انا: (جريت يدي) واش حماقيتي شكون نتا gاع ياكما البوليس.. ياله خرج عليا قبل مانغوت..... حدر راسو وخرج دخلات العائلة
ماما: بنتي مالك صفرة
انا: والو اماما بغيت نخرج اليوم
ماما: علاش ابنتي
انا: تخنقت فهاد الجو
ياسين: واخة اختي هانا نهضر معاهم... مشا شوية ورجع.. ياله بامكانا نخرجو دبا... جا خويا هزني عجبني الحال حيت اول مرة نكون قريبة ليه هبطنا وجلسني القدام باش نطلق رجلي وركب بابا وماما اللور
انا: هادي ماشي الطريق ديال داري
ياسين: نتي دبا غتمشي لدارك فوسط عائلتك منقدروش نخليوك بوحدك واصلا خاص لي يقابلك
انا: واخة... وصلنا للدار جا خويا هزني جلسني فالصالون وهو خدا سوارت ديال الدار من عند ماما ومشا يجيبلي الحوايج بقيت مجمعة مع سارة وماما والبنيتة حتى جا كنت عيانة هزني لبيتي لي غير دخلتليها تفكرت كلشي حطني وجات سارة عاوناتني لبست.. طلعولي العشا كليت وانا نعس...
انا: هدا هو المكتاب.. شوية تحل الباب كان ياسين وادم بقاو كيشوفو فجان لي متكي على كرشي.. هادي عادتو فاش كيبغي يعاود لشي حد هكا كيدير... شفت ادم رجع حمر وباينة عليه معصب
جان: ويلي حبيبة مالكي كضحكي بانلي الضرب لي كليتي اثر عليك
ياسين: اه بعدا مقلتيليش شكون ضربك
جان: المنافس ديالها داتلو واحد المناقصة
ياسين: (بالدارجة) شكون هاد الحماار غير قولي وانا ناخذليك حقك
انا: متخممش صافي ماشي مشكل
ادم: نقدر نهضر معاها بوحدي
ياسين: خود راحتك.. جان اجي معايا
جان: اوكي.... خرجو ومشا ادم سد الباب بالساروت وجا لعندي
انا: شنو بغيتي
ادم: شكون لي وصلك لهاد الحالة
انا: راني عييت وبغيت نعس
ادم: اوكي نعسي... غطيت وجهي ودرت راسي ناعسة حسيت بيه وقف ومشا شوية حسيت بيه جا من جهة لاخرة وتحشا من تحت الغطا شفت رجليه بديت كنترعد وكلما كيقرب قلبي كيبدا يضرب... دخل راسو من تحت الغطا
ادم: اوى غانبقاو نلعبو هنا
انا: (بديت كنرمش) سير فحالك... خرجت راسي من الغطا وهو يجي تكا على كرشي
ادم: هاد الكرش ديالي بوحدي وانا لي من حقي نتكا فوقها وهنا فين غيكبرو ولادي
انا: (غنطرطق بالفرحة) نوض عليا
ادم: (زير عليا) فاش كان داك *امل متكي مقلتيلو والو وانا لي راجلك كدفعي فيا
انا: نتا قريب غادي طلقني.. وقف مخنزر وشد الفك ديالي زير عليا حتى قلت تهرس
ادم: الطلاق عمرك تحلمي بيه سمعتي ويلا عاودتي قلتيها غادي نهرسليك الرجل التانية... ناض خرج وزدح الباب حتى قفزت من بلاصتي... تجبدت حتى شديت العكاكز وانا نوض غير بشوية حليت الباب وبقيت غادا لقيت ادم شانق على جان كيفما توقعت
انا: اويلي بعد منو.. مداهاش فيا ومشيت لعندو كنجر فيه ووالو لصق فيه ولاخور بدا كيكحب... ياسيييييين.... جا كيجري شافهم وفكهم
بابا: سير تنعس خود راحتك غير هو متقربليش... مشا جان وخلا ماما كتموت بالضحك طلع تحشا حدا نوميديا لي كانت غارقة فنومها ونعس.... فقت شفت الساعة لقيتها 9 دالليل هزيت تليفوني عيطت لماما طلعات عندي
ماما: بنتي اش بغيتي
انا: جاني الجوع بغيت بيتزا
ماما: هههه واخة هانا غادي ندموندي عليها بغيتي تنزلي لتحت
انا: مكرهتش مليت
ماما: واخة انا نعيط لخوك... مشات وجا خويا هزني
ياسين: هدا مغاينزلش
انا: غير خليه ناعس الى فاق غادي يطبخلي راسي بالهضرة على دانييل
سارة: (تنهدت) نتي صاحبتي اه وعتابرتك ختي ودرت شي حوايج نتي معارفاهمش على قبلك باش تكوني مرتاحة فحياتك مي هداك لي كضلي تعايريه وذليه راه خويا ومنقبلش ديرلو شي وحدة هكاك كيفما كانت
انا: سمعيني هو خاطب دبا
سارة: (قاطعاتني) ياك نتي لي هربتي منو.. ندوزو المرة اللولة مكنتيش كتعرفيه من حقك مي فاش تعرفتي عليه وخليتيه يزيد يبغيك مشيتي خليتيه كيتعذب.. الى جيتي تحاسبي شي حد حاسبي راسك هو اللول حيت كون بقيتي معاه انا متأكدة مغيشوف فحتى وحدة... وحتى دبا ياك قلتيلو ميعاودش يجي لهاد الدار وراه مغايعاودش يجي حتى هو عندو كرامتو.. نخليك ترتاحي بونوي.... طلعات وخلاتني مصدومة ودموعي على طرف عيني
