا كاملين معاك
انا: هئ هئ مبغيتش نموت
سفيان: وشكون قاليك غتموتي نتي غتبراي كنواعدك
انا: (بعدت عليه ومسحت دموعي) اوكي
سفيان: ياله زيدي نمشيو للكلينيك
انا: (بعد تفكير) واخة.. لبست حوايجي هبطنا بجوج وانا نلقا امين جالس حدا طموبيل كيتسنا حل يديه مشيت كنجري عنقتو
امين: حبيبة خوها مزيان مني كتسمعي الهدرة ياله زيدي نمشيو راه ملاك كتسنانا
انا: (تنهدت) واخة.. ركبت اللور وسفيان حدا امين... شدينا الطريق للكلينيك وبداية العلاج وصلنا ومشينا عند ملاك
ملاك: اهلا ختي سافا
انا: حمد لله ونتي
ملاك: وي سافا.. قررتي تبداي العلاج
انا: ويي
ملاك: دونك مستاعدة لهاد الرحلة الطويلة والمتعبة منكدبش عليك خاص يكون عندك نفس طويل وايمان قوي واكثر حاجة انك تكوني متشبتة بالحياة باش تقدري تستامري
انا: (تنهدت) اوكيي
ملاك: مزياان نمشيو دبا نديرو شي تحاليل
انا: واخة.... مشيت معاها درنا بزاف ديال التحاليل كملت ورجعنا لقيت امين مزال كيتسناني فعلا مخطأتش فاش قلت عليه خويا لي ولداتو الدنيا داني للدار من بعد ما اكد عليا باش ناكل طلعت للدار وتحشيت فبيتي مكرهتش كون كانت عائلتي معايا.... نهار جديد مي نفس الشعور _شعور الخوف، شعور الموت البطيء، شعور الوحدة وشعور الالم_ صونا تيليفوني كانت زينب قاتلي ضروري نخرج نفطرو مجموعين قبلت من بعد اصرارها.. مشيت توضيت وصليت صلاتي لبست حوايجي

حوايج

درت مكياج خفيف يغطيلي بعدا ديك الصفورية هزيت نضاضري وصاكي ومشيت الكافي فين تافقنا نتلقاو لقيتهم كايتسناوني
انا: هااي
زينب: اهلا حبييبتي سافا
انا: حمد لله ونتوما
الكل: سافا حمد الله
نضال: احم كيبقيتي
انا: (شفت فيه هو عادة مكيهدرش بزاف.. جاوبتو بابتسامة) مزيان حمد لله
نضال: (شد يدي) حنا كاملين معاك اوكي
انا: عارفة لي كاين شكرا 
نضال: مابيناتناش..

سفيان: اواااه ملِك الصمت هدر
نضال: الى مهدرتش وحلة ويلا هدرت مشكلة معرفت مندير معاكم
انا: هههه سفيان حشم شوية ونتا ديما شاد فالناس
نضال: واييه الله يستر
سفيان: هاي هاااي شفتكم متافقين
اكرم: هههههههه نوميديا شنو درتي حتى خليتي نضال كيهدر معاك ومتافقين
نضال: سيرو بعدو من البنت.. نوميديا اجي نمشيو لديك الطيراس نهدرو شوية
انا: اوكي.. مشينا وخلينا لاخرين مصدومين ومطرطقين عينيهم... جلسنا فالكراسا
نضال: ممم بغيت نسولك
انا: وي مرحبا
نضال: احم معمرك معاودتلينا على عائلتك وحتى دبا مرضتي شفت حتى واحد مسول فيك
انا: (نزلات دمعة) انا هربت من عائلتي حتى واحد معارف فين انا
نضال: (بصدمة) كيفااش
انا: (تنهدت) عاودتلو كلشي وكيفاش حتى تلاقيت بامين لي عرف بشنو وقعلي وقرر يعاوني
نضال: (عنقني) من اليوم عتابريني صديقك وخوك وباباك لي بغيتي اوكي
انا: هههه شكرا
نضال: ممم دبا نتي مزوجة
انا: معرفتش يقدر يكون طلقني حيت اصلا مكنعرفوش بعضياتنا
نضال: اوكي معلينا ياله نمشيو دبا عند الكليكة
انا: واخة... مشينا جلسنا.. انا غنمشي دبا
زينب: (منفخة) اوكي
انا: احم زينب مالك
زينب: والو
انا: اوكي... مشيت للريسطو راه سيمانة ماخدمت.. دخلت وبديت خدمتي وفالليل غنيت وgاع الناس تما كيحتارموني وهادشي كيفرحني.... دازت 3 شهور وبديت كندير حصص العلاج الكيميائي بالنسبة للمصاريف امين وملاك لي تكلفو بمصاريف العلاج ورجعت ساكنة عندهم فالفيلا بحكم مبقيتش كنخدم مرة مرة كنمشي نغني ومنها نفوج شوية مي مكنتخلصش ومابقا عندي باش نخلص الكرا وامين اصر عليا نجي نعيش معاهم دانييل وجان كيجيو عندي دييما ومسانديني.. والخبر المفرح ان ملاك حاملة من بعد عام ونص ديال الزواج.. امين كان طاير بالفرحة وحتا انا فرحت ليهم يستاهلو كل خير...... بالنسبة لقرايتي متخليتش عليها اصلا انا هربت وتعدبت على قبل نكملها ميمكنش نضيع هادشي والحمد لله صحابي معاونيني فاش مكنقدرش نحضر كتجيبلي زينب الدروس وامين هدر مع الادارة دونك عارفين بالمرض ديالي ودارو معايا تسهيلات الحمد لله.....
صبح نهار جدييد دخلت دوشت كنت كنشلل شعري حتى كنشوف كتلة كبيرة من الشعر طايحة حدا رجلي كملت بالزربة لويت عليا البينوار ومشيت للمراية كنقيس فشعري حيدت يدي وانا نلقاها عامرة بالشعر جلست فالارض وبديت كنبكي
انا: (كنشهق) ميمكنش هئ هئ شعرييي كنت باغا نطولك هئ هئ الله ياربي اش هاد العقاب... (بديت كنغوت) باباااااا ياسييييين كنكرهكم هئ هئ كنكرهكم..

