انا: اميين.... طلعت لبيتي دخلت دوشت وصليت صلاتي وانا نعس
*عند ادم*
فاش عرفتها بلي هي نوميديا مرتي تصدمت وفرحت فنفس الوقت.. كان باين عليها الخوف فاش شافت خوها وبدات كتغوت حتى جاو الكارد ديال الريسطو خرجونا وبقات سارة معاها... صونات سارة على ياسين ودار الهوت باغلوغ.. بديت كنسمع اش كتقول مي متصورتش انها تكون مريضة بالسرطان عاد عرفت علاش كانت كتبكي فالسانسور مكرهتش ندخل نعنقها ونقوليها واخة العالم كامل يتخلى عليك انا غنبقا بجنبك سمعناهوم ايخرجو قطعنا وهبطنا من الطموبيل خرجات ونيفها حمر بالبكا كنت غادي لعندها حتى كنشوف واحد نازل ولي كاردكور دايرين بيه مشا لعندها باسها وبقاو كيهضرو شوية شدليها يدها وهبطو غاديين للطموبيل.. انا تعصبت وبقيت كارز على يدي هضر معاها ياسين وباين من جوابها انها مزال معصبة منو... جا هداك دور يديه على خصرها وهضر بالدارجة تفقصت كنت غنطير عليه مي تهدنت مبغيتهاش تكرهني حتى انا... مشات وحنا ركبنا طموبيل وزدنا
ياسين: (معصب) شكون داك الحمار
انا: (معصب كتر منو) غير سكت الله يخليك متنساش بسبابكم هربات
سارة: دبا نتوما كتفكرو غير فشكون هداك مفكرتوش فالمرض ديالها
انا: انا شفتها فالكلينيك كانت كتبكي وعلى مافهمت عاودو طلبو منها شي تحاليل وكانت خايفة تكون مزال مريضة
سارة: هئ هئ مسكينة من النهار تولدات عمرها مافرحات
ياسين: (حدر راسو) هادشي كامل وقع بسبابي انا لي عاملتها خايب وكنت قاسي معاها
انا: سارة سمعتها غدا غادي تمشي تقرا
سارة: وي داكشي لي قاتلي
انا: مممم صافي نمشيو عندها لتما
ياسين: مي حنا معارفينش فين كتقرا
انا: انا عارفها فين كتسكن كيفما قتليكم فاللول بلي هي عجباتني وكنت تبعتها.. غدا نمشيو نتسناوهوم حتى يخرجو ونتبعوها
ياسين: اوكي... وصلنا للاوطيل طلعت لبيتي دوشت ومشيت تكيت... شاد التليفون فيدي كنشوف تصاورها لي خديتهومليها بلا ماتعيق مرة كتغني مرة مبتاسمة مرة كتخنزر ههه بقيت هكاك حتى نعست..... صبح الصباح لبست حوايجي ومشينا للفيلا بقينا جالسين كنتسناو حتى شفتهم خارجين وحنا نتبعهوم.....
وصلنا وانا نشوفها نازلة بابتسامة وهو ينزل هداك دور عليها يدو بحال معنقها وداخلين مفهمتش علاش دخل معاها مي تبعناهوم حتى كنشوفها دخلات لواحد القاعة كبيرة وفيها ناس بزاف دخلنا وجلسنا مخبيين بقيت كنشوف فيها كان باين عليها التوتر وهداك كيهضر معاها حتى تعانقو حسيت بموس تغرس فقلبي.. مشا هو جلس القدام وهي طلعات للمنصة وبدات كتهضر بالانجليزية فهمت بلي اليوم غادي تقدم البروجي ديالها حسيت بفرحة حيت غنحضر ليها...