انا: احم واش انا غلطت فاش هضرت مع ادم بديك الطريقة
ياسين: الصراحة اه واخة تكوني ممعتابراهش راجلك مي كان عليك تحتارميه حيت اول حاجة مدارليك والو وثانيا كنظن كيبغيك حيت بقا وفي ليك لمدة 6سنين وحلف مايطلقك
انا: ياك هو خطب دونك نساني
ياسين: عمي محمد قالو ها السخط ها الرضى باش يخطب نسرين.. الى كنتي كتبغيه نصيحة مني تجمعي نتي وياه ومتبقايش مقصحة راسك حيت انا متاكد مغاديش تلقاي واحد بحالو
انا: واخة.. باس راسي ومشا بقيت جالسة كنفكر حتى بداو عيني كيتسدو ماحسيت تارجعت راسي اللور ونعست.... شوية خرج ياسين يطل عليها لقاها ناعسة هزها
ياسين: سمحيلي اختي انا لي وصلتك لهاد الحالة مي كنت باغي نحميك وكون تحطيت فنفس الموقف غادي ندير داكشي لي درت... دخل لقا جان فسابع نومة حطها حداه باسليها راسها وغطاها وخرج... دخل عند مرتو لقاها متكية كتشوف فالسقف
ياسين: حبيبة مالك
سارة: والو😔
ياسين: (قرب لعندها) ياك انا حبيبك ياله قوليي
سارة: بقا فيا خويا مسكين
ياسين: علاش مالو
سارة: مسمعتيش ختك اش قالتليه ماشي حشومة عليها.. انا شوهت راسي على قبلها وهدا هو جزائي
ياسين: شش اخر مرة نسمع منك هاد الهضرة.. نوميديا كتبغي خوك مي كرامتها متسمحليهاش تهضر مع واحد خاطب ونتي عارفاها كيدايرة
سارة: (تنهدت) واخة
صبح الصباح فقت ملقيتش جان حدايا تكيت على العكاز مشيت للطواليط بزز باش قديت نقضي حاجتي وغسلت وجهي خرجت وانا نلقا سارة جالسة شافتني وجات عندي
سارة: (عنقاتني) سمحيلي اختي على البارح راه كنت معصبة
انا: حتى انا سمحيلي عمري فكرت انني نهين خوك.. نتي عارفة بلي انا كانت قرايتي فالمرتبة اللولة وفاش تلاقيت خوك فالمانيا منكدبش عليك بغيتو مي فاش عرفتو كدب عليا انا براسي انهاريت وتعدبت.. الحل الوحيد لي لقيت هو نهرب.. مي فاش رجعت دبا لقيتو خاطب ومن حقو مغاديش نلومو مي متقولوليش نبعدو على خطيبتو حيت الى كان كيبغيني غادي يخليها ويجي عندي بلا مانقولهالو
سارة: عارفة اختي ويكون خير هانا نعيط لياسين يجي يهبطك
انا: اجي بعدا فين جان
سارة: هههه متفكرينيش
انا: اش دار داك المسخوط
سارة: ماشي الصباح كنا جالسين فالجردة حتى نزل ومشا عند باباك باسو اوى تشوفي حالة عمي تبكي بالضحك انا عييت منحبسها فاللخر طلقتها فوجههم.. عرفتي ناض مسح وجهو وهرب مشا بلا فطور مسكين
انا: هههههه وحلة معاه خاصني نقيلو ودنيه
سارة: ههههه نو غير خليه والله حتى فوج عليا مسكين
انا: هههه حمقة
سارة: ياله انا نعيط لخوك
انا: اوكي.... جا ياسين هزني هبطنا لتحت لقيت جان وماما كيموتو بالضحك
انا: صباح الخير.. جلست حدا جان
جان: ( باسني فحنكي) صباح الورد كيبقيتي
انا: مزيان حمد الله ونتي احبيبة
جان: بخيير عرفتي نساليو الفطور خاصني نعاودليك اخر الاخبار
سارة: حتى حنا بغينا نعرفو
جان: (كيتحلون) حبيبي دانييل سولني على فين انا قتلو عندك فالرباط قالي العشية يكون هنا
انا: عليها ناشط
جان: وي مي مغاديش نستسلم ليه بالزربة حتى يعرف قيمتي
سارة: هههه وشووفليك السيد
جان: ومالي احبيبة راه الزين هدا لي قدامك واي واحد يتمناني
انا: اه عندك الحق غير سكتنا خلينا ناكلو.. فطرت وبقيت مسرحة فالفوتوي كنتشمش وكنفكر فحياتي هانا قريت ووصلت فين بغيت وكتر مي فحياتي الشخصية سقطت فيها وضيعت الرجل لي كنبغي وكيبغيني.. تنهدت وانا نوض دخلت بشوية للصالون حتى كنلقا مامات سارة جالسة
م. سارة: كيبقيتي ابنتي
انا: حمد لله نتي لباس
م. سارة: بيخير.. جيت نشوفك وبغيت نقوليك شي هضرة
انا: وي خالتي تفضلي
م. سارة: دبا كيفما كتعرفي ولدي خطب وقريب يتزوج خاصك طلقي نتي وياه راني هضرت معاه ووافق وان شاء الله قريب تمشيو للمحكمة باش كل واحد يشوف حياتو
انا: (حابسة البكية) اه واخة الله يكمل بالخير
م. سارة: امين.. رجعت للجردة ودموعي بداو يطيحو.. منقدرش نتخيلو مع امراة وحدة اخرى.. ميمكنش غادي نموت نهار يتزوج بها😢😢... بقيت جالسة فالجردة ودموعي نازلين حتى تحطات يد على كتفي...