بقيت كنغوت ونبكي حتى تحل الباب ودخلات ملاك وامين لقاوني جالسة فالارض كنبكي شافو الشعر فيدي وفالبانيو دالحمام فهمو
ملاك: (حابسة البكية) ختي مديريش فراسك هكا ياله نوضي معايا.. انا ساكتة ودموعي نازلين حتى جا امين هزني وحطني فوق الناموسية
ملاك: حبيبة خاصك تكوني قوية
انا: كنت باغا نطول شعري هئ هئ
امين: شش صافي اختي عفاك متبكيش صبري ودبا يطواليك الشعر المهم تبراي وداكشي لاخر ماشي مهم
انا: (كنشهق) و.. واخة.....
ملاك: ياله اجي نزلو نفطرو
انا: مقديتش غير خليوني
امين: لا لا ضروري الفطور وجبة ضرورية هانا انهبط نتسناك وهاهيا ملاك تعاونك ياله نوضي ومتعييش مراتي و ولدي ولا نجي نضربك اوكي
انا: (بابتسامة باهتة) واخة
امين: كنتسناكم... مشا امين وملاك جبداتلي بيجامتي ودوبياس لبستهوم ونزلنا انا وياها فطرنا وخرجت للجردة مع كان الاحد بقيت جالسة كنرتاح حتى جا عندي سفيان
سفيان: الزين دبلادي توحشتك
انا: حتى انا توحشتك كيغادي مع السطاج
سفيان: هاحنا كنعديو ايوا كيدايرة نتي
انا: شعري بدا كيطيح فنضرك كيفاش غنكون
سفيان: (بقات فيه) مي غتبقاي الزين دبلادي.. مولات العيون الزرقا احح اقلبي فوقاش تحني عليا وتبغيني كيف كنبغيك
انا: اش غادي تبغي فيا الله يهديك شهر gااع غادي نولي قرعة ومايبقا فيا مايتشاف... ناض جلس حدايا ودور عليا يديه جبدني لعندو تكيت على صدرو
سفيان: نتي زوييينة وغتبقاي هكا ديما فعينيا واخة
انا: (بابتسامة) اووكيي
سفيان: ياله سيري لبسي حوايجك نخرجو ندوزو هاد النهار بجوج
انا: وااخة.. طلعت لبيتي لبست حوايجي وهبطت عندو