*عند نوميديا*
فقت الصباح توضيت وصليت صلاتي لبست حوايجي
وخرجت كانت ملاك بغات تمشي معايا مي عندها عملية هاد الصباح تمناتلي التوفيق ومشينا انا وامين دخلنا للقاعة
انا: اوكي.. خديت شهيق زفير وطلعت خديت الميكروفون وبديت كنهضر قدمتليهم البحت ديالي كان كلشي متبع معايا كملت وتعالات التصفيقات حسيت بالفرحة سولوني وجاوبتهم على كلشي شفت الاعجاب فعينيهم حيت هوما عارفين بالمرض ديالي والمعاناة لي مريت بها... ناض مدير الجامعة جا عندي وخدا الميكروفون
المدير: (بالانجليزية) بغيت نقول لجميع الحاضرين على هاد الطالبة المتفوقة لي بهراتنا كاملين بهاد البحث العظيم.. كلكم كتعرفو المعاناة لي دازت على نوميديا والمرض ديالها وبالرغم من هادشي قدرات تقاوم وتكمل قرايتها وهادشي كان بفضل مساعدة موسيو امين لي كان ليها السند والقوة فخباركم كان كيجي هازها على ظهرو ويدخلها تقرا ويتسناها تكمل ويرجعها وفالامتحانات كان كيجيب معاه فرملية ويتسناوها باش فحالة وقعاتليها شي حاجة ينقدوها... بصفتي انسان كنحييك موسيو امين على الانسانية ديالك تقدر تفضل معانا... ناض امين جا لعندي بابتسامة فخر فحين انا كانو دموعي نازلين مسحهوملي وباسلي راسي
امين: انا مادرت والو هدا كان واجب كواجب اخ او اب تجاه بنتو ولا ختو.. هادشي لي وصلاتلو نوميديا كان بالعزيمة ديالها وكنتمنالها التوفيق والمزيد من التألق
المدير: شكرا وهادشي لي كنتسناو منها.. نوميديا تقدري تهضري
انا: (صوتي غالب عليه البكا) شكرا موسيو على هاد الكلام لي عندك فيه الحق كون مكانش بجنبي امين كون راني ميتة ولا معرفت شنو غيوقعلي.. كنبغي نشكرو ونشكر صديقتي زينب لي كانت كتعاوني وتجيبلي ليكوغ.. كنشكر صحابي سفيان واكرم ونضال ونهيلة كنقوليهوم كنبغيكوم يا عائلتي وبلا مانسا الاخت والصديقة ملاك طبيبة ديالي... وبطبيعة الحال الاساتذة والمدير لي تفهموني وساندوني... شكرا ليكم كاملين... كلشي بدا كيصفق سلمت على المدير والاساتذة لي كانو حاضرين وخرجت لقيت الكليكة كتسناني تعانقنا كاملين
سفيان: عجبتيييني تباارك الله عليك
انا: ههههه ميرسي
نضال: مبروك الزوينة.. (فودني) اليوم فالعشية غنديرو داكشي لي تافقنا عليه مبقيتش قادر نصبر
انا: اوكي ميكون غير خاطرك.. بقيت واقفة كنهضر مع صحابي حتى كيبانلي داك البوكوص واقف كيشوف فيا ويبتاسم بادلتو الابتسامة وهو يجي لعندي..
سفيان: واغير هضر اصاحبي حتى حنا صحابها وبغينا نعرفو.. ادم وياسين حلو ودنيهم باش يسمعو اش غيقول
نضال: احم سمعو.. نوميديا فاش كانت فالمغرب وشدات الاجازة باباها وخوها منعوها تكمل قرايتها وحنا كاملين عارفين نوميديا كتحماق على شي حاجة سميتها القراية.. المهم لي زاد كفس الوضع انهم جبروها تزوج بشخص عارفة عليه حاجة وحدة بلي هو خو صاحبتها.. المهم دارو العقد مي قبل العرس قدرات تهرب وجات لالمانيا من بعد لقات الخدمة وكرات مع دانييل وجان كيفما كتعرفو.. ومن بعد تعرفات على امين بالصدفة وقوات علاقتهم كيفما كتعرفو..
