انا: بعد مني هئ هئ... بقيت جالسة كنبكي وهو واقف عليا.. الى كنتي بالصح كتبغيني خليني نخرج من هنا
ادم: (تعصب) لا الالة باغا تمشي عند هداك والله لا خليتك صافي كنظن درتليك الخاطر بزااف ودبا جلسي قبل مانزيد نتعصب ونصدق ضاربك
انا: (وقفت) ضربني اش كتسنا اصلا ولفت هادشي منكوم نتا وخويا بحال بحال وانا ميشرفنيش نكون مراتك.. غير قلت هاد الهدرة وهو يهز يديه حتى السما وصرفقني حتى طحت
انا: هئ هئ كنكرهككم.. خرج وزدح الباب وقفت كنقلب على حوايجي وصاكي حتى لقيتهم بديت كنقلب على التليفون لقيتو بديت كنحمد الله هزيتو كان عامر بليزابيل ديال امين غير صونيت وهو يجاوبني
امين: (وقف) متخافيش خلي الخط محلول على مانلقا بلاصتك
انا: واخة.... بعد دقائق
امين: صافي عرفت فينك نص ساعة نكون عندك
انا: واخة... قطعت تليفون وهو يتحل الباب ودخل ادم حدر لعندي وشد يدي
ادم: سمحيلي مقصدتش نضربك مي نتي لي عصبتيني.. عنقني حسيت بقلبي غادي يخرج من بلاصتو يمكن بالصح كنبغيه مي لا هو كدب عليا ولي كدب عليك مرة يكدب عليك 100 مرة بادلتو العناق حسيت بيه فرح مي انا كنت حزيينة... لان هدا العناق كان عناق الوداع....
بقيت معنقاه وكنشم فريحتو حتى سمعنا الصداع لتحت وهو ينوض ادم نزل غير خرج لبست حوايجي بالزربة وهبطت كان امين ولي كارد شادين ياسين وادم جا عندي امين كيجري عنقني
امين: ياكما داروليك شي حاجة😰
انا: لا ياله نمشيو.. شدني من يدي غاديين جهة الباب حتى وقفني صوت ادم
ادم: متمشيش انوميديا بقاي معايا عفاك😔😔
انا: نتا كدبتي عليا ولعبتي عليا نتا وهداك (على ياسين) منقدرش نتيق فيك مرة اخرى... خرجت قبل منسمع جوابو ركبت طموبيل وهو يديماري امين
امين: صافي براكة من البكا
انا: هئ هئ عرفتي شكون ادم😢😢
امين: شكون
انا: راجلي
امين: (وقف الطموبيل) كتبغيه
انا: هئ هئ معرفتش
امين: (عنقني) الى بغيتي دبا نرجعو لعندو
انا: لا هو لعب بيا صافي مبغيتوش😢😢
امين: (تنهد) على خاطرك.. وصلنا للدار طلعت لبيتي بقيت كنبكي حتى نعست.. صبح الصباح هبطت نفطر
امين: وانا اش كندير الى معاونتش ختي الصغيرة ونزيدك بابا وماما راه رجعو عايشين فكوريا على حساب واحد الفرع فالشركة عاد حلو جديد وبغا يوقف عليه حتى ينجح المهم من هنا يومين gاع نمشيو وديجا هضرت ليهم عليك ومتشوقين يتعرفو عليك وهاهي جابتها الفرصة
انا: (بارتياح) واخة اخويا لي بانليك.... دازت يومين جمعت فيها وراقي وحوايجي.. ادم كيجي يغوت قدام الباب حتى كيعيا ولي كارد كيجريو عليه.. كنطل عليه من البالكون وقلبي كيتقطع... اليوم غادا لمكان اخر مي لنفس السبب.. الهروب من عائلتي...
《 انا مش كتاب تقراه وترجع تحبسه جوه الدولاب
انا مش رسمة ع الحيطة
مش حاجة في الاوضة عشان تقفل عليها
انا مش خزنة تحرسها ولا قطة هتحبسها
بحجة خوف مالوش أسباب
انا #انسانة_مسؤولة
مش هقبل اكون متراقبة طول الوقت
لاني قادرة بسهولة اراقب نفسي من غير وصاية حد
حب ده ايه اللى بالاجبار وشك وغيرة باستمرار
تقرير يومي بالأخبار ودي تتسمى ازاي حياة
لازم تحسسني بوجودي
لا اسئلتك ولا ردودي هتكشفلك حقيقة
انا صدقني مفيش حاجة تمنع حد عن حاجة
مفيش غير ضميري وبس》
وصلنا للمطار نزلنا كان جو مختالف خرجنا وحنا نلقاو واحد الشاب واقف غير شافنا وهو يجي كيجري عنق امين..