طلعت لبيتي لبست حوايجي

سفيان: نموت انا فالحمر العمر
انا: ههههه بانتلي الشمس دوخاتك
سفيان: لا جمالك لي دوخني وسالا معايا (حط يديه على قبلو) صبر دبا يجي النهار لي تحن فيه علينا
انا: ههههههههه مغاديش نجاوبك
سفيان: ايييه كدفعي كبير عليا وااااخة
انا: ومالي انا ساهلة
سفيان: لا لا نتي وااعرة عرفتي علاش
انا: علاش
سفيان: حيت معمر شي بنت قدرات تقاوم سحري وكلماتي حتى ليك نتي
انا: هههه مسكين بقيتي فيا تقتك براسك تزعزعات
سفيان: (دور يديه عليا بحال معنقني بيد وحدة وبقينا غاديين) انا عارفك بلي نتي كتقولي عليا زير نساء مي انا ماشي هكاك
انا: وشنو بالسلامة
سفيان: انا بوبنات ههههههه
انا: (ضربتو لظهرو) حتى انا حمقة حيت متبعاك
سفيان: عااارفك كتحماقي عليا شوفي قلبك كنسمعو كيضرب من هنا اواااه هدا كامل حب مخبياه عليا.. ممم صافي هانا نشوف كيفاش ندير ونتصاحب معاك منبغيكش تعدبي القطيوطة ديالي
انا: قطة تخبشك وتعضك ان شاء الله يا بوبناات
سفيان: الله يسترني المعقدة
انا: انااا معقدة
سفيان: ممم الصراحة لا مي كان خاصني نردليك الصرف ديال المعيور
انا: فاك يو
سفيان: فاك يو تو

بقينا مناكرين انا وسفيان الطريق كاملة هادي هي عادتنا منين تعرفنا على بعضياتنا وحنا فالنكير والسبان وصلنا لواحد الريسطو جهة البحر جلسنا كنهدرو ونضحكو شوية جات الكليكة تغدينا مجموعين بقينا كنهدرو حتى كنحس براسي كيضرني وشداتني شي سخفة رجعت صفرة فالبلاصة شوية كنحس بشي حاجة نازلة من نيفي حطيت يدي وانا نلقا الدم بقا كلشي كيشوف فيا وباين عليهم الخوف.. كلشي تلف وماعرفو مايديرو هز سفيان تليفون عيط لامين وجا شدني نوضني مي رجلي مابقاوش هازيني كنت غنطيح كون ماشي اكرم لي شدني من جهة لاخرة بقاو غاديين بيا خرجوني برا الريسطو والناس كاملة كتشوف فينا شوية وانا نغيب معقلت على والو...
*عند امين*
امين: عاد تفكرتيني اسلوى وعطيتيني حق نهضر حتى دبا انا مغانهضرش
الكاتبة: ايييه شفتك مبقيتي تحتارم حد متنساش بلي انا لي درتك فهادشي ويلا عصبتيني غادي نمحيك بحال الى عمرك ماكنتي
امين: احم صافي سمحيلي مي ممساليش راه نوميديا معرفت شنو واقعليها
الكاتبة: صافي صافي سير دبا حتى لمن بعد
امين: واخة.... كنت عاد خارج من المحكمة كانت عندي قضية حتى عيطلي سفيان وصدمني فاش قالي راه نوميديا كينزل ليها الدم من نيفها ورجعات صفرة مشيت كنجري ركبت طموبيلتي وكسيريت وصلت لقيتها سخفانة وهما كيحاولو يفيقوها
امين: (مخلوع) شنو وقعليها
نضال: كنا جالسين حتى بدا الدم كيخرجلها وهي تسخف... هزيتها بالزربة حطيتها فالطموبيل ركب معايا نضال والبنات اما اكرم وسفيان شدو طاكسي تابعينا... وصلنا هزها نضال ودخل كيجري وكلنا تابعينو كانت ملاك كتسنانا حيت عيطتليها فاش كنت فالطريق وبالخلعة مقدات دير والو
انا: (شديت راسها) حبيبتي ملاك تكالماي وشوفي خدمتك
ملاك: (حابسة البكية) واخة غاندير لي فجهدي.. خليتها دخلات وانا جالس كندعليها غادي تقولو مال هدا عرفها غير شي اشهر ورجع كيخاف عليها... غادي نقوليكم بلي بسباب تهوري خسرت ختي الصغيرة كون كانت مزال عايشة غتكون قد نوميديا.. حتى هي كان عندها السرطان مي كان فالمرحلة التانية وواحد النهار تعطلت فالخدمة وخليتها بوحدها فالدار فاش رجعت لقيتها طايحة ديتها للكلينيك مي كان فات الفوت وخسرت ختي تعدبت وملاك كانت واقفة بجنبي سانداتني خدينا الجتة وهبطنا للمغرب والديا كانو غيحماقو فاش ماتت.... فاش شفت نوميديا تفكرت ختي وبالاخص فاش عوداتلي على مشاكلها عتابرتها ختي وغندير جهدي حتى تبرا... هاد المرض مغاديش يربح هاد المرة..
ملاك: الحمد لله راها فاقت مي خاصها تبقا هنا فالكلينيك
انا: (تنهدت) افف الحمد لله.. دخلنا لعندها كان باين عليها العيا
سفيان: الزين دبلادي سافا خلعتيني عليك
نوميديا: (بصوت خافت) سافا حمد لله
اكرم: الحمد لله الله يشافيك
نوميديا: امييين
انا: حبيبة خوها كيبقيتي
نوميديا: مزيان حمد لله متخافوش
زينب ونهيلة: الله يشافيك اختي
نضال: (قرب عندي وباس راسي) الله يشافيك الزوينة
نوميديا: (بابتسامة) امين.. شفت زينب بحال تقلقات فهمت بلي هي كتبغيه بديت كنضحك
امين: مالكي كضحكي
نوميديا: واالو انا غنعس دبا بغيت نرتاح
امين: اوكي ختي
سفيان: صبروووو بغيت ناخدو سيلفي مجموعين
اكرم: واش وقت السيلفيات دياولك
سفيان: مبغيتيش سير فحالك انا غنتصور مع مولات العيون الزرقا
امين: ههههه اوكي ياله صورنا اسيدي... خدينا تصاور بزاف وكل مرة واحد جالس حدا نوميديا وهي كتبتاسم رغم العيا من بعد توادعنا وخرجنا خليناها ترتاح...