نهيلة: (مصدومة) دبا هي مزوجة
نضال: والله ماعرفت مي يمكن غيكون طلقها
سفيان: ناااري
الكل: مااالك
سفيان: كنت كنقول كنبغيك لوحدة مزوجة
الكل: هههههههههههه
ادم: (رجع حمر) الحمار لاخور اش كيقول هاد الزبل
سارة: خويا تهدن ومتنساش بلي هي ممعتابرة حتى واحد فيكم ومعاقلة حتى عليك
ادم: (تزير) وشكون هاد دانييل وجان لي كانت ساكنة معاهم
ياسين: هاد البنت زادت فيه وانا غادي نرجعها للمغرب
*عند نوميديا*
بقيت من هادي لهادي حتى كملت وانا نصيفط ميساج لنضال... شوية جا والتوتر واضح عليه
انا: هادي عامين تقريبا باش جيت لالمانيا وتسجلت فماستر الطاقات المتجددة وخدمت فنفس الوقت حتى للنهار لي عرفت بالمرض ديالي ديك الساعات مقدرتش نخدم دونك معندي كندير نخلص الكرا وحتى شنو ناكل معنديش.. امين صديقي وقف معايا وجابني لدارو وتكلف بالمصاريف وكان ديما كيرفعلي المعنويات
ادم: ممم مزيان.. هي علاقتكم قوية
انا: (بابتسامة) وي بزاااف كنعتابرو كلشي فحياتي حيت هو لي حماني وساعدني فحين عائلتي لاحوني
ادم: كيفاش لاحوك
انا: زعما نتوما صحاب معاودليك والو
ادم: لا
انا: ممم زوجوني بخو سارة
ادم: وعلاش قلتي لاحوك
انا: اول حاجة بغاو يحرموني من قرايتي وتاني حاجة زوجوني بشخص مكنعرف عليه والو
ادم: ياك سارة صاحبتك كيفاش مكتعرفي عليه والو
انا: حيت كان مشا يقرا برا كنت كنشوفو فاش كنت صغيرة
ادم: وزعما مكانش كيعجبك
انا: هههه نو كنت صغيرة واصلا كنا ديما كندابزو حيت مكانش كيعيطلي بسميتي ومكانش كيعجبني الحال
ادم: دبا الى تلاقتيه شنو غيكون تصرفك معاه
انا: انا مكنكرهوش حيت مدارلي والو تاهو جبروه يتزوح بيا.. مي دار معايا واحد التصرف ملقيت كندير نشكرو وكون كنت فحالة اخرى كنت غنبقا معاه
ادم: (بفضول) شناهو هاد التصرف
انا: (بابتسامة) فاش كتبنا العقد جلسنا غير بجوج زعما باش نهضرو وكان ياسين للاسف ضاربني ولاول مرة كنحس بلي كاين راجل فظهري لي يوقف معايا ويحميني منهم فرحت بزااف
ادم: ويلا كان تعامل معاك هكا علاش هربتي
انا: ماشي حيت تعامل معايا مزيان راه غادي نبقا معاه حيت يقدر يكون كيبغي شي وحدة وانا كانو عندي طموح
ادم: ممم اوكي
انا: فخبارك كنقول بلي مزيان منين هربت حيت كون بقيت ومرضت فالمغرب كان بامكان راجلي يطلقني وخلاص بابا وياسين مغاديش يديوها فيا.. الحمد لله بعدا هنا وقفو معايا الناس
ادم: (بقات فيه) وعلاش غادي يطلقك
انا: حيت اصلا كان مجبور يتزوجني ديك الساعة ايكون عندو عذر باش يخليني ووخا نكون مكنبغيهش هادشي غادي يأثر عليا (نزلات دمعة من عيني) حيت صعيب تحس براسك وحيد ويتيم وخا عندك عائلة وانا هادشي حياتي كاملة وانا كنحس بيه
ادم: (شد يديها) متبكيش عفاك صافي نساي الماضي
انا: سمحلي صدعتك مي فاش كيتجبد هاد الموضوع كنفقد السيطرة وكنبغي غير نخوي قلبي
ادم: لا عادي انا مستاعد نسمعك فاي وقت بغيتي.. تقبلي مني هاد الرقصة
انا: اوكي... مشينا لحلبة الرقص حطيت يديا فوق كتافو وهو حط يديه على خصري بدينا كنتمايلو على انغام الموسيقى حسيت فشكل فاش كنت قريبة ليه وقلبي بدا كيضرب... انا كنشوف فعينيه لي كيحمقو واللحية مطراسية تمنيت نقيسها بيدي😍😍😍
بقينا كنرقصو واحد شوية زاد قربني ليه وانفاسو كضرب فراسي.. شوية نزل وهو يبوسني فعنقي تصدمت من هادشي لي دار وانا نبعد بالزربة
ادم: (افف ديما متسرع) سمحيلي مقصدتش
انا: ماشي مشكل نخليك هاد الساعة.. قبل مايجاوبني مشيت هزيت صاكي وخرجت ركبت مع ليكارد.. وصلت للدار طلعت نيشان لبيتي دوشت وصليت وجلست كنفكر منكدبش عليكم حسيت فشكل وعجبني الحال بقيت كنفكر فيه حتى نعست..