بقيت جالسة فالجردة ودموعي نازلين حتى تحطات يد على كتفي درت لقيتها ماما
ماما: (جلسات وعنقاتني) بكي ابنتي باش ترتاحي
انا: كنبغيه اماما😢😢
ماما: (تنهدت) اعتارفيلو ويلا كان كيبغيك غادي ترجعو
انا: منقدرش اماما.. ماشي انا لي نفرق جوج كنت عوالة نهضر معاه فاللول مي فاش وصلات القضية للزواج غادي ننساحب.. وغير توقف الشركة على رجليها غادي نرجع لكوريا
ماما: وتخليني ابنتي عوتاني😔😔
انا: حرت اماما والله تاعييت هئ هئ😢
ماما: ششش صافي متبكيش عفاك.. كلشي غيكون مزيان
انا: ان شاء الله.... ناضت ماما عند مامات سارة وانا بقيت فالجردة متكية وكنفكر..... وصلات العشية وهو يجي دانييل
دانييل: (عنقني) توحشتك
انا: حتى انا وبزاااف
دانييل: شنو وقع لرجليك
انا: تهرست وصافي.. مالك نتا وجان
دانييل: (بعصبية) هو غير كيشوف شي رجل كيلصق فيه وانا مبقيتش قادر نصبر
انا: (عنقت دانييل) عفاك ديني من هنا انا خايفة ومبغيتش المشاكل
دانييل: (مسحلي دموعي وباسلي راسي) هانا مهدن غير وريهلي
انا: (دورت وجهي لقيتو جالس مخنزر وكارز على يديه) راه هداك لي لابس قاميجة فالزرق... طلق منها دانييل ومشا لعندو شدو شنق عليه وبدا كيضرب فيه
ياسين: (غير شافو وهو ينوض) نوميديا هضر معاك معاذ
انا: كتعرفو دونك داكشي لي قالي صحيح... غير سمعها ياسين ومشا كيجري لعندو وبدا كيضرب فيه حتى هو
ادم: شكوووون هداك هضري
انا: هئ هئ معرفتش... شدها ادم حشاها فيه وهي كترعد بين يديه اما نسرين بقات كتخنزر فيها... فكهوم الناس وجا ياسين ودانييل... دانييل بدون ميهضر خداها من عند ادم هزها ومشا وتبعو جان من اللور
ادم: شكون هداك اياسين
ياسين: (شاد راسو) حتى نكونو بوحدنا ونهضرو
ادم: (شد 100 درهم عطاها لنسرين) تحركي لداركم
نسرين: ياله وصلني نتا نيت
ادم: غادي تحركي من قدامي ولا نصدق مخلطك... نسرين تخلعات وهي تمشي... ياله هضر اصاحبي
ياسين: (تنهد) شوف غادي نعاودليك الحقيقة كاملة مي نوميديا مخاصها تعرف والو
ادم: اوكي هضر
ياسين: القصة بدات فاش ختي كانت عندها 16 العام.. شافها معاذ وعجباتو وجا خطبها من عندي انا مقبلتش حيت هي كانت مزال صغيرة... تما انا زيرت عليها ومكنخليهاش تخرج وديما تابعها حيت خفت عليها... غير كملات 18 وهو يرجع لعندي مي نفس الجواب حيت كان فشكل... من بعد عرفت بلي كان فصبيطار الحماق خفت عليها حيت الطريقة باش كان كيهضر عليها بحال شي مهووس... خفت يديرليها شي حاجة.. وكنت كنبغي ختك عاودتليها باش ترد معاها البال الى مشى حتى شي نهار وقف عليها ولا خطفها على الاقل تعلمني... دازت 3سنين وهاد المرة مجاش عندي مشا عند الواليد لي قالي شنو كاين وحسيت من هضرتو بغا يوافق تما انا مقدرتش نصبر خفت عليها بزااف... عاودت لسارة وهي لي عطاتني فكرة اننا زعما درنا علاقة خارج اطار الزواج حيت عائلتكم عندها اعراف ومنها تزوج نتا بنوميديا على الاقل نرتاح عليها وكنت عوال غير تزوجو نصارحك بالحقيقة باش حتى الى كنتي كتبغي شي وحدة غير تصبر على اختي واحد المدة ياكما لاخور يمشي بحالو وطلقها... فاش مشينا لالمانيا وخديت تيليفونك.. كنت عوال داك النهار نهضر معاها ونشرحليها شنو كاين.. كنت باغي نعتاذر منها.. مي موقعش داكشي لي كنت مخطط ليه عرفتي علاش.. حيت فاش كنت داخل للكافي لمحت داك الحمار كيشوف فيها وكيضحك تصدمت.. بقيت واقف كنفكر شنو غندير عارف ختي عنيدة وبزااف ونتا عارف هادشي.. لقيت حل واحد هو نخطفها... هدا ماكان مي غلطت فالتعامل ديالي معاها... كون تقربت منها وكنا صحاب وعاودتليها على هدا متاكد كانت غادي توافق بلا ماتهرب وميوقع حتى حاجة من هادشي.... كنعتادر منك حتى نتا انانيتي عماتني وخسرتليك حياتك وخليتك مانتا مزوج مانتا مطلق..