*عند نوميديا*
حليت عيني لقيت راسي فالكلينيك وملاك حدايا هدرات معايا شوية وهي تخرج ودخل امين والكليكة حاولو يضحكوني بادلتهم الابتسامة وخا كنت كنحس بالحريق مي مبغيتش نخلعهوم... خرجو ورجعت تكيت حتى داتني عيني.... دوزت شهر بالضبط فالكلينيك شعري طاح بقا غير شي زغبات زينب مسكينة عوناتني فالقراية واليوم اخر نهار فالامتحانات.. امين لي مكلف كيديني ويرجعني للكلينيك... مشيت دوزت خرجت لقيت امين فالباب هزني وركبني فالطموبيل
امين: كيدوزات ختي الزوينة
انا: مزيان حمد لله
امين: ان شاء الله هاد العام اتنجحي وتبقاليك غير دورة وحدة ديال القراية و لاخرة سطاج يااك
انا: ويي
امين: مزيان مبقاليكش بزاف
انا: وي داكشي.. فين غاديين هادي ماشي طريق الكلينيك
امين: بغيتك تفوجي شوية نمشيو للريسطو نتغداو بعدا عاد نشوفو فين نمشيو
انا: اوكيي خويا.. شفت فيه لقيتو كيسوg ومبتاسم لحد الان مزال معرفت علاش كيتعامل معايا هكا وصلنا للريسطو دخلنا وجلسنا جاو عندي gاع لي خدامين سلمو عليا وحتى شي كليان كانو كيتغداو شافوني وناضو سلمو عليا ودعاو معايا بالشفاء فرحت فاش لقيت ناس مزال عاقلة عليا وكتدعي معايا قالولي توحشنا صوتك مي انا منقدرش نغني معنديش الجهد اكتفيت بعزف على البيانو واحد المقطوعة كنحماق عليها ديال "beethoven-fur elise" لي كانت مفاجأة ليهم ولامين حتى هو.. كملت عزفي ورجعت جلست
امين: كل مرة كتفاجئيني
انا: هاد المقطوعة كتعجبني بزاف ديما كنعزفها حتى فدارنا واخة كان بابا كيغوت عليا
امين: صافي نساي عليك
انا: ممم بغيت نسولك
امين: ويي
انا: علاش كتعامل معايا هكا
امين: حيت كتفكريني فختي
انا: علاش نتا عندك ختك وفينهيا دبا
امين: (بحزن) عند الله
انا: ااه الله يرحمها مي شنو وقعليها
امين: كانت مريضة
انا: باش
امين: (بارتباك) غير مريضة وصافي
انا: ياك انا كنعاودليك كلشي عفاك قولي
امين: بالسرطان مي هي كانت فالمرحلة الاخيرة للاسف
انا: (نزلات دمعة من عيني) هي حتى انا غادي..
امين: (قاطعني) لا حيدي هاد الفكرة من راسك هانتي الحمد لله كتعالجي وغادي تعيشي ومنرتاح حتى نشوفك بخدمتك نتي هربتي وجيتي لهنا باش تحققي حلمك وتبيني لباباك وخوك بلي هما على خطأ ونتي قادرة تقراي وتخدمي وتبرزي ليهم شخصيتك وقوتك.. هادشي لي خاصك تفكري فيه واخة
انا: اوكي.. كملنا الغدا ومشينا للبحر جاو عندي الكليكة بقينا مجمعين فوجو عليا خدينا بزاف دالتصاور وفيديوهات بحال واحد فيه امين هازني على ظهرو وكيجري مدخلني للبحر وسفيان تابعو
سفيان: اهيا طلق الزين ديالي راه انا لي بغيت ندخلها للبحر
امين: ههههه الى شديتينا دخلها نتا.. مشاو كيتجراو وانا فظهر امين كنموت بالضحك ونضال كيصورنا... عجبني الحال كنت محتاجة هاد الخرجة وجات فوقتها.. بقينا حتى ضلام الحال عاد رجعوني للكلينيك سلمو عليا ومشاو اما امين بقا معايا كيقرالي قصة حتى سلات ملاك خدمتها سلمات عليا ومشاو...