طه: خويااا توحشتك
امين: حتى اناا.. كيداير وفين الواليد والوالدة سافا
طه: هههه صافي دومونديتي على الولد.. خنزرت فيه ودورت وجهي وهما بقاو كيضحكو..... جلسنا تغدينا ورحبو بيا.. دازت يومين امين وملاك رجعو ووالديه حلفو حتى نسكن معاهم وقبلت...
حاولت نقوي راسي وننساه حتى من تصاورو مسحتهم مبغيتش نلهي راسي بديت كنقرا الدكتوراة ديالي وفنفس الوقت كنخدم مي ماشي غير فشركة وحدة لا انا كندير مشاريع وكنبيعهم لي ليعطي كتر.. جمعت الفلوس ووحدة من اكبر الشركات عرضات بعض الاسهم للبيع وشريتهم وبقيت هكاك كنخدم هنا ولهيه وكنشري حتى ولات عندي %30 من الاسهم وشديت الدكتوراة ديالي ووليت كنعيط لوالدين امين ماما وبابا من بعد طلب ديالهم حيت كيفما قالو حتى هما بلي كنشبه لبنتهم الله يرحمها... دازت 3سنين شديت الدكتوراه ووليت شريكة فديك الشركة تما فين قررت نستقل بوحدي ونزيد نعتامد على راسي مي كل جمعة وبعد المرات الويكاند كندوزهم عند ماما وبابا... اما انا وطه ديما مدابزين مي عزازين على بعضياتنا..
طه كبير عليا بعام كيشبه لامين عويناتو عسليين وشعرو قوي وقهوي.. طويل ومفورمي والعضلات السداسية وديما مصاحب مع بنت فشكل.. هو دبا خدام مع باباه فالشركة..
فاش سكنت بوحدي زدت تحملت المسؤولية ونظمت وقتي.. خدمت على شخصيتي وتقت فراسي كتر.. شعري طواال وغلاضيت مي الكرش مكايناش يعني لطاي هي هادييك.. وشرفت ولات عندي 26 عام.. هادشي لي وقع ف4سنين باختصار والاهم انني معارفة حتى حاجة على ادم منكدبش عليكم انا توحشتو مي كنحاول نسا..
#الحاضر
نزلت فمطار المانيا وشديت طاكسي للدار دخلت لقيت ملاك وامين كيتسناوني سلمت عليهم وجلسنا
انا: امدرا اخويا عرفتي شي حاجة
امين: المشكلة غير فالفلوس حيت البنوك كتساليهم بزاف وسمعت غدا غادي يخرجو عائلتك لبرا وياخدو حتى طموبيلاتهم
امين: اوكي لي بغيتي مي كيغادي ديري راه الى عرفو نتي مغاديش يبغيو
انا: عارفة نتا غادي تسيفط شي حد تقة وتكتبهم بسميتك حيت حتى نتا الى شافوك ايعرفوك
امين: اوكي هي غدا نزلو للمغرب
انا: (تنهدت) اه ان شاء الله
امين: اوكي انا دبا غادي نمشي نقاد شي حاجات ونرجع
انا: اوكي
زياد: عمتي زيتي (جيتي)
انا: وينو على حبيبي كبر وولا رااجل تبارك الله اجي عطيني بوسة
زياد: (جا كيجري) مواااح
انا: الله على بوسة فنة بحالك.. بقيت كنتعاود انا وزياد حتى صونا تليفوني
انا: الو ماماا
ماما (ام امين): بنتي هضرت مع امين وعاودلي شنو وقع علاش مجتيش عندنا بعدا
انا: مبغيتش نصدعكوم غدا غادي نزل للمغرب
ام امين: اوى اش غانقوليك ابنتي الله يرضي عليك كيبقا هداك باباك ومخاصكش تفرطي فيه الله يسهل عليك ويحفضك ياربي
انا: امييين اماما محتاجة دعواتكم
ماما: راني كندعي معاك انا وباباك
اب امين: (حيدليها تليفون) بنتي الحبيبة
انا: بابا سافا
اب امين: نتي لي واش سافا
انا: حمد الله على كلشي
اب امين: هدا هو الاهم الى احتاجيتي شي حاجة متنسايش بلي انا كاين
انا: عارفة ابابا الله يخليك ليا
اب امين: ياله ابنتي الله يعاونك ونسالي شي خدمة نهبط عندك للمغرب