ياسين: واخة اختي.. تسندت عليه حيت رجلي مزال كضرني غادية فالطريق وكنتمنا توقع شي معجزة..... بعد دقائق وصلنا للمحكمة... دخلنا وانا نشوفو كان واقف متكي على الحيط وجامع يديه.. جا بوكوص بزاااف تشهيت نعنقو ونتحشا فصدرو بغيت نتخبع فيه... جلسني ياسين فواحد الكرسي ومشا يهدر مع ادم... تسالمو وبقاو كيهضرو وادم كيضحك وانا قلبي كيتحرق شوية عيطولينا جا ياسين شدلي فيدي.. دخلنا جلست بلاصتي وادم فبلاصتو.. دخل القاضي وبدا كيهدر
القاضي: ادم واش نتا موافق على الطلاق
ادم: (بقا كيشوف فيها) اه موافق
القاضي: ونتي امدام نوميديا قابلة
انا: (يدي كيترعدو وحابسة دموعي شفت فيه) اه قابلة... مع هاد الكلمة صافي طلقت من حب حياتي شفت فيه لقيتو خارج مكلفش راسو حتى يهضر معايا... جا ياسين شدني من يدي ومشينا خرجنا وهو يتعرضلينا داك المريض ديال معاذ
معاذ: (كيضحك) مبروووك عليك واخييرا غادي نتجمعو انا وياك.. جا بغا يعنقني وانا نرجع باللور شدو ياسين بدا كيضرب فيه ويعايرو.. اما انا تساطحت مع شي حد درت وانا نلقا ادم.. بالخلعة لي كانت فيا شديت فيديه وتخبعت من موراه وانا كنترعد.... اما هو مدار حتى حركة
ادم: (كيهدر فالتليفون) وي حياتي.... نو هانا جاي شوية ونكون عندك.. اوكي جوتيم اوسي....... سمعت هاد الهضرة وانا نتصدم طلقت منو وهو يمشي بلا مايدور لعندي.. جا ياسين جرني من يدي ركبني الطموبيل وكسيرا... انا غيبت كنفكر غير فداكشي لي سمعت ممتيقاش ودنيا صافي نساني ومبقاش كيبغيني... وصلنا للدار نزلت وطلعت نيشان لبيتي بلا منهضر مع حد.. سديت الباب وجلست كنبكي غير كنتفكرو معاها قلبي كيتقطع... دخلت للدوش تحشيت تحت الما بارد بحوايجي على الله تبرد هاد النار لي فقلبي... خرجت هكاك كنقطر وقفت فالبالكون وبقيت كنتفكر هضرتو كاملة.. شحال من مرة قالي نتجمعو مي كنت كنرفض.. كون رجع الوقت اللور والله مانرفض هئ هئ....... بقيت واقفة والريح كيضرب فيا ودموعي على خدي حتى سخفت
من بعد نص ساعة جات سارة كدق فالباب مي والو حتى واحد مكيجاوب تخلعات عليها وهي تعيط لماماها
سارة: خالتي عييت مندق مي نوميديا مكتجاوبش
ماما: (تخلعات) اويلي عنداك تكون واقعاليها شي حاجة... طلعو كيجريو وبداو كيدقو ووالو وهوما يعيطو لياسين... جا كيجري فرع الباب دخلو لقاوها فالبالكون
ماما: هئ هئ اويلي مال بنتي
ياسين: نوميديا فيقي.. بدا كيحرك فيها ووالو هزها ونزلو كيجريو... داوها للكلينيك وبقاو كيتسناو حتى خرج الطبيب
ماما: عفاك كيبقات
الطبيب: راه ضربها البرد وطلعاتليها السخانة حتى ل40.. المهم راه ضربناليها ابرة كتخفض مي ضروري تبقا هاد الليلة هنا حيت ممكن تعاود طلعليها
انا: مكرهتش... تلاحت على فمو كتبوس وتعض حيدات الشوق ديالها.. اما هو قلبها وجا فوق منها تلاح عليها حتى هو بالبوسان نتاقل لعنقها وصدرها حتى حس براسو مغاديش يصبر وهو يبعد وهو كينهج
ادم: اححح اش كديري فيا
انا: (تزنكت) كون تحشم
ادم: هههه حشومية ياله اجي نعسو... تعانقو وهما ينعسو....... صبح الصباح فاقت نوميديا وهي تلقا راسها بوحدها فالناموسية وياسين ناعس فالفوتوي.. تفكرات ادم وبدات كتبتاسم.. فاق خوها لقاها هكاك وهو يقربليها