دبا داز #عام وصلت لمرحلة انني قراعيت والحجبان والشفار مبقاوش مي بالمساندة ديال عائلتي.. اه راهم عائلتي معمرهم خلاوني ديما بجنبي.. الحاجة الزوينة ان شعري دبا بدا كينوض

الزوينة ان شعري دبا بدا كينوض

هادي اسبوعين باش قطعت الدوا حيت خاصني ندير التحاليل نشوف واش تشافيت ولا لا.. اليوم غادا للكلينيك عيطاتلي ملاك قاتلي ضروري نمشي لعندها
انا: هااي
ملاك: اهلا حبيبتي سافا
انا: حمد لله شنو كاين
ملاك: خاصنا نعاودو التحاليل
انا: علاش كاين شي مشكل
ملاك: لا غير خاصنا نعاودوهم
انا: (تنهدت) اوكي.. مشينا لمختبر التحليلات عاودت التحاليل كاملين ساليت وتوادعنا ومشيت ركبت السانسور وبديت كنبكي باينة خرجو نيكاتيف وبغاو يعاودوهم بقيت كنبكي حتى وقف السانسور ودخل واحد الشاب بوكووص كون كنت مزيانة كون شديت فيه بقا كيشوف فيا.. شوية عيطاتلي زينب
انا: (بالدارجة) الو زينب
زينب: اهلا ختي فينك
انا: كنت فالكلينيك هانا عاد خارجة
زينب: علاش مالكي
انا: (انفجرت بالبكا) طلبو مني نعاود التحاليل باينة خرجو نيكاتيف هئ هئ
زينب: شش صافي اصاحبتي ميكون غير الخير.. اجي نتلقاو دبا
انا: لا انا خاصني نمشي للخدمة دبا فالليل اجي عندي للريسطو ونهدرو
زينب: اوكي.. قطعت معاها وانا نمسح دموعي شفت فهاداك لقيتو كيشوف فيا حسيت بحال الى فايتة شايفاه مي فين مانعرف.. خرجت كنتسنى طاكسي وهو يبانلي دايز بواحد الطموبيل واعرة شاف فيا وزاد... لقيت طاكسي ركبت وصلت للريسطو مشيت نيشان بدلت حوايجي وبديت الخدمة حتى دارت 6 دالعشية ودخلت للكوزينة هزيت ناكل كملت ماكلتي وانا نخرج كنخدم وصلت لواحد الطبلة وانا نلقا هداك لي شفت الصباح فالسانسور
انا: سلام سيدي شنو بغيتي تاخد
الشخص: (بالانجليزية) سمحيلي مكنعرفش الالمانية
انا: (بالانجليزية) ماشي مشكل موسيو شنو بغيتي تاخد
الشخص: بغيت رقم 20
انا: اوكي موسيو.. مشيت خديت الطلب ديالو حطيتو ياله تمشيت جوج خطوات حتى طارت عليا زينب بتعنيقة
انا: (نقزت.. بالدارجة) افف خلعتيني الموصيبة
زينب: ههههه امالك لي يشوفك الصباح كتبكي فالتليفون ودبا كتعايريني
انا: (بحزن) متفكرينيش عفاك
زينب: (شدات يدي) انا متاكدة غادي تكوني تشافيتي تلقاهوم بغاو يتاكدو من شي حاجة وصافي متكونيش متشائمة
انا: (تنهدت) اوكي
زينب: (شافت فهاداك وهي تشوف فيا) ناري على بوكوص معمري شفتو
انا: (درت شفت فيه لقيتو كيشوف فينا ومنتابه) حيت ماشي من المانيا
زينب: اييه وكيدرتي عرفتي بالسلامة
انا: راه واقلة خدامة هنا وعاد حطيتلو العشا فاللول مفهمنيش وهدر معايا بالانجليزية
زينب: ااه وي مي بوكووص اصاحبتي
انا: ههه حمقة زيدي نمشي نبدل حوايجي راني كملت خدمتي
زينب: اوكي... مشينا لبست كسوة وخرجت لقيت دنيا عمرات مشيت لديك اللوحة لقيت الاغاني لي مصوتين عليهم كتر وبديت كنغني شفت هداك البوكوص كيشوف فيا بصدمة جابلي الضحكة كملت والناس كتصفق وكاين لي كيتصور معايا كملت وخرجت بالزربة لقيت الطموبيل كتسناني صيفطهالي امين ركبنا انا وزينب ومشينا