*عند ادم*
فاش تفارقنا انا ونوميديا مشيت للمول حتى كنشوفها هي وواحد تسالمو بلابيز معجبنيش الحال شوية مشاو للورد كنت غنمشي نضربو ونجرها من يديها مي مبغيتهاش تكرهني صبرت ومشيت للريسطو جلست حتى جا ياسين وختي.. شوية داخلة هي وهداك كيضحكو مي من بعد عرفتها غير عاوناتو باش يعتارف لحبيبتو.. زاد اعجابي بها وبيناتلي بلي هي انثى رقيقة وحساسة... فاش مشينا للريسطو وبدات كتعاودلي مكرهتش نعنقها ونقوليها انا معاك متخافيش وواخة معرفت شنو يوقع منخليكش.. وقفنا نرقصو وهي ضربني ريحتها لي مزال عاقل عليها تبنجت ومحسيت براسي حتى قربتليها وبستها فعنقها... مكرهتش نبقا هكاك حياتي كاملة محسيت براسي حتى دفعاتني وهربات.. تقلقت وفنفس الوقت فرحان حيت بستها
*عند نوميديا*
صبح الصباح فقت وحاسة بشي حاجة غادي توقع زوينة.. قلبي فرحاان وباغة غير نضحك دخلت دوشت وتوضيت صليت صلاتي وهو يدخل عندي امين
امين: صباح الخير خيتو
انا: صباح النور سافا
امين: وي مزيان ونتي
انا: حمد لله فين راجل بنتي فاق ولا مزال
امين: هههههه والله حتى حمقة
انا: دبا مالك فين غتلقاو حسن من بنتي
امين: هههه لا منلقاوش.. عندي ليك مفاجأة
انا: شناهيا
امين: حمقة راه مفاجأة ياله لبسي باش نمشيو
انا: اوكيي... خرج امين وانا لبست حوايجي عبارة عن سروال جينز وتيشورت كحل فيه رسم فالابيض هبطت فطرنا وحنا نمشيو انا وملاك وامين والفنكيش زياد.. ركبت اللور انا وحبيب عمتو الطريق كاملة وحنا كنلعبو.... وصلنا دورت وجهي وانا نلقا راسي فبلاصة الخيل كنت غنحماق بالفرحة خرجت وانا نعطي زياد لماماه ومشيت كنجري بقاو كيموتو عليا بالضحك.. مشيت ختاريت واحد الخيل فالكحل عجبني ركبت عليه وبقيت غادا شوية بدا كيجري وانا فرحانة حتى شبعت عاد حبست وجيت لعندهوم مشينا جلسنا كنشربو القهوة وكنتمنضر حتى صونا تليفون ملاك
انا: (تعصبت وبالدارجة) قلة الادب هي لي فيك.. جيت نمشي وهو يشدلي يدي وهما يجيو لي كارد كيجريو
انا: (بالدارجة) طلق من الاحسن ولا نخليهوم يفرسوك متنساش بلي دبا نتا فالحلبة ديالي يعني انا لي غالبة ماشي نتا فهمتي.. تصدم من جوابي وهو يحيد يديه مشيت دخلت اما ياسين عيط للمسؤول
سيباستيان: (بالانجليزية) وي موسيو كاين شي مشكل
ياسين: بغيت نشكي على وحدة خدامة هنا ونتمنى تجريو عليها
سيباستيان: ويي شكون هادي
ياسين: نوميديا
سيباستيان: احم سمحلي منقدرش نعاونك فهادي
ياسين: علاش
سيباستيان: نوميديا كتعرف مول الريسطو وهما صحاب الى جريت عليها غيجري عليا
ياسين: شنو سميت مول الريسطو
سيباستيان: موسيو امين
ياسين: اوكي شكرا... مشا سيباستيان وهو يشوف فادم
ياسين: دبا هي ساكنة مع مول الريسطو
ادم: (معصب حيت حتى هو شافها) افف عفاك سكت متزيدش عليا
ياسين: انا قررت غادي نرجعها معايا للمغرب...... بديت كنخدم حتى نقزو عليا دانييل وجان باسوني بجوج من حناكي
ادم: (رجع حمر) شكون هادو عوتاني
ياسين: لا لا البنت طلقات بلا قياس ورجعات كدير لي عجبها مي انا غنوقفها على حدها غير صبر
انا: توحشتكوووم
جان: علييها كتسولي فينا انا مقلق منك
انا: (عنقتو) وصافي سمحلي احبيبة اخر مرة
جان: ههههه اوكي
دانييل: اوى احبيبة كيدايرة اش كتعاودي
انا: والو غير الخدمة وصافي اجيو تجلسو نجيبلكم ماتاكلو
دانييل: اوكي... مشاو جلسو ومشيت جبتليهوم داكشي لي بغاو وجلست معاهم عطيناها غير للضحك حتى وصلت الوقيتة دالغنا عاد مشيت لبست حوايجي
وخرجت غنيت اغنية وحدة وهو يوقف الميكروفون وجا عندي واحد من السربايا ومدلي بلاطو فيه وراق هزيتهوم وبديت كنقرا وانا نطيح فالارض كنبكي....