ياسين: صباح الخير
انا: صباح النور فين ادم
ياسين: كيفاش فين ادم
انا: راه كنا ناعسين حدا بعضياتنا ياكما فالطواليط
ياسين: (شد يديها) ختي حبيبتي ادم صافي مكاينش نتوما طلقتو وهو راه فدارهم براكة متفكري فيه
انا: هئ هئ لا نتا كتكدب هو جا لعندي وقاليا غير تخرجي من الكلينيك غادي نعاودو نتزوجو
ياسين: ششش راه ادم مجاش وانا الليل كامل وانا حداك... بقات نوميديا كتبكي وتغوت حتى جاو دربوليها ابرة مهدئة عاد ترخات ورجعات نعسات
دازت 2سيمانات ونوميديا غير فالدار رجعات حالتها وكل ليلة كتحلم بيه كيجي لعندها.. مبقاتش قادرة تخرج ولا دير شي حاجة غير جالسة كتخمم فبيتها.. اليوم كيف العادة جالسة حتى تحل الباب ودخلات وحدة مشات نيشان لعندها وهي تهز يديها حتى السما وصرفقاتها
...: تستاهلي كنتي منفخة عليه فاش كان راجلك ودبا طلقتو عاد رجعتي كتبغيه.. غادي تنوضي دبا تحركي قدامي
انا: خليني عليك عفاك
...: واش باغية تحمقيني كنقسم بالله ومتنوضي معايا متعاودي تشوفي وجهي مرة اخرى ونساي شي وحدة كتعرفيها سميتها ملاك
سفيان: ويلي لهلا يوريك سول غير نضال يقوليك... مديتهاش فيهم وبديت كنعوم حتى عييت عاد طلعنا كاملين ومع انا البنت خلاوني نسبق للحمام.. دخلت دوشت بالزربة ولبست اكس وشورت.. خرجت نشفت شعري غير بالفوطة ودرتلو سيروم لي مولفة ندير.. طلعت عندهم وهو ينزل جود من بعد طه ومن بعد سفيان... فاش سلاو كنت وجدت انا الماكلة.. تجمعنا وحطيتليهوم
جود: نتوما خليو عليكم البنت... نوميديا دوزي تجلسي تغذاي راه هادو بقاو بلا شغل
انا: والله الى عندك الحق.... جلسنا كلينا فجو ديال التقشاب والضحك سالينا وهوما لي جمعو داكشي وانا مشيت للمقدمة ديال اليخت تكيت على كرشي وجلست كنفكر حتى جا جود
جود: نقدر نجلس حداك
انا: ويي تفضل... تكا حدايا بنفس الطريقة لي دايرة
جود: سمعت بلي نتي وادم طلقتو
انا: اه للاسف
جود: كتبغيه
انا: (بابتسامة) بزااف
جود: تبغي نعاونك ترجعيلو
انا: اش غدير
جود: انا صاحب ادم وعارف عليه بزاااف ديال الحوايج وكنظن نقدر نفيدك
ادم: لا انا قاد براسي.. جرو جود من يديه وهو كيتلوى ركبو فالطموبيل ومشا لدارو طلعو لواحد لبيت وهو مشا لبيتو... صبح الصباح فاق ادم دايخ وراسو كيضرو شاف فين كاين مفهم والو ناض غسل وجهو وهو يخرج من البيت ضرب فجود كان جاي لعندو.. ضربو ببونية
ادم: الحمااار مبانتليك غير نوميديا يالكلب
جود: (شاد فعينو) خليني نشرحليك اصاحبي
ادم: (معصب) انا ماصاحب حد صافي هادشي لي بيناتنا سالا واخر مرة توريني وجهك.. حيت منضمنش ليك شنو نقدر ندير... ونشوفك قريب من نوميديا غادي نتفاهم معاك.. ضرب فيه وخرج معصب قرب يطرطق....... دازت 2سيمانات
ياسين: ادم سافا
ادم: حمد الله
ياسين: احم انا جيت نقوليك راه نضال عرضنا للعرس
ادم: واش تسطيتي انا نمشي عند جود
ياسين: سمعني نضال صاحب نوميديا وغاالبا غادي تجي تحضر
ادم: (بعد تفكير) وااخة
*عند نوميديا*
وصلت للقاعة شفت ادم واقف مخنزر.. شافني جود وهو يجي لعندي سلم عليا بلابيز غير بعدت عليه وانا نشوفو مزير على يديه وياسين شادو... حسيت بيه باغي يجي يضربنا
جود: زيدي نطلعو عند زينب ونضال
انا: اوكي.. شفت ادم معصب بزاف مالو
جود: هههه مقتليكش فاش جيت للمغرب شدني عطاني العصا
انا: اويلي علاش
جود: حيت شاف تصاورنا وهددني الى قربتليك مرة اخرى غادي يتفاهم معايا
انا: وي مي شحال من مرة شافني مع دراري مي مدار والو