انا: واخة ابابا.. قطعت معاهم وبقيت مجمعة انا وملاك حتى الليل تعشيت وطلعت نعس ياله حطيت راسي وهو يصوني تليفوني
طه: افين العشيرة هربتي بلا متقوليها
انا: واش لخاطري راك عارف لي كاين
طه: ممم عاراارف بغيتي نجي عندك
انا: نو بلاش قابل خدمتك
طه: ودبا انا نبقا بوحدي معامن انتعاير.. صافي الالة من بعد يومين ولا 3ايام gاع نهبط للمغرب
انا: واخة الله يخليك ليا... قطعت معاه ونعست والابتسامة مرسومة على وجهي حيت عندي لي يوقف فظهري
صبح الصباح دخلت توضيت وصليت صلاتي لبست حوايجي وهزيت باليزتي وانا نزل لتحت فطرنا ومشينا فطيارة الخاصة ديال امين..
ملاك دخلات تنعس مع الحمل كتعيا بالزربة وانا بقيت مع زياد وامين كيقرا كتاب.... بعد ساعات وصلت لبلادي غير حطيت رجلي فالارض وانا نتفكر نهار هربت كيف كنت وكيف وليت... كنت خايفة وضعيفة دبا لا انا عارفة اش كندير وقادرة نواجه كلشي.. مشينا للاوطيل غير دخلت بيتي وانا نعيط لماما
ماما: الو
انا: الو ماما
ماما: بنتي لباس عليك
انا: الحمد الله انا فالمغرب
ماما: (بفرحة) بالصح ابنتي
انا: اه اماما فينك بغيت نجي عندك راه توحشتك بزااف
ماما: راه خرجنا من الفيلا ودبا جينا لواحد الاوطيل
انا: تقدري تخرجي نتلقاو
ماما: اه ابنتي فين نجي
انا: نتلقاو ف*****
ماما: واخة نص ساعة نكون تما
انا: اوكي ماما.... مشيت عند امين
انا: خويا انا غنمشي نشوف ماما
امين: واخة اختي سلميلي عليها
انا: مرحبا بسلامك.. اجي بعدا مزال مهضروليك على الدار لي بغيت نشري
امين: راه فالعشية غادي نتلقاه باش نشوفو ونيت تكوني رجعتي باش تشوفي الى عجباتك
انا: اوكي انا غادا دبا... هبطت ركبت الطاكسي وصلت للريسطو ونزلت دخلت ملقيتهاش وانا نجلس كنتسناها شوية بانتلي داخلة كيف العادة انيقة مي هاد المرة صفرة وباين عليها الحزن وضعافت مشيت كنجري لعندها عنقتها وبقينا كنبكيو بجوج
ماما: (كتبوس يدي) بنتي توحشتك 😢😢😢
انا: حتى انا توحشتك.. بست وجها كامل ويديها وانا نعنقها... احح عاد دبا ارتاحيت وكملات فرحتي فاش شفتك.. جريتها جلسنا
ماما: (شادة يدي وبابتسامة) تبارك الله كبرتي وزيانيتي
انا: نعيا ما نزيان منوصلش قدك
ماما: هههه لسانك حلو كيف العادة😍😍
انا: تعلمت منك احبيبتي
ماما: الله يرضي عليك
انا: اميين.. ماما غدا ان شاء الله انكون خديت دار وسيري جلسي فيها نتي وهادوك غير على مانقاد الامور وترجعي لدارك معززة مكرمة
ماما: واخة ابنتي... طلبنا الغدا كلينا وهضرنا وضحكنا حتى شبعنا شديت طاكسي وصلتها للاوطيل ورجعت لقيت امين كيتسناني مشينا انا وياه عند داك السيد كانت الفيلا كبيرة وفنة حمقاتني وفيها جردة كبيرة وكاين 2 ديال لابيسين واحد لداخل ولاخر برا
صبح الصباح مشيت للفيلا وامين كان عيط على شركة التنظيف صيفطولينا 6 دالبنات باش نساليو بالزربة بقيت انا معاهم وكنتسناو الفراش اما امين مشا يقاد اجراءات ديال الملكية.... تسيقات الفيلة رجعات كتشعل وجاو الناس ديال الفراش اوى بدينا كنقادو وحتى دوك الرجال عاونونا مكملت حتى ل5 عيطت لماما