امين: (بعدني عليه وكيمسح دموعي) مبغيتش نشوفك كتبكي مرة اخرى اوكي
انا: اه صافي واخة.. شوية طلقات التلفزة وكان فيها فيديو وانا فالكلينيك وانا ناعسة وهاد التصارور كاملين كنت فيهم قرعة... وداك النهار فاش مشينا للبحر وكان امين هازني فوق ظهرو وسفيان تابعنا وانا كنضحك.. وكل مرة حدايا شي واحد فالتصاور عرفت بلي مكنتش بوحدي..... واحد النهار كانت طلعاتلي السخانة وعندي امتحان غد ليه وجالسة مدورة بيا الكتوبة وحدايا سفيان كيديرلي الكمادات باش تهبطلي.. بقيت كنبكي فاش شفت الناس لي غير تعرفت عليهم اش دارو على قبلي فحين عائلتي تخلات عليا
سفيان: (عنقني من اللور) وبراكة من البكا
انا: (درت لعندو) هئ هئ شكرا على gاع داكشي لي درتو معايا
سفيان: علاش شحال عندنا من نوميديا غير قوليلي ياله براكة راك وسختيلي حوايجي
انا: ههههه حمق
سفيان: يااك الالة واخة
امين: (هز الميكروفون وهضر بالالمانية) سلام الاغلبية كان عارف بلي نوميديا كانت مريضة بالسرطان والحمد لله تشافات كليا... كلشي ناض لعندي كيسلمو عليا وكاين لي كيعنقني وصحابي كاملين جاو عندي
سارة: شنو واقع
ياسين: معرفتش
سارة: (بحزن) شفتي شنو داز عليها مسكينة انا نايضة نفهم من عندها... بقيت كنهضر ونسلم على الناس حتى جات عندي سارة....
انا: ههههه صافي صافي حتى انا كنبغيك... تطلقات الاغنية وجا جرني وجلسنا كنشطحو والكليكة كاملة كتشطح حتى من الناس لي كانو فالريسطو ناضو كيشطحو ضحكوني حتى كملات وانا نمشي للبيت باش نهز صاكي شوية تحل الباب ودخل ادم
ادم: مبروك عليك
انا: (عنقتو) شكرا بزااف.. حسيت بادم زاد جرني ليه وزير عليا وانفاسو كضرب فعنقي انا قلبي حسيت بيه غادي يخرج من بلاصتو.. احم ادم
ادم: (قلبني وتكاني على الحيط وكيشوف فيا بعينيه سيطر عليا) واش هداك لي قالك كنبغيك واش حتى نتي كتبغيه
انا: (مرفوعة) لا غير كنضحكو.. بدا كيقرب ليا وراسم على وجهو ابتسامة محسيت براسي حتى تلقاو شفتين دياولنا وغرقنا فبحر من الاحاسيس والمشاعر الغريبة... معرفتش كيدرت اندامجت معاه رغم جهلي فهادشي حاولت نوصلو شي حاجة لي انا براسي معارفهاش.. بعدنا من بعضياتنا رجعت مزنكة وممتيقاش بلي بالصح درتها
انا: (مزنكة) احم خليني ندوز
ادم: (هبط لودني) مالكي مزنكة واش حشمتي
انا: (حطيت يدي على صدرو) عفاك خرج
ادم: (شد يدي وباسهم) نقدر نعنقك مرة اخرى
انا: (حاسة بقلبي غادي يخرج من بلاصتو) ممم واخة.. غير وافقت وهو يعنقني حشاني فيه كان صدرو عريض بنت بحال النملة قدامو اما ريحتو بنجاتني بقينا مدة وحنا هكاك..