جود: مدار والو فاللول حيت مبغاكش تكرهيه.. ومن بعد gاع هادوك لي كانو معاك يا اما صحابك يا كتعتابريهم خوتك... وهو عارف مزيااان كون كيعجبك شي حد كون درتي معاه علاقة... دونك مهني من جيهتهم وخا يتعصب مي عارف كولشي... ماشي بحال الحالة ديالي انا وياك بالاخص هو شاف الاعجاب فعيني من جيهتك.. يعني دبا غار بالصح مي لي معارفش هو انا عمري نفكر ناخد حبيبة صاحبي اولا حبيبة اي شخص اخر.. تفاهمنا
نضال: (عنقني) حمقة.. هضرنا شوية وهبطت لتحت انا وجود لقيت سفيان واكرم ونهيلة لي كرشها كبرات تبارك الله
انا: (عنقتها) توحشتك بزااف
نهيلة: حتى انا
انا: مبروك والله يفك وحايلك على خير
نهيلة: اميين اختي.... بقيت مجمعة حداهم وكنهضرو ونضحكو وجود واقف حدايا الليل كلو اما ادم كنحس بيه بغا يطير عليا انا وياه.. سالا العرس وودعنا العرسان انا رجعت لداري مع 6 دصباح... غسلت وجهي وطحت نعست
صبح الصباح فقت درت روتيني اليومي وخرجت ركبت اللور وليكارد القدام... وصلت هبطو معايا ودخلنا للشركة... مشيت نيشان للمكتب ديالي... بديت كنخدم حتى دخل عندي بابا
بابا: بنتي
انا: نعام
بابا: كنت بغيت نقوليك راه داك المشروع بدينا فيه مي ضروري تمشي لتما توقفي على الخدمة
انا: مممم واخة هاد العشية غادي نمشي
بابا: اوكي... مشا بابا وجلست كنفكر مشاو gاع المخططات دياولي وانا دبا مسافرة معرفت فوقاش نجي..... كملت شغلي وصلات 12 وانا نمشي للدار وجدت بالزربة الغدا كليت مزيان.. طلعت دوشت وجمعت حوايجي.. لبست وانا نخرج وشدينا طريق مراكش..... وصلنا فالليل مشيت لواحد الدار ديال الشركة... دخلت وهزلي الكارد الباليزة ديالي... لبست بيجامتي ونزلت لقيتهم تقداولي من سوبر ماركت وجدت العشا وعيطليهم دخلو تعشاو ومشاو... اما انا طلعت لبيتي نعست........ صبح الصباح فقت لبست حوايجي ومشيت لبلاصة المشروع بقيت خدامة حتى الليل تغديت غير تما.... وصلت للدار مسخسخة وعيااااانة... دخلت نيشان للدوش بقيت شي ساعة تما كنرتاح عاد خرجت... لبست بيجامة شورط واكس.. نشفت شعري غير بالفوطة ونزلت لتحت نشوف اش غندير.... نزلت وانا نلقا بيتزا فوق الطبلة مشيت كنجري جلست وبديت كناكل شوية حسيت بشي حد وقف قدامي هزيت راسي وانا نتجيف
انا: كح كح كح
....: (عطاني كاس دالما) دبا مزيان
انا: اه شكرا مي شنو كدير هنا
...: جاي نخدم
انا: ممم اوكي وسمحلي على البيتزا انا سحابلي لي كارد لي شراوها
...: نو عادي غير كملي.... جلس قدامي وبدا كياكل وانا حاضية معاه كان لابس غير شورط باينة ياله دوش وشعرو كيقطر على صدرو العاري بقيت ساهية فيه
...: (كيدوز يديه قدامها) افين مشيتي
انا: ا ادم قلتي شي حاجة
ادم: غير شفتك ساهية
انا: لا والو تصبح على خير
ادم: بونوي.... طلعت وقلبي كيشطح دخلت لبيتي وتلاحيت نعست وانا كنفكر فيه.......... صبح الصباح تقاديت هبطت لقيت ادم كيحط الفطور فوق الطبلة
ادم: اجي تفطري بعدا
انا: اوكي ميرسي.. جلسنا كنفطرو وهو مركز مع التليفون كملنا وانا مشيت مع ليكارد وهو مشا بوحدو....... بقيت خدامة من هادي لهادي حتى جا عندي واحد وفيديه الماكلة
الشخص: صيفطهومليك سي ادم وقاليك رتاحي شوية
انا: (اححح اقلبي) اوكي شكرا.... جلست كناكل وكنتلذذ حتى كملت.... ونضت كملت خدمتي....... وصلات 8 رجعت للدار طلعت دوشت ولبست بيجامتي نزلت للكوزينة بديت كنوجد العشا وانا نسمع الباب تحل
ادم: (دخل للكوزينة) بلا ماتعدبي راسك نطلبو العشا من برة