انا: الو ماما واش جمعتو حوايجكم
ماما: اه ابنتي
انا: اوكي انا انصيفط ليكم 2طموبيلات تجيبكم وحتى نتلقاو من بعد
ماما: واخة ابنتي الله يرضي عليك
انا: اميين... مشيت خلصتهم كاملين وخليت 2بنات
انا: نتوما غادي تبقاو بغيتكم دبا تمشيو توجدو كاسكروط وفالعشية غادي تسولو هاد السيدة (وريتهم تصويرة ماما) على شنو ديرو العشا وفاش تساليو خدمتكم الشيفور غادي يوصلكوم لديوركم وبغيتكم الصباح تجيو عوتاني ومتهضرو مع حد ولي سولكم شكون مول الفيلا قوليلهم سمية لي غتقوليك المراة لي وريتك فالتصويرة اوكي
الكل: وااخة... خرجت مشيت نيشان للاوطيل دخلت دوشت ومشيت عند ملاك
انا: ختي كيف بقيتي
ملاك: سافا حمد الله ولا فيا غير النعاس
انا: اوى نخليك ترتاحي انا ندي معايا زياد باش تنعسي
ملاك: واخة اختي شكرا.. هزيت زياد ودخلت للبيت عطيتو طابليط جلس كيلعب وانا هزيت تليفوني حليت بديت كنشوف الكاميرات ديال الفيلا اول واحد شفتو هو ادم قلبي بدا كيضرب كبر وزيان وولا مفورمي محسيت براسي حتى بديت كنبكي
زياد: (كيمسح دموعي) متبكيس عفاك
انا: (عنقتو) لا مكنبكيش ياله اجي نزلو نتعشاو
زياد: واحة.. لحت عليا غير واحد الكاب وهزيت زياد وانا نزل دخلت للريسطو طلبت داكشي لي بغيت وجلست كناكل انا وزياد.... كملنا وحنا نطلعو نعسنا بجوج حتى الصباح مافيقنا غير الدقان فالباب فقت مقلوبة وكنحك عيني حليت الباب لقيت امين
امين: هههه فنيكيشة مزال ناعسة
انا: (رجعت لبلاصتي) راه عييت
امين: (باس ولدو) اش درتي ليه حتى نعس راه ديما فايق بكري
انا: هههه راه انا نسيبتو ضروري مايسمع لهدرتي الى بغاني نزوجو بنتي
امين: ههههه حمقة انا جيت نقوليك بلي اليوم مع 2 كاين اجتماع باش نشريو الاسهم وهدرت مع واحد الصديق محامي ايمشي يشريهوم ويكتبهوم بسميتي
انا: اوكي هي نوض نعطيك الشيك
امين: مي خاصني نعطيه شيك بسميتي
انا: واخة انا نعطيهليك ونتا كتب شيك ديالك بسميتك
امين: اوكي حتى هدا نظر عطيهلي باش نحول الفلوس للكونط ديالي دبا
انا: خفت يكون بحال خويا.. خفت يحبسني فالدار.. خفت يضربني كيفما صرفقني ديك المرة.. انا املاك عشت فدار دكورية بلا قياس ويلا درت غلط صغير كنت كنتعاقب بالعصا ممستعداش نعيش حياتي كاملة هكاك😔😔
ملاك: مكنظنش على حساب داكشي لي عاودتيلي وداك النهار فاش مشيتو لداك الاوطيل ونعستي حداه كون كان خايب كون اغتاصبك كتبقاي مراتو وديك الساعات يجبرك تجلسي معاه مي لا مقاسكش... الى كان مزال مطلقك حاولي تنقدي الحب ديالك هادي نصيحة مني.. تبارك الله دبا حققتي حلمك وعندك اسهم فشركة من اكبر الشركات فكوريا وغادي تشري النص فشركة دباباك.. ايجي نهار لي تندمي فيه حيت معتارفتيش ليه
انا: (تنهدت) هادشي كامل لي قلتي عندك الحق فيه.. مي الى كان طلقني
ملاك: ديك الساعات شوفي واش مزوج الى متزوجش راه مزال عندك امل
انا: اففف الى هزيت هادشي غادي نبقا على الضس ومزال بغا ناخد طموبيل وزيد وزيد.. جلست كنفكر لقيت حل واحد ندير داكشي لي كنت كندير شحال هادي نقاد شي مشروع ونبيعو هدا هو الحل...