ادم: (فرحان) نقدرو نخرجو غدا
انا: احم معرفتش
ادم: (جبد تليفونو) عطيني نمرتك
انا: اوكي******.. باسني فحنكي وهو يمشي غير سد الباب وانا نجلس وشادة قلبي مفهمتش هادشي وقع بالزربة بقيت شوية عاد نضت هزيت صاكي وخرجت لقيت امين كيتسناني ركبت وهو يديماري حطيت راسي على الزاج وسهيت حتى فيقني امين
امين: وااا الحاجة
انا: ا.. نعام
امين: فين سهيتي من قبيلة وانا نهضر
انا: نو ماسهيت فين
امين: شي حاجة وقعات غير هضري راني حفضتك
انا: (توترت) ا.. لا موقع والو
امين: ممم اوكيي.... وصلنا للدار وهي تعرضلي ملاك عنقاتني
طلعت لبيتي دخلت دوشت وصليت صلاتي تكيت وانا نتفكر البوسة بديت كنضحك غير بوحدي بحال الهبيلة حتى نعست... صبح الصباح كان الاحد فقت على صونيط التليفون جاوبت وعينيا مغمضين
انا: تفو معندي منلبس.. بقيت نقيس ونلوح جبدت الماريو كامل رجعت بحال شي مراهقة.. واخيرا لقيت كسيوة فالابيض قصيرة مع صندالة بلا فالكحل وصاك صغير فالكحل درت مكياج صباحي وخرجت وصيت لي كارد بلا ميمشيو معايا.. وصلت للباب لقيتو كيتسناني
انا: (باستغراب) اش كدير هنا وكيدرتي عرفتي فين ساكنة
ادم: (بابتسامة) عندي مصادري الخاصة ياله اجي تركبي.. شدني من يدي ودخلني ومشا ركب
ادم: اه نسيت
انا: شنو نسيتي
ادم: (باسني فحنكي) هادي.. تزنكت وانا نسكت بقيت كنشوف فالطريق حتى لقيت راسي وصلنا لريسطو كيطل على البحر وباينة عليه زوين...
هبطنا وحنا ندخلو كان مطعم راقي جلسنا وطلبنا الفطور
ادم: (حط يديه على يدي) كيصبحتي مزيان
انا: (توترت وانا نجر يدي لعندي) وي حمد لله ونتا
ادم: مزياان الحمد لله.. مم بغيت نسولك
انا: ويي
ادم: دبا نتي ساكنة مع مول الريسطو لي خدامة عندو
انا: اه علاش هاد السؤال
ادم: (بغيرة) وعلاش دار معاك هكاك
انا: اوى بقيت فيه وصافي الحمد لله حيت لقيتو اما كون راني فالزنقة
ادم: اوكي.. جا حطلينا الفطور ومشا بدينا كناكلو والصمت يسود المكان شوية صونا تليفوني كان محطوط فوق الطبلة وهو يشوف ادم شكون كيصوني حسيت بيه تعصب وانا نهزو
انا: الو
امين: فيينك
انا: (نضت بعدت عليه) راني كنفطر مع ادم
امين: شكون هاد ادم
انا: صاحب خويا
امين: واش حماقيتي وعلاش خليتي لي كارد الى مشاو داروليك شي حاجة
انا: متخافش عليا مغايديرو والو
امين: (تنهد) اوكي مي اخر مرة فهمتي وخلي تليفونك محلول ويلا شفتي شي حاجة ماشي هي هاديك عيطيلي بالزربة
انا: هههه وااخة اخويا غير تهنا
امين: ياله بااي... رجعت جلست وانا نلقاه مزير على يديه
انا: احم مالك
ادم: لا والو ياله نمشيو
انا: فين
ادم: نتساراو شوية
انا: اوكي... خلص وركبنا طموبيل وهو يديماري بقينا غاديين حتى كنشوفو خارج من المدينة
انا: (بتوتر) فين غاديين
ادم: (بقا كيشوف فيها) مفاجأة
انا: ممم اوكي.. من بعد ساعة وصلنا لواحد البحيرة وفيها اوطيل صغير
ادم: غير هاد المرة وصافي وراه كل واحد وبيتو غير بغيت نجلسو شوية مع بعضياتنا
انا: ممم واخة.. صيفط ميساج لامين بلي غادي نعس برا وطمأن عليا ونبهني يصبح الحال نرجع للدار..... بقيت انا وادم مجمعين حتى عييت.. كنت شريت بيجامة باش ننعس فواحد المحل تما طلعت بيتي دخلت دوشت وترخيت لبست بيجامتي عبارة عن شورط والفوقاني ديالو فالحمر ياله تحشيت بلاصتي وانا نسمع الدقان مشيت حليت لقيت ادم وفيديه الشكلاط وشيبس