وصلنا بجوج للفيلا دخلت لقيت ملاك جالسة كتلعب مع ولدها صغيور وفنيون سميتو زياد
انا: وينو على حبيب عمتو لابس غير الشورط
ملاك: هههه اهلا ختي كيدرتي مع شي خدمة
انا: مزيان حمد لله
ملاك: الله يهديك كون غير جلستي قريتي قرايتك راه بقاتليك غير 3ايام على سوطنونس
انا: نو عادي انا مرتبة وقتي
ملاك: المشكلة مبغاش تخلصي راك خدامة وخاصك تاخدي رزقك
انا: نتوما لي خلصتو العلاج ديالي ومجلسيني فداركم ونزيد تخلصوني هادشي اقل حاجة نقدر نديرها
ملاك: ماتقوليش هاكا انا وامين كنعتابروك ختنا
انا: حتى انا كنعتابركوم خوتي داكشي علاش مبغيتش نتخلص منكم
ملاك: (تنهدت) نتي تعرفي اختي
انا: صافي خلينا من هاد الهدرة.. اجي احبيبي اوبلا وينو كبرتي الخايب شوف من دابا نتا محجوز غادي نزوجك بنتي عنداك تمشي تصاحب نقطعليك وديناتك.. هههه كضحك شوف انا غادي نولد بنيتة زويييونة بزاف ونتا خاصك تحميها ومتخليش الدراري يدسرو عليها.. شوف الى بغات تكمل قرايتها راه غادي نخليها تكملها دونك خاصك تسنا اوكي
ملاك: هههههه والله حتى تسطيتي ويلا ولدتي ولد
انا: نتسناو حتى نولد بنت مالك زربانة تزوجي ولدك
ملاك: لا لا سمحيلي
زينب: وانتي نوووضي نخدمو.. دوزي بعدا غير هاد البروجي وشوفي ديك الساعات الولاد
ملاك: هههه عندك الحق هي بدات تفكر فيهم من دبا
انا: شوو المغيارات دبا تشوفو بنتي كيف غتكون الطايح كثر من النايض
زينب وملاك: هههههههههههه
امين: (عاد دخل) مالكم كضحكو
انا: (دايرة راسي غضبانة) كيضحكو عليا
امين: مالكوم نتوما كضحكو على ختي
ملاك: هههه وراه هي لي بدات كتهضر مع ولدك وقاتلو نتا غتزوج بنتي وحنا قلنالها فين هاد بنتك
امين: بعدو من ختي انا غادي نزوجها لشي راجل يعرف قيمتها
انا: الله يخليك ليا اخويا... مشينا انا وزينب كل وحدة شادا بيسي كتخدم على البروجي ديالها حتى عيينا وحنا نعسو... صبح الصباح فقت دايخة مع سهرت وزيد عليها منين حيدت الدوا بدات كتشدني الدوخة فاش قلتها لملاك gاتلي حيت الجسم ديالي تعود على الدوا وغير شوية دالوقت وغادي نرجع عادية.. لبست حوايجي فطرنا وخرجت مشيت للريسطو بديت فالخدمة شوية وهو يدخل داك البوكوص عيطلي خديت من عندو طلب وهو غير كيشوف ومبتاسم حتى قلت راه يمكن مسكون.... دازت يومين مابين الخدمة والتوجاد غدا غادي ندوز ونشد ديبلوم ديالي الحمد لله وفهاد اليومين كنشوف البوكوص ديما... هاد النهار مغانمشيش نخدم حتى الليل ونمشي نغني غير حيت واحد المغني غادي يجي نغنيو انا وياه اما نجلس نراجع... دوزت النهار وانا كنوجد وراجعت مزيان كملت ودخلت دوشت لبست كسيوة فالبيض وطويلة مع مكياج خفيف خرجت شديت طاكسي.. وصلت لقيت الدنيا بدات كتعمر مي المغني مزال مجا مشيت جلست فالبيانو وبديت كنعزف مقطوعتي المفضلة كلشي سكت ومتبع معايا حتى كملت لقيتو جا وقفت هو بدا كيغني "sia- I forgive you" خديت كاس دالما شربت وانا نبدا نغني معاه كملنا تسالمنا وشكرني وهو يمشي.. غنيت اغنية اخرى كملت وانا نهز راسي وانا نتصدم