ديك الليلة سهرت عليه خاصني شي فكرة واعرة باش يجيب الثمن بقيت حتى اذن الفجر نضت صليت عاد نعست... صبح الصباح مافقت حتى 10 دالصباح... طلبت الفطور فطرت غير فبيتي وبقيت خدامة على البروجي حتى جات عندي ملاك
ملاك: اش كديري على الصباح
انا: كنخدم على واحد البروجي خاصني نكملو فأسرع وقت باش نبيعو
ملاك: وعلاش
انا: مزال خاصني الفلوس باش بابا يقدر يخرج من الحبس
ملاك: الى محتاجة الفلوس نطلبو من امين
انا: لا براكة غير وقفتو معايا
ملاك: ممم اوكي اوى عرفتي شي حاجة على ادم
انا: (😢😢) متفكرنيش
ملاك: (جات لعندي) ماالك واش طلقك
انا: هئ هئ لا
ملاك: وماالك
انا: هو خاطب شي بنت
ملاك: اويلي وعلاش باقي مزوج بيك
انا: وهادشي لي معرفتش
ملاك: بانتلي هاد الخطوبة فشكل حيت كون كان كيبغيها كون طلقك وتهنا مي هو بقا مزوج بيك دونك مزال كيبغيك
ملاك: موااح عليك الزين... لبست حوايجي ونزلت لتحت سولت ريسيبشن على شي محل كيبيع شكلاط ومن حسن الحظ لقيتو غير عندهم مشا يجيبولي واحد وانا جلست كنتسنا... خديتو من عندو جيت نمشي وانا نتساطح مع شي حيط حتى طاحلي الشكلاط من يدي حدرنا بجوج باش نهزوه
الشخص: سمحيلي
انا: ماشي مشكل.. وقفت وانا نشوف فيه كان بوكووص وسمر كيفما كيعجبني
انا: عارفة اباباتي ياله اجي نتعشاو راه غنموت بالجوع
ماما: ههههه زيدي... تعشينا وطلعت لبيتي نعست صبح الصباح ومشيت لgاع الشركات خبرتهوم بلي عندي مشروع باغا نبيعو ودبا غادي نتسنا شي حد يعيطلي..... دازت 3ايام وهي تعيطلي واحد الشركة لبست حوايجي ومشيت عرضتو عليهم وعجبهوم تافقنا على الفلوس وعطاوني كتر ماكنت باغا فرحت مضينا العقد وخديت الشيك.. رجعت للدار فرحانة
انا: مامااا صافي بعت المشروع ديالي😍😍
ماما: مبرووك عليك حبيبتي
انا: الله يبارك فيك دبا خاصني نهبط للمغرب راه غدا المحاكمة
ماما: صافي ابنتي نتغداو ونمشيو
انا: واخة اماما نمشي دبا لداري نجيب شي حوايج ونجي على مايكون بابا جا باش نتغداو مجموعين
ماما: واخة.. مشيت للدار بالزربة جمعت الحوايج ورجعت لقيتهم كيحطو الغدا تغدينا ومشينا ركبنا فالطائرة الخاصة ديال بابا... من بعد ساعات وصلت مشينا للاوطيل نيشان لقيت امين كيتسناني..