ادم: (طرطق عينيه كيتفحص جسدها)
انا: (كندوز يدي على وجهو) هيهووو واافين مشيتي
ادم: (تلف) ا.. شنو قلتي
انا: اش بغيتي نتا لي جاي عندي
ادم: (دفعني ودخل) جيت نتفرجو فشي فيلم كاين شي مانع
انا: ههههه لا.. سديت الباب ومشيت جلست فالفوتوي لي حداه درت فيلم اكشن تجنبا لشي لقطة خايبة بقيت متبعا معاه حتى لواحد جا ادم جلس حدايا شفت فيه وعاود شفت فالتلفزة حسيت بيديه تحطات مور ظهري وعنقني بيد وحدة
وانا بدوري حطيت راسي على كتفو وجلست كنتفرج حتى نعست....
*عند ادم*
فاش عرفتها تشافات متصوروش الفرحة ديالي قداش ولات اما منين شفت الفيديو بقا فيا الحال وتمنيت كون كنت بجنبها حيت باينة تعدبات بزاف.. حسدت امين لي من تصاور والفيديوهات باينة كان معاها خطوة بخطوة... شفتها دخلات الداخل وانا نتبعها فاش باركتليها وعنقاتني معرفتش كيفاش حتى بستها ولي زاد فرحني فاش انساجمات معايا... عرضتها تفطر معايا اليوم مي انا كان عندي مخطط اخر هو نخليها تتعرف عليا بغيتها تبغيني.. فاش تفارقنا وكل واحد مشا لبيتو دخلت بالزربة دوشت ولبست سروال دالكيطمة فالكري مع تيشورت بيض لاصق عليا لبست كلاكيطة وهزيت شيبس والشكلاط ومشيت لعندها.... حلات الباب وانا نتصمك ميمكنش هادي تكون مراتي مافيقني غير صوتها دفعتها ودخلت جلست وهي تجلس بعيدة عليا ودارت فيلم اكشن... ماحسيت براسي حتى جلست حداها وعنقتها بيد وحدة وهي بدورها حطات راسها على كتفي... شوية بانتلي ترخات طليت عليها لقيتها نعسات... هزيتها وحطيتها بلاصتها كانت بحال الملاك تكيت حداها وعنقتها بديت كندوز يدي على راسها ووجها شوية حطات راسها فوق صدري ورجلها فوقي
ادم: اديك البنت اش كاديري ياربي صبرني... عجبني الحال وانا نعنقها ونعست مي قبل حتى خديت بوستي..
*عند نوميديا*
حليت عيني كنلقا راسي معنقني شي حد طلعت راسي وانا نلقا ادم غير شفتو قفزت وهو يفيق
انا: حيت مالقيت فين نسكن وكون كان صاحبك اخ مزيان كون راني دبا فدارنا كنقرا قرايتي.. دبا غادي توصلني ولا نمشي نشد طاكسي
ادم: (تقلق) اوكي ياله... ركبنا طموبيل وشدينا الطريق فصمت وصلني للفيلا نزلت بلا منهضر معاه.. دخلت وانا نلقا امين كاعي
انا: سلام
امين: على السلامة الالة فين كنتي
انا: ياك قتليك شنو كاين
امين: وعلاش مديتيش معاك الرجال كون دارليك شي حاجة ولا داوك معاهم فين غنلقاك
انا: نو مكنضنش يديرها
امين: علاش ياك خوك ودارها ويقد يعاودها بقا غير صاحبو
انا: (دورتها فراسي ولقيت عندو الحق) ممم اوكي اخر مرة
امين: انا غير خايف عليك ونتي مزال محققتي داكشي لي باغا انا بغيتك تكوني قوية وبخدمتك عاد الى بغيتي تنزلي للمغرب عند عائلتك مغاديش نمنعك مي خاصك تبيني لباباك بلي البنت قادرة تخدم وتكافح وتوصل فين واصل الرجل
انا: عندك الحق فهادشي لي قلتي وانا مغيرتش رايي فداكشي لي باغا ندير
امين: هكاك نبغيك الزوينة ياله انا غادي للخدمة
انا: اوكيي... مشا امين وانا مشيت لبيت زياد لقيتو مع المربية خديتو من عندها وبقيت كنلعب معاه...