*عند ادم*
دازت عامين دبا وحتا خبار مكاينة على نوميديا ندمت كان خاصني نرفض زواجي بها.. كون رفضت كون بقات مع عائلتها مي فكرت فختي عوتاني... مخليت فين قلبت عليها ووالو استسلمت مي معمري مانسيتها واخة معاقلش على شكلها بزاف حيت داك النهار كان وجهها كامل زرق مي ريحتها بقات فنيفي مطلقتهاش حيت مزال عندي امل ترجع ونحاول نهضر معاها... تصالحنا انا وياسين ورجعنا صحاب وهادي اسبوع باش جينا لالمانيا على حساب واحد البروجي حيت بابا واب ياسين تشاركو ودمجو الشركات بجوج.. جات معانا حتى ختي سارة لي حاملة... هادي 4ايام مشيت معاها للكلينيك خليتهوم دخلوها باش دوز ودخل معاها راجلها وانا بغيت ننزل لتحت نتسناهوم دخلت للاسانسور وانا نلقا واحد البنت كتبكي شافتني وبدات كتمسح عينيها بطريقة طفولية جدباتني ليها طلعات راسها شافت فيا وانا نتشوكا دوك العنين الزورق فكروني فنوميديا اعجبت بها واخة انا كيعجبني الشعر الطويل.. شوية صونا تليفونها جبداتو وبدات كتهضر زدت تصدمت فاش عرفتها مغربية وبقات فيا فاش بدات كتبكي معرفتهاش باش مريضة صافي وصلنا وهي مشات... مشيت كنجري ركبت طموبيلتي ودزت من قدامها وقفت بعيد حتى ركبات الطاكسي تبعتها وعرفتها فين خدامة شوية عيطلي ياسين حيت خليتهم بلا طموبيل مشيت لعندهم مي فالعشية رجعت لداك الريسطو وهي تجي عندي بابتسامة خدات الطلب ديالي وهي تجي عندها صاحبتها بقاو كيهدرو وانا منتابه معاهم.. فهمت بلي هي مريضة مشاو دخلو لداخل شوية كنشوف الدنيا بدات كتعمر استغربت حتى كنشوفها خارجة بابتسامتها.. كلشي بدا كيصفق مفهمتش شنو كاين حتى شدات الميكروفون وبدات كتغني زدت تعجبت بها سلات وخرجات شفتها ركبات طموبيل زوينة مع صاحبتها بقيت تابعهوم حتى شفتها دخلات لواحد الفيلا وااعرة... رجعت كل نهار كنمشي نشوفها حتى لهاد النهار جيت مي جا معايا ياسين وختي سارة جلسنا مي مبانتليش سولت عليها واحد قالي مغادي تجي حتى ل8
ياسين: شكون هادي لي كتسول عليها
انا: احم واحد البنت الصراحة عجباتني ومكرهتش نتعرف عليها عن قرب
ياسين: هاي هااي على سي ادم
سارة: احم ونوميديا اخويا.. حدرت راسي وبديت كنفكر
ياسين: شوف اخويا ختي هربات وبانلي موحال واش اترجع فاش نرجعو للمغرب سير طلقها وعيش حياتك ميمكنش تبقى حياتك كاملة معلق
انا: يكون خير.. هزيت راسي حتى كنشوف ملاكي داخلة بكسوة بيضة جات فنة جلسات فوق الكرسي ديال البانيو عاطياني بالظهر وبدات كتعزف زدت تصدمت فيها
ياسين: (حبس من الماكلة) هاد المقطوعة كانت عزيزة على ختي ديما كتعزفها كانت كتعجبني مي واخة هكاك كنغوت عليها فاش نلقاها كتعزف
سارة: (تنهدت) معرفت فين كاينة دبا وشنو كدير... انا بقيت غير كنسمع شوية جا واحد وبداو كيغنيو بجوج.. تبورش لحمي من صوتها القوي مي لي تار انتباهي فاش ياسين سمعها وهو يدور وطرطق عينيه وسارة دايرة يديها على فمها ومصدومة
انا: ماالكم مصدومين
سارة: خويا هاديك لي كتغني هي نوميديا مراتك... تصمكت مقدرتش نهضر كيفاش دبا هادي هي نوميديا بقيت مصدوم حتى شفت ياسين واقف قدامها شافتو وهي تصدم.....