انا: خويا امضرا شنو درتي
امين: غير صيفطتي الفلوس مشيت نيشان عند اخر بنكا كتسال باباك وخلصتهم و وقعو على الوراق صافي دبا باباك مكايسالوه والو غدا خاصنا نصيفطو غير الوراق للقاضي وغادي يخرج غدا وحتى الممتلكات ديالهم غادي يتم الافراج عليها
انا: الحمد لله ياربي شكرا خيرك عمري ننساه
امين: راكي ختي متبقايش تقولي هاد الهضرة.. عنقتو وانا كنحمد الله حيت ربي وقف فطريقي واحد بحال امين
طه: كتعانقو بلا بيا... تلاح علينا وعنقنا بجوج حتى تخنقت
انا: كح كح حيد راك خنقتيني
طه: عارفك كتبغيني غير كتحشمي مني
امين: هههه بااز لوجهك اخويا مكتقشرش
طه: مالي بصلة سير اولدي عند مراتك وخليني مع حبيبتي
انا: الله يعطيك حبوبة بعد مني.. طلعت لبيتي كنجري جا يتبعني وهو يشدو امين دخلت لبيتي وانا كنلهث.. جلست رتاحيت شوية عاد دخلت للدوش رتاحيت فيه وانا نعيط لماما
انا: الو حبيبتي
ماما: اهلا بنتي لباس عليك
انا: حمد لله ونتي
ماما: حمد لله على كلشي
انا: اوى شنو درتو فداكشي لي بقا فالديون
ماما: (بحزن) حتى واحد مابغا يسلف الدراري حتى الغدا ونشوفو اش غايدير القاضي مي غالبا ايبيعو الفيلات
انا: ماما انقوليك واحد الحاجة مي متقوليها لحد
ماما: شنو ابنتي
انا: راني خلصت داكشي لي بقا غدا غادي نصيفط مع المحامي الوراق وبابا غادي يخرج
ماما: (بفرحة) بالصح ابنتي
انا: اه اماما هاهوما الوراق بين يدي وغدا غنصيفطهوم
تلاقينا بداك المحامي عطيناه الوراق ودخلت لقاعة المحكمة جلست اللور انا وامين من بعد دقائق بدات الجلسة وانا نشوف بابا لي كبر والشيب غطا راسو جاتني البكية مكرهتش نعنقو.. بانلي خويا وادم جالسين وباين عليهم التوتر شيرت للمحامي وهو يوقف مشا لعند القاضي مدلو الوراق
القاضي: (قرا الوراق) هاد الوراق كتبين بلي مبقا حتى دين على يوسف بنيس ومحمد البناني وبهذا قررت المحكمة الافراج عليكما.... بابا وعمي بداو كيضحكو وتعانقو حتى من الدراري فرحو وخا مستغربين وانا نشوفهم كيهضرو مع المحامي
انا: ياله نمشيو قبل مايشوفونا
امين: اوكي ياله زيدي... مشينا للاوطيل وكلشي فرحلي وباركولي بقينا جالسين مجمعين حتى الليل وهي تعيطلي ماما خبراتني بلي راه خرجو من الفيلا وحنا نجمعو حوايجنا وهبطنا لداري طيبت انا ومامات امين العشا تعشينا وكل واحد مشا لبيتو نعس....
*عند ادم*
#قبل_4_سنين.. كنت متكي حتى دخل ياسين هاز نوميديا نضت قافز
انا: شنو درتي
ياسين: خليني نحطها فشي بيت ونجي نهضر معاك.. طلع وتبعاتو سارة بقيت جالس كنتسناهم حتى نزل
انا: هضر شنو وقع لنوميديا
ياسين: خطفتها
انا: كيفاااش واش تسطيتي
ياسين: لا هادشي كان خاصك ديرو نتا مي شفتك ممسوقش وانا نوض نديرو
انا: ونتا شغلك يااك مرتي هاديك.. وفين لقيتيها
ياسين: هاك تليفونك راني صيفط ليها ميساج منو
انا: دبا هي يسحابليها انا لي خطفتها
ياسين: وصافي اصاحبي اش غادير gاع.. سكت ومشيت طلعت لعندها لقيتها ناعسة بحال الملاك جلست حداها وانا كنتأمل تفاصيل وجهها وخايف من ردة فعلها.. بستها فراسها وانا نزل بقيت جالس كنفكر فشنو غاندير حتى نزلات كانت خايفة مي فاش عرفاتني راجلها تصدمات قربتليها وهي تبعد بغات تهرب مي ياسين شدها.. بقات كتغوت حتى سخفات مشيت هزيتها وطلعتها للبيت مسحتليها دموعها وتكيت حداها وانا معنقها خايفها تكرهني وتهرب مني... فاش فاقت وعايراتني صبرت مي غير قالت انها ميشرفهاش تكون مراتي تعصبت وضربتها.... جا امين داها قدام عيني ومقدرت ندير والو.... قلبت عليها ومشيت حتى لعند امين مي ملقيتهاش قالي راه جمعات حوايجها ومشات معرفش فينها.. متأكد انه عارف داكشي علاش بقيت كنراقبو لمدة شهر ووالو استسلمت ورجعت للمغرب.. دازت 4سنين توحشتها بزاف وكل ليلة كنتفرج فتصاورنا حتى لهادي شهر صدمني بابا