《غبت عن نفسي.... حتى عدت غير الذي كنت.... سنوات مرت من عمري ولم ازهر.... سنوات تمر على روحي القاحلة ولا امطر... ضياع روحي ليس بالضرورة ان يكون علامة الحزن العميق... بل حزنا على احلاما كانت بالمرتبة الاولوية..... لطالما تمنيت ان اعود طفلة في هذه الليلة فقط... لاطرق الباب على امي واخبرها بأني خائفة جدا😔😔 ... واريد الاختباء في حضنها.. خائفة انا من الحياة... هذا العالم بات مخيفا...... ماذا لو انني لم اكبر... كنت صغيرة اواجه الحياة وانا مختبئة خلف جدار آمن.... لكن الان جاء دوري واصبحت ذاتي الجدار لم اكن اريد لهذا ان يحدث ولكنه حدث... الحياة ليست كما نرسمها في مخيلتنا.. الحياة لا تهدينا حلوى ولحظات جميلة.. ولا تهب لنا اناسا طيبين... دون ان تسرقهم منا في اي وقت.. لابد ان نفقد ونتالم.. لابد ان نتعثر ونسقط....خلف هذا الالم قوة... وخلف هذا السقوط بدايات جديدة... اظن انني كبرت والكبار لا يبكون.. ولا يطرقون ابواب امهاتهم في منتصف الليل... الكبار لا يخافون من الحياة... ويجب ان يكونو متماسكين ويظهرو قوتهم امام الجميع... انا كبيييرة.. لكنني لا اريد ان اكون كذلك الان... انا كبيرة وابكي دون ان يراني احد😢😢😢... انا كبيرة يا امي... ولهذا لم اطرق بابك في منتصف الليل...》فيقني من سهوتي غير الدقان فالباب
انا: دخل
السكرتيرة: مدموزيل نوميديا الاجتماع بدا
انا: اوكي انا جايا... هزيت الملفات ديالي ومسحت الدموع لي فعينيا رسمت ابتسامة على وجهي ومشيت دخلت لقاعة الاجتماعات جلست فمكاني وبدينا.. داز مزيان كملت ومشيت هزيت صاكي وركبت طموبيلتي ومشيت للدار نتغدا حيت اليوم الجمعة وضروري من كسكسو
طه: لي يسمعك ميقولش بلي عندك اسهم فديك الشركة وميقدر حتى واحد يجري عليك
انا: وي مي عندي اجتماع من هنا نص ساعة
طه: اوكي مي نتغداو بجوح
انا: وااخة
طه: باي.. قطعت معاه ومشيت للشركة خدمت تلاقيت بطه فالغدا وطبعا ضروري شوية دالمدابزة عاد كنرتاحو..... هكا دازت سيمانة مابين الخدمة والدار وطه وامين لي كل ليلة كنهضرو وملوكتي لي حاملة دبا... اليوم الاحد عندي الراحة مافقت حتى 11 دوشت ووجدت الغدا شعلت التلفزة وبديت كنتغدا حتى دازو الاخبار وانا نتصدم جهدت الصوت وبديت كنسمع
المذيعة: تم القبض على يوسف بنيس وشريكه محمد البناني وذلك بسبب الديون المتراكمة الذي بذمتهم.. وأشارو بأنه سيتم الحجز على جميع ممتلكاتهم... كما ان ياسين بنيس وادم البناني عرضو %50 من اسهم الشركة للبيع بغية انقاذ ممتلكاتهم... صباح الغذ سيتم اخراجهم من منازلهم والحجز عليها... هل هذه نهاية رجال الاعمال يوسف بنيس ومحمد البناني.. جواب هذا السؤال بعد المحاكمة التي ستتم بعد اسبوعين..
صاحبة العيون الزرقاء الجزء الثالث
محتوى القصة
*راني منقزت حتى بارت*
التنقل بين الأجزاء