كنت ناعسة حتى ضرباتني الفيقة وحاسة بالحريق والوجع نضت بشوية للطواليط لقيتها جاتني مشيت هزيت اولويز وسليب بدلت وقاديت حالتي لبست سروال حيت كنت لابسة غير شورط.. هبطت بشوية للكوزينة والوجع قاتلني ملقيت حتى حاجة.. بديت كنوجد حليب بالشكلاط المهم شي حاجة سخونة.... حطيت الحليب كيطيب وتكيت فوق الطبلة شادة كرشي
ادم: اش كاديري
انا: (نقزت) اف خلعتيني.. مكندير والو
ادم: (قربلي) مالك واش مريضة
انا: (توترت) لا لا غير تشهيت حليب بالشكلاط
ادم: (هز حاجب) مع 3 دالليل
انا: اه.. شداتني واحد النغزة حتى غمضت عيني وزيرت على كرشي
ادم: (حدر على ركابيه وشد يدها) نوميديا مالك
انا: والو غير سير تنعس
ادم: (فهم بلي جاتها وحشمات وهو يهزها)
انا: فين دايني
ادم: غير رتاحي انا نصاوبليك الحليب بالشكلاط لي تشهيتي.. غمزني وسكت.. طلعني لبيتي ونزل.... ادم وجد داكشي وطلعو دخل لقاها عاطياه بالظهر وكاتلوي كرشها بواحد الشال.. مبغاش يحرجها وبقا واقف حتى كملات وهبطات تيشورت ديالها وهو يرجع اللور بالزربة... عاد دخل
انا: سمحلي عدبتك فهاد الليل
ادم: نو عادي مابيناتناش... جلس حداها وهي كتشرب حتى كملات وخدا من عندها الكاس... كيف كتحسي دبا مزيان
انا: (تزنكت) احم اه شكرا.... حط الكاس وغطاها وهو يدوز من موراها وتحشا حتى هو وعنقها
ادم: (كيهضر بهمس فودنيها) تصبحي على خير اميرتي
انا: (واش سمعتو اش قال ولا انا لي كنحلم) ممم ادم.. درت لعندو.. اش كدير
ادم: (كيلعب بخصلات شعرها) ناعس حداك فيها شي عيب
انا: ممم لا بونوي
ادم: (جبدها لعندو عنقها وزير عليها) نموت فيك الحشومية ديالي
انا: (شفت فيه) هاا
ادم: هههههههه.. ضحك حتى تسدولو عينيه... مالكي
انا: لا والو بونوي... عطاتو بالظهر وبقات كتهضر بينها وبين راسها... اناري مال هدا ياكما كنحلم عوتاني.. بدات كتقرص راسها حتى حسات بيد شداتليها يدها
ادم: هههههههههههههههههه والله حتى حمقة... شدني من يدي جرني.. خرجني للبالكون ووقفني وهو من مورايا دور يديه على كرشي وحط راسو فوسط عنقي.. والريح كيضرب فينا
ادم: حبيبتي سمحييلي على كلشي عارف راسي غلطت معاك بزاف.. وكنت خايب فتصرفاتي معاك... كنت كنحاول نخليك تحسي بداكشي لي حسيت بيه فاش مشيتي وخليتيني كنتعدب... مي غلطت كان عليا نخلي ديك الحمارة ونترما فحضنك ونساو كلشي.. مي انا حمار وعارف هادشي... نوميديا اميرتي وحبيبتي خلينا نبداو صفحة جديدة نساو هادشي كامل.. انا كنبغيك بزاف ومنقدرش نعيش بلا بيك... ويلا مزال كتسولي على هاديك انا فسخت الخطوبة حيت انا ديالك بوحدك....... دورها لعندو لقاها حمرة ودموعها نازلين جرها عنقها وطاحت دمعة من عينو
ادم: ششش صافي احبيبتي عفاك متبكيش... جرها دخلها جلس فوق الناموسية وجلسها فوق رجليه.. كيمسحليها دموعها
ادم: وباركة من البكا عفاك احبيبتي
انا: (كنشهق) حتى انا كنبغيك وسمحلي على gاع داكشي لي درتليك
ادم: (باس يديها) وسكتي دبا من البكا باش نهضرو شويا
انا: (عنقتو) خليني معنقاك شوية بغيت نشبع من حنانك.. شافت فيه ودوزات يديها على وجهو.. بغيت نجرب الحضن ديالك مي بطريقة اخرى.. نجربو وحنا معتارفين لبعضياتنا بحبنا
ادم: (شد يديها باسها) كنحماق عليك... عنقها وحشاها فيه وهي مزيرة عليه... بقاو هكاك ساكتين وكل واحد كيروي العطش ديالو.. حطات نوميديا راسها على راسو
انا: (كتشوف فعينيه) كنبغيك... قرب منها ادم كثر وغاصو فقبلة.. بعدو على بعضياتهم والابتسامة على وجههم...