*عند نوميديا*
شفت خويا بديت كنترعد خفت بزاف وكلما كيقربلي كنحس بقلبي غيوقف
ياسين: (بحنان) ختي
انا: (حاولت نجمع قوتي وهدرت بالالمانية) شنو
ياسين: (قربلي وشد يدي) هدري معايا.. فين غبرتي وعلاش هربتي
انا: (خفت وبديت كنغوت) بعد مني انا مكنعرفكش.. سمعوني لي كارد ديال الريسطو وجاو كيجريو شدوه وشدو حتى داك البوكوص حيت كان واقف معاه مي هو غير ساكت وباينة عليه مصدوم
ياسين: (تعصب) طلقو مني ونتي اجي لهنا متحمقينيش.. شدو سارة وانا نشوف دموعها نازلين وكريشتها كبيرة شوية
انا: (مع الكارد) طلق من البنت وخرجو هادو
سارة: هئ هئ ختي نوميديا
انا: (عنقتها) توحشتك
سارة: حتى انااا... الكارد خرجو خويا وداك الولد جريت سارة جلستها وعطيتها الما شربات
سارة: فين كنتي
انا: كنت غير هنا
سارة: (وصلها ميساج من ياسين باش تصوني عليه ويسمع الحديت ديالهم ودارت داكشي لي قاليها بلا متعيق نوميديا) عاوديلي شنو درتي وفين كنتي هاد العامين
انا: فاش مشيت شكيت براجلك وداوه البوليس استغليت الفرصة وهربت جيت لالمانيا وبديت كنقرا وكنخدم صافي
سارة: ومالكي مقطعة شعرك ياك كنتي كتحلمي يكون عندك طويل
انا: (انفجرت بالبكا) هئ هئ
سارة: نوميديا ماالك جاوبيني متخلعينيش
انا: سارة هئ هئ انا مريضة
سارة: (بخوف) باش
انا: ب.. بالسرطان
سارة: (دارت يدها على فمها) واش بالصح 
انا: (بحزن) اه
سارة: فوقاش مرضتي
انا: تقريبا عام ونص راه قراعيت عاد بدا كينوضلي الشعر
سارة: كان عليك فاش مرضتي ترجعي للدار حدا عائلتك
انا: هههه ضحكتيني وخا مافيا لي يضحك اينا عائلة كتهدري عليها واش على خويا وبابا لي كيصبحو عليا بالسبان والضرب ويمسيو عليا بيه بحال الى معارفاش
سارة: مي راهم تغيرو والله
انا: انا يتيمة معندي لا اب لا اخ 
سارة: (تنهدت) وكيفاش كديري حتى تصرفي على راسك واش هاد الخلصة دالريسطو كافياك
انا: اصلا مكنتخلصش
سارة: كيفاش هي كتخدمي فابور
انا: وي
سارة: اويلي وكيفاش كديري تصرفي على راسك
انا: (تنهدت) هاد العام تقريبا دوزتو غير فالكلينيك والمصاريف كتار وواحد الشخص هو لي تكلف وانا خدامة عندو واخة نردلو غير شوية من داكشي لي دار على قبلي
سارة: ممم اوكي وكيفاش كديري تصرفي على راسك وتخلصي الكرا ونتي مكتخلصيش
انا: راني ساكنة عندو مسكين ربي صيفطولي بحال الملاك الحارس
سارة: واخة.. قاطعها المسؤول على الريسطو
سيباستيان: نوميديا فاش شفت هداك تهجم عليك ونتي كتغوتي عيطت لموسيو امين ودبا راه جا كيتسناك لتحت نزلي عندو
انا: اوكي ميرسي
سارة: شنو بغا هادا
انا: والو ياله زيدي انا خاصني نمشي للدار راني قارية
سارة: غادي نعاود نشوفك
انا: عطيني نمرتك وانا غادي نصوني عليك
سارة: (بفرحة) اوكي ******
انا: اوكي ياله باي... خرجنا انا وياها لقيت خويا وهداك واقفين حدا الطموبيل وباين عليهم الصدمة معرفت مالهم مي لي عجبني هو امين...

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.