بابا: سمع نتا غادي تخطب نسرين
انا: علاش
بابا: حيت هي بنت مزيانة ونتا مغتبقاش حياتك كاملة كتسنا فهاديك راك كبرتي وبغيت نشوف ولادك حتى انا
انا: لا ابابا انا مباغيش
بابا: ها السخط ها الرضى.. مشا وخلاني غارق منقدرش نتخيل راسي عايش مع شي وحدة من غير نوميديا ميمكنش.. ضغطت على راسي ومشيت خطبتها مي حلفت مانطلق نوميديا... اب نوميديا فاش عرف بلي كانت مريضة بالسرطان سخفلينا حتى ديناه للصبيطار وساق الخبار لداكشي لي دار ياسين معاها غوت عليه
اب نوميديا: (الله على بنتي تعدبات بوحدها كان عليا نكون معاها😔😔) هادي اخر مرة تقربليها فحالة رجعات للدار متهضرش معاها خليني مني ليها
ياسين: (حادر راسو) واخة ابابا... وقعات ازمة فالشركة وبابا وعمي تشدو اضطرينا انا وياسين نعرضو %50 من الاسهم للبيع مي مكفاتناش صافي قلنا راه غادي يبيعو داكشي حتى يكمل 200 مليون مي فجأة كنشوف داك المحامي ديال الشريك ديالنا مشا عطا شي وراق للقاضي لي من بعد عرفت بلي هما براءة بابا وعمي فرحت مي استغربت كان غادي فحالو حتى شديتو
انا: عفاك نسولك
المحامي: وي تفضل
انا: شكون خلص الباقي ديال الدين
المحامي: الشريك ديالكم
انا: (باستغراب) وعلاش خلص شنو غادي يستافد
المحامي: منعرف حتى تلقاه وسولو نخليك دبا... مشا وخلاني حاير علاش زعما عطانا الفلوس... تسنيناهم حتى خرجو ومشينا لفيلا ديال صاحبة خالتي بصراحة حمقاتني الفيلا وحتى الطريقة باش مفرشة واعرة وشبابية غالب عليها الطابع الانثوي... تغدينا وجمعنا حوايجنا رجعنا لديورنا وحنا مقررين من هنا يومين نديرو حفلة ونستقبلو الشريك ديالنا باش نتعرفو عليه ونفهم علاش خلص علينا الديون...
*عند نوميديا*
وصلني ميساج من المحامي خبرني بلي من هنا يومين بابا داير حفل للتعرف على شريكو صيفطلو الموافقة ديالي..
امين: دبا صافي قررتي تمشي وتبانيلهوم
انا: اه تخبعت بما فيه الكفاية دبا راني كبرت الحمد لله مبقيتش صغيرة باش نخاف منهم
امين: مي فعينيا ديما ختي الصغيورة
انا: عارفة الله يخليك ليا
طه: نمشي معاك للحفلة
انا: ويلا مامشتيش نتا شكون غيمشي
طه: شفتي اخويا راه قتليك كتبغيني مي حشمانة
انا: الله يعطينا وجهك وناري متبقاش تقول هكاك ها العار
ادم: من بعد ونهضرو فهادشي.. مشيت وخليتها مصدومة عارفها طماعة.. سلام موسيو احمد
المحامي: وعليكم السلام كيدايرين
ياسين: حمد لله فين الشريك مزال مجا راه الصحافة من قبيلة وهي كتسنا
المحامي: راها فالطريق مابقا والو وتوصل
ادم: (باستغراب) شكون هادي
المحامي: الشريكة ديالكم
اب نوميديا: علاش ماشي راجل
المحامي: لا
ياسين: شنو سميتها
المحامي: (دار وهو يشوفها داخلة) هاهي نوميديا بنيس... كلشي تلفت ومصدوم.. انا بقيت غير كنشوف ممصدقش عيني واش حبيبتي لي قدام عيني دبا مي غير شفتها شادة فهداك امين تعصبت وعرفتو تفلا علينا وكان عارفها فين كاينة... سهيت فيها زادت زيانت وشعرها طوال مكرهتش نمشي نعنقها دبا...