ادم: مممم بانلي منمشيش بغيت نبقا حدا حبيبتي
انا: بالصح😍😍
ادم: اه ياله نوضي نمشي نلبس كيطمتي ونجي نفطرو
انا: واخة... ناض ادم مشا لبيتو وانا نضت كنقز فوق الناموسية بالفرحة حتى شدني الوجع وانا نتكمش فبلاصتي... دخل ادم جلس حدايا وحط يديه على كرشي
ادم: مزال كضرك
انا: (تزنكت) احم غير شوية... حدر وهز تيشورت باس كرشي حتى طلعات معايا التبوريشة
ادم: الله يشافيك احبيبتي
انا: (مزنكة) امين
ادم: ههههه ياله اجي نفطرو... حطينا البلاطو بيناتنا كناكلو ومرة مرة كيوكلني هو حتى كملنا وناض هز البلاطو نزلو لتحت وانا رجعت تكيت غمضت عيني.. حتى حسيت بشي حد تكا حدايا درت لقيت حبيبي... قربتليه عنقت يديه
انا: ادم
ادم: (كيشوف قدامو) شنو
انا: واش داكشي لي قلتي بالصح
ادم: شنو قلت
انا: مبقيتيش مع نسرين
ادم: (دار لعندها) اصلا مكنتش معاها.. نتي لي فهاد القلب ونتي لي غتبقاي صافي
انا: افف قلقتو... نضت لبست بانطوفتي وخرجت كنقلب عليه.. لقيتو واقف فالجردة وداير يديه فجيابو.. عنقتو من اللور... عند ادم لي كان سارح بتفكيرو حتى حس بيدين محاصرين حدر عينو لقا يديدات صغار بتاسم ابتسامة عفوية..
انا: سمحلي الى قلقتك
ادم: (جبدها رجعها قدامو وهزها حتى تقابل وجهو مع وجهها) متعتادريش نتي قلتي غير الحقيقة
انا: ممم واخة
ادم: (داخل للدار) جاك جوع
انا: اه بغيت بيتزا
ادم: كتعجبك البيتزا؟؟
انا: بزااااف
ادم: وانا
انا: (حدرت راسي) كنبغيك بزااااف
ادم: (باس راسها) وانا كنموت عليك... دخلو وهو عيط دموندا على البيتزا.... بعد دقائق وصلات كلاو حتى شبعو وناضو للصالون.. دارو فيلم وجلسو كيتفرجو وهما معانقين..... دازت سيمانة مابين الخدمة والدار والحب بطبيعة الحال... رجعو بحال المراهقين..... هاد العشية سلتو من الخدمة ومشاو كيتساراو وشادين فيدين بعضياتهم..
ادم: ياكما عييتي
انا: وي اجي نجلسو فشي بلاصة
ادم: اوكي مي نمشيو لشي ريسطو حسن
انا: اوكي.. مشاو لواحد الريسطو دخلو وهو يتعرضليهم واحد مكلف تما
الشخص: تفضلو معايا... سبقهم وهما غاديين موراهم حتى وصلو لواحد الطبلة معزولة شوية على بنادم.. ومزينة بالورد.... جلسات نوميديا عاد جلس ادم مقابل معاها
ادم: (شاد يدها) شنو بغيتي تاكلي
انا: مممم
ادم: (قاطعها) بيتزا صافي عرفت
انا: ههههه وي
ادم: اوكي... جا السيرفور خدا طلباتنا ومشا.. من بعد دقائق تحطات الماكلة قدامنا كلينا..
ادم: (ناض وحدر على ركابيه وفيديه خاتم) نوميديا حبيبتي وقلبي وحياتي وروحي تقبلي تزوجي بيا.. تقبلي نكون حبيبك وسند ليك فالحياة.. تقبلي نتشاركو الحلوة والمرة.. تقبلي نبنيو حياة جديدة فيها غير انا ونتي
صاحبة العيون الزرقاء الجزء السادس
محتوى القصة
التنقل بين الأجزاء