*عند نوميديا*
دخلت اول واحد طاحت عيني عليه هو حبيبي ادم لي كبر وزيان وزاد تفورما، اللحية مطراسية هربت عيني بالزربة باش منضعفش.. زير امين على يدي بحال كيقولي انا معاك ومن جهة لاخرة كاين طه لي طمني بعينيه... طه شخص رائع واخة هبيل وكيدير زبايل مي وقت الجد راااجل.. وصلنا عندهم
انا: (بتقة) السلام
بابا: بنتي.. جا عندي وعنقني ياااه شحال كنت منتظرة هاد العناق 20 عام وانا حداك كنتمنى تعنقني حتى لدابا عاد فقتي مي تعطلتي ابابا تعطلتي بزاااف هادشي كامل قلتو غير فخاطري
بابا: تبارك الله كبرتي.. توحشتك بزاف ماماك غادي تفرح فاش تشوفك.... نغزت امين حيت الى زاد هضرة وحدة غادي نضعف ونبكي
امين: نوميديا كنظن الصحافة من قبيلة وهي كتسناك سيري طلعي قدميلهم راسك
الصحافي1: انسة نوميديا بنيس (حيت ديجا المحامي قاليهم شكون انا وخداو من عندو معلومات) كيفما كنعرفو بلي نتي ابنة سي يوسف بنيس مي فين كنتي هاد المدة كاملة
انا: (بابتسامة) كنت كنقرا وكنخدم
الصحافي2: فين قريتي انسة نوميديا
انا: قريت الماستر ديالي فالمانيا وكملت الدكتوراة فكوريا الجنوبية
الصحافي1: بطبيعة الحال حيت باباك رجل اعمال غادي تقراي برا فاحسن المدارس
انا: هههه لا يمكن هو ساعدني ففلوس الطيارة باش نسافر اه متافقة معاك مي غير حطيت رجلي فالمانيا خدمت وكافحت بوحدي حتى وصلت
الصحافي3: اه انا عرفت بلي كنتي خدامة فواحد الريسطو وفالليل كنتي كتغني حتى رجع داك الريسطو مشهور كثر
انا: اه خدمت فيه تقريبا عام ونص من بعد مشيت لكوريا وخدمت فشركة وفنفس الوقت كنقرا الدكتوراة
الصحافي2: اخر سؤال لمن كتهدي نجاحك
انا: لخويا وبابا اكثر شخصين وقفو بجنبي بلا مانسا ماما لي بدعواتها انا وصلت لهنا... بابا كان كيقولي ديما بلي البنت خاصها تقرا وتكون راسها وشخصيتها قبل ماتفكر فالزواج حيت قبل من اي حاجة هي انسان مسؤول بحالها بحال الرجل (شفت فبابا لي حدر راسو) وتقدر توصل لحوايج موصلهومش الرجل.. كان صديق ليا هو وخويا ومن هاد المنبر كنبغي نشكرهوم وكنقوليهم كنبغيكم بزااف.. شفت فامين لقيتو كيبتاسم ومفتاخر بيا حيت هاد الهضرة كاملة قلتها عليه هو وباباه لي حماوني واستقبلوني فدارهم..
نزلت والناس كيسلمو عليا حتى وقفني واحد الشاب
....: سلام
انا: وعليكم السلام
...: متقوليلش نسيتيني
انا: (بقيت كنفكر) ااه جود ياك
جود: وي سافا
انا: حمد الله ونتا
جود: مزيان.. ايوا دبا نوميديا هي ابنة سي يوسف بنيس
انا: (بابتسامة) وي اش كادير نتا هنا
جود: انا صاحب خوك وادم نسيب خوك
انا: اه مزيان نخليك دبا
جود: اوكي.. مشيت وهو يشدني طه
طه: اجي لمك علاش مشكرتنيش انا شكرتي غير امين وبابا
انا: (جمعت يدي عندي) علاش بالسلامة نشكرك على الصداع لي كاديرلي فاش كنبغي نقرا ولا على كل نهار والمعيور لي كتعطيني
طه: هاي هاي لي يسمعك يقول انا ضالمك راني مزال منسيتش قضية ديال لابيسين غير بلاتي والله تانردهاليك
صاحبة العيون الزرقاء الجزء الرابع
محتوى القصة
التنقل بين الأجزاء